ع المستشفي الكانت قريبه من الجامع الكانت فيها جميله اول مره بعد طلعو الشيخ اتوضا ومشي عشان يصلي بالناس صلاه العشا

وصلو المستشفي وعالجو الجرح بتاع علي و في العربيه لما كانو ماشين جميله بطنها وجعتها ف الطريق بعد ماخيطو الجرح جميله ولدت وحابت بنوته زي القمر 😍😍😍 سعيد واقف ببره وبعاين لجميله والبنوته ومعاهو علي حضن علي وبقي يبكي ويبكي وعلي يقول ليهو قول الحمدلله ع كل حال جاتك بنت ماشالله وربنا يرحم والدتك وخليك عارف كلو من السحر العملتو مياده ل جميله خلاكم تتعزبو كده تاني خلي بالك من مرتك وبنتك وابعد عن اي حاجه ممكن تأذي عيلتك 😔😔😭.... سعيد دخل ل جميله قالت ليهو شوف البنت مبتسمه كيف طالعه زي العسل حبوبتها خاتتبسط شديد لما تشوفها صح هي وين امي ماشايفاها 🙄🙄 وبعدين انا كنت مالي كنت وين والخصل شنو انا مامتزكره حاجه حضنها سعيد وقال ليها حاحكي ليك اي شي بس نطلع من هنا حبيبتي 🤗🤗...
بعد اسبوع سعيد حكي لجميله انو اتوفت ب جلطه فجأه اثناء ماكان جميله مغمي عليها جميله زعلت شديد وبكت شديد وقالت لسعيد كنت متمنيه امي تكون معاي عشان تفرح ب بتي ماتتخيل كانت منتظره البيبي كيف هي 😢😢😢😢 اثناء ماهم قاعدين جا داخل علي وهو زعلان سالو سعيد مالك ي علي ف شنو 😨😨...... رد عليهم وهو منزل راسو تحت مياده اتوفت 😔 لقيت ود جيرانهم الشغال معانا وكلمني انا اسف البقاء لله ✋🏻😔 ..... جميله جرت ع سعيد وحضنتوً وبقت تبكي شديد وقالت ليهوً مياده كنت بتصل ليها اسبوع ماردت علي يعني انا بقيت براي كل البحبهمً ماتو 😭😭😭😭 وريني ي علي ماتت كيف في شنو 😭😭😭.... سمعت انو حادث سياره البركه فيكم سعيد بقي يهدي فيها ويقول ليها انا معاكي ماتخافي وكل نفس ذائقه الموت بس انتي استغفري ... علي نادي سعيد بره لما جاهو قال ليهو مياده لقوها ف طريقه مقطوع ف نفس اليوم المشينا فيهو للشيخ ولقوها ميته ميته شنيعه جدا مخنوقه ورجلينها ويدينها مكسرات 😔😔... سعيد سكت ونزل راسو وقال الحمدلله عً كل حال

بعد سنتين سعيد وجميله عاشو حياتهم طبيعي بس سعيد عمرو مانسي الاسبوعين ديل وكان كل مايعاين لجميله بحس بالذنب الشديد وانو ماطايق نفسو بس كل مايعاين لبنتى بقول الحمدلله انو ربنا رزقهم ب جميله الصغيره عشان يعوضو كل الفاتهم

#اضافه
#اليوم اللي اتصلت فيهو جميله ل ام سعيد وردت ام سعيد متوتره كانت ام سعيد عامله هديه خاتم وسلسل دهب ل جميله وكانت ف الصايغ بس لانو كانت عاملاهم ليها مفاجأه ماكانت ام سعيد حابه انو جميله تعرفها مشت وين خصوصا ام سعيد ماكانت بتخبي حاجه ع جميله عشان كده كانت متوتره لما اتصلت ليها وبتسالها من مكانها عشان ماكانت متعوده تكذب عليها وخاله سعيد جات حكت الموضوع ده لجميله 😔🤗..
#الملابس الداخليه الاتعمل بيها العمل اخدتها مياده لما جات باتت مع جميله ف البيت لما دخلت الحمام بتاع غرفه نوم جميله لانو اخدت الفستان الكانت حاتغير بيهو من دولاب جميله عملتها سبله عشان تقدر تدخل غرفتها وحمامها وتفتش في السبت الكان فيهو ملابس جميله الوسخانه وبعدها دخلت الغرفه وجميله جات لقتها متوتره بعد مادخلت الاندوير بتاع جميله الوسخان الفي نجاستها ف شنطتها عشان كده كانت مياده مخلوعه انو جميله تكون شافتها

