لي واديني فرصة نبدا من اول جديد سكت مسافة وقاال لي افكر بليل لمن جينا ننوم قال لي ال اتغير شنو يعني؟!قلت ليهو حاجات كتيرة بس م عايزة اخرب بيتي قال لي ايوا عشان بيتك م عشان حبي وقبل مني ضميتو من ورا قلت ليهو كمال الله يخللييك ياخ م اتجاوب مععاي زحيت منو لمن دخلت في الشهر السابع جوني يوم كنت بطبخ قال لي تعالي مشيت ليهو قال لي لو في كتاب بحبو انا وفتشت عليهو م لقيتو الا بعد طلاع رووح فكرك احساسي تجاهو ح يكون كييف؟!قلت ليهو م ح تفرط فيهو ح تحافظ عليهو قال لي البحب بالجد لا زمان لا مكان لا ناس م بغير الحب كنت صادق في حبي ليك ولسه صادق بس كنت بعذبك عشان تحافظي علي زي قصة الكتاب سكت مسافة استوعب وبديت العوارة بقيت ببكي لمن اتمحن فيني قلت ليهو تستاهل الا أحسن مني والله قال لي م عايز ال احسن عايزك انتي قلت ليهو طيب كنت بتلبس وتتطلع وتتكلم بالتلفون كتير ليه قال لي كانت خطة عشان انبهك اني ممكن اعرس اعملي حسابك وفتح لي يدينو طوالي ضميتو
حياتنا اتغيرت شديد بقت مليانة حب وتفاهم كانت ال قعدة ال بعد المغرب ال في الحوش دي ثاابتة لمن دخلت الشهر التامن كنا كلو يوم بنشتري تسالي ونبق ونتمشي ونتونس مرة قال لي نعمل سابق البخسر يدي الفاز كلو يوم10بوسات قلت ليهو no انا حامل م بقدر اجري ولا اشتغل بي وقام جرى وسبقني😂😂كنا بنصنع الحب لمن يكون مفلس م بنزعل أو كدا كنا عاديين شديد مرة كان مفلس في البيت في شوية حاجات كدا لخبطتهم عملتهم حاجة كدا واكلناها طعمها كان غريب نأكل ونضحك لمن دمعنا زي م قالو يوم ليك يوم عليك😉😂لمن مشينا نشتري حاجات الولادة م كنا عارفنو ولد ولا بت بس اشترينا حاجات حلوة ياخ لمن رجعنا البيت ودخلت الحمام لقيت في صندوق جوة الحمام فتحتو لقيت فيهو سلسل بقيت بصرخ جاني جاري اترميت فيهو طوالي قلت ليهو انت مجنون وربي في هدية بختوها جوة الحمام😂قال لي لأنك أول مكان ح تدخليهو الحمام عشان كدا حبيت افاجئك
لمن جيت اولد وببععلللي عذبتو عذاب واتعاور وانبذو نبذ وضربتو بس كان ماسك لي ديي وبقرا لي قران
بتذكر بتي لمن كانت بتتعمل الحبي كنا بنحبي معاها😂😂 عادي ولمن كانت بتتعلم الكلام كنا بنتكلم زيها😂😂كنا بنصنع السعادة عادي جدا نعمل شاي وكيك نشيل الفرشة نقعد في الحوش
اهتمامو بي م قل كان عادي يجيب لي بتو مصاصة ويجيب لينا معاها ونتشاكلل فيها كمان❤كلو م يشتري لي بتتو بتشري لي معاهو نهائ م بفرزني منها كنا عايشين حالة حب❤بنتشاكل طبعا بس بترجع احلى وبنتعلم من أخطأنا صحباتي ال معرسين رجال سمحين م كانو سعيدين زينا❤
م كان بمشي الشغل إلا يحصني كنت بتابع معاهو شغلو بي التلفون كان حبنا سوداني مأصل خالي من التكلف
يوم كنت واقفة بشر ملابس كدا في الحبل حسيت بيهو وراي جا غمض لي عيونو وقال لي حبيبي مفااجاة ليك لي أحن زولة فتحت عيوني لقيتها تذاكر سفر عمرة والله صرخت صريحه بقى بقفل لي خشمي بقول لي الناس يا مجنونة مسكتو ضميتتو لمن قرب يتخنق😂
حياتنا كانت سمحة صح بالنتشاكل واي شي بس بنرجع احلى
بتذكر لمن كان عيان بكيت بكا كنت ملصقة معاهو لغاية م بقى كويس😂 يوم قال لي جابو لينا بت في الصيدلية سمح سماح تاني يوم اصريت امشي معاهو الشغل بس كدا غيرة بس مشيت وقعدت معاهو بي بتي وكلو دقيقة اترمسن فيهو والبت شمت الوضع لغاية م رجعنا كان ميت ضحك قال لي غيرة ورح شريرة قلت ليهو بس كدا مش راجلي وحقي بعد كم يوم جاني قال لي البت أبت تسلم علي 😂😂😂😂لمن بتنا كبرت شوية وحملت تاني كانت أحلى أيام بنعمل حاجات خرافية يعني ممكن نتلبس احلى لبس ونعمل عصير ونقعد نتونس برانا ونتصور😂😂يعني كنا ظريفين يحسدونا❤🌚
عمرو الجمال م كان اساس للحب عمرها القروش م كانت ااساس للحب حبو ال بحبوكم لو شينين او مفلسين م تحبو عشان القروش او الجمال لانهم ح يزولو حبو عشان الروح لأنها دايمة❤
#خاص البوست
بقلمي#بطبعي هادئة
كتبت بحب❤
م تسرقوها بدون اسمي دسيس؟!😂😂
#خربشة
قال ليها بتقيفي معاي نشيل كتف الغنا الميل؟!
قالت ليهو بديك قدر م تريد عشق واجعل امانيك ممكنة يا زول وقت خلقوك لي خلقوني من ضلعك انا..❤
#بطبعي_هادئة
#مقتطفات