حالات حضرت زهرا(س)
گریز به مجلس ابن زیاد

مرحوم انور اردبیلی

بخش 1️⃣

روز و شب ساعت بساعت دوری دورانون گئدور
لحظه به لحظه فنایه عمری انسانون گئدور

عمر بیر گوهردی پر قیمت عیار و ارجینه
فکر نه صرّاف و نه اندیشمندانون گئدور

انبیانی ذات هو خلقه معلّم گوندروب
بی معلم اولسا امّت آری بی قانون گئدور

مکتب توحیدیدن یوخ غیر بیر حق مکتبی
هوشیار اول چخما بو مکتبدن ایمانون گئدور

یوز ایگرمی دورت مین استادی اولان بیر مکتبه
پیروی اولسون عملده عیب و نقصانون گئدور

واعظا وعظونده گوزله انبیانون شیوه سین
نطقوون مغروری اولسون قدر برهانون گئدور

عالما اهل عمل اولسون اگر خوشبخت سن
رو بمعنا گون بگون ترفیع عنوانون گئدور

زاهدا زهدون دوز اولسون سعی ائله نفسون سلیم
چوخ دقیق اول قلبوه خطواتی شیطانون گئدور

ای توانگر ثروتون واردور فقیرون دوت الین
ایلمه غفلت الوندن فیض احسانون گئدور

ای قضاوت ایلینلر دوز قضاوت ایلیون
ناروا بیر حکمیله میزان میزانون گئدور

ایلیوب مغرور بش گونلوک ریاست نفسوی
بش گونه خاطر فنایه حسّ وجدانون گئدور

وار قاباقدا بیر بیوک عالی خدائی محکمه
دوز قضاوت اوردادور چون حکمی یزدانون گئدور

دادگاه عدلیده شاه و گدانون فرقی یوخ
اوردا نه حقّ گدا نه حقّی سلطانون گئدور

زرق و برق عالم امکان فنادور بی دوام
آشنا اولماز وفاسی تئز بو دنیانون گئدور

پند آلان اولسا اگر تاریخ پند آموزدور
باخسا کیم بحثی نظردن عمده جریانون گئدور

عادله رحمت قالوبدور ظالمه لعنت چاتوب
ذلت ظالم بلی نه حسنی خوبانون گئدور

فیلمیدور تاریخ اؤزی هرصحنه سی بیر پرده دور
داستان فیلمی هر بیر مرد مردانون گئدور

گاهی اسکندر گورورسن آب حیوان آختارور
گاه الیندن افسر و اورنگی دارانون گئدور

پاره لور پیغمبرون مکتوبینی گه یزدگرد
درنتیجه غارته درباری کسرانون گئدور

چارده معصوم دور دلسوز رهبر والسلام
حسن ظنّی عرضیمه منصف سخندانون گئدور

مرتضی تک رهبر ایستور رهبر اولسون عالمه
روشن اولسون تا هارا معیاری عرفانون گئدور

قویمادی ثانی دریغا کامیاب اولسون علی
نقش ظلمی ایندیده اول مرد نادانون گئدور

خود سر اولدی باخمادی پیغمبرون دستورینه
اولمادی وجدان دوشونسون حقّی مولانون گئدور

جاهل محض ائتدی علمون هیکلین عزلت نشین
ای عجب نادان الینده قدری نادانون گئدور

درگه دارالامانه وردی بیر اود ظلمیله
حشر اولونجا شعله سی اول نار سوزانون گئدور

توستی قوزاندی قاپی یاندی نه چکدی فاطمه
مشگله حلّی بو بیر مشگل معمّانون گئدور

باردار عورت قاپی سنگینیدی مسمار تیز
دردی فکر ائت گور هارا خاتون علیانون گئدور

وئردی زهرایه ایکی یاندان در و دیوار فشار
ضربه گورسه طاقتی واضحدی نسوانون گئدور

سیندی طاها ایگلین گل غنچه دوشدی تپراقا
نکته سنج اولسون جماله اشگ جریانون گئدور

محسنون عمری قوتاردی فاطمه غش ایلدی
منزله نازک صداسی فخر لعیانون گئدور

فضه ائودن هولیله چخدی دالیجا دورت بالا
زخمدار اولسا آنا یاراسی طفلانون گئدور

یاره لی گوردی بتولی سسلدی زینب آنا
سالمیدون سن نیه تپراقه القانون گئدور

گوزلریم قربان حسینون آغلیور آچ گوزلرون
طاقتی دیندیرمسون بو ماه سیمانون گئدور

گللرون سولدی چاغور امداده گلسون باغبان
باغبانون گلمسه الدن گلستانون گئدور

فضه الهام آلدی بو سوزدن چاغوردی یاعلی
دردمندون وار یوبانما وقت درمانون گئدور

سویگلون زهرانی دلدن سالدیلار امداده گل
ائوده اگلشمه خزانه باغی طاهانون گئدور

غش ائدوبدور صحن ده مصداق کوثر همسرون
قیل حمایت آبروسی اهل قرآنون گئدور

گوزلرین آچمور کأنّه دودمانوندن آقا
دوقّوز ایلّیک دردسرسیز خسته مهمانون گئدور

مرتضی ائودن چخوبدور گلدی صحن خانیه
توستی گوردی گوگه درگاه والانون گئدور

ناله ایلور قیزلاری حیران باخور اوغلانلاری
گوزیاشی رخساره دورت طفل هراسانون گئدور

بیر طرفده محسنی خاموش اولوبدور شمع تک
بیر طرفده یاره سیندن قانی زهرانون گئدور

عصمت اللهه عباسین پرده ائتدی مرتضی
احترامی گوردی چون ناموس یکتانون گئدور

ائتدی فرمایش عم اوغلون سندن اولدی شرمسار
سرنوشتی گور هارا اولاد عمرانون گئدور

حُسن نیّتله بلاگردانیم اولدون فاطمه
حشر اولونجا امری بو ایثار عظمانون گئدور

من سلیمان سن جلالت تختینون بلقیسی سن
گورسه بلقیسی خطر صبری سلیمانون گئدور

منع ائدوبدور مصطفی یوخسا ...


#ترکی_فاطمیه
#مجلس_ابن_زیاد
#انور_اردبیلی
#روز_و_شب_ساعت_بساعت_دوری_دورانون_گئدور
#قیام_زینب_انور🍃🌴🍃🌴🍃🌴🍃🌴🍃🌴🍃🌴🍃🌴⬇️⬇️⬇️⬇️⬇️🌹@ebadi_esmaeil
https://tttttt.me/naghmehaye_gham

حالات حضرت زهرا(س)
گریز به مجلس ابن زیاد


مرحوم انور اردبیلی

بخش 2️⃣

منع ائدوبدور مصطفی یوخسا آلاردوم انتقام
ثانی آنلاردی هارا جرمی بو طغیانون گئدور

دوزمز هر مردون عیالین ئوز ائوینده ورسالار
اختیاری الدن هر شخص شکیبانون گئدور

غیرت اللهَم صلاح دینه خاطر دینمورم
صبریدن چخسام رضاسی حیّ سبحانون گئدور

اون بیرینجی اوغلووا موکول اولوب بو انتقام
ناگران اولما اورکدن داغ پنهانون گئدور

هر زمان چخسا ظهوره محسنه خونخواه اولار
قلبیمیزدن سوزشی بو ظلم و بلوانون گئدورل

ثانی درک ائتدی نه ظلم ائتسه مهیّادور علی
بیر ستم قیلدی نه ظنّی گبر و ترسانون گئدور

روبه ترسو دوتوب شیری دئدی گل بیعته
قالما ائوده وحدتی قوم مسلمانون گئدور

بوینونا سالدوردی شالین باغلادوب بازولرین
گئتمه سون گئتمه دئدی الده گریبانون گئدور

مختلف سسلر اوجالدی آچدی زهرا گوزلرین
گوردی الدن دامنی فرزانه جانانون گئدور

یاره سین یاددان چخارتدی دوردی یردن خشمگین
ورسالار فکر ائتمدی یاراسی اعضانون گئدور

اللریله مرتضانون دوتدی محکم دامنین
اشگی بو یرده یوزه هر چشم گریانون گئدور

ثانیه قیلدی بیان ال چک عم اوغلومدان اوتان
صحنیدن ایوان عرشه دود عصیانون گئدور

فکر ائله گور هانسی اللردی طنابه چکموسن
لذت امروزه ظالم خیری فردانون گئدور

سن غدیر خمّده به به دئدون بو سروره
خاطروندن تئز نیه اقرار و اذعانون گئدور

قویمارام سیزله عم اوغلوم مسجده باهم گئده
گئتسه سیزله احترامی شاه شاهانون گئدور

قوللارین سن باغلیانمزدون مشیّت باغلیوب
خط مشیی دوز یولا بو مرد معنانون گئدور

نیلیورسوز ایلیون ئولسم شهیده گئتمشم
غصه لی عمری هاچان پایانه زهرانون گئدور

دوشدی صحنه کشمکش قنفذ ال آتدی قمچیه
دگسه قمچی طاقتی مرد توانانون گئدور

قول شکست اولدی گوگردی اللری غش ایلدی
تاقیامت عمری بو غملی قضایانون گئدور

غشّیدن حاله گلنده گوردی یوخدور مرتضی
بیلدی امری مشگله سلطان مردانون گئدور

شهپری سینمش هما تک یوز قویوبدور مسجده
اشگی گوزدن هر قدم اول جنت آرانون گئدور

صدر منبرده ابوبکری گوروب ائتمش جلوس
عرشه گَردِ فتنه سی اول فتنه برپانون گئدور

بیعت ایستور مرتضادن پیر مرموز حجاز
اشگی گوزدن بوذر و مقداد و سلمانون گئدور

باش آچوقدور شالی بوینوندا وصیّ مصطفی
جسمینه رنجی کمند و بند و ایذانون گئدور

باغلانوب دروازه ی خیبر قوپاردان پنجه لر
آهی دلدن گوگلره اول دل پریشانون گئدور

دیللنوب زهرا عم اوغلومدان بویوردی ال چکون
شرم ائدون حیثیّتی سیز خانه ویرانون گئدور

من نه حالدا گلمشم بو مسجده الله بیلوب
دردیمی واضح دئسم گوزیاشی اعدانون گئدور

چارم اولسیدی قالاردوم ائوده گلمزدوم بورا
دردیمه فکر ائتمیون فکری اطبّانون گئدور

مسجد اهلی بی خبرسوز ئولدوروب قنفذ منی
بو اشارمدن توانی روح طاهانون گئدور

نیمه سوز هیزم هارا زهرا هارا قنفذ هارا
آخری قتله بو امر ناگوارانون گئدور

زندگیدن اوزمیشم ال مرتضادن اوزمرم
مرتضاسیز عزتی امّ ابیهانون گئدور

قوللارین آچمادیلار زهرا ال آتدی معجره
فکری نفرین ائتمگه خاتون کبرانون گئدور

تتردی مسجد بشیک تک لرزه دوشوبدی یثربه
آسمانه ضجّه سی اهل تماشانون گئدور

مرتضی امر ائتدی سلمانه اوتورما قیل شتاب
قویما زهرا باشین آچسون نقشی امکانون گئدور

بازوان حیدرون آخر طنابین آچدیلار
بیر سوزوم وار طاقتی هر صبری دریانون گئدور

مسجدی ترک ایلیوب گلدی ائوه زهرا ، علی
گور هارا اندیشه سی زهرای زیبانون گئدور

یورقونیدی منزلینده اگلشوب دینجلمدی
فضه گرچه چوخ دئدی گَل بستره جانون گئدور

باشینه جمع ایلدی اوغلانلارین هم قیزلارین
خدمته فکری گینه بانوی شایانون گئدور

عرض ائدوب شاها اجازه وئر دولاناق باشوه
باشوه دونسوک اگر شرّی بلایانون گئدور

درس اولوبدی بو قضیه زینب مظلومیه
قوی دیوم گرچه تواناسی احبّانون گئدور

مجلس شومه عبیدالله جلّاد ایستدی
قتل زین العابده متنی بو فرمانون گئدور

قورخولی قیزلار سارالدی قورخوسیندان تتردی
مجلسه افغان سسی طفلان لرزانون گئدور

حضرت سجادی باسدی باغرینا زهرا قیزی
گوردی الدن یادگاری شاه بطحانون گئدور

قهرمان کربلا جلّاده فرصت وئرمدی
بیلدی فرصت وئرسه درّی گنج تقوانون گئدور

ئولمسم من ئولدوره بیلمز دئدی بیرکس سنی
قتله یتسون رهبری فوج اسیرانون گئدور

عالم معناده زهرا زینبه احسن دئدی
آغلاما اشگی یوزه شاه شهیدانون گئدور


#ترکی_فاطمیه
#مجلس_ابن_زیاد
#انور_اردبیلی🍃🌴🍃🌴🍃🌴🍃🌴🍃🌴🍃🌴🍃🌴⬇️⬇️⬇️⬇️⬇️🌹@ebadi_esmaeil
https://tttttt.me/naghmehaye_gham

زبانحال حضرت زینب (س) و جواب حضرت زهرا (س)


علی نوروزی نوین

گوزلرون ندندی سنون بیله دائماً اولور اشگبار آنا
گوزلرون فداسی اولوم سنون زینبوندن آلما قرار آنا

آغلینده قلبیم الولانور تاراولور گوزومده منیم جهان
آه جان شکاریله ایلوسن قلبیمی منیم تارومار آنا

سن او وقتیدن که مریض اولوب بنذوسن آنا بیر سولان گله
غنچه گللرونده سارالدیلار پایمال اولوب لاله زار آنا

غصه لر سنی تابیدن سالوب اگلشوب قیلورسان نمازیوی
یا که واردی بیر آیری علتی سویله زینبه گلعذار آنا

دورموسان ایاقه مریض سن پیکرون دوشوب تابیدن سنون
بس نیه قنوتون بیر اَلیدور،قلبیمی بو غم یاندیرار آنا

ائتموسن عوض ذکریوی ندن سالمیسان دیله سن اُلوم سوزون
اُلماقا ندندی بو سنیله سویله قالموسان انتظار آنا

گیزلدیرسن علت ندور آنا چادریله گل صورتون بیله
گیزلین آغلیوب ناله ایلسون قلبی ای اولان داغدار آنا

کوچه ده نلر باشیوه گلوب قارداشیم حسندن سوروشموشام
واضحین ولی سن اوزون بویور ایله دردیوی آشکارآنا

من بوقدر بولدوم که کوچه ده ظلمیله سنه سیلی ویردیلار
هم قباله اولدی ورق ورق همده سن اوزون زخمدار آنا

ماجراسی اُول کوچه نون آنا ایلیوبدی قارداشیمی ملول
گورنجه سولوب قارداشیم حسن هرگیجه ائدور آه وزارآنا

بیر گیجه ائشتدیم که قارداشیم درد دل ائدوردی حسینیله
با هم آغلیوب ناله ائتدیلر زینبون اولوب غصه دار آنا

آغلیوب دئیردی او کوچه ده من آناما بیر ایش گورمدیم
من باخا باخا ویردیلار اونی، یوز ویروب منه انکسارآنا

چاتمادی بویوم تا الین دوتام قویمیم ویرا ویردی ظلمیله
کیمسه اولمیوب دادینه گله محنته اولوبدور دچار آنا

بیر بیله غم ومحنت و محن سلب ائدوبدی دیلدن قراریمی
یانمیشام اینان درد و غصه دن قالمیوب داخی اختیار آنا

آغلارام اودی منده هر گیجه سسلرم یارالی ننه ننه
سس ویرر منه قارداشیم حسین گوزلریم اولار دُرنثارآنا

قاخموری قولون تا دئیم آنا زلفیمه منیم شانه ویر اوزون
گورموشم قولون نصف شب سنون یوز ویروب غم بیشمار آنا

ایسترم چیخام صحن خانیه گاه محسنون یادیمه دوشر
یاد ائدوب سنون گه ییخیلماقون ناله ایلرم چون هَزارآنا

زینبون یانقلی بو دیللری یاندیروبدی زهرانی آغلادوب
بیر آنا بالا باهم آغلاشوب هم بالا یانوب هم یانار آنا

دیل آچوبدی زهرا گلوب دیله سویلدی بو قدر آغلاما قیزیم
آهویله یاندیرما قلبیمی سویلمه بیله بیقرار آنا

محسنوم بهانه اولوب قیزیم غربت علی آغلادار منی
آغلارام آدامسیزدی مرتضی ایلسین نجه اصطبار آنا

سویلدی قیزیم ایمدی اچ اَلون ایستورم دعا ایلیم بودم
شوقیله آچوب زینب اللرین تا ائده دعا غصه دار آنا

عرض ائدوب خدا عمریمی قوتار فاطمه دویوبدور حیاتیدن
ایمدی سسلنور صاحب زمان نیلدی سنه روزگار آنا

زینبین بو سوز پوزدی حالینی قولارین آنا بوینونا سالوب
سویلدی سنه زینبون فدا صبر ایوین بومحنت ییخار آنا

گر اجابته یتسه بو دعا ایمدیدن آنا وای اولا منه
سرگذشتیمی بولمورم ندن کلک حق بونوعی یازار آنا

بانی گرچه بو سوزلره اولوب نوحه خوان (صمد) حافظ اهلیدی
دم سنون دمیندور (نوین) یازوب سوز گلوب بیله آبدار آنا

بیرده اوز بالان آدی( مجتبی) نوحه خوان بو مطلبده سهمی وار
سن دعا ایله تا بو اوچ نفر دهریده اولا کامکار آنا



#ترکی_فاطمیه_🍃🌴🍃🌴🍃🌴🍃🌴🍃🌴🍃🌴🍃🌴⬇️⬇️⬇️⬇️⬇️🌹@ebadi_esmaeil
https://tttttt.me/naghmehaye_gham

زبانحال حضرت زینب(س)



شاعر ؟؟؟

ای قلبین ائدن غصّه پریشان ننم ایوای
گیزیلینده قالان دردی وئرن جان ننم ایوای
نالان ننم ایوای


سن سیز بو جهان زینبه باشدان باشا غم دی
قلبیم دولی درد و محن و آه و الم دی
عمروم بویی افغان ائلسمده گئنه کم دی
عمرون بویی سن ایلدون افغان ننم ایوای


دنیاییله دنیاده ملالون تاراز اولدی
قان آغلیارام گول کیمی چون عمرون آز اولدی
بش یاشدا منه هجرون آنا غصّه ساز اولدی
غملر ائلدی قلبیوی شان شان ننم ایوای


بو غصّه منیم طاقتیمی الدن آلیبدی
غملی قیزوی اوزگه بیر احواله سالیبدی
دردون کیمی قبرون ننه گیزلینده قالیبدی
قلبون کیمی قلبیم اولوب القان ننم ایوای


حاشا کی وفا رَختینی تندن سویا زینب
بیر لحظه او نیلی ئوزی گوزدن قویا زینب
دنیا بویی افغان ائده حاشا دویا زینب
ناله ائلیر زینب نالان ننم ایوای


قیز قالسا آناسیز داخی دردین بیلن اولماز
نازین چئکن اولماز، آخان اشکین سیلن اولماز
گول تک سارالار غصّه سی امّا علن اولماز
زینب تک ائدر اشکینی افشان ننم ایوای


شادلیق بو فنا دهریده بیلمز ننه سیز قیز
گوزیاشی آخار صورته سیلمز ننه سیز قیز
آغلار گئجه نی گوندوزی گولمز ننه سز قیز
هر لحظه اولار زار و نواخوان ننم ایوای


سجّادون آچوب سوزیله دل داغلیارام من
حسرتله یولون گوزلویرم آغلیارام من
گورسم بابام امّا گلوری باغلیارام من
آهسته نوا ایلرم هر آن ننم ایوای


سندن سورا دنیاده آدامسیز قالوب حیدر
الدن دوتانی یوخدی کمکسیز قالوب حیدر
آلموللا سلامین ائله یالقوز قالوب حیدر
قدّین خم ائدوبدی غم هجران ننم ایوای


ثانی ستمی دهره بیلیندی ننه زهرا
علّت واریدی زینب حزیندی ننه زهرا
تای توشلارون ائولرده گلیندی ننه زهرا
اولدون ولی سن عشقوه قربان ننم ایوای


جدّیم کی وفات ائتدی، بو محنتده سارالدون
غملر باشوا یاغدی، یامان گونلره قالدون
یئتمیش گونون عرضینده جوانلیقدا قوجالدون
اولدی محنون قبریده پنهان ننم ایوای


بلبل آلیشار غصّه لَنَر خاره باخاندا
یاننام ننه سندن قالان آثاره باخاندا
ئوللم در و دیواریله مسماره باخاندا
گورّم توخانوب سینوه پیکان ننم ایوای


#ترکی_فاطمیه_🍃🌴🍃🌴🍃🌴🍃🌴🍃🌴🍃🌴🍃🌴⬇️⬇️⬇️⬇️⬇️🌹@ebadi_esmaeil
https://tttttt.me/naghmehaye_gham

#فاطمیه_مدح_و_مرثیه
#حضرت_زهرا_س



هانی عم اوغلی او باش که اولا مصیبت سیز
هانی او دل که جهاندا قالوبدی محنت سیز


هانی او درد و بلا که تاپوبدی بیر باشی
اولا عواقبی دار فناده حکمت سیز


یقین حکمتی واردور که باغلانا قولوی
جسارت ایلیه اوچ یوز نفر عدالت سیز


گونون گون اُورتا چاقیندا اُوز آستانینده
دُویوبله محرمیوی گوز ایوینده علت سیز


نه چون دفاع ایلیوردی او دم ولایتدن
جهانی فاطمه نینور اولا ولایت سیز


سنون ولایتیوه یا علی اوزوم قربان
نه قدری اُلمه میشم قویمارام حمایت سیز


سیزون رضایتوز الله رضاسیدور یوخسا
بهشتی گورمیجاج کیمسه بو رضایت سیز


اودور که هر غمی من جانه آلمشام بلکه
سیزون رضایتوزی جلب ایدم نهایت سیز


سیزون محبتوز هر دلده اولسا روز جزا
اولار جهنم اودوندان یقین قسمت سیز


فدا اولوم اورکینده اولان محبتیوه
بو دوقوز ایلده بیر آن اولمادون محبت سیز


محبتین اورکیمده یر ایلیوب اوزینه
محبتی که همیشه اولوبدی منت سیز


سیزون محبتیزون سایه سینده دالدالانور
تمام خلق جهان چون همای رحمت سیز


سیزون وجودیزیلن عالمی تاپوپدی صفا
فدا اولوم سیزه سیز آبروی خلقت سیز


خدایه حمد ایلرم دائما نماز اوسته
جهانی قویمادی قالسین ولی نعمت سیز


امامیم حاضر و ناظر اولوب کناریمده
وصیت ایلیورم اُلمیم وصیت سیز


وصیتیم سالاجاخ زحمت فراوانه
بَغیشله َسیز بولورم معدن سخاوت سیز


ویرنده غسلومی لطف ایت آیرما کوینکیمی
دگور بو جسم نحیفیم نه چون جراحت سیز


گوزون ساتاشسا منیم سینه ده اولان یاراما
بو داغلی قلبیوی ایلر دوباره طاقت سیز


سیز آغلاساز منه ، قان آغلیار یارالارمی
او دم او حالوزه ای شاه دین ، قناعت سیز


عنایت ایله وصی اول منیم وصیتیمه
اقلّی روحیم اولا قبریده اذیت سیز


گیجه زمانی منی دفن ایله ولی گیزلین
سقیفه اهلی دگور چون بیزه عداوت سیز


منیم بالالارمی ساخلا گوزلرون اوسته
خصوص حسینیمه اولما بیرآن عنایت سیز


سنون عنایتون الحق خدا عنایتیدور
یتر قیامته جاخ عالمه ملامت سیز


یانان چادردا قیزیم زینبین هراینه گل
بلا چولونده او دم که قالوبدی نصرت سیز


بیر عمردور منه نوحه یازار یانار ((ساده))
امیدواریدی که اولمیا شفاعت سیز



#طهمورثی_ساده🍃🌴🍃🌴🍃🌴🍃🌴🍃🌴🍃🌴🍃🌴⬇️⬇️⬇️⬇️⬇️🌹@ebadi_esmaeil
https://tttttt.me/naghmehaye_gham

مصائب حضرت صدیقه ی طاهره(س)



مرحوم میرزا عبدالوهاب حقیرخوئی
سبک:ئوزوم گوردوم قاپوم یاندی/بزن برسینه و برسر/بسوی گلشن حسینی میروم...

پیمبردن صورا آرتوب ملال و محنت زهرا
اولوب بار مصیبتدن خمیده قامت زهرا


چو بی دینان امت باشلیوب آغاز بی دینی
گروه بت پرستان قیلدی ترک دین آئینی
نفاق مشرکینی گوردی بیداد مَلاعینی
اولوب جور مخالفدن جگر خون حضرت زهرا


شراره چکدی از بس آتش بی شرمیِ ثانی
ووروب اود یاندیروب تا درگه ناموس کبرانی
اذیّتدن او خاتون اولمادی آسوده بیر آنی
گونی گوندن اولوب درد و غمیله الفت زهرا


بساط کفر و کینه وئردیلر بیر نوعیله رونق
اولوب حق منزوی ناحق خلافتده تیکوب بیدق
دانوب حق بتولی حقینی غصب ائتدیلر ناحق
محقق اولدی خلقه حقّیله حقیّت زهرا


اولوب دانسته و فهمیده امّت بی وفالقدن
هوای نفسیله ناحقّه مایل منحرف حقدن
باتوب اسلام آدی ایتدی شریعت کفر مطلقدن
باسوب ظلمت دوتولدی گون توکَندی طاقت زهرا


مَرَض عارض اولوب ازبس وجودی بستری اولدی
سارالدی عارضی رنگی مرضدن گل کیمی سولدی
اولوبدی ضعف مستولی اجل پیمانه سی دولدی
یتوب عمر آخره یتدی زمانِ رحلت زهرا


عیالین جمع ائدوب بیربیر وداع ائتسون او اثناده
گوزی تا زینب و کلثومه دوشدی گلدی فریاده
مگر بزم یزیدی قصّه ی شامی سالوب یاده
چکوب بیر آه آخوب گوزدن سرشک حسرت زهرا


نجه یاددان چیخار شامه گلن گون عترت یاسین
یزید امر ایلیوب بازار شامه باغلیون آیین
گلور زهرا عزیزی ایلیون بزم طرب تعیین
بولونسون خاصّ و عامه احترام و حرمت زهرا


حیالی بانوان پرده ی اسلامی بی پرده
او ظالم ساخلادی مجلسده بیر ساعت برابرده
زنان داغدیده دختران ناز پرورده
قولی باغلی اسیران حبش تک عترت زهرا


قیلوب تخت اوسته اظهار تفاخر ایلچی رومه
زبان طعنه آچدی اهل بیت شاه مظلومه
بیری حضاردن بیر سوز دئدی مجلسده کلثومه
دلیم لال اول دئمه اولماز قبول غیرت زهرا


برابرده قویوب طشت ایچره رأس شاه عطشانی
الینده خیزران ایلر اشاره درّ دندانی
حرملر ضعف ائدر زینب پوزار زلف پریشانی
قالور گورسه بو اوضاعی نه حاله حالت زهرا


«حقیرین»نسبتی بیر نوعیله وار آل اطهاره
روا قیل حاجتین یارب اؤزون عالم سن اسراره
نصیب ایله زیارت فیضینی یارب بو حضاره
به اشک دیده ی کلثوم وزینب عصمت زهرا


#فاطمیه_
#مجلس_یزید
#حقیر_خویی_
#پیمبردن_صورا_آرتوب_ملال‌و_محنت_زهرا🍃🌴🍃🌴🍃🌴🍃🌴🍃🌴🍃🌴🍃🌴⬇️⬇️⬇️⬇️⬇️🌹@ebadi_esmaeil
https://tttttt.me/naghmehaye_gham

در فراق مادر
گریز به حضرت زهرا (س)



گوهری

کیم دییر فرق ایلمز بود و نبودی ننه نین
مایۀ خیریدی هر ائوده وجودی ننه نین

قدرینی بیل نه قَدَر زنده دی تا وار نفسی
افتخار عالمی اول سیر صعودی ننه نین

وئر قولاق هر نه دئسه دقّتیلن صحبتینه
لعلیدن باشدی یقین گفت و شنودی ننه نین

او دانشدیقجا دئنن جان ننه قربانین اولوم
اولا عشقین فرحِ باغِ خُلودی ننه نین

اؤپ الیندن ایاقیندان باشینا گونده دولان
احترام عالمی یوخ حدّ و حدودی ننه نین

حرمتین اولسا نه اندازه یقین کمدی گینه
عمرین حتّی اولا گر وقف درودی ننه نین

سنه خاطر اویانیب چوخ گئجه شیرین یوخودان
یات بالام لایلای اولوب دلده سرودی ننه نین

وارد اولسا نئچه یول گونده ائوه دور ایاقا
یئر نشان وئر ننه وه حین ورودی ننه نین

حال حرمتده دولان باشینه پروانه کیمی
اولماسین بار غمه نیل رکودی ننه نین

الین ئوپ گویلونی آل ساده سؤؤندور اؤره گین
یئتیشه قوی گینه ده شأنیوه سودی ننه نین

آی ننه رحمتینین ، سایه سی باشینده اولان
ائویوین نعمتیدی ذکر سجودی ننه نین

گونده اللهه طرف یوز دوتار هنگام نماز
مهری اولاده گوره داشلانی زودی ننه نین

ایستر اللهدان همیشه بالاسین سالم اولا
اولار عشقی بو سوزه دلده شهودی ننه نین


گئچورم سوزدن اولام وارد برنامۀ غم
آناسین گوردی ئولور زینب مرضیّه شیَم


باخدی باخدی ننه یه قوللارین آچدی او خانم
توکه اشکین یوزونه تازه یول آچدی او خانم
سینۀ فاطمیه گلدی سوواشدی او خانم
ائله آهسته دئدی جان ننه قربانین اولوم
یومما سن گوزلریوی قوی هله گریانین اولوم


قول بویون اولدی ننه یلن بالا قان آغلادیلار
قویدولار یوز یوزه چوخ اشک فشان آغلادیلار
بیر طرفدنده بلال وئردی اذان آغلادیلار
آلدی آغوشه خانم زینب دلبسته سینی
اؤپدی زینبده او دم مادر دلخسته سینی


دئدی بیر اوخشاما زینب ائشیدن یاندی غمه
بئش یاشیم واردی دئییم من نجه لایلای ننه مه
اثر ائتدی خانمین ناله سی اهل حرمه
حسنینین اوره گی یاندی او اثناده باخین
زینبین دوتدی الین آغلادی زهراده باخین


دورت بالا بیر ننه آغلاشدی نه آغلاشدی دئییم
فاطمیله بالالار ائوده قوجاقلاشدی دئییم
آیریلیق موسمی هی گلدی یاخنلاشدی دئییم
دئدی زهرا حسنینه بالا قرآن اوخیون
بیری یاسین و بیریز سورۀ رحمان اوخیون


گلدی نجوایه حسن سورۀ یاسین اوخودی
بیر طرفدنده حسین میل آناسین اوخودی
زینب اما اولارین ختم دعاسین اوخودی
دوتدی درگاه خداونده الین دورت گل ناز
صحّت فاطمیه ایلدیلر راز و نیاز


آغلیا آغلیا باخ غمزده لر وای دئدیلر
سس سسه قوشدولار اوندان ننم ایوای دئدیلر
دوشنوب فاطمه نین نعشینه لایلای دئدیلر
الینی قویدی حسن فاطمه نین دیده سینه
گوزله کلثومه دئدی دگمه حسین سینه سینه


یاره دور چونکه باجی سینه هله قان توکولور
دگسون اَل یاره لره خون فراوان توکولور
یول آچار قان ائله بس بارش باران توکولور
غیر ممکندی بو دردین اولا درمانی باجی
گزه سن عالم امکانی تاپیلماز علاجی


میخ در یاره لییب سینه دن آرتیق اوره گین
بین اکبادی قیریب فکر ائدیرم شاهرگین
نه گونه قویدی بیزی گور ائوی یانسین فلکین
خاتمه وئر سوزیوه « گوهری » قورتاردی دوات
حضرت فاطمه نین روحینه گوندر صلوات


#پندیات_
#مادر_
#ترکی_فاطمیه🍃🌴🍃🌴🍃🌴🍃🌴🍃🌴🍃🌴🍃🌴⬇️⬇️⬇️⬇️⬇️🌹@ebadi_esmaeil
https://tttttt.me/naghmehaye_gham

حالات حضرت زهرا(س)
« نوحه »


مرحوم غمکش

یا فاطمه آزاده‌لر نجواسی سن سن
عالمده یا زهرا کرم دریاسی سن سن

ختم رسالت - گلزاری زهرا
شاه ولایت - دلداری زهرا

قربانون اولّام (2)


یا فاطمه ای نصّ قرآن روح طاها
ای افتخار عاشقان عشق مولا
محتاجیدی گفتاروه محشرده حورا
لازمدی عشاقه جهاندا حُب زهرا



شأن و شرافتدی قاپوون اهل عزایه
ویروک قسم امّا سنی قال و بلایه
سال سایووی بیرده سر هر بی نوایه
قسمت ایله زائر اولاق کربوبلایه



امّت ایدوب ایذا سنون حقونده باری
الدن گیدوبدی حیدرون تاب و قراری
گوزلر گزور دائم خانم گزلین مزاری
باخ گور خانم سن حاجیان بی‌شماری



سندن مدد ایستوله مظلومان عالم
قربان اولا اجلالیوه خوبان عالم
یا فاطمه چون سندَدی درمان عالم
قربان اولا ایثاروه بو جان عالم



اشعارینی یازدی «رضائی» دوتدی ماتم
قاره گیور مولاسینه ماه محرّم
یا فاطمه ایله نظر اهل عزایه
سن سن فقط یعنی امید هر دو عالم





#ترکی_فاطمیه
#غمکش_
#یافاطمه_آزاده_‌لر_نجواسی_سن_سن
#زمزمه_های_محرم_غمکش🍃🌴🍃🌴🍃🌴🍃🌴🍃🌴🍃🌴🍃🌴⬇️⬇️⬇️⬇️⬇️🌹@ebadi_esmaeil
https://tttttt.me/naghmehaye_gham

حالات حضرت زهرا(س)


مرحوم انور اردبیلی

هر فرد بشر که ائدر اِمرار ئوز ائوینده
امنیّتی نسبت ئوزینه وار ئوز ائوینده

قانون طبیعتدی نظام مدنی دور
آسوده یاشار مسلم و کفّار ئوز ائوینده

کانون فراغتدی هر ائو اهلینه سوز یوخ
بیرکس ائده بیلمز بیرینی خوار ئوز ائوینده

راحت یاتا حتی گرک هر قوش یوواسیندا
پرّنده لره یتمیه آزار ئوز ائوینده

ای پیر خرد وار نه جوابون بو سؤاله
زهرا نه سبب اولدی گرفتار ئوز ائوینده

بیر فاطمه کی میوه ی قلبیدی رسوله
دؤزمزدی اولا ذرّه گرفتار ئوز ائوینده

باخدوقجا پیمبر اونا بالیده لنردی
ایگلردی گلون احمد مختار ئوز ائوینده

فرمایش ائدردی منی زهرا آتا سسله
شاد اولسون آتون مفخر احرار ئوز ائوینده

بیر فاطمه که بذلی چوخیدی فقرایه
ائتمزدی دویونجا ئوزی افطار ئوز ائوینده

بیر فاطمه کی عاشقیدی صوم و صلاته
ایلردی مناجات سزاوار ئوز ائوینده

بیر فاطمه کی نازل اولوب شأنینه کوثر
توهین ائلدی فرقه ی اشرار ئوز ائوینده

شیخین خلافت نقدر کج یولا چکدی
زهرایه گونی ایلدیلر تار ئوز ائوینده

اندیشه غلط اولسا بشر شرّ اولی مطلق
ناحق یره اخیاری ائدر زار ئوز ائوینده

یاندیردی عمر باب همایون علینی
شه بانوی اسلام گوروب نار ئوز ائوینده

اودلاندی قاپوم ثانیه ال چک دئدی مندن
زهرائیله گل ایلمه پیکار ئوز ائوینده

هر بیر یوزه بو درگه والادی آچیلماز
فکر ائت کیمه گور ایلوسن اخطار ئوز ائوینده

تا وار نفسیم بو قاپونی بیرکس آچانماز
گئتسون اوتوسون قوم تبهکار ئوز ائوینده

قارداشسیزام اینجیتمه آتام تازه ئولوبدی
قوی فاطمه نی اولسون عزادار ئوز ائوینده

فکر ایلیوسوز اولما کمک سیزدی عم اوغلوم
زهرا تک اونا واردی فداکار ئوز ائوینده

بیز ایستمدوک امر خلافت سیزون اولسون
قوی راحت اولا عترت اطهار ئوز ائوینده

آهولریمی ائوده ملشدیرمه حیا ائت
دورت خوردا بالام قورخودان آغلار ئوز ائوینده

باخمادی سوزه ثانی نه بیلدی اونی ائتدی
حقّون ائلدی حقّینی انکار ئوز ائوینده

بیر زور وئروب قهریله یانمش قاپی سیندی
زهرا اجلین گوردی پدیدار ئوز ائوینده

دیواره که تکیه ائلمیشدی ائله قالدی
سالدی اونی جاندان در و دیوار ئوز ائوینده

مسمار امان وئرمدی زهرا گئج ئولردی
دلدی سینه سین اوخ کیمی مسمار ئوز ائوینده

سیندی صدف طاهره درّی یره دوشدی
اولدی اجل اول دُرّه خریدار ئوز ائوینده

فضّه ائله سسلندی علی چیخدی اطاقدان
گوردی یخیلوب دلبر دلدار ئوز ائوینده

نه جای مذمّت وار علیده چتین ایشدور
یارین یارالی درک ایلسه یار ئوز ائوینده

ایوای دئدی الله آناسیز قالدی اوشاقلار
بو دورت بالاما کیمدی پرستار ئوز ائوینده

اوغلانلاریمون قیزلاریمون گوزیاشی آخماز
دیلدن دوشنیم ایلسه گفتار ئوز ائوینده

غشّ ایلیوب حتماً سسیمه سس وئره بیلمور
بیهوش ائلیوب یاریمی اغیار ئوز ائوینده

گلسه دیله سسلنسه عم اوغلی غمیم اولماز
بیلّم که علینون کمکی وار ئوز ائوینده

حاصل ایشی تقدیر قضا بیر یره چکدی
دوردی ایاقا فاطمه ناچار ئوز ائوینده

درک ائتدی علینی باش آچوق قولّاری باغلی
چوخ غصّه لیدور حیدر کرّار ئوز ائوینده

میر حرمی ثانی چکور مسجده ساری
شهبازه آچوب شبپره منقار ئوز ائوینده

دوتدی ایکی اللی شه دینون اتگیندن
ئوز همدمینه اولدی هوادار ئوز ائوینده

دشمن او شهی خارجه زهرا ائوه چکدی
قهر ایلدی محبوبه ی قهّار ئوز ائوینده

ثانی دیله گلدی دئدی قنفذ نه دوروبسان
زهرا نجه گور ایلیور ایثار ئوز ائوینده

فوراً او دنی قمچیسینی آچدی بلیندن
وردی گل طاهانی او غدّار ئوز ائوینده

سست اولدی بتولون قولی ال چکدی علیدن
ضربت یتیشن وقتیده تکرار ئوز ائوینده

صدّیقه ی کبریٰ یخیلوب صحن سراده
قالمادی شه خیبره غمخوار ئوز ائوینده

گلدی بالالار فاطمه نی آلدی آرایه
زینب ائلدی فضّیه اظهار ئوز ائوینده

درگاهیمیزی چکدی اودا بی سر و پالر
یاندی شرر محنته سردار ئوز ائوینده

بو شهریده مظلوم آتامین بیرکسی یوخدور
توش اولدی غمه حجّت دادار ئوز ائوینده

پیغمبره دلدار آنامی سالدیلا دلدن
راحت اوتوروبدور هله انصار ئوز ائوینده

فضّه سو گتور وئر آنامیز گوزلرین آچسون
ائتسون ئوزی ئوز دردینی معیار ئوز ائوینده

کیم وار قولی باغلی آتامون فکرینه قالسون
کیم گلدی اونا اولدی طرفدار ئوز ائوینده

چاره گینه قالمیش آناما بیزده نه چاره
بیر چاره تاپار اولماسا بیمار ئوز ائوینده

#ترکی_فاطمیه
#انور_اردبیلی_
#هرفردبشرکه_ائدر_امرارئوزائوینده
#قیام_زینب_انور

در مدح امّ الائمّه(س)


مرحوم انور

بخش 1️⃣

نقل ایلیور بو صحبتی مجلسی صاحب بحار
هر سوزی مجلسی یازوب پایهٔ اعتباری وار
عالم نامداردور صاحب شأن و افتخار
غبطه محدّثین ائدر دفتر ارج دارینه
رحمت حیّ لم یزل روح بزرگوارینه


بیر گونی آدم صفی چهره ی صنع وحدتی
صاحب آفرینشون یعنی نمونه صنعتی
حضرت جبرئیلیله گردش ائدوردی جنتی
باغ بهشت انورون والهیدی صفاسینه
دقت ائدوردی بیر به بیر قصرلرون نماسینه


گزدی بهشتی بیر گوزل قصریله اولدی روبرو
گوردی عجیب طرزیله زینت ائدوبدی ذات هو
روح الامینه کشف ائدوب گورملی بیر بنادی بو
هرکیمون اولسا طالع بختی عجب خجسته دور
ایسته دی مدخله کچه درگهی گوردی بسته دور


حضرت بوالبشر دئدی حامل پیک رحمته
درگهی بو عمارتون باغلی قالوب نه علته
اولسا اجازه قفلین آچ داخل اولاخ عمارته
صحنده کی مناظرین چشمه لرینده دید ائدک
غرفه لرین اطاقلارین فرشلرین گوروب گئدک


صادر ائدوبدی امرینی خالق مالک الرقاب
خازن جنت نعیم آدمه ائتدی فتح باب
داخل اولوب عمارته بوالبشر اولدی کامیاب
روح الامین او قصرده آدمه اولدی رهنما
مرتبه مرتبه چیخوب وارد اولوب اطاقلارا


