قصيدة في ليلة الوداع ليلة العاشر من محرم


يا ليلة الوداع. رحمينـي وتـمـهّـلي
يا ليلة الوداع. محتاجه اودع هلي
.......................

آنه زينب والسبي قرّب عليّه
هذه آخر ليله وي اهل الحميه
باجر يذبحون اخوتي عله الوطيّه
باجر يسموني مو زينب سبيّه
اتحسّس الضياع. من يبقه باجر الي
يا ليــلة الـــوداع. محتاجه اودع هلي
.....................

آنه ويّه حسين عمري كلّه جبته
هوه اخويه وتاج راسي وانه اخته
شلون لو باچر عله التربان شفته
بلايه راس وتسحگ الخيل عله جثّته
بعيوني انطباع وجه الحسين الولي
يا ليلة الــوداع. محتاجه اودع هلي
......................

رحمي يا ليلة العاشر رحمي حالي
مو فقط ليلة ردت منّچ ليالي
حته أشبع شوف من اغله الغوالي
حسين أبو السجاد هذا وقدره عالي
عن آخر جتماع هالقصّه ياسائلي
يا ليلة الــوداع. محتاجه اودع هلي
...................

بعد عندي اوداع وي بدر العشيره
كافلي العباس ما يكفلني غيره
عالنهر باجر يطيح شلون حيره
من اميره بجاله اتحوّل اسيره
لو غدروا الشجاع. اعني الگمر كافلي
يا ليلة الــــــوداع. محتاجه اودع هلي
...................

بالله يا ليلة العاشر لا ترحلين
ما اريد افگد يليله اغله الاثنين
ما بقوا وياي بس عباس وحسين
وين انطي الوجه بغياب اخوتي وين
مو كافي افتجاع. گلبي بحزن مبتلي
يا ليلة الــــــوداع. محتاجه أودع هلي

سيد زيد الفحام
__________________________

#قصائد_الامام الحسين ع


على التل الزينبي - ويه زينب نوكف احنه نصيح عباس
على التل الزينبي - نصيح ياعـــــــــباس وينك حزو الراس

حركو اعليهه المخيم يابو فاضل بيهه تعلم
...........................1

بينك وبين المخيم تل مصايب لو تراقب طاح الحسين
طاح عطشان وينادي ماتجينه الماي وينه وتسكي كلبين
وكلب يمن من يشوفك كلب ظامي وكلب دامي وكلب نصين

على التل الزينبي شلون تكدر تنظرلنه وسهم بالعين
على التل الزينبي شمس وكفت هاي زينب تندب حسين

على شمسك ليل خيم يابوفاضل بيهه تعلم
..............2
جبل فوك التل عجيبه نور زينب يضوي كوكب شمعة احساس
ماتطفيهه النوايب اسم زينب علم يكتب (بين الاقواس)
راية العباس زينب معنى اسمهه اليفتهمهه فقط عباس

على التل الزينبي بعين كلبه المهدي ينظر صاح جداه
على التل الزينبي من محاجر عينه خضب خده بدماه

دمعه تحجي ودمعه تنظم يابوفاضل بيهه تعلم
....................3
ليش زينب يابو فاضل عافت التل ليش نسأل ركضت بخوف
ترفع بكل خطوه رايه خطوه لوعه وخطوه دمعه تسكي الطفوف
فوك جسم حسين طاحت مثل جفك زينب اختك طاحت انشوف


على التل الزينبي جود جنه التل تبده وزينب الماي
على التل الزينبي ركض يم حسين سالت تعلم بهاي

كلب زينب من تألم يابوفاضل بيهه تعلم
....................4
عليك ظهر حسين محني شكبر كسره ومن يجبره يابو فاضل
انكسر ظهر الحره زينب لبو اليمه من تشمه ودمه سايل
اتلمست جرح المثلث صاحت افزع خويه ارجع لاتطاول

على التل الزينبي بين نار خيام تلهب بين الحسين
على التل الزينبي بلصفا وللمروه اسعه بين جفين

تقبل الجف التوسم يابوفاضل بيهه تعلم
.......................5
على صدر حسين صاعد شمر لازم سيفه عازم يكطع الراس
للنهر متوجهه زينب تكول وينك فكهه عينك خويه عباس
خويه يلجم جرح صدره ويحز نحره بعيني انظره ونار الانفاس

على التل الزينبي تنتظر زينب يكافل منك جواب
على التل الزينبي تشيل عبدالله سكينه وجرحه ماطاب

دمع سكنه اعليك من دم يابوفاضل بيهه تعلم
..................
حيدر موسى الرميثي

-دفن الاجساد الزاكيات...جديد ٢٠١٩
___________________
ايجمعه راد و ما كَدر..جسمه متكَطع وذر
ناده جيبولي الحصيرة
حيرة السجاد حيرة
و الله حيرة. و الله حيرة
____________________
من وصل جسم الغريب ..شافه مطروح و سليب
و التراب اكفان صاير
يرتفع منه النحيب..شلونه حالك يالحبيب
بشيلِته السجاد حاير
ناده جيبولي الحصير..حزنه بالخاطر جبير
عاين بناظر حسير..و الكَلب ضامي و كسير
يجمع اوصال الجسد
جمرة ساعر ما خمد
نزّل حسين بحفيرة...1
___________________
قبّل النحر القطيع..بعده يتنازف نَجيع
و النحر حسرات نازف
اتكلّم بصوته الرَفيع..عالصدر خلّي الرضيع
من الظلام ايكون خايف
همسة من نحر الحُسين..بيهه يتهادَه الحَنين
حسرة الام و أنين..نزفه من كَطع الوَتين
عالجسم هال الترُب
و الدمع من دم يصُب
روحه جن صارت أسيرة....2
___________________
من بعد دفن الأمام..يدفن اصحابه الكرام
بس حبيب بحفرة وحده
بعينه مشدوه الكلام..ردّد اعليهم سلام
بالجمر مشبوب جبده
وسّد اصحابه الأُباة..لاجله عافوهه الحياة
فرحوا بهذا الممات..كلهم اِقدام و ثبات
كلهم ايثار او وفه
كَالوا الدنيه العَفَه
وافَوا ال حيدر غَديره....3
___________________
اتوجّه ال شاطي المُصاب..شايل اهموم و عتاب
و الدمع من عينه سايل
دمعة الام انتحاب..عمّه نايم عالتراب
من سرَت عنّه المَحامل
ما تريد اسكينه ماي..عاود الزينب مَعاي
و استمع لوعة بجاي..ظلمة من بعدك سِماي
اعيوني فاركَهه الضوه
و ريتي جافاهه الهوه
من بعد بدر العَشيرة....4
___________________
عاوَد بوكت الغروب..و زينب اتباري الدروب
و الحزن لفراكَه زايد
تنتظر جيته و تلوب..و الكَلب ناعي و يذوب
اتأخرِت كَامت تناشد
كَلهه بالدمعة العليل..ادفنْت اخوتج و الكفيل
نادت بمدمع يسيل..خويه ما ظل عندي حيل
ضامي مدفون بلحِد
ارقية تنتظرك ترد
يا ورد راحل عَبيره....5
=_=__=_=_=_=_=_=_=_=_=_=_=_=
سيد حيدر العوادي
بابل الشوملي

#شور _للدفن


عالثره عفته طريح حسيني
وانه بدروب اليسر سابيني

ماحضرت بدفنته
بهيده اشيلن جثته

يمه حضري دفنته وعذريني
عاثره عفته طريح حسيني
⇅⇅…✫…………………………✬✭✫

غصب يم الحسن عنه رايحه
والمدامع فوك متني سايحه
عالهزل يمه نصبت الفاتحه
يمه ماضن ماسمعتي النايحه

سكنه يمه تعدد النه
والربابه تجر ونه
يمه آتمنه تجي وتشوفيني
عالثره مطروح عفت حسيني

⇅…✫…………………………✬✭✫
يمه حضري يم ذبيح الغاضريه

عذري زينب المشت عنه سبيه
يمه لحسينج جيبيله ميه
رشي بيها الكبر يمه يالزجيه

يصعب عليج الوضع
انتي مكسورت ضلع

الله يعينج يا ضي عيني
عالثره مطروح عفت حسيني

⇅…✫…………………………✬✭✫

يمه لوخلصتي من دفن الضحايه
ديري عينج صوب المسنايه

هناك طايح يمه راعي الرايه
دوري الجفين يمه بالبدايه

ركبيهن عالزنود
جفوفه ليثاره شهود

جفوف ابو الغيره بعد جفيني
عالثره عفته طريح حسيني

⇅…✫…………………………✬✭✫

يمه ابو الغيره وافه بدينه
دون خدر اخته فده جفينه
وسفه حال القدر بيني وبينه
والكفلني السهم طفه عينه

خلافه يايمه نوليت
لليسر غصبن مشيت

رحت ولدربه تربي عيني
عالثره عفته طريح حسيني

قصيدة نزلة .... في رثاء الإمام علي السجاد عليه السلام


يالتسئلوني .. دمعة عيوني .. عالسبيه عالسبيه
_____________

آنه زين العابدين وگلبي مجروح
من مصاب الغاضريه ذابت الروح
والدي حسين وحبيبي شفته مذبوح
وعمّتي زينب غريبه بالسبي تروح

يالتّحبوني .. دمعة عيوني .. عالسبيه عالسبيه
_______________

عمّتي زينب عزيزه تنسبي شلون
مو دمع واجب يشيعه ابچي العيون
شلون يحدي الهاشميه شمر ملعون
أنحب لهاي المصيبه يالتسئلون

منخطف لوني .. دمعة عيوني .. عالسبيه عالسبيه
_________________

شلون ماابچي وانوحن وجري دمعات
وزينـب وعمّاتي عالهزّل سليبات
عگب ابويه حسين مشّوهن غريبات
مستحيل دموعي تسكت لحظه هيهات

لا تلوموني .. دمعة عيوني .. عالسبيه عالسبيه
________________

ياعلي السجاد صيحوا اجروا الادموع
واسوا گلبي يالروافض گلبي مفجوع
كل محب هالليله اريده يبچي ويلوع
وكون من يلطم عليّة يكسر ظلوع

يالتذكروني .. دمعة عيوني .. عالسبيه عالسبيه
______________

ذكروا ياشيعه مصابي آني مظلوم
آنه زين العابدين وچبدي مسموم
السالت دموعة عليّة هذا مرحوم
آنه اشفعله وازوره وعدي محتوم

يالتواسوني .. دمعة عيوني .. عالسبيه عالسبيه
____________

هدّموا گبري النواصب اني ادري
انتظر مهدينه يظهر يبني گبري
بالحكومه المهدوية يعله قدري
بالبقيع الشيعه باچر تحيي امري
من تزوروني .. دمعة عيوني .. عالسبيه عالسبيه

سيد زيد الفحام
_____________________________

ارد احظنك بويه كلش خايفه
هاذه راسك وين جسمك عايفه
فشله كدامك اجر انفاسي ،،شلون فوك امتوني كاعد راسي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راسك اجه وضاك الهوه ،تارس طشتهم بس ضوه
هسه بحلم جنه سوه ،هسه شبكتني
فزيت اشم عطرك ردت ،بس راس اجيت بنص طشت
بمكفاي بس لوفتشت ،تبجي علمتني
كلت اجيج وانه اخذت احجايتك
وكمت احضر وافرش مصلايتك
ليش تتركني بجروحي النازفه ،ارد احظنك بويه كلش خايفه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
من طيفك اعليه بطه ،فز كلبي جن طير الكطه ،
وجابولي راس اعليه غطه ،بس ماعرفته
مابيه اكومن بس كمت ،يم الطشت وتكربت ،
من الدمع كوه شفت ،راس وحظنته
مطبر وكوه عرفت اوصافك
من شفتهن يابسات اشفافك
شايل ابوجهك الي اجم سالفه ،ارد احظنك بويه كلش خايفه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بيك اشكثر روحي انتخت ،ذبحوك يانحر البخت ،
ترجيتي دم بعدك صفت ،جرح وبواجي
جرهن وصاحت كربله ،لتشك اذنهه مدللة
لو كايل انطيهن اله ،اه التراجي
بويه احس يوم الذي جراهن
جنه اخذ وصله من اذاني وياهن
هيج ناس ابلا رحم ماشايفه ،ارد احظنك بويه كلش خايفه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، بنظراتهم صرت انجلد ،طفله وينظرولي بحقد ،
حضرلي يم راسك لحد ،شلي بحياتي
براسك اثر خله الرمح ،خل اشهك اكبالك جرح ، بسيف الحزن خلي انذبح ،واعلن وفاتي
ركظت الراسك تشمه اجروحي خلي اشبكك حتئ اودع روحي
روحي يم راسك تودع حالفه ،ارد احضنك بويه كلش خايفه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بشار السامي

ابنتي العزيزة – مجرشة
آنه وياݘ ما أنساݘ يا بتي رقية
٭ ٭ ٭
يا قطعه من وسط الگلب عندي أعز من عيني
إنتي الهـــوه الأتنفسه و مـــن العطش ترويني
گلبــــي يعيش بشوفتـــݘ وجهــݘ أمل يحييني
صرتيلي بلسم و الدوه و جروحــــي اتنسيني
أنسه هموم عليّه تحوم كل صبح و مسيّه
٭ ٭ ٭
بوجهݘ أكحل ناظري و أتصبـــح بمصباحه
أشعر أنه بروضة ورد أشتم عطــــر قداحه
تملين گلبــي بالفرح عندݘ صبــــح مفتاحه
تكبرين عيني تنظرݘ روحي تظل مرتاحه
بوجهݘ عيد روحي تهيد يشفه الألم بيّه
٭ ٭ ٭
ما أحمل فراگـــݘ أبد و لا عينـي تندل دربي
و بيوم عاشر مــن رحت بحالتـــي يعلم ربي
مكسوره أشوفنـــݘ و أنه انكسر لجلـــݘ گلبي
الگلب عفته بخيمتݘ بس جسد أمشي إلحربي
شلون وداع حلمݘ ضاع عبراتݘ خفيه
٭ ٭ ٭

مذبوح و بليل إهدعش روحــــــي بگت تنظركم
گلبـــي مخذم بالسهـــــم و ما يگــــــدر يفارگكم
ليلتهه بتــــــو بالعــــره و آنه الݘنت حارسكـــم
و لو ݘف أبو فاضل سلم ما خطر ݘان ايمسكم
من واساݘ من حاماݘ من علوج أميّه
٭ ٭ ٭
ما عفتــــݘ بدرب اليسر شابحه عليـــݘ عيوني
و لمن وگعتي مـــن الهزل ما گدرو يبعدونـــي
وياݘ أحس نبض بنبض و كل الضرب بمتوني
كل دمعه من عينݘ تصب ݘن بالگلب طعنوني
درب الشام كله آلام عدّه الغاضريه
٭ ٭ ٭
راسي گبالـــݘ بالطشت و الدمعتــــــݘ أتكدر
تشكيلي و يعن الجرح و همومي تصبح أكثر
مگدر أشاهد حالتـــــݘ عليـــݘ الگلب يتفسّر
أدري گــــــرب لم الشمل و الوعد ما يتأخر
للمرسول كلشي نگول ردت جاهليه
٭ ٭ ٭
علاء العبودي
10\12\2012

آلآم اليتيمة – تجليبة

أم الحـزن متألمه خل الدمع ينزل دمه
الحرم كلهه بآلام راحت رقيـه بالشام
خل الدمع ينزل دمه
* * *
عله مصاب اليتيمه خــــل نصب دموم
مظلومه و يسيـــــــره من نسل مظلوم
چم غصه تشـــوف و يوم أشد من يوم
و فوگ الهــم عليهه الموت ظل يحوم
من الزغر متروعه مصيبتهه و الله مفجعه
چانت مثل بدر التام راحـــــت رقيه بالشام
خل الدمع ينزل دمه
* * *
من أول عمـــــرهه فارگـــــت أمهـه
و غير حسين يا صـدر الذي يضمهه
ندري باليتيمــــه الچلمـــه تهضمــهه
بيديـــــن آل ميــه ياهـــــــو يرحمـهه
شافت شتم شافت ضرب و عاشت بأنواع الرعب
صعبــــــــه عليهه الأيام راحــــــــت رقيه بالشام
خل الدمع ينزل دمه
* * *



تفـــــارگ عـــودهه أبداً فلا تگـــــدر
كــــــل ساعه و تكلمه يمهه تتصـــور
مـــــا تدري يبويـــــــه بالجــرح يكبر
شـــــوف متوني مالومـــــه يبن حيدر
ما تدري بويه بحالتي إگعد و نشف دمعتي
بويــــــه ولتنه الظلام راحـت رقيه بالشام
خل الدمع ينزل دمه
* * *
بالليــــل و تفــز بالخـــــــربه مرعوبه
تريــــــد حسيــن يمهه تشــوفه هلنوبه
مـــا تدري الولـــــــي أنواره محجوبه
و هلليلـه المنيــــــــــه عليهه مكتــوبه
الراس لمـــــن شافته و لحسين أبوهه عرفته
ظلت تدگ إعله الهام راحــــــت رقيه بالشام
خل الدمع ينزل دمه
* * *
تحاچـي الراس تشچيله الجره عليهه
و من سوط الرجس رادت يحاميهـه
و أكيـــــد الراس للطفلـــه يواسيهـه
من الحرگة گظت ما ظل نفس بيهه
السجاد سالت دمعته مصيبه چبيره و أذته
هزت أركان الإسلام راحـــت رقيه بالشام
خل الدمع ينزل دمه
* * *


بالشــــــام العقيلـــــه الطفـــــــله دفنتهه
و ردت بالضعـــــن و هناكـــــه عافتهه
خـــــــل كـــــــل الخلگ تنظــر لگبتهه
يلگاهه الشفاعـــــــه اليلفـــي حضرتهه
نازف جـــرحهه للأبد مهما الزمن بينه ابتعد
مصيبه تتجدد كل عام راحـــــت رقيه بالشام
خل الدمع ينزل دمه
* * *
علاء العبودي
6/2/2009

مهضومة رقية – بحر طويل

عد أشرار أميّه مهضومه رقيّه
صاحت بويه يحسين وينك يا ضوه العين
مهضومه رقيّه
* * *
من طبــع الطفل يحسين بحـب الأهــــــل يتعلّـگ
و البت إنعــرف عنهــه إعله أبوهه تحـن تتشبّگ
و إذا چـــان الأبو مثلك يحبهـــــه و بيهه يترفگ
حگهه من تموت إعليه كل منصف أطاهه الحگ
بالأيام الخليه عيشتهه رضيّه
و تالي الگلب نصين وينك يا ضوه العين
مهضومه رقيّه
* * *
رقيّـــه العـــاشت بظلك تبـــاريهه و تدللهــــه
و چــانت بالمهــد طفله تنـــــــاغيهه و تقبلهه
تحس بجـــالك بـــراحه حضنك چالمهد إلهه
حگــهه إعليك تتعــــوّد بمحنّه دوم شـــايلهه
تغرف من حنانك و تحس بأمانك
و اليوم أصبحت وين وينك يا ضوه العين
مهضومه رقيّه
* * *




العلاقه البينهه و بينك أبـــداً مو طبيعيّــــــه
مثل المـاي چنت إلهه و مثل النفس للريّـــه
إنته عـدهه مثل العيـد و شوفك إلهـه عيديّه
ما تگـدر عله فراگـك لأن إنته صرت هيّه
فرحانه بوجودك و مأمنه بزودك
منين الضيم إجه منين وينك يا ضوه العين
مهضومه رقيّه
* * *
لأرض الطف إجت ويـاك مرعــــــوبه و گلبهه احتار
تشوف الحرب و الأهـوال عليك إتشـــــاهد الأخطار
تـراقـب عينهه أفعـــــالك ويــــاك بكل كتـــر تندار
و ساعة من طحت يحسين چن الكــون عـدهه إنهار
مصيبتهه چبيره بعجيد العشيره
و سمعتهه الكـــــــونين وينك يا ضوه العين
مهضومه رقيّه
* * *
بعــــــــدك يسروهه الگوم يحسين و بيديهه حبـــــال
گلبهــــــه عليك يتــــــوجر شلون ترا فــــــگ الچتال
گبعت بالهضــــــــم عگبك يحسين و تردّه الحـــــــال
تذكرك كل وكـت كل حين و كل ساعه و دمعهه سال
و الطفله بيسرهه ما يهده فكرهه
تمنــت عگـــــبك البين وينك يا ضـــــــوه العين
مهضومه رقيّه
* * *


عليك إمـــــــــدوهنه ظلـت بدمعتــــهه و بـــونتهه
و طبت بالحـــــــزن للشام تلــــوذ بكتــــر عمتهه
و ساعه اللي تصـد للراس تبچّي الصخر عبرتهه
و بمجلس يزيد إلصــــــار زاد الطفله لـــــوعتهه
من تبچي اليتيمه حالتهه أليمه
بگلب الطفله جـــــــرحين وينك يا ضوه العين
مهضومه رقيّه
* * *
ظــــــل طيفك يلازمهه و إلجيتـــك تتـــــــــربّه
و ماتگـــدر عله فراگك عليهه فرگـــتك صعبــه
و بخـــربة الشام إهناك بعد ما تحمـــل الغــربه
صاحت وين أبويه وين إدموم المدمـــــع تصبّه
تريد إتشوف أبوهه و عدوانه ولوهه
وادم تطلـــــــــــــــب بدين وينك يا ضــــــوه العين
مهضومه رقيّه
* * *
ولن جابـــــو لعدهـه الراس بلچـــــن تنجلــــي الهموم
حضنت راســــــك و نحبت و گظت بالغربه يا مظلوم
لنهه بس جســـــــــد هـــامد و من الضعـف بس هدوم
و شافو بيهه ماضي السوط و ناحـت زينب و چلثوم
ماتت يا ولينه هالطفله الحزينه
من بچت الصــــــــوبين وينك يا ضــــوه العين
مهضومه رقيّه
* * *
علاء العبودي
3/1/2009

قصة رقية – موشح
يلي ما عندك خبــر قصة رقيه
إسأل الشام و يخبرك ظلم أميّه
من راحت أهلهه دمعتهه تهلهه
٭ ٭ ٭
زهره چانت تضوي ما بين الزهور
چنهه طيـــر السعد بالمنـــزل يدور
لا ذنب عدهه بزغـــر تسكن قبـور
هذا ظلم أهل الدجل و أهل الفجور
شافت الآلام و جروح المشاعر
ذبلت و دمعاتهه تملي المحاجر
خايب كل أملهه دمعتهه تهلهه
٭ ٭ ٭
أهـــل ذاك الزمــــن ما تقبل ربيـع
تقدّر أهل الفتنه و تعلــــي الوضيع
ما تفـرق بيــن شاب و لا رضيــع
بالتساوي الظلم صار إعله الجميع
رقيه تتحسس وضع دنيه شكبرهه
شافت اللوعات مفجوعه بزغرهه
طفله و منهو إلهه دمعتهه تهلهه
٭ ٭ ٭

الطفـــــل مــن الله إله جملــة حقـــوق
بيهه إيوصـــي رســـول الله الصـدوق
شلون لو هـــذا الطفل شــاف العقـوق
و صار بيد أهل الكفر و اهل الفسوق
رقيه بيدين إللي ما عـدهه ديانه
ناس متعوده على غدر و خيانه
و اتسلط نذلهه دمعتهه تهلهه
٭ ٭ ٭
الرجـــال و أبـــد ما تحمــــل يسر
شلون لو طفلـــه يسيـــره بالزغــر
شلون لو گاد الرچب شمر و زجر
و المصايــب حاوطتهه بكل كتــر
طفله تحتـــاج الحنـــان ويه الرعايه
خلاف أبوهه لا سند عدهه و حمايه
و الطاغي يذلهه دمعتهه تهلهه
٭ ٭ ٭
لا ذنــب عدهــه و تعيش إبهلمحــن
و غدر هاي الناس وي غدر الزمن
الســـــوط عمـــلاته أبــــد ما ينسن
و الهضم لو عالصخر چان انسحن
ما تنــــام الليل تگضيــه إبواچـــــي
و تذكر حسين الشهم حلو المحاچي
تتمنه يصلهه دمعتهه تهلهه
٭ ٭ ٭
بيقضه چانت مدري لو جاهه حلم
راس أبوهه جابته أصحـاب الإثم
تصيـح يا بويه بخيالــــي منرسم
وجهــــــك إللـــي بالشدايد يبتسم
گضت فوگ الراس من سكّن ألمهه
تشكــي إلرب الجلاله إللي هضمهه
هم صارت مثلهه دمعتهه تهلهه
٭ ٭ ٭
علاء العبودي
15 / 11 / 2014

