ايشه فيهو اختك ، السبب الاول فيهو اقتناعها بي انها مميزة عن الغير و انو فيها حاطه مافي البشر ، تصديقها لنفسها الزايد عن اللزوم ، بس برجع و أأكد ليك السبب الأول لإنها توهم نفسها فقدانها لي ابوها في سن صغيرة و إهمال البيت ليها ، ح أسألك شوية أسئله- انت بتقعد معاها في البيت؟
احمد: لا ما بنقعد كتير و انا اساسا بكون بره كتير ، سألوا تاني: جو الأسرة بتاعكم متوتر ليه؟ قال ليهو مشاكل عادية يعني و نقاشات ، معمر قال ليهو : طيب سندس اغلبية الوقت بتقضيهو كيف ، فكان رد احمد ليهو ماعارف لأني ما بلاقيها كتير .. معمر قال ليهو عارف انها بتقول انك بتفسحها كتير و بتطلع معاها و بتدلعها ؟ عارف انها عندها في مخيلتها احمد بشخصية مثاليه ! بس احمد تاني في النوم بس ، انا في الواقع هي مقتنعه تماما انك ما فاضي ليها ولا ح تفضي نفسك ليها .. طيب يا احمد علاقتها مع خنساء كيف؟ مع امها ؟ احمد قال ليهو نحنا اساسا ما بنتلم كتير في اليوم ، معنر قال ليهو ايواا بس ده الأنا عايز اقولوا ليك... اهمالكم ليها من لحظة الوفاة هو السبب ، عدم لمتكم و عدم اكتراثكم لبعض هو الخلاها تخلق جو خاص بيها ، جو مناسب معاها و للدرجه الخلاها تتنازل عنكم و تحب و تتعلق بحياة وهمية عاملاها هي براها ! قال ليهو لا حول ولاقوة الا بالله معقوله حاجه زي دي تأثر عليها ؟ معمر قال ليهو طبعا بتأثر لأنها مرتاحه في حياتها دي ، صحتها متدهورة من النوم الكتير و عدم الاكل الصحي المتوازن ، عندها رجفة في رجلها الشمال ، بتهزز رجليها دايما و بتاكل ضفورها، و بتهبش شعرها من النص كتير أنا متأكد انو لو حاولتا تشوف نص راسها حتلقى المكان ده شبه صلعه ، لأنها بتسرح شعرها لورا دايما عشان تغطي نتيف الشعيرات الفي نص الفروة ، و بتضرب المنكير بطريقة ما منتظمه دايما .. لما تتكلم كتير نفسها بقوم ، و الاغرب انها لما تكذب بتقول الكذبه بطريقه مقنعه ونفسها بكون متوازن لانو في عقلها الباطن عندها زول بقول ليها الكلام مرتب و هو فراس طبعا ، لو جات تتكلم ليك عن حاجه خياليه حتقنعك و لو جات تتكلم ليك عن حاجه حقيقه حتتوتر و تتلخبط و حتحس بعد الثقه .. انت عارف انها عايشه بتاعت توهان بي الخيال و الحقيقه ، الحاله الفيها سندس دي مانعاها من التفوق و القرايه و الارتباط و الزواج لانها ما محتاجه لي ده كلو و هي عندها في النوم ، الحاجه الوحيدة الماقادره تصل ليها في النوم ابوها لانها مقتنعه تمام بعدم وجودو ..عشان كده مستبدلاهو بعالم كبير تاني .
احمد قال ليه طيب الحاجه دي ح تأثر عليها قدر شنو! قال ليهو ممكن توصلها للموت ، ممكن تتوهها او توصلها للجنون براحه كده .. احمد صلح قعدتو وقال ليهو والله كنت جاهل لكل البتقول فيهو ده و للان ماقادر استوعب انو سندس كده ؟ و الحمد لله انو ربنا هداها لي انها تجي هنا براها ، ما كنت قايل الحاجه دي ح تأثر قدر كده ونحنا السبب الاول للبحصل ليها ده ! و طيب العلاج شنو يادكتور !

#تابعوووني🎀

#إيلوزيانيس
بقلم سندس مالك
-٧-
معمر بيقول لي أحمد : إنو مرض الوهم اساساً عبارة عن اضراب نفسي مزمن في الذهن وبيخلي الزول المصاب بيهو يضخم الواقع إلى عدة أضعاف غير حقيقية، علماً بأنّه بيزيد شعوره بالقلق فعشان نعرف العلاج اللازم للمرض ده لازم نتخطي كلّ الأعراض المرتبطة بيهو و من الأسباب الواضحه لمرض الوهم الموجودة في اختك سندس تعبيرها عن شعورها بالعجز والفشل في حياتها الأسرية والعلمية، والاجتماعية، أو بسبب شعورها بالنقص وعدم الثقة، يعني ممكن تكون الأعراض المرضية البتعاني منها هروباً من المشاكل البتواجهها في حياتها .و برضو مراقبة أعضاء جسمها بشكلٍ مبالغ فيه، وتفسير أي تغيّر بطريقة سلبية. ومن الأسباب الناتجه من إهمالكم ليها فقدان الحنان والحب، والحرمان العاطفي و عادة عندنا في المجال ده المفروض الفقدان من النوع ده بيظهر بكتره عند كبار السن لحاجتهم الملحة للعناية والانتباه و لشعورهم انهم مهملين . شعورها المستمر بالعدوان المكبوت والقلق النفسي، ومحاولتها لمقاومة الصراع ده أو حله بيتحول من صراع غير ملموس إلى أشياء ملموسة بتتمثل في أعضاء الجسم ، و هي ممكن يتم التركيز عليها كمنفذ ومتنفس يعني كحركة أكلها لضفورها و نتيفها لشعرها من نص الراس . و طبعا اي علاج عندو جزئيين واحد نفسي و ده الأهم طبعا و التاني دوائي و ممكن نستخدم ليها أنواع الأدوية زي الأدوية المضادة للاكتئاب ، اللي هي دي بتساعد المريض على إنو يتخلص من الاضطراب البيعاني منه لأنها بتخفف الأعراض المتمثلة في القلق والخوف من الأمراض الجسدية. نجي للعلاج النفسي و العلاج النفسي علاج أساسي للمرض ده لأنه العلاج المعرفي السلوكي هو العلاج الأكتر فعالية للمرض لأنه بيساعد المريض على إنه يدرك ويفهم الاعتقادات الخاطئة البتسبب ليهو الخوف، كما يعلّمه كيف يوقف سلوكياته المرتبطة بالمرض مثل حنخليها توقف مراقبة حركات جسمها زي يدينها و إنها تتفقد ملامحها كل شويه و العلاج ده ببدا من تعليم سندس العلاقة بين المشاعر والأفكار والأفعال. يعني حنكتب قائمة بالأفكار السلبية البتصاحب التوهّم المرضي أو مرتبطه بيهو، أو بتسببه، أو بتسبقه، و بعدها ح نعيد البناء المعرفي ليها . حنعلمها التفسير العقلاني والإيجابي للتغيرات الجسدية. و حنخليها تحاول تطبيق الأفكار البديلة، أو تعكس الأفكار السلبية. حنساعدها على التخيّل. بس التخيل في إطارات تانيه ، و لازم تتعلم كيف تدير ضغوطها النفسية ، في البيت لازم تعمل تمارين التنفس العميق و تحاول تعمل الاسترخاء العضلي التدريجي. و مطلوب منكم تعرفوا سمات او صفات الشخصية السلبية في سندس البتزيد تفاقم الاضطراب و تحاولوا تحدوا منها أو تغييروها ، و الخطوة الاولى المفروض نلجأ ليها في البداية العلاج النفسي الديني ، ح نراقبها في طريقة صلاتها ولازم تكون صحيحه و ح نحاول نخليها تقرا جزء ثابت من القران ان شاء الله صفحتين و غالبا يكون الجزء ده نهاية اليوم قبل النوم حنخليها تنتظم بالتسبيح و ده كلو عايز مراقبه منكم كلكم ، العايزوا منك انو تجمع امك و اختك و توريهم حالة سندس و مدى خطورتها و الاهم انها ما تعرف اطلاقا و بتاتا انكم عارفين و انكم بتحاولوا تعالجوا فيها و الا ده ممكن يزيد الحالة سوء اكتر مما هي فيهو ، الفترة الجايه عايز منكم تكونوا حوليها و تملوا وقتها عشان ما تدوها ثغرة للتفكير و الخيال و النوم و انها تحاول تلقى ليها وقت عشان ترجع تتخيل دنيتها الجديدة ..
أحمد كان متمحن بسمع في كلام دكتور معمر ، لمن خلص من كلاموا قال ليهو والله يادكتور ماعارف أعمل شنو ، أشكرك كيف ! ما شاء الله شكلك دكتور شاااطر شديد ، حالة سندس دي مرت عليك قبل كده ؟ قال ليهو مرت علي مرتين خلال ممارستي للمهنه دي ، أحمد عايزك تعرف انو العلاج انتو اهلها يعني مافي ادوية بتعالج المرض ده و بيخلص لا ، انتو اهلها و طريقة معاملتكم هي الحتخليها تتجاوز المرض ده ببساطه شديدة و الاهم من كده الحذر و انكم ما تحاولوا تحسسوها انها زولة ما طبيعيه .. أحمد انا اتصلت بيك انت لأنها هي راسمه شخصية تانيه ليك في احلامها ، ده بيدل انها بتحبك اكتر من اختها و انها دايره احمد اخوها بمواصفات الزول الحنين البعاملها كملكه ، فلما انت كنت عكس للشخصية الهي بتحلم بيها ، علاقتها معاك بقت بااردة مافيها اهتمام و يمكن حبها ليك قل .. و تميزك عندها قل و الدلاله على كده كانت بتحكي عنك لي صحباتها وبعد فترة وقفت القصص الخياليه البتحكيها عنك و اخترعت شخصيات وهميه جديدة و اطلقتهم لي ارض الواقع بدون تردد و بقت ونستها اليوم كلو عنهم "سعدوحسام" ده بيعني انها استبدلتك و كأنك غير موجود ، ده كلو نتيجة لبعدكم و تشتتكم و عدم اهتمامكم لبعض .. أحمد قال ليهو طيب انا ح احاول ان شاء الله اكون الأخو المثالي الهي بتحلم بيهو ، شكرا ليك يادكتور و قام على حيلو سلم على معمر و طلع ركب عربيتو الكليك و ساقها ، طول الطريق كان احمد اخوي بفكر انو هو السبب! و لا كلهم السبب! احمد ال

عصبي النرفزي شديييد ، قعد يراجع في نفسو و يتذكر طريقة معاملتو لي خنساء قدامي ، يمكن هي الخلتني ابعدوا حتى من اوهامي ! كان سايق و بالوا في حتة تانيه ، لأول مره اخد حيز من تفكيروا و اكون شيء مهم بيفكر فيهو احمد .. وصل البيت سلم على امي و لقى خنساء نايمه و انا زاتي كنت نايمه ، دخل نام و لحدي ما جانا الصباح سمعتو بره في الحوش بسأل امي سندس وينها؟ بتقول ليهو انها بعد ما صلت رجعت نامت جوه ، جا داخل الغرفه لقى خنساء خلاص لابسه و بتتعطر قال ليها ما تكتري اني طالعه المواصلات ، عاين لي نايمه و ضاربه منكير مشرتم ! طلع تاني سأل امي بتك بتصلي كيف بالمنكير؟ قالت ليهو والله فترتا من الكلام معاها بتقول لي عادي اعمل ليها شنو قال ليها طيب انا بعرف اتصرف كيف ، جات خنساء طالعه قالت ليهم يلا سلام ناداها احمد قال ليها ممكن تدينا من وقتك نص ساعه؟ عاينت ليهو برفعة حاجب في شنو ؟ قال ليها دايرك في موضوع انتي و امي تعالوا .. دخل معاهم الديوان و قعدهم قفل الباب و بدا يحكي ليهم في الوقت الكنت فيهو انا نااايمه نوم عمييق ، ما متذكرة التفاصيل بس أكيد كنت بحلم بي فراس ♥ بعد خلص احمد و حكى ليهم ، امي قعدت تبكي ! خنساء ما كانت مقدرة خطر الموضوع بس سمعت كلام احمد بإنصات واهتمام ، اما امي لانها حنينه شديييد و التراكمات كتيييرة جوه قلبها بكت لما احمد قال ليها المرض ده ممكن يقتل اذا اتطور شديد ، قال ليها من هنا و لي قدام البقولوا يتنفذ في البيت بالحرف الواحد سامعه ياخنساء؟ ردت ليهو اي طيب حاضر ، ممكن اطلع لاني اتاخرتا على الشغل؟ قال ليها طيب اتفضلي .. احمد قبل على امي و قال ليها من الليله انا ابو سندس♥ كلنا اهملناها بس انا اهملتها اكتر ، كان مفروض احننها علي بعد ابوي الله يرحمو لاني راجل البيت و هي شايفاني سندها في الدنيا دي .. من الليله انا ما ح اخليها يا امي لا هي لا خنساء ، عاارف اني مقصر شديد و اني السبب في انو الاتنين يخافوا مني بس غير الخوف مافي علاقه لاماني بيهم ، قام على حيلوا و جا الغرفه فتح دولاب خنساء و فتش مناديل الاستون ماعارفه الوراهو متو انها مناديل استون😂😂 تقريبا دي حبيبتو ولا شنو 😂😂 شال المناديل و جا قعد جنبي انا نايمه شال يدي و بقى بطلع في المنكير من ضفر ضفر ، الصدمه كانت كبيرة ثلاثية الابعاد بالنسبه لي😂😂 صحيت على وش احمد اخوي ؟ بطلع في المنكير من يديني ؟ 😂😂 فتحتا بعاين ليهو مسااافه عايزة استوعب ده حلم ولا حقيقه ؟ 😂😂♥

#تابعوووني♥😘😍

#إيلوزيانيس
بقلم سندس مالك
-٨-
أخوكي لمن يتغير عليك فجأة ! بدون مقدمات و يعمل حاجات كويسه و هو قبل كده كان زول بحب روحو ماشغال بيك ابدا دي حاجه بتخليك تشكي في نفسك انا عملت شنو 😂😂؟ صحيت من النوم و انا بعاين ليهو متحيرة شديد في شنو ؟ قال لي مافي شيء لكن عارفك حتكسلي من المنكير و حتصلي كده و انا ما عايزك تصلي بالطريقه دي من الليله و لو طلوع المنكير بتعبك انا كل يوم ح اجي بالليل اطلعوا ليك اتفقنا ؟ نططتا عيوني بسم الله ! اكون بحلم ؟ ده احمد اخوي ؟ جاني عريس ياربي! و خلاص بودعوا فيني بذوق من البيت ده ولا شنو ؟ قام على حيلوا و قال لي اجهزي عشان اوصلك في طريقي للجامعه ، قلت ليهو احمد مالك ؟ في شنو ؟ قال لي في شنو ؟ قلت ليهو لا يعني في شنو الليله من الصباح حاسي بشنو انت ؟؟ قال لي يعني الزول لو جا يدلع اختو شويه اختو تتعولق و تتعاور كده ؟ قلت ليهو لالا ياخ خلاص يابتاع الدلع ح اقوم اجهز روحي للجامعه .. جهزتا و جينا طالعين جنب الباب كان بكورك لي امي يا حجه نحنا مرقنا ، امي جات توصيهو يجيب عيش و هو راجع من الشغل لقتنا واقفين سوا 😂😂 الخلعه واضحة يعني في ملامح البيت كلو ، قالت ليهو و دي طابيها في يدك مالها؟ قال ليها لاحول ولا قوة الا بالله يعني حرام الزول يحن على اختو المشلهته في المواصلات؟ قالت ليهو لالا ما حرام اريتها الحنيه تطول .. ياولد اخصم منها العشرة جنيه بتاعت الهايص البتركبها من هنا من مصروفها اليومي مدام بتوصلها بعربيتك ، قلت ليها امممي😒👊 ده كل همك مشش😒، طلعنا و ركبنا سوا ..
بقدر ما كنت مستغربه من تصرفات احمد ، بقدر ما اتبسطت شديييد اني راكبه معاهو العربيه ، كل دقيقه كنت بعاين ليهو و بتبسم .. قال لي سندس بعدين ما تتأخري الليله الخميس و الدنيا زحممه اتخارجي بدري .. قلت ليهو يعني ما حتجي ترجعني ؟ عاين لي يازوله لا ياخ بس ما تكوني انشرحتي طوالي و قايلاني ح ابقى ليك ترحال .. قمتا ضحكتا و قلت ليهو والله انت فقر خلاص ما بتخلي الزول ينبسط و فرحتو تتم خالص .. قال لي شايفك استغليتي الوضع لكن ما طوالي كده .. لحدي ماوصلنا باب الجامعه ، كنا بنتونس في الطريق ، دي تقريبا اول مره بعد زمن طويييل اتونس فيها مع احمد و نهظر و نضحك سوا ، حاجه بسيطه جدا بتغير نفسية الواحد كده ؟ وصلت الجامعه مبسوطه و فرحاانه و ظااهر من وشي كان عندي نفس اني أكل ما عارفه ليه حسيت بالجوع ! مشيت للكفتريا و طلبت سندوتش و قعدتا اكل قبل حتى ما اتصل لي وحده من صحباتي و اوريها اني جيت .. انتهيت من السندوتش و بعداك مشيت ليهم .. احساس الجوع ده بالنسبه لي حاجه جديدة 💜 انا كنت باكل بس اداء واجب و مرات بالغصب ، ولا خوف من المرض و التعب و الهبوط .. هي الفرحه بتجوع كده !! حضرت اول محاضرتين و في الفاصل بتاعهم ، شلت تلفوني عايزة اتصل لمعمر 💜 معمر اول زول جا على بالي اني اكلموا ، ماعارفه ليه عايزة احكي ليهو ، نسييت تماما اني حكيت ليهو حكاوي زي صحباتي عن احمد و كذبت عليهو برضو .. طيب هسي حيقول سندس دي مالها فرحانه انو اخوها وصلها ؟ راجعت التلفون مية مره و بعد تفكير ختيتو ، زعلت من روحي لأني كذبت على معمر برضو ، هسي كان ممكن احكي ليهو عادي بالفرحه دي .. تلفوني رن ، احمد ! تاني! رفعت و رديت ليهو ، قال لي خلصتي ؟ قلت ليهو لسه ، قال لي لمن تخلصي اديني تلفون ح ارجعك البيت ، قلت ليهو حاضر تمام .. استغربت شديد تاني احمد مالوا ؟ بتصرف كده مالوا ؟ بين يوم و ليله عايز يبقى اخو مثالي ! ما ختيت في بالي ابدااا انو يكون معمر لاقاهو ، فكرت في حاجات كتيره زي مثلا الآخره قريبه ،زي مثلا سمع محاضره عن الاخوات او كده ؟ زي مثلا في زول حكى ليهو قصه مأساوية عن الاخوات .. ختيت سبب لتصرفات احمد بس ما اتوقعت انو يكون معمر اتصل عليهو .. لنهاية اليوم كده دقيت ليهو ، قلت ليهو اني خلصت و كلها ساعه و كان جنب باب الجامعه ، بالنسبه لي فرحتي زادت عشان صحباتي اول مره يشوفو احمد جاي يرجعني ، اول مره يصدقوا كلامي الكنت بقولوا تلاته سنوات و كل مره بتعذر بحجة احمد واقف لي بعيد و احمد قال لي نتلاقى جنب الحته الفلانيه عشان نرجع سوا ، كنت بتعذر عشان يصدقوا اني عندي اخو مهتم بي جدا 😢 المره دي كنت مبسوطه حتى قلت ليهم ارح معاي عشان تسلموا على احمد يمكن تاني ما تلموا فيهو قريب ، مشوا معاي شلة البنات كلنا ، بالنسبة لي مبسوطة شديد لأنو اخوي في حد زاتو وسيم شديييد و مكسر بنات الدنيا ، نزل بي بنطلونو الاسود و قميصو الابيض و ساعتو و عطروا عشان يسلم على صحباتي ، شايفه في عيونهن انهم اتكسروا شديييد 😂😂 ماقادرين يعبروا قدامو بس عارفه انو بعدين مسجاتي حتكون كلها احمد و درديق في احمد ، وقفت جنبو مبسوطه احساس شوفو ده اخوي😢💕 ده حقي انا ، كنت فرحانه شديييد بي وقفتي جنبو و طريقة كلامو الرسميه و بعاين لي حواجبو الغزيره و هو بتكلم و لي غمازتو الظاااهرة شديد لمن يقول ايوه .. سلم عليهم و ركبنا نمشي كنت بعاين للبنات بعين مكاواه

