زبانحال حضرت زهرا (س)

مرحوم تائب تبریزی

بخش 1️⃣

بالینیمه گل خسته و بیمارم عم اوغلی
قاندور اورگیم دیده سی خونبار عم اوغلی


دوقوّز ایل عم اوغلی سنیله اُلفَتیم اولدی
هر آندا سنون حضرتوه خدمَتیم اولدی
گوردوم کمکون یوخدی سنه نصرتیم اولدی
گوردون که نِجَه یار و مددکارم عم اوغلی


واقفسن اُوزون فاطمیم خیر نسایم
صدیّقه اولان آینۀ صدق و صفایم
باشدن ایاقا عاطفه ام مهر و وفایم
حقّونده سنون خاصّه وفا دارم عم اوغلی


جوهردی منه مهر و وفا بو دل وجاندا
اوُز قانیمیله واردی همیشه جریاندا
گر عاطفه بیر دایره فرض اولسا جهاندا
بو دایره ده نقطۀ پَرگارم عم اوغلی


زهرا یتورن مهر و وفاده یالان اولماز
سیرینده ره صدق و صفادن قالان اولماز
دردون منه دئ دردیوی من تک آلان اولماز
منده اورگی دردیله سرشارم عم اوغلی


گیدیم اوز آتامدان صورا قاره محنیله
رنگ غمه باتدیم خُم محنتده سنیله
باخ گوز یاشما همنفس اول سنده منیله
بیر آغلاشاق آخر من عزادارم عم اوغلی


سندیردی عدو گوهر دینی خزَف اوسته
یاندیم یارالاندیم هدف اوسته شرف اوسته
سن خانه نشین اولدون ایوینده هدف اوسته
من قلبی سنق گوهر شهوارم عم اوغلی


ای چهرۀ دین یوسف بازار عدالت
بیلمزله سنون قیمتوی اهل ضلالت
من جان جهانین قزی ویرّم سنه قیمت
نقدینۀ جانیله خریدارم عم اوغلی


سن تک اولا مظلوم ودل افکار تاپیلماز
اغیار آلوب اطرافوی بیر یار تاپیلماز
بیر خانه نشین سن سنه غمخوار تاپیلماز
آلّام من اُوزوم دردیوی دلدارم عم اوغلی


باطل دولانان لار سنون آلمازلا سلامون
سن حقّسَن الله دی قرآندی مرامون
فخر ائت بونا کیم زینت تاریخ دی نامون
منده بو مباهاته سزاوارم عم اوغلی


ظالم تُرَدُوب جامعه ده گول ییَن لر
پامال ایلیوب حقّی سنه زور دیَن لر
قرآنی دانوب عترته توهین ایلیَن لر
بو قومدن الله بولی بیزارم عم اوغلی


گر چه قاپوی باغلادی بو فرقۀ اعدا
گل گیت کسلیوب قالدون ایوینده بیله تنها
اما گنه مولاسن اوُزون هامّودان اولا
بو معرفته صاحب اقرارم عم اوغلی


خوار ایستر عزیزانی گوروم خوار اولا دنیا
ایتدی گونوی قاره گوروم تار اولا دنیا
دل دردون آلانماز سنه غمخوار اولا دنیا
من هامّودان آرتوخ سنه غمخوارم عم اوغلی


یاریله اولار رمز وفا یار آراسندا
بلبل سالی گل صحبتی گفتار آراسندا
افسوس که سن گُل قالوسان خار آراسندا
بو نِسگلوَه دلدن اسفبارم عم اوغلی


وصلت قوتولور ناوک هجرانه نشانم
دورت نازلی بالامدان اَل اُوزَن اشگ فشانم
خاصّه بو حسین و حسنیمدن نگرانم
بو حسرت جانسوزه گرفتارم عم اوغلی


من سیز حَسَنینین گوزی بیللم دولاجاقدی
هم قلب لری ، لاله کیمی قان اولاجاقدی
گل تک سارالوب نازلی حسینیم سولاجاقدی
شاخَمدی اولار من گل بی خارم عم اوغلی


بیر درد دور اُولماق که ...


ادامه دارد ⬇️⬇️

#ترکی_فاطمیه_
#تائب_تبریزی_
🍃🌴🍃🌴🍃🌴🍃🌴🍃🌴🍃🌴🍃🌴⬇️⬇️⬇️⬇️⬇️🌹@ebadi_esmaeil
https://tttttt.me/naghmehaye_gham

زبانحال حضرت زهرا (س)


مرحوم تائب تبریزی

بخش 2️⃣

بیر درد دور اُولماق که اونون یوخدی علاجی
بو زینب و کلثومه فراقیم گَلَر آجی
چوخ خردادیلار چوخ یاناجاق بو ایکی باجی
یانّام اولارین حالینه دلزارم عم اوغلی


ملکین آلنوبدور داخی الده قالانون یوخ
دنیادن الون بوش اودی یاده سالانوم یوخ
دردون ندی غُصَّن ندی دلدن آلانون یوخ
دردون منه دئ محرم اسرارم عم اوغلی


قاندور اورگون کشف اولی گزلین سوزویله
درد دلیوه دل آچوسان اُوز اُوزویله
خالی ایدوسن قلبوی آغلار گوزویله
غُصَّن دولوری قلبیمه خونبارم عم اوغلی


سن قلبی سنقسان اورگون غمله یارادی
زهراده سنان قلبیله رنجور جفادی
مظلوم اولانین اشگی سنق قلبه صفادی
گوز یاشوی چک سینه مه بیمارم عم اوغلی


بو لطف صفا بخش صفابخش اولی منده
دوت گوز یاشمی چک اورگون باشینه سنده
قلبون آچیلا بلکه صفا آرترا سنده
عفو ایله اگر صاحب اصرارم عم اوغلی


ای کاش که آفاقده چوخ فرصت ایدیدیم
دنیا بویی کسب شرف و عزّت ایدیدیم
چوخ فرصت اولیدی سنه چوخ خدمت ایدیدیم
اثبات ایلییدیم نه فداکارم عم اوغلی


افسوس که یوخ الده داخی فرصت زهرا
ناقص قالوری خدمتیوه خدمت زهرا
عمری یتشور باشه گلور رحلت زهرا
بو باره ده من زار و دل افکارم عم اوغلی


شایان گورورم ایمدی گنه همّتیم اولسون
دوشسَمدَه ایاقدان گنه ده نصرتیم اولسون
بیر خردا وصیّتله بیوک خدمتیم اولسون
بولسونله سنه یار و مددکارم عم اوغلی


تا گوزلریمی باغلار اجل ای شرف الدّین
ویر غسلیمی گزلین گجه دفن ائت منی گیزلین
هم دفن ایله گیزلین هم ایله قبریمی ایتگین
گیزلین او مزاریله پدیدارم عم اوغلی


علّت سوروشار قبریمی ایتگین ائشیدن لر
بی پرده ائدر بولمینه شرح بیلن لر
رسوا اولونار غصب خلافت ائلین لر
عالم بولی مظلومۀ دلزارم عم اوغلی


افکار اُوزی بو باره ده ایلَلَّه قضاوت
کیم اهل جنایت ایلیوبلر نه جنایت
یا امّت قرآنه اولوبدور نه خیانت
مدفون نهان کاشف اسرارم عم اوغلی


بیر گون که نقاب اوزدن آتار شاهد مقصود
غایب بالامی ظاهر ایدر حضرت معبود
کشف ایلر اوزی گلسه بالام مهدی موعود
دلده اونا سر سلسله گفتارم عم اوغلی


ظُلامّی یخار دولدورار عدلیله جهانی
محسن بالامین یرده او قویماز قالا قانی
قاتل تانیدار خلقه فلانیله فلانی
دنیا بولی من کُشتۀ اشرارم عم اوغلی


«تائب» که اونون وار قَلَمینده جریانی
دوز یولدا گیدر دوست دوتار آل عبانی
خادمدی بیزه حشرده وار خطّ امانی
من موقف محشرده اونا یارم عم اوغلی


بیز قویماروخ البته اولا «تائبیمیز» خوار
خاصّه ایله «تائب» که وار اوندا دل بیدار
نظم ایلر او قرآن دیَن الله سُوَن اشعار
من طالب انگیزه لی اشعارم عم اوغلی


#ترکی_فاطمیه
#تائب_تبریزی_

🍃🌴🍃🌴🍃🌴🍃🌴🍃🌴🍃🌴🍃🌴⬇️⬇️⬇️⬇️⬇️🌹@ebadi_esmaeil
https://tttttt.me/naghmehaye_gham

زبانحال حضرت علی (ع) در بالین حضرت زهرا (س)

ستار رزاقی

اماندور آچ گوزون ای یادگار مصطفا زهرا
علینون روزگارین شام تک ایتمه قرا زهرا

بو نوعی یاتماقونلا چوخ منی دل ناگران ایتمه
گوز آچ بیرده گوروم آغلار گوزون ای باوفا زهرا

منیم تنها سنیدون دهریده یارو مددکاریم
چتین وقتیمدی رحم ایله منی ایتمه رها زهرا

دوشه هر کیم جهاندا مشگله امداد آلار مندن
اولوبسان دهریده سنده منه مشگل گشا زهرا

سنیله دوقوز ایل مانوسیدیم بو دار محنتده
رضا اولما اولوم بو دهریده سندن جدا زهرا

منه خاطر بو دوقوز ایلده چوخ رنج و بلا گوردن
همیشه صابر اولدون هر قدر گلدی بلا زهرا

منه خاطر دوزوبسن پشت درده زخم مسماره
ایدوبسن جانیوی راه ولایتده فدا زهرا

منه بو دوقوز ایلده دردیوی بولدورمدون اصلا
بو فانی دهریده ویردون منه چوخ چوخ بها زهرا

بو ایثار و محبتلر کی سندن گورموشم دایم
نقدری زندییم چخماز یادیمدان مطلقا زهرا

یادیمدان چیخمیوب چخماز قاپی اوضاعی بیرلحظه
منی ایلوب خجل سندن اوغملی ماجرا زهرا

منه بوندان چتین درد اولمیوب اولماز بو دنیاده
دوروب باخدیم سنی ووردی ایویمده اشقیا زهرا

قولوم باغلانماسی اهل جفانی جراته گتدی
والا ال تاپانمازدی سنه اهل جفا زهرا

نقدری آغلاسام بو نسگله آزدور بو عالمده
علاجیم اولمادی دردین قالیبدور بی دوا زهرا

منیله هم صدا اولموش ایدور ناله بالالارین
اویان قویما اوشاقلار ایلسون دادو نوا زهرا

گوز آچ باخ گور نجه زینب قیزون گوزدن توکور قان یاش
اوزون آل گوگلونی قویما اونی ایتسون بکا زهرا

آچیبدور گونده کی فکریله سجاده او غمدیده
اونی مایوس ایتمه دور نمازین قیل ادا زهرا

بو نسگل باشه چاتماز یازما "رزاقی" الین ساخلا
گوروب اهل جفادن بس کی چوخ جورو جفا زهرا

همیشه یاد ایدوب بو غملری دلدن نوا ایلر
کی بلکه لطف و احسانون سنه ایتسون عطا زهرا

#ترکی_فاطمیه_

زبانحال حضرت علی (ع)


سبک : حسین تعجیلیلن گیتمه ... حسین جان گل علمدارون ... خداوندا الیم بوشدی ...


ابوالفضل فرهنگی


الهی ئولدی زهرا درد و محنت قالدی من قالدیم
بو دار فانیده رنج و مشقت قالدی من قالدیم


اونون راز و نیازیله گویه ساری آچاردیم پر
دعای جانفزاسیله من اولدوم فاتح خیبر
ولی من قالدیم آخرده،اواولدی گل کیمی پرپر
هزاران غصه قلبینده عزیز ختم پیغمبر
الیمدن گیتدی بیر دنیا مصیبت قالدی من قالدیم


اورک غمدن اولوب یاره تاپیلمور دردیمه چاره
گوزوم دوشدوگجه کلثومه،حسینه ،زینب زاره
خیالیم رد اولور دردن ، ویرور در قلبیمه یاره
گرک کوه و بیابانی گزم آواره آواره
دیم زهرا ئوزی گیتدی بوغربت قالدی من قالدیم


جانیم قربان اوجانانه که قربان اولدی قرآنه
منه خاطر ئوزون سالدی بلایه مثل پروانه
ایویمدن کوچ ایدن گوندن اولوبدورخانه غمخانه
گرک منده گیدم هر گون اونون تک بیت الاحزانه
دیم سن گیتدون آخرده خجالت قالدی من قالدیم


غدیر خمده من کُنتُ سسین خیرالورا چکدی
اونا خاطر عدو بیر نقشۀ پر ماجرا چکدی
قاپیم یاندی یانان قلبیمده بیر ماتم سرا چکدی
یانار اود یاندی، دیواره قرا اوستن قراچکدی
او اوددان کام دشمنده حلاوت قالدی من قالدیم

#ترکی_فاطمیه

زبانحال امام مظلوم (ع) در سر نعش حضرت ابوالفضل (ع)


مرحوم حسینی سعدی زمان

گوزون قربانیم آچ گوزلرون ارخام ایلیم قارداش
منی یالقوزلیوب دشمن سنوب سنسیز بلیم قارداش


طریق عشقده باشدان گیچوب خوش امتحان ویردون
ندور رسم وفا سن اهل دنیایه نشان ویردون
آدون سقّا کنار نهرده لب تشنه جانویردون
پوزولدی گلشنیم سنسیز خزان اولدی گُلوم قارداش


سموم ظلمیله شاخ مروّتدن گلیم سندی
نجه گور مزرع عمریمده نورس سنبلیم سندی
یخلدی سر و تک قدّون منیم قارداش بلیم سندی
بیان حالیمی شرح ائتماقا دوتمور دلیم قارداش


سو وعده ویرموسن قارداش گلنده آل اطهاره
گزوللر خیمه ده قیزلار سو جامی الده آواره
دیوللر العطش جاری ایدوللر اشک رخساره
تیکوبلر گوز یولا گوزلور یولون باشسیز ائلیم قارداش



یارالی سینون اوسته ای یوزی مهر جهان افروز
چاتوبدور باش باشا سنبلدی گویا ناوک دلدوز
اؤزون گیتدون اوغولسوز قارداشون قویدون عجب یالقوز
قلنجیم دوشدی الدن ایمدی پر صولت یلیم قارداش


یقینیم اولدی ایمدی ای امیدیم جسمده روحیم
قالار ایستی قوم اوسته اوچ گون عریان جسم مجروحیم
گیدر نوک جداده بزم شربه رأس مذبوحیم
کسر بازماقیمی بجدل اولار مقطوع الیم قارداش


وُروبلار اوخ گوزوندن گوزلریم جاری ایدر قانیاش
بو ظلمی گورمییدیم سندن ازّل من ئولیدیم کاش
اؤزون گیتدون ولی قالدی کمکسیز قارداشون قارداش
بیر آز ایله توقّف بو یولی منده گلیم قارداش


باخوب بو حالوه اولموم نجه من زار و دلخسته
آچوب پر پیکرون بسکه دگوب اوخ دسته بدسته
عمودیله سنان باشون گوتور قوی دیزلریم اوسته
یوزون سورتمه یره قوی گوزلرون قانین سلیم قارداش


فدا ویردیم بو گون جانانیمه یتمیش نفر عطشان
سنون تک هئچ برینده یانمادیم جانیم سنه قربان
بلا قیدیندن آزاد اولمادیم دنیاده من بر آن
غمیله گوئیا تخمیر اولوب آب و گلیم قارداش


«حسینی» محنت دنیاده چوخ اولما پریشان حال
یاپوش باب الحوائج دامنیندن ایسته مقصود آل
او وقتی یاده سال آغلا حسین سویلردی بو منوال
گوزون قربانیم آچ گوزلرون آرخام ایلیم قارداش



#عباسیه_
#سعدی_زمان_
#گوزون_قربانیم_آچ_گوزلرون_آرخام_ائلیم_قارداش
#کنزالحسینی2 ص62 (کلیات ص 306)

#زبانحال_حضرت_م_البنین_س


#بی_بنین_ام_البنینم_سسلرم_ایوای_اوغول وای
آغلارام تا وار بو عالم سسلرم ایوای اوغول وای



چرخ عزّتده دیردیم صاحب دورت اولدوزام من
قالمادی اولدوزلاریمدان ایمدی امّا یالقوزام من
دردیمی بیر کیمسه بُلمز بی کسم اوغولسوزام من
دردیمه کیم اولسا همدم سسلرم ایوای اوغول وای



بو همان ایودور بو ایوده واریدی دورت ماه مَنظر
هر گئجه قرآن سسیندن شوقیدن یاتمازدی گوزلر
منزلیم ایمدی باخاندا گوشه ی زندانه بنزر
من او امّ بی بنینم سسلرم ایوای اوغول وای



گُل لریم سولدی چمنده وار اُلونجه آه و زاریم
گیتمرم گلزاره بیرده یوخدی گُلدن انتظاریم
نه چمن نه گُل نه بلبل گلشنه دوشسه گذاریم
گر گورم گُل اوسته شبنم سسلرم ایوای اوغول وای



من دل افکاره وطنده ویردی یر دشمن بقیعی
تا ایدم فریاد و شیون چولقیا شیون بقیعی
هر قدر گر عمریم اولسا ایلرم مسکن بقیعی
آغلیوب یانّام دمادم سسلرم ایوای اوغول وای



چخماز عبّاسیم یادیمدان، دویمارام بو آد دادیندان
خواهشیم وار هانسی ایوده اولسا گر عبّاس آدیندان
سسلسه اوغلون آناسی چخماسون اوغلوم یادیندان
بزم عیشیم اولدی برهم سسلرم ایوای اوغول وای



آزدور عبّاسین اُلونجه بیر یانان غمخواری اولسام
نهر علقمدور دواسی قبرینون بیماری اولسام
اُلمه سم گر قسمت اولسا کربلا زوّاری اولسام
گورسه ننده نهر علقم سسلرم ایوای اوغول وای



اولمادیم کرب و بلاده اوغلوما خلعت بیچنده
یادیمه سالّام فراتی آغلارام من سو ایچنده
ایلرم پوزقون تماشا کوچه دن هر کیم گیچنده
بیر اوجا قامتلی گورسم سسلرم ایوای اوغول وای



یثرب اهلی ایولرینده حلقه ی ماتم قورالّار
گوزلرین عبّاس آدیله بزم غمده دولدورالّار
اولسا هر یرده عزاسی بیر قرا پرچم وورالّار
هاردا گورسم قاره پرچم سسلرم ایوای اوغول وای



آیریلیق بیر غمدی الحق هیچ غمه احساس اولماز
تلخ هجران تک جهاندا سوده ی الماس اولماز
چوخ اوغولدان یاد ایده لّر هر اوغول عبّاس اولماز
ساخلارام هر گونده ماتم سسلرم ایوای اوغول وای



سروه بنزتسم عجبدور، سرویده یوخ بو صلابت
هانسی سرو قامتین وار قامتینده بو قیامت
خوردا قبر ایچره روادور یاتسون ایله سرو قامت
یادیمه دوشدوقجا هردم سسلرم ایوای اوغول وای



یاده سالّام ضرب شصتین آغلارام حیرتده قالّام
سسلرم عبّاسیم ایوای آهیله اود جانه سالّام
صاحب پرچم بالامون پرچمیندن عطرین آلّام
پرچمین اشکیم ایدر نم سسلرم ایوای اوغول وای



نه قاچوب نه غم ییوبدور دشمنه نه باش اگوبدور
بیله نقل ایلوللر امّا آنّینا بیر اوخ دگوبدور
یعنی قارداشی حسینون قامتین بو اوخ اگوبدور
یادیمه دوشدوقجا بو غم سسلرم ایوای اوغول وای



نازلی عبدالهیمیله آتش هجرانه یانّوق
من اوغولسوز بو آتاسیز یالقوز ایوده دالدالانّوق
ویرّم عبدالهه پرچم بو اتاقی گه دولانّوق
نی کیمی فریاده گَلّم سسلرم ایوای اوغول وای



گرچه عبداللهیم آغلور چوخ ایدور عبّاس رشکین
گه اونا ویرّم تسلّی، گاهی سیلّم یوزدن اشکین
گه گییندیرّم قراسین چیگنینه سالّام سو مشکین
گه گزر الینده پرچم سسلرم ایوای اوغول وای



گرچه عبّاسیم حسینین بیر وزیر اعظمیدی
لیک آل مصطفانون غم گونونده همدمیدی
جان ویرنده بیله بُلّم بیر قیامت عالمیدی
چوخ ایدر تاثیر او عالم سسلرم ایوای اوغول وای


#مرحوم_اعظمی
🍃🌴🍃🌴🍃🌴🍃🌴🍃🌴🍃🌴🍃🌴⬇️⬇️⬇️⬇️⬇️🌹@ebadi_esmaeil
https://tttttt.me/naghmehaye_gham

جریان تعقیب صفوان توسط حضرت علی(ع)
و گریز به حالات حضرت علی اکبر(ع)


مرحوم انور اردبیلی

بخش 1️⃣

ایهاالامّت پیغمبر معصوم و هدی
دین رحمتدی مودّتدی بیزه دین خدا
قدرینی بیلمیوروک حقّین ایدک یاخشی ادا
هر سعادت بلی حق گوندرن احکامده دور
صاف و ساده یاشاماق سایۀ اسلامده دور


نجه گوهردی بودین خبره سی اون دورد معصوم
فقهالرده اولاردان ایلیوب کسب علوم
جوّ اسلامده وار سیرلری مثل نجوم
مکتب مهدی موعودیده دمسازدیلر
پادگان شرف و عزّته سربازدیلر


دوزدی هر زحمته پیغمبر ارزنده خصال
وار خبرده او فروغ ابدی قطب کمال
مکّه ده اون نفرین قاننی ایتمشدی حلال
حضرت ختم نبی دن بیله دستوریدی
هر مسلمان اولارون قتلنه ماموریدی


آیۀ فتح مُبینون اثری اولدی عیان
لشگر دین آپاروب لشگر کفری آرادان
کعبه بامنده بلال حبشی ویردی اذان
اون نفر کسکه بویورمشدی رسول مختار
سگّیزی قتله یتشدی ایکسی ایتدی فرار


عَکره میدی بیری فرزند ابوجهل دغا
بیری صفوان اُمیّه هدفی ضدّ خدا
عکره مه قاچدی بیابانه اله دوشمیه تا
ولی صفوان گوروب قاچماقا یوخ راه امان
اُمّ هانینون ایوینده اوزینی ایتدی نهان


اونی تعقیب ایلدی شیر خدا یوزده نقاب
یتشوب مقصده سرعتله او معصوم جناب
اُمّ هانینون ایدوبدور قاپوسین دقّ الباب
اُمّ هانی کیمیدی حیدر صفدر باجیسی
مادّه شیریدی اودا شیر دلاور باجیسی


فتح باب ایلدی بی وحشت او پاکیزه تبار
چهره پوشیده گوروبدور دایانوب بر سر دار
دیدی کیمسن کیمیله واردی ایشون قیل اظهار
دیدی مولا اونا سرباز رسول اللّهم
دشمنی بوردا پناهنده اولوب آگاهم


لکّۀ کفریله آلوده اولوب دامانی
طبق فرمان پیمبر گرک آخسین قانی
واردی قصدیم یتورم کیفرینه صفوانی
اُمّ هانی دیدی سنّتدن اوزاقدور بو سخن
سنه تسلیم ایدم هیهات پناهده می من


دوزدی سن افسر اسلام سن ای مرد رشید
تابع دین خدا حضرت طاهایه مُرید
آمرانه دانشوب ایتمه منی چوخ تهدید
لشکر دین ده سرداریدی قارداشیم علی
حاضرم ئولمگه امّا دیمرم زوره بلی


رقّته گلدی علینون اورگی بو سوزدن
توکدی آئینۀ رخسارینه اشگین گوزدن
جوشلانوب عاطفه سی آچدی نقابین یوزدن
دیدی احسن باجی مین شور یاراتدون منده
اوخشیوبسان اؤزومه واهمه یوخدور سنده


باجنون قارداشا دوشدی گوزی سسلندی علی
عرصۀ رزم لرین مرد ظفرمندی علی
سنه قربان اولا ایکاش اورگیم بندی علی
ساغری عشق و محبّتلری دولدی قاپودا
باجی قارداش ایکیسی قول بویون اولدی قاپودا


محضر ختم رسوله یتشوب بو جریان
مرتضانون باجیسی مشرکی ایتمش پنهان
دیدی تأمین ویرون یانیمه گلسین صفوان
هر ائوه گئتسه پناهنده تاپار امنیّت
حسنینون بی بی سین ایلمیون ناراحت


زندگی مژده سی القصّه چاتوب صفوانه
چخمادی قالدیقی ائودن گنه ده بیر یانه
اُمّ هانیده پذیرائی ایدوب مهمانه
بُلدی پیغمبر اونون قلبیده وار پرواسی
ظاهره چخماقا یوخدور ابداً یاراسی


دئدی ابن وَهَبه مفخر سادات جهان
اُمّ هانی ائوینه گیت ایله صفوانه بیان
سوزوموز سوزدی بیزیم اولماسین اصلا نگران
بیزدن آسیب یتیشمز اورگی دینجلسین
آپار عمّامه می ویر باشنه قویسون گلسین


منیم عمّامه مه خاطر اولونار حرمت اونا
باشه دستاریمی قویسا یتیشر عزّت اونا
هر یره گتسه وجوده گلور امنّیت اونا
امر پیغمبری اجرا ایلدی ابن وهَب
چاتمیوب ختم نبی مکتبینه هیچ مکتب


آلدی عمّامه نی صفوان قویوبدور باشنا
دیدی بو لطفی چتین قارداش ایده قارداشنا
هدف اولماز داخی جان شیشه سی قتلین داشنا
مُرده روحی دیریلوب چهره سی شاداب اولدی
محضر سیّد مختاره شرفیاب اولدی


قیلدی تکلیف اونا اسلامی ...


ادامه دارد ⬇️⬇️

#پیامبراسلام
#ترکی_حیدریه
#انور_اردبیلی_
#ایهاالامت_پیغمبر_معصوم_و_هدی
#آخرین_یادگار_انور🍃🌴🍃🌴🍃🌴🍃🌴🍃⬇️⬇️⬇️⬇️

گلچین نغمه های غم( کاملترین و جامع ترین نوحه و مرثیه های ترکی)
گلچینی از نوحه ، مرثیه های ترکی تقدیم برای دلدادگان،شیفتگان،عاشقان و محبان حضرت ابا عبدالله (ع) وسقای دشت کربلا و یاران با وفایش-
خاک پایتان توتیای چشمانمان است.

ممنون از ذره پروری شما عزیزان بزرگوار حسینی🌹@ebadi_esmaeil
https://tttttt.me/naghmehaye_gham

جریان تعقیب صفوان توسط حضرت علی(ع)
و گریز به حالات حضرت علی اکبر(ع)



مرحوم انور اردبیلی

بخش 2️⃣

قیلدی تکلیف اونا اسلامی رسول مدنی
دیدی صفوان نچه گون سیز قویون آزاد منی
فکر معقول ایلیوم مقصدیم اولسون علنی
عقل یاری ایلسه فیض هدایت تاپارام
مدد غیبی کمک ایتسه سعادت تاپارام


منطقون دوزدی پیمبر بویوروب صفوانه
نچه گون فکر ایلیورسن ایله آزادانه
یوخ کراهت ابداً دین ده ای فرزانه
هر قدر قالسون ائویمده دوتارام حرمتوی
میهمانسان منه حفظ ایلرم امنیّتوی


نچه گون منزل طاهاده اولوبدور مهمان
ختم پیغمبرون اخلاقینه اولدی حیران
ایوده قلبی داریخان لحظه لرینده صفوان
باشدا دستار نبی سیره چخوردی علنی
حُرمت ایلوردی اونا کوچه ده اهل وطنی


بوراجاق شعر خبر پیکرینون جامه سی دور
ولی بوردان صوراسی نوحه دی غم نامه سی دور
سوزومون محوری پیغمبرین عمّامه سی دور
کافری حفظ ایدن عمّامه قلجدان یارادان
ایتی شمشیره دچار اولدی بولوندی آرادان


کربلا شاهی حسین بن علی قطب زمان
گوزل اوغلون ایلین لحظه ده میدانه روان
مظهر جدّینه فکر ایتدی اولا حِرزِ امان
غرق ایدوب خیمه ده کیپریگلرینی گوز یاشنا
همان عمّامه نی قویدی علی اکبر باشنا


آناسی درک ایلدی اوغلونی بوینوندا کفن
دیدی روشندی علی دوغراناجاقدور بو بدن
باشدا عمّامه سنه باخجاق او مهجور وطن
وار امیدیم دئدی ای شبه رسول مدنی
باخوب عمّاموه ئولدورمیه کُفّار سنی


روبرو اولدی سپاهه او پیمبر سیما
اولمادی کوفه شیوخینده نجابت اصلا
بو حسینون دئدیلر اوغلیدی یا که طاها
عجبا صورتنون گور نه وجاهت واریدی
جدّی تک باشدا یاشیل تاج سیادت واریدی


کاش حسین بیعت ایده زادۀ بوسفیانه
بو جوان حیفدور آخر یخلا میدانه
نه روادور او گوزل گوزلری باتسون قانه
قتل نفسه ایلدوک دشت بلانی مرکز
مُسلموک بیز هَله کافرده بونی ئولدورمز


قزشوب جنگون اودی شعله چکوب آتش کین
اولان اولدی نه دیوم یخدیلا لیلانون ایوین
مُنقذ ظالم ایدوبدی یولون اوستنده کمین
نقشۀ قتل علی اکبری طرح ائتدی او دم
ایکی بولّم دیدی الان بو آئی نامردم


صیدینه حمله ایدوب دالدان او صیّاد دنی
کامه روباه چاتوب تیتردی شیرین بدنی
زن صفت سالدی توانادن او شمشیر زنی
دگدی شمشیر ایلدی قانیله توأم باشنی
بُولدی پیغمبرون عمّامه سنی هم باشنی


یاره کاریدی ز بس بلمدی اکبر اوزینی
آخدی قان شدّتیله هوردی قرا قاش گوزینی
چتر آچوب طُرّۀ طرّاری دوتوبدور یوزینی
اهلی سن فکر ترازوسنه قوی بو سوزی چک
کاکلی گردنینه دوشدی بنفشه ساچی تک

سینوی مشعل ایله دودۀ آهی دله یاخ
سویله ای گوزیاشی زمزم کیمی رخساریمه آخ
بیر باشی یاره غزاله نچه مین اوچیا باخ
شبه پیغمبرین اطرافین آلان دشمنی گور
جسمینه قالخوب اَنن خنجری گور نیزه نی گور


غصّه سی یوخدی گنه رزمده وورسا تکی تک
رسمدن چخدی ولی کوفه نون اهلی نه دیمک
اولدی جسمی او جوانون فدکون مدرکی تک
سیز دیورسوز که یره زیندن اکبر دوشدی
ولی من عرض ایدورم لالۀ پرپر دوشدی


بالا آتدان یخلوبدور آتا گلدی هاینا
الی قوینوندا دوروب باخدی بولونمش آینا
دیدی یارون سایا گلمز یتمشم من ساینا
زرهون تک گورورم گوز گوز اولوب جامون اوغول
باش آچیق سان هانی پیغمبری عمّامون اوغول


باشینی آلدی دیز اوسته اوجالوب افغانی
دیندیروبدی زکریّا یارالی یحیانی
قوجا یعقوب صدا ایتدی مه کنعانی
گلمیشم شوره دئدی سنده هوسلن یارالی
سسیوه مشتریم بیر آتا سسلن یارالی


آغلورام دشمن ایچنده سنه خاطر گوزون آچ
حنجریمده اوجالان شیونه خاطر گوزون آچ
خسته سن منده غریبم منه خاطر گوزون آچ
قبله گاهم سنه آخر گوزلیم قبلیه باخ
گونی گور باشوین اوسته آخان اولدوز کیمی آخ

ـــــــــــــــــــــ
مجموعه اشعار مرحوم حاج
#انور_اردبیلی_🍃🌴🍃🌴🍃🌴🍃🌴🍃🌴🌴⬇️⬇️گلچین نغمه های غم( کاملترین و جامع ترین نوحه و مرثیه های ترکی)
گلچینی از نوحه ، مرثیه های ترکی تقدیم برای دلدادگان،شیفتگان،عاشقان و محبان حضرت ابا عبدالله (ع) وسقای دشت کربلا و یاران با وفایش-
خاک پایتان توتیای چشمانمان است.

ممنون از ذره پروری شما عزیزان بزرگوار حسینی🌹@ebadi_esmaeil
https://tttttt.me/naghmehaye_gham

نوحه زبانحال حضرت امام حسین(ع) در بالین
حضرت علی اکبر(ع)



مرحوم غمکش

منه سس وئر اکبر اوغلوم
گل گلشن امامت
بوکولوبدی قدّیم اوغلوم
ایلیور قوشون شماتت


اگیلوب قویاندا قانلی یوزووه اوغول دوداقیم
سؤزولور قانون یاروندان بویانور الیم ایاقیم
یخیلاندا سن آت اوستن داغیلوب منیم تفاقیم
ایلیوبدی تیره باران گئنه قوم دل شقاوت


سنی اوخشارام علی جان توکرم عذاره اشکیم
اثر ایلیوبدی چوخلی دل داغداره اشکیم
سینمین آلور توانین سالوری فشاره اشکیم
گوزون آچ اوغول دوباره منه گور گولور جماعت


خِیَمه سسون گلنده ایلدیم اَوَل اراده
سسووه وئرم ازل سس سسه گلدی کربلاده
آپارام سنی خیامه ائدورم تلاش عباده
ووروب اوخ عداوتیله سنه فرقۀ عداوت


ئورگیمده درد فرقت باخورام بو ماجرایه
منی بو گروه کینه گئنه تک آلوب ارایه
نه کمک نه یاوریم وار گله بیر نفر هرایه
یئری وار الی بئلینده گله ئوز ننه م بو ساعت


گوره حالووی نوایه گله باشون اوسته زهرا
آچا باش خدیجه، مریم توکه اشک عذاره سارا
نئجه صبر ائدر بو غمده ایشیده او غملی لیلا
داغیلوبدی شاخ و برگی نئجولوبدی سرو قامت


یغارام بو قطعه قطعه بدنون اوغول عبایه
آپارام خیامه گل تک سنی تحفه اقربایه
گله ئوز باجون رقیّه ندی چاره آه و وایه
گورورم گلور یاروندان ایله عطر و بوی جنّت


سنه «غمکش» آغلیاندا ائدور اهل غم تماشا
ائده جک سنه عزالی اولان عاشقان تمنّا
وئره جکدی اجر و پاداش سنه خاطر حتمی زهرا
سنه اکبریم جوانلار ایده جکدی چوخ ارادت


#غمکش
#منه_سس_وئر_اکبر_اوغلوم_گل_گلشن_امامت
#یادگار_غمکش🍃🌴🍃🌴🍃🌴🍃🌴⬇️⬇️⬇️

گلچین نغمه های غم( کاملترین و جامع ترین نوحه و مرثیه های ترکی)
گلچینی از نوحه ، مرثیه های ترکی تقدیم برای دلدادگان،شیفتگان،عاشقان و محبان حضرت ابا عبدالله (ع) وسقای دشت کربلا و یاران با وفایش-
خاک پایتان توتیای چشمانمان است.

ممنون از ذره پروری شما عزیزان بزرگوار حسینی🌹@ebadi_esmaeil
https://tttttt.me/naghmehaye_gham

🔆🔆🔆🔆🔆🔆🔆🔆🔆🔆🔆🔆🔆
وداع اباعبدالله (ع)

حسین سندن سورا زینب قالار آواره آی قارداش
گونوم قاره اولار دگسه سنه بیر یاره آی قارداش
بو چولده قانه غرق اولدی وفالی لشکرون گیتمه
بو چولده قاسمون یاتدی أولوبدی اکبرون گیتمه
بو چولده اوخلانوب قارداش الونده اصغرون گیتمه
ابوالفضلین غمی عرشه چکوبدی قاره آی قارداش
آتورسان زینبین داشین وصال دلبره خاطر
منی قویما آدامسیز ای امیدیم اکبره خاطر
حرم اهلی یاشار راحت بو دوزدی رهبره خاطر
حرم اولسا اگر باشسیز قالار آواره آی قارداش
سنون خوش حالووه قارداش گیدورسن بزم دلداره
ولی سندن سورا زینب اولار بختی گونی قاره
اسارت بندی بوینوندا گزر صحرانی آواره
بو درده کیم ایدر آیا جهاندا چاره آی قارداش
حسین اصغر ویران لشکر سنه رحم ایلمز قارداش
اوتوز مین لشکر اولدی تک سنی یخماقه حاضرباش
قوتارسا اوخ سنه لشکر بو دعواده ویراللار داش
یارا سایسیز ویرار لشکر گل کراره آی قارداش
بو لشکر اهلی سرتاسر رذیل و پست و جاهل دی
بولاردی بندۀ درهم جفاکار و سیه دل دی
بولار مرجانه نون اوغلی دیین آئینه قائل دی
بولار دین خدائیلن چیخوب پیکاره آی قارداش
حسینجان گیتمه میدانه بولار خصم ولایتدی
بولار کان خیانتدی دیانت سیز جماعتدی
بولاردی کلب سفیانی بولار مأمور غارتدی
بولار دینین ساتانلاردی نچه دیناره آی قارداش
سنی گورسه اگر یالقوز آلار اطرافووی دشمن
سلیمانی سالار دلدن سپاه پست اهریمن
بولار بدر و احد قانین آلار بو دشتیده سندن
سنون گول جسمووی ایلر بولار صدپاره آی قارداش
جهاندا ای کرم شاهی سنون تک بیر غریب اولماز
شهادت امری بی شبهه هر انسانه نصیب اولماز
ولی سندن سورا قارداش منه یاخجی طبیب اولماز
مریض عشقه هیچ یاندا تاپیلماز چاره آی قاارداش
دیدون الان کی قیزلارین آلوم زیب و زرین یکسر
دیدون کی زیوره خاطر ویرار قیزلاری غارتگر
حسین سندن سورا یعنی قوپار بو عرصه ده محشر
دگر قمچی بو صحراده بالا قیزلاره آی قارداش
بیابانی عرب قارداش خیامه گلسه بیر لشکر
مروری صبریمی آلدی منه رحم آی رهبر
اوتوز مین لشکرون آیا قباقینده باجون نیلر
گیدر الدن علی اکبر ،آلان گوشواره آی قارداش
باجی قارداشلیقین رختین بو صحراده سویوب گیتمه
حسین من دویمادیم سندن اخا مندن دویوب گیتمه
سنی زهرا ننم جانی منی باشسیز قویوب گیتمه
اولا لعنت سنی مندن آلان غدّاره آی قارداش
"نوید آسال اردبیلی"🍃🌴🍃🌴🍃🌴🍃🌴🍃⬇️⬇️⬇️⬇️

زبانحال حضرت اباعبدالله الحسین (ع) در بالین برادر



مرحوم حسینی سعدی زمان

ای منیم قافله سالاریم اَخی یَابنَ اَبی
ای اوزون قولّی علمداریم اَخی یَابنَ اَبی


سن دگلدون که اوجایدی هامی اَللردون اَلون؟
شیردن آرتوقیدی صولت جنگ و جَدَلون
تیغ زن لیقدا تاپولمازدی جهاندا بَدَلون
ای حقیقتلی فداکاریم اَخی یَابنَ اَبی


قولومین قوّتی اول صولت مردانه هانی؟
اَۀده کَسگین قلجیم، جنگ دلیرانه هانی؟
زادۀ شیرخدا پنجۀ شیرانه هانی؟
ای مصیبت گونی غمخواریم اَخی یَابنَ اَبی


صولتون نولدی یاتوبسان یارالی پژمرده؟
نه گَلوب اَللریوه قالدی قلنجون یرده؟
ای آتام اوغلی قلنجون دور اَله آل بیرده
قویما یالقوز منی سرداریم اَخی یَابنَ اَبی


تا اَسوردی عَلَمون اَلده اَیا کانِ هنر
خیمه ده راحتیدی سر به سر آل حیدر
عَلَمون یاتدی اولاردان اولی غارت معجر
داغیلار چولّره قیزلاریم اَخی یَابنَ اَبی


نه اَلون واردی بدنده، نه وجودوندا رمق
یورولوب خسته سن ای صورتی گون، قانی شفق
یات قوری یرده، بو یاتماقدا واروندور چوخ حق
قوی دونه قانه دلِ زاریم اَخی یَابنَ اَبی


بِلیمی سندیروب اَلدوردی سنی قوم ظلام
بو شکستیله شکست اولدی عمود اسلام
دلده سو، اَلده سو جامی سولیوی ایمدی تمام
گوزلوری عترت اطهاریم اَخی یَابنَ اَبی


نیه سَس ویرموسن ای صورتی آی قدّی عَلَم؟
بُلموسن اوغلوم ئولوب، بی کسم افسرده دلم؟
خیمیه گیتماقا اهل حرمیمدن خجلم
سنه معلومیدی افکاریم اَخی یَابنَ اَبی


غم یتنده منه هر غمده شریک غمیدون
غصّه لی وقتیده قارداش منه سن همدمیدون
جسمیده روحیدون، اسراریمه سن محرمیدون
ای منیم محرم اسراریم اَخی یَابنَ اَبی


روز و شب راحتیدی قارداش عیالیم سنیله
آزالوردی غم و اندوه و ملالیم سنیله
سن که ئولدون گیده جاق جاه و جلالیم سنیله
قالمیوب کیمسه هواداریم اَخی یَابنَ اَبی


سن که ئولدون منه جرات تاپار اشرار دنی
ئولدورَر قوم جفاجو بو بیاباندا منی
سویولار ظلمیله اطفال رسول مدنی
تالانار خیمۀ زرتاریم اَخی یَابنَ اَبی


ای حسین بن علی، ای کرمین دریاسی
کاتبیله بو «حسینی» سنه ساخلار یاسی
ایله مامور بو وقفه بو سوزه عبّاسی
اولاری یاز اولا زوّاریم اَخی یَابنَ اَبی


#سعدی_‌زمان_
#ای_منیم_قافله_سالاریم_اخی_یابن_ابی
📗 #چهارده_معصوم_حسینی صفحه 106🌴🍃🌴🌴🌴🍃🌴🍃🌴🍃🌴🍃🌴🍃🌴🍃⬇️⬇️⬇️
http://tttttt.me/naghmehaye_gham

نوحۀ حضرت ابوالفضل (ع)


مرحوم غمکش

دوشدی عَلم الیمدن
عمروم یئتوب تمامه
بوش مشکیمی اؤزون گل
قارداش آپار خیامه


قارداش منیم ئوزومه باغلاندی راه چاره
امکانی یوخ خیامه گلمک منه دوباره
گل آل باشیم دیز اوسته قیل حالیمه نظاره
گؤر ایلدیم نئجه اؤز پیمانیمی اقامه


آلدی منی ارایه ظلمیله قوم عدوان
یالقوز گؤروب ویروبلار شمشیر و تیر و پیکان
جسمیم بو نیستاندا گل آچدی چون گلستان
حسرت گؤزوم یولوندا، قربانی ام امامه


یوخ اللریم غباری پاک ایلیم ئوزومدن
بیل حالیمی خلاصه ای شاه دین سؤزومدن
مأیوسیدیم قولومدان بیر اوخ دگوب گؤزومدن
دوشدی یئره باشیمدان اول حالیده عمامه


آهن عمود آچیخ باش، بیر سنگدل ستمگر
چوخ ایلدی شماتت اوّل او کینه پرور
باش پارچالاندی قارداش قانیله دولدی گؤزلر
من توپراقا ییخیلدیم دشمن یئتیشدی کامه


جسمیم اولوبدی تیر و تیغیله پاره پاره
اوخلار دوزوبله قارداش بو سینمه ستاره
آیا نه جای تشریح، کافی دی بو اشاره
آرتار سنون ملالون وئرسم اگر ادامه


جلادلر یئتیشدی اللرده تیغ و خنجر
بیربیرلرینه قارداش میداندا سبقت ایلر
تلّ اوسته چوخ یوبانما گل باشیمی کسوللر
یوخ قوللاریم دچارم من فرقۀ ظلامه


ای شاه بی معین و بی غمگسار و یاور
قارداش سنه، دئمزدیم ای وارث پیمبر
زهرا آنامین امری باعث اولوب برادر
جرئت اودی کی تاپدیم شاها همین کلامه


جانیم یئتوب دوداقه ای سرور مدینه
وئرمز گئنه امان بو حالیله قوم کینه
توپراقیله اولوبدی یکسان سریله سینه
گل قانی سیل گؤزومدن تا دیل آچوم سلامه


«غمکش» بو حاله آغلار ای پادشاه محشر
وار انتظاری سندن ذکری اولوب مکرّر
ای نور چشم زهرا، مولی به جان اصغر
لطف ایله قیل توجّه بو روسیه غلامه



#غمکش
#دوشدی_علم_الیمدن_عمروم_یئتوب_تمامه
#نوحه_های_محرم_غمکش🌴🍃🌴🍃🌴🍃🌴🍃🌴🍃🌴🍃🌴🍃⬇️⬇️⬇️
http://tttttt.me/naghmehaye_gham

زبانحال حضرت امام حسین (ع) به حضرت زینب (س) در شهادت حضرت علی اصغر (ع)


مرحوم حسینی سعدی زمان

هلال برج عزّت گون اَلینده باتدی گَل زینب
چوخ آغلوردی بالام لایلای دیدی اوخ یاتدی گَل زینب


آلان یوخ بیر نفر بو قانلی قونداقی قوجاقیمدن
منه معلومیدور حالی رُبابین اوز سیاقیمدن
یوزیندن اوپموشم از بس آخور قانی دوداقیمدن
یوزیمده، اَللریمده تازه قانه باتدی گَل زینب


آچیلدی عالم ارواحیده تا عشق بازاری
متاع وصل حقّین اولمادی من تک خریداری
آچوب اکبر آدی اصغر قانی ختم ایتدی طوماری
بالام اوخلاندی من آلدیم حبیبیم ساتدی گَل زینب


رباب آغلوردی سویلوردی آز آغلا سینه می داغلا
گورنده آغلامور ایمدی دیر آغلا بالام آغلا
آناسیندان باجی گیزلین یاراسین گَل آپار باغلا
آنا آغوشینین فکرین باشندان آتدی گَل زینب


دگن ساعت بوغازیندن بو قوم سفله پیکانی
یارالاندی جگر گوشم گلوب جوشه جگر قانی
پوزولدوم باغریما باسدیم باجی بو تشنه قربانی
یاراسندان آخان قان سینه می ایسلاتدی گَل زینب


عطشدن ایله سولموشدی سارالموشدی بو دلخسته
گورنده سس چکوب آغلاشدی دشمن دسته بدسته
سُها تک اصغری هر کیم باخوب گوردی اَلیم اوسته
منی مهره بالامی اولدوزا اوخشاتدی گَل زینب


بوغاز نازک آتان قول قوّه لی اوچ شعبه لی پیکان
اودور علّت بوغازین بیچدی اوخ چون خنجر برّان
گیچوب دگدی قولومدان آخدی قان بو فرقۀ عدوان
ایکی قان بیر بیرینه بیر اوخیله قاتدی گَل زینب


ربابین سینه سین اوز صورتین دیرناق یاراسیله
خراش ایلوردی آجلیقدان سو فکری سود هواسیله
نه آغلور نه دینور نه حسّی وار بیر اوخ صداسیله
بالامی حرمله سسدن سالوب یوخلاتدی گَل زینب


بالام پستان خیال ایتدی ازل پیکان دمین اَمدی
بُلوب تا سوزشین آچدی گوزین گوردی ئولن دمدی
ایله گُلدی او گُلماق تا جهان وار مایۀ غمدی
دوباره گوزلرین یومدی مرامه چاتدی گَل زینب


«حسینی» ویردی اَلدن سود امر بیر طفل شش ماهه
یتوب بُلدی نه غم اصغر غمینده حُجّة الّلهه
نشست ایلر بو سوز چون نوک پیکان قلب آگاهه
هلال برج عزّت گون اَلینده باتدی گَل زین
#سعدی زمان
#هلال_برج_عزت_گون_الینده_باتی_گل_زینب
#لمعات_حسینی ص 175🌴🍃🌴🍃🌴🍃🌴🌴🍃🌴🍃🌴🍃🌴🍃⬇️⬇️
ممنون از ذره پروری شما عزیزان بزرگوار حسینی🌹@ebadi_esmaeil
https://tttttt.me/naghmehaye_gham

زبانحال حضرت زینب (س) در شهادت حضرت رقیه (س)
مرحوم حسینی سعدی زمان

صبا حسینه ویر خبر قیزون رقیّه جان ویرور
سنون کفن سیز اُلماقون خرابه ده نشان ویرور
قیزون رقیّه جان ویرور


بابا بابا دیور یانور ایدور نظر صاقا صولا
یقین یولون گوزَتلوری تیکوبدی چوخ گوزین یولا
بو قدر قویما گوزلری یولوندا انتظار اولا
نوید وصلون اولسا گر حیات جاودان ویرور


پوزوبدی حالی حالیمی گرک اُلونجه دل یانا
اگرچه نار غصّه دن یاخوندی قلبیم اودلانا
تمام غصّه بیر یانا ولی بو غصّه بیر یانا
قوری یر اوسته بیله جان بو طفل ناتوان ویرور


حرملرون باخور یانور آناسی اشکبار اولور
جنازه اوسته باش آچوب باجیسی ساچلارین یولور
قولوندا قمچی یرلرین گورنده گوزلریم دولور
حنوطی خاک غسلینی بو چشم خون فشان ویرور


نه وار سسیمه سس ویرن نه بیر نفر گَلوب گیدن
گوره بالام غریب اُلور تدارک ایلیه کفن
ایدون نه چاره نه کومک نه وار هراییمه گَلن
نه دیز گَلور نه دل دوتور نه گوز یاشیم امان ویرور


حسین یارالی قلبیمون گَل ایمدی یاره سین بیتور
قیزیوی قبره قویماقا اوزون بو منزله یتور
منی سویوبلا باری سن اَلونده بیر کفن گَتور
امیدی یوخدی بیر کسه باجون سنه گمان ویرور


وطن دگل بو شهر شام اولا قبیلمه قریب
جنازه سین گوتورماقا گَله قبیله و حبیب
بو اهل شهره نابلد، اسیر شمر، اوزوم غریب
غریبین اهل شهر اولان سسینه سس هاچان ویرور


نه فرش و نه چراغ وار خرابه یردی منزلی
نه سو و نه طعام وار نه سوز دیه دوتور دلی
باجون چتینده حلّ ایده اُلونجه بیله نسگلی
حجاز عزیزی شامیده بو ذلّتیله جان ویرور


باخان بُلر ملالیمی گوزیمده قانلی یاشیمه
باشیم اوجالیقی توکوب نه کُل زمانه باشیمه
نولوبدی بس منیم ایلیم نه گَلدی آل هاشیمه
صباح و شام دردسر بیزه بو شامیان ویرور


سموم جور و ظلمیله خزان اولوبدی گُللرون
خزان گُلینه بنزوری بو طفل ناز پرورون
آجیندان عارضی سولوب سارالدی بو گُل ترون
بهار عمر زینبه بو غصّه لر خزان ویرور


سزادی بو یتیمه نون فغانی کَونی دولدورا
اجل سیز اُلدی اَُلدوروب بونی عدو وورا وورا
اولوب اَیاقی آبله ایاقه ایستوری دورا
دوراندا یاره یرلری اَیاقلاریندا قان ویرور


«حسینی» بخت کوکبون دوشوب تنزّله سنون
ایدور محبّ سرزنش بو حاله طعنه دشمنون
نهان ملالیدن عیان چخار سپهره شیونون
حسینه آغلاسان خدا مرامیوی اینان ویرور


#حضرت_رقیه
#سعد‌ی_زمان_
#صبا_حسینه_ویر_خبر_قیزون_رقیه_جان_ویرور
#لمعات_حسینی ص 368🌴🍃🌴🍃🌴🍃🌴🍃🌴🍃🌴🍃

ممنون از ذره پروری شما عزیزان بزرگوار حسینی🌹@ebadi_esmaeil
https://tttttt.me/naghmehaye_gham

بسم الله الرحمن الرحیم
ضمن عرض سلام وادب و
باعث افتخار است که عرض شادباش و تبریک اینجانب زودتر از نسیم روح بخش نوروز خدمتتان شرفیاب شود پيشاپيش فرارسیدن سال نو و فرخنده نوروز باستانی را تبريك گفته و سالی سرشار از تندرستي، شادی و موفقيت برايتان آرزومندم.
از خداوند منان برای جنابعالی و خانواده محترمتان در سال جدید
روزی حضرت مریم (س)‏
قصر آسیه،
تقوی حسین،
قلب خدیجه،
عفت فاطمه،
جمال یوسف،
ثروت قارون،
حکمت لقمان
و ملک سلیمان
و عاقبت‌‌ بخیری را آرزومندم.‏
پیشاپیش عیدتون مبارک
عبادی اسماعیل 🙏🌸
🌴🍃🍃🌴🍃🌴🍃🌴🍃🌴🍃🌴🍃🌴🍃@naghmehaye_gham

خطبه حضرت امام سجاد (ع) در مسجد شام

مرحوم انور اردبیلی

بخش 1️⃣

یازدی قانیله حسین مکتب قرآن یاشاسین
بوغازیندان توکولوب قان دیدی ایمان یاشاسین
عزتیله گرک آزاده مسلمان یاشاسین
ذلتیله یاشیان ملتی تقبیح ایلیون
طرد ایدون ظالمی اللهوزی تسبیح ایلیون


مرد اودور حق دانیشوب حق سوزی اوسته دایانا
ئوزی ئوز معنوی فرهنگینه دلدن اینانا
گیتمیه باد حوادثده بویاندان اویانا
تیکمیه مرتبه و منصب دنیایه گوزون
ساتمیا اهل زر و زوریله تزویره گوزون


لعنت اولسون او کسه مردمی دلگیر ایلیور
رنگدن رنگه دوشور باطله تدبیر ایلیور
بیر گونی روبه اولور بیر گون ئوزون شیر ایلیور
شیعۀ مخلص اودور رنگ و ریانی ئوتوره
قدمین محض رضای حق یکتا گوتوره


کیم ایدوب خط حسین ابن علیده حرکت
سفرۀ عزت و اجلالی اولوب پر برکت
آری ایثار و شهادتده دی مَجد و برکت
روح ایثارگری اولماسا هر کیمده عَلَن
زندگیده چخوب حتماً حسین خطّیندن


کیم حسینی ئوزونه نهضتی رهبر تانیور
سرخ منشورینی دیلده ایدوب ازبر تانیور
تانماز آیری یری مسجد و منبر تانیور
مرض روحه دوا مسجد و محرابیده وار
قسم اللهه نه واردور عمل نابده وار


دهم ماه عزا یوم بلا میر هدا
مسجد و منبر و قرآنه ئوزون ایتدی فدا
خیمه لر یاندی اسیر اولدی حریم نجبا
روح تضمین و بقا مکتب قرآن تاپدی
اسرای علوی شامده اسکان تاپدی


شام ویرانه سی یعنی بیر اوچوق کهنه حضار
عترت فاطمیه حائل اولوب دورد دیوار
گوندوز ایستی گجه سرما اولارا وردی فشار
سار گول لرده اثر قویدی هوای متضاد
چخادوبدور دریدن چهره لری خاکیله باد


صبح لر سرد نسیمیله دولان وقته هوا
جذب ایدوردی سویوقی سینۀ ویرانه سرا
تاب ایدنمزدی دوراردی یوخوسوندان اسرا
جسملر گل کیمی تیترردی سویوق اولدوقونا
سخلاردی بالالار بیر بیرینون قولتوقونا


اولماسا سقفی ایوون گون ایلیور فوری هدف
ایستیه دوزمزیدی عترت سلطان نجف
ظهر اولاندا چکیلردی هامی دیواره طرف
اسرانون ایوی جان بخش هوادن بوشیدی
بالا قزلارون او مأواده چوخی ناخوشیدی


محبس درد و بلا فاقد آسایشیدی
خاک مرطوب اولارا بستر و هم بالشیدی
تارِ گیسولره جوّین توزی آرایشیدی
نقش غم دوشموشیدی گوزلرینه قاشلارینا
بولوط آغلاردی توکردی یاغیشی باشلارینا


ایسلانان وقته لباسی عوض ایلولّه بلی
اسرایه یوخودی آیری لباس اوردا ولی
سویموشیدی حرم طاهره نی ظلمون اَلی
بیر قبائیله کیم اولسا یاغیش آرامین آلار
فکریوی قاضی ایله گور نه چکوبدی بالالار


راوی نقل ایلوری نزدیکی ویرانه سرا
روبرو گلدیم نه سبط نبی زین العبا
نجه صبح ایلیوسن شامده عرض ایتدوم آقا
بوتۀ غصه ده تحلیله گیدوبدور بدنون
رمز محنت گورونور غملی جمالونده سنون


سائله ردّ جواب ایتدی بو طرزیله امام
روزگاری بیزه چوخ تنگ ایلیوب میر ظلام
کاش ای شیخ منی دهرده دوغمیدی انام
نجه صبح ایلر اولان حاکم جباره اسیر
گجه نون مثلی گورر گوندوزونی قاره اسیر


بیز گرفتار یزید اولموشوق ای مرد اصیل
نجه فرعونه دچار اولدی بنی اسرائیل
نوجوانلاریمیزی ایلدی لب تشنه قتیل
رحم یوخ ذره بو بی عاطفه و ناکسده
فکری واردور بو قالانلاردا ئوله محبسده


چالشور دام مصیبتده نوامیس خدا
قوجالوب عمّه لریم بسکه یوروب دام بلا
بعضی موقع گورورم چاتمور اوشاقلاره غذا
زندگی عترت اطاره اولوب زجر و فشار
باجیلاریملا باخان وقت ده قلبیم آلشار


بیر باجیم واردی چوخ ایستکلیدی اهل حرمه
یوروب آهن قفسی سالمش اونی پیچ و خمه
طاقتی طوطی شکّر شکنون یوخدی غمه
آغلاماقیله کچور هر شب و هر روزی اونون
یاندرور قلبیمیزی نغمۀ جانسوزی اونون


دانشوردی منیله راوی دیور زین العبا
بیر خانم حضرت سجادی گلوب ایتدی ندا
دشمنون چوخدی اماندی اوزاقا گیتمه بالا
طاقتون وار نه بدنده نه الونده کَسَرون
سنی امّید بولور باجیلارون عمه لرون


ایستدی آیریلا حضرت دیدیم ای بی کس امام
سیز ایله قالاملی سوز محبس ویراندا مُدام
ایش بو منوالیده قالسا اگر ای میر اَنام
ئولدورر زجر چکن قزلاری مُهلک زندان
کول منیم باشیمه ویرانه اولور قبرستان


دیدی سجاد اونا شاملدی بیزه لطف ازل
متجاوز هر عمل ایلسه وار عکس العمل
هندون اوغلون ایده جک قهر خدا مستأصل
من وکیل شهدایم سوزومه باخبر اول
شامی تسخیر ایدرم منبره گیتسم بیر یول


الغرض جمعه گونی مسجده قیلدی حرکت
یتشوب مقصدینه مقدم یُمن و برکت
مسجده ویردی او سیمای الهی عظمت
عرفا قبله سی بی مونس و یار اگلشدی
اوز یرینده ایله بیل کوه وقار اگلشدی


منبرون اوسته ...


ادامه دارد ⬇️⬇️⬇️

#ورود_شام_
#یازدی_قانیله_حسین_مکتب_قرآن_یاشاسین
#آخرین_یادگار_انور

خطبه حضرت امام سجاد علیه السلام در مسجد شام



مرحوم انور اردبیلی

بخش 2️⃣

منبرون اوسته صعود ایتدی خطیب اموی
مدح ایدوب قان توکنی ایلدی سبِّ علوی
یردن اخطار ایلدی ساجدِ آل نبوی
گوروم آغزون سنا بیراهه یولا گتمه خطیب
خلقه خاطر غضب خالقی اخذ ایتمه خطیب


صورا اذن آلدی ایدوب عرشۀ منبرده قرار
ساحت حقه ایدوب گوهر تقدیس نثار
بعد تجلیل ایلدی جدّن او پاکیزه تبار
خطبه ختم اولدی مخاطب ایلدی حُضّاری
گوستروب ملته آیینه کیمی اسراری


شامون اهلی تانومورسوز منی الان تانیون
مرز ایمانه منم یاخشی نگهبان تانیون
دگولم خارجی واللهی مسلمان تانیون
واقف مسئله مجلس رازم تانیون
شهر یثرب وطنیم اهل حجازم تانیون


نقطه دایره صوم و صلاتم تانیون
لنگر و قائمۀ فلک نجاتم تانیون
تشنه معرفته آب حیاتم تانیون
دولت اعظم قرآنه سفیرم تانیون
شیر خصلت ولی روباهه اسیرم تانیون


خلقتون جوهره سی گوهر نایابی منم
شجر طیبه نون میوۀ شادابی منم
گجه لر زینت ایدن قبلۀ محرابی منم
حامی سالک دین هادی منهاج منم
نوۀ پاکدل صاحب معراج منم


عزت احمد مختاریمیزه فخر ایدورم
قدرت حیدر کراریمیزه فخر ایدورم
همت جعفر طیاریمیزه فخر ایدورم
صاحبان صدقات و صلمه فخر ایدورم
مرد شمشیر و عمل سلسلمه فخر ایدورم


تانیمورسوز منی سیز بیت خدا یاخشی تانور
حجر الاسود و زمزمله صفا یاخشی تانور
جَبَل الرحمه و مشعرله منا یاخشی تانور
ایها الشام بشیر البشرون اوغلی منم
صاحب معجز شق القمرون اوغلی منم


سیدم هاشمیم خسته تنم دربدرم
قفس غصه ده چون طایر آشفته پرم
اموی دولتینه شامیده اما خطرم
منطق بت شکنیم رمز فتوحاتیمدور
کنج ویرانه ستاد عملیاتیمدور


ویرمیوب فرصت صحبت منه دشمن دانشوم
ذی حقم جمعه نمازینده گرک من دانشوم
گتمیشم منبره قوی مطلبی روشن دانشوم
جده سی ضربت مسمار و دریله ئولَنَم
گجه غسلی ویریلن فاطمه نون اوغلی منم


سجده ده باشینی قاتل کسنون اوغلی منم
گون قباقینده قالان بیکفنون اوغلی منم
آت قباقینده که عریان بدنون اوغلی منم
خیمه سی آتش ظلمه یانانون اوغلی منم
الی اوسته بالاسی اوخلانانون اوغلی منم


سینه سین اوخلارا آماج ایدنون اوغلی منم
خیمه سین ظلم الی تاراج ایدنون اوغلی منم
رفرفِ نیزده ده معراج ایدنون اوغلی منم
ضربت داشلارا تمکین ایدنون اوغلی منم
حاکموز باشنه توحید اینون اوغلی منم


سیر ایدن چوللری زنجیر جفا قولدا منم
دولانان قانلی لاری صاقدا و یا صولدا منم
وورولان عمه لری باجی لاری یولدا منم
او که بو شهریده آواره دولاندی او منم
توکدوز اوت باشینه عمامه سی یاندی او منم


خفقان سندی یزید اولدی بو سوزدن نگران
قیلدی اظهار موذن اوتوما باشلا اذان
کلمه اعظم تکبیر اولان وقته بیان
دیدی تأویلینی فوراً اسدالله اوغلی
حقه آگاه حسینون دلی آگاه اوغلی


کلمۀ طیبه نی ایتدی موذن ایفا
اشهدُ انَّ محمد ایلین وقته ادا
یوزونی دوتدی یزیده بویوروب زین العبا
بو موذن دییَن آد مفخر بی حدیمدور
وار سنه نسبتی یا اینکه منیم جدیمدور


ناگهان دوردی شبستانیده زینب ایاقا
یوز دوتوب مسجده سسلندی او فرخنده لقا
دانش عمون اولا قربان دانشان دیل دوداقا
دینمسون قارداشمون قاتلی مقصوده چاتار
جدیمه اوخشار علی اکبریمون قانی باتار


من شبستانیده دلدن چاغوروم اللهی
شامون عورتلرینه بذل ایلیوم آگاهی
سنده اول منبرون اوسته شهدا خونخواهی
ملته ظالم و مظلوم گرک بَلَّنسون
تختدن حاکم جبار گرکدور اَنسون


عصر طاغوتینه ویر قهریله اخطار شدید
بویور اول ظالم و خمّاره که که مرد پلید
آل اطهاره الوندن گَلَنی ایله یزید
مرتضی قزلارینی ساخلا هله بی معجر
او قرا ساچلارون آهی سنی نابود ایلر


نطق پر شورینی ختمه یتوروب زین العبا
گلدی ویرانیه دلبند رئیس شهدا
ایتدی تجلیل اونی نائبۀ خیر نسا
علی شام اهلینی مبهوت ایدوبسن سوزووه
یورولوبسان هَلَه اگلش بی بی قربان گوزووه


قلبدن شادم علی باخما منیم گوز یاشیما
یاخشی خدمت ایلدون الده ئولن قارداشیما
اذن ویر فوج اسیرانی یغوم من باشیما
نذر عشقی ایلیوب عمّۀ شوریده سرون
بیر دولانسون باشووا باجیلارون عمه لرون


« انورا » مدح برازندۀ سجاد ایتدون
عدلی تعریف ایلیوب نفی ستبداد ایتدون
سوزه پیرایه ویروب منظره ایجاد ایتدون
اُدبا زمره سینون خوشدی یری مجلسده
حیف اولا « یحیوی » نون بوشدی یری مجلسده



#ورود_شا
#خرابه_شام_
#خطبه_سجادیه_درشام_
#مجلس_یزید

زبانحال حضرت زینب (س) در شهادت حضرت زهرا (س)


مرحوم انور اردبیلی

دل شب ایلیوب سفر هارا گیدورسن آی ننه
قالوبدی دورد بالون ملر هارا گیدورسن آی ننه


توخاندی شانۀ اجل او طرّۀ مُعَنبره
گییندون آغ لباسیوی شکنجه دیده پیکره
شبیه ائدوبدی آغ کفن سنی بیر آغ کبوتره
شکسته دل شکسته پَر هارا گیدورسن آی ننه


بهار وقتی سن کیمی شکفته لاله سولمادی
تانیشلارون آچوب باشین جنازون اوسته یولمادی
ایوین چوخ ایستیر هامی ایوین سنه ایو اولمادی
ایویندن اینجیین گیدر هارا گیدورسن آی ننه


مَصون اولار تَعدّی دن او قوش که آشیاندادی
امان سیز اولدی منزلون بلا بو دودماندادی
بو ایو سَنه خوش اولمادی تَزَه ایوین هایاندادی
گیجه زمانی بیخبر هارا گیدورسن آی ننه


حبیب لَم یَزَل قیزی خدایه سن حبیبه سن
نژاداً هاشمیه سن اصالتاً نجیبه سن
یوخوندی بیر کسون مَگَر بو شهریده غریبه سن
غریبه دَنده چوخ بَتَر هارا گیدورسن آی ننه


غمون گَلوسینی دوتوب حسن دینمیور سوزون
گهی باخور جنازووه گهی یومور گوزل گوزون
کیچیک باجیمدا مَطلبی بولوبدی ئولدورور اوزون
قویوب حسینی خونجگر هارا گیدورسن آی ننه


گوزینده حیدرین جوشوب آخور سرشک جوهری
وفالی همسر آغلادار مگر وفالی همسری
علی ایوی خزینه دور سنیدون عالی گوهری
قالور خزینه بی گُهر هارا گیدورسن آی ننه


چخوبدی گویده سیر ایدور آیین طَرب زمانی دور
نسیم نَرم و سَرد اَسور نه تاب و تَب زمانی دور
باخور ستاره لر یِره نماز شب زمانی دور
توقف ایله مختصر هارا گیدورسن آی ننه


شهید محسنون غمی سنی چوخ ایتدی دل کباب
دیدون بالام صود اَمَّمدی گوزوندن آخدی اشک ناب
سنون بو گیتمگون ایدور علینی خانمان خراب
تفاقنه دوشوب شرر هارا گیدورسن آی ننه


قوناق سن پیمبره گلوبدی سرّی دعوتی
ولی بو زینبون سنه ئورکده چوخدی صحبتی
گیجه مسافر اولماقین نه حُسنی وار نه لذتی
قالوب ایوینده گیت سحر هارا گیدورسن آی ننه


هر اوخشاما دیور قیزون داش اولسا قلبی یاره لر
نمونه بیر سخنورم سوزومده وار اشاره لر
بو قاره که باشیمدا وار دالیجا چوخدی قاره لر
اولام چتیندی بختور هارا گیدورسن آی ننه


کچیکدی سنّی زینبون بؤیوک ملالیوی قانار
سرشکینی روان ایدر یوزه نقابی ایسلانار
یانان قاپوندی منظره گوزوم باخار اورک یانار
آز اولدی نسگلون مگر هارا گیدورسن آی ننه


مدینه نون خانملاری گیدوبدی خوابه چوخ گران
جلال سیز اولور سنون مزاره میّتون روان
بو رسمدور که منزلین جنازه ترک ایدن زمان
عزایه قونشولار گلر هارا گیدورسن آی ننه


#ترکی_فاطمیه_
#انور_اردبیلی_
#دل_شب_ایلیوب_سفر_هارا_گئدورسن_آی_ننه
#سیمای_عاشورا_انور

میلادیه حضرت علی اصغر (ع)


عباسی معروفان

لبلری گولدی حسینون دئدی اصغر گلدی
غنچه ی بی بدل باغ پیمبر گلدی

بوستان علوی بار دگر اولدی بهار
نوه ماه وش حضرت حیدر گلدی

منه وار لطفی خدانین ئورگیم گتدی اله
شَوه گوز غنچه دوداق نوگل احمر گلدی

انتظاریدی گوزوم اکبره همتا گلسون
شکر اولا اللها یارِ علی اکبر گلدی

مرغ روحیم پر آچوب سیر گلستان ائلیور
افتخار عالمینه اوچماقا شهپر گلدی

ائویمه نور گتوردون ائوین آباد رباب
قوشولا گللریمه غنچه ی دیگر گلدی

سن کیمی بیر آنا اصغر گتورر البته
نه اوغول بلکه بوگون رحمت داور گلدی

بسلدین سینه پاکینده حسینون گوزَلین
باشا چاتدی گجه لر آخره گونلر گلدی

دوقوز آی زحمتیوین حاصلی چوخ زیبادی
غنچه دور گل کیمی دامانی معطر گلدی

گوزلری گورمَلیدی گل یوزی اونداندا گوزل
بوسه ووردوم نظره بال کیمی لبلر گلدی

احتیاجیدی رقیه بالاما بیر یولداش
بو شیرین دیل قیزیما دوزلی برادر گلدی

گورورم قارداشین ایستور بالام آغوشه آلا
چونکه مندنده قاباق گورمگه خواهر گلدی

احتیاج اولسا اگر اصغره لایلای دئمگه
اوندا که اشک الیوب نالیه گوزلر گلدی

کافیدور تا دیه ایستکلی بالام لایلای اونا
گوز یوموب بلکه ده آرامشه مادر گلدی

گورورم عالم معناده نه غوغا یارانوب
صف چکوب تهنیته جمله ملک لر گلدی

دییرم ایندی علی اصغره قربان کسه لر
گوزله گوزلردن اگر گورمگه ائللر گلدی

قورخورام گوز دَیه زیبا گوزونه گوزلردن
بد نظر قویما دئسون رشکیله دلبر گلدی

مضطرب قلبیمی اوغلوم ائله آرام ائلدی
کئچدی غم گونلری پیرایه لی گونلر گلدی

وئر باجیم زینب اونون جسمینی قنداق ائلسون
دِه علی اکبره منصبده برابر گلدی

چاغیرون اوغلومی قیزلاریمی هم قارداشیمی
دئیون اولدوزلاریما ماه منور گلدی

ائشیدوب بو خبری باد صبادن (معروف)
دئدی صد شکر خدا زینت دفتر گلدی


#میلادیه_اصغریه_
#معروف_اهری_

زبانحال حضرت زینب در فراق حضرت زهرا


ای گوزی قانینه غلطان ننه سس ویر سسیمه
گوگرن صورته قربان ننه سس ویر سسیمه
آند ویررم سنی حیدر بابامون غیرتینه
غم الیندن نچه گونده بوکولن قامتینه
حسنینون ئورگینده الم و محنتینه
ایلمه زینبی نالان ننه سس ویر سسیمه
نه گوروبسن حسنینون آنا جان بی لیگینی
نه گوروبسن قیزوون بخت ایوینه گیتمگینی
ویر حسینون گجه وقتی توخونان کوینگینی
قوی باسیم باغریما الان ننه سس ویر سسیمه

عالمون گوزلری تا محشره جک آغلیاجاق
زینبون قاره باشا قبره کیمین باغلیاجاق
غم الیندن قوجالان مادره یاس ساخلیاجاق
عمری آز دردی فراوان ننه سس ویر سسیمه
باجینین دردی اگر اولسا دییر قارداشینا
اولمادی قارداشون اما سالا قاره باشینا
باخمادی کینه لی دشمن حسنون گوزیاشینا
ای ایچن باده ی هجران ننه سس ویر سسیمه
ال توتان سائله طوی جامه سین احسان ایلین
فضه ی خادمه نی حافظ قرآن ایلین
ذکر تسبیحی بوتون عالمی حیران ایلین
ای آدون کوثر قرآن ننه سس ویر سسیمه
سن کی گوزدن قیزووی صبح و مسا آتمازیدون
یاتماسیدی گجه لر صبحه کیمین یاتمازیدون
زینبون بیر توکونی یدی گووه ساتمازیدون
نیه بس قالدی پریشان ننه سس ویر سسیمه
گیت ننه ختم نبی گوزلیور الان یولووی
آلاجاق حوری و غلمان و پری ساق صولووی
گورسه پیغمبر اگر ظلمیله سینمیش قولووی
ایلیر جنتی ویران ننه سس ویر سسیمه
سنده آتسون قیزووی بس منه کیم همدم اولار
باغبان ئولسه مسلمدی گلستانی سولار
زلفینی زینب کبری باشون اوستونده یولار
قدی خم دیده سی گریان ننه سس ویر سسیمه
ئولننجک توکرم گوزیاشی ای وای دییرم
بو آخان اشک لره جوشقون اولان چای دییرم
ترپدیب خردا بشیک اصغره لای لای دییرم
ای ایدن قلبیمی شان شان ننه سس ویر سسیمه
یبت الاحزان منه سن سیز ایله زنداندی ننه
غرقیدور آل نبی بحر ملال و محنه
سنی تاری بو گجه باخ بو سارالمیش چمنه
ای سولان گللره باغبان ننه سس ویر سسیمه
یا محمد قیزووی گورنه حالا سالدی فلک
آغلیور حالینه جن و بشر و حور و ملک
غصب اولوب ظلمیله یا ختم نبی باغ فدک
خاطر احمده بیر آن ننه سس ویر سسیمه
یاز (نوید)شعرووی زهرا اوزی امضا ایده جک
دوز چاغیرسون ننمی رتبووی اعلا ایده جک
خود پسند اولسون اگر دهریده رسوا ایده جک
سنده من تک ده نواخوان ننه سس ویر سسیمه

""کربلایی نوید آسال