الهلال
هل هلالك عاشور .. گلب احبابك مكسور
آنه الخادم يحسين .. وانطر چلمة مأجور
***********
انا متاني الليالي العادهن عشره
.. واهل عبره ..
انا المنطي الوعد لحسين والزهره
شلون اسمع شمر گاعد على صدره
.. يحز نحره ..
ما تكفيني لطمه ياعلي وحسره
.....................
كون يحز نحري ويا .. موبس اصرخ ويلا
كون الطم واعمي العين..وانطر چلمة مأجور
***********
يهل هلال شهرك واذكر خيامك
..تجي ايامك..
واذكر خيل اميه السحگن عظامك
اطگ صدري بمحرم وابچي لآلامك
.. عله ايتامك..
تراب اقبل اصير اتسحگه خدّامك
...................
عاشورك رد ردود .. والبست هدومي السود
خادم راح ابقى سنين .. وانطر چلمة مأجور
***********
وحگ من ساوه سبعه ومن رفع سبعه
.. اهل دمعه..
واصيحن ما اعوف حسين يالبضعه
الكسر ضلعچ يزهره هم كسر ضلعه
.. بتر صبعه..
عهد ما انعه غيرك بس الك انعه
...................
راح الطم وابچي هواي.. عالمحروم من الماي
عالصدر اطبع چفين.. وانطر چلمة مأجور
***********
اون واذكرهه زينب لو محرم هل
.. على الهزل ..
ترد وحبال بيهه واختنگ وازعل
اجتهه الخيل فزعه وهيه فوگ التل
.. غدت تسأل..
بلايه اخوتهه ظلت كلشي ماتندل
.....................
چانت تحميهه سباع .. وسفه تطيح على الگاع
عالحره الطم خدين .. وانطر چلمة مأجور
***********
يهل واذكر رقيه والجره عليهه
.. وبواچيهه..
يطگهه المارحمهه وجر تراچيهه
بطشت راس العميد الچان يحميهه
.. يصد ليهه..
غدت تشبگله راسه وسوطه ياذيهه
....................
طفله وماتت عالراس ..صاحت وين العباس
راح ابچي على الميتين .. وانطر چلمة مأجور
***********
اخدمك راح اخدمك وادري بالخدمه
.. صدگ رحمه ..
اليريد تدوم لازم يشكر النعمه
الخدامه اخلاق طيبه ومو فقط چلمه
.. صدگ زحمه..
اذا واحد يخدمه بس يزعل امه
..................
الخادم ماياذي الغير .. ويحب يسوي الخير
طيب موش بوجهين.. .. وانطر چلمة مأجور
***********
سيد علي المدني
هل هلالك عاشور .. گلب احبابك مكسور
آنه الخادم يحسين .. وانطر چلمة مأجور
***********
انا متاني الليالي العادهن عشره
.. واهل عبره ..
انا المنطي الوعد لحسين والزهره
شلون اسمع شمر گاعد على صدره
.. يحز نحره ..
ما تكفيني لطمه ياعلي وحسره
.....................
كون يحز نحري ويا .. موبس اصرخ ويلا
كون الطم واعمي العين..وانطر چلمة مأجور
***********
يهل هلال شهرك واذكر خيامك
..تجي ايامك..
واذكر خيل اميه السحگن عظامك
اطگ صدري بمحرم وابچي لآلامك
.. عله ايتامك..
تراب اقبل اصير اتسحگه خدّامك
...................
عاشورك رد ردود .. والبست هدومي السود
خادم راح ابقى سنين .. وانطر چلمة مأجور
***********
وحگ من ساوه سبعه ومن رفع سبعه
.. اهل دمعه..
واصيحن ما اعوف حسين يالبضعه
الكسر ضلعچ يزهره هم كسر ضلعه
.. بتر صبعه..
عهد ما انعه غيرك بس الك انعه
...................
راح الطم وابچي هواي.. عالمحروم من الماي
عالصدر اطبع چفين.. وانطر چلمة مأجور
***********
اون واذكرهه زينب لو محرم هل
.. على الهزل ..
ترد وحبال بيهه واختنگ وازعل
اجتهه الخيل فزعه وهيه فوگ التل
.. غدت تسأل..
بلايه اخوتهه ظلت كلشي ماتندل
.....................
چانت تحميهه سباع .. وسفه تطيح على الگاع
عالحره الطم خدين .. وانطر چلمة مأجور
***********
يهل واذكر رقيه والجره عليهه
.. وبواچيهه..
يطگهه المارحمهه وجر تراچيهه
بطشت راس العميد الچان يحميهه
.. يصد ليهه..
