#نقطة_التقاء ❤
بقلم عهد منير
-٧-
فتح شباك العربية واشر لينا نفتح شباكنا ليان فتحت الشباك قال ليها يا قمر المقعدك مع الاشكال دي شنو انا المرة دي استجمعت شجاعتي وقلت ليهو باسل عبدالله تربية اجانب حتوقع اكتر من ككدة شنو❤.قال لي واووو ختيررةةة البنت علاقتها حلو كويس انك عرفتي كل المعلومات دي طيب عرفتي رقمي ؟ والاشارة فتحت والناس شغالة تضرب بوري لكن حلفت ما اتحرك الا ارد ليهو قلت ليهو ولا بشرفني اعرفو❤، قال لي خسارة كنت داير اديهو للجنبك جيت دايرة اقفل الشباك بس انصدمت انو كشح فيني عصير وكمان قدام مين قدام صحبتي طلعت من العربية دايرة اكفتو ولا اقتلو اي شي اتراجعت ركبت العربية واتحركت لاحظت لي ليان المصدومة من الموقف

ليان
دد د د د دة معقولة نوران المغرورة المابترضى زول يكسر كلمتها يحصل فيها كده عمري ما اتوقعت اشوفها يوم بالمنظر دة يا دنيا حاصل فيك شنو

بقيت ساكتة نزلت ليان قلت ليها ممكن اغسل وشي عندكم من العصير قالت لي طوالي البيت بيتك ❤ نزلت اغسسل وشي وما عايزة اتذكر اي شي من الحصل وعارفة لو رجعت البيت حنهار لقيت ليان جايبة لي عباية انو هدومي شربت عصير قلت ليها عندك بيجاما قالت لي اي ❤ قلت ليها ليان دايرة ابيت معاك اللييلة قالت لي بي فرح بالجددد ما تفرحيني بعدين تقولي امزح❤❤ قلت ليها انا في وضع ما بقدر امزح فيهو قالت لي يا سلام ❤رسلت لي امي اني حبيت مع ليان ، حسيت اني لازم اقول لي ليان الحصل خاصة بعد ما اتفضحت كدة قدامها حكيت ليها من اول لقاء بينا قالت لي بي استغراب يا انو اعمى يا بيستهبل كلامو القالو ليك ما منطقي قلت ليها انا زاتي قلت كدة قالت لي الفهمتو انو داير ينرفزك لي سبب انا ما عارفاهو انتي بتعرفيهو او اتكلمتي معاهو قبل كدة ؟ قلت ليها لا لا شكلو مميز لو شفتو قبل كده مستحيل انساهو قالت صح والله انتي عارفة من اول ما وقف جمبنا لحدي اخر شي ما قدرت انزل عيوني منو حاجة كدة عجيبةةةة ❤❤ قلت ليها وععع الله ياخذه هو وشكله وبعدين ما من نوعي لو عايزة واحدة زيو بخليهو يجري وراي بي كل سهولة❤ قالت لي لكن باسل اثبت ليك انو ما اي زول بيجري وراك 🙂 قلت ليها صدقيني لو دايرة اجيبو بجيبو قالت لي عموما حلو ولا ما حلو هو ما اول زول يمر علينا ولازم نشوف طريقة نخليهو يتاسف ليك ويبوس راسك كمان😂❤❤❤❤ قلت ليها لا لا ما دايراهو يبوس راسي ولا دايرة اشوف خلقتو بس لازم اندمو ما عرفني لسا قالت لي وريني حتعملي شنو انا صحبتك😹❤❤قلت ليها لسا ما فكرتهه لكن بشوف ليهو حاجة قلت ليها معلينا منو لي ارح ننوم ❤قالت لي نوران رايك شنو نسحب على يوم بكرة؟ قلت ليها غالي وطلب رخيص 😂❤اصلا بيني وبين نفسي ما عندي مزاج لي جامعة ولا قرف.

: باسل باشا مختفي وين
باسل : اعمل بالاشكال دي شنوو
: مالنا احلى اشكال
باسل : الاعجاب بالنفس دليل على صغر العقل
: اي زي صحبتنا نوران
باسل: مسكينة حزنتني اليوم كبيت عليها العصير الاشتريتو من ماما نورة وطلع طعمو سيء قلت اكبو فيها احسن من الزبالة😂😂😂😂
: اكيد دخنت من التعصيب
باسل : كان معاها صحبتها ليان يعني قمة الاحراج
: تستاهل واصل يا باسل ماشي كويس 😹
باسل : انتو بس اتفرجو لسا ما شافت شي.
: انا يا باسل بقول ارح نعمل ليها حركة ظريفة كده
باسل : زي شنو؟
: مثلا وهي راجعة من الجامعة نركبها السيارة
وناخذها مزرعتكم بلع ريقو لما شاف نظرات باسل ليهوو ...
يتبع..

#نقطة_التقاء ❤
بقلم عهد منير
-٨-
باسل: اسمع انا وعدت الراجل اني حعلمها قدرها لكن ما معناتو استقوى على بنت وبعدين اخجل انت راجل
: لي دي انت بتسميها بت؟ دي وحده مطلوقة ساي في البيت ما بتقعد لو عندها اهل ولا اخوان ربوها ما بتسوي البتعمل فيهو اسي
باسل: لي سوت شنو ؟خانت صاحبنا؟ خليها تخونو اصلا انا وانت عارفين هو ما بحبها بس احساس انا حبيبتي نوران مجدي انا بس زعلني اسلوبها معاهو واصلا بيني وبينك تعبت من الدور دة ذليتها بما فيه الكفاية والراجل شكرني على السويتو فانت ياريت ما تتدخل وما تنسى عندك اخوات
: اووو ي باسل تشبه دي باخواتي لو اخواتي بسوي ربع اللي هي بتسويه والله ادفنهم في الارض
باسل: الكلام معاك ضايع.

صحيت على صوت التلفون لقيتها ماما قالت لي نوران بعدين تعالي بدري ابوك عامل عزيمة وضروري تكوني في قلت ليها حاضر❤، وقفلنا على كده مشينا نتجهز انا وليان ضربنا لي بيان❤ نشوفهاا حابة تجي معانا قالت تعاالو غاشيني قلنا ليها تمام❤❤
ليان كانت لابسة فساتن ابيض بجكت جنز وطرحة سماوية ❤
فتحت دولاب ليان اخترت لي بنطلون جنز مع بلوزة كبدية وسبورت كبدي خليت شعري مفكوك ورميت الطرحة فيني وعملت قلوس وردي ومسكرة بس ❤❤.
وصلنا لي بيت بيان طلعت مع اخوها عاين لينا بي طرف عينو شكلننا ما عجبناهو ما اشتغلنا بيهو الشغلة 😂جات بيان قبل ما تركب زاتووو قالت لينا انا ميتتته جوووع عازمني وين😂ليان قالت ليها سلمي طيب قالت لينا اها طيب حناكل وين قلت ليهم رايكم شنو نمشي المطعم السوري ❤؟ قالو قدااممم❤.

خليت ليان هي التسوق حسيت نفسي نعسانة ختيت راسي على الشباك وانا كلي نوم قمت فجاءة قلت ليها ليان ليان قالت لي قصري حسك سامعاك قلت ليها ما عارفة محل كيك قريب ❤بيان قالت لي كيك شنو يا نوران قلناا ليك جعانين التحلية خليها بعدين😂 قلت ليهم ياح سريع عارفين ولا لا ؟ ليان قالت في محل لي قدام شوية قلت ليها طيب امشي عليهو وهم مستغربين وبعاينو لي نزلت سريع شديد للمحل طلبت منهم كيك بالكريمة متوسطة ركبت العربية وقلت ليها اتحركي سريع ليان قالت لي ممكن تفهيمنا الحاصل قلت ليها وانا دايرة اطير من الفرحة بعدين بعدين ،وقفي هنا بيان قالت لي انتي مجنون الكوفي دة مافيهو قسم عوائل ما سمعت باقي كللامها لاني نزلت سريع ولقيت ليان لاحقاني دخلت المحل والناس كلها بتعاين لي باستغراب دي منو البت الجريئة الخاشة مقهى حق شباب جا واحد بجري علي قال لي لوسمحتي ممنوع تدخلي هنا قلت ليهو بديك الدايرة بس خليني اخش اتجاوزتو وليان وبيان لاحقني من محل لي محل وقفت عند طاولة فيها شباب و رميت الكيك على وشو الناس كلها ماتو ضحك اما اصحاب باسل فكانو مصدومين اخذت المنديل ونضفت عيونو عشان يشوفوني وقلت ليه تاتي مرة ما تحاول تتحداني ❤.
يتبع

#نقطة_التقاء ❤
بقلم عهد منير
-٩-

طلعت من المحل زي الماعاملة حاجة سمعت ناس بتكورك وناس بتضحك ما كان همني شديد حسيت بس احساس ما حسيت زيو فحياتي لذة الانتصار كاني اخذت جائزة منتظراها من زمان
طلعنا العربية وقلت لي ليان بعد دة ممكن نمشي البيت السوري ❤ ليان عاينت لي مسااافة قبل ما تضحككك ب اعلى صوتها لقيت نفسي بضحك معاها 😂😂 وبيان مستغربة من الحاصل

وصلنا المطلعم طلبنا الاكل ولسا بنضحكك بيان قالت ما ممكن اكون زي الاطرش في الزفة فهموني الحاصل ودة شنو السويتيهو ودو منو كمان باسل ليان حكت لي بيان الحاصل وبقت هي ذاتها تضحككك قالت ما جادة والله 😂😂😂بعد مدة ليان قالت لي عارفة انك اكتر بت مجنونة انا قابلتها❤؟ ودة العاجبني فيك قلت ليها قلت ليك ما حمشيها ليهو وشوفي سويت شنو😏 قالت لي عرفتي كيف مكانو قلت ليها بالصدفة وقع عيني على الكوفي استغربت مافي محل عائلات عاينت للعربات وشفت عربية الغبي باسل وقلت دي فرصتي 😹❤بيان قالت لي موقفك شنو لو ما لقيتيهو 😂قلت ليها عادي ممكن اخلي الجامعة واقعد في الشارع افتشو لحدي ما القاهو😂😂💔ليان قالت لي شفتي ردة فعل اصحابووو؟ قلت ليها لا لا ما ركزت مع اي زول كنت دايرة اتخارج سريعع قالت لي ههههههه فاتكك صراحححة 😹💔كانو دايرين يضحككو بس ما قادربن وهو بعاين ليهم نظام قولو لي دة حلممم قلت ليها خلاص اسكتي 😭😭😂😂😂😂💔 بيان قالت لي لكن انتي بايخة لي ما قلتي لينا لي كان صورنا الموقف حرام يحصل كدة دون تصوير 😂قلت ليها كنت خايفة اضرب الكيك فوشي من كتر ما نظراتو بتخووف 😂💔.
ورجعع كلو زول فينا لبيتو❤.

دخلت البيت لقيت اصوات امي وابوي طالعة استغربته الحاصل شنو كان واضح النقاش بيهم حاد شديييد اي صح كان بتحصل بينهم خلافات لكن ما بتصل للكواريك علاقتهم كان الجزو الاكبر منها برود مع انو حبوبتي زمان قالت لي اتزوجو عن حب خاصة انو اهل امي كان عندهم التقاليد والعادات اهم شي ووانو البت لي ولدعمها❤ عارضو الناس كلها وركبو راس وعرسو قالت لي كانو بحب بعض لصورة ما متخيلة❤❤ الحب دة مشا وين الله اعلم لاني ما شفتو منو شي❤قربت منهم دايرة لقيت ابوي شغال ليها يا مرا انا شغلي كلو في الامارات اجي استقر هنا كيف امي قالت ليهو بتفضل شغلك علينا ؟ قال ليها مالو موفر ليكم اي شي..... بعد شوية كدة انتبهو لي وجودي وسكتو وطلعو غرفتهم انا برضو مشيت غرفتي ❤.
مشيت فتحت التوير كتبت :

واجهتُ كُل شيءٍ لمُدةٍ طويلة ، أنا الآنَ أهرُب ، أهرُب من اليأسِ والإحباط ، أهرُب من البشر ، أهرُب حتى من كيمياء جسدي المُضطربة❤🚶‍♂️❤ .

جيت بعد ساعة لقيت كمية من التعليقات انا اصلا الفتره الفاتت اتعودته على انو اي حاجة بكتبها بتعمل جدل قريت كمية من التعليقات
منها الله يجبر بخاطرك ، الله يسعدك كان في تعليق ضحكني شديد واحد كاتب لي الدنيا ما بتستاهل بي خرشة وبنقو ببتجازف قفلت على كده واستسلمت للنوم❤.

#نقطة_التقاء ❤
بقلم عهد منير
-١٠-
للذين وعدو بالبقاء ، ان البقاء لله❤

مرت ايام الاسبوع عادي جدا ما بتخلو من المشاكل الحاصلة بين امي وابوي الفترة دي بقيت مركزة فقرايتي اكتر شي عشان اقدر احرز اكبر مجموع ❤❤ صح ابوي غير مبالي في اي شي الا موضوع القراية ما بتساهل فيهو❤.

