#لو_تبتسم
بقلم رغد اسامة
-٦-
سبحان الله💚
الله اكبر💙
استغفر الله💜

تاني يوم مشينا الجامعه و كنا مبدرين شويه قمنا قعدنا تحت شجره كدا و انحنا بنعلق في الناس و نقطع فيهم😂😂 )ملاحظين انو بدايه الروايه استغفر الله و حاجات و هنا بنقطع في الناس 😂😂😂😂🐸)جات بت كدا سلمت علينا و قالت لينا ما عندها زول في الجامعه هنا قلنا ليها اقعدي معانا قعدت و سألناها عن اسمها و طلع اسمها رتاج وبت ضحاكه كدا و ظرييفه شديد😂😂😂 و لي حسن الحظ طلعت بتقرا معانا المهم دخلنا المحاضره و بعديها المحاضره التانيه و طوالي طلعنا رتاج قالت لينا استنوني ياخ اخوي جاي استنيناها لقايت ما جاء كدا قالت ليهو الا يجي يسلم نزل من العربيه زول كدا ما شاء الله خوووارفي خوووافي😍😍 جاء سلم علينا و اتونس شويه و مشو سحرر قالت لينا امسكوني امسكوني دا ولد ولا ملاك😍😍 نور قالت ليها احترمي نفسك يا انتي هناي دا حقي قلت ليها الله يخليكم لي قله الاداب دي😂😂😂😂 الاتنين قالو لي غييييره و روح شرريره😂😂😂😂 قلت ليهم الغيرره دي بس خلوها لي لكن انتو النسألكم طبيعي كدا في حاله انبراش😂😂😂 نور قالت لي نسوي شنو يا انتي الانبراش هيين😂😂قلت ليها لا انتي حالتك مستعصيه😂😂😂
السواق جانا ورجعنا البيت لقينا امي في المطبخ طلعنا غيرنا هدومنا و نزلنا تحت سحر مشت تساعد امي و انا قعدتا في التلفزيون عمو بكري رجع من الشغل سلم علينا
وجابو الاكل اكلنا كلنا و بعد الأكل كلعاده سوينا شاي و شربنا وانحنا بنشرب عمو قال لي اها الجامعه كيف قلت ليهو تمام يا عمو والله قال لي اها عملتي صحبات قلت ليهو اي و تلقائيا حكيت ليهو عن رتاج و الناس في الجامعه و البروف حق جامعه هارفرد😂😂😂 😂 وكدا قام قال لي كويس والله اتاقلمتي بسرعه 😂(هنا انا بالجد حبيت عمو بكري لانو هو بحاول يكون صحبي و دايما بسالني عن يومي ودي الحاجه الانا كنت فاقداها يعني الحنان البديني ليهو عمو بكري بفرحني شديد حتى لو كان السوال بسيط بس بفرح بيهو❤) بعد شربنا الشاي انا طلعت غرفتي ضربت لي جدو واتونست معاهم لاني اشتقت ليهم شديد والله و بعد انتهيت نمت(عفكره انا زوله بنوم ببدررري زي الدجاج و بصحى متاخر😂😂😂😂)

مر شهر واي شي كان في حالووف بس علاقتنا انا و عمو بكري بقت حلوه شديد بس انا و امي م بنتكلم كتير اصلا هي بتحاول تتكلم معاي بس انا ما قاعده اديها فرصه💔💔

جينا راجعين من الجامعه و العصر كدا رتاج جات ساقتنا مطعم كدا حق الناس الراقيين قلت ليها انا كده بحبك يا رتاج🐸🐸 قالت لي ليه يعني قلت ليها اي زول بوديني مكان سمح انا بحترمو وانا زاتي بعرف الزول الراقي من الما راقي😂😂😂قالا لي لا بالله قلت ليها والله جد قالت اها بالله صنفتيني كيف قلت ليها أنتي زوله تمام و درجه الرقي عندك عاليه جدا 😂😂😂😂 نور اها وانا كيف يا ننو قلت ليها انتي بالزات م تتكلمي عن الرقي يختي لا بتكرشي كرعينك لا بتسرحي شعرك 😂😂😂😂سحر قالت ليها ودا هقيقه (ماما اميره يااااا😂😂) قالت لي خلاص انتي يا كيم كرداشيان قلت ليها اسكتي عامله لي كرعينك الزي حقت الحرامي دي😂🐸🐸🐸 رتاج قالت لي جالت ليها حرامي كمان لا لا لا حالتك مستعطيه يا نور😂😂😂😂😂والله كان يوم حلو شديد و طوالي رجعنا البيت لقيناهم بيتفرجو في التلفزيون عمو بكري قال لينا بكره بت اختو حتجي من الامارات حتقرا الجامعه في السودان و حتعيش معانا لانو اهلها في الامارات وكدا قلت ليهو ماف مشكله يا عمو اصلا البيت بيتك قال لي بس حبيت اوريكم وكدا
طلعنا غرفتنا و غيرنا هدومنا قطعنا في ناس الجامعه و نمنا😂😂😂😂 الصباح كان الجمعه صحينا سوينا الشاي شربنا و نظفنا البيت و امي جهزت الاكل و عمو بكري مشا المطار يجيب بت اختو و انا طلعت اسحمى وبعد خلصت استحمام لقيت نفسي ما جبت هدومي لفيت نفسي بالبشكير و شعري بالبشكير اصلا عمو بكري ماف و الغرفه قريبه وانا طالعه كده اشوف ليك ولد طويل و عريض كدا قمت صرخت و قلت ليهو هيييييي انت بتسوي شنو هنا و بعدين انت منو قبل وشو و قال لي انتي المنو انا جيت ارفع الشنط هنا و بعدين خشي غيري هدومك دي قلت ليهو وب علي انا لسه واقفه و جريت الغرفه و غيرت هدومي و انا بفكر في الاهبل داك نزلت تحت و لقيتهم قاعدين و الاهبل داك برضو قاعد عمو بكري قال لي تعالي تعالي سلمي على اولاد اختي دي لينا سلمت عليها بت كدا حليوونه كدا وسلامها حلو و دا قيس سلمت عليهو عمو قال ليهم دي بت حنان و اسمها نغم البت قالت لي اتشرفنا قلت ليها الشرف لي يا عسل امي قالت لينا امشو جيبو العصير دخلنا المطبخ نور قالت لي لا لا لا دا شنو دا القنبله دا وبعلي وبعلي جاني انهيار في مصاريني قلت ليهم بسم الله الرحمن الرحيم خلاص بدينا انبراش☺☺☺☺سحر قالت ليها اريتني الساعه الفي يدو 😂😂😂نور قالت ليها اريتني عطرو😂😂😂😂سحر قالت ليها اريتني جزمه يمشي بيها شمال ويمين😂😂😂😂😂قلت ليها لا كدا تو متش 😂😂نور قالت لي اقسم بالله انا بقيت اكرهك خلي الزول ينبرش قلت

#لو_تبتسم
بقلم رغد اسامة
-٧-
الصباح صحيت و صليت و لبست هدومي و صحيت البنات لقايت يصحو سويت الشاي
لينا نزلت قالت لي صباح الخير قلت ليها صباحك نور يا عسل💛 قالت لي الله بحب الشاي بالصباح قلت ليها كويس كان كده يلا اشربي و اديني رايك شربت كدا قالت لي فووووظيع قلت ليها اصلا بحب اسوي الشاي ما عارفه ليه😂😂😂 قعدنا اتونسنا لقايت ما الباقين جو و شربو الشاي و بعد خلصنا طلعنا كلنا مع عمو بكري مشينا الجامعه و عمو بكري و لينا مشو يسجلو و بعد خلصو التسجيل جو طالعين قلت ليهم كيف طلعتو بسرعه كدا و بعدين هي جات في نص السنه كيف قبلوك عمو بكري قال لي الزي ديل لو ما اديتهم حاجه ما بسو ليك شي😂😂😂 نور قالت ليهو لا لا عاااد خطييير يا عمو بكري😂😂😂😂😂قال ليها مش كدا 😂😂😂و طلع مشا انحنا ورينا لينا الجامعه و دخلنا محاضراتنا و بعد خلصنا رجعنا البيت غيرنا هدومنا و قعدنا نتونس بعد عمو بكري جا اتغدينا سوا و الحمد لله فلان ما كان معانا😂☺☺☺ و بعد انتهينا قعدنا نتونس كلعاده انحنا البنات طلعنا غرفتنا و قعدنا نلعب نور قالت لي عك الله يا ننو سوي لينا عصيرك داك قلت ليهم اوك نزلت تحت لقيت ناس امي نامو كلعاده😂😂عفكره بحس انهم اول ما يسمعو أذان العشاء طوالي بنومو😂😂😂😂 المهم نزلت اسوي العصير واثناء انا بسوي فيهو الباب بقا يخبط كتير مشيت افتح لقيتو قيس قلت ليهو عفكره دا باب ما بخبطهو كدا قال لي عارف قلت ليهو مدام عارف خبط زي الناس قال لي اخبط بالطريقه البتعجبني ( بنرفزززز بطريقه ما عاديه🐸🐸بالزات ببرودو دا☺☺) قلت ليهو بالله قال لي بعدي بعدي من وشي عايز ادخل و كمان بعمل لي بيدو يعني زحي زحي🐸 قلت ليهو هيييييييي دي شنو الحركات دي و انا م خادمه عند اهلك اوكي قال لي دقيقه انتي امك هي زوجه خالي يعني امك هي بس التقعد في البيت دا لكن انتي قاعده هنا ليه ما عارف امشي اقعدي عند أبوك لمن تكوني قاعده مع الناس الغريبين ما حترتاحي فاشنو امشي لي ابوك لمن قال لي ابوك من غير ما احس دمعته😢😢 قلت ليهو اصلا لو ابوي كان عايش ما كنت حخليهو ولا ثانيه بس هو يكون عايش في اللحظه دي هو اتخلع وانا طوالي مشيت شلت العصير و وديتو ليهم لمن دخلت الغرفه سحر قالت لي انتي كويسه قلت ليها اي و شديد و قلت ليها سحر ممكن انوم في غرفتك قالت لي اكيد يا بيبي امشي انا شلت حاجاتي و مشيت غرفه سحر رقدت في السرير و طوالي اتزكرت ابوي و اتمنيتو يكون عايش و بقيت ابكي لقايت نمت😴😴😴

الصباح صحيت و صليت و غيرت هدومي و كلعاده سويت ليهم الشاي و بعد شربو طلعنا و مشينا الجامعه دخلنا المحاضرة الأولى و بعد طلعنا قلت لي رتاج توووجه يا حووووب قالت لي خيير يا طير من قولتي تووجه معناتها عايزه حاجه😂😂😂😂😂 قلت ليها بسم الله يا دي انا كمان عندي حركات زي دي😂😂😂😂قالت لي آمال منو قلت ليها اسمعي قالت لي احكي قلت ليها الليله الدور على منو في الحاجات قالت لي اهااااا عشان كده😂😂😂 قلت ليها ايووا بس يلا يا توجه وانا بتكلم كده نور جات قالت لينا بسم الله الرحمن الرحيم من توووجه دي شكلو الموضوع فيهو حنيك 😂😂😂😂 قلت ليهم هيييي انتو والله ظالمني جييييييدان😂😂🐸🐸 قالت لي انحنا برضو الظالمنك☺🐸 قلت ليها اسمعي يا توجه عك الله امشي جيبي لينا الاكل من الكافيتريا قالت لي هييي كفتريه شنو البمشيها ليكم نور قالت لينا بري انا اول امبارح الوقفت ليكم في الصف الليله دورك يا ننو قلت ليهم وبعلي حاسه نفسي ما كويسه صداع ما طبيعي نور قالت لي كان دايره تمووتي الليله برضو حتقيفي في الصف😂😂🐸🐸 قلت ليها انت البك اسي اوي اوي انت ما بتفهمش😂😂 رتاج قالت لي ولا كان بقيتي كاظم الساهر ما في زول حيمشي ليك🐸🐸🐸✋ قلت ليهم حقيرااات ديل😂😂سحر قالت لي انا بمشي ليك لكن تديني عشره جنيه قلت ليها طواللي لينا قالت ليها هو الزول لمن يشحد بيشحد عشره جنيه😂😂😂 قلت ليها هي انتي مالك و مال شحدتها😂...
عده اسبوعييين💙
في يوم العصر كدا كنت في الحديقه و بقرا حسيت زول بوراي عاينت كدا لقيتو قيس قلت ليهو خير يا طير في حاجه قال لي انتي لسانك دا ليه طويل كدا🐸✋ قلت ليهو ما يخصك كتير و قول العايزاو سسرعه ما عندي وقت ليك قال لي محسساني انك سيده اعمال قلت ليهو اهها يعني عايز تكتر كلام صح و وقفت مسك يدي قلت ليهو هييييي فك يديني مالك قال حسي زول يشوفنا و يفكر اننا..قال لي اننا شنو قلت ليهو يفكر اني بت ما كويسه مش برضو انا بت ابوها ما رباها المهم قول كلامك سرعه قال لي انا ما حصل اعتزرت لي بت بس انا اسف جدا على الكلام القلتو ليك ما قصدي اجرحك وانا اصلا ما كنت عارف ابوك متوفي قلت ليهو اها حسي عرفت عايز تشفق علي صح قال لي لا ما كدا قلت ليهو خلاص قفل الموضوع و شلت حاجاتي و طلعت غرفتي لقيت نور في تلفونها قعدنا اتونسنا مع بعض...

