#واعلياه~
الوداع الاخير وامير المؤمنين ع على فراش الموت~
لحن قلب امك يا بني مفتت♪*
حيدر يمّه ٱولاده ينوحون
ونّة ونّة بگلبِ المحزون
تعاين حيدر بفر اش الموت
تبچي الوالي بمدمع العيون
❀❀❀❀❀❀❀
واحد يمه يحبّ ايدينه
الثاني يمسح فوق جبينه
وحيدر يمهم فتّح عينه
وزينب تشوفه ومغطينه
❀❀❀❀❀❀❀
تگله صعبه اشوف المنظر
اگبالي راس الوالي مطبّر
وجه مخطوف لونه اصفر
سالم ردته بويه حيدر
خادمة آل محمد✍

#واعلياه~
*الوداع الأخير بين زينب وابيها ع ~لحن اسمع عتابي ~*
زينب أميرة~ حيرتها حيرة
ودّعها حيدر~النظرة الأخيرة

گال الها اصبري~ ودمعاته تجري
گالته ابويه~ اخذ مني عمري

اخذ مني روحي~ وبلسم جروحي
تدريني بعدك~ بونّي ونوحي

اه اه جواب امير المؤمنين ع لـ زينب~
تنتظرك جروح~ لا تزيديِ النوح
بالطف رزايا ~ تفجعلك الروح

تشوفي العجايب~ وكل الحبايب
كلهن ذبايح~ فوق الترايب

وتعايني حسين~ محزوز الــِ وْتِين
وعباس اخوچ ~ وبلا يا چفين

وابن امچ ذبيح~ ودم نحرهِ يسيح
وبلا يا اكفان~ يا زينب طْريح

وتشوفي الـِ خيول~ عا صدرهِ تجول
تسحق ضلوعه ~ والوالي مقتول
خادمة آل محمد ✍🏻

#واعلياه ~
*وداع الجنازة~ لسان حال زينب تخاطب من شالوا جنازة ابيها امير المؤمنين ع* لحن الجفيري
ريّض يا دفّان الولي
لا تشيله نعشه للولي
خلينه اودعنّه علي
النظره الأخيرة وگلبي ذاب
〰〰〰〰〰〰
خلينه اشدّ عصابته
واعدل لـ بويه عمامته
جرح الولي في هامته
لا تدفنه تحت التراب
〰〰〰〰〰〰〰
لاجله الخدود اللاطمه
ودّعني راح لـ فاطمه
جرح الرأس ينزف دِمه
صواب الجرح في گلبي صاب
〰〰〰〰〰〰
ادفني يمّه بالگبر
ما ريده بعده هالعمر
ما ينحمل جرح الصبر
راحل ابويه وگلبي ذاب
خادمة آل محمد✍🏻

#واعلياه ~
*وداع الجنازة~ لسان حال زينب تخاطب من شالوا جنازة ابيها امير المؤمنين ع* لحن الجفيري
ريّض يا دفّان الولي
لا تشيله نعشه للولي
خلينه اودعنّه علي
النظره الأخيرة وگلبي ذاب
〰〰〰〰〰〰
خلينه اشدّ عصابته
واعدل لـ بويه عمامته
جرح الولي في هامته
لا تدفنه تحت التراب
〰〰〰〰〰〰〰
لاجله الخدود اللاطمه
ودّعني راح لـ فاطمه
جرح الرأس ينزف دِمه
صواب الجرح في گلبي صاب
〰〰〰〰〰〰
ادفني يمّه بالگبر
ما ريده بعده هالعمر
ما ينحمل جرح الصبر
راحل ابويه وگلبي ذاب
خادمة آل محمد✍🏻

#واعلياه~ نعي ليلة الضربة
زينب ترى رأس ابيها وتتحسر على مصابه~
لحن جاوبني يا علي~
فجعتني طبرته
من انظر لـ هامته
يا خويه يالحسن
عظيمة محنته

