#حب_زايف
بقلم موده جلال
-٤-
زمان في حله ناس محي الدين وعمر كان في بت جميله جمال مبالغه اولاد الحله كلهم كانو بيتمنو يعرسوها حتي النسوان كان كل واحده بتتمني تعرسها لي ولده بس هي كان قلبها متعلق بي زول تاني مابتفكر الا فيهو كان بتفكر في حاج عمر لانو هو كمان مشاء الله وجه مكسر بنات الحله مروق اي بت كانت بتتمنه زي ماقلنا حاج عمر من صغير دخل السوق روق من بدري بس عايشه كانت بتحبو من هي صغيره من قبل مايروق كانو جيران بي الحيطه هي طول اليوم بتمشي مع امها صحبت ام عمر علشان تشوف عمر لمن كبرت شويه عمر عجبتو عائشه وباح بي مشاعرو ليهم وهي كمان كلمتو بي حبها اتفقو انو لمن يكون نفسو يجي يتقدم ليها

عمر :ياابوي انا والله دايره عايشه بت العمد دي علي سنه الله بس انا سالت هي موافق علي قلت لمن اكون نفسي بعيد نمشي ليهم
ابوه:ياولدي والله زين مااختر بت العمده مافيها القول انا معاك في الدايرو ان عايز نمشي هسي نحجز ليك نمشي
عمر ؛لا يابوي انا داير اكون نفسي هسي بعدين نمشي. ليهم بس انا قلت اكلمك لانو انا يابوي مابخطي خطوه الا انت تكون علي علم بيها دايره دعواتك ياحاج
ابوه ؛والله ياولدي انا راضي عنك دنيا واخره انت يهاك البارني مو متل اخوك الفلتان السكرن الحمد لله ربنا عوضني بيك الله يهدي اخوك
من جانب تاني الحوار دا اكان سامعو محي الدين اكان مدسي في الحوش الوراني بسمع في حديثم اتغظ من كلام ابوه
طبعا محي الدين برضو اكان بيحب عايشه
بس قال انا مابخلي عمر ياخد حبي مني زي ماماخد حب ابوي انا لازم امشي اخطبها قبل

من دربو داك مشا للعمده

محي الدين؛السلام عليكم ياحاج
العمده:وعليكم السلام ياولدي يامحي الدين اتفضل خش لي جوه

محي الدين ؛والله ياحاج انا جايك في طلب مادايرك تردني فيهو

العمده:والله ياولدي اعتبر طلبك مجاب لو انا عندي القدره اعمل ليك لكن اكان مافي يدي شي مابوعدك كدي انت قول طلبك شنو تاني انا بحكم
محي الدين ؛والله انا جاي داير اناسبك طالب عاشه بتك لي

العمده ؛🤔😠زعل شديد قاليه انت ياولدي عايز تقلل من قميتي جاي براك مالك وينو ابوك ماجا معاك طبعا عندهم عيب يجي الولد يخطيب براه الا يجيب ابوه هو البيطلب لي ولدو قاليه والله لو ما الجيره و خاطر ابوك اكان قمت عليك بي العصايه دي كسرتها في راسك نحنا بتنا هامله علشان تجي تتطلبه براك حاج العمده اصلا بيكره محي الدين مابدوره طردو من البيت وقال في سرو بالله شوف السكران انا بتي اديها للسكران دا انا بت بدور لها الخير ارميها في الحجيم زعل شديد

بعد كم يوم قابل جارهم ابو محي الدين

العمده ؛السلام عليكم ياحاج عبدالله

عبدالله وعليكم السلام ياخوي العمد كيفك

العمده:الحمد لله والله يااخوي يا عبدالله انا زعلان منك من ولدك محي الدين

عبدالله :خير خير الله يبعد العدو مننا مالك ياخوي محي عمل شنو الفلتان دا

العمده :مالو ما كلام بي العملو

عبدالله :ابدا والله مالو مسوي شنو معاك

العمده والله جاني قبل يومين طلب مني بتي عاشه انا والله زعلت منو طردتو انا بتي هامل علشان يجي هو يطلبها مني مابعرف الاصول ولدك

عبدالله ؛لاحوله الله ولا قوه الا بالله انا الولد دا لمتين حركاتو دي دايم مقصر رقبتي جنب الناس من حركاتو انا ياربي عملت شنو في دنياي علشان يبلاني بي ولد زي دا يارب تصبرني عليهو وتهديهو

والله ياخوي خير مافعلت انك طردتو

لكن مدام الكلام جاب الكلام انا والله عمر ولدي كلمني قال لي دايرك تمشي تخطب لي بت العمده بس قال لمن يجهز نفسو انا قلت ليها انا بمشي احجزها ليك بس هو رفض
هسي داير اطلبها لي ولدي عمر انتي رايك شنو زي ماعارف عمر انت مو داير شكيره من ليك الحله كلها عارفهو شنو

لنا لقاء هل حاج العمد حايوافق علي طول ولا بيرفض نشوف ردو في بعد

#حب_زايف
بقلم موده جلال
-٥-
العمدة ؛والله ياعبدالله اخوي عمر مافيهو الكلمه .ياهو ولدي واي راجل بتمني لي بتو راجل زي عمر ولدك الا انا خايف من المشاكل بين "الاخوه محي الدين ولدك دا بتعمل مشاكل انا خايف يسوي في اخوه شي .

عبدالله:؛ انت ماتشيل هم انا بس عايز موافقتك انا محي الدين ،بقدر عليهو بعرف اتصرف معه وانا متاكد من حركاتو اكيد سمعنا انا واخوه عايزين نخطب بتك لانو هو بحسد ،اخوه مابدور السمح ليهو مابكون دايرها بس عايزه يحرق قلب اخوه ساي وانت اعتبر محي ماجا اتقدم ليك عايزه اطلب منك طلب ماتجيب لي عمر سيره محي الدين جا اتقدم قبليهو ،ولدي بعرفو ان عرف اخوه دايره مابيخدها ان بقت دواءه عندها انت شاور ناسك وراجيك انا علشان نجي نتمم الكلام

العمده؛؛قلت كدي ياخوي شورك وهدايه الله وان شاء الله الفيها خير ربنا يسويها

عمر ؛:ربنا فتحها عليه من وسع بي دعاء ابوه وامو وراضاءهم عليه واتوفق في حياتو جاء اليوم المشو يطلبو يد عايشه حاج عبدالله بعد ادوهم الموافقه قال نعقد طوالي نديكم شهرين ونجي نتتم العرس طبعا كان خايف محي الدين يعمل حاجه علشان كده قال نعقد ..وعقدو ليهم وعايشه بقت مرت عمر

محي الدين ،لمن عرف الخبر هج من البلد بدون مايكلم اهلو ماعرفو ليهو مكان

عمر ؛بحب اخوه شديد بس محي كان بيعامل عمر معامله كعبه بس بعد دا بدور بقول ياهو دمي ولحمي هو فرد اخوه انا بستحمل تعاملو معي ربنا يهديه

بقا يفتش لي اخوه في اي مكان كان داير ياجل عروس لمن يلم في اخوه بس ابوه حلف عليه قالي خلي اخوك مدام طلع براه .مو دايرانا برجع براه راجع تاني

مرت الشهرين واتزوجو عايشه وعمر

وعايشه من اول شهر حملت طولي بعد ٩شهور جابو مدثر مزمل سماءهم جدهم كده

امهم لي عمر محي الدين تعبت شديد من زعلهها علي ولده المشي منهم ماتت بي حسرتها عليه

حاج عبدالله كمان بعد مامرتو مماتت حزن عليها شديدوعلي ولدو الماعرفين مكانو كل يوم صحتو ماشه مدهوره بقا يقول لي عمر انا داير اشوف محي الدين قبل مااموت ماعايز اموت بي حسرتي زي امو . ماماتت

عمر بقا مشهور في البلد عندو معارف في اي مكان اي زول يحب يخدمو لانو هو مابقصر في الناس بخدمهم بقا بقتش لي اخوه كلم كل ماعارفو وادهم صوره لي اخوه لمن لم في طرف الخيط واتوصل لي اخوه .اتلقا في غرب السودان

رفض يجي معاه بس قالي ابوك تعبانه بين الحياه والموت طالب يشوفك ،.رفض نهاي بس بعد اصرار من عمر قدر يقنعو مشو

حاج عبدالله بعد ماشاف ولدو بقا يبكي قال ليه انا السبب في انك تتطلع ولد عاق انا وامك دلعناك لمن بقيت مابتسمع كلمنا نحنا قايلين الدلع دا بينفعك نحنا ياولدي تعبنا حتي قدرنا نجيبك وامك ولدتك بعد ١٢سنه علشان كده ،.اديناك الدلع كلو حقك علينا ياولدي ماعرفنا. نربيك صاح هسي انا خلاص مابقي فيني عمر عافي منك ياولدي

دايرك تخلي بالك من عمر اخوك ياهو سندك في دنيتك انسي الماضي ياولدي ماتجيب سيره انك اتقدمت لي عايشه لي اخوك ..الله يرضي عليك

محي الدين كان الحقد والشيطان متملكو مشي ابوها ساي قالي انا نسيت الماضي ربنا يسعدو

بعد ايام حاج عبدالله اتوفي ؛
محي الدين كان داير يمشي يرجع تاني بس عمر حماه يمشي قال ليه انا ربنا فتحها علي قروشي ياها قروشك مابترجع تاني اقعد هنا معي ونتساعد في الشغل

تتبع

#حب_زايف
بقلم موده جلال
-٦-
محي الدين رضا يقعد ويشتغل مع اخوه بعد ماكان .عدمان ماعندو شي علشان كده وافق علي عرض اخوه👿👹يستفيد من ثروت اخوه
بعد فتره من شغل محي الدين مع عمر بيمثل عليه الحب وخوف علي اموال ومصلحتو 🤑🤑
بعد فتره عايشه كان عندهم قربيتهم اسمها سلوي جاتهم شافها محي الدين وعجبتو كلم عمر اخوه علشان يخطبوها ليهو

واتزوج محي الدين سلوي بقو قاعدين معاهم في البيت طبعا سلوي كانت بتغير من عايشه علشان عمر مدلعها ومدللها كانو عايشن كلهم سواء في بيت واحد محي الدين غير السكر مع عندو شي من المغرب يمشي لي اصحابو يجي انصاص الليالي سكران سلوي الوضع دا ماكان عاجبها دايما بتقارن بينو بين عمر اخوه
كانت بتحمل عايشه المسوليه بتقول ليها انتي السبب ليه ماكلمتوني انو بتاع سكر حقد ت علي عايشه وعمر برضو كمان

يلا نرجع لي سلمي نشوف عملت شنو
مرت سنه كامله عليها

مها:؛الوووو سوسو حبيبتي كيفك مشتاقيين انا اليوم مامصدقه انو خلاص خلصت من الثانوي اليوم نتيجتي 😍😍

