#هرمون_السيروتونين
بقلم سارة بشرى
-١١-
بعد العمليه مازن صحا من البنج واول حاجه طوالي سال عن ايمن ❤
نسرين: كويس بس لسه ما صحا 😊
مازن: بما انو كويس ليه للان ما صحا 😳
عبدالرحيم: البنج بتاعو لسه ما فكا 😒
مازن: طيب
سارة جات داخله قام نسرين وعبدالرحيم طلعو سارة قعدت في الكرسي جنب مازن 💜
سارة: كيفك
مازن: كويس 😊انتي لسه زعلانه مني سارة انا ما كان قصدي اجرحك بالكلام القلتو
سارة: انت ارتاح ♥وانا ما زعلانه اصلاا نسيت الموضوع المهم تقوم بالسلامه
مازن: جد😳
سارة: لالا حبوبه 😂
مازن: 😒👋سارة امشي شوفي لي ايمن لو صحا عشان امشي ليهو 😳
سارة: طيب
سارة طالعه اتلاقت في الباب مع حازم صاحب مازن سلم عليها ودخل ليهو ❤
حازم: بقيت كيف
مازن: كويس كدي فك لي الدرب دا انا طالع
حازم: خلي يخلص وبفكو ليك 😊قالوا لي ايمن تعب
مازن: اي والله كان عيان بس حسي الحمدلله
💜💜💜
ايمن صحا لقا جنبو اهلو ورافت وسمر وسهام وسارة
ايمن; كلكم هنا طيب في منو مع مازن 😳
سارة: انا كنتا معاهو بس هو قال لي اجيك 😊
ايمن: رافت وسمر انا اسف ضيعتا عليكم ليلة عمركم 💔
سمر: دا كلام دا انت اهم 💜
رافت: والله زعلتا منك لانك ما وريتني بموضوع مرضك 😒👋حاسافر بدون ما اودعك يلاا
ايمن: انتو مسافرين
رافت: اي من هنا وطالعين على المطار طوالي 👋
ايمن: درب السلامه
بالليل مازن جا لايمن ورافت وسمر طلعو ومشو المطار عشان يسافرو ♥♥
مازن: بقيت كيف
ايمن: الحمدلله وانت ♥
مازن: الحمدلله 😒
ايمن: من صرة وشك دي معناها جاي تشاكلني صح 😂😂
مازن: لي ما وريتني بموضوع مرضك 😒👋
ايمن: ياخ خلاص موضوع وانتهى وحسي هدا نحنا الاتنين كويسين الحمدلله ♥
مازن :😒😒😒😒😒😒
ايمن: خلاص قلنا 😂😂
♥♥♥
بعد اسبوع طلعو ايمن من المستشفى وعملو ليهو كرامه ورافت دقا ليهو حمدل ليهو السلامه بالليل سهام كانت قعد تبكي 😭😭
ايمن: مش قلتا ليك نهر النيل دا ما عايز اشوفو في عيونك السمحات ديل 😻
مسح ليها دموعها وحضنا
ايمن: بتبكي مالك?
سهام: خفتا اخسرك
ايمن: بس ما خسرتيني انا معااك 😂ما تخافي تاني اهتمي بي بس 😂
سهام: حااضر
❤❤❤
في صباح اليوم التاني سارة صحت لقت مازن صاحي وبعاين ليها باستو في خدو بقا يعاين ليها مستغرب 😳😳😳هبش ليها جبهتها
مازن: سارة حبيبتي انتي محمومه 😳بطنك واجعاك اوديك الدكتور 😳
تاني باستو في خدو التاني
مازن: لالا انتي الليله ما طبيعيه نهائي 😂😂😂👋
سارة: مالك ما احب راجلي كمان
مازن: حبيني🤨خلاص انا زاتي عايز احب مرتي
سارة: لالا خلاص خليتك 😂زح مني خليني اقوم
مازن: مش عامله فيها قعد تحبي فيني خلاص تعالي نكمل حب 😂😂😂
وبقا يقرب منها
سارة: مازن انا مزن حتبكي او محمد حيصحى 😊
مازن: والله ما سامع صوت واحد منهم 😂
بعداك باسها زحها منها لقاها منططه عيونها 😳😳تاني قرب منها محمد جاهم ناطي
محمد: صباح الخير 😃
سارة: جيت في وقتك حبيب الماما 😂😂
مازن: الجابك شنو من الصباح انت 😒😒
محمد: عايز انوم معاكم 😃
مازن: اصلا الواطه اصبحت انا قايم يلاا 😒👋لمن تكبر حاذكرك بعاميلك دي كلهاا 😂😂😂😂
سارة: مازن 😳
مازن مشا دخل الحمام سارة ساقت محمد غرفتو حممتو وغيرت ليهو طبعا عمرو سنتين واختو سنه ونص ❤❤مازن جهز ومشى الشغل سارة مشت لسهام قعدت معاها لانو ايمن طلع برضو
❤✨❤✨
رافت اتصل بمازن وطلب منو يشوف ليهو شقه في الطايف عشان ينزلو فيها هو وسمر ♥مازن اتصل بايمن وطلعو على الطايف
ايمن: اخوك دا مالو قليل ادب كدا حسي لو اشترا بيت جنبنا في الرياض مالو 🤨🤨

مازن: خلي هو وراحتو 😂
شافو كم بيت ورسلو الصور لرافت وقالوا ليهو يختار واحده ♥ورا الصور لسمر واختارت ليها واحده ظريفه كداا ورافت كلمهم مازن ورا السمسار ووقعو على العقد واشتروها ليهو كانت عايزه حبة تشطيبات سارة وسهام كانوا بجو بينضفوها ومازن وايمن بنقلو في العفش لغايت ما جهزوها ليهو من مجاميعو 😂😂♥وبقت نضيفه وحقت عرسان ومازن صورها ورسلها ليهم وسمر شكرتهم ✨✨
💜💜💜
سارة: مازن انا زهجانه 😭
مازن: اروقك 😃
سارة: لالا خلاص الزهجه فكت 😂😂😂😂
مازن: حسي انا قلتا شنو قومي اللبسي توبك ولبسي الاولاد ارح 😑
سارة: وين
مازن: مدينة الملاهي 🎡🎡
سارة: ياااي مازن انا بحبك ياخ 😻😻
وباستو في خدو مشت جهزت الاولاد وطلعو فاتو

#هرمون_السيروتونين الجزء الثاني
بقلم سارة بشرى
-١٢-
مازن ساق الاولاد وامهم ومشو مدينة الملاهي ولعبو بكل الالعاب ما عدا السفينه والساقيه😂😂😂استمتعو والزهججه فكت وبعدين رجعوو بيتههم
💜💜💜💜💜💜💜💜💜💜💜💜💜💜💜💜💜💜💜💜💜💜💜💜
مازن في الصباح بيتجهز عشان ماشي الشغل جات سارة وقفت ليهو وبقت تتبسم 🙂🙂
مازن:نظراتك دي انا نهائي ما مطمن ليها ما عارف لي 😂😂😂😂🔪
سارة:مازن🙃
مازن:ما تقولي اسمي كداا🙂🔪
سارة:ممكن ما تمشي الشغل الليله ☹(وبقت تفتح في عيونها وتغمضهم 🙈وتتبسم ليهو )
مازن:والله شفتي مش لو غمزتي لي150مره الليله انا ماشي ماشي 😂😂😂
سارة:طيب لو قلتا ليك حاجه بتقعد 😻
مازن:على حسب تقيمي للحاجه 😌❤
سارة:انا بحبك 💜
مازن:في اليوم الواحد بتقوليها لي كتير يعني متعود اسمعها في شنو جديد 😌🙂
سارة:مازن يا غياظ😡
مازن:😂😂😂😂😂
سارة جات مسكت في كولة قميصو وقربت منو
سارة:مازن انا بعشق ام عيونك البنيات ❣❣
مازن:بس عيوني ما عندهم ام ☹
سارة:مازن يا زفت يا كريه طير من خلقتي بعدا حتى لو انت عايز تقعد انا ما عايزاك 😭😭😭امشي شغلك خلي نفعك يلا طير 😭
مازن:سارة بس انا ما بطير لانو ما عندي جناحين بمشي بس ☹☹
سارة:مازن😡😡
سارة شالت المخده مازن جرا طلع وقفل الباب والمخده ضربت الباب 😂😂😂😂بعد صنه كدا جا راجع
مازن:سارة نسيت اقول ليك اني بحبك وبموت فيك 💜❤بس ضروري امشي الشغل الليله ❣بس حافضي يوم ليك وعد
جا باسها في راسها وطلع مشا ❣❣
سارة:مجنون 😂
💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜
مازن وصل الشركه لقا ابوهو
عبدالرحيم:مازن في عندنا مشروع مع عميل في الامارات عمك احمد لو متذكرو ❤
مازن:اي اكييد ياخ متذكرو معقولاا 😻
عبدالرحيم:دايرك تمشي ليهو عشان المشروع ضروري 🙃
مازن:قصدك ارجع الامارات 😨
عبدالرحيم:اي
مازن:وسارة والاولاد 😳
عبدالرحيم:حيكونو معانا ما تخاف وانت كلها شهر واحد وترجع 🙂
مازن:طيب
عبالرحيم:جهز اوراقكك السفر في نهاية الاسبوع 😇
مازن:بالسررعه دي 😳
عبدالرحيم:اي عشان نخلص
مازن:طيب حاكلم سارة وايمن 😇
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
ايمن بتكلم مع اولادو
ايمن:يابت انتي ليه ما بتشبهيني في الاخلاق لي ما هاديه ولذيذه وظريفه زي كداا لي طالعه لامك في الاخلاق بس الشي الكويس طالعه لي في الخلقه 😂😂😂😂بنت حلااتك كدا والله حاسك لمن تكبري حتجري الاولاد وراك حفيانين والعجب اخووك 😂😂😂😂دا البنات حيبكو فيهو عديل 😂😂😂😂

سارة:بابا ممكن سؤال؟؟
ايمن:اسالي طوالي 😂
سارة:يعني شنو يبكو فيهو😳
ايمن:اعملي رايحه😂
سارة:يعني شنو اعمل رايحه ☹
سهام:جاوبها 😇يا ابوها البتشبهو في الخلقه وبتشبه امها في الاخلاق 😇😂😂يلا جاوب
ايمن:انا طالع وجاي 😂😂
سهام:اي اهرب 🙃
❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤
مازن رجع البيت
مازن:سارة في حاجه عايز اقولها ليك 😨
سارة:قوول 🔪
مازن:انا مسافر 😰
سارة:وين 😳
مازن:الامارات ❤
سارة:😳😳😳😳😳😳😳😳😳😳😳😳😳😳
💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜
مازن:عندنا عميل هناك متعاقدين معاهو على مشروع ولازم امشي 🙂❤
سارة:حتقعد كم وحتسافر متين 💔
مازن:حاقعد شهر وحاسافر في نهاية الاسبوع 💔
سارة:يعني بعد اربعه يوم 💔
مازن:كلها شهر وحارجع
سارة قلبها ما كان مطمن لسفرة مازن دا نهائي بس سكتت
❣❣❣❣❣❣❣❣❣❣❣❣❣❣❣❣❣❣❣
باليل وهم نايمين سارة حلمت انو مازن اتعرض لحادث قامت مخلوعه وهي بتصرخ
سارة:مازن 😰
مازن:سارة مالك شفتي كابوس 😨
مازن جاب ليها مويه وحضنها ❤
مازن:خلاص ما تخافي ♥انا معااك 😇
سارة:طالما انت معاي انا ما خايفه ♥✨

#هرمون_السيروتونين الجزء الثاني
بقلم بقلم سارة بشرى🖊*
-١٣-
سارة:مازن يا زفت قوم ياخ بطل كسل ☹
نايم وهي بتصحيهو
مازن:حبيبتي بس عشره دقايق 😴
سارة:كم عشره 😨ولا نص دقيقه يا روحي انت يلا قووم 😡
طبعا بتضربو بالمخده مازن لمن زهج مسك المخده منها وجدعها ومسكها من يدينها وجراها عليهو 😻😻🙈
مازن:انتي خليك هنا وبطلي شغب وخليني انوم ابوي قال لي الاربعه يوم الفاضله ليك دي اجاازه 😌👋ارتااح فيها فخليني انوم 😴وانتي برضو نومي
سارة:بس انا كنتا عامله ليك برنامج الليله ☹😢
مازن:(فتح عين واحده)برنامج شنو 😃
سارة:مش قلتا نعسان يلا مافي ليك كمل نومك وانا ماشه 😌
مازن:لالا خلاص صحصحتا والله 😂😂😂حسي بستحمى طيران وبجيك 😃
مازن دخل الحمام سارة سمعت دق في الباب لبست توبها ومشت فتحت
ايمن:ما تفتحي بدون ما تقولي منو 🧐مازن قاعد
سارة:صباح النور يا ايمن انا كويسه والله انت كيفك 😏😒
ايمن:اسف ياخ 😂😂كيف اصبحتي
سارة:الحمدلله اتفضل
ايمن دخل وقعد في الصالون وسارة جابت ليهو مويه
ايمن:امبارح مازن اتصل علي وقال لي اجي عايز يقول لي حاجه ☹
سارة:مازن قعد يستحمى 😅حسي بجيك
ايمن قعد شويه كدا مازن جاهو
مازن:صباح الخير💜
ايمن:صباح النور اها في شنو 😳
مازن:اسالني اصبحتا كيف في الاول 😂😂
ايمن:ياخ انت كويس وانا كويس والحمدلله اها في شنو 😂😂🔪
مازن:انا مسافر 😊
ايمن:متين ووين وحتقعد كم ومسافر ليه وليه ما كلمتني من بدري؟؟😨😨😨
مازن:براحه ماشي الامارات عشان...
ايمن:عندك شنو في الامارات يا مازن 😨😨
مازن:ماهو انت لو سكتا حتعرف 😊عندنا عميل هناك ابوي متعاقد معاهو عمو احمد لو متذكرو 😃
ايمن:اكييد طبعاا متذكروو
مازن:بس انا ماشي عشان المشروع تبعو طبعا ولدو اتوفى الله يرحمو وهو عايز يبني مسجد صدقهه ليهو ومعاهو مصاحف 😊فطلب من ابوي اني امشي عشان اساعدو فاحمشي وحاقعد شهر
ايمن:ربنا يرحمو ويعين ابو طيب مسافر متين
مازن:يوم الجمعه ان شاء الله ❣
ايمن:طيب جهزتا حاجات السفر
مازن:ببدا اجهز لسه باقي تلاته يوم 😅وبعدين سارة بتجهز لي
ايمن:طيب تمام انا ماش
مازن:كويس
ايمن طلع سارة جات لمازن
سارة:قوم اجهز
مازن:ماشين وين 😻
سارة:مفاجاءه 😌
سارة:حاودي الاولاد لسهام مسافة تجهز
مازن:انا جاهز
سارة:طيب
سارة لبست فستان كبدي فيهو ورود بالبيجي وطرحه بيجيه ❣❣ودو الاولاد لسهام وطلعو
مازن:اها ماشين وين ☹
سارة:انت خليك ماشي بس 😂
مشو سارة ودتو ملعب كرة سله مازن عاين ليها مستغرب 😳😳😳
سارة:في بيتكم شفتا ليك صور انت وايمن في ملعب السله وعرفتك بتحبها عشان كدا جيبتك هنا 😌😌
مازن:ياسلااام 😻😻بس منو الحيلعب معاي ☹☹
سارة:انا 😌
مازن:يابت قولي خيرر 😂😂😂تلعبي مع منو انتي الله اعلم تقدري تحصلي فوق اسكتي 😂😂😂
سارة:مازن ☹
المهم قعدو يلعب وكالعاده مازن غليها10:0😂😂😂 زعلت شديد وهو قاعد بحنس فيها
مازن:خلاص ارح نلعب بخليك تغلبيني 🙈😂
سارة:ما عايزه 😒
♥♥
بالليل سارة ساقت مازن ومشو مطعم كدا ... المطعم كان فاضي بس فيهو طاوله واحده مزينه بطريقهه ظريفه وفيها ورود وشموع ومختوت ليهم عشاء ظريف ♥♥طبعا سارة كانت حاجزه المطعم 😂
مازن:يلا كدا كتير شديد وانا ما بستاهل دا كلو 😒
سارة:ما علينا تعال نرقص
رقصو في اغنيه ما بعرف اسمها ولا اسم الفنانه بس كلماتها بتقول(كان لقانا احلى صدفه يلي جنبك ببقا عارفه انك انت جيت حياتي تملا كل سنيني فرحه ربنا يخليك لقلبي تبقى طول العمر جنبي كل ما اسمع حاجه عنك بعرف اني اخترت صح ❤❤❤❤💕)
سارة:كانوا الاغنيه دي اتغنت ليك ❤
مازن:ما بعيد 🙈🙈
سارة:وحلاتي البخجل 😂
بعد ما خلصو قعدو في الطاوله مازن مسك يد سارة
سارة:مازن انا بحبك ما عارفه بس ما مطمنه لسفرتك دي خلي بالك من نفسك وكل الوقت تتصل علي سامع 😭😭وتخلي بالك من نفسك وتطمني عليك كل دقيقه لاني بموت بدونك

