#مقتطفات
بتحكي:
مخططين نعمل عرسنا ف مع بداية السنة الجديدة وكل يوم نتكلم نعمل كدا وكدا كنا منتظرين متين اليوم دا يجي بس فجأه ابوهو مرض وطلع عندو كانسر ف كنت واقفة جنبو وبقوي فيه سافر مصر عشان يعالج ابوهو كنت مواصلة معاهو لحدي م جي الحمدلله ابوهو اخد العلاج وربنا عافاهو منه 💙كمية الفرحة الكانت مالية بيتهم م بتتوصف اخواتو ضامات ابوهن وببكن من الفرح ❤.
يوم 1/1 اتصل بي اتواعدنا نطلع مشينا الحديقة جاب لي كباية قهوة قال لي القهوة دي هدية لي يوم 1/1 قال لي عارف م مفترض اقول دي هدية بس (منزل عيونو وبتكلم) بس انا كنت مواعدك اهديك اكبر فرحة واسي خلاص حلمنا وتخطيطنا ضاع انا اسف خليتك تنتظريني الوقت دا كله وم وفيت بي وعدي 💔 .
قولتا ليه كدي عيونك ف عيونك معقولة انت م فهمتني لسه؟ يا مؤمن انا منك عارف يعني شنو انا منك يعني فرحك من فرحي وحزنك حزني انت كدا حتزعلني منك منو القال حلمنا ضاع المهم انه نحن سوا ومدام نحن سوا يعني حنحلم ونحقق الحلم سوا وحنفقد الامل يعني شنو لو انتظرنا لسه قدام ؟! انا بنتظرك لي اخر العمر بس انت م تفارقني انا جنبك م تشيل هم ❤وع فكرة كباية القهوة دي احلى هدية لأنه منك انت وحأشربها قدام عيونك وصوت ضحكتك اي ياااخ ابتسم شوية عامل لي عيونك السمحات ديل 😅❤.
قال لي مجنونة ياخ وجننتيني معاك ❤ عايز اغني ليك ممكن؟
قولتا ليه لالا حتخرب القعدة والمزاج صوتك م حلو 😂 والناس دي حتخلي المكان.
قال لي عارفه صوت ضحكتك دا بنزع الحزن والهم من جوه؟!
عايز اعمل ليك عرس وبيت يستاهلك
قولتا ليه عاين انا كفاي اني اكون معاك وم بهمني البيت ولا اي شيء اعمل عرس بسيط .
قال لي خايف الناس.....
قاطعتو قولتا ليه الناس منو ف انت وانا حنعيش حنعيش باقي العمر مع بعض م مع الناس ❤
قال لي غلبني اعبر بس الحمدلله انك ف حياتي انتي اكبر نعمة وحأشكر ربنا عليها 💙.
قعدنا نشرب ف القهوة ونضحك وشوية كدا هو يسكت اثناء م بتكلم يعاين لي بقول ليه هوي م تعاين لي كدا 😂وهو يضحك ❤ وقعدنا نتزكر ف ايام الثورة وانا كنت بعد اطلع هو بكون وراي ومرات بجي قدامي كنت م بحس بي خوف وهو جنبي ❤

قعد يغني سمحة سمحة بت بلدي قال لي والله ماف احلى من بنات السودان واسفي لو م كنت سوداني 💙 م كنت حألاقي سوداني سمحة وحنينة كدا ❤
كانت احلى هدية والله هي مجرد قهوة بس كانت مليانة حب وضحك وونسة وامل ❤.

عملتا لي مشروع عشان اساعدون نحن اتواعدنا نتشارك اي شيء سوه وهو م كان عارف بي مشروعي كنت بعمل كيك واخوي بوزعو لي ف الدكاكين ماشااء كل يوم الطلبية زايدة عليه لحدي م جو حدوو العرس وقفتا المشروع ورسلتا ليه القروش قعد يجوط فيني قولتا ليه تتزكر الوعد لي تتفيذو بقى صعب وووو حتى قبل وعملنا عرس بسيط كان صيوان ف نص الحي ولمة اهل وكرسيين انا لابسة توب وهو جلابية وف قمة السعادة م مصدقين اليوم دا جي ❤ هو يقول لي ي جميل ي اسمر اتحصن ياااخ بسحروك علي😅❤