قطع علي مذكراتي صوت التلفون لقيتو محمد رديت ليهو وانا مشتاقة ليهو قلت ليهو هلا قالي هلا والله كيفك قلت ليهو تماام❤قال لي عبدالله قلقان لي ما قاعدة تردي عليهو ردي عليهو وريحينا قلت ليهو انا وريتو عندي قراية❤ قال لي المهم اشوفك بقيتي محبوسة مالك؟ قلت ليهو فترة نقاهة😂 قال لي فترةنقاعة ولا خايفة من بعض الناس قلت ليهو من ما مفهمت قال لي باسل قلت ليهو باسل شنو الدايرة اخاف منو😂 قال لي اذا ما خايفة اطلعي طيب قلت ليهو الفايدو شنو اطلع وما القاهو كدة حكون خسرت زمني وما اثبت ليهو اني ما خايفة قال لي هندا دة سيارتو قدامي قلت ليهو وين قال لي جمب اوزون قلت ليهو خلاص جاية عليك

لبست في عشرة دقايق انا زاتي مستغربة من نفسي 😂❤ معارفة لي بس كنت متحمسة اني اشوفو يعد الحركة السويتها فيهو ضرتب لي محمد قلت ليهو اها وين قال شايفة الحتة المضوية ديك قلت ليهو ااي اي شوفتكك مشيت عليهو وسلمت قلت ليهو معاك منو في العربية قال لي واحد من الشباب ما معقولة يا نوران حتى من اصحابي بتغاري 😂😂قلت ليهو ما فضل الا اغار عليك خلصو الاولد وقعدنا نضحك قال لي صاحبك هنداك يلا انا ماشي عشان م يحس اننا بنقطع فيهو
اتلفت عليهو ارتبكت شوية حسيت قلبي بدا يضرب للحقيقة يعني كنت مشتاقة اشوفو بس مستحيل اذل نفسي عشانو لقيت واقف جمب بنتين وبضحك با على صوتو ما عارفة دخلني شنو بس حسيت نفسي حنفجر قلت ليهو لما تشيل رقم وحدة على الاقل تكون سمححة 😏❤ غمز لي و قال يمكن شينة بس احلى منك قلت ليهو انت اصلا مغرور كدة؟ وعلى كل حال الطيور على اشكالها تقع 😂❤🚶‍♂️قال لي فعلا
سكت ما عرفت اقول شنو قال لي اسمعي يا بت الناس قلت ليهو خير ؟ قال لي لو شفتك في محل حعمل نفسي ما بعرف زول اسمو نوران وانتي برضو قلت ليهو عرفت اسمي كيف ؟ قال لي البسال ما بتوه وشهرتك واصلة السما قلت ليهو على العموم يشرفني اتجاهلك + شغالة امتحانات فاحمد ربك ما حتشوفني قالي اممم الله يوفقك مع السلامة قلت ليه باي واتحركت
لقيت محمد بيتصل قلت ليهو الو قال لي نسيتي اني منتظرك ولا القا احبابو نسا اصحابو❤ قلت ليهو محمد انا ما عارفة مالي لما اسمعو يكلم اي بت الغيرة بتبحني لما اشوفو ما بقدر ما اتكلم معاهو ولازم اخت عيني فعينو قال لي ما اتوقعتك رمنسية للدرجة دي قلت ليهو اقول ليهو؟ قال لي كرامتك يا مجنونة اوعك تتسرعي عشان ما تندمي قلت ليهوو تتوقع يرفضني قال لي لا انا متاكد قلت ليهو لي ؟ قالي نوران هو عارفك وعارف اي شي عنك مستحيل يدخل نفسو فمتاهات مع وحدة بتعرف ١٠٠٠٠٠ ولد غيرو
قلت ليهو حرام عليك انا ما كدة قال لي ما بتتكلمي مع اولاد ؟ ما بتعرفي نص البلد؟ تتوقعي يتكلم معاك لانك حلو؟ اسلوبك حلو؟ ابدا يا نوران حسيت انو صوتي اتبح قلت ليهو اكلمك بعدين غطيت وشي بالطرحة ما كنت دايرة محمد يشوف دموعي ابدا ما زعلانة منو لانو قال الحقيقة ما اكتر حتى لوكانت حارة كنت محتاجة اسمع كلام زي دة ❤.
يتبع....

#نقطة_التقاء
بقلم عهد منير
-١١-
وصلت البيت وانا شبه منهارة الحمدالله الليلة عدت على خير معارفة انا سويت شنو في حياتي معارفة اصلا الخلاني اتكلم مع اولاد شنو واتعرف على دة ودة امكن وضعي في البيت امكن كنت عايزة احس اني مرغوب من قبل زول ؟ طيب حياتي كانت ماشة حلو لحد ما ظهر باسل الاتغير شنو يا نوران الاتغير شنو يمكن عشان هو غير حسسني اني ولا شي ما اهتم فشكلي ولا بمنظري ولا ايشي اكيد دة الخلاني اتعلق فيهو بس اول ما اتعرف عليهو حيكون زيو زي غيرو🚶‍♂️💔.

:اقول يا باسل شفت لما كنت واقف جمب البنات قربت تاكلك بعيونها عارف لو انا ما عارفها وعارف شحصيتها كنت قلتها انها بتبحكك
باسل: ههههههههههههه حب مرة وحدة
:لو انت شفت شكلها برضو حتقول كدة
باسل:النوعية حقت نوران دي بتكون دايرة تكون محور اهتمام اي زول لما لقتني ما عبرتها ومشيت لي غيرها ببتكون اتغاظت وغارت
:بصراحة كدة انا البت دي حاسي حتى ابوها ما بتحبو
باسل: انا عكسك حاسي انو عندها مشاعر دايرة زول يفجرها
: اوعك تكون دايرة تفجرها نت
باسل: يمكن لي لا؟
:اقول ليك ابعد من الشر وغنيلو
باسل:عارف من كتر ما اتهجمو فيها الناس بديت ارحمها😂❤
: اي لانها مصيبة
باسل : معارف حسيت عندها كلام دليرة تقولو
:انت اللي عندك كلام داير تقولو مالك داير البت؟
باسل : انت مجنون انا وهي مستحيل لسببين اول حاجة مستحيل اثق فيها وتاتي شي مستحيل اخون عمر .
: بس عمر انتهت علاقته بيها من زمان
باسل:حتى ولو
:الحمدالله ، ما عارف حاسي البت دي عندها سحر اي زول بشوفها وبحبها
باسل: المشكلة المظاهر خداعة يا صحبي
: فعلا اها انت كيف الاهل اخواتك قدرو يتاقلمو مع البلد دي ؟
باسل : والله متجرسين جرسسة
: فعلا صعب زول حياتو كلها عايشها فلندن يجو فجاءة يقولو ليهو ماشين السودان
باسل: لكن في الاخير لازم يتقبلو الوضع .

بديت احس بحاجات غريبة اول مرة احس بيها تجاه زول تعرفت على اولاد كتار في منهم ارتحت ليهم وفي منهم كرهتهم يمكن جزو منها حباني بالجد لا ممكن اكيد بس انا ما اهتميت كنت بعتبر المكالمت دي تسلية تضيع وقت لا اكتر ولا اقل بس بعد ما ظهر باسل حسيتو غير لي مجرى حياتي انا زولة قمت بقوانيني وحدودي وهو كسرها كلها وخلبط افكاري يمكن عشان ما حسسني انو دايرني معارفة المشاعر البكنها ليها حقد ولا تملك لكن الكلام القلتو لمحمد دة كلو دليل على اني بحبو قلت لنفسي انا لازم اتجاوزو واركز على قرايتي والايام كفيلة تنسيني ليهو حسيت بي غصة انساهو؟ جا فبالي الف سؤال ما ظنيت اني ممكن انساهو فتحت المسجل قلت اشغل نفسي من باسل البقى مستحوذ تفكيري الايام دي ❤ شغلت اغاني مصطفى سيد احمد❤❤ وللاسف بكل مقطع غنية بتذكرو اخ ياربييي ارحمني .

يتبع.

#نقطة_التقاء ❤
بقلم عهد منير
-١٢-
الاختبارات باقي ليها اقل من شهر وننتهي من السنة الدراسية وكده بكون فضل لي سنتين فكرت لي قدام ممكن ادخل معارض واعرض لوحاتي بما انو انا اصلا هوايتي الرسم وعندي مرسم خاص بي ❤ دخلت التويتر كتبت : يمكن يكون حلمك نجمة لكن ربنا يبعت ليك نيزك يولع فيك وفي اهلك ،، دي الحياه ❤. ردت لي وحدة قالت لي الحياه ما كده بس نحنا المفروض نغير منظورنا ليها ❤قلت ليها يمكن❤. لقيت مكالمة من ليان رجعت ليها قلت
:الو
: اهلين ❤
:هلا ليان كيفك؟؟
:تمام انتي كيفك؟
: الحمدالله
: الا وين مختفية قافلة الجوال قلت اكيد عاملة مشكلة مع عبدالله عشان كده قافلاهو 😂
: هههههههه قديمة انتي يا عبدالله
:الله الله يا نوران تعرفتي على واحد تاني و ما كلمتيني
: لا ، اصلا الايام دي ما لي نفس لا لي عبدالله ولا غيرو
: نوران ؟انتي كويسة؟ حاصل شي في البيت؟؟
:لا والله ما في شي بس بيني وبينك مليت من المكالمت ودايرة اركز على قرايتي عشان الاختبارات جاية
: اختبارات؟ علي انا ؟ قولي لي فيك شنو؟
:معارفة يا ليان بقيت بزهج سريع ما زي الاول
:حبيبتي انا وبيان طالعين الليلة رايك شنو تجي ؟
:وين؟
:معارفة زي الساعة ٧ عليك الله تعالي
: طيب اسمعي طط طط طط
اي قفلت الخط في وشي 😒، رجعت دقيت ليها لقيتها مقفلة جوالها قلت خلاص مالو خليني اغير جو شوية ❤ مشيت المرسم اشغل نفسسي❤ شغلت غنية هادية احترت ارسم شنو فجاءة جا في بالي ارسمو ❤ اي باسل ، صح انا ما عندي صورة ليهو ولا شفتو الا كم مرة الا اني متذكرو كل تفاصيل وشو❤،خلصتها عاينت للرسمة حسيت في دمعة نزلت من عيني 💔 وقفت غمضت عيوني وقعدت على اقرب كرسي اتخيلت كيف حتكون حياتي مع باسل نتزوج ونجيب اربع توائم اي عارفة اني بايرة😭😂😂😭😂💔

الساعة ٧ مرتني ليان هي وبيان ولما طلعت اتفاجئت انو السيارة ما حقت ليان بس حقت بيان ❤
قلت ليهم السلام عليكم❤قالو لي وعليكم السلام❤ ليان قالت لي نوران الورقة المعاك دي شنو قلت ليها ما بوريك ليها هنا خلونا ننزل اي محل وبوريكم ليها ❤بيان قالت لا لا ياخ انا دايرة الفلف في الشوارع❤ قلت ليهم ما عندي مزاج حوامة خلونا ننزل اي محل وبعد العشاء بخلي السواق يجي يرجعني وانتو امشو اتمشو بيان قالت خلاص تمام❤ وصلنا محل عصاير كده ليان الشمشارة طوالي قالت لي يلا الورقة الفي يدك دي شنو قلت ليها اول نطلب بيان قالت لي نوران بلا دلع قلت ليهم خلاص خلاص بوريكم😂 فتحت الورقة كانت مربوطة بي شريطة اول ما شافوها قالو لي وااااووووووو❤ بيان قالت لي انا شايفة الزول دة وين ليان انصدمت قالت لي بااسل؟؟؟؟؟؟ قلت ليها اي ❤ ليان قالت لي رسمتي كيف؟ عندك صورتو؟ قلت ليها ابدا بس انتي عارفة ذاكرتي مشلاه بس بيان قالت لي الدكتورة الفي الجامعة لازم تشوفها بتنجحككك طوالي 😂❤❤❤قلت ليهم عشان الرسمة ولا الجوة الرسمة😏قالو لي الاتنيين😂😂😂😂
العشاء اذن والسواق منتظرني برا خليتهم ومشيت كنت دايما بتحاشى اني قابل زول خايفة اني لما اشوفو اضعف وبالذات انو مشاعري اتطورت شديد خايفة ما اقدر اتحكم في نفسي والحمدالله اني لسا قوية وقادرة اكبت نفسي ركيت السيارة وانا غرقانة في بحر التفكير ❤❤.
يتبع

