📊 #موضوع_صغير

ومساء الخير لكم يارجال ويانسوان وياوعوع🌚

طبعاً باقي لرمضان 55 يوم تقريبا

والله اني مريع ڵـهٍ قوووووي وفي نفس الوقت مشتيش يقرب عاميد ماينجحش.
وانا داري انه عيجي وبه ناس قلوبهم بتوقد طبعا مش م̷ـــِْن قلة الايمان مع 😂
من قله العقل
وهم طلاب صف ثالث ثانوي ياغبني عليهم صدق وزياده البنات ماعد اتدراش تغسول ولا تصوم ولا تذاكر
والعيال خلوكم مثلْيےّ لوما كنت صف ثالث ثانوي سبرت ليـّۓ جدول عاسب اذاكر عليه في رمضان المهم دخل رمضان واجي امسك الكتاب ماعدبش ابليس ذيك الي يجي يوسوس ڵـڱ ويقلك سير اللعب الخبره مريعين ڵـڱ. مع ماعدبش ه̷̷َـَْـُذآ الخبر لان انتو تعرفو انهم مربطين. بس في رمضان غير لمشكله هي حن كنت افتح الكتاب في رمضان تجيلك نيه للقران والتسبيح ماعد دريناش هو ابليس ارتبط وجا واحد بدله او ماهو اهم شي كنت اجي اكتب في الجدول ذلحين رمضااااان وعنرجع نسد وعلى هذه الحاله لوما تم رمضان ولا دخلت ليـّۓ مذاكره ولاحنا الذي سدينا يالله نركن ان صيامنا مقبول

المهم قرب رمضان
رمضان وربي غير حتى في جوه غيررر
ولو عاد تسيرو تفعلو لكم دوره بعد العصر تتصرفو في سوق الملح بصنعاء القديمه ولا باب السلام والله ماعد تشتو تخرجو. تحس انهو رمضان هانك صدق🌚


صّـْْ(☑)ـْْحّ يمكن عيجي وانتو بتذاكرو حتى انا معي مذاكره فيه والكل بس مهما كان اعطو لرمضاااان حقه. وغرسو الابتسامه فيما بينكم بالكلمه الحاليه

وبالاخص الصددددقه يااااامحلاها في شهر الخير
وماعتقل الا…
‏الله يديم جيات رمضان وحلاوته
ويقدرنا على صيامه وقيامه".✨🌙

ومبارك عليكم الشهر

ويارمضان يابو الحماحم واديلنا معاك جغثه دراهم
وسلامتكم 😄

╭─═┅┅┅═─╮
•l❤ هلوسات عاشق
╰─═┅┅┅═─╯

Te » @afeefy

فاررررح بقدوم رمضان😍 [100-200]
‎├ هـلُِوُسآت♪عٍآشُقٌ❦
‎├ ابو توشكا
‎├ H
‎├ بًنِتٌ بًيَر آلَعٌزٍبً
‎├ صمتي حكاية
‎├ The Queen
‎├ ┊⁽♯مــؤيدٲآلحاﺝ ‎₎⇣ ♔ ⁾』
‎├ شموخي تعداك
‎├ Roqaiah 🌸✨😻
‎├ إبہيهٰ̐ہ ڪہشہخہهٰ̐ہ‎ ‹‎♛⁾
‎├ سبحان الله وبحمده سبحا...
‎├ ❀ Sh_M_7❀
‎├ اݪـرم̯ش اݪخٓـجٓوٰݪ ،🇾🇪
‎├ عاشق الحزن
‎├ ؏ـٌ😌ـٌﺂقڵه بقڵب ﻣٌجٍّنـ😜ـٌونٌ
‎├ م/ جــــــولين¹³ 🇾🇪 🌸
‎├ آبّہنَِٰٰ ؏ۤـہٰٰلوِآنَِٰٰ. ₎⇣️️🔥️⁞͢₎⇣
‎├ Jᵒᵉˡˡᵉ⁞❉💥┋♩
‎├ : 🎶ﺯَٰيٰۧدِٰٔ͡يهٰٔ͡ہٰۖ͜ ٵٔﻟۙ͜ﮫۨﯢۖ͜ۍۧ🎶ٰ
‎├ Roro
‎├ AL_Yemen
‎├ ذماريه مبحشمه
‎├ ابراهيم محمد
‎├ رٰاٰمہٰيٰ بہٰنٰ عہٰلہٰيٰ اٰلٰہٰشٰہٰدٰاٰدٰيٰٰ
‎├ سلا خاطري
‎├ گبـಿـريآء مـ❣ـہلكـ❣ـہةّ ...
‎├ A52a💖 يمانيه✌
‎├ فضل الله
‎├ ツ ツ
‎├ كـــــلبي ' ـآإأنــــت💛🔐ء
‎├ برنسســــــيسهہء صصـــ...
‎├ مدلوزه بعقلي
‎├ ʷʰịŝρẹrَ
‎├ الشيخ عبدالرحمن محمد ا...
‎├ فراشه الربيع
‎├ ســـــ❀ـــۢ͜ــٰٖرـۢ͜ــٰٖٱآب ـۢ͜ـ...
‎├ خالد
‎├ ګأّأّتّمَ لَأّحٌزِّأّأّأن
‎├ كيلوا
‎├ شـيـٍَخـهـﮩًـ آٍلـٍـًجـِنً ًŊeɦ...
‎├ @MonwatYemen
‎├ مْعہُقہًوٌلہه•|• 〄💖‘
‎├ ☆ حفــُـًٌٍَِّْـۣۗـۣۗـۣۗـيدۣۗ🔥عفـٌٍّۣۗـًٍــۣۗـۣۗـۣۗ...
‎├ قَـمـرٌ ¹₆
‎├ أم الجوري🌸
‎├ A45
‎├ حكہٰٰ۫ايهۃ كبہٰٰ۫ريہٰٰ۫اءۦٰ
‎├ الصبر جميل
‎├ 🌹أحببتُكَ لأنْ الله أرادَ ...
‎├ ══════ღ🌸ღ══════ 🌸~*صّنَُْع...
‎├ مـ❣ـہيمـ❣ـہي
‎├ _*♕فہۣۗخہۣۗآمہۣۗة .رجہۣۗل.
‎├ رشـا
‎├ ☆ a.s
‎├ تراثي عزي
‎├ M
‎├ نادره وجودي
‎├ : آلأمٰ̲ہل......
‎├ لينا
‎├ Pʀɪɴᴄᴇ AʟYᴇᴍᴇɴ ⁽🇾🇪₎
‎├ اســلــ{غـيـر}ــوبــي
‎├ أناقة غيم ☁️✨
‎├ كونان ايدو جاوا ۦٰ┋❥ ͢˓💛ۦ
‎├ خفـوقـ يمــنيـهِہ‌ ❈'ء
‎├ ام المؤيد
‎├ رج๋͜ـــ๘ٌ๋ــل๋͜ م๋͜ـٌـﮧـۂ͜ާـ๋͜ـزآجٌـ...
‎├ ....
‎├ إبًنِهّ تٌعٌزٍ🌸
‎├ حگاية نآي
‎├ ابها الفيصل الغريب
‎├ مجموعه انسان
‎├ ❊😼🎶ֆ ȷᓄᓆ ᎗බ᎗̤ɹ⅃Ȋᓗ
‎├ ♬المستشار ♡❥❥
‎├ ابن اليمن قال الحياه ت...
‎├ Pourity live 
‎├ Zemooo
‎├ Howra Ali
‎├ علي ذو الفقار
‎├ فخامه
‎├ زيد بن علي
‎├ 🌸아말🌸
‎├ Roody_ Rose
‎├ ابوزياد صادق الهدى
‎├ ملااااك
‎├ دُقَ آتُحً ـيه قَدُآمِگ يَمْنْيَهُِ
‎├ zια∂ αℓ-sүα∂ι “✾‘﴾❥
‎├ اسيرت احزاني
‎├ ◑ˍ◐
‎├ Re Re
‎├ Sam
‎├ غـ❣ـہدآ🌸 آجـ❣ـہمـ❣ـہل
‎├ Mimo
‎├ ابووو قايد
‎├ مترفه بحب امي 💙
‎├ عبدالله الشميلي
‎├ يماني رافع راسي
‎├ (ღ˘⌣انت روحي˘ღ)
‎├ صالح السلمي
‎├ ياسر القدسي
‎├ أوججاع الصمت
‎├ ..
‎├ أدمنت حبك واحرموني من ...
‎├ أمل الامة
‎├ اميره الظلام
‎├ ابووليد
‎├ غنجج صصنعاانيةه^
‎├ ♚←♪#ماشا😊 ♪→♚
‎├ manchester✨
‎├ ☆ ومضــة أمل🌟ツ
‎├ انسانه تعشقها النجوم
‎├ ملاطف الكهالي
‎├ استغفر الله
‎├ اليمن
‎├ صنــعــآنـيــ ɑ̈ هــآشـ...
‎├ صعدي ملذوع
‎├ احمد سفيان
‎├ The Legend
‎├ @ _ @
‎└ ۶ـدي آلـᓅآξـۄړﯤ

مابش في حسك منه😢 [10-15]
‎├ حساب محذوف
‎├ [خفوق]💙~ ...
‎├ ۿہآئمَٰـُـٰٓةه فَٰ͒ـُٰٓيَُٰـٰٓ آلَُٰـٰسُٰـٰٓمَٰآء💜💭
‎├ #تــبــــــآ
‎├ Alaa Ahmed
‎├ ⚖️❤️ بحًر
‎├ ميمو
‎├ امل الحياه
‎├ عيون تعزيه
‎├ مۧتِــــــــْهہمۧ بــــٳٲل...
‎├ نسسسمهةة🖤💭'(:
‎├ .
‎└ شهرزان

👥 100-200 people have voted so far

#موضوع_صغير

الموضوع هو عن البالطوهات وكم لهن من اشياء لو نتكلم عنهن

عاد الي تجي فاعله ربطه في خصرها وهي نحيفه توقع ساع الغوار 😂
والا الي هي دبجيه وتفعل ربطه توقع بعدا سساع العلف المربوط 😂

بس به نوع اللي تخرج ياسعم مع محرم معها اخوها او ابوها او زوجها و أخص بالذكر اللي مع زوجها احب اقوول للزوج كون خلي زوجتك تمشي قبالك وشوفها كيف هي ب البالطوه من على بعد مترين 🌚 من كثر الحزوقه والربطات اللي عليها والمشيه بالكعب العالي تنسى انها زوجتك وباتبدا انك تغازلها 🌚😂
من كثر ماهي ملفته للنظر ☻
عاد البعض يحط يده على كتف زوجته ويمشي بالاسواق 🌚
يانور ومهند مشو داعي قله الادب ب الاسواق 😆
سعم اني قدي هذي رومنسيه هذي قدي انحراف عيني عينك

ولا تنسى انو نسبه العزبان با اليمن بكثره وهذي المواقف حقكم تسوي تحسس قوي للعزب 😆
وابوها المحانكه 😒😂



ايووه واشتي اقلكم علـّۓ العرس الذي وقع عندنا بصنعاء تزوجو اربعه عيال عادهم جهال صف تاسع يمكن😢
ذلحين ماهو ه̷̷َـَْـُذآ احنا الي حنبنا في النص لاتزوجنا ولا وقعنا جهال 🌚
المهم اول ماسمعت الخبر طننت الصدق وقلت ذلحين حن الجاهل ذيه المتزوج يمر بفتره اختبار عيكونو يبزوا عليه مرته ساع الايباد. ويردوها في الاجازه😂💔

وسلامتكم (🙁)

╭─═┅┅┅═─╮
•l❤ هلوسات عاشق
╰─═┅┅┅═─╯

Te » @afeefy

#موضوع_صغير

كيف احوالكم ياشعب هلوسات العظيم🌚
ان شاء •اللّـہ̣̥ تكونو حاليين ومهلوسين وبخيرين
موضوعنا هو عيوقع مزعج للبعض بس هي الحقيقه محد يغثى خلونا نتقبلها بروح رياضيه😁 وهي عن المجموعات المختلطه في التيليجرام او غيره

هن سبب البلاوي والله. واكثركم عيقل مافيها شي ياسعم قدهم منفتحين وقد البنت بتحاكي وتزبج مع ناس والله مالها علم وين خريتهم الكلاب (اعزكم الله)🌚
هذا ياجماعه مشهو انفتاح هذه حرب ناعمه يشتو يلعبو بأخلاقكم. جو لـٍهآ م̷ـــِْن هذا الجانب (المجموعات المختلطه)
لان البُـنًتٍ قد بتركن حن قد رقمها مشهو باين وسبرت لك بروفيل في وادي وشكلها في وادي🌚 وندعت ڵـڱ اسم مهنجم والعيال والكل للمه هاكذا؟
عاسب لانهم فاشلين في واقعهم الحقيقي وجو في في هذه تطبيقات التواصل الاجتماعي يطبقوها بخداع ومنزاغه… و البُـنًتٍ تشتي تغري الولد بحقها البروفيلات واسمها ذيك الحالي ياسعم انهي ملكه جمال العالم والولد يشتي يقلد انهو رجال وهنجمه وخر فسح وهو لْـۆ يرسمو صورته عرض حفاظه م̷ـــِْن حق الجهال والله محد يشتريها..
لاعد نفضحش خلونا نستر🌚
انا الحمدلله يدخلوني مجموعات وافعل لعنه واخرج😁

المهم الولد ماعد نقل فيه صعلوك مابيخاف علـّۓ خواته.… .قدهو ذيك

بس البُـنًتٍ بالله حن تجي تحاكيني في مجموعه فيها المسكين وفيها المهنجم وحاله امه في قوطي فول وفيها الصعلوك وفيها الصادق وفيها الكاذب وتجي هذه البنت تضحك وتتهيبل معاهم وهي ماتعرف عنهم شي وربي انها تنزل م̷ـــِْن عيووووووووني قوي واقل وين سار حيائها وين كرامتها وين كبريائها……؟ ترجع نفسها هاكذاك. وتجي تقلي في مجموعه ياخي.… .
اقلها. اسف….. اختي بعيده الف بعد منش! وذيك الي ياسعم انهو رجال يجي يقلي وانت مالك ماقد ابسرتها تسوي ماسوت شي عاميد يشتب وتعجب به البنت هذه
ارجع اقله خلاص خلي اختك تجابرنا ماافيها شي ورجع يسكت وهذك البنت خزيت علـّۓ نفسها ودريت مابتسوي م̷ـــِْن هباله وحذفت حسابها ذيك السع … 👍
المهم وبالختصر. للولد او البنت نصيحه م̷ـــِْن اخوكم #هلوسات استغلو اوقات مراهقاتكم فمنكم م̷ـــِْن يصنع مجداً في الوقت الذي انتو بتلهو وتضحكو علـّۓ انفسكم فيه😉


وسلاااامتكم(🌚)
╭─═┅┅┅═─╮
•l❤ هلوسات عاشق
╰─═┅┅┅═─╯

Te » @afeefy

#موضوع_صغير



اول حاجه ابارك لي بعدا انتو 😁 بقرب رمضان. وقد بيعلنو بالحلقات حق رمضان ومحلا هذك الموسيقى الاعلانيه حق قناه السعيده ماعد بتحسسني انه رمضان صدق الا هي على هذه الاوضاع
حتى اليوم صليت مغرب
وقسم لكم بالله اني بين ابسر وجوه جديده بيصلو معانا. الحمدلله مانقل الا الله يهديهم بس يستمرو هاكذا. مش الاسبوع الاول من رمضان ماشاءالله الجامع ملااااان والاسبوع الثاني ينقص صف والاسبوع الثالث ماعدبه بيصلو الا صفين ونص والاسبوع الاخير حليمه رجعت لعادتها القديمه. تقل انهم بيصرفو الحسنات صرف وحتى بالنسبه لمأكولات رمضان
وعاد في الاسبوع الاول من رمضان وزياده اول يوم يجي طويل ومن طوله ضرب مثل عندنا للبنت الطويله حن واحد يوصفها (طويله ساع اول يوم برمضان)😂😂
هو صدق يجي طويل ونحسبها بالثواني ونسير ذيك السوق مع ذيك الجو الرمضاني والمسابح ساع الصدق في ايدينا والمساوك والشم حق السمبوسه والرواني بنتخوور كللل حاجه ماعد ندراش مانشتري وعاد بنقل ماعيكفيش نشتي خيرات عشاء
وتوصل لاعند اهل بيتك يامررره اسبكي العشاء وشم المرق هاذك الساع تضيع عطور باريس الصدق 🌚 ويجي وقت المغرب وقدحنا ساع المومياء بنتناذق الذي بتبسره متلل والذي بيتخيل انهو بيأكل ماتبسره الا بيقحص الهواء😂
ويجي وقت الفطور كل واحد يخرج ماعنده الذي يخرج الشفوت والذي يخرج الحلبه هذك الذي يووووقع لها طعم ولو مشهي مسبوكه والذي يدي العصير والتمر. بالنسبه في حارتنا مابنسيرش الجامع معانا ارضيه فاضيه خاصه بس لفطور رمضان. نجتمع كل الحاره فيها. ونجمع الفطور لهانك وبعضهم قد بيزيد فيها ويخرج عشاء مش غر فطور ونجلس نريع للاذان هانااااااا الصدق اكبررررر عذاب😂 يالله يأذن وقد كل واحد مستعد للهجوم حتى الدعاء بنختصره ونقول ياررب رضاك والموضوع ذاك وبسم الله😂 وعاد المأذن مايدراش يفطر ولا يأذن.
الله اكبر وماتسمع الا القروطه بيعتبي ومايقل الله اكبر الثانيه الا بعد خمس دقايق. ولا مابه عليك بزلك تفطر بتمره تلين بها حلقك واذن وعترجع تاكل امانه لوما تفططر.
المهم ونتم نتعشاء ونفرش لنا طربال ونصلي فوقه ماتسمع الا بيشاوروك من قفاك الذي بيقل ياٳمام قطبه والذي بيقل هو غر اهاه اختصر والذي بيقل سوره الاخلاص تكفي يالله يضوو يتعشو
وبعدا يضوو للبيت طريق ذيك العصير. يشربو لوما يقرحو وان ذيك العشاء بكله حررررم ياااعيبتاه والتبذير .
ويرجع يبسر حلقه حاوي لاوي وكل واحد بيعسعس بطنه تقل هولا كرشو الاخضر واليابس وهو كله عمل الماء والعصير
ويأذن العشاء ومن بعدها صلاه التراويح الله يريحنا بها. .

المهم من هذا كله رمضان على الابواب. لاتفهموش رمضان انهو بس جوع واكال مع رمضااااان غير بروحانيته بقرأنه بذكر الله بالتوبه لاتفوتوه وماجمعتو لكم حسنات خيررات. تعرفو ان التابعين عليهم السلام كانت حياتتتتهم كلها رمضان مش يعني كانو يصومو طول عمرهم مع بس كانو يحتفلو بقدومه من قبل مايجي بستة اشهر وبعدا يجي ولوما ينجح يودعوه ستة اشهر. وان حياتهم كلها رمضااانيه
استغلوه. بالتقرب الى الله ولاتنسوووووووووو الناس المستعففين والمحتاجين والله ماعد خير الا فيهم
وانتبهو لصحتكم فيه افطر لك او لش بتمره وادعي مافي قلبك ورجع صليت المغرب وقمت تتعشاء لك وماتشرب الا قلص ماء واحد وبعد ساعتين من العشاء اشرب كما اشتيت وعتضمن سلامت بطنك🌚 وباقي هولاك الذي حن يتسحرو يشربوووو لك دبيب ماء قصدهم انهم ماعد عيعطشوش اعزك الله تخزين الماء من وظيفة الناقه مش من وظيفتك
وفي اخر كلامي. ادعووووووولي بدعوه ولكم بالمثل والله يبلغنا رمضان لافاقدين ولامفقودين

وسلاااامتكم( 🌙😄 )

╭─═┅┅┅═─╮
•l❤ هلوسات عاشق
╰─═┅┅┅═─╯

Te » @afeefy

#موضوع_صغير
معي نصيحه للنسوان المتزوجات من الواقع الذي انا اعيشه
فيا عزيزتي فلانه :
وقد انتي في بيت زوجش لا فعلتي نثره ومشكله معه ولا معا اهله

فما عليش إلا ان تتبعي الخطوات التاليه :

*قلدي صوت الضمير اي انش دفعلي سعما يفعل الضمير في قلوبهم بالظبط
خليهم يهتزوا وينتفضوا من داخليهم

*شي من ذمه وقلادات (قلللللدكم الله لا رااس اااااا هويسبر درررم برررررم ,وانا راضيه بذمتكم يافلااااان وياعلان )

*وشي من تفويض لله ودعااا سعما المطر
يفدجعوا
*وشي من دموع وتندعي ذيك المعددي

ودقلدي سندرلا مكسورة القلب
🥺🥺🥺
#لكن الخطوات دختلف بااختلاف طبايعهم
*بعض ناس يخاف الله وكلمتين دخليه يبسرش ملاك وهذا ينطبق عليه الخطوات السابقه

*وبعض ناس 😒😒حق صمييييل وخنزره,وقلبة وشه فوقه ,يدحاكى كلمه تردي عليه بعشريييين 😡😡ودقفزي لاااااااااحلقه وانتي بدحاكيه

,ودقتلب نظراتش لاعنده 😒😏 فدبسريه بسرة خاله فوق غدا ,والدعممه لأمثاله دنفع بقوه
,, لما يخطى الطريق ..

و االله يسخر لكن كل قلب قاسي ,ورقاب عاصيه ..
😁
#كما في زماننا يافلانه ماعد بيخطين إلا الذي بوشههن ,
اما المستحيه إلا من رحم االله ,وكل شي في بابه


#ورحم_االله_والديك_يامصلىعلى_النبي وآله


وسلامتكم (😁)

╭─═┅┅┅═─╮
•l❤ هلوسات عاشق
╰─═┅┅┅═─╯

Te » @afeefy

#موضوع_صغير ومهم

ايسسسسلومعليكككوم 🌝👋🏻' ⇣


شسسمه '-> عنتكلم شويه ع سرق الاسامي ' في التيلي وباقي البرامج ☺️'

الي يسبر واحد ," الناس #معججبه بشخصيته '-> ويقوم يسسرق اسمه ' قصصصده ان الاسسم يخلي الواحد يجذب الي حوله ' ويقوم يسرق اسمه ويقلده 😪 ," لان به ناس اكتشفتهم بزو اسمي وحتى معرفي ويغيرو فيه حرف ولا حرفين

عزيزي الي بتسسرق الاسامي ⇣

انت #ضضعيف شخصيه , ياخخي حدد شخصيتك لا تقلد حد انفرد بنفسسك بطبعك ' خلي كل شي خخاص بك انت مش بتقلد احد '-> اقتدي بححد لكن لا تقلده ☺️'

اما انا '-> ككثرو الي بيسرقو اسمي ' قلت سهل الا ما بعض الاعضاء يجو يكلموهم قصدهم انه انا , ويدخلو قروبات ويجلسو بنات لظهري انا -> فهو يتويقح وينقل صصوره شوعه عليا ☺️'

وعاد الي #يعصب_بي >' الي بيسرق اسمي بنفسس الزخرفه 🤕'

المهم ❗️⇣

#ححبيت اقل للاعضضاء '-> اننا مدخلشش قروبات , ونادرا ما ادخل قروب شويه واخخرج منه ع طول , '-> والخلفيه ححقي دايما تكون عن اسمي او صورتي بسس ☺️☝️🏻'

نصصيحتي لكل شخص '-> ⇣

لو ححاولت ' تنفرد بشخصيتك ' وما تقلد اححد >' عتلاقا شخصيتك ' اححلا من الي #بتقلده ..🚶🏻

اعتذر '-> لو غلطت ع السرق الحمير
وسلامتكم (😕)

وذيه توقيعي ومعرفي الاصلي👇👇

╭─═┅┅┅═─╮
•l❤ هلوسات عاشق
╰─═┅┅┅═─╯

Te » @afeefy

#موضوع_صغير


ومساء الخير ياشعب هلوسات العظيم🌚
ان شاء •اللّـہ̣̥ تكونو حاليين وبخيرين
ورمضان مبارك عليكم مقدماً.
اسبوع وتتغير الدنياء بما فيها بقدومك ياشهر الخير 😍
المهم والأهم موضوعنا مدري الصدق ماقدرتش. اديله عنوان مناسب من وجع القلب الذي انا ابسرته لبعض الناس 💔
كنت خاطي يوم الجمعه الي سارت من التحرير الذي عند دخلة باب السلام. وكان الجو ذيك عصر الصدق جو رمضاني المهم خطيت واسمع عيال بيبكو قوووي وواحد بيصيح فوقهم وكانو داخل زقزقي قلت والله لادخل ابسر مابه واتفاجى وابسر رجال بيضرب عياله ضرب لاحيان من الله 😢💔 وصلت حملت بزيت العصيه من يد ذيه الرجال وقلت له مالك ياعم صل على رسول الله قال مااادخلك مني. هم عيالي وانا اخبر بهم قلت وانا قسم بالله ماعد تعسهم. وهزرته وقلت جي نتحاكا
المهم جى بعدي سرت اشتريت له قلص ليم يهداء وقلت صل على رسول الله اعتبرني مثل ابنك وحاكيني بكل حاجه. والله ياخبره عادني ماقد تميتش اتكلم الا وقد عيووونه دمعين😢💔 قلت لاحول ولا قوه الا بالله قال يابني مااقلك وما اشكي لك ومن وين ابدع لك ومن وينه اختم لك…
المهم بمختصر قصته (انه ذيه الرجال كان قبل العدوان علينا موظف ومفتن. وكان تجي هذه الايام وهو وعياله ومرته بيتصرفو لرمضان وفارحين ومتشوقين مثلما انا وانتم متشوقين له ... وبعد العدوان قرحت وظيفته لانه كان بيشتغل في وزاره الكهرباء وذلحين هي موقفه نهائياً عن العمل وقلت له وليش ماتشتغل. وأن قد طلع ايديه فوق الماسه وقلي ابسر يابني كيف قدهن
ابسرتهن الصدق انا ورجعت قلت ياااارب رحمتك قدهن مشخوطات مدبجات قلت للمه هاكذا قال والله ياولدي اني بين اشتغل 24 ساعه موقص حجار عاسب أوفر لعيالي لقمه العيش. وقلت له كان ليش بتضربهم هاكذا 😢
رجع ابسر بعيونه للسماء وبكي وقلي تعرف للمه بين اسوي بهم هاكذا. قلت للمه ؟؟
وربي انه صدمني بالاجابه
قال بتنهيددددده موجعه من قلبه والله يابني انا دمعه بتزل منهم انهي بتذبحني ذبح
ماشتي اذكرهم إن رمضان قرب ويحسو ان رمضان نفس اي شهر
ماشتي عيالي يبسرو عيال الناس الثانيين فارحين وهم بيشوفوهم بعين التمني. مامعي الا اني اسوي بهم هاكذا عشان يتعودو على قساوة الحياه هذه ومااااتمتد يدهم لمخلوووق 💔
الله الله الله على عفه
الله الله على شماخه

ابسرتو للمه بيسوي بعياله هاكذاك عشان ينسيهم هذك الايام الي كانو مرتاحين فيها ومريعين ايحين يجي رمضان ويفرحو به ويضربهم عاسب يتعودو وينسو هذك الايام

هولا هم الناس الذي بصدق تستاهل الخير. هولا العفيفين الذي مابيمدوش للناس ايديهم من عفتهم هولا هم من امرنا الله بألتماس حاجاتهم ابردووو لكم من هولاك الذي بيطلبو في الشوارع ودورو من يستاهل الخير.
يرضيكم انه يجي رمضان الخير. وبه ناس هاكذا متضررين ومشهم فارحين بقدومه واحنا ولا في حسنا يالله نتصرف ونعبي المطبخ مصاريف اهم شي ويارمضان هيا جي. 😐
مع مش هاكذا اقولها لكم للمره الاف. رمضان مش حق اكل ونوم. وقد حسينا هاكذا براحته.مع والله ان لذه رمضان لاهي في اكله ولا في نومه وانما هي حين تدي لذيك المحتاج صدقه ويبسرك بأبتسامه ويرفع يده ويدعي لك هذه هي الذه بذاتها في رمضان
المهم ياجماعه ولو قد طولة عليكم بمجبري😅💔 المعذره


المهم والاهم 🌚
(يارمضان يابو الحماحم اديلنا جغفه دراهم😂💔 )


وسلامتكم( 🌙😄)

╭─═┅┅┅═─╮
•l❤ هلوسات عاشق
╰─═┅┅┅═─╯

Te » @afeefy

#موضوع_صغير


السلام عليكم
ورمضان كريم. وصوم مقبوول للذي صاامو من اليوم🌚 وعقبال للذي عيصومو غطوه😄

المهم امس العشي دخلووووو لي اعضاء خيرات ويقلو هيا مه رمضاااان اومع
انا ماعد دريتش ماجاوبهم وتمنيت اني عند العلماء حقنا اوقع حكم 🌚 كللل واحد بيدي له خبر
والذي يدخلي ويحلف مايصوم الا اليوم والذي يحلف ماعيصوم الا غطوه
يااااخي صوووم حتى يوم الثلوث انت ماعتصمش لي ولا عتنفعك والله غني عنك وعن صيامك.
ببس يااجماعه للمه هاكذا احنا معانا عالم والعالم هذا تسبح له الملائكه. مش من قد لبس العمامه ومعه عصيه ونظارات قدهو عالم. مع العالم هذااا هوووو بيتحمل كللل مابيقوله لان امه بكلها بتسير على مابيقول هوه فعن الذي بيجو يقلو لاااااتصدقوش 😢

قلي امانه كيف مانصدقش من يقلو لك لوما نصدقك انت

ياخي او اختي. الله امرنا بطاعة ولي الامر. وولي الامر ذيه مشهوو فارح حن قدهو عالم مع والله انهو عيتحاسب. على كل حاجه اكثر مني ومنك وعيتحمل ذمتي وذمتك. خلااااص قال يوم الاثنين رمضاااان احنا بعدده نقصنا زيدنا اللهم احنا اتبعنا من فضلته عالماً علينا.
المهم المعذره منكم بس اثارني البعض حن صامووو اليوم بس غر محانكه لفئه او طرف معين
وكل واحد ربي اخبر بنيته
والله يتقبل صيامنا جميعاً
بس يامنعه كونو فكرو بعقولكم مش بركبكم 🥴

ا
وسلامتكم (😄)

اسير اتغددددا 🏃‍♂🏃‍♂
احانك الصايمين😂😂😂😂😂
لاتصدقوش كلكم على راسي #

╭─═┅┅┅═─╮
•l❤ هلوسات عاشق
╰─═┅┅┅═─╯

Te » @afeefy

#موضوع_صغير


والسلام عليكم ورحمة الله وبررركاته
كيفكم ياشعبي الصايم اكيد منغددين جاوعين🌚 بس كتب الله اجوركم
ومسرررع يارمضان بتعاجل لرحيلك
فهلاً يا رمضان ! ما أسرعَ خُطاك بالامس ١ واليوم 9
تأتي على شوقٍ وتَمضي على عجل
فسبحان من وصفك ب أيام معدودا ت
فيارب تقبل منّا مامضى . وأعنّا على ما بقي ، وأعتق رقابنا ورقاب والدينا من النار، وخواتم مباركه علينا وعليكم وانشاءالله نكون من الذين اغتنمو العشر الاولى منه وفازو برحمته


المهم موضوع اليوم هو موضوع حساس قوي ومايهمنيش انا وحدي يهمك انت ويهمش انتي ويهم كل ابناء وطنا اليمن الغالي
ولو سمحتوا يا شباب نريد نشر هذه الموضوع حتى تصل الى كل مواطن يمني لأجل وطننا اليمن من أدناه إلى أقصاه....

في يوم السبت الذي سار يمكن الساعه تقريبا اربع عصر كنت فوق السياره مريع للوالد يخرج اشله السوق المهم ماسمع الا صياح بكاء من بيت جيراننا سرت حميليه ادعي اهل بيتي يسيرو يبسرو مابه ويقدمو المساعده
ريعنا قلقين نشتي ندرى ماوقع وقذا خرجت امي من بيتهم وبتقلي ابنهم استشهد في الساحل والله انهو ضاااق قلبي ماعد اقدرت اتنفس لانه صديق روحي قلنا الله يرحمه ويحشره مع النبيين والصديقيين والشهداء بس الذي قهررررني اكثرررر تدرو ماهو انهو وفي نفس الزحف الذي استشهد صاحبي هذه فيه وكان مع انصار الله استشهد معه ابن خاله في نفس المعركه وكان مع الشرعيه
ماعلينا ان ذيك مع الوطن وان ذيك مرتزق وان ذيك خاين بس بالعقل والله ياخبره انهم حن يضوو البيت انهم يأكلو جمعه ويرقدو جمعه ويصلو جمعه ويقرو قران واحد ويضحكو ولوماااا يسيرو الجبهات كل واحد ماعد يعرف من اخي ومن عدوي ماااهو هذا الله المستعان والله😢💔



حضرموت تريد السلام
عدن تريد السلام صنعاء تريد السلام
تعز تريد السلام الحديدة تريد السلام المهرة تريد السلام لحج تريد السلام
شبوه تريد السلام مأرب تريد السلام
إب تريد السلام أبين تريد السلام
حنيش الصغرى والكبرى تريد السلام
وكل محافظة وكل منطقة وكل مدينة وكل مديرية وكل قرية وكل حي وكل شارع وكل بيت وكل شبر من أرض اليمن شمالا وجنوبا وشرقا وغربا يريدوا السلام

فالاخوه / علماء اليمن : شوافع وزيود
إخواني/ اليمنييين جميعا

جنود وعسكر وقاعدة وأنصار الله ومؤتمريون وحراكيون وسلفيون وإصلاحيون واشتراكيون وجميع طوائف الشعب اليمني وتوجهاته الفكرية والطائفية والسياسية وكل الأسماء التي ما أنزل الله بها من سلطان
يااااجماعه
،،قرآنكم واحد،،قبلتكم واحدة،،ربكم واحد،،،نبيكم واحد،،لغتكم واحدة،،

​أسألكم بالله أن تحقنوا دماء اليمنيين​

وعااااد الذخيرة مستوردة من بلاد الكافرين والمنافقين والدم الذي بيسيل هو دم يمني والأرض يمنية والأرملة يمنية والأيتام يمنيين والأم التي تبكي على ابنها قهر والله انهي يمنية والأب الذي يذكر ابنه المقتول يمني والبيت الذي ينسف ويدمر يمني والأموال التي تهدر احلف لكم انهي يمنية

اذكروا بأن طلقة بندقية من أي فرد فيكم كفيلة بأن تودي بحياة بشر وأن ترمل زوجة وتدمع عين والد وتفطر قلب والدته وتيتم أولاده .

ايحين عيجي الوقت لحقن الدماء ؟
والتجرد من الفكر التعصبي ؟،
لمن نحارب ولأجل من ؟
من المستفيد ؟
وما السبب الذي يجعلنا نبيح دم الغير ؟

ماذنب فلان من الناس أن يقتل فقط لأنه أيد الفكر الفلاني أو غرروا به بأنه على حق وغيره على باطل ؟

أليس من حق أجيالنا القادمة أن تعيش دون قتل وسفك دماء وشهداء وقتلى ؟
أكرر رجائي لكم كوني ادمن بسييط مواطن يمني فقط لاحول لي ولاقوه

بقولي لكم يكفي ✋
يكفي قتلا وتشريدا وهدما
ولنتحاور ولنختلف فكريا ولنتشاجر يدا بيد إن لزم الأمر رجلا لرجل بلا قتل وإراقة دماء بلا تحريض وبلا إثارة فتن ..
مواطنون يمنيون

خلوكم معقولين يامنعه وفكرو بكلامي
فعسى موضوعي أن يجد له آذان صاغية وقلوبا واعية وتحقن دم امريء مسلم واحد فقط

( ​ومن أحياها فكأنما أحيا الناس جميعا​ ).

#فكرو بغيركم فاذا كنتم انتم مستفيدين بهذه الحرب فغيركم اذا جيت وقلت له اختار اذا خيروك تقتل انت وترجع اليمن الى السلام لايقل اقتتلوني عذبووني بس خلولي امي اليمن❤فإلى كل حوثي إلى كل مؤتمري إلى كل سيد إلى كل داعشي إلى كل إصلاحي إلى كل علماني اشتراكي وناصري و....
و إلى كل حزب
و إلى كل مسلم لا نقول قال السيد ولا نقول قال الزعيم ولا نقول قال الزنداني ولا نقول قال الجنرال ولا نقول قال الرئيس الشرعي

ولكن نقول :
قال الملك العزيز الجبار
( ​وَمَنْ يَقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ​ ​خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا​) ]سورة النساء : 93

وسلامتكم (💔😅)

يرحله يسير يجهز فطوره عيأذن وانا بين اهدر لكم اوجااع قلبي😐💔
مابش معاكم مهره🌚
امزح 😂
كلكم فوق راسي ياشعب اليمن🇾🇪
╭─═┅┅┅═─╮
•l❤ هلوسات عاشق
╰─═┅┅┅═─╯

Te » @afeefy

#موضوع_صغير


سلام الله عليكم ياااشعبي 🌚

مساء الوداع لشهر بات يحمل أمتعته لساعة الفراق .
قرب موعد رحيلك يا شهر الخير .
المهم كيفنتو يارب وتكونو بخيرين ومرتاحين
وبقلب بيتوجع اتقلكم خووواتم مباركه
ماشتيش الصدق رمضان يكون له ختام😢💔
وياااليت وايامنا كانت كلها رمضان بس سبحان من وصفه بأيام معدودات

وان جينا للصدق والله ان به ناس فاااارحين حن قد عينجح رمضان وبه ناس قلبه بيتقطع تقطع عليه مايشتيش يتم
وكل واحد وقدر الله حاله
المهم به موووضوع اشتي اجابركم به
ياجماعه قدحنا في عشرين رمضااان وبه ناس الله اعلم بنيتههم اكثر مني ومنكم ولا غيررر فيهم رمضان ولاااا حاجه الا بس يأكل ويجوع ويرقد ياخي لك مرقده ترقدك
والله اني انا ولا انت ولا انتي كلنا مقصرين ومابش على راسي ولا على رراسكم ريشه
مانا الصدق معذور معي الاختبارات بتنحطلني😁💔 المذاكره وماعدبش روحانيه نصوم نهم المذاكره
نفطر نهم المذاكره
نتسحر نهم المذاكره ورجع رمضان من روحانيه الئ هم
خيرة الله
وبعدا مابتلاحظوش كيف كانت الجوامع اول رمضان تخليك تحمد الله كم من راكع ساجد
وذلحين رجعت حليمه لعادتها القديمه
قهر والله العظيم لوما ينجح رمضان كان الدنياء بكلها تغيرت فنيت لمن استغله ونال من فضله الكبير
ويمكن من اليوم اتبداء صلاه القيام السااعه 2:00 لعلنا ندعو الله بما في قلوبنا ونصادف ليله خيراً من الف شهر الا وهي ليله القدر ويستجيب وتتحق لك مالم يكن بالحسبان
وباقي نقطه اخيره ومهمه والكل
لبعض أئمة الجوامع الذي بيعضلووو بنا لوما نصلي قيام بعدهم
ياخبره احنا جينا نصلي ماجيناش نربي عضلات
لانه انا حدث لي موقف في رمضان الذي سار كنت جالس جنب واحد وبنصلي قيام وذيك الامام قدله حق ساعه وهو في ركه مانا والله ان رجلي. يبسين قد بين اهم لو يركع والله ماعد اقدر اعطفهن 🌚
المهم ذي الذي جنبي كان كل شويه ويرفع رجل وويوطي رحل حسسني ان تحت ارجله نار بس الصدق ماعنده حجه بدل. مااااكان يدعي لنفسه رجع يدعي علﮰ الامام 😂💔
وانا كنت اسمعه وهو بيقل يااارب ابسر هذا عظل بنا الله يعضل به
قد كنت اشتي اقرح ضحك وانا بين اسمعه🌚 واااااخيرا ركع الركه الاوله ماااتسمعو الا الذذ بيقل اخييييت والذذي ارجله دخنين والذي سجد وماعاد يشتيش يقوم 😢
ياجمعه صح ان الرسول محمد صلوات ربي وسلامه عليه وعلﮰ اله كان يقوم الليل لوما تتفطر قدماه بس كان يصليها فرداً

بس عندما تصلي بالناس جماعه ادري ان به بيصلو خلفك العجووز والمريض والكبيير والصغير تكون توسط لاتطول ولا تقصر وبعدا والله انهم بدل مايدعو لانفسهم عيدعو عليك تخارجهم وتركع
#والمهم النيه

ففي اواخر رمضان ياااااربي💔

سننتظرك ياخير الشهور فإن جئت ولم تجدنا ووجدت آخرين فقط ذكرهم بنا ليشملونا في دعواتهم .

ربنا استودعناك رمضان فلا تجعله آخر عهدنا .

اللهم أعده علينا أعواما عديدة وأزمـنة مديدة .
اللهم بلللغنا ليلة القدر
اللهم لا تخرجنا من رمضان إلا بذنب مغفور وصوم مقبول وسعي مشكور وتجارة لن تبور .

اللهم اجعلنا ممن قبلت صيامه وقيامه وغفرت زلاته وآثامه وحرمت على النار جسده وعظامه .

اللهم لاتخرجنا من رمضان إلا وقد أصلحت حالنا واسعدت حياتنا وغفرت ذنوبنا وتقبلت طاعتنا واستجبت دعائنا .

اللهم اجعلنا ممن شملتهم الرحمة والمغفرة والعتق من النيران .

يارب العالمين

طيب الله أوقاتكم بذكره والصلاة والسلام على رسوله محمد صلى الله عليه وعلى آله وصحبه وسلم

تقبل الله منا ومنكم صالح الأعمال

╭─═┅┅┅═─╮
•l❤ هلوسات عاشق
╰─═┅┅┅═─╯

Te » @afeefy

#موضوع_صغير

صباح الخير
كيفنتو☹️

ماجاليش النوم الصدق مايسبرش ناس ذلحين معيده وحنا صايمين ماهو خبركم هذا

للمه هاكذا
صح مابه شي بس امانه مابتحسوش في قلوبكم غصه الى ماقد وصلنا له اليوم
اسئله خيرات بتدور في راسي
يعني دخلتو قصه رمضان والعيد مزابنه سياسيه او كيف


صورت ان عدن معاهم هلال لحالهم واحنا معانا هلال لحالنا

اقلكم الصدق والمعيدين لايزعلوش
بس احنا دوووله ولنا سيادتنا واستقلالنا وحكمنا وعلمائنا
كم عنجلس بعد بعد السعوديه او غيرها وبعد ترجع تعلن نعتذر من المسلمين اكلنا عليكم يوم.. ☹️
شي معاكم خبر ..
فدار الافتاء حقنا اعلنو ان اليوم هو متتم لرمضان

والمحافظات المسيطر عليها العدوان بيتبعو قررات الدول الثانيه
ياجماعه ليش مابش معاكم دوله نسيتو سيادة واستقلاليه بلادنا #اليمن
ولان احنا دوله لنا حريتنا ولها علمائها
فعلماء اليمن وقضاتها رأوا في أخر المطاف ضرورة تبيان اﻷمر رغم التصريحات واﻹعلانات الرسمية وذلك عمﻵ بقوله صلى الله عليه وسلم : ( صوموا لرؤيته وأفطروا لرؤيته ).
وحيث أننا دولة لها سيادة مستقلة ولها مرصدها الرسمي ولها جمهورها من العلماء والمفتين فلا يجب علينا إتباع قرارات رؤية خاصة بدول مجاورة لنا.

ويالله قد ذلحين بعض الناس معيدين
واكيد ضابحين حتى احنا الصايمين
ضابحين لان الاخ في صنعاء صايم واخوه بيشتغل في عدن ومعيد وهم والله العظيم اخوه ودينهم والله انهو واحد قذا بين احلف لكم ماعد تشتو🌚💔

بس ولانغثي احد.
ومثلما تداول منشور في معظم القنوات
(((خلونا نصوم اليوم ونلبس حق العيد عاسب نرضي الطرفين))
وهذا حل اعجبني😂

#فاللهم اني صايم وتقبل الله منكم ياصايمين صالح الاعمال
#وكل عام وانتو بخير يامعيدين
بس اوقعو رجال لايكونوش يزيدو عليكم وخلوكم اسياد يمنا الغالي مثلما لها سيادتها


وسلامتكم(🙃)

╭─═┅┅┅═─╮
•l❤ هلوسات عاشق
╰─═┅┅┅═─╯

Te » @afeefy





اسكه نبسر من الصايم ومن المعيد

اللهم اني صايم👍

معيد👎

#موضوع_صغير


مساء الخير يااشعبي المعيد 🌚

ان شاء الله انكم فرحتو بالعيد قوي
المهم ابسرت لكم الجيل من بعد ٢٠٠٠ كيف عيدهم وكيف كانت اعيادنا احنا الاجيال حق قبل ٢٠٠٠
عيدنا زمان 💔
كان زمان عيدنا عيد كنا نستمتع بكل شي ونفرح بأي شي
كانت ليلة العيد أحلى ليله في السنه ✌
كنا نجلس نراعي للأخبار أيحين عيعلنو أنهو عيد ذيك بعد المغرب وأول مايقلو بسرو الهلال نطير فرحه للشارع نقرح ونتنبع ونزقع زقيع ونغني ملان الشارع
ياعيد ياعيد هي هي
والكل سعيد هي هي
افراح الليله احنا والعيله
يااااااعيد يااااااعيد
والأمهات في البيوت فاتحات اغنية علي الانسي (انستنا يا عيد) ومانحس انهو عيد إلا بتيه الاغنيه 📼
وقامين يجهزين ويكملين باقي العمل بسرعه بسرعه ويبسرين النواقص 💞💞
ويرجع البيت كله حمله الي يخرج يحلق والي يخرج يدي حقه الزنه الي فصلها والي يحمل يكوي اللداه والي يخرج يخزن ويسمر عند الخبره ليلة عيد محد يجلس فيها كل من بيحمل بعد عمله 😍😍
وحنا بعد ما جننا في الشارع حمله ندخل البيت يحممونا ويعرو نوعتنا لوما تبان 😅
وبعدين المرحله الأهم العيال يسيرو يحلقو شعرهم ويطوبرو لما يجي دورهم وكان المهوك يحلقو له تايسون او كبوريا👦 ويزنط زنط يا الله بس 😂😂😂
والبنات يشلوهن يتنقشين عند المنشقه ويراعين لما يجي دورهن حتى 2 الليل عادي المهم يتنقشين ولو قدهن نووم 😂😂
وياحظها الي معها حد ينقشها في البيت تشترط براحتها
والي تشتي قديمي والي ورد والي خطوط الطول ودوائر العرض والي شخطب شخبيط لخطب لخبيط المهم نقشه يزقرعين بها كيف ماجت 😂😂😂😂😂😂
وبعدين يقومو يدهنو لهن الخضاب ذيك بخدفه وزلي ويذرو لهن فوقه ذره دقيق ولا نشاء ولا بودره ولا ماجاء وكعوتوهن بصوارم قطن وربطو ايديهن يعرق لااا ( ينود ) عليهن وقامو يرقدوهن غصب
وطبعا ماعنرقد إلا و البدلة أو الزنه والكوت والصندل
والفستان والجزمه والشربات والقباضات والشنط
وكل شي جنب راس كل بنت او ولد نطمن لايهرب علينا العيد 😅
وكل شويه ننكز نتفقدهن ونتشقر من الطاقه أيحين عتفذ الشمس نقووووووم أيحين عيسير الليل ويدخل الضوء☀
ومحلا البنات الصغندرات يااربي مانا الصدق اموووت في البنات الصغار امانه ادعو لي ان الله يديلي بنت حن اتزوج 🌚

المهم لاغمضين يرقدين شويه وايديهن مرفوعات مثل المجبسات لا يجتغص النقش 😅😅😅
أمان الي عترقد وتفتحر معذر ماتقوم وقد به ختم في وجهها والي اهتر اهتر والي بقي بقي 😂😂😂😂
وبعدين نقوم نداكم ونتزابط مع اخوتنا قوم قوم هيا عيد هيا عيد
يا الله والفرحه ونحمل نقوم كل أهل البيت ومحد يصيح فوقنا كلهم فارحين لفرحتنا😍
وندخل ذيك الحمام نصطفي ونمتحط دلا دلا البنات لايهتر النقش والعيال لاتخترب تيك المشطه وحمله نلبس ونفكفك الحاجات الجديده الي عنلبسها بحماس والابتسامه من الطرف لا الطرف 😁😁
وبالصميل نفعل لنا لجعه صبوح ونقشقش لنا شويه جعاله من حق العيد وقمنا جهزنا احنا العيال جيوبنا والبنات الشنيط وإليك يا الله
طرنا للشارع نسير نسلم على الجيران سلام العيد
ومانكمل نسلم على الجيران إلا وقد الشنيط حق البنات والجيوب حق العيال ملان زلط وجعاله ملفلفه من كل بيت و ماعذر ما نندع شكليتي شكليتي سكته 😂😂😂😂😂
المهم نكمل السلام حق الجيران ونرجع البيت نفضي الشنط ☺☺
ونسير مع الكبار نسلم على الأهل فوق السياره وحنا بنشخر وكل واحد بيتخيا نفسه ياارض انهدي معليكي قدي😂😂
والمضحك في الموضوع انهو كل مانسير وقعه نلغف عصير على كعك على شكاليت ما قربو قرطناه ساع المقبرة ماترد حد قد عنفتجر بس ولو 😂😂😂😂😂
ماعد نروح إلا وقد وجوهنا ياحجاب الله ملططه من كل شي وبنشخر وبنعدعد الزلط الي قد جمعنها وكل واحد يقل حقي أكثر قال حقي أكثر قال شليت من حقي وعليهااا😅😅
وأول مانروح خلاص قدحنا حول وبطوننا بتجغصنا لغبثه بس ولا همنا نقوم نسير الدكان نشتري قريح و لعب ومسدسات وحراوي للبنات وزراقيف وسيارات ومافي النفس والمضحك نزيد نجعل لنا جعاله 😂😂😂😂
ومعذر مايتغفر نص العسب وتشله الام ياسعم تخبيه لما نخرج الحديقه وفديت الوجهه الي قفى😂😂😂
بس والله كانت احسن أيام مش مثل جهال هذه الأيام نجلس نقومهم احنا ويقومو يتقارحو ويبكو وغنج ودلع وحتى محد يسير يسلم على حد من الجيران قدو عيب 😒
وحتى لو وقع لهم عسب يرجموه بيتعززو ماعيشلوش مايشتوش ويقلو بابا بيدي لنا كل شي
ضيعو فرحتهم والله بالعيد يارحمتي لهم 😢💔
بس محنا حللنا ابوهاااا وكل مانتذكر أيامنا نبتسم

ايااااام والله ليتها ترجع


ايوووه وباقي حاجه اسمعوني يا
اعضائي الحالييين قوووي. جيت استٲذنكم. واقلكم انا بغيب وبغلق حسابي… .لمده لٱ اعلمها… الاختبارات الجامعيه على الابواب عتفقدكم قووي
فﭑن عدت فبِها وان لم اعد فدعواتكم ليـّۓ
ولكم بالمثل اضعاف


وسلامتكم(😃)


محبكم:

╭─═┅┅┅═─╮
•l❤ هلوسات عاشق
╰─═┅┅┅═─╯

Te » @afeefy

#موضوع_صغير


………… مابش ولاموضوع الصدق…….😂😂💔.


عادني كملت الاختبارات ويالله اجمع عقلي الضايع وبعدا اعرفو موضوعات من هذه العين وهذه العين




المهم السلام عليكم
هيااامه. عررفتوني ولا مع 😂💔
ورجعنا لكم ياااحاليين

وتهنئه مني انا هلوسات لطلاب الاعداديه وموثقين في الثانويه

وتهنئه خاصه لطلاب الثانويه وياارب تكونو طلقتو ثالث ثانوي بالثلاث. يعني تنجحو 😂💔

وطلاب الجامعه والكل

وبالأخص طلاب كلية الهندسه بجامعة صنعاء🥳

وسلامتكم (😍)



اسكه ابسر كم به مستقبلين لي ولاقد نسيتوني 🌚💔

╭─═┅┅┅═─╮
•l❤ هلوسات عاشق
╰─═┅┅┅═─╯

Te » @afeefy

#موضوع_صغير

والسلام عليكم
ياشعب هلوساااات العظيم كيفنتو ورجعت لكم قدني فاااقد لكم خيررررات
تعطلنا وامتسخنا لوووي ههه😂


المهم معي لكم موضوع وهذا الموضوع يرجع شويه للبنات
بس قبل مادخلكم الموضوع
انا ذلحين واقف امام الجهال حق الحاره بيلعبو كوره بين هذه الشموس الحاميه😢
ماعد دريتش ارحمهم ولا اموووت ضحك ﻣﻦ الﻣﻤﻴﺰﺍﺕ لﻛﺮﺓ ﺍﻟﻘﺪﻡ ﻓﻲ ﺍﻟﺤﺎﺭﺍﺕ ﺍﻟﻴﻤﻨﻴﻪ حقنا
1 ـ ﻣﺎ ﺑﺶ ﺣﻜﻢ😁
2 ـ ﺗﻨﺘﻬﻲ ﺍﻟﻤﺒﺎﺭﺍﻩ ﺍﺫﺍ ﺗﻌﺒﻮﺍ😓
3ـ ﺿﺮﺑﺔ ﺍﻟﺠﺰﺍﺀ ﺗﺤﺴﺐ ﺍﺫﺍ ﺣﻠﻒ ﺍﻟﻼﻋﺐ
4ـ ﺍﺳﻤﻦ ﻭﺍﺣﺪ ﻳﻜﻮﻥ ﺍﻟﺤﺎﺭﺱ (ﺍﻟﺪﺑﺠﻲ )🐶
5ـ ﺍﺫﺍ ﺯﻋﻞ ﺻﺎﺣﺐ ﺍﻟﻜﺮﻩ( ﻳﺸﻞ ﺍﻟﻜﺮﻩ ﻭﻳﻘﻮﻝ ﺣﻘﻲ) ﻭﺍﻟﻠﻪ ﻣﺎ ﺳﺒﺮﺕ ﻟﻌﺒﻪ
6ـ ﺍﺫﺍ ﺟﺎﺀ ﻭﺍﺣﺪ ﻣﺘﺄﺧﺮ ﻳﻘﻮﻝ( ﺍﻟﻌﺐ ﻭﻻ ﺍﺧﺮﺏ ﺍﻟﻠﻌﺒﻪ )
7ـ ﺍﺫﺍ ﺩﺧﻠﺖ ﺍﻟﻜﺮﻩ ﺑﻴﺖ ﺍﻟﺠﻴﺮﺍﻥ ﻗﺮﺣﺖ ﺟﻮ ( ﺗﺨﺮﺝ ﻛﻮﺍﻓﻲ )
8ـ ﺍﺫﺍ ﻗﺮﺣﺖ ﺍﻟﻜﺮﻩ ﻳﺪﻓﻌﻮﺍ ﻣﻦ 20 ﻭﺍﻟﺒﺎﻗﻲ ﻋﻠﻰ ﻣﻦ ﻗﺮﺣﻬﺍ💸
ﻫﻬﻬﻬ😂😂
ﻭﺍﺯﻳﺪﻛﻢ ﻣﻦ ﺍﻟﺸﻌﺮ ﺑﻴﺖ
ﺍﻟﻤﺮﻣﻰ ﺑﻠﻜﺘﻴﻦ ﻭاﻻ صندلين ﻭﻋﺎﺍﺩﻫﻢ ﻳﺰﻳﺪﻭ ﻳﺤﻠﻔﻮ ﺍﻧها ﻓﻲ
ﺍﻟﻘﺎﺋﻢ ﻫﻬ 😂😂



ضحكناكم شويه😁 الان نرجع لموضوعنا

يااجماعه امس او قبل امس مدري قد نسيت ههه المهم

سمعت في اذاعه وانا بين اسوق
كان موضوع علﯼ البنات يتزوجين غني ولا فقير
والي ماااعجبنيش فقره الاذاعه هذه لانها كانت تقوم علئ حاجه غلط. وكانت تجلس تيك المذيع تشجع البنات مايتزوجين الا رجال غني ورجال معه ومعه ومعه ومابلا تتزوج عن حب 😢

مايسبرش هذا الخبر
زواج عن حب او تقليدي كل نعمه
بس حبيت اقلكم حاجه. اعتبروها نصيحه من #هلوسات
بالنسبه للبنت الي بتبحث علئ رجال ٲقوئ وأغنئ وأذكئ منها فلابد أن تعرف انهي تبحث عن شخص تكون بالنسبه له (أضعف وأفقر وأغبﮱ منه)
بشكل عام/ الذي بيبحثو عن شريك لسد الفراغات أو مكينة صرف آلي. ولا طرف يركنو عليه ليحقق لهم أحلامهم الخاصه , او يبني لهم ثقتهم المهزوزه بٲنفسهم ...
مااافهموش الهدف الحقيقي من تلك الشراكه بين الرجال والمره.
الحياه بتعلمنا ان نبحث عن شركاء نوثق بهم, نتفاهم معاهم ونشعر اتجاههم بالحب والحنان والصداقه.
الٲرتباط مشهو علاج لمشاكلكم الماديه والنفسيه ومشهو تقليد او فرض او واجب اجتماعي
الٲرتباط هو أنشاء رابط إنساني هدفه ٱشباع الحاحه للحميميه. ٲلا تموت وحيداً, أن تنشغل عن مرور الزمن وٲثره فيك , ٲن تغذي قلبك بالذكريات, ان توثق. وجودك في عينين ٲنسان ٲخر. يشاطرك تجاربك في الحياه.
الٲرتباط هو ٲن تنظر في عيون شريكك, ليس في جيوبه, وتعرف ٲن لوجودك قيمه عنده, ٲنه يبسرك ويفهمك ويحس بك. انه يعيش معك الحاضر وانكما مرتبطان روحياً بحبل سري ...
ابحث عن شريك يمكن ان يكون الٲنجاب وتربية الاطفال معه تجربه انسانيه راقيه ومسؤوليه,مش حيمره وغريزه حيوانيه خانقه لك وللٲخرين .. اختر الشريك الذي يثري تجربتك في الحياه وتستٲمنه علئ افكارك وجيناتك ليحفظها للمستقبل💙


هذا الذي كنت اشتي اوصله لكم
ولاتكونوش تصدقو المبعسسين

وسلامتكم (😅)

╭─═┅┅┅═─╮
•l❤ هلوسات عاشق
╰─═┅┅┅═─╯

Te » @afeefy

#موضوع_صغير


ومسااااء الخير ياشعب هلوووسات العظيم

كيفنتو يارب تكونو ضااابحين مثلما انا ضابح. يانضبح جمعه يابطلنا🌚


المهم معي لكم موضوع عن الفنان القدير #صلاح الاخفش

اكيد انتو تعرفوه.
دخلت اليوتيوب بين اقلب من حقه الاغاني وبقيت مقطع قديم عادني الصدق ابسرته
#صلاح_الاخفش_وهو_بيبكي🙃

وبينما هو خاشع في الرقصةء، الرابعه سعم في الركعه الرابعه اذا به ينهمر بالبكاء من شدة حلاوة الاغنيه ومعانيها العظيمه واستمر بالبكاء حتى انتهى المراقصه رضي الله عنهم من رقصة اللحجي الجميله هههههههههه
فعلا انه فنان بحجم السماء بكي ولم يبكي بعده احد لان كان قصده عيبكي والسماره والشواتره سيبكون معه لكن للاسف الشواتره عرفو انها دموع التماسيح فجلسو ضاحكين مبتسمين طول السمره لأنهم مخزنين بكيت كيت جو يفتهنو ماجوش يبكو ههههههههههه

سأسألك عدة اسئله واريد منك الجواب الكافي للبكاء الشافي أيها الصغير الأخفشاني :?

لماذا بكيت ياصلاح وقد بيدو لك مئات الالاف ماعاد تشتي يزيدو يبيعو بيوتهم لك عشان يوقفو دموعك الغاليه؟؟
لماذا بكيت ياصلاح الا تعلم ان جدك الف رحمه ونور عليه كان يخرج ب 4 ريال وقدو فارح ملان الدنيا وانت عادك بتبكي وقد حجزتك بنص مليون يابواق ههههههه؟؟
لماذا بكيت ياصلاح على اغنيه عتاب واليمن لها خمس سنوات تدمر ولم تنزل دمعه لأجلها او تصدر اغنيه جديده عن اليمن وحال اليمن؟؟
لماذا بكيت ياصلاح ومعك حلاقه بتخطيط معماري رهيب ومن بعد ماحلقت هذه الحلاقه اتكبرت اعظم من هيفاء وهبي حين ركضت رامز جلال بالرغم ان عادك للان بتدور رقم ضياء الحرضي ومحمد النعامي يوزنو لك العود ههههههه؟؟
لماذا بكيت ياصلاح قصدك عشان تخلي فاطمه زهرة العين تبكي معك وتحبك اكثر؟؟
لماذا بكيت ياصلاح هل دهدهوك ذي معك عشان تكون اول ظاهره فريده من نوعها ومابش فنان قد فعلها من قبل الا صلاح السديس هههههههه؟؟
لماذا بكيت ياصلاح اذا كان غرضك تفعل حاجه نادره فعليك المره القادمه حين تغني موت زيما فعل طلال مداح في حينها سنطلق عليك شهيد الفن اما الان فأنت مبكي الفنء ؛( ء ههههههههء؟؟
لماذا بكيت ياصلاح هل ركضك احد من وراك سعم انت في صاله مشنت في خيمه؟؟
لماذا بكيت ياصلاح ولم يبكي عطيفه الذي وقع له زبطه من قفاه تقل جا له راجع من نقم ومع ذلك لم يبيكي بل واصل الغناء وماجغرش العرس يعني خلاها في وجيه اهل العرس وهذا ان دل يدل على طيبة قلبه وحقارة من خطط وقام بهذك الموقف المريض والحاقد والبربريء الغاشمء ؟؟
لماذا بكيت ياصلاح هل قصدك عشان مره ثانيه حين يحجزوك تقلهم مععء البكاء والا بدون هههههههه؟؟
لماذا بكيت ياصلاح هل قصدك حين يجو يحجزو تقلهم بنص مليون احمدو الله شابكي لكم مني قبيله معاكم خراج ماشي براحتكم ههههههه؟؟

> ء انا معي جواب واحد وحسب تحليلي الشخصي لهذه الصوره التي قطعت قلوب اليمنيين ان البكاء هذا في العرس اللي عربنتك في عمران وقرحو قنبله وانت لببت وشهدت وهللت ويبست بقعتك جن جنونك وتشتي ترحلك كما اخبروني خبره من هانك هههههههه هذا المبرر الوحيد لبكائك لأنهم قالو ناس انك كنت تقول هذه مقصوده من عرفات قيفان خطط لها مع خبرته ذي بعمران ههههههههه
ياصلاح انا غر مقروط مشنا سمعه افجر واحرق الدنيا ياخوووك هههههه..

ياصلاح والله لو بتصلي بالسماره تراويح وقيام ماتخشع هكذا هههههه
ياصلاح والله مافعل السديس هكذا وهو بيصلي ب2 مليون نسمه ههههههه
ياصلاح والله لو قريت ايات العذاب كلها ماتخرج هذه الدموع الطاهره من عينيك الجميلتين ههههههه
ياصلاح مابش داعي تكلف نفسك انت عليك تغني واحنا عنبكي فزعه معك هههههه
ياصلاح والله مابكى الدنبوع هكذا وهو قد نكب شعب بأكمله ومع ذلك لازال مصمم يرفع علم اليمن في مران جعلي ارفع اليمن فوقء مزد متمهء يـَ دنبوععء ههههههههههه
ياصلاح والله ان هلوسات تعب كتابه بس لأجلك سهل سنكتب حتى تخرج الدماء من اصابعنا ء هههههههه ع غناك ذيهء ماذلحين شازبج عليك بزلطي وانت داري ههههههه
ياصلاح انا داري انك عتضحك ومامعك الا تضحك محد قد احتبس على زبج الا مره زبجت على مشرف واحتبست يومين وخرجت .يعني لو تشتي تحبسني ضروري تقع مشرف مش فنان ههههههههه
ياصلاح يابياضه ياورق سامحيني ههههههههه ؛( ء
يعووووو وصبون تصبنت ياصلاح


قسمن بالله لو تزيد تبكي في عراس ماإنت ادميء ###

وسلامتكم (😃)


╭─═┅┅┅═─╮
•l❤ هلوسات عاشق
╰─═┅┅┅═─╯

Te » @afeefy

#موضوع_صغير


مساء الخير يااشعبي المخزن

قبلما تسيرو تشترو لكم قات معي لكم شويه تعليمات

#تعليمات_القات :

اول ماتشتري القات
١_ ركز عليه من فوق ومن تحت
إذا كان أسود فهوا بايت من حق أمس..!
٢ _إحترام الموالعة:: لاتكون كثير كلام امام
المولعي إذا هو مايحب الكلام...!
٣- جهز ماءك ودخانك وكل المحروقات اللي
تحتاجها بنفسك ولاتزعج المخزن تخاميس
وإذا خلص عليك القات وتحتاج إلى دعم حك
راسك وا أنظر إلى الشخص المستهدف
لما يعرف على نفسة ويدعمك...!!
٤_إذا خزنت عند ناس بمجلس وعادك غشيم
ادخل وقول السلام تحية يا رجال ولاتمد
يدك لحد على شان ماتلف على الديوان
كامل مثل المبخره وتتعب...!

#فوائد_القات :
١-تفكير بالماضي والمستقبل نفس الوقت
٢-الحماية من الرازم لمدة 24 ساعة ⌚
٣-اختراع افكار جديدة.
٤-بناء قصور لامثيل لها
٥-تشغيل الهاجس أثناء التخزينة بدون انترنت.

تحياتي لكم"
انشر واكسب الأجر هههههت غيرك قد يحتاجها


وسلامتكم (😂)


╭─═┅┅┅═─╮
•l❤ هلوسات عاشق
╰─═┅┅┅═─╯

Te » @afeefy

#موضوع_صغير


#مساء الخير و كيف الحال

جمعه و بداية عشر من ذي الحجه مبااااركه عليكم مقدماً
ومسرع العشر ذى الحجه اقبلت علينا واحنا #بصحه وخير وعافيه حامدين الله على كل حال

موضوعنا اليوم هو اكيد عيكون ع العشر
انتو داريين ان العشر الي انت او انتي كنتو تضيعوها كل سنه ايش فضلها؟😢

#ابن عباس قال ان الحسنه فيها ب 700 ضعف
مايعني هذا ؟!
يعني صفحه القران ب 700 صفحه!
يعني ختمة القران ب 700 ختمه!


والله مادام الخبر #هاكذا ياااندامتنا ..


وباقي روايات #خيررات على فضل العشر

انتو #بتتعاملو مع موسم مابش فيه استهتار… انتبهو تضيعوا الايام هذه
قدامكم فرصة تنجوا من اهوال الأخرة لو فزت بهذه الايام

لاتقولو #مشغولين يااارب وتخرجو من العشر وقلبك مثل ماهو

لازم تحصن قلبك وتستعد
*فٲبواب الحصون…
*القرﺂن
*ذكر الله
*الصلاه في وقتها

فالي انشغلو عن #رمضان قدامكم فرصه تعوض كل حاجه وتبداء من جديد مع الله


وباقي موضوع اجابركم به
من الذي يجي ويوقف #بسيارته اللي تسوى
اقل شي خمسه مليون
الى جانب #عربيه_بيع_بيض_مسلوق

صاحب السياره : بكم الحبه البيض
بائع البيض : بخمسين ريال

#صاحب_السياره ليش ياذاك
ما انَـَـَتَ مغلي… هيا هات ثلاث بيض
وجر الميه تيه تكفيك.. 😒

#نفسه ̷̷َهَْـذآ المتحاذق…
اتخيله بعد ساعه وهو في سوق القات
بيتخيبل وبيرجم للمقوت عشرة الف
ويترجاه يامنعاه يدي ڵـهٍ قات حالي

#ياناس
فضلاً وليس امراً
الباعه المتجولين واصحاب المهن
البسيطه والفراشين
والبساطين وكل #اولئك يحملون
على #ظهورهم بضاعه
كلها علـّى بعضها ماتجيش قيمه علاقي قات لاحدكم راعو #ضمائركم فيهم…👌
لاتتمحذقوش عليهم وحتى لْـۆ زاد
عليك واحد منهم فهي في طريقها
احسبها #صدقه والله ماصدقه
الا على هولاء الناس… 😊

ولا#صاحب_المتر
يوصلك من طرف الدنيا لاطرفها
ويستهلك وقت وبترول ويستهلك متره ..
وعادك تدي ڵـهٍ ورقه ابو ميتين وخمسين
وتنتظر يرد ڵك خمسين قرش.. 😒

ولا #عربيه_بيع_موز
فاتحه لبيت وتصرف على اطفال ونسوان
وعجزه…انتبه تطلع لصاحبها
روحه ونت بتحاول تشل ثلاثه كيلو
بخمس ميه…ادي ڵـهٍ ست ميه وخلي الميه
الي بتشوفها زياده #صدقه ..💐

لاتشل باقي الافلاس من #بايع_المساويك
بيغنيك الله من فضله.. 👆

لاتطلع روح #بايع_السراويل ..سراويله كلها
ماتجيش بقيمه شالك الي انت لابس ڵـهٍ

#عامل_النظافه ..
لوما تفتح باب الحوش وهو بيكنس الرصيف
جنب بيتك… قله #صباح_الخير
واساله اصطبحت والا مع ..!
وحسسه انه بيقوم بعمل #عظيم
وانك من غيره باتمرض ويمكن تموت
ولامعك #ميه_طارفه اديها ڵـهٍ.

#المكيس_اللي_بالحمام
ايوووا المكيس الي بيخرج ڵك #البعاليل
من #ظهرك ارفق به ولا اديت ڵـه
ٍ الف ريال مشو #عيب

والولد الي بيمشي معك #بعربيته مثل سوق مذبح
وانت تشتري الخضرة والبطاط والفواكه والبيض وهو يرتبهن فوق عربيته
وبعد يقربهن لافوق سيارتك
ويشلشل ويبزبز ويراعي #انتبه_تبخل عليه
وتراجله وتقله بكم وكم وكيف…
والله #عيب ياذاك احسب •اللّـه وهو ابنك
#اليتيم بعد ما تقحط السلبه ومالقيش
من #يصرف على امه #واخوته ..

المهم #تذكرو انه
"ومن يوق شح نفسه فأولئك هم المفلحون"



وسلامتكم (😄)



╭─═┅┅┅═─╮
•l❤ هلوسات عاشق
╰─═┅┅┅═─╯

Te » @afeefy

مـَسّـِآء الـخّـيًــر عليكم

ضبح و نت ساع الزفت زود الضبح قلت نتسلى بهذه الفقرة شويه

#موضوع_للنقاش

يقال ... أن النساء هم السبب الرئيسى في قطع صلة الأرحام بين الأخوة والأهل

ما رأيكم ..?!

ارسلوا مشاركاتكم هنا
@PrincessS_bot

و النشر بيكون هنا
@oldsana2

#موضوع_للنقاش🌝🤝

لو قررنا نلغي عادة من عادات الزواج 🤵المكلفة .. ايش المفروض #نلغي 🤔

للمشاااابكگه لاهونيه

@Mhaand


.

#موضوع_للنقاش

من المؤسف ان نشاهد مثل هذه المناظر في ارصفة شوارع صنعاء بهذا الشكل

ما سبب جلوس الاخوه المخزنيين في الرصيف وكأنهم في ديوان وليس في شارع عام !?