نەمر تاهیر خەلیلی

ژیان وەرزێکە ...

کاناڵی ژیان جوانە،گەر چاوەکان جوانی ببینن

@Mostafazadeh2

قانع و دڵی

دڵێ نەناڵێ بۆ هیچ نەخۆشێ
ئازاری نەبێ، بۆ هیچ پەرۆشێ
هەر بۆ ئارەزووی خۆی تێ بکۆشێ
بۆ زامێکی هۆز، زوخی نەنۆشێ
یاخوا ئەو دڵە هەر ئاوارە بێ
بە تیغی دوژمن، پارە پارە بێ
دڵێ بمخاتە کۆڵانە و کۆڵان
دایم کور کەی بێ، بۆ دیدەی کچان
قەت ڕا نەچڵەکێ، بۆ بێ دەستەکان
گوێی خۆی شل نەکا، بۆ ناڵە و گریان
یاخوا ئەو دڵە هەر ئاوارە بێ
بە تیغی دوژمن، پارە پارە بێ
دڵێ ڕەحەت بێ، کە چووە سەر کورسی
ئیتر نەنواڕێ بۆ حاڵی برسی
تەماشای خەڵک کا، بە زەردو سیسی
ئەبێ ئەو دڵە، بۆ لێی بپرسی
یاخوا ئەو دڵە هەر ئاوارە بێ
بە تیغی دوژمن، پارە پارە بێ
دڵێ من و تۆ بکا لەل برای
هەرچی خۆت خەیتە ژێر سایە و پەنای
بێزت لێ بکا و، بڵێ تۆ گەدای
من دەوڵەمەندم! تۆ کەی ئاشنای
یاخوا ئەو دڵە هەر ئاوارە بێ
بە تیغی دوژمن، پارە پارە بێ
دڵێ ژان نەکا بۆ ژانی هاوسێ
لەبەر فیز کردن، هیچ کەس نەناسێ
نەبیسێ ناڵەی کوێر و کەساسێ
تو خوا، ئەو دڵە بۆ هەر نەماسێ
یاخوا ئەو دڵە هەر ئاوەرە بێ
بە تیغی دوژمن، پارە پارە بێ
دڵی تێکۆشێ بۆ ماڵی دنیا
کەس نە گرێتە خۆی، بەتاقی تەنیا
لە بیر باتەوە گشت خزم و برا
هەر وک دوعاکەی پێشوو کە وترا
یاخوا ئەو دڵە هەر ئاوارە بێ
بە تیغی دوژمن، پارە پارە بێ
دڵێ ڕازی بێ بە کزی یاران
هەر خۆی پارێزێ لە دەستەی دەوران
جارێ. بۆ هیچ کەس نەیەتە گریان
بۆ خەڵک نەقرچێ و نەبێ بە بوریان
یاخوا ئەو دڵە هەر ئاوارە بێ
بە تیغی دوژمن، پارە پارە بێ
دڵێ بچێتە سەر شەربەتی ئاڵ
بە بیر یا نەیەت، خەم دراوسێ ماڵ
ئەو بیرە بخواو منیش ئاوی کاڵ
ئەو گەنم بخواو منیش گاڵی تاڵ
یاخوا ئەو دڵە هەر ئاوارە بێ
بە تیغی دوژمن، پارە پارە بێ
دڵێ نەسووتێ بە ئەحواڵی من
هیچ فەرقی نەخا، چ دۆس چ دوژمن
با، هەر گێژ بخوا لە دەریای بێ بن
ڕبی ئەو دڵە، داڕزێ و کون کون
یاخوا ئەو دڵە هەر ئاوارە بێ
بەتیغی دوژمن، پارە پارە بێ

قانع


کاناڵی ژیان جوانە،گەر چاوەکان جوانی ببینن

@Mostafazadeh2

🎧🎼🎼🎼🎧
قادر سەیاحی
قسەی عیشق


هەر ئەمنم ئەو کەسەی ژینی بۆ تۆ ماوە
حەز لە کەس ناکەم قەت، تاکوو دونیا ماوە

هەر تۆی قسەی عیشقم تۆ خوا مەمخە لاوە
تۆ خوا مەمخە لاوە جەرگم سووتاوە

هەر تۆی خۆشەویستم بە دڵ دەتپەرەستم
هەر ئەتۆی تەکیەگاهی شێعر و هەڵبەستم

بە یادی دوو چاوم بە خودای بێ مەی مەستم
وەڵڵا بێ مەی مەستم تۆی قسەی عیشقم

ڕەنگ زەردو چاو بە گریانم بە خودای بێ تۆ
بێدەنگ و مات و غەمبارم وەڵڵا بێ تۆ
جا بۆچیمە ئەمن ئەو ژیانە بێ تۆ
تۆی قسەی عیشقم

#خاتوونەکانی_وشە_و_کتێبی_بۆکان

🎥ڕاپۆرتێک لە سەر قورئانەکەی نگڵ

▫️قورئانی مێژووییی نگڵ کە دەوتریت خەلیفەی سێهەمی موسڵمانان حەزرەتی عوسمانی کوڕی عەفان نووسیویەتی تا ئێستا چەندین جار براوە بەڵام قورئانەکە گەڕاوەتەوە شوێنەکەی خۆی و بۆتە هۆی ڕاکێشانی گەشتیارێکی زۆر بۆ گوندی نگڵ.


▫️قورئانەکە لە مزگەوتی گوندەکەدا دانراوە کە 64 کیلۆمەتر لە سنەوە دوورە، نزیکەی 400 ماڵی تێدایە و دانیشتووانەکەی زیاتر لە هەزار و 700 کەسن، ئەوەش بووەتە سەرچاوەیێکی گرنگی راکێشانی گەشتیار و ناوبانگیشی بە گوندەکە بەخشیووە، هەندێک لە سەرچاوەکانیش دەڵێن، گوندەکە هەر بەهۆی ئەو قورئانەوە دروست بووە.

▫️باوترین چیرۆک لەسەر هەوڵی بردنی قورئانەکە ئەوەیە "چەند سەدەیێک بەر لە ئێستا گەڕیدەیێک بە جلوبەرگی دەروێشەوە چووەتە نێو مزگەوتەکە و قورئانەکەی بردووە، بەڵام سەرکەوتوو نەبووە".


کاناڵی ژیان جوانە،گەر چاوەکان جوانی ببینن

@Mostafazadeh2

نیشتمانم
جانتایەکە
کەشەو دادێ
ڕایدەخەم
لە سەری دەخەوم
کیژەکانی
فریو دەدەم
ئازیزانمی
لێ دەنێژم
ڕازیم
گەر چارەنووسم بێ
تێیدا دەمرم

#وە_نادرمستەفازادە

وطن من چمدان است
شب‌هنگام پهنش می‌کنم
در او می‌خوابم
دخترکانش را می‌فریبم
عزیزانم را در او خاک می‌کنم
به او قانع‌ام، که سرنوشتم باشد
و در او می‌میرم...!


#محموددرویش


کاناڵی ژیان جوانە،گەر چاوەکان جوانی ببینن

@Mostafazadeh2