مازن:والله المقدمه كانت حلوه 😂بس ما كان في داعي للكلام الاخير دا 😒المهم ما تخافي ان شاء الله حامشي وارجع بالسلامه واطمنك علي كل دقيقه كداا كيف 💜
❤❤❤
تاني يوم مازن عزم اهلو عشان على اساس يجو يودعو ❣قعدو كلهم في السفره
نسرين:مازن خلي بالك من نفسك واكل كويس واوعك تهمل روحك ☹☹سامع
مازن:حاضر يا غاليه من عيوني ♥
علياء:مازن سلم عماتي هناك
مازن:ما ظنيت اني حازورهم بس حاضر
عبدالرحيم:كيف يعني ما حتزورهم ديل عماتك وصلة الرحم واجبه
مازن:حاضر يا ابوي ❤
سارة ما كانت مرتاحه لسفرة مازن حست زي الكانوا كان مشا ما حيجي راجع 💔💔 مشت دخلت المطبخ وحاولت تشيل الافكار دي من راسهاا
💙💙💙
لغاية ما جا يوم سفرة مازن سارة كانت كل وقتها كوابيس مازن رفض انها تمشي معاهو المطار لانها بكت شديد 💔💔بس حضنها وودعها في البيت قبل ما يمش همس ليها ما تشتاقي لي كتير شهر وحارجع ليك 😂😉غمز ليها
ايمن:ياخ الطيره حتفوتك 😒
مازن:ايمن اطلع برا عايز اودع مرتي 😒👋
ايمن طلع ومازن حضنها
مازن:خلاص ياخ ما تبكي ☹حالغي السفره كدا 😂بس بالجد زاتو عشان

#هرمون_السيروتونين الجزء الثاني
بقلم سارة بشرى
-١٤-
ايمن بعد ما وصل مازن جا ساق سارة واولادها وداهم بيت ناس مازن 💙رحبو بيهم وسارة مشت غرفتها هي ومازن وخاته التلفون قدامها وبتهزز في رجلها منتظراهو يتصل عليهاا بعد 5ساعات كدا تلفونها اتصل طلع مفتاح الامارات طوالي ردت وهي بتبكي
سارة:5ساعات يا مازن عشان تتصل علي 😭💔
مازن:حبيبتي والله يادوبي طالع على المطار وماشي البيت الجهزو لي ابوي الليله حارتاح وبكرا حابدا الشغل انتي كيفك 💙
سارة:كوويسه بس انت خلي بالك من نفسك وما تنسى تطمني عليك كل دقيقه ❤
مازن:من عيوني يا عيوني 😻
سارة:طيب اخليك ترتاح
مازن:سارة بوسي لي الاولاد ونفسك 😌
سارة:حتى وانت بعيد ما بتخلي قلة ادبك دي 😂😂😂
مازن:طيب خلاص خلي بالك مني فيك 💜
سارة:حااضر😌
وقفل الخط ومشا ركب ليهو تكسي وطلع على بيتو الهناك ما حبا انو يقعد مع واحده من عماتو لانو بيتهم كلو بنات وهو حيتحسس 💔💔عشان كداا بعد وصل اتصل على اهلو وطمنهم عليهوو
♥♥♥
علياء في واحد كان بجي زيارات لصحبو في جامعة السودان واتعرف عليها هناك وهي طبعا اخر سنه ليها في الجامعه 💜💜بس الولد دا هي حبتوو شديد اسمو امجد ❣خريج صيدله 💕كان كلو ما بجي بجذب انتباه البنات كلهم ليهو لانو وسيم بس هو اختار علياء ما كانت تقضية زمن منو بس هو بالجد حباها وقال ليها عشان يجي يطلبها بس هي رفضت وقالت بعد تتخرج 💜💜وما حبها يضغط عليها
💜💜💜
رافت رجع بعد شهر العسل وكلمو انو مازن سافر الامارات بدلو لانو حكاية المسجد دي شغلة رافت لانو قاري مدنيه ♥
رافت:احسن زاتو ريحني 😂
سمر:وينها سارة ☹
نسرين:في غرفتها هي ومازن
سمر جات لسارة
سمر:سرويتيييي❣😌👋
سارة:سمرري 😻مشتاااقون
سمر؛كمياااتوون 😌
وجات حضنتها وقعدت معاها
سارة:اها كيف العرس معاك 😉عجبكك وكيف رافت
سمر:واااي ياخ 🙈🙈ما تساليني العرس سمح ورافت كويس 😌👋
سارةّ:انا عارفه انو رافت كويس 😂قصدي كيف في حاجه تانيه 😌
سمر:يلا انا فهمتك وسفهتك يا تافهه 😂😂😂😂
رافت جا دقا ليهم الباب سارة لبست توبها وفتحت ليهو سلم عليها وسالها من احوالها وبعداك طلع مع سمر 💙
♥♥♥
(الامارات )
مازن جاهو عمو احمد سلم عليهو وحمدل ليهو السلامه 💙وعزمو عشاء وطلعو اتعشا مع احمد في بيتهم متزوج وعندو اولاد قعد معاهم ورجع بيتو بالليل قبل ما ينوم اتصل على سارة ♥
سارة:مازن😻
مازن:حبيبتي صحيتك 💜
سارة:لالا اصلاا كنتا منتظره مكالمتك 😻❣
مازن:حبيت انوم على صوتك 😉
سارة:😌😌😌😌طييب كيف كان يومك
مازن:كويس اتلاقيت مع عمو احمد واتعشيت عندو 💕وبكرا عايز ابدا الشغل ❣
سارة:طيب اخليك تنوم 😅تصبح على خير
مازن:وانتي كل الخير ♥
💙💙💙
مازن نام وصحا الصباح بدري طلع مشا الشغل وقعد مع عمو جاهو اتصال من ابو
مازن:صباح الخير يا ابوي ♥
عبدالرحيم:صباح النور مازن امبارح اتصلت علي عمتك وكانت هايجه شديد وقالت ولد اخوي يجي الامارات وما يجي عشان يشوفني 💔وحللفت كن ما مشيا قعدتا معاهم حتزعل منك 💔
مازن:بس يا ابوي انت عارف انو انا ما بقدر اقعد عندهم بس الليله كنتا ماشي اسلم عليهم 😪
عبدالرحيم:اي امشي وحاول رضي عماتك 💜
مازن:حاضر ياحاج
مازن بعد قفل من ابو اتكلم مع عمو احمد ووصف ليهو الطريقه العايز منظر المسجد يكون بيهاا مازن رجع البيت وارتاح حبه وبعداك طلع مشا لناس عمتو امل اول طبعا هم ساكنين في عمارة وشققهم فاتحه في بعض عماتو الاتنين الاولى امل والتانيه ابتسام ❤❤مازن دقا الجرس فتحت ليهو عناب بنت عمتو الصغيره هو بريدها شديد لانها ظريفه عمرها12سنه اصغر واحده في بنات عماتو
عنااب:ماازن 😻😻😻😻😻😻😻
مازن:عيوون مازن 😻💙
حضنها وبعداك دخل جوهة سلم على راجل عمتو كان قاعد في الصالون طبعا عمة مازن امل عندها اربعه بنات وما عندها اولاد (مياده،تسنيم،فردوس-عناب الصغيره)وطبعا عمتهم كانت عايزه مازن لمياده وعمتو التانيه ابتسام عندها بتين وولد واحد(سيلين،رنيم،اشرف)طبعا اشرف لانو الولد الوحيد مدلع من قبل عماتو الاتنبن ولانو في بلد الغربه اختلط مع الناس ديل وبقا بتعاطى وبشرب مخدرات وعادي بمشي بيوت دعاره يعني فاسد من كل الانواع مازن وقت كانوا في الامارات كان ببعد اختو علياء عن اشرف كل البعد لانو بكرهو 💔💔المهم مازن سلم على عماتو الاتنين اانو ابتسام لمن سمعت انو مازن جا جات هي والادها بس اشرف كالعاده مافيش 😊قعدو واتونس معاهم وقدر ما حنسوهو عشان يقعد معاهم ابا طلع رجع بيتو اتصل على سارة اطمن عليها وبعداك نام 💕❤

#هرمون_السيروتونين الجزء الثاني
بقلم سارة بشرى
-١٥-

مازن بدا شغلو مع عمو احمد وكان مضغووط شديد بس كل ما يلقا مساحه بتصل على سارة 💙💙ودايما لمن يدخل بيتو حتى لو منتهي من التعب بتصل عليها بسال منها ومن الاولاد وبعدااك بنوم. وسارة كانت بتحس بلفة راس دايما وبتستفرغ 💔💔شكت انها حامل ولمن عملت الفحوصات فعلا طلعت حامل بس سارة ابدا ما انبسطت بالخبر داا 💔رجعت بيتها اتصلت على دعاء ♥
دعاء:سارة ووين يا مشتااقين يا بت 😂❤
سارة:دعاء انا حامل 💔
دعاء:بالجد مبرووك ياخ حتى انا كمان حامل 😂💙حظكك حتبقي ام للمره التالته 😻
سارة:بس انا ما اظن اني حاقدر اهتما بتلاته اولاد 💔هو انا الاتنين ديل مرات قعد اهملهم 💔
دعاء:لالا يابت استغفري ما تقولي كدا مافي احلى من الاولاد والله 💙وبعدين معاك مازن اكيد حيهتما بيك ❣ما تخاافي
سارة:انا خايفه والله حاسه اني ما جاهزه عشان اجيب ولد تالت 💔💔
دعاء:يابت شيلي الخوف من بالك واكييد كل حيتصلح بس انتي اتوكلي على ربناا تمام 💜💜
سارة:طيب
دعاء:وخلي بالك من نفسك 💙
سارة:وانتي كمان ومبرووك عليك الحمل 😂
دعاء:لا عليك الله 😒😒يلا ما حنك الله يبارك فيك 😂
وبعداك قفلت منها واتصلت على مازن فصل ورجع ليها ❤
مازن:حبيبتي 💜
سارة:مازن اشتقتا ليك ❣
مازن:وانا اكتر 💜
سارة:مازن خلي بالك من نفسك عليك الله صدقني انا بحبك اوعك تتخلى عني 😪😪
مازن:حبيبتي انتي شفتي كابوس 😂💔انا كوويس اطمني
سارة عايزه تقفل
مازن:دقيقه سارة انا بحبك ♥اسمعيني كتري من الاستغفار عشان ما تنخقي 💜ومهما حصل قولي الحمدلله على ما اراد الله طيب❣
سارة:وانا كمان بحبك وحاضر حاعمل لقلتوا لي 💙
بعد ما خلص الشهر مازن انقطع اتصالو من ناس البيت وتما اسبوعين بعد ما الشهر خلص ومافي خبر عن مازن سارة قلقت خلااص وقلبها كان حيطلع 💔💔 مافيهم زول كان شايف طعم النوم حتى ايمن خاف عليهو في يوم ايمن كان واقف في شارع النيل تلفونو اتصل كان رقم غريب بس عالمي 💙
ايمن:الوو
:صوتك في التلفون بقا شين خلاص 😂
ايمن:مازن 😻❤وين انت يا بني ادم بتعرف خقتا عليك قدر شنو بتعرف خفنا عليك قدر شنو 😡😡يا اهبل معقولا دي عمله تعملا وين كنتاا
مازن:ايمن يا درامي بطل ضربتا ليك عشان اقول ليك انا متحرك على المطار عايزك تجيني في مطار السودان بس ما تكلم زول سامع تعال لي ❣😌
ايمن:طيبب جاايك
ايمن طلع سرعه مستعجل على المطاار ❤❤عشان يستقبل مازن
♥♥♥
سارة كانت نايمه فجاءه قامت مخلوعه وختت يدها في قلبها 💔💔
سارة:مازن
بقت تتصل على رقمو بديها مقفول بقت قاعده وبتهز في رجلينها نزلت لابو مازن تحت سالتو اذا في اخبار عن مازن
عبدالرحيم:ماف والله يابتي 💔💔
بعد زي 4ساعات كدا سارة عاينت على جهة الباب شافت ايمن داخل وقميصو مليان دم وحالة وشو ما بتتفسر طوالي جاتو
سارة:ايمن انت كويس 💔
ايمن عاين ليها وعيونو مليانه دموع 💔سارة خلاص حيلها هبط
سارة:م م مازن كويس
ايمن:مازن اتصل علي عشان امشي ليهو في المطار بس الطياره الكان مازن جاي بيها السودان وقعت في ناس كتار اتوفو وفي عشره اصابات ومازن واحد من العشره اصابات وهو حاليا في المستشفى والدكاتره بحاولو ينقذوهو قالوا انو هو احسن حاله 💔💔
تاني سارة جرت بس ايمن مسكها وركبو العربيه ومشو المستشفى كلهم ايمن وقف سارة قدام غرفة مازن 💔طبعاا مركبين ليهو كميه من الاجهزه طلع الدكتور
ايمن:اها مافي جديد
الدكتور:لا حالتو ماشه لاسوء وبصراحه عايز منكم تتوقعو اي شي في اي لحظه 💔
سارة في اللحظه دي اغمى عليها صحت بعد مسافه لقت سهام وايمن ورافت وسمر جنبها
ايمن:ضغطك نزل لي ما كلمتينا انك حامل 😒
سارة:ساي بدون سبب 💔
سارة جات دايره تفك الدرب 💔ايمن وقفها
ايمن:خلي يخلص اول
بعد مسافه فكو ليها الدرب ومافي اي تحسن في حالة مازن 💔لغايت ما جا يوم جهاز ضربات قلب مازن بقا ينذر الدكاتره بقو يتجارو وجهزو جهاز الصدمات الكهربائيه في اللحظه دي سارة حست انها خسرتو 💔💔ودموعها ابت تقيف جا حازم صاحب مازن ودخل مع الدكاتره 💔💔ضربات قلبو رجعت تدق بس ضعيفه ونبضو ما مستقر في اي لحظه احتمال قلبو يقيف تاني 💔💔سارة قعدت في اقرب كرسي واتذكرت اول مره لمن لاقت مازن لغاية ما ودعتو وقال ليها ما تشتاقي لي شهر وحارجع 💔💔ايمن ورافت بقو مقضين يومهم كلو في الجامع بقرو وبيصلو وبدعو لمازن ❤❤الدكتور قال انو مازن محتاج لدم طبعا ايمن نفس الزمره مشا ابومازن لايمن وكلمو وطلعت علياء برضو نفس زمرة اخوها ❤
الدكتور:كويس لانو هو محتاج لدم كتير اقلاهم اربعه قزايز دم وانتو اتنين
ايمن:لا واحد علياء ما حتتبرع 😪
علياء:على كيفك هو انا
عايزه اتبرع لاخوي 😡
ايمن:انتي بنت وما حاخليك تتبرعي ولا بنص قزازه 😒
الدكتور:بس اربعه كتار عليك
ايمن:هو اتبرع لي بكليتو حتغلبني اربعه قزايز دم المهم يكون كويس ❤