ماتتخييلي انا اليوم خايفه كيف ومتوتره😰😰 ادعي لي اجيب نسبه كويسه

سلمي ؛يابت ماتشيلي هم انتي مشا الله عليك مامنك خوف متفوقه بتنجحي بي تفوق

مها؛ان شاء الله ياسوسو من خشمك لي باب السماء هسي كان انتي تكوني متوتره معي كده بس انتي براك عملتيها في نفسك ابيتي تسمعي كلامي 😡😡

سلمي:؛حبيبتي انتي كل شي قسمه ونصيب انا ربنا ماسهل لي اني امتحن يمكن لي خير الحمد لله علي كل حال

مها؛؛يلا مع السلامه 👋🏻علشان ماشه المدرسه علشان اشوف النتايج بجي بعدين من المدرسه غشياك يلا

سلمي ؛:يلا مع السلامه ربنا يوفقك من الناجحين باذن الله🤲

مها؛:اميين ياسوسو باي

سلمي بعد قفلت من مها اتشقت بي البكا😩😢😭😭😭😭
كيف سنه راحت من عمرها ساي بدون فايده واحلامها وامنيتها مع صحبتها راحت
(ما كل من يتمناه المرء يدركه )كل شي مسخر من رب العالميين الانسان ابدا ما يزعل علي شي عساه خير له
بقت تبكي😭😭😭😭😭😩😩😩😩لمن نامت من البكا والتفكير

مها؛؛يابت قومي دا شنو النوم دا كل لي ساعه واقفه هنا بصحي فيك انتي وارثه؟! قومي

سلمي لمن شافت مهاءقامت حضنتها وقعدت تبكي معاه
مها؛يابت دا كل شوق لي كده 😂😂😄مشتاقه لي الدرجه لمن تبكي مها كانت حاسه بي صحبتها بس حبت تلطف الجو وتطلعها من الي هي فيه وتصبرتهاعلشان سلمي ماتتجرس زياده

سلمي؛؛مها😩😢😭😫 انا حاسه انو في قلبي نار تغلي ماقادره استحمل خلاص انا مستقبلي راح مني واحلامي طارات في الهواء مها اتفجرت 😭😭😭😭معها
بقو يبكو مسافه سلمي قالت لي مها انا ما عندي نصيب في اي شي القرايه وخليتها حتي الحب قلبي بحب من طرف واحد هو ماحاسي بي سلمي.
كانت كاتمه في قلبها مابتحكي من الصدمات الجات مع بعض اليوم اتفشت من البكا
مها؛خلاص يا سلمي كفايه احزان هسي انا جايك بي خبر علشان تفرحي تقومي تقلبيها لي هم
سلمي معليش انا نسيت الليله نتيجتك معليش ي مها قلبتها ليك غم
اها بشري كم جبتي

مها :واخييير ياستي بعد مجهود سنه كامله 😄😄 جبت ٨٥,٦
سلمي ؛قامت حضنت مها باركت ليها والله فرحت ليك شديد ياصحبتي والله لو بعرف ازغردت كنت زغردت ليك لكن عندك عزومه عندي ياستي ☺☺

مها:الله يبارك فيك مابتقصيري عارفك عقبال مانفرح بيك انت السنه الجايه ان شاء الله انت طبعا بزعوك في الاوائل في التلفزيون
سلمي امييين ياريت تفتكري انا تاني انا حارجع اقراء وانجح كمان
مها؛يابت انتي مالك تفكيرك كلو تشاءوم خلي الامور علي الله
حاجه عايشه جات داخله باركت لي مها قبلت لي بتها قالت ليها عقبال انتي كمان نفرح بيك مرقت بره سرعه بكت 😭😭ماعايزه تبكي جنب بتها عارفها حساسه واتزكرت بتها وشطرتها انو السنه دي رحت عليها قالت ان شاء الله ربنا يهديك يابتي وترجعي تاني لي قرايتك

الي اللقاء

يتبع

#حب_زايف
بقلم موده جلال
-٧-
حاج عمر ؛كان برضو قاعد في غرفتو متاثر علي بتو كان منتظر اليوم دا يشوف بتو من الناجحين 😢😢عيونو دمعو جات ....حاجه عايشه لقتو قاعد وزعلان لمن شافها قش دمعو..
بسم الله مالك ياحاج الحصل ليك شنو كنت بتبكي حاسي بي شي ؟وتكون تعبت تاني ابد ..
ياحاجه انا كويس بس انا اليوم دا كنت منتظر بتي تكون من الاوائل يقول لي ابو الدكتوره
نحنا والله حاولنا معاها بي كل الطرق انو ....ترجع ماتخلي المدرسه بس نعمل شنو قدرها ربنا يهديها ...انا ماحبيت اضغط عليها عارفها انتي بتك عنيده بتعمل الفي راسها

حاجه عايشه؛ ماتزعل نفسك ياابو الدكتوره كل شي ..مقدر مكتوب ان شاء الله بعد دا ربنا يهديها وترجع تاني لي قريتها ويوفقها في حياتها يارب ...انت الزعل التوتر مابينفع معاك علشان خاطري ما تتوتر
نحنا ماصدقنا انك اتحسنت ...

حاج عمر ::اميين يارب مابي يدي والله خارج عن ارادتي التوتر والحزن الحمد لله نحنا اتخطينا ....مرحله المرض دي انا كنت قايل نفسي بصل المرحل دي بعد الحصل لي ....!

بقيت اتكلم كويس ويدي بقت احركه شويه شويه الحمد لله علي نعمه الصحه


مها كل يوم مع سلمي خروجات وونسات زمان رجعت مع مها طبعا لمن كانو في المدرسه البنات مسمنيهم التومات من كتر ما اليوم كل مع بعض ...

مها: سلمي كيف منار اختك كيف مع الحمل مابتجي تلد هنا

سلمي كويسه والله تسلم عليك بتبارك لك النجاح تعبانه من الوحم والله لسه ماقررت مره تقول بتجي تلد هنا مره تغير رايها عندها ميه كلمه 😂😂

مها ؛اها اخوانك الفي ماليزيا كيف

سلمي ؛بتسالي من الاتنين والا....؟😍😍❤ من مدثر بس 😜😜

مها ؛خبتتها في كتفها ثقيله انتي الزول مايسال من اخوانو انا بسال من الاتنين😤😤طبعا ماعندي فرق منهم
سلمي هههههه بالله عليك يختي انا كاشفاك وعارفه حركاتك دي عارفه ❤حبك لي مدثر قايلني ماناقشاك
مها:🤔😊انتي يا المصلاطه اقعدي لي كده راغبيني 😏😏😏

سلمي 😂😂😂😝😛شفتني ياتومتي انا كاشفاك كيف

مها...عليك الله الفايده شنو هو حب من طرف واحده ،،هسي تلقيه عايش حياتو عنده مزه في بلدو القاعد فيها دي ماجايب خبري 😪😢😭كدي هسي خليني مني انا عايزه استشيرك في شي

طبعا التقديم للجامعات حايفتتح بعد كده ....انا طبعا حاقدم هنا في جماعتنا دي ما بقدم في الخرطوم

سلمي ؛ليه ياخ احسن ليك الخرطوم والله ماتقدمي. هنا ياخي مش حلمك كان جامعه الخرطوم

مها؛؛ياخي دا كان حلمنا سوا 😔😔 هسي انا والله الخرطوم مابقدر امشي ليها براي حتي اهلي ماحايوافقو لو كنتي معي طبعا اكان وافقو علشان حانكون سواء اها رايك شنو

سلمي ؛والله دايره ليك الخرطوم افضل طبعا بس ٠٠٠دام انك مقتنعه بي هنا ربنا يسهل ليك معليش يامها 😭😭انا خذلتك وخذلت اهلي انا ماعارفه نفسي طلعت من القرايه كده ليه كرهانه نفسي من الدنيا كلها انا ماعارفه ليه عملت كده .....وخليت القرايه ... البحبها زي عيوني

مها؛ سلمي انا والله تكون ماخده عين ولازول عام ليك مصيبه علشان تكرهي القرايه

سلمي ؛يابت ها مصيبه شنو كمان ياستي كل شي مقدر مكتوب يمكن ربنا كاتب ليي الاحسن لي خير

عدت الايام وقدمت مها لي الجامعه وشالوه نفس الجامعه البيقراءفيها محمد ود عمي سلمي

ونزلت الجامعه وبقت مع مدروشه الجامعه خفت جيتها لي سلمي

سلمي طبعا :شويه شويه بدت ترجع لي حياتها الاولي مرحه وبشوشه جنها ضحك وونسه من الازمه المرو بيها ومرض ابوها سلمي...كانت منعزله براها في غرفتها بس كانت بتطلع تتضمن علي ابوها ...وترجع غرفتها ولا ينادوها تاكل

هسي رجعت لي ونساتها بقت المغرب يجتمعو كلهم يشربو شاي المغرب مبسوطين

حاج عمر مبسوط من بتو رجعت سلمي زي اول وفرحان ...حتي عايشه فرحنها ماكانو مصدقين لانو كانو خايفين علي بتهم من العزله،،، الكان فيهو تخش في حاله نفسيه وتمرض
بس الحمد لله رجعت زي اول واحسن

مها؛ اللوو ،،سلمي كيفك مشتاقين اخبارك

سلمي :اهليين ياكعبه كيفك وين انتي يعني الجامعه بتخلي الناس كعبين كده

مها؛ والله بس مضغوطين ياسوسو الفتره دي عايزه اثبت نفسي من اول سنه علشان كده قاطعه منك

انتي اخبارك شنو كيف عامله ماغيرت رايك ماعايزه تنزلي السنه دي المدرسه

سلمي ؛ان شاء الله والله مرات قلبي يحن للمدرسه يمكن افكر انزل فجاءه سلمي جاه صداع شديد ماقدرت تتكلم قالت لي مها جاني صداع زي الحاجه الخبطتني في راسي
...
مها بسم الله من شنو سلامتك ياسوسو خلاص انا اخليك ترتحي بجيك المساء اطمن عليك

سلمي قفلت من مها ماقدرت تتحمل الالم والصداع مشت لي امها كلمتها قالت ليها عايزه حبوب صداع
عايشه ..سلامتك ياحبيبتي ربنا يشفيك خلاص امشي ابلعي الحبوب ونومي ارتحي علشان اليوم جايننا ضيوف مهميين ...

سلمي ؛ضيوف ؟؟منو الجاينا كمان
عايشه ؛مابقول ليك 😁😁مفاجاه بصلو بعدين المساء
سلمي:😏ياخي انا من موفاجاتك دي عليك منو الجايننا

عايشه:🤐🤐🤫امشي نومي لمن يصلو بجي اصحيك

سلمي ..طيب مدام ماعايزه تتكل

مي

ياخبر بي فلوس بكره بلاش 😝😝.

الي اللقاء ننتظر الضيوف الموهمين الجاين لي ناس حاج عمر سلمي حاتتغير حياتها معاهم

تتبع

#حب_زايف
بقلم موده جلال
-٨-
سلمي مشت نامت نومه عميقه ماحست بي نفسها من الصداع الا لمن جات امها المغرب صحاتها

عايشه :يابت ياسلمي قومي دا شنو النوم دا قومي جهزي حالك من جبيل قلت ليك جايننا ضيوف قومي اجهزي خلي نومك الكتير دا هم اتصلو هسي قالو خلاص قربو يصلو

سلمي :مساء الخير ياست الكل الساعه كم جات

عايشه ؛يابت المغرب اذن بعد كده

سلمي؛معقول ياامي انا. ،نايمه الوقت دا كلو ..والله انا زي الكنت واقعه في بئر ماحاسه بي نفسي

عايشه يابتي مالك انتي ؟الحاصل عليك شنو ماتكون عايزه ترجعي تاني لي حالتك ونومك الكتير ،،انعزالك من الناس بعد ما انا وابوك فرحنا قلنا خلاص رجعتي زي اول بقيتي كويسه مالك تاني

سلمي :ابدا والله بس كنت تعبانه من الصداع ماحسيت بي نفسي ونايمه قدر دا خلاص هسي بقت كويسه ماتشيلي همي ....اديني بس ٥دقايق اجهز واجي وراك ونشوف الضيوف من الصباح جايطه البيت علشانم ....

عايشه طيب يلا منتظراك تحت ماتتاخري

حاج عمر ياعايشه انتي ناس صلاح اتصلو عليك ولا لسه ...
عايشه ايوا اتصلو قبل شويه قالو قربو يصلو البيت

طبعا صلاح دا اخو حاجه عايشه كان عايش في كندا هو اسرتو من زمان صلاح شغال بروف في جامعه في كندا عند ٣اولاد بت واحده ولدين ....البت اسمها حنين اصغر واحده في البيت

حنين السنه حاتنزلها في السودان تانيه ثانوي صلاح قرر ينزل نهاي قال عايزه بتو تتربي في السودان ماعايزه تشيل عادات الاجانب هي في مرحله خطره لازم يجو يعيش في السودان

اما الاولاد الكبير ياسر .. عمره ٢٦ دا اتخرج شغال هسي في كندا دكتور بعمل في التخصص عايز يتخصص جراحه قلب
ام التاني طارق لسه بيدرس
طبعا في كندا ما جو مع اهلهم
رن جرس الباب ..مشت الشغاله فتحت جو داخليين ناس صلاح

حاجه عايشه من شافت اخوه مشت قلدتو البكاء والسلام البيت اتقلب بكاء 😭😭😭😭😭لحظه كانت عجيبه لمن تشوفي انسان عزيز عليك ليك سنين ماشوفيهو دا حالنا السودانين حنينين في اقل حاجه دموعنا بتنزل ...

سلمي جات تجري من غرفتها سمعت البكاء واتخلعت افتكرت ابوها حصل ليهو شي ....

لمن وصلت استغربت من الراجل البتبكي معاه امها دا منو طبعا خاله من زمان ماجا يمكن اخر مره شافتو كان عمرها ٦سنه مامتزكره

سلمي :بابا دا منو البتبكي معاه دا ماعرفتو

حاج عمر :😳😳معقول معرفتيه منو انتي امك ماكلمتك انو جايين اليوم

سلمي ..امي قالت جاين ضيوف مهميين بس ماورتني منو اثناء مابتتكلم مع ابوها

طبعا صلاح نادا سلمي يابت انتي واقفه كده ليه ماتجي تسلمي علي خالك

سلمي :يادوب استوعبت دا صلاح خاله العايش في كندا فكت الصرخه ...خالي صلاح مشت سلمت عليه والبكاء😭😭😭

بعد ماانتهو من السلام والبكاء والحاله دي

سلمي امي معقول خالي يكون جاي ماتكلمني
تقولي جايينا ضيوف
عايشه انا قلت اعملها ليك موفاجاه اشوفك متزكره ولا نسيته لمن تشوفيه

سلمي :بالغتي يا امي لكن
قعدو يتونسو جابو ليهم الضيافه وشاي المغرب والحلويات 😋😋😋😋😋
عايشه كانت مجهزه مامخليه شي لي اخوه قاعدين متلمين كلهم في الحوش يتونس صلاح بسال من اخبارهم

صلاح :منار كيف والله مشتاقه اشوفها هي والتيمان اخبارهم شنو
عايشه كويسين الحمد لله منار في دبي مع راجلها هسي مشاء الله حامل شفت البت دايره تكبرنا كيف عليك الله دايره تبقينا اجداد😂😂😂😂


التيمان في ماليزيا اتخرجو شغالين قبلهم هسي.
والله نحنا زاتو ياخوي مشتاقين ليهم لي منهم ٦سنه ماشفتهم شفت الجفاء دا

طوالي انبح فيهم علشان يجو ونشوفهم
ماراضين يجونا

صلاح ..؛والله مشاء الله ربنا يوفقهم ...،،يازوله اديهم دعواتك الغربه دي الزول يكون مدروش ولا بحس بي نفسو والزمن هسي عليك شوفيني انا لي كم ماجيت السودان ماكنت متوقع نفسي اقعد السنين دي في النهايه جينا ربنا يرجعهم ليك بي السلامه

حاج عمر مبسوط وفرحان من اللمه دي زمن بيتههم خالي من الفرح واللمه والانبساط 😍😍


سلمي كان مقاصده الباب فجاه الباب فتح قامت تصرخ بي اعلا صوته 😭😭😭😭😳😳😳
كلهم اتخلعو من صرختها

اللي اللقاء الحلقه القادمه

نشوف سلمي ماله شافت شنو علشان تصرخ كده

تتبع

#حب_زايف
بقلم موده جلال
-٩-
قاعده اسره سلمي واسره صلاح خالهم كلهم في الحوش
مبسوطين اخره ونسه وضحك

سلمي؛كانت مقاصده باب الشارع والباب انفتح قامت علي حيله قعدت تصرخ بتقت تقول اصلا مامكن معقول 😳😳😳

كلهم اتخلعو قالو ليها سلمي مالك في شنو امها اتفكرت راسها وجعه تاني سلمي،..... بقت تاشر علي الباب اتلفتو كلهم فجاه يجو داخليين التيمان اخوانها ،....
امهم لمن شافتهم قعدت في السرير غلباها تقوم
بقت تبكي 😭😢😭😭😭

البيت في لحظه انقلب كلو بكاء كان منظر عجيب😭😭😭😭😭بكاء ممزوج بي الفرح والاحزان والخوف من ردت فعلهم لمن يعرفو من الحاصل لي ابوهم ماكلهم

جو اتكهرب فجاه الاثنين مع ابوهم وقعد يبكو معقول انت يحصل ليكم دا كلو ماتكلمو

علي اقل من حقنا نعرف بي مرض ابونا😭😭😭😭😢

حاج عمر ؛:😢😢😭😭😭انا طلبت منهم مايتكلمو اصلا اهلك في ايام مرضي بداياتو كانو مخلوعين ....ماتزكرو يكلمكم
...انا لمن وعيت اتحسن شويه امك اتزكرت انو ماكلمتكم وانا رفضت انو تجيب ليكم السيره

مدثر ::هسي انتي كيف يابوي 😢😢 كويس مالك الحصل ليك شنو

حاج عمر:والله ياولدي بعد ماجابو لي خبر انو عمك الفتاح غدر بي ....
وشغل كل اموالي بي لعبه وسخه لعبها واستوالي علي كل الاموال دخلت في ديون انا مااستحملت الخبر قمت وقعت طوالي .....

مدثر😳😳 ومزمل عاينو لي بعض بي استغراب اتضح انو ماعندهم خبر بي افلاس ابهم

...انت خسرت كمان اموالك ؟؟؟برضو يابوي ضمهو
ابوهم قعدو يبكو تاني 😭😭😭 ربنا يعوضك اهم شي صحتك القروش بتتعوض

ابوهم اتحير انو ماعرفو بي خسارتو لي اموال عرفو بي المرض بس ...
حاج عمر انا عايزه اسالكم انتو الكلمكم منو بعد الفتره دي كلها اني عيان انا لي سنه هسي ....من عيت الحمد لله هسي حالتي اتحسنت كتير

مدثر والله ياابوي جاني اتصال من رقم غريب امس انو انت مريض وجاتك جلطه طوالي مشينا حجزنا وجينا نازليين

حاج عمر؛ استغرب منو الاتصل عليهم وجاب رقمهم من وييين؟؟؟وليه ما كلمهم ايام مرضي لو اصلا عايز يعمل خير،،،،اكيد دا انسان قاصد الشر يارب يكون الفاتح؟؟

بعد السلام والعتاب يادوب انتبهو لي خالهم قامو سلمو عليهو

صلاح ؛؛سبحان الله هسي في سيرتكم قلت لي امكم مشتاق لي التيمان ونفسي اشوفهم كيف بقو ربنا حقق لي امنيتي 😊😊

والله ياخال انت راجل ماهين رجل دين وشيخ علشان كده ربنا حقق ليك امانيك

طبعا خالهم صلاح ملتزم مدين شديد

قعدو كلهم يتونسو يحكو عن حياتهم في ماليزيا شغلهم كويس ماشي تمام

مها:ياامي انا ماشه لي سلمي بتاخر معاه شويه جبيل كنت بتكلم معاه كانت تعبانه ماشه اشوفه كيف
كويس يابتي بس ماتتاخري شديد

طلعت مها وصلت دقت الجرس قام مدثر فتح ليها الباب

طبعا اتفاجات بين دا حقيقي ولا حلم بقت واقفه مزهوله 😱😱 مدثر مدا يدو علشان يسلم عليه مسافه هي ماجايبه خبر في النهايه قالي ليها اتفضلي خشي ...،

وهسي سرحانه في سرها بتفكر يارب انا بحلم معقول دا مدثر ولا شبه ماعنو انا لي سته سنه بس مانسيت شكلو هو فعلا اتغير شديد بس احساسي مابيخيب

بتتكلم كده براه مدثر استغرب منها
سلمي طبعا عاينت كده لقتها مها
قامت جرت ليها
سلمي ؛مها يابت مالك عامله كده خشي جوه مدثر مابسلم عليك مالك مابسلمي عليه جات خبطتها
مها عاينت لي سلمي كده قالت ليها دا حقيقي جات واقعه اغمي ...عليها مسكها طوالي مدثر شالها دخلها جوه ..،،،
رشوها بي مويه فاقت خجلت من الموقف دا ،،،،..ياحليها ماعرفت تودي وشها وين بقت تبرر..
قالت انا اليوم ما اكلت حاجه جيت من الجامعه لي سلمي طوالي علشان جبيل كانت تعبانه كنت شفقانه عليها 😩😩😩

مدثر ؛؛. يوسوس مع سلمي 😳😳معقول دي مها صحبتك

سلمي ايوا

طبعا مها مشاء الله جميله برضو بس مااجمل من سلمي
مدثر ؛من مافتح الباب ليها عجبتو شديد

قال لي سلمي والله مها مشاء الله اتغيرت شديد وبقت مزه تتاكل بي المعالق 😂😂😂😂😍😍

سلمي هو ياخوي انت شنو طوالي اندحت كده احم احم ماتنسا دي صحبتي 😜😜

لكن هي ماله من شافتني اتبكمت كده

سلمي؛؛؛ههههه تكون برضو اعجبت بيك 😜😝

مدثر ؛؛😍😍😍 تفتكري عجبتها ياربي

سلمي 🤣🤣🤣🤣 ضحكت كده مش لي قعدت جنب مها في السرير

سلمي ؛دا شنو ياصحبتي العملتيه دا مااتخيلتك خفيفه كده😂😂😂😂عملتيها واضحه

مها؛واي واي 😭😭😭😭😭ياسلمي انا ماشه بيتنا تاني بيتكم دا نهاي مابجيكم فيهو وافضحتي تفتكري مدثر حس بي

سلمي مش حس دا اتاكد انك ميته فيهو 😂😂

😂

مها :حرام عليك ياخي انت بدل تطمنني بتخاوفني مالك 😭😭😭😢😢

سلمي:خلاص يابت ماتفكري في المرضوع كثير ...انتي زاتك انقذتتي الموقف قلتي كضبتك دا انا ذاتي صدقتها خليها ناس البيت لو ماعارفه موضوعك كنت صدقتك انك بجد وقعتي علشان جيعانه 😬😬😬

يلا كدي قومي صحصيي ارح بره اتونسي معنا واتعرفي علي خال طبعا جا من كنده معاه مرتو بتو عمره قريب لينا
مها:لالا انا ماعندي عين اطلع بره بكشفوني لو قعدت معاك بذات لو مدثر قاعد بقوم اعمل لي

م

صيبه 😭😭😭تاني

سلمي يابت قومي خلي عوارتك دي زاتو علشان توضحي مافي شي خليك عادي هسي انتي لو مشيتي كده بقول هي جات وعايزه تتطلع طوالي ماله

يلا قومي

طلعو بره قعدو اتونسو مها كانت مرتبكه شديد طبعا كان مدثر مراقبها في كل حركتها

هي كل ماترفع راسه علشان تسرق النظر تشوف مدثر كانت بتلقاه بيعاين ليها

مها:🤭🤭....مدثر دا بيعاين لي كده مالو وواب علي انا شكلي اتفضحت معه انا اودي وشي وين حايكون كشفني عرفني متنيله وقعاه علي شوشتي 😰😰

مدثر :؛كان بيفكر يارب هي جيبل لمن شافتني ماله اتهجمت كده حتي انا مديت ليها يدي ولا سلمت علي من الخلعه

الي اللقاء

#حب_زايف
بقلم موده جلال
-١٠-
مدثر قال اكيد بتكون اتخلعت ساي علشان يمكن جينا مفاجاه ماختا في بالو انو مها بتحبو

مع الونسه الزمن جره

مها؛سلمي الليله امي بتكتلني قالت ماتتاخري انا ماشه البيت قومي ارح قدميني

سلمي ؛ ويين تمشي تتعشي معنا وتمشي

مها؛لا لا عشا شنو مادايره عشا اتاخرت ياخ والله امي بتشاكلني

ام سلمي سمعت الكلام قالت ليه مابتطلعي من هنا الا نمن تتعشي معنا والله عيب عليك الكلام دا تطلع بدون عشا هسي نحنا خلاص عايزه نجهز العشا

اتعشي بعدين نحنا بنوصلك لي بيتك

مها ؛طيب ياخالتو حاضر علشان خاطرك بقعد
سلمي .؛يعني انا ماعندي خاطر عندك ياكلبه 😏😏

عايشه : يلا يا بنات قومن علي المطبخ جهزن مع العشاء
سلمي ....ومها ..حاضر يلا

مها :بتتونس براحه مع سلمي قالت ليها ياخي اخوك دا طلعي لي من وين بعد ماخلاص عايزه احاول انساه واطلعو من ..قلبي 😔😔جا راجع ليه جدد الحب تاني

تتخيلي ياسلمي انا كنت مفتكره حب مراهقه وحا يعدي بس اليوم لمن شفت مدثر اتاكدت انتي مجنون بيه مش بحيبو بس

سلمي :احلا خبر دا😍😍😍يعني حاتبقي مره اخوي واحلا صحبه

مها:😡😡😡خوخه تقلع ضروسك يعني هسي شايفه جا اتقدم لي تتهابلي كده ...عليك ماتعشميني ساي تخليني اقعد احلم 😩😢

سلمي::😂😂😂😂😜يابت انتي هينه الف واحد يتمنك ولا علي كيفو غصبن عنو انا بعرسو ليك 😬😬😬😬

مها:🤔🤔حكم لكن والله لكن مسيطره لقيتك

عايشه جات داخله للمطبخ ....انتن بتتهمسان في شنو وسوسه برحه كده بتقطعن في منو

مها :ابد ياخالتو والله مابنقطع بس بحكي ليها بي الجامعه
مدثر مشا اخدو دش وغير هدو لبس برموده وفنيله

مشاء الله جسمو رياضي كان داخل جم في ماليزيا جسم مفصل وعضلات

جاءداخل المطبخ بسال من العشاء اها ياجماعه الاكل ماخلص لانو انا نعسان ماشي انوم

مها..لمن شافتو اتلبشت 😍😍😍كان شايله ليها صحن وقعت من يدا🤭😂😂😂

مدثر وامو اتنين في نفس اللحظه قالو ياساتر ياساتر انتي كويسه
مالك يابتي الحصل ليك شنو

مها...ماعارفه ياخالتو اتزلق الصحن مني بدون قصد

خير خير مامشكله حبيبتي خد الشر وراح ماتشيلي هم عادي
سلمي ...غلبه تمسك نفسه من الضحك ..😂😂😂😂

مها ..قربت تبكي 😔😫😫😭😭

مدثر :نهر سلمي 😤😤مالك بتضحكي انتي كمان في شي بضحك

سلمي ابدا بس اتذكرت حاجه ضحكتني 😬😬

مدثر طلع من المطبخ

حاجه عايشه مشت تجهز الصفره قالت ليكم يلا جهزو الاكل انا ماشه اجهز الصفره

مها..مسكت سلمي بعد امها طلعت وقعت فيها خبط انتي الله يفضحك مالك بتتضحكي فيني هسي اخوك يكون شك فيني

سلمي ..والله غلبني عديل امسك نفسي انتي زاتك ياصحبتي لكن ماكترتيها دايما بتكشفي نفسك 😀😀😀

جات حاجه عايشه :يلا يابنات ارح رصو الاكل مها حبييتي عندك مشكله لو قعدنا كلنا في الصفره مع بعض واكلنا

مها 🤨🤨ابدا ياخالتو مافي مشكله

بدو يتعشو

اثناء العشا صلاح سال سلمي قليها يا سلمي انتي وصلتي وين في الدراسه

سلمي😔☹والله ياخالو انا مفروض السنه دي اكون دخلت الجامعه بس لمن مرض بابا جمدت سنه تالته

التيمان اتفاجاو وزعلو 😠😠كيف يعني جمدتي السنه انتي كنتي شاطره جدا ليه تجمديها

والله بس الظروف حكمت كده

صلاح :مامشكله ان شاء الله ببتعوض

مدثر سال مها اها انتي برضو يامها جمدتيها مع صحبتك واللا واصلتي

مها:ااا🙄😳😳من الخلعه اتعشرقت بي الاكل

سلمي لبعته في ضهره قالت ليه علي مهلك 😬😬😬
اكلي براحه

مها:/ قامت من الصفره حلفت اكان تكمل اكلها وجرت المطبخ شربت مويه قعدت قبلها ابت تجي مارقه نادوه قالت ليهم شبعت خلاص

سلمي لحقتها 😂😂😂😂😂يابت دا شنو الرواشه حقتك دي

مها:يازفت ارح وديني البيت😫😫😫انا تاني مابجيكم هنا حاقطع علقتي بيك لو عايزيني تجيني انت كافيه الحصل دا

هسي اخوك يقول علي شنو والله يقول انا
مجنونه😢😢

سلمي :معقول حبيبتي تقطعي علاقتك بي 😆😆😆عشان اخوي هسي ببكي ليك هنا الم ناس البيت اقوليهم عايزه تتخلا عن صديقتها

مها:يامجنونه بتعمليها انتي
كدي امشي شوفيهم خلصو علشان اطلع امشي

سلمي :ماخلصو لمن ينتهو بجيبو العده خلينا نتم اكلنا المافهمينا فيهو بي سببك 😁😁

مها:انا ماعايزه نفسي طلعت من الاكل انا زاتو القعدني شنو معاكم للعشاءاريتني كان طرت بيتنا 😩😩

مها تلفون اتصل ردت

الوو:ايو ياامي جايه هسي دي سلمي والله خالتو حلفو علي الا اتعشاء هسي طالعين عايزين يوصلوني طيب يلا سلام

شفتي امي شفقت علي قاعدت تكورك فيني قالت اخوك جاء سال منك والليله والله اخو بضبحني انتي ماعارفه علي صعب كيف

سلمي ماتشيلي بوصلك لحد جوه بخشو معاك بقول ليهم انا الااخرتها

اهل سلمي خلصو عشاهم

طلعت سلمي مشت لبست قالت انا ماشه اقدم سلمي
امها قالت ليها ماتمشي براك سوقي واحد من اخوانك يوصلكم
سلمي طبعا عايزه يمشي ...مدثر معاهم قالت لي مدثر يلا معنا يامدثر

امها قالت ليها مدثر يابت مسمعتيهو هسي قال عايز ينوم سوقي مزمل معاك

مدثر ؛؛قام ناط

ي

لا ياامي انا بمشي معاهم علي اقل عايزه اتمشي اهضم العشاء 😂😂😄😄😄

مها :الله يجازيك يسلمي دا شنو سايقه وين معنا اقوم تاني اعمل مصيبه😤😤

سلمي :ارح ارح يابت عليك علي الاقل اليوم قطعتي بس مصاريني بي الضحك

الي اللقاء في الحلقه القادمه نشوف مها ورواشتها حاتعمل شنو في الطريقه

#حب_زايف
بقلم موده جلال
-١١-
مدثر قال لي امو انا حامشي زاتو عايز اهضم العشاء دا ...وطلعو ماشين كلهم مع بعض سلمي ماشه في نصهم

