Rəsmi məzənnələr açıqlandı

03.02.2026 tarixindən etibarən

1 USD - 1.7000

1 EUR - 2.0076

100 RUB - 2.2193

1 TRY - 0.0391

"Hindistan Rusiya neftinin alınmasını dayandırmağa razılaşıb"

Hindistan Rusiya xam neftindən imtina edərək Venesuela və ABŞ-dan neft idxal edəcək. ABŞ da Rusiya neftinin alınmasını dayandırmaq vədinin müqabilində Hindistan mallarına tarifləri endirəcək.

Ətaflı: https://marja.az/133815/hindistan-rusiya-neftinin-alinmasini-dayandirmaga-razilasib

Hava şəraitinin dəyişəcəyi ilə bağlı xəbərdarlıq - BAKIYA QAR YAĞACAQ

Milli Hidrometeorologiya Xidmətinin məlumatına əsasən fevral ayının 4-dən 7-dək Bakıda və Abşeron yarımadasında hava şəraitinin fasilələrlə yağıntılı olacağı, 4-də ayrı-ayrı yerlərdə intensivləşəcəyi gözlənilir.

Fevralın 4-ü gün ərzində və 5-i gecə bəzi yerlərdə yağışın sulu qara, qara keçəcəyi ehtimal olunur.

Azərbaycanın rayonlarında fevralın 3-ü axşamdan 5-i gündüzədək hava şəraitinin arabir yağıntılı olacağı, bəzi yerlərdə qar yağacağı, ayrı-ayrı yerlərdə yağıntının intensivləşəcəyi gözlənilir.

Fevralın 4-dən 7-dək bəzi dağlıq və dağətəyi rayonlarda yollar buz bağlayacaq. Ölkə ərazisində havanın temperaturu ötən günlərlə müqayisədə tədricən 5-10 dərəcə aşağı enəcək.

Ermənistan Rusiya ilə birgə Türkiyə və Azərbaycana gedən dəmir yollarını bərpa etməyə ümid edir

Ermənistan mediası xəbər verir ki, bu barədə ərazi idarəçiliyi və infrastruktur naziri Davit Xudatyan mətbuat konfransında bildirib.

Onun sözlərinə görə, Ermənistan İcevan və Axurik istiqamətlərində dəmir yollarında aparılacaq işlərlə bağlı Rusiyayla danışıqları davam etdirir.

“Bizim anlayışımız budur ki, qeyd olunan ərazilərdə bərpa işləri Rusiya tərəfinin birbaşa iştirakı ilə birgə həyata keçiriləcək”, — nazir qeyd edib.

Fevralın 4-də gözlənilən hava şəraiti

Milli Hidrometeorologiya Xidmətinin məlumatına əsasən Bakıda və Abşeron yarımadasında arabir yağıntılı olacağı, bəzi yerlərdə intensivləşəcəyi gözlənilir. Ayrı-ayrı yerlərdə sulu qara, qara keçəcəyi ehtimalı var. Güclü şimal-qərb küləyi əsəcək.

Havanın temperaturu gecə və gündüz 1-5 dərəcə isti olacaq. Atmosfer təzyiqi 758 mm civə sütunundan 767 mm civə sütununa yüksələcək. Nisbi rütubət 80-90 % təşkil edəcək.

Azərbaycanın rayonlarında bəzi yerlərdə arabir yağıntılı olacağı, qar yağacağı gözlənilir. Ayrı-ayrı yerlərdə intensiv olacağı ehtimalı var. Bəzi yerlərdə arabir duman olacaq. Qərb küləyi ayrı-ayrı yerlərdə arabir güclənəcək.

Havanın temperaturu gecə 2-6, gündüz 7-12 dərəcə isti, dağlarda gecə və gündüz 2 dərəcə şaxtadan 3 dərəcəyədək isti olacaq.

"Ağ şəhər"də ağac kəsilməsi ilə bağlı cinayət işi açılıb, 2 nəfər saxlanılıb

Bakıda "Ağ şəhər" ərazisində ağac kəsilməsi faktı üzrə cinayət işi açılıb.

Bu barədə DİN-in Mətbuat Xidmətindən bildirilib.

Qeyd edilib ki, ağac kəsilməsi faktı üzrə Xətai Rayon Polis İdarəsində Cinayət Məcəlləsinin müvafiq maddəsi ilə cinayət işi başlanılıb. Həmin əməli törətməkdə şübhəli bilinən iki nəfər saxlanılaraq məsuliyyətə cəlb olunub. Aidiyyəti üzrə ekspertizalar təyin edilib.