#نقطة_التقاء ❤
بقلم عهد منير
-١٣-
وصلت البيت لقيت محمد ضارب لي قلت ليهو هلا قالي بي صوت حزين كده نوران كيفك قلت ليهو محمد انت كويس❤قال لي لا ، قلت ليهو مالكك ما تخوفنييي في شنووو؟؟ قالي ننونو داير فزعتك قلت ليهو حغض النظر من نونو دي 😂 اها داير شنوو عيوني ليك ؟ قال لي انا واقع في ورططة اتعرفت على بت من ٣ سنين وامبارح اخوها ردة على التلفون ما عارف اسي حاصل ليها شنو😭 قلت ليهو احسسسسنن 😂 قال لي نوران ساعديني انا اخوك قلت ليهو يا ولد الحلال امكن جوالها مفصول قال لي لا لا لما اتصل برد اخوها قلت ليهو طيب اعمل شنو؟ قال لي اضربي ليها واطلبيها قلت ليهو طيب رسل رقمها وقفلت منو مشيت شلتة رقم البت وضربت ليها فعلا ردة لي اخوها قلت ليهو الو قالي نعم قلت ليه السلام عليكم❤ قالي وعليكم السلام انتي منو قلت ليهو انا صاحبة فرح ممكن تديني ليها ؟ قال لي شكلك غلطانة قلت ليهو لا لا متاكدة انت منو؟ قال لي واحد ،قلت ليهو كنت قايلاك اتنين حتنادي فرح ولا ؟ قال لي ما راضية تصدقي انو دة ما رقم فرح لكن ممكن ابقى فرح لعيونك،،،، قلت في نفسي دة مالو الاهبل دة ،،،،،،قلت ليهو مشاءالله دمك خفيف بتشرب شنو على الصباح قال لي حليب كابو قفلت فوشو بقيت ما بقدر على الزرافة الزايدة
رجعت لمحمد قلت ليهو دة شنو المخليني اتكلم معاهو قال لي مالو قلت ليهو قاعد يتعابط قال لي ما قال ليك شي عن فرح قلت ليهو لا قال لي نوران عليك بكرة تاني دقي ليهو حاولي اعرفي شي عن فرح قلت ليهو انت بتستهبل انا ١٠ ثواني ديل فقع لي فيها مراتي بقا يحنس فيني مشيتو قلت ليهو انشاءالله يحصل خير ❤

طلعت من الغرفة لقيت امي وابوي مجتمعين قالو لي اقعد معاهم بقو بتونسو وبضحكوا ❤وانا في نفسي بقول ديل مالهم الظرافة دي ما ساي وابوي يرمي في النكت وامي تضحك ليهو وانا بس منتظرة الدرامة الرخيصة دي حتخلص متين ابوي قال لي مالك ساكتة❤؟ قلت ليهو اقول شنو؟ ابوي قال لي اي شي امي قالت لي بكرة رايك شنو نطلع سوا عاينت ليها مسافة بعدين قلت ليها مشغولة بقينا ساكتين بعد فترة قلت ليهم قولو الكلام الدايرين تقولو امي قالت لي ههه ياتو كلام مافي اي شي قلت ليها امي انا حركات اللف والدوران دي ما قاعدة احبها دايرين شنو؟؟ ابوي قال لي لو اتكلمنا معاك معناتو في حاججة ❤؟قلت ليهو اي ماهو ما ممكن السنين دي كلها ما شغالين بي ولا جايبين خبري واسي في الكم يوم ديل دايرين اصدق انكم تتقربو مني يعني ؟ يادوب استوعبتو انو عندكم بت ؟ وروني ادوني سبب وانا بعذركم ؟ امي قالت لي دي قلة ادب جديدة؟ ابوي قال شكلنا ما عرفنا نربيك انا اعصابي باظت ودموعي بقت جارية قلت ليهو ماعرفت تربيني ؟ يعني انت حاولت اصلا ؟ انا كنت في اليوم بتعذب مية مرة وانتو كلمة "كيفك" ما كلفتو نفسكم تقولها انا كلو الضياع الفيهو بسببكم كنت طفلة محتاجة زول يوجهني بس ما لقيت ❤على العموم انا ما لايماكم ❤وطلعت غرفتي

مبدئيا كده انا ما عارفة الحصل قبل شوية ده شنو ما استوعبت الا لما طلعت خليتهم انا زاتي ما اتعرفت على نفسي انا حياتي كلها كنت عايشاها فبرود بس خلاص طاقتي اتنفذت بعد السنين دي كلها جايين يلعبو علي دور الام والاب ؟؟؟
لقيت مسج من ليان كان محتواه" نوران انا سويت حاجة من غير علمك وبتمنى تسامحيني كل السويتو عشانكك "
يتبع.

#نقطة_التقاء ❤
بقلم عهد منير
-١٤-
لقيت مسج من ليان كان محتواه " نوران انا سويت حاجة من غير علمك وبتمنى تسامحيني كل السويتو عشانك"
قلت اليوم الطويل الماداير يخلص دة بقيت بضرب ليها رنة رنتين التالة جاني التلفون مغلق اوففف انا ناقصة توتر قلت خليني اضرب لي بيان دقة دقة بعددين جاتني رسالة منها "نوران انا ما شغلتي دي ليان هي صاحبة الفكرة لوعندك كلام قولي ليها " ضربت ليها لقيت برضو قفلت جوالها .
بقيت ماشة وجاية لحد ما جاتني رسالة من رقم غريب " هلا نوران اسف لاني قاعد ازعجك في الوقت زي دة بس شكرا على الرسمة عجبتني الصراحة تسلم يدك
باسل"
ب بب اسسلل لاشعوريا لقيت نفسي بجري للمرسم بقيت بفتش على الرسمة ما لقيتها بقيت مخربطة دة جاب رقمي من وين اولا وثانيا عرف بالرسمة كيفف قلت لا لا ليان ما بتعملها والرسمة كانت معاي اختفت ويين رسلت ليهو قلت ليهو انت منو؟ قال لي كم باسل بتعرفي ؟ كم باسل رسمتي ؟ حسيت انو مقلب رسلت ليهو انا ما فاهممة حاجة قال لي ممكن اتصل ؟ انا بالجد هنا خفت لانو لو ما كان باسل ما كان اتجراء يتصل اكيد وقتها بكتشف انو مقلب قلت ليهو طيب
ثواني والتلفون دق رديت بي لهفة الو قال لي هلا قلت ليهو اهلين❤ قال لي لي ما نمتي وبكرة عندك جامعة ؟ قلت ليهو بي سبب المساج بقت فلحظة سكوت قلت ليهو حتطول ساكت قال لي ما تتكلمي انتي ؟ قلت ليهو انت العندك كلام قصة الرسمة شنو ؟قال ليي يعني ما بتعرفي قلت ليهو لا والله ليان رسلت لي مسج غريب وقفلت تلفونها وبيان ما دايرة ترد قال لي بادب كدة انا اسف اني ازعجتك في الوقت دة وعارف انو عندك جامعة ٩ قاطعتو قلت ليهو عرفك شنو قال لي ما صعب اعرف شي عنك قلت ليهو باسل قال لي هلا قلت ليهو فهمني الحاصل قال لي طيب ما تقاطعيني الليلة بالصدفة شفت صحبتك ليان وقالت عايزة تسلم علي وقالت لي عندها امانة والامانة كانت الرسمة وكانت خايفة اني اخدها لانك كنتي حتعرفي وطلبت مني ارجعها بس ما قدرت عارفة لي ؟ قلت ليهو بي غصة كده لي ؟ قال لي لانها عجبتني اول مرة اعرف اني وسيم كده بس دايرة اسالك كيف اتذكرتي شكلي بسرعة قلت ليها انا ما نسيتك من ما شفتك بعدها عضيت لساني وبلعن تهوري اسي يقول علي خفيفة ولفيفة قال لي رايك شنو تنومي عشان الجامعة وكده قلت ليهو اي وانت عندك دوام؟ قال اي الساعة ٧ قلت ليهو بخلعة ٧ والمصحيك شنوو؟ قال لي رسمتك ما خلتني انوم قلت ليهو لي ؟ قال لي ما قادر اشيل عيوني منها قلت ليهو للدرجة دي معجب في نفسك😂قال لي لا لانو عندي النسخة الاصلية اللي هو انا😂قلت ليهو اي انت ما حلو بس انا حبيت اخفي عيوبك😏قال لي لا لا مالحلاوة بسس الايد الرسمتها امكن فيها سححررررر ، انا هنااا خلاااصص مت ما عارفت اقول شنوووو قال لي في ناس خجلت خلاص بقفل عشان ما يغمى عليك قلت ليهو ما تخاف الشينات ما بغمى عليهم كنت دايرة اذكرو بكلامو حق زمان قال لي اكيدد عشان كدة بمدحك عشان ارفع معنوياتك علكل حال شكرا على الرسمة واسف اني ازعجتك واحلام سعيدة❤ قلت ليهو لا اعدي انا بسهر كل يوم" كضابة من العشاء بنوم" واسفة لاني رسمتك من غير اذنك قال لي عادي متبرع بي وشي الداير يجرب ما عندي مشككلة قعدت اضحكككك قال لي نوران قلت ليهو ايوا؟ قال لي عارفة ضحكتك رهيبة❤ انا هنا ما عرفت اقول شنو قال لي يلا تصبحي على خير ❤قلت ليهو وانت من اهلو❤
بعد ما قفل بقيت بصرخ باعلى صوتي بعدين خفت اهلي يصحو يقولو دي جنت رقدت في السرير قلت في نفسي وايي بحبك يا ليان لو عرفت انو الرسمةة عندها تاثير حلو زي ظة كان رسمتها زمااننن❤ما بتذكر اخر مرة ففرحتة كدة متينند
يتبع.

#نقطة_التقاء ❤
بقلم عهد منير
-١٥-
صحيت الليلة الساعة ٧ ونص والمحاضرة فضل ليها ساعة ونص بس بصحى بدري عشان القشرة وكده اخرتها للساعة ٨ وكملت نومي المنبة دقة ٨ قفلتو قلت بلا جامعة بلا هم
صحيت الظهر كدة صليت مشيت نزلت كده لقيت البيت فاضي اتصلت على محمد اتونست معاهو بقيت بحاول اضرب لي ليان وما بترد رسلت ليها مسج " ليان انا بشكرك سويتي حاجة ما كنت بتجرأ اسويها بلييز ردي ❤❤"

انتظرته مسافة كده لقيتها بدق لي رديت طواليييي قلت ليها الو قالت لي بي خوف كده هلا قلت ليها بصراحة انتي بايخة على الحركة دي شافغة خلاص تصدقي انو لما دقة لي قال مصدقة انك بتعرفي ترسمي قالت لي بي خلعةة شنوووو؟ والله انا لما اديتها ليو عجبتو عجب كضابب خلاص قلت ليها اها بتريرك شنو؟ اودي وشي من الناس وين اكيد كلهم عرفو قالت لي نوران بلا هبل بس هو وصاحبو شافوها قلت ليها عارفة انك احسن صاحبة في الدنيا❤❤؟ قالت ليي كيييففف ما فاهمة انتي زعلانة ولا فرحانة؟ قلت ليها انا ما فرحانة لا انا بطير من الفرح قالت لي يلا طيري المفروض تشكريني مش تهزئيني قلت ليها اووووووهه ليان امبارح اتونسنا ربع ساعة❤ قالت لي مشاءالله حسبتيها 😂😂قلت ليها كيف ما احسبها😂😂قالت لي ها احكي حصل شنو وقلتو شنو ،،،حكيت ليها اي شي بعدين قلت ليها انتي كيف وديتي ليهو الرسمة؟؟قالت لي ابدا امبارح طلعت مع بيان ولمحتو مع صحبو بقيت بدلع مع صحبو قمت قلت ليهو اديني رقم باسل هو زاتو اتخلع قال لي بتعرفي من وين قلت ليهو بس اديني قام اداني ليهو واديتوو الرسمة❤قال لي انتي منو؟ قلت ليهو انا صحبة نوران قال لي نوران منو؟ قلت ليهو داير كلمة سر اتخيلي كلمة السر شنو؟ الكيكككة قعدتت اضحككك فيها ضحككك😂😂😭💔قالت لي مات ضحكك وقلت ليهو بتسلم عليك قلت ليها متين قلت ليك سلمي عليهو؟؟قالت لي المهم ما تدققي قلت ليهو عندي امانة قال لي شنو ؟ اديتو الرسمة كان منجن منها قلت ليهو رسمتها نوران❤ ما شفتي اتخلع كيف قلت ليهو شلتها منها وهي ما عارفة بس عشان حقوق الوش قلت لازم اوريك ليها وقلت ليهو اوعك توريها لما شافني بحنس فيهو انو ما تعرفي صدق انو انتي الرسمتيها❤ قلت ليهو انا صحبتها ما رسمتني 😂قلت ليها ليان اسكتي حاسة بتجيني سكتة قلبية من كلامك قالت لي سلامتك المهم قال لي داير الرسمة قلت ليهو طيب اقول ليها شنو قال لي انا بتكلم معاها اديني رقمها ما صدقت اديتو رقمك وبس 😹❤قلت ليها خايفة تاني ما يدق قالت لي خلاص دقي انتي قلت ليهاا مجننوننننة ادق انا ؟ عشان يقول عني خفيفة؟ قالت لي على كيفك انا لو مكانك ازعجو ليل ونهار عارفة لما اشوفو بقول ما بتخيل الا وانك مرتو❤قلت ليها الله يخليك ما تعيشي الاحلام عشان اصدقها وبعدين اتحطم😂😂.

: هلا يذيد
اهلين باسل اخبارك
: الحمدالله انت كيف؟
:تمام اقول يذيد اتكلمت مع ليان
: اي قبل شوية لي ؟
: ما جابت ليك سيرة نوران؟
:دايرني ادق اسال عنها
: لا لا اوعك عارف اذا طالعين سوا ولا لا ؟
: لا ما قالت حتطلع مع صحبتها حقت امابرح
:غريبة نوران ما حتتطلع معاهم
: دايرني اضرب اشوف منو حيكون معاهم؟
: لا لا بس انت ما تجيب سيرة لي ليان اني سالت عن نوران.
: ابشر
: يلا تامر عل شي؟
:سلامتك
: واسمع كمان الشباب ما يعرفو اني كلمتها
: ما تشيل هم😂😂😂
: بس ما تمسكها علي وتهددني 😂
: كانك تقرا افكاري
: انا الطلعني معاك شنو؟
: لو انا كنت مافي البت ما كانت عبرتك
:اقول يلا عبرتك اكتر من اللازم
: مع السلامة.
: مع السلامة .
يتبع..

