#حنين
بقلم نسمه يوسف
-٣-
جريت جوة قلت لي مريم افتحي الباب فتحتو همام جاء لابس علي الله سمنيه وطاقيه وشبشب اسود امي جات سلمت علي كيف ي ولدي أن شاء الله كويس وبركه ربنا رده غربتك علي خير 😍 ي ولدي تسلمي ي خالتي أن شاء الله ربنا اديك صحه وعافيه اتفضل اتفضل البيت بيتك قعد امي ي بت حنووو جيبي المويه انا جوه جريت لفحت لي توب ربطو وعملت كحل ونزلت شلت مويه قلبي دى طار من محلو لمن شفت همام وصلت المويه دي ي الله هههههه ختيتها همام قال لي حنونه اذيك كيف اخبارك والقرايه معاك تمام ؟؟والله تسلم أن شاء الله احمد وين؟ أعزم واذوق! امي قالت لي في الحمام دي دخلتو من شغل احمد جاء اووو عريس الموسم هميمو كيف الخبر سلمو علي بعض قالي ان شاء الله ياخ عريس وانت معاي وعاين لي كده نظره وعقبال حنونه كمان قلت لي عقبالنا كلنا قعدو اضحكو امي حمرت لي قالت لي بري بتي دايراها تقرأ العرس ملحوق قاليها ي حجه والله قرايه ملحوقه الكلام العرس .ابوي جاء خاشي وسلم عليهو ودخل غرفتو امي حصلت ابوي تعمل ليهو الغداء. جبت شاي شربنا احمد طلع تلفونو وقعدنا نلعب ليدو للساعه12 همام بعاين لي كل شويه م عارفه عين شنو مرات اقول نظره حب مرات اقول م استعجل اها قام قال ي جماعه ساهرت بيكم خلاص انا ماشي قربت اقولي ياخ سهرك راحه انوم السهر اناي يمه نايمه لي ههههههه😍واستاذن وانا طلعت غرفتي بين ضحكات وبسمات كان تلفوني ضرب رقم غريب الوووو .اهلا وسهلا منو معاي ؟ انا همام 😲😲😲😲😨همام الوووو ي بت حنونه اسف لو اذعجتك قلت لى لا لا ياخ العفو بس اتفاجئت حبه😙 معليش ياخ شلت رقمك من مني اختي مهم انا داير اشوفك بكره ي حنونه لو م فيها اذعاج ليك ..قلت لي لا ياخ معقوله طوالي خلاص تمام انتي بكره بتخلصي كم قلت لى ذي 2 كده تمام بجيك في جامعه قلت لي اوكي يلا تصبحي على خير يا عسل اقسم بالله قلبي دا عمل شحات م شحه لمن سكت مسااااافه قلت لي وانت من اهلو ووو....

#حنين
بقلم نسمة يوسف
-٤-
هو انا نمت ياخ طوالي قمت علي دولاب اشيل وانسق في لبسه بتاعت بكره و ظبط منبه بدري قمت استحميت ولبست قشرت تمام وعملت مكياج خفيف مبسوطه وشي دا لمن منور دخلت جامعه عمو عباس (بواب جامعه)خير الليله ي حنين مبسوطه مالك بي قلبي باين علي لدرجه دي قلت لي ادعي لي ي عمو اديم البسط علي دخلت جامعه دقيت لي ايه الوو ايه ي بت وين انتي قالت لي مشاء الله الليله م نسحرك جمبك أنا شيفاك جايه عليك جات قالت لي حنونه الليله مالك يختي مبسوطه حكيت ليها بالحصل قالت لي اريتو ي يمه حظي هههههه دخلنا محاضره الاستاذ دا قال شنو م عارفه هههههه طلعنا مشين فطرنا وانا أعاين للساعة 2 قربت اتنين إلا 14 دخلت الاستراحه ظبطه مكياج حبه وعملت بدره ورشيت شويه ريحه تلفون ضرب الوووو ي بت حنونه وين انتي انا واقف بره امرقي ايه حلفت قالت إلا تمش تشوفو همام جلطها بي دا طلعنا لقينا واقف بره سلم عليها وتشيل وتقرص قرر رض ي صحبتي هههه تحت تحت قاليها اتفضلي قالت لي لا والله انا عندي ورق ماشه اصورو ركبت مع☺ حنونه كيفك وكيف اصبحتي اليوم انا بي تمتمه تمام والله تسلم 😁 حمر لي بي نظره حاده لمن خفت ي بت شنو هو تسلم تسلم وجديه دي نسيت ذمان كنتى بتفلعيني بي الحجار هدا فلقتك للان عامله إثر في حاجبي قعدت اضحك قالي ولا اسه كبرتي وعامله فيها عروس وكده😍😍😍قلت لي همام بطل ياخ قعدنا نضحك نذلنا في كافي طلبنا نسكافي وقعدنا نتونس فجأه كده بقي بعاين لي شديد في عيوني لمن كسرت عيوني وخجلت قالي حلاتك وأتى خجلانه ي بت ناس صراحه كده انا م حقوليك معجب بيك لانو دي قديمه وانتي عرفاها من زمان انا ياخ دم دا جري في عروقي وجسمي دا لمن تلج انا داير اعرف انتي عندك زول في حياتك مستحيل بعد سماحه دي قاعده قلت لي بري انا م قاعده افكر في كلام ذي دا انا بس مركزه علي قرايتي قالي كويس ربنا اوفقك كده طمنتيني عاينت للساعه لقيت زمن اتاخر قلت لي انا ماشه اتاخرت قالي تمام يلا اوصلك وبينا اتصال وصلت البيت لمن جيت ناذله قالي حنونتي خلي بالك من نفسك ياخ م عرفت ارد نزلت وخلاص وهو اضحك انا ماشه ساكت كأني ماشه في هواء ياخ الحب دا احساس ظريف مشيت البيت اول م وصلت امي كيف ي حنووو قلت ليها تمام ي امي قالت لي أن شاء الله طوالي تمام تعالي اكلي ليك شي لا ي امي انا والله شبعااانه طلعت جري اشوفو بي بلكونه لقيتو داخل علي بيتم رفع لي يدو دخلت غيرت وقعدتا اقرأ الامتحانات جات وانا م مركزه شديده شي اقرأ وشي اتخيل جاتني رسايل في واتس من رقمو فيها مساء الخير رديت مساء النور قالي بتعملي في شنو قلت لى بقرا رد خلاص تمام ركزي واول ما تنتهي خشي لي واتس عايزك........🤗🤗🤗🤗🤗
صباح الخير

#حنين
بقلم نسمة يوسف
-٥-

بديت اقرأ تمام لقيت ساعه 11.30 نزلت ظبط لي سندويتش بتاع جبنه بعشق جبنه انا وعملت لي نسكافي ظابط ومشيت بلكونتي رسلت لي رساله في واتس الوووووو؟ ؟ ؟ طوالي دخل علي هلا بالقمر قال لي ممكن اتصل قلت لي جدا اتصل علي الوووو ياخ فيهو صوت حاد كده قلت لي اهلا بيك قال لي مشتاقين والله سكته مسافه قال لي يعني م مشتاقه لي طيب انتي م حصل سألتني انا ال 10 سنه عشتها في لندن دي عشتها كيف ولا حاولتي حتي تشيلي رقمي تسالي عني مهم انا حاحكي ليك براي انا عشت 10 سنه دي بس احضر وأرقى نفسي في الهندسه المعمارية و الحمد لله اشتغلت كويس وضعي الآن الحمد لله كويس شديد وجاي البلد دي عشان اشوف بت الحلال واتزوج وعمل ليها إجراءاتها وبسوقها معاي قلت لي مشاء الله كويس الله اسهلا عليك أن شاء الله وسكته قالي م عندك لي عروس ؟ ؟ ؟ قلت لي انت م وصفاتك شنو قال لي ذيك بس لكن تكون م بتفلق بي الحجار هههه وأنا ساكته م عارفه أقول شنو قال لي ي بت حنونه صراحه انا دايرك حلالي دايرك لي وانا من صغير بحلم بيك وم حصل بالغلط فكرت في غيرك اها رايك شنو انا م عارفه اقوليك شنو قالي سرعه تعالي افتحي الباب في حاجه جمب باب شوفيها جريت فتحت الباب لقيت علبه كبيره شلتها وجريت بيها فوق أتلفت ذي الهبله عشان احمد عارض م اشوفني فتحت العلبه لقيت شوكلاته جلاكسي و باونتي علب كبيره وتحت لقيت علبه صغيره مغلفه فتحتها لقيت جواها دبله وخاتم منحوت فيها اسمي واسمو فيها ورقه بى الأحمر كاتب فيها بحبك وانت اميرتي وخاتم دا لو م لبستي اتي ماف بت تاني بتلبسو😍😘😍😘😍 سكته بس بقيت عامله كده😲😲😲😲😲😲😲😲😲😲 ياخ دخلت في حاله بين صدمه وفرحه وترن تلفون ضرب بس ختيني تلفون في أضاني حبيبتي انا بحبك وعايزك وانتي بس وافقي طوالي بجيك بالباب و بزوجك ويسافر تتمي السنه وأرسل ليك ............

