شفت الكمر
***********************
شفت الكمر..يمي حضر*حسبالي عباس
بصوت النحر..يم النهر*صاح اني عباس
**********************
شفت الكمر وسط السمه..متحجب بغيم الضمه
وامدثر بلوعة سبي..يمطر على الكاع الدمه
هذا الكفيل من الزعل..ينحب جمر لمخيمه
يمطر جمر
يرسم كبر
جثة وبلا راس...
***********************
ناديته يا بدر السعد..يالكافل انطلبك عهد
بين وسط عينه السهم..شايل على الهامة العمد
يختي الجفوف امكطعة..ما اعتذر منج أبد
جنه انكطع
دامي انصرع
ينزف عطر ياس
**********************
أسمع تراتيل ونعي..ونة ونياحة بمسمعي
مد الجفوف ويعتذر..كاصد ينشف مدمعي
مديت اله اجفوف الأمل..الرب السماوات اندعي
أطلب طلب
تطفي اللهب
ياخالق الناس
**********************
بين الكمر بين الكمر..متحيرة و تاه النظر
ارفع نظر صوب السمه..واخفض نظر صوب النهر
بدر الكواكب ما نزل..بدر الهواشم ما حضر
بين السمه
ونهر الدمه
مكطوعة الانفاس
***********************
هيج انه بعدك يالولي..جمر المدامع يصطلي
تتلاحك بفكري الصور..من المشرعة المرقد علي
تنهص تنوخ ناكتي..حان السفر يا كافلي
من المهد
عندك عهد
يا صاحب الطاس..
**********************
رحلة عذاب امحيرة..فرحة خيالي امكدرة
اركض لون يوكع طفل..وانزل لون تاهت مرة
ناديتك بلوعة وعتب..وينك ضعن زينب سره
ضعنك رحل
جيب الجمل
يالكلك احساس
***********************
سيدحيدرالعوادي

الليلة السابعة
ليلة ( أبي الفضل العباس قمر العشيرة ع)

قصيدة النزلة

من نزل بدر الهواشم صاحت الحومه هله
هله بخيّال المنايا هله بفارس كربله
أخو زينب والنعم ...
هذا صگار الزلم ..
…………………………………………………………………………………
يا علي صاح وتحضّر شايل بچفه اللوه
جيش اميه اگباله أصبح هوّه والماكو سوه
لو دخل عباس حومه ينگطع حتى الهوه
هالله هالله اربات حيدر لو على العايل نوه

خطب بيهم وبحچيهم داخوا بهالمسأله
ضيّع المشراد عنهم بيرغه بزوده عله
فارس بيوم الحسم ..
هذا صگار الزلم ..
…………………………………………………………………………………
اتذكر الچلمات زينب والعقيله حشمته
عاشت ايدك يبو فاضل يوم صعدت غيرته
جيش اميه إنذار يدخل من يباوع هيبته
من يطب ميدان يصفط يسرته بصف يمنته

راس يضرب راس خصمه كلها صاحت معضله
هذا عباس الگصدنه لو علي عقد الوله
هاللغز ما ينفهم ..
هذا صگار الزلم ..
…………………………………………………………………………………
گسم نصين العساكر شبچت سيوف ورماح
مثل نفخ الصور صوته زلزله بالحومه صاح
وينكم والسمع صوته من كثر ماخاف طاح
عجّت الحومه بثراهه من دخل والطاح راح

ياهو يوصل لآبو فاضل ياشجاع اينازله
هذا عنوان الشجاعه والوفه والمرجله
فَهّم المايفتِهِمْ ..
هذا صگار الزلم ..
…………………………………………………………………………………
دوّخ اعداه بنزاله سيفه من الموت أشد
طر عساكرهم وصوته يصيح ياحيدر مدد
ترست الحومه جثثهم سوه جمعتهم بدد
اتخوصر ولحسين ناده ذوله كافي لو بعد

هله ياطاعون اميه صاحت الحومه وتَلَه
اشما أشم الهوه ، زينب تبقه حره امدلله
الخدر عنده المهم ..
هذا صگار الزلم ..
…………………………………………………………………………………
تزدحم ويشت عددهم من يرف بيده اللواء
سوّه خوش اسوايه بيهم واعتله هذا النداء
كفو منك يابو فاضل هيچ صاحت كربلاء
ثبتت معنى البطوله والمراجل والوفاء

يافخر ام البنين وابن باء البسمله
ياگمر والليل دونك يبن حيدرنه انجله
هيبه عباس وعزم ..
هذا صگار الزلم ..
…………………………………………………………………………………
فارس بصهوة جواده للأعالي يعتلي
واليطب گدامه حومه وحق حيدر يبتلي
عاين اعله جيوش اميه وصاح بيهم مايلي
بيمن تباهون وآنه إبن أبو اليمه علي

أبو فاضل من نحسبه صار جيش بأكمله
موقف الحق والبطوله بكربلاء إمسجّله
فارس ونشمي وشهم ..
هذا صگار الزلم ..
…………………………………………………………………………………

خادم الحسين عليه السلام
عمار هليل الواسطي
محرم الحرام / ١٤٣٩ هجرية

قصيدة رئيسية في ليلة الوداع


أخوتي الليله بدمعهم ودعوني
احرس واحمي حرمهم كلفوني
ليلة وداع وعتاب.
گلبي ما يحمل مصاب
ودعوني


آنه زينب حايره واتمنّه موتي
ولا أودّع ليلة العاشر إخوتي
اصعب من النوح والمدمع سكوتي
بخفيه ابچي بخيمتي ماعلّي صوتي
خوفي من يطلع صباحي. افتقدهم
تكثر عليّـــه جراحـي. من بعدهم
آه ياجرح الغياب
گلبي ما يحمل مصاب
ودعوني


وي اخوي حسين اتوادع يليلي
اشتكيله هموم عندي ويشتكيلي
ماأَسَمّعه ونتي ونوحي وعويلي
خوفي يتصدع دليله وي دليلي
يصعب وداعي واودعه. وراح عوفه
ينصدع گلبي ويفجعه. من اشوفه
بلايه راس عله التراب
گلبي ما يحمل مصاب
ودعوني


من اخوي حسين للكافل گصدته
هذا رفعة راس اخويه وانه اخته
گعدت يمّه بدمعتي التجري نشدتّه
عاليصير عليه جاوبني وسمعته
گلّي يازينب اصبري عالتشوفيـــه
لمن يگطعون نحري. لا تشوفيــــه
سمعي من عندي الجواب
گلبي ما يحمل مصاب
ودعوني


طَوَلي ياليلة العاشر عالنحبهم
نريد نشبع شوف هاي الليله منهم
باچر يذبحونهم أخواني كلهم
ابقه حرمه بلا ولي بالطف عگبهم
اسهر الليله بدمعتي. وي أخوتي
يالله ياروحي بحسرتي. موتي موتي
ابقه بالهم والعذاب
گلبي ما يحمل مصاب
ودعوني


راح اشوف حسين باچر من يذبحوه
بالسيوف يگطعونه وما يرحموه
يبقه عالتربان دامي ومايدفنوه
وراح اشوف الراس باچر من يرفعوه
باچر يسحگون صدره. بالحوافر
لا تصدين عله نحره. يالنواظر
ينسلب حته الثياب
گلبي ما يحمل مصاب
ودعوني


باچر العباس اشوفه عله الشريعه
موسد التربان وچفوفه گطيعه
ينفجع گلبي ويذوب بهالفجيعه
تنطفي بسهامهم عين الطليعه
افگد اخواني الغياره. وبقه وحدي
آنه وعيالي حياره. منهو عندي
ما يظل منهم شباب
گلبي ما يحمل مصاب
ودعوني

خادم زينب عليها السلام
سيد زيد الفحام
_____________

نزال احمد العكيلي

علي ثاني نشوفه من دخل للكوفه
ـــــــــــــــــــــــــــــــــــــــــــــــــــــــــــــــ
مسلم الحيد .. يصنديد .. يغيره ومرجله
رافع الهام .. والازلام .. بقت تتوسله
يصدح الصوت .. اجه الموت . منو اليكرب اله
رتّل ايات .. والاثبات .. شرحها الزلزله
فسّرتها احروفه من دخل للكوفه
ــــــــــــــــــــــــــــــــــــــــــــــــــــــــــــــــ
يعرف اهنا .. علي وياه .. وحشته تنجلي
تزهك ارواح .. اذا صاح .. دخيلك يا علي
كال وياي .. مدد جاي .. يطوعه هلهلي
بسمه لوصيح .. ولاطيح .. سند هو الي
صارمه بجفوفه من دخل للكوفه
ـــــــــــــــــــــــــــــــــــــــــــــــــ
جرّد السيف .. على الكيف .. يكطّع بالركب
ترجف الكاع .. والاسباع .. اذا مسلم غضب
حيله حيلين .. يجي منين .. بعد يمه التعب
طوعه مضياف . ولاتخاف . اكل عدها وشرب
والزلم مجتوفه من دخل للكوفه
ـــــــــــــــــــــــــــــــــــــ
تهتز اجبال .. اذا صال .. على اشباه الزلم
واليلاكيه .. ويجاريه .. يقينا ينهزم
جنه عباس .. بالاحساس .. شهم يشبه شهم
ينطي لحسين .. ضوه العين .. عشك هذا الاسم
والسبط ميعوفه من دخل للكوفه
ــــــــــــــــــــــــــــــــــ

يكطع الروس .. بقه ايدوس .. عليهن بالدرب
كدها واكدود .. بالوعود .. ولا يخلف حرب
بأمره محتار .. بلا انصار .. بقه بموقف صعب
وسفه غدروه .. ولاجوه .. ومنيته تقترب
صعبه حيل ظروفه من دخل للكوفه
ــــــــــــــــــــــــــــــــــ
ما يطخ راس .. للارجاس .. لجن عنده العذر
ما يكدرون .. يكربون .. عليه الا بغدر
موتة ابطال .. والأرجال .. شهادتهم نصر
طول السنين .. قرابين .. يقدمون العمر
الموت سل سيوفه من دخل للكوفه

إستغاثة بسيدي ومولاي صاحب الزمان عجّل الله فرجه الشريف..


يبو صالح غيابك طال وظلت بالگلب حسره
يا يوم الفرج مولاي اشبعد يا يوسف الزهره
………………………………………………………………

دنيا وبالعكس دارت جارت والعزيز إنذل
طبع الزمن ما ينصف كلشي اتغير اتبدل
أدعي الله يهل نورك أندب دوم وأتوسل
يا يوم بسلامه ترد .. بقيت اتنطر الموعد ... وهذا الأمل ما يبعد
مهضوم ونخيت الله يعجّل بالفرج أمره
…………………………………………………
……………

ثاراتك تنادي اعليك من طبرة علي الكرار
من كسر الضلع والطاح من فاطم إباب الدار
من چبد الحسن ذايب بسم جعده وزمانه إندار
ما بين الذبح والسم .. ثار بعاشر إمحرم ... وعالسيف انتصار الدم
ثار حسين واعياله وعليله وزينب الكبرى
………………………………………………………………

ومن بعد الجره بعاشور أحزان شكثر تنعاد
مصيبة سيد الزهّاد مولانا علي السجاد
وللباقر دموع العين وللصادق حزن ينعاد
تعرف بالزمن ظالم .. وإنشد محنة الكاظم .. مسموم وأمل راسم
تظهر يا ملاذ الناس الك ثارات للعتره
………………………………………………………………

عن ظلم الدهر إنشد يمهدي بالرضا المسموم
ومن بعده الجواد إبنه وجرح امصابه ظل ملچوم
وعن محنة علي الهادي جدك والمنايا تحوم
خلي تسولف الدمعه ..چم فجعه بأثر فجعه ..ضاگت بيك هالوسعه
وآني أتنطرك تظهر جرح افراگك اشكبره
………………………………………………………………

بأبوك العسكري دهرك وضحت كل مضامينه
خان بكل شريف وخط للظالم عناوينه
الأمل بالله وظهورك صار قريب بكل براهينه
تخلص الناس من الجور .. يسور الشيعه وانته السور ..كلمن بايعك منصور
وآني امبايعك مولاي يالمحجوب عالفطره
………………………………………………………………

يالغايب زمان الجور ما بي كل رحم وسفه
شحچيلك وأنا المهموم عاجز ما عرف وصفه
الدنيه بچفه واظهورك يبن العسكري بچفه
تعدلها التميل سنين ..بيك القدره والتمكين .. ينصر المذهبك والدين
يالغايب وحق عيناك نار الشوگ مستعره
………………………………………………………………


خادم الحسين عليه السلام
عمار هليل الواسطي

وأسألكم الدعاء

سيتم نشر قصائد على اطوار الحاج باسم الكربلائي

#طور اكتب عذابي ....للعليلة ع

انه العزيزه وفگدت الوالد هضيمه
طـفله حــنينه مــدلله وعگبه يتيمه
بويه لما خذاني گمت اطش ماي علدربه
معقوله نساني انـــه روحــه وانه گلبه
------------
ابــقه بنوح من يروح
طــفله وصــحت بــويه لا تخليني
بــنص اليل بل يا ويل
مــن ابــرد يــبويه مــن يغطيني
ادعي الله يــا ربـاه
طــمــني عــليه بــنيته تــدريني
وحدي بقيت وتــمنيت
وتــخــيل بــويه مــن يــحاجيني
**
وتخيله طيف ويمر من عيني لحضات
بس گلبي ما مرتاح جن برحلته مات
لو ميت ابويه جــني ميته بدار غربه
يتنفس هوايه وانه روحــه وانه گلبه
-------------
بــويه چفاك اتـــرجاك
مــا تــرجع عــليه وعــيني هــماله
مـن فرگاك يحجي وياك
گــلبي بــلموادع يــختصر حــالــه
كــله هموم هــم مالوم
كــل نــبضه بــحزن يا بويه تصفاله
دمـعي يهون اعمي عيون
لــغيبت ابــويه وكــلبي يــهــواله
****
لو تدري بويه گلبي ليش لشوفتك راد
مـجروح گلبي وشوفتك يا بويه اضماد
انـه من اشوفه گلبي يستعدل بنبضه
ميت من اعوفه انه روحــه وانه گلبه
--------------
وحــشه الدار من هلصار
اضــلم صــار داري يــل جنت شمعه
كــلبي لصاح مــا مرتاح
بــويه عــليك جــنك مــا الــك رجعه
طــيفك وين عــن العين
هــاي لــعين حــمره وتــهمل الدمعه
بــس تعود والــله يود
كــلبي وانــه اكــلك يــرجع الـوضعه
****
وضــع الكلب ولدار صاير اضلم عليك
لــو ادري هيجي يصير تبعد ما اخليك
طــفله وبغيابه راسي بين بيه شيبه
مـا احمل عذابه انه روحــه وانه گلبه
-------------
اكــتب ريت يــل خــليت
طــفله بــدار ضــلمه ولعتب عنوان
اعــتب دوم هــم كل يوم
كــل يــوم لــيمرني ضيم بيه الوان
بـهل مرسال دمـعي السال
بــيه مـكتوب ارجع موتي بعدك هان
حــزني يزيد رحــت بـعيد
چــنك مــا تـرد وگــليبي لك ولهان
*
اكتب كتاب الشوگ بويه وضيم الفراگ
مضمونه بس ارجع اليه وگلبي مشتاك
ما يبرد مصابي الــه اشوف انه كتابه
وكتبله بكتابي انه روحــه وانه گلبه
-------------
دمعي يسيل ليلي طويل
مــا تــخلص يــليلي ســهرتك گتله
ويــن الموت صحت بصوت
بــس يــمك يــبويه هـل العمر يحله
عــمري لراح كــله افراح
عــشته ويــاك بــويه لــيلتي سهله
لــيلي يحين بــس ونين
اگــضي الــيل عـگبك تــصعب العله
****
بــس الله يدري بحالتي من اسهر اليل
ما تغفه عيني وصرت اصيح بروحتك ويل
لــيلي ما أنامه وانــي بعدك بيه رهبه
بـحساس اليتامه انـه روحــه وانه گلبه
------------
بــويه تروح خذت الروح
مــني وجــسمي عندي بويه ما يحمل
ضــيم فراگ ضل مشتاگ
تــرجع روح جــسمي ونــته روحه تظل
صــحت لويل ما ظل حيل
بــيه وعــيني جــمره مــو دموع تهل
بــويه شلون موتي يهون
صــار عــليه وانــه طــفله مــا احمل
*
اتــمنه موتي يحين ليه وانه طفله
ما احمل فراگك يبويه الموته سهله
عـمري ما اريده والله هاي الفرگه صعبه
بويه روحي بيده انـــه روحــه وانه گلبه
★★★★★★★
{خادم اهل البيت( الشاعر حسن الكناني)}

(لحن مله باسم وجه السمه خالي ) —------------------------------------------------------ دهري الي اذاني وبكليبي نيشاني احجي اويه خلاني عافوني بحزاني —------------------------------------------------------
معروفه هاي ام الخدر والدنيه تعرفها منهو اليوصفها لوينضر لضلها
بت حيدره خير العمل معروفه صولاته ذكروها حملاته عالهامه ضرباته
امها الشريفه الطاهره والحره من حره زينب مثل زهره هم شافت العصره
واخواني معروفين الحسن وحسين كلهم تره اخواني عافوني بحزاني —------------------------------------------------------اتفاخر انه على النساء
حيدر ابويه والنعم من ينذكر هذا الاسم تدنكلي كل هاي الزلم
بجال الكمر انه اضل
ام الخدرتمشي بفخر منا شمس منا كمر متهمني اسياط الشمر
معروفه زينب بت علي جانت اميره مدلله من راحت لطف كربله بجال الكمر والعايله
رحت انه مهيوبه رجعيت مصيوبه زينب تره اني عافوني بحزاني
التاريخ ضل يشهد الي
بالغيره والاحساس معروفه بين الناس اخت الكمر عباس
حين الذي دك الصدر
كل قصده بهايه يحققلي الغايه وانطاني حجايه
كلي انتي يالحره بعد
ورب السمه العالي انه الج والي محروسه بجالي
زينب وحيده بلا اخو وتنادي جاوينه مايرد لينه منتضرته سكينه
دك صدره اليه وكال ياخويه الج كفال ماضنه ينساني عافوني بحزاني —------------------------------------------------------ارد اعتب انه علزمن خلاني مهمومه بحزاني مالومه حرماني النومه
من كد مامشيت بهل الدرب وحيرتي حيره من ديره لديره رحت انه اسيره
والعجب شفت انه العجب
بعدك يشيال العلم تبرالي اشباه الزلم ويانه ماعدهم رحم
من كدما يضربوني متزوركه متوني
جم مره شتماني عافوني بحزاني —------------------------------------------------------
الشاعر عماد الدراجي الجمعه 28\10\2016

#طور ( تسبيح الامل) للعباس ع
_______________
يا جرح الاشد بغيابك واعد واجروحي تحجيلك
مجتوفه بحبل اركب عالهزل وعيــــوني تربيلك
اكعد عاين امتــــوني
انته الكافل اضعوني
_______________
لمن غمضــت يبن امي اجت كلها اعليه ضلام
تعبني الضرب خــويه والاشد حركو كل الاخيام
نبرات الالــــم تحجي قصتي فرت مــني الايتام
شفت الماجره وانه ابلا ولي رحت لديرة الشام
ما تكــــعد الي يا ريحة علي يالــــــكلك امروه
وحدي امحيره ياهو الاخبره يا صاحب النخوه
خويه احتارت اضنوني
انته الكافل اضــــعوني
_______________
شحجي ياكمر وامتــوني زرك خويه وكلهه شمات
اجري بالدمــع كل ساعه وكلت يمكن خيي مامات
يم المشــرعه روحي جن مشت وانكل خويه خطوات
لٱ طال العــمر امشي ويه الغرب بعدك يا وسافات
كافل محــملي بعــدك انولي والحادي ما يرحم
هم عندك خبر يا بعد النضر لو بيــه ما تعلــــم
تقبل خويه شتموني
انته الكافل اضعوني
_______________
حادينه شــــمر ما يرحم ابد حيره ونــنتجه وين
لٱ جفك شــفت لٱ واحد فزع لٱ مــــر بينه الحسين
خويه بكل كتر ازلام وغرب ياهو ليمــنه ويعين
يا ليل الالــــم ما عدنه خيم والشمات صــــوبين
اطــفالك تون دوهنه الزمن مــحتاره بمصابي
وينك يا شهم لفلفنه بعــلم يا ريــحة احبابي
ضيم الشافته اعيوني
انته الكافل اضــعوني
_______________
ترفات ومشــن حرمات النبي خويه وسحكن النار
سمعن يا شتم وبديرة غــرب فرت خويه الازغار
طك سكنه الرجس حيره ابلا حمه تشبح وين الانظار
مو قصدي عتــب اعـرف عالــترب نامو كل الاطهار
كلكم عالترب والموقف صعب يا ريحــة الزهره
منكم والنعم بس خويه انشتم صعبه يبو العتره
حرمه وصعبه عفتوني
وانته الكافل اضعوني
_______________
ابيض حاجبي من ضيم الشفت شلت حالي الاطفوف
انه وعيلــتي نكعــــد عالترب خويه ابين الاصفوف
وبذاك المســه ضنيتك تجــي خويه وواضعي اشوف
وادريبك نمت راسك منجسم واعرف فاكد اجفوف
من ضيم الكلب يبن امي العتب واعتابي مو يمك
عتبــي عالزمن وعيوني بجن وبشــيلتي اشتمك
اختك هيبه عرفــــوني
وانته الكافل اضعوني
_______________
بقلم الملا #ناجي الصالحي ✏✏✏
#