У Лебядзіным камунальнікі вывезлі з двара калядную ялінку, вакол якой збіраліся людзі. Відэа @dzechat

Лукашэнка працягвае тур па бальніцах. Следам за 6-й бальніцай (27 лістапада) і ЦРБ у Стоўбцах на мінулым тыдні, ён прыехаў у 4-ю бальніцу.

«Тэма кавіду — цяпер №1, што хвалюе», — піша тэлеграм-канал Пул першага.

Беларусь можа наладзіць вытворчасць уласнай вакцыны ад каранавіруса. Пра гэта Аляксандр Лукашэнка заявіў у 4-й мінскай клінічнай бальніцы.

"Калі напрацоўкі нашых навукоўцаў будуць сур'ёзнымі, будзем займацца вытворчасцю ўласнай вакцыны", — адзначыў Лукашэнка.

У краіне таксама разглядаюць магчымасць вытворчасці расійскай вакцыны і яе закупку для вакцынацыі пацыентаў з груп рызыкі.

"Жду вашего звонка". Жанчына ў чацвёртай бальніцы не пазнала Лукашэнку ў масцы.

Міністр Піневіч: Беларусь выйшла на пік пнеўманій і пратрымаецца на ім мінімум паўтара месяца

https://nn.by/?c=ar&i=265237

Праверыць словы міністра немагчыма, бо пасля пачатку пандэміі кавіду ў Беларусі перасталі публікаваць статыстыку пнеўманій.

«Палітыку мы не кранаем»

Яўген Перлін забраў ютуб-канал «Макаёнка, 9» і запускае на ім свой праект

https://nn.by/?c=ar&i=265235

Каля Чырвонага касцёла збіраюцца пенсіянеры для ўдзелу ў традыцыйным Маршы. Пасля спробы змяніць стартавую кропку тыдзень таму, удзельнікі вярнуліся на плошчу Незалежнасці. Відэа @euroradio

Калі ў вас ёсць фота ці відэа, дасылайце нам у @nashanivabot

Сілавікі акружылі пенсіянераў вакол каляднай елкі. Фота: tut.by

Удзельнікаў Маршу пенсіянераў затрымліваюць. Сілавікі адводзяць людзей у бусы.

Збоі ў сэрвісаў Google, у тым ліку Gmail, Drive, YouTube, Sheets — не толькі ў Беларусі, ва ўсім свеце.

Пенсіянеры супраць сілавікоў.

Ксёндз Барок, які адсядзеў 10 сутак: Уражвала, калі мяне прымалі з аўтаматамі і аўчаркамі

https://nn.by/?c=ar&i=265251

381 палітычнае затрыманне за мінулы тыдзень. У тым ліку па класіцы: за чысты аркуш

https://nn.by/?c=ar&i=265253

Навальны ідэнтыфікаваў групу работнікаў ФСБ, якія атруцілі яго «Навічком»

Расійскі палітык Аляксей Навальны апублікаваў расследаванне наконт свайго атручання і назваў імёны людзей, якіх абвінавачвае ў спробе забойства.

Нагадаем, галоўнаму апаненту Пуціна стала дрэнна ў самалёце ў жніўні 2020 года. Праз некаторы час заходнія дактары знайшлі ў яго арганізме сляды «Навічка».

Базавыя тэзісы расследавання:

▫️У сваёй паездцы Навальны ляцеў нетыповым маршрутам. У адзін бок — Масква — Навасібірск, у адваротны Томск — Масква. Аднак выявілася, што тры невядомыя яму чалавекі ляцелі гэтымі ж рэйсамі. Адзін з іх — работнік ФСБ;
▫️Два іншыя падазроныя папутчыкі — медыкі з сістэмы ФСБ. Прычым яны перасоўваліся па падробленых дакументах;
▫️Гэтыя трое чалавек падарожнічалі ўслед за Навальным у 30 паездках;
▫️Рабілася дзве спробы атруціць Навальнага, але доза была замалая;
▫️Расследавальнікі знайшлі білінг мабільных тэлефонаў групы ФСБ і адсачылі іх актыўныя перамовы ў дні спробаў атруціць Навальнага.
▫️Актыўнасць групы ФСБ пачалася пасля таго, як Навальны заявіў, што будзе балатавацца ў прэзідэнты Расіі.

Цалкам расследаванне можна прачытаць па спасылцы.

Як паведамляе канал @spiski_okrestina, у Ленінскае РУУС прывезлі каля 40 чалавек, у Кастрычніцкае — 35-40 чалавек. Гэта ўдзельнікі Маршу пенсіянераў.

Новым галоўным рэдактарам «Камсамольскай праўды ў Беларусі» стаў Сяргей Трафілаў (на фота). Некалі ён узначальваў газету «Культура».

Адыёзны расійскі прапагандыст Аляксандр Коц пакінуў пасаду, адпрацаваўшы кіраўніком «Камсамолкі» каля паўтара месяца.

Жыхары Грушаўкі і "Розачкі" ўвечары прайшліся суседскім маршам у падтрымку затрыманых бабуль і дзядуль: " Верым! Можам! Пераможам!" — нагадваюць яны.

Затрымалі 25-гадовую адміністратарку тэлеграм-канала "Контроль за автозаками" Ганну Аленскую (у ім максімальна было 11 тысяч падпісчыкаў, людзі дзяліліся інфармацыяй пра перамяшчэнне спецтранспарту па горадзе). Цяпер канал перайшоў у рукі сілавікоў.