تاني يوم مشينا الجامعه ونفس الروتين الممل☺☺العصر كدا وانحنا بناكل امي قالت لي قيس تعال اتغدا هو قال ليها ما عايز و حاسي نفسي مصدع شديد عمو بكر

#لو_تبتسم
بقلم رغد اسامة
-٨-
الصباح كلعاده صحيت و صليت الصبح و نزلت اسوي الشاي سويتو وطلعت اصحي البنات و نزلت و انا داخله المطبخ لقيت قيس قال لي صباح الخير قلت ليهو صباح النور مالك مش كنت عيان الليله ماف داعي تمشي الشغل قال لي الحمدلله اتحسنت و بقيت كويس و شكرا شديد على امبارح قلت ليهو ما سويت حاجه و كويس اننا شفناك بتشكر الناس يعني لو ما انا انت ما كنت اتحسنت☺☺✋ قال لي حسي المغرور فينا منو انا ولا انتي قلت ليهو يعني انت سمعت قال لي اي سمعت كلامك كلو مش انا زول قليل ادب لكن كسار و حلو 😂😂😂😂قلت ليهو خف علينا يا توم كروز 😂😂😂😂ضحك و قال لي عفكره انا بضحك كتير بس ما بحب اظهر الحاجه دي قلت ليهو لي مالك قال عندك امراض نفسيه ولا شنو 😂😂😂قال لي والما بضحك معناها عندو امراض نفسيه قلت ليو اي قال لي اي يا ما مثقفه قلت ليهو هههههي وتاني هههههي والتالته للجيران مالي قال ما مثقفه شايفني ما بعرف اكتب ولا ما بعرف اقرا قال لي انتي ليه لئيمه كدا و طوالي لينا دخلت قالت لينا احم احم احم 😂😂😂طوالي قلت ليهو عايز شاي قال لي ياريت والله قلت ليهو اوك قام طلع لينا قالت لي اول مره اشوف قيس بيضحك كدا قلت ليها بري ما عارفاهو مالو قالت لي بالله 😂😂😂😂

مشينا الجامعه و نفس الروتين... عدا أسبوع و في يوم الجمعه امي قالت لينا ننظف عشان اهل ناس عمو بكري متلمين عندنا
جهزنا الاكل و نظفنا البيت و الضيوف جوا الهم اخت عمو بكري غير ام لينا و قيس و عندها بت و ولد برضو و اخ عمو بكري و دا عندو ولدين و بت اسمها تغريد المهم اكلنا و بعد انتهينا المغرب كدا نحنا الشباب طلعنا في النجيله و بدينا نلعب صراحه و جرائة و انحنا بنلعب قيس جا و سلم عليهم و قعد في النجيله قامت جات بت كدا لابسه فستان قصير كدا و فاكه شعرها جات جاريه و دخلت ليك حضن في قيس و شغاله ليهو قيوسي مشتااااقين و داك طبعا مخلوع فيها نور قالت لي مششششم دي ماله حسي تحضن الولد قداام الناس كدا😂😂😂 سحر قالت ليها انتي في الحضن ولا في الساقين ما شاء الله دي بت وانا بت😂😂😂😂 قلت ليها ساقين شنو و احترام للناس القاعدين مافي نور قالت لي لا و انتي مالك هايجه😂😂 قلت ليها انا ماشه جوا و طلعت غرفتي لقيت لينا بتتكلم تلفون قفلت وقالت لي خير مالك مكشره وشك😂😂 قلت ليها جات بت خالتك تحت و لابسه ليك فستان مع الركبه و فاكه الشعر و بتحضن في قيس و اخوكي كمان ما مقصر خلاها تتم حضنها و ما سالها ضحكت و قالت لي عشان كدا مكشره قلت ليها لا طبعا وانا مالي و مالهم يتحرقو ان شاء الله لكن برضو تدي احترام للناس قالت لي اها يا الفتاه المسلمه 😂😂😂😂 قلت ليها م فايقه لخفتك دي والله قالت لي المهم البت دي اسمها لارا و
قلت ليها حتى اسمها زي وشها قالت لي حتسمعي ولا لا يلا هي و قيس لمن كانو في الثانوي كانو بحبو بعض يعني حب مراهقه وكدا يلا خلو بعض و هي لسه طبعا بتجري وراهو لكن قيس ما معبرها ابتسمت ليها قالت لي يا ساتر الابتسامه واقفه قنا😂😂😂😂😂
بعداك طلعو وانحنا رتبنا البيت و رقدنا نمنا....

الصباح لبست هدومي و مشيت الجامعه و حضرنا محاضراتنا وطلعنا و انحنا في البوابه امجد اخو رتاج جا عشان ياخد رتاج و لقانا و بقا يتونس معانا و يضحك و قال لينا لازم يوم نطلع مع بعض نور قالت ليهو لازم لازم لازم نطلع همسته ليها و قلت ليها بالخفه عايزه تموتي الليله😂😂😂😂✋ و بعداك السواق جانا و رجعنا البيت.......

#لو_تبتسم
بقلم رغد اسامة
-٩-
يوم الجمعه كدا امي قالت لينا مرت اخو عمو بكري ضربت ليها و قالو طالعين رحله كلنا سوا و نشيل اكلنا معانا...

جهزنا ملابسنا و جهزنا اكلنا و ختيناها في السباتة و طلعنا امي و سحر و لينا مشو بعربية عمو بكري وانا و نور امي قالت لينا نركب مع قيس وهم طلعو وانا و نور بقينا مستنين قيس يطلع بعد طلع قلت ليهو تحب تاخد كم ساعة تانيه و تاخد وقتك يعني انحنا اصلا بنستنى ما عندنا شغله غيرك قال لي ويعني اذا استنيتي كم ساعه تانيه و اصلا انا ممكن ارجع البيت واخلي الطلعه قلت ليهو عان دا كمان مصدق نفسو لمن بهناك و بعدين يعني شنو اذا خليت الطلعه اصلا انا و نور ما ماشين نور قالت لي وبعللي كرعيني بتوجعني احسن شي ارتاح في العربيه و دخلت العربيه قام هو طوالي ابتسم لي عارفاهو عايز يغيظني مديت ليها وقلت ليها استنيني يا تافهة قال لي اذا انتي حتمشي اركبي و دخل عربيتو قال لي اخر مره اسالك ماشه و لا لا قلت ليهو لا طبعا قاال لي يلا مع السلامه واتخيلو مشى وحات الله مشى قلت استنى يمكن يرجع بس ما رجع الكلب خلاني و مشى الوقت داك انا خلاص عصبته و رجعته و انا بنبزو الوقت كلو مشيت النجيله وقعدتا قلت والله ما اخليهو

بعد مسافه حسيت في يد في كتفي طوالي صررررخته عاينته لقيتو قيس قلت ليهو مالك هابشني لمن خلعتني و بعدين كيف دخلته قال لي اتخيل لي دا بيت خالي قلت ليهو اي صح وخير مالك جيت قال لي عشان اسوقك قلت ليهو تسوقني ليه انا لعبه قال لي الوقت حيتاخر و ما حخليك براك في البيت و زي ما عارفه ممكن واحد يدخل ليك قلت ليهو خليهو يدخل قال لي اوك سلمي لي عليهو وكان ماشي كدا قلت ليهو قيس قال لي اي قلت ليهو عندك مساحه في عربيتك ضحك و قال لي المساحه هينه وطلعنا
لمن ركبت العربيه قعدتا وراء قام قال لي انا ما سواقك الخاص تعالي قدام قلت ليهو ما عايزه قام عاين لي في المراية و رفع حاجبو قلت ليهو اووووف طيب و قعدتا قدام و المشوار كلو انحنا ساكتين و ما اتكلمنا الا لمن قلت ليهو عليك الله تاني ما تخت من العطر دا قال لي مالو العطر هبشك؟ قلت ليهو تقيل شديد لمن عمل لي صداع 🐸🐸 قال لي م تشميهو قلت ليهو هههههه ظريف يلا

وصلنا مكان كدا زي حديقه كدا و هم كلهم متلمين و خاتين طربيزه كبيره كدا فيها اكل و العصائر قامت سحر اشرت لي 😂😂😂😂😂 نزلت من العربيه وانا ماشا عليها وقفت على الفستان وعشان الفستان طويل طوالي وقعت و ما القى غير قيس هو الماسكني و انا ماسكه في رقبتو و الناس بعاينو لينا كلهم 😂😂😂😂😂 زحيت منو و قلت ليهو شكرا و مشيت لي سحر قالت لي اهاااا يا كوشي و ارناف😂😂😂😂 ( مسلسل الحب من النظره الثانيه يحليل لمن كوشي تقع و ارناف يمسكها 😂😂😂 المسلسل كلو انحنا في كوشي وقعت كوشي كسرت😂😂 والعجب الهوا البجي فجأه داك😂🐸) قلت ليها كوشي شنو وارناف شنو الناس كلها شافتنا قالت لي ويعني ما سويتو شي غلط قلت ليها انتي كمان الله يفضحك في زول بياكل كدا فضحتينا مع الناس😂 قالت لي عايني في شاورما هنا و من النوع البتحبيهو قلت ليها قولي اقسوووم قالت وحات الله😂 قلت ليها يعني انعل البرستيج قالت لي انعل امو زاتو😂😂😂😂🐸 قلت ليها لا لا ديفرنت انتي والله ايلوف يو😂😂 وانحنا بنضحك كدا لارا جات جنبي شالت ليها ملاح في صحن و هي عايزه تمشي كدا كبتو في فستاني قالت لي اوووبس سووري عاينت ليها كدا قلت ليها م مشكله شالت منديل و ادتني ليهو قالت لي حركات الوقيع و يمسكوك دي ما بتنفع معاي قلت لي شنو قالت لي م تعملي نفسك غبيه شايفاك اليوم كلو طالعه مع قيس قلت ليها قيس؟؟؟؟ دقيقه دقيقه اول شي انا و قيس ماف بيناتنا شي و هو بس وصلني الليله عشان كنت في البيت براي قالت لي بالله صدقتك حركات البنات دي ما تعمليها لي انا و لو حاولتي بس مع قيس حتلقيني في وشك قلت ليها عايني هنا لا انتي لا قيس تبعك دا م بتهموني شديد فاشنو انشغلي بغيري و مشيت شلت باقه مويه معاي قعدت اغسل طرف فستاني جاني قيس قال لي مالك قلت ليهو يالله انتهي من ديك يجيني دا قال لي مالك قلت ليهو للمره التانيه حقول ليكم لا انت ولا بت خالتك ما بتهموني كتير و مشيت اقسم بالله عكرو علي ام اليوم
جوني نور و لينا قلت ليها تعالي تعالي هنا يا تافهة حركتك الجبانه دي م حخليها ليك نور قالت لي حركه شنو😂😂😂😂قلت ليها م عارفه يعني قالت لي اي م عارفه وااااي الوسخه بتكزب كمان😂😂قعدنا نتونس مع بعض لقايت ما قالو نمشي انا طوالي جريت العربيه مع ناس امي😂😂😂 و لينا و نور مع قيس رجعنا البيت و اي زول دخل غرفتو نام

#لو_تبتسم
بقلم رغد اسامة
-١٠-

اللهم صلي و سلم على سيدنا محمد وعلى آله وصحبه وسلم💚

بعد تمينا شهر كان عندنا امتحانات وكدا و كنت بقرا كتير و يوم و انا قاعده في الحديقه و بقرا و كنت زهجانه و الوقت داك كنت مشتاقه لي ابوي💔 و جات امي قعدت جنبي قالت لي ننو كدا كفايه قومي نومي قلت ليها انا عايزه اقرا قالت لي لكن حتتعبي بكرا و ما ح تقدري تمتحني قلت انتي ما دخلك و شلت حاجاتي و دخلت جوا و انا في السلم وقفت بصوتها و هي بتقول لي انا عايزه أسألك سؤال واحد بس انتي ليه ما بتحبيني ليه انا سويت ليك شنو بس و هي بتبكي عاينت ليها كدا و قلت ليها يا سلام وانتي بعد العمر دا كلو جايه تساليني السؤال دا صح طيب انا اوريك انا ليه بكرهك اول شيء لانك ما كنتي معاي في كل مراحل عمري في مراحل كنت بحتاج ليك و ما بلقاك دايما كنت بقول ليه صحباتي عندهم امها وانا ما عندي كان نفسي انك تشيلي التلفون و تضربي لي و تساليني انتي كويسه او تساليني صحباتك منو او تتونسي معاي و تقولي لي محتاجه حاجه كان نفسي احس بالامان كان نفسي اشوف حضنك غير عن الناس ولا زيهم كان نفسي حاجات كتيره شديد بس م لقيتها💔 وبقيت ابكي وانا م حاسه بنفسي قالت لي طيب انا لو كنت جنبك منو الكان حيصرف علينا انا وانتي بعد ابوكي مات اي شي طلع من نفسي بس بكري غير فيني حاجات كتيره شديد وخلاني أقوى و وقف معاي في اقسى مرحله فس عمري لمن كنت عايزه اخدك معاي ابوي رفض بس دايره اقول ليك شي واحد مهما كرهتيني انا حفضل امك البتحبك و بعدها طوالي وقعت انا جريت ليها و بقييت اقول ليها امي امي قومي امي قومي عليك الله قومي يا امي و بعدها ما بتزكر اي شي
بعد اربعه ساعات:

