{14}قصيدة في زيارة الاربعين


تظل دوم يمظلوم. شيعتـك وفّايه
تـبـعـنــاك. وجيناك. عالجدم مشايه



زوّارك ملاييـن .صوبك نمشي يحسين .مشايه عتنينه
متردنه المسافات .نتعب حاشه هيهات .والرايه بأدينه
عشّاگك مجانين .خل تنظرنه كل عين .مانترك مشينه
درب الباري دربك .يحسين ونحبّـك .عالموعد اجينه
قسم بيك نوافيك. ماتطيح الرايه
تبعنــاك. وجيناك. عالجدم مشايه




بكل دربك مواكب .تبقه تأدّي واجب .متعوفك خدمها
خـدامـك يوافـون .لزوارك يخدمـون .معروفه بشيمها
شدوا لجلك حزام .يحسين ذوله خدام .من حبك عزمها
لزوارك يـضـحّـون .كل شي ومايتعبون .نذرتـلك نِعَمها
يخدمون. يضحّون. ترضه عنّه الغايه
تـبـعـنـاك. وجيناك. عالجدم مشايه




نتحدّه النواصب .ما نخشه العواقب .نوصل كربلائك
مبدأ عدنه واحد .يحسين انت قائد .عالي يرف لوائك
منعوف المسيـره .ونواسـي الاسيره .ونجـدد عـزائـك
كل خطوه عله دربك .حُجة يعدها ربك .ويعظّم جزائك
خدمناك عشگناك. يالمحبتك آيه
تبـعـنـاك. وجينـاك. عالجدم مشايه




واقع هذا مو راي .لاشك يمشي مشّاي .طه وحيدر وياه
حاسر راسه مفجوع .يمشي ويجري الدموع .وينادي اويلاه
وحيدر والزچيه .ممشاهم سويه .يمشون عله ممشاه
وي ممشانه يمشون .يحسين ويلطمون .صرختهم حُسيناه
تعـنّــوك يواسـوك للطفوف عنايه
تبعنــاك. وجينـاك. عالجدم مشايه




خل العالم يشوف .نوصل گبرك زحوف .لو رجلينه تتعب
دربك من مشيناه .عالفطره هويناه .عدنه الممشه
مذهب
يحسين نعتني ليك .نبچي ونلطم عليك .نواسي الحرّة زينب
الزاير يحمل جنون .يشبه عابس وجون .خطوه بخطوه يحسب
اجت ليك. مُحبّـيـك. ياحُسين هوايه
تبعــنـــاك. وجينـــاك. عالجدم مشايه




عدنه الممشه لحسين .دين ونوفي بالديَن .ونحييها الزياره
رُغمـاً عاليبغـضـون .ما گدروا يمنعون .زوّاره الغيـــاره
حته المهدي حاضر .يمشي ويانه زاير .لا ما ينسه ثاره
نـوصـل بربعـيـنـك .يحسيـن بيقيـنـك .ننظـرها المنـاره
نجي نزور. بلنحور. شيعتك فدايه
تـبـعـنـــاك. وجيناك. عالجدم مشايه

خادم الامام الحسين عليه السلام
سيد زيد الفحام
__________________________

🔴🔴
ناعي ألزهراء (ع) و حفيدها ألخطيب ألحسيني سماحة ألسيد جاسم ألطويرجاوي (طاب ثراه) في ذمة ألخلود.
_________
إنا لله و إنا إليه راجعون
أللهم إنا لا نعلم منه إلا خيرا
أللهم بفاطمة و أبيها و ببعلها و بنيها و بالسر ألمستودع فيها إرحم فقيدنا و إرزقه شفاعة أهل بيتك يوم ألورود.

اللهمَّ إنَّاْ نَشكُوْا إِليْكَ
فقد نبينا صلواتك عليه وعلی اله
وغيبة ولينا
وكثرة عدونا
وقلة عددنا ۔۔۔
اللهم عجل لوليك الفرج ۔

اللهم صل ع محمد وال محمد

أبارك لكم الذكرى السنويـة لبداية إمامة الثاني عشر من الأسباط(عليهم السلام).