#حنين
بقلم نسمة يوسف
-٦-
انا م عرفت اقول شنو بس قلت لي خير بقدمو الله خير وقفلت تلفون وبقيت بس بعاين في الخاتم واقرص في روحي انا في حلم ولا علم هو واقف بره وبعاين لي بي بلكونه 😍😍😍😍 دخلت غرفتي سرعه وفضلت افكر لمن نمتا الصباح نذلت تحت لقيت الحجه ظبطت الشاي واللقيمات شربت شاي واتونست مع ابوي وامي حبه وقلت لي امي ي امي رايك شنو في همام ود خالتو امنه قالت لي ولد خااتي الكلمه 🤗 قالت ليه بتسألي ليه قلت ليها ساكت ي ماما وقريت في عيونها خوف وربكه كده م فهمتها شنو مهم مشيت الجامعه لي ايويه وريتها كل الحصل معاي وفرحت لي واليوم دا عدي كده بدون اي اتصال بينا إحدي م انا راجعه علي البيت لقيت في حركه في بيت همام دخلته قلت اشوف حاصل شنو لقيتم أهلو جاين ليهم ومن ضمنهم بت عمتو اسمها رؤي(بت جميله عديييل وحنكوشه وبي عربيتها وكده) م ارتحت لي البت نهائي همام شافني جاء سلم علي وقالي اتفضلي ياخ زارنا القمر دخلت قعدنا نتونس البت تشيل وتتلصق في همام وتعمل في حركات مياعه وهمام شايفه مضايق من حركات انا وشي دا لمن قلب بمبي مني جاتني اتونست معاي قالت لي شايفه فلانه دي طبعا م كسره في همام و امي وابوي دايرنها لي وتشيل وتتصل ليهو لكن انا نهائي م بدورها مني م عارفه البيني وبين همام انا في وقت داك دنيا ضاقت بي همام جرى الكرسي وجاء علي مني مشت لي عمتها نادتها قالي القمر مالو مكشر جات رؤي من هناك وبي حقاره كده همام تعال عمو دايرك دي منو قاعد معاها دي قال ليها دي ست البنات اتحرقت مني طوالي انا قلت لي همام انا ماشه ي همام اتاخرتا عل البيت وماما م عارفه انا هنا طلعت وانا ذهجت من دنيا دي حسيت انو خلاص مستحيل اكون في بينا شي دخلت البيت والحمد لله م لقيت زول بره وجري غرفتي بكيت بعد قلت بس وغشيت دموعي قلت م لي في طيب نصيب مشيت اخدت دوش و جيت اقرأ لفيت شعري فوق ولبست لي بجامه وعملت النسكافي بتاعي وقعدتا اقرا.......

#حنين
بقلم نسمة يوسف
-٧-
وانا بقرا دخل على اتصال من همام صراحه بطني كانت طامه م رديت جاتني رساله في واتس فتحتها 😏 حنونه عارف انك صاحيه مالك م بتردي علي ي تردي ي اجيك اسه في البيت خشه اتصال رديت الو ليه ي حنونتي م بتردي لي انا عملت ليك شنو قلت ليه لا ماف شي كنت بعيده بس قالي لا في شي عليك الله مالك قلت ليه ماف شي قالي انا بكره داير افاتح ناس امي بي موضوعنا سوا 😍😍😍😍😍قلت لي انت مش امك وابوك عايزين ليك رؤي قعد اضحك ههههههههههههه قالي دي غيره وكده ي سلام ياخ حبيبتي انا في قلبي ماف غيرك خليك عارفه كلام دا وانا ي انتى ي بلاش فرحت صراحه واطمنت حبه 🤗🤗🤗🤗 يلا ي مراءه امشي نومي للصباح نمت وانا حبه مطمئنه من كلامو لكن كل م ازكر رؤي قلبي أوجعني وهي باين عليها م هينه صبح الصباح وكان اليوم يوم جمعه قمت بدري ظبطه اللقيمات ورفعت لي ناس همام صحن كبير ورسل لي تسلم يدك ي مرتي !!!!همام مع خالتو امنه شفتي ي امي حنين دي بت ظريفه كيف وراقيه وجميله الأم بي صرة وش ونفس حار اااي ظريفه ابوهو عم يوسف اي والله بت مستوره و راقيه وطيبه الأم كلام م عجبه همام قاطعم بصراحه انا حنين دي زولتي من صغيره و دايره وافكر أتقدم ليها ابوه ومني قالو لي خير من اخترتها أمو وقفت فووق قالت كان تبقي آخر بت في دنيا م بتلزمني والا انا اكون م امك ودخلت غرفتها وقفلتها عليها مني وهمام وعمو يوسف استغربو في سبب الرفض شنو معنو علاقته مع امي من زماان واكتر من اخوات وانا بحترمها وبقدرها اكتر من امي ......همام طلع بره محتار سبب في رفض دا شنو انا رسلت لي في واتس

هلا همام صباح الورد
صباح النور حنونه
مشتاقين
بالأكثر
اها فتحت موضوع مع خالتي امنه
لا لسه بعد افتحو بديك خبر يلا استاذنك انا ماشي اجهز لي الجمعه
خلاص تمام لي بعدين
همام دقه باب لي أمو ودخل عليها امي مالك انا م ولدك بتحبيني ماله حنين شفتيها في غلط حصل يوم أساءت ليك ....الأم لا م شفت منها شي لكن حنين لا ي ولدي اسمع كلامي انا دايره مصلحتك انا امك .أمي انتى كان وريتني سبب مقنع انا م بخالف رايك ي ولد انا خاطبه ليك رؤي وكلمن عمتك ماله رؤي عيبها لي ؟ ؟ ؟ ؟ ي ماما ي حبيبتي انا بحب حنين ي حنين ي م عايز عرس هممممام انا قلت حنين لا وموضوع انتهي وتاني م تفتح معاي موضوع دا ....مشي همام الجامع بجلابيه بيضاء و طاقيه وشال مشاء الله بالجد حاجه عجيبه وهو محتار في سبب رفض أمو وصلي في جامع ودعاء انو حنين تبقي لي وربنا احنن قلب أمو علي...

#حنين
بقلم نسمة يوسف
-٨-

احمد من بعيد شاف همام في جامع اووووو ابو الهيم خبرك ياخ مشتاقين ارح البيت اشرب معاي جبنه طوالي ي احمد انا لاقي اقعد معاك دخلو البيت وقعدو في الصالون احمد ي حنوووو ي بت تعالي ظبطي لي جبنه عليك الله معاي همام ف الصالون 😍😍😍😍😍 انا كويس مشيت عملت جبنه وجيت لقيت همام مع ابوي بتونسو عن الكوره ختيت جبنه وسلمت علي قمر لابس جلابيه عامل سكسوكه وحالق جديد طاقيه دي تخليها لي مفروض رجال احردوها مشيت بهناك لقيت رساله ف الواتس كاتب فيها حلاتك بالعبايه حرما ي حرمه هههههههه كتبت لي جلابيه لايقه عليك ي هميمو .🤗🤗🤗 طلع مشي البيت لقي امو تتكلم مع عمتو نحنا جاينكم الجمعه جايه نخطب رؤي لي همام لمن شافت همام لمن اتخلعت 😢😢😢😢😢😢 همام عيونو دمعن وقاليها امي انتي دايره ولدك اتعذب امي انا بحب حنين من صغير بحبها امو قامت في ي ولد بصوت عاااالي تاني م تجيب لي سيره البت دي م تفور دمي ومشت منو قامت مني قالت لي وعيونه مدمعه همام م تذعل كلو لخير وان شاء الله حنين ليك وامي بتتناذل همام طلع الغرفه رقد في سريرو و اول مره في حياتو ابكي اااي بكي 😭😭😭😭😭😭 دموع حب لمن مسكتو عبره ورسل لي حنين رساله فيها انا بحبك 😍 وفي لحظه دي دخل لي اتصال من رؤي الوووو همام العسل مشتاقين 😏😏😏😏 قاليها اهلا ؟ ؟ ؟ خير في شنو ؟ ؟ ؟ معقول ي همام في زول جاي اخطب حبيبتو يوم الجمعه بتكلم معاها كده قاليها ي رؤي انا عايز اشوفك اااسه قالت لي تمام نتلاقي في شارع النيل ......رسل رساله لي حنين حنونه انا ماشي قريب وجاي بعد ارجع بتصل ليك ..... مشي رؤي همام حبيبي كيفك قاليها تمام تشرب شنو قاليها انا م جاي اشرب✋ انا داير اتكلم معاك رؤي انا م بحبك ولاح احبك ومستحيل افكر فيك انا بحب من عمري 5 سنين انسانه واحده ملكتني ماف زول غيرها رؤي همام دا كلام شنو انت حقي انت لي انا من زمان مخطوبه ليك جاي تقول كده بعد رفضت كميه من ناس عشانك وانتظرتك بي سنين بتين ترجع 😣😣😣😣😣 همام انا م بقدر اعيش من غيرك مستحيل تكون لي غيري قاليها للاسف انا بحب انسانه تانيه وانا ي بت الناس م حصل وعدتك بي شي دا كلام كان حق اهلي واهلك وانا اسه مستحيل اكذب عليك وقفت فووق وهي بتبكي همام دي منو الاحسن مني دي؟ اسمح مني بي شنو فيها شنو همام قعدها في كرسي واداها منديل قاليها اتي اختي حبيتك كاخت بس وانا بحب حنين من زمان🤗🤗🤗🤗 رؤي حنين حنين حنين ي همام وقفت فوق بصوت عالي و بي قوة انت لي انا واذا م بقيت لي انا م حتبقي لي غيري وشالت مفتاحه ومشت همام رجع البيت بالمساء رؤي ضربت لي خالتي امنه الو خالتي امنه ..........

.

#حنين
بقلم نسمة يوسف
-٩-
اهلا ي بتي رؤي كيفك ؟ ؟ ؟ ؟ م تمام ي خالتو امنه همام لقيتو قبل شويه وقالي كلام كتير وانو م عايزني وانا م حبيت اكلم ناس امي قلت ارجع ليك اول انا اسه في زول متقدم لي اذا هو م عايزني انا بوافق 🙄🙄🙄🙄(لا في زول متقدم ولا شي بت مفتريه حركه منها) لالالا ي بتي كلام دا كلامي انا وانا احدد همام عايز منو نحنا يوم الجمعه جاينكم نتقدم ليكم خلاص ؟ ؟ ؟ ؟ تمام ي خالتو حاعتبر نفسي م سمعت شي من همام 😈😈😈😈 خلاص سلمي لي علي امك يلا ي بتي .... همام جاء داخل امو قامت في ي ولد دا شنو العملتو دا انت م بتسمع كلامي داير ضغط دا اكتلني صاح 😤😤😤😤 ي امي ي حبيبتي تسلمي من كل شر بس ولدك قلبو تعبان هو الحنجلط واقع في واطه دي تبري ي
يابه تنجلط هي ان شاء الله همام ي امي حرام عليك والله اتي ظااالمه حنين انت بس وريني حنين دي بتك عديل انتي ربيتها الجده شنو من انا قلت عايزه مفروض تفرحي قالت لي دا حاجه بعرفها انا وشالت توبه وطلعت جاتنا في البيت انا كنت لابسه بجامتي و مسرحه شعري شعرتين بعد شافتني غيرت وشها اول مره تتعامل معاي بطريقه دي ولا مدت لي يدها اهلا خالتي امنه اتفضلي قالت لي لا انا م جايه اتفضل جايه اقوليك كلمتين ابعدي من ولدي وطلعت خلتني انا مجمده في حتتي وقلبي دا تقول طعنوني في بي خنجر ودموعي دي مطر مريم هنوو ي بت مالك بسم الله لا ماف شي جابت لي مويه شربتا امي جات طالعه من غرفتها قالت لي جانا منو قلت ليها خالتي امنه ماله طلعت كده سرعه؟ ؟ ؟ قلت ليها لالا ماف شي ومشيت غرفتي لقيت 10 مكالمات من همام رديت قالي حنين مالك م بتردي م قدرتا بس اتفقعتا بالبكاء الوووو حنين ي بت بتبكي معالك تعالي سرعه انا جمب الباب قلت ليه لا م بقدر لبكره ي همام وقفلت تلفون والليل دا عديتو بكاء شديد انا مالي خالتو امنه انا م حصل شافت مني شي عدا الليل الصباح لبست عبايه و مشيت الجامعه لقيت ايه وحكيت ليها بالحصل قالت لي م تشيلي هم الامور بتتصلح دخلت محاضره ودا كلوو انا قافله تلفوني فجاءه كان اجي همام ادق الباب بتاع القاعه انا نططت عيوني😲😲😲😲😲 و ايه دي بالله تقول واقف ليها عريس بي عربيه للزفه فرحت وقالت لي في اضاني اخخخ انا من رومانسيات واخخخخ انا من همام لو سمحت ي بروف ممكن ثواني بس حنين قالي جدا ي ولدي طلعت مشيت مسكني من يدي وجراني الجامعه دي كلها تتفرج دخلت في ظفوري وصلنا العربيه قالي اركبي ركبت وانا مذهوله ضرب الدركسون بي يدو ليه ي حنين تعملي فيني كده تقفلي تلفونك مني وتقعدي تبكي انتي عااارفه انا الحصل لي شنو انا للان م نمتا ياخ الليل كلو افكر تاني لو كررتي حركه دي وقعتي معاي وكان جادي وبتكلم بصوت عالي انا انفقعت بالبكاء هو بقي احنس خلاص معليش انا اسف ان شاء الله اموت قبل اعلي صوتي عليك انا كنت خايف عليك في شنو احكي لي عملتي كده وريتو بالحصل كلووو سكت وشفت في عيونو خوف ودمعه محبوووسه قالي م تشيلي هم مسك يدي وباسه لي حنين انا بحبك وانا ليك م تخافي والله انا لو ماليك م داير جريت يدي قلت لي همام انا بحبك بس م بعمل حاجه دون رضي اهلك قالي انا عارف وانا امي بقنعها انت بس ساعديني اقيفي معاي دور العربيه مشينا مطعم اكلنا بيتزا واتونسنا ياخ بجد خفف علي شديد نظراتو زاته راحه وصلني البيت ......

#حنين
بقلم نسمة يوسف
-١٠-
همام رجع البيت لقي امو اشترت حاجات الخطووبه كلها ولقي رؤي قاعده مع امو ومبسوطه شديد عمل روحو م شايفم طلع فوق الغرفه لقي الغرفه كلها ورود وبلونات داير ارجع لوره جات رؤي ي حبيبي السكر ود خالي قلت اعمل ليك بارت صغير كده عشان رجعت لي بسلامه وجات ختت يدينه الاتنين في كتفو قام همام ب شيله نفس و ذهجه استغفر الله العظيم من كل ذنب عظيم ي بت الناس ابعدي عني انا م حصل كرهتك لكن لو دايراني اكرهك واصلي في عمايل بتعملي فيها دي ولو سمعتي يلا اطلعي بره غرفتي هي بي ضحكه خباثه انا عمري م حابعد عنك و اقوليك حاجه ي حبيبي مبروك علينا الخطوبه والعرس بعد شهر يلا ي عريس الموسم😎😎😎😎😎😎😎 همام استغفر الله العظيم وطلع نذل تحت لي ابو ي ابوي انا داير اتكلم معاك ؟ ؟ ؟ ؟ حبابك ي غالي تعال ... ابوي انا بحترمك وعمتي علي عيني وعلي راسي بس انا و رؤي مستحيل ننفع قالي ي ولدي انا معاك في اي قرار تتخذو لكن امك دماغه ذي حجر دي ارضوها كيف قالي امي دي خليها علي دور عربيتو مشي اشتري لي امو احفظ مالك فيها 150 جرام وجاء داخل ي امي حبيبتي هي ايوه ي ولدي انا هنا في مطبخ تعالي عندي ليك مفاجاه حات مبتسمه اها طلع ليها احفظ مالك دي كنتي بتحلمي بيها ي امي شالتها ولبسته في يدها ي سلام عليك ي ولدي اديك لي العافيه سلم عليها في راسه قاليها امي لو بتحبيني حققي لي حلمي ي امي حنين الام لبست الغويشه في يدها ورفعت لي قالت لي لو اخر بت م بتلذمني م بتلذمني ودخلت غرفتها وقفلتها همام خلاص فاض بي طلع علي طوووول محل ماشي م عارف ....بالجانب التاني في بيتنا انا كنت برسم ومشغلا موسيقه باعلي حس ومبسوطه خالتي امنه جات ذي مولعه فيها نار ودقت الباب خشت تنادي ي علويه ي علويه امي جاتها قالت ليها حباب ام همام اتفضلي لا شكرا اذيد فضلك(امي وماما امنه كانو اكتر من اخوات وقفو مع بعض في حلوة والمره ) قالت ليها جاياك بخصوص موضوع حنين بتك تبعد من ولدي قالت لي حنين وهمام مالم تعالي لي جوة وانعلي الشيطان دخلو الغرفه وقفلوها عليهم انا خلاص كان نفسي اعرف بقولو في شنو جيت اصنت ليهم في الغرفه وسمعت الكنت مستحيل اتخيلو سمعت ....

#حنين
بقلم نسمة يوسف
-١١-

سمعت خالتو امنه قالت لي امي انتي نسيتي ي علويه حنين دي م بتك نسيتي انك جبتيها من وين من محل مجهولي الهويه (في اللحظه دي انا اي شعره في جسمي وقفت فوق والله العظيم حسيت بانو دم وقف في جسمي قلبي دا حسيت بي وجعني شديد حتي دموعي ابت تنزل وم حسيت بنفسي الا وانا في الارض (معقول انا بت حرام يعني انا عشت العمر دا كلووووووووو مع ناس هم م امي يعني امي م امي يعني ابوي م ابوي يعني احمد اخوي م اخوي يعني انا م بت ناس يعني انا امي مفروض اكون معاها جدعتني في كرتونه ولا جدعتني في شوال ختتني في ياتو حته ولا في كيس يالله في يوم داك الكلاب شمت ريحتي ي الله القطط حنت علي حالتي انا منو وامي وين وابوي النكرني بعد عمل عمليتو دي وين ي الله اسه امي م مزكره انها عندها بت اتخلت عنها ) م وعيت الا وانا في مستشفي ودربات في يدي وامي الهي م امي جمبي واحمد وابوي جمبي و مني و همام كلهم انا بس عاينت فيهم ودموعي جرت قلت م عايزة زول معاي هنا طلعو كلهم سستر قالت ليهم اطلعو بره لي راحه مريضه قام همام حنس سستر تدخلنو دخل قالي حنونه مالك في شنو انا جمبك انا معاك ليه خشيتي في صدمه بكيت قشي لي دموعي وهو بكي خت راسي في صدرو قالي اسه لو حصل ليك شي انا كان حصل لي شنو ليه حنونه بتعملي كده ذعلك منو قلت لي همام انا والعبره سدت لي ختخ يدو في خشمي قالي م تقولي اي شي ارتاحي اسه قلت لي لا همام انا وانت مستحيل نكون لي بعض عليك الله خليني في حالي عليك الله تاني م دايره اشوفك ابعد عني ...😢😢😢😢😢😢 همام قالي لو دا بريحك جدا ي حنونه انا م بسالك اسه بس بعد تقومي بسلامه لازم نتفاهم وطلع فات علي كده وطول الطريق همام افكر انا عملت لي حنين شنو و وشو لمن قلب من الذعل وانا بي هنا دنيا دي بقت لي ذي قدت الابره واردد في انا معقول امي م امي وابكي احمد اخوي جاء مسكني علي شديد وقالي حنين انا بحبك ي اختي عليك الله تاني م تعملي كده وبكينا سوا قلت لي احمد انا م اختك انا جيبني من المايقوما قالي م تقولي كده انتي اختي حبيبتي وبكاء لمن م قدر اشيل نفسو طلع بره.....