#النهايه

#كانسر
-57-
بقلم وفاء الكردي
انتهت الحفلة بعد الهجيج والفرحه الملت قلوبهم واستمرت لوقت بسيط بس دامت لاخر اعمارهم .. 💜💜💜
اريام وباسم سافرو باريس وماجد وريم سافرو المالديف .. انتهى العرس وكل الناس راحو بيوتهم .. كانت ايام حلوة رجعت ايامها القديمه لقلب نور وغياث ..
بعد مرور سنه ..
في بيت ريااض الكبير .. الجو كان مشتى وغائم .. غياث وفؤاد وباسم بشو باربيكيو وبيدردشو .. باسم اتعين دكتور في المستشفى وفؤاد شغلو اتطور وبدأ يعمل مستشفى في السودان .. غياث رجع شغلو بقوة واحسن من الاول خصوصا انو كان عميل مهم وما بتنجح مهمه من دونو اترقى بعد فشل اخر عمليه ارهاب كانت بتهدد الدولة ..
رياض ومرتو بدريه ومعاهم ناصر ومرتو شمس ومعتصم وفريدة اهل نهى.. بتنوسو ووسطهم جنان ولجين وياسمينا بيلعبو ..
اما نور كانت ماسكه بطنها البارزة وواقفه جنب اريام ونهى ..
نور بتاكل في سلطة: يلا بلاي اشتغلو بهمه 🌚
نهى: مش احسن تسكتي
اريام: انتي ناسيه اني حامل زيك😑
نور: في فرق كبير برضو🌚
نور ضحكت ووقفت تساعدهم ..
بعدها اتصلت على ريفال عشان تسألها هي وينها اتاخرت .. وبعد دقايق وصلت .. سلمت ع الكل ووقفت قدام غياث ..
ريفال: خلي صحبك ينجز هاا😑
غياث بضحك: بطلي قوة راس وهو حينجز🌚
(مجاهد صاحب غياث شاف ريفال في عرس باسم وخطبها )
ريفال ضحكت وراحت لنور والبنات ..
ريفال بتستهبل: طبعا انا ضيفه ما حتخلوني اعمل حاجه كلكم زوق والله🌚💜
اريام: ياعيوني انتي مكاني يلا😂
اريام سابت الفي ايدها وخلت ريفال تكمل ..اتونسو وضحكاتهم اتعالت بعدها قعدو في سفرة كبيرة واتجمعو .. بدو يااكلو كل واحد شايل للتاني حب كبير في قلبو ..
باسم ماسك اريام ذي الطفلة وباكل فيها وكل شويه بسألها اذا البيبي بيتعبها ..
نهى انتبهت لفؤاد السرحان فيها .. ابتسمت وختت ايدها في ذقنو .. همسلها بحبك يعمري..
غياث غمز لنور ومسك ايدهاا وباسها في كفها .. قالتلو المرة دي حيجي يشبه ابوه الرومانسي باي شي وكمان في ملامحك البتخليني احبك كل يوم اكتر وخوفك علي وعلى بناتك يخليني امشي لىموت وانا عارفه انك ما حتتخلى عني .. باستو في خدو وهمست ليهو " #يا_غائثي "
اهلهم بعاينو ليهم ومبسوطين عاملين انهم ماشيفينهم عشان ياخدو راحتهم بس ما زحو عيونهم من عليهم .. دعو انو ماينحرمو من السعادة الماليه حياتهم .
__
كل إسم في الروايه كان بحمل معنى .. راجعو الاسامي وحتلقو كل واحد ماخد نفس طباع اسمو ..
وسط معركه الحياة بنلقى البينتشلنا من بحر الضيااع .. ما كل غرق معناه نهايه للحياة ..
فؤاد عافر عشان يصل لنهى .. حافظ عليها من فارس .. ربنا اداهو اضعاف وقفتو معاها .. اداهو نهى ورزقو بباسم الانقذ اريام من فارس نفسو .. ..
غياث حب خلود بس ما كانت من نصيبو .. ماضعف لأنو كان مؤمن بانو حيتعوض بشي احسن .. جات نور على شكل استجابه بس ما كانت النهايه عندهاا .. مرض نور كان اختبار لغياث قبل ما يكون لنور .. هل حيتعمل تعبها؟ ووجعها!؟ وشكلها الاتغير؟.. غياث كان قدر الاختبار .. حتى ربنا ما بيبتلي الزول إلا وينظر ليهو فيها خير وسعادة .. جاتو صمود على شكل هديه ورحمه من الله .. نور كانت اشبه بالحياة لغياث .. وغياث كان بالنسبه ليها انفاسها .. يمكن نور كانت حتموت لو ما غياث وقف جنبها ويمكن كانت ماتت بالحسرة لو سابها واتزوج خلود .. نور استعوضت ربها في ولدها الراح بس ربنا عوضها بياسمينا.. ما دايما النهايات مؤلمه .. حتى الدنيا نهايتها الجنه
باسم قرر يكتفى بدانيا حتى لو ما كان بحبها .. خاف تموت ولو حست انو ما بحبها .. اتوجع لموتها بس ربنا عوضو في وجعو باريام .. حتى اريام كانت ضحيه فارس بس ابدا ما كانت نهايتها بين يديه ..
اما الرسائل الاتبعتت لغياث عن مرض نور كان خلود سببهم .. عرفت بالصدفه لما جات المستشفى وشافت نور بتبكي .. قدرت تعرف بمرضها كانت ..
قدرت اعيشكم في واقع الاستسلام وواقع الارادة .. قدرت ادمج النهايه في نهايتين .. نهايه حزينه ونهايه سعيدة .. نهايه نور الماتت بين حيطان عنادها وانهزامها للمرض كانت الموت .. اما نهايتها بعد الامل والارادة كسبت حياتها .. كلامي ما مجرد روايه كلاماتي حقيقه في حياتنا كلنا ما بس عيانين الكانسر..
اما "الكانسر"
كان اختبار لقلوبهم كلهم .. مسج بسيط بحاول ابعتو لكل مرضى السرطان .. عيشو مع الكانسر تفاصيلو اعرفو نقاط ضعفو وما تخلو يعرف نقاط ضعفكم.. حتى لو الكانسر قدر يعمل مرحلة اخيرة بيحكمها الموت .. في مرحلة اسمها "حياة" بتحكومها انتو .. الكانسر علاقه واسعه تعيد ترتيبها من ربك .. الكانسر "تيك توك" اول ثواني عشان تمشي لحياة جديدة .. ما تتهور وتنهي حياتك بالكامل .. روايه #كانسر عمدانها النهايات الحلوة .. بس مافي نهايه حلوة بدون "إيمان" "صبر" "إرادة"
.. عشت تفاصيلها معاكم .. كان نفسي الاخراج يكون احسن من كدة . بس راضيه عنها وان شا الله انتو ترضو ..
وفي الاخر ..
"مـا أي كـانسـر نهـايته الموت" 💜
#النهايه
#وفاء_الكردي