مدثر بي طرف ومها بي الطرف التاني

سلمي مدثر يتونسو ...مها ساكته اصلا مافتحت خشمها

مدثر ..عايز يسال مها يقول ليها مالك ساكته ؟
بس مسك نفسو فكر مع نفسو قال البت دي ماطبيعيه كل مااساله ولا اتكلم بتتخلع😆😆

اخير اسكت البت دي يااما روشا
يا اما فاكه منها صاموله 😆😆😆

سلمي ...اها ياخوي ماقلت لي انتو حاتعمل شنو حاتستقرو هنا ولا راجعيين

مدثر ...طبعا سوسو دا مادايره ليها سوال اكيد حانقعد مع ابوي محتاج لينا هو في الوضع دا
انا عن نفسي حااقعد هنا
لكن بخلي مزمل يمشي يمسك اشغالنا الهناك

مها :احي انا بس بتتكلم في سرها قالت هسي دا عايز يقعد هنا قبلو انا كل مااشوفه ما حاقدر انسا
احي ياقلبي
طبعا مها اهلها ناس فقيرن علي قدر حالن ...
بقت تقول استحاله مدثر يعين لي يارب تمرق حبي ليهو مني قلبي

ماشين كده قربو لي البيت

طبعا مها بتخاف من الكلاب موت بتهستر لو شافت ولا سمعت صوت كلب

شافت مجموعه من الكلاب وافق في الشارع طبعا كانو قاعدين بي جنبتها هي يعني بتجي ماره بي عندهم طوالي حولت بي الجنبه التانيه بقت جنب مدثر
😬😬
مدثر قال ليها يا مها بتخافي من الكلاب ولا شنو ؟؟
🤨🤨😁ماتم كلمتو سمح

في كلبتين اتشكلو كده صوتهم يخوف بس مها😁😁😁😁قلبه وقف واتشعبتت في مدثر من رقبتو بقت ماسكه 😂😂😂زي الطفله هي اصلا قصيره نحيفه

مدثر اتخلع منها 😳🙄....يابت قولي بسم الله مابيعملن ليك شي كدي فكيني من رقبتني خنقتني

هسي زاتو بي حركتك دي بيجو هسي يسكننا

سلمي بقت عامله كده🙄🙄🙄🙄😳😳😳مخلوعه من مها

مدثر فكاها منو بقا ماسكه من يدينها قال ارح ماتخفي انا بمسك مافي شي بجيك

اتقدمو شويه كده من الكلاب

سلمي طبعا ااستوعبت الموقف 😂😂😂😂😂بقت تضحك لمن قعدت في الواطه من الضحك

مها:يادوب حصت الحاصل 😢😢😢😩فكت البكيه
(القشه القطمت ظهر البعير ) ماقدرت تمسك نفس من البكاء البلاوي العملتها واليوم

سلمي ومدثر بقا يسكتو فيها يابت بتبكي مالك خلاص الكلاب مشو

مدثر:نحنا قربنا نصل بيتكم

هسي تمشي لي اهلك كده باكيه نقول ليهم شنو

مها بعد مابكت زين قامت قشت دموعها هم اصلا خلاص قربو لي بيتها
دقت الباب اول فتح ليها اخوها الباب بقا يكورك فيها انت جايه من وين يابت نص الليالي انا مش محزرك من المغرب ماتطلعي

علي،كان عايز يضربها بس سلمي وقفتو قلت ليها انا الاخرتها كان معنا في بيتنا
علي:دا مامبرر هي عارفني قلت ليها شنو خشي جوه وحسابي معاك

مدثر :ياخي معقول ياعلي اختي تقول ليك كانت معنا يعني انت مامطمن عليها معنا
يعني هسي انا لو سلمي اختي كانت مع مها اختك في بيتكم كنت بشفق عليه

طبعا اصلا علي...ماكان قايل دي سلمي لانو المكان كان مضلم افتكرها واحده بتقراء معها في الجامعه

علي :انتي كنتي مع ناس حاج عمر يامها
مها؛ايوا
علي:طيب مالك ماقلتي لي مدام كنت عندهم مافي خوف كان بيتي ماكنت سالتك
معليش والله ماكنت قاليها معكم

مدثر ؛شنو ياصحبي يعني ماعايز تسلم علي صحبك دخلت علي بي مشاكل كده واسئله
علي ...كان صاحب مدثر زمان
بس بعد سافر مدثر انقطعو من بعض ماعرفو خبر بعض تاني
علي :طبعا مافتكر دا مدثر قال ليه منو انت

مدثر ؛معقول نسيتني 😳😳يافرده طبعا زمان كان بناديه يافرده

علي طوالي عرفو اوه مدثر ...وجا سلم عليه بي الاحضان
حلف عليهم يخشو
ياخي بجيك الصباح الوقت اتاخر

خش صاحيين والله ناس البيت علي اقل سلم علي الاهل

الي اللقاء في الحلقه القادمه

تابعوني ليصلكم الجديد

#حب_زايف
بقلم موده جلال
-١٢-
علي اصر علي مدثر انو يخشو معاهم

بعد اصرار دخلو سلم علي ناس بيتهم قعد اتونس هم مدثر في الصالون

سلمي ومها دخلو مشت غرفت مها
سلمي من دخلت مسكت مها قال ليها الليله ياصحبتي الحصل ليك شنو يااختي دي. شنو الرواشه البتعملي فيها دي شنو🤔😂😂😂من شفت مدثر انتي كل مره عامله ليك بلواه

مها ..😫😫احي ووواب علي انا الله يجازيني 😢😢والله زاتو معارفه مالي
اسمعيني هنا انا والله تاني نهاي مابجي ليكم
انتي عايزني تاني تجيني هنا انا تاني اصلا مالي عين اشوف اخوك بعد العملتو هسي في الشارع
😢😢😢😭😭

سلمي.، معقول ياخي تقطعي علاقتك بي 😭😭

لالا تجيني انتي بس هنا

يلا يا قومي يابت خليني انوم عندي بكره جامعه الصباح دا لو جاني نومً

طيب يلا مع السلامه تصبحي علي خير

سلمي طلعت لي مدثر قالت يلا مشينا وطلعو

مدثر قالي سلمي انتي مها دي روشه ولا عندها صاموله مفكوكه

سلمي 😂😂😂😂معقول يامدثر دا رايك فيها
مدثر ....ماعارف اول الزول ما يشوفها بتحس بيها هاديه كده ورزينه

سلمي ؛هي كده والله هاديه بس ماعارفه امبارح ماله متوتره كدا يمكن في حاجه شغاله في الجامعه

بلمناسبه بتدرس وين

درست هنا علوم احياء

مدثر في قلبي حلو يعني حاشوفوها طوالي

سرح مسافه كده

سلمي...ويين سرحت الااخد بالك يتهنا بيه

مدثر 😂😂😂ابدا ماسرحت في شي ....
يلا انا عايزك تحكي لي عنك انتي بتفصيل الحصل ...شنو ليه خليتي مدرستك انتي كنت بتحبي المدرسه شديد الحصل ليك شنو و شاطره كنتي ..،
والله يامدثر زي ماقلت ليك انا طبعا كانت بدايه سنه ثالته لمن ابوي مرض يعني كنا قرينا كم شهر كده اها بعد ماابوي خف بقا كويس شويه والناس كلهم عرفو بي افلاسو بنات المدرسه كانو شماتنين فيني
في سبب تاني ماعارفه بس والله انا فجاه كده ،،،..كرهت حاجه اسمها قرايه بقيت لمن افتح .......الكتاب للقرايه كنت بحس بي صداع عجيب كتمت نفس كده غريبه ....

مدثر ..لاحوله الله اكيد ي سلمي انتي ماخده عين قويه في القرايه علشان مشاء الله شاطره شديد

بس مش المدارس فتحت طوالي تمشي بكره المدرسه تسجيلي وتنزلي

سلمي حاضر ان شاء الله انا كنت ناويه اصلا
انزل السنه دي اثناء مابتتكلم كده معا جاه تاني الصداعه لمن بقت تبكي من الالم ....كانو هم خلاص قربو اصلا يصلو البيت

مالك ياسلمي بسم الله ماعارفه يامدثر فجاه جاني صداع الصداع اليوم الصبح جاني نفس الالم ....

دخلو البيت سلمي ماسكه راسه بتبكي من الالم

لمن دخلت كلهم اتخلعو امها وابوها وخاله مالك ياسلمي بتبكي حصل شنو....

ماعارفه جاني صداع فجاه كده زي صداع الصباح ياامي

بسم الله يابتي الحصل ليك شنو مدثر امشي طلعت عربيه ابوك ارح نوديها المستشفي نشوف ماله

سلمي ..ياامي مايحتاج هسي انا باخد حبوب بنوم بصبح كويسه

صلاح...لالا لزم نوديك نطمن عليك يلا قومي ارح

الي اللقاء في الحلقه القادمه نشوف سلمي ماله عندها شنو

#حب_زايف
بقلم موده جلال
-١٣-
سلمي وافقت تمشي المستشفي وعملو ليها كل الاجراءات والفحوصات قالو ليه تعملي لينا اشعه لي الراس لكن بكره الصباح ....الفحوصات بعد مسافات طلعت ...كلها نظيف مافيها اي شي

فضلت ليها الاشعه بتجي بكره الصباح تعملها

شالو النتيجه قالو الحمد لله النتايج نضيفه عقبال الاشعه تكون نضيفه كمان

طلعو البيت سلمي خشت غرفتها مشت نامت من التعب
جات امها الصباح صحتها

عايشه يابتي كيف اصبحتي اها اليوم الصداع كيف ...
سلمي...الحمد لله ياامي الحبه البعلتها نفععتني بكون ارهاق بس ياامي ماتشيلي هم
عايشه ....الحمد لله يابتي مالك الليله اتاخرتي في النوم كده مامن عواديك تنومي للوقت دا انتي عارفه الساعه ٩ شفقت عليك ....قلت يمكن لسه الصداع معاك

سلمي ...لا الحمد لله بخير بس من تعب ماحسيت بي نفسي. ... واخدتني نومه

خلاص يلا تعالي علشان خالك بسال منك قال اي يوديك الدكتور

امي والله انا بقيت كويسه مابحتاج

لالا قومي علي نطمن عليك بس

طيب بجهز وبجيكم هسي

طلعو مشو عملو معاه الاشعه الحمد لله النتيجه برضو كويسه

قالت ليهم انا مش قلت ليك دا ارهاق بس
انتو براكم خوافين

خاله قالي لازم نطمن عليك نحنا عندنا كم سلمي

شكرا ياخالو ربنا مايحرمنا منك

رجعو البيت الحمد لله ابوها اطمن عليها

قاعدين يتونسو جاءاتصال لي حاج عمر لمن عاين لي جواله

لقاه دا اخوه محي الدين معقول الليله محي الدين من ويين اتزكرني ليه زمن مني

حاج عمر ...وعليكم السلام اهليين ياخوي كيف انت

معقول ياخوي مابتسال من اخوك الحاصل ليك شنو

محي الدين ...مثل الحزن قال لي انا والله ياخوي ماكنت قادر اشوف في حالتك دي بعد ماكنت جبل مابهزو ريح ماقدرت والله اعذرني بقا يتعزر ليه سامحيني يااخوي ....هسي انت كيف بقت صحتك شنو....