#حنين
بقلم نسمة يوسف
-١٢-
انا في سري عشان كده خالتو امنه ابتني عشان انا بت حرام انا حنين بت حرام الحمد لله يارب الحمد لله (طلعت القصه انو امي الما امي لمن ولدت احمد حصل ليها نزيف شالو ليها الرحم وكان نفسها اكون عندها بت اتبنتني انا و خالتو امنه كانت عارفه قصه من الاول عشان كده م دايره لي ولده بت حرام ) امي وابوي جو داخلين لي قلت لي امي كلام م عارفه انا قلتو كيف امي ليه جبتيني ليه ربيتني حرام عليك ليه خليتي اني احس انو انا انسانه انا حبيتك شديد انا حبيتك ي ابوي جو جمبي وحضنوني وبكو نحنا بنحبك اتي بتنا البنحبها امي انا عمري م حسيت انتي م بتي انتي روحي والله بحبك اكتر من احمد فسرت حاجات كتيره كانت غايبه عن بالي ليه اهلنا بالذات م كانو بعاملوني كويس ليه كل اولاد اهلي م اتقدمو لي معنو انا اجمل وحده في بنات اهلنا ...😶احساس صعب شديد تظهر ليك حاجه م كنتي متوقعاها وتقلب حياتك 180 درجه دكتور جاء قال ي بت شدي حيلك انتي شباب دايره اجيك ضغط انتي صغيره كده قالي مهم كان حجم حاجه الخلتك تصدمي دا م سبب اخليك تبقي تعيسه كده الله في فوق ومعاك طلعنا خرجونا ونحنا طالعين لقيت همام واقف بعاين لي من بعيد م قدرت اعاين في ركبت في عربيه احمد ومشيت البيت لي اول مره احس انو دا ما بيتي دي م غرفتي مريم ي بت هنوو سلامتك ...شكرا ي مريومه مشيت غرفتي فوق طلعت فتحت تلفوني لقيت رسايل كتيره من ايه اتصلت ليها ... الوووو ي بت حنين وين انتي من امس م جيتي جامعه كويسه قلت ليها الحمد لله كويسه قالت لي انا اسه قريبه من بيت جايه عليك قلت ليها خلاص تمام تعالي طلعت بلكونتي قعدتا جاني اتصال من همام م رديت تاني اتصل م رديت مره تالته رديت ي حبيبتي حنونه مالك م بتردي لي انا يوم المستشفي مشيتك ساكت مشتاق ليك والحله نورت ي زهره الحي وبحبك وبركه طلعتي بسلامه ياخ انا من امس الاكل دا غلبني احكي لي مالك قلت لي ماف شي بس انا تاني م دايره اتكلم معاك ولا دايره اشوفك خليني اكون اختك وعرس رؤي بت حلاته و سمحه وبت ناس ودموعي جرن انا خليني همام انا بجد م قادره اتكلم معاك خليني في حالي في لحظه دي جات خاشه ايه في الوقت صحيح قفلت من همام وحضنتها وبكيت بعد قلت بس وهي تبكي معنو م عارفه في شنو قالت لي حنونه مالك همام خانك ولا مالو والله م اخلي ود اللذينه قلت ليها ياريت لو كده ي ايه ايه انا طلعت بت حرام قالت لي يعني شنو م فهمتك حكيت ليها كل الحصل وانو انا سمعت كلام كيف قامت حضنتني وبكت قالت لي دا م ذنبك اتي ولا ذنب امك وابوك بركه الانت اسه هنا م عارفه كان حتكوني وين مهم بالجد يعني خلتني اتحسن حبه و قعد تقولي همام عرف قلت ليها م اظن عرف وانا خلاص همام دا قفلت صفحتو وصفحه الحب نهائي انا بت حرام مالي حق في شي طوالي ادتني كف قالت لي م تقولي كده انت حنين حنين بت خالتو علويه و خالو محمد احمد جاء داخل شايل لي بيتزا عارفني بحبها ايه بي تحت المز العجيب دا منو ضحكتني وانا ذعلانه قلت ليها اسكتي قعدنا اكلنا وهو اكل معانا ولمن طلع قالت لي ي عفنه ي وسخه م تقولي عندك اخو قشطه بي عسل كده قلت ليها ياريت لو كنت اختو انتي نسيتي انا طلعت بت ... ادتني ليك قرصه قالت لي تاني لو قلتي كده انا م صحبتك يلا انا ماشه نذلت تحت امي مسكت ايه قالت ليها خليك معاها الوقت كان متاخر قام احمد قاليها بوصلك وطلع اوصله بي عربيه قاليها ساكنه وين قالت لي في جبره جمب البيبسي قاليها كويس اطلعي شكرا ليك لانك وقفتي مع حنين قالت لي حنين دي اكتر من اختي معقوله ياخ واتونسو وشكلو كده انطلقت شراره حب ههههه وفي الوقت دا همام كان بين الارض والسماء في غرفتو يومين م دخل شي في سنو جاتو امو فوق......

#حنين
بقلم نسمة يوسف
-١٣-
جات داخله امو ي ود همام مالك م نزلت تحت ليه ابيت الاكل وشراب عشان شنو ؟ قاليها ماف حاجه ي امي ...😑😑😑كيف ماف انت زعلان علي البت دي همام اول مره اعلي صوتو علي امو 🙂🙂🙂🙂🙂 ماااااله ي امي حنين ....؟ انتي ليه بتكرهيه كده عملت ليك شنو اذتك بي شنو امو وقفت فوق قالت لي اقولها ليك عديل الحاجه سمعتها حبيبتك و خلتها صدمت حنين بت حرام جابوها من المايقوما ارتحت كده انا اعرس بت لي ولدي تكون لا عندها نسب لا حسب وطلعت قفلت الباب همام بقي اقول استغفر الله العظيم و ابكي بصوت عالي لا معقول حنين حبيبتي معقول حنونه وبكي قدرتو وصلي ركعتين ازكر حبيبتو كيف انها حتكون مجروحه كيف انها مصدومه وبقي قلقان عليها وسبحان الله همام م غير رايو في حبيبتو الحبها وقال لازم بي اي طريقه اتكلم معاها وكانت ساعه متاخره 12 طلع اتصل لي احمد صحبو لاقى جمب الباب قالي ي احمد انا عرفت كل شي وانا ي احمد بحب حنين من صغير والله العظيم م حاخليها خالص بس معليش انا ضرووووري اشوف حنين داير اتكلم معاها واقيف معها احمد قالي ابشر ي اخوي طول عمرك راجل تعال خش انا كنت ببكي في غرفتي وعيوني ديل لمن بقت مافي من دموع جاء داخل همام ......لمن شفتو كان نفسي اجري علي احكي لي اوري الحصل لي مسكت نفسي وقلت لي جابك هنا شنو اطلع سرعه قفل الباب وقالي حنين انا عارف كل شي 😣😣😣😣😣 انا انذهلت في انو عارف وجاء لي حنين انا بحبك وعايزك حلالي وام اولادي انا قاطعتو همام انا مستحيل اكون ليك انا طلعت بت قبل اتم كلمه جاء قفل لي خشمي وعاين لي في عيوني قالي انا بحبك ي بت انتي حنين حبيبتي العشت عمري كلووو احلم بيها انتي البت الحتكون حبيبتي وزوجتي واللابسه زفاف ابيض لايق عليها انا م عرفت اقول شنو دموعي جرت قشى لي دمعتي قالي دموعك غاليه وحضني علي قال لي تاني م تبكي انا م بتحمل اشوف دمعه منك قلت لي همام ماما امنه قالي م عندك فيها شغله انا الموضوع دا بحلو وكان خطف بخطفك ي حبيبتي سمحه اخخخخخخخخ انا والله الاحساس الحسيتو ذي زول لمن اكون قااااعد في حته حاااااااره و اجي هواء باااارد باسني في راسي وقالي نومي و م تفكري في اي شي انا جمبك وسندك وبكره من 8 انا بنتظرك جمب الباب نمش الجامعه سوا وطلع خلاني مبسسسسسسوطه شديد بس خايفه 😏😏😏😏😣😣😣😣 من بكره حاحصل شنو نزل تحت قال لي احمد شكرا ليك ياخ قالي م بينا شكر انت اخوي وراجل وانا لو م عارفك انت شنو والله م تعتب بيتنا طلع علي كده وانا نمت ذي مخدره لي 3 يوم مضقت طعم نوم 😥😥😥😥😥😥 صبح الصباح