#نقطة_التقاء ❤
بقلم عهد منير
-١٦-
،اللهم قلبًا وإن تأذى لا يؤذي. وإن تحطم لا يؤلم. وإن صار بائسًا لا يقسي وإن عاث به الزمان والأحبه لا يتبدل. اللهم قلبًا يقوى بالرحمة و يتجدد بالرضى وينبض بالتوكل عليك ويكتفي بأنك الرقيب المطلع.!🖤

الاختبارات فضل ليها اسبوعين وتبدا ،،،،،الفترة دي انضغطت شدييدد ببدا اذاكر ٥ لحدي ٩ بليل طبعا اوقات الاستراحة الفطور الغداء العشاء حتى صحباتي طولت منهم شديييد السنة دي ضغطونا شديد وكنت خاييفة من ابوي صح هو مديني حريتي بس لو حسا انو مقصرة في القراية ما حيرحمني ❤ علاقتي بيهم اتحسنت نوعا ما يعني بقينا بنتكلم بمواضيع تانية ❤ الوحيدة الكنت متواصلة معاها ليان من بين صحباتي اللي مستحيل يمر يوم وما اسمع صوتها ❤❤ ومحمددد طبعاا❤❤
نزلت الصالة كانت الساعة ٣ لقيت البيت فاضي استغربت شديييدد البطلع امي وابوي من البيت زي الوقت دة شنو لقيت الخدامه سالتها قالت لي بارتباك كدده اا ااا مشوار قريب قلت ليها مشوار شنو الساعة ٣ ؟؟؟ قالت لي صراحة مدام مريم راح مستشفى لانو بابا في تعبان قلت ليها تتتتعبااان؟؟؟؟؟ وانا لييي يادوب اعرف؟ دموعي جات جارية وحسيت رجولي ما شايلاني قلت للسواق يوديني المستشفى سريع لاني ما بقدر اسوق بالحالة دي

حقيقة دي اول مرة اخاف للدرجة دي ،،انا ابوي عمري ما حسامحوا حتى لو سامحتوا عمري ما حنسا اهمالو لي ولي امي، عمري ما حنسا الايام الكنت ببكي فيها ودموعي في خدي ، عمري ما حنسا ردو لما اتوفت حبوبة واتصلت ليهوو قلت ليهو بابا انا محتاجاك تعال لي يا ابوي بكل بساطة قال لي " نوران حبيبتي انا عندي اجتماع لما اخلص برجع ليك" هو فعلا رجع لي بس بعد شنو؟ بالرغم من ده كلو ما دايرة يحصل ليهو ولا بتخيل يصيبو حاجة لانو ابوي ، يارب ما تختبرني بيهو يارب ❤.

وصلت المستشفي سالتهم عن رقم الغرفة مشيت لقيت ماما واقفة جمب الباب وبتبكي وحالتها حالة عاينت لي بخلغةة نووووررااننن انتي الجابكك شنو؟قلت ليها بحدة لي ما اجي؟ ولي ما كلمتيني اعرف من الشغالة؟ ولا الجووةةة دة ما ابوي ؟ لقيتها بتبكي شدييييد مشيت جبته ليها موية قلت ليهو حصل ليهو شنو ؟ واسي هو كيف قالت لي السكري ارتفع عندو واسي نايم بعد شوية حيصحي ❤.
بعد شوية صحا قمنا مشينا ليهو امي مشت قعدت جمبوا انا كنت واقفة بعيدد قلت ليهو بصوت مبحوح من البكا حمدالله على السلامة ❤قال لي الله يسلمك❤ تعالي جمبي ❤❤عاينت ليهو بتردد كده بعدين مشيت قعدتو جمبو امي قالت ليهو خوفتنا قال ليها الحمدالله مافي حاجة وقعدو يتونسوا بتننا معاهو في المستشفى صحيت على صوت الممرضة وهي بتركب ليهو الدرب طلعت من الغرفة بعد ما شفت مليون اتصال من ليان اللي اتصلت بالبيت وعرفت من الشغالات اننا في المستشفى كلمتها وطمنتها علينا ❤،الدكتوور قال حالتو اتحسنت وكتب ليهو خروج اول ما وصلنا البيت طلعت الغرفة ارتاح لانو قعدت المستشفى تعبتني ضربت لي ليان قلت ليها الو قالت لي هلا بصاحبة الصوت قلت ليها هلا قالت لي اها ابوك بقى كيف قلت ليها الحمدالله احسن❤قالت لي الحمدالله على سلامة ما تشوفو فيهو شر يارب قلت ليها الله يسلمك كيف عاملة قالتت لي بس مع القراية المافاهمة فيها حاجة قلت ليها حلاص تعالي عندي اليومين ديل نذاكر سوا قالت لي تممام بسال امي وبكلمك قلت ليها لو مارضت انا بقنعها قالت لي تمام
بعد شوية رجعت لي قالت لي ابشرك وافقت ❤قلت ليها خلاص اسمعي مستحيل تطلعي من بيتنا قبل ما الامتحانات تبدا قالت لي اي احسن عشان افتكة من المزعج دة قلت ليها منو؟ محمد؟يحليلو لي زمن ما تكلمت معاهو قالت لي منو قال ليك انا قاصدة محمد؟ قلت ليها اها منو يعني ؟ ققالت روميو يعني منو قلت ليهاا ميين؟ قالت لي باسل قلت ليها بصدمة باااااسلللل؟؟؟؟ قالت لي اي كل ٥ دقايق يتصل يقول لي اتطمني عليها شوفيها امكن محتاجة شي في المستشفى ، بعدين يتصل يقوول امكن ما اكلت،،اكل المستشفى ما حلو قال لي انا بطلب ليها عشاء لكن قولي ليها انتي الجبتيهو ياخ والله زهجني زهججج انا بقيت بضحك ومصدومة قلت ليها ياربي دة حاسي بشنوو قالت لي بريي ،خلاص باي لحدي ما نتلاقى وقفلنا على كدة
يتبع....

#نقطة_التقاء ❤
بقلم عهد منير

-١٧-
‏"فكرة أن يحاول أحدهم من أجلك ؛ دافئة جدًا."

وصلت سارة نزلت فتحت ليها الباب سلمت على امي واتونست معاها شوية بعدين طلعنا فوق قلت ليها سمعتتتي اخر الاخبار قالت لي شنو قلت ليها your exماذنن خطططب وعرسوو بعد شهر قالت لي بطريقتو قلت ليها تقنعنيني انو الوضع عادي 😹😹قالت لي اصلا لو فتش ما حيلقى ربعي قلت احتمال يمكن يلقى ثلاث اربعاك😂😂قال لي بايخة قلت ليها زعلتي 😂😂قالت لي لا عادي انا اصلا حبيت قلت ليها الله الله من غير ما توريني منو تعيس الحظ قالت لي نوران انا فبيتكم ممكن تحترميني وبعديين اسمو يذيد قلت ليها دة منو ، احبابك الكتار قالت لي اعمل شنو مالقيت زول يهتم فيني ويسال عني زي واحد يبدو اسمو بباسل،،ماعرفتة اقول ليها شنو

قالت لي دقيقة خليني اتكلم مع يذيد قالت ليهو الو ،هلا كيفك ، انا تممماام والله ،انا فبيت نورانن ، اي جمبي خلاص اوكك قالت لي يذيد داير يسلم عليك❤ قلت ليها تمام اخذت التلفون قال لي نوران كيفك قلت ليهو تمام الحمدالله قال لي كيف الوالد بقى احسن قلت ليهو الحمدالله بقى احسن اليوم قال لي كان نفسي اتعرف بيك في ظروف احسن قلت ليهو ما مشكلة فرصة سعيدة قال لي وانا لي الشرف اني كلمتك قلت ليهو الله يسلمك قال لي ما عارف اذا فاضية باسل جمبي وداير يسلم عليك؟ قلت ليهو اوكي

باسل قال لي السلام عليكم قلت ليهو وعليكم السلام قال لي كيف الحال يا نوران قلت في نفسي يا الله حبييت اسمي قلت ليهو الحمدالله وانت؟ قال لي تممام بشريني الوالد بقى كيف قلت ليهو احسن كتير قال لي سلامتو عندو شنو؟ قلت ليهو السكري حقو ارتفع ❤ قال لي جبتو ليهو ممرضة للحمية والادوية قلت ليهو اي ❤قال لي تمام اهم شي ياخد الادوية فوقتها والاكل الصحي ❤قلت ليهو شكرا ليك ليان كلمتني انك سالت عني وانا فالمستشفى قال لي ايي قلت اشوفك وين قاطعة كده ابقى احسن منك واسال 😂 قلت ليهو انا ماقاطعة انت ما قاعد تتصل قال لي بزعجك اتصالي ؟ قلت ليهو لا بس ما تكتر قال لي خلاص ممكن ازعجك اليوم قلت الليلة بس 😂قال لي على حسب لو عجبني الوضع اكييدد حزعجججك كل يوم قلت ليهو ليا الشرف قال لي انا لي الشرف حقفل اي اوامر تانية؟ انا برا بتصل بيك بعد ما ارجع قلت ليهو لا سلامتك ❤قال لي الله يسلمك.
قبلتتتت على لياننن وبقييتتت بصرخخخخ ليان قالت ليي هيييي يا مجنونة اسكتى ما تفضحينا قلت ليها لياننن ليانننن قال حيتتتتصصل قالت لي واذا قلت ليها يعني حسمع صوتو كل يوم قالت لي واذا قلت ليها اوووووفف يعني حتكلم معاهو ماقادرة اصدق حاسة حجن ليان قالت لي لا لا عليك الله بعد الختبارات ، حيواننة خلاص قلت ليهها بدون ما احسسسس بححبببووو ياخ ليان عاينت لي بصدمة بتحبيهو؟قولي انك معجبة بيهو ، ظريف، يهمك ، بس حببب لا قلت ليها لي ما عندي قلب ؟ قالت لي لا بس انتي كنتي بتنصحيني وتديني محاضرات عن الحب واسي حبيتي قلت ليها ليان الحب حلو زمان حياتي كانت كلها تمثيل كذب وغش حتى اني بكذب الكذبة واصدقها بس صدقيني لما تحبي بتحسي انك على طبيعتك قالت لي ولو كشفتي انو بخدعك؟ قلت ليها بكون اتعس زول في العالم قالت لي ولي تعذبي نفسك بلا حب بلاا كلام فاضي قلت ليها ما على كيفي قالت لي خلاص رايك شنو اعزمك عشاء ❤؟ قلت ليها خلينا نذاكر احسن قالت لي ياخ بلييييز قلت ليها ارح نطلب بس قالت لي تمام❤.
يتبع..

#نقطة_التقاء ❤
بقلم عهد منير
-١٨-
‏نحن يُندم علينا وإننا لسنا بنادمين، نحن الخسائر وليس الخاسرون 💙🥀

ابوي نام بدري مشينا تحت نتعشى مع ماما وبعدين قعدنا على التلفزيون وانا اشيل واعاين للجوال على امل يضرب لي ، امي برضو لاحظت قالت لي منتظرة تلفون؟ قلت ليهه هههه لا ، ليان قالت بطلي قلق ، قلت ليها ما اتصل لسا قالت لي نوران اتقلي شويةة وانا ماشة انوم لو اتصل ما تصحيني قلت ليها طيب تصبحي على خير ❤ قالت لي وانتي من اهلو❤

نمت على الكنبة صحيت على صوت الجوال الساعة كانت 12 جريت غرفتي
دخلت الغرفة خفت اصحي ليان مشيت غرفة الملابس❤ لقيتو فصل رجعت دقيت ليهو
:الوو
:اهلين
:هلا مرحبا ،،،،، صحيتك؟
: لا كنت بتابع فلم "ابووو الكذذب "
: اووهه اكيد قطعت عليك الفلم
قلت في نفسي دة مالو اجيبو من هنا يجيبني من هنا
: لا عادي اصلا خلص
:اسف اتاخرت عليك
: اصلا بنوم ١
: لي ما عندك اختبارات ؟
: اي لكن ما عندي جامعة فا بصحا على راحتي
: شدي حيلك
:ما بقدر
: لي ؟
: ما بقدر اشد حيلي عاملة رجيم
ضحك لي ضحكة مجاملة كده انا زاتتو حسيت نفسي بيختها عاملة فيها ظريفة 😂
قلت ليهوو ما عندك دوام؟
: عندي بس كانو معانا ضيوف ويادوب طلعو
:اكيد نعسان ؟
: اي بس بتونس معاك شوية
بعد شوية قال لي
: انا حقفل بعد كدة ولا الوالد حيطردني من الشغل كده
:اصحيك؟
: لا شكرا عندي البصحيني تصبحي على خير
: وانت من اهلو ❤
اتكلمنا في مواضيع عامة عن طبيعة شغلو ودراستي وطموحي صح انو كلام عادي بس كنت مبسووططة شدديد حسيت برجولتو واسلوبو الهادي وقوة شخصيتو ❤❤

صحيت الساعة ١٠ ختيت المنبه ٧ قلت اصحي باسل بعدين قفلتو قلت مافي داعي للرشاقة الزايدة 😂
دقيت ليهو ما رد بعد نص ساعة رجع دقة لي
: صباح الخير
:صباح النور كويس صحيت❤
: ليه شايفاني نوران؟ انا صاحي من ٧ ودعيت عليك ٣٠ دعوة
:يا ساتر
:تاني مرة ما تسهريني
:يسلام انا مش كنت بقول ليك اقفل ؟
: كان المفروض تقفلي في وشي
: قلبي ما بطاوعني
: الله يسلم قلبك
قفلت ليان قالتت ليها اممم رايك شنو بعد المغرب كدة نطلع عشان تاني مافي طريقة مع الامتحانات قلت ليها تمام ❤.

مشيت اتجهزته لبست بنطلون جنز فاتح وبلوزة رمادية منقطة بكبدي عملت شعري ضفيرتين ورميت الطرحة في كتفي اكتفيت بقلوس احمر و مساكرا وختمت القشرة دي بشبشب بيت رمادي 😂❤❤ليان عاينت لي من تحت لفوق قالت لي مبارياني بشبشب بيت قلت ليها ياخ الموضة بقت كدهه😂 قالت لي برري ما سمعتا بيها الا عندك
طلعنا شارع النيل لقينا الحتة مدورة والقيامة قايمة والجوطة والكواريك اتلفت لي ليان قلت ليها الناس ديل فايرين كدة مالهم؟ قالت لي انا زاتي مستغربة ارح نشوف مشينا لقينا الناس ملموين و في نصهم بت وامها وشابين واصواتهم طالعة ليان سالت الولد الجنمبها الحاصل شنو؟ قال ليها واحد من الولدين كان ماشي قام دفر الام و وقعها ولما بتها قالت ليهو يعتذر قوم الحتة وقعدها كيفف يعني اعتذر ؟ وبقى بقل في ادبو ليان قالت الفارغة بتعمل اكتر من كده ،، انا بقيت مركزة مع الشكلة الولد قال للبت انتي بت متين حتن ترفعي حسك ؟،،،يلا هنا اتغظظظظتته شديد قلت ليها اسي انت بتسمي نفسك راجل تستقوى على حريم ؟ قال لي وانتي تتطلعي منو؟ قلت ليهو نوران مجدي 😏❤ ليان قالت لي نوران ابردي ما ناقصين مشاكل قال لي انتي عارفة انا ممكن اعمل فيك شنو؟ او عارفة انا ولد منو؟ ضحكتته مسافة بعدين قلت ليههو بتخوفني بأبوك؟؟؟اسي دي رجالة ليك؟ واحد باطل ساي قال لي اثبت ليك رجالتي ؟ وبقا بقرب مني ومسك يدي جاهو صوت من ورا ،،وقففف مكانك ،،،الولد قبل عليهو باسل ؟؟ باسل قال ليهو فك يدها الولد قال ليهو ولو ما فكيتها ؟باسل قال ليهو اكسر الشر وفك يدها الولد قال ليهو دي وحدة دايرة اليربيها باسل قال ليهو اتخارج عشان ما نخسر بعض الولد قال ليهو عشانك بس والله فعلا فكا يدي حدر لي ومشا ،،، جا باسل قال لينا الحاصل شنو؟ ليان حكت ليهو القصة عاين لي قال لي انتي مالك ومالهم؟قلت ليهو كيف يعني مالي اشوفو بجوط في المرة الكبيرة واسكت؟قال لي اي يا نوران اولاد حرام كتار وما ضامنة يعمل شنو بعدين عاين لي مسافة كده و جا ختا لي الطرحة في شعريي ❤ وقال كدة حلو شديد❤ ليان تعاين لي سايي و ترفع في حواجبها 😂😂قعدنا معاهو شوية وقال لينا بعد كدة ارح ارجعكم عشان الوقت اتاخر قلت ليهو لا معاي عربية ❤ قال لي تمام يلا ❤.

تطورت الاحداث في الاسبوعين ديل شديد ليان نزلت عليها الشطارة بقت بتذاكر ٢٤ ساعة ❤ بينما انا كنت اسعد زول بالدنيا ما بقدر حتى اوصف شعوري باسل بقى لي روتين ما بقدر انوم الا يضرب لي ولا بصحى الا بصوتو .
كان الليلة وبكرة عندنا امتحان ساهرنا انا وليان في القراية ما نمنا الا الساعة ٥ صحيت الساعة ٨ مخلوعة كان المفروض اصحي باسل ٧ دقيت عليهو مرتين ما رد بعد سبع اتصالات اخير جاوب قال بي صوت كلو نوم :الو
: انشاءالله ما صحيت؟؟؟
:شنووو؟ لي الساعة كم
: الساعة ٨ اصحى اتاخرت شديدد
: وليه يادوب ص

#نقطة_التقاء ❤
بقلم عهد منير
-١٩-
🌸💫 سنخبر الطرقات يوماً 🚶🏻 أننا قد عبرنا 💫🌸

مرت فترت الامتحانات بخيرها وشرها كانت فترة صعبة جدا سهر ليالي وارهاق وتعب ما طبيييعي والليلة يوم الفضايييحح اقصد النتايج❤
وانا طبعا كنت متوترة شديد لانو ابوي الايام الايام دي مركز معاي وانا لا هامني نتيجة ولا شي لكن بسس لو طلعت زفته ما حسافر الامارات طلعت النتايج الحمدالله كلنا نجحنا بامتياز ❤❤.

صحيت الصباح نزلت لقيت امي ماشة على المشغل قلت ليها في شي يتاكل ؟قالت لي الا تمشي تشتري حاجات قلت ليها طيب❤ ، قررت اني اطلب لانو انا علاقتي مع المطبح تحت الصفر ضربت لي باسل يقترح لي حاجة اكلها قلتت لييهههو باسسسلل انا جعانة قالي امشي اكلي قلت ليها ما منتظراك تكلمني دايرة اقتراحات قال لي انتي دايرة شنو واسي بجييو ليك قلت ليهو كيك❤ قال لي غالي وطلب رخيص بس ثواني البس قلت ليهو تلبس ليي شنو؟ تعال بالبجاما الخدامة اللي بتاخد منك الطلب 😂😂😂قال لي مجنونة الطلع بالبيجاما ؟ بعدين يادوب راجع من النادي داير استحم ولا عايزاني اجيي بالفوططة؟ قلت ليهو طيب طيب استعججل

بعد ١٠ دقايق رجع اتصل لي قال لي اها يقلبيي يادوب ركبت السيارة دايرة الكيك من وين قلت ليهو من بيت الكيك ❤ قال لي خليك في الخط؛ عارفاهو بياتو شارع؟قلت ليهو معارفة قال لي طيب ثواني انادي المرشد السياحي حقي،، انا استغربت مرشددد سياحي ؟ الاخ دة قايل نفسو ماشي وين😂 سمعتو بقول محمد تعال ماشي مشوار الولد قال ليهو انا مافضي 😂باسل قاليهو لو سمحت يعني اديني شوية من وقتك دايراك تمشي معاي بيت الكيك الولد قال ليهو تديني كم؟ باسل قال ليهو ياخ الدايرو بس ارح معاي الولد قال ليهو يللا مشينا باسل قال ليهو اها تاني امشي وين؟ الولد قال ليهو اقرب واحد قدام يلا تحرك ، دة كلو وانا في الخط😂 باسل قال لي نوران شايفة انا بتهزاء كيف قلت ليهو دة منو ؟ قال لي اخوي قلت ليهو انا مصدومة عمرو كم؟ قال لي ١٠ سنين قلت ليهو والله قايلاهو اقل شي ٣٠ ضحكك قال لي دة مسمينو في البيت العجوز محمد قال ليهو امشي خلصنا باسل قال ليهو طيب طيب محمد قال ليهو بس وقف هنا باسل قاليهو يلا انزل اطلب محمد قال ليهو خدام عندكك( غايتو جنس فصاححة ) باسل قال ليهو عيب عليك انا اخوك الكبير محمد قال ليهو طلعتي معاك بي مية اما لو دايرني انزل بي ٢٠٠ باسل قال ليهو طيب يلا انزل محمد قال ليهو لكن اسي داير ٣٠٠ باسل قال ليهوو ولييههه انشاءاللهه؟ محمد قال ليهو ما داير تدفع حق الكيك؟ ولا قايلني حدفع انا ؟ باسل قال هاكك ديل يللا اتخارج جيب كيكتين كبار قلت ليهو مجنون حياكلل دة كلو منو قال لي انتي قلت ليهو شايفني شنو؟قال لي دايرك تسمني قلت ليهو كتير والله قال لي اسكتي خلاص رايك شنو في الاهبل محمد قلت ليهو عجججييب ياخخ لازم تجيبو عندي يوم❤❤قال لا ما بضمنو صح هو صغير لكن عينو زايغة ضحكت فيهو جنس ضحكك محمد رجع العربية واتحركو على بيتي في الطريق محمد قال ليهو باسل ما بلقى عندك ١٠٠ باسل قال ليهو ١٠٠ لشنو؟ لو حقت الرجعة ما تخاف عرفت الطريق 😂😂محمد قال ليهو لا انا قاصد ١٠٠ الف طبعا باسل ضحك فيهو ضحك وانا لمن عيوني دمعتت باسل قاليهو داير تتزوج من ورانا؟ محمد قال ليهوو انا جادي باسل قال ليهو داير بيها شنو يا جادي انت😂😂😂 محمد قال ليهو امبارح لمن كنت مع ابوي في المعرض في عربية عجبتني ودايرها وقلت لابوي باسل قليهووو بالله وحتسوقها انت صححح😂😂😂😂 محمد قال ليهو لا السواق وانا بتكلم جد باسل قال ليهو انا ابوي دة شاكي انك عامل ليهو عمل مستحيل يرفض طلبك بعد شوية باسل قال لي حبيبتي نحنا جمب البيت خلي الخدامة تططلع قلت للخدامة وجات شايلة لي الكيك ظبطت لي معاهو قهوة واكلتو بمزاج❤❤.

اموري كلها كانت تمامم لحدي اليوم داك يوم رحلتي للامارت ..
يتبع....

#نقطة_التقاء ❤
بقلم عهد منير
-٢٠-

"لا ألومك، أنا ايضا أود الابتعاد عني."

يوم الاثنين رحلتي للامارات الساعة ١١ بليل عمتي اصرت انو لما اصل انزل عندها واقضي باقي الاجازة معاها وانا بالجد كنت محتاجة سفرة زي دي❤
صحيت الساعة ٢ ظهر واستغربت من كرم الاخلاق الخلت الباسل يخليني نايمة للوقت دة طلعت جوالي اتصلت وما ردة قررت اخذ دوش بعدها بديت ارتب شنطتي ختيت اي حاجة ممكن احتاجها ونزلت تحت اتغدا بابا قال لي جهزتي حاجاتك؟ قلت ليهو ايوا❤ قال لي نحنا زاتنا اسبوع وبنلحقكك قلت ليهو حلو امي قالت لي ما تنسي تشيلي الحاجات دي لي عمتك❤ قلت ليها حاضر فتشت جوالي اتذكرت اني خليتو في الغرفة طلعت فوق واستغربت ما لقيت اي اتصال منو والرحلة خلاص باقي ليها تلاتة ساعات ولازم اكون في المطار بعد ساعتين اتصلت على ليان قلت ليها لييانن انا من قبيل بتصل على باسل وما برد قالت لي يمكن مشغول قلت ليها اديني رقم يذيد اكيد شافو ،،،قفلت منها ودقيت ليهو قال لي ما شافو من يومين ،،،كنت قاعدة منتظرة لحد الساعة ١٠ كدة ابوي جا قال لي يلا مواعيدك قربت قلت ليهو ممكن تاجل السفرة لي بكرة قال لي لي ؟ قلت ليهو تعبانة شديد خليها بكرة احسن عاين لي بستغراب وقال لي براحتك❤
كانت الساعة ٥ فجر وباسل لسا ما ظهر اتصلت لي يذيد قلت ليهو امشي بيتو شوفوو امكن حاصل ليهو حاجة قال لي مافي ،،،، اتورته بقيت ما عارفة اعمل شنو من الخوف ما قدرت انوم💔💔 اتصلت على كل المستشفيات والاقسام برضو مافي دقيت على بيتو رد الحاررس تقريبا قال انو مختفي واهلو حاليا بفتشو عليهوو عاينت الساعة لقيتها ١١ ظهر التوتر لعب فيني دور كبير ويومين ما نايمة زي الناس واعصابي بايظة 😳💔
الافكار بقت توديني وتجيبني ياربي وين مات ؟ مستحيل مريص؟ بالمستشفى ؟ وينن طييب؟
نمت بدون ما احس من الارهاق صحيت على صوت الجوال يدق اخيرا بس ما كان جواله كان جوال البيت رديت قلت ليهو الوووو باسسل وينكك خوفتني عليك ؟ ردة على واحد قال لي انا صحبو قلت ليهو وين باسل ؟ قال لي باسل تعبان شديد وما اظن يقدر يكلمك قلت ليهو طيب وين؟ياتو مستشفى ؟ قال لي لا هنا في البيت وقال عايز يشوفك ؟ قلت ليهو طيب اديني اتكلم معاهو قال لي لا اسي اهلو معاهو طلب مني ارسل ليك السواق يجيبك اوكي؟؟؟سكت مسافة كنت شوية مترددة لكن قلت اكيد لو ما تعبان شديد ما كنت سويت الحاجة دي قال لي لو ما عايزة تجي حاجة بترجع ليك قلت ليهو اااا لا لا رسل السواق
مشيت لبستة ونزلت للسواق تحت ونسيت موضوع سفرتي ونسيت كل الناس
الطريق كان بالنسبة لي ما ليهو نهاية وصلت السيارة لبيت كبير عندو بوابة السواق ضرب بوري عشان يفتحو ليهو الباب ،،،،البيت كان عبارة عن نقطة في ارض خضرة الحدايق كانت مالية المكان اما في طرف الفلة في ممر سيارات يودي للدور الارضي كانت فله فخمة بشكل ما طبيعي كان واضح من الييت انو صاحبه على درجة عالية من الثراء ❤ وقفت السيارة وطلب مني السواق اني امشي لغرفة مفتوحة دخلتها ووجهت كلامي للسواق قلت ليهو باسل وين؟ قال لي استريحي شوية وحيجي قعدت فكنبة متوسطة الحجم سمعت صوت والسواق طالع اتخلعت انه كان صوت الباب بتقفل قلت قفل الباب علي لي ؟ الله يستر يمكن خاف زول يدخل علي قعدت اطمن في نفسي واضح انو المكان كبير جدا يعني لو صرخت صوتي ما حيتعدا الطابق الارضي لحظة حسيت اني غبية لعنت نفسي مية مرة كيف اسمح لنفسي ادخل بيت زول غريب حتى ولو باسل طردت الافكار دي من راسي واستنيت مرت حوالي نص ساعة ولحد اسي مافي زول جا دقيت على جوالو ما برد حاولت افتح الباب ما قدرت بقيت ماشة وجاية في الغرفة سمعت اصوات برا الغرفة والحمدالله الباب انفتح دخل السواق و وراه باسل قلت ليهو بلهفة باسلل خوفتني عليك سديدد حصل شن
دقيقةةة اتخلعتة وانصدمت لما شفت الزول الداخل دة ما كان باسل كان زول بعرف ملامحو كويس ما كنت عارفة اعمل شنو اسكت ولا اتكلم ولا اهرب