حاج عمر بخير الحمد لله تمام اتحسنت كتير

محي الدين كان متصل علشان عايز يتاكد من حاجه
بقا يسال فيهم من اخبار كيف الاولاد

كيف التيمان مع الغربه

الحمد لله كويسين جميعا
والله التيمان وصلونا امبارح جونا فجاه

دا الكان محي الدين عايز يصل ليه سبب اتصالو

لي اخوه بعد الزمن دا

طبعا هو كان الشخص الي اتصل لي التيمان قال ليهم ابوكم عيان
علشان عايزم يرجعو يقعدو قبلهم وضعهم مايتحسن ابدا

حاج عمر قاليه برضو وصلنا صلاح اخو عايشه من كندا امس برضو

محي والله مشاء الله مضيوفين بنصلكم تب نجي نسلم علي التيمان

حاج عمر ؛؛الليله محي الدين دا اتزكرني من ويين يارب ليهو زمن مني

عايشه ؛غريبه الليله حصل ليه شنو اخوك اتزكرك من ويين

صلاح :قاعد سمع الكلام
قال ليهم محي مالو معاك لسه في مشكالو الزمان ما عقل لسه

حاج عمر :ابدا والله محي الدين مشاء الله اتغير شديد بس هو كان زعلان علي حالتي وقاطع مني مابيجي يزروني من مرضت

صلاح :معقول دي خوه قاعد معاك في البلد مايحي يشوفك دا مامبرر غايتو سبحان طبعو غريب محي الديين

سرح فجاه كده اتزكر زمان لمن محي مش اتقدم لي عايشه علشان سمع انو عمر دايره

طبعا الكلام دا صلاح كان عارف بيه لانو كان قاعد ...في غرفه جنب الصالون سمع كلام محي الدين ...
بقا مراغب الوضع سمع برضو كلام ابو عمر مع ابوه...عرف انو محي الدين حاسد اخوه ماكلم اختو ... ماجاب سيره برضو لي ابوه كانو مفتكرين الحقيقه ادفنت معاه .....
يارب حاج عمر لسه ما عرف بي اخوه عمل شنو قبل كده بيقا يفكر اكلم عاشه اختي يعملو حسابهم ...منو محي الدين انسان حاقد جدا عمرو شكلو كده مابنسي بقا متردد بين يحكي لي اختو ولا لا ...

الي اللقا....في الحلقه القادمه نشوف بيحصل شنو مع صلاح

#حب_زايف
بقلم موده جلال
-١٤-
صلاح متردد بين يكلم اختو ولا يفضل ساكت علي الموضوع دا

قال كدي لمن اشوف محي الدين من تعاملو معهم لمن يجي بعدين انا بحكم

سلمي ؛اتصلت لي مها اتونست معاها قالت ليها تعالي لينا ياخي تتنونسي مع حنين برضو سالت منك قالت وين صحبتك الظريفه 😂😂😂

مها ...😠😠😠😠بالله عليك انتي بت خالك دايرتني مسخر ه ليكن انا قلت ليك تاني ماجايه مدام اخوك دا قاعد

سلمي ..خلاص يازوله بنجيك نحنا دام انك مصره علي رايك

يلا مع سلامه عندي شغل في البيت زي ماعارفه مضيوفيين

مها..يلا مع السلامه

سلمي مشت لي خاله نادها قال ليها دايرك

سلمي ...نعم ياخالي رسلت لي انك دايرني

شوفي ياسلمي يابتي انا والله داير افاتحك في موضوع
انا سمعت انك مشاء الله شاطره اهلك كانو خاتين ليك تجي في اوائل السودان لو امتحنتي هسي انا دايرك توعديني ....انك السنه دي تنزلي المدرسه

سلمي ان شاء الله ياخالي انا والله بحب القرايه بس ماعارف مالي الحصل لي شنو فجاه كرهتها

صلاح ...خلاص بكره باذن الله انا بروح معاك المدرسه تمشي تسجلي تنزلي طوالي

سلمي ....لمن قال ليها بكره اضايقت شديد زهجت الزهج ظهر في وشها

كدي لي بكره لمن اشوف هسي انا تعبانه زي ماعارف الصداع البيجيني دا اكان نزلت يمكن يزيد علي

صلاح ،،،استغرب جدا من ردت فعلها كلامه اكان حاد جدا معه....

البيت دي اصلا ماشديد اكيد فيها بلاءدايره ليها علاج رقيه
اكيد مدينها عين من شطارتها

اتزكر في سيارتو في فلاش منزل فيها رقيه مشا جابو ختا في جيبو عايز. ...يدي ليها بس انشغل

قامو جاء محي الدين بي اسرته كلها
سلمو علي الخال مرتو بتو

كان في مزمل مدثر نايم سلم عليهم

قعدو اتونسو كلهم قاعدين مع بعض

اها صلاح مراقب محي الدين قالي من حركاتو بعرف اذا لسه عندو ضغينه مع
عمر ولا لا

اها طبعا سلمي قاعده جنب خاله

قامت سلوي سالت سلمي انتي دخلتي جامعه وينك مش المفروض السنه تكوني امتحنتي ولا مانجحتي قالت بي استهتر 😏

صلاح طوالي اتلفت عليه قال هي اصلا ما امتحنت علشان ماتنجح سلمي مشاء الله عليه كانت متفوقه المابخليها تنجح شنو ياسلوي

بعدين تعالي النسالك يابت عمي مالك قلتيها بي ثقه كده
اتغاظ منها طبعا

سلوي ....اترتبكت كده بقت تتمت ابدي علشان ماسمعان بي نجحها

صلاح ...هي بكره طوالي ان شاء الله نازله المدرسه بتسمعي نجاحه المره دي في التلفزويون باذن الله ....انا واثق من سلمي

سلمي ...ان شاء الله ياخالووالله بي كلامك دا حمستني بوعدكم اني ما اخيب ظنكم فيني السنه دي

سلوي ..اتوجعت وشه لمن اتغلب اسود من الغيظ
😡😡😡🤬قالت في سرها احلق شعري دا انا اخليك تنجحي امشي لي شيخي حق المره الفاتت ....بظبتيك
انتي احسن من بتي اسراء في شنو ووالله اصلو مابخليك تكوني متفوقه عليها ..
قامت قال انا اسراء بتي مشاء الله برضو متفوقه وجميله وحايزوعوها السنه دي التلفزيون من الاوئل

صلاح بيعاين لي سلوي قال بالله شوف المره الحاقده دي الحقد في وشها باين

اعوذ بالله منها ربنا يستر عليك يا سلمي منها

محي كان بتكلم مع مزمل قاليه طبعا انتو جيتو نهاي تاني مارجعين صاح

مزمل قالي والله ياعمي لسه ماقررنا لكن احتمال انا ارجع

قام هاج كده فيهو بدون. سبب 😤😤دا كلام شنو ياود البتقول فيهو ابوك دا ماشايفين حالتو ترجعو لي شنو

حاج عمر قالي مالا حالتي انا الحمد لله بقت كويس
انا زاتو اكان عايزين يقعدو ما بخليهم يقعدو يرجعو يشوفهم مستقبلهم

محي الدين ،،،والله يااخوي مافي داعي اصلا لي سفرهم ديرين يلقو شنو اول
بين نفسو قال اتصالي ماجاب فايده كنت دايرن يجو يقعدو قبلون في البلد مستقبهم يدمر

صلاح قال والله محي الدين مرتو دي مليان حقد وحسد

مدثر جا سلم عليهم قعد يتونس معاهم
اسراء...من جا مدثر داخل ما شالت عينها منو استلمت الونسه معاه.....

مدثر مزمل بيشبو بعض ملامح نفس بعض وجهيين الاتنين

بس بختلفو مدثر كان اطول من شديد بيهتم بي نفسو ورياضي وجسم منسق

لبسو كلو شياكه عامل السكسوكه الشعر مظبوط

شخصيتو فيها هيبه كده غير مزمل

اسراء طبعا برضو جميله اجمل من مها بس مدثر اصلا ماعجبتو ماارتاح ليه هي دبغت فيها عايز يتخارج منها كلامه كتير
بقا يختصر فيها

زهج استاذن منهم قال ليهم انا مواعد واحده صحبي عن اذنكم

هو بس عايز يتخارج من اسراء

اسراء..قالت صباح دا اهم من مننا 😏😏يعني ناس عمك ليهو سنين ماشافك

تمشي كده ماتتصل تعتزر لي صاحبك

محي الدين ..لقي فرصه بس قام شاكلو قال ليه مابنهكم نحن غلطانين زاتو جينا نسلم عليكم ونتنونس معاكم تجي هسي تقول طالع

انت ياود مامحترم ابوك ماعلمك الادب

مدثر😳😳 العفو والله ياعمي ماكده بس انا مواعدو قبل مااعرف. انكم جايين
بعيدن انا الحمد لله ابوي مربيني وعلمني الادب كويس مافي داعي للاساءه

عاين لي اسراء شماه 😤😤قالي ليه انتي دايره تعمل فتنه يعني ولا شنو

اسراء ابدا والله يامدثر ماكان قصدي كده بس كنت

عا

يز تقعد تتونس معنا مشتاقين ليك لينا زمن منك
مزمل في اقعدو اتونس معاه انا طالع عن اذنكم

ابوه اصلا ماتكلم مافتح خشمو

صلاح متكيف من مدثر عرف ليهم اصلا ماسكت ليهم

محي الدين طيب ياجماعه نحنا طالعيين مدام الجيناهم طلعو

مزمل ...شنو ياعمي يعني انا دي مامالي عينك انا موجود

خالي صلاح في اقعدو تمو يومكم

محي الدين ..لا ياولدي انا ماشي زاتو عندي شغل طلعو

صلاح ...بعد ماطلعو شاف الدرامات دي قال محي الدين لسه مااتغير ياهو زاتو

عايشه سبحان الله محي الدين بس داير مشاكل من مافي اصلا طبعو دا مابتغير

صلاح ؛نادي عايشه قالي ليها دايرك في موضوع

مشو غرفه الضيوف

عايز اسالك انتي ابوي لمن اتوفي ماقال ليك كلام عن محي الدين

عايشه ..ابدا كلام شنو
صلاح،،،محي الدين زامان سمع عمر بيتكلم مع ابوه انو عايزك
زي ماعارفه محي الدين حاسد علي عمر مابحب ليهو الخير
جا لي ابوي اتقدم ليك ابوي شاكلو وذاله علشان جا براه

ابوي كلم ابوه قام حاج عبدالله حكي ليه انو عمر كان بتكلم معاه عنك في نفس اليوم الجا ليك

عايشه ،،اتخلعت معقول محي الدين دا حاقد كده
انا كنت بقول مالو بيعمل اخوه كده
اتاريه مليان حقد وحسد

هسي انا يااختي كلمتك علشان تعملو حسابكم منهم حتي سلوي اظنها مليان حقد زيو من كلامها برضو عرفتها من حركتها نفس الانسان الحاقد ياختي بيعمل اي شي في الدنيا علشان يدمر الحاقد عليه

عايشه اعوذ بالله ربنا يحمينا منهم لاحوله ولاقوه الله بالله نحن عملنا ليهم شنو لكن

الي اللقاء في الحلقه القادمه

#حب_زايف
بقلم موده جلال
-١٥-
عايشه ..لاحوله ولاقوه بالله علي العظيم منك يامحي الدين اتذكرت لمن هج من البلد وتعاملو مع اخوه انا كنت مستقربه ليه بيعامل اخوه كده كنت بقول علشان ....حاج عمر وضعو احسن منو افتكرت دي غيره ساي ماحسد ولا حقد ...