#حنين
بقلم نسمة يوسف
-١٤-

صحيت صباح مممممصدعه شديد شلت لي بندول بلعتا و لبست نزلت تحت لقيت امي وابوي قاعدين سلمت عليهم في راسم امي دموعها نزلت قلت ليها انا اسفه ي امي زعلتك حضنتي قالت لي انا اسفه ي حبيبه امك ابوي باسني في يدي قالي اااسف حبيبتي م وريتك اي شي من زمان بس والله انا م حبيت افتح معاك موضوع دا عشان انتي بتي والله ي حنين انا مسجل ليك حاجات كتيره بي اسمك قلت لي ابوي انا دايره حنينكم علي م دايره شي تاني وعليكم الله موضوع دا نحاول ننسي .....
وطلعت قشيت دموعي وقررتا ابدا حياتي من جديد وانسي كل شي واتحدي اي شي طلعت الشارع لقيت همامي واقف بره لابس لي قميص جنز كحلي غامض نص كم و فريم وبنطلون شاي لبن وجزمه كحلي اخخخخخخخخخ انا من سماحه عاين لي قالي السمحه ست البنات تعالي طلعنا في العربيه باس لي يدي قالي الله م يحرمني منك ابتسمت قالي اخخخخخخخ انا من الابتسامه مكسراني من انا صغير قلت لي همامي بطل ياخ قالي قلتي شنو همامك احححححي انا اموت عديل كده ضحكنا قالي اها الليله محاضرتك بتين قلت ليه لا انا الليله عندي مشوار تاني قالي مشوار شنو قلت لي ماشه ازور ناس المايقوما قالي لشنو ي حنين قلت لي ساكت بس حابه اقدم دعم عندي قروش موفراها قالي حاااضر ولحدي م وصلنا كان في صمت كده عجيب مشينا خشينا ي الله وسبحان الله من الاطفال الأعمار مختلفه وبريئين شديييييد والله العظيم تعاين في عيونم تبكي امسكو فيك كانهم بسالوك امي وين ؟ ؟ ؟ ؟ ابوي وين لي اتخلو عني بكيت بكي شديد وهمام زاتو دمع لكن تحت ما عارفه انا ببكي ليه؟ ؟ ؟ ؟ ببكي عشان الاطفال البريئة دي ولا ببكي عشان انا في يوم كنت ذيهم كنت مجدوعه في كوشه ولا خور ولا كرتونه م عارفه وجابوني هنا كنت ببكي زيهم وبسال وين امي نفسي احضنها نفسي ارضع منها اخخخخخخخ احساس قاااتل ياخ همام مسكني من يدي وخت يدو في كتفي وانا جد انهرتا شديد لمن ناس دي كلها احتارت البت دي ماله وفي شنو وقصتها شنو همام ساقني في كرسي بره تحت الشجره وقعد قدامي في واطه حنين انا م قلت ليك م عايز اشوف دموعك ليه بتعملي كده قلت لي اسفه همام بس غصبا عني والله طلعنا السوق مشينا اشترينا كميه من الحاجات همام م قصر دفع كتير اشترينا بامبرز و لبن وبزز و مراتب وكم سرير ولعب كتيره رجعنا سلمنها ليهم وعدناهم كل فتره نجي نمر عليهم رجعت البيت وانا م قدرت اعمل اي شي صوره الاطفال في عيني م قادره انساهم 😟😟😟😟😟😟😟😟😟😟😟😟😟😟😟😟😟😟
في جانب الاخر كان اليوم خميس وام همام محدده انو بكره الجمعه دي خطوبه همام من رؤى اتصلت لي رؤى قالت لي ي بت الحرام ابعدي عن همام عشان م افضحك في كل مكان وقفلت الخط لدنيا ظلمت في عيوني رسلت لي همام رساله كتبت لي انت مستحيل تكون لي رد برساله قالي بحبك وبس وم تفكري كتير انا حقك انتي .....
همام امو جات خاشه علي ي ولد بكره خطوبه اشتريت ليك لبسه جميله هاك شوفها واتصل لي خطيبتك خليها تمش تحجز فستان ...رد ليها ي امي انا مستحيل اااااامش معاكم امشو براكم وطلع.....

#حنين
بقلم نسمة يوسف
-١٥-


طلع ركب عربيتو اتصل علي حنونه انا ماشي شارع النيل يلا معاي ماشي اشرب لي جبنه استاذنت امي طبعا هي بتريد همام شديد ومن زمان بتدعي اكون من نصيبي🤗🤗🤗🤗🤗 لبست لي فرده لونها احمر و سرحت شعري كعكه لي ورا عملت لي كحل وروج احمر خفيف ولبست لي شبش واطي وطلعت لقيت همام بره واقف 😙😙😙😙😙😙😙😙 منتظرني طلعنا مشينا شارع النيل الزمن كان ذي ساعه 8 كده شربنا جبنه بمزاج واكانا تسالي وفول ومنقه بشطه اخخخخخخ بعشق الحوامض انا ونحن قاعدين توبي وقع من راسي طوووالي همام رفعو قالي اوعك تاني اقع منك انا م برضي راجل تاني اعاين في مرتي خجلت ياخ انا منو حسيت بالامان والخوف والحب واحساس انو انا مبسوطه قمت قلت لي همام انت بكره حتخطب غيري قالي هو في غيرك ياخ انا ماشايف مراه غيرك النسوان في الدنيا ديل كلهم م شايفن ي بت انتي نفسي انتي حبيبتي انا لمن دمعتا وسكتا😶😶😶😶😶😶😶😶 بس كان سمعنا لينا شكله بي جمبنا تحت شجره كده وحته مضلمه وشرطه واقفه وصوت بت تصرخ جرينا لقينا الشرطي بضرب في بت بقوه وبكورك فيها كمان سكرانه ي حيوانه ومعاك دلقان دا سكران و كوراك شديد همام مسك شرطي وقالي م من حقك تضربها اقيف واتفاجأنا انو البت طلعت (رؤى ) اااي رؤى بت عمتو😲😲😲😲😲😲😲😲😲😲😲 لابسه مخشلع و ريحتها رمه و سكرانه والشرطه لقتم في وضع م كويس تحت جمب البحر طبعا همام اتصدم وهي بقت تبكي هممممام وووواي همام وتترجف همام اداها كف صااااج انا مسكتو وجريتها منو قلت لي همام لا عشاني سقتها دخلتها عربيه وجبت ليها جبنه وهمام اتفاهم مع بتاع شرطه ومسك الولد علي جمبه قالي انت منو وبتعمل في شنو مع رؤي قالي انا و رؤي متزوجين عرفي وهدي ورقتنا وانا بقرا معاها في جامعه همام طبعا اتصدم صدمه عمرو الولد دور عربيتو وفات .....😑😑😑😑😑 همام جاء لي رؤي قاليها توووووف عليك ي وسخه ي رمه يخس انك بت عمتي وقعد تبكي قلت لي همام خلاص عليك الله خلاص قالت لي همام عليك الله استرني قاليها استر شنو انك وحده متزوجه عرفي انا راسي بقي قدر دا استغفر الله😑😑😑😑😑😑😑😑 قعد تبكي قالت لي انا اسفه قاليها اسكتي مني وانزلي مش دي عربيتك يلا انزلي مني انا قلت لي انا بصل معاها قالي مالك وماله قلت لي لا عليك الله خليني امش معاها قالي كويس انا بمش وراكم طلعنا وهي شارع كلووو تبكي وتعتزر مني وتحلف فيني م تكلم زول قلت ليها انت بت زيي وسرك في بئر و قلت ليها لسه الحياه قدامك عليك الله حاولي اتغيرتي واستغفري و صلي واتحجبي الدنيا دي فانيه قالت لي كلامك صاح لكن انا ادمرتا انا ي حنين بشرب بنقو و بسكر واي شي بعملو والسبب كلو الحيوان قبيل دا اغراني من وانا في الجامعه وم داير اجي اتقدم ولمن همام جاء قلت خلاص اتغير واعتبرها فرصة جديده لكن امس اكتشفت انا حامل وكنت بكره ماشه اجهض قلت ليها استغفري و م تقتلي روح م عندها ذنب وانا بكلم همام نحل موضوع دا....قالت لي انا اسفه ي حنين انا ظلمتك انتي بت ناس انا اسفه قلت ليها لا عادي م زعلانه منك وكتبت رقمها قلت ليها برجع ليك بعد اتناقش مع همام و وصلتها بيتها و نزلت لقيت همام واقف منتظرني .......

#حنين
بقلم نسمة يوسف
-١٦-
لقيت همام زعلان شديد اول مره اشوفو كده مسكت يدو قلت لي انت لي عملت كده قالي دايراني اعمل شنو ابارك ليهم حنين رؤي دي مهما كان عرضي وامي رفضت اننا نكون سوا و فضلتها هي عليك عاين سبحان الله ربنا ورانا نحن الاتنين سوا هي شنو لمن امش اكلم امي قاطعتو اووووعك ي همام والله تكلم زول ازعل منك المهم اسه يلا نتحرك علي البيت اتاخرت شديد انا اتحركنا علي البيت قلت لي حنين عايزة اقوليك حاجه نحنا لازم نقابل الولد الكذب علي رؤي ونقنعو انو اتزوجها ..... قالي ان شاءالله ....وانت حاول تاخر خطوبه قول لي امك انو موافق بس اجليها حبه قالي انت مجنونه ي حنين عايزة تجنينني صاح قلت لي لا والله بس دايره احل مشكلتها ياخ قالي والله انت اطيب انسانه في الحياه وعشان كده حبيتك ابتسمت وصلت البيت نزلت قبل انزل قالي حنووونتي انا خلاص م قادر ابعد عنك داير اكون معاك علي طوووول قلت لي ان شاء الله يارب اكون معاك ونزلت مشيت البيت من تفكير في رؤي مسكني صداع مسكينه ياخ م تستاهل ...همام دخل مشي لي امو قاليها امي انا موافق علي رؤي بس ناجل موضوع شويه امو فرحه قالت لي خلاص لكن حدك جمعه جايه قاليها خير طلع فوق اتصل علي حنين ..... غاليتي الحلوة خلاص اقنعت امي قلت لي تمام انا اسه بتصل اشوف رؤي كيف واعرف الولد ساكن وين قفلت اتصلت علي رؤي ....الوووو رؤي اذيك اها كيف انتي قالت لي كويسه شكرا ليك ي حنين قلت ليها عادي ياخ انتي اختي المهم همام قال حيمش يقابل الود الامس اسمو منو وساكن وين و رقمو كم .... قالت ليها هو شهاده عربيه ساكن في شقه في المنشيه اسمو اياد رقمو 09......... تمام ي رؤي بكره برجع ليك اهم شي انك صلي واستغفري واقري قران كتير عليك الله .... والله ي حنين الوقفه اللقيتها منك من اختي م بلقاها واسفه جدا اني ظلمتك قالت ليها دا الواجب شكرا اديت تفاصل لي همام ومشي من الصباح للود في شقتو ترن رن فتح باب الشقه ...... لقاهو قاعد لمن شاف همام لمن اتخلع اهلا همام قالي ولا اهلا ولا غيرو داير اتافهم معاك قالي اتفضل دخل لقي بت معاهو جوة وكميه من قزاز الويسكي وقزاره كده فظيعه صجججج ادي كف قالي ي حيوان انت فاكر رؤي دي بت م عندها وليان ولا شنو ولا عشان م عندها اخو قالي رؤي دي وحده كنت بملي بيها وقت و مدام انتو اكتشفتو انا خلاص م بعرفا واعلي م في خيلك اركبو همام قالي والفي بطنها منك قالي عادي انا بدفع ليها تكاليف انها تجهظو والقصه انتهت همام مسكو خنقو قالي والله العظيم م تمش تعقد عليها معاي اااااسه في مأذون الا اجيب اجلك ي واطي الولد تمتم قالي خلاص اكلم اهلي وبديك خبر همام طلع الدنيا دي ظلمت في وشو اتصل علي حكي لي بالحصل انا م اطمئنيت خالص وشلت هم رؤي ...اتصلت علي قالت لي الحصل شنو قلت ليها لسه م عرفت قفلت دخل عليها اياد تلفون قاليها ي ووسخه امشي نزلي في بطنك دا وابعدي عني وعشان اريحك مني انا ززززاتي اسه ماشي علي الطياره وتاني تشوفني ف شاشه .... رؤي انهارت و عملت عمليه م كنت متخيلاها منها.....😣😣😣😣😣😣😣😣😣😣😣😣😣😣😣

#حنين
بقلم نسمة يوسف
-١٧-

رؤى انتحرت ي بنات اااي انتحرت وفارقت دنيا زعلت عليها شديد زي تقول ماتت لي وحده بعرفها وهمام برضو زعل امكن عشان م قدر اساعدها مرت علينا ايام كنا حتي م بنتكلم مع بعض وانا كنت بمش بيت البكاء كتير معنو م مرحب بي هناك ناس افتكرت انو رؤى انتحرت بي سببي بي سبب همام وانا حلفت همام انو سر رؤي اندفن معاها يحليلا مسكينه كانت ضحيه لي طيش الشباب ( من هنا بوصي اي بنت علي شرفها و سمعتها وانو م توطي عين اهلا وانو م تغضب ربنا وتحافظ علي نفسها شرفكم امانه احفظو الامانه لمن اجي زول بستحقها)
😎😎😎😎😎😎😎

يوم السابعه خالتي امنه كانت ماشه علي بيت البكاء هي ومني سايقم السواق وحصل ليهم حاااادث السواق مات 🤕🤕🤕🤕🤕🤕🤕🤕🤕 نقلوهم المستشفي مني م اتاذت شديد كراعها انكسرت لكن خالتي امنه حصل ليها كسر في سلسله الفقريه و للاسف شديد عملت ليهة شلل مشينا المستشفي انا وامي وابوي واحمد لمن وصلتا لقيت همام قاعد في ركن وابكي ذي الشافع الصغير بطول حسو قعدت مع في واطه وبكيت قدرتي قلت لي همام دا امتحان وربنا ابتلانا بي لازم تتحمل عشان اهلك تقويهم وانا معاك م تخاف علي طول معاك قالي شكرا طول عمرك اصيله دخلت لي مني كانت عندها كدمات كتيره في جسمها وراسه بستها في راسه قلت ليها حمد الله علي سلامه قالت لي امي وين دايره امي قلت ليها انك كويسه ي مني انتي ارتاحي

مشيت شفت خالتو امنه صراحه كانت مضرره شديد لقيت امي تبكي عشان هي عشرت سنين قلت ليها سلامتك ي خالتي بتعاين فيني بس م بتتكلم نهائي اليوم التاني رجعنا شلنا فطور فطرنا كل في مستشفي وشلت لي خالتو امنه ومني شوربه وخالتي كانت مستغربه من تعاملي معاها بعد العملتو فيني وم لقت زول وقف معاها غيرنا اشيل واخت فيها لحدي م اتخرجت من المستشفي كنت علي طول بهتم بيها واقيف معاها واعمل ليهم الاكل امش جامعه اجي اقعد معاهم لي 10 بليل ابو همام قال لي خالتو امنه شفتي البت بت الحرام طلعت بت حلال كيف شفتيها م قصرت معاك ومع مني خالص قالت لي ااي والله البت ظلمتها و م تستاهل ....... جيتم بالمساء من الجامعه لقيت شعرها منكوش سرحت ليها و مسحتها وريحتها وسرحت لي مني و سويت ليهم الغداء لمن جيت طالعه قالت لي اديك العافيه ي بتي ياكي بتي الربيتها مع مني م قصرتي معاي سلمت عليها في راسه قلت ليها دا واجبي ي خالتو امنه انتي ذي امي جاء داخل همام بعاين لي من بعيد مبسوط مني لمن طلعت الحوش جراني من يدي سلم علي في يدي قالي انا كنت عارف انك م حتخذليني يا حبيبتي قلت لي همام بطل عواره ومشيت بيتنا الامتحانات قربت شديد وانا م مركزه قعدتا قريت و بكره كان يوم جمعه ايه وعدتني انها تجي تزاكر معاي بعد الصلاه نمت صحيت بدري سويت شاي باللقيمات وديت لي ناس خالتو امنه اللقيمات و جيت راجعه امي ظبطت عصيده بي تقليه و شطه خضراء شلناها ومشينا عليهم فطرنا معاهم وجيت البيت سرعه دخلت الغرفه لقيتها كلها ورود وبلونات و5 كراتين هدايا كبيره استغربت طلع لي همام من ورا ومعاهو ايه و احمد اتاري عيد ميلادي وانا عبيطه م اتزكرت ياخ كانت اسعد لحظه اعز ناس بعايدوني في عيد ميلادي جلبطوني بي تورته تمممام و كان اسعد يوم ياخ ظريف شديد طلعنا مشينا اتفسحنا و اتونسنا وفرقنا ..... احمد قال لي ايه ممكن اسيف رقمك قالت لي طوالي شال رقمها وبدا بينم تواصل وحبكانيات الحمد لله بقينا نمش بالعربيه من البيت لي الجامعه مجان بي عربيه احمد ههههههههه وفرنا قروش .....

