#ADRASTIA❤✒ *サルマ*🌜✨
#ادراستيا بقلم سلمى سراج
_15_
.مشيت ادوشت سرعة ولبست وطلعت وديتهم بوستهم ودخلوا المدرسة م كانت بعيدة شديد مسافة 13 دقيقة بالعربية رجعت البيت لقيت جوين ببكي والبيت كله وجويرية بحاولوا يهدوه شلته ونزلت بيه الجنينة شوية هدا وبقى بلعب بوسته وطلعت قعدنا فطرنا فراس ورال طلعوا وانا وماما وخالتو هند كنا عاملين ماسكات وبنتونس وانا بفكر رسلان مالو تلفوني ضرب وانا قايمة اغسل علشان اطلع اجيب لحن وشمس كان فراس رديت قال
انا ح اجيب لحن وشمس م تمشي☺
طيب تمام🐾.قفل وجهزت الغداء لانو بجوا جيعانين شوية وجوا جارين ودخلوا غرفتنا لحقتهم شمس قال
بابا وين؟😢
لحن:بابا في الطريق صح يا ماما؟.ابتسمت وقلت
والله انا ح ازعل م ممكن تكونوا مع ابوكم وانا تنسوني😔.جوا ضموني قلت
تعالوا اتحمموا ولم تصحوا من النوم ح تلقوه معاكم.هزوا راسهم ادوني شنطهم ودخلوا غرفهم حممتهم وقالوا شبعانين ابوا ياكلوا دخلوا ناموا طوالي بوستهم وطلعت خالتو هند لاقتني وانا دموعي في طرف عيني قالت
تعالي معاي عايزاك.هزيت ليها راسي ودخلنا غرفتها مسكت يدي وقالت
جودي حبيبتي انتي بتي اكتر من مرت ولدي وام احفادي صح؟.هزيت راسي بأي قالت
الحاصل شنو؟ م عاجبني م زي كل مرة م زي جودي ورسلان الأنا بعرفهم وين حبكم ووين شغفكم وجوطتكم الهادئة؟.دموعي نزلت مسحتها وقلت
والله يا خالتو م عارفة رسلان كدا براه من امبارح بدون سبب حتى انتوا لم جيتوا كان كويس انا دخلته ينوم حبة لانو تعبان ولم مشيت ليه لقيته كدا حسي انتي براك شوفي لحن وشمس بسببوا من امبارح اليوم كله م اكلوا وحسي نفس الحاجة م اكلوا حتى اكل المدرسة لقيت المسج بتاعت استاذتهم حسي😭💔يعني طيب فلنفترض في حاجة اولاده ذنبهم شنو؟💔
كيف الانتي بتقوليه دا ي جودي؟
والله دا الحصل وحتى بالليل رجع متأخر استنيته علشان نتكلم نام في غرفة الضيوف💔
*#back*
هزيت راسي وغمضت عيوني وفتحتها علشان اطلع الحصل من راسي مشيت عملت ليهم حاجات خفيفة علشان لم يصحوا ياكلوها شوية ولحن جات طالعة وهي بتلم في شعرها جات بوستني قلت
شمس وين؟
في الغرفة بدوش هزيت راسي بطيب وختيت ليهم الأكل شمس جاء بدون التيشيرت وشعره لين قلت
شوشو كدا ح تمرض قوم نشف شعرك
شمس:يا ماما😬.ضحكت وقلت
بلا يا ماما معاك قوم😹.لحن قامت وجات ومعاها المنشفة نشفت ليه شعره وقعدوا مشيت لوسين لقيتها صحت حممتها وجينا اكلتها معاهم وقاموا على مذاكرتهم شوية وجوين صحى قمت ليه لقيته بعاين ناحية الشباك بوسته وقلت
يلا ي ماما عملت الاكل الانت بتحبه.هز راسه بﻷ اتنهدت وانا بتذكر من اخر نقطة
*#Fla$ back*
خالتو هند قالت
انا ح اتكلم معاه.هزيت راسي بﻷ وقلت
خليه ي خالتو ح يكون متضايق في الشغل بعدين ح اشوفه.هزت راسها إستأذنت وطلعت مشيت الغرفة وشلت جوين معاي عدا شهر كدا م حد غيري بشوفوا الصباح بدري كنت مساهرة مستنياه في الهول شوية والباب فتح ودخل هزيت رجلي وانا بعاين ليه عمل م شايفني قلت بدون م التفت ليه
بالنسبة للناس الانت راميها في البيت دي.م رد عاينت ليه بطرف عيني قلت
تعال اقعد
انا م فاضي لضياع زمنك
رسلان قلت ليك اقعد احسن من انا اقوم ليك عارفني كويس انت😡.عاين لي بزهج وجاء قعد قدامي قلت
دا شنو الهبل الحاصل دا؟ بغض النظر عن انو مشكلتك شنو معاي اولادك ديل مشكلتك شنو معاهم؟.م رد وفضل بعاين لي قلت
ياكلوا يموتوا وينوموا يصحوا م بهمك كتير صح؟.م رد قلت متزوجين لينا كم سنة نحنا؟.م رد برضو ضغطت على اسناني وقلت
7سنة حصل غلطت علي؟ ﻷ بس حسي انت اتماديت شديد.قام قلت
اتفضل شمس ولحن حرارتهم م بتنزل غير بالحقن وانت م معروف وين حضرة سيادتك.عاين لي بصدمة قلت
م عارف صح؟ح تعرف كيف وانت م بتسأل عليهم.كان ماشي بسرعة على غرفتهم الحمدلله قفلت عليهم حاول يفتح م قدر قلت
رسلان اطلع برا اتفضل برا البيت خالص وياريت بعد م ترجل وتتحمل مسؤولية اولادك نبقى نشوفك وبالنسبة لحبك الكنت بتقوله بلو او ارميه في الزبالة لو م شربته.مشيت غرفتي قعدت على الارض ببكي دق الباب قال
جودي خلينا نتكلم
م عندي كلام معاك لم تفهم نفسك وزي م قلت ليك ترجل تعال لي ولبعد كدا اتفضل اطلع.صرخت وقلت
اطلع اطلع😭.سمعت صوت غرفته ضربت لسكتيرتي صحيتها من النوم خليتها تحجز لي انا والاولاد وجويرية للمكسيك كانت بعد 4ساعات ضربت لجويرية وريتها وقمت جهزت حاجات الأولاد ونمت ساعة وصحيت صحيت لحن وشمس حممتهم ولبستهم قالوا
ماما ماشين وين؟
انا:مسافرين ي ماما
لحن: و بابا؟
انا:ﻷ يا لولو بابا ح يلحقنا.هزوا راسهم مشيت جهزت رسلان وجوين واتجهزت

#ADRASTIA❤✒ *サルマ*🌜✨
#ادراستيا بقلم سلمى سراج
_16_
مشيت صحيت فراس عاين لي بخلعة قال
بسم الله مالك في شنو؟
نحنا مسافرين المكسيك حالا
نعم؟ انتي ورسلان يعني؟ معاكم الاولاد؟
فراس انا و الاولاد بس ي ريت م توري حد وانا وثقت فيك خليك عارف🌼
جودي استهدي بالله في شنو؟
انا تعبت من اخوك والله😢
في شنو؟.مسحت دموعي وقلت
مواعيد الطيارة جات لم نوصل ح اضرب ليك
استني طيب انا ح اوصلكم عارفك واعية وبتعرفي تعملي شنو يلا.ابتسمت ليه وطلعت شوية وجاء ابتسم لي وشال لوسين لحن نطت فيه بوسها وضحك ادا لوسين لجويرية وشالها وطلعنا المطار قعد معانا لحد م طلعنا الطيارة شمس ولحن ناموا وانا وجويرية كنا بنتونس عادي لحد م وصلنا صحيت شمس ولحن ونزلنا مشينا البيت طوالي حممتهم وشربوا حليبهم وناموا كان ليل وجوين صاحي وببكي بقيت ماشة وجاية بيه رضعته نام وطلعت ادوشت ونمت طوالي صحيت بصوت تلفوني كان فراس رديت ليه قال
ي زفتة خوفتيني وصلتوا كويسين؟
معليش اتشغلت مع الأولاد ونسيتك نحنا كويسين الحمدلله
طيب الحمدلله انا ح اجيكم بعد يومين خلي بالك من نفسك والاولاد
فراس م تجي اذا جيت رسلان ح يعرف مكاني.همهم وقال
بالنسبة ليه حصل شنو ي جودي؟
رسلان اتغير بدون سبب ي فراس حتى اولاده م سأل عنهم وصحي حسي انا مفروض اقوم اديهم ادويتهم وبرجع ليك طيب؟
خلاص طيب يلا سلامة.قفلت وقمت ادوشت وجوين كان جنبي ونايم بوسته وطلعت مشيت لقيت لحن صاحية وشكلها تعبان دموعي نزلت قالت بتعب
ماما.مشيت قعدت جمبها وبوستها قلت
ايوا حبيبتي
بابا وين؟
لولو ي ماما انتي كبيرة صح؟.هزت راسها بأي قلت
يلا نحنا جينا المكسيك صح؟ وخلينا بابا في تايلند علشان شغله كتير طيب؟
شمس:ح يجي متين؟😢.التفت ليه وابتسمت نزل جاني طلع في حضني قلت
لم يخلص شغل ي ماما.هزوا راسهم بزعل حممتهم وجهزت الفطور فطرنا وقلت
يلا علشان جويرية طلبت الدكتور وحسي ح يجيكم طيب؟
شمس:م عايز الدكتور😢
انا:لا ي ماما انتوا حرارتكم عالية وصحتكم م كويسة لازم يجي.بوستهم والجرس رن كان الدكتور و جوين صحى خليت جويرية تفتح وانا مشيت لجوين سكته وطلعت كان الدكتور فعلا وبفحص في شمس ولحن بعد خلص كتب الأدوية وناداني برا قال
مدام ابوهم وين؟
في تايلند
في مشاكل بيناتكم يعني؟.هزيت راسي وقلت
نوعا ما
الاطفال ديل حالتهم النفسية بسبب الحاجة دي سيئة ومحتاجين وجوده جمبهم بالذات في الفترة دي ولى ح يتعبوا وح نتطرا ندخلهم المستشفى حاولوا اتفاهموا علشانهم.هزيت راسي بطيب قال
عافية ان شاء الله و ح ابقى امر عليهم تاني
شكرا ي دكتور.ابتسم لي وطلع مشيت ليهم لقيتهم نايمين قعدت ابكي بدون م احس جويرية طلعتني برا حضنتني وقالت
اهدي محتاجين ليك نحنا م تعملي كدا🍃.هزيت راسي وقلت
جويرية اولادي بضيعوا مني بسببوا ومافي حاجة بتخليه يعمل كدا من الاساس ي جوري😭
جودي حاولي اتفاهموا مع بعض
حاولت حاولت بس بدون فايدة😭💔.تلفوني ضرب كان فراس مسحت دموعي ورديت عليه لوسين صحت وجويرية قامت ليها قال
همم حصل شنو؟
الاولاد تعبانين وبدوا يدخلوا في حالة اكتئاب ي فراس💔
استغفر الله العظيم .قفل وانا فضلت ابكي شوية ورجع لي قال
الدكتور ح يدخلهم مستشفى؟
لو حالتهم ساءت
طيب حسي نايمين ولى صاحيين؟
النوم افضل حل للهروب
رسلان عارف؟
م ليه حق يعرف لانو هو السبب في انو يحصل كدا
معليش ي جودي لكن انتوا الاتنين غلطانين انتي بعدتيهم زيادة عنو
انا بعدتهم علشان يغيروا جو ويرتاحوا وحتى هناك هم م كانوا بشوفوه ي فراس انت بتتكلم كيف.سكت وقلت.اخوك اتغير 390 درجة انت م ملاحظ ؟ وفجأة بين ساعة والتانية كدا
م ممكن كدا رسلان البنعرفه بموت في جودي واولاد جودي
واولاد جودي بموتوا فيه💔
وجودي بتحبه م تنسي.ضحكت وقلت
وجودي م بتحبه بس بتحبه شديد ي فراس.قفلت فيه ومشيت لقيت لحن صحت وبتتقلب قعدت جمبها ابتسمت لي ختيتها في حضني واديتها الدواء قلت
همم كيفك؟.ابتسمت وقالت
كويسة
نضرب لبابا؟.هزت راسها بفرح شلت تلفوني وضربت ليه م رد وكان اونلاين قلت
ماما لحن رسلي ليه ريكورد.هزت راسها بﻷ قلت
علشان لم يسمعه يقدر يرد على التلفون
طيب.سجلت ليه
بابا انا لحن بابا رد على التلفون انا اشتقت ليك😭.م سمعه رسلت ليه مسج
خلي مشكلتك لنفسك وشوف الريكورد دي لحن.وطلعت شوية وضرب خليتها ترد وتتكلم معاه وقمت اجيب ليها عصير رجعت كانت بتضحك معاه وفاتحة الكاميرا مديت ليها العصير هزت راسها بﻷ قال
ي بابا شيليه حبيبتي.بوزت وقالت
م عايزة
رسلان:اذا م شربتيه ح اقفل منك.هزت راسها بﻷ وشالته قال
يلا على بال تخلصيه ادي ماما التلفون.ابتسمت ومدته لي