#لأجلها_عشقت_المطر 💛
بقلم: ملاذ سند احمد ادريس📝
-٤-
اللهم صلي وسلم على نبينا محمد صلى الله عليه وسلم
💜💜💜💜💜
اها لقى رساله من امو مكتوب فيها ارجع لي ضروري ي ولدي قرا الرساله وبقى يقول ي ربي حاصل شنو امي دي م بتقول كدا الا لو في شي خطير رجع اتصل بيها وهو ظاهر عليهو اثر الخوف جرسين تلاته وحتى ردت
عوضيه: اي ي ولدي كيفكم انتو كويسين وصلتو؟
خالد: اي كويسين ي امي ووصلنا قبيل واسي مع خالتي مهيره انتي مالك كويسه؟
عوضيه: والله ي ولدي جا ابوك وهددني وقال لي بتك م تقرا جامعه وقال عايز يتكلم معاها وانا قلت ليهو انكم سافرتو وقلت ليهو بتي بتقرا جامعه كان رضيت او لا
خالد: هددك بشنو ي امي وهو اصلا لاقاك وين ولا اتكلم معاك وين
عوضيه: جاني في البيت ي ولدي بعد طلعتو
خالد: تمام ي امي انا هسي بتحرك بجي عليك ونشوف تاني بقدر يعتب باب بيتنا😒
عوضيه: م تقول كدا ي ولدي ده ابوك في النهايه اسي انت زاتك م تجي اول شوف موضوع فاطمه ده وانا بنادي ريم تقعد معاي لو راجلها بخليها
خالد : لالا ي امي م بقدر اخليكم دام بقى يهدد انا بوريهو وفاطمه قدمنا ليها خلاص يمكن اخليها هنا عشان زاتو الجامعه بعد اسبوع من هسي اخليها عند خالتي مهيره وفي الاجازات تجينا هناك
عوضيه: طيب ي ولدي جيبها معاك وسوقها يوم تاني عشان م شالت حاجاتها
خالد: خليها تشتري جديد انا بديها قروشي المعاي وبجي راجع يلا ي امي مع السلامه
عوضيه: طيب ي ولدي الله يغطي عليكم
خالد: امين ي امي🌸
(وقفل من امو علي كدا ومشى علي غرفه فطومه دق الباب م ردت فتحو لقاها مجدوعه في السرير نايمه زي الخروف😂😭 شغال يقول ليها ها ي رمه قومي وهي ولا اتحركت😂في النهايه قعد يكورك ويقول ليها فااار فااار ي فطومه فااار بالله البت قامت زي الكشحو فيها مويه وبتصرخ وااااي فاااار وينو الفار ي ولد 😭😭
(اخوها في عيونو م شافتو 😭😂 م يفوتكم فاطمه اكتر حيوانات بتخاف منهم الكلب والكديسه والفار🐸)
خالد: اصلا م بتقومي الا كدا ي البقره نايمه زي التور اصحي فيك ساعه م دايره تقومي
( فاطمه وقعت ليك فيهو ضرب ي تافه ي رمه كل مره قاطع قلبي بالفار ده ي كلب😭وتبكي وتدق فيهو
شويه والباب دق)
ايهاب : ممكن ادخل
خالد: اتفضل ي ايهاب
ايهاب: انتو كويسين
(شاف فاطمه بتبكي وخالد بضحك عليها)
خالد وهو بضحك: اي كويسين بس خوفتها بالفار ععشان تصحى عشان كدا كوركت وبكت😂😂💔
ايهاب: ايوا😂😂ي خوافه😂
فاطمه: هاها😏
(ضحكت ليهو بغيز كدا ومشى ايهاب وفي المساء كذا )
في جهه تانيه…
… : اسمعني ياخ انا م بقدر اعيش بدونك ياخ معقوله تخلي حب 5 سنين يخلص بالطريقه دي😭يعني انت م عارف انو انا م بقدر اتنفس بدونك ولا لحظه طيب تاني البقول لي خلي بالك من نفسك منو تاني البشاكل لي الاولاد البشاغلوني منو😭💔طيب البشاكلني عشان اتكلمت مع زميلي منو ياخ الح يدعي لي في الصلاه قبل م يدعي لي نفسو منو لالا ي ايهاب انا م بقدر اعيش بدونك انت لازم تتصرف م ممكن حبنا يضيع بالسهوله دي نحنا بنحب بعض وم ممكن نتخلى عن بعض
(ايوا ده ايهاب بحب ليهو بت جميله جدا اسمها نضال بس للاسف ابوها عايز يعرس ليها وقال ليها رضيتي او ابيتي غير ولد عمتك ماف زول ح يعرسك🙁💔 وايهاب كان بحبها بس م متأكد هل يخطي خطوه كبيره ويمشي يتكلم مع ابوها ولا بالطريقه دي ممكن يسبب ليها مشاكل وفي نفس الوقت عارف انو نضال م بتقدر بدونو💔 نشوف في الحلقه الجايه ح يحصل شنو)
#يتبع… 💜
_#*كسره* #_:-
من المعادن النادرة ... أولئك الذين وجدناهم بجانبنا في لحظات الألم ، دون أن نطلب منهم ذلك !!
#Loooza💕

وق عشان الجامعه قربت)
مهيره: طيب بقول لي ايهاب يسوقك
انا: طيب
(قلت كويس منها اسألو من البت ديك وامكن اساعدو🌸)
#يتبع… 💜
_# *كسره* #_:-
م تغمض عيونك من الحاجات الحلوه اتأملها وعيشها🌸🖤 م تخلي عيونك علي الكعب دايما وتتمسك فيه وتقول علي روحك إنك اتكسرت 🙂 لا والله حياتنا مليانه فرح لدرجه بعيده🌸🖤 بس احنا بنغمض عيونا منو 🙂 خليك ايجابي ومبسوط دايما 🌸 هي الدينا دي فيها شنو م كلها ايام وح تعدي 🙂🖤 وكلنا ضيوف فيها وح نرحل 🌸 ف حاول خليك ضيف بشوش دايما🌸🖤
#Loooza💕

#لأجلها_عشقت_المطر 💛
بقلم: ملاذ سند احمد ادريس📝
-٦-
اللهم صلي وسلم على نبينا محمد صلى الله عليه وسلم
💜💜💜💜💜
اول م وصلو السوق وفطومه بتحب الجوطه والكلام الكتير بس هي اساسا شامه ايهاب وم قادره تتنفس😂 قال ليها اها نبدأ من ياتو محل اتكلمت معاهو ب زعله كدا قالت ليهو محل بعجبك😒 وفعلا بدا يخش معاها ويسالو من الملابس وكدا (البرنامج جرا وايهاب بدا يزهج هي حست بيهو قالت خلاص اغير الموضوع واسالو)
فطومه: ي ايهاب انا سمعتك لمن كنت بتتكلم مع البت ديك ف التلفون وشايفه انك كنت متضايق احكي لي ممكن اساعدك
ايهاب: لالا ياخ م كنت متضايق والله بس دا موضوع هايف م تشغلي بالك كتير
فطومه: ايهاب انا شفتك عليك الله وريني😭
ايهاب: والله م ف شي ارح الدكان داك شكلو هدومو سمحه
فطومه: بس خلاص انا ح اقعد هنا دا (قعدت ف الواطه😂)
ايهاب: ي بت قومي الناس بتعاين فينا الله يرضى عليك
فطومه: لالا ابيت الا تقول لي ح احكي ليك😐💔
ايهاب: خلاص ح احكي قومي
فطومه: اي كدا يلا ارح😌
ايهاب: والله انتي مصيبه🌚
فطومه: ي زول م تحنكني وريني
ايهاب: طيب ي فطومه (مشو قعدو في مطعم قريب) انا حابي لي بت وهي بتحبني ومن بدري مع بعض وانا م عايز غيرها وهي م عايزه غيري وبنحب بعض والله بس ابوها رفضني وقال ليها الا قريبك وهي م عايزه هي كل ايامها الحلوه معاي💔 كل الزكريات (ايهاب بدا يتذكر والدموع في عيونو💔💔) انا م عارف ح يحصل لي شنو من دونها عاوز اكون جمبها انا م ف زول بفهما غيري😪 وم ف زول بفهمني غيرها انا من نبرت صوتي بتعرف الحاصل علي كلو وانا من عيونها بقدر اعرف هي مالا💔 بس ابوها مصر م عارف لي م عايز فرحت بتو💔💔💔 بس في النهايه كل شي قسمه ونصيب🖤 (ايهاب ركز مع فطومه لقاها انشرطت بكى😂😂) قال ليها
يا بت مالك ف شنو بتبكي كدا
فطومه: ياخ انا م عارفه مالي بس والله حاسه بيك ياخ حاره (ودموعه ملانه😂)
ايهاب: ارح خلاص نشتري هسي امي ح تقول لينا اتاخرتو مالكم ( ومشو اشترو)
،،،،،
في الوقت دا سماهر كانت طالعه من البيت بالدس وم مكلمه امها و واقفه مع حبيبها جمب البيت شافت عربية ايهاب قالت ليه دا ايهاب اخوي تعال ادس واتخبو ف مكان لحدي م ايهاب وفطومه نزلو حبيبها شاف فطومه قال ليها ي سماهر م كلمتني قبل كدا انو عندك اخت اصغر منك بالحلاوه دي
سماهر: اختي؟ دي تكون اختي كيف ي فارس؟ (اسم حبيبها)
فارس : اها دي منو طيب
سماهر: واحده كدا قرويه جات من البلد وح تقعد معانا شكلها ح تعمل لي وجع راس
فارس: لالا شكلها ح تشلبك😂😂😂
سماهر: عاين انا بخمك ب البتاع دا يلا انا ماشه قبل م يلاحظو ع عدم وجودي نتلاقى باي
فارس: باي (وهو راجع بفكر في فطومه)
سماهر اول م خشت اتصلت عليهو
سماهر: الو ي جميل وصلت؟
فارس: اي وصلت ي انا
سماهر: خلاص بس كنت عاوزه اطمن عليك يلا باي
فارس: باي وسلمي لي على فطومه وهو بضحك
سماهر: عاين انا بجيك ب التلفون دا هسي ي زفت
فارس: انتي صدقتي في زول عندو القمر ح يعاين للنجوم🤤 يلا باي ارتاحي بحبك
سماهر: باي بحبك
(بس فارس شكلو ختى فاطمه في راسو وهو اصلا بتاع بنات وبلعب بي سماهر وغاشيها وهي مصدقاهو وبتحبو وهو ختى في راسو انو م دام هي قرويه معناها م بتتحنك ليهو سريع بس ح يحاول يلعب بي راسها ويخليها تحبو ويلعب بيها💔
#يتبع… 💜
_# *كسره* #_:-
لم استطيع اخراجك من داخلي فكنت تتملك جميع احاسيسي دائما تحاصر خيالي ربما لم تجمعنا غرفه واحده ولم نتقابل يوما ولكن كنت ذلك الخيال الذي لا يباعد مخيلتي كنت ذلك الشعور الحسي الذي لم اتغلب عليه يوما ربما في نظر البعض انك مجرد الشخص الذي حدثني بكثره ويحبني واحبه فقط لكنك كنت اكبر من ذلك بكثير كنت تمثل جميع الادوار في حياتي كنت صديق لي عندما اوأنس وحدتي كنت اخ لي عندما يخزلني البعض ولم اجد سندا اتكل عليه كنت ابا لي عندما احتاج لنصائح كنت كنت افتقدها واخيرا وليس اخرا كنت حبيب واكثر من ذلك اقولها اليوم وغدا وكل يوم *احبك*
#Loooza💕