بیر اطاقا یتیشدیلر آدمی سالدی حیرته
گوزلری دوشدی نوریدن هیکل و قد و قامته
گوردیله بیر گوزل خانم جلوه سی واردی جنته
حُسن جمال اقدسی زینت عدن جان فزا
طاق جبین انوری مطلع نور کبریا


قدرت ال قویوب اونون باشینه تاج ارجدار
گردنینه آسوبدی بیر عقد ثمین و شاهکار
صاق قولاقیندا وار یاشیل رنگینده حلقه گوشوار
صول قولاقیندا قرمزی رنگیده گوشواره سی
ایلور او گوشواریه غبطه گویون ستاره سی


آدم بوالبشر ائدوب روح الامینیدن سوال
کیمدی بو محترم دوتوب ذاتینی ذات ذوالجلال
گلدی بیانه جبرئیل قیلدی بو طرزیلن مقال
چرخ جلالتون بودور سویلدی روشن اولدوزی
لم یزلون حبیبه سی ختم پیمبرون قیزی


الله اونی عزیز ائدوب مدحتینه یوخ احتیاج
فاطمه دور گوزل آدی مجلس عصمته سراج
ختم رسل نشانی دور باشینه قویدوقی او تاج
مرتضوی علامتی آسدوقی طوق گردنی
زوج بتول دور وئرر بزم ولایه روشنی


صاق قولاقندا گورسنور رنگی یاشیل او گوشوار
اوغلی حسندی مسند صلحده میر نامدار
صول قولاقیندا که حسین اوغلیدی چوخ بلاسی وار
گوزلریم حسرتینده دور واردی شیرین سوزوم اونا
گلسه جهانه هرزمان من لَلییَم ئوزوم اونا


بیر آنا زینتی دئدی بو ایکی گوشواره دور
یعنی ایکی گوزل بالا دوغماقینا اشاره دور
هر ایکی نازنین بالا بیر فلکه ستاره دور
حیرته سالدی آدمی توسن فکری لنگدور
شرح ائله گوشواره لر بس نیه رنگ رنگیدور


گلدی بیانه جبرئیل مطلبی ایلدی علن
لوحده گورموشم دئدی ثبته یتوبدی بو سخن
رنگی یاشیل نما اولور زهریله جان وئرور حسن
آسمش او گوشواره که فاطمه صاق قولاقینه
بنذری واردی اوغلونون پارچالانان دوداقینه


قرمزی گوشواره دور قرمزی ...


ادامه دارد ⬇️⬇️

#مدح_ترکی_فاطمیه_
#ترکی_فاطمیه_
#انور_اردبیلی_
#نقل_ایلیور_بو_صحبتی_مجلسی_صاحب_بحار
#حماسه_شهدا_انور

در مدح امّ الائمّه(س)


مرحوم انور

بخش 2️⃣

قرمزی گوشواره دور قرمزی قان علامتی
آخر وقت حسینینون قان اولاجاقدی خلعتی
اهل بهشتی سربسر آغلاداجاق شهادتی
فاطمه نون گوزل گلی پرپر اولار چمنده گل
باشی آچوق ایاق یالین جدّی گلنده سنده گل


من ایکی یول ئوزوم گرک خادم جان نثار اولام
خدمت ائدم او سروره صاحب افتخار اولام
یوم ولادتینده هم قتلگهینده یار اولام
فاطمه دن اولان گونی عشقیله لای لای دییم
بیرده دوشنده مقتله کرب و بلاده وای دییم


چرخ زمانه الغرض سرعتیله ائدوب مدار
ماه محرّمون اونی وحشته دوشدی روزگار
عصر زمانی نینوا تیتردی مثل گاهوار
شدت درد و غم سالوب بحرلری تلاطمه
خانه ی زینیدن یره دوشدی عزیز فاطمه


قانیله دستمازینی آلدی نمازون عاشقی
قیلدی نماز حاجتی راز و نیازون عاشقی
سوز و گدازه باشلادی سوز و گدازون عاشقی
اوغلی ئولن حسین سنون جاندا سنوندی ربنا
یاره لی قلبیدن آخان قاندا سنوندی ربنا


مرتبه ی فنا منیم حمد ائدورم بقا سنون
غصه منیم بلا منیم درد منیم دوا سنون
قانه بویانمش ال منیم دامن کبریا سنون
قانینه غوطه ور اولان تشنه کمکلریم سنون
خیمه لریمده قورخولی قاره لچکلریم سنون


کچمیشم هر ندن نه بیر یاور و یولداشیم قالور
باجیلاریم قرا سالوب باشه نه قارداشیم قالور
تحفه فقط حضوروه بیر یارالی باشیم قالور
کاش بو باشدا تز چیخا نیزه نون اوستت دینجلیم
زحمت عمری قورتارام مجلس وصله تز گلیم


آیه ی بیّناتوون واردی صریح عبارتی
وئرمسون اهل دعوته وعده ی استجابتی
یاره لیم سخلمیشام درگهوه بو ساعتی
وار سنه بیرجه حاجتیم کرببلاده چوخ دئمه
شیعه لرون نجاتینه روز جزاده یوخ دئمه


قانه باتان دوداقلارون اولدی دعاسی مستجاب
ساحت حقیدن یتوب روح الامینه بو خطاب
تنگه سالوب حبیبیمون اوغلونی سوز آفتاب
ایله نزول چتر تک جسمینه آچ قنادوی
خدمت ائله حسینیمه دفتره یازدیر آدوی


عرشیدن اندی جبرئیل کرب و بلا مناسینه
شهپرین آچدی چتر تک قتلگهون فضاسینه
سایه سالوب او سرورون سینه سینون یاراسینه
کولگه صفاسینی حسین گوردی او تنگ مرحله
بیلدی که جبرئیلیدور شهپر آچوبدی مقتله


یار قدیمسن دئدی واردی ثبات خدمتون
لازم امتناندور حرمتون حسن نیتون
دردیمه ایلمز دوا ذره بو یرده نصرتون
کولگه ده حل اولان دگل مشکل ابتلای عشق
عشق طبیبی حقیدور اوندادی تک دوای عشق


گون نقدر حرارتین آرتورا حدّت ایلیه
ذره لریندن اود توکه سوزشی شدت ایلیه
قان قوریا سزیلدیا یاره م اذیت ایلیه
سوز دئمیشم من عاشقم عهدیمون اوسته من وارام
یاریمی ترک ائدوب سنون سایوه دالدالانمارام


صبح ازل نسیمیم سایه رحمتم ئوزوم
محفل عشقدور بو یر یاری گورور منیم گوزوم
عشق ائوی سایه ایستمز ایستیه من گرک دوزوم
سیر ائله ئوز مقاموه شأنیله افتخاریله
مجلسی خلوت ائتمیشم قوم دانیشوم نیگاریله



با اجرای مرحوم استاد سلیم موذن زاده (سال 1361)

#مدح_ترکی_فاطمیه_
#ترکی_فاطمیه_
#انور_اردبیلی_


🍃🌴🍃🌴🍃🌴🍃🌴🍃🌴🍃🌴🍃🌴⬇️⬇️⬇️⬇️⬇️🌹@ebadi_esmaeil
https://tttttt.me/naghmehaye_gham

زبانحال حضرت زینب (س)


سبک : گل ای امید دل منتظران ... دور ای بهارین گل یاسمنی

حاج محمد رضا محمدی (ولایی)

آچ گوزلروی آی وفالی ننه
وای سینه یارالی حیالی ننه
ئوزگه دییرم آنا زینبووم
سس وئر سسیمه آی یارالی ننه


هجرووه آغلیارام
سینمی داغلیارام
تا ئوله نه باشیما
قاره وی باغلیارام

(باشی بلالی ننم.سینه یارالی ننم)٢




وای خوش گونه حسرت اولان آناجان
وای قلبینه غصه دولان آناجان
وای کوچه ده سیلی دین یوزونه
گل کیمی جمالی سولان آناجان


قلبیمی قان ائلمه
درده نشان ائلمه
گلشن عزتیمی
بیله خزان ائلمه

باشی بلالی ننم ...




باخیرام یانا یانا محمیلووه
فدا اولوم غمله دولان دیلووه
نه قارداشون وار'نه باجون آناجان
یانارام ئولونجه بو نیسگیلووه


قدی کمان آنا وای
یوزده نشان آناوای
سینه ده یاره گئدن
قبره 'جوان آناوای

باشی بلالی ننم ...




دردین آنیا دانیشار قیز' آنا
سندن سورا نیلیروک بیز' آنا
ئوزون ده بو یاشدا یتیم لیگه بیز
نجه دوزریک آخی سن سیز آنا


گئد آنا خوش گئدوسن
مقدمووی ئوپرم
گوزیاشیمیلا سنون
آردووا سو سپرم

باشی بلالی ننم ...

#ترکی_فاطمیه_
#محمدی_ولایی_🍃🌴🍃🌴🍃🌴🍃🌴🍃🌴🍃🌴🍃🌴⬇️⬇️⬇️⬇️⬇️🌹@ebadi_esmaeil
https://tttttt.me/naghmehaye_gham

درد دل حضرت زهرا (س) با زینب کبری (س)

مهدی عبادی

گل اوتور قیزیم دانیشاخ بیر آز
بئله حسرتیله سن آغلاما
قطرات اشگیوی ژاله تک
بو جماله دوزمه سن آغلاما

بالام آغلاما گولوم آغلاما



سن ائوین بویوک قیزیسان گرک
سنه چوخ سوزی دییه فاطمه
بوله سن قوجاقه بالالارین
آلا بولموری نیه فاطمه
یورولوب داخی دویولن آنان
گرک آغ کفن گییه فاطمه
ائویمی ییخیب بالا نیلییم
یولون اوسته یول کسن آغلاما


قاپیمزدان آتش کینه نین
اوجالاندا شعله سی گویلره
قاپیم آغلادی سینم آغلادی
او آچیلمیان گوله یکسره
ولی آند اولا جانیوا قیزیم
من او گوندن آغلورام حیدره
منی دویدولر او باخا باخا
سوله دیم ابالحسن آغلاما


بولوسن بالا نیه آغلورام
بئله گوز یاشیم یوزومه آخور
باباوین مصیبتی زینبیم
بو شکسته قلبیمی چوخ یاخور
سوریینده مسجده گورموشم
نجه حسرتیله منه باخور
قولی باغلی گوردی عم اوغلومی
دیدی عفو ائله رَسَن آغلاما (1)


آناوین یرینده اوتور قیزیم
بو ائو اهلینه آنالیق ائله
باجی قارداشونلا مصاحب اول
هامیسین اوزون بالا دوت دیله
حسنیم دانیشماسا هر زمان
سن اوزون دانیش غمی اسگیله
اگر ایسته سه ایلیه فغان
دینه رحم ائله حسن آغلاما


بو کبود اولان یوزومه باخوب
بئله توکمه عارضه گوز یاشون
سنه صبر ایستییرم قیزیم
بولورم بلالیدی چوخ باشون
اوزووی یتیر او چوخور یره
ییخیلاندا مقتله قارداشون
من اوزومده آغلییرم اوگون
نجه من دییم کی سن آغلاما


بو حسینیدن صورا سن اسیر
اولاجاخسان آل امییه
او بلا چولونده کفیل سن
بولورم او نازلی رقییه
بابا وای دییر یانار آغلییر
باباسین چکر او خرابیه
سن او (بیکَسی) دیله دوت دینن
باباسیندان ای کوسن آغلاما
ـــــــــــ
(1) رَسَن=طناب (طناب بخاطر بسته شدن به دست امیرالمومنین از حضرت عذر خواهی کرد ) (استعاره)

#ترکی_فاطمیه🍃🌴🍃🌴🍃🌴🍃🌴🍃🌴🍃🌴🍃🌴⬇️⬇️⬇️⬇️⬇️🌹@ebadi_esmaeil
https://tttttt.me/naghmehaye_gham

زبانحال حضرت علی (ع)



زلفی تبریزی

دلداریم
منه غمون اولدی گران
بهاریمی پوزدی خزان
تیره دی سنسیز بو جهان
گوز آچ اویان فاطمه جان

غمخواریم
دور نئجه گور قهر زمان
قلبیمی ایلوبدی نشان
ای گل گلزار جنان
گوز آچ اویان فاطمه جان

سینمده
نار هجرون چکور شراره
مرتضی دن کسیلدی چاره
یانارام فرقت نگاره

سنله گیتدی زهرا صفای خانه میز
سنسیز سوندی مشکات آشیانه میز








دلداریم
دیزیمده یوخ تاب و توان
حال دیلیم یوزده عیان
دیده توکور اشک روان
گوز آچ اویان فاطمه جان


غمخواریم
قاپیم یانوب اولدی اولان
شعله چکوب دارالامان
دور ای پر و بالی سینان
گوز آچ اویان فاطمه جان


مسمار
در و سینه عزیز طاها
نئجه شرح ایلیوم خدایا
نئجه قالسون اورکده یارا

سنله گیتدی زهرا صفای خانه میز
سنسیز سوندی مشکات آشیانه میز


#ترکی_فاطمیه_
#زلفی_تبریزی_🍃🌴🍃🌴🍃🌴🍃🌴🍃🌴🍃🌴🍃🌴⬇️⬇️⬇️⬇️⬇️🌹@ebadi_esmaeil
https://tttttt.me/naghmehaye_gham

زبانحال حضرت علی (ع)


هدایتی تبریزی

قلبیم چکیر شراره دلداریم ئولدی الله
محنت سالیب حصاره غمخواریم ئولدی الله


طاها ایدنده رحلت باران غم توکولدی
بو آستانه قوم ثانی شیم توکولدی
بیعت بهانه سیله اهل ستم توکولدی
اودلاندی آستانم درد و الم توکولدی
حرمت گیدیب فنایه معیاریم ئولدی الله


دیوار و در بولور کی زهرا نه حاله قالدی
نه چکدی پشت درده تا ناله سی اوجالدی
جاندان گیچبدی جانیم جانین بلایه سالدی
صدمه گوروب جفادن گل تک سولوب سارالدی
عشق و ارادتیله سرشاریم ئولدی الله


یوخدور بیلن کی یاریم نار جفایه یاندی
کیمدور بیلن کی عمروم سرمایه سی تالاندی
زهرا نه حاله قالدی شاهد بو آستاندی
هاردا دوشوب تواندان هاردا یره اوزاندی
جاندان دوشوبدی فخر ابراریم ئولدی الله


یاریم یارا گورنده دنیا خراب اولیدی
نه درگهیم یانیدی نه اضطراب اولیدی
نه گوزلریم گوریدی نه دل کباب اولیدی
نه آب عشق حیدر ناگه سراب اولیدی
دل محنتی چوخ اولدی دلزاریم ئولدی الله


مین درد و مین بلایه توش اولدی درده دوشدی
جانی مخاطراته وقت خطرده دوشدی
ناگه لهیب ظلمه سوزان شررده دوشدی
هر درده دوشدی یاریم اول پشت درده دوشدی
نالان درد زخم مسماریم ئولدی الله


یوخدور بیلن کی زهرا دوشدی نه تز ایاقدان
کیمدور بیلن کی حیدر قالمش ندندی گریان
نه روشن اولدی دردی نه اولدی درده درمان
او گیتدی اولدی راحت من قالمشام پریشان
قلبیم یانیر کی قلبی بیداریم ئولدی الله


یاریم یارالی گیتدی مندن آرالی گیتدی
یثرب دوشوب صفادن یثرب مارالی گیتدی
جان قویدی دوشدی جاندان قبره یارالی گیتدی
دنیایه هاردا گلدی اولدی هارالی گیتدی
خیرالنّسای زیبا افکاریم ئولدی الله


اسدی سموم محنت بو گلشنه جفادن
زیبا گلوم سارالدی گلشن دوشوب صفادن
یاغدی بلا تگرگی قورتارمادوخ بلادن
وَرد حیا سارالدی طغیان بی حیادن
پرکار درد و غمده پرگاریم ئولدی الله


محبوبۀ خدادور دارادی فرّ و مجده
هر نیمه شب ایدردی درگاه حقّه سجده
زهرا ایدنده سجده عالم گلردی وجده
ال سینه ده دعاده قالدی گوزی فرج ده
گوز یولدا قالدی نیلی رخساریم ئولدی الله


الله ایویم یخلدی برهم اولوب تفاقیم
زهرا کی یوخدی مثل زندان اولوب اطاقیم
حاشا کی شاد اولام من حاشا گوله دوداقیم
رویاده واردور آرزیم زهرا اولا قوناقیم
حوری صفت ، ملائک رفتاریم ئولدی الله


کبم بیلدی کی عزیزیم قانه ندن بویاندی
کیم بیلدی پشت درده زهرا ندن دایاندی
او دوردی پشت درده شاید عدو اوتاندی
الله یانیدی دشمن زهرا نجیکی یاندی
یاندی جفایه صورت گلناریم ئولدی الله


بوالفتنه گان دهری خوار ایتدی گیتدی زهرا
ترک ایتدی مرتضانی طاهایه یتدی زهرا
گیتدی ئوزی علینی آزرده ایتدی زهرا
حوریدی صدمه گوردی ناگه قیتدی زهرا
زیب جنان و زیب درباریم ئولدی الله


مندن حمایت ایتدی دوشدی باشی بلایه
جام بلانی ایچدی غرق اولدی ابتلایه
مندن بو دوقّوز ایلده هئچ ایتمدی گلایه
سالدی ئوزون بلایه حامی اولا ولایه
چشمی بصیر و قلبی بیداریم ئولدی الله


درد آشناسی گیتدی دردیم دواسی گیتدی
اشکیم آخیر عذاره دیدم ضیاسی گیتدی
آمالی قالدی دلده ، دلده یاراسی گیتدی
روحیم دوشوبدی تنگه روحیم صفاسی گیتدی
همدرد و هم عقیدم همکاریم ئولدی الله


مین زهره دن ایشقلی زهرا گیدیب الیمدن
حسّ ایلورم کی ایندی طاها گیدیب الیمدن
چرخ سپهر و طاق مینا گیدیب الیمدن
زشتی قالیب جهانده زیبا گیدیب الیمدن
مهر مضیء چرخ دوّاریم ئولدی الله


دنیا دولاندی کام اهل نفاقه دوندی
آهنگ چرخ گردون کام فُساقه دوندی
عشقیم چراغی سوندی وصلت فراقه دوندی
غم چکدی جانه دویدی مندن علاقه دوندی
معیار طهر و حسن و ایثاریم ئولدی الله


رحلت ایدنده طاها مندن زمانه دوندی
غم وردی مرتضایه کام فلانه دوندی
دنیانی خوار اولیدی نه ظالمانه دوندی
زهرا کی گیتدی الدن گوزیاشی قانه دوندی
یاندیم فراق اودوندا چون یاریم ئولدی الله


آرام جانیم ئولدی آرام جان آپاردی
گیتدی ئوزی مزاره مندن توان آپاردی
آز عدّه جسم پاکین قبره نهان آپاردی
پهلو شکسته یاریم قولدا نشان آپاردی
درمانسز اولدی دردی بیماریم ئولدی الله


عالی عیاریم ئولدی صبر و قراریم ئولدی
خستیدی دوشدی دلدن دل پر شراریم ئولدی
دوشمز غلط دیسم کی دار و نداریم ئولدی
هم اعتباریم ئولدی هم اقتداریم ئولدی
عالی عیار و درّ شهواریم ئولدی الله


دل داغلیام ، غمینم دل دردیمی بیلن یوخ
گوزدن سالیب زمانه گوزیاشمی سیلن یوخ
زهرا کی یوخ ایویمده کیمسه گیدیب گلن یوخ
چوخدور ئولن (هدایت) زهرا کیمی ئولن یوخ
معموره چرخی دونسون معماریم ئولدی الله


#ترکی_فاطمیه_
#هدایت_تبریزی_🍃🌴🍃🌴🍃🌴🍃🌴🍃🌴🍃🌴🍃🌴⬇️⬇️⬇️⬇️⬇️🌹@ebadi_esmaeil
https://tttttt.me/naghmehaye_gham

زبانحال حضرت زهرا (س)

صالح

عم اوغلی محضرون درک ایلماق عین سعاتدور
منه جان اوسته تشریفون خدادن بیر عنایتدور

ایدوب یمن قدومون قلبدن خرسند زهرانی
بو احسانون بتوله منتهای لطف و رأفتدور

گل رخساروه اگلش تماشا ایلیوم بیرده
گلیله صحبت ایتماق، بلبله دیرینه عاتدور

طواف کعبه دن افضلدی طوف کعبۀ حسنون
اورک بو کعبیه هر لحظه مشتاق زیارتدور

وجودون علت غائیدی خلق کون و امکانه
رهین منت نفس نفیسون، نفس خلقتدور

ولایت چرخنه سن مهرسن، من بیر مه تابان
بو مهر و ماهه افلاکین مه و خورشیدی حسرتدور

زمین و آسمان و عرش و کرسی، ثابت و سیار
جلال و شوکتونله صاحب عز و جلالتدور

سنیله هر گونوم شاد و مسرت بخش اولوب، اما
منه هر ساعتیمدن خوشترین ساعت بو ساعتدور

سن ای شمع وفا، ایله نظر پروانۀ عشقه
بو زهرادور همان پروانۀ شمع محبتدور

دم جانبخش عیسی پرورونله دخت طاهایه
طبابت ایله، بیماروندی محتاج طبابتدور

سنی ملک ولایه بولمین والی، دانان حقّون
جزاده مستحق ناردور چون بی ولایتدور

ولی اللهدن ایتماق حمایت خلقه واجبدور
خدا فرمانیدور آیین و قانون شریعتدور

مباهات ایلرم سن تک امامه جان فدا ایتسم
سنه قربان ایدم مین جان، گنه بو جانه منّتدور

سنه الله ئوزی قیمت ویروب، قدرون بولر عالم
بیری گر بولمسه قدرون، ئوزی بی قدر و قیمتدور

عیاندی فاطمه بیر تار مویون عالمه ویرمز
منی بو امره وادار ایلین عشق ولایتدور

سنه لایق بولوب حق، مسند حق تکیه گاه اولسون
ولیکن حقّیوی غصب ایلین چوخ بی لیاقتدور

گورنده قدرت الله اللرین باغلی باخوب یاندیم
پوزان زهرانین احوالین او پوزقون وضع حالتدور

گیدنده مسجده، یوزده نقابی ایلدیم محکم
که بولسون اهل عالم، فاطمه تندیس عفتدور

بحمدالله من اولدوم بو سببدن لطفوه شامل
که قرب محضر شهده، نصیبیم بیله دولتدور

مبادا خاطرون رنجیده اولسون بیر وصیتدن
که مندن بیر اشارت مختصر سندن اجابتدور

ویروب تغسیلمی بیرده تدارک ایله بیر تابوت
گجیله قبرده دفن ائت، سنه هر چند زحمتدور

یاخوندور قابض الارواح مندن قبض روح ایتسون
حلال ائت حقوی زهرایه چون هنگام رحلتدور

بتوله یوخدی امکان بسترین ترک ایلسون هرگز
دوروب اگلشماقا یوخ طاقتی، سینه جراحتدور

گذشت ایله اگر بو حالیله من ایلورم صحبت
بله احوال، من تک همسره عالمجه خجلتدور

جزاده منتقم قهاره جور و ظلم دشمندن
شکایت ایلرم حق محضری، جای شکایتدور

کمان چرخ وارونی، خمیده قد ائدن غمدن
عم اوغلی زهرۀ زهراده کی بو قوس قامتدور

هامی درد و غمی نه من دیوم، نه سن سوال ایله
دیسم یتمز تمامه چون مُطوَّل بیر حکایتدور

قسم ئوز جانوه، جانیم عزیزی بو حسینیمدور
اونا خاطر نه یوز ویرسه بو خسته جانه منّتدور

ئوزون بو نکته دن آگاهسن ای خسرو آگاه
که بو کلثوم و زینب قلبیمه یارا و طاقتدور

بو گللردن حفاظت ایلدیم بیر باغبان مثلی
نه تک هر تک تکی بیر گلدی، گلدن با لطافتدور

بیری لاله، بیری سوسن، بیری یاس و بیری زنبق
گلستان بهشته هر بیری بیر طُرفه زینتدور

توجه ایتموشم اولسون اثر«صالح» یازان سوزده
بولورسن دخت طاها معطی نطق و فصاحتدور


#ترکی_فاطمیه_

دوستان خود را به مجلس بی ریای حضرت فاطمه(س) دعوت کنید🍃🌴🍃🌴🍃🌴🍃🌴🍃🌴🍃🌴🍃🌴⬇️⬇️⬇️⬇️⬇️🌹@ebadi_esmaeil
https://tttttt.me/naghmehaye_gham

حالات حضرت زهرا (س)
با مقدمۀ پندیات

مرحوم میرمحمود آقا شوری تبریزی

اویان گوزوم نه یاتوبسان نه خواب غفلتدور
نه عمردور بو نه دنیا نه استراحتدور

مُوحّدم دیوسن دلده بندۀ معبود
عمللرون ولی شیطان ایچون عبادتدور

نه حرص دور نه طمعدور نه کبردور نه حسد
آز عمریله بو جهاندا بو نه منیّتدور

بو قدر بول که بو دنیاده عزّت آختارما
تمام عزّتی باللهی عین ذلّتدور

نه قدر سعی ایلیوب مال و دولت اخذ ائده سن
یقین ایله که قالور اوزگیه امانتدور

نقدر عالی عمارتلر ایلیوبله بنا
قویوب گئدوبله تماماً غریبه عبرتدور

بیریسی گر اولا سلطان تمام دنیایه
گئدنده دار فنادن گورون نه حسرتدور

یاننجا بیرجه کفن ممکن اولسا گر آپارور
توکوب گئدر هامسین هر نه مال و دولتدور

غرض بو ظاهر دنیادن اؤتری تولانما
تدارک اخذ ایله دار بقایه فرصتدور

گتور خیاله غمِ اهلِ بیت طاهانی
عذاره اشگیوی توک بیر بویوک تجارتدور

تفکُّر ایله رسول خدا عزیزه سینه
نلر یتیشدی بو عالمده جای حیرتدور

ووروبلا اود قاپوسین یاندروبلا قوم شرور
ائدوبله هر نه او خاتونه هتک حرمتدور

سنوب قابورقالاری محسنی اولوبدی شهید
گوروبدی هر نه جهاندا بلا و محنت دور

گلور خیالیمه بیر سوز ولیک معذورم
اورک دوام ایلمز چوخ بیوک مصیبت دور

گرک اورکده قالا ایلینمرم اظهار
بیری بو سرّی اگر کشف ائده جسارتدور

ولیک پرده لی عرض ایلیوم او صدمِیله
اولوبدی گُل بدنی یاره گور نه حالتدور

او ائو که روح الامین رخصت اولمیونجا اونا
نزول ائتمزیدی خاندان عصمتدور

توکولدیلر او ائوه دشمنان دین مبین
ائدوبله هر نه که دلخواه اهل بدعتدور

خیال ائتگیلن خردا اوشاقلارین حالین
دوشوبله رعشیه بولمم نه نوعی وحشتدور

باخوب گورولَّه آنا بیر طرفده غشّ ایلیوب
آتا یانندا گئدنمیله بسکه کثرتدور

گهی گورولَّه آتا دستگیر دشمن اولوب
ائدولَّه هر نه خیاله گلن اذیّت دور

او قدر گئچمدی حاله گلوبدی بنت رسول
گوروبدی کیمسنه یوخ ائو غریبه خلوتدور

بویوردی فضّه منیم بس عم اوغلوما نه گلوب
دئدی خانم آپاروبلا که وقت بیعت دور

دوروب ایاقه او دمده شفیعۀ محشر
حسن حسینی گوتوردی زمان نصرتدور

گلوبدی مسجده نه نحویله او مظلومه
آچوخ دیولسه امام زمانه خجلتدور

باخوب نه گوردی ایاق اوسته ساخلیوبدولا خوار
او سروری که وجودی جهانه عزّتدور

نه وار باشیندا عمامه ایاقدا نه نعلین
تمام ذلّتیله دستگیر امّتدور

دوروب الینده قلج ثانی ستم پرور
دیور که یاعلی بس سنده بو نه جرأتدور

بو گون گرک ائده سن بو خلیفیه بیعت
ولیِّ امردی بو لایق خلافتدور

گر ائتمسن بو قدر بول بو امر مشگل اولور
بو امر مصطبۀ عالی ریاستدور

او دمده زهرۀ زهرا ال آتدی معجرینه
بویوردی ال گوتورون سیزده بو نه غیرتدور

امام عصر گله بو خبیثه بیعت ائده
نجه روادی نه انصاف نه مروّتدور

خلاص ایلمه سوز ایلرم جهانی خراب
آتام سیزه بئله تاپشوردی بو نه حرمتدور

نه گوردیلر او زمان لرزیه گلوب یرلر
بیر انقلاب اولوب گوئیا قیامتدور

بویوردی سیّد کونین دورما یا سلمان
دئ فاطمه بیزه بو ظلم لر سعادتدور

گلوبدی سرعتیله عرض ائدوب او دم سلمان
تحمّل ایله بو امر شه ولایتدور

بویوردی من نجه صبر ایلیوم اوزون گوروسن
عم اوغلومی یتورور قتله بو نه صحبتدور

بو یرده زادۀ مرجانه بزمی یاده دوشوب
تفکّر ائت نجه مجلسدی نه ضیافتدور

اولا بو شیعه لرون جانی زینبه قربان
گوروبدی هر نه بو عالمده جور و زحمتدور

امام قتلینه فرمان وئرنده ابن زیاد
گورون نه نوعی ائدوب صبر جای حیرتدور

بو مجلسین سوزینی «شوریا» آچخ یازما
همین اشاره ایچون بسدی بو کفایتدور


#ترکی_فاطمیه_
#مجلس_ابن_زیاد
#شوری_تبریزی🍃🌴🍃🌴🍃🌴🍃🌴🍃🌴🍃🌴🍃🌴⬇️⬇️⬇️⬇️⬇️🌹@ebadi_esmaeil
https://tttttt.me/naghmehaye_gham

زبانحال حضرت زینب (س) با حضرت علی (ع)
✔️ سوال و جواب
📌 مناسب برای روز بعد از شهادت

حاج ولی الله کلامی زنجانی

✔️ سوال : زبانحال حضرت زینب (س)

منی آگه ایت بو رازه
باباجان آنام نجولدی
نیه گَلموری نمازه
باباجان آنام نجولدی


بابا قبره کیم منیم تک
آناسین روانه قیلدی
ایوی یاتمادیم دولاندیم
گئجه گیچدی صبح آچلدی
سوله شب نمازین آخِر
آنامیز هایاندا قیلدی
باخ او خالی جانمازه
باباجان آنام نجولدی


دوشه گر یولوم بقیعه
تاپارام او درّی هاردان
آتاسی ئولندن اول گُل
ایله طعنه گوردی خاردان
نه شکایت ایتدی غمدن
نه گلایه قونشولاردان
نه دل آچدی سوز و سازه
باباجان آنام نجولدی


بو جماعته دین یوخ
ندن اهل نفرت اولدوز
آنام آغلیاندا گولدوز
بیله بی محبّت اولدوز
داخی ایتمیون گلایه
آنام ئولدی راحت اولدوز
وار ئورکده درد تازه
باباجان آنام نجولدی


آنا فکرینی باشمدان
باباجان آتانمارام من
اورگیم دولار، مراده
بُلوسن چاتانمارام من
آنام اولماسا یانمدا
گئجه لر یاتانمارام من
نجه گیتدی خواب نازه
باباجان آنام نجولدی


او همای بیت الاحزان
داریخوب چولی گَزردی
ایشیدردی طعنه لی سوز
ولی صبر ایدوب دوزردی
پر و بالی سینماسِیدی
نجه مندن ال اوزردی
نه گَلوب او شاهبازه
باباجان آنام نجولدی


بابا وار رموز هجران
قطرات گوزیاشندا
آنامون غمی قویوبدی
الیوی اورک باشندا
او جوان ئولن آنانین
قیزی قالدی بِش یاشندا
سالارام نوا حجازه
باباجان آنام نجولدی


گَلر آه و زاره کلثوم
قره کوینگین گینده
یانارام سیزیلدارام من
حسن اوخشاما دینده
دوتارام دیله حسینی
گئجه لر سو ایستینده
باجیام او دلنوازه
باباجان آنام نجولدی


قاپومیز بیزیم یانان گون
آنامون سسین ایشیتدیم
قولونی دوتاندا فضّه
باشی اوسته منده گیتدیم
او سنون دالونجا گَلدی
ولی من ایوه قِییتدیم
منه ویرمدی اجازه
باباجان آنام نجولدی


منی بیر گئجه چاغوردی
یاننا او دل شکسته
دیدی باشیم آل دیز اوسته
دیدیم ای آنا گوز اوسته
دیدی سن بویوک قیزیمسان
غم الیندن اولما خسته
وای او سرو سرفرازه
باباجان آنام نجولدی


نولی اول وفالی بیر گون
آلا محسنی قوجاقه
سالا یاده دورت بالاسین
گَله مجلس فراقه
دیه خوش صفا حسینیم
او شکسته دل قوناقه
چخا فضّه پیشوازه
باباجان آنام نجولدی


اورگیم دولوبدی اوخشار
گوزیمه بهارین ابری
ندی چاره سیل اشکیم
یخا گر بنای صبری
بویور ای بابا آنامین
نیه گیزلین اولدی قبری
گئجه حمل اولوب جنازه
باباجان آنام نجولدی


✔️ جواب : زبانحال حضرت علی (ع)

داخی دور ایاقه زینب
آناوین یرین یغشدور
ایله منزلی مرتّب
آناوین یرین یغشدور


بُلوسن قاپی یاناندان
آناوین حالی نجِیدی
مرضی بدون درمان
غمی بی معالجِیدی
بو گیچن گئجه عزیزیم
منه چوخ چتین گئجِیدی
دوشه جاق خیاله هرشب
آناوین یرین یغشدور


گوزلیم بقیعه گیتمه
که او چول بلالی چولدی
دل مرتضانی اوردا
محنین خدنگی بولدی
خبر آلسا قونشولار گر
نیه فاطمه تیز اُلدی
دی نهانیدور بو مطلب
آناوین یرین یغشدور


آناوی قیزیم بو امّت
غم و ابتلایه سالدی
نه اونا سلام ویردی
نه منیم سلامیم آلدی
تالان اولدی گلشنیم، گور
نجه باغبان قوجالدی
ای عزیزه ی مودّب
آناوین یرین یغشدور


یادا سال او روزگاری
که وصالینه چاتاردون
سنه لایلای دینده
گوزیوی یوموب یاتاردون
او اویاق قالاندا سنده
دوروب ال باشا آتاردون
قوتاروب او تابیلن تب
آناوین یرین یغشدور


دیمه اول همای قدسین
قانادی قیزیم سنوبدی
داخی صبریمون نهالین
غمی ریشه دن یونوبدی
پر و بال آچوب بیر آیری
چمنه گیدوب قونوبدی
واری دلده ذکر یارب
آناوین یرین یغشدور


وار اگرچه بش یاشون، سن
ایویمه بویوک خانمسان
باباجان دی، دمبدم قوی
یوزیوی اُپوم جانمسان
آدی زِینِ اَب، رگیمده
جریان تاپان قانمسان
بالام ای ستوده منصب
آناوین یرین یغشدور


قیزیم آز سیزیلدا، ناله ن
حالیمی دگرگون ایلر
اولی شرمسار ایشیتسه
سسیوی شکسته نیلر
حسن و حسین و کلثوم
بیله حالی گورسه نیلر
اوزون ایلمه معذّب
آناوین یرین یغشدور


آتاوی او گونکه دشمن
بالا بیعته آپاردی
آنان اولماسِیدی اوردا
منه قاتل ال تاپاردی
توکولردی مسجده قان
گینه ولوله دوشردی
آرادان گیدردی مکتب
آناوین یرین یغشدور


گئجه لر آنان بُلردیم
سنه دردینی دیردی
باشوا ووراندا شانه
سارالان یوزون اُپردی
داخی قالدی توپراق آتدا
اوزی هم اورکده دردی
که قِییتمز اول محجّب
آناوین یرین یغشدور


دیمم آغلاما عزیزیم
ولی آغلاسان آز آغلا
اورگون بقیعه دوندر
آنا قبرینی قاز آغلا
قلمون مژه، یوزون لوح
گِله نامه سین یاز آغلا
ایله اشکیوی مرکّب
آناوین یرین یغشدور


بو دلیله قبره قویدوم
گئجه فاطمه عذارین
که قاپومی یاندورانلار
تاپا بُلمیه مزارین
یری امنیدور داریخما
داخی چکمه انتظارین
یومولوب او حق دیَن لب
آناوین یرین یغشدور


#ترکی_فاطمیه
#کلامی_زنجانی_🍃🌴🍃🌴🍃🌴🍃🌴🍃🌴🍃🌴🍃🌴⬇️⬇️⬇️⬇️⬇️🌹@ebadi_esmaeil
https://tttttt.me/naghmehaye_gham

حالات حضرت زهرا(س)



مرحوم انور اردبیلی

سؤال ائدوب بو سؤزی بیر نفر احبّادن
ابوالائمّه حضور امام والادن

فدا اولوم سنه ای شهریار پاک نهاد
جهاندا هانسی گونونده چوخ اولموسان دل شاد

صراحتیله بویوردی او پادشاه هدا
غدیر خمّده قلبیم منیم تاپوبدی صفا

قلم آدیمی او گوندن وصیّ حق یازدی
الیمی ختم پیمبر هوایه قالخیزدی

اوجالتدی شأنیمی تخت جلاله میندیردی
رضای حقّی دئدی حقّیمی بیلیندیردی

ایکیمجی دفعه سؤال ایلدی او شخص متین
او هانسی گوندی سنه هرگونوندن اولدی چتین

بو مسئله گتوروب درده شاه ابراری
جمالینه ایلدی سیل اشگینی جاری

چتین گونوم دئدی درگاهیم اودلانان گون اولوب
قرا گونوم بو جهاندا قاپیم یانان گون اولوب

همان گونی منه تار ائتدی بیحیا ثانی
چیخاندا صحنیده گوردوم یخوبلا زهرانی

منی مخاطب ائدوبدور او شوم بد فطرت
اوتورما ائوده ابوبکره گل ائله بیعت

مجال وئرمدی باری منه او فتنه مرام
یارالی فاطمه نی صحنیدن ائوه آپارام

نه ممکن اولدی گورم سینه سینده کی یاراسین
نه قویدولار ائدم آرام دورت نفر بالاسین

مدینه ده نه الیم یتدی قوم و قارداشیما
نه فرصت اولدی قویام من عمامه می باشیما

وئرولّه نسبتینی فضّیه بو جریانون
ائلیکه ثانی قولون باغلادی او مولانون

آپاردی مسجده هوشه گلوب خانم زهرا
دئدی جماعتیله نیلدی ولیّ خدا

دئدیم خانم سنی قنفذ یخاندا دل داغلی
آپاردی مسجده ثانی علینی قول باغلی

بویوردی فضه اگرچه سیزیلدیور بدنیم
یارالیام بویانوب قانمیله پیرهنیم

عم اوغلومون کیمی واردی گرک دالیجا گئدم
نقدری گلسه الیمدن اونا حمایت ائدم

گتور بیر آیری قبا قانلی کوینگی دئیشیم
گوروم بو امّتیله تا یتور هایانه ایشیم

گئدوب گتوردوم او خاتونه آیری بیر کوینک
دئیشه پیرهنین ایلدیم ئوزومده کمک

چخاردا بیلمدی آچدی منه نوا یولونی
نقدری سعی ائلدی قالخیزانمدی قولونی

علاجی اولمادی چوخ زحمته دوشوبدی بدن
گئیوب او کوینگیده قانلی کوینگون اوستن

بیر آه چکدی ایکی چشمی اشگیله دولدی
قدم گوتوردی خانم مسجده روان اولدی

بیر آز کچوبدی منیم دوتدی قلبیمی هیجان
پیمبرون قیزینون دردی ایلدی نگران

دئدیم اذیّتی وار سینه ده سینیق قولدا
دوروم گئدوم خانمیم غشّ ائدر قالار یولدا

چاتینجا مسجده بیلدیم مصیبتین حدّین
یول اوسته دوتدوم اونون لخته لخته قان ردّین

یتنده مسجده گوردوم دوروب ایاق اوسته
قاپیا تکیه ائدوب صحبت ایلور آهسته

یاخیندی غصّه دن آئینه ی حیاتی سینا
گهی اوجالدور الین گه قویور قابورقاسینا

علی ولیّ خدا سربرهنه سرگردان
صاقا صولا ایکی حق بین گوزی باخور نگران

کمک تاپلموری مسجد دولی جماعتدی
حمایت ایلیه نی بیر یارالی عورتیدی

دیور او حالدا بتولین گوزی ساتاشدی منه
دئدی مگر ائوی تاپشورمادیم گلنده سنه

ایکی قیزیم یوزه جاری ائدوردی گوزیاشینی
دایانما بوردا قییت زینبیم آچار باشینی

او ایکی خون جگری ائوده دیده تر قویما
اراده ایلسه لر مسجده اگر قویما

شیرین دلیله دانشدیر سکوته ایله رضا
آناسینی گوره قولباغلی چوخ چتیندی قیزا

بو یرده واردی یری گوزیاشین روان ائلیک
حضور فاطمیه بو سؤزی بیان ائلیک

سوزون متیندی تأثیری قلبیدن گئتمز
آتانی قیز قولی باغلی گوره دوام ائتمز

دوشر نه حاله او قیز گورسه گوز قباقینده
آتا باشی یارالی لخته قان دوداقینده

یزید مجلسینه قیزلارون گلنده خانم
رقیه نیلدی بس خیزران اَننده خانم؟


#ترکی_فاطمیه_
#انور_اردبیلی_
#سؤال_ائدوب_بو_سؤزی_بیر_نفر_احبادن
#قیام_زینب_انور

🍃🌴🍃🌴🍃🌴🍃🌴🍃🌴🍃🌴🍃🌴⬇️⬇️⬇️⬇️⬇️🌹@ebadi_esmaeil
https://tttttt.me/naghmehaye_gham