#السيده_خديجه

بمناسبة وفاة ام المؤمنين السيده خديجه رضوان الله عليها

لا تروحين.... شلي بحياتي
لا تروحين.... عقبج مماتي
صعبه حياتي بدونج ييمه لا تروحين

ازغيره يمه أعله اليتم وماكو رحمه بدنيتي
من جمالج بيتي خالي وصفت صعبه حالتي
والدي ينوح أعله نوحي ونوب يمسح دمعتي
عايشه الغربه بمماتج عني غابت بسمتي

صعب الفراگ.... ويهدم الحيل
صعب الفراگ.... ومطول الليل
بعيني مكانج خالي ييمه لا تروحين

&&&&&&&&&&&&&&&&&&&&&&&

بعازة حنانج والوفى والدنيه صارت ظلمه
دهري كسر گلبي وانه محرومه كلمة يمه
والحاله الأصعب والدي انظرله غاطيه همه
صوب مراميه الدهر اهمومه علي ملتمه

عام الحزن.... بسمج تسجل
عام الحزن.... اعليه تعجل
صوبني دهري بغيابج ييمه لا تروحين

&&&&&&&&&&&&&&&&&&&&&&&
يمه من بعدج حياتي كلها اهات وجروح
حزن شو صارت شسوي وين انوي ووين اروح
گصرت ايامي بعدكم راح تكضي يمه نوح
ضلع متهشم اشوفه ودمه عالتعبه سفوح

حزن والآم.... اقضي سنيني
حزن والآم..... صفعه بعيني
يطگون ضلعي بروحتج ييمه لا تروحين

&&&&&&&&&&&&&&&&&&&&&&&
غابت انوارج ييمه وحلت بداري المصايب
المن اشكيها محنتي والسعد يايمه غايب
والزمان اندار بيه وحلت آهات ونوايب
زغيره انه بعمري يمه وراسي من الحزن شايب

صعب فرگاج.... فتح بيبان المصيبه
صعب فرگاج.... فرگة الخل وحبيبه
أهمل دمع ويه الدمه ييمه لا تروحين

&&&&&&&&&&&&&&&&&&&&&&&
اليتم ناره بضلوعي تسري يمه بكل زمان
والدي اسمع يكلي ينكسر ضلع الحنان
گلي فاطم بويه باجر ينسلب كل الامان
الحطب بالباب يسعر والدمه تملي المكان

يا حنانج..... گلبي مالوم
يا حنانج..... اتنفس اهموم
راواني يا دهري العجب ييمه لا تروحين

تمت بعون الله
خادمة الزهراء /ليلى زغيب

الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin