#صف_البنزين_23
ﺣﺒﻴﺒﺘﻲ ... ﺟﻬﺰﺗﻲ ﻭﻻ ﻟﺴﻪ ¿¿¿
ﺍﻱ ﺟﻬﺰﺕ ﺧﻼﺹ ..
ﻛﻨﺖ ﺟﻤﺐ ﺍﻟﻤﺮﺍﻳﻪ ﻭﺍﻧﺎ ﺑﺨﺖ ﺁﺧﺮ ﻟﻤﺴﺎﺕ ﺍﻟﻤﻜﻴﺎﺝ ... ﻻﺣﻈﺖ ﻷﻧﺒﻬﺎﺭ ﺷﺎﻫﻴﻦ ﻭﻫﻮ ﺑﺴﺄﻟﻨﻲ ﻟﻮ ﺟﻬﺰﺕ ﻭﻻ ﻟﺴﻪ ...
ﻟﺒﺴﺖ ﻓﺴﺘﺎﻥ ﺑﺄﻛﻔﺎﻑ ﻃﻮﻳﻠﻪ ﻟﻐﺎﻳﺔ ﺍﻟﻤﻌﺼﻢ ﺑﺎﻟﻠﻮﻥ ﺍﻟﺮﺻﺎﺻﻲ .. ﺍﻟﻴﺎﻗﺔ ﻓﺮﻧﺴﻴﻪ ﻣﻊ ﻃﺮﺣﻪ ﺑﺪﺭﺓ ﺳﻮﺩﺍﺀ ﺑﻮﺭﻭﺩ ﺭﻣﺎﺩﻳﻪ ... ﺷﻌﺮﻱ ﻛﻨﺖ ﻣﺴﺮﺣﺎﻫﻮ ﺿﻨﺐ ﺣﺼﺎﻥ ﻭﺭﺍﻓﻌﺎﻫﻮ ﻓﻮﻕ ﻭﻋﻴﻮﻧﻲ ﻣﻐﻄﻴﻪ ﺑﺎﻟﺨﺼﻞ ...
ﻗﻠﺖ ﻟﻴﻬﻮ ﺧﻼﺹ ﻣﻤﻜﻦ ﻧﻤﺶ ... ﻃﻠﻊ ﻋﻠﺒﺔ ﻣﻦ ﺑﺪﻟﺘﻮ ﻭﻓﺘﺤﻬﺎ ﻟﻲ .. ﻛﺎﻥ ﺳﻠﺴﻞ ﺭﻓﻴﻊ ﻧﻬﺎﻳﺘﻮ . ﻓﻲ ‏( ﺻﺮﺓ ﺑﻀﻢ ﺍﻟﺼﺎﺩ ﺯﻱ ﺍﻟﺒﺮﺑﻄﻮ ﺑﻴﻬﺎ ﺍﻟﻘﻄﻊ ﺍﻟﻨﻘﺪﻳﻪ ﻓﻲ ﻣﺴﻠﺴﻼﺕ ﺍﻟﻜﺎﺭﺗﻮﻥ .. ﺣﺠﻤﻬﺎ ﺻﻐﻴﺮ ﻛﺪﻩ ‏) ﻣﻦ ﺍﻟﻤﺎﺱ .. ﻋﺠﻴﻴﻴﺐ ﻭﺭﻫﻴﻴﻴﺐ ... ﻋﻴﻮﻧﻰ ﺭﻗﺮﻗﻮ ﺑﺎﻟﺪﻣﻮﻉ .. ﻗﺎﻝ ﻟﻰ ﻫﺸﺸﺸﺶ ﻣﺎ ﺗﺨﺮﺑﻰ ﻣﻜﻴﺎﺟﻚ .. ﺍﻋﺘﺒﺮﻯ ﺩﻩ ﻋﺮﺑﻮﻥ ﺍﻋﺘﺬﺍﺭ ﻋﻦ ﺍﻟﺸﻲ ﺍﻟﺤﺼﻞ ﻣﻨﻲ .. ﻭ ﻭﻋﺪ ﺍﻧﻮ ﻣﺎ ﺗﺘﻜﺮﺭ ﺍﻟﺤﻜﺎﻳﺔ ﻧﻬﺎﺋﻲ ..
ﺍﺑﺘﺴﻤﺖ ﻭﻃﻠﻌﺖ ﺍﻟﻌﻘﺪ ﺍﻟﻜﻨﺖ ﻻﺑﺴﺎﻫﻮ ... ﺭﻓﻌﺖ ﺷﻌﺮﻱ ﻭﻟﺒﺴﻨﻲ ﺍﻟﺴﻠﺴﻞ ﺍﻟﺠﺎﺑﻮ ﻟﻲ .. ﻭﻣﺎ ﻣﺤﺘﺎﺝ ﺍﻛﻠﻤﻜﻢ ﻃﻠﻊ ﻓﻴﻨﻰ ﻛﻴﻒ !!! ﺑﻌﺪﻫﺎ ﻣﺪ ﻟﻲ ﻳﺪﻭ ﻭ ﻭﻗﺖ ﺧﺘﻴﺖ ﻳﺪﻱ ﻓﻲ ﺇﻳﺪﻭ ﺑﺎﺳﻬﺎ ﻟﻲ ﺑﻄﺮﻳﻘﺔ ﻛﻼﺳﻴﻜﻴﻪ ﺧﻠﺘﻨﻲ ﺃﺣﺲ ﺍﻧﻲ ﺩﻭﻗﺔ ﻋﺎﻳﺸﻪ ﻓﻲ ﻣﺠﺘﻤﻊ ﺑﺮﻳﻄﺎﻧﻲ ﺑﺤﺖ ﻣﻦ ﺍﻟﻌﺼﻮﺭ ﺍﻟﻘﺪﻳﻤﻪ ..
ﺷﺎﻫﻴﻦ ﻛﺎﻥ ﻻﺑﺲ ﺑﺪﻟﺔ ﺑﺎﻟﻠﻮﻥ ﺍﻵﻭﻑ ﻭﺍﻳﺖ ﻭﺧﺎﺗﻲ ﻣﻨﺪﻳﻞ ﺍﺣﻤﺮ ﻓﻲ ﺟﻴﺐ ﺍﻟﺒﺪﻟﻪ .. ﻳﻌﻨﻰ ﻗﻤﺔ ﺍﻷﻧﺎﻗﺔ ...
ﻧﺰﻟﻨﺎ ﺗﺤﺖ ﻭﻛﻞ ﺍﻟﺤﻀﻮﺭ ﺍﻟﺘﻔﺘﻮ ﻟﻴﻨﺎ ﻭﻧﺤﻦ ﻧﺎﺯﻟﻴﻦ ﻣﻦ ﺍﻟﺴﻠﻢ ..
ﺍﻳﻮﺍﺍ ... ﺷﺎﻫﻴﻦ ﻋﻤﻞ ﺻﻔﻘﺔ ﻣﻊ ﺷﺮﻛﺔ ﺳﻴﺎﺭﺍﺕ ﻛﺒﻴﺮﺓ ﻣﺎﻟﻴﺰﻳﺔ ... ﻭﺍﻻﺡﺗﻔﺎﻝ ﻛﺎﻥ ﻓﻲ ﺍﻟﺒﻴﺖ .. ﻭﻛﺎﻥ ﺑﻀﻢ ﺣﺸﺪ ﻣﻦ ﺍﻟﻄﺒﻘﺎﺕ ﺫﺍﺕ ﺍﻟﻤﺴﺘﻮﻯ ﺍﻟﻌﺎﻟﻲ ﻭﺍﻟﻤﻜﺎﻧﺔ ﺍﻟﻤﺮﻣﻮﻗﺔ ..
ﺍﻟﻜﻞ ﺍﺑﺪﻭ ﻧﻈﺮﺍﺕ ﺍﻋﺠﺎﺏ ﻣﺎ ﺍﺧﻔﻮﻫﺎ ﻣﻦ ﻋﻴﻮﻧﻬﻢ . ﺑﺎﻟﺬﺍﺕ ﻋﻠﻲ ﺍﻟﻤﺎﺳﻪ ﺍﻟﻜﻨﺖ ﻻﺑﺴﺎﻫﺎ ... ﻛﻨﺖ ﻣﺘﺄﺑﻄﻪ ﺯﺭﺍﻋﻪ ﻭﻓﻲ ﻭﺷﻰ ﺍﺑﺘﺴﺎﻣﺔ ﻭﺩﻳﻌﺔ ..
ﺳﻠﻤﻨﺎ ﻋﻠﻴﻬﻢ ﻭﺭﺣﺒﻨﺎ ﺑﻴﻬﻢ .... ﻭﻧﺤﻦ ﻭﺍﻗﻔﻴﻦ ﺟﺎ ﻳﻤﺎﻥ ... ﺳﻠﻢ ﻋﻠﻲ ﺷﺎﻫﻴﻦ ﻭﺑﺎﺱ ﻳﺪﻱ ﻭﻗﺎﻝ ﻟﻲ ﻣﻨﻮﺭﺓ ﻳﺎ ﻣﺪﺍﻡ ...
ﻣﺎ ﺭﺩﻳﺖ ﻟﻴﻬﻮ ﻭﺑﺲ ﺍﻛﺘﻔﻴﺖ ﺑﺄﺑﺘﺴﺎﻣﻪ
ﺷﺎﻫﻴﻦ ﻛﺎﻥ ﺳﺎﻛﺖ ﻭﻣﺎ ﻗﺎﻝ ﺷﻲ ﻭﺍﻟﻜﻼﻡ ﺩﻩ ﺧﻠﻰ ﺟﺴﻤﻲ ﻳﻘﺸﻌﺮ ...
ﺍﻟﻌﺰﻭﻣﺔ ﻛﺎﻧﺖ ﻣﺼﺪﺭ ﺿﻴﻖ ﺑﺎﻟﻨﺴﺒﻪ ﻟﻲ ﻭﺍﻟﺤﻤﻞ ﻛﺎﻥ ﻣﺘﻌﺒﻨﻲ ... ﻳﻤﺎﻥ ﻭﺷﺎﻫﻴﻦ ﻣﺎﺭﺳﻮ ﻋﻠﻰ ﺍﻗﺴﻲ ﺍﻧﻮﺍﻉ ﺍﻟﻀﻐﻂ ﻭﺍﻟﻤﺮﺍﻗﺒﻪ ...
ﻭﺍﻟﻤﺸﻜﻠﻪ ﺍﻧﻮ ﺍﻟﻀﻴﻮﻑ ﻓﻲ ﺑﻴﺘﻲ ﻭﻣﺎﻑ ﻃﺮﻳﻘﻪ ﺍﻃﻠﻊ ﺍﺧﻠﻴﻬﻢ ...
ﻛﻨﺖ ﻗﺎﻋﺪﻩ ﻣﻊ ﺯﻭﺟﺎﺕ ﺯﻣﻼﺀ ﺷﺎﻫﻴﻦ ... ﺑﺘﻮﻧﺲ ﻣﻌﺎﻫﻢ ﺣﺒﻪ ﻭﺑﻄﺶ ﺷﺒﻜﻪ ﺣﺒﺘﻴﻦ ... ﺷﺎﻫﻴﻦ ﻭﻗﺖ ﻻﺣﻆ ﻋﻠﻰ ﺍﻷﺭﻫﺎﻕ ﻗﺎﻝ ﻟﻲ ﺍﻃﻠﻊ ﺍﺭﺗﺎﺡ ﻷﻧﻲ ﺣﺎﻣﻞ ﻭﻛﺪﻩ ... ﻡ ﻛﻀﺒﺖ ﻃﻮﺍﻟﻲ ﺍﺳﺘﺌﺬﻧﺖ ﻣﻦ ﺍﻟﻀﻴﻮﻑ ﻭﻃﻠﻌﺖ ﻓﻮﻕ ..
ﺣﺎﻭﻟﺖ ﺍﻓﻚ ﺍﻟﺴﻠﺴﻞ ﻣﻦ ﻭﺭﺍ ﻟﻜﻦ ﻣﺎ ﻗﺪﺭﺕ ... ﻓﺠﺄﺓ ﺣﺴﻴﺖ ﺑﺰﻭﻝ ﻭﺭﺍﻱ ﻗﺎﻝ ﻟﻲ ﻋﺎﻭﺯﻩ ﻣﺴﺎﻋﺪﻩ ¿¡¡¡ ﻟﻜﻦ ﺍﻟﺴﻠﺴﻞ ﺭﻫﻴﻴﺐ .. ﺗﺼﺪﻗﻰ ﺍﻧﻮ ﻭﻗﺖ ﻋﺰﻟﻮ ﺍﻧﺎ ﻛﻨﺖ ﻭﺍﻗﻒ ﻣﻌﺎﻭ ! ؟؟
ﺍﻟﺘﻔﺖ ﻟﻘﻴﺘﻮ ﻳﻤﺎﻥ ¡¡¡¡
- ﻳﻤﺎﻥ ﺍﻧﺖ ﺑﺘﻌﻤﻞ ﻫﻨﺎ ﺷﻨﻮ ¡¡¡¡ ﺍﻧﺖ ﺟﻨﻴﺖ ¡¡
ﻳﻤﺎﻥ : ﺟﻮﺭﻱ !! ﺍﻧﺎ ﻣﺎ ﻗﺎﺩﺭ ﺍﺗﺤﻤﻞ ﻗﻠﺖ ﻟﻴﻚ !!! ﻟﻤﻦ ﻳﻠﻤﺴﻚ ﺍﻧﺎ ﺑﻐﻠﻰ ﻣﻦ ﺟﻮﻩ !!
- ﻋﻠﻴﻴﻴﻚ ﺍﻟﻠﻪ ﺃﻃﻠﻊ !!! ﺃﻃﻠﻊ ﻗﺒﻞ ﻣﺎ ﻳﺠﻰ ﺷﺎﻫﻴﻦ ﺍﻧﺎ ﻣﺎ ﻋﺎﻳﺰﻩ ﻣﺸﺎﻛﻞ !!
- ﺟﻮﺭﻱ ﺍﻧﺎ ﻣﺎ ﻃﺎﻟﻊ ... ﻭﻣﺎ ﺣﺄﻃﻠﻊ ﺇﻻ ﺑﻌﺪ ﺍﺳﻤﻊ ﻣﻦ ﺧﺸﻤﻚ ﺍﻟﺸﻲ ﺍﻷﻧﺎ ﻋﺎﻳﺰﻭ !
- ﻳﻤﺎﻥ ﺧﻠﻴﻨﺎ ﻧﺘﻔﺎﻫﻢ ﺑﺲ ﻣﺎ ﻫﻨﺎ !! ﺩﻱ ﻏﺮﻓﺔ ﻧﻮﻣﻲ !!
- ﻗﻠﺖ ﻟﻴﻚ ﻣﺎ ﺣﺄﻃﻠﻊ ﺍﻻ ﻟﻤﻦ ﺍﻋﺮﻑ ﺩﻩ ﻭﻟﺪ ﻣﻨﻮ !!! ﻭﺍﻧﺘﻲ ﺑﺘﺤﺒﻴﻨﻲ ﻭﻻ ﻷ !!
- ﻳﻤﺎﻥ ﺑﺘﺮﺟﺎﻙ ﺍﻃﻠﻊ "!! ﻳﺎﺭﺏ ﻟﻄﻔﻚ ﻳﺎﺭﺏ !!! ﻳﻤﺎﻥ ﺍﻧﺖ ﻧﺎﻭﻱ ﺗﺠﻠﻄﻨﻲ !!!
ﻭﻻ ﻛﺄﻧﻲ ﺑﺘﻜﻠﻢ ... ﻭﻣﺸﻰ ﺭﻗﺪ ﻓﻲ ﺍﻟﺴﺮﻳﺮ ﻭﺧﻼﻧﻲ ﻭﺍﻗﻔﻪ ﻣﺸﺪﻭﻫﺔ ...
ﻳﻤﺎﻥ : ﻛﻠﻤﺘﻚ ﻭﺍﺣﺪ ﻓﻴﻨﺎ ﺣﻴﻤﻮﺕ .... ﻭﺷﻜﻠﻮ ﺍﻟﻜﻼﻡ ﺩﻩ ﺍﻟﻠﻴﻠﻪ !
ﺍﻱ ﻭﻟﺪﻙ !!" ﻭﻟﺪﻙ ﺍﻧﺖ ﻳﺎ ﻳﻤﺎﻥ !!! ﻳﻼ ﺍﻃﻠﻊ ﻣﻦ ﻫﻨﺎ ﺍﻧﺎ ﺑﺘﺮﺟﺎﻙ ﻳﺎﺥ !!
ﻭﺍﻧﺘﻰ ... ﺑﺘﺤﺒﻴﻨﻲ ﻭﻻ ﻷ !! ؟؟
ﺑﺤﺒﻚ ... ﻭﺍﻟﻠﻪ ﺍﻟﻌﻈﻴﻢ ﺑﺤﺒﻚ ﺑﺲ ﻗﻮﻡ ﺍﻃﻠﻊ ﻣﻦ ﻫﻨﺎ !!!
ﺷﻮﻳﻪ ﻛﺪﻩ ﻣﻘﺒﺾ ﺍﻟﺒﺎﺏ ﺑﺪﺃ ﻳﻠﻒ ... ﻭﺍﻟﺒﺎﺏ ﺍﺗﻔﺘﺢ .....
ﺗﻔﺘﻜﺮﻭ ﻣﻨﻮ ؟؟؟؟
ﻣﺎ ﻋﺎﺭﻓﻪ ﺍﻧﺎ ..
****
ﺍﻟﻤﻌﺎﺩﻟﻪ ﺍﻻﺻﻌﺐ ... ﺍﺗﻨﻴﻦ ﺑﺤﺒﻮ ﺑﻌﺾ ﻭﺗﻔﺮﻗﻬﻢ ﺍﻟﻈﺮﻭﻑ ... ﻳﻔﺮﻗﻬﻢ ﺍﻟﻘﺪﺭ ﻟﻤﻦ ﻳﺮﺳﻞ ﻟﻴﻬﻢ ﺑﺸﺮ ﻣﺎ ﻋﻨﺪﻫﻢ ﺍﻱ ﺫﻧﺐ ﻏﻴﺮ ﺍﻧﻬﻢ ﻛﻤﺎﻥ ﺑﺤﺒﻮ ... ﺑﺲ ﺑﺤﺒﻮ ﺣﺐ ﻣﻦ ﻃﺮﻑ ﻭﺍﺣﺪ !!!
ﺍﻟﺤﺐ ﻣﻦ ﻃﺮﻑ ﻭﺍﺣﺪ ﻣﻦ ﺍﻛﻌﺐ ﺍﻧﻮﺍﻉ ﺍﻟﺤﺐ ... ﺍﻱ ﺍﻟﺤﺐ ﻋﻨﺪﻭ ﺍﻧﻮﺍﻉ ﺍﺳﺘﻐﺮﺑﺘﻮ ﻟﻴﻲ !!! ؟؟
ﺣﺎﺭﺓ ﻟﻤﻦ ﺗﺤﺐ ﺯﻭﻝ ﻭﻣﺎ ﻳﺒﺎﺩﻟﻚ ﺍﻟﺸﻌﻮﺭ ... ﻟﻜﻦ ﺑﺮﺿﻮ ﻣﺎ ﺯﻱ ﺗﺤﺐ ﺯﻭﻝ ﻭﻳﻤﺜﻞ ﺍﻧﻮ ﺑﺒﺎﺩﻟﻚ ﻧﻔﺲ ﺍﻟﺸﻌﻮﺭ ﻭﺑﻌﺪ ﺩﻩ ﻳﺨﻮﻧﻚ !!! ﻻ ﻭﻣﻊ ﻣﻨﻮ !!! ﻣﻊ ﺃﻗﺮﺏ ﺯﻭﻝ ﻟﻴﻚ !!
# ﺍﻟﻠﻬﻢ _ ﻗﻮﺓ
ﻣﺪﺍﻡ .. ﺟﻴﺖ ﺍﺷﻮﻑ ﺍﺫﺍ ﻋﺎﻭﺯ ﺣﺎﺟﻪ ﻋﺸﺎﻥ ﺳﻴﺪ ﻗﺎﻝ ﺍﻧﺖ ﻋﻴﺎﻥ
ﻻﻻ ﻣﺎ ﻋﺎﻳﺰﻩ ﺷﻲ ﻳﺎ ﺗﻨﻮﻳﺮ ﻛﺘﺮ ﺧﻴﺮﻙ .. ﺍﻣﺸﻰ ﺷﻮﻓﻰ ﺷﻐﻠﻚ ..
ﺣﺎﺿﺮ ﻣﺪﺍﻡ
ﻗﻔﻠﺖ ﺍﻟﺒﺎﺏ ﻭﺍﻧﺎ ﺑﺘﻨﻔﺲ ﺍﻟﺼﻌﺪﺍﺀ ﺑﺼﻌﻮﺑﻪ ... ﻳﻤﺎﻥ ﻭﻗﻒ ﻗﺪﺍﻣﻲ ﻭﻗﺎﻝ ﻟﻲ ﺍﻟﺒﺤﺐ ﻣﺎ ﺑﺨﺎﻑ ﻳﺎ ﺟﻮﺭﻱ .. ﺍﻧﺎ ﻣﺴﺘﻌﺪ ﺍﻧﺰﻝ ﺗﺤﺖ ﻭﺍﻗﻮﻝ ﻟﻠﻨﺎﺱ ﻋﻦ ﺍﻱ ﺣﺎﺟﻪ ... ﺍﺣﻜﻲ ﻟﻴﻬﻢ ﻣﻦ ﻳﻮﻡ ﻗﺎﺑﻠﺘﻚ ... ﻭﻛﻴﻒ ﺣﺒﻴﺘﻚ ﻭﻛﻴﻒ ﺧﻄﺒﺘﻚ ... ﺍﺣﻜﻲ ﻟﻴﻬﻢ ﻋﻦ ﺗﺠﻬﻴﺰﺍﺗﻨﺎ ... ﺍﺣﻚﻱ ﻟﻴﻬﻢ ﻋﻦ ﺍﻟﻈﺮﻭﻑ ﺍﻟﻤﻨﻌﺘﻨﺎ ﻣﻦ ﺍﻟﺰﻭﺍﺝ ¡¡¡ ﻧﻔﺴﻲ ﺍﺣﻜﻲ ﻟﻴﻬﻢ ﻟﻴﻠﺘﻨﺎ ﺍﻟﻠﻔﻲ ﺍﻟﻴﺨﺖ ...
ﺧﺖ ﻳﺪﻭ ﻓﻲ ﺑﻄﻨﻲ ﻭﻗﺎﻝ : ﻧﻔﺴﻲ ﺍﺣﻜﻲ ﻟﻴﻬﻢ ﻋﻦ ﺑﺘﻨﺎ # ﻓﺮﺡ ﺍﻭ ﻭﻟﺪﻧﺎ # ﻣﻨﻴﺐ
ﺩﻣﻮﻋﻲ ﻧﺰﻟﻮ ﻭﻗﻠﺖ ﻟﻴﻬﻮ : ﻳﻤﺎﻥ .. ﺷﺎﻫﻴﻦ ﻣﺎ ﻳﺴﺘﺎﻫﻞ ﻛﻞ ﺩﻩ !!! ﻛﻔﺎﻳﺔ ﺍﻧﻲ ﺿﻌﻔﺖ ﻭﺧﻨﺘﻮ ... ﺍﻧﺎ ﺍﺳﺘﺎﻫﻞ ﺍﻟﻤﻮﺕ ﻳﺎ ﻳﻤﺎﻥ !!!
ﺧﺖ ﻳﺪﻭ ﻓﻲ ﺧﺸﻤﻲ ﻭﻗﺎﻝ ﻟﻲ ﻫﺸﺸﺸﺸﺶ .. ﺗﺒﺮﻯ ﺍﻧﺘﻰ ﻣﻦ ﺍﻟﻤﻮﺕ ﻳﺎ ﻏﺎﻟﻴﻪ ... ﺻﺎﺡ ﻛﻠﻨﺎ ﺣﻨﻤﺶ ﺑﺲ ﻣﺎ ﺗﻘﻮﻟﻲ ﻛﺪﻩ ..
ﻗﺸﻴﺖ ﺩﻣﻮﻋﻲ ﻭﻗﻠﺖ ﻟﻴﻬﻮ ﺧﻼﺹ ﺍﻧﺰﻝ ﻋﻠﻴﻚ ﺍﻟﻠﻪ ...
ﺑﺎﺱ ﻳﺪﻱ ﻭﻗﺎﻝ ﻟﻲ ﺧﻠﻲ ﺑﺎﻟﻚ ﻣﻦ ﻧﻔﺴﻚ ... ﻳﻼ ﻋﺪﻳﻠﻪ

#ﺻﻒ_ﺍﻟﺒﻨﺰﻳﻦ

#كسره..
ﺟﻮﺭﻱ .. ﻏﻠﻄﺖ ﻭﻻ ﻷ ؟؟ ﻭﻣﻮﻗﻔﻜﻢ ﻣﻨﻬﺎ ﺷﻨﻮ ﺑﺎﻟﻀﺒﻂ ﻛﺪﻩ ؟؟

#ﺻﻒ_ﺍﻟﺒﻨﺰﻳﻦ
#اﻷﺧﻴﻴﻴﻴﺮﺓ !!
#اﻟﺼﻒ_ﺍﻟﺨﺎﻣﺲ_ﻭﺍﻟﻌﺸﺮﻭﻥ
#The_end_one
ﺑﻘﻠﻢ :
#fulla_Ali

ﺍﻟﺒﻨﺰﻳﻦ ﺍﻟﺒﻴﻨﺰﻭﻝ Benzene ﻫﻮ ﺳﺎﺋﻞ ﻋﺪﻳﻢ ﺍﻟﻠﻮﻥ،ﻗﺎﺑﻞ ﻟﻼﺷﺘﻌﺎﻝ، ، ﺗﺮﻛﻴﺒﺘﻪ ﺍﻟﻜﻴﻤﻴﺎﺋﻴﺔ ‏) C6H6 ‏( ﻭﻟﺬﻟﻚ ﻳﻜﻮّﻥ ﺣﻠﻘﺔ ﺳﺪﺍﺳﻴﺔ . ﺍﻟﺤﻠﻘﺔ ﺍﻟﺴﺪﺍﺳﻴﺔ ﻟﻠﺒﻨﺰﻳﻦ ﻫﻲ ﺃﺑﺴﻂ ﺟﺰﻱﺀ ﻓﻲ ﺍﻟﻜﻴﻤﻴﺎﺀ ﺍﻟﻌﻀﻮﻱ ﺍﻟﻌﻄﺮﻳﺔ ﻟﺬﺍﻟﻚ ﻳﻤﺘﺎﺫ ﺑﺄﻧﻪ ﺫﻭ ﺭﺍﺋﺤﻪ ﻗﻮﻳﺔ ﻭﻧﻔﺎﺫﻩ ... ﺣﺒﻴﺖ ﺍﺑﺘﺪﺉ ﺑﺎﻟﻤﺪﺍﺧﻠﻪ ﺩﻱ ﻋﺸﺎﻥ ﺣﺎﺟﺘﻴﻦ .. ﺍﻭﻻ ﻋﺸﺎﻥ ﻣﻌﻨﻰ ﺍﺳﻢ ﺍﻟﺮﻭﺍﻳﻪ
ﻭﺗﺎﻧﻴﺎ ﻋﺸﺎﻥ ﺍﻟﺮﺍﺋﺤﻪ ﺍﻟﻨﻔﺎﺫﻩ ﺩﻱ ﻫﻲ ﺍﻟﺨﻠﺘﻨﻲ ﺍﺳﺘﻌﻴﺪ ﻭﻋﻴﻲ ﻣﻦ ﺁﺧﺮ ﻟﺤﻈﺔ ﻓﻘﺪﺗﻮ ﻓﻴﻬﺎ ..
ﻓﺘﺤﺖ ﻋﻴﻮﻧﻲ #ﺑﺒﻂﺀ ... ﺳﻘﻒ ﻣﻦ ﺍﻟﺰﻧﻜﻲ ﺍﻻﻣﺮﻳﻜﻲ ﺍﻟﻘﺪﻳﻢ ﻓﻴﻬﻮ ﻓﺘﺤﺎﺕ ﺑﺘﺴﻤﺢ ﻷﺷﻌﺔ ﺑﺎﻟﻌﺒﻮﻭﺭ
ﻋﺎﻳﻨﺖ ﻟﻨﻔﺴﻲ ﻟﻘﻴﺘﻨﻲ ﻣﺒﻠﻮﻟﻪ ﺑﻠﻞ ﻛﺎﻣﻞ !! ﻭﻣﺮﺑﻮﻃﻪ ﺑﺤﺒﻞ ﻓﻲ ﻛﺮﺳﻲ !!!
ﺟﻮﺭﻱ !! ﺻﺤﻴﺘﻲ ﺣﺒﻴﺒﺘﻲ !!
ﻳﻤﺎﻥ !! ﻭﻳﻦ ﺍﻧﺖ !! ﻭﺍﻧﺎ ﻭﻳﻴﻴﻦ !
ﺍﻧﺎ ﻣﺮﺑﻮﻁ ﻭﺭﺍﻙ .. ﺍﻧﺎ ﻛﻤﺎﻥ ﻗﺒﻞ ﺷﻮﻳﻪ ﻭﻋﻴﺖ ﻟﻘﻴﺘﻚ ﻭﺭﺍﻱ .. ﻭﻣﻦ ﺟﺒﻴﻞ ﺑﻨﺎﺩﻱ ﻓﻴﻚ ﻭﻣﺎ ﺻﺤﻴﺘﻲ ﻟﻲ !!
- ﺍﻟﺤﺎﺻﻞ ﺷﻨﻮ ﻳﺎ ﻳﻤﺎﻥ !! ﻭﻧﺤﻦ ﻭﻳﻦ !!
ﻋﺎﻳﻨﻲ ﺑﺎﻻﺗﺠﺎﻩ ﺍﻟﺘﺎﻧﻲ ..
ﺍﻟﺘﻔﺘﺖ ﻭﻫﺎﻟﻨﻲ ﻣﺎ ﺭﺃﻳﺖ ... ﺟﻤﺒﻨﺎ ﻃﻮﺍﻟﻲ ﻛﺎﻥ ﻓﻲ ﺻﻒ ﻓﻴﻬﻮ 34 ﻋﺮﺑﻴﺔ !!! ﻛﺄﻧﻬﻢ ﻣﻨﺘﻈﺮﻳﻦ ﺩﻭﺭﻫﻢ ﻓﻲ ﺻﻒ ﺍﻟﺒﻨﺰﻳﻦ !!
ﻳﻤﺎﻥ : ﺷﻜﻠﻮ ﻧﺤﻦ ﺍﺗﻜﺸﻔﻨﺎ ﻳﺎ ﺟﻮﺭﻱ .. ﺷﻜﻠﻮ ﻛﺪﻩ
ﺳﻤﻌﻨﺎ ﺍﻻﺗﻨﻴﻦ ﺻﻮﺕ ﺗﺼﻔﻴﻖ ... ﻭﻓﺠﺄﺓ ﺑﺎﺏ ﻭﺍﺣﺪﻩ ﻣﻦ ﺍﻟﺴﻴﺎﺭﺍﺕ ﺍﺗﻔﺘﺢ ﻭﻃﻠﻊ ﻣﻨﻮ # ﺷﺎﻫﻴﻦ ... ﻭﻃﻠﻊ ﻭﺭﺍﻩ ﻋﻢ ﺻﺎﻟﺢ !!
ﺷﺎﻫﻴﻦ : ﺑﺮﺍﻓﻮ ﻳﺎ ﻳﻤﺎﻥ ﺑﺮﺍﻓﻮﻭﻭ ... ﺑﺮﺍﻓﻮ ﻳﺎ ﻳﺪﻱ ﺍﻟﻴﻤﻴﻦ ﻭﺻﺎﺣﺒﻲ .. ﺑﺮﺍﻓﻮ ﻳﺎ ﺃﺑﻮ ﻭﻟﺪﻱ ﻭﻳﺎ ﻋﺸﻴﻖ ﺯﻭﺟﺘﻲ ﺑﺮﺍﻓﻮ
ﻳﻤﺎﻥ : ﺯﻭﺟﺘﻚ ﺩﻱ ﺣﺒﻴﺒﺘﻲ ﻭﺍﻧﺖ ﻋﺎﺭﻑ ﻛﺪﻩ ﻛﻮﻳﺲ !! ﺟﻮﺭﻱ ﻛﺎﻧﺖ ﺧﻄﻴﺒﺘﻲ ﻭﻛﺎﻧﺖ ﺣﺘﻜﻮﻥ ﻣﺮﺗﻲ ﻟﻮ ﻣﺎ .....
ﺷﺎﻫﻴﻦ : ﻟﻮ ﻣﺎ ﺍﻟﺤﺎﺩﺙ ﺻﺎﺡ ! ؟ ﺍﻟﻠﻪ ﻣﺮﻗﻚ ﻣﻦ ﺍﻟﺤﺎﺩﺙ .. ﻣﻔﺘﺮﺽ ‏( ﺍﻟﺒﻬﻢ ‏) ﺍﻷﻧﺎ ﺭﺳﻠﺘﻬﻢ ﻳﺘﺄﻛﺪﻭ ﺍﻧﻚ ﺳﻠﻤﺖ ﺍﻟﺮﻭﺡ ﺣﺘﻰ ﺑﻌﺪﻳﻦ ﻳﺘﺤﺮﻛﻮ ..
ﻗﻠﺖ ﻟﻴﻬﻮ ﻭﺍﻧﺎ ﺑﺒﻜﻲ : ﺷﺎﻫﻴﻦ .. ﺣﻠﻔﺘﻚ ﻋﺸﺎﻥ ﺯﻳﻨﺔ ....
ﻗﺎﻃﻌﻨﻲ ﻃﻮﺍﻟﻲ : ﺯﻳﻨﺔ ﻣﺎ ﺑﺘﻲ .. ﻭﺍﻇﻦ ﺍﻧﻚ ﻋﺮﻓﺘﻲ ﺍﻟﻤﻌﻠﻮﻣﺔ ﺩﻱ ... ﻭﺃﺯﻳﺪﻙ ﻣﻦ ﺍﻟﺸﻌﺮ ﺑﻴﺖ ... ﺍﻧﺎ ﻣﺎ ﺑﻨﺠﺐ .. ﻋﻘﻴﻴﻴﻴﻴﻢ ...!! ﻭﻗﺼﺔ ﺣﻤﻠﻚ ﺩﻱ ﻫﻲ ﺍﻟﺨﻠﺘﻨﻲ ﺍﺗﺄﻛﺪ ﻣﻦ ﻛﺬﺑﻚ ﻭﺧﻴﺎﻧﺘﻚ ﻟﻲ !!
ﺍﺗﺰﻭﺟﺖ ﻭﺗﻤﻴﺖ ﺣﻜﺎﻳﺔ ﺑﺘﺎﻋﺖ 15 ﺳﻨﻪ ﻣﺎ ﻭﻟﺪﺕ .. ﺍﻧﺎ ﻭﺯﻭﺟﺘﻲ ﺯﻳﻨﺔ ﺍﻟﺴﻤﻴﺖ ﺷﺮﻛﺔ ﺍﻟﺴﻴﺎﺭﺍﺕ ﻋﻠﻴﻬﺎ ﻋﻤﻠﻨﺎ ﺇﺟﺮﺍﺀﺍﺕ ﺗﺒﻨﻲ ﻭﺍﺗﺒﻨﻴﻨﺎ ﺑﺖ .. ﺳﻤﺘﻬﺎ ﺯﻭﺟﺘﻲ ﺯﺍﺗﻬﺎ ﺑﻨﻔﺲ ﺍﻷﺳﻢ ... ﻟﻜﻦ ﺷﺎﺋﺖ ﺍﻷﻗﺪﺍﺭ ﺍﻧﻬﺎ ﺗﺘﻮﻓﻰ ﺑﺴﺒﺐ ﻣﺮﺽ ﺍﻟﺴﺮﻃﺎﻥ ... ﺍﺗﻮﻓﺖ ﻭﺧﻠﺖ ﻟﻲ ﺯﻳﻨﺔ ﺍﻻﻛﺘﺸﻔﺖ ﺑﻌﺪ ﻣﺎ ﺗﻤﺖ 3 ﺳﻨﻮﺍﺕ ﺍﻧﻬﺎ ﺧﺮﺻﺎﺀ
ﺟﺎ ﻗﺮﺏ ﻋﻠﻲ ﻭﻗﺎﻝ : ﻣﻦ ﺯﻭﺟﺘﻰ ﻣﺎﺗﺖ ﻭﻗﻠﺒﻲ ﻣﺎ ﺩﻕ ﻟﻲ ﺃﻧﺜﻲ ... ﺇﻻ ﺑﻌﺪ ﺷﻔﺘﻚ ﻭﺍﻧﺎ ﻓﻲ ﺻﻒ ﺍﻟﺒﻨﺰﻳﻦ ... ﻣﻦ ﻟﻤﺤﺘﻚ ﻗﻠﺒﻲ ﺩﻕ .. ﻭﻃﻮﺍﻟﻲ ﺍﺗﺤﺮﻛﺖ ﻋﻠﻴﻜﻢ ﺍﻧﺘﻰ ﻭﺻﺤﺒﺘﻚ ..
ﻛﻨﺖ ﺩﺍﻳﻤﺎ ﻣﻌﺎﻙ ﻭﻣﺮﺍﻏﺒﻚ ﻭﺍﻇﻦ ﺷﻔﺘﻲ ﺍﻟﺼﻮﺭ ..
ﻳﻮﻡ ﺍﻟﺨﻄﻮﺑﺔ ﻛﻨﺖ ﻋﺎﺭﻑ ... ﻭﻳﻮﻡ ﻣﺤﻤﺪ ﺍﺗﺤﺮﺵ ﺑﻴﻚ ﻭﻳﻤﺎﻥ ﺍﺗﺪﺧﻞ ﻛﻨﺖ ﺷﺎﻳﻒ ﻭﻋﺎﺭﻑ ... ﻭﺍﻟﺸﺮﻃﻪ ﺍﻟﻘﺒﻀﺘﻮ ﻛﻨﺖ ﺍﻧﺎ ﻭﺭﺍﻫﺎ ..
ﻳﻮﻡ ﻳﻤﺎﻥ ﺟﺎﻙ ﺍﻟﻐﺮﻓﻪ ﻛﻨﺖ ﻋﺎﺭﻑ ...
ﺍﻟﻮﺩ ﺍﻟﻨﻀﻒ ﻟﻴﻜﻢ ﺍﻟﻴﺨﺖ ... ﺍﻧﺎ ﺍﻟﻄﻠﺒﺖ ﻣﻨﻮ ﻳﺼﻮﺭﻛﻢ ﻟﻲ ﻣﻦ ﺑﻌﻴﺪ ...
ﻛﻨﺖ ﻋﺎﺭﻑ ﺍﻱ ﺣﺎﺟﻪ .. ﻭﻛﻤﺎﻥ ﺃﺿﻴﻔﻰ ﻟﻤﻌﻠﻮﻣﺎﺗﻚ ﺍﻟﺤﺴﺎﺏ ﺍﻟﻠﻔﻲ ﺍﻟﻔﻴﺲ ‏( ﺃﻣﻴﺮ ﻣﺪﺭﻳﺪ ‏) ﺣﻘﻲ ... ﻳﻌﻨﻰ ﻃﻮﻝ ﺍﻟﻮﻗﺖ ﻛﻨﺖ ﺭﺍﺻﺪ ﻛﻞ ﺗﺤﺮﻛﺎﺗﻚ .. ﻭﻋﺎﺭﻑ ﻋﻨﻚ ﺃﻱ ﺣﺎﺟﻪ !
- ﺏ ﺏ ﺑﺲ ﺍﻧﺖ ﻣﺎ ﺍﺗﻌﺎﻣﻠﺖ ﻣﻌﺎﻱ ﻋﻠﻲ ﺍﺳﺎﺱ ﺍﻧﻚ ﻋﺎﺭﻑ !! ﻭﻃﻴﺐ ﻭﻗﺖ ﻛﻨﺖ ﻋﺎﺭﻑ ﺑﻜﻞ ﺩﻩ ﻟﻴﻲ ﻣﺎ ﻭﺍﺟﻬﺘﻨﻲ !!! ﻟﻴﻲ ﺧﻠﻴﺘﻨﻲ ﺃﺳﺘﻤﺮ ﻓﻲ ﺍﻟﻠﻌﺒﻪ ﺩﻱ !
ﻋﻢ ﺻﺎﻟﺢ : ﺷﺎﻫﻴﻦ .. ﺍﻧﻮﺭ .. ﺍﻣﺠﺪ ﻧﻔﺲ ﺍﻟﺸﺨﺼﻴﻪ ﻃﺒﻌﺎ .
ﻋﺎﻳﻨﺖ ﻟﻌﻢ ﺻﺎﻟﺢ ﺑﺄﺳﺘﻐﺮﺍﺏ ... ﻗﺎﻝ ﻟﻲ ﺍﻣﺠﺪ ﻭﺍﻧﻮﺭ ﺍﺧﻮﺍﻥ ﺍﻳﺘﺎﻡ .. ﺍﻣﻬﻢ ﺍﺗﻮﻓﺖ ﺑﺤﺎﺩﺙ ﻭﺧﻠﺘﻬﻢ ﻟﻲ ﺭﺍﺟﻠﻬﺎ ﺍﻟﻜﺎﻥ ﺑﻌﺎﻣﻠﻬﻢ ﺑﻘﺴﻮﺓ .. ﻟﻐﺎﻳﺔ ﺍﻣﺠﺪ ﺍﺿﻄﺮ ﺍﻧﻮ ﻳﻀﺮﺏ ﺭﺍﺟﻞ ﺍﻣﻮ ﻭﻳﻬﺮﺑﻮ ﻣﻨﻮ ..
ﺍﻟﺤﻤﺪ ﻟﻠﻪ ﺍﻟﺮﺍﺟﻞ ﻣﺎ ﺟﺎﺗﻮ ﺣﺎﺟﻪ .. ﻟﻜﻦ ﺃﺳﺘﻮﻟﻰ ﻋﻠﻲ ﺍﻟﺒﻴﺖ ﻭﺍﻣﻼﻛﻮ ﻭﺧﻼﻫﻢ ﻳﺘﺸﺮﺩﻭ ﻓﻲ ﺍﻟﺸﻮﺍﺭﻉ ..