ربنا يحفظنا منكم مني اولادي يارب تغطينا

صلاح ؛والله انا شاكي انو سلوي تكون عينها حاره وهي ضاربه سلمي عين
عايشه ..ربنا يستر انا بعد كده الا اقوم اودي بتي لي شيخ الذاتو نشوف سبب الصداع دا البيجيها دا

صلاح طلع الفلاش قالها اديها ....سلمي تفتحها طوالي اليوم كلو تكون فاتحه
دي. رقيه شرعيه كلام الله

بتنفعها باذن الله لو فيها اي شي بتعلاجها

الشفاء بيد الله ربنا يشفيها

حاجه عايشه شالت الفلاش مش ودتو لي سلمي

سلمي هاكي دي اداني ...ليها خالك قاليك افتحيها طوالي بتتالجي لو عندك اي مرض

سلمي دي شنو ياامي

خالك قال رقيه بالقران

كويس ياامي جبيها

شالتها طوالي قامت فتحتها بقت تستمع ليها

اليوم دا كلو هي فاتحها في غرفتها

الصباح اصبح
الخال ...قالي لي سلمي يلا قومك نمشي المدرسه معاك

ونسجلك سلمي قالت خليه هسي ياخالو انا والله تعبانه حاسه نفسي ماكويسه زي حاسه بي صداع خفيفه

قاليها الرقيه قاعده تفتحيها

ايوا ياخالو والله امبارح نهاي ماوقفتها حتي نومت شغاله كانت

اها حسيتي بي شنو ما حسيت بي تحسن وراحه كده

والله ياخالو مافي شي حسيت بيه بس اليوم صبحت راسي واجعني خفيف

خلاص اصلا ماتوقفيها تابعي فيها

تمام ياخالو

مره اليوم دا مافي. شي جديد يزكر

اليوم ٣للرقيه سلمي تعبت تعب شديد بقت تبكي بي اعلا صوتها كانت في غرفتها. امها واخوانه جو خاله برضو مرتو كلهم جو وابوها لمن سمعو الصورايخ



بتقت تتكلم استحضرت قالت انا اصلي ما اخليك تقري انا لازم ادمرك خليك كده قاعده في البيت بدون قرايه بس مامتفوقه انتي كل شي عندك الجمال الشاطره ...

خالها طوالي قاليهم البت دي فيها سحر لازم نوديها لي شيخ بتاع رقيه

حاجه عايشه لمن شافت حالتها دي بقت تبكي كلهم اثاترو علي حالتها اخوانها وابواها زاتو بيقو 😭😭😭

طوالي مشو لي شيخ شاطر ودها ليهو
بقت تمشي يوميا تتعالج
كل يوم بتحس بنفسها بقت احسن ماشه متحسنه الزهج البجيها راح والصداع

زمان كانت بتحس كانو في غيمه مغطيه علي عيونها بقت كلو شويه تختفي لمن حست كانو كانت عميانه فتحت سحت بي راحه عجيبه

خالها قعدو لمن بقت كويسه

كان كلهم قاعدين كده محتفلين بي شفاء سلمي

صلاح قالي ليهم انا خلاص بعد كده حانرجع الخرطوم علشان حنين تنزل المدرسه

لكن انا عندي طلب عندكم بعد اذنكم ياريت ماترفضو لي طلبي

عايزه سلمي تمشي معنا الخرطوم تمتحن معنا هناك
زي ماشايفين لو قعدت هنا العمل ليها السحر دا ممكن يرجع يعمل ليها تاني

الناس لو سالكم قولو ليه سافرت تقعد مع خالها تتعالج عندها صداع بيجها طوالي ماتكلمو اي زول انو ماشه تقراء

حتي ناس محي الدين وسلوي

حاج عمر والله يااخوي سلمي ياه بتك انت اكيد داير مصلحتها اعمل البتشوفو

اها انتي رايك شنو ياسلمي عايزه تمشي

سلمي فرحت فرح ....والله البتشوفو انتو الصاح انا موافقه عليه

خلاص يابتي قومي من هسي جهزي حاجاتك لانو بكره دي نحنا مسافرين

قامت سرعه هي وحنين جهزت حاجه كلها
اتصلت لي مها كلمتها قالت تجي ضروي علشان تساعديني وحكت ليها القصه انا بكره مسافره قالت الموضوع دا ماتجيبي سرتو انو انا ماشه اقراء
مها اليوم دا ماعندها جامعه

قالت هسي بجيكم

مشت لي امها كلمتها قالت سلمي مسافره الخرطوم حاتقعد مع ناس خالها انا ماشه اليوم دا اقعدو معاه☹😔😭ياحليلها سلمي هي و مها اول مره يتفرقن من بعض وقعدت تبكي 😭😭😭😭

خلاص انا زاتي بجي المساء اودعها

مها :اول ماشافت سلمي قعدت تبكي معاه😭😭😭😭😭😭

احي ياصحبتي تاني امشي وين انا عايزه تمشي تخليني براي ماعندي زول غيرك

سلمي ::يابت انا ماشه وين اول بره السودان الخرطوم قريبه بجي طوالي هنا

خلاص اسكتي ماتخليني ابكي انا هسي ماسكه نفسي 😭😭😭بي القوه

ارح قومي عندي حاجات كتيره عايز تجهيز

صلاح....قاعد مع عايشه بيتونسو قال ليها
انا عايشه داير اطلب منك طلب مادايركم تردوني
عايشه اتفضل ياخوي اكان داير عيوني بديك ليها

تسلم عيونك يااختي

داير اخطب سلمي لي ياسر

الي اللقاء نشوف رد عايشه شنو لي اخوها هل بتوافق طلبو

#حب _زايف
بقلم موده جلال
-١٦-
عايشه :والله ياخوي دا يوم المني سلمي ياه بتك والله
ياسر ياهو ولدي والله مشاء الله عليه مافيه اي كلمه خلقه واخلاق
بس المشكله في محي الدين من زمان من صغيره خطبه لي محمد ولدو

انا والله لمن عرفت بي الكلام القلتو عن محي الدين بعد كده قلبي اباهم استحاله ادي بتي يعزبوها لي
اكيد طلبه علشان ينتقم مننا في بتنا بس المشكله حاج عمر ماحايصدق ابدا في اخوه

مهما حكيت ليه
كدي هسي خلي الموضوع دا بيني وبينك لو ياسر عندو نصيب في سلمي بياخده باذن الله ربنا يقوي النصيب بيناتهم
راي سلمي هو الاهم طبعا لكن خليها تمتحن وتخش الجامعه

صلاح انا زاتو ماكلمت ياسر قلت اشاورك انتي اول تاني اسال ياسر انا عارفو مابيرفض لي طلب مابلقي احسن من سلمي

سلمي :من جنبه فرحانه انو اخير حاتمشي الخرطوم من جنبه زعلانه انو حاتمشي تخلي اهلها وصحبتها الوحيده. ...

خلصت امورها كلها

مدثر جا من براه مشا لي سلمي في غرفتها عايز يتونس مع سلمي

الباب فاتح دقه كده سلمي قالت خش لمن دخل شاف مها لمن قلبو شحه كده
هي زاته اتخلعت وارتبكت كان ظاهر في وشها يدينها بقو زي الثلج يديها بقو يرجفو
لمن جا سلم عليها لقي ديها زي الثلج ماعنو الجوء كان عادي مابارد
استغرب منها
قعد كده مقابلها كل مره ياخد ليهو نظره ليها عايز يتمعن فيها كويس
بقا سرحان قال اليوم اخر يوم حااشوف تاني بعد سلمي تمشي مااشوف قلبو وجعو ياربي انا مالي لمن اشوف قلبي بدق كده مالو اكون معجب بيها

هي ليه لمن تشوفني بتتوتر كده ماله تكون برضو معجبه بي ياربي

ولا اصلا طبيعتها كده ملبوشه كده

سلمي ...شنو ياخو جاي تسرح لينا هنا 😂😂😂

مدثر....😏😏لا جاي اتونس معاك بس كنت بفكر في موضوع كده ....معليش ياخ

سلمي 😂😂😂😂...اخدت ليها ضحكه كده عاينت لي مها
قلت مامشكله
سلمي ..مع نفسها قالت والله مدثر اخوي دا اظن معجب بي مها من حركاتو دي اليوم داك سالني منها كان مخلوع انو دي مها واتغيرت شديد قالي ونظراتو ليها ماطبيعيه
يارب يكون احساسي صاح

مها ::طبعا كتمت صوت راسه اصلا مارفعتو نهاي تاني

حنين برضو قاعده معاهم في الغرفه

تتونس مع مدثر

سلمي فكرت قالت انا اسوق حنين اخلي براهم علشان مدثر لو كان بجد معجب بيها يتكلم معاه

سلمي ؛؛ حنين تعالي عايزك في موضوع ارح قومي

قامن كده مها طوالي وقفت عايزه تتطلع معاه

سلمي ...انتي اقعد يامها بنجي هسي نحنا عايزه حنين في موضوع اقعدي اتونسي مع مدثر غمزت ليها عينها كده😉

مها ...😳😳اتخلعت قال ليها لالا انا مشا معاك

مدثر ...اخد ليه بسمه كده 😉غمز ليها برضو علي اساس تقعد ماتطلع

هي لمن شافتو حيلا مات وحسن جاها هبوط قعدت في السرير بدون ماتحس 😢😢

سلمي قادت حنين وطلعو

مدثر طوالي قام علي حيلو ماشي علي مها

شال كرسي قعد جنبها

عايز اسالك يامها ممكن

مها..هزت ليهو راس يعني ايوا بدون ماترفع راسه

انتي مالك مع من تشوفيني بتتوتري كده بتخافي من ليه انا عملت ليك حاجه

والله انتي اصلا خوافه كده بتتوتري من اي زول

مها 🤒🤒. حست نفسها جات حمي عديل

ابدا والله مابخف منك ليه اخاف منك ماعارفه انت براك حاسي كده

طيب ياستي يمكن بتهي لي اها انتي كيف مع الجامعه

مها ...تمام
سكت
مدثر سالها من اساله كتيره كانت اجابته معاهو مختصره
في النهايه قالي عايز اسالك سوال اخير ممكن وخصوصي شويه