غدت تشبگله راسه وسوطه ياذيهه
....................
طفله وماتت عالراس ..صاحت وين العباس
راح ابچي على الميتين .. وانطر چلمة مأجور
***********
اخدمك راح اخدمك وادري بالخدمه
.. صدگ رحمه ..
اليريد تدوم لازم يشكر النعمه
الخدامه اخلاق طيبه ومو فقط چلمه
.. صدگ زحمه..
اذا واحد يخدمه بس يزعل امه
..................
الخادم ماياذي الغير .. ويحب يسوي الخير
طيب موش بوجهين.. .. وانطر چلمة مأجور
***********
سيد علي المدني
#قصائد_ابا_الفضل_العباس
#رئيسية
لو لكيتوا اعلة النهر جثة رمية
لاتكلولة مشت زينب سبية
كلولة يعباس راحت رافعة الراس
------------.-1---------------
لاتكلولة الحسين انسحك صدرة
لئن مايدري الغريب انكطع نحرة
ولاتخبرونة بخيامي التشب جمرة
وضلموا اطفالة بغيابة وصرنة اسرة
النار تجوينة وننادي بأسمة الحك
جم طفل جم طفلة خيل الغدر تسحك
مامهتمة باالناس راحت رافعة الراس
---------------.--2----------------
لسه مايدري سكينة عذبوهه
ولاتكلولة بناتك لوعوهه
راح يزعل لوسمع زينب سبوهه
واعلة نوك السبي تبجي وركبوهه
خاف من يبجي دموعة تلجم العين
لئن سهم العين لسة بعينة همين
ينشد ابو النوماس راحت رافعة الراس
-----------------3.--------------------
كولي زينب تعتذر منك ينوماس
ماي من بعدك ترة شربت يعباس
والله منك تستحي يارفعت الراس
زينب اتشربك اجت منعوهه الارجاس
رادتك تشرب كبلهه يابو فاضل
هي مثلك كفيلة واخت كافل
رفعت راية احساس راحت رافعة الراس
-------------------.4--------------------
عوفوا جتفهه الحبل عوفوا جملهه
احجوله عن خطبتهه بالكوفة وفعلهه
خلت ابن زياد حاير من سألهه
هاي زينب لوعلي التحجي شيكلهه
لاتكلولة الحسين ابلاية خنصر
ولاتخبرونه الرضيع ادمومة تمطر
زينب علي تنقاس راحت رافعة الراس
-------------.------5--------
لاتكلولة هوت من الجمل وين
طاحت اعلة الكاع شبكت جسم الحسين
خاف ينظرني ولو خليتة بس عين
شلون يرفعني اذا ماعندة جفين
ابمحملي اعلة حسين راسي اني طبرتة
خاف يسمعني الكمر ليش ابجي سكتة
رغم خشوم الارجاس راحت رافعة الراس
الخادم حيدر موسى الرميثي
#رئيسية
لو لكيتوا اعلة النهر جثة رمية
لاتكلولة مشت زينب سبية
كلولة يعباس راحت رافعة الراس
------------.-1---------------
لاتكلولة الحسين انسحك صدرة
لئن مايدري الغريب انكطع نحرة
ولاتخبرونة بخيامي التشب جمرة
وضلموا اطفالة بغيابة وصرنة اسرة
النار تجوينة وننادي بأسمة الحك
جم طفل جم طفلة خيل الغدر تسحك
مامهتمة باالناس راحت رافعة الراس
---------------.--2----------------
لسه مايدري سكينة عذبوهه
ولاتكلولة بناتك لوعوهه
راح يزعل لوسمع زينب سبوهه
واعلة نوك السبي تبجي وركبوهه
خاف من يبجي دموعة تلجم العين
لئن سهم العين لسة بعينة همين
ينشد ابو النوماس راحت رافعة الراس
-----------------3.--------------------
كولي زينب تعتذر منك ينوماس
ماي من بعدك ترة شربت يعباس
والله منك تستحي يارفعت الراس
زينب اتشربك اجت منعوهه الارجاس
رادتك تشرب كبلهه يابو فاضل
هي مثلك كفيلة واخت كافل
رفعت راية احساس راحت رافعة الراس
-------------------.4--------------------
عوفوا جتفهه الحبل عوفوا جملهه
احجوله عن خطبتهه بالكوفة وفعلهه
خلت ابن زياد حاير من سألهه
هاي زينب لوعلي التحجي شيكلهه
لاتكلولة الحسين ابلاية خنصر
ولاتخبرونه الرضيع ادمومة تمطر
زينب علي تنقاس راحت رافعة الراس
-------------.------5--------
لاتكلولة هوت من الجمل وين
طاحت اعلة الكاع شبكت جسم الحسين
خاف ينظرني ولو خليتة بس عين
شلون يرفعني اذا ماعندة جفين
ابمحملي اعلة حسين راسي اني طبرتة
خاف يسمعني الكمر ليش ابجي سكتة
رغم خشوم الارجاس راحت رافعة الراس
الخادم حيدر موسى الرميثي
منهاج محرم الحرام ١٤٤٠ هجري
ليلة الخدمة الحسينية المقدسة
قصيدة بحر الطويل ( طور كربلائي )
خادم وأفتخر لحسين ناذر هالعمر كلّه
بكرامه وملك عيّشيني لا منّه ولا ذلّه
…………………………………………………………………………………
تربّيت آنه للخدمه ناذر عمري وسنيني
أمنيتي گلت ياريت يقبل خدمتي حسيني
هالمنبر الربّاني ملك عايش امخليني
رفعة راس درب حسين
يالخادم وتحصل وين
هالنعمه دگلّي امنين
بس عند الحسين وكون هذا الدرب تندّله
…………………………………………………………………………………
تندّله بتواضع ريت تمشي هالدرب سالم
ميفيد الغرور إيّاك ترجع خاسر ونادم
ربنا يبارك بعمره كونه مخلص الخادم
حسين إنطانه كل عمره
شنوافي شما نقره
هدفنه نظرة الزهره
ترعانه الزچيه انچان عرفنه حسين نوصلّه
…………………………………………………………………………………
أجدد هالعهد وآنه صفه كل يوم عاشوري
لازم أخلص الخدمه تكليفي تره ودوري
سفينه حسين للخادم خضت بزوده بحوري
أبحر للأمان أسعه
بفضل اللطم والدمعه
عمري يشبه الشمعه
أذوب بخدمة المظلوم وبعيني الوفه يحله
…………………………………………………………………………………
مواكب تذكر الظامي مجالس والدموع تسيل
ما بين اللطم والنوح والتشبيه والزنجيل
شعائر ربنا خط أحمر ممنوع العذول يعيل
هالخدمه شعائرنه
يوم الحشر تنصرنه
والزهره تبشّرنه
واليبغضنه ما يربح وبهذا الحقد خلّه
…………………………………………………………………………………
اني اتطوعت خادم لحسين ونواعيّه
أنعه الفجعه واقراها وانحب على المسبيه
كل لحظه الحنين يزود ريت اللطم ليليه
لو كل العمر عاشور
ما أتعب بهذا الدور
أقره والگلب مفطور
على الطف ودموعي تسيل علّه تنافس العلّه
…………………………………………………………………………………
لآخر يوم من عمري دمعي ما يسد بابه
باچر يشفع الظامي والخدام أحبابه
مد العمر گلبي يصيح آه يحسين ومصابه
ليليه العهد دايم
ليليه الدمع ساجم
لحد ما يظهر القائم
وآني لسيدي ومولاي قليل شما أقدّمله
…………………………………………………………………………………
خادم الإمام الحسين عليه السلام
عمار هليل الواسطي
محرم الحرام ١٤٤٠ هجري
ليلة الخدمة الحسينية المقدسة
قصيدة بحر الطويل ( طور كربلائي )
خادم وأفتخر لحسين ناذر هالعمر كلّه
بكرامه وملك عيّشيني لا منّه ولا ذلّه
…………………………………………………………………………………
تربّيت آنه للخدمه ناذر عمري وسنيني
أمنيتي گلت ياريت يقبل خدمتي حسيني
هالمنبر الربّاني ملك عايش امخليني
رفعة راس درب حسين
يالخادم وتحصل وين
هالنعمه دگلّي امنين
بس عند الحسين وكون هذا الدرب تندّله
…………………………………………………………………………………
تندّله بتواضع ريت تمشي هالدرب سالم
ميفيد الغرور إيّاك ترجع خاسر ونادم
ربنا يبارك بعمره كونه مخلص الخادم
حسين إنطانه كل عمره
شنوافي شما نقره
هدفنه نظرة الزهره
ترعانه الزچيه انچان عرفنه حسين نوصلّه
…………………………………………………………………………………
أجدد هالعهد وآنه صفه كل يوم عاشوري
لازم أخلص الخدمه تكليفي تره ودوري
