#رئيسيه قصيدة (من علامات العزاء)

هاي وحدة من علامات العزاء
فاطمة تنشر قميصة بالسماء
تنشرة ومنگع دمة،،،وبيه علامات الضمه
خل نواسي فاطمة،،، من علامات العزاء
____________________
فاطمة تلزم قميصة تشمة وتنشرة
بالسمه ودمعتهة تنزل عالوجن حمرة
بيا ذنب مذبوح أبنها ومزگو نحرة
بيا ذنب خيل أعوجية تسحگ بصدرة

تنادي يبني فاطمة وتبچي وتلوع
شلون تلطم هية مكسورة الضلوع
على خدهه المنسطر،،،تلطم وفوگ الكسر
والضلع ماينجبر،،، من علامات العزاء
_____________________
والأثر لسه بقميصة الشگگة الحافر
شوفته تلچم ضلعهة وتكسر الخاطر
تدري بالحافر لأبنها چم ضلع كاسر
عجنته أخيول أل أمية بهالوصف صاير

بعينهة المسطورة ياوادم تشوف
فوگ جسم وليدهة هوسة السيوف
شافتة مگطع وذر،،،من أجدامة للنحر
وخنصر أيمينة أنبتر،،، من علامات العزاء
______________________
بالسمة وشهگت تشوف أتمادة سلابة
عالرمل عاري تنظرة وماهن أثيابة
چم وحش بالطف أجاه مكشر أنيابة
من تگنطر كلهة هجمت مثل الذيابة

أنشلت أيد ال بالحجر شگ الجبين
بالسمة من النحر تسمع ونين
بالعطش يهمس همس،،، وتصهر بجسمة الشمس
النعمة تالي تنرفس،،،من علامات العزاء
______________________
حين شافت راس أبنها أنفصل عن جسمة
تصيح ياذباحة كافي الخنجر ايلچمة
عالرمح علگو راسة السابح بدمة
چانت بموضع ذبحتة تبوسة وتشمة

يامصيبة أشد من هذا المصاب
راسة فوگ وجسمة دامي عالتراب
وجهة بتراب ودمة،،، منصبغ يافاطمة
النار وسط أمخيمة،،،من علامات العزاء
______________________
أمصيبة ماصارت مثلهة ولا سمعناها
نموت مانحمل ألمها لون شفناها
شصار بالله بگلب زينب محد وياها
وهية صورة وصوت ويلي تشوف بلواها

أگبال زينب هذا كله الصار بيه
حيرة تبقة ويالحرم تركض عليه
أنسبت كل العايلة،،، آه منچ كربلة
طشروهم بالفله،،،من علامات العزاء
______________________
تنظر الظعن الهواشم مابقة والي
عالرمح راس أبو فاضل والرمح عالي
تصيح هسة منين أجيبة راح كفالي
عالهزل مچتوفة أختة ينظر الحالي

زينب تنادي ييمة راح أخوي
راح أليباري المحامل وأبن أبوي
حين حرگو خيمتي،،، أحترگ هودج ناگتي
يمة غربة غربتي،،،من علامات العزاء
________________________
✍️حسين حمدان الدلفي

#قصائد محرم



https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء