📜قصیدة: [ كلما أشرب الماي ]

🎤أداء الملا قحطان البدیري
🖊الشاعر كرار حسين الكربلائي
◾️ استشهاد الإمام الصادق (ع) - ١٤٣٩ هـ.
——————————
المستهل:

یا شیعه کلما أشرب الماي
بي ألگه منحر جدي و اخضابه
کلما تضیگ ابعیني دنیاي
للطف أروح و أشبگ اترابه
آه أتمنی موتي بکربلا
ــــــــــــــــــــــــــــــ

أنا الصادق تِبچّي الگاع آهاتي
لزیارة احسین أکثر روایاتي
امن أزورن کربلا تسگیها عبراتي
و أسمع بیها ون اگلوب عمّاتي

مو بالفرات أتوضّه بدموع
أبچي و زیارة وارث أقراها
یم گبر الحسین أعلگ اشموع
و ذیچ المناحر أگعد أنعاها

بنوح أقره الزیاره الکامله
آه أتمنی موتي بکربلا
ــــــــــــــــــــــــــــــ

المذبح من أزوره أجذب الحسره
أسمع شوغة حسین ابگطع نحره
مو بس طبره ذبحوا بثنعش طبره
الخیل الراحت و ردت علیه عشره

اهواي الصور و ابخاطري اتجول
عریانه جثة احسین خلوها
ابعاشر محرم عشرة اخیول
بیها اثنعش معصوم سحگوها

ظیم و ابهمي روحي امحمّله
آه أتمنی موتي بکربلا
ــــــــــــــــــــــــــــــ

أزور أنصاره و أذکرها أسامیها
و أطوف اگبورهم و أسجد و أشم بیها
أهل الغیره مشکوره مساعیها
النشامه الواحد و سبعین أحییها

أمشي لحبیب و گلبي مکسور
یم گبره أبچي لشیبته و دمها
بالرایه هوّس یوم عاشور
هذا الکشف عن عمّتي همها

هاي أهل المراجل و العلا
آه أتمنی موتي بکربلا
ـــــــــــــــــــــــــــــ

أطلع من ضریحه و عیني تبچي احساس
فگدنه اشلون عم فوگ النهر یا ناس
اچفوفه امگطّعه و صابه العمد بالراس
صیحوا اویاي واویلي علی العبّـاس

عبّاس تاج الغیره من طاح
میّت و لکن بعده ظل کافل
لمّن سمع بالخیمه الصیاح
عالنهر دخّن راس ابوفاضل

غاب منّه بدر ما أجمله
آه أتمنی موتي بکربلا
ــــــــــــــــــــــــــــــ

بین الخیمه و التل یظل گلبي اینوح
مچان البیه ما خله اعله زینب روح
ما همّتها السیاط ابمتنها اتلوح
تدوّر عن أخوها ابیا کتر مذبوح

صاحت دخیل الله یالحسین
اگعد یخویه حرگوا اخیامك
النیران ماخلت صواوین
عدمن تبات اللیله أیتامك

آخ ظلت غریبه العایله
آه أتمنی موتي بکربلا
ــــــــــــــــــــــــــــــ

و لآخر نفس دمعاتي سچّابه
متت بثیابي و الجد سلبوا اثیابه
انمرد چبدي و لکن مو سهم صابه
و آخر صیحه آیحسین و امصابه

و ابخامس و عشرین شوّال
یا ناس بالسم گطّعوا چبدي
جعفرکم ابآخر نفس گال
یا ربّي عجّل طلعة المهدي





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ آخر رساله ]

🎤أداء الحاج باسم الكربلائي
و الملا قحطان البدیري
🖊الشاعر حمزه السماوي
◾️استشهاد الإمام الصادق (ع)
📆 ليلة ٢٦ شوال ١٤٤٠ هـ.
——————————
المستهل:

آخر رساله امن الگلب عندي
من جعفر الصادق إلی المهدي
واعدتك و باقي علی وعدي
ــــــــــــــــــــــــــــــ

سنابگ همي وگفت فوگ صدري
و سنان أفکاري تاخذ راس عمري
حفر خندق حزن سلمان صبري
و مِلیت الجره من ادموع تجري

لو باقي یوم بعمري أنتظره
و اوگف أخدمه و أرتجي نظره
جدك و أکلمك یالتجي بعدي
ــــــــــــــــــــــــــــــ

ابرغد نامت یبوصالح خصومك
و مُشّرد ثارك ابصحرة قدومك
اشترید اتسوي ماواحد یلومك
الزمن کمّیه و النوعیه یومك

لو عیسی خلفك بالفرض صلّی
یتقبل الله اینادي صوت الله
هذا الشرف یوم الشرف یجدي
ـــــــــــــــــــــــــــــ

علیك ابداعة العصره یمهدي
علیك ابداعة الکسره یمهدي
علیك ابداعة السطره یمهدي
علیك ابداعة الزهره یمهدي

کلش چبیره غیبة الکبری
کلش چبیره زینب الکبری
تعرف مصایبها و بعد تبدي
ــــــــــــــــــــــــــــــ

تجي و خل ترجع الأمّه لأصلها
تره الأصنام مو إلّا بشکلها
یجي القرآن و ایحاسب جهلها
یجي المیمون و ایحاسب جملها

شجر الأراك ایعاتب النخله
لایذ وراها و الغدر سهله
من گطع چف الکافل الجندي
ــــــــــــــــــــــــــــــ

عشت بحساس هالقصه الألیمه
احترگ بیتي و رکضت أستر حریمه
لچن جدك یبوصالح هضیمه
انگطع راسه گبل حرگة الخیمه

مات الحسین و عینه مفتوحه
لخیامه ماچانت علی اجروحه
کل همّه زینب تفتهم قصدي
ــــــــــــــــــــــــــــــ

یجي یوم الشهد و الغیبه مُرّه
و ترد زینب عزیزه و هیه فتره
و أبوهارون یصعد شعر یقره
و سوه نبچي علی المگطوع نحره

و ابطور العراقي یقره أبیاته
و موکب محرّم عندي رایاته
و منتظرك آنه أبقی ابوسط لحدي






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ يتيمة علي ]

🎤أداء الملا قحطان البدیري
🖊الشاعر محمد البطحاوي
📆 ليلة ٢١ رمضان ١٤٤٠ هـ.
——————————
المستهل:

یحیدر تنتظر جیتك یتیمه
شفت برسومها امبینه الهضیمه
گلتلها اشتنطرین
گالتلي أبوحسین
یتیمه ... یتیمه
ــــــــــــــــــــــــــــــ

بچیت و جاوبتها اشعندچ اویاه
گالت واعداني
ابّدلت عید گال ایجیبها الیوم
لهسّه ما إجاني
الماناسیله طیر ابقمة اجبال
ماصدگ نساني
الحضر من المدینه ابدفن سلمان
مایوصل مچاني

نزلت دمعتي وماگلت چلمه
شجاوبها التنطرك یبوالیمه
أگلها ماخذه البین
گالتلي أبوحسین
یتیمه ... یتیمه
ــــــــــــــــــــــــــــــ

أسمعها تردد بسمك اهواي
و تگلك بویه وینك
امأخّرتك علي مصلحة الأیتام
أدعي الله یعینك
عطر چفك براسي لهسّه موجود
من مسحة یمینك
ابّحر الشوگ غرگانه اعله ملگاك
علي مدلي إدینك

تگلك یا علي احتاجیت جیتك
أگبل عیدنه اتعاید ابنیتك
أبونه اتگول چاوین
گالتلي أبوحسین
یتیمه ... یتیمه
ــــــــــــــــــــــــــــــ

إجانه ابلیله چانت شیخها الجوع
او وکّلني بچفوفه
احنه ابّیتنه و صرناله خطّار
و اهو ایدلل اضیوفه
أول مرّه أشوفن واحد ابلیل
یخاف أحد یشوفه
یجي املثّم یزور ابیوت الأیتام
و أکلهم علی اچتوفه

شگد تجّار تسمعنه بچینه
من الجوع ماواحد یجینه
ابوجوده الفقره عدلین
گالتلي أبوحسین
یتیمه ... یتیمه
ــــــــــــــــــــــــــــــ

إذا تندل مچانه أرد أوصّیك
بحچایه لحیــدر
خشم الحنطه گله الیوم مرفوع
و التاجر تکبّر
و اشوف اهوای فقره الیوم بالسوگ
و علی البیبان تفتر
و متیتمه اذاني صار یومین
من اللهُ أکبر

گله الجوع رد اعله المدینه
و اگلوب الیتامه اتصیح وینه
گله صار یومین
گالتلي أبوحسین
یتیمه ... یتیمه
ـــــــــــــــــــــــــــــــ

بس گلتلها مات اتگوم و اتطیح
او بیّن بیها جرحك
علي کلشي ابوجها اتغیّر اعلیك
امغزر بیها ملحك
چبیره امن البواچي صارت اعلیك
الچانت بیك تضحك
علی أنوار السمه یم وجهك اشموع
یالمعتلي اشوضحك

تمنت موتها کون اویه موتك
شله ابعیشته الماسمع صوتك
راح اهواي تبچین
گالتلي أبوحسین
یتیمه ... یتیمه





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ سلطان المجد ]

🎤أداء الملا قحطان البدیري
🖋الشاعر واثق العیساوي
📎میلاد الإمام الرضا علیه السلام
--------------------
المستهل:

سلطان المجد و العزه معناك معناك
مشهد ماتصیر الجنّه لولاك لولاك
بسمك شرّفتها و ما یوم اگصدتها
لولاك لولاك
⭐★⭐🌼⭐★⭐
۱/
یگولون الفرح لو دگ علی الباب یجیبلنه الأماني
و أیام العمر ابّین الأحباب محسوبه بثواني

و أیام العشتها من عمري و شفتها
مو منّه احسبتها تمر طیف الأفراح
الفجر لمّن أزورك یغسل وجهي نورك
فرح همّي و سرورك و لا عیش بالجراح

کل خطوه ابضریحك جنّه مولاي مولاي
أحس طعم العسل من صحنك الماي الماي
دواي و أمنیاتي و لا معنی لحیاتي
لولاك لولاك
⭐★⭐🌼⭐★⭐
۲/
إجیتك و الیجیك امفارگ الناس یا دنیا التِلِمّه
أشِمَّنّك نفس بس غیر الأنفاس عطر الجنّه أشِمّه

بضریحك لیل أتاني ملاذي و بي کیاني
عفت دمعه بمکاني تنادیك و تحاچیك
رساله و بیها اسمي أخطّها و حبري دمّي
کتبت اعلیها همّي و الهموم تبچیك

من أشکي بضریحك أرفع الراس الراس
ترضه اشلون أعوفك و أشکي للناس للناس
صعبه و إنت موجود درب الوفه مسدود
لولاك لولاك
⭐★⭐🌼⭐★⭐
۳/
أثر جدمك إذا ظل فوگ التراب یبو محمّد کرامه
و نور ابگُبتك یا نسل الأطیاب للتایه علامه

ذهب في محتواها شمس تشرق ضواها
کل اللي إجاها بالهموم و الدموع
بالهم گضّه عمره و تعب من کثر صبره
الحسره اتچوّي صدره و الآهات بالضلوع

بحیاتك و بمماتك تسمع الآه الآه
و الیتعنّه لیك اشلون تنساه تنساه
مضیفك دومه مفتوح و أبد ماتطیب الجروح
لولاك لولاك
⭐★⭐🌼⭐★⭐
٤/
إجیت و مولدك چن عالسمه ایدور ضوّاها اللیالي
مو کل نور مثلك ینحسب نور لا والله یغالي

کل الکون فرحان یردّد اسمك آذان
یا وارث القرآن بالورود أهنّیك
اللیله بفرحة العید ویّه الحب مواعید
بعین العالم اجدید بمولود فرح بیك

ابیات الفرح أقراها آیات آیات
هیهات الیحبك ینسه هیهات هیهات
اشلون المثلك أنساه أعیش ابغربه و ابآه
لولاك لولاك
⭐★⭐🌼⭐★⭐
۵/
أحاچي اجروحي أگلها ها یالجروح یمته الفرح یمته
تگلي للرضا و ابمشهد انروح دواه انشوفه کلنه

الجنّه اتطفي کل نار یَسِرّ و شایل أسرار
أوصفك بیش محتار بمولودك شنادیك
باچر یوم الإحساب أریدن منّك اکتاب
تسجّلني اویه الأحباب یمولاي أمل بیك

باچر عطرك علی اهدومي یلگوه یلگوه
یعرفونك شفیعي و ذنبي یمحوه یمحوه
متخلّيني محتار وحدي و أدخل النار
لولاك لولاك




• الّلهُـمَ صَل عَلَی مُحَمّد و آل مُحَمّد 🌹
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ آخر رساله ]

🎤أداء الحاج باسم الكربلائي
و الملا قحطان البدیري
🖊الشاعر حمزه السماوي
◾️استشهاد الإمام الصادق (ع)
📆 ليلة ٢٦ شوال ١٤٤٠ هـ.
——————————
المستهل:

آخر رساله امن الگلب عندي
من جعفر الصادق إلی المهدي
واعدتك و باقي علی وعدي
ــــــــــــــــــــــــــــــ

سنابگ همي وگفت فوگ صدري
و سنان أفکاري تاخذ راس عمري
حفر خندق حزن سلمان صبري
و مِلیت الجره من ادموع تجري

لو باقي یوم بعمري أنتظره
و اوگف أخدمه و أرتجي نظره
جدك و أکلمك یالتجي بعدي
ــــــــــــــــــــــــــــــ