فتحت عيوني براحه كدا و لقيت قيس قاعد جنبي قلت ليهو انا وين قال لي واخيرا صحيتي قال لي انتي في المستشفى عشان تعبتي شويه قلت ليهو و امي امي وين قال لي اهدي امك في الغرفه الجنبنا و هي كويسه و الدكتور قال انو الظغط حقها ارتفع قلت ليهو كلو بسببي😭😭😭😭 مسك لي يدي و قال لي داير اقول ليك شي انا سمعت كلامك كلو و عايز اقول ليك شي واحد بس امك م تخسريها طوالي عاينت ليهو باهتمام حسيتو عايز يقول لي كلام من جوا قلبو قال لي انا حقول ليك كلام اول مره اقولو لي زول انا صحي عندي قروش واي شي بتمناهو و عندي امي العايش معاها من وانا صغير بس ما حسيت بالحنان ابدا بعد ابوي اتوفى امي اتغيرت علينا شديد بقت هي بس العايزه تدينا الاوامر و ما حصل اتعاملت معانا انها امنا و بعد كبرت بقيت احاول احسس لينا بالحنان وانو انا حكون معاها طول عمري واكون بالنسبه ليها ابوها وان شاء الله اقدر احسسها بالحاجه دي حتساليني الاستفادة من الكلام دا شنو عايزك تفهمي انو أمك بتحبك و عايزاكي تفتحي معاها صفحه جديدة و مسح دموعو وطلع انا مسحت دموعي و قمت من السرير و مشيت لي الغرفه التانيه فتحت الباب و لقيت امي صاحيه قلت لي امي كيفك عاينت لي و قالت لي نغم تعالي مشيت و رقدتا في حضنها و قلت ليها امي انا اسفه و الله ما كان قصدي ازعلك قالت لي ما مشكله يعني انتي حسي سامحتيني 😭 قلت ليها اصلا م زعلت منك❤❤ قالت لي انتي بس اديني فرصه و انا اوعدك حكون ام تانيه خالص قلت ليها انا ما عايزاك تتغيري عايزاك حنان زاتها مسكتني عليها و باستني في راسي قالت لي انتي بقيتي كبيره شديد دايره ليك عريس قلت ليها ما دايره اي عريس بس دايراك انتي قالت لي سجمي ولمتين حتقعدي معاي😂😂😂😂😂 قلت ليها خلاص خليتو يا زوله 😂😂 و انحنا بنضحك عمو بكري و قيس جوا داخلين عمو قال لي اها يالعائله السعيده😂😂😂قلت ليهو عموو ياخ 😂😂 قامت امي قالت لي امشو البيت قلت ليها لكن انا عايزه اقعد معاك قالت لي تقعدي معاي شنو يا بت بكره عندك امتحان واصلا عمك حيقعد معاي قلت ليها اوكي قيس قال لي اصلا بكره حيطلعوها قلت ليهم طيب بوسته امي و طلعنا انا وقيس و ركبنا العربيه و اتحركنا قلت ليهو قيس قال لي اي قلت ليهو شكرا شديد قال لي على شنو قلت ليهو لولاك ما كنت عرفت انو عندي ام بتحبني للدرجه دي قال لي العفو و بعدين تعالي هنا من متين بتتكلمي معاي كدا سبحان الله يا مغير الاحوال 😂😂 قلت ليهو هييييييييي حسي برجع قال لي ياساتر اخير تكوني كويسه😂😂😂😂😂😂 وصلنا البيت بركن العربيه حقتو و نزلنا وهو بيفتح الباب بالمفتاح و الساعه 3ص قلت ليهو سرعه انا خايفه ياخ و اسمع ليك صوت الكلب بعوي شديد طوالي مسكت ليك الولد في قميصو 😂 قال لي بسم الله مالك قلت ليهو الكلاب ياخ قال لي طيب زحي يدك عشان افتح الباب لقيت نفسي حاضنه الولد عديل و قلت ليهو ااااه و زحيت منو فتح الباب و دخلت سرعه سرعه و لقينا البنات مستنينا اول ما شافوني جرو علي و قال لي انتي كويسه قلت ليهم اي و امي زاتها كويسه و طلعنا فوق لينا قالت لي طبعا كان شفتي قيس بعد وقعتي بقى ما حاسي ع نفسو نور قالت لي جا جاري و شالك و وداك العربيه قلت ليهم بالجد قالت لي اي والله قلت ليها عادي بكون بس عايز يساعدني لينا قالت ليها البت دي دقوها

#لو_تبتسم
بقلم رغد اسامة
-١١-





خلصت امتحانتي كلها و اشتغلت كويس شديد فيها و اكتر زول كان بدعمني قيس💜 و كان دايما بوصلني وكدا و كان يوم الجمعه رجعت البيت وانا فرحانه شديد من الإمتحان و أخيرا بدت الإجازة

بعد غيرت ملابسي نزلت تحت قعدت مع امي و كدا و بعد اتغدينا قعدنا نشرب الشاي
وانحنا بنشرب عمو بكري قال لينا عندي ليكم مفاجأة قلنا ليهو شنو قال لينا ما تتحمسو ما ليكم انتو لي حنان ولي 😂😂😂😂 قلنا ليهو و انحنا متين قال لينا لمن تعرسو 😂😂😂😂😂قلت ليهو حنكتنا لكن😂😂😂😂 قال لينا انا حجزت تذاكر للسعودية نمشي عمره انا و حنان امي قالت ليهو احلف قال ليهو والله قالت ليهو متين قال ليها بكره قالت ليهو ليه م كلمتني من بدري قال ليها والله فجأة قررت قالت ليهو وحسي اشيل شنو واخلي شنو قال ليها اهدي اصلا م تشيلي هدوم كتيره حنشتري من هناك قلت ليها انحنا بنستف ليك قالت لي خلاص تمام
انا و نور مشينا جهزنا ل امي شنطتها و جينا نازلين تحت قعدنا نتونس شويه و طلعنا فوق نمنا

الصباح بعد شربنا الشاي ناس امي طلعو طبعا بعد توصيات من الحجه😂😂😂😂 بعد طلعو و قيس طلع شغلو قلت ليهم اطبخ ليكم شنو لينا قالت لي هيييي بري م دايرين نموت الليله😂😂😂 قلت ليها شوووف المفتريه يا كلبه ما لمن اسوي لي عصير قعد تتسممي😂 قالت لي يلا ما هو في فرق بين العصير والاكل قلت ليها حبيبتي تأكلي زق☺ قالت لي احترمي نفسك😂😂😂
دخلت المطبخ و سويت ليهم مكرونه بالبشميل و عملت بسبوسة و خلطتا العصير بعد قيس رجع ختينا الاكل مع باقي امس و اتغدينا
لمينا الصفره و اي زول دخل غرفتو بعد المغرب كدا لينا خبطت غرفتنا فتحتا ليها قالت لي اجهزو مارقين قلت ليهو وين قالت لي قيس قال عازمنا ايسكريم و من هناك حنمشي حنتلاقى مع ناس تغريد و اخوها في شارع النيل قلت ليها تغريد منو قالت لي بت خالتي ياخ قلت ليها خالتك ام لارا قالت لي برييي لا دي خالتي التانيه ياخ اللعبت معانا صراحه وجرأة قلت ليها اهااا صح صح اي والله اعزميها قالت لي اي عزمتها قلت ليها خلاص تمام كلمت نور و غيرنا ملابسنا و حبيت البس فستان كدا

#لو_تبتسم
بقلم رغد اسامة
-١٢-





العصر كدا لينا قالت لي ياخ أرح نسوي الغداء أصلا قيس ضرب لي و قال م ننتظرو الليله عندو اجتماع قلت ليها اوك نزلنا سوينا الأكل و اتغدينا بعد خلصنا صلينا المغرب و قعدنا في التلفزيون

بليل كدا زي الساعه 12 قيس جا داخل قال لي لينا عليك الله سوي لي أي شئ آكلو جعان شديد دخلت المطبخ قامت نادتني و سالتني من حاجه وقالت لي فتشي في التلاجه و نادت قيس في المطبخ عشان يأكل قلت ليها يا بت الشئ دا م في التلاجه وعاينت وراي لقيت قيس وراي قلت ليهو قيووووسسسي يا قيوووووسسي ممكن تزح من وراي ضحك و قال لي فجاءه مالك قلت ليهو مالي يا قيوسي ولا م بتعجبك قيووسي الا من حبيبتك قال لي حبيبتي منو قلت ليهو م عارفه و كنت عايزه اطلع مسك لي يدي قلت ليهو هييييي فك يدي قال لي تعالي تعالي أنتي مالك متغيره معاي و ابتسم وقال لي بس ما تكوني غيرانه قلت ليهو أنا؟؟و أغار على منو عليك انت😂😂😂😂😂😂 ضحكتني والله قال لي و مالا خدودك حمر كدا قلت ليهو ما يخصك يلا فكني قال لي وإذا ما فكيت يدك قلت ليهو والله حصرخ قال لي خلاص فكيتها😂

بعد اسبوع:
عرس بت عم لينا كان بعد بكرا قالت لينا لازم نبلس فساتين قلت ليها لا ياخ قالت لي والله ازعل منك قلت ليها حاسه حنكون هايجين قالت لي ماف زول حيقول شئ نور قالت ليها عليك الله البت دي خليها ساي شئ ما عايزه فستان شي شعرها زي الطاقاها كهرباء شئ كرعينها زي كرعين الحرامي اشتري لي أنا فستان غايتو يحليلي بت مشرده لا عندي اليشتري لي فستان لا عندي اي شي😂😂😂😂😂😂😂😂😂سحر قالت ليها بت عمتي أنا بعرفاا لينا قالت ليها برري بررري بت عمتك دي صعبه و بتحب العولاق😂😂😂😂 قلت ليهم خلاص بقيتوني معولقه
خلاص اوك بشتري فستان
تاني يوم مشينا السوق عشان نشتري الفساتين و معانا رتاج لأنو لينا عزمتها العرس ورجعنا قبل المغرب بشويه وصلينا ورقدنا نمنا تاني يوم الصباح كالعاده فطرنا و اشوف ليك نور ختت الماسك و لينا. بتكوي شعرها و سحر عامله خلطه في شعرها 😂😂😂😂😂😂 هايجات شديد يلا😂😂😂 مشيت نمت قريب المغرب صحيت طلعت من غرفتي لقيت قيس قال لي ماشه العرس كدا😂😂 قلت ليهو هههههههههههه ظريف لكن وهمي و مشيت غرفه لينا لقيتهم بيلبسو قلت ل نور هييي مالم حواجبك كدا قالت لي كل ما الحواجب تكون تقيله كل ما العرسان بجو كتار قلت ليها صعبه أنتي والله 😂😂😂 لينا قالت لي تعالي اكوي ليك شعرك قلت ليها لا م عايزه قعدتني بالغصب و سوت لي شعري و سوت لي ميك اب و لبست الفستان قالت لي واييي ما يسحروك طلعتي مززززززه سحر قالت لي وأي دي نغم أنتي نغم قلت ليها. أي يعني منو و شفت نفسي في المرايه قلت ليهم والله طلعت حلووه😂 نور قالت لي عدم الثقة في النفس دي زاتها ما بتحيب العريس😂😂😂كنا لابسين:

#لو_تبتسم
بقفم رغد اسامة
-١٣-



أمي قالت لي انا كلمت أبوي و ناس البلد انو قيس و امجد طلبو يدكم و يجو عشان نسوي الخطوبة وعارفه جدك قال لازم يسألو عنهم و حياجرو بيت قلت ليها اوك.....
ناس جدو جو كلهم و أجرو بيت انا و سحر و نور مشينا معاهم و أم قيس جات من الإمارات و هم زاتم رحلو في بيتهم جنب ناس أمي

يوم الخطوبة جا وحبينا نسوي خطوبتنا سوا💜 من الصباح رتبنا البيت و جهزنا الأكل والحاجات و الزينه وأي شي المغرب كدا الناس بدت تجي من طرف ناس قيس و من طرف ناس امجد بعداك كلهم جوا و ضيفوهم و بعداك نادونا انا و نور وكنا لابسين :
انا كنت لابسه

#لو_تبتسم
بقلم رغد اسامة
-١٤-
الصباح لمن صحيت البيت كان هااااادي شديد نزلت لقيت خالتو نجلاء بتشرب قهوة قلت ليها صباح الخير قالت لي صباح؟؟؟ قولي ظهر المهم من بكره تصحي بدري تشوفي راجلك عايز شنو و تطلعي الشغل قلت ليها حاضر خالتو لكن قيس ما كلمني عندو شغل الليله قالت لي طبعا عندو شغل يعني حيقعد في البيت زي النسوان قلت هنايييه دي ما تهدا ماله هايجه😂😂 دخلت المطبخ عملت كبايه عصير و حشوه و طلعت لي لينا قالت لي عروستنا كيفك قلت ليها تمام الجديد شنو مشتاقين ياخ قالت لي اقسسسسسسسم بالله بالاكتر عايني انا جعانه أرح نسوي الغذاء لقايت م قيس يرجع من الشغل قلت ليها أرح مشينا سوينا الغداء و قعدنا استنينا قيس ألباب خبط مشيت افتح الباب عارفاهو قيس لمن فتحت لقيت دي لارا قلت دي الجابه شنو حسي دخلت على خالتو نجلاء بالأحضان والبوووس قلت ليها ليه يا حلوه ما جيتي عرسنا😏😏😏 قالت لي كنت مسافره قلت ليها عااادي يا بيبي في اختراع أسمو تلفون على الأقل كان تضربي لينا و تباركي اتغاظت مني شديد 😂😂😂 قامت خالتو نجلاء قالت لي ما تخافي الأيام جايه و حنبارك ليك كتير مش كدا يا لولو لارا قالت ليها أكيد يا خالتي و ابتسمو لي ابتسامه خبيثه م اشتغلت بكلامم كتير لكن برضو اتوترت قيس جا داخل سلم عليهم كلهم و انا حضني قداهم كلهم و قال لي اشتقت ليك❤️ خالتو نجلاء و لارا. م عجبهم الوضع ولمن جا يسلم على لارا مدا ليها طرف يدو حييييييي انا حبيبي يسلم لي😂😂😂 ختيت الأكل في الصفره اكلنا و بعدين لميت الأكل قيس قال لي انا طالع قلت ليهو استنى جايه معاك وطلعنا ..

تأني يوم صحيت بدري جهزت لي قيس الفطور و طلعتو جات نازله من فوق قالت لي وأخيرا الليله صحيتي بدري قلت ليها اي قالت لي جيبي لي عصير قلت ليها أوك لينا قالت لي انتي أقعدي انا بسويهو قالت ليها انا قلت نغم انتي اقعدي هي حتسوي سويتي ليها شربت بعداك جاتها لارا و طلعو مكان هم الاتنين و بعدين قيس جا قعدنا اتونسنا كلنا قامو خالتو نجلاء و لارا جو لارا قالت الوقت أتأخر م حقدر امشي البيت خالتو نجلاء قالت ليها طوالي أصلا دا بيتك

الصباح لمن جا بعد قيس طلع خالتو نجلاء قالت لي لينا امشي لي السوق لينا قالت ليها ليه قالت ليها عندي حاجات ياخ والراجل بضرب لي من قبيل عشان أجي اشيل الحاجات قالت ليها اوووف ياخ و لبست هدومها و دايره تطلع قالت لي انتي ما تجي معاي خالتو نجلاء قالت ليها خليها هي حتسوي الغداء قامت طلعت بعد جهزت الأكل و غطيتو و طلعت فوق و نمت شويه لمن صحيت كان زي العصر كدا نزلت قلت أخت الأكل قبل قيس يرجع خالتو نجلاء قالت لي يسلم يدك الأكل كان حلو قلت ليها انتي اتغديني قالت لي اي قيس فتح الباب و دخل سلم علي قلت ليهو دقيقه أخت ليك الأكل وانا في المطبخ سمعت صوت زول وقع و كانت دي خالتو نجلاء قيس جا جاري و طلعنا المستشفى و هناك بعد اخدو تحاليل قعدنا معاها لمن فتحت عيونها قيس قال ليها سلامتك يا امي خوفتيني عليك قالت ليهو الله يسلمك قلت ليها ما تشوفي شر خالتو قالت لي شكرا بعداك الدكتور دخل قيس قال ليهو طمنا يا دكتور قال لينا للأسف أمك اتسممت قلنا ليهو شنو قيس قال ليهو كيف الكلام دا عيد تحاليلك الدكتور قال ليهو دا التحليل التالت قال لي كيف الكلام دا و متين الدكتور قال ليهو التسمم كان من الأكل الاكلتو قلت ليهو مستحيل يا دكتور خالتو نجلاء قالت لي دي انتي صح أكيد دي انتي دايره تسمميني والله ما اخليك قلت ليها والله ما انا اقسم بالله م انا قيس احلف ليك بشنو دي ما انا قيس أنت اكتر واحد بتعرفي مستحيل اسوي شي زي دا و لو عايز تتاكد بقاي الأكل لسه في البيت أرح نفحصو خالتو قالت لي اسكتي أكيد ما عايزاني في البيت و حاولت تقتليني قيس قال لي انتي استنينا برا قلت ليهو لكن قال لي نغم لو سمحتي قلت ليهو طيب بعداك طلعنا و السكه كلها وانا ببكي وصلنا البيت قلت لي قيس دقيقه انا حجيب ليك الأكل دخلت ما لقيت اي شي في التلاجه قلت ليهو الاكل كان في التلاجه عاين لي و طلع الغرفة قلت ليها يا خالتو نجلاء والله دي ما انا ابتسمت وقالت لي عارفه قلت ليها شنو خلاص كلمي قيس قالت يا هبله بعد سويت التمثيلية دي امشي توريهم الحقيقة قلت ليها قصدك شنو قالت لي انا ما اتسممت و دا كلو كان كذب قلت ليها والدكتور قالت لي الدكتور صحي رفض بالبدايه لكن عرفت كيف اقنعو و كمان عشان كدا خليت لينا تمشي السوق و حتى الاكل انا الجدعتو قلت ليها حرام عليك أنا سويت ليك شنو قالت لي غلطك انك خليتي ولدي ما يسمع كلامي و يدوس على كلمتي و عرسك لكن والله و الله زي ما جيتي البيت دا انا حطلعك منو انتي منو عشان تكوني كنة لي انا نجلاء اللمن جابو لي ضره من اول شهر طلعتها تبقي انتي منو عشان تخلي ولدي يدوس على كلامي قلت ليها صحي انتي الليله فزتي علي لكن من الليله انا في وانتي في والأيام بيناتنا وطلعت غرفتي لقيت قيس قاعد في السرير قلت لي قيس انت بالجد م مصدقني قال لي تعالي قعدت جنبو قلت ليهو اقسم بالله ما سوي

#لو_تبتسم
بقلم رغد اسامة
-١٥-
الصباح صحينا و طلعت قيس الشغل و جيت نمت تاني الا لينا جات صحتني قالت لي أرح معاي بيت صحبتي قلت ليها طيب غيرت ملابسي و لبسنا و طلعنا مشينا ليها و قعدنا نتونس معاها للعصر كدا ورجعنا البيت فتحت لينا الشغالة و لمن دخلت لقيت لارا بتقدم الاكل لي قيس و معاهم خالتو نجلاء و لارا بتضحك بأعلى صوتها قلنا ليهم السلام عليكم و دخلنا لارا قالت لي ما لمن اتاخرتو قلت اسوي الغداء لي قيوسي قلت ليها ما كان في داعي كنت حسوي ليهو الاكل لمن ارجع قيس قال لي حبيبتي كيفك قلت ليهو تمام وقعدت جمبو عشان اغيظهم وانحنا بناكل و طبعا أكلها كلو مسيخ لمن احترنا ناكل شنو😂😂😂 خالتو نجلاء قالت ليها عارفه يا لارا أكلك ما حلو قالت ليها ليه يا خالتي خالتو نجلاء قالت ليها حق نغم احلى قلت دي ماله كمان😂😂😂😂 قالت لي لأنو البنات البكونو جايين من القرى الفقيرة بكونو دايما بعرفو يطبخو أما انتي يا لارا متعوده على الراحه و الخدم و الرفاهية لارا قالت لي اي والله و قعدو يضحكو دايره ارد ليها قيس مسكني وقال ليهم صحي نغم جايه من قريه بس اخدت عقلي و قلبي و تفكيري خلتني زول تاني لانها بريئه و قلبها ابيض عكس البنات العندهم خدم و رفاهيه لينا قالت لينا احيييييييييييييي انا اموووت انا😂😂😂😂طبعا وشهم جاب اللوان😂😂😂 و طلعنا غرفتنا قلت لي قيس انا بحاول ابعد من المشاكل و ما قادره💔

بعد شهرين:

ما اتغير شي غير الحقد و الكره من خالتو نجلاء و لارا لي زهجت من مؤامراتهم ضدي الشئ الوحيد المصبرني قيس وحبو لي❤️ الظهر كدا قلت لي خالتو نجلاء انا طالعه و ماشا لي نور في شقتهم و طلعت اجرت امجاد و مشيت ليها خبط ليها صرخت قلت ليها براحه في ناس عايشين في العماره 😂 ودخلنا قعدنا نتوونس و نقطع في الناس و حكيت ليها عن عمايل لارا و خالتو معاي وهي قالت لي أهل امجد بحبوها شديد العصر كدا امجد دخل البيت و انا ضربت لي قيس يجي يسوقني و بعد جا قعدنا اتونسنا مع بعض العشاء طلعنا منهم ورجعنا

تاني يوم الظهر كدا نور ضربت لي قلت ليها مالك مش امبارح كنت معاك قالت لي ننو أرح معاي المستشفى قلت ليها ليه مالك قالت لي حاسه نفسي حامل قلت ليها شنو انتي حامل ؟ قالت لي يبت م تتحمسي يمكن ما أكون قلت ليها مسافه السكه و جريت لي لينا كلمتها قالت لي دا خبر ما بتفوت انا ماشه معاك غيرنا ملابسنا و انحنا طالعين خالتو نجلاء قالت لي ماشين قلت ليها ماشين مع نور الدكتور يمكن تكون حامل قالت لي حسي نور دي مش عرست معاكم و حسي هي حامل وانتي ليك تلاته شهور ان شاء الله ما تكوني عاقر قلت ليها الله هو البحدد ما انا أرح يا لينا و طلعنا مشينا ليها و مشينا الدكتور عملنا التحليل و طلعت بالجد حامل❤️🥺 ياخ فرحنا ليها شديد وأخيرا حبقى خاله ورجعنا البيت و كلمتهم.
تاني يوم برضو نفس الروتين بليل بعد قيس رجع من صلاه العشاء قال لي مصدع شديد و ما قادر أشوف قدامي قلت ليها عندي الحل جبت ليهو زيت و قلت ليهو اقعد قعد عملت ليهو مساج في راسو قال لي الله ريحني شديد ياخ تسلمي لي❤️ ورقد نام نزلت تحت لأني عطشت دخلت المطبخ لقيت الشغالة بتبكي قلت ليها مالك قالت لي ماف شي قلت ليها عايني اعتبريني أختك و احكي لي قالت لي امي عيانه شديد و راقده في السرير و ما بتتحرك قلت ليها عندها شنو قالت لي كان عندها فشل كلوي قلت ليها ربنا يشفيها قالت لي لقو ليها كيله لكن ما عندي قروش ادفع ليها قلت ليها ربنا يسامحك ليه ما وريتينا قالت لي طلبت من مدام نجلاء و قالت لي انحنا ندفع ليك و ندفع لي أمك قلت ليها أكيد دي ما بترحم زول دقيقه انا عندي حاجه و طلعت فوق لميت قروشي المعاي و شلت قويشه دهب حقت عرسي و نزلت اديتهم ليها قالت لي ما بقدر قلت ليها اسمعي انا صحي الليله عندي لكن بكرا يمكن م عندي ما معروف اصلا م محتاجاهم و لمن تلقي قروش رجعي لي قالت لي شكرا و حضنتني❤️

#لو_تبتسم
بقلم رغد اسامة
-١٦-




الصباح صحينا أنا و قيس مع بعض جهزت ليهو فطور بسيط كدا و طلعتو و طلعت غرفتنا و نمت للساعه ١ ظهر كدا صحيت و نزلت تحت لقيت لارا و خالتها بتكلمو مع بعض قلت أكيد ديل عندهم شي لي😂😂😂😂 طلعت ل لينا لقيتها بتتكلم تلفون 😂😂😂 قلت ليها يهنايه ما ممكن لوك لوك لوك لوك لوك من اول الصباح قالت يكلبه اطلعي برا قلت ليها بتطرديني يوسخه 😂 قلت خلاص انزل تحت جيت قعدت جنبهم في الكرسي قامت خالتو نجلاء قالت لي جيبي لي عصير قلت ليها طيب دخلت سويتو و اديتو ليها شربت منو كدا و قالت لي يعع دا شنو دا سوي لي واحد تاني قلت في نفسي أهدي يا نغم و سوي ليها واحد تاني مشيت عملتو ليها و جيبتو تاني شربت منو قالت لي دا حار عايزه واحد بارد قلت ليها لو عايزاهو بارد ليه ما قلتي لي من قبيل قالت لي بتقلي ادبك علي قلت ليها استغفر الله ما قصدي شي و تاني عدت نفس العصير جبتو ليها شربت منو و تفتو قلت ليها اها دا مالو قالت لي دا عصير ليك قلت ليها والله لو عايزه عصير عمزاجك خلي بت أختك تسوي ليك لارا قالت لي احترمي نفسك يا بت خالتو نجلاء قالت لي انتي قايله نفسك قدري انتي ما بتساوي شي قدامي يا حقيره انتي طنشتها و كنت طالعه فوق قالت لي أكيد طالعه ع أمك قليله أدب و تافهة زيها رجعت ليها و قلت ليها انا ساكته ليك من قبيل بس عشان انتي اكبر مني و انتي ام قيس بس لمن يصل الموضوع انك تسيئي لي أمي هنا انا ما حسكت ليك قالت لي بس انا نفسي اعرف انتي وأمك سويتو شنو لبكري و لقيس اول شي أمك ولدتك و بعد كم سنه قال شنو ابوكي اتوفى العرفنا شنو انتي بت حلال و لا بت حرام قلت الزمي حدودك و احترمي نفسك انتي ولارا إذا تاني اتكلمتو عن امي ما حخليكم و طلعت غرفتي و استنيت قيس يرجع من الشغل و لمن رجع سلم علي وقال لي مالك الليله قلت ليهو قيس عايزه أقول ليك شي قال لي احكي مالك قلت ليهو انا ماعايزه أعيش في البيت دا تاني قال لي ليه في حاجه حصلت ليك قلت ليهو لا يا قيس لكن انا ما عايزه أعيش هنا تاني انت عارف انو أمك ما بتحبني و حاسه نفسي أني قعد اضايقها بقعدتي هنا قال لي يا نغم انا عارف امي دايما بتحاول تضايقك بس دي ما اول مره امي قالت ليك شي قلت ليهو ما قالت لي شي بس ما حنقدر نستحمل بعض انا وهي عايزاك تعرف انو مع انها ما بتحبني بس يشهد الله انا بحبها و بحترمها زي امي قال لي متاكد من الشئ دا❤️و عشان كدا انا زاتي بفضل انو ننتقل من البيت دا صرخت ليهو وقلت ليهو بالجد يعني وافقت قال لي بسم الله حسي يسمعونا و يقولو ديل مالم هائجين بليل دا😂😂😂✋🏾قال لي انا جعاااان شديد ياخ قلت ليهو اسوي ليك اكل قال لي لا لا انا عازمك قلت ليهو اقسسسسسسسسم بالله الليله انت ما طبيعي اي شي عندك الليله بتوافق عليهو قال لي بس الليله ما كل يووم😂😂😂قلت ليهو استناني و

اليوم البعديهو بالمساء كدا خالتو نجلاء قالت لينا يوم الخميس حنعمل ليكم زي حفله بسيطه كذا للأهل و الناس القراب لينا قالت ليها بمناسبة شنو قالت ليها عشان عرسو قريب و العرس كان بسرعه وكدا قلت وانا برأي ماف داعي لمن دا خالك قال نسوي ليهم الحفله وأنت رأيك شنو يا قيس قال ليها والله شوفو البعحبكم.
قال ليهم انا و نغم عندنا شي دايرين نقولو ليكم خالتو قالت ليهو خير قال ليها انا و نغم راحلين من البيت دا قالت ليهو راحلين؟ وين و بعدين البيت كبير قال ليها صحي البيت كبير لكن انحنا ما لاقين راحتنا فأحسن اننا نرحل عاينت لي و قالت لي اكييييييد دي تحاريشك ليهو و دا رأيك انتي غير الصائب ما بتحيبي لينا قيس قال ليها يا امي انا وانتي عارفين انك و نغم ما بتتفاهمو فأحسن شي نرحل لينا قالت ليهو حتخلوتا و تمشو قلت ليها ما حنسافر بس راحلين و اي وقت عايزين تجونا بيتنا فاتح ليكم طوالي ❤️

اليوم التأني بدينا تجهيزات شديد قيس وداني لي نور و من هناك مشينا السوق و اشتريت توب للحفله و كدا و رجعت البيت و اليوم البعديهو الحفله امي جاتنا من الظهر كدا و نظمنا النحيلة و زيناها و و جيبنا الطباخ و بدًا في الاكل العصر كدا لينا حلفتني ادخل جوا قالت لي التقول انا العروس من الصباح قاعده في التلفزيون و انتي في الشمس خشي عشان تبقي نايره😂😂😂😂😂💔 بدينا نلبس عملت شعري زي كعكه كبيره كدا و معاها و مكياج خفيف و توبي

#لو_تبتسم
بقلم رغد اسامة
-١٧-



وانا قاعده في السرير كدا قيس جاني قال لي السمسار ضرب لي وقال لقى بيت كدا ا مناسب لينا و قريب من بيت ناس نور و امجد قلت ليها احللف😍😍😍😍قال لي والله قلت ليهو اها متين حنشوفو قال لي اهدي شويه😂 بكرا السمسار حيضرب لينا عشان نشوف البيت قلت ليهو خلاص طيب و رقدت نمت

تاني يوم مشينا شفنا البيت و عجبناااا شديد كان تلاته غرف فوق و صاله و مطبخ و حمام فوق و حمام تحت😍😍 اتفقنا مع سيد البيت و قلنا نرحل الأسبوع الجاي اتفقنا و رجعنا البيت فرحانين قيس كلم اموو و اختوو طبعا أمو ما قالت شي و لينا زعلت شويه لكن حتتعود انا طلعت الغرفة ضربت لي رتاج اتونست معاها و رقدنا

الأسبوع مر وانحنا بنجهز حاجاتنا اشتريت الأثاث للصاله و الغرف❤️❤️ يوم الخميس الصباح ودينا هدومنا و حاجاتنا في البيت و المساء قيس جا اتغدا مع اموو واكيد هي لسه بتحاول تقول ليهو البيت ماف داعي ليو عشان نسكن معاهم هنايه شكلها ما عايزه تفهم🙂😂😂😂 و انحنا طالعين حضنت لينا و لمن جيت احضن خالتو مدت لي يدها سلمت عليها و قلت ليها يا خالتو نجلاء انا من جيت البيت وانا وانتي ما قادرين نتفق فأحسن شي اننا نعيش في مكان مختلف💔 و قيس سلم. عليهم و طلعنا وانحنا تعبانين شديد فتحنا الباب قيس قال لي يا نغم دي اول بيت لينا اول مره تدخلي بيت وانتي عروس❤️حابب ندخل البيت دا وانحنا مع ماسكين بعض و شايلين معانا أمل في حياة حللللللللوه قلت ليهو بمشي معاك كل الدروب و في كل خطوه حتلقاني معاك و ساندك لانك دايما بتكون معاي و ساندي❤️ باسني في جبهتي وقال لي ربنا ما يحرمني من سندك💜💜 ودخلنا باليمين
عدا علينا شهر وانحنا مبسوطيييين شديد في بيتنا لا عندنا العصير دا بارد لا عندنا نغم تعالي سوي😂😂😂😂😂😂 مشينا لي ناس خالتو زي خمسه مرات بعد رحلنا و عشان قريبين من نور بمشي ليها من الصباح وهي زاتها بتجيني لانها تعبانه في حملها فيوم كدا و انا و نور بنتونس قلت ليها بعد يومين عيد ميلاد قيس و قلت حاسوي ليهو حفله وكدا قالت لي عاااد تمام اجششش😂😂😂 قلت ليها يا نور الايامات دي بقيت اطم من اي شي آكلو وما بستحمل اكل اي شي والليلة الصباح استفرغت قالت لي يبت بس ما تكوني قلت ليها شنو قالت لي نغم انتي حامل قلت ليها هي حامل كيف وعرفتي كيف يابت قالت لي انا كان بجيني كدا في بدايه حملي قلت ليها بالجد قالت لي بكرا أرح نشوف دكتوره ولا اي شي قلت ليها ما نتسرع ياخ قالت لي اسكتي ياخ انتي مالك بس بكرا من الصباح نمشي قلت ليها خلاص طيب و امجد جاء من الشغل اخذها و مشو

تاني يوم لبست عبايتي و مشيت لي نور وطلعنا المستشفى اخدو تحاليل و قعدنا استنينا شويه كدا و الدكتوره طلعت قلت ليها اها شنو يا دكتوره قالت لي مبروك انتي حااااااااامل قلت ليها انتتي جااده؟؟😂😂😂😂😍😍😍😍😍😍😍😍😍و اخيرا حاكون ام قالت لي اي قلت ليها ايلوف ايلوف شديد يا دكتوره😂😂😂 نور قالت لي يا ربي ولدك حيعرس بتي ولا ولدي حيعرس بتك؟؟؟🤔🤔🤔 قلت ليها انحنا في شنو و الحسنايه في شنو😂😂😂😂😂 رجعنا بيوتنا و قلت ما حكلم قيس و اوريهو يوم عيد ميلادو و انا بالفررح حموت😍😍❤️❤️❤️قيس رجع من الشغل لقاني سويت ليهو مكرونه بالبشميل البحبها ودجاج محمر و حاجات تانيه اكلنا و بعد انتهينا غسلت العده وانا سويت ليهو شاي مغرب و قعدنا في التلفزيون و انا كل مره اهبش بطني و اشيل واتبسم😂😂😂😂 زي الهبله😂😂 قيس قال لي اعوووز بالله من الشيطان الرجيم يا بت انتي راكبك جن مالك من قبيل تتبسمي قلت ليهو انت مالك ماف شي قال لي والله لكن دي قصه قلت ليهو حسي انا لو جبت بيبي و كان بت حتحبها و لا حتقول الأولاد احسن قال لي اول شي انتي بس جيبي لي بيبي و ما مهم اي شي من ربنا حللوو ❤️ قال لي ليه قلت ليهو ساكت ما اي شي أسالك مفروض يكون ليهو سبب قال لي والله انتي بقيتي عصبيه شديد الايامات دي😂😂

#لو_تبتسم
بقلم رغد اسامة
-١٨-





يوم عيد ميلاد قيس صحييت وكلي حمااس وكان يووم سبت 😍😍صحيت قيس عشان يصلي و قمت سويت فطور كاااااااارب كدا و وبدينا ناكل وانحنا بناكل قيس قال لي الليله شنو قلت ليهو كيف يعني قال لي اليوم دا م بذكرك بشي؟؟ قلت ليهو برررري ليه في شنو قال لي انسي انسي و طبعا انا من جوا ميته ضحك قلت ليهو طيب😂😂😂❤️ فجاءه كدا تلفونو ضررب كانت دي أمو سلم عليها وكدا و قالت ليهو لازم لازم الليله نمشي ليهم وكدا قلت دي حسي خرررربتت علي كل الخطه لكن لازم نمشي عشان م ازعلها بعداك انا نظفته البيت و غسلت عدتي و قلت خلاص اجهز و نمشي ليهم حسي و بعد نرجع اشوف حسوي شنو المهم لبسنا انا وهو و طلعنا ليهم مشينا قعدنا اتونسنا معاهم وكدا و كانت معاهم لارا🙂🙂 م علينا منها قام قيس قال مصدع شويه حينوم شويه في غرفتو و طلع فوق وبقينا انا و خالتو و لارا برانا في الصاله قلت ليهم الليله عيد ميلاد قيسس خالتو قالت لي اي عارفين لكن ليه ما سويتي ليهو شي قلت في سري هو انتي خليتي لينا شي فرصه نلحق نسوي شي😂😂❤️ قلت ليها كنت عايزه ارجع البيت واسوي شي لكن الوقت حيتاخر وانا اصلا كنت متفقه مع نور و راجلها نسوي ليهو مفاجاة قامت لارا قالت لي عندي ليك فكره انتي امشي مع نور و ظبطي الوضع اصلا قيس يكون نايم في غرفتو حسي قلت ليها بالجد😍😍قالت لي جاده معاك بس سرعي قلت ليها شكرا ياخ قمت ضربت لي نور قلت ليها يلا تعالو اخدوني من بيت ناس خالتو نجلاء عشان نشتري الحاجات و كدا قالت لي والله يا نغم انا متوجحعه شديد و ما قادره أتحرك من السرير لكن امجد يمشي معاك قلت ليها لا لا خلاص خليهو مدام انتي تعبانه أكيد حتحتاجي ليهو إذا بطنك وجعتك ولا حاجه قالت لي لا لا يا بت خليهو يجي يساعدك اصلا بشرب لي شي و ببقى كويسه لازم تخلي قيس مبسوط في يومو دا❤️❤️ قلت ليها خلاص طيب خليهو يجيني سرعه بالله وقفلت التلفون خالتو نجلاء قالت لي نور مالها قلت ليها شكلو متووجعه شويه عشان كدا امجد جاابني و حنمشي مع بعض قامت لارا ضحكت ليها ضحكه خبييثه كدا م ارتحت ليها اصلا انا م فاهماهم مالم الليله معاي🙂 لكن م اشتغلت بيهم كتير
امجد جااني و طلعت ليهو برا سلمت عليهو و وداني مكان لحاجات العيد ميلاد اشتريت الحاجات و التورتا حقتي واي شي و و مشينا البيت عشان نجهز البيتت وانا كنت متحمسه وفرحانه شديد عشان قيس حيعرف انو حيبقى اب💜