مها ...اتفضل

انتي عندك علاقه مع احد ولا موضوع كده ولا كده

مها...بقت عامله كده 😳😳😲😲

قالت ....ابدا لالالاوالله مافي اي كلام زي دا استحاله

مدثر...😬😬😁😁😁😂😂بقا يضحك فيها يابت مالك اتخلعتي كده انا قلت ليك شنو حالتك بقت كده خلاص اسف معليش لو دخلت في خصوصياتك

مها ..قامت سرعه

مدثر ....ماشه وين

عايزه اشوف سلمي ماله اتاخرت مشت خطوتين

مدثر ،،، نادها مها. كانا عايز يقول ليها انا معجب بيك
بس مسك نفسو قال في سرو انا لو قلت ليها كده البت دي بتقوم تعمل ليها بلوه متوتره كده هس اسالتي دي بقت حالته كده اخير اسكت

مها...بقت شغاله ليهو نعم هو لسه بفكر بسم الله دا مالو كمان كان بيعاين ليه كده
دنقرت منو كده ...قالت مدثر عايز حاجه نادتني

انتبه لي نفسو قال ليها لا احي من اسم مدثر من خشمك براحه كده

قالت قلت شي

مدثر لا ي مها...خلاص خليتك 😊😊ابتسم لي مدثر عندو وجنتين لمن يبتسم بيظهرو

مها...احي انا وواب علي من البسمه دي اخير اجري من هنا دا تاني لو ابتسم لي كده بقوم اقع هنا
جرت سرعه

مشت لي سلمي ...

سلمي من شافتها 😁😁😁😬😬😂😂بقت تضحك شافتها متجهجه كده

قالت يابت انتي ماتجمدي كده دا شنو الجهجه البتعملي فيه
مها..انتي يامعفنه دي شنو العملتي دا ليه عملتي فيني كده 😭😭😭والله انا قربت اموت

سلمي :يلا سرعه احكي اها. تونستوقلتو شنو قال ليك شنو وانتي قولتيه شنو

مها .. يابت حليك علي بحكي اصبري انشيل نفسي حكت ليها اي شي

سلمي اها ياهبله ماكلمتيه انك بتحبيهو هو

مه

ا

..انتي مجنونه منو دي البتقول انا والله ياهو. كمان الفضل لي

مها امها جات المغرب علشان تودع سلمي
قعدت معاهم واتونست

قالت لي مها يلا ارح يامها نقوم نمشي

سلمي ...خالتو عليك الله خليها تبيت معي اليوم

ام مها قالت ليها والله ياسلمي اخوها صعب شديد
بس علشان خاطرك انا بتفاهم معاه

الي اللقاء الحلقه القادمه نشوف مها المفاجاه المخبيها لي القدر

#حب_زايف
بقلم موده جلال
-١٧-
مدثر جا لي امو قال ليها انا اليوم ماشي لي اصحابي وعندنا سهرنا بتاخر معاهم ماتقلقو علي

طلع كده سمع ام مها بتتكلم مع سلمي

قالت ليها خلاص انا موافقه انو تبيت معاك بتفاهم مع علي اخوها علشان خاطرك انتي يابتي خليتها

طلعت
ومدثر زاتو طلع لي اصحابو ..،،بقا يفكر قال انا لازم اليوم اجي بدري علشان اتكلم مع مها واوريها مشاعري اليحصل يحصل تاني لاني ماحشوفها ....ماحاتجينا بعد سلمي تمشي ....اليوم فرصتي

مها وسلمي.... وحنين قاعدات كلهم في غرفه سلمي جروها ونسه وضحك
طبعا حنين عرفت انو مها....... بتحب
مدثر ميته فيهو من زمان

بقت تشاغل فيها قالت ليها انا زاتي معجبه بي مدثر
علي فكره هو شكلو كده بحبني لانو من شافني هو شغال يتونس معي كل ماامشي حته بلقا وراي

مها ...😳😳😳😳اتخلعت قالت ليه بجد بتحبو بعد خلاص فقدت الامل
قالت في نفسه كده انا اصلو ......ماعندي اي حظ
قربت تدمع ....
حنين لمن شافت حالتها كده... 😂😂😂فكت الضحكه خبط مها في كتفها..... قالت ليه بهظر معاك يابت

قالت ليها استحال احب مدثر ..يختي مدثر شكلو عينو زايغه بتاع بنات ...مالي اوجع قلبي
شفتي اي ولد تلقيهو لبيس كده..., مهتمي بي نفسو بكون عينو زايغه 😂😂😂😂😂

مها ...،،قالت ليها اكيد بكو....ن عندو بنات دا هو لو ماعندو شغل مع البنات هم براهن بجن ....يتكسرن فيهو 😩😩 .....انا اصلا مامعشمه نفسي نهائي فيهو لاني عارف الكلام دا .....بس اعمل شنو لي قلبي ،،،،، احي ياانا 😔😔

سلمي تتضحك ساي اصلا مااتكلمت مافتحت خشمها

فلاش باك
سلمي ...اتزكرت لمن جاها مدثر ...:مره ساله من مها قال ليها صحبتك وين الايام.....: دي مابتجيك

سلمي ....بتكون مشغول مع الجامعه ....،علشان كده قاطعه في سرها والله خلت....:؛ الجايه علشانك ماعايزه تعشم نفسها بيك....

بقا يسال فيها انتي مها دي مخطوبه ولا عندها زول في حياتها
سلمي ...😳😳😳ليه بتسال منها اوعك تقولي بتحبها
مدثر....هههه حيلك حيلك .....حب مره واحده كده
هو ماحب مجرد اعجاب..... ماعارف والله بس من شفتها عجبتي

والله يااخوي ان شاء الله .....تكون من نصيبك بس مها مافيها الكلمه ماعلشان.... صحبتي والله انت لو وقعت معاه امك داعيه...،، ليك راضيه عنك😍😍

مدثر ...بي قلبو قال اميين يارب تجعلها من نصيبي

بس هسي انتي ماجوبتني هي عنده حد في الخط

قالت علي حد علمي ماعند اي احد

مدثر....معقول !!!! يعني الجمال دا كلو مافي زول متكلم فيها

عارفه ياسلمي انا من فتحت ......ليها الباب اول مره داك وقعت انا من شفتها عجبتني
سلمي خلاص ،،،،كدي انت لمن تجينا هنا اسالها... براك انا بديكم فرصه مع بعض..... تتكلمو تساله لمن تجي

مها ..سوسو خير بتتبسمي براك كده ضحكينا معاك
سلمي ماجابيه خبر

مها جدعتها بي المخده قالت خير صارحه وين.... الماخدك عقلك يتهنا بيهو ....

سلمي ...ابدا في شي اتذكرت حاجه

جات حاجه عايشه ...يلا يابنات ارح معاي جهزو العشاء عايزن نتعشا بدري علشان .....صلاح عايز ينوم عليه سفر الصباح ....

طلعو معاه كلهم جهزو العشاء مها قالت ليهو ...خلون ناكل هنا برانا لمن يجيبو الصينه..... نقعد فيها...
سلمي قالت ليه خلاص بي راحتك بمناسبه مدثر اصلا مافي هو .....،

مها بس خلينا هنا احسن

سلمي طيب

قاعدين يتونسو جابو الصينيه واتعشو
قامن غرفت سلمي قعدن شويه اتونسن

مدثر بي هنا اصحابو كل مره مايستاذن منهم يمسكوها هو....عايز يحصل سلمي مها قبل ينومن

مها ....طلعت قالت ليهم انا طالعه الحمام ....

طلعت من حمام جات فايته بي عند غرفه مدثر لقت الباب متاكه كده في اضاءه.... خفيفه ...مشت تتلبد قالت معقول مدثر ....جا مش هو قال مساهر مع اصحابو ...
براحه عاينت كده مالقت زول في الغرفه مش
عاينت في القراش لقيت العربيه مافيشه الطلع بيها مدثر جرت ....قالت معناته ماجا لسه

جري دخلت غرفتو واقفه مافتحت الانوار بس علي الاضاءه المفتوحه مدثر بحب الاضاءه الخافت ....عندو اضاءه... بي اللون الوردي بيفتحها كده لقت في تربيزه البوم بتاع صور وعطرو ....قامت فتحت العطر عايزه.... تتريح منو بس اتزكرت العطر دا رحيتو قويه يعني.... من وين وين ....يتشما مميزه معروف حق مدثر قال بتفضح مع سلمي بتعرفني .....دخلت الغرفه ...مسكت البوم فتحت الصور بق تتفرج في صور تشيل وتبوس في الصور

طلعت ليها صوره من البوم شالت ختت في جيب البجامه اللبسها
طبعا الحاجه المعرفها انو مدثر طبعا جا كان قاعد ...مع ابوه بيوتس معها جا غرفتو.... طلع ملابسو حقت النوم قال قبل ماغير انمشي اتونس ...مع ابوي ...واجي استحمي

قال زاتو انشوف سلمي قبل ماتنوم هي مها علشان عايز اتكلم مع مها

قام من ابوه جا وقف كده عايز يفتح الباب اصلا هو موتاكه بس شاف في زول في غرفتو افتكرها سلمي
مديها ضهرها ماشافتو لمن جا
عايز يتكلمها كده لحظ انو دي ماسلمي ماشكل... شعرها كان عامله طفيره فكاها نازل لي نص ظهرها قال دي ماشعر

سلمي وقف كده عايز يشوف دي منو بتسوي في شنو ....
هي طبعا تفتح صوره صوره تبوس.... فيهم شافه لمن شالت الصوره ختت في البجامه قاعده في السرير قامت شالت اللهدوم المطلعهم ....عايز ...لبسهم بقت تشيل تبوس فيهم تحضن في الهدوم

جن شديد😂😂😂

مدثر واقف 😳😳😳😳متخلع دي من ياربي دي حنين
قام طوالي دخل كده قال ليها سلمي بتعملي في شنو

لمن مها سمعت صوتو كانت عايزه تموت ....واتلفت عليهو

قال ليها مها!!!!!! بتعملي شنو هنا ؟؟؟؟😬😬😬

طبعا ماعرفت تعمل شنو عايزه تجري كده ....مدثر مسكه من ايدها
اقيفي يامها عايز اتكلم معاك ممكن

مها....بي الخلعه 😢😢😢😢دموعها نزلو

اللي اللقاء في الحلقه القادمه نشوف مدثر حايصارح مها بي مشاعرو نحيتها مها ردت فعلها شنو