У мінскім Сухараве людзі ад самай раніцы гуляюць вуліцамі свайго раёна.

Віталь Артыст прысвяціў песню "Сузор'е" беларускім пратэстоўцам

"Я сочинил эту песню когда
осознал, что люди моей страны – авторы нового созвездия.

2020 был не простой для всех, и в видео можно увидеть лица, для которых он стал последним. Мы благодарны им за их яркий свет и продолжим светить сами – до нового рассвета.

С некоторыми мы были знакомы, кого-то видели только на экране. Эта музыка и видео – наша память и уважение ушедшим, а также созвездию наших смелых и гордых людей, которое видно из космоса!"
https://youtu.be/0BY2zQrIGrQ

❕Сябры, калі ласка, дзяліцеся з намі фота і відэа з месцаў падзей, дасылайце любую інфармацыю, якую вы лічыце важнай. Адпраўляйце ўсё ў наш бот @nashanivabot

Дзякуй!

У Мінску ў суправаджэнні міліцэйскай машыны пад песню "Любімую не аддаюць" едуць трактары!

Трактары з чырвона-зялёнымі сцягамі на Філімонава – павольна едуць парамі, займаючы дзве паласы.

Праўладны памыйны тэлеграм-канал «Жоўтыя злівы» ў дзявяты (!) раз закупляе ботаў, каб колькасць падпісчыкаў не апусцілася ніжэй за 100 тысяч. На гэты канал прымусова падпісвалі бюджэтнікаў, зараз ён займае 20-е месца ў беларускім тэлеграм-рэйтынгу.

Плаўнае падзенне колькасці падпісчыкаў адбываецца абсалютна ва ўсіх каналаў з топ-30. Гэта натуральны працэс, ніхто не робіць з гэтага бяды.

Але са Злівамі сітуацыя іншая: кожны раз, калі колькасць падпісчыкаў апускалася да псіхалагічнай мяжы 100 тысяч, адбываўся масавы наплыў «новых чытачоў». Сёння ўначы, напрыклад, падпісчыкаў было 99883, але ранкам аднекуль дадалося +500 акаўнтаў. Пасля кожнага такога ўкіда зноў пачынаецца плаўны адток. Купляць такіх чытачоў-ботаў можна на спецыяльных біржах. Фэйкавыя акаўнты лічацца падпісчыкамі, але, натуральна, не могуць чытаць навіны. У выніку па ахопе сярэдняга допіса «Злівы» займаюць толькі 46-месца ў беларускім тэлеграме.

Сярод аўтараў «Зліваў» ідэнтыфікаваны журналіст холдынга «СБ» Аляксандр Бянько (на фота).

Сёння «Міс Беларусь — 2008» Вольга Хіжынкова мусіць выйсці на волю пасля 42 сутак арышту. Чакаецца, што яе адпусцяць з Жодзіна ў 15:32.

У Жодзіна Хіжынкову перавезлі спецыяльна за дзень да вызвалення, каб яе не сустракалі людзі ў Мінску.

Апошняе слова палітвязня Вольгі Класкоўскай: «Мне пагражалі расстрэлам, але яны мяне не зламалi і не зламаюць. Жыве Беларусь!»

38-гадовую былую журналістку «Народнай Волі» вінавацяць у тым, што яна перакрывала рух у Серабранцы. Два хлопцы, якія праязджалі міма, накінуліся на актывістаў, якія стаялі на дарозе. Класкоўская не ўдзельнічала ў бойцы, а наадварот, расцягвала людзей. Тым не менш пракурор патрабуе для яе 2 гады калоніі. Астатнім хлопцам, якія перакрывалі дарогу, – таксама палітвязням, пракурор хоча даць хатнюю хімію.

Onliner.by запісаў апошняе слова Вольгі Класкоўскай у судзе:
«Калi мяне затрымлiвалi, вельмi моцна збiлi. Мне стала вельмi кепска ў мiлiцыi, выклiкалi медыцынскую дапамогу. Мяне адвезлі ў 5-ты шпiталь, дзе дыягнаставалi ЧМТ і страсенне мозгу. Гэта ўсё ёсць у крымiнальнай справе, але чамусьцi такія дробязi нiкому не цiкавыя. Пасля таго, як мне было прызначана лячэнне, мяне скралi невядомыя ў балаклавах лiтаральна з-пад кропельнiцы, з катэтарам. Калі я трапiла на Акрэсцiна, а пасля ў Жодзіна, мне было адмоўлена ў медыцынскай дапамозе, нягледзячы на заключэнне. У РУУСе я адмовiлася даваць паказанні, мне некалькi разоў пагражалi расстрэлам у выпадку, калі я не пачну сведчыць супраць сябе альбо iншых людзей. Я адмовiлася. Яны мяне не зламалi і не зламаюць. Калi мяне асудзяць па гэтым артыкуле, для мяне гэта будзе вялiкi гонар. Значыцца, маё жыццё было пражыта недарэмна, я са сваiм народам. Жыве Беларусь!»

Знакамітая амерыканская актрыса і спявачка Кортні Лав выказала захапленне акцыяй беларусак у падтрымку зняволенай Вольгі Хіжынковай.

Раварыст тры гадзіны круціў педалі, каб перадаць пасланне беларусам. Глядзіце ўважліва на карту маршрута.