حتى بيتنا كان بسيط وحلو بس بعد العرس اي شيء بدا يجيبو تدريجيآ صبرنا وربنا عوضنا ❤
كانت ارادتنا قوية زي ارادة الشعب وكان املنا اكبر واتحدينا كل الظروف والصعوبات سوا عشان كنا متمسكين بي بعض شديد عشان كان اي طرف فينا يستاهل انه يتحب ❤.
#النهاية
بالجد م كل الحب حب وف ناس بتستاهل تتحب وتستاهل نضحي عشانا 💞💞
#Nasma_Mohammed
كل عام وكنداكتنا السمحات والثورجيين واهل السودان الحلويين بخير ودام السودان وطن يحتوينا بي حبه ❤
#بحبكم❤

ا نتوتس كان اكتر شاب محترم حتى وهو بتكلم بحاول م يرفع عيونو اتفقنا نبدا نحفظ قرأن ف كل يوم بنجي بنسمع لي بعض كان صوتو ماشاءالله وهو بتلي ف القرأن بدون م احس دموعي بنزلو ❤
اتمنيت لو اتلاقيت معاهو من زمان بقيت بجيب معدلات عالية 💙
بعد اتخرج فقدتو شديد بس بعد سنتين جي اتقدم لي كنت متفاجأة قولتا ليه انت عارف انا كنت شنو قال لي كنت بس اسي انا شايف واحدة تانية اي واحد بتمنى يتزوجها ❤
#النهاية
لا طويلة ولا قصيرة لا سمراء ولا بيضاء
ولا أم غمازة ولا هم يحزنون .
أجمل النساء من صانت شرفها
عشقاً لشيب أب تعب من أجلها✋
الجمال م لبس ضيق تظهري بيه مفاتنك ولا مكياج شاذ يلفت الانتباه ولا بعد يتغزل فيك كل من هب ودب وانما الجمال جمال الاحترام 💙
#Nasma_Mohammed

#مقتطفات
بتحكي:
انا ف بيتنا المطبخ صحبي شديد 😂 اخواني بقولو لي اشعب وم بحب انتظر زول بس بعد اتزوجتا اكبر تغيير مفاجيء اني م باكل بدونه كلامو الكتير عن الشغل ومجاكارتو لي ونظرات عيونو ضحكتو وتعليقاتو لي طبخي 😂
احلى موقف يوم مشيت الجامعة وطلعتا منسفنة من الامتحان بعد اتصل بي قولتا ليه اتصل بي بعدين مشيت قعدتا ف بينش تحت الشجرة ومضايقة فجأة شوفتو قدامي سلم علي قال ممكن اخلطك ؟قولتا ليه بطل حركات قام طلع جاكيتو لبسني ليه قال حنيت عليك ي صحبتي من البرد قولتا الامتحان كان كعب 💔 مسك يديني قال لي عشان كدا زعلانة؟؟؟ حتنجحي فيه ان شاءالله قولتا ليه لا حأشيل المادة قال لي ياااخ اتفائلي وانا حأدعي ليك كتيير اتبسمتا قال لي من قبيل بعاين ليك عشان اشوف الغمازة الواحدة دي 😂 كدي شوية واجيكي فات جاب سندوتشات وشكولاتة قولتا ليه م دايرة واعاين ليه 😂قال لي بصوت فضيل حأكل براي بدا ياكل قولتا ليه لا حأكل معاك 😂قال لي نفسنتك دي جوعة بس 😂بعد اكلنا فات جاب قهوة وجي قال لي دا جو قهوة وبتحلى بي وشك السمح دا قعد يحكي لي ف مواقف مضحكة مرت بيه وانا اضحك وشوية يشاغلني نسيت ابو الامتحان زاتو 😂 صحباتي شغلوها لي خلى شغلو وجي يواسيني بعد طالعين من الجامعة بعد الاولاد يجو مارين فينا بحمر ليهم بقول لي ي مرا هاا اتنقبي م شايفة باعينو ليك كيف؟! بقول ليه بتغيير قال لي اي ي مرتي ❤ مسك يدي وطلعنا ف الشارع وقف قدامي وبعاين لي قولتا ليه ف شنو ي راجل؟ 😳 قال لي داير اشوف النفسنة راحت قولتا ليه راحت بي شوفتك 😍قالةلي عارفة وقت جيتك كنتي عاملة كيف؟ وقف يقلد فيني انا قعدتا ف الارض واضحك والناس ماشه وجاية تعاين لينا قال لي قومي م تفضحينا بي ضحكتك الشينة دي 😂قولتا ليه هيي م زي ضحكتك 😂❤
#النهاية
حاجات بسيطة بتكون كفيلة تسعدنا وتتحفظ جوانا 💙
#Nasma_Mohammed
انتي يا بائسة الداخلة جوه بطانيتك دي 🌚 بعد تنفسني من الامتحان تعاليني وانا حأنفسن بيك زيادة 😹💔.
بتتجازف ياقميلات 🌚💞

#مقتطفات
بتحكي:
اتلاقيت معاهو ف عرس بت خالتي هو بكون صاحب ود خالتي ف جمعني معاهو موقف لمن اموت م بنساهو اللي هو اتخذلتا من صديقة الطفولة يوم العرس اتصلت بي وسمعتني كلام جارح شديد انا م عرفتا اعمل شنو ف لحظتها كنت كاتمه جواي وشغاله جي فال لي تعالي اعملي قهوة مشيت عملتها قام شرب كبايه قال لي دي قهوة ليكي؟؟ قمتا انفعلتا فيه بي صوتي العالي قام مسكني من يدي ومشينا بيت الجيران قال لي ليه بتتصرفي كدا كدي صلي ع النبي خليتي الناس كلها تتفرج علينا انا اسف لو علي م مشكله بس القهوة دي الناس كلها منتظراها اتعتزرتا منه وم قدرتا امسك دموعي قال لي ف حاجة حاصله معاكي ؟؟؟ قولتا ليه هي متشاكله م خطيبها حاولت اصاحلهم قالت لي هو مايل ليك وانتي بتحاولي تصغريني قدامو لو عايزاهو قولي عايزاهو بس بدون لف ودوران وكلام اكتر من كدا 💔 والله والله م عندي نية شينه والله بريدها ودايرة ليها الخير وهي عارفة اني م حصل احتاحاتني وم لقتني ف النهاية تجي وتقول لي كدا؟ انا ملاحظة لي تغيراتا معاي بس كنت بخت عذر وبتجاهل 💔 بس خلاص تاني مستحيل نرجع حتى لو رجعنا م حنكون زي زمان ،، قال لي الدنيا دي فيها الناس الكويسه وفيها الناس الكعبة والمواقف هي البتثبت معادن الناس ف حاجة اسمها عوض ربنا حيعوضك بي الاحسن بس حاولي قوي نفسك الزول بتعلم اي هي صدمة وحاجة م متوقعة وحاجة صعبة وموجعة بس حتقدري تتجاوزي حاولي امسكي نفسك ووو،
كنت مضايقه جي ف وقتوو كلامو قواني 💜 قال لي يلا قومي ظبطي لينا قهوة سمحة لأني دي الغنامية م حتشربها 😂 قمتا ظبطها هو كان جنبي بضحك فيني وانا ببدع ف القهوة بس لامن المزاج يكون كعب م بكون مركزة من هنا بدت علاقتي معاهو كان كل يوم بطمن علي لحدي م قدرتا اتجاوز اي شيء كعب مريت بيه استفدتا منه كتير ف حياتي حسيت انه هو الوحيد البقدر يفهمني ويتحملني عندو طولة بال وانا اخلاقي ضيقه شوية كنت بنفعل من اقل حاجة بس شايفه نفسي ف تحسن 💜.
وعرفتا فعلآ العلاقات م ليها علاقة بي الزمن ممكن يجي زوله ف فترة بسيطة ويبقى ليك عمر ❤ والمواقف هي البتثبت منو المنتظر ليك غلطة ومنو البحاول يصلح عشان م يفقدك عشان عارف انه م بقدر يعيش بدونك وسلفآ فاهمك طباعك وفيك الشين والسمح 💞.
يوم اتصلتا ليه قولتا ليه كفاياك والله اتحملتا مني كتيير وانت م مجبور تتحمل اكتر من كدا انا كعبة شديد وم حتقدر تتحملني 💔 قال لي لالا والله ماف حاجة اسمها تتحملني انا فهمتك شديد وحبيتك اكتر عارفه ليه؟ لأنه عرفتا ورا العصبية وصرة الوش ف حنية كبيرة وضحكة احلى وطيبه سمحة انا م بجامل فيك والله دي حقيقه عرفتها فيك وبعدين ماف زول مكمل ليه نحن بس نتقبل الصفات الحلوة ف زول عشان نحبه وقت نعرف بي صفاته الما حلوة نتخلى عنه ؟؟؟ بعد كلامو خلاني احب نفسي انا كنت م متقبله فكرة اني ف صفات حلوة ع حسب المريت بيه ختيت اني كعبه بس هو خلاني احب نفسي ❤ كان بناديني لي عنيدتي 😂 ومرة ي ام راس قوي 😂❤.
قال:
وسط كل شيء فيها كان في حنية ظاهرة ف عيونها من موقفها مع صحبتا عرفتا انها حنينه شديد وبعد تحب زول بتتعلق فيه زي الطفله كنت بحاول بقدر الامكان اني م اخذلها فيني يوم انا كمان فيني كنت بحب عصبيتا بعد تكون غيرانا بتنفعل فيني وبتتكلم يدينا انا بكون بعاين ليها وببتسم اخليها تنفعل زيادة تقول لي المضحك شنو ف الموضوع عاين م تقولي لدي بت خالتي وبت جدي اغازلها واخليها تضحك 😂❤ وعنيدة شديد ممكن يومين حتى اقدر اقنعها 😂بس كنت بحبها شديد بي عنادها وانفعالاتها وحركاتا الشفعية وحنيتا 💞 كنا بنكمل بعض بي صفاتنا السمحة والشينه ❤
#النهاية
شكرا للبحبونا زي ما نحنا،
معولقين و مبهدلين و حلوين وشينين ولطيفين وراسنا قوي و م بنسمع الكلام
شكرا للبحبونا في كل حالاتنا بغض النظر عن المثالية المفرطه
البحبونا ونحنا ناقصين في كل حاجه…🌸 وشكرآ لي البجو ف وقت قصير ببقو لينا عمر وبنتمنى لو لاقيناهم من زمان ❤
شكررا يااخ🖤🎶✨
#Nasma_Mohammed
الفكرة وصلت؟ 🌚
ياااخ اشتقناااا🤤

