​​​​​​​​ْ‏↺♛ #قناة_صنعاء_القديمة♛↺
               〰〰〰〰〰〰   



#يوميات_فاطمة


قالو امس كنت في بقعه كلها جبال ومدرجات خظرا۽ وجميله ومنسقه تنسيق يبسرها واحد ويسبح الله في ملكه....وكان الجو ساع الذي هو بعد مطر
وكنت واقفه في جبل وقدامي جبل فيه عسكر وثنتين مدرعات وقاذفات صواريخ
وكنت ابسرهم يقذفو الصواريخ ويطلع دخان واسمع انفجارات كبيره
وانا وقفه و قلبي بيتقطع على بلادي كيف بيفعلو بها.. ...وكنت ابسر قرﻯ ملان متباعده واقل للمه ساكتين علﻯ ال ع د و ان وعلﻯ هذا الخراب والدمار لو يجتمعو عليهم ويقتلوهم هم غر شويه عسكر
المهم مدري كيف علمو العساكر ان انا قلت هكذا وكان يلاحقوني من جبل لاجبل لوما يقتطع نفسي وكنت اصيح ولا حياه لمن تنادي كٲن مابش احد
دخلت بيت وكنت اتلبج اين اتخبا ابسرت دولاب ودخلت فيه لكن كنت لابسه فستان مكوش 😂...كنت احمش الفستان واحاول ادخل به ولا استرت اول ماسمعت صوت دخلت لكن نص الفستان خارج ....وجا۽ لي رجال طويل واصلع وفي يده صميل ...هزرني وخرجني وكان يسحبني بيد وانا بين اجحبل في الارض وحسيت خلاص حياتي انتهت وتحسرت على روحي قلت في نفسي والله ما اخليه يوصلني لاعندهم. اموت هانا وصحت صوت من اعماقي ونتفت
الصميل من يده وقمت كنت اضربه في راسه وهو كان يتصروع ساع الافلام وانا ازيد وكنت مستغربه منين جت لي القوه المهم ضربته لما انتذق ولا عاد تحرك
وانا قدنا روحي عتخرج ...جلست وانا بين اناهف ونفسي بيقتطع وكنت ابسر صلى الباب وانا كلي رعب من الذي مراعيين خارج ونكزت وانا بين ابكي بين ابكي صدق وحمدت الله انو كانو حلم ...بس.تخيلو..ان هذا الحلم اثر علﻯ نفسيتي و طول اليوم بين احس كٲن الاحداث كانت حقيقيه. وصوتي فيه بحه من الصياح وشعور بالتعب والغثى وفي نفس الوقت فارحه يعني احاسيس مخلبطه
لاتقلو تٲليف... ....هذا الذي حلمت بالضبط وقوي مستغربه من احداثه كٲنها تلامس الواقع

#فاطمة_علي


♔برنسســــيسهہء♔

   ♛┊↺ @oldsana ↺┊♛
             〰〰〰➰〰〰〰

​​​​​​​​​ْ‏↺♛ #قناة_صنعاء_القديمة♛↺
               〰〰〰〰〰〰   



صباح الخير من قرية لؤلوة همدان
مديرية همدان محافظة صنعاء




♔برنسســــيسهہء♔

   ♛┊↺ @oldsana ↺┊♛
             〰〰〰➰〰〰〰

​​​​​​​​ْ‏↺♛ #قناة_صنعاء_القديمة♛↺
               〰〰〰〰〰〰   



أسعار كسر الذهب المستخدم لدى مكتب الأمانة بصنعاء اليوم السبت 4 سبتمبر 2021م.

#الجنيه: شراء 246,000 بيع 248,000 ريال.
#الجرام_21: شراء 30,600 بيع 30,750 ريال.

أسعار كسر الذهب #المستخدم غير ثابتة.
77 888 5552 - 77 099 8285




♔برنسســــيسهہء♔

   ♛┊↺ @oldsana ↺┊♛
             〰〰〰➰〰〰〰

​​​​​​​​ْ‏↺♛ #قناة_صنعاء_القديمة♛↺
               〰〰〰〰〰〰   



أسعار صرف العملات الأجنبية أمام الريال اليمني اليوم السبت 4 سبتمبر 2021م.

🔺🔻الأسعار بمناطق #حكومة_صنعاء.
🇺🇸الدولار شراء 599,5 إلى 600 ريال.
🇺🇸الدولار بيع 603 إلى 604 ريال.

🇸🇦السعودي شراء 158 إلى 158,1 ريال.
🇸🇦السعودي بيع 158,4 إلى 158,5 ريال.

🔺🔺الأسعار بمناطق #حكومة_عدن.
🇺🇸الدولار شراء 1040 إلى 1045 ريال.
🇺🇸الدولار بيع 1048 إلى 1052 ريال

🇸🇦السعودي شراء 274 إلى 277 ريال
🇸🇦السعودي بيع 276 إلى 278 ريال

أسعار الصرف غير ثابتة وتتغير كل لحظة وبفارق كبير من صراف إلى آخر ومن محافظة إلى أخرى.




