صِدَر للكاظم قرار ... بالسجن ليل ونهار
وينه هارون ويشوف ... هالسجن صاير مزار
...........................
زمرة الشر والضلال رادو اليوم انتقام
كالو الكاظم خطير لازم يعيش بظلام
 محّد يزوره ويشوف ينمنع من الكلام
هذا من آل الرسول عدنه ويّاهم خصام
.........
كالو يشوف العذاب .. موسى يتوسد تراب
واليخالفنه يموت .. والظلم عدهم شعار
*
ما نقارن بالمصاب الحَكَم رب السماء
مو مثل يوسف اكيد موسى اكثر بالبلاء
مو فقط احنه نكول للسمه هذا النداء
بس علي وضلع البتول واكثر الكل كربلاء
  ..........
عالرمح راس الشهيد .. والضلع رد من جديد
وانطبر راس الامام .. صار ذاك وهذا صار
*
موسى قرآن الاله والبشر كلهه تكول
تسجد املاك السماء لو سجد ابن الرسول
هذا ابن خير الرجال هذا ابن ذيج البتول
شلون مسموم ويموت وينهم اهل العقول
..........
جن كتاب الله يطيح .. والنبي واكف يصيح
ليش مسموم الشريف .. بجبدته مستعره نار
*
هذا قانون الزمان لازم اهل الحق تموت
واليكل للذله لا مايظل بالدنيا صوت
مايطالب للفقير يلتزم طبع السكوت
والينادي بالخلاص للسجن طبعا يفوت
......
سكّتوا اهل الضمير .. والفقير يظل فقير
واليصيح بصوته لا  .. عرفو بصوته انتصار
****
الظلـم لا ما يـدوم يسـتمر هـذا مُحــال
الكاظم عله الطاغي ثار والسجن ساحة قتال
شفنـه هـارون ويزيـد كل ممالكـهم زوال
واليخونون الشـريف ذولـه اشباه الرجـال
..........
احنه بالله نستعين .. من علي وثورة حسين
ما نهادن مستحيل .. مو طبع بينه الفرار
****
صار ملهمنه الامام بالسجن لاجنه صاح
الليل طبعه مايدوم لازم يتبعه صباح
والسيوف اللي تثور تنتخي بعزم الرماح
باجر المهدي يصيح عالظلم ساعة كفاح
.........
 يلا يامهدينه عود ... تنتظر هاي الجنود
يالثارت الحسين ... بعد مابينه انتظار

الشاعر سيد علي المدني

#قصائد_استشهاد_الإمام_الجواد_ع

#بحرطويل كربلائي


جواد العتــــره مات ابسم يالــــمهــدي نريــــد الثار
ياذخـــــرالنبـــي الهـــــادي عَجّــــــل واشـهـــــرالبتار
*
ݘم ثارابرﮔــــبتك دين ݘـــــم غالي إلك مݘتــول
ابسم وسيــف غدروهم آل المصطفــى المرســول
يعيـــــن الباري دلالك من كثرالحــزن شيــــﮔـول
بسهـــام الظلــم مصـــيوب دمــــعك من دمه مسݘوب
يمن عـــن الخلـﮔ محجــوب
وخفاك ابحكمــــته الجبار عَجّــــــل واشـهـــــرالبتار

إلك ضلع انهشــم بالباب فـــجــــع يالــمهــدي دلالك
وإلك هام انطبربالسيـف وصـــارالسيــــف ݘـتـــالك
ببوك الــــمرتضى حيدر يمن جرحه شـــغـــل بالك
بـــــــــــدلالك أثرطـــبره جـــــروح ابمهجتك كـــثره
الخاطـــــــر إمك الزهـــره
وابوك المرتضى الكرار عَجّــــــل واشـهـــــرالبتار
*


رحيل ابن الرضاالمظلوم فجع يالمهــدي كل الكون
واملاك العـــرش ناحت واكيــــد الثاره ينتــظـرون
بمصابه اتصوب القرآن ويــــﮔول الصوبه ملعــون
تبـــــــــت قـــــــاتـــله إيده غـــــدر للــــــــدين تجسيده
وثاره ابسيفـــك ايريــــده
مــــن الظالم الغــــــــدار عَجّــــــل واشـهـــــرالبتار

نهل الليله دمــــع اوياك علــــــه الغالي ينور العين
قمنه مأتــــــم امصــابه وارث عِلــــــم ابوالحسنين
ورفعنه راية احـــــزانه بســــــــــــــم ظالم لفاه البين
دمع كل رافضي يـــهمـل وخط اعله الــــوجن عَجّــــل
والعرش الكفرزلـــــــزل
إلك صــــــوله عله الأشرار عَجّــــــل واشـهـــــرالبتار
*




أخذ ثارات اهل بيـــتك وثارالمنحــرالمذبــــــوح
ثارحسين يبن حســـين وداوي ﮔلبــــك المجروح
وبݘفوف الـﮔمرعباس أمسح دمعك المسفـــــوح
يمن للغانمه مذخــــــــور صـــــــرخة عاشربعاشور
مرفوعه ابـــﮔلب مكسور
بخيــــــم زينب تشب النار عَجّــــــل واشـهـــــرالبتار
*
تمت بعون الله تعالى وتوفيقه والحمد لله رب العالمين وصلى الله على محمدٍوآله الطاهرين وعجل الله فرج صاحب الزمان وسهلَ مخرجه
وجعلنا الله من أنصاره وأعوانه اللهم صلِّ على محمدٍوآله الطاهرين
حيدركريم جارالله الكربلائي

موت ابراحتــك هو العمر دمعه
يالباچي اعله جدك ليلة الجمعه
واويـــلي عله الـمسموم
يابو الهادي يا مظلوم
ـــــــــــــــــــــــــــــــــــــ
ابسطح الدار غافـي وبالچبد آلآم
يبــــــــراهيم عصرك والبشر اصنام
موت الخاطر الماخوذه لأرض الشام
يالزهرة شبـــــــــــابك ذبلت إبسرعه

واويـــلي عله الـمسموم
يابو الهادي يا مظلوم
ـــــــــــــــــــــــــــــــــــــ
موت وعيش وادم تمشي مشايه
وأخذ منبر عـــــزاء وياك وإقرايه
وتابوتك يلفه الهادي بالـــــــرايه
ياخذ بـــي محنه وفارغ ايرجعه

واويـــلي عله الـمسموم
يابو الهادي يا مظلوم
ـــــــــــــــــــــــــــــــــــــ
وانته مو مثلنه يختلف موتك
تغمض بس يظل احساسك وصوتك
چن راس ابرمح مشيول تابوتـــــك
وابالك ضعن واطفــــــال متوجعه

واويـــلي عله الـمسموم
يابو الهادي يا مظلوم
ـــــــــــــــــــــــــــــــــــــ
مابــــي كل نقص جسمك ولا عريان
نعم بالحر متت موتت ورد عطشان
متت وي العليــــــل وغربة النسوان
متت وابليلة الوحشه عشت شمعه

واويلي عله الـمسموم
يابو الهادي يا مظلوم
ـــــــــــــــــــــــــــــــــــــ
مولاي الجواد الموّتاك احسين
مو ذي القعده يوم الثامن وعشرين
ميّت في محرّم وبسـنة ستين
ميت وي وريده وشيبته وصبعه

واويـــلي عله الـمسموم
يابو الهادي يا مظلوم
ـــــــــــــــــــــــــــــــــــــ
وهيه ام الفضل من الشمر بذره
ذاكه احسين ظـل ايلوّع ابنحره
وهـايه الگطعت تسبيحة الزهره
يالجارع منيتك جرعه وي جرعه

واويـــلي عله الـمسموم
يابو الهادي يا مظلوم


#العبدالحسيني_محمدالجماسي

*قصيدة تحاكي الخيول الاعوجية التي داس صدر* *الحسين* *ع😭😭
٠٠٠٠٠٠٠٠٠٠٠٠٠٠٠٠٠٠٠٠
*خيول عشرة الداست حسين الغريب*
*ونعجن ويه التُرب جسم السليب*
*ياخيول الأعوجيه*
*حسين هذا ابن الزجيه*

*ماتعرفينه الحبيب ابن الحبيب*
٠٠٠٠٠٠٠٠٠٠٠٠٠٠٠٠٠٠٠٠٠٠٠

*ياخيول الاعوجيه شلون كلبج طاوعج*

*من وكفتي فوك صدره وحيل دستي بحافرج*

*صوت جم ظلع الكسرتي ليش مامر مسمعج*

*منو كلج رضي صدره*
*وعلى حسين العلمج*


*العلماج ابن الدعيه*
*حسين هذا ابن الزجيه*

*صدره مطبوك عله ظهره والعجيب*
*ماتعرفينه الحبيب ابن الحبيب*
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
*الخيل داست على صدره وهو عينه عله الخيم*

*ما يهمه وجع صدره*
*ولاألم ذاك السهم*

*اليهمه شلون زينب*
*تنسبي ويه الزلم*

*لاكفيل الظل يدافع*
*وطاح شيال العلم*

*رحمي حاله بهل الرزية*
*حسين هذا ابن الزجية*

*هذا ابن الطاهره وابن النجيب*
*ماتعرفين الحبيب ابن الحبيب*
٠٠٠٠٠٠٠٠٠٠٠٠٠٠٠٠
*يسمع اطفاله تصارخ رحمي حاله بهالوضع*

*مابقاله جسم ينهض نكطعت اوصاله گطع*

*عياله تاهت بالبراري*
*بساعة البيهه وگع*

*شلون ينهض ياخيول*
*اوموت من عندج جرع*


*عينه مشبوحه الرقيه*
*حسين هذا ابن الزجيه*

*ماكو رحمه بحافرج لمن يصيب*
*ماتعرفين الحبيب ابن الحبيب*
٠٠٠٠٠٠٠٠٠ ٠٠٠٠٠٠٠٠٠٠٠٠٠٠
*روحه صعدت والحوافر فوگ‌من صدره اعتلت*

*ماشفيتي بي غليلج*
*چم‌رزيه‌البییه اجت*

*ياخيول وصعبه كلش* *والضلوع تکسرت*

*عيلته تنظر وليهه*
*ریت عینچ بس عمت*


*شكد شبع منج اذيه*
*حسين هذا ابن الزجيه*

*قصتج ابكلبي تبقى للمشيب*
*ماتعرفين الحبيب ابن الحبيب*
٠٠٠٠٠٠٠٠٠٠٠٠٠٠٠

تمت بقلم خادمه الزهره البتول
1/8/2021

نزلة

ماننســـاك ياأباعبد الله
نبقه وياك ياأباعبد الله
1
أنت موضوع المصيبة بكل عزاء
ياطعم صوت الشعر وأصل الرثاء
من صحت ياشيعـــة لبينـــه النداء
منه ماينشــــف أبد بحـــر الــوفاء

وعدنــاك ياأباعبد الله
نبقه وياك ياأباعبد الله
2
تاكــــل بدمعتنــــه أيـــام العــــذاب
من تــرد علينه الالآــــــــم المصاب
جمسك الطاهر نشوفــه شلون ذاب
وظل ثلث تيــام عاري اعله التراب

واسينـاك ياأباعبد الله
نبقه وياك ياأباعبد الله
3
من أجل صوت الرسالــــــة والأباء
قربتــــاً لله نطيـــنـــه شكــد دماء
ومن أجل صوم وصلاتك والزكاء
سيدي أنعرفت أرض طف كربلاء

رتلنـــــاك ياأباعبد الله
نبقه وياك ياأباعبد الله
4
عدنه أسمـك ياشبـل حيـدر شعار
وأنت تعرف بينه منعــــوف القرار
تحملنــه شكـــــد معانـاة ومرار
احنه مانرضه بمذلة وكلشي عار

بايعنـــاك ياأباعبد الله
نبقه وياك ياأباعبد الله
5
احنه واحدنــه خسف وجــه الظلام
ومادخل بالتفرقة وســــوه الحــرام
ظل يطبــــق عقله منهـج كل إمـــام
ومن مشه بهذا الدرب حصل وسام

وافينــــاك ياأباعبد الله
نبقه وياك ياأباعبد الله
6
احنه موعدنه على طول السنين
مانعوفك واحنــه أدينه اليمـــــين
تحلى ويــاك المدامع والــــــونين
من تصيح بصرخة وحدة ياحسين

عزيـــناك ياأباعبد الله
نبقه وياك ياأباعبد الله
بغداد
امجد صاحب الشطري

سلام عليكم ورحمه الله
سيتم تنزيل قصائد العشر الاوائل ابتداءا من يوم الجمعه ٧/٢٢

#هلاليه


هلال احمر عمه اشوفن بالسمه
ولونه مو كالعاده جن لون الدمه

شنهو راح يصير عمه
اهلالنه املطخ ابدمه
هالسنه
-------------------------------------------
سؤال اشگد صعب هذه وحيرني تره اجوابه
شجاوبهه وهو المگصود ابوهه وذبحه وصوابه
شگللهه ابوج ايموت ابدمه يصبح اخضابه
شگللهه الحجي مجمور الغالي يفارگ احبابه

ابصدري غصه ولحجي بريجي عثر
منين ماريد ابدي خانگني النحر

ولهوه يصعب اشمه
اهلانه املطخ ابدمه
هالسنه
-------------------------------------------
شگلهه ولحجي مذبوح وحاذر بالكلام اهواي
اگلهه عمج العباس اجفوفه اطيح يم الماي
اگلهه الذبحه من مگفاه ابوج وحيل توجع هاي
حرت ولحيره كتلتني سؤال الطفله شل اعضاي

حرت من ياصوب احجي الفاجعه
وهيه طفله وماجزت عمر اربعه

اگبالهه حزني المه
اهلالنه املطخ ابدمه
هالسنه
---------------------------------------------------
شسولف وبدي من ياصوب طفله اتريد مني اجواب
اگلهه بعد جف حسين تالي ايصطرج السلاب
اگلهه التراس اعيونج دمه يختلط بتراب
تالي اترافجين الروس على ارماح ومشي ويه اغراب

حيره بيه وتقره طف ابصفنتي
وگمت اكابر يمهه وكتم ونتي

وگلبي متگبع ابهمه
اهلالنه املطخ ابدمه
هالسنه
------------------------------------------------
إهلال الكدر مرنه وطفله سألت اعله اللون
اگلهه من يروح حسين يرجع فارغ الميمون
اگلهه ايطيح بين الخيل اسكت ماعرفت اشلون
فاض الحزن من وجهي ومن عيني هملت اعيون

الدمعه تفضح شكو سر ضمه الكلب
وسري صدر حسين ميدان الحرب

شمس تاخذ منه رسمه
اهلالنه املطخ ابدمه
هالسنه
----------------------------------------------------
گلتلهه يضي الشوف قصه وصعب محجاهه
بيهه تنسبي نسوان وطبول السبي اوياهه
وبيهه كافل الاخته يمشي وتفگد احماهه
وجثث تتناثر اعله الگاع تبقى املطخه بدماهه

تالي هاي القصه ياعمه صعب
من اميرات اعله هزل وي غرب

اهناك تتفسر الجلمه
اهلالنه املطخ ابدمه
هالسنه
--------------------------------------------
علي سليم الحسناوي

#قصيدة_هلاليه

كل محرم بيدي أعلك رايه ..
وكلبي يخفك لو سمع بقرايه ..
هلال شهرك من يهل .. يشّيب بحزنه الطفل
وكلبي يخفك لو سمع بقرايه ..
............................
شما أدك زنجيل أحس روحي تذوب ..
وأنفض بكل دكه عن صدري الذنوب ..
وغير الاسود أبد مايحلالي ثوب ..
حسين شمس الله الفلا شافت غروب ..
كل سنه لعاشور يجدد حزن ..
لمٌن الرادوود يقره وياه أوٌن ..
دمع عيني ينهمل .. يشيب بحزنه الطفل
وكلبي يخفك لوسمع بقرايه ..
.................................
نسأل الله نعمة الخدمه تدوم ..
خدمة حسين وعلي تزيح الهموم ..
مثل ما رمضان واجب بي نصوم ..
صدورنه بشهر اللطم تجري دموم ..
كل محرم تنزل دموع الوفه ..
وجفني بالعاشر أبد لا ماغفه ..
من اللطم لا ما أمل .. يشيب بحزنه الطفل
وكلبي يخفك لو سمع بقرايه ..
................................
اليوم أفلاك السمه تعلن حداد ..
والكواكب والكمر لبسن سواد ..
هذا شهر حسين هل علينه عاد ..
حسين عَبره حسين عِبره للعباد ..
وزينب بحبل السبي مرهونه ..
والخدر عالكمر دار عيونه ..
والله ياناس الحبل .. يشيب بحزنه الطفل
وكلبي يخفك لو سمع بقرايه ..
........................
استقبلت شهر المآسي والعذاب ..
وعشت مأساة العقيله والرباب ..
وخدالحسين التعفر بالتراب ..
وأبو الغيره الوزٌع أجفوفه ثواب ..
والهواشم ظلت بلا والي ..
شما اشوفن نار تتراوالي ..
وسط كلبي تشتعل .. يشيب بحزنه الطفل
وكلبي يخفك لو سمع بقرايه ..
..........................
بهالشهر أحزاني و آهاتي تطول ..
لأن دامي ومنذبح روح الرسول ..
وجسمه عاري وتسحك بصدره الخيول ..
آه يحسين ومصابه أصرخ وأكول ..
والاصابع تسعه صارن بيده ..
وخنصره المكطوع ياهو يعيده ..
العشره ماظن تكتمل .. يشيب بحزنه الطفل
وكلبي يخفك لو سمع بقرايه ..
............................
اله مرفوع العزاء بهالشهر ..
وحاضر ويانه الامام المنتظر ..
عن مجالسنه ولا مره أعتذر ..
والمدامع حفرن على الخد نهر ..
نعيش وياه بمرارات المصاب ..
نكله أظهر سيدي كافي غياب ..
غيبتك ما تنحمل .. يشيب بحزنه الطفل
وكلبي يخفك لو سمع بقرايه ..
........................................
حيدر مطر العبادي

#هلاليه
كلها يحسين بمحرم شدت احزام
نحسب احساب الخدمتك كمنه كل عام
******
احنه حبيناك مو لجل غايه
وسيدي للموت احنه وفايه
كل سنه بعاشور نرفع الرايه
نلطم ولجلك ننصب اقرايه

هاي الايام وغلاتك اجمل ايام
كلها يحسين بمحرم شدت احزام
*
خادمك يحسين دوم تدعيله
ومن يميل الكون جفك ايشيله
المهدي ويانه الليله شد حيله
وصاح ابو الموكب جيبو زنجيله

وصار رادود القصيده الليله جسام
كلها يحسين بمحرم شدت احزام
****
سيدي تعبك هوه راحتنه
كون تتقبل منه خدمتنه
كل سنه بسمك تعله صيحتنه
والمجالس هاي هيه ربتنه

اليوم جم عابس صحت بمحبتك هام
كلها يحسين بمحرم شدت احزام
**


اشما تمر اسنين احنه نبقه وياك
صحنه لو للموت والله ما ننساك
يا عمود الدين بدمنه بايعناك
انته مبدئنه وخاسر العاداك

بيك حكه خادمك من يرفع الهام
كلها يحسين بخدمتك شدت احزام
*
حلوه خدمتنه ونفتخر بيها
وتتعب الرجلين ما نخليها
لجلك الارواح احنه نفديها
والمئاتم هاي دوم نحييها
وتدري يحسين اليحب ما يكدر اينام
كلها يحسين بمحرم شدت احزام
*
هالسنه يحسين كلها متحضره
هذا الي ايعزيك وذاك الك يقره
مجلسك مولاي ينحسب ثوره
ورحبت بالناس فاطمه الزهره

احنه خدام ونظل للموت خدام
كلها يحسين بمحرم شدت احزام
*
تمت
تحسين الخفاجي