سفينه حسين للخادم خضت بزوده بحوري
أبحر للأمان أسعه
بفضل اللطم والدمعه
عمري يشبه الشمعه
أذوب بخدمة المظلوم وبعيني الوفه يحله
…………………………………………………………………………………
مواكب تذكر الظامي مجالس والدموع تسيل
ما بين اللطم والنوح والتشبيه والزنجيل
شعائر ربنا خط أحمر ممنوع العذول يعيل
هالخدمه شعائرنه
يوم الحشر تنصرنه
والزهره تبشّرنه
واليبغضنه ما يربح وبهذا الحقد خلّه
…………………………………………………………………………………
اني اتطوعت خادم لحسين ونواعيّه
أنعه الفجعه واقراها وانحب على المسبيه
كل لحظه الحنين يزود ريت اللطم ليليه
لو كل العمر عاشور
ما أتعب بهذا الدور
أقره والگلب مفطور
على الطف ودموعي تسيل علّه تنافس العلّه
…………………………………………………………………………………
لآخر يوم من عمري دمعي ما يسد بابه
باچر يشفع الظامي والخدام أحبابه
مد العمر گلبي يصيح آه يحسين ومصابه
ليليه العهد دايم
ليليه الدمع ساجم
لحد ما يظهر القائم
وآني لسيدي ومولاي قليل شما أقدّمله
…………………………………………………………………………………
خادم الإمام الحسين عليه السلام
عمار هليل الواسطي
محرم الحرام ١٤٤٠ هجري
This media is not supported in your browser
VIEW IN TELEGRAM
منهاج محرم الحرام ١٤٤٠ هجري
ليلة سيدي ومولاي القاسم بن الحسن عليه السلام
أمّك يجاسم بالدمع طفّيــت الشموع
والحنّه دمّك والشهاده عرس الدموع
……………………………………………………………………………………
يا تعب عمري وسهر ذيچ الليالي
ذكرياتك صور مرسومه اعله بالي
غالي إنته وعمّك المظلوم غالي
بكربله جازيت تعبي وكل دلالي
يالبيّضت وجهي رغم ما گلبي مگطوع
والحنّه دمّك والشهاده عرس الدموع
……………………………………………………………………………………
سنين واعيوني عليك وگلبي صابر
تكبر إگبالي وأشوفك گمر زاهر
يالترست الروح آمال ومشاعر
صورتك بدموعي رسمتها النواظر
حتى النبض صار بغيابك يبني موجوع
والحنّه دمّك والشهاده عرس الدموع
……………………………………………………………………………………
من رسم دهري تجاعيدي اعله خدّي
چنت اشد الحيل بيك وإنته عندي
لكن وداعت غلاتك ذاب چبدي
بيك وصّاني الحسن ودموعي رَدّي
گلّي يرمله بيوم عاشر روحچ تلوع
والحنّه دمّك والشهاده عرس الدموع
……………………………………………………………………………………
كربله والموعد بعاشر محرّم
من نهاري يصير يشبه ليلي الأظلم
إنطيتك اوصيّةْ أبوك ودمعي هل دم
توجهت لحسين گتله إرخصني يا عَمْ
شاف الوصيّه وشفته ناح وگلبه مفجوع
والحنّه دمّك والشهاده عرس الدموع
……………………………………………………………………………………
آني بالخيمه وعلى الميدان أباوع
دهري كل لحظه بخبر مشؤوم راجع
من طلعت وچان گلبي اوياك طالع
وإنقبض چنّه خبر مو زين سامع
ثق گلبي يعلم ما تجيني وترجع إرجوع
والحنّه دمّك والشهاده عرس الدموع
……………………………………………………………………………………
يبني معذوره الدمع لجلك أهلّه
صعبه ترجعلي وذر لتظنهه سهله
بخيمتي ويمّي الحرم يا نوح أملّه
گمنه نتناوب نِونْ ثكله اويا ثكله
لا ما خفه يمك نحيبي وونّي مسموع
والحنّه دمّك والشهاده عرس الدموع
……………………………………………………………………………………
كربله شعافت مصايب تاخذ الروح
حسين عمّك يبني بعدك شفته مذبوح
نطفي يا نار بدمع من نار مسفوح
نار تلهب بالخيم ، لو نار الجروح ؟
حتى البچي بدرب السبي يوليدي ممنوع
والحنّه دمّك والشهاده عرس الدموع
……………………………………………………………………………………
خادم الإمام الحسين عليه السلام