#مقتطفات
بتحكي:
اهلي صعبين شديد خصوصآ ابوي م عارفني ف الجامعة مع صحباتي مسميننا شلة العدس 😂عشان م عندنا حاجة لي الجنس الاخر بس اسألونا من الاكل والتعاليق ،،صحبتي البريدها شديد كان اتزوجت ومع الامتحانات م عملنا ليها قعدة مشينا المنتزه عملنا ليها قعدة ظريفه غنينا ورقصنا ليها والقعدة ماشه تحلى وانا بعاين ف ساعتي قولتا ليهم بعد دا انا ماشه الحاج بكون منتظرني قالو لي يااخ اقعدي شويه وو قولتا ليهم بعتزر انا متمنية اقعد بس ماف طريقة ،،طلعتا لقيت ركشه ف البوابه ركبتا قولتا ليه هسي كان ولد كان بجي ف اي وقت والقعدة يداب احلوت ووو قعد يضحك قال لي م مشكله بس عشان بخافو عليك خصوصآ ف زمنا البقى صعب دا ،،وصلني قريب لي البيت وما شال مني قروش الله الدنيا لسه بي خيرها 💙 وصلتا قريب لي المغرب لقيت ابوي قاعد ف السرير يحمر لي ساي قبل م يتكلم قولتا ليها ي امي قروشي اتسرقت بعد حاولتا اجري وراهم كانو دايرين يضربوني كما ربك ستر وراجل حلاني منهم دا كله وانا منتظرة المواصلاااات ووو ،امي قالت حضنتني قالت لي بركة الجيتب بي السلامة قالت لي ابوي انا م قولتا ليك بتك بتكون حاصلة معاها حاجة م تسبق بي الشين ،ابوي قال لي م مشكله ربنا بعوضك الحمدلله انها م جات فيكي 😁دخلتا غرفتي وخليتهم يتكلمو عن الموضوع ابوي م عارف بتو زولة الله وم عندها شغلة بي امور تانيه بس نعمل شنو نكزب عشان م نخربا مع صحباتنا .
بعد فترة اتقدم لي ود خالتي رسلتا لي ف القروب حقنا مسمنو شلة العدس 😂 صحباتي اهااا كيف وكيف ؟ف عريس اي واخدة ترسل براها منو؟ووو؟ بستلم منهم وساكتة قالو لي ي حيوانه م تردي الدخلت لي خاص براها والبتتصل براها اتغاظوو شديد من سكاتي قولتا ليهم ياااخ هو كويس بس انا وهو م بنتفق طوالي ف بنتجاكر قالو لي عشان المجاكرة تقولي م بنتفق اسمعي ي بت هوي تاني كان رفضتي تندقي بس هو بنخلوكي ترفضي وافقي واديه فرصة،، بعد ساعتين بحنسو فيني حتى وافقتا،،
ف فترة الخطوبه اتفاجأتا بي تعاملو الراقي معاي طلع بحبني شديد بعد اكون عايزة اطلع مع صحباتي بجي بقعد مع ناس ابوي لحدي م اجي بقول ليهم انا واثق فيها وشكلكم م بتعرفوها كويس اخواتي بحكو لي بي كلامو لمن اجي كل مرة بخليني احترمو واريدوو اكتر ف يوم اتصل لي لقاني زعلانه قال لي ديل ناس البيت صاح انا بكرة بجي بعقد وبتم العرس وتاني ماف زول بزعلك 😍.
حدد العرس وصحباتي م فارقوني لحظة لحدي م تم العرس قولتا ليه انت من زمان وين ياااخ ؟
م حصل حرمني من حاجة كان بثق فيني شديد خلاني واصلتا قرايتي لمن يوم اجي متأخرة بلقاهو زعلان بقعد ببر ليه بقول لي انتي م بتتصلي لي ليه عشان احي اسوقك م بتعرفي انا بكون مقلق عليكي قدر شنو؟ تاني حأعمل ليك ترحيل ،صحباتي كانو متكيفين منو واي واحده بتتمنى يكون زولها البتحلم بيه زيوو 💙
كان عوض وكان حبي الحلال وكان سندي البميل عليه ❤
كنت بحب مجاكرتوو شديد ،وانا بعد امشي بيتنا بجاكر اخواني بترومس معاهو بالتلفون بقولو لي راجلك م عندنا شغله بقول ليهم تقدرو تتكلموو 😂.
#النهاية
الواحده مننا بتتمنى شنو غير راجل سند ويكون بحترمها ويهتم بيها وبثق فيها ويحسسها انها حاجة مميزة بالنسبه ليه صاحبتو واختو وامو وحبيبتو 💞 حتى تعصيبو بكون ف شكل غيرة وخوف م عدم ثقة بي حاجات بسيطة بنحب شديد وبي حاجات بسيطة ممكن نقتل الحب الجوانا اعرفوو حبو صاح 💞
#Nasma_Mohammed