♔برنسســــيسهہء♔

   ♛┊↺ @oldsana ↺┊♛
             〰〰〰➰〰〰〰

​​​​​​​​ْ‏↺♛ #قناة_صنعاء_القديمة♛↺
               〰〰〰〰〰〰   



#يوميات_فاطمة


امس اكتشفت اكتشاف يخلي الاسنان بيض بدون ماتسير عند دكتور وبدون خساره وبدون تعب
اوبهو يسير حسكم بعيد وتقلو ان انا بين افعل اعلان لأي منتج
مابلا امس ابسرت اسنان حموده بيض وسألتها وقالت لي السر و روحت فعلت ساعها واكتشفت ان كلامها صح لادرجة حتى ان هذه الماده تبعد الكلس
واليوم بكرت اتصل لحموده قلت شلوش ياجنيه والفعله فعلتي 😱
قد عيدعو عليش العالم
قالت 😱...يوه مافعلت
قلت مافعلتي...فعلتي جريمه في حق نفسش وفي حقي 😭
قالت تحاكي وترتيني
قلت يوه امرش الى الله ....😭
انا مارضيتش ارحلي منش
اسكه لاعاد تحاكيني
اسكه انا متبريه منش
قالت لاهذه الدرجه اتحاكي جعلش العجم
قلت سهل العجم وسهل كل شي...
دمرتي مستقبلي ومستقبلش الجمالي
من اليوم لاعاد ابتسامه
ولاعاد اوكال
من اليوم عتكن تقلي بدل العصيد عثيد
وبدل الصلصه ثلصه😱
يوه يوه حسبش الله ....ماعد اسامحش
قالت يا صياد اتحاكي فجعتيني
قد عد اموت ياحموده من تحت راسش
قد بين احس الرئتين بتتفتت
ومعدتي قديه ملعوزه
قالت حموده مادخلني لامعدتش
مالش صلي على رسول الله مابه
فلاش ياحموده ....تقلي لي افعل لاسناني فلاش ... انتي معش عقل ...فلاش ياحموده بنشمه ونختنق 😭
قالت ماذلحين قد بتختنقي عاد انتي قلتي اين كان انا من زمان وان انا فعلت فيش خير وان قد اسنانش وابتسامتش ساع حق هاوليود
قلت مؤقت ياغبيه ....ادخلي ياجاهله واتثقفي وابسري خلق الله كيفهم فاهمين وعاقلين
انا مستغربه اين كان عقلي حن صدقتش
فلاش الذي بيخزق البلاط...استمعتش وفعلته لاسناني 😱😱...بين احس ان قد عيتعطل فيني كل شي ...انا اليوم عقلت ولاعاد اكن اصدقش....لاعاد تجابريني احظريني ....جاء زوجي ..قال مالش صوتش للشارع ..قلت حموده ضحكت عليا وفعلت لاسناني فلاش
قال وانتي اين كان عقلش ...قلت مدري ..ساع الذي توقف ... وما اشتغل الاحن ابسرت التعليقات ...
قال...خلاص
قومي افعلي منشور ثاني معي لكم علاج يشغل العقل الواقف ......علاج للغباء بدون عناء... فلاش
😂😂😂😂😂... فلاش ...لتشغيل العقول الواقفه
يمكن الله يفتح الله عليش وتجي شركة المنظفات وتفعل لش طقم اسنان حق الدعايه 😢😢😢😢

#فاطمة_علي


♔برنسســــيسهہء♔

   ♛┊↺ @oldsana ↺┊♛
             〰〰〰➰〰〰〰

​​​​​​​​ْ‏↺♛ #قناة_صنعاء_القديمة♛↺
               〰〰〰〰〰〰   


#أمثال_شعبية


من أمثلة صنعاء

"لوأنتي حاليه مافلتوش المستضيين"


والحاليه هي الجميله
والمستضيين المبصريين
وأصل المثل أن رجلاً أعمى تزوج من أمرأة دميمة
وكانت تكثر من الحديث عن جمالها وسحرعيونها وليتكم تشوفوا ماأحلاني وهكذا وفي أحد الأيام غضب من ثرثرتها وغرورها بجماله وقال المثل
لوإنتي حالية مافلتوش المستضيين
أي لوأنتي جميله لتسابق المبصرين للزواج منك



♔برنسســــيسهہء♔

   ♛┊↺ @oldsana ↺┊♛
             〰〰〰➰〰〰〰

​ْ‏↺♛ #قناة_صنعاء_القديمة♛↺
               〰〰〰〰〰〰   

‏" مَا سَعَى للهِ سَاعٍ
‏إلَّا بَلَغَ."

صباحكم خير كثير💛


   ♛┊↺ @oldsana ↺┊♛
             〰〰〰➰〰〰〰

​​​​​​​​​ْ‏↺♛ #قناة_صنعاء_القديمة♛↺
               〰〰〰〰〰〰   




الصبوح الروح والغداء ما تيسر ..



♔برنسســــيسهہء♔

   ♛┊↺ @oldsana ↺┊♛
             〰〰〰➰〰〰〰