ﺍﻣﺠﺪ ﺍﺷﺘﻐﻞ ﻭﻷﻧﻮ ﻛﺎﻥ ﺯﻛﻰ ﻗﺪﺭ ﻳﻜﻮﻥ ﺷﻐﻞ ﻣﻦ ﻛﺮﺗﻮﻧﺔ ﻣﻨﺎﺩﻳﻞ .. ﻭﻓﻲ ﻏﻀﻮﻥ 25 ﺳﻨﻪ ﺑﻘﻰ ﺻﺎﺣﺐ ﺷﺮﻛﺔ ﺳﻴﺎﺭﺍﺕ
ﻋﻢ ﺻﺎﻟﺢ ﺳﻜﺖ ﻭﻋﺎﻳﻦ ﻟﻲ ﺷﺎﻫﻴﻦ ... ﺷﺎﻫﻴﻦ ﻗﺎﻝ ﻭﺍﻟﺤﺰﻥ ﺑﺎﻳﻦ ﻋﻠﻲ ﻭﺷﻮ : ﻛﻨﺖ ﺯﻭﻝ ﻃﺎﻳﺶ ﻟﺪﺭﺟﻪ !!! ﺑﺴﺒﺒﻲ ﻋﻤﻠﻨﺎ ﺣﺎﺩﺙ ﺍﻧﺎ ﻭﺍﻣﺠﺪ ... ﻭﺍﻣﺠﺪ ﺍﺗﺤﺮﻕ ﻓﻲ ﺍﻟﻌﺮﺑﻴﻪ ... ﻭﺍﻧﺎ ﻛﻤﺎﻥ ﺍﺗﺤﺮﻗﺖ ﻭﺍﻧﺘﻲ ﺷﻔﺘﻲ ﺍﻟﺤﺮﻭﻕ ﺍﻟﻠﻔﻲ ﺟﺴﻤﻲ ..
ﻋﻢ ﺻﺎﻟﺢ : ﺍﻟﻀﺮﺭ ﺍﻟﻨﻔﺴﻲ ﺍﻻﺗﻌﺮﺽ ﻟﻴﻬﻮ ﺷﺎﻫﻴﻦ ﻛﺎﻥ ﺃﻛﺒﺮ ﻣﻦ ﺍﻟﺠﺴﺪﻱ .. ﻭﺑﻘﻰ ﻋﺎﻳﺶ ﺷﺨﺼﻴﺘﻴﻦ ﻓﻲ ﺟﺴﻢ ﻭﺍﺣﺪ .. ﺍﻣﺠﺪ .. ﻭﺍﻧﻮﺭ ﻭﻷﻧﻮ ﺷﺨﺼﻴﺔ ﺍﻧﻮﺭ ﻃﺎﻳﺸﻪ ﻭﻣﺎ ﺑﺘﻌﺮﻑ ﺗﻌﺘﻨﻲ ﺑﺮﻭﺣﻬﺎ ... ﻛﺎﻧﺖ ﻫﻲ ﺍﻟﺤﺎﻣﻴﺎﻙ ... ﻭﺍﻣﺠﺪ ﻃﻮﻝ ﺍﻟﻮﻗﺖ ﻛﺎﻥ ﺑﺒﺤﺖ ﻭﺭﺍﻙ ﻟﻐﺎﻳﺔ ﺧﻼﺹ ﺍﺗﻜﺸﻒ ﺍﻟﻤﺴﺘﻮﺭ ...
ﻓﺠﺄﺓ ﻋﻢ ﺍﻟﺼﻤﺖ .. ﻳﻤﺎﻥ ﻛﺎﻥ ﺳﺎﻛﺖ ﻭﻫﻢ ﺳﻜﺘﻮ ... ﺣﺴﻴﺖ ﺑﻘﺸﻌﺮﻳﺮﺓ ﻣﺮﺕ ﻋﻠﻲ ﺟﺴﻤﻲ ﻛﻠﻮﻭ ... ﻭﺍﻃﺮﺍﻓﻲ ﺑﺮﺩﻭ ﻛﺄﻧﻲ ﻓﻲ ﺗﻼﺟﻪ ... ‏( ﺗﻤﺎﻣﺎ ﻛﺎﻟﺸﻌﻮﺭ ﺍﻟﺸﻌﺮﻭ ﺇﻳﻜﻤﻮﻓﻨﺎ ﻭﻫﻮ ﻓﻲ ﺍﻟﻐﺎﺑﻪ ﻗﺒﻞ ﻣﺎ ﻳﻤﻮﺕ ﻋﻠﻲ ﻳﺪ ﺃﻛﻮﻧﻜﻮ ‏)
- ﻗﻠﺖ ﻟﻴﻬﻮ : ﻋﻘﺎﺑﻨﺎ ﺷﻨﻮ !!!
ﺭﻓﻊ ﺭﺍﺳﻮ ﻋﺎﻳﻦ ﻟﻲ ﺑﻴﺄﺱ ... ﻗﺎﻝ : ﺍﻧﺎ ﺣﺒﻴﺘﻚ ﻳﺎ ﺟﻮﺭﻱ .. ﻟﻲ ﺟﺎﺯﻳﺘﻨﻲ ﻛﺪﻩ !!! ﺍﻧﺘﻲ ﻋﺎﺭﻓﻪ ﻟﻮ ﻣﺎ ﻋﻤﻠﺘﻲ ﻋﻤﻠﺘﻚ ﺩﻱ ﻛﻨﺎ ﺣﻨﻌﻴﺶ ﺍﻧﺎ ﻭﺍﻧﺘﻲ ﻭﺯﻳﻨﺔ ﺑﺄﻣﻦ ﻭﺁﻣﺎﻥ !! ؟؟
ﻗﻠﺖ ﻟﻴﻬﻮ ﻭﺩﻣﻮﻋﻲ ﺑﺘﻨﻘﻂ ﺑﻌﺪ ﻋﻤﻠﺖ ﻋﻤﻠﺘﻲ ﺩﻱ ...! ﺟﺰﺍﻱ ﺣﻴﻜﻮﻥ ﺷﻨﻮﻭﻭ !!
ﻗﺎﻝ ﻟﻲ ﺗﻔﺘﻜﺮﻱ ﺟﺰﺍﻙ ﺣﻴﻜﻮﻥ ﺷﻨﻮ؟؟؟
ﻗﻠﺖ ﻟﻴﻬﻮ ﻣﺎ ﻋﺎﺭﻓﻪ ... ﻟﻜﻦ ﺍﻇﻦ ﺍﻟﻤﻮﺕ ﺣﻴﻜﻮﻥ ﻣﺼﻴﺮﻱ
ﺍﺑﺘﺴﻢ ﻭﻋﺎﻳﻦ ﻟﻲ ﻳﻤﺎﻥ ... ﻗﺎﻝ ﻟﻴﻬﻮ ﺣﺒﻴﺒﺘﻚ ﺷﺎﻃﺮﺓ ..
ﻳﻤﺎﻥ ﻫﺎﺝ ﻭﻛﺎﻥ ﺑﺘﺤﺮﻙ ﺑﻤﺤﺎﻭﻟﻪ ﻳﺎﺋﺴﻪ ﺍﻧﻮ ﺍﻟﺤﺒﻞ ﻳﺘﻔﻚ ... ﻗﺎﻝ ﻟﻴﻬﻮ : ﻓﻚ ﺟﻮﺭﻱ ﺧﻠﻴﻬﺎ ﺗﻤﺶ .. ﺍﻧﺎ ﺍﻻﻏﺮﻳﺘﻬﺎ ﺍﻟﻴﻮﻡ ﺩﺍﻙ !! ﺍﻧﺖ ﻋﺎﺭﻑ ﺍﻷﻧﺜﻲ ﺿﻌﻴﻔﻪ
ﺷﺎﻫﻴﻦ ﺻﺮﺥ ﻓﻲ ﻭﺷﻮ : ﻏﻠﻂ !!! ﻏﻠﻂ ﻏﻠﻂ ﻏﻠﻂ ! ﺍﻻﻧﺜﻲ ﺍﻗﻮﻱ ﻣﺨﻠﻮﻕ !! ﺑﺘﺘﺤﻜﻢ ﺑﺎﻟﺮﺍﺟﻞ

ﻭﺑﺘﺤﺮﻛﻮ ﻛﺄﻧﻮ ﻟﻌﺒﻪ ﺑﻴﻦ ﻳﺪﻳﻬﺎ !!!
ﻳﻤﺎﻥ : ﻣﺎ ﺗﻨﺴﻰ ﺍﻧﻮ ﺍﻻﻧﺜﻲ ﻫﻲ ﺍﻟﺠﺎﺑﺘﻚ ... ﺍﺗﺬﻛﺮ ﺍﻣﻚ ﻛﺎﻥ ....
ﻗﺎﻃﻌﻮ : ﻣﺎ ﺗﺠﻴﺐ ﺳﻴﺮﺗﻬﺎ ﻋﻠﻲ ﻟﺴﺎﻧﻚ ﺍﻭﻋﻚ ﻳﺎ ﻳﻤﺎﻥ ﺍﻭﻋﻚ !!
ﺟﺮﻯ ﻋﻠﻲ ﻭﺍﺣﺪﻩ ﻣﻦ ﺍﻟﻌﺮﺑﺎﺕ ﻭﺟﺎﺏ ﺟﺎﻟﻮﻥ ﺣﻖ ﺑﻨﺰﻳﻦ ... ﻭﺗﺎﻧﻲ ﻏﺮﻗﻨﺎ ﺑﻴﻬﻮ ... ﻗﺎﻝ ﻟﻲ ﻋﺎﻳﻨﻰ 34.. ﻋﺮﺑﻴﻪ ﻓﺪﺍﻙ ﺍﻧﺘﻰ ﻭﺍﻟﺨﺎﻳﻦ ﺩﻩ
ﻗﻠﺖ ﻟﻴﻬﻮ ﻭﻋﻠﻰ ﻭﺷﻲ ﺍﺑﺘﺴﺎﻣﺔ : ﻣﺎ ﻗﺼﺮﺕ ﻳﺎ ﺃﺑﻮ ﺯﻳﻨﺔ ..