#لأجلها_عشقت_المطر 💛
بقلم: ملاذ سند احمد ادريس📝
-٧-
اللهم صلي وسلم على نبينا محمد صلى الله عليه وسلم
💜💜💜💜💜
يلا فارس قال يحاول يلعب بي عقل فاطمه بس شكلو لسه م عرف ح يلعب مع منو🤔
المهم نواصل…
وبجي جهه تانيه سماهر وايهاب دخلو جوه لي خالتو مهيره
انا: خالتو مهيره م شفتي السوق حاجاتو رهيبه🤤بس اسعاركم غاليه م زي حاجاتنا
ايهاب: ي امي دي خمت السوق كلو😂💔
انا: وانت مالك😒
مهيره: خلاص بطلو مشاكل كدي تعالي اقعدي اشوف جبتي شنو
انا: طيب ( وجيت وريتها جبت شنو كنت جايبه اسكيرت اسود وبيجي وبنطلون واحد لونو كبدي النوع الجلدي داك وجبت بلوزات بالابيض وبالكبدي ووحده اسود بي ابيض وجزمه سوداء كعب خفيف ووحده بنيه المهم كانت حاجات خووورافيه💜)
مهيره: حلوين ي بتي تتهني
بيهم
انا: تسلمي ي خالتو🌸
(شلت حاجاتي وطوالي مشيت غرفتي رتبتهم بي مزااااج🤤وكانت نفسياتي فوق ومتشجعه شديد للجامعه بعد رتبت حاجاتي مشيت ساعدت خالتو مهيره ورتبت معاها وسوينا الغدا بعدها قلت ليها عايزه اضرب لي اخوي اسلم عليهم قالت لي خلي ايهاب يرجع من الشغل ويتصل ليك ليهم قلت ليها طييب🌸
ومشيت بحضر في التلفزيون في طيور الجنه🌚💔معليش بس يمكن تقولو لسه طفله😂😭رغم انو م بحب زول يقول لي كدا 🐸قعدت اغني معاهم وانا حافظه اغانيهم كلهاا بس قلت عشان املا وقتي بعدها حوالي الساعه 4 عصر كدا والدنيا كتمت كدا كأنها ح تمطر😍 بعدها جاء ايهاب م كنت منتبه ولسه بغني لقى امو سلم عليها وانا كنت في الصاله في التلفزيون جا ماري بي وكان هدومو مبلبله مويه قال لي فطومه كيفك وهو بضحك قلت ليهو اهلين ايهاب بخير وانت جاي من وين ي ولد مليان مويه كدا😂 قال لي المطره صبت فيني وقعد يضحك😂قلبو ميت)
انا: انت جاااادي😍😍صبتتت؟(وعيوني دي بقت قلوب قلوب
ايهاب: اي صبت مالك فرحتي كدا
انا: ياخ انا مستنياها تصب من متين 🤤 انا بعشق شي اسمو مططر
(وجري شلت ليك رجولي قبل م يرد لي ومشيت الحوش طبعا بيتهم نظام شقه كدا مقفله كلها الا انزل تحت وامشي جنب السور واي ياخ طولت من المطره جبت لي كرسي وقعدت ادعي وادعي وتاني رجعت لي سرحتي في المطر ديييك 🤤💜💜تاني اتزكرت موضوع ايهاب وانا ي ربي ح اسااعدو كيف اي صاح انا كنت م بطيقو عشان هو زول م جادي وهزلي جنو ضحك وانا م بحب الناس كدا بس حبيت اساعدو لانو حسيت اني لازم اساعدهم بس طيب انا اساعدو كيف وانا م حبيت قبل كدا وم بعرف الحب زاتو بس بسمع بيهو عند الناس😭 ي رب تساعدني القى حل للمشكله دي واقدر اساعدو فيها
تاني قلت خلاص انا ادق لي امي واحكي ليها هي ادرى مني في المواضيع دي وفجأه اتزكرت انو ايهاب جا وانو خالتو قالت لي اضرب منو جريت جري في السلم ومشيت غرفتو دقيت الباب قال لي ادخلي دخلت شفتو عيونو حمممر شرار شرار قلت ي ربي معقوله يكون ببكي معقوله بحبها للدرجه دي☹️
قلت ليهو ايهاب قال لي نعم بنبره حزينه قلت ليهو ممكن تتصل لي علي اخوي قال لي طوالي وشال تلفونو ضرب لي اخوي خالد وقال لي يلا اخدي راحتك في الونسه معاهو طلعت منو مشيت غرفتي وانا شايله التلفون كان شكلو غريب وشكلو باللمس زي البجيبوهم في التلفزيونات ديك رهيب شديد🤤
بعد جرسين خالد رد
خالد: اوووو وين ي حبيب
انا: خالد دي انا فطومه
خالد: شنو يعني لقيتي خالتك نسيتي اخوك ي بياعه🌚
انا: خالد يخ انا بنساكم يعني
خالد: ههه بهظر معاك ي مجنونه اها اخبارك شنو مرتاحه هناك
انا: ايوا مرتاحه شديد الحمدلله وانا كووويسه اها امي كيف واحوالكم شنو
خالد: كويسين نحنا الحمدلله
انا: الحمدلله طيب اديني اتكلم معاها
خالد: هاك ليها (قال لي بي صوت براحه كدا انتي عارفه امك دي حساسه ف براحه عليها تبكي يساي من مشيتي)
انا: طيب ي خالد
(اداني امي اتونست معاها كدا وبكينا سوا وتاني سكتنا اشتقت ليها شديد ياخ😭😭💜
حكيت ليها قصت ايهاب كلها قالت لي ي حليلو وقالت لي فكره اساعد بيها ايهاب وكانت فكره خوووونفشااريه بالجد امي دي عبقريه يخ الله يخليها لي🌚💜💜بعدها قلت خلاص انا ح انفذ فكره امي دي قفلت منها وفي اثناء م انا ماشه علي غرفه ايهاب😳😳😳😳😳💔💔💔
(نعرفو في الحلقه الجااايه…)
يتبع… 💜
# *كسره* #:-
محل تاوقت لقيتك شوق ...🔥 مشتت ف الشوارع ضي 🎶❤
#Loooza💕

#لأجلها_عشقت_المطر 💛
بقلم: ملاذ سند احمد ادريس📝
-٨-
اللهم صلي وسلم على نبينا محمد صلى الله عليه وسلم
💜💜💜💜💜
في اثناء ما انا ماشه علي ايهاب 😳💔 لقيت سماهر بتتكلم بي تلفونها هي كانت بره اول م شافتني دخلت وكانت خايفه ومتوتره شديد طبعا باب غرفتها كان فاتح م اتوقعت اني ممكن اسمع مكالمتها المهم من باب الفضول حبيت اعرف البت دي لي خايفه كدا كملت مكالمتها وهي بتقول لا ي فارس مستحيل م حزرت م بقدر اتصور ليك بالطريقه دي وهو شكلو كان بحنس فيها في النهايه هي وافقت انو تصور ليهو بس بشرط انو يمسحها😳💔المتخلفه قايلاهو بالجد ح يمسحها المهم انا م اتملكت اعصابي وقلت البت دي هو عايز يخرب سمعتها قلت ياخ انا رغم انها م بتتهضم لي بس انا زي اختها وهي بت خالتي ف لازم اوجهها دام اني سمعت الكلام م صصاح اسكت عن الحق امي علمتني كدا اتوجهت لي غرفتها ودقيت الباب قالت ادخل بعد مسافه شكلها قفلت الخط دخلت وعاينت ليها جوه عيونها قلت ليها انا سمعت مكالمتك🙂
قالت لي شنوو😠وم من حقك اصلا تتصنتي علي انتي قايله نفسك شنو يعني عشان انتي قرويه ومتخلفه م بتفهمي في الاسلوب؟ دي م حركات ناس فاهمين… اول حاجه جيتي داخله غرفتي بدون اذن عزرتك بس تجي وتتصنتي علي دي والله فيها كلام تاني😠
(وكانت غضبانه شديد وشكلها ح تولع وانا من طبعي نعم مجنونه ومهترشه زي م بتقول امي بس لما اتعامل مع زول معصب وبنبزني برد بي كل برود عشان احرقو زياده🙂 قلت ليها وانا كنت بااارده شديد)
انا: ممكن تقولي اني قرويه ومتخلفه وم بعرف في الرقي بس مستحيل اتصور لي ولد🙂🤚🏻ومستحيل اتكلم مع ولد اصلا من ناحيه علاقات وكلام فاضي 🙂 بس احب اطمنك ي ماما طريقك ده غلط واحسن تفارقي
سماهر: خلصتي😒
انا: ايوا خلصت🙂
سماهر : احب اطمنك م ح افارقو ح تعملي شنو يعني
انا: يبقى عندي معاك تصرف تاني🙂
سماهر: بتهدديني يعني
انا: ممكن تقولي كدا
سماهر: اعلى ما في خيلك اركبيهو😒 واتفضلي من غرفتي لو سمحتي
(كانت معصبه وفي نفس الوقت خايفه مني انا م قدرت اتكلم معاها بطريقه احسن من كدا لانها كانت هايجه شديد وم كان ح تجي معاي الا بالتهديد بعدها مشيت غرفه ايهاب سلمتو التلفون وقلت ليهو تسلم كتير )
ايهاب : العفو ي اختي
انا: ايهاب لقيت ليك حل لي مشكلتك واخيرا😍
ايهاب رد لي وهو متفاجئ: بالجد؟
انا: ايووون اصلا ما شي بصعب علي فطومه يلا🌚🤚🏻
ايهاب: ههه اول خلي الموضوع يتحلا بعداك قولي كلامك ده 😂 اها انجزي الحل شنو
انا: تمشي تتكلم مع ابوها
ايهاب: مستحيل ي بت ابوها م برضا
انا: اسمعني اول شي تكلم البت تقول ليها انو بعد انت تجي هي برضو تدخل وتقول ليهو انا سعادتي مع ايهاب وكدا وانت قول ليهو انو الزواج من الاقارب م صح وبعدين بسبب تشوهات لان فعلا زواج الاقارب بعمل مشاكل يمكن يطلع منقولي او اطرش المهم بكون ناقص شي فيهو حتى لو م جاهو شي بكون بليد في دراستو ده كلو لانو الدم واحد وانت تحاول تقنعو بالفكره دي وانو لازم يغير رايو عشان سعاده بتو وغير كدا توريهو انو انتو الاتنين بتحبو بعض
ايهاب: والله فكره ي فطومه انا ح اعملها وبعدها نشوف البحصل
انا: انا متأكده حتظبط ان شاء الله بس انت قول خير واصلا ماف ابو م بحب لي بتو السعاده(وفجأه اتزكرت ابوها🙂💔💔💔💔وانو هو ابدا م كان بحب ليها الخير والسعاده وسكتت وعيونا رقرقت استأذنت من ايهاب فجأه قال ليها فطومه )
انا: نعم
ايهاب: شكرا شديد بالجد انتي نعم الاخت
انا: ولو ي ايهاب انت زي اخوي محمد
(بعدها طلعت مشت غرفتها بكت لمن عيونا جفت كان نفسها تعيش مع ابوها ويكونو اسره كامله بس قدر الله م شاء فعل
في صباح اليوم التالي… 🌞
ايهاب لبس واتظبط وقال لي فطومه رايك شنو تمشي معاي بس م تجيبي سيره لي امي لمن يوافق حتي بكلمها
انا: ظااابط
(لبست من لبساتي الجديدات ديك وقشششرت ايهاب قال لي خالتو مهيره انو ح يسوقني معاهو للجامعه تاني المهم شي من كدا بس بخص الجامعه عشان م عايز يكلمها من اسي م عارفه لي بس مشيت معاهو😍 بس ي ربي هل ابوها ح يوافق ولا لا ده نشوفو في الحلقه الجايه…)
#يتبع… 💜
# *كسره* #:-
ح اساعد اي زول حسيت انو محتاج لي مساعدتي حتي لو كان بيكرهني او كنت بكرهو نيتي صافيه ومهما كان مستحيل اشوف الوجع في عيون زول وم اطبطب عليهو
#Loooza💕

#لأجلها_عشقت_المطر 💛
بقلم: ملاذ سند احمد ادريس📝
-١٠-
اللهم صلي وسلم على نبينا محمد صلى الله عليه وسلم
💜💜💜💜💜
وبهناك امها بتكورك ليها وهي م سامعاها امها اتوجهت علي غرفه سماهر عشان تناديها بالفطور
وهي كانت لسه بتتكلم بالتلفون…
فارس: ي سماهر ي قلبي يعني انتي ح تجرجريني كدا لمتتين يخ بليز رسلي لي الصوره الطلبتها منك
سماهر: ي فارس ياخ افهمني م بقدر والله☹️
فارس: تمام تمام🙂
(عمل فيها زعلان…)
سماهر: ي فارس ياخ م تزعل مني عارفني م بحب ازعلك
فارس: بهمك يعني🙂
سماهر: خلاص ي فارس تمام ح اتصور ليك(قالها ليهو بي نرفزه كدا)
فارس: لي قايلاها لي كدا زي الانا جابرك كدا م عايزها
سماهر: لا م جابرني انا بي ارادتي قلت ليك كدا وح اتصورها ليك وعد
فارس :هسي
سماهر: لا هسي م بقدر اتصور كدا
فارس : ي سماهر ياخ
سماهر: طيب طيب ح احاول اتصور
فارس: لا م تحاولي طوالي اسي تتصوري
سماهر: اممم
(فجأه جات ام سماهر داخله سماهر بي توتر شديد وخوف نزلت التلفون وقفلتو )
مهيره: كنتي بتتكلمي مع منو؟ وده منو الح تتصوري ليهو ده؟ احكي😠
(وكانت غضبانه شديد)
سماهر: ا ا امي دي زميلتي في الجامعه
مهيره: ي بت بطلي الكذب بتاعك ده😠
سماهر: بالجد ي امي😭
(وبدت تبكي وتحاول تبرر لي نفسها)
مهيره: احسن ليك تقولي الحقيقة عشان م اوصل الكلام لي اخوك ايهاب ولا اكلم ليك ابوك
سماهر: ي امي يااخ م تحكيها معانا وبعدين يعني شنو عايزين في اي كلام يعني اقولو تقيفو لي في حلقي كان انتي كان بت اختك ديك (قالت الكلام بي نرفزه شديده)
مهيره : (ادتها كف قوي بي غضب شديد) انا م بتكلم معاك بس بعدين اخوك يتصرف معاك ويعرف ده منو وكمان جابت ليها قله ادب وترفعي صوتك كمان علي امك خساره تربيتي ليك يااخ اتعلمي من فاطمه دي م بتقصر ال24 ساعه واقفه معاي في المطبخ رغم انها ياداب جاتنا ضيفه ياخ اخجلي شويه
(سماهر ركبت سماعاتها وشغاله تقول اوووف ياااخ امها قالت ليها خساره تعبي فيك وطلعت
معليش بس نطلع بره الموضوع ثانيتين ونرجع في زي حاله سماهر دي كتيير كتير منهم بتعاملو مع اهلهم بالشكل ده وازكرو لما ربنا قال "ولا تقل لهما افا ولا تنهرهما وقل لهما قولا كريما" يعني ي جماعه عيب وحرام والله زول يتعامل مع امو بالشكل ده في النهايه بفضلها هي انت جيت للدنيا دي وم اتوقفت علي كدا بس هي ربتك وتعبت فيك يااخ خليك من ده كلو اتزكر لمن تمرض ماف زول بقيف معاك غيرها ماف زول بساهر معاك لمن تبقى كويس غيرها يااخ الام دي نعمه عظيمه حافظو عليها والامو متوفيه ربنا يرحمها ي رب والبعصي في انو ي ريت يمشي اسي يطلب عفوها لانو بي مجرد امك تعفي عليك حياتك المعكسه دي كلها بتمشي عديل وحياتك بتتعدل بس انت قول ي رب وامشي اخذ عفو امك… يلا باااك نرجع لي موضوعنا💕خالتو مهيره طلعت زهجانه شديد من تصرفات سماهر وكان بدور في بالها سؤال انو الزول ده منوو؟…
في جهه تانيه… 🌚
صالح: بس ي بتي(قاطعتو نضال وقالت)
نضال : م بس ي ابوي عليك الله وافق عشان سعادتي
صالح: ي بتي انا اديت عمك وولد عمك كلمه كلمه تاني م بقدر اكسر كلمتي هسي انتي جايه تكسري لي كلمتي
ايهاب: يعني المشكله اسي بقت في عمها وولد عمها يعني لو اقنعتكم انت بتوافق ي عمي؟
صالح: لو قدرت انك تأخذ موافقتهم وبي كل رضاهم اوعدك انو تكون بتي ليك
ايهاب: خلاص ي عمي وانا ان شاء الله بأخد موافقتهم بي كل رضاهم بس وصف لي بيتهم
صالح: (اداهو الوصف)
ايهاب: طيب ي عمي معاكم سلامه وان شاء الله بكره او بعد بكره بجي وانا شايل موافقتهم
صلاح: ان شاء الله… مع السلامه
(ايهاب سرق نظرات من نضال وعيونهم كانت بتحكي عن مليون قصه حب😭💕💕 ايهاب بعدها طلع هو هو فطومه ايهاب وفطومه لما كانو في العربيه…
انا: ايهاب اها مبسوط؟
ايهاب: مبسوط شديد ي فطومه شديد يااخ انا وربي م عارف اشكرك كيف😭💜💜
انا: العفو ياخ انا عملت الواجب الباقي بس تجيب موافقه عمها وولدو
ايهاب: ديل هينين
انا: فعلا اهون من ابوها بس كيف ح تشيل موافقتهم؟
ايهاب: هو اصلا م عايز نضال عندو حبيبتو وقال لي نضال قولي لي ابوك انك م عايزاني عشان هو م بيقدر يكسر كلمه ابوهو وكدا ساهل علي جدا اني اقنعو بس خايف من اقناع ابوهو وانا ح امشي بصفتي شنو وح اقول شنو بس ي رب تسهلها… وبرضو بعد ده حقو اكلم امي
انا: ايوا بتتسهل ان شاءالله واهم شي تكلم امك الليله قبل باكر
ايهاب: ان شاءالله ي فطومه دعواتك بس
انا: اكيد ان شاء الله
(وعم السكوت من اللحظه ديك بعدها ايهاب شغل موسيقى لحدي م وصلنا البيت…
وي رب ح يحصل شنو في حلقه بكره؟ مهيره ح تكلم ايهاب؟؟ وح يعمل لي سماهر شنو لو كلمتو؟؟ ومهيره ح ترضى انو نضال اللي هي بت قرى تبقى مرت ولدها ؟؟ وعم نضال ح يوافق علي انو ايهاب يتزوج نضال بدل ولدو؟؟ ده كلو في الحلقه الجايه 😉👋🏼
يتبع… 💜
# *كسره* #:-
*- إنها من ذلك النوع الذي لا يمكن أن تحب بعدها ابداً ، انها تأتي لتكون الأخيرة • 🌸💙*

#Loooza💕

لوقت كلو م قدر ينوم من الفرح وبفكر يتصرف كيف مع عم نضال ويقول شنو
بعدها في صباح اليوم التالي🌞
صحى ايهاب بدري صلى الصبح حاااضر في الجامع وجاء لبس واخخر شياااكه🤤 كان قرررض ياخ🤤🌸🌸مشى لي فطومه في غرفتها ضرب الباب فطومه فتحت الباب
انا: اهلين ايهاب
ايهاب: فطومه انا ماشي الشغل اسي وبعدين بجي البيت عشان تمشي معاي طيب؟
انا: ايهاب بشوف احسن انو تسوق معاك امك او اختك بدلي عشان هم اقرب ليك مني🤷🏻‍♀️
ايهاب: امي ح اسوقها لمن نمشي للتعارف و اختي اصلا م بهمها عشان كدا ياخ بطلي نقه وبعدين بجيك انا ظابط
انا: ظابط
(يلا الباقي في الحلقه الجايه🌚👋🏼)
#يتبع… 💛
# *كسره* #:-
أحببتك بصدق..❤️ حينما وجدت فيك نفسـي..😊أحببتك بعمق.💞حينما رأيت فيك ما أريد..❣
#Loooza💕
#ملاحظه ما راجعت الروايه لو في اي غلط في الكتابه بعتزر عنو

#لأجلها_عشقت_المطر 💛
بقلم: ملاذ سند احمد ادريس📝
-١٢-
اللهم صلي وسلم على نبينا محمد صلى الله عليه وسلم
💜💜💜💜💜
ايهاب مشى الشغل وبي جاي فطومه مشت عملت الغداء ومعاها خالتو مهيره وبعد عشره دقايق كده جات سماهر صبحت عليهم وقعدت اشتغلت معاهم فطومه كانت مستغربه منها شديد وحتى امها مستغربه منها لان م بتجي تساعدها نهائي الا هي تقول ليها تعالي ساعديني وبعد زهج ونرفزه حتي تجي تشتغل معاها ايهاب في اللحظه دي جا داخل
ايهاب: السلام عليكم يا ناس كيف قيلتو
مهيره: اهلين ي ولدي خش جيت في وقتك هسي الاكل بجهز
ايهاب: لالا م داير اكل، فطومه جاهزه؟
مهيره: جاهزه ل شنو؟
ايهاب: لالا موضوع بسيط ي امي م تشغلي بالك
فطومه: دقيقه ي ايهاب البس واجيك
ايهاب: خلاص تمام
سماهر: (مع نفسها) هسي ايهاب دا جا من وين بعد م انا قربت من البت دي
فطومه مشت لبست وجهزت وركبو العربيه ومشو، ايهاب اتصل على نضال قال ليها احنا جايين عليكم وقفل،
ايهاب: انتي عارفه ي فطومه انا متفائل بيك شديد وان شاء الله تكوني قدم خير ياخ☺️✨
فطومه: (وهي بتضحك) انا عارض ي زول😂
ايهاب: لالا م تقولي كدا ارح انزلي وصلنا😂 مجنونه انتي
ونزلو وخاشين البيت فتحت ليهم نضال الباب والفرحه اللي ف وشها م ف زول يقدر يتخيلها
قالت ليهم خشو اتفضلو
ايهاب: خاشين ي ست البنات الليله ان شاء الله يكون يوم الهناء💛💛
نضال: خجلت ودخلت جوه وساقت معاها فطومه
ايهاب مشى الصالون وجاء عمها
عمها: السلام عليكم (معاها صرة وش ظاهره)
ايهاب: وعليكم السلام ي ابوي كيف حالك
عمها: والله بخير اتفضل ان شاء الله خير
ايهاب: والله كلو خير جاي اطلب ايد بتكم
عمها: بتنا منو؟
ايهاب: نضال ي ابوي☺️💛
عمها: م عندنا بت للعرس
ايهاب: (اتصدم بس خفيف كدا) ي ابوي قول خير انت عمها وغير سعادت بتك م عايز شي وانا اوعدك م تشوفها بكت في يوم سعادتها معاي م تقيف ليها حاجز
عمها: انت منو عشان توريني انا اعمل شنو وشغلتك شنو
(بدا يجوط ولما الناس كلها) ي زول اطلع من بيتي وم عندنا بت للعرس وتاني م اشوفك حايم عندي
ايهاب: والله انا م خايف منك بس بحترمك انا بيتك م جايهو بس نضال لي وانا م برتاح الا تكون حلالي
عمها: اها انا في وانت في ونشوف كلام منو فينا الببقى
ايهاب: ولي معلوماتك ي عمي حتي ولدك المصون م عايز نضال فما تخليهم يتزوجو بدون حب لان علاقتهم ح تخرب وانت الح تكون السبب في دمار اسره كامله
(نضال كانت بتبكي وفطومه بتهدي فيها وبتقول ليها ح يكون ليك اطمني)
ايهاب: (بي صوت خشن وعالي) فاطمه ارح اتحركي🙂 (تاني قلب صوتو حنين☹️ بعد شاف دموع نضال مسح علي راسها وقدام عمها قال ليها )م تخافي ماف شي ح يبعدني منك ولو رجاله انا بقلعك انتي حقتي وانا م متعود اخلي شي حقي بعيد مني
(وركبو العربيه وراجعين ع البيت وإيهاب كان زعلان شديد بس كاتمها)
من جهه تانيه…
سماهر بتكلم فارس بي حزر تااام بعد اتأكدت انو امها مشت نامت وامها يحليلها م عارفه شي
وفارس بحاول يقنع فيها لسه
فارس: سماهر اسي البيت فاضي خشي الغرفه واقفليها وانجزي انتي لو م عايزه تديني قولي لي
سماهر: حاضر ي بيبي خليني اخش جوه بس
فارس: اصلا انا بحبك💛 (هنا قال يدوب انتي ح تسلميني نفسك وكان فرحان فاكر انو خلاص ح ينتصر)
فجأه دخلو البيت فطومه وايهاب قبل م تتصور سماهر وهي كانت متردده بين انها تتصور او لا هي م عايزه تتصور بس برضو م عايزه تخسر فارس لانها بالجد بتحبووو☹️💔
فطومه وهي داخله علي غرفتها وهي كانت زعلانه علي حال ايهاب ورفض عمو💔 نادتها مهيره ي فطومه ي بتي وصلتو تعالي لي عايزاك
(فطومه مشت لي مهيره)
فطومه: نعم ي خالتي
مهيره: ي بتي والله مصدعه عليك الله جيبي لي حبوب بندول من سماهر قاعد في دولابها
فطومه: حاضر
(وفطومه مشت علي غرفه سماهر وكالعاده دخلت بدون تضرب الباب😳😳😳😳💔💔💔… )
من جهه تانيه…
عم نضال مشى علي ولدو بعد رجع من الشغل.. طبعا اسمو جمال ولدو اسمو عمران
جمال: ي ولدي عايز اتكلم معاك
عمران: اتفضل ي ابوي
جمال: بصراحه كدا انت عندك بت بتحبها غير فاطمه بت اخوي؟
عمران: لي ي ابوي بتسألني كدا مش انت اخترت لي وخلاص معناها قراري م مهم
جمال: جاوبني ي عمران
عمران: اي ي ابوي انا بحب بت تانيه وبصراحه م بحبها بس انا عايزها شريكتي بس انت بدون تسألني مشيت خطبت لي نضال من ابوها💔
جمال: بس ي ولدي نحنا بنعرس من الاهل ودهوالشي المعروف
عمران: بس انا م عايز بت الاهل الاخترتوها لي دي
جمال: خير خير
(وطلع من الغرفه… )
اها حيحصل شنو بعد ده كلو في الحلقه الجاية خليكم قرااب🌸🌸🌸✨
#يتبع… 💛
# *كسره* #:-
حبي البكون ليك سند الما بتخلى عنك لو الكون كلو وقف ضدك هو بكون جنبك وساندك م الكل ي جماعه بحبو صدق في كتتتير منهم كذابين💔 اول شي اتأكدي من حبو ليك بعدها اثقي فيهو م تدي قلبك لي اي زول قلبك جنه والجنه م بخشها الا البستاهلها💛✨
#Loooza💕

وبنطلون جينز ازرق فاتح والساعه زرقاء يعني كان حاجه كدا واوو اتعطر وطلع لقى فاطمه جهزت كانت لابسه فستان بسيط وحلو وهي محلياهو اكترر 💛💛لونو اسود وفيهو دوائرر بالاصفر والابيض لبست طرحه صفراء فاتح كدا فيها بالاسود وجزمة سوداء طلعت مززه🤤 وعملت ميك اب خفيف وطلعت مع ايهاب..
ايهاب وقف لي نضال جنب دكان قريب لي بيتهم واتصل عليها
ايهاب: حبيبو انا وصلت يلا اطلعي
نضال: اوكي طالعه جنب الدكان صح
ايهاب: اي
نضال: طيب طالعه
ايهاب: خلي الخط فااتح لمن تصلي
نضال: اووك
(نضال وصلت وكانت لابسه فستان ازرق😍😍مطقمين سواء بدون يقصدوو🤤 طبعا نضال بت قمحيه وطولها 165 وسط يعني ملامحها جميله شديد💛 ايهاب كان بعاين ليها بي شوق وحنيه شديده قال ليها اتفضلي حبيبي
دخلت وهي خجلانه لانو فاطمه قاعده وهو بترمسن فيها😂😭
طبعا فاطمه كانت راكبه ورا ونضال كانت ح تركب ومعاها😂😭بس ايهاب حمر ليها طوالي عملت خلف دورر😂😭ورجعت ركبت معاهو قدام
ايهاب: نضال انا م عرفتك علي فطومه صح
نضال: لالا
ايهاب: دي بت خالتي💛💛انتي عارفه لو م هي اصلا م كان وصلنا لحدي هنا كلو بسبب افكارها الخونفشاريه دي😂🌚
نضال: تسلمي شديد حبيبتي 💛💛💛😭
فاطمه: العفو حبيبه انتو اخواني💛
نضال: الله يخليك لينا💛
فاطمه: ويخليك🌚
(مشو وهم ساكتين بعدها ايهاب كسر الصمت وشغل موسيقى)
فطومه : غايتو ي ايهاب جنك غناء😂👊🏻
(مشو بعدها مكان راقي جدااا🤤🤤اختارت نضال خاتم رهيب واختارت لي ايهاب كمان خاتم فظييع وايهاب اشترى لي فطومه سلسال فضه رهييب واهداهو ليها😍كانت فطومه مبسوووطه بيهو شديد اها بعداك مشو يوصلو نضال عشان م يتأخرو ولقو ابوها في الشارع😳😳😳😳😳


#يتبع... 💛


# *كسره* #:-

🖤🖤🖤🖤🖤🖤🖤🖤


ستبقى ذلك العشق الذي يتسلط علي قلبي ويتملكه واقول ان لك كامل الحق به فأنت فقط من تتملك جميع حالاته تتحكم في غضبه وفرحه… انا احبك بلا قيود عزيزي🤤💛

🖤🖤🖤🖤🖤🖤🖤🖤


#Loooza💕

انا: والله نفس الشي م جايني نوم نهائي
سماهر: رايك شنو نظبط الهدوم الح نطلع بيها بكره
انا: ظابط
(اول شي رتبت معاي لبسه حلووه شدديد اللي هي اسكيرتي اسود مع بلوزه بيجي وطرحه بنيه واسبورت بني وشنطه بالبييجي والبني كانت حلوه شديد بعدها قالت لي امشي معاها عشان اختار ليها كمان لبسه زي م اختارت لي وطلعت ليها اسكيرت اسود وبلوزه بيضاء وطرحه ورديه واسبورت وردي 🌸 وشنطه سوداء مخططه بالابيض🖤🖤 شكرتني وقالت لي بعد ده مفترض ننوم قلت ليها فعلا ومشيت غرفتي رقدت ونمت نوم عميييق صحيت الصباح لقيت سماهر في غرفتي😳💔
#يتبع... 💛
# *كسره* #:-
*گلَ حًآجّهّهّ فُـيَ وٌقُتٌهّهّـآ حًلَوٌهّ* ❤😍
*وٌآنِتٌيَ حًلَـوٌهّهّ فُـيَ کْـلَ وٌقُـتٌ*...😊🌎
#Loooza💕