عند قيس: تلفووونو بضرب شديد لمن صحى من النوم مخلوع بعداك الخط قفل و جاتو رساله من نفس الرقم مكتوب فيها: خليك فرحان بمرتك كدا و مبسوط بيها وهي تجي تخوونك مرتك مع واحد حاليا و هم في بيتكم و م تستغرب الراجل المعاها دا بتعررفو شديد من فاعل خير💔 طبعا الوقت دا قيس عيونو بقت شرار و صحى و طوالي نزل سال مني خالتو نجلاء قال ليها نغم وين قالت ليهو يا ولدي نغم قالت زهجانه و دايره ترجع البيت و حتى في عربيه جات ساقتها قال ليها كيف يعني زهجانه و بعدين ليه ما كلمتوني وبقا يضرب لي كتير وانا تلفوني كان مغفول قام عصب شديد و شال حاجاتو و جرا على عربيتو و هو بين شاكك فيني وبين ما قادر يصدق بس في النهايه قال ل أكيد ديل ناس بلعبو ساي مستحيل تعمل فيني شي زي كدا

نرجع لي : انا و امجد زينا البيت و ختينا شمووعنا و التورتا و عملت الواطه بالورد ❤️ قام امجد قال لي يلا يا ستي انا طالع وانتي اضربي لي قيس يجي قلت ليهو شكرا ليك ياخ ما قصرت

عند قيس: وصل قدام البيت و شااف عربيه امجد قدام البيت اتخلع قال ياارب الشي ألفي بالي ما يكون صحيح انعل الشيطان يا قيس نغم بتحبك
وانا بسلم علي امجد قيس جا فاتح الباب اتخلعتا قلت ليهو قيس شنو الجابك حسي قال لي انا شنو الجانبي ولا انتو البتسو هنااا شنو براكم هاا و ما شاء الله ما شاء الله ما مقصرين جايبين تورتاتكم و شموعكم واي شي جاهز كان تعزمونا معاكم قلت ليهو قيس انت بتقول شنو قال لي اخر ما اتوقعتو منك يا نغم انا تخونيني انا سويت ليك شنو امجد قال ليهو انعل الشيطان يا قيس كيف الكلام د...... قام قيس ضربو في وشو بنييه قال ليهو انت تسكت خالص و بقا يضربو في وشو وانا خلاص انفقت بكى قلت ليهو قيس سيبو انت ما فاهم شي قيس زح منو وهو ما سامعني و لسه بضربو فالنهاية الا جيت بيناتهم و قلت ليهو قيس اسمعني انت ما فاهم شي قال لي افهم اكتر من كدا كيف تجيني رساله من رقم و تقول لي مرتك بتخونك واجي والقى مرتي قاعده مع راجل وبراهم و الشموع و الورد انت ليه سويتي لي كدا انا حبيتك يا نغم و عشقتك و كنت دايما معاك😭😭😭💔💔💔💔💔💔💔 قلت ليهو عارفه والله عارفه لكن انت فاهم غلط يا قيس خليني اشرح ليك انت كدا بتدهم الثقه البيناتنا وبعدين انت م بتقدر تتهمني بشي انت ما عندك ليهو دليل قال لي لقايت هنا و كفايه من بكرا ورقتك بتصلك و ما عايز اشوف وشك و طلع قلت ليهو ليهو قيسسسسسسسسس لااا😭😭😭😭😭😭 قام امجد طلع ليهو برا عشان يتفاهم معاهو بس هو مشى قام جاني قال لي قيسس دا فاهم غلط ربنا يهديهو انا طبعا بس

#لو_تبتسم
بقلم رغد اسامة
-١٩-





بعد اسبووع من الحصل دا وانا حالتي كانت متدهورة و بقيت ما بهتم بي و بالبطني كررهت الدنيا شديد و كرهت البيبي لانو و ما قدرت احبو عشان كدا ما اهتمين بيهو💔و كنت قاعده مع ناس نور و ما حبيت اكلم امي بالموضوع و لمن تتصل علي بقوول ليها مشغولين انا و قيس ما قدرنا نجيكم و بمشيها💔 طول الأسبوع ما شفت قيس حقيقه انا زعلت منو لأنو شك فيني و شك في حبي ليهو في يوم وانا ببكي شديد امجد قال لي نور الكلام دا ما بينقع انا الصباح حسوق نغم و نمشي لي قيس و نشرح ليهو البت دي كدا حتسقط ولدها ما ممكن نور قالت ليهو هو مدام ما عايز يفهم شي خليهو اصلا نغم ما محتاجه لواحد ما بقدرها و بحبها وكمان ما بثق فيها قال ليها اي صحي هو غلط بس كمان غلط مننا نسكت على وضع البت دي

الصباح امجد جاني و ساقني معاهو ما كنت حابه اشوف قيس وفي نفس الوقت عايزه اشرح ليهو الشي الهو ما قادر يفهمو مشينا ليهو في الشركه خبطنا ليهو و دخلنا قال لينا انتو بتعملو شنو هنا و بكل جراءه جايين قلت ليهو اسمعني يا قيس دي اخر مره أكلمك واشرح ليك أنا وأمجد ماف شي بيربطنا💔😭😭 قال لي خلاص خلصتي؟ جيت جنبو مسكت يدو وختيتها في بطني وقلت ليهو بحلف ليك بحياه ولدنا الما جا في الدنيا ما حصل بيناتنا شي قال لي شنووو انتي حامل؟؟ انت جاده انا حكوون اب قلت ليهو اي انا حامل منك قال لي انا ما قادر اصددق انتي حامل حاكون اب و اخيرررررررااا💜💜💜💜 قلت ليهو شايف فرحتك دي انا حفرحها لمن تصدقني وطلعت ليهو من المكتب❤️💔



بعدد تلاته شهور:
انا تلاته شهور ما شفت قيس بس كان بضرب لي يطمئن على البيبي و تلاته شهور مرو وا كانهم تلاته سنين حسيت فيها بالوحدده وعدم الأمان بس عدت لأني رضيت بالواقع و قلت إذا قيس ما عايز يصدقني ما حاترجاهو تاني واكمل حياتي لأني حبقى ام
و طبعا نور ولدت ولددد كيووت شديد 😍😍😍اسمو عبد الله
في يوم وانا قاعده في تلفوني كدا جاتني رساله في تلفوني من الشغالة حقت ناس خالتو نجلاء الكنت ساعدتها مره في اتكلمت معاي واتونست و قالت لي لازم اشوفك بكرا ضروري وطبعا الشمار كتلني😂😂😂💔 قلت الصباح المنشي نشوف هنايه مالها😂😂😂 بس قعدت اقلب ليك الفيس دا كلو و اشوف ليك الاستشارات من قروب ل قروب 😂😂😂😂لا خليت الردمية لا خليت الحاصل بي و الحاصل بيك ولا خليت زمامي و مكياجي😂😂😂😂😂😂 بعداك نمت
الصباح صحيت و سويت الشاي و قعدنا نتونس انا و نور والظهر كدا استحميت ولبس هدومي و طلعت اشوف الشغالة قعدنا في مطعم كدا قلت ليها اها الشمار شنو قالت لي انا كنت متأكده انك بريئه قلت ليها اه اصلا كدا كدا قيس ما عايز يفهمني قالت لي لكن ماف زول حيقدر يفهمو غيري قلت ليها كيف يعني ؟؟ قال لي انتي وقفتي في فخ دي نجلاء و لارا هم السبب قلت ليها كيف عرفتي قالت لي مره سمعتهم بتكلمو مع بعض في التلفون في الأول شكيت و تاني مره سمعتهم بس لتأكدت فقمت سالتهم مره و قالو لي اي انحنا الرسلنا رساله لي قيس وانحنا السبب و بعداك طردتني قالت لي وانا طبعا ذكيه كنت بسجل صوتهم و حسي معاي التسجيل قلت ليها ياااا ذكيييه ياخخخخ اي لوففف يووووو❤️❤️❤️❤️😍😍😍 قالت لي حسي الخطه انك تأخذي الشي و تبرئي نفسك من الفخ دا و ادتني التسجيل قلت ليها شكررراا شديد ولو محتاجه اني. ادعمك بي قروش و لا اي شي وريني قالت لي المعرووف السويتيهو لي زمانا قادر انو يوفي لانك ما خليتيني براي و ساعدتني 💔💔💔 حضنتها شديد و طلعت ركبت لي ركشه و مشيت شركه قيس لمن كنت واقفه جنب بابو اترددتا لانو قيس ما بستحق اني اشرح ليهو لكن قويت قلبي عشان يعرف اني أخلصت ليهو باي شي و خبط الباب ودخلت اول ماشافني كاااان متتغير شديد ضعف و ما حالق و شكلو مرهق قال لي نغم ؟؟ قالت ليهو اي نغم مالك مستغرب قال لي لو جايه تشرحي لي قلت ليهو اشرررح ليك؟؟💔 كانت مره واحد لمن اخترت اني اشرح ليك بس انت ما سمعتني بس المره دي عندي دليل اني بريئه وقبل تشوف الدليل عايزاك تعررف اني لآخر لحظه في حياتي حفضل احبك انت و عمري ما فكرت اخوننك و سمعتو التسجيل 💔 الوقت دا هوو بس كانو بيطعن بسكينه💔 قال لي دي امي؟؟ انا ما قادر اصددق في شنو يا نغم دي امي ؟؟ امي البثق فيها امي المستحيل افكر انها تطعني من ظهري دي هيي؟؟ ولا انا الغبي الصدقت اي شي انا الما حاولت اسمعك قلت ليهو ل هنا وكفايه مش انت الابيت تفهمني قال لي نغم انا اسسسسف والله اسسسف انا غلطتا في حقك انا ما سمعتك ولا قدرتك قلت ليهو انت لو بتشك فيني ما كنت اتهمتني بسبب تافه كدا و شلت شنطتي و طلعت و ركببت ركشة حقيقة صحي انا كنت ببكي بس من جووا كنت فرحانه لأني قدرت اثبت برائتي ليهوو

#لو_تبتسم
بقلم رغد اسامة
-٢٠-





رجعت البييت و طواللي دخلت الغرفه اتذكرت اي شي حصل بس من بدايه المشكلة و الكف و الحاله ألانا عديت بيها 😭❤️💔💔💔💔💔💔 بعداك قلت حررام على البيبي الجواي دا زنبو شنو في دا كلوو مستتتحيل انا أكون ام كعبه كدا انا كدا حولد شعور الكراهية و عدم الأمان جوا ولدي نفس الاحاسيس الكنت بحسها تجاه امي زمااان 💔💔 قلت اني لازم ابدا حياااتي من غيير بكا و مشيت صلييت لي ركعتين كدا و نمت شويه

المغرب نور جات صحتني قالت لي يابت قوومي آكلي قلت ليها طيب بس دايره احكي ليك الحصل لي الليله قالت لي احكي حكييت ليها القصه كلهااا وبعد انتهييت قالت لي ااحيييييك مرآة والنسوووان ورا 😂😂😂احييي انا احييك على الشجااعه😍❤️ كويس الما اديتيهو فرصه قلت لي خلاص يابت أرح ناكل اصلا لمن يفتحو معاك موضوع ما بتسكتي منو 😂😂😂 وطللعنا في الصفرره ناكل امجد لمن شافني قال لي اوووووووووو هناييه خلاص نفسياتها راحوو وجايه تأكل معانا في الصفرره😂😂😂😂 قلت ليهو وانت كنت مستنيني اكل معاكم ولا شنو😂😂😂😂 قال لي صراحة اصلا ما كنت شغال بيك كتير كنت باكل الحمد لله😂😂😂😂😂 قلت ليهو انت حاسد والله قال لي الشكر لله😂😂😂😂 وقعدنا ناااكل و بعد خلصنا رفعنا الاكل و سويت شاي و قعدنا نتونس

