📚 24-yanvar — Xalqaro ta’lim kuni!

Bugun — ta’limning beqiyos qadriyat ekanini, uning jamiyat taraqqiyoti va inson kamolotidagi hal qiluvchi o‘rnini yana bir bor anglash uchun muhim sana. Bu kun ilm olishga bo‘lgan intilish, bilimga sadoqat va kelajakka ishonch ramzi bo‘lib, har bir insonni o‘z ustida ishlashga, yangi marralarni egallashga chorlaydi.

❗️Ta’lim — taraqqiyotning yuragi

Ta’lim — inson huquqi, tinchlikning poydevori va barqaror rivojlanishning asosiy kalitidir. U nafaqat bilim beradi, balki mustaqil fikrlash, muammolarni hal qilish va yangi g‘oyalar yaratish qobiliyatini tarbiyalaydi. Ta’lim orqali tengsizlik qisqaradi, iqtisodiy o‘sish ta’minlanadi, madaniy meros asrab-avaylanadi va global muammolarga yechimlar topiladi.

🖥 Raqamli davrda ta’lim va AT’ning o‘rni

Bugun sun’iy intellekt, katta ma’lumotlar, raqamli platformalar va onlayn ta’lim vositalari hayotimizning ajralmas qismiga aylandi. Shu bois AT ta’limi endi alohida fan emas, u yangi avlod uchun asosiy ko‘nikmalar manbaidir. Raqamli savodxonlik, dasturlash, kiberxavfsizlik va AI bilan ishlash zamonaviy mehnat bozori, innovatsiyalar va global raqobatbardoshlikning tayanch ustunlaridir.

🗝 Raqamli kelajakka yo‘l

Yurtimizda ta’limni raqamlashtirish, AT ta’limini rivojlantirish va yoshlarni zamonaviy texnologiyalarga o‘rgatish borasida izchil ishlar olib borilmoqda: raqamli platformalar joriy etilmoqda, AT-maktablar ochilmoqda, dasturlash va robototexnika darslari kengaymoqda. Bu — yoshlarimizni kelajak kasblariga puxta tayyorlashning eng samarali yo‘lidir.

🔗 Bugungi raqamli davrda ta’lim faqat bilim olish bilangina cheklanmay, yoshlarning kelajakni shakllantirishdagi faol ishtirokini ham talab etadi. Shu ma’noda sun’iy intellektni o‘rganish — zamonaviy ta’limning muhim yo‘nalishlaridan biridir. Endi bu yo‘lni “5 million sun’iy intellekt yetakchilari” — aileaders.uz yangi ta’lim platformasi orqali oson va qulay tarzda boshlashingiz mumkin.

Shuningdek, Uzbekcoders.uz, https://it-istedod.uz/online-resources.html va https://100imkoniyat.uz/ saytlari orqali ma’lumotlarga ega bo‘ling hamda ko‘plab bepul kasblarni bepul o‘rganing. Rivojlaning va texnologiyalar dunyosida o‘zingizga yangi imkoniyatlar sari mustahkam qadam qo‘ying!

Sizlarni ushbu muhim sana bilan chin dildan tabriklaymiz! Har bir bilimingiz, har bir loyihangiz va har bir yangi ko‘nikmangiz yurtimizning yorqin kelajagiga xizmat qilsin.

Bilim — nur, ta’lim — qudrat, yoshlar — kelajak!

📩Telegram 📱Facebook 📱 Instagram 📺Youtube 🌐 LinkedIn 🐦 X

📊 TATU “Times Higher Education” fanlar reytingida TOP–1000 talikka kirdi

Buyuk Britaniyaning nufuzli Times Higher Education reyting tashkiloti 2026-yil uchun “World University Rankings 2026 by Subject” — fanlar kesimidagi dunyoning eng nufuzli universitetlari reytingini e’lon qildi.

Mazkur xalqaro reyting natijalariga ko‘ra, Toshkent axborot texnologiyalari universiteti (TATU) O‘zbekiston oliy ta’lim muassasalari orasida yetakchi o‘rinlardan birini egallab, bir nechta muhim yo‘nalishlar bo‘yicha dunyoning TOP–1000 universitetlari qatoridan joy oldi.

TATU natijalari:
– Ta’lim (Education) yo‘nalishi — 601–800 o‘rinlar;
– Muhandislik fanlari (Engineering) — 801–1000;
– Kompyuter ilmlari va dasturlash (Computer Science) — 1001+.

Bu ko‘rsatkichlar TATUda so‘nggi yillarda raqamli texnologiyalar, muhandislik va IT ta’limini rivojlantirish, zamonaviy o‘quv dasturlari, ilmiy tadqiqotlar va xalqaro hamkorlikka berilayotgan alohida e’tiborning amaliy samarasini yaqqol namoyon etadi.

Shuningdek, reytingdan yana uchta O‘zbekiston OTMlari ham o‘rin oldi:

– TIQXMMI Milliy tadqiqot universiteti — tabiiy fanlar va muhandislik yo‘nalishlari;
– O‘zbekiston Milliy universiteti — tabiiy fanlar;
– Toshkent davlat texnika universiteti — tabiiy va muhandislik fanlari.

Ma’lumot uchun:
Times Higher Education reytingi universitetlarni 11 ta asosiy yo‘nalish va 148 ta fan kesimida baholaydi.

📩Telegram 📱Facebook 📱 Instagram 📺Youtube 🌐 LinkedIn 🐦 X

🛂 26-yanvar — Davlat bojxona xizmati organlari xodimlari kuni

Raqamli texnologiyalar vazirligi 26-yanvar — Davlat bojxona xizmati organlari xodimlari kuni munosabati bilan yurtimiz iqtisodiy xavfsizligini ta’minlash, davlat chegaralarida qonuniylik va tartibni mustahkamlash yo‘lida fidokorona xizmat qilayotgan barcha bojxona xodimlarini samimiy tabriklaydi.

Sizlarning mas’uliyatli va sharafli mehnatingiz mamlakatimiz taraqqiyoti, tashqi savdo aloqalarining rivoji hamda davlat manfaatlarini ishonchli himoya qilishda muhim o‘rin tutadi.

Ushbu kasb bayrami munosabati bilan barchangizga mustahkam sog‘liq, oilaviy farovonlik, xizmat faoliyatingizda ulkan muvaffaqiyatlar va yuksak marralar tilaymiz.

Bayramingiz muborak bo‘lsin!

📩Telegram 📱Facebook 📱 Instagram 📺Youtube 🌐 LinkedIn 🐦 X

☄️ Kadastr pasportini onlayn rasmiylashtiring!

👨‍💻 Hozirgi kunda kadastr pasportini hech qayerga bormasdan, navbatlarda turmasdan onlayn rasmiylashtirish mumkin.

💁🏻‍♂️ Buning uchun:

🗄 my.gov.uz portalida roʻyxatdan oʻtish;
🗄 “Kadastr” boʻlimidan tegishli xizmatni tanlash;
🗄 kerakli maʼlumotlarni toʻldirib, ariza yoʻllash kifoya.

🪪 Ushbu xizmatdan foydalanish uchun qoʻl ostimizda koʻchmas mulkka boʻlgan huquqlarni tasdiqlovchi hujjat boʻlishi lozim.

📱 Murojaat koʻrib chiqilgach, talabgorga my.gov.uz orqali elektron shakldagi kadastr pasporti taqdim etiladi.

🏠 Ko'chmas mulk va ko‘chmas mulkni ro‘yxatdan o‘tkazish bilan bog'liq boshqa xizmatdan foydalanish uchun havola: https://my.gov.uz/uz/spheres/2#132

📩Telegram 📱Facebook 📱 Instagram 📺Youtube 🌐 LinkedIn 🐦 X

❗️Telekommunikatsiyalar xizmatlarini ko‘rsatishda abonentlarga qulayliklar kengaytirildi

Telekommunikatsiyalar xizmatlarini ko‘rsatish qoidalarining yangi tahriri davlat ro‘yxatidan o‘tkazildi.

✅ Ushbu hujjatda telekommunikatsiyalar xizmatlarini ko‘rsatishda fuqarolarga qulayliklar yaratishga qaratilgan quyidagi bir qator yangiliklar belgilandi.

⏭️ Jumladan, mobil aloqa abonentlari shaxsiy hisobida mablag‘ xizmat ko‘rsatishni davom ettirish uchun yetarli bo‘lmaganda mobil aloqa operatori va abonent o‘rtasida tuzilgan shartnomani bekor qilish (mavjud bo‘lmagan raqam holatiga o‘tkazish) muddati 2 oydan 1 yilga uzaytiriladi.

📑 Abonentlar amaldagi tarif rejasini istalgan boshqa tarif rejasi bilan bepul almashtirishi mumkin bo‘ladi (bundan muayyan guruh yoki ma’lum cheklangan hudud uchun ishlab chiqilgan alohida tarif rejalariga o‘tish mustasno).

⌛️Amaldagi tariflar shartlari o‘zgarganda, abonentlar bu haqda kamida 15 kun oldin ommaviy axborot vositalari, rasmiy veb-sayt yoki SMS xabarnomalar orqali majburiy tartibda xabardor qilinadi.

🔗 Aholiga qo‘shimcha qulaylik yaratish maqsadida, xizmat ko‘rsatish punktiga kelish imkoniyati bo‘lmagan fuqarolar uchun yashash joyiga borish, olis va yetib borish qiyin bo‘lgan aholi punktlarida sayyor mobil aloqa xizmatlarini ko‘rsatish yo‘lga qo‘yiladi.

📩Telegram 📱Facebook 📱 Instagram 📺Youtube 🌐 LinkedIn 🐦 X

📢 Hurmatli fuqarolar va tadbirkorlar

📆 2026-yil 30-yanvar kuni soat 15:00 da Toshkent viloyati Nurafshon shahri “Yangiobod” MFY “Cyber university” davlat universitetining 5-qavat zalida Raqamli texnologiyalar vazirligi rahbariyatining raqamli texnologiyalar xizmatlariga oid sayyor qabul yig‘ilishi o‘tkaziladi. Sizni mazkur yig‘ilishga taklif etamiz!

✔️ Bu yig‘ilishda quyidagi masalalar yuzasidan o‘z savollaringizga javob olishingiz mumkin:
🫥IT ta’lim va IT yo‘nalishidagi o‘quv markazlari faoliyati;
🫥IT-Park rezidentligi maqomini olish va soliq imtiyozlari;
🫥IT va logistika kompaniyalari uchun imkoniyatlar;
🫥Sun’iy intellekt.
🫥Internet xizmati;
🫥Mobil aloqa;
🫥Telekommunikatsiya;
🫥Pochta xizmati;

✔️ Shu bilan birga, o‘z fikr-mulohaza va takliflaringizni bildirish, mavjud muammolarni vazirlik vakillari bilan bevosita muhokama qilish imkoniyatiga ega bo‘lasiz.

Yig‘ilish tafsilotlari:
📍Toshkent viloyati, Nurafshon shahri “Yangiobod” MFY “Cyber university” davlat universiteti binosi
📆 Vaqt: 2026-yil, 30-yanvar, soat 15:00

📩Telegram 📱Facebook 📱 Instagram 📺Youtube 🌐 LinkedIn 🐦 X

⚡️ Hurmatli Davlat feldyegerlik xizmati xodimlari!

O‘zbekiston Respublikasi Davlat feldyegerlik xizmati tashkil etilganining 34-yilligi munosabati bilan Sizlarni samimiy muborakbod etamiz!

O‘tgan 34 yil davomida Davlat feldyegerlik xizmati davlatimiz xavfsizligi va barqaror faoliyatini ta’minlashda muhim va mas’uliyatli vazifalarni sharaf bilan ado etib kelmoqda. Mazkur xizmat har bir topshiriqda aniqlik, maxfiylik va ishonchlilik tamoyillariga qat’iy amal qilgan holda, davlat boshqaruvi tizimining ajralmas bo‘g‘iniga aylangan.

Axborot texnologiyalari jadal rivojlanayotgan bugungi davrda ham Davlat feldyegerlik xizmati o‘ziga xos betakror o‘rni, yuqori mas’uliyat va sadoqatga asoslangan faoliyati bilan alohida ahamiyat kasb etmoqda. Sizlarning mashaqqatli va sharafli mehnatingiz davlat manfaatlari yo‘lida xizmat qilayotgan fidoyilik maktabidir.

Hurmatli xizmat xodimlari! Sizlarga mustahkam sog‘liq, xizmat faoliyatingizda yuksak natijalar, oilalaringizga tinchlik va farovonlik, Vatan ravnaqi yo‘lidagi mas’uliyatli xizmatlaringizda ulkan muvaffaqiyatlar tilaymiz.

Davlat feldyegerlik xizmati tashkil topgan kun muborak bo‘lsin!

📩Telegram 📱Facebook 📱 Instagram 📺Youtube 🌐 LinkedIn 🐦 X