#لأجلها_عشقت_المطر 💛
بقلم: ملاذ سند احمد ادريس📝
-١٥-
اللهم صلي وسلم على نبينا محمد صلى الله عليه وسلم
💜💜💜💜💜
صحيت الصباح لقيت سماهر في غرفتي صحيت مخلوعه 😳💔
انا: سماهر؟😳الجابك غرفتي شنو من الصباح بسم الله
سماهر: طارداني يعني 😂👊🏻
انا: لالا يخ العفو
سماهر :طيب يلا قومي سريع
الجامعه نسيتي وبعدين لازم نرجع بدري عشان الخطوبه والله كان م نمشي زاتو اول يوم ده اهم الخطوبه كان
انا: لالا هوي انتي مجنونه اهم شي الجامعه بعدين ده اول يوم واول سنه م صاح نعمل كدا من اول مره
سماهر: خلاص يلا قومي سريع زاتو م معروف يوصلنا منو وايهاب بكون بجهز في الحاجات
انا: م مشكله نمشي بي المواصلات انا وانتي
سماهر: لالا انا م متعوده اركب مواصلات🐸
انا: ي بت عادي
سماهر: هوي يمكن نضيع وبعدين لا انا ولا انتي بنعرف الطريق
انا: اي والله طييب الحل شنو؟
سماهر: الحل في البل😂😭💔
انا: هوي ي سجم انا جاده
سماهر: طيب رايك شنو ادق لي صحبي يوصلنا
(كانت قاصده فارس بس م كانت عايزه تقول لي فاطمه عشان م ترفض تمشي معاها)
انا: هوي لالا انا بخاف والله
سماهر: ي بت ده صحبي من الاساس وبعدين امي بتعرفو وطوالي بنمشي سوا كان طريق مدرستي قريب لي شغلو
(وهو امها لا بتعرفو ولا شافتو)
انا: اممم
سماهر: ي فطومه ياخ بدون اممم ارح سريع البسي ععشان ح نتأخر
انا : طيب اول نكلم خالتو مهيره
سماهر: طيب انتي البسي انا بلبس وبمشي اكلمها ظابط
انا: طيب تمام
(لبست فطومه وسماهر مشت لبست واتصلت لي فارس كلمتو وهو م صدق انو فطومه برضوووو ح تجي مشى لبس اخررر شياكه وجاهم قريب لي بيتهم بس م جنب الباب وسماهر مشت قالت لي امها نحنا ح نطلع)
مهيره: ح تمشو مع منو ي بتي
سماهر: طلبت ترحال ي امي بطل اسي بلا مع السلامه ح انادي فطومه وبطلع طوالي
مهيره: طيب يلا خلو بالكم من نفسكم
سماهر : حاضر
(يلا سماهر مشت ساقت فطومه من يدها وقالت ليها يلا سريع سريع فطومه قالت ليها استني اعمل كحل )
سماهر: انتي لسه م عملتي ميك اب طيب اقعدي سريع اعمل ليك
(فاطمه م كانت عارفه معني كلمه ميك اب بس م قالت ليها عشان م تحرج نفسها مع سماهر بس سكتت وسماهر طلعت علبه من شنطتها مليانه ميك اب وارواج بكل الالوان شي فظيع🤤 فطومه شافتهم بس مره في التلفزيون عند ناس جيرانهم☹️💜 اها يلا سماهر عملت لي فطومه ميك اب خفيف وظريف كان نايس شديد وفطومه طلعت مزززه وطفت سماهر اصلا سماهر هي حلووه بس فاطمه قررضه)
سماهر: طفيتيني لكن
انا: هههههههه
سماهر: اضحكي بعدين هسي ارح سريع
(ومسكت يد فطومه ومشت بيها نزلو تحت )
انا: كلمتي خالتو
سماهر: اي كلمتها ارح ارح
انا: خليني اقول ليها مع السلامه خلاص
سماهر: قالت ماشه تستحمى ياخ وبعدين نحنا اتأخرنا ارح سريع
انا: طيب طيب مالك مستعجله كدا
سماهر: للجامعة ي بت المحاضره يمكن بدت
(وهي خايفه ععشان م يتلاقو مع امها تو ايهاب وفاطمه تحكي ليهم…
بعدها مشو ولقو فارس سماهر ركبت قدام وفطومه ورا سماهر وغمزت لي فارس نظام اقنعتها تجي معاي ركبو وفارس صلح المرايه علشان يشوف بيها فاطمه والوقت كلو بعاين لي فاطمه بالمرايا وحاول يفتح موضوع ععشان تتكلم معاهو وفاطمه بس بتجاوب علي حسب السؤال بس وكانت مضايقه شديد من حركات فارس وسماهر كانت شايفه حركات فارس بس بتحاول تخت ليهو عزر دايما البتحبو بتعزرو المهم وصلو الجامعه وودعهم وفات وهو من الوقت داك ياااداب فاطمه وقت في راسو عشان هي تقيله🤤🤤💜💜
اما بي جاي ايهاب مشغوله مع الخطوبه ومشى يجهز الحاجات بتاعت الخطوبه والتلفونات الكتيره العندو من اصحابو العزمهم بعدها اتحرك بي عربيتو قال ماشي يجيب هديه لي نضال بس المشكله انو ح تحصل كااارثه😭💔💔😭💔💔
#يتبع… 💜
#بعتزر عن تأخير الروايه وعن الجزو لانو بسيط اسفه جدا بس مشغوله وربي بعوضكم في الحلقه الجايه ان شاءالله اصلا الروايه علي وشك انها تخلص
# *كسره* #:-
مرات كتير في عز فرحك الدنيا بتخزلك بتوجعك بعد تصل للقمه بتلقى روحك بي كل بساطه وصلت لنقطه الصفر 💔اصلا دي الدنيا تفرح وتحزن وتنفسن وتزهج بس كلو مكتوب ومقدر… ✨
#Loooza💕

تو مرقد والدربات والحقن فيهو م استحملت تشوفو كدا بكت بي طول حسها 😭😭الراجل جا يصبر فيها
الراجل: بقوم ي بتي ان شاءالله بس ادعي ليهو
(هي بس تبكي..)
نضال: شكرا ي عمو م قصرت كتر خيرك
الراجل: العفو ي بتي بعد ده انا بمشي انتي اتصلي علي اهلكم كلموهم
نضال: طيب ان شاءالله😭😭😭
(الدكتور طلع قال ليها اسي هو في غيبوبه وحالتو حرجه شديد ممكن تدخلي تتكلمي معاهو هو بكون سامعك بس م بقدر يتكلم وكلامك ممكن يساعدو + بحتاج لي عمليه مستعجله بكره وصعبه شديد في الراس لان الضربه جاتو في حته كعبه وصعب تلقي دكتور يقدر ينجز العمليه دي انا بتصل اسي لي دكتور ضياء بقول ليهو لو بقدر يجي يشتغل العمليه دي لانو هو بره السودان ان شاءالله يقدر يجي يلا انا عندي مريض تاني
الدكتور مشى وهي م فاهمه اي شي مشت دخلت في غرفه ايهاب وبقت تقول ليهو)
نضال: ايهاب معقوله تتخلى عني بالسهوله دي ايهاب اوع تمشي تخليني والله بلحقك ايهاب م بقدر علي فراقك انا😭😭ايهاب خلاص قووم😭😭بطل هظار لي بتعمل فيني كدا يعني معقوله عاجبك انو انا قلبي بتقطع كدا 😭😭ايهاب م بقدر اشوفك في الحاله دي انا قوم ياخ😭😭ايهاب خطوبتنا بكره😭معقوله يعني بعد التعب التعبناهو ده كلو م نعمل الخطوبه بكره😭 ايهاب مش قلت عايز تخطفني😭خلاص قوم اخطفني اسي والله بمشي معاك😭😭ايهاب قوم اخطفني😭😭 خلاص بوعدك اني م اعادنك واسمع كلامك😭😭ح اسمع كل كلمه تقولها لي وم ح اعارضك ولا في كلمه والبتقولو انت بس بمشي علي😭😭 ايهاب قوم يااخ بطل عباطه😭😭خلاص وعد اغسل ليك واكوي ليك جلابيتك بتاعت صلاه الجمعه اي صاح كنت قلت ليك م بكويهم بس خلاص بكويهم ليك بس انت قوم واتكلم معاي😭😭خلاص العرس حددو انت وانا م بتكلم😭😭لو عايزو بعد اسبوع انا م ح اعارضك بس قوم ي ايهاب قووم😭😭
#الباقي في الحلقه الجايه هل ح يموت ايهاب ولا لا.. كلو في الحلقه الجايه يلا نتلاقى👋🏼🖤
#يتبع… 🌸
_# *كسره* #:-_
فراقك اصعب شي في الدنيا دي بعدك حااار شديد زي فقدان الطفل الرضيع لي امو وزي الزول لما يتعدم الهواء منو ويعدم شمو☹️💔
#Loooza💕

وار بتاعهم )قال ليها انتي لمن عفصتيها مالك ما اعتزرتي مدام جايه تقعدي معاها
دعاء:عفوا معاي انا ي يزن ؟
يزن:يعني مع ضلك
(فطومه حمرت لي يزن 😠😠)
قالت ليها انتي لمن جينا جنب الباب حق القاعه انا كنت عاوزة ادخل وانتي
برضو قمتي ضربتيني وشكلك ما انتبهتي
قالت ليها : اسفه حقك علي والله ما كنت شايفاك 😰😰😓 اتلفت اعتذرت ما يزن قالت ليهو ما سمعتك لمن كنت بتتكلم معاي 😰🙁
قال ليها اعتذار مقبول بس تعزمينا اكل بعد المحاضرة قالت ليهوو طوالي قعدوا يضحكوا اثناء هم بتونسو دخل عليهم شاب موووووبالغه بااابور بس 😍😍♥ دعاء من شافتوا قات ليهم القمر نزل شكلوا ♥ يزن عاين ليهو وقال ليها عليك الله اسي انا ما اسمح منو
فطومه حدرت ليهم الاتنين قالت ليهم ممكن تسكتوا لمن رفعت راسها قال ليهم الدكتور اي ياهو البابور الهسي ده زاتو😂😭 قال ليهم: قاعدين في اول بنش بتونسوا اول انذار التاني ولا محاضرة ما بتحضروها معاي (فاطمه شافتو قالت بينها وبين نفسها الزول ده شكلو م غريب علي) المهم انتهت المحاضره واثناء ما هم ماشين علي الكافتيريا وقفتهم صوت ناس بتضحك علي يزن اتلفتوا
# نشوف الحلقه القادمه$ نضال حترضي تخلي ايهاب وتتزوج غيرو $ومنو الكان بضحك علي يزن

نتلاقي في الحلقه الجااايه👋🏻 💓
#يتبع…🖤
_#كسرة #:-_

هنالك شخص 💕 لا أُريد أَن تكْونَ لـْي معهُ نهايهَ ,أريدِهُ حتئ أخِر يومٌ فٌي حّياتيِ . ❤
#Loooza💕

ز فتحت الباب وخشت بدون ما تضربوا )
عوضيه وخالد :فطومه
فطومه: اااااااامي خلووودي حبيبي كيفكم ومشتاقين وريم وينا ليه ما جات
عوضيه : تمام والله انتي كيفك ريم والله راجلها جاء ماف طريقه والبيت فاضي
فطومه : انا تمام بس فاقداكم حضنت خالد وبقت تحكي ليهم عن الجامعه
قطعتهم مهيرة: فطومه قومي غيري وارتاحي عشان الغداء
فطومه: حاضر يا خالتو 🥰
(لي 🤔انا لمن جيت داخله امي وخالد اتفاجو كده وده منو الاتكلم مع امي وشاكلها ولي خالد قال ليها ما توريني ولا انا حاخلي الجامعه )*
الكلام ده حنشوفوا في الحلقه الجايه
(نضال حتكسر كلمه ابوها في انو ما ترجع لي ايهاب تاني💔💔 )
نشوفوا معاكم في الحلقه الجايه
كونوا بخير 💛
#يتبع… 🌸



