#ديسباسيتو
-٤-

#خياليه100%😍

كنت بتثائب ونعسسسانه نعس موبالغه..
بسس عمتو جاتني وقالت لي ارح العشاء ❤..رفضته من البدايه بس اتضطريت اوافق لانها أصرررت علي 💔..
قعدنا في السفرة انا وابوي وعمتو ..معانا بتها انصاف و في 3 اولاد كدا..وابوهم ..

عمتي قالت وقت شافتني مستغربه : دا عمك أمير ..( عمو أمير راجل من شكلو كده ممكن تقولو الأبوة تمشي علي قدمين..طول وقوام و غير كده ..هيبه و وقآر عجيبات ملامحو جذابه ..لونو قمحي وعمرو آواخر الخمسينات كده )

وقالت : وديل اخوانك ي بتي..أشرف ولدي الكبير ( اشرف كان اخدراني ..طويل ..وسييييم وحلات الدنيا عليهو..عمرو 27 سنه..)

وتاني قالت : دا أمجد سيد الكلب..وكلهم ضحكو..طبعآ اتغظته منو غيظة الجن !!
) امجد من شكلو كده ولد نابغه..طويل و نحيف..بشبه اختو انصاف بس حلبي..قلته نابغه لانو لابس النضارة البقولو عليها (تاب) ولة (آي باد م عارفه ).الموهم..امجد ممتحن تالت علمي شايل هندسيه ..عمرو 17 )

وآخر العنقود حمودي ( حمودي لزيز ياخ..دا القال : ماتت ي اوومي ؟) بقرا ف اولة اساس.عمرو 9 سنه . حلاتو والله )
من شكلهم كده عائله مترابطه..حلوين شدييد والله..وغير كده..كلهم حرفهم واحد !! ودي أحلي حاجه ياخ !!

❤❤❤

طول العشاء كانو بتونسو وبضحكو..ابوي كان فرحان وبضحك فيهم..طبعآ م اتعرفته عليهوو..
بس عرفته انو ابوي زاتو فاقد الجو الأسري دا !!
كنت سرحانه وقطع سرحاني عمو امير : وانتي ي ترتيل حتنزلي متين الجامعه ؟

قلت ليهو بصوت وااطي : بكرة ان شاء الله..وعاينت لي ابوي عشان اشوف رأئيو

هو زاتو قال: اي ..لانو حأسافر بعد بكرة..

عمو أمير : يا زول استهدي بالله..متين جيت انت !! اقعد لف البلد شويه

ابوي : والله بتمني ..بس عندي مشاغل واقفه لي في برزخ الحلق ( المصطلح دا ابوي سرقو طبعآ من نوال استاذة الاحياء طبعآ هههععع )
آماني : الشغل حيطير هو ؟؟ اقعد عليك الله بالمرة أجهز ليك من حاجات الخريف تشيلا للعيال

ابوي : والله بكلم المدير ..لو وافق نقول خير

#كسرة
ع فكرة..ابوي شغال استاذ ثانوي..مدرسة بنين وكده ..بدرس فيزياء لكن وضعو المالي فوق الوسط بقليل وآدني من الممتاز بكثير ..)

بعد العشاء طلعته مشيت غسلته يدي..

بحلقته في الحوش وكان موبالغه..عندهم حمامات خارجيه جمب الباب..
وفي قطيه 😍.. كانت مضلمه ومقفوله م شوفته جواها عامل كيف ..وياهو.مغسله جمب الحمام اتوضيت فيها..

جيت دخلته جوه..

يلا عندهم صاله شكل (L)
فاتحين فيها الغرف..
و فيها غرفة الجلوس

بيتهم حلو وبسييييط ومن تدخلو حتحس بالآمان والجو الأسري المترابط...انا لغاية بدا يجيني احساس عدم الغربه 😇
...
عمو آمير وابوي وعمتو آماني قعدو يتحاججو كداااااا
ابوي اقنعهم في النهايه غايتو..ابوي دا عنييد م تشوفوهو كدا ☹☹☹

💙💙💙💙

الساعه 11:34م ي داب حتي رقدنا عشان ننوم ..
طبعآ جنس ونسه !!" انسو بس ..

يلا ي داب اتذكرته انو عندي تلفون زنقه زنقه وانو مقفول في غياهب الظلمات..اقصد شنطتي

طلعتو ولقيت #دوخشششششمية مكالمه من ميرو حبيبتي..ومن اخوها هشام زفت الطين..
عندي (كوريت )اريبا عمرو جنيهين سنه طلعتو وكشطتو ..
نزلته حاجاتي واستنيت الرساله تجي
انصاف : طبعآ الا تستني 12 تجي عشان تعملي الخدمه

قلت ليها : لييي ؟؟؟؟

عشان تستفيدي من المقبايت ..

