Suhbatga tayyorgarlikni nimadan boshlash kerak?

Nufuzli kompaniyalarga ishga kirishda suhbat jarayoni eng muhim jarayon hisoblanadi. Agar siz suhbatga tayyorgarliksiz borgan bo‘lsangiz, unda o‘zingizni ishga qabul qilinmaganlar ro‘yxatida ko‘rishingiz aniq.

❕ Xo‘sh, tayyorgarlikni nimadan boshlash kerak?

Birinchi navbatda siz kompaniya haqida yetarlicha ma’lumotlarni bilib olishingiz lozim. Kompaniya tarixi, uning missiyasi va vazifalari shular jumlasidandir.

❕Kerakli ma’lumotlarni qayerdan topishingiz mumkin?

➖kompaniya sayti;

➖ ijtimoiy tarmoqlardagi sahifasi;

➖ kompaniyaning rasmiy sayti mavjudligi * (umuman olganda u mavjud yoki yo‘qligini tekshiring va agar mavjud bo‘lsa, kompaniya o‘zi haqida nimalar yozganiga e’tibor qaratishni unutmang)

➖ yangiliklar tasmalari va ixtisoslashgan portallarda kompaniya haqidagi maqolalar;

➖ kompaniyaning sobiq yoki hozirgi xodimlarining fikrlari;

➖ siz bilan bog‘langan rekruting kompaniyasining maslahatchisidan olingan ma’lumotlar.

❕Suhbatga boradigan kompaniyangiz haqida nimalarni bilishingiz kerak?

➖ Kompaniya qanday mahsulotlar/xizmatlarni taklif qiladi?

➖ Kompaniya mahsulotlari/xizmatlarining yakuniy iste’molchisi kim?

➖ Kompaniyaning asosiy raqobatchilari kimlar?

➖ Kompaniya biron bir katta birlashma tarkibiga kiradimi?

➖ Kompaniyaning tarixi, maqsadi va vazifalari qanday?

➖ Uning kelajakdagi istiqbollari qanday?

➖ Rahbariyat tarkibi barqarormi yoki u tez-tez o‘zgarib turadimi?

➖ Ushbu kompaniyada ishchilarga munosabat qanday?

➖ Kompaniyaga ommaviy axborot vositalarining e’tibori qanchalik katta?

➖ Xodimlar nima deydilar?

Ushbu ma’lumotlar nafaqat kompaniya ish beruvchisi sifatida qiziqtirishi yoki yo‘qligini aniqlashga yordam beradi, balki rekruterning nima uchun ushbu kompaniya siz uchun qiziqarli degan savoliga ham javob beradi.

❕ Suhbat jarayonida jiddiy asoslar keltiring

Professional o‘sish uchun imkoniyatlar, foydali tajriba orttirish, yangi, qiziqarli vazifalarni hal qilish, rivojlanish istiqbollari va boshqalar shular jumlasidandir.

Rekruterga ish beruvchiga qiziqishingizni ko‘rsating va u shundagina sizning niyatlaringiz jiddiyligini tushunadi!

Telegram l Veb-sayt l YouTube

Rezyume tayyorlashni o‘rganamiz

4-qism ("Ish tajribasi" bo‘limi)

Rezyumedagi kompaniya va ish beruvchilarning e'tiborini jalb qiluvchi eng asosiy bo'lim — bu "Ish tajribasi" qismidir.

Ko'pchilik, ayniqsa talabalar yoki oliygohni endigina tamomlaganlar ish tajribasi bo'limini ko'pincha bo'sh qoldiradilar. Bunga sabab qilib esa hali hech qayerda ishlamaganliklarini ko'rsatadilar.

Lekin bu ham rezyume to'ldirishdagi eng katta xatolardan biridir. Chunki ish beruvchilar tajribasizlarni ishga qabul qilmaydilar. Agar rezyumening ish tajribasi bo'limida hech nima yozilmagan bo'lsa, talabgorni hatto suhbatga chaqirmasliklari ham mumkin.

❕ Xo'sh, "Ish tajribasi" bo'limiga nimalar yozish mumkin?

Birinchi navbatda, (agar siz qayerdadir ishlagan bo'lsangiz) kompaniya nomi va ishlagan davringiz yozilishi, uning ketidan esa kompaniyada qanday loyihalarni amalga oshirganingiz haqida qisqacha to'xtalib o'tishingiz kerak.

Shuning uchun qayerda ishlashingizdan qat'i nazar doim (ish faoliyatingizdan tashqari) qo'shimcha loyihalarni amalga oshirishingiz lozim. Ish davringiz mobaynida hech nima qilmay turib, yaxshi rezyume tayyorlay olmaysiz.

❕ Hech qayerda ishlamay turib, "Ish tajribasi" bo'limiga nimalar yozish mumkin?

Misol uchun, talaba o'qish davri mobaynida diplom ishi yoki turli xil yo'nalishlarda oliygohda tashkil qilingan loyihalarda ishtirok etadi. Aslida shular ham uning ish tajribasiga misol bo'la oladi. (Bu videoni ko'ring)

Ya'ni, siz hech qayerda ishlamagan bo'lsangiz ham o'qish davrida amalga oshirgan ishlaringizni ish tajribasi bo'limiga yozishingiz mumkin. Masalan, siz qayerdadir amaliyot o'taysiz, to'g'rimi?

Mana shu amaliyot davrida qilgan ishlaringizni ham aslida ish tajribasi bo'limiga kiritishingiz mumkin.

Xulosa shuki, rezyume to'ldirishda hech qachon "Ish tajribasi" bo'limini bo'sh qoldirmang. Chunki bu sizning zararingizga ishlaydi.

Mavzuga oid postlar:

Rezyume nima?

Talabaning rezyume to'ldirishdagi xatosi

1-qism (Rezyume shabloni)

2-qism (Suratlar bo‘limi)

3-qism ("Qisqacha ma'lumotlar" bo‘limi)

Telegram l Veb-sayt l YouTube

#vakansiya

Sayohat agentligidan sotuv operatorlari uchun o‘zgacha taklif

“Sharif Mahsuloti” jamoasi faol, mas’uliyatli va talabchan sotuv operatorlariga jamoaviy birga rivojlanishni taklif qiladi.

📌 Sizning vazifalaringiz:

✅ Ehtimoliy mijozlardan tushgan qo‘ng‘iroqlarga javob berish;

✅ Xizmat turlarimiz va takliflarimiz haqida batafsil ma’lumot berish;

✅ Har bir muloqotda xushmuomala va kreativ bo‘lish.

📌 Talablarimiz:

✅ O‘zbek tilida erkin muloqot qila olish;

✅ Ish tajribasiga ega bo‘lsangiz, bu albatta ustunlik beradi;

✅ Yoshingiz 18-24 yosh o‘rtasida bo‘lsa, bu biz uchun ayni muddao;

✅ To‘liq ish rejimida ishlay olish, haftada 6 kun (9:00-18:00).

📌 Biz sizga nimalarni taklif qilamiz:

✅ Rasmiy ishga joylashish;

✅ Oylik maosh fiks + KPI bonuslar;

✅ Sotuvda yangicha metodlarni o‘rgatish;

✅ Qulay, zamonaviy va do‘stona ofis muhiti;

✅ Kasbiy rivojlanish va o‘sish imkoniyatlari.

📨 Rezyumeni telegram orqali yuboring:

👉 @Maqsudjon_HR

Telegram l Veb-sayt l YouTube