جزء من القصة – فائزي

الوادم يبويه بكربله جـــــارت علينه
و بدر الهواشم ياعلي ما يدري بينه
* * *
من يـــــــوم قرر السبط للكـوفه ممشاه
أقريت بعيونه الحچــــــي رايدني وياه
و عباس واگف كالأسد ويرفرف إلواه
حسيت بي كل الخطر هذا مشينه
* * *
ودعت بدمـــــــوع الحزن طفله عليله
و محمد أخـــــــوي الذي مامش مثيله
و أم البنين الطاهـــــره الطيبه الجليله
ودعت أهلي و ديرتي و عيني حزينه
* * *
يا علـــــي بالهيبه طلعت و تسير الضعون
و الأخوه تمشي بفد گلب و الرچبي يربون
الهــــم دعيت إبهلسفــــــر بلچن يسلمــون
يا ذخر حماي الحمه و أمي الحنينه
* * *
يبــــاري عباس الضعن و يسگينه بالماي
أم البنين الربته و عليك وفـــــــــــــــــاي
ما عافني طول الدرب يمشي عله ممشاي
يگول إختنه مخدره بخدمتهه جينه
* * *
بهذا السفر يا با الحسن و صلتنه أخبار
مسلم و هانــــي أجسادهم بالكوفه تندار
لم أهل بيته ابن النبي و بيّن اللــي صار
مسلم يجرونه بحبل ما باع دينه
* * *
يا خوتي الكوفه اغدرت و هذا البرهان
يردون و الله چتلتــــي و سبية النسوان
خلـــــي يفارگنه بوكت طالب السلطان
و اللي يريد الآخره يلتحق بينه
* * *
و تفرقت عنه الزلــــــــم ايسار و يمين
بس ظلـــو أهل الآخـره واحد و سبعين
گالـوله يـــــرخص دمنه لجلك يلحسين
وياك أحنه للأبد بيدك حچينه
* * *
حاصــــرت أعدانه الرچب و بگلبي همه
و الطفل يبچــي و للحرم مـا رعو حرمه
لا ماي يحصل للطفـــــل و أنشدهت أمـه
يا ويلي شيسكت الطفل زايد ونينه
* * *
و لمن بدوهه المعــــــركه عانيت الأهـوال
شفت الأصحـــاب تساگطت خابت الآمــال
عابس و جـون و عوسجه وي كل الأبطال
كل نشمي جاد إبمهجته ينصر إحسينه
* * *
يا بــــــويه و الأكبــــــر شفت جسمه توذر
و جســــــــام شبل المجتبه بالطــــف تطبر
و عباس حمــــــــــاي الضعن شبلك يحيدر
واگع بصوب المشرعه و گطعو يمينه
* * *
و عــــــاينت لحسين إنحنه ظهره و تجسم
أبن أمـــــــــي ظل إلوحــده و عدوانه تلتم
لا رمه ذلـــــه و لا ضعف بس ريت يسلم
تشبه أفعاله بالوغه صولة علينه
* * *
سهم المثلث عاينت مــــــــن چبدته صاب
نصين جاســـــــــم چبدته و إلمهجته عاب
لا من هله واحد بگــه و لا من الأصحاب
يا ريت ما شفت الشمر يذبح ولينه
* * *
نيران شبــو عالخيم صاحـــــو الفرهود
و چـــم طفل شارد بالعـره تايه و مفگود
لا واحــــد يباري الحـــــرم لا عنه يذود
بسياط ضربونه العده و مسلبينه
* * *
للشــــــــام مسبيه رحـت و الجفن مــا نام
عالهزل أركب يا علــــــي من غدر الأيام
مـــن عگب حمــــــال اللوه تبارينه ظلام
تنخه بولينه يا علي ظلت اسكينه
* * *
بالشام أعياد وفـــــــرح و تدگ الطبـــول
طبو خــــــــــوارج للبلد هاتفهم يگـــــول
ما درو راس أبن النبــي عالرمح محمول
كلهه شماته أهل الجهل من تصد لينه
* * *
ما بين لوعـــــــــات و ألم جابـــونه ليزيد
و راس الحسين إبطشت و الحـــــرم متهيد
متشمت بچتــــل الولـــــــي و إلجملته يعيد
هاليوم إيعادل بدر بيه تشفينه
* * *
علاء العبودي
5/5/2008