قام الجرس ضرب امجد مشى فتح الباب و كان دا قيس امجد قال ليهو انت عااايز شنو تاني مننا قيس قال ليهو امجد انا اسسف شديد والله كانت لحظه غضب امجد قال ليهو وأخيرًا عرررفت غلطك صح لكن ما تعتذر لي اعتذر لي نغم و قيس دخل اتفاجات و قلت ليهو انت الجابك هنا شنو انت عايز شنو ؟؟ قال لي انا اسسسف يا نغم ارجعي لي قلت ليهو خليني في حالي يااخ كرهتني حيياتي زي ما انت خليتني انا حسي بتخلى عنك قال لي و ولدنا يا نغم ما تحرميني منو قلت ليهو احرررمك؟؟؟ انت الحرمت نفسك منووو و دخلت الغررفه كل ما احاول انسااهو برجع تاني يذكرني😭💔💔💔
عدا اسبووع على الحاله دي و شويه اتحسنت بس قيسس حالتو كانت كعبه على حسب ما سمعت ، دايما بيحاول يررجع لي و يتصل علي و يجي البيت بس انا ما كنت قادره أتخطى المشكلة دي نهائي💔💔

امي ضربت لي و قعدنا نتونس كدا قامت قالت لي والله اشتقنا ليكم شديد ياخ عشان كدا بعد بكره حنعمل لمه كدا ظرريفه تجو انتي وقيس و ناس نور وكدا قلت ليها شنو انا و قيس قالت لي مالك اتفاجاتي قلت ليها ماف شي لكن قالت لي ولا لكن ول شي حنتلمى يعني حنتلمى و قفلت الخط قلت الليله أنا اسووي شنو مشيت كلمت نور قامت قالت لي عمتوو ماله قال 😂😂 قالت لي عندي فكره لكن ما حتعجبك قلت ليها شنووو قالت لي بس اضربي ل قيس و كلميهو و مثلو أنكم ماف مشاكل بيناتكم قلت ليها شنووو انا و قيس مع بعض؟؟ والله دا الفضل قالت لي خلاص عنك قلت ليها لكن امي حتزعل شديد إذا عرفت المشاكل البيناتنا قالت لي عشان كدا اضربي ليهو و اعزمي و بعد فتره كدا لازم عمتو حنان تعرف يا نغم قلت ليها خلاص طيب لكن انتي الحتضربي ليهو لأني ما طايقه اسمع صوتو قالت لي اي اقعدي ادلعي كدا لقايت ما واحده تجي تشلبو منك😂😂 قلت ليها الدايراهو تجي تتهنى بيهو قالت لي بيني وبينك الكلام دا ما من قلبك صح يا نغم💔 قلت ليها لو كان سالتيني السؤال دا زمان كنت حقول لي اي ما م من قلبي لكن حسي خلاص اي شي بينا انتهى يا نور

الصباح بعد صحينا نور مرقت امجد الشغل وانا وهي قعدنا نتونس كدا قامت قالت لي واااي نسيت اضرب لي قيس و جابت تلفونها و ضربت ليهو اول ما ردا ليها بعداك رجع ليها سلمت عليهو و ورتو الحاصل طبعا هو ما صدق و طوالي وافق قفلت منو وقالت لي هنااااي شكلو أتحمس شديد😂😂😂😂😂 قلت ليها شكلو كدا قمت دخلت المطبخ و جهزت الغدا لمن امجد جا اكلنا و اتونسنا و بعداك اي زول دخل غرفتو❤️

#لو_تبتسم
بقلم رغد اسامة
-٢١-







يوم الخميس العصر كدا قمنا نجهز حاجاتنا سوينا لينا كم صنف كدا و جهزت اول شي كنت لابسه عباية سودا نور اول ما شافقتني قالت لي اعود بالله من الشيطان الرجيم مالك عامله زي المرأ الراجلها ميت 😂😂😂 قلت ليها استهتار واضح جدا باستايلي قالت لي استايل شنو ي ام استايل انتي😂😂😂 خشي خشي تعالي النوريك الاستايل الحقيقي قلت ليها نور ياخ انا ماشه كدا قالت لي والله تمشي كدا انا ما ماشه قلت ليها يا بت استغفري ربك العباية مالا قالت لي انتي دايره أمك تقول شنو يا نغم قلت ليها خلاص حغير ياخ غياظه دي ودخلت أغير لبست فستان مرقه عادي وختيت لي شويه روج و ماسكرا و طلعت نور قالت لي ايوه كدا 😍😍 انا ضربت لي قيس قال لي هو قريب من البيت قامو ناس نور وأمجد سأقو البيبي حقهم و طلعو وانا طلعت استينيتو جنب الباب اول ما جا قلت ليهو لا احسن كااااان تتأخر ذياده قال لي معليش بس كان في زحمه عجيبه قلت ليهو اي صدقتك و ركبت ألعربيه ب ورا قال لي انتي المفروض تقعدي جنبي هنا قدام قلت ليهو ما يخصك😒 قال لي انحنا اتفقنا اننا ما نبين لي شي قدام امك لكن بحركاتك دي حتخليها تحس ( مستفز لدرجه🙂🙂) قلت ليهو خلاص فهمنا ما تقعد تقول نفس الشي كل مره 😒 و قعدت جنبو قال لي على فكره طالعه حلوه الليله❤️ عاينت ليهو فوق لتحت و سكتا 🙂🙂✋🏾😂

وصلنا البيت و دخلنا اول ما شفت امي جريت عليها و حضنتها💔 لأني بالجد اشتقت ليها واشتقت لحضنها و ريحتها و حنانها💔💔❤️ و سلمت علي عمو بكري و سحر جاتني بورا و حضنتني قالت لي مفاجااااااااأه 😍😍😍😍😍 قلت ليها سحوره جيتي من البلد متين ياخ مشتاقين
بعداك جهزنا الاكل و اكلنا و قعدنا نتونس مع بعض و نحكي قصص و عمو بكري يحكي قصص عن قيس لمن كان صغير وانحنا نضحك😂❤️❤️ و شفت ضحكه قيس حسيت اني ممتلكه الدنيا و ما فيها و حسيت نفسي اتتتتغيرت بعد الليله دي و نفسياتي اتحسنو❤️ يمكن دا الشي الكنت فاقداهو في الفترة دي لمة الأهل و شوفت امي ❤️❤️ بعداك استئزنا و قمنا و كان لازم اركب مع قيس تاني😒 ورجعنا
الطريق كلو ماف زول فتح خشمو مع التاني ، لمن وصلني نزلت ولا قلت ليهو شكرا قام هو قال لي نغم عاينت ليهو قلت لي مالك قال لي وأخيرًا الليله شفت ضحكتك ❤️ اشتقت ليك يا نغم قلت ليهو طيب وانا اسري ليك شنو مش انت الخسرتني قال لي عارف والله عارفف قلت ليهو لو عارف ما كان حتسوي فيني الانت سويتو انت كسرتني جداا من غير ما حتى تسمعني انت ما اديتني فرصه اشرح ليك😔 قال لي طيب اديني فرصه اقدراصلح الماضي والله ما قادر اتخيل حياتي بدونك💔 قلت ليهو اديني فرصه افكر طيب قال لي بالجد قلت ليهو اي قال لي مستعد استناك العمر كلووو طيب قلت ليهو انا ماشه قال لي تصبحي على خير عاينته ليهو فوق تحت( انا ما عارفه انا عندي شنو مع التحميرات الفوق والتحت دي شنو😂😂😂😂😂)



تاني اليوم صحينا و كلعاده بعد نور طلعت امجد قعدنا نتونس قام الباب دقى مشيت افتح كانت دي لييييييييننننا 😍😍 قالت لي يا كلبه عرفناك زعلانه من قيس انا زنبي شنو 😂😂😂 قلت ليها لينننو والله الشووووووق بحر ادخلي ادخلي دخلت قام تاني الباب دقى قلت دا منو تاني وفتحتو كانت سحر قالت لي انا هاررربه من عمتو حنان دي اتخيلي نضفت بي المراوح قلت ليها بتبالغ معاك امي والله😂😂😂😂😂 قلت ليها خلاص السهرة اكتملت 😂😂قالت لي ليه في منو قلت ليها لينا جات و دخلنا قعدنا مع و فطرنا وقضينا يووم لذيذ ياااااخ اتزكرنا لمن كنا قاعدين مع ناس امي و الطلعات و المرقات و الونسه و القطيعه حقت بليل😂😂😂

#لو_تبتسم
بقلم رغد اسامة
-٢٢-




عدينا أسبوعيين كدا وبطني كبرت شويه❤️❤️😍 و انا قيس علاقتنا تقريبا شبه كويس بس لسه ما اعتبرت نفسي رجعت ليهو بس كويسين

في يوم بليل كدا وانا قاعده في بحضر في زي ألوان و مفوكسه في الحلقه😂😂😂 قيس ضرب لي و صحبتكم طبعا عامله فيها تقيله طنشت المكالمة لمن الفاصل يجي برجع ليهو😂😂✋🏾 بعداك تاني ضرب لي رجعت ليهو في الفاصل زي م قلتا😂😂 قال لي نغم انا تحت عمارتكم قلت ليهو و بتسوي شنو تحت قال لي تعالي دايره أقول ليك شي قلت ليهو قيس عايز شنو بالليل دا قال لي بس عايز أقول ليك شي مهم شديد قلت لي حسي وقتك قال لي سريع تعالي قلت دا مالو حسي و لبست توبي و نزلت ليهو تحت اول ما نزلت لقيتو شايل ورد و كيس كبيييير كدا و دبدوب و جزمه حقت بيبي قلت ليهو بسم الله الرحمن الرحيم دا شنو الجايبو دا قال لي ممكن تسكتي حابي انا أتكلم اداني الورد و الكيس و مسك الجزمة حقت البيبي و قعد في الواطه ❤️ قال لي نغمي حبيبتي وأختي مرتي واي شي حلو حصل لي اول شي حاابب أقول ليك اني بحبك والله بحبك وآسف على كل دمعه انا كنت في نزولها ❤️ انا ما عارف كنت حاسي بشنو ولا الشيطان لعب لي بعقلي و لا الشي الأكبر اقرب الناس لي هم الحرضوني💔 انتي عارفه يا نغم اني ما حصل عشت حياه فيها حنان و حب الا معاك ماف زول عارف طفولتي غيييرررك ماف زول عارف الحاجات آلانا عشتها كانت كيف😭 من بعد ابوي اتوفى انا ما حصل شفت حنان الأب كنت يشوف لي زول عندو أبو الا غيري مواقف كتيره حصلت لي و انا بكوون متمني يكون عندي اب يحميني و يحبني ويشيل همي اب يسألني انت كويس كان نفسي يكون عندي اب يفتخر بي بس ما كان عندي💔💔 وانا ما عايز الشي دا يحصل لي ولدي ما عايز ولدي يعيش نفس الشعور آلانا شعرتو💔💔 انا غلطان بس إذا الله بسامح انحنا منو عشان ما نسامح سامحيني 💔💔 لقيتو ببكي بقدر الاحزان الموجودة في العالم دا و من الاشتياق الفي قلبو 💔بيكبي من اواجعو دا ما قيس الانا بعرفو كان ببكي زي الطفل الضائع حسيتو ما ببكي عشان يراضيني حسيتو ببكي عشان بيحكي لي فتره من فتره حياتي الهو بحاول ينساها بس ما قادر 💔💔نزلت ليهو في الواطه قلت ليهو والله انا الأسفة اني خليتك تتذكر ايامك الحزينه ديك 😭😭💔 انا كمان ما كان عندي اب ولا ام في فتره من حياتي انا كنت انانيه لمن فكرت في نفسي بس💔 انا مسامحاك عارف ليه عشان انا ما عايزه شي يحصل لي ولدنا ولا يعيش زي ما عاشو اهلو💔❤️ قلت ليهو خلاص ياخ وقف بكى ، قال لي وانتي بتبكي ليه قلت ليهو عشان ما تميت المسلسل حقي بسببك🐸🐸😭💔😂😂😂😂😂😂 طبعا هو مات ضحك قال لي طيب بحبك ياخ.
بعد كم سهر جانا احلى بيبي سميناهو عثمان الأمين على اسم ابوي ❤️😍 و سحر و عامر عملو خطوبتهم بالجد فرحتا ل عامر انو قدر يبدا حياتو من جديد❤️ ونور طلعت تاني حامل😍و خالتو نجلاء رجعت الإمارات تاني بعد ما سامحناها❤️ و لارا عرسو ليها ولد عمها وبس كدا❤️

أحبُكَ ومهما تَماديتُ حتى
وجئتُّ إليكَ أغزو الدِيار
سَأغزُوكَ حَتماً طَوعاً وقَهراً
وألقيكَ أسراً وعَفواً وعُذراً
وأمحوُ المدارِ
#كسره🐸
الرووووايه دي حتكون من اكتر الروايات المقربه لقلبي❤️❤️😍 لأني حسيت اني عايشه معاهم حسيت اني بعرف نغم و بعرف قيس في حين انهم ناس من وحي الخيال❤️ يمكن دا الشي آلانا بحاول اجربو💜 آكون مع ناس و أتقرب منهم بس هم ناس ما موجودين💙