#نقطة_التقاء ❤️
بقلم عهد منير
-٢١-
مره في العمر.... يقف الإنسان بجوار احدهم ولايود التحرك حتى ولو فاتهالعالم... ‘‘

قفلت عيوني وفتحتها تاني يمكن ما شايفة كويس بس متاكدة انو القدامي دة زول بعرفو و بكرهو قلت ليهو بخلعة عممممر😳؟؟؟؟؟؟قال لي بسخريا لا انا باسل بس سويت عملية تجميل😏 وانا ساكتة مصدومة قال لي انصدمتي؟ انتي لسا ما شفتي حاجة دي ربع المفاجئة ،،،انفتح الباب ودخل منوو واحد كان عبدالله بقيت ما قادرة اركز عمر وعبدالله ؟؟؟ طيب الجمعهم شنو؟ والجابهم اصلا بيت باسل شنو؟؟؟ معقولة باسل عامل فيني مقلب ؟ عبدالله قال لي هاه نوران كيفك بعد ما خليتيني وفكيتيني عكس الهوا؟؟

يارب الا باسل يارب الا الاقربون يارب الا هو يارب ما تصدمني فيهو يارب بعد شوية كدة جات اللحظة الانا خايفة منها دخل باسل وعينو علي نزل عيونو وكانت نظراتو كلها برود ولا مبالاة قلت ليهو بخوف باسل في شنو،،،و،،باسل نحن وين،،،،في شنو عمر قال لي انا حوريك الحاصل انا صاحب باسل واتعرفته على عبدالله عشانك الحاصل اني وعدتك وعد وانتي عارفة اني بنفذ وعودي اني اسففك التراب ،خطتي كاننت اني اعرفك على صحبي واخليه يقنعك تجي على بيتو وادخل انا و اي ولد اتعرفتي عليهو وتبقي مهزلة ومسخرة بس اعترف انو خططتي لقت نجاح اكبر من ما كنت متوقع، المفاجئة انك بدون ما تحسي حبيتي باسل وعيشتي معاه احلام وردية حسيتي انه ملا عليك الحياة والدليل انك خليتي كل الاولاد،،، من بعد غرورك بقيتي دمية في مسرح يحركها باسل زي ما عايز ،،،نوران انا الدخلت باسل لحياتك واسي حاطلعو منها حتجربي المعاناة الجربتيها لأي واحد فينا اتمنى تكوني استفدتي من التجربة دي ،،،
انا كنت في حالة من الصدمة ما همني الكلام القالو كل همني باسللل معقولة يعمل كدة؟؟ لا لا مستحيل عاينت ليه بنظرة تساؤل قلت ليهو باسل دة قاعدد يقول في شنو؟؟ كذاب صح؟؟؟ ،،، لا رد،،،،كوركت فيهو اتكككلمم ما تسككتتت ياخ اتكلمم عمر قال لي دايراهو يقول ليك انو انا الخليتو يتكلم معاك ويتحملك لاني كنت عارف انك حتحبيهو وهو المسكين كان مضطر يتحملك ويتحمل غرورك وعجرفتك كان مضطر يضيع وقتو عشان يعلمك درس،،،اسي انا دايرك تشكريهو لانه سوا الماعرف ابوك يسويهو باسل رباك يا نوران
سفهتو وقبلت على باسل قلت ليهو يعني انت كنت بتكلمني عشان عمر؟ كل الكلام القلتو لي كذب ؟💔💔 عبدالله قال ما عارف انتي منتظرة شنو من واحد سافهك عمر قال لي يلا حاولي تلملمي جروحك واتخارجي ما تجي بكرة تقولي في جرح ما اخذتو قبلت على باسل ودموعي جارييةة😭😭😭 قلت ليهو تكلم قول اي شي عمر صرخ فيني قال لي بعد الكلام دة كلو متوقعة انو دايراك يلا برااا قلت ليهو بصوت مبحوح انت اطلع منها اذا باسل قال الكلام دة صح انا مش بطلع من هنا بطلع من كل حياتو مسكتو من كتفو وقعدت اهز فيهو قلت ليهو لي ساكت؟ اتكلمممم 😭😭😭😭😭💔باسل مسك يدي وزحاها وقال لي بكل برود نوران كلام عمر صح انا ما عايز اي شي يربطني فيك
هنا حسيت انو رجولي ما شايلاني كانو صاعقة نزلت علي من السما لا قتلتني ولا خلتني اعيش كنت في حالة انهيار اتكلمت والدموع مالية وشي قلت ليهو بانكسار واضح💔 عمر كلامك صح المفروض اشكر باسل انو عرف يربيني ما بس كدة احب اشكرو على كل لحظة حسسني فيها اني ملكة وعلمني اهم درس اني ما العب بي مشاعر الناس بقيت بتنهد وببكي ما قادرة اتكلم كملت كلامي قلت ليهو عمر ما تتوقع انت ولا غيرك كنتو بتحبوني،،،، لا كنتو بتتسلو زي انا بس لما تحب حتحس فيه بقلبك وعقللك عاينت لي باسل بنظرة مليانة حزن قلت ليهو ما كان العشم،، اثبتت لي انو الحب لعبة والشاطر البغلب ما تتوقع اني زعلانة ولا بكرهك لكن حقدر اتجاوزك واعتبرك ايام حلوة مرت بي خيرها وشرها 💔 عاين لي مسافة وطلع من الغرفة بس الحقيقة انو طلع من حياتي كلها عمر قال لي اذا خلصتي تلقي السواق برا وطلع هو وعبدالله وخلوني قاعدة في محلي مصدومة
شفت الساعة لقيتها ١١ ما عارفة كم من الوقت و انا قاعدة هنا بعد ما طلعو ساعتين او تلاتة يمكن اربع شلتة شنطتي وطلعت لقيت السواق متظرني قلت مشاءالله مخطط لاي حاجة بس ما عرفت انك قتلت انسانة 💔.
وصلت البيت امي وابوي وقفو اول ما شافوني جرو علي امي قالت لي وينك لي ساعتين بتصل فيك ؟؟ ابوي قال لي معقولة يا نوران ؟ اتجاهلتهم وطلعت السلم شوية شوية كدة حسيت فقدت قوتي وتركيزي وشايفة طشاش طشاش ووقعت .

يتبع...

#نقطة_التقاء ❤️
بقلم عهد منير
-٢٢-
واجهتُ كُل شيءٍ لمُدةٍ طويلة ، أنا الآنَ أهرُب ، أهرُب من اليأسِ والإحباط ، أهرُب من البشر ، أهرُب حتى من كيمياء جسدي المُضطربة .

امي قالت لابوي خليني امشي اشوف البت دي وشها ما عجبني مشت على جهة السلم عاينت لي لقتني واقعة بقت تكورك وتهزني نوراننن يا بت نوران قومي ،،،،يا مجديي الحقني تعال شوف بتكك ابوي جا مخلوع قال ليها يا مرة بتكوركي مالك ،، ن نن ننوووراننن بلع ريقو و قال لي امي حوديها المسشتفى قالت ليهو انتظرني جاية معاك قال ليها اسرعي طيب امي لبست ليها اي عباية من طرف و ركبوا العربية واتحركو لاقرب مستشفى
امي وابوي القلق كان واضح فيهم اي زول بشوفهم حيعرف قدر شنو الزول الجوة الغرفة غالي عليهم❤.
،،،ابوي اول ما شاف الدكتور طالع مني، جرا ليهو قال ليهو بقلق اها يا دكتور طمنا ؟ امي قالت ليهو حاصل عليهو شنو يادكتور مالا بتي ؟ الدكتور قال ليهم ما عارف ! انا المفروض اسالكم امي قالت ليهو اجي تسالنا كيف ؟دي مهمتك انت الدكتور قال ليها على العموم جاها انهيار عصبي حاد امي قاالت ليهو انهيار شنووووو؟ كيف يعني سببو شنو؟ الدكتور قال ليها انتو اهلها ما انا، المفروض تكون عارفين المشاكل المارة بيها انتو وين عنها ؟؟؟ابوي قال ليهو ينفع نشوفها ؟ قال ليهو اكيد لكن حاليا هي نايمة ادينها مهدئ شوية وحتصحى ابوي قاليهو مشكور ❤
بعد شوية كدة صحيت لقيت امي بتبكي وبتقول لي ابوي بين دموعها وصوتها الرايح نحنا السبب يا مجدي والله نحن السبب نحنا اهملناها يا مجدي انا كيف نسيت انو دي وحيدتي ما عندي غيرها لو حصل ليها شي حقبل وين حقول يا منو اتلهينا انا وانت في مشاكلنا ما عرفت لي معني الاهل حاجة ما بتستاهلنا والله ما بتستاهلنا😭😭💔💔💔عاينتة لي ابوي لقيتو منزل راسو وفي دمعة خانتو ونزلت منو ،، لاحظت لي امي وجات باسني في راسي و قالت لي بلهفة حمدالله على السلامة حاسة بشنو ؟ احسن ؟ ما جاوبته بس قعدت ابكي وبشهق ابوي قام من محلو وقعد جمبي قال لي نوران ما تقطعي قلبنا مالك ؟ قلت ليهو بصوت مبحوح اشتقت لي حبوبة 😭😭😭💔قال لي كلنا اشتقنا ليها لكن ادعي ليها يا نوران والحياة ما بتوقف على زول دموعي جات جارية قلت ليهو مستحيل انسى يا ابوي مافي شي بنسيني مافي حل الا اعد الايام لحدي ما ينتهى عمري امي قالت لي بي خلعة انشاءالله يومي قبل يومك الله يطول في عمرك ونشوف اولادك و اولاد اولادك ابوي قال لي انتي الذكرك بي حبوبتك بين يوم وليلة شنو؟قلت ليهو انا عمري ما نيستها انا وحيدة يا بابا وحيدة شديد وبديت ابكي بصوت عالي اتفاجئت بي ابوي وهو بضمني لي صدرو ويبكي مجدي الرجل القوي البارد بكى لي حزن بتو ❤.
،، بعد شوية كدة امي قالت لي انا ماشة ليان واقفة في الباب قلت ليها عرفت كيف ؟ قالت لي اتصلت للبيت وروها الشغالات ليان دخلت على وقالت لي خوفتيني عليك شديد حمدالله على السلامة❤❤قلت ليها الله يسلمك بعد مسافة كدة قالت لي بكرة حاجيك عندي كلام معاك قلت ليها بخصوص شنو؟ قالت لي بخصوص الحاصل معاك دة💔 قلت ليها لي الحاصل شنو؟ قالت لي انتي شايفة انو حالك دة طبيعي ؟ عايني لروحك في المراية زي الطالعة من حرب قلت ليها ارهاق ما اكتر 🤚💔 قالت لي اضحكي على زول تاني غيري بعدين باسل وين من الاحداث الحاصلة معاك دي ؟ دموعي كان كفيلة انها تجاوب ليان قالت لي كنت عارفة ليهو علاقة على كل حل نتفاهم بكرة انتي ما تتعبي نفسك في التفكير امشي نومي طوالي❤.
الدكتور كتب لي خروج رجعنا البيت وانا على طول دخلت غرفتي وقفلت الباب راسي كان مصدع شديدد حاولت انوم وما قدرتة قلت انزل تحت اجيب بندول فتحت الباب اتفاجأ ليك بي ماما قدامي شكلها كانت مترددة تخش ولا لا عاينت لي مسافة بعدها قالت لي محتاجة شي؟ قلت ليها دايرة بندول قالت لي خشي بجيبو ليك ❤جات داخلة ومعاها صحن وعصير والبندول قالت لي اكلي اول ما كويس تبلعيهو على معدة فاضية قلت ليها ما عندي نفس قالت لي الله يرضى عليك ❤اكلت لقمتين وبلعتة البندول رقدتني في رجولها وبقت تمسح فشعري ما ادتني فرصة اعارض بعد شوية كدة بديت استسلم للنوم ❤.