#هرمون_السيروتونين الجزء الثاني
بقلم شارة بشرى
-١٦-
سارة:اشتقتا ليك يا مازن 💔عليك الله اصحى انا ما بقدر اعيش من دونك 💔
حست بزول بخت يدو في كتفها اتلفت لقتو ايمن 💚
ايمن:سارة انتي للان ما اكلتي شي ما تنسي انك حامل انتي فاكره انو مازن لو عرف حيززعل منك شديد يلا قومي
سارة:ما عايزه يا مازن 💔 اقصد ايمن 😭
ايمن:قومي عشان تاكلي
ايمن ساق سارة وداها الكافتريا تحت
ايمن:عايزه شنو
سارة:ولاشي 😪
ايمن:ياربي الزمني الصبر🤦‍♂طيب على الاقل اشربي عصير 😒
سارة:طيب
ايمن جاب ليها عصير مشكل شربتو ومشت لمازن مازن في الغيبوبه دي لمدة تلاته شهوور وكل مره الدكتور بطلع بقول على حالو على حالو مافي تحسن 💔💔سارة زهجت منو ومشت على غرفة الدكتور وكان بشرب في الشاي ولحقها ايمن دخلت مكتبو وضربت ليهو التربيزه بيدهاا 😡😡
سارة:حضرتك قاعد في غرفتك بتشرب في الشاي ومستكين وانا راجلي هناك بموت وانت ما قادر تعمل ليهو شي دكتور على شنو وظيفتك انك تهتما بالمرضى 😡😡
الدكتور:اسمعي اول شي ما تصرخي 😒تاني شي والله نحنا عملنا كل البنقدر عليهو وراجلك ما صحاا اذا ما عجبك شغلنا سفريهو وللمعلومه راجلك ميت موت سريري يعني عايش على الاجهزه 😒😒ما بنصحك انك تسفريهو بحالتو دي 😊ممكن تحوليهو مستشفى تاني 😌👋وتريحنا وتريحي نفسك 😒
سارة:ايمن جهز اوراق مازن حنحولو مستشفى رويال كير 😒
ايمن:طيبب
💚💚💚
فعلاا ايمن جهز اوراق مازن وحولو مستشفى رويال كير وما بس كداا بقا يتراسل مع دكاتره من برا السودان وبشرح ليهم حالة مازن 💔💔احتمال واحد يقدر يساعدو اتراسل مع كم دكتور من الامارات لندن امريكاا مصر ❤ردا ليهو دكتور مصر قال ليهو انو اصلاا نازل السودان لمدة اسبوع حيشوف حالة مازن فيهاا 😻😻💕طبعاا ايمن فرح شديد واتفقو على القروش وكل شي 💙وايمن كلم اهلو كلهم انو في دكتور جاي بعد اسبوع 😻💙حيستلم حالة مازن 💜فرحو شديد الدكاتره غيرو الادويه الكان بدوها لمازن بس جسم مازن ما كان بيستجيب لاي دواء 💔💔وماعندو اي حركه الدكاتره عملو لمازن فحوصات كامله عشان يشوفو السبب المخليهو ما صحا للان طبعاا بسبب الحادث كان في ضرر كبير في جسمو جوه فكانوا محتاجين لاخصائي عظاام اتصلو بدكتور من امريكا عشان عملية العظام 💔دكتور مصر بيستلم حالتو كامله وكان في عندو نزيف داخلي اتصلو بدكتور من دبي 😢عشان عملية المخ والاعصااب وصلو الدكاتره وجهزو غرفة العمليات ودخلو مازن 💙اهلو كلهم كانوا متوترين الدكاتره الفي غرفة مازن كلهم كبار واخصائين من بره السودان 😻😻👋
ايمن ورافت كالعاده في الجامع بدعو سارة اغمى عليها في نص العمليه الدكاتره دخلوها وركبو ليها تنفس لانها حامل في الشهر الرابع وما بتهتما بروحها وما بتتغذى وحالتها سيئه 💔💔الدكاتره كانوا بحاولو عشان ينقذو الولد لانو هي طول الاربعه شهور ما كانت بتهتما بروحها
❤❤❤
االعمليه اخدت نص يوم كامل يعني12ساعه لانها كانت صعبه ودقيقه شديد بعد خلصت الدكاتره طلعو كلهم جو مخلوعين حتى رافت وايمن سمر وسهام كانوا مع سارة 💔💔
دكتور مصر:العمليه كانت صعبهه شديد بس الحمدلله نجحت وحاليا حيطلعو على غرفة العنايه المركزه 💙💙
طبعاا العمليه بي200مليون ايمن اعلن افلاسو بعد عملية مازن لانو رفض اي زول يساعدو في الدفع 😌😌😌طلعو مازن من غرفة العمليات رابطين ليهو شاش في راسو وكل جسمو ودخلو غرفة العنايه المركزه لمدة يومين وبعدها جهزو غرفهه وطلعو ودوهو ليها وسارة صحت وقالوا ليها انو العمليه نجحت بس هي لازم تهتما بنفسها اكلت وشربت عصير ومشت قعدت جنب مازن 💙💙
سارة:مازن خلاص ياخ كفاك تلاته شهور💔 عزبتني قوم يااخ
بتتكلم معاهو كدا حرك اصبعو سارة جرت نادت الدكتور جا فحصو قال
الدكتور:كويس جدا دي حاجه ايجابيه احتمال ف اي لحظه يصحى 💙بس انتو خليكم قعد تتكلمو معاهو بكون سامعكم 😊
وطلع فات ايمن قعد يمين مازن وسارة بالشمال والاتنين مسكو يدينو وباسوها ورافت جا ووقف جنبو
رافت:يلا يا مازن صدقني اشتقتا ليك ولي شكلك معاي قوم ياخ 😭

#هرمون_السيروتونين الجزء الثاني
بقلم سارة بشرى
-١٧-
في صباح اليوم التاني سارة قاعده جنب مازن وماسكه يدو وبتعاين ليهو ❤فجاءه مازن بقا يتنفس بسرعه اتخلعت وجرت نادت الدكتور الدكتور جا مستعجل عايز يفحصو كدا مازن فتح عيونو وتاني غمضهم حبه وتاني فتحهم
الدكتور:مازن
بقا يحرك ليهو يدو قدام عيونو
الدكتور:انت شايفني
مازن:اي
الدكتور:طيب
الدكتور طلع كان في ايمن وسارة وسهام
الدكتور:شباب في خبر حلو مازن صحاا 😻👋
كلمة مازن صحا تاني ما انتبه الا كلهم دخلو جوا وهو واقف براهو 😂😂😂ايمن دا جا طاير طيران
ايمن:مازن حاسس بشنو كويس انت 😻ياخ خوفتنا عليك 😭😭
مازن:انا كويس الحمدلله 😊
سهام:مازن حمدلله على السلامه 😻
مازن:الله يسلمك 😌
ايمن:انا طالع اكلم باقي الاهل سهام تعالي 😻😻
سهام:جاايه
طلعو وسارة واقفه في الباب بتعاين لمازن وبتبكي 😭😭
مازن:شنو يعني ما مشتاقه لي يا بت بشرى ولا نسيتيني خلااص 😂😂😂👋
سارة جات وقعدت جنبو مسكت يدو وباستها 💙
سارةّ:اشتقتاا ليك يا ود الامارات 😢
ماازن:ياسلاام ياخ اشتقتاا للكلمه دي 🙈
الدكتور جا داخل
الدكتور:حاسس بشنو يا مازن
مازن:صداع بس
الدكتور:شي طبيعي بديك مسكن وبروح 😊
فكو ليهو كل الاجهزه حتى الدرب اهل مازن كلهم جو فرحو بيهو شديد 💜💜وجو ونسو
ايمن:اها يا دكتور بنطلع مازن متين 😻
الدكتور:عملنا ليهو فحوصات كامله بس تطلع النتيجه بتطلعو 😌وحمدلله على السلامه
ايمن:الله يسلمك
❤❤❤
بالليل علياء كانت قاعده جنب مازن ❤
مازن:اها كيف انتي والجامعه 😂وجاك عريس ولا لسه حتقعدي في خلقتي كدا كتيير 😂😂
علياء:بصراحه كنتا عايزه اتكلم معاك في الموضوع دا بس كنتا منتظراك تتطلع من المستشفى 😊
مازن:نعم نعم 😨موضوع شنو قصدك شنو 😨
علياء:اححم بصراحه كدا في واحد قال دايرني وليهو فتره بقول داير يطلبني بس انا قلتا ليهو بعد اخلص وانا قربتا اخلص وهو جاهز 😟
مازن:واحد 🤨ودا منو دا 😒نحنا سايقنك عشان تقري ولا عشان تتعرفي على شباب 😒😒
علياء:مازن هو عايزني بس انا الرفضتا 😔
مازن:طيب حامشي معاك الجامعه عرفيني عليهو 😒
علياء:بس هو مابقرا معاي في الجامعه 😢
مازن:نعم يا روح امك 😡وجيبتيهو من وين دا كمان ان شاء الله عليااااء يا زفتهه 😡
علياء:هو بجي لي صحبو في جامعتناا وانا انا
بقت ترجف وتبكي 😭😭مازن لمن شافها كدا قلبو وجعو
مازن:خلاص ياخ ما تبكي 😢تعالي
حضن اختو
مازن:انا اسف لاني عيطتا عليك كل الحكايه اني خايف عليك انا بثق فيك بس ما بثق في اولاد الزمن دا فاهماني انتي 😔
علياء:اي فاهماك 💜
💜💜💜
في الصباح مازن صحا لقا سارة جنبو
مازن:وين علياء 🤨
سارة:بالليل رافت جابني وساق علياء 😊
مازن:احسن زاتو 😂سارة تعالي صلحي لي المخده
سارة جات تصلح ليهو المخده بس مسكها وقربها منو 😂😂
سارة:مازن انت ابدا ما بتضيع فرصه بعدين نحن في المستشفى احتمال الدكتور في اي لحظه يجي داخل 😟😟
مازن:اي دي غرفه في المستشفى شي طبيعي الدكتور يجي 😂😂😂😂خلي يجي زاتوو
سارة:مازن فكني 😭الدكتور حيجي 😭
مازن فكا سارة كدا الدكتور جا داخل سارة جواها شغاله الحمدلله الحمدلله 😂😂😂😂مازن بعاين ليها وميت من الضحك 😂
الدكتور:كيف اصبحتا يا مازن 💜
مازن:الحمدلله بخير ✨
الدكتور:في خبر حلو 😻
سارة:بالجد 😻سمعناا
الدكتور:طلعت نتيجة فحوصات مازن الاخيره وكلها نضيفه الحمدلله 😻😻
سارة:ياسلاام شكرا ليك يا دكتور 😻
مازن:طيب وانا حتخرجوني متين 😑
الدكتور:زهجتاا مننا ولا شنو يا مازن 😂😂
مازن:ما كدا ياخ بس انا ما بحب جو المستشفيات 😪
الدكتور:بكرا دا حتطلع ان شاء الله 😙
مازن:تسلم يا دكتور 😇
الدكتور طلع ايمن جاا
ايمن:مااازن 😻💜
مازن:ايمني شنو ياخ من وقت ما بقيت كويس ما شفتك تاني 😒👋
ايمن:اسف 😂👋كنتا بجهز ليك في البيت 😻
سارة:مازن انت عارف انو ايمن اتبرع ليك باربعه قزايز دم 😻😻
مازن:عارف اي 😌🙈
سارة:عرفتاا كيف 😑
مازن:لانو ايمن وعلياء الوحيدين الزمرتهم مطابقه لي وبما انو متاكد انو ايمن ما حيخلي علياء تتبرع معناها هو الاتبرع وبما اني حاسس انو دمي زايد زياده عن اللزوم معناه ايمن اتبرع لي بدم كتير وطلع 4 😌😌
ايمن:انت اتبرعتا لي بكليتك نسيت 😑👋
سارة:هوي خلاص مازن بكرا طالع 😂