ﻃﺒﻌﺎ ﺍﺗﻐﺎﻅ ﻏﻴﻆ !!! ﺻﺒﻪ ﻣﻦ ﺍﻟﺠﺎﻟﻮﻥ ﻭﺯﺡ ﻣﻨﻨﺎ ﻣﺴﺎﻓﺔ ﻛﻢ ﻛﻴﻠﻮ ﻛﺪﻩ ... ﻳﻌﻨﻲ ﻋﻤﻞ ﺧﻂ ﺑﺎﻟﺒﻨﺰﻳﻦ ﺑﻌﺪﻫﺎ ﺭﺟﻊ ﺗﺎﻧﻲ ﻭﻓﻜﺎﻧﻰ
ﻗﺎﻝ ﻟﻲ ﺗﺸﻮﻓﻴﻬﻮ ﺑﺘﺤﺮﻕ ﺑﺮﺍﻫﻮ ﺍﻓﻀﻞ ﻣﻦ ﺗﺘﺤﺮﻗﻲ ﻣﻌﺎﻭ
ﺟﺮﺍﻧﻲ ﻭ ﻭﻗﻔﻨﻲ ﻣﻌﺎﻭ .. ﻗﺪﺭ ﻣﺎ ﺣﻠﻔﺘﻮ ﻳﻔﻚ ﻳﻤﺎﻥ ﺑﺲ ﺭﻓﺾ .. ﻗﻠﺖ ﻟﻲ ﻋﻢ ﺻﺎﻟﺢ ﻳﻔﻜﻮ ﺑﺲ ﻫﺰ ﻟﻲ ﺭﺍﺳﻮ ﺑﺄﺳﻒ !!
ﻳﻤﺎﻥ ﻛﺎﻥ ﺑﻌﺎﻳﻦ ﻟﻲ ﻭﻫﻮ ﻣﺒﺘﺴﻢ ... ﻗﺎﻝ ﻟﻲ ﺳﻤﻴﻬﻮ ﻣﻨﻴﺐ ... ﻋﺎﺭﻑ ﺣﻴﺠﻲ ﻭﻟﺪ ... ﻭﺍﻭﻋﻪ ﺗﺨﻠﻴﻬﻮ ﻳﻄﻠﻊ ﺻﺎﻳﻊ !! ﺍﺩﺑﻴﻬﻮ ﺯﻱ ﻣﺎ ﺃﺩﺑﺘﻲ ﺍﺑﻮﻫﻮ ﻓﺎﻫﻤﻪ !!
ﺷﺎﻫﻴﻦ ﻋﻠﻴﻴﻴﻚ ﺍﻟﻠﻪ ﻓﻜﻮ ﻳﺎ ﺷﺎﻫﻴﻦ "! ﻓﻜﻮ ﻳﺎ ﺷﺎﻫﻴﻴﻴﻦ ﺑﺘﺮﺟﺎﻙ !! ﻳﺎﺍﺭﺏ ﺳﺎﻋﺪﻭ ﻳﺎﺍﺍﺭﺏ !!!
ﺑﺲ ﻭﻻ ﻛﺄﻧﻲ ﺑﺘﻜﻠﻢ ... ﻭﺷﺨﻂ ﺍﻟﻜﺒﺮﻳﺖ ﻭﺭﻣﺎﻫﺎ !!
ﺍﺗﻔﻜﻴﺖ ﻣﻨﻮ ﻭﺟﺮﻳﺖ ﺳﺎﺑﻘﺖ ﺍﻟﻨﺎﺭ .. ﻭﺍﻧﺎ ﺟﺎﺭﻳﺔ ﺍﺗﺬﻛﺮﺕ ﺣﺎﺟﻪ ﻗﻤﺖ ﺿﺤﻜﺖ ... ﻛﻨﺖ ﺟﺎﺭﻳﻪ ﻭﺑﻀﺤﻚ ﻭﺩﻣﻮﻋﻲ ﻓﻲ ﻋﻴﻮﻧﻲ ... ﻃﺒﻌﺎ ﺷﺎﻫﻴﻦ ﻭﻋﻢ ﺻﺎﻟﺢ ﺣﺘﻰ ﻳﻤﺎﻥ ﺍﺳﺘﻐﺮﺏ !! . ﻭﺻﻠﺘﻮ ﻭﻗﻌﺪﺕ ﻓﻲ ﺭﺟﻠﻮ ... ﻗﺎﻝ ﻟﻲ ﻟﻴﻲ ﻳﺎﺟﻮﺭﻱ !!
ﻗﻠﺖ ﻟﻴﻬﻮ ﻣﺎ ﻋﺎﻳﺰﻩ ﺃﺭﺑﻲ ﻭﻟﺪﻱ ﺑﺮﺍﻱ
ﻗﺎﻝ ﻟﻲ ﻭﻟﺪﻙ ؟؟؟
ﺿﺤﻜﺖ ﻭﻗﻠﺖ ﻟﻴﻬﻮ ﻭﻟﺪﻧﺎ ... ﻗﺎﻝ ﻟﻲ ﻓﻬﻤﻨﺎ ﺩﻩ ﻛﻠﻮ ... ﺑﺘﻀﺤﻜﻲ ﻟﻴﻲ ﻭﺍﻧﺘﻲ ﺟﺎﺭﻳﻪ !!
ﻗﻠﺖ ﻟﻴﻬﻮ ﺩﻩ ﺳﺮ ..
ﻋﺎﻳﻦ ﻛﺪﻩ ﻭﻗﺎﻝ : ﺍﻟﺸﻲ ﺩﻱ ﻗﺮﺑﺖ ... ﻋﺎﻳﻨﺖ ﻭﺍﻟﻨﺎﺭ ﻛﺎﻧﺖ ﺧﻼﺹ ﺟﺎﺕ ... ﺣﻀﻨﺘﻮ ﻗﻮﻭﻭﻭﻱ ﻭﻫﻮ ﺧﺖ ﻳﺪﻭ ﻓﻲ ﺑﻄﻨﻲ ...
ﻭﺍ ....
######
ﺍﻣﻴﻲ !! ﺍﻧﺎ ﻃﺎﻟﻌﻪ
ﺍﻣﺸﻰ ﻛﻠﻤﻲ ﺍﺑﻮﻙ ﻃﻴﺐ ﺍﻧﺎ ﺑﺘﻜﻠﻢ ﺑﺎﻟﺘﻠﻔﻮﻥ ..
ﺩﺧﻠﺖ ﻟﻲ ﺍﺑﻮﻫﺎ ﺍﻟﻜﺎﻥ ﻣﺴﻬﻰ ﻛﺎﻟﻌﺎﺩﻩ ﻭﺑﻨﻈﺮ ﺇﻟﻰ ﺍﻟﻼ ﺷﺊ ... ﺑﺎﺳﺘﻮ ﻓﻲ ﺭﺍﺳﻮ ﻭﻗﺎﻟﺖ ﻟﻴﻬﻮ ﺍﻧﺎ ﻃﺎﻟﻌﻪ ﺑﻌﺪ ﺩﻩ
ﻗﺎﻝ ﻟﻴﻬﺎ ﺑﻌﺪ ﺍﺗﻔﺤﺺ ﻣﻨﻈﺮﻫﺎ ﻛﻮﻳﺲ : ﺟﻮﺭﻱ .. ﺍﻭﻋﻚ ﺗﺮﻛﺒﻲ ﻣﻊ ﺯﻭﻝ ﻏﺮﻳﺐ !! ﻓﺎﻫﻤﻪ ﻳﺎ ﺑﺘﻲ !!
ﻋﻴﻮﻧﻬﺎ ﺩﻣﻌﺖ ﻭﺑﺎﺳﺘﻮ ﻓﻲ ﻳﺪﻭ .. ﻗﺎﻟﺖ ﻟﻴﻬﻮ ﻣﺎ ﺗﺨﺎﻑ ﻋﻠﻲ .. ﺑﺲ ﺍﻧﺖ ﺍﺣﻔﻈﻨﻲ ﺑﺪﻋﻮﺍﺗﻚ
ﻃﻠﻌﺖ ﻭﻫﻲ ﻣﺎﺳﻜﻪ ﻧﻔﺴﻬﺎ ﻏﺼﺐ ..