عمار هليل الواسطي
محرم الحرام / ١٤٤٠ هجري
ليلة سيدي ومولاي القاسم بن الحسن عليه السلام
أمّك يجاسم بالدمع طفّيــت الشموع
والحنّه دمّك والشهاده عرس الدموع
……………………………………………………………………………………
يا تعب عمري وسهر ذيچ الليالي
ذكرياتك صور مرسومه اعله بالي
غالي إنته وعمّك المظلوم غالي
بكربله جازيت تعبي وكل دلالي
يالبيّضت وجهي رغم ما گلبي مگطوع
والحنّه دمّك والشهاده عرس الدموع
……………………………………………………………………………………
سنين واعيوني عليك وگلبي صابر
تكبر إگبالي وأشوفك گمر زاهر
يالترست الروح آمال ومشاعر
صورتك بدموعي رسمتها النواظر
حتى النبض صار بغيابك يبني موجوع
والحنّه دمّك والشهاده عرس الدموع
……………………………………………………………………………………
من رسم دهري تجاعيدي اعله خدّي
چنت اشد الحيل بيك وإنته عندي
لكن وداعت غلاتك ذاب چبدي
بيك وصّاني الحسن ودموعي رَدّي
گلّي يرمله بيوم عاشر روحچ تلوع
والحنّه دمّك والشهاده عرس الدموع
……………………………………………………………………………………
كربله والموعد بعاشر محرّم
من نهاري يصير يشبه ليلي الأظلم
إنطيتك اوصيّةْ أبوك ودمعي هل دم
توجهت لحسين گتله إرخصني يا عَمْ
شاف الوصيّه وشفته ناح وگلبه مفجوع
والحنّه دمّك والشهاده عرس الدموع
……………………………………………………………………………………
آني بالخيمه وعلى الميدان أباوع
دهري كل لحظه بخبر مشؤوم راجع
من طلعت وچان گلبي اوياك طالع
وإنقبض چنّه خبر مو زين سامع
ثق گلبي يعلم ما تجيني وترجع إرجوع
والحنّه دمّك والشهاده عرس الدموع
……………………………………………………………………………………
يبني معذوره الدمع لجلك أهلّه
صعبه ترجعلي وذر لتظنهه سهله
بخيمتي ويمّي الحرم يا نوح أملّه
گمنه نتناوب نِونْ ثكله اويا ثكله
لا ما خفه يمك نحيبي وونّي مسموع
والحنّه دمّك والشهاده عرس الدموع
……………………………………………………………………………………
كربله شعافت مصايب تاخذ الروح
حسين عمّك يبني بعدك شفته مذبوح
نطفي يا نار بدمع من نار مسفوح
نار تلهب بالخيم ، لو نار الجروح ؟
حتى البچي بدرب السبي يوليدي ممنوع
والحنّه دمّك والشهاده عرس الدموع
……………………………………………………………………………………
خادم الإمام الحسين عليه السلام
عمار هليل الواسطي
محرم الحرام / ١٤٤٠ هجري
لسان حال مولاتنا زينب ع
الحگ علي // گالو سبي //
الخاطر علي //وستر العبي //
افزع كفيلي //افزع كفيلي //
%%%%%%%%%%%%%%%%
عالنهر گالولي طايح هوه شيطيح الگمر
امدد اعله الغبره اخيج ابد ماصدك الخبر
احسينج ابصفه يزينب منذبح من النحر
اخلاف اخوتي اشلون اعيشن ربي ماريده
العمر
عباس بيمن نخوتي// ياحسرتي//
فگد اخوتي// ورم دليلي//
%%%%%%%%%%%%%%%%%
حيل ماضل بيه خويه وكلهه فرحانه نسبيت
هذا اليعيرني بيكم ذاك اليكول اشتفيت
بعيني ماضل دمع خويه گد عليكم مابچيت
حاشه تنسه اختك وحيده وعذر ماعدك نسيت
يلغيره البراسك جمر//لختك دمر//
هاذا الشمر//صاير جبيلي//
%%%%%%%%%%%%%%%%
من سياط امتوني طاحت خويه من گد »ضرب
الدنيه ضلمه بعيني صارت كمت ماشوف الدرب
تعثر بكل خطوه زينب كامت بين الغرب
من رعب خيتك تكوم وطاحت النوب برعب
كمت انه ارتل بلفلق//عشت بقلق//
شر ماخلق//شفت برحيلي//
%%%%%%%%%%%%%%%%
كوم بس طولك يكفي كلشي منك لا تلم
كوم ياترباة حيدر كوم وسبيلي الزلم
الشمر يضحك يكلي يرجع الكافل حلم
گلبي مايحمل مصايب بعد ومثلم ثلم
والوكت مايرحم تره//عندك مره//
كوم الجره//هدالي حيلي//
%%%%%%%%%%%%%%%%
امس جنت بين اخوتي اليوم لا خوتي وامس
بسمه معروفه تمشي شلون علناكه الشمس
كلهه فرحانه بكتلكم خويه جن عدهم عرس
امنين اجيب المهدي هسه وعلي يخلسهم خلس
ويگوم سبع الگنطره //وي حيدره//
المهدي ودره//يادنيه شيلي//
%%%%%%%%%%%%%%%%
فاضل الغريباوي🚩🚩🚩🚩🚩🚩🚩
الحگ علي // گالو سبي //
الخاطر علي //وستر العبي //
افزع كفيلي //افزع كفيلي //
%%%%%%%%%%%%%%%%
عالنهر گالولي طايح هوه شيطيح الگمر
امدد اعله الغبره اخيج ابد ماصدك الخبر
احسينج ابصفه يزينب منذبح من النحر
اخلاف اخوتي اشلون اعيشن ربي ماريده
العمر
عباس بيمن نخوتي// ياحسرتي//
فگد اخوتي// ورم دليلي//
%%%%%%%%%%%%%%%%%
حيل ماضل بيه خويه وكلهه فرحانه نسبيت
هذا اليعيرني بيكم ذاك اليكول اشتفيت
بعيني ماضل دمع خويه گد عليكم مابچيت
حاشه تنسه اختك وحيده وعذر ماعدك نسيت
يلغيره البراسك جمر//لختك دمر//
هاذا الشمر//صاير جبيلي//
%%%%%%%%%%%%%%%%
من سياط امتوني طاحت خويه من گد »ضرب
الدنيه ضلمه بعيني صارت كمت ماشوف الدرب
تعثر بكل خطوه زينب كامت بين الغرب
من رعب خيتك تكوم وطاحت النوب برعب
كمت انه ارتل بلفلق//عشت بقلق//
شر ماخلق//شفت برحيلي//
%%%%%%%%%%%%%%%%
كوم بس طولك يكفي كلشي منك لا تلم
كوم ياترباة حيدر كوم وسبيلي الزلم
الشمر يضحك يكلي يرجع الكافل حلم
گلبي مايحمل مصايب بعد ومثلم ثلم
والوكت مايرحم تره//عندك مره//
كوم الجره//هدالي حيلي//
%%%%%%%%%%%%%%%%
امس جنت بين اخوتي اليوم لا خوتي وامس
بسمه معروفه تمشي شلون علناكه الشمس
كلهه فرحانه بكتلكم خويه جن عدهم عرس
امنين اجيب المهدي هسه وعلي يخلسهم خلس
ويگوم سبع الگنطره //وي حيدره//
المهدي ودره//يادنيه شيلي//
%%%%%%%%%%%%%%%%
فاضل الغريباوي🚩🚩🚩🚩🚩🚩🚩
❤1
للتواصل مع خادم الحسين ع خادمكم ملا مصطفى الكربلائي على هذا المعرف
@MlleMastafa
@MlleMastafa
للخدمه
..
اباب الحسينيه شكر
صلي ركعتين
عاشور اجه وعندك عمر
بي تخدم حسين
واليحضر بمأتمه
تباوع عليه فاطمه
...
من بين هلال الحزن
كل گلب بضلوعه سجد
الما يفتهم معنه العشگ
ما ينتظر جيته ابد
مرك محرم قل هو
ليس له كفواً احد
ثلاثين يوم اعله البچي
ما يكفن وردنه بعد
جم ميت اتمنه يجي من بين الگبور
يحضر مجالس تعزيه ايام عاشور
مجلس بسابع سمه
تباوع عليه فاطمه
...
خسران عمره الما حضر
لو ساعه وحده بمجلسه
يا ناس ناسيله فرض
كلمن لعاشوره نسه
مو هوه بمجلس فاطمه
هذا الهوه النتنفسه
هذا الرماد البالخيم
بصدورنه نتحسسه
لو گلت وين اول عزه صاير بالايام
بأول عزه زينب بدت ما بين الخيام
من حرگو امخيمه
تباوع عليه فاطمه
...
لو ساوموني اعله البچي
بثْواب حج ما بدله
مجلس عزاي اعله النحر
يسوه الفرض والنافله
شهر المحرم خط فتح
بين العيون وكربله
تنزل ذنوبي من المتن
ويه الدموع الهامله
لو سامح الله بالحشر امشي لجهنم
ما تشفع هناك الصلا لو ما محرم
ما يخسر اليخدمه
تباوع عليه فاطمه
...
يمبيض وجوه الخدم من اهل النوايا الصافيه
بكلوبنه جمرة عشك مثل الخيم ما طافيه
يالاربعينك من يجي ايلبسنه ثوب العافيه
من النجف ولكربله تمشي خدامك حافيه
يالكربلائك مو ارض تنعد سماوات
حته اعله عرش الله الك مرفوعه رايات
زايرك ما اعظمه
تباوع عليه فاطمه
...
آيا شهر وبعاشرك
شمس الله طاحت عالثره
خامس امام من اثنعش
واثنعش طبره بمنحره
زينب تقبله اعله النحر
وضلوعه كلها مكسره
من لزمت ايده ما لگت
بين الاصابع خنصره
شيّكفي نلطم عالصدر شتكفي الدموع
وحسين نايم عالترب مكسور الضلوع
وجروحه تنزف ضمه
تباوع عليه فاطمه
...
خادم الحسين ( عليه السلام)
كرار حسين الكربلائي
( ابو كميل)
..
اباب الحسينيه شكر
صلي ركعتين
عاشور اجه وعندك عمر
بي تخدم حسين
واليحضر بمأتمه
تباوع عليه فاطمه
...
من بين هلال الحزن
كل گلب بضلوعه سجد
الما يفتهم معنه العشگ
ما ينتظر جيته ابد
مرك محرم قل هو
ليس له كفواً احد
ثلاثين يوم اعله البچي
ما يكفن وردنه بعد
جم ميت اتمنه يجي من بين الگبور
يحضر مجالس تعزيه ايام عاشور
مجلس بسابع سمه
تباوع عليه فاطمه
...
خسران عمره الما حضر
لو ساعه وحده بمجلسه
يا ناس ناسيله فرض
كلمن لعاشوره نسه
مو هوه بمجلس فاطمه
هذا الهوه النتنفسه
هذا الرماد البالخيم
بصدورنه نتحسسه
لو گلت وين اول عزه صاير بالايام
بأول عزه زينب بدت ما بين الخيام
من حرگو امخيمه
تباوع عليه فاطمه
...
لو ساوموني اعله البچي
بثْواب حج ما بدله
مجلس عزاي اعله النحر
يسوه الفرض والنافله
شهر المحرم خط فتح
بين العيون وكربله
تنزل ذنوبي من المتن
ويه الدموع الهامله
لو سامح الله بالحشر امشي لجهنم
ما تشفع هناك الصلا لو ما محرم
ما يخسر اليخدمه
تباوع عليه فاطمه
...
يمبيض وجوه الخدم من اهل النوايا الصافيه
بكلوبنه جمرة عشك مثل الخيم ما طافيه
يالاربعينك من يجي ايلبسنه ثوب العافيه
من النجف ولكربله تمشي خدامك حافيه
يالكربلائك مو ارض تنعد سماوات
حته اعله عرش الله الك مرفوعه رايات
زايرك ما اعظمه
تباوع عليه فاطمه
...
آيا شهر وبعاشرك
شمس الله طاحت عالثره
خامس امام من اثنعش
واثنعش طبره بمنحره
زينب تقبله اعله النحر
وضلوعه كلها مكسره
من لزمت ايده ما لگت
بين الاصابع خنصره
شيّكفي نلطم عالصدر شتكفي الدموع
وحسين نايم عالترب مكسور الضلوع
وجروحه تنزف ضمه
تباوع عليه فاطمه
...
خادم الحسين ( عليه السلام)
كرار حسين الكربلائي
( ابو كميل)
للعليله
..
عفتني لوحشة الدار
وادوّر بالهوه اخبار
عليك شصار ما صار .. بويه بويه
علي لو صار الغروب
اطش عيني اعله الدروب
دخيلك دزلي مكتوب .. بويه بويه
...
انه وجرح الوكت واحلامي الازغار
وگفت بدرب جيتكم مناره
صرت مثل الشمع وافراگكم نار
وليل الفرگه يكتل بنتظاره
ادور ضعونكم
دخيل اعيونكم
وخبر ما جاني
يگلي اشلونكم
عليكم تسأل العين
وناشد وين ما وين
يموت الفارگ حسين .. بويه بويه
بدمع عيني توضيت
وصلاة الغربه صليت
هلالك عني محجوب ..بويه بويه
...
نزل بالدار بعدك وحي السكوت
الجنه بغير وجهك ما هي جنه
تره كلمة وداعاً بالاصل موت
گلتها ومتت بعدك ونه ونه
الهجر بحساسي
يشيب راسي
هو احتاجيتك
يبعد انفاسي
لحنانك گلبي مشتاگ
تعال وكافي الفراگ
المدينه احله من العْراگ .. بويه بويه
مشيت وحالي مو ذاك
ذبلت بصيف فرگاك
يموت العافه محبوب .. بويه بويه
...
لباب ام البنين بدمعي حنيت
وطلبت مراد منها بلكت تعود
طلعت تِلَگتني وبيها شميت
ريحة چف گمر ومفارگ الجود
گعدنه اثنينه
شكثر ونينه
على هجرانك
بعد ما بينه
التقينه ابيت الاحزان
وگعدنه نقره قران
وجهنه لكربله چان
بويه .. بويه
بچينه بعدك اعيون
ودمعنه ابيض اللون
ييوسف صرنه يعگوب .. بويه بويه
....
يبويه الراح عنها واحد تنوح
وانه اثمنطعش واحد راح عني
اشوفن باب گلبي لحزني مفتوح
الحزن گام ايتداين حزن مني
عليله وصيحْتي
يبعد ارويحتي
يباب جروحي
بعتبتك طيحتي
دگلي ابيش ارتاح
وضعنكم للغرب راح
تعب صوتي من الصياح .. بويه بويه
ولا انسه المثل گال
وداع الغالي چتال
زغيره اوجهي متعوب .. بويه بويه
....
چان الوكت سكته وصاح جبريل
بعد ما خلصت وكت الظهيره
صدر حسين ملعب صار للخيل
وزينب تلم بضلوعه الكسيره
السهام بصدره
اطلعت من اظهره
واشوفن زينب
تقبله بنحره
وعله التل عمتي اتصيح
ونداها جابته الريح
خيمكم راحت اتطيح .. بويه بويه
وبنات العرش واللوح
سبايا بعدك اتروح
واجه دور السبي النوب .. بويه بويه
...
خادم الحسين ( عليه السلام)
كرار حسين الكربلائي
( ابو كميل)
..
عفتني لوحشة الدار
وادوّر بالهوه اخبار
عليك شصار ما صار .. بويه بويه
علي لو صار الغروب
اطش عيني اعله الدروب
دخيلك دزلي مكتوب .. بويه بويه
...
انه وجرح الوكت واحلامي الازغار
وگفت بدرب جيتكم مناره
صرت مثل الشمع وافراگكم نار
وليل الفرگه يكتل بنتظاره
ادور ضعونكم
دخيل اعيونكم
وخبر ما جاني
يگلي اشلونكم
عليكم تسأل العين
وناشد وين ما وين
يموت الفارگ حسين .. بويه بويه
بدمع عيني توضيت
وصلاة الغربه صليت
هلالك عني محجوب ..بويه بويه
...
نزل بالدار بعدك وحي السكوت
الجنه بغير وجهك ما هي جنه
تره كلمة وداعاً بالاصل موت
گلتها ومتت بعدك ونه ونه
الهجر بحساسي
يشيب راسي
هو احتاجيتك
يبعد انفاسي
لحنانك گلبي مشتاگ
تعال وكافي الفراگ
المدينه احله من العْراگ .. بويه بويه
مشيت وحالي مو ذاك
ذبلت بصيف فرگاك
يموت العافه محبوب .. بويه بويه
...
لباب ام البنين بدمعي حنيت
وطلبت مراد منها بلكت تعود
طلعت تِلَگتني وبيها شميت
ريحة چف گمر ومفارگ الجود
گعدنه اثنينه
شكثر ونينه
على هجرانك
بعد ما بينه
التقينه ابيت الاحزان
وگعدنه نقره قران
وجهنه لكربله چان
بويه .. بويه
بچينه بعدك اعيون
ودمعنه ابيض اللون
ييوسف صرنه يعگوب .. بويه بويه
....
يبويه الراح عنها واحد تنوح
وانه اثمنطعش واحد راح عني
اشوفن باب گلبي لحزني مفتوح
الحزن گام ايتداين حزن مني
عليله وصيحْتي
يبعد ارويحتي
يباب جروحي
بعتبتك طيحتي
دگلي ابيش ارتاح
وضعنكم للغرب راح
تعب صوتي من الصياح .. بويه بويه
ولا انسه المثل گال
وداع الغالي چتال
زغيره اوجهي متعوب .. بويه بويه
....
چان الوكت سكته وصاح جبريل
بعد ما خلصت وكت الظهيره
صدر حسين ملعب صار للخيل
وزينب تلم بضلوعه الكسيره
السهام بصدره
اطلعت من اظهره
واشوفن زينب
تقبله بنحره
وعله التل عمتي اتصيح
ونداها جابته الريح
خيمكم راحت اتطيح .. بويه بويه
وبنات العرش واللوح
سبايا بعدك اتروح
واجه دور السبي النوب .. بويه بويه
...
خادم الحسين ( عليه السلام)
كرار حسين الكربلائي
( ابو كميل)