س/ مش قادر اتجوز في الوقت الحالي ...اعمل ايه عشان ماأقعش في الحرام ؟
***
ج / الإجابة هتلاقيها في قول الله تعالى "وَلْيَسْتَعْفِفِ الَّذِينَ لَا يَجِدُونَ نِكَاحًا حَتَّىٰ يُغْنِيَهُمُ اللَّهُ مِن فَضْلِهِ ۗ"
وليستعفف...يعني اطلب العفاف واه هو حاجة مش سهلة وهتحتاج منك جهاد وتعب بس مع الصبر والاستعانة بالله هيسهله ليك
ماتقولش مش قادر وأصلك مس بتشوف اللي بشوفه أو تقولي أصلي مش متجوزة ومحتاجة أفرغ طاقتي
لا مش مبرر اطلبوا العفاف اللي ربنا أمر بيه وربنا هيعينكم بس كل ده مع الأخذ بالأسباب اللي هي ...
1️⃣ البعد عن كل مثيرات الشهوة من صور أو أفلام أو مسلسلات أو صحبة سوء تشجع عليهم

2️⃣ لا للفراغ ...الفراغ منبت كل شر والشهوة دي بتشتد كلما اتسع الفراغ العبد
فاشغل نفسك بأي حاجة تنفعك في الدنيا أو الآخرة وماتسيبش نفسك فاضي أبدا

3️⃣ الرياضة من أكتر الحاجات اللي هتسهل علاج الشهوة لأن الشهوة عبارة عن طاقة فكل مافرغت طاقة كبيرة في المباحات مش هتلاقي متبقي طاقة كتير للشهوة غير إنها هتدي الجسم الدوبامين اللي بيسعى ليه من العادة وغيرها

4️⃣ وصية النبي(( الصيام)) هيساعدك كتير في التحكم في رغباتك وفي تقليل الشهوة

5️⃣ حسن إقامة الصلاة مع المحافظة على أذكار الصباح والمساء

6️⃣ وأهم حاجة الدعاااااء واللجوء لله وطلب العون منه عشان يعينك وتفضل مساحة الشهوة الموجودة في حياتك قادر تنحكم فيها

#س_و_ج
رسايل

☝️🏻#رمضان_قرب_يلا_نقرب
الموسم_الأول
#اللقاء_الثاني
#غنيمة_كل_صلاة

https://youtu.be/jdwQAcpmIbI?si=3hsX0-4WbmZW9_ce
رابط الحلقة على اليوتيوب 🎥

السلام عليكم ورحمة الله وبركاته
صباح الخير يا شباب

{إِنَّ هَذَا الْقُرْآنَ يَهْدِي لِلَّتِي هِيَ أَقْوَمُ...}
القرآن يهديك للطريق المستقيم، وللطاعات، ولأحسن الأخلاق.

فافتح مصحفك النهارده، واقرأ آيات الله عز وجل بقلب عايز فعلًا الهداية.
واستشعر كل آية، وخليها دليل ليك في حياتك.

ومتنساش إننا في أيام مباركة، كل حرف من القرآن بتقرأه، ليك فيه أجر مضاعف إن شاء الله.

ربنا يزيدك و يفتحها عليك 🤲🏻
د/محمد الغليظ

لا تنسى 👇🏼
أذكار الصباح
الورد القرآني
صلاة الضحى

موعظة الصباح 🌤

صيام غداً الاثنين ‏

قال ﷺ | من صام يومًا في سبيلِ اللهِ ،
باعدَ اللهُ وجهَهُ عن النَّارِ سبعينَ خريفًا.

إن لم تكن صائمًا.. فـ كُن لغيرك مُذكّرًا

[ ومضات من حياة النبي ﷺ (7) ]
صفاته الخُلُقية:
ظنّه بالله:
عن جابر –رضي الله عنه- قال سمعت النبي –صلى الله عليه وسلم- قبل موته بثلاثة أيام يقول: "لا يموتن أحدكم إلا وهو يحسن الظن بالله تعالى" رواه مسلم.
والنبي –صلى الله عليه وسلم- أقرب عباد الله إلى الله وأزكاهم عنده، وهو الذي سبق إلى كل خير واقترب من كل فضل، وكان يوصي أصحابه ومن بعدهم بالظن الحسن بالله عز وجل.
وعن أبي هريرة –رضي الله عنه- قال: قال النبي –صلى الله عليه وسلم- "يقول الله تعالى: أنا عند ظن عبدي بي، وأنا معه إذا ذكرني، فإن ذكرني في نفسه ذكرته في نفسي، وإذا ذكرني في ملأ ذكرته في ملأ خير منهم" رواه البخاري ومسلم.

#رسايل_في_حب_النبي

السلام عليكم ورحمة الله وبركاته
صباح الخير يا شباب

من نعيم الدنيا الاجتماع مع الأحبة في الله
إنك تستقبلهم في بيتك، أو تنزل تروح تزورهم
إنك تكلمهم تسأل عليهم، وتسمع صوتهم
إنك تجعل لهم نصيب من دعاءك بظهر الغيب

يقول النبي ﷺ:
"أنَّ رَجُلًا زارَ أخًا له في قَرْيَةٍ أُخْرَى، فأرْصَدَ اللهُ له علَى مَدْرَجَتِهِ مَلَكًا، فَلَمَّا أتَى عليه، قالَ: أيْنَ تُرِيدُ؟ قالَ: أُرِيدُ أخًا لي في هذِه القَرْيَةِ، قالَ: هلْ لكَ عليه مِن نِعْمَةٍ تَرُبُّها؟ قالَ: لا، غيرَ أنِّي أحْبَبْتُهُ في اللهِ عزَّ وجلَّ، قالَ: فإنِّي رَسولُ اللهِ إلَيْكَ بأنَّ اللهَ قدْ أحَبَّكَ كما أحْبَبْتَهُ فِيهِ."
د/ محمد الغليظ

لا تنسى 👇🏼
أذكار الصباح
الورد القرآني
صلاة الضحى

👆🏻#رمضان_قرب_يلا_نقرب
#الموسم_الأول
#اللقاء_الثالث
#رمضان_قرب (د/ خالد الحداد)

https://youtu.be/KoUsi0jMH04?si=w69iDbSIEw3-Tyth
رابط الحلقة على اليوتيوب

بما اننا بنستعد لرمضان فلازم نستعد باكتر حاجة بتجيب سيئات او حسنات  "اللسان"

اللسان ي ذاكر لله ي عاصي بالغيبة والنميمة والكذب والشتيمة وغيره وهنبدأ بالغيبة والنميمة.

يعني ايه غيبة ونميمة؟ ببساطة جدا:
"الغيبة": هي إني اتكلم عن حد كلام وحش في غيابه حتى لو هو وحش وفيه الكلام اللي قولته ده.
"النميمة":إني انقل كلام بين اتنين يزعلهم من بعض.

{لمّا عُرِجَ بي مررت بقوم لهم أَظْفَارٌ من نُحاسٍ ، يخمشون وجوههم وصدورهم ، فقلت : مَنْ هؤلاء يا جبريل ؟ قال : هؤلاء الذين يأكلون لحوم الناس ، ويقعون في أعراضهم }

شهر رجب شهر البذر

• بذرتك ايه!
- زودت الوِرد ؟
- خصصت تدبر سورة مُعينة تعيش معاها قبل رمضان وسُورة مجهزها تعيش بيها جوا رمضان وسور محضرها لبعد رمضان  ؟
- بدأت تزود السنن الرواتب على الفروض ؟
- بدأت تعمل خطة للحفاظ على الفروض في ميعادها أصلًا ؟
- بدأت تحس إنه لازم لساني يكون رَطِب دومًا بذكر اللَّه فأشغله طول اليوم بده؛ فأبدأ أدور على أذكار الصباح والمساء وبعد الصلاة والنوم والاستيقاظ؛ إذًا أبدأ أتدرب من الآن ؟

• جبت البذرة علشان تضعها في تُربتك وتبدأ تسقيها !
- بدأت تسمع عن الصلاة دروس علشان توصل لمرحلة الطمأنينة والصبر فيها والخشوع ؟
- بدأت تسمع دروس عن حفظ القرآن وتدبره والمعايشة بيه ؟
- الأذكار مثلًا: جبت سلاسِل ليها وبتسمع عن كل معنىٰ فيها، علشان تبدأ صفحة جديدة مع الأذكار واستشعار قلبي جديد ؟

عملت ايه علشان رمضان ؟

السلام عليكم ورحمة الله وبركاته
صباح الخير يا شباب

قال الله تعالى: {لَا يُكَلِّفُ اللَّهُ نَفْسًا إِلَّا وُسْعَهَا...}
ومعناها كما جاء في تفسير ابن كثير رحمه الله: "لا يُكلف أحدا فوق طاقته، وهذا من لطفه تعالى بخلقه، ورأفته بهم، وإحسانه إليهم."

فأبشروا خيرا
الله عز وجل إذا ابتلى؛ لطف..
وإذا كلَّف؛ أعان.

فالحمد لله رب العالمين.
د/محمد الغليظ
لا تنسى👇🏻
أذكار الصباح
الورد القرآني
صلاة الضحى