#هرمون_السيروتونين الجزء الثاني
بقلم سارة بشرى
-١٨-

سارة كانت قاعده مع مازن بتجهز حاجاتو لانو بكرا طالع 💜فجاءه اتذكرت حاجه وجات قعدت جنبو
سارة:مازن من فرحتي بيك نسيت اقول ليك حاجه مهمه 😂
مازن:قولي
سارة مسكت يدو وختتا في بطنها 💖
سارة:انا حامل في الشهر الرابع يعني انت حتبقى اب للمره التالته 😻
مازن:عليك الله 😍بالجد خلاص حنسميها مرام 😌
سارة؛مرام منو كمان 😒
مازن:بتي ❤
سارة:اها كن كدا معليش افتكرتها حاجه تانيه 😂😂
مازن:مجنوونه 😂
💜💜💜
بالصباح جا ايمن كمل اوراق خروجو جا مع عمو وودو مازن بيتهم الفي المهندسين 💜 ودخلو غرفتو ايمن صلح ليهو المخده ومازن رقد جات سارة قعدت جنبو وامو جابت ليهو عصير جوافه 🍹🍹
مازن:ياسلاام دلع من كل الاتجاهاات 😂😂😂
نسرين:مازن عماتك جاين نهاية الاسبوع سمعو بالحادث وجاين عشان يشوفك ❤
مازن :يشرفو طوالي
امو طلعت
ايمن:اححم مرت اخوي الثمحه ممكن تجيبي لي كباية مويه 😅😅
سارة:ومن متين في ممكن بيناتنا 😆😆طيب حاجيبها ليك
سارة طلعت ايمن جا قعد مازن
ايمن:مازن اسمعني سارة ما لازم تكون موجوده وقت عماتي يجو 😳😳
مازن:ليه 😕
ايمن:شنو ليه انت ناسي انو عماتي بهمهم الشكل وحيجرحو سارة بالكلام 😒😒وهي ما حتتحمل
مازن:ما فيهم واحده حتقدر تقول لسارة حاجه وانا قاعد حارد عليهم كلهم 🙂
سارة جابت المويه حست بيهم كانوا بيتكلمو عن حاجه وسكتو 🙁🙁
سارة:مالكم 🙁
ايمن:ولاشي بس راجلك ببقا ممل بعد ما عمل العمليه 😂😂😂
مازن:اي ما الدم الجواي دمك ولا نسيت 😒
ايمن شرب المويه وطلع
❤❤
بهناك امجد اقنع علياء انو يعمل خطوبه بس على الاقل اهلها يكونو عارفين انها معاهو وما تطلع كدا ساي وبعمل العرس بعد تتخرج وهي وافقت وادتو رقم مازن 💜طوالي اتصل عليهو
امجد:السلام عليكم 😄
مازن:يامرحب وعليكم السلام
امجد:معاك امجد عبدالعظيم حمدي خريج صيدله23سنه وانا طالب يد اختك علياء على سنة الله ورسوله 💜بعد تديني موافقتك ان شاء الله وتدي الوالد نبزه عن الموضوع حاجيب اهلي عشان التعارف 😻😻
مازن:اهليين بيك يا امجد وحاكلم ابوي واشوف ردو 💜
امجد:ان شاء الله تسلم
قفل منو وكلم سارة تنادي ليهو ابو نادتو وجا قعد معاهو مازن حكا ليهو موضوع امجد وانو زول جادي وكدا قام ابو قال ليهو خلي يجيب اهلو وبعدين بنشووف 💖💖مازن فرح لانو اعتبرو وافق مبدئيا كداا
💖💖💖
بالليل مازن مشا لاختو علياء في غرفتهاا 😻
مازن:العرووس ❤
علياء:مازن شكرا ليك يا عسل 😻
وجات حضنتو وطلع منها وانبسط لانها مبسوطه اتصل بامجد وكلمو انهم وافقو ❤امجد فرح شديد وطوالي كلم اهلو
🧡🧡🧡
في الصباح كلهم قامو بنضفو في البيت مع انو اصلاا ما وسخان وعلياء من الصباح صحوها بدري عشان يفتشو ليها لبسه تقابل بيها نسايبها طلعو ليها فستان كحلي مع لونها كان حلو شديد 😍😍خاصة انو هي لونها فاتح وعيونها رهييبه عشان كدا امجد ميت فيها 😂😂كوزو ليها الطرحه بطريقه ظريفه قريب العصر كدا امجد جا مع اهلو عبدالرحيم رحب بيهم وضيفهم في الصالون 💖💖امجد امو اسمها ليلى وعندو اخ واحد ياهو احمد 😍جابو ليهم المويه والعصير وبعداك سهام وسمر وسارة مشو جابو علياء امجد لمن شافها سرح فيها لدرجة كبا نص العصير في بطلونو لمن كلهم اتخلعو رافت جاب ليهو منديل ووداهو المغسله 😂😂😂حالتو بقت بطاله المهم اهل امجد عجبتهم علياء شديد ولمن عرفو انو عماتها قربو يجو قررو يعملو الخطوبه بعد جيتهم والكل وافقو 🧡

#هرمون_السيروتونين الجزء الثاني
بقلم سارة بشرى
-١٩-

الدنيا ليل واليوم التاني كان عمات مازن حيجو 💜مازن في الصباح صحى على جوطه في الصالون تحت عرف انو عماتو جو عاين لسارة لقاها نايمه 😂😂
مازن:احسن خليك نايمه كداا 😅
تحت في الصالون العمات وبناتهم وصلو ومعاهم اشرف 😒😒دخلو وقعدو في الصالون وسلمو بعد شويه اهل ايمن جو وجا ايمن مع سهام ورافت مع سمر 💜💜
امل:رافت يا ولدي ماشاء الله عليها مرتك عرفتاا تختاار 😻😻نجففهه
رافت:😌😌😌تسلمي يا عمتي
العمه2:ومرت ايمن برضو حلااتها 😌
سهام:شكرا ليك
ايمن:تسلمي
امل:وين مازن عايزين نشوفو هو ومرتو 🙂
نسرين:نايمين
امل:للان ؟😳
سمر:اي لانو سارة حامل عشان كدا نايمه للان ومازن معاها 🙂
امل:اها ماشاءالله والله
مياده قامت من جنبهم وطلعت فوق عشان تشوف مازن هو كان خلص حمام وطلع لقا سارة صحت جا قعد جنبهاا 🧡🧡
مازن:صحا النوم يا عسل 🧡
سارة:صباح الخير عماتك جو
مازن:بكونو اي لاني سامع صوت جوطه تحت 😅
سارة:معقولاا 😳جو وانا للان نايمه
قامت سريع ونست تشيل غيار دخلت الحمام طوالي مياده دقت باب الغرفه فتح ليها مازن
مياده:مازن 😻
قربت منو عايزه تحضنو قام رجع لورا 💔
مازن:اهلين يا مياده انزلي تحت انا حسي حاجي 🙂
مياده صرت ليهو ونزلت بعد شويه سمع سارة بتناديهو من جوه الحمام
سارة:مااازن 😳
مازن:عيووني 💜😌
سارة:انا نسيت اشيل غيار طلع لي غيار محترم سامع كلمة محترم دي عشان اطلع بيهو لعماتك 😒😒
مازن:من عيوني يا عيوني😂😂
فتح الدولاب طلع ليها جلباب طويل ومداهو ليهاا هي لبست وطلعت
مازن:كيف معااك محترم ولا ما محترم 😌😌
سارة:محترم شديد 😂😂
شالت توب لبستو ونزلو تحت
❤❤❤
كلهم قاعدين تحت بتونسو كدا جا مازن مع سارة تحت شافهم ايمن
ايمن:صباح الخيرر 😻
يلاا عماتهم لمن شافو سارة كانوا قايلنها الحبشيه 💔💔
امل:يابت امشي جيبي لي مويه 😂والله عطشانه مازن يا ولدي من قبيل منتظرنك وينها مرتك للان ما صحت معقولااا 😳
مازن:كيف يعني!!!يا عمتي الواقفه جنبي دي هي مرتي سارة 😻
مياده:هي يعني دي ما الحبشيه 😳
مازن:يابت حبشية شنو انتي طياره ليك ولا شنو 😡
امل:هيي يا ولد انت جنيت ولا شنو ايمن ودعمك ماهدا مرتو حلات الدنيا عليهاا خلي ايمن يااخ رافت اخوك الصغير اختاار مره ماشاء الله عليهاا انت مالك حلاتك هي استغلتك بس عشان انت وجيه ومقرش😒😒😒
ايمن:على فكره يا عمتي سارة ما محتاجه لقروش 🙂
امل:حتى ولو عايزه مازن يكون مرايهه بالنسبه ليها لانو هي شكلها ما بتقابل وما بتقادر تعاين ليها مرتين 😂الله اعلم لو ما مازن شافها كانت حتكون كيف
مازن:حسي يا عمتي انتي متاكده انك متعلمه 🙂💔انا متاكد انك جاهله انتي واختكك الناس البهتمو بالشكل ديل جاهلين وعقلهم نااقص ساارة مرتي وانا بفتخر بيهاا
مازن مسك يدها وطلع ايمن مع سهام طوالي حصلوهو رافت قام وقال لسمر قومي
سمر:هوووي اسمعيني انا حاحترم عمرك واشمعناا انا وسهاام شكرتونا وهي زلتيوهاا على فكره مافي فرق بينااتنا بتقولي شكلهاا ما بتقاابل على الاقل هي ما حاولت تغير خلقة ربنا ليهاا
رافت:انتو ما بتستاهلو اقول عنكم عماتي 🙂💔
رافت مسك سمر وطلعو كلهم مشو بيت ناس مازن سارة كانت بتبكي ومازن ما قادر يهديهاا 💔💔لغايت ما جو البقيه بقو جنبها سهام وسمر بهدو فيهاا
ايمن:يااسارة ديل جاهلين ما تشتغلي بكلامهم 🙁
رافت:بعدين انتي حلوه في نظرنا ونظر نفسك ما ضروري كل الناس تشوفك حلوه ولا ما كداا 😅😅
ايمن:رافت كلامو صح
رافت وايمن جو قعدو جنب سارة واي زول مسك يدها بجهه ❤❤
ايمن:نحنا اخوانك ❤
رافت:نحنا القوه تبعك ❤
ايمن:نحنا حيطتك الماحتميل ❤
رافت:نحنا سندك بعد ابوك واخوانك والحيوان اخوي اقصد مازن 😅
سارة:تسلمو ❤
ايمن:يلاا بطلي بكاا اصلاا مافي سبب عشان تبكي 😌😌طالما نحنا هناا
بعد ما حنسوها اي واحد مشا بيتهم 😂
🧡🧡🧡
في الصباح ايمن لمن صحا لقا مكالمه في تلفونو من مياده 😂
ايمن:لا حول ولا قوة الا بالله دا شنو الصباح البشبه وش رافت دا 😂😂😂😂
سهام:بما انو بشبه وش رافت معناها حلو 😂😂
ايمن:اي ما لقيت تشبيه تاني معناها بشبه وشي 😂😂
سهاام:واااي لو بشبه وشك دا معناها احلى صباح 🤤🤤🤤🤤
ايمن:وااااي انا بخجل يااخ 🙈🙈🙈تسلمي لي يا غلاي 💚
سهام:مالو صباحك
ايمنّ:اتصلت علي مياده كدي ارجع ليهااا
ايمن رجع لمياده
مياده:ايمن صباح الخير
ايمن:صباح النور لقيت منك مكالمه 🙁
مياده:اي كنتا عايزاك تجي توديني بيت مازن 😻
ايمن:ليه في حاجه
مياده:كنتا عايزه اعتذر لسارة على كلام امبارح 😅
ايمن:انتي واعتذار ولسارة كمان 😂😂😂😂دقيقه معاي مياده
مياده:اي ليه
ايمن:لالا بس الصوت بقا لي غريب كتتا قايل تلفونك اتسرق 😂😂😂😂المهم بما انك عايزه تعتذري خليكي معاي اوصل التلفون لسارة اتكلمي معاها بما انها حكاية اعتذار بس 🙂
مياده:بس عايزه اشوفها وش لوش
ايمن:سارة حتقبل منك الاعتذار جتى لو بالتلفون 😄
مياده:خلاص خليتهاا
ايمن قفل

#هرمون_السيروتونين الجزء الثاني
بقلم سارة بشرى
-٢٠-
مياده زهجت منهم قاعده كداا سمعت صوت جوطه تحت لمن نزلت سمعتهم ماشين للشباب ديل في بيوتهم 🌝🌝ميااده فرحت لانو الفرصه جااتها في مكانها نسرين وافقت تمشي معاهم بشرط انهم يعتذرو من سارة اتصلت برافت قال ليها انو في الشغل قامت اتصلت على مازن ❤
مازن:اهلين بالغاليه
نسرين:مازن وين انت
مازن:في الشركه
نسرين:نحنا جاين بيتك انت وايمن ورافت اتصل بايمن كلمو
مازن؛انتو منو 😕
نسرين:انا وعماتك وجاين بيتكم اول 😅ما تزعل يا ولدي هم قالوا عايزين يعتذرو من سارة 🙂
مازن:طيب يا امي حااضر
نسرين:تسلم يا ولدي
مازن قفل منها وطوالي ركب عربيتو واثناء ما هو راجع البيت اتصل لايمن كلمو انو عماتهم حيجو مازن وصل ودخل البيت لقا محمد بلعب بالطين برا شالو ودخلو جوا لقا سارة بتحاول تنوم في مزن 💖💖
مازن:سارة ناس عماتي جااين وعايني ولدك محمد حالتي بقول عنك ولدي الشاطر اجي القاك بتلعب بالطين تعال اوريك جيبتا ليك قطر
محمد:ياسلاام😻
مازن ودا محمد غرفتو وطلع ليهو القطر 🚅🚅محمد فرح شديد وطوالي بدا يلعب بيهو مازن طلع لسارة
سارة:قلتا لي منو الجاي
مازن:عماتي 😪
سارة:ومالك بتقولا من دون نفس كداا يلاا تعال نجهز ليهم عصير وكيك للضيافه لمن يجوو مازن انت بتعمل كيك رهييب يلا تعال
مازن:انتي جااده😳
سارة:اي وحاهظر معاك مثلاا
مازن:بعد كل القالوا ليك ودايره تعملي ليهم عصير وضيافه 😳😳
سارة:اي عااادي 😅
مازن:طيب يلا تعالي
دخلو المطبخ وسارة بدت تجهز العصير ومازن الكيكه 🍮🍮🍮🍹🍹🍹بعد خلصوو سارة ختتهم في التلاجه وجو رتبو الصاله وبعدين قعدو منتظرنهم 🌝سارة شافت مازن متوتر زي الكانوا ما عايزهم يجو باستو في خدو من دون مقدمات
مازن:🤨🤨🤨اطوورتي 😂😂😂😂
سارة:جات كدا بس عشان تشيل التوتر 😂😂😂
مازن مسكها وقربها منو طوالي جرس الباب ضرب
مازن:اعملي رايحه 😻
سارة:ديل بكونو عماتك عيب نخليهم في الشمس برا 😕
مازن:بس دقيقتين 😅
سارة:معاهم خالتو نسرين 😕
مازن:اي صاح امي خلاص انا قايم افتح 😂
مازن مشا فتح الباب لقا عماتو الاتنين معاهم بناتهم وامو واشرف 😒😒دخلو ضيفووهم قعدو سارة جابت ليهم مويه بارده ابو يشيلوها منها قالوا شاربين بس نسرين شالت شربت وبنات عماتو رنيم وعناب شربو البقيه سلمو على سارة باطراف يدينهم💔💔بس سارة ما اضايقت وقعدت معاهم
امل:ممكن تجيبي لينا احفادنا نشوفهم
سارة مشت جابت مزن لانها اصلاا
صحت شالوها وقعدو يبوسو فيهاا 💖💖طبعاا مزن بتشبه ابوهاا ملامحها ليهو اكتر عشان كدا حبوها
ميااده:حلاااتها طالعه لمازن 😻
امل:اي حلوه زي ابوهاا
سارة جابت ليهم العصير والضيافه كالعاده نسرين وعناب ورنيم بس الاكلو وشربو الباقي بعاينو بس 😒😒مازن مشا جاب محمد من غرفتو طبعاا ما حبوهو لانو ملامحو لامو اكتر 💔💔💔سلمو عليهو بقرف كداا نسرين اضاايقت من تصرفهم
نسرين:طيب خلونا نمشي لايمن لانو رافت بيتو بعيد وما عايزين نتاخر 💔
سارة:لا يا خالتي اقعدو
نسرين:ياريت والله بس بيت رافت حياخد مساافه كمان
وبعدااك ودعوهم وطلعو
💖💖💖
سلافه ومياده كانتو بتشوشو
سلافه:حسي مازن متحمل يشوف القرف دا قدامو كيف كل يوم 😳بري بري عايش في عذاب والله عمل معاها علاقه كيف داا 😕😕حسي انتي يا ميااده مش احسن منهاا مش من زمان نفسك في مازن اووعك تخليهو ليها المعوولقه العفنه دي شوفي وشها عامل زي تربيزة اللحام كيف 😂😂😂💔والله دي حقو يومي تحمد ربنا لانو مازن عاين ليها بس وكمان اتزوجهاا
مياده:بري انا ما برضى لودخالي العيشه الكعبهه اكييد حالمو علي واصلاا ما حاخليهو ليهاا 😌😌يا انا يا هي 😏
💜💜💜
سارة زعلت من تصرفهم خاصة لانهم تعبو في الكيك والعصير وما شربو اي شي منو ولا اكلو كانت واقفه وبتعاين ليهم مازن جا حضنها من ورا وختا راسو في كتفها
مازن:ولا يهمك حبيبتي انا وانتي واولادنا الحلوين حناكل ديل كلهم 😻😻وكل لقمه ومعاها بوسه في الخد الحلو دا 😂
وباسها في خدهاا
سارة:تعال ساعدني نرفعهم
مازن:طوالي
رفعوهم ورجعو العصير في الجك وختو في التلاجه وبرضو الكيكه وهناك العمات اتعاملو كويس مع سهام وشربو منها المويه والعصير وبعد خلصو مشو لسمر طبعاا سمر حكو ليها عملو شنو في بيت ناس سارة عشان يقولو ليها يعني انتي احسن منهااا وكداا قامت سمر وقفت وربعت ليهم يدينهاا

#هرمون_السيروتونين الجزء الثاني
بقلم ساىة بشرى
-٢١-
مازن كان قاعد في الشركه مع ابوو
عبدالرحيم:مازن عايزين نفتح فرع جديد في الخرطوم الجديده بس ما عارف الحيمسكو منو قلتا علياء بس لسه هي 🌝♥
مازن:في عندي زول 🤭
عبدالرحيم:منو
مازن:سهام مرت ايمن كمان قاريه هندسه 🌝
عبدالرحيم:والله ما عارف طيب كلمهم ونشوف
♥♥♥
بالليل علياء كانت بتقرا حست نفسها عطشانه قامت لابسه بجامه بدون طرحه قامت مشت تشرب مويه سريع وترجع دخلت المطبخ فتحت التلاجه كبت ليها مويه اتلفت وراها لقت اشرف لمن اتخلعت 😳😳😳😳
علياء:ا ا ا اشرف انت بتعمل شنو هناا 😰😰
اشرف:كبرتي واحلويتي يا بت خالي 😉بقيتي مزه
علياء:انا ماشه غرفتي زح من قدامي
دفرتو وجرت غرفتها وقفلت الباب عليها وبقت تتنفس بصعوبه فكرت انها تتصل بمازن بس قالت حيجي في ليلو دا ويشاكل اشرف 💔💔فخلتو غلبها تنوم اتصلت بامجد
امجد:علياء انتي كويسه 😳
علياء:اي بس اشتقتا ليك 💔
امجد:صوتك مالو
علياء:مافي شي
امجد:طيب عايني اقفلي مني وافتحي قرءان في تلفونك واسمعيهو 💜
علياء:حااضر
قفلت منو وشغلت قرءان ارتاحت حبه ونامت
♥♥♥
مازن في الصباح مشا لايمن وكلمو انو ابو عايز يفتح فرع جديد وعايزين سهام تمسكو
ايمن:انا ما حاقرر عنهاا حانديها ترد ليك ♥
ايمن نادا سهام وكلموها
سهام:الخرطوم بعيده يا مازن وانا عندي اولاد كيف حاقدر امشي الشغل واهتما بيهم وكمان مازن لسه صغير عمرو يادوب سبعه شهور ما تما سنه 💔💔ما بقدر اخليهو
مازن:طيب حاكلم ابوي يلا عن اذنكم 💜
مازن طلع ومشا على الشركه
💜💜💜
علياء كانت طالعه على الجامعه لانها شغاله امتحانات في الشارع حست بزول مسك يدها اتلفتت لقتو اشرف فكت يدها منو وضربتو كف 😡😡غير ليهو خارطة وشو
علياء:باي حق تمسك يدي 😡😡خليك بعيد عني فااهم
اشرف غضب شديد من الكف كان خاتي يدو في خدو علياء مشت
اشرف:اقسم بالله العظيم كن ما ندمتك على الكف دا ما بكون اسمي اشرف 😡
في الفتره دي امجد كان في السعوديه شغال هناك بس حيجي عشان الخطوبه ويرجع علياء بقت ترجف بعد تلاته اسابيع علياء خلصت الامتحانات وبقو يجهزو لحفلة خطوبتها هي وامجد
وامجد جاا من السفر واشرف بعد الكف بقا بعيد عنها علياء اطمنت وقالت معناها خلاص اتربى 😒😒مازن وايمن و رافت جابو نسوانهم عشان يقعدو مع علياء ويجهزو معاها حاجات الخطوبه وهم فاتو وطبعاا عماتو كالعاده بطاعنو سارة بالكلام وهي ما شغاله بيهم
ابتسام:اسمعي يا مرت مازن خليك قااعده مرتاحه ما عايزنك تهبشي اي شي بيدينك ديل خطوبة بتنا بنشتغل فيها برانا 😒😒
سمر:بس هي اخت راجلها كمان 😡
امل:نحنا عايزين نريحها لانها داخله على الشهر الخامس وبعدين لسانك الطويل دا احسن ليك قصيهو 😒
سمر:عاجبني طولو 😒🔪عندك اعتراض
سارة دخلت غرفتها وقعدت تبكي جوها سهام وسمر قعدو معاها
سمر:والله لو ما كانت اكبر مني كان اديتا كف يغير ليها خارطة وشها الكريهه خليني اتصل على مازن وهو حيربيهاا 😡😡😡
طوالي سارة مسكت يدها
سارة:ما تتصلي على مازن اووعك خليهو امشو اقعدو مع علياء ما تخلوها براهاا 💔
سمر:انتي زاتك بتسكتي ليهم لي غايظاني طبعاا 😒😒🔪
سهام:ما تنسي انو هم عمات رجلانا واكبر مننا نقول ليهم شنو قومي ارح
قامو مشو لعلياء وسارة ساقت شفعها ورجعت البيت بليل جهزو البيت للخطوبه وعلياء كانت حلوه وامجد كمان 💜💜✨مازن جا بس ما شاف سارة مشا سال سمر وسهام سمر ولا كضبت حكت ليهو الحصل كلوو 😡😡مازن عصب ومشا بيتو لسارة
💜💜💜
مازن:سارة قومي اجهزي وجهزي الاولاد عشان نحضر خطوبة علياء والا حتزعل منننا 😒
سارة:ما بقدر
مازن:لي مالك موجوعه 😳
سارة:لالا
مازن طلع ليها لبسه وتوب من الدولاب وقال ليها البسيهم ومشا لبس الاولاد وطلعو على البيت بهناك الخطووبه بدت وعلياء لبست امجد الخاتك وامجد كمان وكانوا فرحانين
اشرف:لو خليت فرحتك تكتمل حاخد منك اغلى شي في حياتك بس ضبرك علي ما حسي لمن تكوني جاااهزه 😌😌😌
مازن وسارة جو وباركو لعلياء وامجد 💜ومازن وصى امجد على اختو من حسي علياء كانت فرحانه شديد طلعت نتيجتها وكالعاده متفوقه بقت منتظره تخريجها لانو بعدو حتتحبس وامجد رجع السعوديه وبقا متواصل معاها من هناك

#هرمون_السيروتونين الجزء الثاني
بقلم سارة بشرى
-٢٢
عليااء انبسطت بنتيجتهاا وبعدا بدت تجهز نفسها للتخريج 💚💚
رافت:حتطلعي مززه غيتوو 😻🙈
عليااء:كيف ياا اخت منو انا 🙈
مازن:بعد ما تتخرجي حنشيلك نحنا التلاته 🙈
علياء:واسلم على ناس بابا من فووق 😂🙈
ايمن:ززحو لي من بتي دي قال كبرت وكمان اتخرجت ولا عايزه تتزوج كمان 😂😂الشي الظريف لمن تجيب اولاد بعدين حابقى جدو 🙈
مازن:والله لو ما علياء لقت امجد نحنا ولا عايزين نفارقهاا 💚
بعد شوويه تلفون عليااء ضرب كان امجد طبعا خجلت من اخوانها رافت خطف من التلفون وفتح الاسبيكر
امجد:اميرتي 🙈
التلاته:نحناء الامراء اخوان الاميره زاتااا 😂😂😂
امجد:😂😂😂اوو يا شباب شايلين التلفون من اميرتي لي رجعو ليها انا مشتااق
ايمن:عينك عينك كدا 😂😂🙈
اممجد:ااي 🙈
رافت:حينسونا بعد العرس الظااهر 😂
مازن قفل الاسبيكر وادا التلفون لعلياء باستهم التلاته في خدهم
علياء:بحبكم انا ♥🙈
وشالت التلفون وفاتت غرفتهاا
ايمن:ان شااء الله دايما تكون مبسووطه كدا ❤
رافت ومازن:اللهم امين
💜💜💜
يوم التخريج زحمه من الصباح علياء مع صحباتها في الكوفير 💚لبست ليها فستان ابيض فيهو ورود حلو كداا ♥سرحت شعرهاا تسريحه حلووه شديد بس امجد قال ليها لو جاتني صورة ليك بدون طرحه حاحلق ليك شعرك العاجبك داا 😂😂😂😂🙈فاضطرت تلبس طرحه جا مازن لبسها المريول بتاع التخريج وباسها في راسها وبارك ليهاا ايمن ورافت كانوا معاها لمن ندهو اسمها وسلموها شهادة التخريج ♥جا مازن وزي ما وعدوها شالوها التلاته وكانت فرحاانه شديد ورافعه شهاادتها فووق 😻كانت مبسووطه شديد صوروها كم صورة براها واتصورت مع ابوها وامها واخوانها وعماتها ونسوان اخوانها واتصورت مع احمد اخو امجد لانو جا التخريج ورسل الصور كلها لامجد طوالي اتصل عليهاا
امجد:الف مبروك عليك حبيبتي التخريج كنتا متمني لو اني معااك ♥✨
علياء:قريب حنكون سواا
امجد:صوورك سممحه 😌
عليااء:اصلاا 😂🙈
رجعت البيت وبعد يومين من التخريج حبسوهاا
مازن:سارة اشرف ما لازم يكون موجود في بيتناا وعلياء محبووسه 💔ابداا ما بثق فيهو
❤❤❤
يوم اهل امجد عزمو اهل علياء فمشت نسرين لبنتها
نسرين:علياء خليك هناا كلناا طالعين البيت حيكون فااضي اووعك تطلعي 😒
علياء:حااضر يا ماما
يلاا كلهم طلعو وعلياء كانت بتوسب مع امجد بعدين قال ليها انا طالع خلي بالك من نفسك قفلت التلفون ورقدت نامت
💚💚💚
ايمن قال يمشي بيت ناس مازن عشان يشوف علياء بهناك اشرف كان جوه البيت بس كان قايلنو طلع مشا هلى غرفة علياء كانت نايمه وهي لابسه بجامه قصيره مع ريحة الدخان وحاجات الحبس دي 💔💔جاها علياء صحت بحركة في غرفتها شافت اشرف لمن اتخلعت 😳شالت الملايه واتغطت بيهاا بهناك امجد حسا قلبو بدق بسرعه اتصل على علياء ما ردت دقا لمازن رافت كلهم ما ردو دقا لايمن ردا عليهو
امجد:ايمن كنتا عايزك تمشي تطمن لي على علياء لاني خايف عليهاا
ايمن:اهدا يا عريس اصلاا انا ماشي ليها يلاا 😂
اشرف قرب من علياء بس هي دفرتو وجرت على الباب رجعها تاني
علياء:اشرف انا بنت خالك انا عرسي قرب عليك الله ما تعمل فيني كداا فكر في اخواني ابوي عليك الله ما تاذيني انا زي اختك💔💔
اشرف:تضربيني انا كف
علياء:انا اسفه ممكن تضربني بس ما تاذيني عليك الله خليك بعيد مني
كلام علياء كلو ما كان بياثر على اشرف واغتصبهاا 💔💔وانتهى منهاا بعد ما خلص من عملتو الوسخه خلاها وقام جاري في اللحظه دي وصل ايمن لقا باب الشارع فاتح دخل لقا باب غرفة علياء فاتح دخل لقاها في سريرها بدون ملابس وفي دم منهاا شال ملايه غطاها وبقا يحاول يصحي فيهاا
ايمن:علياء منو العمل فيك كداا 💔💔
اتصل بسهام جاتو طيران قال ليها تحممها وتجهزها نوديها المستشفى 💔حممتها وغيرت ليها ووداها المستشفى 💔ادوها مهدئ خلوها تنوم لانو عيونها كانت فاتحه بس ما بتحرك ولا رمش ولا بتتكلم
الدكتوره:اتعرضت لصدمه قويه ربنا يعينها 💔💔
سهام قعدت تبكي ايمن حضنها وقعد يبكي معاها
ايمن:ياريتني لو بكرتا شويه ياريت لو حصلتها قبل ما يحصا معاها كداا 💔انا الاتخرتاا

