زينـــب ابحيــــرة دمعهـــــــه  واقشعرَّ اتراب تلهــــــه
والهــوى صفناته كثـــــــــرن  بعد أهلهه ياهو الهــــــه؟

اعتلت للتــــل حزينـــه ويخشــع اتراب التسحـﮔــــــه
والهوى اهتــز شعــــوره يصفــن ابصفنتهه حـﮔـــــه
تشهـﮔ اجروح ومآسـي مو هوى هــذا التشهـــﮔـــــه
فارﮔــت احبــاب زينب والدمـع باقي اشيفَرّﮔــــــــــــه
اشـﮔـد عظيمــه وبت عظيمــه  اتقدَّس التـل ابرجلـــــهه

ﮁـم درس يرسم صبــرهه وﮁــم كتــــاب ابلا نهايــــــه
وﮁــم قلـم حيَّـــر ورقتـــــه يكتـــب اجــزاء البدايــــــــه
الدنيــه ظلمــه كلــهه جانت نــور زينـــب الهدايــــــــــه
نافــذت آمــال ﮁــــانت والأمل لهــــــل البرايـــــــــــــــه
زرعت الجرئــــه ابـﮔلبنـــــه  الصعبه زينبنــه املـــهـــه

ابكل ثقافــه ابكــل ادبـهه لبسـت اهمـــــــوم القيـــــــــاده
علمت للعالــم أســــــــــــــره الشهــــــــــاده اجمـــل ولاده
وقله ايام التربـــــــــع عالحكـــم بيـــــــــده السيـــــــــــاده
وعايـــش الرخصــــــهه روحـــه بالعـــــــدل نال الشهــاده
ثورة احسين وصمــوده  ابصبـــر زينب كملــــــهه

قدَّمـــت اروح معانــــي بالبلاغــــــــــه وبالفصاحــــــــــه
بيَّنــت باسلــــوب راقــــــي الظالم وصــار افتضاحــــــــــه
انكســـــر أي صـح ظهــــرهه والعقــــل متروس راحــــــه
ولذلــك يــوم خطبـــت كلـــــمـــن الخايــــــف سلاحـــــــــه
هذا ابوهـــه العلَّماهـــــــــه  والعلـــي يعرف فضلـهـــه

يغلط الفكَّـــرهـــه زينـــب أسروهـــه وعذبوهــــــــــــه
فضحــت اوجوه آل اميـــــــه بت ابوهــه بعــد اخوهـــه
حوزه ﮁـــــانت ناطقيــــــــــه هـاي زينب ما دروهــــــه
ما رأيـــت إلا جميلاً هاي هـــــــــــم ما حسبوهــــــــــــه
تنتهـــــي الدنيـــه وزمنـــهه  وعالي اسمه الي يذلهــــه

ﮁـالسفينـــه شآلت الهـــــم والدمــع ﮁنـــه بحرهـــــــه
زينـــب البــــــاري يعينـــــــــﭻ لازم انمجــد صبرهـــــه
انبيــــاء الله وايمــــــــه استلهمـــــت منـهه عبرهــــــه
وآنـــي اﮔـــــول اشبيـــه اخشـع لمـن اسمـع ابخبرهـــه
تالـــي من البــاري سرهــــه  صعبـه محـــد اليحلــهـــه

لخادم الحسين: كرار الحسينات الكربلائي
30/8/2017/ الاربعاء/ كربلاء المقدسة

#قصائد_شهادة_الامام_الكاظم_ع



في رثاء الإمام موسى بن جعفر الكاظم عليه السلام


قصـّــة غيــــابـه. وسجنه وعذابه
موسى بن جعفر نـذكــر مصــابه



قصـة الكاظـم تضـل قصـة عجيبـه
تهـدم اطـواد الارض هـاي المصيبه
حجـة الله الكاظـم وعبـده وحبيبه
تالي مسموم بسجن يخلص نحيبه
عن اهله بعدوه. بالغربه سموه
دين الله ينعــاه. وينحب كتابه



موسى بن جعفر امـام وعالـي قدره
سابـع اهـل البيـت الله ختاره بامره
شلون يگضي بالسجن ياناس عمره
بالحشـر هـارون باچـر شنهـو عـذره
اليقتل امامه. بيوم القيامه
يدخل جهنم. يشتد حسابه



بسجن ابن شاهك يسجنه الطاغي هارون
وحده وبطاموره ظلمه موسى مسجون
ساجــد بليلـه ونهــاره لخـــالـق الكــون
هـذا حـال الكاظـم عله البــاري ميهـون
يدعــي بصــلاته. تخلص حياته
من فعل الاشرار. يشكي غترابه



بالسـلاســل والحــديــد مگيـّـــدينــه
عالعـذاب الشــافـه بـس الله اليعينـه
موسى بن جعفر بقت مشبوحه عينه
عالاهـل مشـتــاگ يـرجـــع للمدينـــه
بسجن النواصب. دلّالــه ذايــب
وعليـــه سجنهم مسـدوده بابه



سمّه ابن شاهـك بسجنه وذاب چبده
موسى بن جعفر گضه مسموم وحده
لا گـــرابـه ولا اهــل لا صُحبـه عنــده
بس علي ابنه الرضا يبچـي عله فگده
عالكاظم ينوح. بقيوده مجروح
تتسـايل دمــاه. شـاهــد خضابه



هــذا موسـى الكاظـم وقصـة حيـاته
بالسجن عمــره نگضه وبالسـم وفاته
مـات مسمــوم وبقـت بس ذكـريــاته
فجـعــت گلــوب التحبّــه نـايبــــاتـه
حضرت تشيّعه الشيعة وتودعه
بالدمـعــه والآه هـالـــوا تـرابــه

خادم الإمام موسى الكاظم عليه السلام
سيد زيد الفحام
_________________________



⚫

#قصائد_شهادة_الامام_الكاظم_ع

الشاعر الحسيني فرحان البزوني:

قصيده لسيدي ومولاي الكاظم عليه السلام 1

طول العمر عابد === يالكاظم المسجون
ياقايم وساجد === وانته بسجن هارون
مامسحو اوجودك
متهمك قيودك
يالكاظم المسجون
🔸⚫🔸⚫🔸(1)🔸⚫🔸⚫🔸
رغم الحزن صبريت
شامخ فلا مليت
شمعة فخر رسميت
بدربك امل زرعيت
ليل العباده اطويل === خلصته بالسجده
دمع المهابه يسيل === لو طالت المده
جدرانك شهودك
متهمك قيودك
يالكاظم المسجون
🔸⚫🔸⚫🔸(2)🔸⚫🔸⚫🔸
نادينه يامظلوم
ياسيدي بكل يوم
بلوعه وحزن وهموم
يالكاظم المسموم
عدوانك الظلموك === بطامورت سجونك
ياوسفه من سموك === وتغمضن عيونك
للشيعه شيعودك
متهمك قيودك
يالكاظم المسجون
🔸⚫🔸⚫🔸(3)🔸⚫🔸⚫🔸
شخصك فلا ننساه
ونادي يا ويلاه
گلبك حزن غثاه
يصبر فلا بيناه
لو ما اجينالك === طعم الحياة يروح
لا ما ضعف حالك === بقيدك حملت جروح
فايض يظل جودك
متهمك قيودك
يالكاظم المسجون
🔸⚫🔸⚫🔸(4)🔸⚫🔸⚫🔸
يالحيرت العقول
بيك الفكر مذهول
سجداتك انته اتطول
من صبرك احنه انول
فوگ الجسر شفناك === كل ماتمر جمعه
والشيعه تتلگاك === گالو نجي انشيعه
يموفي بوعودك
متهمك قيودك
يالكاظم المسجون
🔸⚫🔸⚫🔸(5)🔸⚫🔸⚫🔸
ونشاهد الگبتين
رغمن عله الطاغين
ويواسي دمع العين
سجن الگضيته سنين
وسفه اربعه احماميل === نعشك يشيلونه
النعشك حضر ويشيل === اي والله خيعونه
ويشاهد ورودك
متهمك قيودك
يالكاظم المسجون


✏خادم العتره
الشاعر الحسيني فرحان البزوني

#قصائد_شهادة الامام الكاظم ع


نزلة ..... في رثاء الإمام موسى بن جعفر عليه السلام


شاهد عشگ الرافضيه
نوصل لرض الكاظميه
...........

عهد ياموسى بن جعفر شيعتك وفّايه
سيّـدي بيـوم الزيـاره نـوصـلك مشّايه
رايتك تخـفـگ علينـه وماتطيح الرايه
حبّك اليدفـعـنـه ليـك ونعتنيك اعنايه
لجلك نـتـحـدّه المنيه
شاهد عشگ الرافضيه
.................

ياحـلات المـوت دونـك سيّـدي يالكـاظم
احنه جينه وخل يردنه الناصبي والظالم
لازم نـطـوف بضـريـحـك ما نعوفـك لازم
لاشـك ويـانـه يـزور ويـعـتـنـيــك القـائـم
بسمـك يالحبـك هويه
شاهد عشگ الرافضيه
.................

ويـن هـارون وقـصـوره ما بـقـت آثـــاره
وانـت يامـوسى مــزارك سـاطــع بانواره
باجـر بـيـوم الـقـيـــامـه ما تفيده اعذاره
يـنـدم ويخـسـر عــدوّك مـن يشاهـد ناره
نهتف ياروح الزچيـــه
شاهد عشگ الرافضيه
..................

احنـه نـفـديـلـك مناحـر فدوتك يالغالي
والله ياموسى بن جعفر نعتني ومنبالي
تـالـي حبّـك يبقـه عـدنه واليفـوز التالي
علّمتـنـه عله الشـهــــاده يالمقامك عالي
ثـابـت عـهـد الجعفريه
شاهد عشگ الرافضيه
...............

نعتنيلك بالمـواكـب موكب يشد موكب
تدري مجنونه الروافض بيكم وماتتعب
وانـت تستقبلنه ندري بياهله ويامرحب
يعني كل خطوه زياره والملائك تحسب
ارضك ارض الغاضريه
شاهد عشگ الرافضيه
..................

جينه ياموسى بن جعفر والحزن ويّانه
احنه ما ننسه مصـابـك وانت ما تنسانه
والإمــام المـهـدي يمنـه حاضر ويرعانه
ينـتـظـر سـاعـة ظهوره وعايش باحزانه
يـهـدم حكـم الناصبيه
شاهد عشگ الرافضيه

خادم الإمام موسى بن جعفر عليه السلام
سيد زيد الفحام
________________________

للتواصل مع خادم الحسين ع خادمكم ملا مصطفى الكربلائي على هذا المعرف
@MlleMastafa

#قصائد_شهادة_الامام_الكاظم_ع


شـوط كــربـــلائــي في رثاء الإمام موسى بن جعفر عليه السلام


يطارش بشّـر احبـابـه خبر عن موسى بن جعفر
الجمعة الموعد اخبرهم لجسر بغداد خل تحضر
_____

علي يبنَ سـويّـد انـقـل كلام الكاظم وذيعـه
الفرج گلهم گرب يومه يوم الجمعـه توقيعـه
والمـوعـد جسـر بغـداد خل تستقبله الشيعـه
موسى الكاظم المسجون
يطلـع من سـجـن هـارون
لازم شيـعـتـه يحـضـرون
عكب طول الغياب يعود ليهـم سالم من الشّر
__________

غدت شيعة علي الكرار تـتبـاشر رسايلـها
واحـــد يخبـر الثاني وفزعت للجسر كلها
بقـت تـتـنـطـر بلهفـه ولا من واحـد يگلها
سـاعة ولنهـم يشـوفـوه
نعش من السجن جابوه
حماميـل اربعـه يشيلوه
وبن شاهك يصيح بصوت مات الرافضي ومنسر
___________

يصيح السندي ما مسموم مات الكاظم بحتفه
هـــذا البـالنـعـش مـوسـى خـل الوادم تكشفـه
لچـن مـن باوعـوا شافـوا لون السم على چفّـه
گـامت كل هذيچ الناس
تبچي وتلطم عله الراس
وتـلـعـن كـل بني العبّاس
مـن سـمّ العـده الارجاس لون الكـاظـم اتـغـيّـر
__________

شالوا نعش ابو ابراهيم موسى الكاظم المظلوم
مگـيّـد وبسجـن هـارون مـات بلا ذنـب مسمـوم
وشيعـة حيدر الـكـرار تبچي عله النعش وتحوم
خلّص بالسجن عمره
صبور ومانفذ صبـره
امــام وعــالـم بأمـره
مات وچبده منّ السم تـگـطّـع ويلي وتـنـثّــر
__________

موسى الكـاظـم تشيّع جسمـه وبالگبر دفنـوه
تعذّب من بني العباس واللـه بـلا ذنـــب أذّوه
عن موطن رسول الله جـده المصطفى بعدوه
مات بـديـرة الغربه
ذاب من الألـم گلبه
صعبه حالته صعبه
ثار الكاظـم المسمـوم بيد المـهـدي من يظـهـر
__________

غريب الكاظم المسموم صحيح وظلّمته الأمّه
لچن ما خلّته الشيعه يظل عله الجسر جسمه
مو مثل البقه مذبـوح جـده حسيـن ابـواليمّـه
ثـلـث تـيّــام عالغبــره
دامي ومنگطـع نحـره
وبالخيل انهشم صدره
ريحـــانـة رســول اللـه ظـل بـلا دفــن بالبـر

خادم الإمام موسى بن جعفر عليه السلام
سيد زيد الفحام
_____________________________

يا أَبا الحَسَنِ يا مُوسَى بْنَ جَعْفَرٍ، أَيُّها الكاظِمُ يا بْنَ رَسُولِ اللهِ يا حُجَّةَ اللهِ عَلى خَلْقِهِ يا سَيِّدَنا وَمَوْلاَنا، إنَّا تَوَجَّهْنا وَاسْتَشْفَعْنا وَتَوَسَّلْنا بِكَ إِلى الله

♡ السَّلامُ عَلَيْكَ يَا أَبَاالْفَضْلِ الْعَبَّاسَ ابْنَ أَمِيرِالْمُؤْمِنِينَ السَّلامُ عَلَيْكَ يَا ابْنَ سَيِّدِ الْوَصِيِّينَ السَّلامُ عَلَيْكَ يَا ابْنَ أَوَّلِ الْقَوْمِ إِسْلاما ♡

قصيدة كعدية لاختيار الأفضل والاصلح في الإنتخابات البرلمانية


ياشعب اصحه وزين ختار لتضيّع صوتك
لتعيد الفاسد ثاني
باچـر تندم وتعاني
لتضيّع صوتك. لتضيّع صوتك
................... (1)

ياشعب بسّك تجامل اصحه وختار الينفعك
جرّبتهم ذوله فشلوا ماكو منهم من يسمعك
ولو جبتهم مره أخرى لا تعض باجر اصبعك
شحصلت منهم ياشعب
غيـر المـصايـب والتعب
مو هُمّه لا احنـه السبـب
العگرب التجنيه يلسعك

فكّر بالعانيته وصار لتضيّع صوتك
عوف الباگك لتجييه
بفلوسك تارس جيبه
لتضيّع صوتك. لتضيّع صوتك
..................... (2)

كل فرد مسؤول بينه ولايگول آنه شعليّه
اليوم واجبنـه نـغـيّـر كل وجوه العنصريه
والمجـرب لا يُجـرب هـذا راي المرجعـيـه
لازم نـسيـر ونـتّـبــع
للمرجعيــه ونستمـع
احنه النّغيّر هالوضع
يمنه ياناس القضيـه

منّ الفسدوا اخذ الثار لتضيّع صوتك
لخـاطـر أيتـام الفُـقـره
ياشعب اصحه بهالمرّه
لتضيّع صوتك. لتضيّع صوتك
..................... (3)

خمسطعش عام بحكمهم ياشعب شنهو الجنيته
چم حزب مـوجـود عدنه ما يـهـم بسّ بهـويـتـه
والفـقـيــر البيـك ميّـت ياشعـب مـهــدوم بيتــه
بس الاحزاب الفرهدت
بفلـوسك لحدما غـنـت
واعِدت بس ما نـفّـذت
كل حزب مغشوشه نيته

