-دفن الاجساد الزاكيات...جديد ٢٠١٩
___________________
ايجمعه راد و ما كَدر..جسمه متكَطع وذر
ناده جيبولي الحصيرة
حيرة السجاد حيرة
و الله حيرة. و الله حيرة
____________________
من وصل جسم الغريب ..شافه مطروح و سليب
و التراب اكفان صاير
يرتفع منه النحيب..شلونه حالك يالحبيب
بشيلِته السجاد حاير
ناده جيبولي الحصير..حزنه بالخاطر جبير
عاين بناظر حسير..و الكَلب ضامي و كسير
يجمع اوصال الجسد
جمرة ساعر ما خمد
نزّل حسين بحفيرة...1
___________________
قبّل النحر القطيع..بعده يتنازف نَجيع
و النحر حسرات نازف
اتكلّم بصوته الرَفيع..عالصدر خلّي الرضيع
من الظلام ايكون خايف
همسة من نحر الحُسين..بيهه يتهادَه الحَنين
حسرة الام و أنين..نزفه من كَطع الوَتين
عالجسم هال الترُب
و الدمع من دم يصُب
روحه جن صارت أسيرة....2
___________________
من بعد دفن الأمام..يدفن اصحابه الكرام
بس حبيب بحفرة وحده
بعينه مشدوه الكلام..ردّد اعليهم سلام
بالجمر مشبوب جبده
وسّد اصحابه الأُباة..لاجله عافوهه الحياة
فرحوا بهذا الممات..كلهم اِقدام و ثبات
كلهم ايثار او وفه
كَالوا الدنيه العَفَه
وافَوا ال حيدر غَديره....3
___________________
اتوجّه ال شاطي المُصاب..شايل اهموم و عتاب
و الدمع من عينه سايل
دمعة الام انتحاب..عمّه نايم عالتراب
من سرَت عنّه المَحامل
ما تريد اسكينه ماي..عاود الزينب مَعاي
و استمع لوعة بجاي..ظلمة من بعدك سِماي
اعيوني فاركَهه الضوه
و ريتي جافاهه الهوه
من بعد بدر العَشيرة....4
___________________
عاوَد بوكت الغروب..و زينب اتباري الدروب
و الحزن لفراكَه زايد
تنتظر جيته و تلوب..و الكَلب ناعي و يذوب
اتأخرِت كَامت تناشد
كَلهه بالدمعة العليل..ادفنْت اخوتج و الكفيل
نادت بمدمع يسيل..خويه ما ظل عندي حيل
ضامي مدفون بلحِد
ارقية تنتظرك ترد
يا ورد راحل عَبيره....5
=_=__=_=_=_=_=_=_=_=_=_=_=_=
سيد حيدر العوادي
بابل الشوملي

لشهادة السجاد ع
.
.
.

مشــتاگ يـامــوت لـهــل الــغـاظــريه
مشــتاگ لحـسـين والعـمـتي الســبيه
اريد اهناك اشوف اشصار ماصار
بعدهي اجروحهم من كربله اكبار
اهل الغاظريه

_______

هــايــموت اشــبـيك مــتأخــر عــليه
انــه زيــن الــعابــديـن وتــدري بــيه
انـه نـفــسـي الــبالحــبل شــدو اديه
الوالـــدي مــشتاگ والعـمـتي ورقـيه

اتمنيت يـمـي الحظـنـت راس ابــوها
اتمنيت تگعد هـسه ابحــظن اخــوها
ما اسئــلها عــن ايـديــها الـــزغار
بعدهي اجروحهم من كربله اكبار
اهل الغاظريه

_______

العـمــتي يامـوت ابدلـيلي اشـــكـثر آلام
الـبعد ذبــح احـسين ماعاشت سوه ايام
بلــكــي جرح امتــونــهـا هالمــده ملــتام
وادري كلشـي ايطيب وتضل طبة الشام

الجـــمال من گال زينــب جايبــيها
الجـــمال شــمــتان ويــأشــر عليها
اخــاف الــذكــريات اتـوجر الـنار
بعدهي اجروحهم من كربله اكبار
اهل الغاظريه

_______

إي يمـوت امتاني جفني يمته اطـبگه
الوالــدي مـشـتاگ حــيل وارد اشـبگه
ارد اشــم صدره ابكــثر مابيــه حـرگه
وخوفي والله امهشمات اظلوعه الـگه

محـتار يامـوت گـلي امنــين اشــمه
محـتار بحـســين خــايـف لا الــچمه
اخاف ايـگــول اخ ابـهــاي محتار
بعدهي اجروحهم من كربله اكبار
اهل الغاظريه

_______

جــايــني يامـــوت شـو مــتأخر اهــــواي
اوياك احچي اشبيك ساكت احچي وياي
راحــو اخــواني عطــاشه ابحـسرة الـماي
عــلى عـــبد الله والاكـــبر هـــذا مبـــچاي

أخـوان عــندي الــواحد چــنه ورده
أخــوان راحــو چــن مــاي وتـبــده
عــن اعـــزاز گـــلبي مــاكو اخـبار
بعدهي اجروحهم مـن كربله اكبار
اهل الغاظريه