#هرمون_السيروتونين الجزء الثاني
بقلم سارة بشرى
-٢٣-
ايمن اتصل على مازن ورافت وقال ليهم تعالو المستشفى جو مع نسوانهم
مازن:ايمن انت كويس
ايمن:انا كويس بس
وبقا يبكي
رافت:بسم الله يا ايمن مالك في شنو 😨
ايمن قعد وختا يدينو في وشو
مازن:ايمن ما تحرق لينا اعصابنا في شنو اتكلم 😡سهاام ممكن تبطلو بكا وواحد فيكم يحكي لينا الحصل شنو
ايمن:علياء 💔
مازن ورافت:مالها علياء 😳
ايمن:في واحد اغتصبها 💔💔
مازن بعد الجمله دي ما حسا بشي بقا ما قادر يقيف رافت جا ومسك ايمن من قميصو
رافت:انت مجنون 😡ولا عقلك طاار عارف نفسسك بتقول في شنوو 😡هووي يا ايمن انا ما بحب هظاارك داا 😡
ايمن نزل يدين رافت ومسكو
ايمن:انت شايف انو دا بتحمل الهظار 😡كيف يعني اهظر في حاجه زي دي
مازن دخل لعلياء لقاها صحت من المهدئ وبس ساكته جا قرب منها وضماها عليهو شديد
مازن:احلف باللذي خلقكك كن ما خليتو يتحكم اعدام قدام عيونك ما حارتاح 💔
علياء ولا شعره منها ما اتحركت الدكتور قال ليهم ممكن تطلعوها وقعو على اوراق الخروج ومازن قال حيسوقها معاهو ❤وداها بيتو ودخلها غرفه هناك
❤❤
بهناك الاهل جو طوالي نسرين دخلت غرفة علياء لقت حالتها لا يرثى ليها 💔💔لمن قلبهاا اتقبض مازن اتصل عليهاا وقال ليها علياء معاهو قال ليها الصباح حيفهما الحصل واتصلو بامجد وطلبو منو يخلي اي شي وينزل السودان امجد قاام مخلوع وحجز في اول طياره ورجع السودان 💔💔في الصباح مازن جا مع علياء وسارة ورائف وايمن وسمر وسهام كلهم جو حتى اهلهم كلهم قاعدين وامجد جاا نسرين لمن شافت حالة علياء قرب يغمى عليهاا عبدالرحيم جاا مسكهاا
عبدالرحيم:عليااء يا بتي الحصل معااك شنو لي انتي كداا 😳😳
نسرين:عليااء مالك
مازن عاين لامجد حسا بيهو عايز يقرب لعلياء بس ما قادر قام ساقا ليهو علياء لمن شافت امجد طوالي رجعت لورا 💔كلهم اتخلعو من تصرفها
امجد:علياء 😳
علياء:انا ما بستاهلك 💔
قالت ليهو جملتا دي ومشت قعدت في غرفة امها وابوها
مازن:امي امشي حصليها
نسرين طوالي لحقت بتها ومشا معاها عبدالرحيم
ابتسام:في شنو يا مازن علياء مالهاا
مازن اتلفت عليها وهو معصصب وعيونو دي مطلعا شرار
مازن:(بصراخ)وينو ولدك 😡😡😡
ابتسام:اشرف لي ولدي ماالو
مازن:من امبارح مالو ما ظاهر 😡ولدك وين 😡
ابتسام:مم ما عارفاهو
ايمن جا وقف جنب امجد
ايمن:امجد نحنا اديناك اختنا لاننا عارفين انك حتقدر تحافظ عليها بس بعد الحاقولو ليك دا انت حر لو عايز تكمل معاها ولا تخليهاا 💔
امجد:خير الحصل شنو
ايمن:علياء في زول اغتصبها امبارح 💔
طبعاا ما بتتخيلو حجم الصدمه الاتصدمها امجد 😳😳وباقي الاهل عما صمت عجيب كلهم سكتو مده
مازن:اي كان القرار الحتاخدو نحنا حنحترمو ❤
امجد:اذا اتخليت عنها ببقى ما راجل 💔معقولاا اعاقبها على شي هي ما ليها ذنب فيهو 💔ممكن اقعد مع علياء عايز اتكلم معاهاا
مشا قعد معاها اهلها طلعو هي مما شافتو بقت مدنقره راسها جا رفع ليها راسها
امجد:مافي سبب يخليك توطي راسك لانك ما عملتي شي غلط ❤انتي حبيبتي وحتفضلي طول عمرك حبيبتي وانا مستحيل اتخلى عنك 💜
كلام امجد خلا علياء تبكي بحررقه 💔💔وساقها معاهو تحت
امجد:قولي ليهم اسم الاغتصبك
مع كلمتو دي امها وابوها اتخلعو 😳😳
نسرين:ياولد انت جنيت دا شنو البتقول فيهو دا 😳
عبدالرحيم:منو الاغتصب
علياء:اشرف ود عمتي ابتسام هو الاغتصبني 💔
مازن:كنتاا متاكد اصلاا مافي غيرو الا ما يقع في يدي
مازن ورافت وايمن شكرو امجد وطلعو امجد قال انو العرس حيتم في مواعيدو ابتسام جات حضنت علياء وقعدت تبكي
ابتسام:والله ما كنتا عارفاهو حيعمل كداا لو عارفاهو ما كان جيبتو معااي اعفي لي من حقكك يا بتي الله 💔💔💔
علياء قعدت تبكي وامجد طلع حضنوها
امها وابوها وقعدو يبكو معاها
♥♥♥
رافت:يا ايمن اشرف ما عندو زول في السودان يعني يا اما يعيش في الفنادق
مازن:يا اما يشوف ليهو تجار مخدرات ويشتغل معاهم 💔
رافت:طيب انا حاشوف الفنادق الفي السودان كلهاا
مازن:انا وايمن حنمشي مركز الشرطه ونطلب مساعدتهم 💔
طوالي قامو اتحركو والشرطه وافقت تساعدهم لانها قضية اغتصاب 💔بقو يشوفو في مروجين المخدرات ورافت بيسال في الفنادق لمن رجع البيت وحكا لسمر
سمر:رافت هو ما غبي اكيد ما حيدخل الفندق باسمو الحقيقي صح لازم يزور
رافت:كلامك صح
❤❤
نسوان الاخوان التلاته بقو طول الوقت مع علياء ما فاروقوها نهائي ♥ كان باقي اسبوع لعرسهاا واخوانها للان بفتشو ورافت حالف يقتلو لو لقاهو.

#هرمون_السيروتونين الجزء الثاني
بقلم سارة بشرى
-٢٤-

رافت وايمن ومازن قاعدين في صالون بيت ناس مازن 💚
مازن:سمر كلامها صح اذا دخل الفندق ما حيدخل باسمو الحقيقي
ايمن:بس يا مازن اشرف اكييد ما عندو قروش تقعدو الفتره دي كلها اكييد في زول بساعدو
رافت:بس ناس عمتي اكيد من الامارات بكونو جابو قروش تكفيهم عشان ما يطرو يسحبو تاني وحتى اذا قالوا يرسلو لاشرف لازم يكون عندو حساب في البنك
ايمن:بس اشرف ما عندو في بنوك السودان
مازن:الشرطه ما حتساعدنا لازم واحد مننا يمشي لناس المخدرات بس يكون واثق من نفسو يعني زي الكانوا مجرب الحاجه دي قبل كداا
ايمن:خلي الموضوع دا علي
رافت:وانا حاتصل على البنك الفي الامارات الفيهو حسابات عايلتنا كلناا ونشوف منو الحسابو بينقص بطريقه غريبه واللقيت حسابو بينقص بسرعه في الفتره الاخيره
مازن:معقولاا تكون عمتي
ايمن:لالا عمتي ابتسام لا حتى لو كانت امو بس هي طلبت العفو من علياء فما اظنها تدفع لولدو بعد العملوو
مازن:طيب ايمن حيمشي لناس المخدرات ورافت حيسال ناس البنك طيب انا اعمل شنو
ايمن:انت حنخلي ليك الطريقه التعاقب بيها اشرف
رافت:ما عارف مسمينو اشرف لي اسمو ماليهو علاقه بالشرف ابداا💔💔
💚💚💚
اشرف:القروش العندي خلصت حولي لي سرريع
:لسه قبل يومين حولتا ليك2مليون وديتهم وين
اشرف:انتي عاارفه العيشه في البلد دي صععبه كييف
:اسمعني برسل ليك قروش حضر ليك جواز مزور وارجع لانو الشرطه قعد تفتش فيك اووعك تظظهر
اشرف:بسررعه
قفل منهاا واتصل على واحد تااني
اشرف:خلصتو البضااعه اجي اشيلهاا
:اي تعاال
♥♥
رافت:شووف امجد وزع صور اشرف في كل مكان وختا مكافأه مبلغ كبير للبلقاهو 🌚حنكو بتاع القروش عجبني الصراحه تاني الناس لو لمحو واحد بسبه اشرف سااي حياتو حتكون في خطر 😂😂😂
ايمن:عليااء محظووظه بالجد
مازن:لازم اشرف يكون في السجن قبل عرس علياء وتشوفو وهو معدوم
ايمن:مازن فكر في عمتي ماضروري ينعدم بس ينحكم مؤبد
مازن:كن الشرطه ما عدمتو انا الحاعدمو 🔪
رافت:انا حاسافر بكرا الامارات عشان حسابات البنوك لانو من هنا ما حاقدر اصل لشي 💔
ايمن:وانا حامشي المكان الممكن تتواجد فيهو جماعات المخدرات
❤❤❤
رافت جهز اوراقو وسافر طوالي وايمن بقا يمشي لغاية ما اتلم ليهو مع واحد كبير في تجار المخدرات
ايمن:عندكم بضاعه عايزين تبعوهاا
الرجل:في واحد بجي كل يوم بالمساء زول شاطر بيبيع بسررعه وجااهز وبيسلم وبيستلم بسررعه 🙄لمن انا مستغرب فيهو
ايمن:اسمو منو
الرجل:داير باسمو شنو
ايمن:عشان اتعلم منو لانو شاطر زي ما قلتاا
الرجل:بنجربك بلاول بعدين بنعرفك عليهو
ايمن:("اخر عمري انا ابيع مخدرات 💔")
💜💜
رافت من وصلتو مشا البنك وبقا يسال عن حسابات عائلتهم
مدير البنك:حناخد وقت ممكن تنتظر او تمشي وتجي بكرا
رافت:لا حانتظر
بدو ليهم بحسابات اهلو وحسابات عمتو ابتسام هي وبناتها نظيفه بس الشي الغريب انو حساب اشرف كمان كان فيهو قروش يعني ما سحب منو بس حتى بنات عمتو امل حساباتهم نضيفه بس لمن جا لحساب عمتو امل لقا حسابها في الفتره الاخيره بينقص بطريقه غريبه والشي العجيب انها كل يومين بتسحب مبلغ كبير فالشي دا حيرو رافت طلب من مدير البنك يعرف ليهو حساب عمتو برسل لحساب منو في السودان الحساب في السودان باسم منو
مدير البنك:اسف دي معلومه سريه وما بقدر اوريك ليهاا
رافت:بس انا واحد من العائله دي 😡
مدير البنك:سيد رافت دي خصوصيه ما بقدر اتجاوزها
رافت:طيب

#هرمون_السيروتونين الجزء الثاني
بقلم سارة بشرى
-٢٥-
رافت:اسمعني الموضوع موضوع حياة او موت ممكن تديني الاسم ☹
مدير البنك:اسف ما بقدر اديك اي معلومات غير عن حسابك بس 😊
رافت:("يومك زاتوو😒")طيب
♥♥♥
ايمن قاعد في البيت جاهو اتصال من ابو
ايمن:اهليين يا حاج
عثمان:ايمن تعال عايزك تمشي معااي القسم 😔
ايمن:لي خير يا ابوي الحاصل شنو ☹
عثمان:لقيت جوازي مسروق ولازم ابلغ 🙁
ايمن:شنو 😨جوازك اتسرق متين
عثمان:تعال وحاحكي ليك في الشارع
ايمن:حااضر
ايمن قفل من ابو ضربو ليهو ناس المخدرات 😟😟
الراجل:لازم تجي الزول الحكينا ليك عنو واقف مستنيك دي اول مهمه ليك امشي سلم البضااعه ليهو
ايمن:متين
الراجل:حسي
ايمن:طيب جااي
قفل منو
ايمن:انا مضطر حاتصل على مازن يمشي مع ابوي وحاقول لابوي انو جاتني شغله ضروريه في موضوع اشرف
ايمن اتصل على ابو وبعدين اتصل على مازن وورا مازن المكان الحيسلم فيهو البضاعه عشان يجيب الشرطه ويمسكوهم 😌😌😌
💜💜💜
رافت قاعد زهجان وما عارف يعمل شنو دقت عليهو عمتو ابتسام 🙁
رافت:عمتي 🙄
ابتسام:انا عارفه انك مستغرب من اتصالي بس بعد الشي العملو اشرف مستحيل اعتبرو ولدي ومازن قال لي انك في الامارات وريني لو بقدر اساعدك في حاجه 😊
رافت:والله يا عمتي اتصلتي في وقتك ممكن تنصلي على مدير البنك على انك عمتي امل وتقولي ليهو انو يوريني اسم الحساب السوداني باسم منو
ابتسام:ليه عمتك امل دخلها شنو
رافت:بحكي ليك بعدين
ابتسام اتصلت بمدير البنك على اساس انها امل وقالت ليهو انو يوري رافت المعلومات العايزها
💜💜💜
ايمن مشاا للجماعه وشال منهم البضاعه ومشو معاهو كم نفر للتسليم وطبعاا الشخص الحيسلم ليهو ايمن هو اشرف 😂سربرايز رايكم شنو في المفاجاءه دي المهم مازن كلم الشرطه بموضوع ناس المخدرات طلعو دوريتين واحده مشت للمقر الرئيسي والتانيه مشت لمكان حيسلم ايمن
❤❤❤
رافت:اهاا 😒
مدير البنك:دقيقه😒
مدير البنك طلع المعلومات عن حساب امل
مدير:عمتك امل في اخر فتره كل يومين بتحول 2مليون لحساب عثمان احمد في السودان 😊
رافت:نعععم 😨دقيقه حاول أتأكد اكيد في غلط في الموضوع 😳
مدير البنك:والله دا المكتوب قدامي 😒
رافت طلع من البنك بعد ما شال كل المعلومات وطوالي حجز في طيارة المسا عشان يرجع 😟😟
♥♥♥
ايمن كان قاعد مع الجماعه ديل
ايمن:وينو زولكم دا 😒
الاول:اصبر حسي بجي
ايمن:اوووف
التاني:هدا ليهو جاا
نزلو عشان يسلموهو اشرف اتخلع لمن شاف ايمن 😳😳عربية الشرطه جاات وجو مسكو المع ايمن واشرف جرا وايمن جرا وراهو ومازن لحقهم اشرف كان جاري جري وصل الظلط الرئيسي ركب ليهو تكسي طوالي مازن وايمن ركبو تكسي تاني وبقو لاحقينوو وهو شغال لبتاع التكسي ضيع الوراك ديل واسرع
رافت رجع السودان ومشا بيت عمو وهناك عرف انو عمو جوازو اتسرق
رافت:يعني اشرف فتح الحساب باسم عمي عثمان عشان مافي زول يشك فيهو 😳😳
❤❤❤
علياء صحت من النوم مخلوعه بس امها كانت جنبها رقدت معاها وبقت تقرا ليها قران ♥♥علياء نامت مرتاحه امها الليل طلو تتحسبن على اشرف
💚💚💚
رافت جا راجع بيتو مازن وايمن ما بردو عليهو دخل لقا سمر نايمه قعد في الصالون وبقا يفكر طوالي شال مفتاح عربيتو وقال ماشي الفنادق يسال عن اشرف
اشرف التكسي بتاعو اتعطل نزل وطوالي قام جاري مازن وايمن سواق تكسيهم وقف قدام اشرف طوالي وقف وقام جاري على الجهه التانيه بس ايمن نزل سريع ومسكو ومازن وقع فيهو ضرب وايمن برضو لو ما الشرطه جات كان حيقتلوهو مشو القسم واتصلو برافت وكلموهو انو اشرف اتمسك جا قسم الشرطه وكمل على اشرف كان معصب شديد كل ما يفكوهو برجع ليهو تاني