#مقتطفات
#امان💜
بتحكي:
م عندي اخوان كبار ..خطيبي عندو عرس اخوهو لي حفلة الحنه لبستا فستان عنابي كل شويه يرسل لي اها وين انتي؟ لحدي م وصلتا كانت معاي امي سلمنا عليهم وقعدتا رسل لي رساله كنت متشوقه اشوفها قال لي دا م لقيتي غير الفستان الضيق دا؟ م رديت ليه لحدي طلعنا قبل م الحفله تنتهي هو طلع معانا قدمنا ورجع من وصلتا البيت اتصل بي قولتا ليه لو عارفه كدا م كان جيت وانت ف الحفله كل م المحك تحمر لي عاين انت عارف بلبس كيف لو عاجبك كدا خلاص لو م عاجبك شوف ليك واحده غيري ...قال لي انت عارفه وانتي مطلعه شعرك ولابسه ضيق كدا الشيء دا م بيرضي ربنا؟ وكل شاب ف الحفله عاين ليك قبل م اضايق منه واحس بي الغيره انك لي وم مفروض غيري يعاين فيك ...انك اخدتي سيئات؟ وغير اني خايف عليك من العين.. انا م عايزك تتغيري عشاني انا عايزك تقعدي مع نفسك وتتغيري عشان نفسك عشان ترضي ربنا والله انتي جميله وحتبقي اجمل لامن تتحجبي ..وهو مضايق مني شديد قال لي” انا ماشي اصلي وادعي ليك ربنا يوريك الطريق الصاح “💙
بعد قفل مني حسيت كل كلمه هي صاح هي عشاني وجد خايف علي من غضب ربنا انا من اليوم الفات دا اتغيرتا كل م يشوفني يقول لي ماشاءالله ربنا يحفظك شوفتي كيف انتي حلوة بي الحجاب؟! امي كانت مبسوطة منه حسيت هو الاختبار الصاح هو النصيب الحلو الحأكمل معاهو وانا مطمأنه 💙