ابرغد نامت یبوصالح خصومك
و مُشّرد ثارك ابصحرة قدومك
اشترید اتسوي ماواحد یلومك
الزمن کمّیه و النوعیه یومك

لو عیسی خلفك بالفرض صلّی
یتقبل الله اینادي صوت الله
هذا الشرف یوم الشرف یجدي
ـــــــــــــــــــــــــــــ

علیك ابداعة العصره یمهدي
علیك ابداعة الکسره یمهدي
علیك ابداعة السطره یمهدي
علیك ابداعة الزهره یمهدي

کلش چبیره غیبة الکبری
کلش چبیره زینب الکبری
تعرف مصایبها و بعد تبدي
ــــــــــــــــــــــــــــــ

تجي و خل ترجع الأمّه لأصلها
تره الأصنام مو إلّا بشکلها
یجي القرآن و ایحاسب جهلها
یجي المیمون و ایحاسب جملها

شجر الأراك ایعاتب النخله
لایذ وراها و الغدر سهله
من گطع چف الکافل الجندي
ــــــــــــــــــــــــــــــ

عشت بحساس هالقصه الألیمه
احترگ بیتي و رکضت أستر حریمه
لچن جدك یبوصالح هضیمه
انگطع راسه گبل حرگة الخیمه

مات الحسین و عینه مفتوحه
لخیامه ماچانت علی اجروحه
کل همّه زینب تفتهم قصدي
ــــــــــــــــــــــــــــــ

یجي یوم الشهد و الغیبه مُرّه
و ترد زینب عزیزه و هیه فتره
و أبوهارون یصعد شعر یقره
و سوه نبچي علی المگطوع نحره

و ابطور العراقي یقره أبیاته
و موکب محرّم عندي رایاته
و منتظرك آنه أبقی ابوسط لحدي






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ خذوا قلبي ]

🎤أداء الملا قحطان البدیري
🖊الشاعر مصطفى الصائغ الكاظمي
◾️استشهاد الإمام الجواد (ع) - ١٤٣٨ هـ.
——————————
المستهل:

خُذوا قَلبي .. فَجُرحُ المُصطفی في شبلهِ جُرحي
کما ینعاهُ أنعاهُ .. و أبکي عندَ مثواهُ
خُذوا قَلبي
ــــــــــــــــــــــــــــــ

یمن مدمعکم اتسایل
شبه غیم السمه الماطر
و صُبَح کل واحد ابلهفه
لعوالم محنته ایهاجر
لمصاب المنکتب اسمه
ابجبین المصحف الطاهر
اجیت و گلبي بچفوفي
حملته و بالحزن حایر

لأرمیهِ .. علی نعشِ الجوادِ الطُهرِ بالحُزنِ
و أجثُ عندَ یُمناهُ .. و أبکي عندَ مثواهُ
خُذوا قَلبي
ــــــــــــــــــــــــــــــ

ابخوالج کل نفس تعشگ
صور للآه مرسومه
و بین الیحب و المحبوب
مشاعر جَمّه مکتومه
و أنا ابهذا الشعور الیوم
أواسي الهادي بهمومه
و أحاور لوعته ابلوعه
جفن عیني الهجر نومه

بأجفاني .. حِوارٌ للأسی بالدمعِ و الوَجدِ
سأغدو من ضحایاهُ .. و أبکي عندَ مثواهُ
خُذوا قَلبي
ــــــــــــــــــــــــــــــ

صدگ صح المَثَل من گال
عین العاشگ اتفضحه
و أنا امذارف دمع عیني
العشگ شبل النبي اتوضحه
و لَوَن لیل المصاب ایمر
أواصل بالدمع صبحه
و أنوح لفگده و أتمنه
تناثر گلبي یم جرحه

فأحزاني .. کسیفٍ نابتٍ ما بینَ أضلاعي
عَسی بالموتِ ألقاهُ .. و أبکي عندَ مثواهُ
خُذوا قَلبي
ــــــــــــــــــــــــــــــ

أشد اجروحي بجروحي
و أکف الدمعه بالدمعه
و أصیح ابصرخة الفاگد
یناعي الموت لا تنعه
یا مهجة گلب تگدر
تصبر لمّن اتودعه
و یا چف بالألم و النوح
یحمل نعشه و ایشیعه

فذا جُرحي .. نزیفٌ یعبِرُ الأزمانَ و الدهرا
لِیَحدوا بي لِرُحباهُ .. و أبکي عندَ مثواهُ
خُذوا قَلبي
ــــــــــــــــــــــــــــــ

یمن تتسایر بدمکم
مودّة عترة المختار
أرید اویاکم اللیله
أنوح لتاسع الأقمار
عگب محنة أبوالهادي
عسن لا طالت الأعمار
و عسن دلالي یتگطع
بخناجر حزنه و الأعبار






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ آتيناه الحكم صبيا ]

🎤أداء الملا قحطان البدیري
🖊الشاعر ميرزا عادل أشكناني
◾️ استشهاد الإمام الجواد(ع) - ١٤٣٩ هـ.
——————————
المستهل:

عاش رضيَّاً مات رضيَّا
محمودَ العُقبىٰ مرضيَّا
و كيحيىٰ عاشَ ولا عجبٌ
{ آتَيْناهُ الحُكْمَ صبيِّا }
ــــــــــــــــــــــــــــــ

هذا قانون الخليقه و الأمُر فرْض اْو تحتَّم
لازم اِعْله الناس حُجَّه اِيكون و اِعليها ايتِقَدَّم
للعُمُر ماكو اِعْتبار اْو هاذي حِكمه البيها نِعْلَم
و إخذ شاهِد عندي يحيىٰ اْو غيره هَم عيسىٰ ابْنُ مريَمْ

و جوادُ العِترَةِ إنْ قِـيـسَا
أعظمُ منُ يحيىٰ أو عيسىٰ
و أبوهُ عليٌ لا يُجهَـلْ
أعلا قدْراً مِن زكَـرِيَّا
ــــــــــــــــــــــــــــــ

ذوله أهَل بيت النبوَّه كلشي مرهون ابأمرُهم
الكون و الما بيه كِلَّه مثِل قطره ابنُص بحَرهُم
ألله من دَوَّر خُزانه اِستوْدَع أسراره ابصدرهُم
و اللّي كبَّرهم فضلهم ما يصغّرهُم عُمُرهم !

فَمُحَمَّدُ من آلِ محمّدْ
فيهِ نوِرُ اللهِ تجسَّد
و كذا زكّاهُ وَ طهَّرَهُ
فغدا صِدِّيقاً عَلَوِيَّـا
ــــــــــــــــــــــــــــــ

ازغير عُمره او رغم هذا چانت أفعاله چبيره
الوحي ما ياخذ قراره إلا ينزل يستشيره
چان سيَّد بني هاشم يحكم ابعين البصيره
اْو رغًم تسْع اسنين عُمره منحِسب شيخ العشيره

رُبَّ صغيِرِ السِّـنِّ كبيرُ
ليسَ لهُ في الخَلقِ نظيرُ
أفضلُ أهلِ الأرضِ لذلكْ
سُمِّيَ عِندَ اللهِ تقيَّا
ــــــــــــــــــــــــــــــ

من زغر سنِّ الجواد او چان من الناس أعلَم
ابْمجلس المأمون چنَّه اِلْسان ألله لو تكلَّم
يحچي بالحكمه المُبينه او غيره من يحچي ايْتِلَعْـثَـم
اْو مِنّه ميْهِزّون شَعره ألِف من ( يحيىٰ ابْنُ أكثَم )

ذا إسْمُ الرَّحمنِ الأعظَم
صلَّىٰ اللهُ عليهِ و سلَّم
مَن ذا بالعِلمِ يبارِزُهُ
إذْ اُوتِيَ عِلْماً لَدُنِيَّا
ــــــــــــــــــــــــــــــ

اشما كبر عُمْر الإمامِ اشْما كمل هالنُور عنِده
تكبر اعليْه الضغينه و المعادي ايزود حِقده
اعيون حَمره اِعليه تِشبَح عالكمال البي تِحِسْدَه
اْو بدَل ليْجازونه گام الْـ مُعتَصِم سمَّم له چبده

كم قاسىٰ بالسُّمِّ و عانىٰ
أنواعَ البَغْيِ و ألوانا
فعليهِ مِنَ اللهِ سلامٌ
يومَ يموتُ وَ يُبعث حَيَّا






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ صوت الشعائر ]

🎤أداء الملا قحطان البدیري
🖊الشاعر واثق العيساوي
◾️استقبال شهر محرم ١٤٤٠ هـ.
——————————
المستهل:

صوت الشعائر من المنابر
تحیا الضمائر هنا
الأمرُ أمري و الصدرُ صدري
و الدمعُ یجري هنا
لِما هذا العداء لِقیام العزاء
ــــــــــــــــــــ

یالتعترض ظل اعترض بآرائك المتکرره
هیه العقول اتنوعت ممکن فحم لو جوهره
تسألني عن معنی الحزن شیفید دمعك لو جره؟!
جواب جواب!
لو عیني عافت دمعتي و لحسین لو ماطاحت
شلي ابنظرها و تنعمي لو بطلت ماناحت
دنیه و بلا مجلس عزا یا روح بیها ارتاحت؟!

وَ تَضِجُّ السَماء لِقیام العزاء
ــــــــــــــــــــ

یا من تشکك باللطم و احیاء أمر الواقعه
و اتلومني بضرب الصدر و اتگلي مابي منفعه
صدر الحسین اللي أعز لو صدري وکت الفاجعه؟!
جواب جواب!
الخیل لو سحگت جسم حتماً تهشم اعظامه
و ألطم أرید أکسر ضلع و أضرب و أدگ عالهامه
و أدري الحوافر بیها ألم أقسی و أشد من قامه

و بِلَطمي نِداء لِقیام العزاء
ــــــــــــــــــــ

صوت البکاء الیزعجك للحزن ینصب مأذنه
و صوت الصراخ اویه الجزع بس للحسین انعنونه
بصوت المناحه انجاوبك کل سنه ایزود اعله السنه
جواب جواب!
من تفگد اگبالك شخص کلش عزیز و غالي
ماتبچي ماتصرخ حزن ما صوتك ایصد عالي
چا هذا الحسین و یظل لیه الجزع یحلالي

سَیَدومُ البُکاء لِقیام العزاء
ــــــــــــــــــــ

و اتلومني أمشي بجدم حافي و أروح لکربلا
بالأربعینیه و تذم صوت المواکب لو عله
و اتگول سدیتوا الدرب و اتناقش ابهالمسئله
جواب جواب!
بجدامي رایح معتني مرتاحه خلها اجدامك
و لو زاعجك سد الدرب میة درب گدامك
لکن یظل هذا الحقد مستوطن بأقلامك

و یَزیدُ البلاء لِقیام العزاء
ــــــــــــــــــــ

کلمن علینا معترض هذا الأمر واضح جلي
المهدي خلیفه بهالأرض صاحب أمر لیك و إلي
یعني الأرض کلها لعلي و لأولاد أبوالحمله علي
جواب جواب!
کلنا خدم عدهم إذاً نتباها لو قبلونه
خدام أسیاد الأرض شمحلاهه لو سمونه
دستور عدنا زینبي هیهات ما تمحونه

سَیَدومُ الولاء لِقیام العزاء






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ دمع ناسك ]

🎤أداء الملا قحطان البدیري
🖊الشاعر علي مخيلف
◾️استشهاد الإمام الجواد (ع) - ١٤٤٠ هـ.
——————————
المستهل:

دمع ناسك بحر ما شالته کل الصحاري
یغالي ابنومتك شبعت ضوه شمس الظهاري
حبیبي یالجواد إمامي یالجواد
ــــــــــــــــــــ

مابین اجروحك و اسنینك کلك لچمه و آه
المثلك ماشایفته الدنیه تتعب ما تلگاه
ما موجود ابهذا الکوکب ابوکتك لا والله
تندب لحسینك لیلیه ماتگدر تنساه

شاب و شیّبت عمرك خلص مانشفت العین
عله السانك بقت چلمة حزن یا جدي یحسین
حبیبي یالجواد إمامي یالجواد
ــــــــــــــــــــ

شمس الله بصدرك محتاره مولاي اشسویت
ماعرفوك ابذیچ اللحظه من الله ادنیت
مصهور و من جسمك بیّن معدن أهل البیت
مثل الورده اتطشّر عطرك من الدنیا اشلمّیت

تابوتك نده و ما شالته مولاي المتون
انته أول بشر مات و لگه تابوته العیون
حبیبي یالجواد إمامي یالجواد
ــــــــــــــــــــ

تبچي و وناتك مذبوحه بیك اشگد حسرات
من دمعك عینك مجروحه طاحتلك خیمات
بضلوعك نار و ماتطفه منها و گلبك مات
چي عمتك زینب حسبوها من المسبیات

الله ایساعدك عمتك مشت مسبیه للشام
البصدرك یطب لا مو هوه تتنفس اسهام
حبیبي یالجواد إمامي یالجواد
ــــــــــــــــــــ

وجهك ذبلان و متعذب ضامي و گلبك راح
تبچي و تنحب چنك مغرب ماتگدر ترتاح
عقلك یرسم صورة عمتك ترکض بین ارماح
نسوان و ایتام امسابگ هوسه و صوت اصیاح

الیفگدله بشر یبقه یون لیله و نهاره
تعرفه امن البچي من ینهضم و بگلبه ناره
حبیبي یالجواد إمامي یالجواد
ــــــــــــــــــــ