#هرمون_السيروتونين الجزء الثاني
بقلم سارة بشرى
-٢٦-
ايمن اتصل بامجد وكلمو انو مسكو اشرف غير قضية الاغتصاب بقت عليهو قضية تزوير وسرقه 💔💔علياء لمن عرفت انو مسكو بكت بكا وطوالي عينو ليهم محامي وطبعاا الادله كلهاا ضدوو
مازن:اعدااام غير اعدام ما برضى ليهو 😡
رافت:اصلاا اعدااام
علياء:لا مؤبد 🙂
مازن ورافت:😨😨😨
مازن:يابت انتي عقلك دا حصلت ليهو حااجه لو في حاجه اكبر من الاعداام كان عملنااها 😡وانتي تقوولي مؤؤبد
عليااء:اشرف ولدعمتي الوحيد
رافت:واذاا
علياء:شنو واذا انتو فكرتو في عمتي هي ام كيف حتقدر تعيش بدون ولدهاا وبعدين ما تنسو انو عمتي بتحب اشرف شديد 💔💔حرام علينا نقتلو ونحرمها منوو
رافت:صحي على سيرة العمات انتو عارفين انو عمتي امل هي الطلعت بتدفع لاشرف قروش 🙂🙂
ايمن:واشرف عامل حساب مزور باسم ابوي عشان بعدين الناس تشك في ابوي 😒😒🔪
المهم بعد نقااش طويل دخلو المحكمه وكالعاده القاضي لمن جا داخل كلهم وقفو ولمن قعد قعدو 💔جابو اشرف كان محمر لعلياء في اللحظه دي امجد جا وضربو كف خلا عيونو تتطش ومشا قعد جنب علياء 💜
امجد:تاني كدي عاين ليها 😒
المهم صنو كدا وبعدااك بدت المحكمه
المحامي:سيدي ليس هناك ما نضيفه كل شي معروف امام المحكمه المتهم مغتصب سارق مزور 😊ماذا هناك اكثر من هذا ادعو سيادتك بان تنزل عليه اقصى العقوووبات جرااء لما فعل
اشررف:هوووي دقيقه 😨اذا عايزين تحكمو علي وتقاضوني لازم خالتي امل تتحاكم معااي كمان هي وميااده 😌لانهم كانوا شريكات معااي في الحصصل 😌😌
امل:هووي يا ود ابتساام انت جنيت 😨انا ما لاقيتك من وقت هربتاا وجااي تتهمني حسي 😒😒
ميااده:لا والعجبب اناا هو انا وانت من متين كان في بيناتنا كلاام 😡😡
رافت:والله مياده دي بالزاات انا ممكن اصدق اي شي يتقاال عنهاا 😌
القااضي ضرب الطربيزه:هدوء هدوء اي زول حابب يقول اي شي يتفضل على منصة الشهوود 😒😒
اشرف:انا بما انو الكل عرف الحقيقه لازم تعرفوها كامله ولا ما كداا يا خاالتي 😌
امل:هي الولد الكذااب دا
مازن:رفضك لانك تخليهو يتكلم باكد كلامو 😡
اشرف:😏😏اول شي ميااده كانت شايفه نظراتي لعليااء وقبل خطوبة علياء وقت هي ضربتني الكف قالت لي انها حتساعدني عشان اعمل العايزو في علياء لانها حبت تنتقم من مازن لانو رفضها كم مره وطبعاا نقطة ضعف مازن الاولى اختو عليااء 😏😌
مازن دا حمر ليك لمياده دي تحميره بس سارة مسكت يدو
اشرف:احححم يوم ناس خالتي نسرين طلعو وهو اليوم الممتع بالنسبه لي والبشع بالنسبه لعلياء 😄
امجد قام من مكانو بس ايمن مسكو قال ليهو خليك هادي امجد مسكو بس رافت البمسكو منو قام ومشا لاشرف ومسكو من قميصو الا الشرطه زحتو منو
القاضي:اي زول يعمل ازعاج حاطردو برا قاعة المحكمه وانت حسن الفاظك وكمل كلامك
اشرف:المهم اليوم داك خالتو نسرين لمن طلعت قفلت باب غرفة علياء بس مياده هي الفتحتو لي 😄وحتى كانت ساامعه صرخاات علياء وما جات انقذتها بالعكس كانت مبسوطه حست انها كداا كملت انتقامها من مازن سمعت علياء وهي بتترجااني 🙂 وما اتهزت فيهاا شعره وحتى هي الساعدتني عشان اهررب وقتهاا اما خالتي الحبيبه امل 😍 فهي السرقت جواز عمي عثمان ووزورت لي الحساب في البنك وبقت ترسل لي كل يومين2مليون في حساابي يااخ امي ما عملت كداا تسلمي لي خالتي دي يلاا قالت انو خالي عثمان كان مضاديها وقت كانوا صغاار وهي بتكرهو ماا عليناا المهمم خالتي امل عملت كداا عشان يتهمو خالي عثمان ويدخل السجن ومياده عملت كدا عشان تضيع مستقبل علياااء معلوومه اخييره انا ما ندماان على اي شي عملتوو ولو جااتني الفررصه ممكن اعيدو تاني وتالت ورابع 😉😉
القاضي:في زول تاني عايز يقول حاجه
امل:الولد دا كذااب
رافت: لي كداا يا عمتي انا عندي دليل انو ما كذااب الحسااب المزوور بتاع اشرف كل يومين بكون مغذي بي2مليون عارفه بتجيهو من وين من حساابك الفي الاماارات 🙃
رافت قام وادا الاوراق للمحامي وسلمهاا للقاضي بعد ما اطلع القاضي على الاوراق وبحسب شهادة اشرف
القااضي:المتهمه امل احمد سرقه وتزوير11سنه المتهمه مياده الحسين 18سنه المتهم اشرف مبارك حسن علي اغتصااب±بيع مخدرات مؤبد على حسب طلب الضحيه 🌚 رفعت الجلسه
الشرطه لمن جات قبضت مياده اتلفت على مازن وعلياء
مياده:علياء انا ما ندمانه على الحصل ليك لانو كلو بسبب اخوك اي يا مازن انت بتستاهل اكترر
مازن ضربهاا كف لمن خشمها نزف وساق علياء وطلعو كلهم من المحكمه
♥♥
مازن كان قاعد في غرفتو وخاتي يدينو الاتنين في راسو وببكي سارة جاتو مسكت يدينو
سارة:مازن انت بتبكي 💔💔 دي اول مره من وقت اتزوجنا اشوف دموعك انا بعرف انو الموضوع صعب عليك وما قادر تستحمل بس خلاص المجرمين كلهم في السجن وعلياء مع امجد حتتجاوز الحصل
مازن:بسببي 💔الحصل مع علياء كان بسببي 💔
سارة:ما تقول كداا يا مازن ما بسببك بنت عمتك مريضهه
حضنتو عليها وكان قعد يبكي

#هرمون_السيروتونين الجزء الثاني
بقلم سارة بشرى
-٢٧-
بعد ما اشرف اتحبس علياء قدرت تتنفس وبدو يجهزو لعرسها امجد رسل ليها القروش ومشت مع سمر وصحباتها عشان تختار الشيله 🌝🌝❤ جابت شيله حلوه شديد شالت ليها كم جلباب طويل وصحباتها اشترو ليها من الملابس المخشلعه ديك لمن رجعت البيت لقت في شنطه كبيره
علياء:امي دي شنطة منو 🌚
نسرين:نسابتك قالوا انتي بتختاري شيله على كيفك وهم بجيبو ليك شيله على كيفهم 😂😂💔غايتو محظووظه حظظ
سمر:احيي انا حظك والله 😂
علياء فتحت الشنطه لقت جايبين ليها تياب رهييبه ❤الدههب والريح وحاجات كلها حلوه وطبعاا جايبين ليها من الملابس المخشلعهه برضوو 😂😂😂🙊
سمر:ام امجد واقعه ليها والله 😂😂😂🙊
علياء شالت تلفونها واتصلت على ام امجد ليلى
عليااء:تسلمي يا خالتو ليلى بالجد التعبير خذللني شكراا ليك 💜
ليلى:معقولاا يابت انا زي امك بس عايزاك انتي وامجد تكونو فرحانين في حيااتكم
علياء:ان شااء الله
سمر:هوووي انا ماشه بيتي عشان ولدكم ما يطلقني 😂😂😂
♥♥♥
مازن صحا من النوم لقا سارة واقفه قصاد المرايه خاته يدها في بطنها وصارة وشها ☹☹
مازن:اصبحنا واصبح الملك لله مالك من الصباح 🌝
سارة:مازن تعال شوف انا بقيت سمينه ☹💔
مازن:بندورتي 🙊🙈
سارة:مازن 😒😒
مازن:خلاص بهظر معااك والله 😂😂😂🙊
مازن قام جهز وساق سارة والاولاد بيتهم الفي المهندسين لاقو عمتهم ابتسام طالعه مع البنات ❤
مازن:عمتي ماشه وين وليه شايله الشنط 😳
ابتسام:راجعه الامارات يا ولدي 🙂
مازن؛بس يا عمتي ...
ابتسام:بتي سارة انا اسفه لاني ضايقتك بالكلام 💔وكلامكم صاح البهتما بالشكل انسان جاهل وبعدين انتي من جواك نضيفه انا اسفه ❣
سارة:العفو يا عمتي وانا ما زعلانه منك والله 💜
علياء:معقولااا يا عمتي طالعه قبل ما تحضري عرسي ☹💔
ابتسام:مضطره يا بتي ما بقدر اقعد بعد عملة ولدي اشرف 😔
علياءّ:بس انتي ما عندك ذنب وانا عايزاك تكوني موجوده معااي عليك الله ياعمتي تعالي
ابتسام:طيب
سارة:علياء ما حتعفو لعمتكم امل 😕
علياء:والله هي ما غلطت معاي انا لازم عمي عثمان وايمن هم اليعفو ليها 😇يلا ادخلو
💚💚💚💚
سهاام:ايمن ممكن سؤال؟؟☹
ايمن:لا 😌💕
سهام:ماا هو انا في كل الحالات حاسال ☹♥
ايمن:طيب في داعي لممكن دي اسالي طوالي 🌝
سهام:ما حتعفي لعمتك امل
ايمن:امبارح ابوي كان ماشي المركز عشان يعفي لعمتي امل ويطلعها بس انا وقفتو ابداا ما حاسامحهاا 😒😒
سهام:قال الله تعالى("ومن عفا واصلح فاجره على الله")😕
ايمن:ليه عايزاني اسامحها 😔
سهام:لانها من لحمك ودمك وبعدين ربنا ما حينسى حقكم وحيعاقبها اكييد 😇
ايمن:انا عملتا شنو في دنيتي عشان ربنا كافأني بيك ♥
سهام:لا عدلها انا العملتها شنو عشان ربنا اداني انت ♥✨
ايمن:انا بحبك يااخ 🙈🌚
سهام:بعرف ♥بس انا بحبك اكتر وقوم وديني لعلياء 🌝💕
ايمن:من نننن عيوني قومي ارح 😂
❤❤
مرت الايام مع التجهيزات وجا يوم حنة امجد كان عامل حفله 💟💟مشو مازن وسارة وايمن ورافت وعبدالرحيم مازن جرا معاهو مرتو ساي والله 😂😂😂😂الحنه في امجد كانت رهييبه رافت صورو كم صورة ورسلها لعلياء ♥انبرشت بجواها ما قدرت تتكلم قدام امهاا 😂😂😂🙈
رافت:ياالله حفله مليانه مزز مافي طريقه ندبل 🙈
سارة:لم عيونك سمر اختي 😒🌚
رافت:اصلاا هي في عيوني وانا كل البنات الهنا شايفهم سمر عشان كداا قلتا مزز 😂😂😂😂🙈
سارة:اقنعتني 🌚
💜💜💜
رجعو بالليل علياء ضربت لامجد
علياء:الحنهه رهههيبه فيك 😌
امجد:ياتو واحد في اخوانك خاني 😂😒
علياء:رافت 😂🙈حب قلبي
امجد:انا زاتي بعدين حالقى لي خاينه تصورك لي 🙈
علياء:ابيت زاتو ما حاتصور 🌝
♥♥♥
مازن ورافت وايمن طلعو بالعربيه براهم
ايمن:واخيراا برانا 😂
مازن:سهام كانت خانقاك ولا شنو 😂
ايمن:لالا ياخ هو في زي سهومتي 🙈
رافت:انا اشتقتا لسمر ☹
مازن:وانا اشتقتا لمرتي
ايمن:طيب نحنا هنا ليه رافت لف بالعربيه دي ارجع ليهم 😂♥

#هرمون_السيروتونين الجزء الثاني
بقىم سارة بسرى
-٢٨-
رافت وايمن ومازن رجعو والدنيا كانت ليل 😂♥
ايمن:جاين زي الحراميه عشان نشوف نسوانا 🤦‍♂
رافت:ارح ندخل
مازن فاتح الباب وبقو يدبو براحه طبعاا امهم قالت ليهم ما يقعدو معاهم عايزين يكونو نسوان بس 😄😄
رافت؛ انا اذكى واحد فيكم حاتصل على سمر تجيني برا انتو اتصرفو 😌😌
مازن:حنعمل نفس الشي
رافت:هووي ما تسرقو افكااري 😒😒
المهم كل واحد فيهم طلع تلفونو واتصل على مرتو وكل واحد فيهم قال ليها انا منتظرك بره اطلعي لي
💚💚
كلهم قامو مخلوعين اي واحده فيهم لبست توب وطلعو
سهام:اكييد التلاته ديل مجانين 😕
سمر:اي اي مجنونين فيناا 😌😌🙈نحنا جنناهم
سارة:غيتو انتي زااتك مجنونه زيهم 😂😂😂
قعدو يتكلمو لغاية ما وصلهم كانوا واقفين جنب العربيه لمن شافوهم رافت حبا يهظر مع مازن مشا على جهة سارة قبل ما يحصلها مازن مسكو من قميصو وجراهو على سمر 😂😂😂😂
مازن:اعرف محل ماشي 😒
رافت:هي الدنيا ليل ما انتبهتاا 😂😂😂🙈
سارة:شوف غيرها يا رافت 😂😂😂
المهم اي واحد مسك مرتو من يدينها بس ايمن ساق سهام ركبها العربيه وفاتو رافت شافو
رافت:هووي عربيتي 😳😳ايمن ياا حيوان 😂😂😂
سمر:قول مع السلامه لعربيتك حبيبتك 🌚
رافت:اشتقتا ليك 💚
سمر:امممم كويس والله 😂
رافت:سسمر 😒
سمر:مالك
رافت:اشتقتاا ليك يا الاخت 🤦‍♂
سمر:تشتاق ليك العافيه 😌
رافت:سمر يا جافيه امشي خشي جوه وما تتكلمي معاي تاني يلاا 😒😒😒
فكا يدينها واتلفت منهاا جات جنبو باستو في خدو
سمر:وانا كمان اشتقتا ليك ♥✨شوق ما بكفيهو البحرر 🙈
رافت:ايوا كدا 🙈💚
(سارة ومازن)
مازن:سارة انتي متاكده انك حامل 😕
سارة:اي ليه
مازن:لانو شايفك مريحاني من موضوع الوحم 😂يعني ما نفسك باي شي 🌚وقت كنتي حامل بمزن قربتي تخلصي مطاعم السعوديه ودايما بتشتهي حاجه مافي فصلها مثلاا في فصل الشتاء تشتهي لي بطيخ 🍉🍉وبكل نفس كماان 😂
سارة:طيب انا حسي نفسي في حاجه 😌بس ابتسم على جهة غمازتك بلاول
مازن:لي عايزه تعملي شنو 😳😳😳😳
سارة:مازن ابتسم 😒
مازن:بدون سبب 😌
سارة:بحبك ♥
قام ابتسم باستو في غمازتو
مازن:دا هو الشي الكنتي متوحمه عليهو 😂😂😂😂
سارة:ما انا دي بنتك 🙈
(ايمن وسهام)
ايمن:حاسس بنفسي ماقعد احبك زي ما لازم 😕
سهام:لا يااخ 😂بس انا ما بعرف اتونس زي سمر وسارة ما بعرف اعمل الجو مرح وكداا انا مستغربه انت حابب فيني شنو ☹
ايمن:طيبتك ♥تفهمك ♥تعاونك ♥تعاملك الكويس مع الغير ♥شجاعتك ♥اهتمامك بنفسك وفيني وفي اولادنا في نفس الوقت ♥بحب احترامك ♥خجلك مني للان مع اني راجلك ♥بتعب عشان اطلع كلمة بحبك منك 😂♥
سهام:طيب بحبك 😂♥
ورقدت في كتفوو
❤❤❤
اليوم التاني حنة علياء كانت نسوان بس وما حبت تعمل حفله
علياء قعدت تعاين للبنات كلهم عشان تفتش الخاينه بتاعت امجد 😂😂😂😂وقعد تحاول تشوف لو في واحده ماسكه تلفون وبتصورهاا وما لقت ليها اي زول 🌚🌚عاينت لقت سمر ماسكه تلفونها نادتهاا
علياء:امجد ذكي لكن انا رسلتا رافت عشان يصورو وهو رسل لي مرت رافت عشان تصورني ذكي 😏😏لكن انا كشفتوو 😄
سمر:قعد تقولي في شنو انتي 🤨
علياء:مش امجد رسلك عشان تصوريني 😚يلا عادي عادي قولي ما حاسالو
سمر:كنتا قعد. اوتسب مع رافت 😕
علياء:يعني ما انتي طيب رسل منو 😅
بالليل بعد ما خلصت كانت تعبانه اتصل عليها امجد ♥
امجد:سلاام
عليااء:يا اهليين 😅
امجد:كنتي طالعه حلوه كالعااده 🤤🤤
علياء:كيف شفتني انا عاينتا للبنات كلههم مافيهم واحده كانت بتصور ☹
امجد:ليه ركزتي على البنات بس
علياء:لانو الحفله بنات بس حضرتك قلتا كداا 😏
امجد:صوورتك انا دا زااتي بدون مسااعده 😚❤
علياء:كييف 😳
امجد:كترر خير سارة وسهاام هم الساعدوني وانتي شكيتي في سمر المسكينه 🤤😂😂😂😂
علياء:😒😒😒
♥♥♥
يوم الجمعه بالصباح الشباب لبسو جلاليبهم وكانوا جاهزين العزيمه في بيت ناس علياء كانت فطور وغداء في بيت ناس امجد 😋😋😋😋جهزو الفطور والرجال كلهم في الصيوان بره مازن في غرفتو كان طالع
سارة:دقيقه
جابت الريحه ريحتو وصلحت ليهو كولة الجلابيه والشال ♥كان قررضه
سارة:حصنتك من كل شلابه وخفيفه وعينها عليك 😚😌
مازن:بحصنو كداا 😂😂طيب قربي مني عشان احصنك بس ختي نقطه في الصاد
سارة:ماااااازن الصلااه 😳
مازن:والله انتو بتكفرو بالزول زاتوو 😂😂😂😂
مازن طلع مشو الصلاه والبنات بقو مع عليااء بعد كم ساعه سمعو الزغاريد وضرب الرصاص عرفو انهم عقدو خلااص البنات بكو وام علياء بكت وعلياء دي عزت عديل 💔💔❤وبعدااك طلعو على الكووفير