قالت:
كنت مضايقه شديد وخايفه لأني م كنت قاريه وامتحاناتي قربت قعد يدعم فيني عمل لي برنامج لي القرايه قال لي ” م تخافي مش انا معاك؟! ماف حاجة بتجيك ساندك جبل💜“
كل م اجي احكي ليه وهو يقول لي جملتو دي بطمأن 💜

قالت: كان مضايق ومهموم من حال البلد والظروف المعاكسه ..قولتا ليه ربنا حيفرجها م تشيل هم الحال م بدوم بس انت اصبر وكله بهون بأذن الله ..بتكلم معاهو وبسمع فيني.. فضلتا احكي ليه عن مواقف مضحكه قديمه اضحك فيه واضحك معاهو قال لي:”انتي عارفه؟! جيتك وكلي طاقه سلبيه شلتيها مني بي ضحكتك الحلوة 💜“

بتحكي: كان بقول لي طوالي :” انا اخوك وصحبك قبل م ابقى حبيبك م تدسي مني شي وقبل م تحصل ليك حاجة بتلاقها ف وشي انا اول“💜
وحرف حرف ف المواقف بثبت لي انه جد صاحب واخو بي نصايحو لي وبي تفهمو لي بي احترامو لي 💜

قالت: بعد زواجنا كنا ساكنين مع نسابتي وامو م حبتني ف الطالعه والنازله بتسمعني كلام انا كنت بتحمل عشانه ...عشان هو بحبني شديد وم بحمل فيني اي شيء شايلني ف عيونو ف يوم اضايقتا شديد م قدرتا ادس دموعي منه قال لي بدون م احكي ليه ” م تبكي عيونك ديل م شبه بكا وتاني م حأزعلك غلطان انا “💜
قولتا ليه غلطان ف شنو؟ قال لي حاسي بيك اي غلطان لأنك بتتحملي عشاني وانا بدل م اسعدك بتضايقي بي سببي قولتا ليه لو م انت معاي م كنت حأشوف سعادة كفايه انك معاي وفاهمني وكله الباقي بهون💜
كونو هو فاهمني وبحبني وبحب يشوفني مضايقه وببكي كان كفيل اني انسى اي شيء مضايقني وجودو بطمني وبحسسني بي الامان 💜.

قالت:الحاجة السمحه شديد اني لامن اضايق كان بيقرا لي اية الكرسي ماشاءالله ع صوتو وهو برتل الايات كان كافي اني ارتاح شويه واحس بي الاطمئنان والامان 💜

قالت:حسيت بي الامان اول م فتحتا عيوني بعد العمليه ولقيتو قاعد جنبي يسأل فيني وهو خايف علي اها انتي كويسه؟! والناس بره جايطه وبتسأل جبتا بت ولا ولد؟ عرفتا انه كان متوتر وخايف وكره الدكتور بي اسألتو الكتيره عني امي قالت لي بختك ربنا رزقك بي راجل حنيين 💜

قالت: قال لي بعد دخلتي حياتي ملاحظ اني اتغيرتا شديد بحمد ربنا عليك واتمنيت لو عرفتك من زمان بدعي ع طول”ربنا يجمعني بيك“💜

قالت:انا عصبيه وهو كان بالو واسع بحس انه ماف زول بتحملني وبقدر يفهم علي يهديني غيرو بقولو لي الله يعينو عليك وهو بقول لي انا م عايز غيرك وم حتشوفي معاي غير السعادة بقول ليه انا كعبه ياااخ ...بقول لي م عارف ليه انا شايف غير كدا فيك حاجات حلوة الناس م شايفاها هو كان الامان لامن يتكلم معاي ب لهجتو الحلوة ويحاكي فيني ويضحك علي ... هو كان الامان بي صبرو وقوة تحملو لي ...كان الامان لامن اضايق لي اتفه سبب افتش ليه القاهو جنبي بي كلام بسيط بخليني مبسوطة ...كان الأمان لامن نتشاكل واعرف انه م حكى لي زول ولا بدخل زول ف مشاكلنا ...💜

#الامان حاجات كتيرة شديد اتلخصت ف زول وبقى مصدر امان 💜😴🚶‍♀️
#Nasma_Mohammed