📜قصیدة: [ رجال صدقوا ]

🎤أداء الملا قحطان البدیري
🖊الشاعر صلاح الطائي
📆 ليلة ٢٤ محرم الحرام ١٤٤٠ هـ.
——————————
المستهل:

ازغار اکبار نطلع کلنا ماشین
نزورك بأربعینك لو عالیدین
نطب عالموت ابعِلاة الصوت
رِجالٌ صَدَقوا ما عاهدوا احسین
▪️▪️▪️◾️▪️▪️▪️

نرجع کل سنه و خطواتنا أقلام
نجدد لك عهد درب الخدامه
نکتب للعشگ تاریخ و إعلام
بطریقك و الیحب یاخذ علامه

السمه رایات .. الأرض خطوات
إمتداده اثبات .. و صداه غالب
یبو الأحرار .. الـ إجاك و زار
ترك تذکار .. لکل ناصب

و رساله لکل مُشکك عفنا رجلین
رِجالٌ صَدَقوا ما عاهدوا احسین
▪️▪️▪️◾️▪️▪️▪️

احنه امن ارتبطنا اویاك للیوم
ما فکّرنا لیش و وین و اشلون
نذرنا أرواحنا ابلا بیع لا سوم
مشینا ابدربك و غمّضنا العیون

اشرخصها اعداك .. تشوف إدماك
و ندائك ذاك .. و لا ناصر
لکل شي انعوف .. و نجیك ازحوف
نِصَل و انطوف .. الدِمَه الطاهر

واعدناك و الحُر لو وعد دین
رِجالٌ صَدَقوا ما عاهدوا احسین
▪️▪️▪️◾️▪️▪️▪️

العطش، نار الخیم، صرخات العیال
الجربه لسه ماي ابکربلا اتصب
نصبناها إعله دربك بإسم الأطفال
لعبدالله و رقیّه و سکنه موکب

الخیم و النار .. وکتها اندار
و مضیف و دار .. بنیناها
المواکب هاي .. لعطشکم ماي
و خدمها افیاي .. نذرناها

لأجل یفرح لزینب خاطر و عین
رِجالٌ صَدَقوا ما عاهدوا احسین
▪️▪️▪️◾️▪️▪️▪️

عراق إسمه اویه إسمك صار معگود
حضن عطرك اترابه و صاروا أنصار
و طفك ماخلص للیوم موجود
و شعبك کل سنه اینادون بالثار

تشوف الناس .. خلیط أجناس
و اسم عبّــاس .. عله ألواهم
نبع طافح .. الك رایح
و أبوصالح .. یجي اویاهم

و لزوّارك حبیب ایحط عناوین
رِجالٌ صَدَقوا ما عاهدوا احسین
▪️▪️▪️◾️▪️▪️▪️

اشوکح تاریخ هذا الموّتك زور
یا حصن و سفینه و ریح و اشراع
گُبتك للخلود الشمس و النور
و من گد التواضع لاحت الگاع

تظل إشعاع .. یِدَلّي الضاع
یحب و شاع .. و مسیرة حج
یگول الگال .. سمعنا أشکال
و بقی عالبال .. الك منهج

و شعار ایردده السان الملایین
رِجالٌ صَدَقوا ما عاهدوا احسین




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ رد الشكر واجب ]

🎤أداء الملا قحطان البدیري
🖊الشاعر واثق العيساوي
📆 ليلة ٣٠ محرم الحرام ١٤٤٠ هـ.
——————————
المستهل:

شکرتونا نعم عالراس و العین
هلا ابکل من یجي زایر للحسین
حچیتوها و سمعناکم
ابمواکبنا انتظرناکم
هلا ابکل من یجي زایر للحسین
▪️▪️▪️◾️▪️▪️▪️

صرخة شکر منکم اي سمعناها
الکلمه الزینه وسط الگلب مرعاها
تعالوا لدارکم بالحب فرشناها
ابحب احسین للزایر بنیناها

تعال و کلشي جاهز لا لتحتار
علینا ازیارتك یالگاصد الدار
مضیف احسین یرعاکم
ابمواکبنا انتظرناکم
هلا ابکل من یجي زایر للحسین
▪️▪️▪️◾️▪️▪️▪️

هاي الگاع گاع احسین و الشیعه
أرض و لکل موالي حامل البیعه
ما دامك حسیني أمرك انطیعه
و صوت الـ یا هلا للزایر انذیعه

احنه اولاد حیدر ولد العراگ
منرید القطیعه و نکره افراگ
علاقة عمر ویاکم
ابمواکبنا انتظرناکم
هلا ابکل من یجي زایر للحسین
▪️▪️▪️◾️▪️▪️▪️

میهمنا الکلام الصار و الما صار
تره ایهمنا الحسین و هو راعي الدار
مانطرد ضیوف و حاشه نطفي النار
نذرنا أعمارنا بس نخدم الزوّار

جنسیتك شنو متهمني الأجناس
المهم عندي تحب اچفوف عبّــاس
راعي الوفا حیّاکم
ابمواکبنا انتظرناکم
هلا ابکل من یجي زایر للحسین
▪️▪️▪️◾️▪️▪️▪️

احنه أهل العراق انتم أهل ایران
أولاد الرضا و النعم بالعنوان
حب آل النبي یجمعنا مهما کان
منرید التفرّق یحرگ الأوطان

الزعل مایبقه دوم ابّین الأحباب
موعدنا النجف یم داحي الباب
بعدها ابکربلا ألگاکم
ابمواکبنا انتظرناکم
هلا ابکل من یجي زایر للحسین
▪️▪️▪️◾️▪️▪️▪️

تعالوا و الوطن مفتوحه ذرعانه
شعوب العالم ایخلیها بحضانه
عراق احسین هذا و یبقه عنوانه
رایه امن الرضا جیبوها لسمانه

تعالوا و لا یهمکم کلشي ینگال
الزلم مو بالحچي تنقاس بأفعال
إید ابإید ردناکم
ابمواکبنا انتظرناکم
هلا ابکل من یجي زایر للحسین






• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ عمه وين ]

🎤أداء الملا قحطان البدیري
🖊الشاعر سيد رضا آلبوشوكه
📆 صفر ١٤٤٠ هـ.
▪️استشهاد السیده رقیه سلام الله علیها
——————————
المستهل:

عمه وین الدنیا لیل
وین یالما بیچ حیل

عمه مو کافي البواچي
طالعه اتدورین خنصر لو تراچي

خاف مشتاگه و یحن گلبچ لأبوي
آنه هم مثلچ إخت یا عمه مشتاگه لأخوي

عمه خل نمشي سوه
انتي یمنه و آنه یسره
انروح و إنلم الضوه

عمه ویاچ أرد أروحن
لو رحت وحدي أضیع
والله مشتاگه أرد ألولي
بلچن ایفز الرضیع

ناس ماترحم وضعنه
ناس عطشانه اعله دمنه
ناس طمّاعه و لگت خیر ابخیمنه

لیش طشروا کل ضوانه
اشلون تشرب ماینه و خنگوا هوانه
لیش بالفرهود تحچي من وگع رافع لوانه

ناس ماعدهم ضمیر
اشلون ایرحمونه الأمیر
و بیدهم راس الأمیر

عمه تستجیر الناس عدنه
و هسه گمنه ابناس غربه نستجیر

عمه تانیني اعله بختچ
عمه خوفي تنسمع لو تعله ونتچ

یحرگ الدلال همچ
لیش کسروا بالغرب یا حره عزمچ

و انذبح عطشان یمچ
الچان بي ریحة أبوچ و ریحة أمچ

هسه حرمه ابلا خیم
لا عشیره و لا علم

غربه و الدنیا ظلام
لا أهل عدنه و لا عدنه عمام


زعلنه و مثل أهلنه یرعبینه
انسبینه و راس أخونه یرعبینه
یاهو الگال واحد یرعبینه
و احنه احجاب الله اعله الوطیه





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ عمه زينب ]

🎤أداء الملا قحطان البدیري
🖊الشاعر #علاء_شهيد
📆 ليلة ١٦ محرم الحرام ١٤٤٠ هـ.
——————————

عمه زینب عدّلي الگاع أرد أنام الگاع خشنه
عمه زینب گلّي للعبّاس عمنه وین بتنه
عمه زینب الخرابه مو أمان و خوّفتنه
یا رقیّه .. یا رقیّه .. یا رقیّه
▪️▪️▪️◾️▪️▪️▪️

عمه زینب طلّعي الشوك الترس رجلیّه بیدچ
عمه زینب وحده وحده براحتچ فدوه اعله کیفچ
عمه زینب أرد أنامن یلله فرشیلي شلیلچ
یا رقیّه .. یا رقیّه .. یا رقیّه
▪️▪️▪️◾️▪️▪️▪️

عمه زینب آنه شمسویه و شمر بسوط طگني
عمه زینب وین ما دیرن تره یوجعني متني
عمه زینب من أصیحن لیش چا محد سمعني
یا رقیّه .. یا رقیّه .. یا رقیّه
▪️▪️▪️◾️▪️▪️▪️

عمه زینب أرد أصیحن أحلی چلمه بابا بابا
عمه زینب هاي دور اهواي أشوفن لیش بیتونه بخرابه
عمه زینب وین هاشم لیش ما عدنه گرابه
یا رقیّه .. یا رقیّه .. یا رقیّه





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ ما لومك ]

🎤أداء الملا قحطان البدیري
🖊الشاعر #عبدالخالق_الحريشاوي
📆 ليلة ١٧ محرم الحرام ١٤٤٠ هـ
——————————
المستهل:

ما لومك .. ماعندك ابگدي جرح
ما لومك .. مالك سوالف وي رمح
ما لومك .. ایطوف ابغرامك منذبح
▪️▪️▪️◾️▪️▪️▪️

عیش وي کلشي ابرغد هاي الحیاة
و عوفني ابعشگ الشفاه الذابلات
و ابغرام الألف طعنه النازفات
آنه معشوگي عطش من أجلي مات

خلّیني .. جرحي عله اخیامه انفرش
خلّیني .. معشوگي ما لمّه نعش
خلّیني .. وین الله أموتنله عطش
▪️▪️▪️◾️▪️▪️▪️

انته ماعندك جرح إسمه الخیام
لا تلوم الیبچي من شوغة غرام
آنه معشوگي الرمح وي نحره نام
و الحوافر خذت من خده حرام

معشوگي .. مذبوح بس بیّه یهم
معشوگي .. من یمه ذکرولي إسم
معشوگي .. ذبلانه شفته و یبتسم
▪️▪️▪️◾️▪️▪️▪️

انته عیش ابدنیتك نزوة شباب
و عوفني ابـ بحر المجالس و المصاب
وحده من لچماتي مذبوح الرباب
فوگ نحره یابس الدم و التراب

مذبوحي .. مو حگي أنزفله دمع
مذبوحي .. و أرسمله صوره و أنفجع
مذبوحي .. ایجر السهم ما ینشلع
▪️▪️▪️◾️▪️▪️▪️

انته یالمالك جرح ظل مستراح
آنه من وحي السبي أگضي نیاح
عالم أحزاني مخیم مستباح
و مملکة جرحي ضعن منهوب راح

مو بیدي .. انته الخیم ما لچمتك
مو بیدي .. إدموع الضعن ما هظمتك
مو بیدي .. أنسه و أعیشن دنیتك
▪️▪️▪️◾️▪️▪️▪️

هیّه تسیورة جرح ملچوم حال
و عثره یم مذبح عشگ رب الجمال
و ابتدت قصة غرام ابطف رمال
فجأه لن نحر الضوه إعله الرمح شال

نادیته .. منحر أسیر اویه الضعن
نادیته .. ارجعلي نسماتي گضن
نادیته .. ماعندي غیرك أي وطن
▪️▪️▪️◾️▪️▪️▪️

عوفني ابشرع المدامع و النحیب
انته من هذا العشگ مالك نصیب
اهواي تعنیلي ألا هل من مجیب
یعني ترنیمة حبیب اویه الحبیب

ما فاهم .. و احچیله عن خیمه و جمر
ما فاهم .. حافر هشم أطهر صدر
ما فاهم .. و یلومني امن أبچي عمر





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ رايه و مشايه ]

🎤أداء الملا قحطان البدیري
🖊الشاعر #السيد_معتز_الحسيني
📆 ليلة ٢٤ محرم الحرام ١٤٤٠ هـ.
——————————
المستهل:

رفّت الرایه .. و ناس مشّایه
کلها تهتف یا حسین
▪️▪️▪️◾️▪️▪️▪️

اتعلّمت و ابکل محرّم ألطم أول عشره
ابسرعه و العاشر یجیني و أبدي أعیش الحسره
ألگه روحي للزیاره من وکت متحضره
المشي ثورة الفقره و گرّبت هالثوره

انصیح وفّایه .. رفّت الرایه
کلها تهتف یا حسین
▪️▪️▪️◾️▪️▪️▪️

اتعوّدت هاي اللیالي یعله صوت آلامي
أبدي أتخیّل مواکب للمشي جدامي
أذکر الخیمه و حرگها لو نصبت اخیامي
باللطم و الخدمه أفخر خلصتها أیامي

و الحچي اهوایه .. رفّت الرایه
کلها تهتف یا حسین
▪️▪️▪️◾️▪️▪️▪️

والله من عاشر محرّم دمعتي محتاره
حزني لحسین و عیاله و بالي یم زوّاره
المعزّب کل دقیقه تلگه شاعل ناره
بالمشي الما فتح بابه خیر ماکو ابداره

و بیها چم غایه .. رفّت الرایه
کلها تهتف یا حسین
▪️▪️▪️◾️▪️▪️▪️

حسین تعبه انشوفه راحه و المحنّه ابدربه
مایسد بابه ابوجهنه و للسهم فك گلبه
موکب الزوّار فتره و نستعد اِنـ نُصبه
موطني خدمة الزایر متت من الغربه

جینه عنّایه .. رفّت الرایه
کلها تهتف یا حسین
▪️▪️▪️◾️▪️▪️▪️

أهلاً ابکل الیجینه کل سنه نحچیها
الخدمه لو أرواح طلبت ما نِهِم ننطیها
المشي فرصتنه و احنه ابشوگنه انتانیها
باچر الزوّار رایه للوفه اتعلّیها

أکثر احچایه .. رفّت الرایه
کلها تهتف یا حسین
▪️▪️▪️◾️▪️▪️▪️

خدمة العام ابهدمنه نبچي من نشتمها
بالمشي الأطفال تخدم و محد امعلّمها
روحي للخدمه اتّحضّر من سنه امفهّمها
چلمة الملگه ابوجهنه للمشه نرسمها

للموت شرّایه .. رفّت الرایه
کلها تهتف یا حسین





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ نهر ثالث ]

🎤أداء الملا قحطان البدیري
🎤 و الملا عمار الكناني
🖊الشاعر #ميرزا_عادل_أشكناني
▪️ ١٤٤٠ هـ.
——————————
المستهل:

نهر ثالث بالعراق
ایفیض ملگه او اشتیاق
ما تسمع غیر الهلا
من البصره لکربلا
نهر ثالث بالعراق
▪️▪️▪️◾️▪️▪️▪️

اشما تمد عینك تشاهد رحمة الله ابهالمسیره
نهر فایض مایه
لا فرات و لا هو دجله نهر ثالث عدنه إسمه
سفرة المشّایه

فرشناها و خلطنه الروح بالزاد
او بخیت الزاد ینطي الراید امراد
موائد نازله امن الجنّه صوبین
هذا کلّه من خیر أبو السّجاد

جنّه و أنهار او عیون
فکُلوا ما تشتهون
تلگه اشما تتأمّله
من البصره لکربلا
نهر ثالث بالعراق
▪️▪️▪️◾️▪️▪️▪️

جنّة الله نزلت إلنه الخیر ممدود إعله طوله
اشما تمدّ أنظارك
بیها لا ما رأت عین او لا إذن سمعت مثیله
او لا یمر بفکارك

الهلا اشمحلاتها امن اتودّي و اتجیب
او من السان و گلب تلگه التراحیب
و إذا ابعین البصیره اتعاین اتشوف
ملائك لابسه اثیاب المعازیب

او لو تعاین للسماء
تلگه موکب أنبیاء
للزایر تستقبله
من البصره لکربلا
نهر ثالث بالعراق
▪️▪️▪️◾️▪️▪️▪️

أرفض ایقیسون حاتم باللي ماعنده او یکرمك
شوف جود الفقره
غیرنه ایدوّر وجاهه او احنه ردنه ابهالضیافه
ترضه عنّه الزهره

دفك اعیون گلبك و اعتني و شوف
عله حب الحسین انحب الضیوف
او کرمنه من أبوفاضل أخذناه
الأخوّه طلبته و إنطاها الچفوف

للیجي ایزور الحسین
افراش عین و غطه عین
کل من فاتح منزله
من البصره لکربلا
نهر ثالث بالعراق
▪️▪️▪️◾️▪️▪️▪️

هم شفت سفره ابحیاتك للي یاکل منها تشفع
تجي او تمحي اذنوبه
و اللي ما قدّس ملحها نعمة الله بي تشوّر
هالملح بي حوبه

وین الناس باچر و الخدم وین
ابطریق الخدمه فوز و قرّة العین
ضمان إلنه جهنم ماتجي صوب
النبت عظمه او کُبر من زاد الحسین

فکُلوا من طیّبات
المات ضامي اعله الفرات
سفرة ربنا المُنزله
من البصره لکربلا
نهر ثالث بالعراق





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

◾️ ١٣ صفر
الذكرى السنويه الأولى لرحيل خادم أهل البيت الشاب السيد محمدباقر العلوي أسكنه الله فسيح جناته.
رحم الله من أهدى ثواب الفاتحه لروحه الطاهره 🌹

📜قصیدة: [ كلها حجت بالسفر ]

🎤أداء الملا قحطان البدیري
🖊الشاعر #عبدالأمير_الناصري
📆 ليلة ٣٠ محرم الحرام ١٤٤٠ هـ.
——————————
المستهل:

کلها حچت بالسفر
موعدنا هذا الشهر
نوصل مشي لکربلا
نتحدّه درب الخطر
یا ما تمنّیت
بس آنه ظلّیت
▪️▪️▪️◾️▪️▪️▪️

آنه هم عندي گلب
ینبض ابإسم الحسین اللي هویته
والله أتمنّه الدرب
ینطوي بجدمي و أگول آنه اعتنیته
ما أفکّر بالصعب
عندي صعبه لو أگولن ما اجیته
جدمي ریته ینخضب
لو زحف درب الحسین آنه مشیته

بس دوم أعیش ابهظم
لیش آنه منّه أنحرم
صح آنه ذنبي چبیر
چا یمته عود أنرحم
بذنوبي قرّیت
بس آنه ظلّیت
▪️▪️▪️◾️▪️▪️▪️

ما أشك ابچلمتي
آنه ما أستاهل أنعد من ضیوفه
لو قبوله خدمتي
چان یطلبني الحسین أگصد أطوفه
أنچوي من حسرتي
کلها راحت و آنه أحلم بس أشوفه
حتی بادت رایتي
من زمان امفصّل الرایه لطفوفه

واعدت ربعي بیمین
الموعد الأربعین
لاچن جوابي اشیصیر
لو ما رحت للحسین
یدروني ماجیت
بس آنه ظلّیت
▪️▪️▪️◾️▪️▪️▪️

گالوا اشمحله السفر
حین تتلاگه ابحضرتك کل الأصحاب
بینك و بین الگمر
الگعده بین الحرمین اتلمّ الأحباب
سیدي ابماي النظر
والله أتمنّه امن اجیك أغسلها العتاب
شایل ابگلبي دهر
و الدهر یحمل عتابه ابلایه أسباب

اشمحلاها یم حضرتك
لو تنقره ازیارتك
أرفعها بس للدعاء
ایدي تحت گبتك
یالغالي حنّیت
بس آنه ظلّیت
▪️▪️▪️◾️▪️▪️▪️

اشگد حچوا بزیارتك
یوصل الـ الله المشه خطوه ابسبیلك
و آنه أموت لشوفتك
یعني مایحصل مکان آنه أجیلك
یا حسین ابطفلتك
اللي ما گدرت رقیّه تعتنیلك
اکتب إسمي ابزمرتك
أعتني مشّایه یم گبرك دخیلك

یمکن شفت بالغرب
طفله و دمعها یصب
آنه و رقیّه نجي
مشّایه طول الدرب
ابکل خطوه حسّیت
بس آنه ظلّیت
▪️▪️▪️◾️▪️▪️▪️

هم یجي یوم أعتني
حتی لو میّت زحف أتعنّه گبرك
یم ضریحك أنحني
أغسل اذنوبي بدمعتي من أنظرك
کربلائك موطني
یاللي طهّرت الأرض من فیض نحرك
دوم أصیحن لیتني
صدري سحگته الحوافر دون صدرك

نحرك و سیف الذبح
بعیوني من تنلمح
چنّي أشوف الشمر
و ابچفه ینزف جرح





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصيدة: [ ليل الفرح ]

🎤اداء ملا قحطان البديري
🖋 الشاعر: واثق العيساوي
-------------------

بِدا لیل الفرح یالحبك آمالي
تِبَسم یا گمر في مولد الغالي
مُحمّـــــد یا مُحمّـــــد یا مُحمّـــــد
★★★⭐★★★

إجیت و نوّرت ظلمة حیاتي
حبیبي و حققت کل أمنیاتي
بلا إسمك فلا تمّت صلاتي
مُحمّـــــد مُحمّـــــد
أنا بهذا الدرب شوگي و نصیبي
یَـ مَن إسمك دوه لجرحي و طبیبي
أصیح و صوتي ردد یا حبیبي
مُحمّـــــد مُحمّـــــد

نجوم الـ بالسما فرحانه و اتلالي
تِبَسم یا گمر في مولد الغالي
مُحمّـــــد یا مُحمّـــــد یا مُحمّـــــد
★★★⭐★★★

عاشگ و عالفطره حبّیته و هویته
بالنبض و الروح و ابگلبي لگیته
یا طریق و للنجاة بالحب مشیته
مُحمّـــــد مُحمّـــــد
کل آیة فرج خطّتها إیده
ابوسط أخلاقه ما توفي القصیدة
لسان المحب ما یترك نشیده
مُحمّـــــد مُحمّـــــد

أردد هالأسم اللیله یحلالي
تِبَسم یا گمر في مولد الغالي
مُحمّـــــد یا مُحمّـــــد یا مُحمّـــــد
★★★⭐★★★

یا فجر ابطلعته نوّر صباحي
یا ذکر الطیب آلامي و جراحي
جناح الفرحه هاللیله جناحي
مُحمّـــــد مُحمّـــــد
أهني بمولدك حامي الحمیه
الحسن و حسین و الزهرا الزچیه
نردد بالفرح هاي المسیه
مُحمّـــــد مُحمّـــــد

وداعاً یا دمع و الحب تعنالي
تِبَسم یا گمر في مولد الغالي
مُحمّـــــد یا مُحمّـــــد یا مُحمّـــــد




• الّلهُـمَ صَـل عَلَی مُحَمّـد و آل مُحَمّـد
--------------------

•مُحبّي الرادود قَحطانْ البْدیري
•للقصائد المكتوبة
@qahtanqasaed

📜قصیدة: [ رسام و لوحاتي عيونك ]

🎤أداء الملا قحطان البدیري
🖊الشاعر واثق العیساوي
——————————
المستهل:

رسّام و لوحاتی اعیونك
أجمل مخلوق ایوصفونك
ها یا گلبي ذنبك ذنبي
و ابحب الهادي ایلومونك
★★★⭐★★★

الما عرفوا شوگ اعیوني
عالحب یا گلبي ایلوموني
ما گدروا عنّه ایبعدوني لا والله
أنسی اشلون الما ینساني
و ابدربه الأبیض مشّاني
عِزّي و تاریخي و عنواني اشلون أنساه

سئلوني و گلتلهم إسمه
ورده و ماي و حب و بسمه
صوتي اشردد بسمك أحمد
مجنونك عایش مجنونك
★★★⭐★★★

هاللیله الأیتام اتنادي
فرحانه ابجیتك یالهادي
أصبح میلادك میلادي انت الروح
لبّست العّزه ابدنیانه
و انجوم النزلت ویّانه
هاللیله أحبابك فرحانه و ماکو اجروح

عطرك لمّن هب شمّیته
ابماي الورد إسمك خطّیته
فوگ اعیوني خيلوموني
هالدنیا اشتصبح من دونك
★★★⭐★★★

رحمه و رب الکون أهداها
جسّدها و کوّنها ابطاها
دنیانه العطشانه أحیاها بیده الماي
خاتم کل لیل ابضي نوره
أیتام و فقره ابدستوره
سفّان و ضایع ببحوره حبه الراي

یم الغار اهناك آثاره
و ابکل منهج شفنه أفکاره
ما ننساها عشنه اویاها
مضمون الجنّه ابمضمونك
★★★⭐★★★

بجناح الأفراح أتعنه
یم گبره ابهاللیله أتمنه
آخذ شمعه و ورده و حِنّه و أشبع نور
أنسی ادموعي و أنسی اجراحي
ویّاك اشگد تحله أفراحي
أصنع من اورود اجناحي لیك انزور

ما أتعناك ابدمعاتي
اوصل وي شوگي و ضحکاتي
انت الآیه حبك غایه
ما تحله الدنیا ابلا لونك




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة
@qahtanqasaed

📜قصیدة: [ لا تطلقوا سراحي ]

🎤أداء الملا قحطان البدیري
🖊الشاعر ميرزا عادل أشكناني
📆 ليلة ٢٦ محرم الحرام ١٤٤٠ هـ.
📎 استشهاد الإمام السجاد علیه السلام
——————————
المستهل:

مَن مِنکم لا یَعرِفُ أنّي
مَأسُورُ الحَسرةِ و الأنِّ
دَعوني في نیاحي
لا تَطلِقوا سَراحي
▪️▪️▪️◾️▪️▪️▪️

مِن صُلبِ البَچي او رَحمِ المُعاناتِ الدَفینه
إنتِقَلنا او بالأصِل چِنَّه ابشِکِل دُرّه ثَمینه
مَدامِعنا اویه تُربَت کربلا عِجنُوها طینه
ابنعي نِفخوها و ابهَیئة بَشَر لَلدنیا جینه

وَ أنا مِن بَینِ أخِلائي
جِئتُ اُحَدِّثُ عَن أرزاقي
فَالتَسمَعوا جِراحي
لا تَطلِقوا سَراحي
▪️▪️▪️◾️▪️▪️▪️

أنا مارید أفُك قیدِ الدَمِع مِن إید عیني
أرید اعله اللي چَتفوها ابحَبِل دایم وِنیني
أرید اعله اللي طَشّن بالبَراري اطّش سِنیني
ابسِجن حِزني دَعوفوني إلی أن یِلفي حیني

لَکُمُ الدُنیا وَ ليَ الحَبسُ
حتّی تُزهَقَ فیهِ النَفسُ
في حَبسيَ إنشِراحي
لا تَطلِقوا سَراحي
▪️▪️▪️◾️▪️▪️▪️

أسیر الکُربه أبوالیِمّه و أنا لو حِبَّه فِعلاً
مِثله کون أظل مَأسُور کَربي او ما أمِلَّن
أرید ابگلبي أحُط أحبال حَسره ما یِفِلّن
عله اللي مِن عُگُب عبّـاس للدیوان دِخلَن

لِـ أیَادٍ غُلَّت وَ رِقَابِ
لَم أبرَح في قَیدِ مُصابي
في دَمعتي رَواحي
لا تَطلِقوا سَراحي
▪️▪️▪️◾️▪️▪️▪️

إذا الحُریّه معناها أعیش ابدون حِزني
عیشوا أحرار إنتوا و آنه خلّوني اویه سِجني
جیلٍ بعد جیلٍ نورث الدمعات ذَنّي
أبوي البارِحَه و الیوم أنا و باچر لَإبني

مُذ لَم أكُ شَيئاً مَذکورا
عایَنتُ حُسَیناً مَنحورا
لِدَمهِ المُبـاحِ
لا تَطلِقوا سَراحي
▪️▪️▪️◾️▪️▪️▪️

أنا ابگلبي اِسمَعِت صَرخَة ألا هَل مِن مُناصِر
صَرخها احسین بالذَر مِن گبل میصیر عاشِر
إذاً مِن حگي أعیش ابدِنیِتي مَکسور خَاطِر
الکحِل لاگ اعله غیري او کِحلِتي دمع النواظِر

حَرّمتُ النَومَ عله عَیني
لِأوَفّي شَیئاً مِن دَیني
فَهکذا إرتیـاحي
لا تَطلِقوا سَراحي




• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ سر تكويني ]

🎤أداء الملا قحطان البدیري
🖊الشاعر عباس الشميسي
📎 ليلي استشهاد الإمام الهادي عليه السلام
📆 ١٤٣٩ هـ.
——————————

یا سِرَ تَکویني مَتی ألقاکا
هذا فُؤادي لا یُریدُ سِواکا
لَو کُنتَ رَهنَ الموتِ کنتُ طَلبتهُ
و الموتُ رَهنُكَ و الحیاةُ خُطاکا
قَد مَسّني الشوقُ العظیمُ فَـ راعِني
لُطفاً بِوَصلٍ مِن سَنا لُقیاکا
ــــــــــــــــــــــــــــــ

إنّي نَسیتُ مِنَ الزمانِ سِنینهُ
وَ بَنَیتُ تأریخي علی ذِکراکا
وَ مَحَوتُ مِن إسمي مَزیجَ حُروفِهِ
وَ جعلتُ تَعریفي صَدی مَعناکا
أغمَضتُ باصِرَتي و غَیرَكَ لا أری
حتی رأیتُ الکونُ مِن مَغناکا
ــــــــــــــــــــــــــــــ

وَ وقفتُ أرنو الشمسَ مِلئَ نَواظِري
قَبَساً أراها مِن عظیمِ سَناکا
وَ صَمَمتُ عَن کُلِّ المَقالِ مَسامِعي
فَـ وَجدتُ کُلَّ الدهرِ بَعضَ صَداکا
وَ استَنشَقَت روحي الطفوفَ بِلَهفةٍ
فَـ استوطَنَ الأنفاسَ عِطرُ شَذاکا
ــــــــــــــــــــــــــــــ

وَ حَمَلتُ مِن أهلِ الغَرامِ مَلامَهُم
قالوا جُنِنتَ مِنَ الهیامِ نَراکا
قالوا إنتَسِب إنَّ الحیاة مَفاخِرٌ
و الفَخرُ فَضلاً إن تَنلهُ یَداکا
فَـ أجَبتُهم أنَّ الحُسَینَ مَفاخِري
وَ هَدیرُ عِشقي زَلزَلَ الأفلاکا
ــــــــــــــــــــــــــــــ

أنا دونَهُ عَدمٌ و کُلّي مِلکَهُ
أنا مُعدَمٌ یا سیّدي لَولاکا
یا رایةَ الأفقَینِ دونَ سَنامِها
سَجَدَ العُلی مُتَخَضِّعاً لِعُلاکا
یا مِحوَرَ القُطبینَ یا قُطبَ البَقا
رَهَنَ البَقاءُ وجودهُ بِبَقاکا
ــــــــــــــــــــــــــــــ

مَجَّدتَ مَعنی المَجدِ حتی إنّهُ
یَسري بِفَخرٍ تابِعاً مَسراکا
هذي المَفاخِرُ بِافتخارِ وجودِها
تَسعی بِفَخرٍ کَي تَطالَ سَماکا
هذي سِنینُ العُمرِ وقفاً سیّدي
خُذها فَدیتُكَ و السِنینُ فِداکا
ــــــــــــــــــــــــــــــ

أفنَیتُ عُمري في هَواكَ فَما عَسی
تَعني سِنینُ العُمرِ دونَ هَواکا
خُذني بِـ بابِكَ خادِماً فَـ لَعَلّني
في الحَشرِ اُحسَبُ ذَرةً بِثراکا





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed

📜قصیدة: [ شهيدة شوقها ]

🎤أداء الملا قحطان البدیري
🖊الشاعر واثق العيساوي
▪️ذکری وفاة السیده فاطمه المعصومه(س) ١٤٤٠ هـ.
——————————

إلیكَ تَحُجُّ أشرِعَةُ اشتیاقي
و تَرسوا عِندَ بابِكَ بالعِناقِ
علی أعتابِكَ البیضاءِ راحَت
خُطايَ وَ سَیلُ دمعي في سِباقِ
ــــــــــــــــــــــــــــــ

ألا یا بَدرَ طوسٍ خُذ بکفّي
فَـ عَبدُكَ لا یُفَکِّرُ بانعِتاقِ
وَ مِن قُم حَمَلتُ بُکاءَ أختٍ
وَ حُزناً في ضریحِ الحُزنِ باقي
هيَ المعصومةُ جاءتكَ تَبکي
بِشَوقٍ کَي یُداویها التلاقي
فِداها الوالِدُ المحجوبُ سِجناً
سَما عِزّاً بِبغـداد العِراقِ

کَـ بَدرٍ إنّما أفَلَت بِحُزنٍ
لِیُطفِئَ نُورَها کَفُّ المَحاقِ
بِصَحراءِ الفراقِ ضَماءُ قلبٍ
وَ ما غَیرُ اللِقاءِ إلیهِ ساقي
ــــــــــــــــــــــــــــــ

فَـ بَعضُ المَوتِ یَصنَعُهُ اشتیاقٌ
وَ بَعضُ النَزفِ بالدمعِ المُراقِ
شَهیدَةُ شَوقِها لِإمامِ عَصرٍ
هوَ العِشقُ المُسافرُ للتَراقي
وَ کُلُّ الحُزنِ أن تَمشي سَبیلاً
لِقَصدِكَ ثُمَّ تُلهَبُ بِاحتراقِ
أتتكَ وَ قَلبُها یَهفو حَنیناً
وَ یَکفي القَلبُ بَعضاً مِن رَماقِ

یَعیشُ الوَردُ إن تُرویهِ قَطراً
وَ دونَ المَاءِ یَذبُلُ بِاختِناقِ
فِداها فَاطِمُ الصُغری بِأرضٍ
نَسیمُ هَوائِها عَذبُ المَذاقِ
ــــــــــــــــــــــــــــــ

أنا ما کُنتُ یَوماً أرتَجیها
مِنَ الهَمِّ المُوَطَّنِ بِالتَراقِ
وَ یُخنِقُني وَ أصرُخُ في سَماها
وَ ما یَبقی بِحَضرَتِها اختِناقي
بِحَقِّكَ عِندَها وَ هَواكَ حَقٌّ
بِحُبِکُمُ أعوذُ مِنَ النِفاقِ
غَداً دَعني ألوذُ بِکم صَریخاً
وَ تَحتَ لِوائُکم یَغدو التِحاقي





• الّلهُـمَ صَل عَلَی مُحَمّد و آل مُحَمّد
--------------------

• مُحبّي الرادود قَحطانْ البْدیري
• للقصائد المکتوبة

@qahtanqasaed