ﻣﺮﺕ 15 ﺳﻨﻪ ﻣﻦ ﺍﺧﺘﻔﺖ ﻋﻤﺘﻮ .. ﻭﺍﻧﺖ ﻣﺎ ﻗﺎﺩﺭ ﺗﻨﺴﻰ !! ﺭﺑﻨﺎ ﻳﻜﻮﻥ ﻓﻲ ﻋﻮﻧﻚ ﻳﺎ ﺍﺑﻮﻭﻱ !!
ﺍﻣﻬﺎ ﻧﺎﺩﺗﻬﺎ
: ﺗﻌﺎﻟﻲ ﺟﻮﺩ ﻋﺎﻭﺯﻙ ﻓﻲ ﺍﻟﺘﻠﻔﻮﻥ !
ﺍﺗﻜﻠﻤﺖ ﻣﻊ ﺍﺧﻮﻫﺎ ﻛﺪﺍﺍ ﻭﻛﻌﺎﺩﺗﻮ ﻓﺮﻕ ﻋﻠﻴﻬﺎ .. ﻗﺎﻟﺖ ﻟﻴﻬﻮ ﻧﺎﻭﻱ ﺗﺠﻲ ﻣﺘﻴﻦ ﻣﻦ ﺍﺳﺒﺎﻧﻴﺎ !!! ﺍﻟﺴﻮﺩﺍﻥ ﺑﺪﻭﻧﻚ ﻣﺮ ﻳﺎﺧﻲ !
ﻗﺎﻝ ﻟﻴﻬﺎ ﻋﻴﺪ ﺍﻷﺿﺤﻲ ﻟﻮ ﻣﺎ ﻣﻮﺗﻨﺎ ﺣﺄﻛﻮﻥ ﺑﻜﺎﺑﺲ ﻣﻌﺎﻙ ﻓﻲ ﺷﻴﺔ ﺍﻟﺠﻤﺮ ... ﺿﺤﻜﻬﺎ ﻛﺎﻟﻌﺎﺩﻩ ﻭﻗﻔﻞ ﻣﻨﻬﺎ ..
ﻃﻠﻌﺖ ﻭﻣﺸﺖ ﻋﻠﻲ ﺍﻟﻈﻠﻂ ... ﻓﻲ ﻧﻔﺲ ﺍﻟﻠﺤﻈﺔ ... ﻭﻓﻲ ﻭﺍﺣﺪ ﻣﻦ ﺍﻟﺼﻔﻮﻑ
ﻛﺎﻧﺖ ﻧﻈﺎﺭﺓ ﺭﺍﺟﻞ ﺳﺘﻴﻨﻲ ﺑﺘﺘﻔﺤﺺ ﺍﻟﻤﺎﺭﻩ ...
ﺃ ﺃ ﺃﺑﻮﻱ ... ﺱ ﺱ ﺳﺒﺤﺎﻥ ﺍﻟﻠﻪ ﻉ ﻉ ﻋﺎﻳﻦ ﻫﻨﺎﻙ !
ﻭﻗﺖ ﻋﺎﻳﻦ ﻃﻠﻊ ﻧﻈﺎﺭﺗﻮ ﻭﺟﺤﻈﺖ ﻋﻴﻮﻧﻮ ..
ﻝ ﻝ ﻟﻮ ﻡ ﻡ ﻣﺎ ﺩﻱ ﻗﺼﻴﺮﺓ ﻭ ﻭ ﻭﺻﺤﺘﻬﺎ ﻛﻮﻳﺴﻪ ﻭ ﻭ ﺻﻐﻴﺮﺓ ﻙ ﻛﺎﻥ ﻕ ﻕ ﻗﻠﺖ ﺩﻱ ﻣﺎﻣﺎ ﺟﻮﺭﻱ !!
ﺍﻟﺮﺍﺟﻞ ﺍﺗﺤﺮﻙ ﻣﻦ ﺍﻟﺼﻒ ﻭﻣﺎ ﻭﻗﻒ ﺇﻻ ﻗﺪﺍﻡ ﺍﻟﺒﺖ .. ﻧﺰﻝ ﺍﻟﻨﻈﺎﺭﺓ ﺣﻘﺘﻮ ﻭﻋﺎﻳﻦ ﻟﻴﻬﺎ .. ﺻﺮﺕ ﻭﺷﻬﺎ ﻭﻋﺎﻭﺯﻩ ﺗﺰﺡ ﻣﻦ ﺍﻟﻌﺮﺑﻴﻪ ﺑﺲ ﻗﺎﻝ ﻟﻴﻬﺎ : ﻡ ﺗﺨﺎﻓﻲ ... ﻣﻌﺎﻱ ﺑﺘﻲ .. ﺍﺭﺡ ﺍﻭﺻﻠﻚ ﻓﻲ ﻃﺮﻳﻘﻨﺎ
ﺍﻃﻤﻨﺖ ﻭﺭﻛﺒﺖ ﻣﻌﺎﻫﻢ .. ﺣﺘﻲ ﺑﺘﻮ ﻧﺰﻟﺖ ﻭﺭﻛﺒﺖ ﻣﻌﺎﻫﺎ ﻭﺭﺍ ..
ﻭﻳﺎﻟﻠﺼﺪﻑ ﻃﻠﻌﻮ ﺑﻘﺮﻭ ﻓﻲ ﻧﻔﺲ ﺍﻟﻜﻠﻴﻪ .. ﻫﻨﺪﺳﻪ ﻧﻮﻭﻳﻪ ﺍﻟﻘﻀﺎﺭﻑ ...
ﺍﻟﺮﺍﺟﻞ ﺳﺄﻟﻬﺎ ﺍﺳﻤﻚ ﻣﻨﻮ ﻳﺎ ﺑﺘﻲ ؟؟؟
ﻗﺎﻟﺖ ﻟﻴﻬﻮ ﺟﻤﺎﻥ ... ﺟﻤﺎﻥ ﺧﺎﻟﺪ ...
ﺍﺑﺘﺴﻢ ﻭﻗﺎﻝ ﻟﻴﻬﺎ ﺩﻱ ﺍﺧﺘﻚ ﺯﻳﻨﺔ .. ﻭﺍﻧﺎ ﻋﻤﻚ ﺷﺎﻫﻴﻦ ....
ﺑﻌﺪﻫﺎ ﺍﺗﺤﺮﻛﺖ ﺍﻟﺴﻨﺘﺎﻓﻲ ﺍﻟﺤﻤﺮﺍﺀ ﺗﺸﻖ ﻃﺮﻳﻘﻬﺎ ﻇﻠﻂ ﺍﻟﺸﻌﺒﻲ ...
**
#ﻣﺎﺗﺮﻛﺒﻮ_ﻣﻊ_ﺍلغرباء ..!!
ﺍﻭﻋﺎﻛﻢ ... ﺍﻭﻋﻪ ﺗﺮﻛﺒﻮ ﻣﻊ ﺯﻭﻝ ﻏﺮﻳﺐ ﺣﺘﻰ ﻟﻮ ﻛﻨﺘﻮ ﺍﺗﻨﻴﻦ .. ﺍﻭ ﺍﻟﺰﻭﻝ ﺍﻟﻐﺮﻳﺐ ﻣﻌﺎﻫﻮ ﺑﺖ ﻣﺎ ﺗﺮﻛﺒﻮ ﺣﺘﻰ ﻟﻮ ﻛﺎﻧﺖ ﺍﻟﺒﺖ ﺑﺘﻮ !!
....
. ﺍﻭﻋﻪ ﺗﺮﺗﺒﻄﻮ ﺑﺰﻭﻝ ﺍﻧﺘﻮ ﻣﺎ ﺑﺘﺤﺒﻮﻫﻮ ... ﺍﻭﻋﻪ !!!
... ﺍﻭﻋﻪ ﻣﻦ ﺍﻟﺨﻴﺎﻧﻪ !! ﺍﻳﺎﻛﻢ !!!
ﺃﺧﺮ ﺣﺎﺟﻪ .. ﺗﻔﺘﻜﺮﻭ ﺟﻮﺭﻱ #ﺍﻟﻤﺮﺣﻮﻣﺔ ﻭﻫﻲ ﺟﺎﺭﻳﻪ ﻭﺑﺘﻀﺤﻚ ﺑﺘﻀﺤﻚ ﻟﻴﻲ !! ؟ ﺍﻟﺬﺍﻛﺮﺗﻬﻢ ﻗﻮﻳﻪ ﺣﻴﺘﺬﻛﺮﻭ ﻣﻜﺎﻟﻤﺘﻬﺎ ﻣﻊ ﻣﻨﻰ ﺻﺤﺒﺘﻬﺎ ... ﺍﺗﺬﻛﺮﻭﻭ ... ﻳﻞﺍ ﻧﺘﻼﻗﻲ ﺍﻟﺼﻒ ﺍﻧﺘﻬﻰ ﺧﻼﺹ ..

#ﺻﻒ_ﺍﻟﺒﻨﺰﻳﻦ
#fulla_Ali