😂😂 و بعمل في حركات بي عيوني و خشمي ، لمحني و انا بتعاور و بكاوي فيهم ابتسم عايز يضحك و قال لي مرقنا ؟ قلت ليهو ارح يا حبيبي 💕 الكلمه دي طلعت مني بطريقه عفوية ، قلت ليهو حبيبي قدام صحباتي لأني كنت بحكي ليهم انو انا مسمياهو حبيبي ، بس قدام احمد كانت اول مره تقريبا اقول ليهو حبيبي 😢 ركبنا العربيه و انا خجلانه ، كأني قلت الكلمه دي لزول غريب .. قبلت على الشباك محروجه من روحي ، ليه العلاقات الأسريه فاقدة للحنيه دي ! ليه الجمود الحاصل ده ؟ ليه بنحس بروحنا عملنا غلط لمن نعبر عن حبنا لي واحد من اسرتنا ؟ ليه السد القايم بين الاخ و اختو بيكون عالي قدر ده ؟ .. كنت حاسه بي اني عملت حاجه غلط عديييل ، احمد حاول يكسر لي توتري ده و قال لي ياسكره اكلتي ؟ قلت ليهو اي اكلتا قبيل قال لي يعني ما جعانه ؟ قلت ليهو اي .. قال لي خسارة راحت عليك بيتزا حااااره من ديبونيرز قلت ليهو لالا ما اكلتا كنت بهظر والله 😂 قال لي كلبه اخت كلب 😂😂 لفى بالعربيه و وصلنا هناك ، قعدنا في تربيزة برانا فيها كرسييين اول حاجه قلتها ليهو عارف يا احمد اول مره دي نطلع فيها برانا ؟ قال لي عارف اي ، لكن ما اول مره تطلعي فيها براك ! قلت ليهو كيف يعني ؟ قال لي كيف كيف ! اوريك كنتي بتطلعي مع منو ؟ قلبي هنا بررررد و طوالي شريط علاقاتي الكتيرة مرا علي و كنت بحاول استجمع سرييع ياتو واحد من الجكس الزمان جيت معاهو هنا😂😂 عاين لي مضطربه كده قال لي يابت وشك حيقع من الخوف ، كنت بهظر خلاص اتطمني😂😂 قلت ليهو والله صحي كلب😂💔 جابوا لينا البيتزا و اكلناها حاااره و قمنا طوالي ما اتأخرنا ، في الطريق قال لي ياسندس في بت عايز اعرفك عليها في اليومين الجايين ديل قلت ليهو بت كيف ؟ قال لي بت يعني بت ، قلت ليهو حبيبتك ؟ قال لي اي عايز اتقدم ليها ، بس عايزكم تتعرفوا عليها اول .. طوالي ختيت في راسي يكون ده سبب تغيروا معاي ؟ عايزني احب البت و ادخلها في نصنا عشان يحبوها امي و خنساء؟ 😒 قلت ليهو ايوااااا .. قال لي مالك ؟ قلت ليهو البت اسمها منو؟ قال لي اسمها جنات 💜 قلت ليهو و ليه يعني عايزني اتعرف عليها انا اول ؟ قال لي لاني كنت بحكي ليها عن اختي الصغيرة و كده ، و حبت تتعرف عليك انتي اول .. قلت في سري يحكي عني ؟ ياربي احمد ده فراس قاعد يزوروا بهناك ولا شنو ؟ 😂😂 قلت ليهو المهم اتفقنا يازول بس كان ما اشتريت لي لبسه ظااابطه ما بمشي معاك نقابلها ولا حاجه 😂😂 قال لي استغلاااليه للآبد بس😂خلاص بشتري ليك الدايراهو .. اول ما وصلنا البيت سلمنا على امي و خنساء و دخلنا جوه 💜 براااي دخلت الحمام استحميت و اتوضيت طوااالي ، لبست العبايه ووقفتا صليت العشاء .. احمد كان جاي داخل الغرفه لقاني بصلي ، ابتسم و طلع بعد انتهيت من الصلاة جاني تاني قال لي مبسوط منك شديد 💜 كلمتو دي كانت بالنسبه لي سبب كافي جدا يخليني انوم مرتاااحه ، قعد جنبي مواجهني في المصلايه و شال المصحف بتاعوا قال لي عايز اعلمك حاجه ، قبل ما تنومي كل يوم تمسكي مصحفي ده و تقري اربعه صفحات كل يوم لحدي ماتلقي نفسك ختمتي المصحف 💜 شهر شهرين المهم ما تستعجلي و ما تقري بشفقه عشان تختمي المصحف ، اقريهو برواااقه شديييد و ماتزيدي على الاربعه ديل .. قلت ليهو حاضر و ختيت المصحف في التربيزة الجنبي ، كأني ما مهتمه لكلامو قال لي لو عملتي كده الليله و بديتي انا ح اعلمك حاجه تحقق لي اي شيء دايراهو في لحظتها قلت ليهو كيف كيف؟؟ قال لي لمن تعملي كده اول وقام خلاني في المصلايه .. رغم انو ابوي وامي واحمد ملتزمييين بالصلاه و القران بس انا وخنساء نهااائيا ما كده ، انا بالذات يمكن اكعب من خنساء ، ماعارفه ليه انا بعيدة عن المصحف و يمكن بتمر شهووور كتييييرة مابكون شفتو هو قاعد وين ولا فتحتو ، ولا حتى يس ما قريتها .. روتيني واحد اساسا و القران ما ضمن الروتين ده للأسف💔 كتشويق للقصه القالها احمد ، شلت المصحف بتاعوا و قريت الاربعه صفحات ، بت جامعيه بتتلعثم في القرايه و نفسها بتقكع و دقات قلبها بتزيد في اربعه صفحات؟ بت بتقرا كم لغه في الجامعه ما قادره تقرا كلام بالعربي ؟ انا بقرا في الصفحات حسيت بقدر شنو انا انسانه ماعندها قيمه ! صفحات ما قادرة اقراها كويس ؟ لمن تميتها زعلت ، زعلت شديييد من روحي مشيت لي احمد في الصالون راقد بتفرج ، قلت ليهو احمد انا تميت القرايه ابتسم و قال لي طيب صاره مالك ؟ قلت ليهو مافي حاجه طيب وريني بس ، قال لي ايواا انتي عايزة تعرفي الحاجه البتحقق ليك طلباتك صح؟ 😂 قال لي طيب ياستي ، تصلي ركعتين وتقري يس بالمبين ، قلت ليهو كيف ؟ قال لي كل ايه بتنتهي بالمبين تقيفي فيها ، و ترجعي تقري تاني من الاول و تقيفي في المبين التانيه و كده كل مره ترجعي لحدي ما تتمي السبعة مبين الفي السورة .. يا تقريها بعد الركعتين يا تصلي 14 ركعه في كل ركعه تانيه تقري مبين .. قلت ليهو و بعدها ؟ قال لي بعدها تقعدي تتدعي بالحاجه العايزاها و براها بتحصل ليك .. قلت ليهو طيب تصبح على

خير💜 قال لي وانتي بخير ، كان يوم حلو بالنسبه لي حاجات كتيره حصلت جديدة فيهو ، كان يوم كلو حب 💜 نمتا و حلمت بفراس قاااعد حكيت ليهو اي شيء حصل خلال اليوم كان هو برضو مبسوط و بسمع فيني مبسوط شديييد بس اول ما خلصت نمتا نومه عميييقه ، صحيت الصباح كان اول زول في بالي معمر ، عايزة الاقيهو و احكي ليهو الحصل معاي امبارح و انو فراس أول مره ما يقعد معاي كتير ؟؟!
#نتابع

#إيلوزيانيس
بقلم سندس مالك
-٩-
قمتا من الصباح ، عايزة اقابل دكتور معمر .. قلت اصارحوا بمعاملة اخوي احمد قبل كده كانت كيف وهسي بقت كيف لأني لو ما صارحتو ما حيفمهني انا مبسوطه مالي ، دخلت العيادة قالوا لي دقايق انتظري معاهو ضيفه جوه قلت طيب انتظر شويه لأنو ما دايما بنتظر فقلت دي بتكون مريضه ، لكن البت الفي الاستقبال كانت بتتكلم مع الولد و بتقول ليهو حلوييين ياخ و جايين مع بعض غفران و دكتور معمر ديل سمحييين خلاص .. ياريت امورهم تتم على خير و الولد كان برد ليها اللهم امييين يارب العالمييين .. سمعت الكلام اثناء ما انا بتصفح في الفيسبوك ، قلت انا مالي و مالوا يرتبط او لا دي ما حاجه بتخصني ، بس شويه كده و الأسئلة اشتغلت في مخي ياربي خطيبتو ؟ ولا حبيبتو بس ؟ يكون متزوج و انا ما لاحظتا ؟ طيب البت ما كان قالت ربنا يتم على خير .. يكونوا متشاكلين حاليا؟ تكون البت قصدها ربنا يتم على خير و مرتو حامل؟ يكونوا مالهم الاتنين ديل!! خلاص ياسندس انتي ما ليك دخل انتي هنا مريضه و بتتعالجي عندو ما تشتغلي بيهو ولا بهمك الموضوع تمام ! مخي كان شغال حوارات مع نفسو و عدت نص ساعه بفارغ الصبر متشوقه اشوف شكل غفران كيف ، فتح الباب و طلع معاها هو زاتو بسلم عليها في يدها و بقول ليها اول ما تصلي وريني ، كانت بت حلاتها شديييد 😢 لابسه تونك طويييل ابيض مخطط بالاسود و طرحه بين الرمادي والاسود و شنطه بيجي .. ساعتها من ck بت انيييقه شديد و ده وااضح من شكلها ، حسيت بالإحراج من شكلي المبهدل و عدم اهتمامي عاينت ليها جميله شديد ! و هي محجبة ! راقية جدا و محترمه ، يمكن بحبها عشان كده ؟ عاينت ليهم الاتنين واقفين و زعلتا وصريت وشي بوضوح ، ما عارفه ليه زعلت ولا اتضايقت و لا احتمال حسدتها ! عاين لي قاعدة قال لي اوو سندس وصلتي ،تعالي اتفضلي .. قمتا على حيلي و مشيت ليهم قال لي غفران .. سندس .. سندس.. غفران 💕 سلمنا على بعض انا وهي مبتسمين اهليين ، يدينها ناعمه 😭 ناااعمه شديد ، ما عامله منكير ! و ضفورها مقصقصه ؟ البت دي بتتشاف ملاااك و نضيييفه كده كيف ؟ حتى الاسبوىت الابيض مع بنطلون الجينز الغامق يفتح النفس 😢 كيف بتكون مرتبه و نضيفه كده و الطرحه ثااابته و الملامح جميله و واضحه ، حسيت اني مطفيية من الوجود قدامها .. دخلت للمكتب و نفسي اتسدت زاتو من الكلام .. هي مشت و معمر دخل و قفل الباب قال لي كيفك ياسندس؟ طولتي ! ليك يومين ؟ قلت ليهو معليش كنت ملخومه مع الجامعه ، قال لي كيف صحتك و اخبارك ؟ قلت ليهو الحمد لله تمام والله . كان نفسي اسالوا غفران دي مرتك ولا خطيبتك ؟ عاينت لي يدو الشمال لقيتو لابس خاتم فضة ، قلت خلاص حتكون مرتو او عاقد عليها .. لأنو الخاتم في يدو الشمال بدل على كده .. قال لي الجامعه كيف؟ قلت ليهو تمام والله .. كان شايف ردودي مختصرة شديد فقال لي مالك ؟ في زول ضايقك الليله ؟ احكي لي ؟ .. أنا بحاول ارجع روحي من المنعطف الماشي عليهو تفكيري ده ، معمر دكتور و اكيد تعاملوا حيكون كده راقي و بتهذيب و بحنان معمر ما بعاملني كده عشان انا سندس او مميزة عندو ، تعاملوا حلو مع اي زول ، انا ما مفروض انجرف لي سكه تتوهني و يبقى لي ده مرض جديد ، رغم انو اهتمام معمر بالنسبه لي شايفاهو حاجه بتخصني انا عشان كده احتمال زعلت لمن شفت غفران دي ، بحاول اخلي مخي يستوعب انو انا مريضه و هو دكتور و التعامل ده حيكون كده .. قلت استغفر الله في سري و رديت ليهو لا والله ما متضايقه ، بالعكس جايه احكي ليك حاجات كتيرة الليله ، قال لي اتفضلي و ده الأنا كنت منتظرو و ابتسم لي .. ابتسامتو بتخلي اي وحده تحبو ياخ😭😭😭 ياسندس اثبتي و اركزي و ما تنجرفي طوالي ياخ ، حاولتا اتجاوز ابتسامتو الكساارة ، و رديت ليهو بابتسامه معمر انا ما عندي اولاد خالة و اخوي ما بعاملني كويس لكن كنت بقول للناس البره كده عشان البنات عندهم اولاد اهل حلوين و بعاملوهم حلو و بهظروا و بطلعوا معاهم و بفسحوهم و بختوا الحاجات دي كلها استيتوس و انا بشوفها ، حقيقة انا عندي اولاد اعمام بس و ما متواصلين معاهم و لابعرفوا لي حاجه .. كنت مستغربه انو الناس البره عايشين حياة حلوة كده كيف مع اهلهم؟ مع معارفهم؟ قلت لي انا ما يكون عندي زي البنات اخو و اولاد خالة زيهم .. فكنت بحكي لصحباتي عن الحاجات الحلوة الأنا كان نفسي فيها شديد .. كان نفسي تحصل لي و تكون عندي زي بقية الناس ، قال لي ليه ما قلتي لي اخوك انو نفسك في الحاجات دي ، يعني ليه مثلا ما قلتي اتصل عليهو و اقول ليهو يا احمد انا عازماك الليله ، كان حيرفض؟ ما اظن لي في اخو برفض حاجه زي دي لي اختو الصغيرة بالعكس ممكن تفرحوا كمان ؟ قلت ليهو انا بخاف من احمد بخاف منو شديد ، كيف ح اقول ليهو انا عازماك وانا بخجل منو ، لو احرجني ؟ قال لي يعني انتي خايفه يحرجك ويقول ليك لا؟ قلت ليهو اي .. قال لي طيب واصلي لي كلامك ، قلت ليهو لكن مع مرور الوقت صحباتي بقيت احس بيهم ما بصدقوني ، مرات بلمحهم بتغامزوا و

هم بقطعوا فيني او بهمسوا لبعض ... مرات بكون بحكي ليهم بقصصنا انا و اولاد خالتي و عادي يقطعوا كلامي في موضوع جديد وكأنوا موضوعي ما مهم ، قال لي و بتزعلي ؟ قلت ليهو اي بزعل شديد .. قال لي رغم انك عارفه انو الموضوع وهمي وما حاصل و بتزعلي ! ليه بتزعلي؟ قلت ليهو بزعل شديد وبمشي بعيييد منهم مرات ببكي و مرات بتشنج ، و بغضب قال لي بتغضبي لأنو الدايراهو ما حصل ليك .. لانو صحباتك اتجاهلوا كلامك الشاكيين فيهو و الإنتي عارفاهو كذب ، عارفه ليه بتزعلي ؟ بتزعلي من نفسك ياسندس ما من صحباتك ، بتلومي نفسك و بتقولي انا بعمل كده ليه ! لأنو جواك في شخصيتين والاتنين انتي ماقادرة تتحكمي فيهم .. قلت ليهو لكن امبارح حصل الكلام الكنت دايراهو كلو دي ماحاجه غريبه! قال لي حصل شنو ؟ قلت ليهو احمد كان بتعامل معاي بطريقه غريبه ، من الصباح و لحدي المساء . كان مهتم بي شديد ! ماعارفه مالوا ! قال لي طيب دي مش حاجه كويسه؟ قلت ليهو اي حاجه كويسه و انا اتبسطت شديد امبارح بس كنت مستغربه منو يعني ... قال لي طيب حكيتي لفراس؟ قلت ليهو ده الكنت دايره اقولوا ليييك ، فراس ما اتكلم معاي كتير في النوم و بالعكس مشى طوالي كمان ! ما زي كل مره انا بس حكيت ليهو بي احمد و هو مشى .. معمر ضحك 😂😂 و عاين لي قال لي يكون بغير عليك حتى من اخوك ، 😂انا زاتي ضحكت معاهو قلت ليهو احتمال برضو مش ، قال لي طيب بالنسبه لي انا دي حاجه كويسه ياسندس 💜 يعني في امل ، قلت ليهو امل ؟ قال لي سندس ح اتكلم معاك بقسوة شوية ، انتي حاليا في مرحله خطيرة شوية ... حيبدا فراس يخلط الامور في احلامك ، حتشوفي انو كلامو صح و احمد بدا يتصلح معاك ، و كل الدايراهو بديتي تلقيهو .. ما عايزك تختي احتمال ولو بسيط انو البحصل ده الفضل برجع لفراس ، سندس فراس ده مفروض تعترفي بي انو شخصية وهمية مؤثرة عليك بطريقه ممكن تبعدك من الدنيا .. قلت ليهو نعم!! فراس ما حاجه وهميه ، قال لي زي ما انتي اتقبلتي اولاد خالتك الناسجاهم من مخيلتك اتقبلي انو فراس ده حاجه زيهم نسجتيها من مخيلتك خوف من انو تكوني وحيدة ، قلت ليهو معمر يعني انت قصدك انو انا مريضه و بتهيأ وجود زول اسمو فراس؟ اي صاح انا كذبتا في اولاد خالتي لكن انا عارفه اني كذبتا ما زي فراس ، فراس براهو .. قال لي لا ما براهو .. قلت ليهو معمر انت قصدك اني بكذب؟ قال لي ما بتكذبي لكن مافي وجود لشخصيه اسمها فراس في الواقع ! انتي مقتنعه بي انك بتتهيأيهو و بالتالي اقتنعي انو كذبه زيو زي اولاد خالتك . قلت ليهو معنر انت بتتكلم كيف ! فراس مازي الناس قلت ليك ، وقفت على حيلي كنت عرقانه و برجف و غضبتا شديييد من معمر قلت ليهو غلطانه انا لأني صدقتك انك مصدقني من البدايه ، انت خاتي في راسك اني مجنونه صح ؟ بتعاملني كده صح؟ تاني انا ما جايه هنا ابدا ، مرقتا منو و مشيت انا كلي عرقانه و بتراجف .. و باكل في ضفوري ، ورجعت لحركة انتف شعري من النص مجرد نقاش رجعني لحالتي الاولى ..

#تابعوني 💚

#تنبييييه🚨
انو القصه واقعيه للبسألوا ..

#إيلوزيانيس
بقلم سندس مالك
-١٠-
رجعت بيتنا مصدعه شديييد ، قعدت في الغرفه باكل في ضفوري و غضبانه شديد من معمر ! خلاص فهمت انو قايلني مجنونه و بتهيأ و ما مصدقني ، زي الدكتورة برضو ! ما بفرق شيء من الناس .. بس بعد شوية اتذكرت غفران و غضبتا زيادة انا ما عارفه بالضبط المغضبني شنو ! كلامو معاي ولا لأنو طلع مرتبط ! قعدت شويه كده في السرير بجر في شعري و بقطع فيهو من النص و انا سرحااانه ، جاتني صورة غفران في وشي .. البت دي جميلهه كده كيف! بدون شعر بدون ميكب ! انا كنت متخيله اي وحده محجبه مبهدلة و بتتبهدل زيادة بالطرحه و اللفات الغبيه البشوفها ديك كرهتني الحجاب زيادة ؟ غفران دي جميله و نضيفه كده كيف ؟ قمتا على حيلي دخلت الحمام وقفتا قدام المرايه ، ساااعه بعاين لنفسي في المرايه ، مابشبه البنات كده مالي! ما بهتم بي نفسي مالي ؟ انا عايشه في عالم تاني ليييه ؟ انا حياتي كئيبه كده ليه ؟ قعدتا في الارض بتاعت الحمام و بكيت الكحل كان سايل و سال زيادة بعد البكا و الدموع الطلعتها 😭 قمتا تاني و وقفتا في المرايه سرحانه في روحي ، انا حلوة ، ملامحي حلوة و الله 😭 انا احلى منها بكتير .. طيب ليه بتشاف مضلمه كده ؟ و انا في الحمام اتذكرتا كلام ابوي الله يرحمو ، لقاني يوم قاعدة بصلي و انا صغيرة جا قعد جنبي في المصلايه و حضني عليهو مسااافهه كده و قال لي يا سندس عارفه انتي حلوة كده ليه؟ و ملامحك حلوة ؟ قلت ليهو ليه يا ابوي؟ قال لي اي زول في الدنيا في وشو في نور واااحد بخليهو يتشاف جميل الملامح ، النور ده بخلي الناس تنجذب ليهو وترتاح ليهو و تحبو ؛ النور ده بخلي عندو هيبه في اي مكان يمشيهو .. لو الزول حافظ عليهو بعيش جميل الخلقه والاخلاق و لو ما حافظ عليهو بكون مضلم و باهت و وشو كئيب و الناس ما برتاحوا ليهو ولا بحبوهو .. قلت ليهو نور شنو ده يا ابوي ؟ قال لي نور التقوى عارفه بجي من وين ؟ من الصلاه الصحيحه البخشوع و من قراية القرآن و من النيه الطااااهرة البيضا السليمه و من القلب الابيض المافيهو امراض القلوب الحسد والحقد و الغل .. النور ده انا شايفوا فيك يابتي و شايف عندك درب اخضر وااااسع لقدام و شايف انو انتي الوحيده الفي اولادي الحتكوني لي خلف صالح في الدنيا دي❣ ... النور ده ظاهر من ملامحك الجميييله ، اتذكرت كلام ابوي و انا سرحانه في المرايه في ملامحي البقت ما مريحه لا لي ولا لمخلوق غيري .. انا كيف كنت صلايه وبقرا قرآني و بسبح ! و كنت بقرا قصص الأنبياء و زوجات الرسول و ده كلو و انا صغيرة؟ كيف بقيت بنت بالطريقه دي لمن كبرت ؟ متين هجرت السنه دي كلها ! بالأصح هجرت الدين كلو ؟ ده السبب العكس علي حياتي؟ ولا السبب وصية ابوي دي قبل ما يموت " حافظي عل صلاتك " وكأنوا كان شايف قدامو ملك الموت و هو بناديهو . بعد وصيتو دي بي تلاته ايام فارق الدنيا و فارقني للآبد .. كان شايف دربي الآخضر كيف ؟ و انا بعد فراقو فارقت الطريق الصاح كلو ! .. طلعت من الحمام قعدت في السرير بعاين للمروحه في السقف بتلف ، المصلايه مركونه هناااك في الزاويه و انا بي هنا بعاين للمصحف مركون هنااااك .. قمت عليهو وقفت عاينت ليهو و للمصلايه اتذكرت كلام احمد و قراية يس بالمبين ، سألت نفسي ياربي احمد ده كلامو صاح؟ في سري كده قلت لو صاح كدي اجربها في معمر ؟ و انا بضحك مع روحي قلت ادعي بشنو طيب؟ قلت ادعي انو يكون ما مرتبط؟ طيب لو احمد كان بهظر معاي ! خلاص كدي اجربها و دخلت اتوضيت ولبست العبايه و جيت وقفتا كبرتا .. قريت لحدي المبين الاولى في الركعتين الاوائل و سلمتا و تاني ركعتين و فيها لحدي المبين التانيه و وقفتت وسلمتا .. لحدي ما صليت ال 14 ركعهه و خلصتها .. و قعدت دعيت اول بي إنو ربنا يهديني و بعدها يشفيني و بعدها لو معمر ما مرتبط ربنا يحببني ليهو .. و في لحظات رجعت زي الطفله البريئه البتتطلب من ربها طلب بسيط بطريقه بسيطه بدون تكلف ، يارب انا حاسه اني بحبو فا لو هو بحبني اجمعني بيهو .. رددت الدعاء ده كم مره كده وكأني بطمن في روحي انو ربنا حيستجيب ❣ تكون دي النية الصافيه القصدها ابوي؟ بعدها شلت المصحف وقريت الاربعه ورقات زي ما وعدتا احمد اني اقراهم ، بعد ما خلصت قمتا على حيلي و رقدتا في السرير شلت السبحه و بديت استغفر بس ، لحدي ما نمتا و انا ماسكاها احمد جا بالليل دخل لقاني نايمه كده في الغرفه براي و امي و خنساء في الحوش راقدين بتونسوا .. صحاني سندس قومي اتعشي جبت بوش ظااابط قومي ، قلت ليهو ماقادرة والله يا احمد جسمي واجعني قال لي معليش قومي اكلي برضو امي قالت لي ما اتغديتي ، قلت ليهو ماقادرة والله تعبانه شديييد و جسمي واجعني كلو😭 خلوني انوم .. قال لي حاضر طيب قومي ارح الحوش .. وقفني لاني كنت مدروووخه ونعسانه ، ساعدني اطلع العبايه بتاعت الصلاه و ساقني للحوش بره اترميت في السرير زي الجثة والهواء البااارد داك لمن ضربني نمت نومه ❣كانت نومه عميييقه ومريحه ، ما عارفه السبب كان شنو! البكا الريحني ؟ ولا ا

لقران القريتو ؟ صحيت الصباح و انا مرتاحه شديد ، كان نفسي اصلي الصبح ❣ صليتو قبل ما اطلع للجامعه .. لبست و طلعت بدري بعد ماشربت مع امي شاي اللبن بالصباح ، ركبت المواصلات و انا بعاين للناس بعين غريبه ! قلبي قبضني؟ اكون دايرة اموت ؟ انا ما طبيعيه ؟ امبارح نمتا بدون احلام؟ بدون اي شي! و الليله حاسه عيني ما عين دنيا ؟ نزلت من الحافله بقلبي القابضني ده والله و اتمشيت في الكبري .. ماشه بدون وعي و بدون هدف ..
احمد صحا و مشى الشغل ، و قرر يغشاني نهاية اليةم ويرجعني البيت معاهو لمن وصل للجامعه اتصل علي كم مره لكن تلفوني كان صامت ،قرر يدخل الجامعه و يشوف واحده من صحباتي مشى مكان الكفتريا الأساسا بنقعد فيهو لقى جمانه من شلتنا سألها طوالي سندس وينها؟ خلصتو ولا لسه! لاني بتصل و مابترد علي قلت احتمال تكونوا في محاضره او كده ! قالت ليهو سندس الليله ما جات و ماشفتها من الصباح ، قال ليها ماجات؟ كيف يعني ما جات ! قالت ليهو والله ماشفتها في القاعه كلوو كلوو حتى أسأل دينا؟ قال ليها تمام طيب ، وطلع بالعربيه و لسه بتصل وانا اساسا عاملاهو صامت .. طوالي اتصل على معمر سلم عليهو وقال ليهو يادكتور اسف للإزعاج عايز أسألك سندس جنبك؟ قال ليهو ابدا ما جات لسه للجلسه ! مش مفروض تكون في الجامعه؟ قال ليهو ما مشت من الصباح غشيتها هسي وصحباتها قالوا ما شافوها الليله ، معمر قال ليهو كيف يعني!! مالاقوها من الصباح ؟ مشت وين طيب ! قال ليهو دقيقه طيب اتصل على ناس امي .. اتصل لي امي وقالت ليهو انا عند ناس عمتك الهام و سندس ما جات البيت لو جات كان ورتني ، قال ليها يا امي بتك ما مشت الجامعة الليله اساسا ، قالت ليهو كيف يعني مامشت ؟ قال ليها اتصلي طيب لجارتنا عزيزة خليها تشوف الباب مقفول ولا مفتوح ؟ لمن امي اتصلت و أكدت ليهة عزيزة اني ما رجعتا لسة .. القلق دخل قلوبهم التلاته و اتصلوا لخنساء في الشغل و بدوا يفتشوا فيني و يسألوا الناس الأنا بعرفهم و معمر 💔 كان بتصل على المستشفيات و بوصف ليهم الشكل و الملابس الأنا كنت لابساها ، كان بيسأل اذا في بنت جات بالهيأة بتاعتي .. احمد💔 كان لافي الاقسام بسأل مني اذا في حادث حصل لي او كده .. خنساء💔 كانت بتتصل على صحباتي وحده وحده وبتهدي في امي الكانت منهارة من البكا وافكارها بتودي و تجيب ، و مع ده كلو ما فكروا يرجعوا للبيت تاني .. انا بعد الضهريات كده رجعت البيت و استحميت و نمتا على تلفوني المغلق💔 قفل من كترت التلفونات الجاتني مم ارقام غريبه و منهم ، طول المسافه دي انا ما عاينت للتلفون .. نمتا و ختيتو تحت المخده .. احمد لمن قنع من المستشفيات و الاقسام جا لي امي وخنساء عن الهام عشان يسوقهم معاهو و يفتشوا ، كان العصر قرب و معمر تفكيرو اتشل 💔 كل دقيقه بتصل لي احمد بسألوا اها عرفت حاجه؟ ما ردت لي طيب ما ردت عليكم ؟ .. لحدي ما احمد الاعصابوا تلفت خلاااص رجعهم البيت فتحوا باب الشارع ، و دخلوا خنساء اول ما فتحت باب الغرفه صرخت بصوت عاالي احمد سندس هدي قاااعده .. جوا جاريين ليها هو و امي عاين لي مرميه في السرير نايمه بالشراب و جزمتي مليانه تراااب و الاسكيرت مترب من تحت و البلوزة و الطرحه واقعه في السرير التاني مع الشنطه في التربيزة في مفتاح البيت ، و تحت المخده في التلفون احمد لمن شافني اعصابوا باظت اكتر و كأنوا هبط اول حاجه رفع المخده يفتش التلفون لقى التلفون مقفول ، فتحوا لقى 147 مكالمة فائته💔💔 هبش تنفسي عشان يعرفني بتنفس! صحيت على هبشتو ، لقيتهم التلاته واقفين في راسي قلت ليهو بسم الله مالكم ؟ امي كانت عايزة تنفعل فيني من الزعل و من الخلعه الدخلتها فيهم ، احمد سكتها و قال ليها دقيقه ما تخلعوها ، سألني انتي كويسه؟ قلت ليهو اي كويسه ؟ قال لي متأكده ؟ قلت ليهو اي .. عاين لي مسااافه و قال لي كنتي وين ؟ اللحظه دي ما استحملتا و بكيت قلت ليهو مشيت المقابر💔 وبقيت بتخنق طوالي قومني حضني عليهو 💔 قال لي امي وخنساء اطلعوا بره ، لأنو اساسا خنساء بدت تبكي اول ماقلت المقابر💔 .. اول مره احمد يضمني عليهو كده💔 كان ساكت ، رغم زعلوا من خوفو علي و رغم انو كان متوتر و مرعوب و تعبان من التفتيش الا انو ضماني شديييييد💔😣 قال لي انتي عارفه خوفتينا عليك قدر شنو! قلت ليهو انا اسفه ، قال لي انتي عارفه انتي غااالية عندنا قدر شنو ! اللحظة دي سكت بس ، الكلام البطلع من الاخوان بالطريقه دي❣ راحه نفسيه اكتر من الحب والارتباطات المزيفه .. قلت ليهو اسفه والله .. قال لي تاني ما تتكرر قلت ليهو اسفه يا احمد .. قشى لي دموعي و قال لي قومي استحمي و غيري و تعالي اتغدي ، قمت استحميت و صليت العصر و طلعت بره الحوش اتغديت معاهم .. انا اول مره اشوف الحب ده في عيون اهلي!❣ انا مهمه للدرجه دي؟ تلفونات معمر الكتيييرة دي كانت لشنو ؟ كنت مستغربه انو معمر اتصل علي كتييير ليه ! ما بالعادي كده .. بعد اتغديت مشيت رجعت ليهو بتلفون، قال لي ماجيتي الجلسه مالك ؟ قلت ليهو مشيت مشوار

قال لي طيب .. قلت ليهو تلفوناتك الكتيرة دي عشان تسألني ماجيتي ليه؟ قال لي افتكرتك زعلتي و اتضايقتي من امس لكن مافي مشكله ممكن نعوضها بكره ان شاء الله قلت ليهو طيب سلام وقفلت على كده منو ، اتغظت شديد 💔 مشيت لأحمد و هو راقد في الصالون قعدت جنب رجلينو بعصر ليهو قلت ليهو احمد ممكن اطلب منك حاجه ؟ قال لي قولي ياسندس .. قلت ليهو انا عايزة قروش قال لي مالك ؟ قلت ليهو عايزة اشتري ملابس جديدة .. قال لي طيب ان شاء الله بس اصبري لي لنهاية الاسبوع الرواتب بتنزل بديك قروش تكفيك بإذن الله قلت ليهو حاضر😌 قمتا على حيلي ، قال لي يا زفته تمي العصير ده ! يعني استغلال بطريقه كده غايتو الحمد لله بس😂😂 قلت ليهو جيت اسألك من طلب ولقيت الرد اعصر ليك لشنو تاني ؟🙃💔 قال لي اصبري بس نهاية الشهر لسه ماجات 😂... كان نفسي اكون غفران💓 اكون بشبه غفران في تفاصيلها كلها .. و مرات الغيرة بتولد إنسان جميل جواااك 💓

#تابعوني💓💓

#إيلوزيانيس
بقلم سندس مالك

-١١-
اخوي أحمد اداني مصاريف يوم السبت قال لي اشتري العايزاهو مشيت سوق بحري يوم الاتنين من الصباح في محل بتاع تونكات طويله و بناطلين رهييييب ، اشتريت زي تلاته تونكات و طقمتهم مع الطرح الشفون الخامه التركية الأصليه ، و إسبورتات تلاته .. يعني زي تلاته لبسات مطقمااات و جيت نازله للكوفير قلت ليهم عايزة استشوار و اظبط وشي ، عملوا لي حاجاتي و طلعت و فعلا اي تغيير بسيييط في الزول ممكن يتسبب براحه نفسيه كبيرة 💓 طلعت من مكاني مبسوطة انو شكلي اتغير شديييد و بقيت حلوة شديييد ، لمن رجعت البيت امي استغربت فيني شديييد قالت لي يابت زايدة حلا كده مالك عملتي شنو! قلت ليها مشيت الكوفير قالت لي لكن والله ملامحك لمن ظهرت ، ضحكت و دخلت جوه اخدت لي حمام منعش و صليت الضهر و العصر سوا ، و فتحت المصحف و بديت اقرا سورة مريم💓 تميتها و قعدت في سريري اسبح بعداك ، خنساء جات راجعه بدري اليوم ده 💓 كانت تعبانه من السخانه و الجو .. دخلت قالت لي كيفك ؟ و طوالي للحمام و بعدو صلت وجات واقعه رقدت حتى ما كانت ملاحظه لي ، لمن اتقلبت و هي شبه مدروخه بتسأل فيني اتغديتو بشنو ؟ قلت ليها لسه ما اتغدينا يادوب كانت عاينت لملامحي وصرخت 😍سندددددس😍😍😍 ده شنو ياسندس 😍😍 قلت ليها براحه مالك 😂😂 بس مشيت الكوفير قالت لي العمل ليك حواجبك منو 😍 بقيتي مبالغه لكن 😍 في شنو مالك التغييير ده .. و فجاة صحصحت بعد ما كانت نعسانه ، قعدت في نص السرير رفعت لي شعرها كعكعه و قالت لي الفي الاكياس دي شنو ؟ قلت ليها اشتريت حاجات .. امي جات داخله علينا بالشاي قالت لينا الجوطه في شنو؟ مالكم؟ قلت ليها اقعدي يا امي نفرجكم سوا .. قمتا لبست اللبسه الاولى بتطقيمتها ، و التانيه و التالته و هم بعاينوا وخنساء مخلوعه قالت لي حلواااات شدييييد😍😍 الاداك قروش منو قدر ده و مشيتي ياتو سوق؟ قلت ليها اداني احمد و مشيت سوق بحري من الصباح ، امي قالت ليها والله قامت بدري عملت حاجاتها و رجعت خلعتني والغتيته غامده القروش و ساكته ولا جابت لي خبر 😂😂 خنساء قالت لي ولييه احمد يديك و مايديني؟ امي ردت عليها انتي عاد بشغلك ويصرفوا عليك؟ قالت ليها حق الأخو ده برااهو قلت ليها خنساء والغيرة لكن 😂💔 اسمعوني انا عايزة اقول ليكم حاجه لكن لمن يجي احمد بصرح بيها ، خنساء قالت لي والله لكن ماعرفت الحب الكبير ده شنو بينك انتي و احمد .. قلت ليها مالك اخ و اختو البحشرك بين التومه و بصلتها شنو ! امي فكت الضحكه قالت لي اسمها الفولة و قشرتها 😂😂😂 غايتو لكن مابتعرفن اي شيء كدي اقعدوا اشربو الشاي و بطلوا المناقرة ، الباب دقا مشيت فتحت لقيتو احمد قال لي ازيكم ؟ قلت ليهو كويسين الحمد لله جييت في وقتك ولد حلال والله تعال .. جا معاي للغرفه سلم على امي و خنساء و قعد تااني عملت عرض الازياء 😂😂 و وريتو لبسي عجبو شديد .. خنساء قالت لي اها احمد و جا قولي الشمار سرييع روحي حرقتني، قلت ليها غايتو جنننك شمشرة مباالغه .. احمد قال لي في شنو ؟ قلت ليهم انا سندس من الليله اعلن اني سوف اكون محجبه من يوم بكره و اني ح التزم بالحاجه دي لنهاية عمري💓 بإذن الله و الله يقدرني على الإلتزام .. بعد خلصت لقيتهم التلاته مبحلقين فيني ؟ احمد قال لي سندس واعيه لكلامك ؟ متأكدة انك دايرة كدة ؟ القرار ده ما حاجه الزول بعملها بين يوم و ليله.. و القرار ده الزول ما بتراجع عنو ابدا يعني تاني مافي فك شعر لافي اعراس لا في اي مكان حتى عرسك زاتو ، حتلتزمي باللبس برضو لازم يكون واسع و فضفاض و محترم ؟ الحجاب ما طرحه بس ولا حماس ساي كده .. قلت ليهو احمد انا واثقه من قراري و عارفه يعني شنو حجاب يا احمد .. قال لي كان كده تعالي ادي اخوك حضن كبييير💓💓 مبسوط منك شديييد ، قام على حيلو و باسني في راسي💓 و قال لي مبسوط بيك شديييد ، خنساء قالت لي انتي جاااده يعني تاني مافي شعر شعر كلو كلو😂😂 قلت ليها كلو كلو .. قالت لي والله لكن حظك و الله يهديك اكتر ، يعني بقيت انا منحرفة البيت الوحيدة😂😂 امي قبلت عليها الله يهديك انتي يا الكبيرة و عويرة .. قومي ختي لينا الغداء يابت قالت ليها حاااضر يا امي و لمن قربت للباب اتلفتت عاينت لي وقااالت لي عشان الخبر السمح انا كل شهر ح اطلع ليك 1000 جنيه من المرتب حقي و اثبتها ليك ان شاء الله عشان ما تقولي احمد براهو البديك 💓💓 قلت ليها خنساء صححي 😍 جيت جاريه ليها حضنتها حضن فررحه كده و مشيت .. اتغدينا و بعدها اي زول مشى يشوف الوراهو شنو ، كان بالنسبه لي يوم التلات زي يوم العيد 💓 نفسي اشوف وش معمر عامل كيف .. صحيت الصباح جهزت روحي و لبستا و لفيت الطرحه لفه حلووة شفت الخطوات من الانترنت ..طلعت لي امي و احمد بشربوا في الشاي صبحت عليهم احمد قال لي ياصباح الورد يا جميل انت ماشاء الله .. قلت ليهو ما تخجلوني ياخ 💔 قال لي انتظريني اوصلك قلت ليهو لالا بمشي عايزة اتمشى لحدي الزلط عاين لي كده و قال لي طيب .. سلمت عليهم

و طلعت لحدي الزلط ركبت المواصلات كنت متشوقه لشوفة معمر شديد 💓 وصلت العيادة ما كان في زول غير المرة البتنضف قالت لي لسه مافي زول جا قلت ليها ما مشكله عارفه الدكتور بجي بتين قالت لي ولا ناس الاستقبال مافي بجو الساعه تمنيه كده، قلت ليها ايوة عارفه ما مشكله عاينت لي وقالت لي اتفضلي طيب قعدت بره في الاستقبال الساعه تمنيه لمن جات جوا ناس الاستقبال و بعدهم معمر جا داخل 😍 عليكم السلام و دخل ، ما لاحظ لي قاعده 😂😂 كان قايلني وحده من المرضانين و قاعده منتظراهو .. قمتا عشان ادخل وراهو بتاعت الاستقبال نادتني ، قالت لي يا استاذة ممكن اخدمك بشنو؟ قلت ليها انا جاية اقابل دكتور معمر .. قالت لي وين الكرت بتاعك لو سمحتي؟ قلت ليها ما جبتو معاي لانو ماجايه لمقابله ، قالت لي طيب جاية لشنو ! قلت ليها بصرة وش انتي ممكن تدخليني ؟ قالت لي اسفه ما بقدر ادخلك بدون الكرت ، قلت ليها انا بجي هنا كل مره ؟ انتي ما اول مره تشوفيني ؟ قالت لي اسفه يا استاذة سندس ايوة بتجي بس بدون الكرت ما مسموح لي ادخلك للدكتور .. قلت ليها اجي ؟؟ سبحااان الله ! معمر جا طالع يقول ليها تعمل شاي لقاني واقفه بتناقش معاها ، قال ليها انتصار! خير؟ قالت ليهو استاذة سندس ماجابت الكرت و انا وريتها انو تعليمات العيادة مابتخليني اسمح ليها تدخل بدونو ، قال ليها هي دي سندس؟؟ اتلفت ليهو ازييك يادكتور .. عاين لي بي وش مصدوم و ده كان واضح فيهو قال ليها لا كان تدخليها من قبيل هسي مامشكله ، اتفضلي ياسندس و انتصار كلمي الخاله تعمل لي شاي احمر بنعناع .. قلت ليها و انا مبتسمه لي اخر ضرس و انا عايزة كمان لو سمحتي .. و دخلت معاهو كان مخلوع فيني بطريقة واضحه😍 قال لي اتفضلي .. قعدت في الكرسي و هو قعد في كرسيهو و اول جمله قالها لس ماشاء الله تبارك الله 💓 ابتسمت بخجل قال لي شكلك متغير الليله ! قلت ليهو ايوة استايل جديد و كده، قال لي و هو بشير بيدو على راسي حتى الحجاب! قلت ليهو لالا ان بإذن الله نويت اتحجب .. ابتسم و قال لي والله خبر سمح من الصباح ربنا يثبتك و يوفقك ان شاء الله .. قلت ليهو اميين يارب و عاين لي و ابتسم تاني💔😭 جابت لينا الخاله الشاي ، و مرقت و هو تلفونو رنا كانت غفران ، رد عليها صباح الخير قالت ليهو انت وين ؟ قال ليها في العيادة قالت ليهو خلاص انا جايه عليك قال ليها طيب و قفل .. شال كبايتو وشرب شاييهو عاينت ليهو بعد ما سمعت انها جاية ، قلت ليهو شكلك مشغول يادكتور و انا جاية في مواعيد ما حقتي ، قال لي لالا مافي شيء ولا مشغول اخدي راحتك .. انتي بما انك جيتي برااك معناها عايزة تقولي لي حاجه احكي لي انا سامعك 💓 قلت ليهو ما في شيء بس جيت سااي ، قال لي سندس طيب سبب التغيير الحصل ده شنو ؟ ممكن اعرفوا ! الحاجة الخلتك تقرري كده شنو ؟ قلت ليهو والله بالضبط السبب شنو مابقدر احدده ليك لكن ابوي 💔 مشيت زرتو في المقابر كنت محتاجه اتواصل معاهو واحكي ليهو ، كنت مشوشه شديييد و بعد كلامك عن فراس و بصراحه زعلت منك لكن لمن مشيت لي ابوي وحكيت ليهو انو انت مامصدقني ، قاطعني قال لي لا انا ماقلت اني ما مصدقك قلت ليهو دقيقه اسمعني .. قلت لي ابوي انك ما مصدق انو معمر حاجه بتحلي علي حياتي .. لكن ما عارفه انو وجودو مضر ولا نافع .. قلت لي ابوي اني محتاجه اعرف امو انا ماشه صاح في حياتي ولا لا .. بعدين قعدتا سرحانه في قبرو مسافه و جاني جواب لروحي براي " الطريق الصاح ده وااااااضح ما فيهو فروع ولا اتجاهات ، انا عارفة اني مفروض التزم بالصلاه والحجاب و القران و ده ما تدين مني دي فطرة السنه المفروض اكون ماشه بيها ، و كأنوا ابوي بقول لي انتي بعدتي روحك براااك من السكه الساح و مشيتي للوهم برجلينك انتي الدخلتي نفسك في سكة مجهولة و توهتي روحك " قال لي و بعد طلعتي من المقابر ، قلت ليهو قررت اغير نمط حياتي شوية عاين لي و ابتسم وقال لي ان شاء الله تبقي قدر كلامك، الباب دقا و قال ليهو ادخل كانت غفران💔 قطعت كلامنا 💔 قام على حيلو سلم عليها ، و سلمت علي وقعدت . عاينت ليها و لي ملابسها كنت حاسه بالفخر اني بشبهها 💓 الليله حسيت انو قدري عالي وانها ما احسن مني في حاجه 💔 .. قالت ليهو وللله جنس حر بره ياعموري اسكت بس قال ليهت اي الجو صعب الليله وصلت مصدع قبل شويه قالت ليهو لا حولااا مبالغه والله .. كنت بعاين لي حركاتها وهي بتتكلم و لي لبسها و مكياجها البسيط و انا كمان متمكيجه بسييط لانو اساسا ملامحي واضحه بقت💓 تقريبا معمر لمحني بعاين ليها و بعاين لنفسي .. لأنو ابتسم 😂 قمتا وقلت ليهو انا بستأذن قال لي اقعدي ياسندس غفران طالعه هسي اساسا قلت ليهو لالا انا ماشه الجامعه ، قال لي سندس اقعدي .. قامت غفران قالت لي اقعدي انا طالعه والله بس في ظرف وشايلاهو ومارقه وراي شغل و لف كتير الليله قلت ليها في عز الحر ده قالت لي والله تصدقي بعمل في تصديقات للمستشفى ، قلت ليها ياتو مستشفى؟ قالت لي مستشفى علاج اورام خيري، بنعمل في تصديقات لل

اجهزة و النفايات الكيميائيه و المبنى قرب يخلص ان شاء الله و منتظرين تتم التصديقات دي عشان نتعاقد مع الدكاترة الكويسين دعواتك بس .. قلت ليها ماشاء الله هنا في السودان ؟ قالت لي ايووة في السودان والله و معمر ده من الناس المساهمين في المستشفى .. قلت ليها والله ده عمل اكتر من رائع الله يسهله عليكم ان شاء الله يارب💓قالت لي دعواتكم معانا ؛ قامت وقالت ليهو ياعموري نتلاقى المساء و سلمت علي و مرقت .. كنت لسه بعاين فيها و هي مارقه و ما لاحظت انو هو مراقبني 😂 قال لي بت ماشاء الله عليها ، قلت ليهو اي ماشاء الله و سكت و من جواي اتغظت على تعليقو قمتا شلت شنطتي و قلت ليهو انا اتاخرت على الجامعه ، مديت ليهو يدي كان مبتسم و سلم علي شديد اول مره يعملها قال لي مع السلامه سندس ... طلعت متغااايظة شديد منو 😤