#Loooza💕

قعد فترة وجايه راجعه تسكنوا هنا حتلقاك زبطت كل شي
خالد : حاول اتهرب بس ما قدر . خلاص خير
ايهاب: من الفرحه فجاءة حرك كراعو 😱😱😱😱😱😱😱😱😱😱خااااالد عملتها عملت شنووو ما شفتا؟؟؟؟
خالد : (شافوا بس كان عايزو يحركها تاني)🤨🤨🤔 لالا ما شفتها اشوف شنو 😏😏
ايهاب: عليك الله ما شفتها
خالد : قلتا ليك لا وطلع لمن اتلفت لقاهو ببكي وهو بحرك في كراعو
جرا عليهو. قال ليهو حركاتها ونط فيهو فرحت شديد لانو واخيرا حرك رجلو(اتصل خالد علي دكتوره ساره وكلمها قالت ليهو دي نتيجه انفعال والحمدلله ممكن تقولو اتحسن بس بعد ده يواظب علي الحركات عشان م يرجع زي اول)
🌸🌸🌸🌸🌸
ابو نضال : اها يا بتي الحصل؟
نضال : ابوي بكرة جاين يعقدوا والعرس بعد فترة شويه
ابو نضال: خير وبركه
امها جات تزغرت قالت ليها قومي اجهزي قالوا جايين الليله
نضال: امي قالوا بكرة... وانا ما نضفتا
فطومه : جات داخله ما ضروري بكرة وايهاب رسلني ليك قالوا يديك الحاجات دي في يدك والمساء بينكم موعد واسي قدامي علي الكوفيرر(ايهااب م وراهم انو بدا يمشي كان عايز يعملها مفاجأه)
نضال : بس انا ....
فطومه: ماف وقت تقعدي تبسبي لي ارح
ساقتها وطلعوا لقوا سماهر في العربيه
وصلوا الكوافير ..... نخليهم شويه
ونرجع ....
في احد الفلل اقل شي ممكن الزول عنها قمه الفخامه
سهى : الو ....
.....: يا هلا منو معاي ...
سهى : انت محمد
محمد : ايوا ...
سهى : عاوزاك تشتغل لي شغل
محمد : اضمنك كيف ؟ اديني الكلمه
سهى : ( النهب المسلح gm )
محمد : استلمتك يلا ... احكي
سهى . ( * )

*نرجع لي ناس فطومه في الكوافير* :-
نضال :- لبست فستان كبدي ضيق من فوق وجاري من تحت اكمام الفستان شفون مع الحنه الابداع والشبط عالي كبدي طقم كرستال رهيب وترسيحه بوووف 😻😻😻😻😻😻😻😻😻😍(₩انا خفتا كان شافها ايهاب يتم العرس😂🌝💔 ) ..
فطومه : لبست فستان عنابي سادة 🌸💕 ورابطه حجابها كالعاده معاهو شبك عنابي برغم من انو بسيط بس احلي من نضال وسماهر فاطمه جميله شديد

سماهر : لبست فستان اسود علي الجسم وعملت كعكعه كبيرة وطلعت خصل اصبحت مزة .
جاء خالد عشان يسوقهم كان موووووبالغه حبه فيهو 😻😻😻😻😻😻😻😻😻😻☹( أن شاء الله راجلي بعد الجمال ده )😻😻😻😻
لابس طقم بدله اسود وحالق سكسوكه تعمل النفسيات😻+ ساعه 🤩والعطر 😍🙈🙈🙈🙈 انا (بعدها ده حيودوني الانعاش😭😻😭😻😭😻😭😻)

مع دخلوهم كده تلفون نضال ضرب
ايهاب : حبيبي ...عقدوااا (هاك اسمعي وفتح ليها الاسبيكر
(نضال بس بتبكي 😭😭😭😭😭😭😭😭😭😭😻)
ايهاب : مبروك علينا وربنا يخليك لي واقدر أسعدك يا حبيبو 😻
نضال: اللهم امين يارب 😍م اعدمك😭
ايهاب: انا اشتقتا ليك ادخلي عشان اسوقك معاي
نضال: كيف يعني تسوقني معاك
ايهاب : عديل هي ما مرتي ولا غيرتي رايك
نضال : لالا ما غيرتو
ودخلوا بيت ناس نضال كانو متجمعين هناك😻😻😌
طبعا كميه الجمال الفيهم تخليك تفتح خشمك تلاته سنت دخلو وقعدو يغنو ليهم بالدلوكه الناس كلها ترقص طبعا الا ايهاب و معاهو نضال بتونسوا
جاء داخل واحد مستحيل تتوقعو ده منو😳💛💛
#يتبع… 💛
_# *كسره* #:-_
حرفيا كده 🤤🔥
انا دايرهو حلالي بكل عيب فيهو، بكل صفه فيهو، بكل حركاته الغياظه وبرود دمه، بكل عدم مسؤوليته،انا م اخترتو عشاني انا بس اخترتو عشان هو الوحيد الحيكون اب لاولادي حتى اولادي دايراهم يكونو زيو في اي شي، قلبو حنينن وبشيل كتيرر، ويا ريتني لو حته منك💜.
#Loooza💕

الد : لكن امي مسافرة براها وراجعه انا ما ماشي محل ماسك لي ايهاب الشغل حقو
سماهر: كضاب والله
خالد: والله جد
سماهر بدون اي مقدمات خشت فيهو حضن وبقت تبكي قدرتا وهوو زاتو بكي معاها ساقها وداها الغرفه حقها
خالد: خلاث نومي يا بكايه تصبحي على خير
سماهر: ربنا يخليك لي يا رب
خالد : اللهم آمين يا رب نومي يلا ما عاوز كلام كتير

_# *كسره* #:-_

أنا م عارفة متين حبيتو ولا دايرة أعرف كل البعرفو انو بمجرد رسالة منو عيني بتبرق من الفرحة 💞
بحبو يحكي لي عن يومو و أي شي .. بس ب مجرد ما تجي سيرة واحدة من صحباتو بغير و بنحرق من جواي و أنا أصلاً من صغيرة م بحب زول يشاركني ألعابي لأنها حقتي فما بالكم بيه هوو 😴 ؟!
هو جنة الدنيا و أملي الباقي هو الخلاني أتمسك بي الدنيا و ما فيها 🍂
~هو أنا و أنا هو👫💞~

