Հունվարի 23-ին՝ ժամը 16:20-ի դրությամբ, ՀՀ միջպետական և հանրապետական նշանակության բոլոր ավտոճանապարհները բաց են: Եղանակային անբարենպաստ պայմանների պատճառով, սաստիկ բքի, տեսանելիության բացակայության պայմաններում և երթևեկության անվտանգության նկատառումներից ելնելով՝ ճանապարհները ժամանակ առ ժամանակ փակվում են։ Այդ մասին հայտնում են «Ճանապարհային դեպարտամենտ» հիմնադրամից:

Ճանապարհների սպասարկման համար պատասխանատու կազմակերպությունները շարունակում են ավտոճանապարհների մաքրման և աղ-ավազով մշակման աշխատանքները:

Սաստիկ բքի, տեսանելիության բացակայության և անվտանգության նկատառումներից ելնելով՝ Նորավանի խաչմերուկից մինչև Շինուհայրի խաչմերուկ, դեպի Գորիս, Տաթև ավտոճանապարհները և Նորավան-Լծեն-Տաթև ճանապարհահատվածը փակ են բոլոր տրանսպորտային միջոցների համար։

Թթուջուր-Նավուր ավտոճանապարհը փակ է բոլոր տեսակի տրանսպորտային միջոցների համար։

Ջերմուկի խաչմերուկից մինչև Կապան ավտոճանապարհները կցորդով տրանսպորտային միջոցների համար փակ են։

Վարդենյաց լեռնանցքը կցորդով տրանսպորտային միջոցների համար դժվարանցանելի է միայն անվաշղթաների կիրառմամբ։

Ճամբարակի լեռնանցքը, Սևանի թերակղզուց մինչև Դիլիջանի թունելի սկզբնամաս և Արագածի տարածաշրջանի ավտոճանապարհներին բուք է։

Աշտարակի, Թալինի, Արթիկի, Ախուրյանի, Աշոցքի, Դիլիջանի, Աբովյանի, Հրազդանի, Սևանի, Գավառի, Մարտունու, Սիսիանի, Մեղրու, Ապարանի, Արագածի, Սպիտակի, Նաիրիի տարածաշրջաններում թույլ ձյուն է տեղում։

Ապարանի, Արագածի, Սևանի, Դիլիջանի, Ճամբարակի, Մարտունու, Գավառի, Աբովյանի, Հրազդանի, Նաիրիի, Սիսիանի, Գորիսի, Աշոցքի, Ամասիայի տարածաշրջանների ավտոճանապարհներին տեղ-տեղ մերկասառույց է։

Այսօր Ջրվեժ գյուղում միմյանց են բախվել «Ֆորդ» և «ԿամԱԶ» ավտոմեքենաները։ «Ֆորդ»-ի վարորդը մահացել է։

ՆԳՆ

Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հայրապետական տնօրինությամբ Հոգեշնորհ Տ. Հուսիկ աբեղա Սմբատյանը սույն թվականի հունվարի 23-ից նշանակվել է Գևորգյան հոգևոր ճեմարանի, Սևանի Վազգենյան դպրանոցի և Քահանայից պատրաստման լսարանի տեսուչ:

Մայր Աթոռ

Կիեւյան կամուրջը «դժվարանցանելի» է ձյան հետեւանքով

Ամենայն Հայոց կաթողիկոսի վերաբերյալ քրեական վարույթ առկա չէ, հայտնել են Aysor.am–ին գլխավոր դատախազությունից։

«Փաշինյանին կասեմ՝ քո ու թոշակառուի ստամոքսը նույնը չի՞, ձեզ միլիոններ եք տալիս, մեզ ոչ մի լումա». լոռեցի

«Թող իրական հանցագործներին ու պատվիրատուներին հայտնաբերեն». Նարեկ Օհանյանի պաշտպան

Ավելի քան 3000 մարդ է զոհվել վերջին շրջանում Իրանում տեղի ունեցած անկարգությունների հետևանքով

Իրանի ԱԳ նախարար Աբբաս Արաղչի

Դատավորը 3 ամիս ժամկետով երկարաձգեց Վալոդյա Գրիգորյանի սպանության գործով ամբաստանյալներ Նարեկ Օհանյանի ու Գեւորգ Հարությունյանի կալանքը։