بابج آثار الدمه. بكسر ضلعج فاطمه
******
ابجي سكته فاطمه من الم ضلعچ
اخفي عن حيدر علي يالزهره دمعچ
ينكسر گلبه اذا صد اعله وضعج
صعبه يا فاطم علي الليله يودعج
دنيته تظل ملضمه. بكسر ضلعج فاطمه
*******
بكسر ضلعج انتهك عش الحمامه
مثل ون النوگ ونات اليتامه
هاجر ومريم دعلج بالسلامه
أثر دفع الباب بضلوعج علامه
والعرش ينزف دمه. بكسر ضلعج فاطمه
*******
الزهره بنت المصطفى هاي الاميره
عكب والدها النبي امست اسيره
اتجاسر عليها الذي بايع ظميره
وشعل ناره بدارها الماعنده غيره
شلون زمره مجرمه
بكسر ظلعج فاطمه
*****
شكال كلبك ياعلي من ادفنتها
وبيدك الزهره بلحدها وسدتها
بيادمع يابو الحسن من ودعتها
وهيه مكسورة ظلع لمن شفتها
حزنت وياك السمه
بكسر ظلعج فاطمه
*********
جرحت اگليبك يحيدر هالمصيبه
زحمه عالمحبوب يفارگ حبيبه
حته نسمة الهوى صارت غريبه
واللي رايح ياعلي ياهو اليجيبه
طبرتك هم قادمه. بكسر ضلعج فاطمه
*********
عبد فاطمه الشاعر مصطفى النائلي

قصيدة (( درب السبي ))


راسه فوگ الرمح بس يعرگ جبينه 

من علــى زينــب تصــد عباس عينه 

هيچ الگمر  ... منهه إعتذر 

..................................................................................................................................


ملتزم عهد الكــفــالـــه حتى بدروب السبي 

راسه حار وبعده حارس عينه ظلت عالعبي

كلّه غيره لسان حاله يگول يا خيتي إطْلبي 

والنعم منك تگــلّـه وإنــتـه ذخري ومعصبي  


أدري مو هيّن عليك أمشي سبيّه 

لكــن وراســك بــعـدني الهاشميّه 

بهذا القدر ... منهه إعتذر 

..................................................................................................................................


آخر إوداع بمـحــرم من بــعـد گــطــع الچفوف 

هوّه مرمي عالشريعه وهيّــه فوگ  التل تشوف

راسه بي غيره ولحگهه عالرمح بصعب ظروف

گمر ما يــتــرك سماهـــــه وما يهمه كل خسوف


هذا طبع الهاشمي وهذي صفاته 

غيرته عــدله تـظل حـتـى بمماته 

بأصعب سفر  ... منهه إعتذر 

..................................................................................................................................

 

رمح شـايـل راس كافــل بهالمسـافه شگد تعب

گطره مــن غُرّة  جـبـيــنه غيّــرت لون الخشب 

عين عـبـــاس الرقـيّـه شـاهــدت وهنــا غضب  

چنّه يدري إعـــداه باگــت مــنـهه ترچيةْ ذهب 


ينظر الزينب لـچــن يبــدي حياءه

هذا موقف يكفي عن قصة وفاءه 

أروع صور ... منهه إعتذر 

..................................................................................................................................


ينظر الضـعــن السـبــايـا ومـدمـعــه من دم يهِلْ

شاف بچفوف العـقــيـلـه جـــروح من حز الحبل 

كلفه من تشوف عـيــنــه هيچي موقف مو سهل 

حسره بس كــلــش ثـگـيــله ومن يلم ذاك الشمل 


مو عجيبه أمن الرمح دخان يطلع 

هذا أبو فاضـــل بعــد ويريد يفزع 

بطبعه الأغر ... منهه إعتذر 

..................................................................................................................................


طالِــع يـباصــر الحــرّه ومــا يـظـل بــكــربـلــه

شــهــم مــن زيـنــب تـگـلّــه يا كـفــيــل العايله  

هاي محنه وراح تگــظــي وتـنـتــهـي هالمرحله 

خويه كل تقصير مــنّــك مــاكـــو يـــا بدر الفلا 


إنته عباس وتظل عباس غالي 

يا ضواي وعازتي بهاي الليالي 

حيل إنقهر ... منهه إعتذر 

..................................................................................................................................


راسه ويّ  كل الضعـيــنــه  إيناطـر ويزرع أمان 

مو فـقـط بــدر العـشــيـره بــل بـــدر كل الزمان  

غيرته اعله الأهل تـبـقــه بـكــل زمان وكل مكان 

رايه فوگ الرمـــح راســه تــرتـفــع وكــت الأذان  


حاشه يترك زينب بهاي المصيبه 

والـثـلـث تـنعام بالطــاهــر حليبه 

واعله الأثر ... منهه إعتذر 

..................................................................................................................................


يـعــرگ وينـضـح جبـيـنه غيــره وإمـروه الكـفيل 

بهالليالي الكـمــر يحــرس ضـعــن  زينب  والعليل 

واليضيع من الـيــتــامــه يـلـگــــه أبو فاضل دليل 

رغم كل الصـــار بالطــف بــيــوم عــاشـر مو قليل 


عهد عنده إويا العقيله وحفظ عهده 

بعده أبو فاضـــــل كفيل الهسّه بعده 

اوياها سهر ... منهه إعتذر 

..................................................................................................................................


خادم الإمام الحسين عليه السلام

عمار هليل الواسطي 

یا أبا الزهَراء يا مَجدًا تَخلد 💙

اللهم صل على محمد وآل محمد
جمعه مباركه عليكم خدام الحسين ع
اللهم شافي وعافي جميع المرضى بعليل كربلاء زين العابدين ع

‌‎اللهم في صباح هذا اليوم افتح لنا أبواب البركة والرزق والتيسير والفلاح والنجاح واحفظنا من كل شر ،ومن كل سوء ،ومن كل بلاء اللهم أمين 🍃 ♥️

بـصـبركَ دونَ ابن النبي بـكربلا عـلى الهولِ أمرٌ لا يحيطُ بهِ عـقلي
ولـم أرَ ظـامٍ حـولـهُ الـمـاءُ قلبه ولـم يروي منهُ وهو ذا مهجةٍ تغلي
💐 #صباحكم_عافية_تلامس_قلوبكم_ببركة_ابي_الفضل_العباس_عليه_السلام

صحت ودمعي سجاب اشسوه بضلعج الباب
الحضنج يمه حنيت وحشه بدونج البيت
***
مات خلك الدنيه يمه بكسر ضلعج
وحته ما لحكت احضننج واودعج
هواي جنت ارتاح يايمه من اسمعج
تنطفي أحلام الورد من يطفه شمعج

يكتل يمه الفراك وراح الصوتج اشتاك
انحب وحدي ظليت وحشه بدونج البيت
********
يالحنينه اهواي مشتاكه الحنانج
رحتي يمه وياهو اليعوض مكانج
شمحله جلمة زينب اسمعها بلسانج
يمه ما يرحمني من بعدج زمانج

راح اتعذب اهواي وماترحمني دنياي
كبلج ميته ياريت وحشه بدونج البيت
*****
كمت للباب أمشي يوميه وكلمه
والمكان الطحتي بيه اكعد وشمه
بدمعتي عله الكاع حضنج يمه أرسمه
وعله ايدج اغفه كلت اشويه يمه

شسوه بحالي الغياب نمت بحضن التراب
من الفركه سليت وحشه بدونج البيت
*******
أمي حيل تغيرت حته بمشيها
تمشي محنيه غدت ويلي عليها
الله لا ينطيه الباب اشسوه بيها
من تون تلزم ضلعها أمي بديها

ذبلت فاطمه بساع تكوم وتلزم الكاع
بزينب عمله سويت وحشه بدونج البيت
****
أمي طيبه وأمي أميره وأمي جنه
أمي ذيج الماتت وياها المحنه
أمي خيمه ومنها ياناس انحرمنه
وهسه صرنه بلايه خيمه ومحد النه

ماتت أمي ياناس ومات وياها الحساس
بحسرة ودمعه ناديت وحشه بدونج البيت
*******
أمي شمعه ونطفت بأول عمرها
أمي ورده ولليتامه انطت عطرها
أمي خلف الباب والظالم عصرها
ونبت البسمار ياناس بصدرها

سطرو أمي عالعين وصاحت يمه يحسين
من الدنيه مليت وحشه بدونج البيت
*******
تمت
ميثم العمري

(دكتور الكسور)

احد الموالين للزهراء ع يذهب الئ دكتور مختص بلكسور .حتئ يشرح له كيف يكون الم الضلع المكسور .حتئ يعرف مدا الاذئ الذي لحق بمولاته الشهيده .فلسان حاله يقول
...............................
عندي حاله وليك اجيت ابلاشعور
عنهه سولفلي يدكتور الكسور
صاير شلون الالم ،،للضلع صدره انهشم
،،،،،،،،،،،،،،،،1،،،،،،،،،،،،،،،،،،،
الضلع الينكسر هم يوجع المات
وهم يطيب ميت بيده جويات
دموعي الفاطمه طاحن محدبات
ومثل عاشور عشت انه الروايات
ماهي ياس وتنعصر ،،رازقي توزع عطر
عطر فاطم يختلف عن العطور
عنهه سولفلي يدكتور الكسور





................2................
فضه اتكول بلباب وعصرهه
ومدري شنكسر جوه بصدرهه
يادكتور ضل محني ضهرهه
وحمره العين من جف السطرهه
بيهه بسمار انغرس ،وصار يلجمهه النفس
يموت لمن ينكسر غصن الزهور
عنهه سولفلي يدكتور الكسور
،،،،،،،،،،،،3....،،،،،،،،،،،،،،
العمر اثمنطعش والعله بسمار
والاسباب اكتب حركوا الدار
يادكتور رايد وصف علصار
داروا علكطن حطابت النار
السوط طك اول متن ،فاطمه كالوا وأن
وعلئ ياباب الاصد دمي يفور
عنهه سولفلي يدكتور الكسور



،،،،،،،،،،،،،،،،4،،،،،،،،،،،،،،،،،
موبسمار سيف وطب بلضلوع
مثل الخيط ياكل عمر الشموع
بسد الباب طاحت مثل الدموع
بيهه شصار جا من ضك الجذوع
انت لاتكتب دوه ،عليهه خل نبجي سوه
اليتمت ميل الرحه وبطل يدور
عنهه سولفلي يدكتور الكسور
،،،،،،،،،،،،،،،،5،،،،،،،،،،،،،،،،،،
هم شايف جنين ايكمطه التراب
واول مايشم بلدنيه عطاب
عنده اوصاف بس اوصافه الخضاب
مات ابين عصره وحايط وباب
أي يدكتور ابجي دم ،،حتئ محسن ماسلم
ثارهه بمهديهه واليوم الظهور
عنهه سولفلي يدكتور الكسور
،،،،،،،،،،،،،،،،،،،،،،،،،،،،،،،،،،،،
بشار السامي
يهدئ ثواب هذه القصيده للمرحومه امي

يافاطمه وصوت الدمع
جارحني بس ماينسمع
عشت الهضيمه وغربتي
شاهد على امصاب الضلع
ــــــــــــــــــــــــــــــــــــــ
دنيا وماكو بيها إنتي
بيها أگضي العمر صعبه

أنا من دونج ابلا روح
غريب وعايش ابغربه

حيدر ضايع ابلياچ
عدمن يحچي البگلبه

البيت الماكو عطرج بيه
جزيته وضيعت دربه

اه يا الهضيمه  ونار العذاب
توگع حرمتي ويعصرها باب
وي كل مسيه ابدمع المصاب
يم گبرچ أوصل أشم التراب

ماظل دمع لاظل صبر
ومايسوى ظل هذا العمر
افراگ وهضم يم الحسن
شاهد على امصاب الضلع
ــــــــــــــــــــــــــــــــــــــ
بعدج ماسكنت ابدار
رحل منها اغلى مابيها

اناشغ من اصد للباب
واتذكر مآسيها

انداست عتبتي وانوب
دم محسن جرى اعليها

على گبرچ بقت چلمات
كلما اجزع احچيها

كل ناسي إنتي وروحي وهلي
مثل الهوى وأكثر صرتي إلي
تندب وليها  إللي تنولي
يافضه صحتي ومو يا علي

خفتي علي لا انهضم
لأجلي حملتي اشگد ظلم
كل ونة اونها ابغيبتج
شاهد على امصاب الضلع
ــــــــــــــــــــــــــــــــــــــ
طلعت روحي من عيني
من شفتج على الغبره

وصبر حيدر خلص لهنا
إگبال اعيونچ الحمره

اليدفن روحه بيده ايعيش
بس ايموت الابصدره

دفنتج وإدفنت وياج
وجداني ابفرد حفره

وثار الجنين ولون الجفن
ماينطفي ابدمعه ولا دفن
شبعت بواچي اعيونج ترى
وشبعت سهر عين أم الحزن

للزهره عاميني القهر
وليل السبي مابيه گمر
الفوگ الترب والـ عالهزل 
شاهد على امصاب الضلع
ــــــــــــــــــــــــــــــــــــــ
ظلعج صوبه البسمار
وبابچ حرگته العدوان

يزهره ومن هذاك اليوم
تبرى لزينب النيران

منا تل رمل وارماح
ومنا عايله وصيوان

منا چف ستر مگطوع
ومنا دم نحر عطشان

والعدها دار ويم بابه نار
أهون ترى إمن الماعدها دار
والماتت ابليل أهون ترى
إمن التنسبي ابعلو النهار

لاهيبه ظلت لا خيم
لا جف كفاله ولاعلم
وعالناگة شوغات اليسر
شاهد على امصاب الضلع

احمد الهلباوي