في جهة تانية
والله انت ما راجل قالها محمد وهو متنرفز من عبدالله ، عبدالله قال ليهو خليت الرجولة ليك بعدين ما انا الخططت دة عمر وانا و باسل نفذنا محمد قال ليهو هه الحق على انا الاعتبرتك راجل بس طلعت شافع بمشوهو على كيفهم عبدالله قال ليهو احترم نفسك عشان ما اندمك محمد قال ليهو ما بخاف منك ولا من عشرة امثالك على الاقل عندي شخصيتي اقدر ارفض وقت اللي ما يعجبني مش اسكت وامشي ورا عمر، عبدالله قال ليهو بعصبية انا ما مشيت ورا زول بعدين انا مقتنع بالحاجة السواها نسيت السوتو فيني ؟ محمد قال ليهو بنهرة دي بت يا غبي في فرق حمار ما بتفهم ياخ انت راجل ما بضرك لو البت سوت فيك اي حاجة لكن المرة مسكينة حساسة عبدالله قال ليهو بلا فلسفة جاي تدافع عنها ؟ تبيعني عشانها محمد قال ليهو على الاقل هي ما ضرتك ولا فكرت انها تجرحك يوم من الايا

#نقطة_التقاء ❤️
بقلم عهد منير
-٢٣-

‌‏"مُخيفة مقدرة البشر الهائلة على الإيذاء، مخيفٌ أنها قد تأتي بأبسط الطُرق ومن ألطف الناس."

حرفيا الشهر الفات كان من اصعب ايام حياتي ما اتخيلت اني يوم اصل الحالة دي حسيت بي وحدة اكبر واعمق من الوحدة العشتها زمان،،، وحدة قاتلة حسيت اني يتيمة مع انو اهلي عايشين ومع ذلك كانت الوحدة مصاحباني من اول ما اتولدت انا على يقين ومتاكدة تماما اني انسانة قوية اتحملت اساءات سواء في المدرسة او في الشارع لانو عارفة ما وراي زول اشتكي ليهو كبرت واثبت نفسي وبقى اي زول بحسب لي حساب ،،،،بكيت مرا عشان حبوية خلتني براي وانا في أمس الحاجة ليها كنت مراهقة محتاجة زول يوجها، وبكيت مية مرة عشان باسل اللي انا متاكدة لو مت ما حتنزل منو دمعة، اسواء حاجة ممكن يبتلى بيها الزول شتات نفسو اللغة العربية كانت مخطئة لما قالت انو للغائب ضمير💔💕
اعتراف
انا محظوظة فاصحابي لدرججة بعيدة شديد💕بالرغم من نفسنتي وزهجي لقيت منهم دعم كبير ما خلوني ولا لحظة كانو دايما معاي واقفين جمبي وملازمني بالذات ليان اكتر وحدة عذبتها استحملتني اكتر من اهلي مستحملني❤ مهما اتكلمت ما بوفيهم حقهم اصحابي ما بتعوضو ابدا بالنسبة لاهلي الفترة دي بقو قريبين مني شديد دايما بقدر الامكان بحاولو يبسطوني عايزين يعوض الايام الكانو بعيدين فيها مني امكن دة الجزو الحلو في الحصل الدنيا دي عادلة بتاخذ منك كتير لكن برضو بتدي ❤.
صحيت الصباح على صوت الاذان"الله اكبر اللله اكبر" مشيت الحمام بي كسل اتوضيت وفرشت المصلاية مع كلو سجدة كنت ببكي وبدعي عيوني امتلت دموع والمصلاية اتبلت طلعت كل المابقدر اقولو لي زول حاجة حلوة احساسك يصل لي ربنا من غير ما تتكلم من غير ما تشرح شعورك وضيقتك في اللحظة دي فتحت القران اول اية وقعت عيني عليها ( فاستجبنا لهم ) معارفين احساسي في اللحظة دي زي الوصلتني رسالة من ربنا ،،،، كانت الاية كفيلة جدا انها تصنع يومي 💕
دخلت امي الاوضة وشايلة معاها شاي الصباح فتحت والستاير الشبابيك وقعدت جمبي وقالت لي حتفضلي كدة لحدي متين؟قلت ليها اسي مالي ؟ قالت لي لا بتنزلي تحت لا بتاكلي زي الناس لا بتطلعي من البيت حتجني بعد دة عايني لنفسك ذبلانة كيف انتي نفسها نوران الطوالي مبتسمة ،،،،الكل اخر اسبوع مبرمجة مع اصحابها الحصل شنو؟ قلت ليها زمان يا امي دة زمان قالت لي الاتغير شنو؟ قلت ليها حاجات كتيرة قالت لي عارفة يا نوران لما عرفتة اني حامل بيك فرحتة وخفت في نفس الوقت كنت عايشة وسط مشاكل و توتر جزو حكتو ليك حبوبتك وجزو ما بتحكي يا نوران ،،، كنت بمشي الشغل وارجع البيت متاخر واكمل شغلي عايشة هربا من الواقع امي طوالي بتشاكلني عشان برهق نفسي بتقول لي انتي شايلة روح جواك انتي عارفة يوم قالت لي الجنى الحتجيبهو دة حيكون زول مناضل ومجاهد شديد ، فعلا دة الحصل بغض النظر عن اهمالنا ليك لكن في حقيقة مافي زول بقدر يغالطني فيها انتي فرحتي الاولى والاخيرة❤💕.
بعد شوية كدة ابوي برضو جا داخل وقال ما ناديتوني اجتماعكم لي 😂 بقى بحكي لي كيف اتلاقو هو وماما قال كان ماشي بالعربية سريع وصدمها وداها المستشفى وبقى كل يوم بزورها يتطمن عليها قلت ليهو يعني حب من اول نظرة😂😂؟؟؟ قال لي حاحة زي دي وبقى يضحكو ويتذكرو ايام زمان وانا بس مركزة مع تفاصيلهم 💕💕.
فتحت الجوال لقيت كمية من الاتصالات ارقام مسجلة و ارقام مجهولة ولقيت كمية رسائل ما طبيعية من مواقع التواصل كلها كانت " وين مختفية ؟" " اشتقنا ليك شديد"
دخلت التوتر كتبت لا تيأس يا صديقي ف ربما نحن أبطال في رواية أحدهم 💜🎶
قريت التعليقات رديت على اكبر كمية منهم
بعد المغرب كدة جاتني ليان قبل ما تسلم قالت لي اجهزي سرييعععع وما دايرة اعتراضض ابدا قلت ليها نعممممم؟ لا طبعا قالت لي ياخ بطلي سغالة في مطعم ظريف فتحو جمبنا ارح ليهو قلت ليها من مكاني ما متحركة قالت لي ياخ يا نوران عليك الله قلت ليها لا يعني لا قالت لي يابيبي انا ما قاعدة استشيرك قلت ليها حتجبريني كيف؟ قالت لي نوران اذا ما طلعتي وبطلتي حركاتك دي ونكديتك دي انا بيتكم دة والله انا تاني ما جاياهو وجات طالعة قلت ليها خلاص بس المرة دي قالت لي يسسس يسس كنت متاكدة مشيت لبست اقرب عباية وشبط ليان حلفت ما اطلع كدة 😒 غيرت لبست لي جمسوتت ابيض طرحة كبدية وشبط كبدي وحجبت الطرحة وختيت قلوس احمر وايلاينر بس ليان اول ما شافتني قعدت تصفر قالت دي نوران مجدي حقتنا وطلعنا 💕💕
يتبع

#نقطة_التقاء ❤️
بقلم عهد منير
-٢٤-
_أُحبكَ؛ولا أستطيعُ التوقُف عن ذلك..💜

وصلنا المطلعم كان بالجد ظريف شديد والناس ما كانو كتار يعني هادي ورايق 💕.
قعدنا في الزاوية نادينا للنادل ياخد طلباتنا ليان طلبت شوراما وعصير منجا وانا قلت ليهو دايرة كيك قال لي في كيك بياكل كيك؟؟عاينتة ليهو من فوق لي تحت وسفهتوووو بعد شوية وصلت طلباتنا ليان قالت لي عارفة انو بيان اتخطبت ؟ قلت ليها مبروك والله قالت لي دة شنو البرود دة قلت ليها اقول ليك شنو يعني ؟ طيب الولد بتعرفو من وين؟ قالت لي ولد عمها قلت ليها الله يسعدها💕قالت لي انا ماشة الحمام وجاية قلت ليها تمام اثناء ما انا قاعدة حسيت بي زول مركز معاي مش لو في زول مراقبك بجيك احساس غريب كدة صح؟بس دة الحسيتو اتلفت وراي لقيت زول ما اتوقعت ولا واحد بالمية اني اشوفو هنا ايوه كان باسل قال لي نوران كيفك؟قلت ليهو زي ما شايف باسل قالي ممكن شوية من وقتك وانا ما مستحملة قربو وداير اي طريقة اتخارج سريع استجمععت قوتي وقلت ليها باحتقار لا ويلا عن اذنك اتاخرتة لقيت ليان طالعة من الحمام مسكتها وطلعت سريع وكنت شبه جارية ليان قالت لي شوية شوية
ركبنا العربية وانا نفسي قايم ودموعي جارية قالت يا بت بسم الله في شنو؟ قلت ليها باسل 😭😭💔💔قالت لي اسي الذكرك بيهو شنو قلت ليهو شوفتو ليان قالت لي نوران انتي عمرك ما كننتي ضعيف كدة الهرب ما حيعمل ليك حاجة قلت ليها ما بيدي والله قالت لي اتجاوزيهو صدقيتي ما بستاهل تضيعي عمرك عشانو ياخ افرحي وانبسطي بي يومك ما عشانك بس عشان اهلك واصحابك واحبابك اشغلي نفسك بي اي حاجة وادعي لي ربنا يسهلها ليك قلت ليها حاضر❤ نزليني في المشغل حق امي 💕قالت لي تمام وصلنا يلا انزلي وبعدين حاتصل ياوليك ماتردي 👊💔ضحكت ليها بدون نفس ونزلتت

امي اول ما شافتني اتخلعت وقالت لي نوراننن الجابك شنوو😳قلت ليها مفاجئة ارجع يعني ؟😂 قالت لي بالعكس انا لاقية تجيني ؟ ساقتني وعرفتني على الناس الشغالين معاها قالو ليها عاددد بتك جنسس سماحة امي قالت ليهم عشان بتي 😌💕 ساقتني معاها غرفة كدة وقالت لي هاك البسي الملابس دي قلت ليها لي؟ قالت لي نعمل ليك Body care معاي قلت ليها لا لا انا جاية اتفرج بس قالت لي ما دايرة كلام كتير قلت خلاص ماف داعي اكسر خاطرها استسلمت ومشيت غيرت ملابسي كانت حاجة عجيبة وكمية من الاسترخاء عملو لينا ماسكات في الوش امي قالت للبت الشغالة معاها تعمل ليها رسمة وبقت بتوريني فيني في قصات شعر قالت لي نعمل ليك ياتو وحدة فيهم؟ قلت ليها بخلعة امي انا جاني عريس ولا شنو الاهتمام ده 😂😂؟ ضحكت وقالت لي الزول لازم الزول يغير من الاستايل حقو قلت ليها استايل ؟ انتي بتعرفي الحاجات دي من وين قالت لي ياخ امك مرة عصرية 😂🤚المهم قصو لي شعري بالتدريج وصبغت اطرافو بالكبدي طلع رهييييب شديددد🤤💕💕💕💕طلعنا سوا من المشغل وركبنا عربية ماما قلت ليها نحنا ماشي وين دة ما طريق البيت؟قالت لي المول وصلنا وعزينا نفس عز امي طقمت لي اكتر من لبسسة طلع زوقها حلو شديدد ومشينا اشترينا الميكب الما خمجج ورجعنا البييت حرفيييا كان يومم من الموووت 😍❤❤❤❤
فتحت الجوال لقيت اكتر من مكالمة من رقم مجهول في الاول طنشت لكن الاتصالات كترت رديت اول ما ردة قلت الو؟
:معاك باسل لما قال لي معاك باسل طوالي قفلت الخط وبقى بتصل كتير في النهاية رسل لي مسج قال لي" نوران بكرة عايز الاقيك في***** لوسمحتي تعالي واسمعي العندي وبوعدك تاني ما حتشوفي وشي ولا تسمعي صوتي " قريت المسج وبقيت بقول تاني باسل تاني ؟

#نقطة_التقاء ❤️
بقلم عهد منير
-٢٥-

"‏لكنك لا تفهم معنى أن يختارك أحدهم، وهو يقاوم خوفه من تكرار الخيبات."🖤🍁

الشمس بدت تطلع وانا ما نمت من التوتر بين نارين امشي ولا لا ؟ اتصلت لي ليان قفلت الخط في وشي اتصلت ليها تاني جاني صوتها وهي بتكورك قالت لي الساعععة ٩ في زول بضربو ليهو في وقت زي دة 😒؟؟؟قلت ليها ليان صحصحي معاي قالت لي اها خير يا طير حكيت ليها بكلام باسل القالو قالت لي انتي اسي مصحياني عشان زفت الطين دة انا مالي ومالكم تعذبوني😒قلت ليها ليان في رايك امشي ولا لا؟ قالت لي البعجبك قلت ليها اعمل شنو؟قالت لي نوران اذا عايزة تمشي تسمعي العندو امشي وقوي قلبك لكن لو حتجي تفتحي بكا وتقلبي البيت مناحة ما تمشي بس دة العندي قلت ليها خلاص تمام💕.
بعد العصر كدة لبستة لي بنطلون بني غامق معاهو يلوزة بيجية فيها زخرفة بسيطة وجزمة بيضا وكاب ابيض معاهم ساعة دهبية وعملت ميكب هادي شديد ونزلت اطلب ترحال لانو العرببة في الصيانة امي قالت لي على وين متظبطة كدة ؟ قلت ليها ماشة مع ليان لي وحدة صحبتنا قالت اها اتحصني 💕قلت ليها تمام😂💕💕.