سهران و کل عمرك تندب و نومك شابع نوم
مجروحه أیامك ماتمشي کل عام ایمر یوم
کل ذکره امن احسینك توجع مهموم و مسموم
غیر الموت بذاك الموقف شیداوي الملچوم

مکتوب الذبح عالمنجرح یگضیها آهات
یهل بیت النبي کل العمر یخلص حرامات
حبیبي یالجواد إمامي یالجواد






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ شعار مسلم ]

🎤أداء الملا قحطان البدیري
🖊الشاعر كرار حسين الكربلائي
📆 ليلة ٥ محرم ١٤٤٠ هـ.
——————————
المستهل:

علی قصر الإماره رفع مسلم شعاره
کل أرواحنا فدوه لأبوالسجاد
ــــــــــــــــــــ

هاي الدنیه مثل الطیف
وکت الموت منها اتفز
لا تختار موت الذل
بیها اختار موت العز
مسلم إقره تاریخه
بعین الباصره و رکز
تلگاه مثل الفجر و لیل
لازم موقفه یبرز

مثل موسی اعله طوره
سطع بحسین نوره
کاتبها اعله نحره و تنقره انشاد
کل أرواحنا فدوه لأبوالسجاد
ــــــــــــــــــــ

کل حر کل أبي و ثائر
عمره و موقفه یکبر
فاز الیتبع أهل الراي
راعي الراي مایخسر
مسلم چان بالکوفه
هو و سیفه و المنحر
ثبّت موقفه ابدمه
هذة تربیة حیدر
(گول ابکل شهم یظهر
هذة تربیة حیدر
یفدي بالجهاد انحور
یقدمها مشاعل نور
حتی الـ بالسبي و تتکفل الخدر
هذة تربیة حیدر)

نعم هاي العشیره
مواقفهم چبیره
الدنیا بلا حسین ایصیح ماتنراد
کل أرواحنا فدوه لأبوالسجاد
ــــــــــــــــــــ

مسلم کل سنه انشوفه
ضوه ایکحل نواظرنه
مسلم بس تگول إسمه
تتنفس مشاعرنه
علمنه الیموت ایعیش
و اتخلده منابرنه
أول نحر دمه ایصیح
(یحسین بضمایرنه
صحنه بیك آمنه
لا صیحة عواطف هاي
لا دعوه و مجرد راي
هذة من مبادئنه
صحنه بیك آمنه)

وفي من البدایه
حسیني للنهایه
و احنه اویاه نادینه علی المیعاد
کل أرواحنا فدوه لأبوالسجاد
ــــــــــــــــــــ

مسلم عنده بس طوعه
بس طوعه بألف زلمه
من صاحتله حیکم صار
کالبرکان شیلمه
حد ما غدروا بمسلم
السیف ابیمنته ذمه
الگید بچفه و اینادي
ما أترك أبوالیمه
(گطعوا من إدینه اچفوف
عنك ما منعنه الخوف
من الألم ما صحنه
صحنه بیك آمنه)

هلا و حي الله مسلم
صور للغیره یرسم
إبن المجد خلّد صیحة الأمجاد
کل أرواحنا فدوه لأبوالسجاد
ــــــــــــــــــــ

مُصلح مستقل ناصح
مثله ابهل وکت قِله
مقیاس الیحب احسین
لازم یرفض الذله
شاف الحکم بسم الدین
باگ العنب و السله
اتوجه للمدینه و صاح
إشهد یا رسول الله
(خُذ یا محمد عالأمه اشهد
هذة عترتك هذة مصارعها
هذة أمتك أنظر لواقعها)

قره سیفه قصیده
و نعم یا بوحمیده
کون اتصرّح الرادت تعیش أسیاد
کل أرواحنا فدوه لأبوالسجاد






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ عشق علي ]

🎤أداء الملا قحطان البدیري
🖊الشاعر واثق العيساوي
📍عيد الغدير ١٤٤٠ هـ.
——————————

یا هَوی الروحُ و کُلُّ الأملِ
أنا ما کنتُ بِلا عِشقِ علي
فرحتي أنتَ و أنتَ الأمنیات
و نَقاءُ الدمعِ تحتَ المُقَلِ
ــــــــــــــــــــ

منذُ إن کنتُ صغیراً و هواك
بلسمُ الجُرحِ و شافي عِلَلي
قَدَري أنتَ و ما أحلی الغرام
أن یَکُن قلبي بعشقٍ مُبتلي
ـــــــــــــــــــــ

أنتَ عَبّدتَ السماواتَ دُعاء
و رَسمتَ الدربَ للهِ جلي
طوعُ کفّیكَ مساراتُ النجوم
و علی صدركَ ربٌّ یعتلي
ــــــــــــــــــــ

کنتَ تعطي حیثُ لا یُعطي سواك
خاتمَ القُربی لِغوثِ السائلِ
وجهُك المحجوبُ عن وجه الفقیر
کُلّما زاد احتجاباً یعتلي





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ ماريد أنصح أحد ]

🎤أداء الملا قحطان البدیري
🖊الشاعر السید عبدالخاق المحنه
◾️استشهاد الإمام الجواد(ع) - ١٤٤٠ هـ.
——————————

مارید أنصح أحد و لنفسي راید نصح
مارید عفیه و نعم لارید منك مدح

راید فقط تستمع مو صوتی صوت الجرح
لو شفت ماصخ حچي خلیك محضر ملح

الغیبه دافع نقص و ابلیس ماینّصح
و حسین راید خدم مکشوفه مثل الصبح

مایحب طعن الظهر و ایرید گلب السمح
لتگول آني و فقط و تکبر علی المنچبح

الغیم مهما مطر مایکشخ اعله الفلح
لاتظن غیرك خسر لو شفت عندك ربح

خلیك بالمستحه لو شفت غیرك چبح
خلیك خادم صدگ و ایاك وصلك یشح

لو شفت خادم وگع ارکضله و انطی جنح
خلك منافس لجل تاخذ رضی المنذبح

یستحق منك وفه راس الّذي عالرمح
عیش اویه زینب سبي دمع السبي مایشح

عیش ابرماد الخیم تاریخ ما ینمسح
حسین وحده الّذي بیده الأمر یتضح

مره یرفعك جبل مره ینزلك سفح
ینطیك جاه و بخت و اسمك یخلي صرح
و الحقد مثل السهم و یصیب راس ابرمح
ـــــــــــــــــــ

اشتظن چف الطعنني أرجه منه
رماني و چان ضنه أرجه منه
الیصب حقده اعله خادم أرجه منه
یرد سوط الشمر عن السبیه






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ تاسع جرح ]

🎤أداء الملا قحطان البدیري
🖊الشاعر السيد معتز الحسيني
◾️استشهاد الإمام الجواد (ع)- ١٤٤٠ هـ.
——————————
المستهل:

ماعندي عین و شوفي بالمنحر
امن الطف اجیتك أمشي و اتعثّر
عیّشني جرحك طیحة الأکبر
ــــــــــــــــــــــــــــــ