الروايه دي كتبتها عشان اثبت انو كلنا بشر و كلنا بنغلط
ماف زول احسن من التاني كلنا لي الله و إذا الله القادر يخلقنا و قادر يخلق اي شي جميل بسامح انحنا منو عشان ما نسامح وفي النهايه خير الخطائين التوابين ❤️(الشي دا ظهر في شخصيه نغم لمن سامحت قيس بكل برائة)
ما نحسد يخوانا والله الحسد دا شي ما بقدمنا لي قدام ❤️ الله زي ما ادا الزول دا الحاجه دي أكيد بدينا حاجه زيها بس نحنا بنكون م عارفين ولا مقدرين نعمتها و في النهايه الاعمال بالنيات زي ما شفنا في شخصيه (لارا)
اي شي بيحصل لينا يمكن لي خير أو يمكن الله خاتينا في اختبار بس انحنا ما عارفين و بنبدا نكره الشي دا بس بنكتشف انو لخير (زي حعامر كان بحب نغم من هو طفل بس لمن عرف انها ما بتحبه زعل و أتضايق بس لقى سحر الهي بتحبو من هو طفل)❤️
مرات الشيطان بحاول يلعب بعقولنا بس نحنا مفروض نكون اوعى من كدا و نحاول دايما نتحكم بأعصابنا ( قيس) و في النهايه حاولو كونو سعداء ما معروف الجايينا شنو ❤️❤️ وحبو انفسكم شديد ياخ
بالنسبة للاسم لو تبستم جاني لمن كنت بفكر في الشخصيات بالزات في شخصيه قيس،😂😂😂 لانو كان عصبي و بارد و مفتري😂😂😂

يلا سلام للروايه التانيه ، عايزه تعليقاتكم و ارائكم حتى لو م عجبتكم عشان اعرف ليه و احاول اصلح اغلاطي و شكرا❤️❤️

امها ده بحسسني بالعظمة والله حتى لو ما شايفة نفسي بالقدر العظيم ده عند البقية بس كفاية اشوف نفسي في عيون إيثار⁦ عباس❤️⁩
زعلانة وفرحانة لسببين في القصة دي💕😂

السبب المزعلني إنو اسراء اختي اول مرة ما تقرا لي ففقدتا تشجعيها 💔 وده لانها المرة دي طويلة وهي اتعودت على قصر الأجزاء 💕

مبسوطة عشان ايمان أختي اول مرة في حياتا تقرا لي 💕😂😂😂😂🔥

"من كان في قلبه لي شيئا من الحب فليدع لي ولصديقاتي 💕"

طلبين تانيين اسفة 😂⁦❤️⁩

متذكرين بطلة يوسفي الهوى صح!!؟بس املوها لي دعوات سمحه زيكم كده وما تنسوها من صالح الدعوات في الشهر الكريم إنو ربنا يجبر بخاطرها ويسعدها💕

ادعو لاخو صحبتي الشهيد باذن الله أحمد عادل ربنا يتقبلوا وينور قبره ويجعل الفردوس الاعلى نصيبو⁦❤️⁩

ما تنسوا الشهداء عليكم الله ادعوا ليهم شديد شديد⁦❤️⁩⁦❤️⁩

رمضان كريم ينعاد علينا وعليكم باليمن والصحه والعافية والبركات وربنا يرفع البلاء ويوفقكم يا السمحات ويجعل ليكم النصيب الحلوو من كل حاجه واي حاجه ما تنسوا *الله رب المستحيلات* 💕⁦🌸.

من قبيل أمي بتقول لي خلصتي ولا ما خلصتي وقالت ليكم بتها ما ح تكتب قريب الا تبقى كيكه 🔥⁦❤️⁩😂😂بالمعنى ده يعني😔💛💛💛💛💛
احضروا الفيديو ما تنسوا
#لو_حييين_بنتلاقى
#ابقوا_عافية
#بت_أدم

#حبوبة_السُرة_السمحة
بقلم ننس تمدين
-١٥-
💙

"أطلقت سوسن زغاريد متتالية عند وصول الجده إلى العروسان وبدأت مراسم الخطوبة.."

سوسن:ايييييوووووووووي يوووووي يوووووي

بدرية: ألف مبروك يا أولادي عقبال العرس والعيال

سماح:مبروك يا عروستنااا

زينب:الف مبروك يا عائشة ربنا يهينكم ويتم ليكم على خير

"تقدم الكثير من المعازيم بالمباركات لحسن وعائشة وتقديم الهدايا للعروس..قبل صالح جبين إبنته ثم همس لحسن بعدة كلمات في أذنه ثم أنفرد بعدد من ضيوفه وسط تلك الأجواء المبهجة"

حسن: مبروك علي بيك يا عائشة،الله يقدرني واقدم ليك كل السعادة والحب البقدر عليهم.

عائشة:.......

حسن:ههههه طيب طيب أنا عارف انك خجلانة مني وليك حق بس ولا يهمك أنا حاسس بكل كلمة عاوزة تقوليها لي.

"وقفت السُرة منحنية وسط "الحوش" ووجهت كلماتها لكل المدعوين والمجتمعين"

السُرة: اسمعوني..

خليل:سامعنك يمة

العم حسن: احكي يا أمي

السُرة:الحلال معروف والحرام معروف والفرز بينهم سااااهل والشاطر هو البغلط وبصلح غلطه،،والبليد هو البقول أنا ما بغلط،،السعيد هو الماسك في صلاته قووووي،،والتعيس هو الفارق درب ربنا ولاهي في الدنيا،،،العادات والتقاليد صنعوها جدودنا وحبوباتنا منها البتصلحنا ومنها البتضرنا،،زي ما كانت بتقول بت صالح الصغيرة الشلوخ والشك واللغم...

زينب:أذى جسدي يا حبوبة...

السُرة: اي الشي ده،،الاسرة سوا الصغيرة ولا الكبيرة هي المهمه ومهما لفيت ودورتا بترجع ليها،،وابوك تاج راسك وامك تشيلها بين عينيك،،والاخ عزوة وسند والاخت حنيييينة وقلبها عليك،،،والراجل ما بعيبو جيبه،،الراجل بتعاب بنقص دينه اول حاجه واخلاقه،،والمرة ما سماحتها في وشها،،سماحتها في تعاملها مع راجلها واهل راجلها واولادا،،والاخت منطقة أمان وبئر اسرار،،،والصحبة ما دايما غدارة،،،ويا قول ولدي حسن التلفونات ما كعبة هههه

"ضحك الجميع على جملة السُرة الأخيرة،،ومن ثم وقفت وسط أبناءها الأربعة وطلبت من حسن"إبن خالد" أخذ صورة جماعية لها مع أبناءها مخافة أن يأخذها الموت وهم لا يمتلكون لها صورة واحدة وهي تقف بينهم شامخه..."

حسن:يلا يا حبوبة اعملي علامة النصر لنا

السُرة: ودي كيف يا ولدي؟؟

حسن:كده يا حبوبة"وفعلها بأصبعيه الوسطى والسبابة"

السُرة:سمح اهاااا

"فعلتها السُرة وأبتسم أبناءها الأربعة وكما تمنت السُرة كانت الصورة رائعه بالفعل...💙"

"والآن.......تلك الصورة معلقة على جدار غرفة ما في منزل الشيخ صالح الأمين وحوله أبناءه وأحفاده يجلسون على مفارش وُضعت على أرضية تلك الغرفة وهو يقص عليهم قصص والدته السُرة...رحمه الله عليها....💙"

"14 يونيو 2020"

_احم احم كل قصة بكتبها نهايتها برغي كتيييييررر شديد شديد فالمرة دي اخترت ما ارغي

_اخترت أشوف الرغي حقكم انتوا والحاجات اللي طلعتوا بيها من القصة دي.

_شاكرة ليكم على حسن المتابعة والصبر وشاكرة لكل زول قرأ القصة وعلق تعليق حلو او انتقاد بناء ولكل زول اداني دافع عشان اواصل فيها ووراني قدر شنو نمطها حلوو،،شكرا بحب💙

الشكر موصول الى الحبوبة :- زهرة عمر يعقوب💙

#إيناس_آدم
#ننس_تمدين

#لو_حيين_بنتلاقى💙

_لو كان مجتبى محلها..كنتي ح تتصرفي كيف؟!. كنتي ح تقنعي نفسك بأي عذر..كنتي ح تكوني قاتلاهو حي وميت..لو كان مكانها..ح أعاين لنفسي كيف..حرمت ولدي من ابسط حقوقه..حرمته من أكتر حاجه روحه ونفسه فيها...يارب الحمد لله نورت بصيرتي قبل فوات الاوان..!

"أبوهو"

_كنت دايما ضده..ما ف مرة سمحتا ليهو يقول رأيو..ولا مرة حسستوا أنك بتريدوا من جوه قلبك..بتقسى عليه عسان قلبه يبقى حجر ويقدر يعيش في الدنيا أسد!!..ليه ما كنت أب حنون. ليه ما كنت اب داعم..رغم أنه ولا مرة ما قصر اتجاهك..ليه كنت اناني..ما تقنع نفسك إنو مصلحته يقرأ حسب رغبتك..مصلحه شنو!؟..أنت عاوز تتفشخر بيهو قدام اخوانك و اولاد اخوانك والاسر التانية..لو كان محل البت دي..كنت ح تعمل شنو..ح تعيش كيف وانت جواك احساس كبير بالذنب اتجاه ولدك!؟

"أبو إيناس"

_ضربتها عشان مصلحتها!!..قريتها إدارة عشان مصلحتها..حولتها من جامعه لجامعه عشان مصلحتها!؟..لا يا آدم كلو كان عشان مصلحتك..عشان مكانتك الاجتماعية..عشان يقولو قرا اولادو احسن قراية..إيناس لو كانت محلها..كنت ح تعمل شنو!؟..ح تتصرف كيف!؟..ظلمتها انت ظلمتها بقوانينك العسكرية والضوابط..أنت ظالم..قتلت بتك وهي بتتنفس..

"أبو مجدي"

_قُعادي معاهو بتعد بالاصابع..ماف مرة احتاجني لقاني فعلاً..طوالي مشغول عنه طوالي ما فاضي..فيها شنو لو كنت قعدتا مع ولدك!؟..فيها شنو لو يوم واحد سألتو عن اهتماماته..مواهبه..فيها شنو لو يوم واحد بس حسسته إنو قلبك عليه..فيها شنو!؟..طول الوقت بعيد منو..ولمن قرر يقرأ..أنت بيدك مليت الاستمارة..لو كان محلها!؟..كيف كنت ح اتعايش مع إحساسي بالتقصير ناحيته..!؟

"إدريس"

_فيها شنو لو كان سكتا وما فتنتها مع امها..أنت عملت شنو غير انك عقدت المواضيع..خربت علاقة البت وامها اكتر ما هي مخروبة..كلو عشان زيادة في المرتب!؟..يطير المرتب ياخ يطير..عمرها ما قللت من شأنك..كانت ألطف ما يكون

"فاطمة"

_فيها شنو لو كان خلوا اولادهم على راحتهم على مزاجهم..فيها شنو لو كانوا أحن عليهم من الغريب..فيها شنو لو اظهروا ليهم حبهم قبل فوات الاوان..اااخخخ يارب تلطف بيهم💙..لطفك وسترك..يارب سلِم...!

"على لساني"

انا في حضن محمد اخوي ببكي بحرقة..
مجتبى ابوهو وأمه ماسكنه من الجهتين..
مقداد تاكِل راسه على الحيطة بين وعد وعمر..
مجدي ماسك في يدين خالتو فاطمة زي الطفل. ابوهو بعاين ليهو..

أمي وابوي بعاينوا متأثرين ومتحسرين على مناظرنا

"ليالي في غرفهه العمليات..بين الحياة والموت💙💔"

كُسٍر ظهرُنا..لم نعد كما كُنا في السابق
نرى التوابيت مفتوحة على مِصرعيها نُصب أعيننا..

أنحن نحتضر!؟

نعم أيها السادة نحنُ نحتضر..

دماء أحلامُنا رسمت خارطة الطريق

أزقة مليئة برائحة الموت..

شياطين هناك!!

ملك الموت ينادي هلموا هلموا

نفقد ذواتُنا
نرى أقراننا يتسللون إلى الداخل

الهاوية تجذِبُنا بشدة..

نحنُ أصحاب الأبداع وهذة قصتنا💙..!

~نهاية القصة الثالثة من سلسلة وخز الدبابيس~
#إحتضار

الشُكر كل الشكر ليكم على حسن المتابعهه
شكراً للرفيقات..بالاخص الرفيقة إيثار عباس💙

#لو_حيين_بنتلاقى💙
#النهاية
#إيناس_تمدين