وصلت المقهى ضربت لي باسل قلت ليهو وصلت قال لي انتي وين قلت ليهو قدام الباب قال لي خلاص طالع ليك ،،، طلع من الباب ولمحني بقا جاي علي كان لابس تيسرت ابيض مع بنطلون جنز اسود وساعة سودا وجزمة بيض كان حاجججة خوراففيية كدة 😩💕💕قال لي بصوتو الرجولة سلام عليكم قلت ليهو وعليكم السلام قال لي كيفك قلت ليهو تمام دخلنا المحل وقعدنا قال لي تتطلبي شنو؟قلت ليهو ياريت تدخل في الموضوع طوالي،،،،،، ما اشتغل بي طلب كوبايتين نسكافيهه قال لي بالمناسبة طالعة حلوة💕قلت ليهو باسل عايز شنو؟؟قال لي عايزك ضحكت ليهو ضحكة استهتار كدة وقلت ليهو هه عايزني ؟ انا ما بغلط الغلط مرتين الدرس العلمتو لي وصل وعشان ابسطك اكتر الشهر دة انا ضقت فيهو كل انواع المعاناة وقدرت تاخد تار صحبك عشان كدة بعد دة حل عن سمايي قال لي كملي كملي قولي كل الفي قلبك قلت ليهو اقول ليك شنو؟ اقول ليك انو انا البندول دة باخد منو اكتر من ٣ حبات في اليوم؟عشان ما اتذكرك؟اقول ليك انو يومي كلو بقى عبارة نوم نوم نوم؟؟ ولا اقول ليك اني باكل اداء واحب ما اكتر اقول ليك شنو وريني ؟وانا جيت اسي عشان اثبت ليك انك ما بتعني لي حاجة قال لي بعد دة ممكن تسمعيني وما تقاطعيني؟؟ سكت مسافة بعدين اتنهد قال انا معارف ابدا من وين ولا اوصف شعوري نوران انا من اول يوم شفتك في الاستوب حق الجامعة اتوقعت انو انتي حيكون عندك دور كبير في حياتي نوران انا في البداية سمعت عنك كلام كتير كويس وكعب حسيت انك مشهورة بذات لما عمر كان بحكي عنك حاولت افهم شخصيتك مع انو لا محلل ولا دكتور استغربت بعض التصرفات عجبني عزة نفسك وغرورك في اوقات ، عمر المافي بت غلطت عليهو اي بت اتعرفت عليهو كانت بتخاف منو لكن انتي كنت بتكلميهو في قمة البرود قلت اكيد بت عائلة كبيرة ووراها ناس فعلا طلع كلامي صح لكن الاكتشفتو انو انتي اصلا بعيدة كل البعد عن اهلك وعلاقتك معاهم محدودة لقيت انك محور اهتمام اغلب الناس اتحمست اني اتعمق في شخصيتك الغريبة العارفو انو البنات بكلمو الاولاد لي هدف في منهم للتسلية وفي للمصلحة وفي للزواج بس انتي كنتي بتتتهربي من الموضوع الزواج ده ولا هداية او مصلحة مادية او معنوية والحب اصلا كان شي بعيد عن تفكيرك يوم جاني عمر وهو معصب شديد حكى لي عن اهانتك ليهو وكلامك معاهو سمعتو بخطط مع واحد انو يعرفوك على ولد والخطة العارفاها دي،،،، قلت لي عمر انا الحعمل كدة لانو في النهاية بي انا ولا بدوني حيعملو الخطة كننت عايز اوهمو والله كنت خايف نوران انا عندي اخوات؟؟لسا متذكر لما ختيتي الكيكة في وشي انتي عارفة انو دي كانت احلا اهانة شفتها في حياتي كنت خايف من مشاعري تجاهك معارف متين لكن لقيتك مسيطرة على تفكيري كان المفروض انتي التحبيني لكن حصل العكس ضربت لي عمر قلت ليهو انو انا خلاص اهنتها قدام صحباتا قام شكرني لكن فجاءة اتصل لي يوم وقال لي انو شافك في الشارع و كنتي بتعايني ليهو باحتقار وقال لازم نكمل الخطة كنت مترددد كيف اديك رقمي او كيف ابدا معاك ،،، اليوم داك صحبتك ادتني الرسمة الرسمتيها في لحظة ديك اكتشفت انك بتحبيني عمر قال لي نجيبك البيت ونصدمك جاريتو في كلامو وحصل الحصل انا ابدا الشهر الفات زي ما كان صعب عليك كان صعب على انا برضو ما ندمان على الحصل ولو تاني ختاني الزمن في نفس المكان حعمل العملتو💕🤚نوران انا بحبك ، بحبك بشنو انا بعشقكك يا نوران وباقي عليك شديد لو مستعدة تكملي حياتك معاي اوعدك انو حبسطك وححترمك واختك في عيوني وحعمل كل البقد عليهو عشان اسعدك ولو رافضة بوعدك احترم قرارك وما تشوفي وشي تاني ❤.
انا كنت مصدومة من البسمعو باسل بحبني زي ما انا بحبو؟دموعي جات جارية بقيت ببكككيي بكى لمن بتنهددد معارفة المفروض افرح ولا ازعل جا قعد جمبي ومدا لي منديل وقال اسي المفروض يبكي منو؟ قومتي لي نفسي دة اطول خطاب قلتو بق

#نقطة_التقاء ❤️
بقلم عهد منير
-٢٦-

‏- أعان الله الساهرين حُزناً ، والنائمين هرباً🖤

مرا الاسبوع دة كان ما بخلو من اتصالات باسل وانا برد ليهو حسب السؤال عاملة فيها تقيلة 😌🤚 في يوم جا قال لي نوران داير اعرفك بي اهم مرا في حياتي امي قلت ليهو شنوووو؟ لا طبعا قال لي لي ؟هي قالت عايزة تتعرف عليك وانتي امك؟ قلت ليهو لي ؟ وعلى اساس شنو؟ قال لي على اساس مرتي المستقبلية💕قلت ليهو مين قال ليك انا موافقة عليك😂؟ قال لي خلاص ما حنك على اساس صحبتي المقربة ما تحرجي الوالدة فجاءة سمعت صوت مرا كبيرة اهلين يا بتي انا ام باسل قلت ليها ااا ااا هلا خالتو كيفك وكيف صحتك قالت لي الحمدالله باسل طوالي بحكي لي عنك ونفسي اشوفك والله قلت ليها حاضر غالي وطلب رخيص 💕قالت خلاص اشوفكم يوم الجمعة 💕 باسل شال منها تلفون وقال اسي ما كنتي ما جاية قلت ليهو انت امك دي كيف بتتكلم سوداني زينا كدة قال لي هي صح فرنسية لكن امها سودانية وعايشة حياتها كلها هنا💕اتونست معاهو حبة وقفلنا على كدة .
انا بقيت في اكلم ماما واقول ليها شنو نزلت ليها تحت لقيتها بتقرا في مجلة بقيت قاعدة قصادها انتبهت لي وقالت مالك؟ قلت ااا ماما دايرة اقول ليك حاجة ،،، خلت المجلة وبقت مركزة معاي قالت لي في شنو؟قلت ليها بسرعة كدة بصراحة ام صحبي عازمانا انا وانتي لبيتهم قالت دايرة تتعرف علينا وما ادتني فرصة ارفض قالت لي اسي انتي متوترة عشان الكلمتين ديل 😹؟؟؟ قلت ليها يعني موافقة؟ قالت لي اي ما ممكن نحرج المرة لكن صحبك من وين؟؟قلت ليها صديق مشترك قالت لي متين؟ قلت ليها يوم الجمعة قالت لي بعد بكرة دي ؟ قلت ليها اي
يوم الجمعة جا وليان كانت معاي من الصباح وانا متوترة شديد ليان قالت لي يا بت روقي اعتبريها زيارة عادية قلت ليها انا ماششة اشوف ام الزول الاستحوذ على قلبيي يالله حاسة اني لما اشوفها حقعد ابوسها واشكرها على الانتاج الجابتو دة 😭💕💕ليان قالت بطلي وهم وابدي اجهزي انا طالعة بعد دة قلت ليها ياخ اقعدييي قالت لي عندي مشوار ودعتها وطلعت اجهز لبسته فستان كحلي انيق واكمامو من الدانتيل مع كعب كحلي وطرحة بيضا ولبسة اكسسوارات بالفضي عملت ميكب رايق شديد ونزلت لي ماما تحت لقيتها متظبطة ولابسةةة التوب العجيب قلت ليها ماما اننتي حطفيني😍❤❤❤❤قالت لي بطلي استهبال وارح ركبنا السيارة واتحركانا غشينا محل حلويات جبنا باسططة وفطاير معانا اتصلت لي باسل وقلت ليهو نحنا قدام الباب قال ثواني وجاي جا طالع علينا وسلم على ماما في راسها 😭💕💕قال ليها انتي اسي اختها ولا امها 💕💕عرفت من وين نوران جابت الجمال امي بقت بتضحك معاهو❤ دخلنا بعد شوية كدة جات مرا سمحححة سماااحححة💕💕 امي قالت ليها بخلعة ازاهر ؟ المرا قالت ليها مريم انتي ام نوران؟ قالت ليها اي وبقو بسلمو على بعض سلام حارر وسلام عرف وجات سلمت علي وانا باسل ما فاهمين شي زي الاطرش في الزفة قلت ليها ماما انتو بتعرفو بعض ؟ماما قالت كيف ما بنعرف بعض انا وهي كنا اصحاب شديد زمان لكن بعدين هي سفارت وانا عرسته وانقطعت اخبارنا ام باسل قالت ليها والله شوفي الدنيا دي ضيقة كيف ؟لمونا الاولاد بقينا نتونس وباسل الوقت كلو يتبسم لي بعد شوية كدة امي قالت القعدة معاكم حلوة لكن الوقت اتاخر ازاهر قالت ليها ياخ اقعدو شوية امي قالت ليها المرا الجاية 💕 شالو ارقام بعض وطلعنا قبل ما اركب العربية باسل ناداني قلت ليهو نعم قال لي شيلي الكيس دة قلت ليهو دة شنو؟ قال لي شيليهو بس 💕 شلتوو بعدنا رجعنا البيت دخلت الصالة دايرة افتح الكيس وامي قاعدة جمبي لقيت فيهو كمية شكلاتات ونوتيلا 💕💕💕💕وسلسل مكتوب فيهو اسمي 😍❤❤وفي ملاحظة صغير مكتوب فيها يليق بكَ أن بكَ أن تكون حدثًا مُهمًا ، أو مقطوعة طويلة ، أو نقشٌ تاريخي، رُبما فنجان قهوة لا يُصنع بعجل، أو ورد أصفر ينتشي بهِ المارّة، أو طريق يُوصل للبحر، أو حلم كُل ليلةة لأحدهم، أو دعوة يدسونَ إسمك داخلها بكُل حب، يليقُ بك كُل هذا الجمال🌻🖤

،امي قالت لي نوران الزول دة بينك وبينو حاجة ؟ قلت ليها لي ؟ قالت لي اول شي الاسبوع دة كلو مبسوطة والليلة انا ملاحظة ليكم الاتنين واسي الهدية انتي عارفة انا ما بحب اللف والدوران قلت ليها انا زاتي ما بحبو وحجيك سيدا الزول دة بحبني زي ما انا بحبو وطلب يدي لقيتها سكتت مسافة قلت ليها رايك شنو؟قالت لي شكلك مقررة قلت ليها رايك مهم قالت انا والله ما عندي مشكلة شكلو زول كويس واهلو ناس محترمين شديد قلت ليها اعتبرك موافقة ؟ قالت لي طالما بتحبيهو انا منو عشان اعارض💕
مشيت الغرففة كنت دايرة اتصل عليهو لقيتو سبقني رديت قلت ليهو اسي كنت دايرة اتصل ليك قال لي كذابة قلت ليهو والله 😂 قال لي امي انبسطت فيكم شديد قلت ليهو نحنا زاتنا والله قال لي داير الاقيك عندي كلام معاك قلت ليهو انا برضو قال لي بكرة بجي اسوقك قلت ليهو تمام❤.
اليوم البعديهو جا ساقني ووقفنا في الاستوب حق الجامعة قال لي من غير كلام كتير نوران انا بحبك شديد وما م