#نتابع

#إيلوزيانيس
بقلم سندس مالك
-١٢-
قاعده في المحاضرة بعد ما وصلت الجامعه غضبانه ، هو خاطب ياخي البخليني افكر فيهو شنو ! خاطب لأنها لابسه الدبله بي يدها اليمين ! اول مره اشوفها لابسه الدبله في يدها ، كانت دهب و انا متأكده اني ما بتهيأ .. مافهمت حاجه للمحاضرة لأني كنت زعلانه و عندي رغبه في البكا بس ما قادرة ابكي ! رقدت على الدرج و غمضتا و اتعمدت اني اشوف فراس عشان ابكي من الزعله نزلت مني دموع في الحقيقه تقريباً انا خلطت الحلم مع الحقيقه ! متأكده انو في دموع نزلت مني و بللت طرحتي ، بس انا كنت بشكي لي فراس في النوم ؟ الخلاني اربط الحلم شنو ؟ انا شفت فراس ليه تاني؟ وهو ليهو كم يوم غايب من احلامي ! اتشوشت و ماقدرت اتم المحاضرة استأذنت و طلعت لمحتني دينا صحبتي طالعه و دموعي محمرة و آثار البكا ظاهرة في وشي ، كان نفسي اتصل لي معمر و اكلموا انا متضايقه من شنو ! بس ما ح أقدر أصارحوا .. اللحظه ديك حسيت بحوجه شدييدة لي احمد اخوي ، اتصلت عليهو و انا صوتي وااضح جدا انو تعبان ، اول ما رد علي سألني سندس مالك! قلت ليهو مافي حاجه بس مخنوقه ما دايرة اقعد في الجامعه ، قال لي طيب ارجعي البيت قلت ليهو عايزة اجيك في الشغل ممكن؟ ولا حتشاكلني ! سألني سندس انتي بتبكي؟ قلت ليهو احمد اي😭 عايزة اشوفك ممكن ؟ قال لي طيب تعالي .. طلعت طوالي و ركبت الحافله من جنب الجامعه و خلييت باقي محاضراتي على جنبه و مشيت لي احمد انتظرتو تحت لحدي ما جا نازل لي .. قال لي سندس مالك يابت ؟ في زول حاصله ليهو حاجه؟ قلت ليهو لالا قال لي مالك ؟ قولي طيب .. قلت ليهو انا زعلانه شديييد .. عاين لي كده مساافه وقال لي اركبي العربيه ارح ، مشينا على شارع الاذاعه و قعدنا عند ست شاي 💓 كنت هديت شوية من الزعله الأنا فيها ، جاب لي كركدي سخن 💓 لأني بحب اشربو ، و خلاني بعد خلصتو و سألني مالك ؟؟؟ طبعا حسيت يادوووب اني وعييت😂😂 هسي اقول شنو ؟ احمد بقتلني كان عرف اني بحب زول ! عاااينت ليهو كده مسااافهه و سكتا ، قال لي يابت من قبيييل بتبكي و تعزي في شنو ؟ قولي لي ؟ قلت ليهو ما عارفه في شنو ، حمر لي و قال لي سندس قولي ؟ .. قلت ليهو احمد ماعارفه بس و قبلت وشي منو ، فجأة قال لي ادوكي شاكوش ولا شنو ؟ و كأنوا فهمني انا زعلانه من شنو ، قبلت عليهو وسكتتا قال لي ايواا الموضوع كده انا عرفت من دموعك الصاابهه مطره دي ، قولي ماتخافي ده منو؟ قلت ليهو ماعندي زول والله قال لي سندس اتكلمي انا م ح اعمل ليك حاجه ، قلت ليهو والله ما عندي زول ، قال لي طيب الزعلك منو؟ قلت ليهو واحد اسمو معمر .. قال لي معمرر!!! قلت ليهو اي واحد بعرفو اسمو معمر اتناقشتا معاهو بس و زعلني ، قال لي اتناقشتي معاهو في شنو ؟ قلت ليهو هو مفروض انا و هو و حبيبتو اسمها غفران مفروض هو يعمل البرزينتيشن و يجهزو وعشان معانا حبيبتو اي زول بجهز الجزء و يقدمو . لقيتو مرسل ليها الجزء الجاهز و ما وراني و انا معاهم في التقديم بعدين بس ده الحصل .. طبعا عاين لي بعين كده ما فهمتها وقتها لاني ما كنت عارفه انو احمد بعرف معمر حق المعرفه و انو عااارفني بكذب وبسوق فيهو بس سكت وقال لي تمام خلاص ده ما سبب يخليك تضايقي بس البنات عموما كده حساسات زيادة عن اللزوم ، ارح قومي اوصلك البيت قمت معاهو وركبنا و طول الكريق تاني ما سألني سندس مالك ، لأنو ختى فهم في راسو و هو انو معمر عمل حاجه ضايقتني و انا ماقلتها ، كان واضح في ملامحو الضيق و بس وصلني البيت و هو رجع للشغل ، في السكه شال تلفونو وضرب لي معمر سلم عليهو سألوا سندس الليله جات العيادة؟ قال ليهو اي جاتني قال ليهو وحصل شنو في الجلسه؟ قال ليهو ماكان في جلسه الليله هي جاتني الصباح براها و طلعت للجامعه طوالي ، وقف احمد العربيه على يمينو جنب بتاع دكان و سألوا معمر اولا بعتذر يادكتور على تدخلي بس ، قبل شويه مشيت رجعتها من الجامعه للبيت كانت في حاله صعبه و زعلانه و بتبكي و دموعها ماليه طرحتها ، قدر ما حاولت افهم سبب ضيقها ما قالت لي السبب شنو بس جابت سيرتك و سيرة بت اسمها غفران ، تقريبا قالت انها حبيبتك و ألفت لي قصه وهميه عشان اصدقها .. عرفت انك انت زعلتها لكن القصه الحصلت شنو ما قدرت اعرفها عشان كده اتصلت عليك يادكتور .. معمر قال ليهو قالت ليك شنو سندس؟ قال ليهو قالت لي انو معمر وحبيبتو عملوا البرزينتيشن و ما وروها و اتغاتت عليها عشان ديك حبيبتو قام قال ليهو والله يا احمد ما حصلت حاجه في العيادة بتستدعي انو اقولها ليك ولا حاجه بتستدعي الزعل اساسا فأنا ماعارف صراحة انو نحنا سبب ضيقها ولا في زول تاني غيرنا لكن هي قالت الأسماء دي ساي بس ، احمد سألوا طيب غفران دي حقيقيه؟ معمر قال ليهو احمد سؤالك ده بعني انك بتشك في كلام سندس هل هو حقيقه ولا كذب ؟ و دي حاجه مافي صالحها ولا في صالحك ، اي غفران زميلتي و سندس بتعرفها .. احتمال سندس خافت تحكي ليك الحاجه المضايقاها عشان انت اخوها و بتعمل ليك حذر في النهاية ، قال ليهو تخاف من

شنو ؟ قال ليهو ماعارف بالضبط القصه شنو بس ممكن ده تلميح بيوحي بالغيرة؟ قال ليهو كيف مافهمتك ؟ معمر قال ليهو لاحظت للحاجه دي الصباح سندس كانت بتعاين ليها بطريقه غريبه و بتتبع تصرفاتها ، غير كده اأكد ليك يا احمد غفران محجبه و بتلبس بناطلين بتونكات طويله و لبسها محتشم بالطريقه العملتها سندس استايل جديد ليها ، احمد قال ليهو ايوااا و انا اقول مالها فجأة اتغيرت كده؟ قال ليهو انا الصباح فهمت الحاصل بعد جية غفران ، احمد قال ليهو وطيب هي تغير منها ليه ؟ قال ليهو دي الحاجه الكانت مفروض تحكيها ليك بس خافت منك .. خافت من ردت فعلك ، فإخترعت قصه وهميه لكن غيظها من الشخصيتين ديل خلاها ما تتجاوز تألف القصه بي اساميهم ، احمد ده جزء من مرض سندس المفروض تتجاوزوا .. قال ليهو طيب لنفرض انو غيرة بنات في بعض و هي قلدتها و حاولت تتشبه بيهل هي جابت سيرتك ليه؟ و متغاظه منك ليه؟ معمر قال ليهو ده المفروض سندس تحكيهو ليك .. احمد انا دايرك تحسسها بالإطمئنان لي انها تقول ليك اي شيء في قلبها ، انا متأكد انو الليله هي شافت فراس في الحلم و حكت ليهو لأنو هي عارفه انو القصه الحقيقيه ما بتقدر تحكيها ليك و متأكد انها قالت ليهو سبب زعلها مني شنو و من غفران ، احمد الفراغ ده لازم تسدوا انت بطريقه تخليها تطمن تحكي ليك عن الحاصل معاها ، قال ليهو اعمل شنو مثلا؟ قال ليهو كدي حاول احكي ليها بقصص الشباب و العلاقات و كده ، عشان لو في قلبها حاجه تطمن و تقولها ليك .. الحاجه دي ما بس لهسي لقدام لازم تصاحبها ، قال ليهو طيب فهمتك عايز توصل لي شنو .. قال ليهو احمد قبل ماتقفل الخط اعرف حاجه و إتأكد منها " سندس ما اخت عادية و لا شخصيه مككن نتجاهل تفاصيلها الصغيرة، حاليا مفروض ما يكون في قلبها او عقلها حاجه داساها منك ، مفروض تكون انت فراس البحكوا ليهو اي حاجه عشان ما تحتاج ترطع لعالمها الوهمي كل ما اتعثرت عليها حاجه فهمتني؟ " قال ليهو فهمتك يادكتور والله طيب ... الحاجات البتتشاف صغيرة و مهمشه معمر كان بفهمها و بعرفها ، و مركز معاها شديد كيف عرف اني فعلا حلمت بفراس في الجامعه و اتعمدت اشوفو في الحلم ! ..
جا المساء و انا مالاقيت احمد كنت نايمه، بعد ما صلى العشاء جا داخل الغرفه معاهو خنساء لقاني خاته تلفوني و بسمع بالسماعات ، فصلهم لي من اضاني و قعد جنبي في السرير قال لي سندس قومي داير اقول ليكم حاجه انتي و خنساء قلت ليهو اها ان شاء الله خير بس! قال لي تتذكري البت الكلمتك بيها ! قلت ليهو اي ؟ قال لي انا قلت الاسبوع الجاي يوم الخميس نمشي نتعرف عليهم و نشرب شاي المغرب معاهم قلت ليهو و الله يا احمد ده خبر سمح شديييد 😍 خنساء قالت ليهو اخيرا حنشوفها ؟ كدي بس ماتطلع سمحه عشان نشنفها ليك قال ليها لالا اتطمني اخوك عزااال ، قلت ليهو كلمت ماما؟ قال لي لالا خليها شوية كده عايزكم تقابلوها اول بره انتي وخنساء بعداك امي ، خنساء قالت ليهو و انا من متين بحنس فيك تفضى لي وليد و تلاقيهو؟ علينت ليها بخلعه 😣وليد ياخنساء؟ ده احمد ؟ بقتلك ؟ وليد عدييل؟ استغربت كيف خنساء تجيب سيرة حبيبها وليد ؟ و استغربت اكتر امن رد عليها احمد وقال ليها خليني اخد اجازة من الشغل زي اسبوع عشان افضى أسأل منو ولا انتي عايزة اعمامك و خيلانك يدخلوا و يسألوا عنو هم ولا كأني ولي امرك؟ قالت ليهو برري والله انت ابونا و اخونا و ولي امرنا ، خلاص افضى ليهو والله لأنو كل يوموبسألني ح اقابل اخوك متين ؟ كنت مستغربه من انو اي واحد فيهم بحكي بحبيبو للتاني عادي ؟ ياربي عيلتي دي كانت كده ؟ ولا انا مصدومه براي؟ ياربي انا براي المغقده الامور ومعقدة احمد ؟ انا براي البعيدة منهم بسبب عالمي؟ هم حلوين كده وانا كنت شايفه العكس ولا شنو ؟ ياربي الدنيا حلوة كده ؟ و انا الكنت بعيدة من الدنيا ؟ طلعوا بره الغرفه خنساء و احمد بتونسوا و هم ماشيين وانا بعاين فيهم سرحانه ، شلت تلفوني ضربت لمعنر ماعارفه ليه حسست نفسي انو هو حقي ، و الأداني الحق منو اني احس بإنو حبيبي و لا حاجه بتخصني ، على سيرة العرس اتذكرتو طوالي و دي اول مره تحصل واول مره احس بإني زي البنات عايزة اعيش قصه حب و اعرس و كده ، شلت التلفون و ضربت ليهو و كأني بتصل لحبيبي ، رد علي اول حاجه اعتذرت ليهو على الوقت المتأخر قال لي مامشكله ياسندس تضربي لي وقت عايزة و في اي وقت احتجتي حاجه انا موجود ، و جملتو الحلوة شديد احكي لي سامعك ؟ 😍 قلت ليهو معمر قبيل حلمت بفراس تاني ، قال لي اها و قال شنو؟ قلت ليهو لالا ما متذكره قال شنو بس استغربت لانو لي زمممن ماحلمت بيهو ، قال لي ماعارفه السبب الخلاك تشوفيهو تاني ؟ قلت ليهو لالا ، قال لي طيب .. طبعا الكلام انتهى وانا اساسا متصله ساي بدون سبب😂عايزة اسمع صوتو بس لكن ماعندي موضوع مهم اساسا 😂 قال لي خلاص تمام لمن نتقابل في الجلسه قلت ليهو طيب و بعتذر تاني قال لي ولا يهمك ، قبل ما اقفل ناداني سندس عايز اقول ليك حاجه حتساعدنا 💓 لو في قلبك في كلام ما قاد