_______

السم سره بعضاي واسئل مـوتي چا وين
وابچـي بـس مـو عـلى روحي عالبعيدين
حلـمي مـن وجـه ابو فاضل اتـرس العين
كــون يشبـگني واشــبگـه وعنـده چــفين

العبــاس عــمـي عنــوان القـداســه
العــباس لازم ابـوســه عـلى راســه
العــمود ابراسـه يــمكن تارك اثار
بعدهي اجروحهم من كربله اكبار
اهل الغاظريه
_______
تمت والحمد لله
حيدر تركي الكربلائي

للتواصل مع خادم الحسين ع خادمكم ملا مصطفى الكربلائي على هذا المعرف
@MlleMastafa

زهراء من ذا تندبي ..قومي فقدمات النبي
ضمّي حسيناً والحسن
ثـم اسـتـعـدّي لـلـزمـن
زهراءُ يازهراء
*********
فاطمةٌ قرب النبي عزريلُ كان ينتظر
كانت تنادي والدي لاتحتضر لاتحتضر
إن غبت عني ساعةً ضلعي غداً سينكسر
غداً حسينٌ في الثرى والرأس في كفِ الشَمِر
.........................
انت الذي قد قلت لي .. بالهم سوف تبتلي
إن اشـعـلـوا نارَ الفـتن
ثـم اسـتـعـدّي لـلـزمـن
زهراءُ يازهراء
*********
مدَّ عليٌ كفَّه عين الحبيب اغمضا
قال لها يافاطمه إنَّ اباك قد مضا
فانكسرت ثم انحنت تبكي وقد ضاق الفضا
قالت له رفقاً بنا والعين صوب المرتضى
..................
لا تبتعد يا ابتي .. ارحم حبيبي دمعتي
قـال لـهـا هاتي الكفن
ثـم اسـتـعـدّي لـلـزمـن
زهراءُ يازهراء
*********
نامت على صدر النبي زهراءُ هذا وضعها
في حضنه لمّا قضى عليه سال دمعها
مات ابوها وانحنت في الحال مات ضلعها
الآه صار صوتها والحزن صار طبعها
...................
املاكُ ربي قادمه .. كانت تنادي فاطمه
الـيـوم هـذا للـشـجـن
ثـم اسـتـعـدّي لـلـزمـن
زهراءُ يازهراء
*********
صاحت الٰهي مؤنسي خذني اليك سيدي
الموت بعد المصطفى قدصار هذا مقصدي
كيف تعيش فاطمه لا عيشَ بعدَ احمدِ
تشكوا وحزناً قد دعت ياوالدي ياوالدي
...................
زهراء صارت تشتكي.. بعد النبي مَن لكِ
وموحشٌ صار الوطن
ثـم اسـتـعـدّي لـلـزمـن
زهراءُ يازهراء
*********
صاح الحسين والحسن جدّاه ارحم حالَنا
نبقى وحيدَين اذن جدّاه من يبقى لنا
اهلُ النفاقِ إن تمُت يبغون ظلماً قتلنا
فاطمةٌ وحـيـدر يقـضـون نـحـباً قبلنا
.....................
هاماً وضلعاً جرحُنا .. سمّاً وسيفاً ذبحُنا
والظـلـم هذا في العلن
ثـم اسـتـعـدّي لـلـزمـن
زهراءُ يازهراء
*********
سيد علي المدني

موطن للعرش

ينهر العافيه وشايل بخت ساده
وطن واليشم عطرك ياخذ مراده
يا فطرة گبل يا شيبة التاريخ
يالجرحه بكبر تاريخ ميلاده
انولدت اويه السمه والغيم الك كاروك
دومك عالي ومتعب الصيّاده
يا آدم زمانك كلت يا تفاح
ونزلت اعله الارض وتخونك القاده
سالفتك هله عد ناس موش اكرام
وطن اهل الكراسي اتجوّع اولاده
ربك خالقك تگعد بصدر الگاع
وخله برگبتك گبة علي اگلاده
يبو دجله وفرات العطش جاسك ليش
جعت واخوان يوسف تاكل بزاده
شعب عندك يسولف بي حلم يعگوب
مل من الوعود ونوم الوساده
خلص نوم الكهف هسه السوالف غير
لصلاة الثوره مد جروحه سجاده
تره بغداد اخت كل العراقيين
وبس العنده غِيره اتهِمّه بغداده
نزلنه نريد حگنه البالظهر مبيوگ
وترجع مستقل يا وطن كالعاده
الله مواعدك بيرغ تظل مرفوع
وربك ابد ما يخلف بميعاده

للشاعر
#كرار_حسين_الكربلائي

••
قليلاً من الأمل..
وكثيراً من الدعاء وتستمر الحياة..💛🍃

.‏صباح الخير ، للذين يرسمون في مُخيلاتهم حياة لا تطابق حياتهم، للحالمين المؤمنين لوصولهم إلى ما يريدون، المبتسمون رغم الظروف دائماً❤️🧚‍♀

.••
بين صيف يرحل وشتاء آتٍ..
يغير الله اﻷحوال من حالٍ إلى حال..
فياارب بشرنا بما يسرنا وادفع عنا ما يضرنا..♥🍃