عاده امن الطفوف ابتدت عندي
گبل الموت أحضر موت ولدي
اجیتك و النحر سویته خدي
و جبت بیدي شمع ماجیت وحدي

صینیة القاسم مشیتلها
و شمعه خذت یم جسمك اشعلها
گلبي لمصابك ناره تتوجر
ــــــــــــــــــــــــــــــ

نظرتك شاب أزغر من مماته
و ذکرت ابني علي و حیرة خواته
الهجر و الدمعه و الهم و الشماته
مشه و کل ذني ظلن ذکریاته

لجرحك و جرحه تجري دمعاتي
چانت اعیونه بگد معاناتي
حگي اعله ولدي أبقه اتحسّر
ــــــــــــــــــــــــــــــ

یتاسع کوکب امن أقدس عشیره
چبیره اجروحي و الفرگه چبیره
الیشوف اولیده میت یبچي حیره
تره جرح الولد ماکو نظیره

یا موت کافي ارحم بحالي
مو تدري صعبه فرگة الغالي
تاسع جرح هذا و بعد أکثر
ــــــــــــــــــــــــــــــ

خریف الفرگه ذبل لون غصني
متت عطشان مثلي أدري یبني
جرحك جزء من أجزاء حزني
ابطور الطف علیك الیوم وني

خلیني اگلك و الدمع یجري
حیلتي قلت و انکسر ظهري
ما طاب ظهري یبني و اتکسّر
ــــــــــــــــــــــــــــــ

گرب عاشور و انته ترید ترحل
علیك ابهالسنه العزیات تسأل
چنت وکت اللطم الگاك أول
یومیه لمصابي تقره مقتل

چنت لمحرم تنطي روحیه
تبچي اعله عمتك لأن مسبیه
یسأل علیك ابهل سنه المنبر






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ لماذا انت ]

🎤أداء الملا قحطان البدیري
🖊الشاعر واثق العیساوي
💽 اصدار #لماذا_انت محرم ١٤٤١ هـ.
——————————

لِماذا أنت؟!

سُؤالٌ صارَ یُسمِعُني صراخَ الصَمت
و یأخذُني إلی وطنٍ بهِ یا سیدَ الدنیا وحیداً کُنت
إلی طفٍ بهِ ناجیتَ ربَّ الکون خُذ ما شئت

و إسمُكَ حینَ أسمعهُ تدوسُ الخیلُ في صدري
یَموتُ الغیمُ في عَیني یَجِفُّ المَاءَ في ثغري
خیامٌ في مُخَیّلتي و نیرانٌ بها تسري
و أمشي حیثُ لا أدري و أمضي حیثُ لا أدري

و أبحثُ في دروبِ الحُزن أسیرُ و دمعتي تجري
خُطیً فیها رکضتُ إلیكَ حملتُ الآهَ في سِري
أراكَ غُروبَ أیامي و لَونَ الحزنِ في فجري
حکایا الرمح تَغمُرني و ألمسُ حینها نحري
و أصرخُ یا حسینُ الصبر لِماذا أنت؟!

لِماذا ثغرُكَ الضامي یُروّي حُزنَ آهاتي
و یُشغِلُني بهِ دَوماً بِصَحوي أو بأحلامي
تُری ما سِرُّ هذا الحُزنِ علیكَ و سرُّ آلامي
لِأکتُبَ فیكَ أشعاري و یَنزِفُ حِبرُ أقلامي

کما دَمُكَ الّذي یجري علی صَفَحاتِ أیامي
أیا جسدٌ أیا قمرٌ سقطتَ بطفِكَ الدامي
أجِب تَرجوكَ أسئلتي لِماذا أنت؟!





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ يوميه انذبح عالتل ]

🎤أداء الملا قحطان البدیري
🖊الشاعر محمد الفاطمي
◾️ استقبال شهر محرم ١٤٤١ هـ.
——————————
المستهل:

یا عاشور بیش أستقبلك حایر
بیّه اثنعش طبره و لیلة العاشر
اویه عبدالزهرا و المقتل
یومیه أنذبح عالتل
بیش أستقبلك حایر
ــــــــــــــــــــــــــــــ

کل لحظه التمر عایش حسین اویاي
و اخجل و اختنگ کلما نظرت الماي
بیش أستقبلك هیه المصیبه ابهای
انت اشوکت رایح حتی اگولن جاي

حزني اویاك لحظه بلحظه یتجدد
راح أنزع الأسود و ألبس الأسود
شتتوقع شنو اتبدل
یومیه أنذبح عالتل
بیش أستقبلك حایر
ــــــــــــــــــــــــــــــ

وي زینب عشت من الخیم للشام
خاف اتضیع کل ساعه أحسب الأیتام
أظل سهران سهر اسنین مو أیام
امن اتذکر أم عون بخرابه اتنام

اتعثّر و أطیح بمیلة الناگه
و الکافلها ذابح زینب افراگه
لزینب أنذبح و أعدل
یومیه أنذبح عالتل
بیش أستقبلك حایر
ــــــــــــــــــــــــــــــ

باحساس العلیله بخنگة المغرب
تفرفح دمعتي من موکب لموکب
أنا راعي مصاب و واگف امعزّب
اشلون أبرد و نار الخیم بیّه اتشب

أسمع ونه و أعرف ونة الغالي
صوت الدمعه من فوگ الرمح عالي
راس اعله الرمح رتّل
یومیه أنذبح عالتل
بیش أستقبلك حایر
ــــــــــــــــــــــــــــــ

اشلون انسه الحسین اشلون ماذکره
شمر متخوصر برجله رفس صدره
المصیبه بسیفه و بکیفه یحز نحره
بعد اشلون ماحس بثنعش طبره

شبحت عینه و دمعته اتسولف الحیره
و المذبوح مدري اشگله لبوالغیره
إذا عني ردت تسأل
یومیه أنذبح عالتل
بیش أستقبلك حایر
ــــــــــــــــــــــــــــــ

یا عاشور لمهن حتی تلگیني
آنه اعله الشریعه امطشره اسنیني
حایر دمعي یصرخ یاهو یبچیني
لأن لسه السهم ماطلع من عیني

چف هد الزمن بس لازم الرایه
و چف یستقبل التتعنه مشایه
الچف یزعل و چف یخجل
یومیه أنذبح عالتل
بیش أستقبلك حایر
ــــــــــــــــــــــــــــــ

أرضي کربلا و عاشوري یومیه
دوم امتوني زرگه و روحي مسبیه
أموت اشما شفت متیتمه ابنیه
ظعن زینب انباگت منه ترچیه

عود الخیزران امطشر احساسي
مره ابطشت مره اعله الرمح راسي
سیف بنحري یتغزّل
یومیه أنذبح عالتل
بیش أستقبلك حایر





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ أبواب الحسين ]