ره تقوليهز لي اي زووول لا انا لا صحباتك مثلا لا اهلك ، يعني كلام بخصك انتي براك .. شيلي دفتر و قلم و قولي الكلام العايزة تقوليهو كلوو اتفقنا؟ قلت ليهو و حارتاح كده ؟ قال لي كدي جربي و بكره وريني النتيجه شنو، كنت منبهرة بمعمر البعرف الحاسه بيهو بدون ما انطق حرف ولا احتمال عشان ده شغلو ؟ .. بعد قفلت منو جبت القلم و الدفتر و فعلا قلت اجرب اكتب و اول ما مسكتا قلمي لقيت روحي بكتب في كلام جاني براهو كده و الحروف بتنزل براها زي المطر و كتبت عن معمر ولي معمر:
"" لاقيتك بعد مرحله عصيبه شديييد كنت ماره بيها ، فتره طويله كده كنت ماره بأزمات كتيره ، صدمات بتجي ورا بعضها خذلان كتير و فراق اكتر ..
كانت مرحلة نضج بالنسبه لي ! عارف ليه ؟!
في المرحله ديك انا عرفت فيها حاجات كتيره جديده علي ، كنت مستبعده فكرت انو البشر بتغيروا بس المرحله ديك كانت فترة التغيير ، منهم و مني اتجاههم ..
عارف انها الفتره القوتني شديد ❤ و غيرتني للآحسن !
لمرات كنت بيأس و بحس انو الدنيا ضلام في وشي ، انو كل الطرق اتعكست علي ، و اني ما ح انجح في حاجه في الحياه و كنت فاقده الأمل من اي حاجه ..
فترة خمول طويله و استنكار لي اي شي حاصل ، و بدون مقدمات لقيت اي شيء بتصلح بقدرة قادر ❤
بقدرة الله الأنا اتحسبنتا بي جلالتو ، ربنا الأنا اتمسكتا بي ثقتي فيهو و كنت راجيه منو الجميل يحصل لي ..
لقيت الامور بتترتب براها و الاوضاع بتتصلح ، لقيت اي شيء ماشي براهو و بتسهل كل يوم فرحه جديدة و توفيق جديد ، بديت اتعالج من الإكتئاب و الزهج و الملل و الفتره العصيبه بدت تمر ...
و في وسط كل الضلام الكان حاصل ، كنت انت النور الظاهر من بعيد ❤
كانت ملامحك هي السراج المنير .. يا أسمري الملتحيّ كانت ضحكتك الفي نصها بتظهر غمازتك الواحده 😍
هي السبب في إني اتبسط باقي اليوم ، انت كنت الراحه و الامان و العوض عن حاجات كتيره ..
عارف ! لمن كنت بتعمد اني اظهر ليك الزهج و التعب ، عشان سؤالك يستمر و اهتمامك يتواصل ..
عشان الحنيه الشفتها جواك تظهر برغم من حدة ملامحك و أسلوبك القوي في التعامل ..
كنت شايفه جواك غير الشايفنوا الناس ، كنت الأب الحنين و الأخ السند و ملخص كل الرجال ❤ ..
و كأنوا بجيتك لحياتي ربنا بيوريني انو هو كريم قدر شنو ! و انو نهاية الصبر جميييله جداً و إنو الإنكسار العشتو ربنا جبروا بإبتسامه واحده منك ..
و لأني زوله متحفظه و ما بتعمق بسرعه ، كنت مستغربه من تعلقي بيك و من استلطافي لروحك ..
كنت شايفه روحي جواك رغم انك عيشتني لحظات بسيطه ، بس كمية الراحه العشتها ما شفتها قبلك ❤ ..
تخيل اني بديت احسب عمري من الساعات الشفتك فيها ! و من اللحظات العشتها معاك ..
و مع رحمة الله النزلت علي مع دخولك حياتي ، كنت مندهشه انك انت نفس الزول الأنا كنت بكتب عنو كل كتاباتي ..
انت الخاطره الكانت ملازماني دايما ❤
ملامحك السبقت ظهورك في حياتي ، كانت من زمان في بالي .. و كأنك طلعت من رؤياي عشان تثبت لي إنو مافي مستحيل للبسأل الله 🎀
كل الشكر لي الله بس ، السخرك لي و جعلك سبب سعادتي ، و لسه ابتسامتك هي السبب الأول في علاجي من حاجات كتيره .. و إذا كنت مريضه نفسيه ف مرضي اسمو موهمه بيك لأقصى حد 🎋 ""
يتبع

هي عارفه انك كل يوم بتجي تحكي لي عنها و عن هي عملت شنو ؟ عارفه انك ما بتفك سيرتها لامك لحدي ما تنوم ؟ قال ليها والله يا امي بريدها بريييدها شديييد وماعارف السبب انا زاتي 💓

#تابعووني💓

#إيلوزيانيس
بقلم سندس مالك
-١٣-
صحيت بدري ، كان نفسي الاقي معمر من الصباح .. اتجهزت و زي الساعه تمنيه لمن جات وطالعه لاقيت احمد قال لي سندس صباح الخير ، عندك محاضره بدري الليله ؟ قلت ليهو اي قال لي اوصلك طيب انا طالع قلت ليهو احمد مافي داعي قال لي لالا ارح اوصلك في طريقي ما بتاخدي زمن مني ، قمتا اضطريت اركب معاهو عشان ما يقول كل مرة بتحجج و ما بمشي معاهو، قال لي و احنا في طريقنا بتخلصي كم؟ قلت ليهو بخلص زي الساعه اتنين كده قال لي طيب عشان انا الليله برجع بدري قلت اسوقك معاي قلت ليهو تمام طيب ، كنت بفكر في حاجات كتيرة في راسي ، اكلم احمد؟ اكلم دو اني مشيت لدكتور؟ طيب لو زعل؟ اكلمو طيب اني بحب واحد اسمو معمر؟ طيب لو اتقلب علي و اتغير ! لالا احسن تسكتي ياسندس ما تقولي ليهو حاجه الطريق كلو بفكر كده ، لمن وصلني لباب الجامعه و نزلت كان واضح في وشي كترت التفكير و الحيرة ، دخلت كده عشان يشوفني دخلت و طوالي بي وراهو مرقت تاني جريت ركبتا الحافله عشان امشي لمعمر ، وصلت العيادة لقيت ناس الاستقبال والمره دي البت ما سألتني من كرت او حاجه ، لمن سألتها الدكتور جا؟ قالت لي ايوة ادخلي بتلقيهو جوه قاعد و دخلت لقيتو قااعد جوه بشرب في قهوتو 💓 و بحضر في فيديو تقريبا بتكلم عن مرض ، واقفه قريب للخمسه دقايق ما انتبه لي لانو مركز شديد 💓 ملامح وشو وهو مركز عيونو و هو مركز في الشاشه يدو الخاتيها في لحيتو و مع ساعة يدو ال ck و منتبه شديد وقفت سرحانه في ملامحو السمراء دي💓 حسيت بمشاعر ملخبطه ، الأب الحنين و الصديق و الأخو و السند معمر ما بس دكتور بالنسبه لي .. مشاعر الشوق المالياني وأنا واقفه قدامو 💓 دي تفسيرها اني ملياااانه ريدو لمن واصله الحد 💓 سرحتي فيهو دي حسستني برغبة وااحده و هي إني نفسي أكون مرتو 💓 الإحتواء البحسوا و هو بتكلم معاي و سامعني في اي وقت 💓 لا بضجر لا بزهج لا بمل .. واقف منتظرني اتخطى مرحله صعبه و انا ااتخطيتها اول ما يدو مسكت يدي و طلعتها من قوقعة الظلام الكنت مرميه فيها ، سندس القبل ما تدخل العيادة و سندس الواقفه هسي قدام معمر بلبس مختلف و ملتمح مختلفه و بعقلية مختلفه شدييد 💓 بحجاب وصلاه و اوراد ؟ سندس الكانت هااجرة القرآن بقت كل يوم لازم تقرا منو صفحات ؟ التغيير الأنا فيهو ده سبب معمر💓 ده سبب كافي يخليني اتملي حب ليهو💓 الآحلام الكانت مقيداني و مضيعاني من عمري المفروض اعيشو و من سني المفروض اعيشو بكل تفاصيلوا ، معمر جا و شال اي حاجه كعبه و عوضها بحنان و عطف و ثقه ، هو الزرع جواي ثقه كبيرة في روحي خلتني اقدر اقيف و اتغير و أتصلح .. معمر جا زي نقطة بيضاء وسط سواد كتييير ملهمي الآبدي💓
عدلتا رجليني عشان يعرف اني جيت و ينتبه لفت لي وشو و سلم علي و سلمت عليهو قال لي سندس! صباحك جميل زي وشك ده 💓 نططتا عيوني مخلوعه و مبسوطه في نفس الوقت ! الكلام ده لي؟ ياخ معمر اسلوبو ده راقي كده ليه ! قال لي اتفضلي اشربي قهوة؟ قلت ليهو ما فطرت ما قاعدة اشربها ، قال لي طيب تمام الليله الفطور علي .. ضحكت و قلت ليهو لالا ما قلت ليك كده عشان تعزمني ، انا بفطر بعدين براي قال لي و انت بتضايقي لو قلت ليك تفطري معاي هنا! قلت ليهو لا ماعندي مانع بس لأنو انت مشغول قال لي عندك جامعه الليله؟ طوالي قلت ليهو لالا😂😂 المحاضرات اتلغت ، قام ابتسم وقال لي بقيتي بتحبي الصباح ، قلت ليهو انا اساسا ما بحب الضلام من زمان ، عاين لي و قال لي بقيتي بتحبيهو بعد ابوك ؟ قلت ليهو ايوة الله يرحمو .. قال لي الله يرحمو .. قال لي ماوريتيني امبارح بعد كتبتي ! قلت ليهو ارتحت شدييييد بصراحه قال لي ظاهر من وشك الليله 💓 منورة شديد💓 ابتسمت و قلت ليهو شكرا ليك .. قال لي ممكن اشوف؟ قلت ليهو ممم بخجل لكن من كتاباتي، قال لي كتاباتك؟؟ يعني انتي ما اول مره تكتبي ؟ قلت ليهو ايوه ما اول مرة بكتب لكن حتى الكتابه وقفتها ، قال لي ليه؟ قلت ليهو بعد وفاة ابوي الله يرحمو ... قال لي الله يرحمو و عاين لي مساافه و قال لي جيبي الكرسي بتاعك وتعالي اقعدي هنا عايز اوريك حاجه 💓 قلت ليهو حاضر، كنت خجلانه اخت الكرسي جنب كرسيهو بس في نفس اللحظة عجبني الموضوع 😂😂 زي الشفقانه شلت الكرسي و مشيت ختيتو جنبو ، قال لي افتحي الفيديو من اول 💓 بعاين في الفيديو كان بتكلم عن حاجاتي كلها في البداية نزلت قائمه فيها الاعراض ، نفس الأنا بعمل فيهو ! قبلت ليهو لقيتو مبتسم قال لي تابعي قلت ليهو دي نفس حركاتي قال لي اسمعي الدكتورة 💓 امريكية اسمها دُميانه بتتكلم عن حاجه عايزك تكتشفيها براك .. قلت ليهو شنو ؟ قال لي اصبري و تابعي ، ختيت يدي و اتمحنتا عاين لي اسواري الذهبيه💓 كنت حاسه بإطمئنان ما عادي و انا جنبو ، آمان الدنيا كلها بحسو لمن اسمع صوتو .. الدكتورة كانت بتشرح عن اعراض مرض الوهم، بتقول انو هو مرض بسيط بس بأثر على الإنسان و بعطل حياتو ، بتقول انو اسبابو كتيره شديد و انو علاجو بختلف من زول لزول .. أكدت على