لا تقبل منهـم اعذار لتضيّع صوتك
احزاب الحكمت كلها
ياشعب اطلـع بـدّلـها
لتضيّع صوتك. لتضيّع صوتك
..................... (4)

لا تذب الصوچ كلّه بالسياسي وتنسه نفسك
تصعّد بأيدك حرامي شلون تتمنّـاه يحرسك
بسّك بوجهين تمشي ياشعـب ارجـوك بسّك
فـكّــر ولـو مـرّه بـعـقــل
عـوف المصـالـح والجهل
ما شفنه بس موت وقتل
كافـي وختـار اليقـدسـك

اطلع غـيّـرهـم باصرار لتضيّع صوتك
معروف الخانك واضح
لا تـقـبـل بي وتسـامـح
لتضيّع صوتك لتضيّع صوتك
..................... (5)

عدنه مُرضه وعدنه فُقره وعدنه ايتام وارامل
هـاي كـلــها تـريــد منّك ياشعـب كافي تجامل
انتخب شخص اليخدمك يعرف بحلّ المشاكل
لتگول ما يحصل ابد
عدنه اليوفّون الوعـد
دوّر عليــهــم وجتهـد
وعوف اصحاب التخاذل

زين احسبها ولاتحتار لتضيّع صوتك
ليّغرّك حِسِن المظهر
دقّـق وتـأكّــد اكـثـر
لتضيّع صوتك. لتضيّع صوتك
..................... (6)

نريد ناس تحب وطنّه وتخدم الناس الفقيره
ناس حـرّة بكل فعلـها وكون ما تصبح اسيره
ياشعب مسـؤول انـت وبيدك الكلمة الاخيـره
يمّك بقه هـذا الأمـر
لو تخسر ولو تنتصر
ميّفيد ياشعب العذر
ولحظة الموقف خطيره

اتبع منهاج الأحرار لتضيّع صوتك
تعلّم من منهج حيدر
عالفـاسـد لا تـتـسـتّـر
لتضيّع صوتك. لتضيّع صوتك

سيد زيد الفحام

#شهادة_الامام_علي-؏


هاي ايتامك اجت
حايره ابهمهه انتجت
ابابك تنوح يحيدر
ـــــــــ
بالسلامه اتمنتك يا بالحسن تكوم يمهون المحن ياعلينه
وهل اعمامه جانت اتشافي الجرح باب للعز تنفتح يا علينه
والعلامه ما يهل دمع اليتم دوم يمك نبتسم ياعلينه
هاك اسمعها تون
حزن ويجر ابحزن
بكلب مجروح يحيدر
ــــــــــــــ
لا تسافر وترتحل عن دنيتك ياهو يبقه الشيعتك يا ولينه
والمخاطر تعتني من ترتحل هلال الموادع يهل يا ولينه
الزمن جاير خلاف عينك ياعلي تدري بعدك ننولي يا ولينه
حبل وصلك ينكطع
ياهو الينشف الدمع
ودمع مسفوح يحيدر
ـــــــــــــــ
العيد اجانه جنه بوجودك يحيد نلبس الثوب الجديد وي صباحه
يا رجانه لو رحت النه منو يلي يوميه بعلو وي صباحه
فاركانه ما نصدك هل خبر يعوفنه فارس مظر وي صباحه
انت عيد الله الجبير
بجالك يعيش الفقير
بلسم الروح يحيدر
ــــــــــــــــ
يمك احنه الروس امسحهن بديك بلوعه صدك نعتنيك يا معزنه
بصوت صحنه ما عرفنه الذل ابد انت ابونه وانت جد يا معزنه
كل فرحنه بشوفتك لمن تجي يا كهف بي نلتجي يا معزنه
احنه ما مدينه جف
ها يعنوان الشرف
ومصدر اللوح يحيدر
ــــــــــــ
والله حيره شلون بعدك ياعلي خاف بعدك ننولي يا ابونه
شكد جبيره جمرة افراكك تظل ما نصدك هل حصل يا ابونه
الدنيه ديره ناسهه هموم وحزن بيوتهه ارواح وتون ** يا ابونه
مانريد احنه العمر
خلاف نورك يا فجر
بدرك يلوح يحيدر
ــــــــــــــ
الشاعر محمد حسن ضيغم
7