🎤أداء الملا قحطان البدیري
🎤 عبدالرحمن النصيري
🖊الشاعر أحمد ماضي
◾️محرم ١٤٤١ هـ.
——————————

یحسین یالماتنوصف
مدري شکبر عنوانك
الخیر کله بصایتك
و ابصحنك و بیبانك
باب العوافي بتربتك
أبیاض الوجوه بخدمتك
و ابصحنك و بیبانك
ــــــــــــــــــــــــــــــ

هذا باب القبله لو باب السماء
چن سفینة نوح یم باب الرجاء

الیوگف یم باب القبله
خادم یترجاك اتقبله
دمعاته ابحبك تکتبله
معنی الریشه و معنی النبله
ــــــــــــــــــــــــــــــ

أرفع ایدي یا حبیبي بالدعاء
و بیك أتوسل اباب الشهداء

الیطلب من بابك خیعونه
قاضي الحاجات ایسمونه
أملاك الحضره ایحضرونه
بس تنزل دمعه امن اعیونه
ــــــــــــــــــــــــــــــ

انسلم اباب الکرامه یالإمام
و الکرامه انولها اباب السلام

خدامك نشعر أحبابك
نکبر من نسجد بعتابك
نتمنه و نقسم یم بابك
نتحول خیط من اثیابك
ــــــــــــــــــــــــــــــ

باب سلطانیتك الما مثله باب
بسم زینب لبّس العفه حجاب

ماظن یفرق عطر و نظره
بین الجنه و بین الحضره
یتظلل باچر بالسدره
الیدخل من باب السدره
ــــــــــــــــــــــــــــــ

بخدمتك صارت أبیّه انفوسنه
و حق باب الراس نرفع روسنه

و بابچ یا زینب نوصله
نتوسل بسمچ و انقبله
کون انصیر اتراب التله
و انتي اتدوسینه و نتعلّه




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ كل القوافل ]

🎤أداء الملا قحطان البدیري
🖊الشاعر علي الخفاجي
◾️ ليلة ١ محرم ١٤٤١ هـ.
——————————
المستهل:

کل القوافل تعتني لمکه
لـ لا شریك ابعدله و ابملکه
بس قافلة حبنا
للموت تتعنه
لـ لا شریك ابعدله و ابملکه
ــــــــــــــــــــــــــــــ

هالقوافل و الرواحل گصدت المکه و منی
و الهواشم حجها لازم بالطفوف ابهالسنه
یالتشارك بالمناسك حسین للموت اعتنه
گاطع البر ما تأخر کربلا یوم المنه

عکس القوافل طلعت اضعونه
رایح یحج ویه الیحبونه
و الگصدت الجنه
للموت تتعنه
لـ لا شریك ابعدله و ابملکه
ــــــــــــــــــــــــــــــ

آیه آیه للمنایه طلعت ابدور السمه
و العجیبه و المصیبه تعتني لگاع الضمه
عافت الحج و الفلك ضج برکب الحسین ارتمه
اشهل مسیره و هالعشیره البیها ریحة فاطمه

عاف الحجیج اتلبي هاللیله
و اتعنه بالأطفال و العیله
و اضعونه بالونه
للموت تتعنه
لـ لا شریك ابعدله و ابملکه
ــــــــــــــــــــــــــــــ

رحله نسمع بیها مصرع للسلیل الهاشمي
لا منیه و لا أمیه تمنع احسین الضمي
للولایه بإیده رایه و للشباب الفاطمي
یرخص الدم عنده زمزم صار نهر العلقمي

عاف الحجر و البیت بأحزانه
حج الطفوف ایصیر عنوانه
و الگطعت الضنه
للموت تتعنه
لـ لا شریك ابعدله و ابملکه
ــــــــــــــــــــــــــــــ

یبني دوله و تمشي حوله فتیت الحق و النصر
گلبه ذایب و المراکب بیها ربّات الخدر
بهذا ليله شد رحیله بالتحدي و الصبر
و عالمنازل و المحامل طلعت اخیوط الفجر

عازم یروح لکربله بنصره
تمشي بضعنهم فاطمه الزهره
و اللیله تتمنه
للموت تتعنه
لـ لا شریك ابعدله و ابملکه
ــــــــــــــــــــــــــــــ

یبني مجده غایه عنده رایح لأرض العله
و العلامه اویه الإمامه طلعت لیوث الفله
دم وریده ظل نشیده کربله یا کربله
ما تمنعه و لا ترجعه عن مسیر القافله

لیل و نهار ایواصل الرحله
و ایردد ابهیهات للذله
و التقترب منه
للموت تتعنه
لـ لا شریك ابعدله و ابملکه





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ رفع الراية ]

🎤أداء الملا قحطان البدیري
🖊الشاعر واثق العيساوي
◾️ليلة ١ محرم ١٤٤١ هـ.
——————————
المستهل:

رایتنا رفعناها
لمصابك نذرناها
للزهرا نعزیها
یحسین انت راعیها
ــــــــــــــــــــــــــــــ

مثل ما بالسمه تنشر قمیصك هاي الأملاك
رفعنا بالسما رایة مصابك حتی ننعاك
حملها چف ابوفاضل هذاك الرافع الواك
علی اعناد الیضدونك نظل یحسین ویاك

کتبنا اسمك علی الرایه
و نظل للدمعه وفایه
شوارعنا و تعازیها
یحسین انت راعیها
ــــــــــــــــــــــــــــــ

کلما هل محرم یا حسین و شفنه الهلال
دمع اعیونه ابموسم حزننه یجري همّال
تعلمنا امن اهلنا مو سهل لو یبچي رجال
لچن ترخص الك کل الدموع و تشرح الحال

چبیر التنزل ادموعه
علیك و یلطم اضلوعه
و الدمعه اللي نجریها
یحسین انت راعیها
ــــــــــــــــــــــــــــــ

یهنیاله الیواسي فاطمه بأیام الأحزان
و اهي تحضر مجالسنا و تصیح اولیدي عطشان
نسمع صوت ونتها تنوح بگلب حیران
ادوّر عن عزا اولیدي و اگصده وین ما چان

هنیاله الضرب صدره
یواسي فاطمه الزهره
مجالسنا و نواعیها
یحسین انت راعیها
ــــــــــــــــــــــــــــــ

رایاتك تظل یحسین هیبه و للسما اوشاح
یطیح اللي یحاربها و یظل ساریها ما طاح
مثل ما شالوا اعدائك مناحرکم عالرماح
رفعناهن بغض بیهم خفگهن للسما لاح

هیبه رایة الکافل
هذاك الحید ابوفاضل
عظیمه و هیبه ساریها
یحسین انت راعیها
ــــــــــــــــــــــــــــــ

نعد اعله الأصابع یا حسین أیام و أیام
لمن یوصل شهر حزنك نشد للخدمه الاحزام
تره الفاگد عزیز اشما یسوي لا مینلام
و شنو یحسین أعز منك نصیر لحزنه خدام