طبعآ الضحك شرطني..قلت ليها وانا رافعه زنقتي : مقبايت مين والناس حايمين هعععع عايذه اسلم لي صحبتي وخلاص

انصاف استغربت من تلفوني بس سكتت

💙💙💙

رنه الجرس الأول..ماف رد ..التاني ماف رد ..التالت عايز يرن بس اميرة حلفت عليهو قسم وردت بي صوت عالي تغشعر له الأبدان : انتييييي يا وسخه ي داااب اتذكرتي انو في هبله هنا لازم تتصلي عليها واا تطمنينها !!!

قلت ليها : ميييييييييرو بصوت حنيييييين كده سكتت مسسااافه كده

وقالت : يخرب بيتك بتعرفي تمتصي الغضب ..ياخ مششششششتاقه ليك ياخ !!!!

وانا كمان ي حياتي ..والله تلفوني طشششه وانشغلته شويه ..اعفي لي ..

ميرو : هو انا بقدر ازعل مننننك بس ؟؟ بحبك وربي

💙💙💙

قعدنا نرغي ونرغي ونرغي..انصاف تعاين لي مرة ..وتضحك مرتين ...وتقرا تلاته مرات..

في نص الكلام قلت ليها : ما وريتك اخوك زفت الطين جاب لي شنووو الليله الصباح وانا في البص "!!! ..

ميرو : جاب ليك سنوووو❤❤❤

ضب !! ي اميرة ضب !! اخوك عديم الهارت هدا لي ضب !!

ميرو قعدت تضحك وتضحااااك ..عاوزه تقول حاجه بس الخط فصل..
عاينت في الشاشه لقيتها 12:5 دقايق ..
ااخ ي دنيااا..

انصاف وبي باقي ( ضوحيكات) في ثغرها : انتهت ؟
هزيت راسي بمعني اي 😐😐😐💔💔💔

طوالي ابتسمت ابتسامة وردية فاقع لونهاا ورفعت تلفونها وطبزتو تمام..مدتو لي : هاك انا عملته خدمته..

طبعآ حبيييييتها ياخ..

اتصلته علي اميرا اتونسنا زي نص ساعه كده..وقفلته منها ..
بعدها نومته وم حسيت بي حاجه ..

💙💙💙

الصباح صفصف صحتني ( اي صفصف انتو مالكم موش بت ع

متي ؟؟ ☹☹☹☹)

ترتيل اصحي ..خالو الطيب قال اجه

#ديسباسيتو
-٥-

قلت ليهو : انت طالب جامعي ..خليك عندك أسلوب لو سمحته
ولا كأني بتكلم...رجع تاني يتكلم مع البت..
البت ي حليلا شكلها قايلاني دكتورة .عشان كده م اتجاوبت معاهو..وكانت بتعاين بنظرات خوف..وبترد ليهو بأبتسامات بنفسجيآ لونها (مجامله وكده هههه)

قلت ليهو بصوت قائد برتبة ملازم اول : قوم أطلع لي برة من قاعتي !
قال : ما طالع
طبعآ حير ام عقلي زاتو
قلت ليهو بجديه : انا ما قريت 5 سنه وحضرتة ماجستير ودكتوارة في لندن..عشان يجي يتحداني طالب فصعون من البيضه ما طلع !!
طبعآ انا زاتي صدقته اني دكتورة وهيييكا ههههعع

هنا الولد ي داب حسه انو اتورط ..بس كبرياءو اعجبني..ما فكر يعتذر...
لطش تلفونو وقام علي حيلو

بس آداني نظرة عوومري م حأنساها ..
خلتني اعرف اني فتحته حساب مع البنك الخطآ !!!!!

وهو جمب الباب قلت ليهم : معاكم ترتيل الطيب ..الدفعه السابعه..يعني برلومتكم ي سنايرتي

طيعآ حصلت لحظة صمممممت ..بعدها كلهم قعدو يضحكو وجو سلمو علي
وقعدو يقولو : برلومة برلمتنا نحن السناير ههههههه

يلا الولد داك بعد سمع كلامي طلع..وما شوفته ردة فعلو كانت عامله كيف...عشان اقدر احدد موقعي من الأعراب شنو ! ويا ورطتك يا بت الطيب !!!!!

💙💙💙

اتعرفته علي كم سنير كده...وبعد الاستاذ طلع من المحاضرة دخلته القاعه ..
اخترتة اوول بينش وقعدته فيه ...

جزء منهم بعاين لي ..وجزء آخر مشغل اغاني..والبعض يتونسسس..

فجآة قعدت جمبي بت عثولة كده..سألتني : انتي جديده ولة شنو ؟؟؟ لأني اووول مرة اشوفك.؟

قلت ليها : ايون..ي داب اول يوم لي..انا ترتيل الطيب

ردت لي : وانا وجن محمد ..اتشرفنا ي تويتي

ضحكته كدااا..وقلت ليها حلوة تويتي دي ..