#Loooza💕

#لأجلها_عشقت_المطر 💛
بقلم: ملاذ سند احمد ادريس📝
-٢٣-
اللهم صلي وسلم على نبينا محمد صلى الله عليه وسلم
💜💜💜💜💜
في تاني يوم صحو وعملو الشاي طبعاا نضال م قعدت معاهم عديل بس بتقيل معاهم وبتنوم في بيت ابوها يعني بتبيت معاهم بعد زفه العرس… نواصل
فطومه: سماهر لبستي ؟اتحركي ارح انا طالعه
سماهر: اي لبست ثواني بس اجيب تلفوني من الشاحن
فطومه: طيب سريع
(طلعو وهم طالعين لاقاهم خالد..)
خالد: ماشين خلاص؟
فطومه: اي ي خالد اتأخرنا زاتو
خالد: طيب ارح اوصلكم
فطومه: حبيبي يااخ 🌚🌸
(وسماهر تتبسم وتتكشم)
خالد: حبيبك وقت المصلحه بس ي كليه
فطومه: ارح ارح م نتأخر😝
خالد: (ضحكك) ارح
(وصلهم ومشى فطومه قالت تعرف سماهر علي يزن ودعاء… )
فاطمه: ي سماهر
سماهر: عيونا
فاطمه: عايزه اعرفك علي اصحابي
سماهر: ارح طوالي بس احسن تخليها بعد المحاضره الاولى لانو اسي بتكون بدت
فاطمه: اوك يلا نتلاقى
سماهر: سلام
(مشت فطومه لقت المحاضره بدت ودعاء ويزن دخلو فتحت تلفونها الجابو ليها ايهاب💛لقت مكالمات كتيره من دعاء ويزن عشان يسألوها مالها م جات والمحاضره بدت المهم دقت الباب لقت اسمر بدرس😳..)
فطومه: ااسمر.. اقصد دكتور اسمر
اسمر: بتجي علي كيفك انتي المحاضره بدت ليها نص ساعه ادخلي والمره الجايه فيها انزار🤚🏻
(كان معاها رسمي شديد واسلوبو اتغير وفاطمه شمتو شديد دخلت وقعدت في البنش براها.. حضرو المحاضره وطلعو…)
دعاء: فطوومه مالك اتأخرتي ي بت
فطومه: ده كلو من سماهر دي اخرتني
دعاء: سماهر دي منو ؟
فطومه: بت خالتي عايزه اعرفكم عليها… وين يزن
دعاء: طوالي نتشرف.. م عارفه والله بكون جوه القاعه
فطومه: ارح تشوفو عشان اوريكم سماهر
دعاء: ارح
(دخلو جوه ولقوهو مع سهى كانت ماسكه يدو وبتقول ليهو عليم الله ابعد من البنات ديل انا بحبك ومن كنت صغيره لي انت م بتعبرني كدا عاجبك شنو في البتين الحقيرات ديل بس فهمني وهو بقول ليها اياك تغلطي فيهم هم احسن منك بي ميه مره انتي بس م بتفهمي + انتي بتحبي هو انتي همك كلو شوفوني وعاينو وانا م بحبك فاهمه م ب ح ب ك ياريت تفهمي وابعدي عن طرريقي رجاااااااءا🙏🏻 وطلع وفاطمه ودعاء سمعو الكلام كلو…
فاطمه: يزن لي اتكلمت معاها كدا يخسي عليك شكلها بالجد بتحبك
يزن: ي بت تحب شنو دي م بتحب غير نفسها
فاطمه: كدي انت حاول مره تحبها
يزن: لا م ح احاول مع انسانه زيها وبالله انسونا منها
دعاء: طيب بليز اقفلو موضوع البت دي كرهتها
يزن: بالجد بتتكره
فطومه: حرام عليكم البت بس بتحبك ي يزن
يزن: فطومه انتي وحده مسكينه ساي والله بعد العملتو فيك ده كلو انتي لسه بتحامي ليها ياخ جليك منها مالك اتأخرتي الليلة
فطومه: اممم اتأخرت مع بت خالتي
يزن: طيب
دعاء: صحي ي فطومه مش قلتي ح تعرفينا عليها
فطومه: اي ارح نشوفها
دعاء ويزن: ارح
(مشو علي اتجاه قاعتهم في القسم بتاعهم واتصلت عليها فطومه)
فطومه: سماهر نحنا جايين عليك خليك جنب القاعه حقتكم
سماهر: طيب تمام
(مشو عليها وفطومه عرفتهم علي بعض ويزن ودعاء حبو سماهر المهم رجعو منها مشو اكلو يزن قال عندو صحبو ماشي يلاقيهو قعدو فطومه ودعاء شويه كدا وظهر اسمر وفاطمه دي بس تحمر ليهو شمتو من المحاضره فجأه الجو بقى مغيم وشكلها ح تمطر🤤❤️🌸
فطومه بعد الجو ظهر انو عايزه تمطر عيونها دي قلبت قلوب قلوب😍🔥 اسمر جا عليهم)
اسمر: ممكن اقعد معاكم
(فاطمه حمرت ليهو وسكتت)
دعاء: اتفضل ي دكتور
(قعد معاهم وقال لي فطومه)
فطومه: اسف علي الحصل قبيل بس انا في القاعه دكتورك وبكره القاعه صحبك طيب عشان م تحصل خلافات شايفك اضايقتي بس انا ده قاموسي في القاعه م بعرف اي زول البغلط طوالي بعاقبو عشان نقدر نمشي لي قدام طيب + م تزعل
فطومه: اممم
اسمر: جنك تقولي اممم اممم بتاكلي انتي؟🌚💔
فطومه: لا م باكل بس دي بمعنى طيب🐸💁🏻‍♀️
اسمر: طيب اممم
فطومه: هههه ظريف
اسمر: زيك ي ظريفه انتي
فطومه: انننن(وعملت حركات كدا بوشها😂 اسمر ده اتشرط بالضحك… )
فطومه: بضحك شنو اسي🌚💔
اسمر: شافعه بس
فطومه: انا م شافعه. اولا انا كبيييرة قدر حبوبتك
اسمر: كدي قومي اشوف
(وبي كل عفويه قامت وقالت ليهو اها م كبيره؟🌚 قام اسمر ووقف جنبها طبعاا هي في بطنو قال ليها اها الكبير منو🌚 بالله فاطمه دي سكتت جم😂😭💔 قال ليها اها منو قالت. ليهو انت بس براك طويل زياده بس انا كبييييره اسمر ده اتفقع بالضحك اما دعاء كانت بتراقب بصمت 🌚❤️
اها ده نفهم منو شنو🌚💔نتلاقى في الحلقه الحايه🤝🏻❤️)
يتبع…🌸

_# *كسره* #:-_
كَمَثلِ صبَّار حزين لا يبكي.
لأنه يُدرك أنه لو بكى مائة عام، لن يَحتضنه أحد..🖤
#Loooza💕

خلاص هاك سجل
(ادتو الرقم وتاني اداها اللابكوت بتاعو عشان المطره🌚💛بس بعد تعب شالتو وقالت بترجعو ليهو…
*فلااااش باك للبيت🌸*
(طبعاا م زكرنا ليكم ايهاب لحدي اخر لحظه ممثل عليهم انو م قادر يمشي ولسه مشلول ماف زول عارفو غير خالد وطلب منو انو م يكلم اي زول عايز يفاجئهم والليله قال ح يفاجئهم واول شي ح يفاجئ نضال🌚❤️🌸 نشوف ح يعمل شنو👇🏻
كانو قاعدين هو ونضال في غرفتو او بقت غرفتهم بعد ده😆المهم كانت بتأكل فيهو )
ايهاب: حبيبي
نضال: عنوني
ايهاب: اسمها عيوني ي شافعتي
نضال: سمح😂اها احكي عايز تقول شنو عايز شي؟
ايهاب: عايز لي قهوه مظبوطه من يدك ممكن🌚🌸
نضال: انا حقت منو
ايهاب: اكيد حقتي
نضال: اذا انت بتأمر😆
ايهاب: حببكك
نضال: وانا🙈
ايهاب: وانا شنو🌚
نضال: بعد اعمل القهوه😂
(وجري طلعت مشت عملت القهوه وفتحت الباب لقت ايهاب واقف علي رجولو وبعمل في رياضه طبعا قاصد عشان اصلا عايز يوريها🌸😍نضال وقعت كبايه القهوه)
نضال: ايهااااب😭😭😳😳😳انت واقف علي رجولك😳😭😭ايهاب😭😭متين بقيت تمشي😭💔 انا كنت عارفه كنت عارفه انو ربنا مستحيل م يستجيب لي دعائي ويشفيك لي كنت عارفه انو ح ترجع تمشي علي رجولك
(ده كلو وهي واقفه وبتبكي فجأه جرت عليهو ووقعت في حضنو وبتبكي بي طول حسها😭😭بعدها زحت منو وبقت تضرب فيهو في صدرو وبتقول ليهو لي م كلمتني لي عملت كدا يعني م عارفني يومي الموضوع ده متعبني كيف نفسيا م عارف يعني ولسه بتضرب مسك يدينها وقربها عليهو شديد وهمس ليها كنت عايز اشوف الفرحه دي ونكون برانا ععشان تحضنيني بي مزاج🌚🌸… )
#في حاجه راحت عليكم تتزكرو لما يزن استأذن قبل فتره وقال ماشي لي صحبو هو كان مشى لي سهى عرف من صحبتها انو هي عايزه تعمل مشكله لي فطومه ومشى اتفاهم معاها وحلو نقاشهم سوا وفهمها انو هو م بحبها ولا يمكن يحبها وقال ليها تشوف طريقها وبتلقى الاحسن منو وهي قنعت منو وقالت احسن تتوب وتزح من طريقو… 🌸بس هسي فطومه ح تقول شنو لي اسمر وح يكون ردها شنو وهل هي لو وافقت خالد الكان بحلم انو اختو تجيب شهاده وترفع راسهم يعرس ليها ؟ح يوافقو امها وخالد ولا لا كلو في الحلقه الجايه… 🌸
يتبع…🌸
_# *كسره* #:-_
بتنفسك وكتين يصب مطر الدعاش♥️واتزكرك وكتين يغشاني ي حلووه الرازاز🌸واكتب عليك حبه كلام مضمونو في نص الحروف🌸والباقي حن وجن وقليل امل وكتيرو شوق✨زيدني ي مطر العشق ليها الكلام 🌸وشيل ي نسيم ليها السلام✨وي نسيم جيب لي رد💛
#Loooza💕

ي اساس اني طفلتو لحدي يوم الليلة بغسل معاي العده والهدوم واي شي بعملو معاي ولمن انا بضحك فيهو بقول لي الحياه مشارمه وبعدين انا جبتك عشان تبقي طفلتي م عشان اشغلك عندي الليله نحنا اسعد اتنين في نظري يمكن في ناس اسعد مننا بس انا عمري م شفت زي اسمر اسمر ده راجل بمعنى الكلمه بحب الصدف الجمعتني بيهو شديد ♥️♥️ م حرمني من جامعتي وخلاني اتم دراستي ومتفقين علي انو اشتغل♥️♥️ربنا م يفرقنا من بعض ويجمع اي اتنين بحبو بعض… يلا طبعا سماهر وخالد اتزوجو عن قصه حب♥️♥️وسهى خطبوها لي ولد عمتها ودعاء ويزن بحبو بعض ♥️عايزه اقول ليكم انو ممكن عادي تفقدو جزو من عيلتكم ي اما بي موت او فراق بس م تفقدو الامل ربنا ح يعوضكم بي الاحسن خلو ايمانكم كبير وبي كدا انتهت الروايه ونتلاقى في ساعه خير ي رب♥️♥️ادوني رايكم بكل صراحه في الروايه عشان تشجعوني اكمل وعندي قروب في الواتس لي رواياتي بالنسبه للناس العايزين تنوروني♥️وان شاءالله نتلاقى في روايه جديده فتكم عافيه🌸
# مع خالص حبي وتقديري متابعيني🌸
#Loooza💕