قصيدة اساسية ليله 3 محرم

والله مليـت الهجـر مشتاكــة أشمهـم
دمعي خلص وانتهى أعله الفاركتهم
منهو دق بابي راحوا أحبــــابي
_____
1
الله يستـــر مـــن سفركــم الله يستــر
بهاي روحتكـــــم أحس قلبــي تفطــر
والله قلبـــي وخـاطري ألليلــــه تكسر
ليش عفتوني وحيــــــدة الله وأكبــــر
_____

وين أبات وانتـوا عني ياهلي إبعاد
لا بوفاضل يمي ابـد لا علي السجاد
شملك أعصابي راحــــوا أحبابي

2
انـــه ورده وضيعيتـــوني بجـزيــــــره
منهو يروي الـوردة إذا صارت بحيرة
هيــه هــاي المشكلــة الكلش جبيــــرة
لا أهــــل يمــي حسافــة ولاعشيــــره


ذبلت الـــــــوردة وتطــالب شربت المـاي
تصحه لو شافت عطرها امن السفر جاي
جاوب أعتابي راحوا أحبابي
________



3
كمت اكــرها بجفاكـــم طبـت البيــــت
عالدرب خليت روحي وابجي ظليـــت
والله لــو أنــدل دربكـــم جـــا تعنيـــت
تكصـــر الأيــــام بيــــه شكـــد تمنيت
________

يمته اشوفنكم وأموت بحزني ورتـاح
والله تعبني الصبر والهــم والنيــــــاح
دمعتي كتابي راحوا أحبابي




4
هسه عبــــد الله كعـــد لــو بعــده نايــم
هسه سكنـه اشحالهـا وكـــل الفــواطـم
هسه رملــه تعجـــن بحنـــه القــــاسـم
وزينب أتحضــر شمــع وي كمر هاشم
________

هســه مدري شصفه بكاع الغاضرية
هسه مـدري شحـال عبـد الله ورقيـة
حاسبه حسابي راحوا أحبــــابي




5
اقطع الظن لـــو يـــرد ليـــه هـــواكـم
خلص صبري ودمعتي تصب بجفاكـم
يهلــي سفرتكـــم طويلــه شعطلاكـــم
عندي شك ليــل المصايب طشــــراكم
________

ادري حركوها خيمكــــم والصواوين
ادري يم الحرة كطعوا رأس الحسين
وابتدأ أمصابي راحــــوا أحبابي




6
كالــو العباس طـــاح وجفــه كطعــــوه
كالو وخـــدر الهــواشم كلــه سلبــــوه
حتى نحر حسين فــــــوك الرمح خلوه
والجسم بالخيل عكب السلب داســــوه
_______

وبالحبــال اتجتفــــت كـــل السبـــايـه
وانتهت طــف كربلاء وطاحت الراية
واعتله أجوابي راحوا أحبـــابي
_______

شطره
امجــــد صـــاحب ألشطــــــري

#نعي ليلة أول محرم

محرم هل . يعالم سدو العيون
اجت ام الحسين تشوف بتها
بيديها عبايه و رايه هالعــام
عـــبايه چبيره حيل معذبتها
اذا تنكتها يوكع تل الاحزان
السياط الحاقدات أمزّگتها
وبيديها قميص وليدها حسين
وجروحه من المجالس خطيتها
وبيديها چفوف مفارگه المــاي
بس امن المواكب شـــرّبتها

أنه الناذرني أبويه * وأمي لحسين
ادنگ روحي كلي * وأومي لحسين
ادگ صدري بمحرم * وأم الحسين
تدگ عالهامه اذا شافت عزيه
ــــــــــــــــــــــــــــــ
مهدي التقي

#نعي ليلة ثاني محرم

احسبلك ثواني مناطر اتعود
الحمد لـ الله رجعت النه بسلامه
محضرلك بواچي وفزعة ادموع
على خدودي افزعهن قيــامه
جفن عيني بعد بي دمعة العام
عيوني بلا محرم چن يتامه
إديني بلا لطم خرسات مولاي
وأنه شلاطم و أوفي ليا ظلامه
يل منطيني كلشي بهذا عاشور
اريدن بس رضاتك عالخــدامه

يعدله ابچفه كلمن * مايل حسين
ولو ما ادري گدهـا * مااي لحسين
أسبل ادموع عيني * ماي لحسين
واريدن بس رضا الزهره عليه
ــــــــــــــــــــــــــــــ
مهدي التقي

نعي الليلة الثالثة من محرم العليلة

مرض وفراگ صارن ذني بيه
حملت بعد الابو وعلتي سويه
خذو كلشي وبگيت اصفگ بديه
شگد مشتــاگه لسوالف رقيه
الليالي ويه الاخت چانت زهيه
خالي فراشها سوده علـــيه
هنا گعدت هنا ضحكت إليه
أويلي اعله المشت للغاضريه
زغيرة وخاف ماتحمل أذيه
رحت فدوه لخيتي الهاشميه

ــــــــــــــ

گلبي من الونين انگطع ـ بته
وعليك الليل بالآهــات ـ بته
حملت افراگ ابوي وبُعُد ـ بته
رقيه الجنت انيمها اعله اديه
ـــــــــــــــ

مهدي عبد الحسين التقي

#نعي ليلة رابع محرم

يل جايب دموعك لم الاقمار
دمعتك حيل لم عباس كتها
الحاجه العندك اكتبها بلعيون
تلگه ام الحــوايج قاريـتها
ام عباس هاي وباب الحسين
العزيه البيها دمعه معاشرتها
واذا دمعك نزل يچوي بلخدود
اعتبر كل الحوائج گاضيتها
ويه ام محسن تجي تقراها الوجوه
تجي اباب المجالس ويه اختها

بعــد ليلومـــني أحد * من أجلها
جليله ومـا تــردني * من أجي الها
اليذرف دمـــع عينه * من أجلها
تجازي عنها أخيتها الزچيه
ــــــــــــــــــــــــــــــ
مهدي التقي

✿

#نعي ليلة خامس محرم

حميده اوصيچ لتردين الأسياط
وارفعي الراس اذا صرتي سبيه
يبويه احنه تره خدام لحسين
عقيل انطانــّـه لحيــدر هديه
بويه حسين فدوه تروحله الروح
وانتي رويحـتچ فدوه لـــرقيه
واذا صرتي بخرابه ويه اليتيمات
نامي بصف رقيه ولحگي بيه
خلي انفاسچن يگضن سوه هناك
حلات الجنه اذا جيتن سويه

الچ بويه أنكتـب موتچ * ولي موت
اليموت بعشگ ابو اليمه * ولا يموت
رقيه چبــــيره موتتها * واليمــوت
وياها تحسده نجمات الثريه
ــــــــــــــــــــــــــــــ
مهدي التقي

✿

#نعي ليلة سادس محرم

حسين يريد فزعه وعدنه بس روح
حبيب بهالكلام يوصـّـي ربعه
اذا صعدت الروح شننطي لحسين
باچر عدنه روحه بلايه رجعه
منو العنده صدر ينطيه للخــيول
الحافر ياهو من عدكم يجرعه
جون ايصيح اطيح بصفه شـتگول
والبس بيدي محبس بيه لمعه
بلكت باچر احضه بگطع الايدين
حته ابچف حبيبي ايضل إصبعه

جون يصيح احبن * چف الحسين
اطيح بصفه وافدي * چفي لحسين
ما تقبـــلها روحــي * چيف الحسين
يبتـروله صبع . واصبع بديه
ــــــــــــــــــــــــــــــ
مهدي التقي

✿

#نعي للأمام العباس ع

لما وصل الامام العباس الى نهر العلقمي لم يشرب الماء وهوفي شدة العطش .
ملأ القربة وتوجه الى المخيم فأعترضه الاعداء وأحاطوا به من كل مكان فقاتلهم
قتال الابطال فغدروه من الخلف وقطعوا يمينه ثم قطعوا شماله وضربوه بسهم بعينه
لم يبالي بنفسه كان خائفا على الماء فقال لهم :

يهل النار ذوله أطفال الحسين عطاشه وأبرجعتي الأمل مشدود
ماعدهم ذنب وكلوبهـــــم بيض أنطوهم ماي ليش كلوبكم ســــود
منتظرين جيتي أبّاب الاخيـــــام أخذوا كلشي مني وعوفوا الجـــود
أخذوا عيني الاخرى كون تردون وفوك أجفوفي هاكم حتى الازنود

فلم يسمعو كلامه فأصابوا القربه بسهم فأريق ماءها وضربوه بعمود على رأسه الشريف
فركض اليه الامام الحسين فوجدوه يصارع الموت
فرمى بنفسه على جسده قائلا :

ليش اتخّلي أخوك أبولية الجيش عكبــــــك يابــو فاضل محّد أويـــاي
ضلوعي أبطيحتك طاحن يعباس انكسر ضهري يخويه وشمتوا اعداي
كمره الدنيه جانت وأنته موجــود أخلافـــــك يالكمــر ضلّمت دنيــــاي
غرفت الماي ليش أتموت عطشان وحك جودك بعد ما ضوكن المـــــــاي





فلما علمت السيده زينب بما جرى على كفيلها بدأت معه العتاب
امنين أبدي العتب يالمالك اجفوف وأذا أنخاك تكــــدر تنتخيــلي
اذا ضربوني يمك تكدر تكــــــوم وتاخذ ثـــاري منهــم ياجفيــــلي
عمت عيني على جفوفك يعبــــاس عكبهن صرت ماكوم أعلى حيلي
أسم زينب كبل ما سمعته الناس هسه أبطيحتــــك سمعـــوا عويلي

فلم يجد ابا الفضل العباس ع الا ان يعتذر من أخته قائلا :

يزينب حال بيني وبينج المـــوت أعذريني بعد مابيّـــــــه أحاميج
أجفوفي أمكطّعه والراس نصين غريبه أبكربلـه مجبور أخليّــــج
لجن يا خويه عندي حجايه ويّاج كبل لا ينكطع نفسي أرد اوصيّج
سهم عيني يزينب لا تطلعيــــــــه خاطر لو سبوكم ما أصد ليج




ولـيد العكيـــلي

#نعي للقاسم

گوم تلگه ربعك ها . يجسام
يبو حنـــة دماء الغاضـــريه
شمو . حنتك واشتاگو هواي
بلكي تحنـي ولد المرجعيه
گد عمرك يجاسم جتك ورود
بديهم أثر . قبضة نبــدقيه
شالو غيره گدك يبن اخو حسين
صيت اخلاقهم دگ بالثـريه
بلغ رمله عدكم ولد خطــار
وخلي تزفكم الليله سـويه

أبونه الوطن يا جاسـم * وأخونه
وابـد ما انكـث عهـوده * وخونه
اخوان هواي تلطم لك * وأخونه - وأخو النه
مشه وگلك يجاسم حنّي إديه
ــــــــــــــــــــــــــــــ
مهدي التقي

✿

نزله للعليله ع 2021

بجنحك يطير الصاف اخذ مرسالي
لحسين ابويه الأغله من كل غالي
.........

گلّه العليله فاطمه تبچي عليك
يامن عفتها ليمته تبقى اتانيك
لوما مرضها اليكتل تعنّت ليك
عذبني دهري ومادريت بحالي
.........

اسرع يطير الصاف اخذ دمعاتي
لحسين ابويه ولخوتي وعمّاتي
وخبرهم بحالي وعُظم مأساتي
موش المرض جرح الهجر چتّالي
..........

حط عله متن حسين ابويه وگلّه
فرگاك كاتل فاطمه مو عِلّه
ما خَلّه فگدك كل امل ما خَلّه
يالسافرت منهو البعد يبرالي
...........

يايوم يرجع ياوكت نتلاگه
ياطير لحسين شكثر مشتاگه
ياريت ميته وماعشت بفراگه
وشلون اعيش ابّيت مظلم خالي
.............

سلملي ياطير عله ابوي الماعاد
من بعده لا ماي الهنالي ولازاد
عالباب اگعد ونشد الرايح راد
ياطيرابوي حسين شاغل بالي
............

اگعد ابابه وانتظر ليل انهار
من كثر ما ابچي وأون ملني الجار
كل يوم اگولن جاي وفرشله الدار
ما يهده گلبي ولا عُمُر يهنالي
............

لن ابن حذلم ينعه ردلي بعبره
يصرخ حسين الغالي گطعو نحره
عالرمح راسه وخيل داست صدره
هذا الخفت منه وتحقق تالي

سيد زيد الفحام
__________

محـرم 1443هـ

( ام البنين ع )

ضحيتلك ولدي اربعـه .. تاليك جـثه مگـطعه
لبالي سالـم ترجـع .. لنـك وذر بالمصرع
……………………………
ربـيت ولـدي الاربعـه الخـدمتـك والحـبك
وغذيتهم غيره ووفه يموتون كون بدربك
يحسين علمت الولـد يرحون فدوه الگلبك
خالقـهم الله النصرتك هيچـي ارادت ربك

انطاني ربك منزله .. لجلك اضحي بكربله
فدوه بنيني الاربع .. لنك وذر بالمصرع
……………………………
وصيتـهم گبل السفر يبيضون وجـهي عـندك
يلـزمون ظـهرك بالحـرب ممنوع تبقـه لوحدك
ناس الي طلبت نصرتك بالكوفه تصبح ضدك
يخـونـوك ادري بكربلـه الخـانـو ابـوك وجـدك

وصيت يحسين الولـد .. للموت لجلك تستعـد
بالخطر چنت اتوقع .. لنك وذر بالمصرع
……………………………
وصيت ابني وهـيبتي عـباس غيرت حـيدر
للمـوت گـتلـه بكـربلـه دون الحـسين اتحـظر
ويايمـه ابـشـري گـال الي افديـه بهذا المنحر
مادام اشم اني الهوه عله حسين محد يجسر

وادري الگمر گول وفعل .. هذا النفل وابن النفل
عله اطباع ابوه امطبع .. لنك وذر بالمصرع
……………………………
ولن الخبر من كربله جـابه بن حذلم ينعه
يا اهل يثـرب فاجعـه تحضرولـها بالدمعـه
ابكربله حسين انذبح وذبحو اخوته وربعه
تمنيت اناْ بهذا الخبر طمتني كـون السبعه

هد حيلي يحسين الخبر .. گالولي ضل جسمك وذر
معقوله هذا الاسمع .. لنك وذر بالمصرع
……………………………

تمنيت ميته ولا اجـه بهـذا الخـبر بـن حـذلم
مذبوح راسك من گـفه والگـاع فاضت بالدم
وصدرك حوافر سحگته بخيل اعوجيه تهشم
هذا الاسمعنـه صدگ لـو وهـم لــو اني احـلم

يحسن من عگب الذبح .. راسك يشيلونه برمح
وفوگ الثره اموزع .. لنك وذر بالمصرع
……………………………

ذبحـوك يابعـد الگـلب وزينب مشـو يسبـوها
بالنـار يحسين العــده خـيام الستر حرگـوها
وسكينه چتفوها بحبل شماصاحت يضربوها
وبنتك رقيه عله الجمر حافي شكثر ركضوها

حرگوها يحسين الخيم .. وچتفوها كل ذيچ الحرم
وماصح ولي الهن يفزع .. لنك وذر بالمصرع

الشاعر عقيل الحسناوي..

قصيده بحق ام البنين ع
------------------------

ام البنين تصيح والدمعه بالعـيـن
انه وبنيني شلون مانفدي لحسين
----------------------
اربـع اشـبـول حـيـود مــن كـبـرتهـــم
ينصرون ابـو السجاد بالطـف ردتهــم
الهل موقف وهل يوم انه اذخــرتهـــم
مطلوبه للــزهـراء يـولادي هـالـديــن
-----------------------
ديــن بـــرگـبـتـي شـلــــون لازم ارده
للزهـره هــا يــولاد خـــلـونــي اســده
لاتـتـركــون حسيـن بـالحـومه وحــده
اعـرفـكـم انتـو سباع انـتـم يطيـبـيـــن
-------------------------
عبد الله جعفر عـون صاحت يهل لناس
ويلادي والنعـمـيــن يـا رفعــت الـراس
والاغله من الروح والشمعـه عـبــاس
سمعـو وصيتي زين خاف انتو ناسين
-----------------------
ضحوله فـدوه الروح يـولادي وحموه
بالحـومه وحـده حسيـن لا لا تخـلـوه
والعـمــر للـمـظـلـوم لمـن تـقـدمــــوه
لأمكم فخـر يــولاد بالعــزه مـاشـيــــن
---------------------

عـندي بعـد عـبـاس هــاي الوصـيـــه
زيـنـب تظـل بحـمــاك بـالـغـاضـريـــه
بـيــدك امانـه تصـيـر مــن الـــزچـيـه
توصل عـزيـزه ويـاك فخـر النساوين
--------------------------
ويـاك امـانـه تـروح زينب والعـيــال
لتـقـصـر وحاشاك وبأصعــب الحـال
يايمه ياعـبـاس خاف السفـر طــــال
تبقه وتظل بحماك حـتى الصواويـن
---------------------
ظـلـت تون وتـنـوح بــرض المدينـه
ام البنين هـنـاك تبچـي وحــزيــنـــه
ماتدري طاح شلون حامي الضعينه
ومنفصل راس حسين عن جسمه نصين





الشاعر السيد رياض الرسل الجابري

ميمر في حق ام البنين
.............
طلعت تنادي ام عباس ومن الحزن محنيه
راحت بنيني البيها چنت ارفع راس
آنه الحزينه ام الگمر يا هلناس
دمعي وحسرتي اعله الحسين وعباس
گلبي خلص من النوح راحت هلي امنديه
.............
گامت توصي والدمع عالخدين
يولادي طيحو بالحرب گبل احسين
يا گمر هاشم انته ضحي الچفين
خل جثتك راعي الجود يم النهر مرميه
..................
ربيتك ويومك وصل يمشكر
واعرف وگفتك بالحرب موت احمر
زينب امانه بشاربك بت حيدر
رف العلم يم زينب وانته العلم راعيه
................
ناداها عد عينچ ييمه ابعبره
تتدلل ابزودي العقيله الحره
خل يرتفع راسچ امام الزهره
ياييمه حين اتسمعين چثت الگمر مدميه
..............
نادته اعرفك يا عزيزي الغالي
بيك اكسبت يا ابوالفضل آمالي
وآنه ابوجودك راسي صبح عالي
مابطل اعليك النوح وابچي ابحزن يوميه
...................
خادم الحسين
سيدرضا البوشوكه