هههه اها ساكنه وين انتي ؟؟؟

قلت ليها اصلآ من شندي..وجيت هنا قاعده مع عمتو....حيهم اسمو.....

قالت لي م بعاد شديد مننا..نحن في....

لكن م فتناك كتيير..اسبوعين بس..
-عليك الله ؟؟نحن في شندي البرالمه ي داب يوم الأحد..
قالت لي صح كل ولاية وكل جامعه بي نظامها ..لكن م تخافي بنساعدك
قلت ليها : شكررآ م بتقصرري..

وههكذا ...تعرفت علي صدييييقه 💙
اتعرفنا ع بعض اكتر..بعد عاينت لي ساعتها قألت لي :
ارح نفطر.المحاضرة التانيه لي الساعه 2:34م ..وهسي ي داب 11:34ص
قلت ليها حاضر
.مشينا ع الكافتيريا..كانت ملانه طلبه..
الشي الحيرني وحيرها انو الناس كلهم بعاينو وبوصفو علينا..
قلت اكيد بعلقو وبقولو دي منو الوحش الماشه معاهو وجن دي!!

فجآه في حد ناداها : وجن ..
اتلفتت عليهو كان شاب كده..وجيهوني وبشبها لدرجة انتظر وتآمل

وجن : ايوا

الشاب : خلصتي محاضراتك ؟؟

وجن : فاضل واحده لي 2:34م

قال ليها تمام وعاين لي : البت البرلمت السناير..كيفك ؟؟؟
ابتسمت ليهو في حين انو
وجن ضحكااات ..

الشاب : سيبي الضحك وتعالو كدي لحظة..ومشي ..
وجن : عملتي شنو انتي ههههه ارح كدي نشوف الحاصل

مشينا ورا الشاب وكنت بحكي ليها وهي تضحاااك قدرتها ..

لغاية وصلنا تحت شجرة خضراء وريف ظلهاا

كان فيها اربعه بينشات مرصوصين علي شكل مربع..

وفيها بتين معاهم تلاته اولاد بالأضافه لي الولد الساقنا

من شافوني قعدو يضحكو..عاد بقيت الفاضل سعيد الله يرحموو
.وقالو : برلومتنا اهلين بيك ..
سلمته ليهم والولد عرفني بيهم : حنان و اروي ..و احمد و كريم و شوقي

قلت ليهم : اتشرفنا ..وانا ترتيل

حنان : ايون عارفنك..تقريبآ كل الكليه بقت عارفاك هسي ههههه لكن حركتك ظريفه ياخ وماف حد سبقك عليهاا

..قلت ليها تسلمي كتير ..وقلت في نفسي زرافه تنطحك اشالله!

الولد داك قال لينا اتفضلو ..عاينت لي وجن هزت لي راسها بمعني اي

قعدنا معاهم ونتونس ساااي ..اتعرفته بيهم طلعو م كعبين غايتوو..

بعد شويه سمعنا صوت شمكله ( شكله)

كريم : دا مدريدي اكيد..جنو مشاكل جنا دا

كلهم اتلفتو علي اتجاه الشكله..

شوفتو الولد الأحرجتو في القاعه ؟؟؟ باااس ياهو ياهو

يلا هو واقف وشايل في يدو تلفون .والتانيه كباية عصير ...وفي واحد راكع ليهو عشان يديهو ليهو..

شوقي : ههههه البرلوم المسكين كاتمه فيهو..

طبعآ استغربته من المنظر ..واستغربته اكتر في ردة فعل الطلبه..
اتخيلته نفسي في العصر الجاهلي ..او في مسلسل هندي ! المهم واحده من حاجات التلفزيون دي

الود واقف وبقول بكل غطرسة : الحس الجزمة واﻷ غطستو ليك في الكبايه !

الولد : ي مدريدي عليك الله اديني تلفوني !! عليك الله !!!!!

ما إتكلم وبس آشر ليهو علي الجزمه ..
وأحلي شي انو الطلبه واقفين..جزء منهم استهجن الموضوع ..والآخر متكيييييف كأنهم بحضرو في مصارعه..

انا المنظر دا رجع بي ذاكرتي 10سنه ورا ..واتذكرته حاجه عومري م حانساها...( حأحكيها ليكم بس ذكروني عليك الله..حلاتكم انتو )

الولد البرلوم مسكين ..وطوالي عاين للجزمه بتاعت زفت الطين الاسمو مدريدي دا..
وبدا يدنقر راسو...والله م عارفه انا عملتها كيف واتحركته كده كيف بس

طوالي وبدون سابق إنذار.....

💙💙💙

يوم الجمعه