#حنين
بقلم نسمة يوسف
-١٨-

يوم همام كان لازم اسافر قطر عندو شغل مهم تبع شركه لمده اسبوعين جاء داخل بيتنا ي خالتو علويه كيفك تمام قالت لي اهلي ي ولدي ....حنين وين قالت لي فوق قي غرفتها قاليها جاي اودعها انا ماشي قطر عندي شغل مهم م كنت عامل حسابو لمده اسبوعين وبرجع قالت لي تجي بالسلامه ي ولدي طلع فوق دقه باب الغرفه انا كنت برسم فيهو😍😍😍😍😍😍 قلت ادخل و الفرشه في راسي ومنكوشه ولبسه لي برموده جنز وتشيرت دخل انا صرختها قلت لي جابك شنو وجريت شلت توبي واتلفحت بي هو اضحك قاعد في كرسي قالي وحلاتو القمر وهو خجلان قلت لي همام بطل وانت تجي خاشي كده بس ليه راجلي ولا راجلي قالي والله تكتري اعقد عليك اسه واخش قلت لي هممممام م دايره معاك عوارات انا امتحاناتي بتاعت السمستر الاول قربت بعدين انا زاتي م عايزه معاك دخول ولا عرس ولا حركات يلا يلا اطلع بره قعد اضحك قالي كويس بنشوف كلام دا بس امش واجي بعد اسبوعين 😎😎😎😎😎😎 انا ماشي وين 🤔🤔🤔🤔🤔🤔 ي همام قالي ماش عندي شغل مسافر اليوم والله ساعه 7 مساء 😣😣😣😣😣😣😣وانا اخر من يعلم صاح والله دمعت عديل قالي حبيبتي انا م كنت عارف اتصلو علي اليوم وعملو لي تزكره ماشي وجاي م بيدي والله بعدين كلها اسبوعين امش واجي القي العسل خلص امتحانات وركز وقرا كويس😣😣😣😣😣😣 قلت لي م مشكله الله اوصلك بي سلامه وخلي بالك من نفسك قالي لالالالا كده بي صره والوش دا والحركات دي خلاص خليت السفر قلت لي لا خلاص والله امش قالي جدا مسك يدي وقالي خلي بالك مني فيك انا جواك واقري لي كويس وخلي بالك من ناس امي ي حنونه قلت لي في راسي والله عايزة شنو اجيبو ليك معاي قلت ليه سلامتك ي غالي طلع وخته لي علبه كده فيها ورق صغار قالي كل يوم شيلي ورقه واقريها الصباح من بكره وانا اول م اصل بتصل ليك يلا حبيبتي .....
😣😣😣😣😣😣😣😣😣😣
همام فات خلي الحله مسيخه وانا الصباح صحيت شفت العلبه شلت لي ورقه كاتب لي فيها انتي حبيبتي الغاليه وبحبك وكلام رومانسي حلووو همام دا احلي شي حصل لي في دنيا مشيت وانا طالعه الجامعه قلت اغشي ناس خالتو امنه غشيتم صبحت عليهم وسرحت ليها شعرا وسالتها لو محتاجين حاجه قالت لي لا ي بتي سلامتك وانتي م قصرتي معاي وانا بعتزر منك قلت ليها خالتي تاني م تقولي كده انا بتك مشيت لي مني قلت ليها كيف منويه العسل قالت لي كويسه حبيبتي مسكتها قلت ليها قومي اتمشي حبه نزلنا تحت قالت لي ي حنونه همام بحبك شديد في عيونو ظاهره وانا نفسي تكوني مرأه اخوي لانو م استاهل زول غيرك قلت ليها ان شاء الله ي مني ......

#حنين
بقلم نسمة يوسف
-١٩-

مشيت جامعه زاكرنا انا وايه الامتحانات كانت خلاص فضل ليها يومين.... جاني اتصل من رقم عالمي عرفت انو همام الووووووووو ...حبيبتي مشتاق ليك ياخ والله م قايل حاشتاق ليك كده ي سكر قلت لي وانا كمان كيف وصلت عليك الله كويس بس فاقدك قلت لي م تفقد غالي وين انت ؟ قلت لي في الجامعه قالي تمام انا برجع ليك بعدين المساء نتكلم بالفديو قلت لي اوكي ........

رجعنا البيت جانا احمد اخوي ذي ساعه 5 كده وصلنا ايه بيتم و مشيت البيت احمد قال لي امي انا عايز اتزوج ي امي قالت لي ايووووووووي بركه ي ولدي كان نفسي من زمان تقولي كده منو دي قاليها ايه صحبة حنين قالت لي خير من اخترت والله بت رجال ومستوره قلت لي عاين ي روميو خلي البت تخلص امتحاناته م تشغله من دراستها قالي امرقي منها انت ي بايره ههههههههه قلت لي قاعده في نفسك هنا انت الحتتفكفك من وشي قالي وووووين انا من البيت دا م مارق قاعد ليك كده امغصك واشيلك اولادي😏😏😏😏😏😏😏 قعدنا نضحك قلت لي والله ي احمد نفسي اشوفك عريس والذ شي انو انت حتعرس اعز انسانه علي قلبي قالي تسلمي لي ي اختي العسل م تخافي بخليك تبقي اشبينتنا😉😉😉😉😉😉😙 دخلت غرفتي اتصلت علي ايه قلت ليها مبررررروك ي بت محظوظه قالت لي مبروك شنو قلت ليها احمد اتنيل علي عينو وقال حاتقدم ليك😎😎😎😎😎😎 المجنونه قامت نططت و ذغردت هههههه وووووواي من اخووووووك المزززززز العامل ذي القشطه بالعسل دا سبحان الخالق غايتو م فيهو غلطه استغفر الله قالت لي عقبالك انتي وفلان قلت ليها م اظن انا مستحيل اوافق بدون اهلو واخرب علاقة امي معاهم قالت لي ي بت همام مجنوووون بيك و المراه امو الصقيله دي بعد اتكسرت مسسسسستحيل ترفض انتي م قصرتي معاها ايه؟ حرام تقوليها عليها كده قالت لي هي م دايره معاك كنت انا دايره اعيش اللحظه دي 🤗🤗🤗🤗🤗🤗🤗 وقفلت مشيت ادوشت كالعاده وشلت نسكافي🙄🙄🙄🙄🙄 بتاعي وعلي بلكونتي...

وجريت شريط حياتي كلو مع همام وحب همام وسماحه همام والرمانسيه بتاعتو كان نفسي امش اكلم امو اقوليها م تحرمينا من بعض كان نفسي امش ليها انا م ذنبي اني اكون بت حرام 😣😣😣😣😣😣 كل م كنت افرح شددددددييييييد اتذكر النقطه دي وقلبي اوجعني شديد وابكي لمن اقول بس انا عملت شنو في الدنيا دي كان نفسي امش اتبني كل الاطفال الفي المايقوما ومرات اقول احسن اكونو هناك علي الاقل عارفين هم شنو و بانين حياتم علي الاساس دا

#حنين
بقلم نسمة يوسف
-٢٠-

اتصل همام حكيت لي انو احمد عايز اتزوج ايه وانبسط بالخبر وقالي سبحان الله احمد وايه قصه غريبه لكن لايقين علي بعض قلت ليه ااي والله ربنا عالم انا بحب المخلوقه دي كيف عشان كده بقيت انا حماته قعدنا نضحك وقالي ...... حبيبتي عقبالنا
قلت لي م اظن ي همام انا امك مستحيل ترضي بي زوجه لي ولدها الوحيد قالي ليه بتقولي كده ي عويره انا م عايز غيرك انت قدري .....

قلت لي ان شاء الله قالي خلاص امشي ادرسي حبيبتي و م تنسي الورق كاتبو ليك قلت لي ان شاء الله يلا تصبح علي خير........

عدت الايام كانها في ظهر سلحفاه و الامتحانات انتهت غايتو السمستر دا الشغل كان نص نص و ايه الوسخه الرمه بقت تمش مع احمد اخوي وتخليني براي اخر يوم في الامتحانات كان يوم خميس ويوم الجمعه استعدينا اشترينا حاجات قوله الخير ومشينا بيت ناس ايوته طلبناها رسمي وحددو الزواج طووووالي بعد شهر كان يوم حلووو شديد وفي المساء كان وصول همام الساعه 8 ......

انا كنت مع ناس خالتو امنه عملت ليهم الغداء وقعدنا نتونس وهو جاء داخل سلم علي امو وابو في راسم وعلي مني اختو انا م فضل لي الا اقوم اااحضنو من الشوق سلم علي بي برود كده وبياخه اتغظتا منو قلت ليهم استاذنكم انا طالعه طلعت اتخيلتو خجلان من اهلو ولا حصلني ولا اي شي ذعلت شديد وقلت ي الله همام مالو م اشتغل بي مشيت البيت اتصلت علي كتير ولا رد رسلت لي في واتس حبيبي حمد الله علي سلامه مشتاقين عمل لي حظرررررررر والله تقول حظر مني الهواء بكيت قدرتي واحترت ي الله مالو همام انا مالي عملت لي شنو....😐😐😐😐😐😐😐
اتصلت لي ايه حكيت ليها احتارت وقالت لي كلام عجيب وانا بشكي ليها قالت لي ي حنين معليش احمد خاشي علي اتصال برجع ليك بعد شويه ولا اشتغلت بي شلت الليل دا كلوووو انا ابكي واتصل و هو م ارد لي جاني احمد اخوي الصباح قالي ي حنين م سمعتي بي همام ....؟ ؟ ؟ ؟ قلت لي همام مالو؟ ؟ ؟ قالي همام عايز اخطب 😲😲😲😲😲😲😲😲😲😲 اخطب كيف واخطب منووووو قالي قال وحده كانت زميله دراسه وخطوبتو بكره انا الدنيا دي ظلمممممممت في وشي ذي زول لمن اغرسو لي خنجر في قلبو ووووووو قلت لي احمد خلاص مبروك لي ربنا اسعدو واحمد طلع والله العظيم قعدتا في الواطه من الخلعه وبكيت وشلت كل الهداااايا جابه لي لميتها في كيس زباااله ووووومشيت لي في بيتم دخلتها لي في غرفتو لمن شافني قلب خلقتو تقول شاف شيطان قالي اهلا قلت لي لا اهلا ولا وسهلا ي رمه ي وسخ ي خاين ي م راجل انا استاهل اساسا اني عرفتك وحبيتك وقلت لي ولا ندمانه عليك وجدعت لي حاجاتو في وشو قالي يعني انا ندمان عليك ياخ انتي كنتي لعبه و القيمممم اوفر يلا يلا بره اطلعي م داير اشوف خلقتك قلت لي حاااااضر ي صديق حياتي و يا الممممممي وطلعت وانا م شايفه قدامي مشيت طوووووالي علي غرفتي انا والله م عارفه كيف دا حصل كاني في حلم ياخ شعور مؤلم الليل دا كرررررر صاحيهو شي اتقلب شي ابكي الحمد لله ..........صبح الصباح وشايفه ناس همام اجهزو في حاجاتم.....

#حنين
بقلم نسمة يوسف
-٢١-

جاتني مني قالت لي ي بت ارح معانا الخطوبه بتاعت همام عايني خطيبتو مززززه كيف شفت صوره بس بت ملاك في شكل انسان وشعر اشقر وحاجات عجيبه اخخخخخخ قلت ليها ولا سمحه شينه قالت لي النبي ارح معانا مش همام دا صحبك من صغير وامي قالت م بتمش الا حنين تجي قلت ليها انا م بقدر وعيانه قالت لي اصلووو الا تمشي معانا بعدين انا رجلي مكسوره و م بقدر امش الا بالعصايه محتاجين ليك ......

امي جات قالت لي م تكسفيهم امشي معاهم امي لبست وكلهم لبسو جاتني مني جابت لي فستان جديد قالت لي الا تلبسي وايه جات قالت عزمها احمد لبستا وحلفت قلت الا اطلع احلي من خطيبتو لبست الفستان و رهيييب كان لونو اسوووود يدنو تلت اربع و كويت شعري بالسراميك معنو اساسا م محتاج وعشان جبهتي صغيره رفعت شعري وعملت بووووف بمشط البوف و عملت مكياج خفيف وحلو ياخ انا لمن عجبتني روحي حلفت قلت اااامغرزو وووواشيل لي سكين بعد اخطب اااااقتلو وارتاح منو الخاين الرمه ولبست شبطي واتريحت ايه صحبتي قالت لي مزه ي صحبتي الليله همام العفن بعد اشوفك خطيبتو السمينه العويره دي بخليها وبخطبك قلت ليها والله كان بقي قمره م اشتغل بي تاني ......

الخطوبه كانت في صاله الذهبيه دخلنا الصاله وووووووووووووووووووووواي من همام لابس بدله سوداء و قميص لونو بيج وكرفته بس قطعه بتاعت سكر ياخ انا لمن شفتو شحححححح قلبي شحشح وعيوني دمعت وهو لمن شافني لمن اتربك وجاء علي انا طوووووالي قلبت خلقتي واديتو ظهري ......

همس لي في اضاني عسسسسسل القمر منور الحفله اتلفت علي واديتو ضربه في كتفو وقلت لي ابعد مني ي وسخ وشوف خطيبتك وين طووووالي شالني وانا اكورك همام ياخ بطل عواره نزلني همام قالي في اضاني هوووووس ي خطيبتي السمحه وختاني في كرسي وقال لي ايه ي بت جيبي الختم انا طبعا بقيت عامله كده 😲😲😲😲😲😲😲😲 قالي انا معقول اخطب غيرك ان شاءالله اموت قبل اعمل كده انا دموعي جرت قالي حتي ونحن بنخطب دايره تبكي ضحكت لبسني الخاتم وشبكه و لمن لبسني الخاتم اداني بوسه في يدي احمد وايه ومني اصفقوووو واصفرو وامي وابوي وخالتي امنه وابوهو كلهم اعاينو لينا بفرحه كده وخالتي امنه تقش في دموعه وقاعده في كرسي متحرك جات جابت لي خاتم كبير هديه وقالت لي الله اتم ليك علي خير بتي..... واصحابو والاهل ياخ كان شعووور عجيب و بالجد همام فاجئني وعشان عارفني بحب مياده قمر الدين الحفله كانت بيها وكان يوم مستحيل اقدر اوصفو .....

وبعد الحفله انتهت قالي رايك شنو نعقد بالليل دا ونخش داير لي منك بت حلوووة ذيك كده قلت لي همام والله م تبطل انا امش منك وانا ماااشه جراني من يدي علي قالي هووووي كلها شهر وانتي لي م تتعاوري وتتخجلي قلت لي همام شهر كيف ؟ ؟ ؟ ؟ قالي كده حنتزوج انا وانتي وايه واحمد سوا فرحت وخفتا المهم كميه من الاحاسيس مع بعض قلت لي كدي وريني اقنعت خالتو كيف قالي والله براها قالت عايزاك انتي وبراك م دايره جات مني باركت قرصتها قرصه قلت ليها اصبري بقتلك قعد تضحك قالت لي لازم مفاجاة و رجعنا البيت.....

#حنين
بقلم نسمة يوسف
-٢٢-

بدينا نجهز انا وايه سوا في ترتيبات العرس وكانت ايام اشبه للخيال و حلوووة شديد شهر جري جري ممممممبالغه في
الزواج كان يوم جمعه قبلي يوم الخميس مشينا رسمنا الحنه واحساس حللووووو انك مبسوطه لي صحبتك وليك ولي اخوك يعني احساس جميل

بالليل اتصل علي همام قالي حبيبتي حقتي براي الحنه طلعت كيف قلت لي م حلوة قالي معقوله دي اها ي عسل بكره اليوم الموعوووود قلت لي كيف يعني قالي كيف يعني بوريك ليها بكره قلت لي همام م دايره معاك عواره قعد اضحك قالي المهم رسلت ليك حاجه مع مني اختي م تنسيها قلت لي شنو قالي كمون عشان م اسحروك لي 😙😙😙😙😙😙

قلت لي اسحرو شنو ي يمه قالي اسحرو قمري براي يلا ي بت م تساهري ونومي عشان بكره يوم طوووويل ونهايتو مؤلمه قعد اضحك نمتا كنت تعباااانه من قعدت الحنه صباح امي جاتني قالت لي يلا امرقي بدري حبيبتي عشان م اشوفوك ناس واتكمكمي طلعت لقيت احمد واقف بره مشينا غشينا ايه ومشينا الكوفير ..

بالنهار كان العقد بعد صلاه جمعه بعد العقد همام اتصل لي قالي ي مراه علي بالطلاق مشتاقين ومبروووك لينا العشه الزوجيه ان شاء الله اغلبك بالمال وتغلبيني بالعيال قلت لي غايتو انت حتي وانت كملت نص دينك م جادي قلت لي مبروك علينا وان شاء الله م اخذلك قالي ي مراه خليك مستعده بعدين انا جاي اسوقك يلا انا ماشي صالون.....

لبسنا انا وايه زفاف اوف وايت ايه طلعت ممممممموزة ياخ بالجد حلوة مره اخوي اها ذي ساعه 8 نحنا جاهزين اتصلت لي همام وين انت م وصلت لسه قالي بطلي شفقه انا بره تعالو طلعنا ...همام لابس طقم اوووف وايت نفسيااااااات وحالق جديد وحركات كده قرب اطفيني لمن شافني لمن دمع جاء مسك يدي وباسني في راسي وقالي ف اضاني مرتي الحلوة انا م مصدق انو انا راجلك والله بالزفاف تجنني انا شكلي حاسوقك وحاجلي الحفله قلت لي همام😏😏😏😏😏بطل بكش احمد وايه كانو بعاينو فينا قالو لينا حلوين ياخ احمد اخوي جاء حضني وقالي اختي ياخ طالعه سكر بالجد مبسوط ليك قلت لي وانت طالع عسل ومبروك ليك اتحركنا اتصورنا في ماجستك ماخلينا لقطه واتحركنا علي الصاله قلت لي احمد الا تدخل انت اول دخل وبعديهو نحن رقصنا اسلو وقالي عمري م حازعلك كان يوم حلوووو والحفله عالميه مجموووعه من الفنانين رقصنا وبعدي عملنا الجرتق رشيتو رش باللبن ......

بعد الحفله خلصت ابوي جاب لي 6 غوايش هديه وقعد ابكي وامي تبكي وهم بودعو فيني وخالتي امنه برضو تبكي قالت لي لو كنت بمش لسه ي بتي كان رقصت معاك قلت ليها الله اديك العافيه خالتي وسافرنا ماليزيا كلنا وعشنا ايام بجد شهر عسسسل و فرحت ربنا اديم الفرح وجبت بنوووته حلوة اسمها رونق و ايه واحمد تيمان بتين سموها تاليه وتالين
😍😍😍😍😍😍😍😍😍😍😍😍😍😍😍

همام سافر لندن وانا خلصت جامعه وحصلناهو هناك وعشنا سوا اجمل اتنين وبقينا كل شهر نرسل لي ناس المايقوما تبرعات وفكرنا نفتح دار رعايه لي مجهولي الهويه وبدينا ترتيبات......

الي اللقاء في روايه اخري بقلمي متواضع اتمني ان تنال رضاكم وخليكم قراااااب القصه جايه فيها رعب😈😈😈😈😈😈😈😈😈😈😘😘😘😘😘
النهاية