#هرمون_السيروتونين الجزء الثاني
بقلم سارة بشرى
-٢٩-

مشو الكوفير اتمكيجو كلهم وكانوا حلوين شديد 💜💜سمعو صوت بووري العربات من مساافه لانهم عاملين سيرره 😃😃جوو وقفو البنات طلعو وخلو امجد مع عليااء باسها في راسها وبارك ليهاا وبعدااك مسك يدهاا وطلعوو ركبو العربيهه اي واحده ركبت مع راجلهاا واي راجل اتغززل في مرتوو لغاية ما وصلو الصااله 🌚🌚دخلوهم باغنية سيره (فرحانه بيك انا يا جناااي 😌♥في يووم زواجك وفرحتك بخلطط دمووعي انا ليك امل ..الباقي نسيتو المهم الاغنيه دي 😂🙈)بعدين قعدو في الكووشه ورقصو اسلو على اغنية (بحبك. لجنات)❤وبعد ما العرسان قعدو شغلو اغاني الهجيج جا داخل طه سليماان 🌚😃 وبدا يغني والناس دي ترقص وسمر ورافت دخلو مع النااس وبقو يرقصوو 💃💃💃💃ايمن ما قدر يتحمل وقام حصللهم ومشا يبشر لامجد وقوم العرساان يرقصو معاااهم 😂😂😂💃💃💃طبعاا مازن معروف ماليهو في الرقصات دي كان قاعد مع سهام وسارة في الطاوله 💜
مازن:ايمن محسسني انو ما شااف ليهو حفله قبل كداا 😂😂😂😂💃شغاال والله
سهام:انا زاتي خلعني والله 😂😂😂
سارة:ولا سهام ورافت كععبين 😂😂😂😂💃
بعد ما خلصو
من الرقيص والتعب غيرو ليهم عشان يجرتقوهم عشان مساافرين باريس 💜(نبيله كيفتمام 🌝💟)يقضو شهر العسل هنااك ادو علياء عشان ترش اللبن في امجد رشتو في وشو لمن اتخلعع 😳😳
علياء:دا عقابك عشان تصورني بدون اذني 😌
امجد:كداا طيب
ادو امجد كوباية اللبن وقف فوق
علياء:امجد انا ما حبيبتك علياء عليك الله ما تعمل فيني كداا ارجوك 😔☹
قعد تتمسكن ليهو
امجد:خلاص خليتك 😒
بعد خلصو من موضوع الجرتك جهزو شنطهم واتحركو على المطار علياء حضنت مازن ورافت ♥♥
رافت:ما عايز اكون عاطفي بس ربنا يسعدك ♥✨
مازن:امجد مدينك قطعه مننا خلي بالك منها ما تزعلها هي لسه صغيره 😔💔
رافت:والله لو جاتني يوم بتبكي بسببك
امجد:ما تخااف والله حاهتم بيهاا حاختها في عيووني ♥ما تشيلو في بالكم ممكن نمشي
علياء:مستحيل امشي كن ما ودعتا ايمن وينو ☹معقولا ما يجي يودعني بخليني امشي كداا 😔
ايمن:معقولاا ياخ انا هناا
علياء جات حضنت ايمن
ايمن:خلي بالك من نفسك وما تزعلي روحك واتصلي علينا يومي ♥
امجد:البنت دي على فكره شهر وراجعهه 🤦‍♂ازعلو علي انا 😂
حضنووها كلهم وبكت اكتر شي مع امها ونسوان اخواتها لمن جات لابوها قربت تقول ليهم خليت السفر 💔💔بس ما تحرموني من ابوي ودعت ابوها وبعدين طلعو على المطاار التوصيات على علياء كانت كتيره لدرجة امجد خاف على روحو 😂😂😂😂وكداا خلصت حفلة عرس علياء
💜💜💜
كلهم رجعو بيوتهم في الصباح كالعاده اي زول مشا شغلو قريب العصر كداا سمر قاعده في البيت شافت رافت جاي غضبان ووشو ما بيتفسر طوالي مشت ليهو بعد قعد جابت ليهو مويهه قعدت جنبو
سمر:رافت مالك 😳لي حالتك كداا
رافت:في مشروع كنتا مقدم فيهو قبل فتره والليله عرفتا اني خسرتو بس مافي اي سبب عشان اخسرو 🤦‍♂ودا المحيرني انا اتاكدتا من اي شي قبل ما اقدم حتى من نسبة نجاحي 😳اكييد في واحد من المقدمين معااي غشا في حاجه 🤦‍♂
سمر:رافت دا اول مشروع تخسرو ما معناها في زول عمل حاجه بس انت بتكون نسيت حاجه ♥خلاص رووق وكلو بيتحلاا 😚ما تشيل في بالك ما بتكون حلو لمن تصر كداا 😂
رافت:والله انتي 😂وقتك كلو هظاار 🌝
سمر:اعمل ليك حاجه
رافت:اي
سمر:شنو 😄
رافت:شاي بنعناع 😋😋نفسي فيهو
سمر:من عيووني طواالي
❤️❤️
مازن في الشركه جاهو ابوهو
مازن:اهليين يا حاج 💜
عبدالرحيم:مازن جهز اوراقك انت وسارة واولادكم وكلم رافت يجهز اوراقو هو وسمر وايمن كمان عشان راجعين الامارات جددتا اقامتنا هنااك حاولنا نتعايش مع السودان بس ما قدرنا حتى في المشاريع
مازن:ياسلااام 😻اكتر زول حيفرح بالخبر دا ايمن 😂لانو بحب الامارات شديد انا ماش اكلمهم واخيرا راجعين الامارات 😻😻🙈
♥♥♥
مازن مشا البيت وكلم الجماعه كلهم وفعلاا ايمن اكتر واحد فرح لدرجة طوالي بدا يلم ملابسو 😂😂😂😂😂
مازن:سارة لازم نمشي العياده نفحص ليك ونسال الدكتوره اذا حتقدري تسافري 🌝
سارة:طيب
مشو العياده فحصو ليها ووروها انو صحتها كويسه وللسفر كان حيكون فيهو خطورة لو هي في الشهور الاخيره ♥بس بتقدر تسافر في الشهر الخاامس

#هرمون_السيروتونين الجزء الثاني
بقلم سارة بشرى
-٣٠-
في صباح اليوم التاني سارة صحت لقت مازن بعاين ليها

سارة:صباح الخير ♥
مازن:صباح الهنا لقلبي انا 😻✨
سارة:مالك 😂
مازن:كنتا منتظرك تصحي لانو طالعين انا وانتي وايمن وسهاام ❤
سارة:ماشين وين
مازن:مفااجاءه طالما اننا مسافرين بعد يومين حبينا نسوقكم المشوار دا قبل ما نسافر 😻
سارة:طيب بس نسوق معانا سمر ورافت كمان
مازن:حااضر
سارة قامت دخلت الحمام استحمت وغيرت لبست ليها توب كحلي فيهو شغل بالزهبي كدا رهييب كانت حلووه ❤❤✨مازن جا باسها في راسها ودخل استحمى لبس قميصو البني وبطلون ابيض وساعه بنيه وجا طالع
سارة:مازن اللبسه دي 😻هي ال
مازن:اسكتي ارح
ساقو شفعهم ومشو لناس سهام لقوها بتسال في ايمن ماشين وين ورافض يوريهاا 😂😂😂ودو شفعهم لناس ماما نسرين ومشو لرافت سمر من الصباح كانت بتستفرغ وتعباانه لمن ناس مازن جو رافت قال ليهم سمر تعبانه ما بنقدر نطلع
سمر:يازول انا عايزه امش انت مالك 😒🌝
مازن:عجبتيني والله دقي كفك يا سمورة ✋
سمر:✋
المهم سمر لبست توب اخضر جاها معاهاا رهيبب شديد 😻😻♥رافت مما جات حضنها قدامهم
رافت:النبي اطلعو وخلو لي مرتي 😂✋ما عايزين نمشي معاكم نحناا يااخ
سمر:انا عايزه امشي يااخ 🙈زح خجلتني
مسك يدها وطلعو وطبعاا ايمن هو الساايق
سارة:ايمن انا حامل في الشهر الخامس سواقتك بتاعت المجانين دي بالله خففها الليله 😒😒
سمر:ليه ايمن بسوق سريع 😳
سارة:الووحيد فيهم البتتجن في السوااقه
سهاام:اي والله 😂
رافت:دقيقه نقطه. ممكن اعرف نحناا ماشين وين ☹
سارة وسهام وسمر:صحي كداا 😂
ايمن:ممكن تستكتوو 🙆‍♂انتو لو سكتو بس كلو بهوون 🙂بس انتو اسكتوو
ايمن بقا متحرك
سارة:مازن الشارع دا 😃سهام دا
سهام:شارع جامعتنا 😍
ايمن مشا لغاية ما وصل جامعة الخرطوم ❤من الباب مازن وايمن اتذكرو وقت جو اول يوم 😻😻
مازن:سارة وسهام جايبناكم عشان نذكركم بلحظاتنا القضيناها هناا ❤
ايمن:رافت سمر جيبناكم عشان نحكي ليكم قصتنا ♥
سمر ورافت:ونحنا حابين نسمع 😂
❤❤❤❤
مازن مسك سارة وساقا جنب المحل الاتعترت فيهو وكانت حتقع وهو مسكها وقت قال ليها اذا ما بتعرفي تمشي خليك قاعده احسن 😂سارة ابتسمت لانها اتذكرت الموقف
مازن:عايني البينش الكنتي بتقعدي فيهو انتي وشلتك المجنونه عبير ودعاء وسلمى وهدى 🙂
سارة:اي 😻🙈
ايمن:سهام شوفي البينش الطلبتا يدك فيهو 😂
رافت:طلبتا يدها في بينش ما تخجل 😂😂😂
سهام:ما كان رومانسي تقول شنو 😒✋
مشو وصلو لغايت السلم
ايمن:سهام هنا لمن كنتي حامل بسارة وما بتقدري تطلعي للطابق التاني ووقتها انا شلتك 😍
سمر ورافت وسارة ومازن: شلتها 😳في الجااامعه
سهام:كنتا قعد احاول اسكتك قبل ما تقولها 🙆‍♀
المهم كل مره يمشو حته ويتذكرو موقف فيها حتى وقت مازن شاكلها بسبب غسان اول عصير يشربو سوا اول مرة يمشو شارع النيل
رافت:احيي انا كنتو شغاالين يااخ 😭😭
سمر:رافت نفسي في عرديب بالشطه
رافت:ارح اجيب ليك
ايمن طلع عشان يقدم استقالتو من الجامعه وساق سهام معاهو مازن قاعد مع سارة في البينش
مازن:احلى زكريات ♥
سارة:انا الجامعه دي حبيتا بس لانها عرفتني عليك ❤مازن انت احلى شي حصل في حياتي ما عارفه عملتا شنو عشان ربنا اداني نعمه زيك 😢العملتو معااي مافي زول بعملو 💜رجعتا لي ثقتي لي نفسي حببتني في نفسي وفيك 💜خليتني اشوف حاجات ما كنتا شايفاها 💜انت انا مهما اتكلمتا عنك ما بكفيك 💜ربنا يخليك لي انت يا الهمك تسعدني وبس 💜
مازن:ربنا دخلني في حياتك عشان انتي كنتي محتاجه لزول يسندك 💜كان لازم تعرفي الايجابيات الفيك وبعدين دخلوك في حياتي وراني انو مافي داعي نكره اي زول بدون سبب ❤انا كنتا بكره البنات حتى بدون ما اتعايش معاهم ونسيت انو في بيتنا في امي واختي 💜انتي غيرتي لي نظرتي عميتي على قلبي وعقلي لدرجة اني ما كنتا قادر لا اشوف ولا احب غيرك 💜حبيتك بمنطق شفع ما عرفو الحب غير بالفطره 💜حبيتك بدون ما انتبه لنفسي
سارة:وانا حبيتك بدون ما افكر 😭❤يا مازن انت ربنا يخليك لي بس ♥
💚💚💚
ايمن وسهام في المكتب وهو بلم في حاجاتو
سهام:ايمن تتذكر وقت سلمى عملت لي العمل 💔
ايمن:متذكر
سهام:وقتها انا عرفتا قدر شنو انا بحبك 🧡بالرغم من كل الالم السببتو ليك انت مااتخليت عني 🧡انت كنتا لي ام 🧡اب 🧡اخ 🧡اخت 🧡زوج 🧡سند 🧡كنتا لي اكتر ما اتوقع 🧡انت بالجد انسان مافي زيك وانا محظوظه لانو ربنا جعلك من نصيبي 🧡انا بحبك يا ايمن 🧡
ايمن:ياخ انا البحبك 💚انا بحب البنت الشاكلتني عشان ركبتا معاها نفس الامجاد نزلتا معاها في نفس الشارع دخلتا معاها الجامعه وسمعتني وسخ اضاني 😂😂💚بحبك لانو بالرغم من كل الحصل انا كنتا متاكد من حبك لي وانو حترجعي لي وشوفي نحناا مع بعض في احلى من كداا يا روحي 💚

💜💜💜