غالي انت و ابن غالي
یحبك ربك العالي
الگاع و کلشي الإعلیها
یحسین انت راعیها





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ معنى الألم ]

🎤أداء الملا قحطان البدیري
🖊الشاعر واثق العيساوي
◾️ ليلة ٢ محرم ١٤٤١ هـ.
——————————
المستهل:

یالعایش بصدري حوافر لو سهم
یحسین ارید اویاك أحس معنی الألم
بدموعي أخلص أیامي
کلما تزید آلامي
یحسین ارید اویاك أحس معنی الألم
ــــــــــــــــــــــــــــــ

یحسین کلما سافرت .. عن الأهل و اتغرّبت
و شفت الدموع ابعین بنتي اتلالي
أذکر اللحظه المؤلمه .. ویه العلیله فاطمه
من ودعتها و حالي یبچي لحالي
و آني ارجع اشما ابتعد .. بس انت رایح ماترد
ایموت انتظار اللي یفارگ غالي

لحظات الوداع اشنفع بیها الصبر
و المحترگ بالنار ما یچوي جمر
هاي الصور گدامي
کلما تزید آلامي
یحسین ارید اویاك أحس معنی الألم
ــــــــــــــــــــــــــــــ

یا ماي الك بیّه جرح .. کلما اشربك أنذبح
أذکر ثغر عطشان جمره اشفافه
و بالغربه کلما اختنگ .. و دمي اعله اهلي یحترگ
و العایف اهله الفرح لابد عافه
کلما یمر عیني السهم .. بالتاسع اتذکّر صور
و اعیون ابوفاضل الکفه او وافه

مابین جرحي و جرحك اهواي الفرق
لکن الك بعیوني دمعات و صدق
رغم الذنب و آثامي
کلما تزید آلامي
یحسین ارید اویاك أحس معنی الألم
ــــــــــــــــــــــــــــــ

کلشي و الك ویاه صله .. یومیه أحس بکربلا
و کل لحظه مزروعه بحزن من عمري
لو شلت بچفوفي طفل .. اتخیّل بنحره النبل
بعیوني اشوف الدم و أهیم بصبري
وجه الرضیع اشگد ترف .. مایحمل اسهام و نزف
مو منحره یاریت صابوا نحري

یحسین ما مستوعب اچبیر الجرح
اشلون اشوف اولیدي ضامي و منذبح
الوجه البرائه الدامي
کلما تزید آلامي
یحسین ارید اویاك أحس معنی الألم
ــــــــــــــــــــــــــــــ

حاولت اعیشك بالصدگ .. حاولت بس گلبي یطگ
روحي ابعمق صبرك بقت محتاره
یحسین چا من یحتمل .. بالنار بیته یشتعل
و بثیاب اولاده الجمر شب ناره
من یحتمل ذبح اخوته .. و ما بیّن الهم دمعته
واگف جبل و اجروح کل اکتاره

اتخیل أعز اخوانك بعینه سهم
مگطوع چفه و راسه مضروب انهشم
و ما شرب لجلك ضامي
کلما تزید آلامي
یحسین ارید اویاك أحس معنی الألم
ــــــــــــــــــــــــــــــ

یمکن یهون أکبر ألم .. إلّا الیمس صوب الحرم
هذا الأبد ماتنحمل نیرانه
من یقبل اخته تنضرب .. لو تنسبي بدیرة غرب
لو تمشي مچتوفه بحبل نسوانه
یحسین لهنا و اعتذر .. ما احتمل هذا الأمر
صبرك صبر ماعرفته دنیانه

یحسین فهمنی اشجره و راسك یون
من ماتت ابنیتك رقیه امن الحزن
و آنه ادري راسك حامي
کلما تزید آلامي
یحسین ارید اویاك أحس معنی الألم







• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ ليش العليله تون ]

🎤أداء الملا قحطان البدیري
🖊الشاعر السيد عبدالخالق المحنه
◾️ ليلة ٣ محرم ١٤٤١ هـ.
——————————
المستهل:

لیش الیظل ینتظر
یحسب و لا محسوب
لیش الدمع ینکسر
لمن یصیر غروب
لیش العلیله تون
و الحادي ما مصیوب
ــــــــــــــــــــــــــــــ

چلمة اللیش ابگفه الرایح وسافه
و چلمة الیمته عطش صیف و کلافه
وزّعت دمعي ابمتاهات المسافه
و اشتفید الیحتضر چلمة معافه

حتی الدرب بي دغش
چذّب عَلي مرات
وهّمني بین الإجوا
و الما إجوا خطوات
وین ألگه وجه الصبح
و الدنیه بالمگلوب
ــــــــــــــــــــــــــــــ

یعمي العیون الیروح ابلایه جیّه
و یهجم اعلیه الحزن وکت المسیه
أنحني ابطاري الأبو و اصفگ بدیه
و أنعه طور الفاجده ابداري رقیّه

ظلیت أهز بالمهد
و أتسله بالیاویل
و ابمتني سوط السبي
و بصدري رکضة خیل
مایستراح الگلب
لو ما یجي المحبوب
ــــــــــــــــــــــــــــــ

مدري لیش الدنیه بعیوني زغیره
و أدري بالضیّع أبو ضیّع عشیره
طیحته چن طیحة الخیمه الچبیره
و التظل ابلا ولي مثل الأسیره

لو ما أظل وحّدي
ما تستقر دنیاي
لو ماتوا أهلي عطش
خل یستراح الماي
من تختنگ ونّتي
ایصیر الدمع مطلوب
ــــــــــــــــــــــــــــــ

صفنة التفگد أخو اتفز ابألمها
صفنة التفگد أبو اتسولف یتمها
توگف ابچم یا علي الطاحوا زلمها
و تدري بالتفگد أبو ایواسیها عمها

اوگف و أتیه الدرب
و الحسره صگعة راس
یذبحها طاري العلم
للفارگت عبّــاس
هذا الحزن یا دهر
رایدله چم یعگوب
ــــــــــــــــــــــــــــــ

ونّة الیمته تحس بیها الیتامه
و کسرة الشیخ الأبو ابحرگة اخیامه
میّت الوالد و أنا عندي علامه
کسرة الخاطر و لا کسرة اعظامه

روحي سفینة عتب
و امزاحم الحسرات
و أحلامي طیر ابهوه
و بین السهام اتبات
کلشي أحس یرتجف
حتی الصدی مرعوب
ــــــــــــــــــــــــــــــ

مختلف لون الضوه و مختنگه داري
لیلي چن سیف الشمر یذبح نهاري
و آني أعتب و أزعل و أبدي اعتذاري
علتي ما بیّنت بان انکساري

اترکضني کلمة إجوا
و أسمعها کلمة مات
و أرجع بخت منکسر
و اتهوّس الشمّات
یا لیش تنفع بعد
هذا العَلَي مکتوب







• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed