🍂🍁🍂🍁🍂🍁🍂🍁🍂🍁🍂🍁🍂
🍁🍂🍁🍂 🆔 @nawandi_adab_honar
🍂🍁🍂
🍁🍂
🍂
🍁
18ی بانه‌مه‌ڕ ساڵ ڕۆژی كۆچی شاعێری چه‌وساوه‌كان به‌رز و به‌ڕێز

یادی به‌رز و ڕۆحی شاد
🍁
🍂
🍁🍂
🍂🍁🍂
🍁🍂🍁🍂 🆔 @nawandi_adab_honar
🍂🍁🍂🍁🍂🍁🍂🍁🍂🍁🍂🍁🍂

🍂🍁🍂🍁🍂🍁🍂🍁🍂🍁🍂🍁🍂
🍁🍂🍁🍂 🆔 @nawandi_adab_honar
🍂🍁🍂
🍁🍂
🍂
🍁
قانع

، ناوی‌ شێخ محه‌مه‌د كوڕی‌ شێخ عه‌بدولقادری‌ كوڕی‌ شێخ سه‌عیدی‌ دۆڵاشیه‌ و له‌نه‌وه‌ی‌ (كابل)ی‌ مه‌ریوانن.
له‌ 15ئه‌یلولی‌ 1898 له‌گوندی‌ (ریشێن)ی‌ بناری‌ شاره‌زوور له‌دایك بووه‌.
له‌ته‌مه‌نی‌ (40) رۆژی‌دا بوو كه‌ باوكی‌ كۆچی‌ دوایی‌ كردووه‌و له‌ته‌مه‌نی‌ دوو ساڵیشدا دایكی‌ كۆچی‌ دوایی‌ كردووه‌.
ژیانی‌ قانع له‌زه‌مینه‌یه‌كی‌ ده‌ربه‌ده‌ری‌ و پڕ له‌ كوێره‌وه‌رییه‌وه‌ ده‌ستی‌ پێ‌كرد.
به‌هه‌تیوی‌ له‌لای‌ خزمێكیان كه‌ناوی‌ (ئاغا سه‌ید حوسێنی‌ چۆڕ)ی‌ بووه‌ له‌ناوچه‌ی‌ مه‌ریوان گه‌وره‌ بووه‌ و هه‌ر ئه‌ویش ناویه‌ته‌ به‌ر خوێندن.
پاشان به‌ فه‌قێیه‌تی‌ چووه‌ بۆ سلێمانی‌ و چه‌ند ساڵێك له‌وێ‌ ماوه‌ته‌وه‌.
هه‌ر به‌مه‌به‌ستی‌ گه‌ڕان به‌شاره‌كانی‌ كوردستان دا بۆ خوێندن چۆته‌ (سنه‌ و مه‌ریوان و سابڵاخ و بۆكان و شنۆ و هه‌ولێر و كۆیه‌و كه‌ركوك و سلێمانی‌ و بیاره‌) و دوا قۆناغی‌ خوێندنیشی‌ له‌مه‌ریوان ته‌واو كردووه‌.
قانع به‌ر له‌وه‌ی‌ به‌ته‌واوی‌ فێری‌ خوێندن و نووسین ببێت توانای‌ شاعیرێتی‌ تیا ده‌ركه‌وتووه‌ و له‌سه‌رده‌می‌ جه‌نگی‌ یه‌كه‌می‌ جیهانیدا خوی‌ داوه‌ته‌وه‌ شیعری‌ ئایینی‌.
دواتر به‌هۆی‌ بارودۆخی‌ كوردستانه‌وه‌ خولیای‌ شیعری‌ نیشتمانپه‌روه‌ری‌ بووه‌، خوێندنه‌وه‌ی‌ كتێبێكی‌ ده‌ستنووسی‌ فارسی‌ به‌ناوی‌ (وقایع ال ارده‌لان) كه‌باسی‌ راپه‌رینه‌كانی‌ تیره‌ی‌ ئه‌رده‌ڵانییه‌كان ئه‌كات به‌رامبه‌ر داگیر كه‌ران، هێنده‌ی‌ تر كار ئه‌كاته‌ سه‌ر ده‌روونی‌ شاعیر و به‌رهه‌مه‌ شیعرییه‌كانی‌ و ئیتر ئه‌بێته‌ شاعیرێكی‌ نه‌ته‌وایه‌تی‌ ونیشتمانپه‌ره‌وه‌ر.
لایه‌نه‌ له‌یه‌ك نه‌چووه‌كانی‌ شیعره‌كانی‌ شاعیر ئه‌وه‌ ئه‌گه‌یه‌نێ كه‌زاده‌ی‌ فیكری‌ یه‌ك سه‌رده‌م و پێویستی‌ یه‌ك قۆناغ و به‌رهه‌می‌ یه‌ك ئێش و ئازار نین، به‌رده‌وام باوه‌ڕی‌ به‌یه‌كگرتنی‌ جه‌ماوه‌رو یه‌كسانی‌ كۆمه‌ڵایه‌تی‌ هه‌بووه‌ و له‌سه‌ره‌تای‌ چله‌كانه‌وه‌ به‌تایبه‌تی‌ له‌رۆژگاری‌ دووه‌مین جه‌نگی‌ جیهانیدا رێبازی‌ سۆشیالیستی‌ وه‌كو دیارده‌یه‌كی‌ سیاسی‌ زیندوو له‌ناو شیعره‌كانیدا ره‌نگی‌ دایه‌وه‌و له‌سه‌نگه‌ری‌ شیعری‌ شۆڕشگێرانه‌دا دژی‌ ده‌ره‌به‌گی‌ چه‌وسێنه‌رو ئیمپریالیزم بووه‌ و هه‌میشه‌ دڵی‌ له‌گه‌ڵ ئازار و ئاواتی‌ مرۆڤی‌ جوتیاری‌ چه‌وساوه‌ی‌ كورددا بووه‌ و وه‌ك شاعیرێكی‌ دڵسۆز و خه‌م خۆری‌ كورد شیعری‌ بۆ نه‌ته‌وه‌ی‌ كورد هۆنیته‌وه‌ و له‌گه‌ڵ به‌سه‌رهات و كاره‌سات و راپه‌رین و شۆرش و ده‌ستكه‌وته‌كانی‌ كورددا ژیاوه‌.
له‌شیعره‌كانیدا داوای‌ مافه‌كانی‌ ژنانی‌ كردووه‌ له‌بواره‌كانی‌ رۆشنبیری‌ وكۆمه‌ڵایه‌تی‌ و ئابووریدا.
قانع له‌سه‌ره‌تای‌ په‌نجاكاندا به‌هاوكاری‌ مامۆستایان (عه‌لادین سه‌جادی‌ و شوكر مسته‌فا) توانی‌ پێنج به‌ش له‌ شیعره‌كانی‌ به‌شێوه‌ی‌ دیوانی‌ جیاجیا و قه‌واره‌ی‌ تایبه‌تی‌ چاپ بكات، كه‌ ئه‌م به‌رهه‌مانه‌ن(گوڵاڵه‌ی‌ مه‌ریوان، باخچه‌ی‌ كوردستان، چوارباخی‌ پێنجوێن، شاخی‌ هه‌ورامان، ده‌شتی‌ گه‌رمیان).
له‌ژیانیدا گه‌لێ‌ كارو پیشه‌ی‌ كردووه‌ له‌وانه‌ مامۆستای‌ قوتابخانه‌و كرێكاری‌ و مامۆستای‌ مزگه‌وت و جوتیاری‌ و ئاشه‌وانی‌ و فه‌رمانبه‌رێتی‌.
له‌كۆتایی‌ په‌نجاكاندا چه‌ند جارێك خراوه‌ته‌ به‌ندیخانه‌. له‌ساڵی‌ (1960)دا له‌به‌ندیخانه‌ی‌ سلێمانی‌ چۆنیه‌تی‌ نووسینی‌ زمانی‌ كوردی‌ فێری‌ زیندانییه‌كان كردووه‌.
له‌ (1963)دا له‌گه‌ڵ وریای‌ كوڕیدا له‌به‌ندیخانه‌ی‌ (قه‌جه‌ر)ی‌ تاراندا زیندانی‌ ئه‌كرێ‌ و هه‌ر له‌و به‌ندیخانه‌یه‌دا هۆنراوه‌ به‌ناوبانگه‌كه‌ی‌ نووسیوه‌ كه‌ده‌ڵێ‌:
ئاخرین ماڵی‌ ژیانم كونجی‌ به‌ندیخانه‌یه‌
ئه‌م كه‌له‌پچه‌ مه‌رهه‌می‌ زامی‌ دڵی‌ دێوانه‌یه‌
🍁
🍂
🍁🍂
🍂🍁🍂
🍁🍂🍁🍂 🆔 @nawandi_adab_honar
🍂🍁🍂🍁🍂🍁🍂🍁🍂🍁🍂🍁🍂

🍂🍁🍂🍁🍂🍁🍂🍁🍂🍁🍂🍁🍂
🍁🍂🍁🍂 🆔 @nawandi_adab_honar
🍂🍁🍂
🍁🍂
🍂
🍁
"چۆنیەتی زەمانە"

بێ‌حەیایی باوە ئەمڕۆ
قوڕ بەسەر داکا حەیا

کەندەڵان سەربەرز و شادە
خۆی بشارێتۆ چیا

گوڵ ئەگەر ئەقلی ببێ
قەت سەر لە خاک ناکاتە دەر

چوونکە ڕۆژی دڕک و داڵە و
گەرمی بازاڕی گیا

با لە هەورا سەرنیگون بن
مانگ یا ڕۆژی جوان

شەمشەمە کوێرە ئەڵێ:
من نامەوێ شوعلەی (ضیا)

ئەی فەلەک ڕاستۆ نەبی
بۆ ڕێک و پێکی دەورەکەت

گورگ ئەبێتە شوانی ڕان و
دز ئەبێتە ئەولییا
ــــــــــــــــــــــــــــــــــــ

مامۆستا قانع
🍁
🍂
🍁🍂
🍂🍁🍂
🍁🍂🍁🍂 🆔 @nawandi_adab_honar
🍂🍁🍂🍁🍂🍁🍂🍁🍂🍁🍂🍁🍂

هه‌ڵاڵه و سووسه‌ن و شه‌و بۆ و «شلێره‌م» ئاوه‌دێری كرد
به خوێنی دڵ، كه‌چی ئێسته‌یش گوڵی هیوام به‌بێ تینه


مه‌هدی فه‌ڵلاحی رۆسته‌مان «سه‌رمه‌س»

گه ر ده زانی چاوه كه م
تێكچوه هه ناوه كه م
تێكچڕژاوه به جارێ
رۆحه ئۆقره بڕاوه كه م
ئه وینی كرچوكاڵم
شكاندویه تی باڵم
ئه و ئه وینه ی كه چاندم
مچورك لێیرفاندم
شه پۆلی شینی چاوم
بڵێسه ی نێوهه ناوم
وێنای تێكه ڵكراوم
بۆ ساتێكی دابڕان
داییم له دووم ده گه ڕان.

🍂🍁🍂🍁🍂🍁🍂🍁🍂🍁🍂🍁🍂
🍁🍂🍁🍂 🆔 @nawandi_adab_honar
🍂🍁🍂
🍁🍂
🍂
🍁
«ڕێژگاو»


وه‌ک ناخی دڵی شه‌و خه‌می تۆم باره‌ له‌ ئه‌ستۆ
فرمێسکی له‌ مشتا، وه‌کوو مۆمی ئه‌توێیتۆ

سه‌رخۆشی ته‌ماشات و سه‌فات چه‌شی په‌پوله‌
ڕۆح وه‌ختێ له‌ شۆقت به‌ هه‌وامدا ئه‌خولێتۆ

گیانم، گوڵی تینوی سه‌مه‌ری باخی ژیانم
بۆچ هه‌وری نه‌زۆکی له‌ هه‌وا نه‌ره‌وێتۆ

بۆچی کز و هێند قه‌ڵسی له‌ خۆڕۆحی ره‌وانم
بۆچی به‌ کزه‌ و تینی هه‌ناسه‌م ئه‌کولێتۆ

رێژگاوی له‌ ژانی شه‌قی هه‌یهاتی نیگاتم
بێزراوی ده‌می ڕۆشتن و دووریم به‌ سه‌ری تۆ

ترسی ده‌می تاراوی نه‌ڕۆیشتوت له‌ خه‌یاڵم
ئاڵۆزم ئه‌کات و ره‌گ و ریشه‌ی ئه‌ته‌نێتۆ

ئه‌ی شه‌و به‌ ته‌ماو به‌خته‌وه‌ری مانگه‌ شه‌وی رووت
خێراکه‌ خه‌ریکه‌ گڕی هیوام ئه‌کوژێتۆ

با پشت له‌ به‌ڵا و شه‌ڕگه‌یی ناکامی ژیان که‌ین
ئاسووده‌، وو به‌یه‌اخی ئه‌وینمان بشه‌ کێتۆ

با ته‌وق له‌ مل ‌و گه‌رده‌نی بێزاری وه‌ڵا که‌ین
دڵ خۆشی به‌ره‌و ماڵی ئه‌وینمان بگه‌ڕێتۆ

#جەمیل_م
🍁
🍂
🍁🍂
🍂🍁🍂
🍁🍂🍁🍂 🆔 @nawandi_adab_honar
🍂🍁🍂🍁🍂🍁🍂🍁🍂🍁🍂🍁🍂

🍂🍁🍂🍁🍂🍁🍂🍁🍂🍁🍂🍁🍂
🍁🍂🍁🍂 🆔 @nawandi_adab_honar
🍂🍁🍂
🍁🍂
🍂
🍁
«مزگێنی»


له‌نگه‌ر مه‌خه‌ ده‌ی هه‌سته‌ بڕۆ دڵ نیگه‌رانم
ئه‌ستێره‌ و مانگت هه‌ڵه‌که‌ و ڕۆژکه‌ میوانم

مه‌رحومی خه‌فه‌ت چوو به‌ سه‌ڵای هاتنی یارم
دڵ خۆش مه‌به‌ چیتر به‌ ته‌مای ئێشی شه‌وانم

درکاندی دڕک دوێنێ که‌مێ ڕازی ده‌رونی
دێت ڕۆژێ به‌هار بێته‌ کوژه‌ و زاڵی خه‌زانم

مه‌منوون که‌ له‌ ته‌نیای هه‌وای حاڵی منت بوو
من خه‌سته‌ و ڵاسار ئه‌تۆش ده‌فڕی خه‌مانم

ئه‌مما ئه‌وه‌ تا سروه‌ شنه‌ی هانتی پێیه‌
مزگێنی ئه‌دا دێته‌وه‌ ئارامی ژیانم

خه‌مڵیوه‌ هه‌موو ده‌شت و چیاو پانتاو و به‌نده‌ن
دڵ چه‌سپه‌ هه‌وای هاتنه‌وه‌ی یاری جوانم

ئه‌م شه‌و له‌ سه‌رم هه‌ڵ فڕیه‌ خه‌یاڵی خه‌وتن
تاسه‌ی شه‌و ئه‌پێوم به‌ ته‌مای خۆری به‌یانم

سه‌رخۆشم و ڕه‌نگی که‌سه‌ر و ئێشی دڵم چوو
باسی من و شێعری شه‌وو ئیحساسی نیهانم

ئێستا له‌ گه‌شه‌ و پڕ له‌ وزه‌ و ته‌بعی جوانیم
وا یار به‌ ئه‌داو شۆخ و به‌ناز دێته‌ ژوانم

#جەمیل_م
🍁
🍂
🍁🍂
🍂🍁🍂
🍁🍂🍁🍂 🆔 @nawandi_adab_honar
🍂🍁🍂🍁🍂🍁🍂🍁🍂🍁🍂🍁🍂

احەز و جوان

تا بژیم تێت ده‌بڕم، خاوه‌نی جوانی و ده‌سه‌ڵات
چاوی ئاوات و هیوام، ئه‌ی گوڵی سه‌رتۆپی و‌ڵات

دا ده‌مرکێ کوڵی دڵ تاوێکی ڕێت‌خه‌م چ ده‌بێ
به‌ سه‌ری نوکی زمانم له‌ بنی په‌نجه‌یی پات

ڕۆژی هه‌ڵکه‌وته‌ ده‌سا با گوڵه‌که‌م تێت ڕاکه‌م
له‌ ترۆمبیلی فیداکاری به‌ره‌و کۆڕی خه‌بات

لێت ده‌به‌م جارێ به‌ بێده‌نگی نه‌چی بیکه‌یه‌ قاو
نێوی هاوکاری له‌گه‌ڵ شۆڕشه‌که‌ی ....

یاری شیرین ده ‌وه‌ره‌ تا زووه‌ تا لێت نه‌چووه‌
ته‌مه‌نی جوانی بژین پێکه‌وه‌ تاکه‌ی به‌ ته‌مات

گیانه‌که‌م خۆ تۆ هه‌زار جار پترت داوە به‌ من
قه‌ولی بێ کرده‌وه‌ هه‌ر وشکه‌ تریتم به‌ هیوات

که‌نگێ بۆم داده‌که‌نی، خۆمی به ‌سه‌ر دا کێشم
که‌وشه‌که‌ت ماچ که‌م و سه‌ر دانێمه‌ به‌ر پێت کز و مات

لیت نه‌چێ ڕه‌نگه‌ له‌ به‌ر ته‌نگی ئەشێ بۆت ته‌ڕ که‌م
ده‌سته‌ نه‌رم و شله‌که‌ت بازنه‌ ئازاری نه‌دات

توند و تیژی به‌سه‌ بۆم تیل که‌ ده‌با لێی ڕاده‌م
به‌ سمێڵ گسکی ده‌م ئه‌و تۆزه‌ له‌ سه‌ر شانی که‌وات

تۆ له‌ سه‌ر ئه‌و ڕقه‌ بی تێک ده‌چه‌قێنین له‌ پڕا
من له‌ پێت دڕکی مژۆڵ تۆ له‌ دڵم تیری نیگات

هه‌ر نه‌بێ تاقه‌ یه‌کێکم ده‌یه‌ با خۆم نه‌کوژم
له‌م هه‌موو ده‌سره ‌که‌ پێی ده‌سڕی دەم و لێوی نه‌بات

بێڵه‌ خاوی که‌مه‌وه‌ ڕه‌ق بووه‌ سندوقی سه‌رت
باری لێوم به‌ تکەی‌ ئاره‌قه‌که‌ی سه‌ر گۆنات

پاش و پیش هه‌ر یه‌که‌ بۆ من کە مه‌به‌ستم چوونه‌
زه‌رده‌لیمۆ چووە‌ ناو ده‌ستمه‌وه‌ یا پرچی سیات

هه‌ر له‌ لای تۆیه‌ ئه‌وه‌ی من ده‌مه‌وێ تێی کێشم
خۆڵی به‌ر پێته‌ له‌ چاوم کرێ ڕوناکی ده‌کات

حه‌ز ده‌که‌ی جارێ بژیم بۆم وه‌ره‌ پێش با تێی نێم
ده‌م له‌ نێوانی مه‌م و سینه وه‌خۆم ئاوی حه‌یات

نایه‌ڵم بێشێ، وه‌ره‌ پێشێ، ده‌با بۆت تێخه‌م
ئه‌م دوو ئەنگوستیله‌ ئاڵتونه‌ له‌ قامکت به‌ خه‌ڵات

ده‌وه‌ره‌ گیان و قه‌وه‌ت، تاوێ ئه‌وه‌م بگره‌ به‌ وه‌ت
نه‌بزی ده‌ستم به‌ سه‌ری په‌نجه،‌ نه‌خۆشم که ‌له ‌لات

من که‌ خۆم ناوه‌ته‌ پێناوت ئه‌تۆش بۆم فش که‌
قۆڵی ڕاستت بخه‌مه‌ باسکم و ده‌رچین له‌ و‌ڵات

با بکه‌م تۆبه‌ له‌ سه‌ر ده‌ست و ئیتر دای هێڵم
ڕیشی بۆزم ببمه‌ سالکی سه‌ر کۆشک و سه‌رات

تا کوتم کوانێ؟ بڵێ هانێ، دڵم مه‌شکێنه‌
حافزم موسته‌حه‌قم، چاو له‌ ده‌سی تۆم هه‌موو کات

جوانی تۆی دا لە محەک ناحەزی من بۆم دەرکەوت
ئەوی جوانان هەیانە بە تەنیا هەیە لات

گوڵەکەم بۆیە نەشەت سازە دەڵێن چاکت دا
ئیمتحانی شەشی ناوەندی بژی مامۆستات

خۆت کەمێ شل کە سەرت داخە دەبا پێتەوە نێم
دوو زەرو کوڵمی گەش و چاڵی چەنەت زیبکە نەکات

مه‌لا غه‌فوری حافزی مه‌هابادی، دیاری مەهاباد، چاپی سێوەم، لاپەڕە ۱٤٨ ـ ۱٥۰.

شێعری مامۆستا هه‌ژار به ده‌نگێ خوالێخۆش بوو باوه‌ خه‌ڵیفه ( ئه‌حمه‌دی حسه‌ینی گوندی كۆچاڵمیانی سه‌رشیو) گوێ شلكه‌ن به‌ چێژه‌.

چه‌پ گه‌ردی گه‌ردون گه‌ڕان کورشتمی
نه‌زان په‌رستی بۆنان کۆشتمی
هه‌ر چه‌وسانه‌وه‌ی بێ حه‌سانه‌وه‌
ئه‌ی مردن له‌ کویی ژیان کوشتمی.
***
به‌ ده‌ربه‌ده‌ری یان له‌ ماڵی خۆم
له‌ خاکی ئه‌ره‌ب،له‌ ئێران و ڕۆم
کۆک و پۆشته ‌بم،ڕووت و ڕه‌جاڵ بم
کۆشکم ده‌قات بێ،وێرانه‌ ماڵ بم
ئازا و ڕزگار بم شادان و خه‌ندان
یان زنجیر له‌ مل له‌ سووچی زیندان
سا‌‌غ بم جحێڵ بم بگرم گوێ سوانان
یان زار و نزار له‌ نه‌خۆشخانان
دانیشم له‌سه‌ر ته‌ختی خونکاری
یان له‌ کۆڵانان بکه‌م هه‌ژاری
کـوردم و له‌ ڕێی کــورد و کوردستان
سه‌ر له‌ پێناوم گیان له‌سه‌ر ده‌ستان
به‌ کوردی ده‌ژیم به‌ کوردی ده‌مرم
به‌ کوردی ده‌یده‌م وه‌رامی قه‌برم
به‌ کوردی دیسان زیندوو ده‌بمه‌وه‌
له‌ه‌و دنیاش بۆ کورد تێ هه‌ڵده‌چمه‌وه.

بەهار هات و لە گەڵ خۆت سەوزە بێنە
بە تیشکەت قەفری دووریت هەڵوەرێنە
لەشاولەش بێنەگۆ هەودای خەیاڵم
دڵ و گوڵ بۆم لە سەر کۆش هەڵپەڕێنە
#جەمیل_م
🆔 @nawandi_adab_honar

خام‌اند خلایق همه تا عشق نبینند. .

#شیما_نادرسرا_دلارام
🆔 @nawandi_adab_honar

🍂🍁🍂🍁🍂🍁🍂🍁🍂🍁🍂🍁🍂
🍁🍂🍁🍂 🆔 @nawandi_adab_honar
🍂🍁🍂
🍁🍂
🍂
🍁
دەرکەوتووە ئەم شەو لە بنی شۆڕە عەبای شەو
سووچێ لە برۆی دڵبەری بێ گەرد و بەڵای شەو


هاتووم کە بڵێم سوێند بە خودا و ئایەت و قورئان
ناگۆڕمەوە یارم بە هەزار یاری وەهای شەو

#شیما‌_نادرسه‌را_دلارام
🍁
🍂
🍁🍂
🍂🍁🍂
🍁🍂🍁🍂 🆔 @nawandi_adab_honar
🍂🍁🍂🍁🍂🍁🍂🍁🍂🍁🍂🍁🍂

🍂🍁🍂🍁🍂🍁🍂🍁🍂🍁🍂🍁🍂
🍁🍂🍁🍂 🆔 @nawandi_adab_honar
🍂🍁🍂
🍁🍂
🍂
🍁

سۆفی گۆشەی خانەقا بووم، ئێستە پیری مەیکەدەم
زاهیدی خەڵوەت نشین بووم، ئێستە مەست و مەیزەدەم
سەروی ئازادیش لە بار و دڵکەش و بەرزە، بەڵام
گیانەکەم! من شێت و شەیدای لار و لەنجەی ئەو قەدەم

#هێمن
🍁
🍂
🍁🍂
🍂🍁🍂
🍁🍂🍁🍂 🆔 @nawandi_adab_honar
🍂🍁🍂🍁🍂🍁🍂🍁🍂🍁🍂🍁🍂

دلم پره له ئیشتیا
هه‌ر وه‌کوو توو
به‌لام له توو له عیشقی تو. . .
#جەمیل_م
🆔 @nawandi_adab_honar

🍂🍁🍂🍁🍂🍁🍂🍁🍂🍁🍂🍁🍂
🍁🍂🍁🍂 🆔 @nawandi_adab_honar
🍂🍁🍂
🍁🍂
🍂
🍁
دەرکەوتووە ئەم شەو لە بنی شۆڕە عەبای شەو
سووچێ لە برۆی دڵبەری بێ گەرد و بەڵای شەو

هاتووم کە بڵێم سوێند بە خودا و ئایەتی قورئان
ناگۆڕمەوە یارم بە هەزار یاری وەهای شەو

قەسدی سەفەرێکم لەبەرە تاکوو خەیاڵت
چبکەم شڵەژاوە خەوەکەم ، خۆزگە نەبای شەو

چیتر نە وەفایی و نە غەزەڵ پەورەری نالی
ناداتۆ وڵام بەم هەمووە جەور و جەفای شەو

لەم سەردەمەدا هێندە ڕەشە ڕۆژی ئەویندار
ئەی وەی لە من و وەی لە دڵ و وەی لە حەیای شەو

دەرمانی نیە زوڵمەتی ئەم شامە درێژە
کورتی کەوە ڕێی دووری وەرە ، خۆت بە پەنای شەو


تا شانە دەکەم پرچی درێژم بەتەماشا
دێن و موتەحەییر دەکەون خێڵ و سوپای شەو

بەس کەس نییەتی قودرەتی تەفسیری ئەوەی کە
بەستوومە بە هەنگاوتەوە تای زوڵفم و تای شەو

ویستم لە غەزەڵدا بکەمە قافیە نێوت
ترسام کە تەماح کاتە سەرت خوشکە حەوای شەو

سایە سەرەکەم ، دووری لەبەر دوورە حەیاتم
تۆ مەرگی دڵارام بدە کۆتا بە هەرای شەو

#شیما‌_نادرسه‌را_دلارام
🍁
🍂
🍁🍂
🍂🍁🍂
🍁🍂🍁🍂 🆔 @nawandi_adab_honar
🍂🍁🍂🍁🍂🍁🍂🍁🍂🍁🍂🍁🍂

کە رۆحم تێگەیی تۆ حەز بە دەرچوونی دەکەی،دەرچوو/
دەبێ عاشق کە دی بێزارە یاری،بێ بڕۆ، بڕۆا

#مەحوی
🆔 @nawandi_adab_honar

💞 @nawandi_adab_honar
خیام اگر زباده مستی خوش باش
با ماهرخی اگر نشستی خوش باش

چون عاقبت هستی ما نیستی است
انگار ڪه نیستی،چون هستی خوش باش

#خیام
روز بزرگداشت خیام 28 اردیبهشت
💞 @nawandi_adab_honar

🍂🍁🍂🍁🍂🍁🍂🍁🍂🍁🍂🍁🍂
🍁🍂🍁🍂 🆔 @nawandi_adab_honar
🍂🍁🍂
🍁🍂
🍂
🍁
دڵارام
ڕەنگ بێ هێشتا
بەهار و پاییز و زستان و هاوینت
نەدیبێت!
ڕەنگە
یەکەم بەیانی بەهار
بۆنی
خۆڵەمێش و دوکەڵ و لاستیکت نەکردبێت
بۆنی
بەهار و خوڕەی بەفراوو چپەی زناوت نەبیستبێت
یا خود
بۆنی سوورگوڵ و لالە و گەزیزە و نێرگس
''هەڵمژیت و پێی بپژمی پڕ بە دڵ!''
نا دڵارام
ڕانەهاتووی بەم سەفا و سەرسامیە
بەم
هەراو هوریا و گۆبەن و گۆرانیە........
دڵارام
تۆ کچی ساڵی نەهاتی
ئابڕو و نامووسی ئەو دیو پەنجەرەیت
تۆ فەقەت
ئەو دار سێوەی حەوشەکەت تێر دیتوە
ئەو دارسێوەی
کازیوە گەڵاکانی بە سووری ئەڕوێن و
ئێواران
بە سەوزی ئەوەرێنە خوارەوە
ئەم وەرزەی کە هەر تیکرارەو پشوو نادات دڵارام...

#جەمیل_م
🍁
🍂
🍁🍂
🍂🍁🍂
🍁🍂🍁🍂 🆔 @nawandi_adab_honar
🍂🍁🍂🍁🍂🍁🍂🍁🍂🍁🍂🍁🍂