المصيبه مؤلمه
راسه ينزف دِمه
مشدودة عصابته
شفته دمعي هِمه

ليش اسمع هالونين
يتألّم أبو حسين
لا تگلي ابونه راح
وگلبي انجرح جرحين

(مشهد تصويري )وكأني بـ زينب مرتبكه محتاره تنظر لأبيها من وراء الستار وتصفق كفيها~
صدق عنه يشيل
الليله حامي الدخيل
عسى سالم يگوم
ويمسح دمعي اليسيل

خادمة آل محمد✍🏻

#واعلياه~
*(يا اهل العزاء مصاب امير المؤمنين ع في هذه ليالي القدر الحزينة نواسي دماة زينب ام المصائب التي تحملنا بأحزانها وعبراتها الى كربلاء هناك رأت رأسا قد طُبر~ نحرا قد نُحر وهنا ترى رأس ابيها وهامته قد شُقت ودماءه قد نزفت وله الأملاك قد أعولت وشاركت زينب بمصابها واويلاه واحيدراه واويلاه واحسيناه~.الله يساعد قلب زينب في محنتها~*
بحر طويل~ اطوار الملا عبد الحي قنبر~
زينب تبكي لمصابين وابوها منحفر گبره~
اتوسّد حيدر بلحده وفي راسه أثر طبره~
حسين بكربله مذبوح حزوا هالعدا نحره~
ثلاثة بلا دفن عاري مسلّب ثوبه وعمامه
〰️〰️〰️〰️〰️〰️
تعاين طبرة الكرار وتذكر كربلا وعاشر
رزياها تهدّ الحيل وگلبها عالأهل صابر
بمحرابه الولي مطبور يعني حسين بلا ناصر
يعني مثلث بگلبه صوّب حيدر بهامه
〰️〰️〰️〰️〰️〰️
بعد هنا المصيبة امتدادا لكربلا ~
وبليلة قدر زينب جرّت للسبي أذيال
للطف تستعد لليوم بايديها قيود احبال
وبطيحة ابوها اليوم زينب تنسبي بالحال
من فوق الهزيله تنوح واخوها طحنوا عظامه
حسين صح ونادي حسين يا حسين~
خادمة آل محمد ✍🏻

#واعلياه~
*مرض امير المؤمنين ع*
*سؤال مولاتنا زينب ع للحسن والحسين ع؟؟؟؟*
عن حاله الطبيب شگال صدق جرحه بعد ما طاب
يخوفي السم جرى بجسمه وعنا يشيل داحي الباب
خبرني عن احواله بصوابه الگلب منصاب
طمّني الولي وضعه أبويه حالته صعبه؟؟؟
〰️〰️〰️〰️〰️〰️
الحسن لاخته يدير العين وگال الها الوضع مو زين
جرحه مو سهل يختي وصعبه حال ابو الحسنين
جبينه والوجه اصفر وبدمه ينزف بجرحين
طبيبه مأيّس بحاله ويشد عصابه عالضربه
〰️〰️〰️〰️〰️〰️
*صاحت زينب ويلاه ما الذي اسمعه اخي حسن اخي حسين هل أشرف على المنية؟؟؟؟*
لحن الجفيري~
صاح الحسن صاح الحسين
كفّي يا زينب هالونين
شدي العصابه عالجبين
واصبري يا زينب عالمحن
〰️〰️〰️〰️〰️〰️
مو تسمعين وصيّته
لو ابونه حانت موتته
ولو يدفنونه بحفرته
لا تسكبي دموع الحزن
〰️〰️〰️〰️〰️〰️
لو شفتي ينعاه الطبيب
خلي دموعچ عالغريب
نوحي على الشيب الخضيب
ولا تحبسي دمع الجفن
〰️〰️〰️〰️〰️〰️
خادمة آل محمد ✍🏻

#واعلياه
*وصية الامام علي ع لابنته زينب ع* لحن اسمع عتابي~
صعبه الوصيه~ بهاي المسيه
صبرچ يا زينب~ في هالرزيه

تشوفي الرزايا~ وكل البلايا
وبالطف تشوفي ~ اخوتچ ضحايا

بعاشر محرّم~ گلبچ تألّم
تشوفي المآسي~ ونار المخيم
بعد
الله يعينچ ~ يِذبحوا حسينچ
وتشوفي راسه~ ويعلا ونينچ

إي والله صعبه ~ مثلث بـ گلبه~
عالغبره مطروح~ ويناجي ربه

توسّد الغبره~ وجروحه كثره
غسله بـ دمه~ ويحزوا نحره

تشوفي العجايب~ ومل النوايب
وبالكوفة والشام~ سبي الأطايب

لا مو اميرة~ ست العشيره
مسبيه للشام~ صعبه وچبيره

خادمة آل محمد✍🏻

#واعلياه
*حزن زينب ع على فقد ابيها امير المؤمنين ع*
الله يساعد گلب الحورا
بفرگة ابوها تعيش بحسره
عگب اللمّه وذيچ العشره
خالي الدار وتجري العبره
ابويه بويه بويه بويه
〰️〰️〰️〰️〰️〰️
بعد الوالي منهو ليها
تفقد عزها راح وْلِيها
تجري العبره اويلي وتنوح
راح الغالي اويلي عليها
ابويه بويه بويه بويه
〰️〰️〰️〰️〰️〰️
خادمة آل محمد ✍🏻
https://tttttt.me/kadimatAlmouhamad

#واعلياه~ صرخة زينب واعلياه ~ حين ودعها امير المؤمنين ع \لحن قلب امك. يبني مفتت للشيخ الجفيري
تودّع زينب ابوها الغالي~
راح الصنديد راح الوالي~
الليله حيدر ودّع أهله~
نوره من محرابه خالي~
بويه بويه بويه بويه²
〰️〰️〰️〰️〰️
ما اگدر انظر بويه الطبره~
تسكن لحدك وانه بحسره~
لا تودّعني يا بو الحسنين
لا ما تنشف هاي العبره~
بويه بويه بويه بويه²
〰️〰️〰️〰️〰️
خادمة آل محمد ✍🏻
https://tttttt.me/kadimatAlmouhamad

#واعلياه ~ حين وداع امير المؤمنين ع لأهل بيته وأولاده~
حيدر يمهم ويدير العين
يجذب ونّه أبو الحسنين
وجه اصفر من الطبره
ومن آلام يجذب الِوْنين
حيدر حيدر حيدر حيدر²
〰〰〰〰〰〰
تعاين زينب بْراسه الطبره
وتخفي الونّه وتجذب حسره
شلون تودْعَه بهذا الوداع
احتارت زينب تخفي العبره
〰〰〰〰〰〰
تصدله ووجه لونه اصفر
وفوق عمامه الدم الأحمر
ما اگدر بويه انظر جرحك
الراس اگبالي بويه مطبّر
خادمة آل محمد✍🏻

#واعلياه~ مولاتنا زينب حين شالو كا نعش أبيها~
من شالو نعش حيدر گامت زينب تْنِظْره~
مفجوعه تودعنّه وجفنها يجريِ العبره~
صاحت في أمان الله وگلبها ٱتفتّت بحسره~
الله وياك يالغالي منهو ليّه من بعدك~
〰️〰️〰️〰️〰️
دارت عالنعش تنحب وتنادي يا يبو الحسنين ~
خليني امسح بچفي على جرحك ينور العين~
من بعدك تيتّمنه بشهر الله خذاك البين
يالوالي تفارگنه وتسكن بويه في لحدك~
خادمة آل محمد ✍🏻

#واعلياه~ زينب ع تخاطب حاملين نعش أبيها أمير المؤمنين ع/ لحن اسمع عتابي~

نعشه ولينه ~ يالشايلنه
تحت الترايب~ لا تدفنونه

خليني اودْعَه ~ وبعيني دمعه
النظرة الأخيرة~ وصوتي يِسِمْعه

عا فراگه ما ٱگدر ~ وگلبي تفطّر
بوداعة الله ~ بويه يا حيدر

دارك خليّه ~ وظلمه المسيه
يابويه ترحل ~ وانه بعزيه
خادمة آل محمد ✍🏻

#واعلياه
*الليالي العلوية /واشهيداه*
اجتْ لهِ الحرّه~ ولن شافت الطبره
العصابه براسه ~ تجري الدمع عبره

ليش الوجه أصفر~ وراس الولي مطبّر
متغيّر احواله ~ اسم الله على حيدر

گاللها يا زينب~ عندچ محن اصعب
بكربله تنتظرچ~ هناك العزا ينصب

فوق الهزل تمشين~ ودمع الجفن صوبين
وحسينچ المطروح~ بلا غسل ولا تكفين

وتودعي الخوّان ~ وترافگي العدوان
وتروحي سبيه~ وخيّچ على التربان

تگله يا حامي الجار ~ هذا الدهر غدّار
يا بويه لا ترحل ~ تعوفّنه للأخطار
خادمة آل محمد✍🏻

يَا ضَيْ عِينِي وْمَايِ الْعِينْ إِلْمَنِ تْعُوفِ الْعَقِيلَه
لَا تِفْجَعْنِي يَا بُو حْسِينْ عَلِي يَا حَامي دِخِيلَه
عَنِّي مْسَافِرْ رَايِحْ وِينْ فَرْگِتَكْ بُويَه ثِجِيلَه
بِيشَ اتْصَبَّرْ وَآنَه مْنِينْ أَلْگَه حِيلَه لُو وَسِيلَه
جَرْحَكْ صَعُبْ يَا كَرَّارْ......مَگْدَرْ أَصِدْ لِيهْ
سِيفِ الْعَدُو بْرَاسَكْ غَارْ...خَلِّينَي اغَطِّيهْ
بِعْيُونَكِ الْحِلْوَه هَجُرْ
وِالنُّومَه بَاچِرْ بِالْگَبُرْ
يَا بُويه وِيلاهْ...
---------------‐-‐-------------------
بُويَه شْحَالِي لُو يِنْشَالْ نَعْشَكِ الْيِهْدِمْ كَيَانِي
نَعْشَكْ هَاذَه يْرِيدِ جْبَالْ ألله يِنْطِيهُمْ خَوَانِي
مِنْ تِمْشِي شِيْصِيرِ بْحَالْ زِينَبَكْ بَعْدَكْ تِعَانِي
تَالِي بْچَفِّي تْشُوفِ حْبَالْ أَنْسِبِي وْيَاهُو الْسِبَانِي
نَفْسَه الْيِحِزْ نَحْرِ حْسِينْ...يِسْبِينِي عَالنُّوگْ
فُرْجَه أَصِيرِ وْچَمْ عِينْ....تِخْزِينِي بِالسُّوگْ
فُوگِ الْهِزِيلَه بِالْيِسُرْ
بِمْتُونِي يِضْرُبْنِي الشِّمُرْ
يَا بُويه وِيلاهْ...
---------------‐-‐-------------------

#واعلياه
#الليالي_العلوية
https://tttttt.me/Hassankhanafer

بِالْكُوفَه شْصَارِ بْهَاللِّيلَه بِالْكُوفَه شْصَارْ
قُرْآنِ وْيِنْزِفْ تَرْتِيلَه بِالْكُوفَه شْصَارْ
عَالْغَبْرَه طَايِحْ وَالِينَه
يِتْفَايَضْ بِالدَّمِّ جْبِينَه
----------------------------------
حِيدَرْ مَطْبُورِ عْلَه الْهَامَه حِيدَرْ مَطْبُورْ
لِمْصَابَه نَاحَتْ أَيْتَامَه حِيدَرْ مَطْبُورْ
الله يْسَاعِدْ بِنْتِ الزَّهْرَه
لُو صَدَّتْ زِينَبْ عَالطَّبْرَه
----------------------------------
يِنْشَالِ شْلُونِ لْمَا يُوگَعْ يِنْشَالِ شْلُونْ
يَا مَتْنِ الْيِحْمِلْ هَالْمَصْرَعْ يِنْشَالِ شْلُونْ
طَاحِ الْكَرَّارِ بْمِحْرَابَه
وِانْهَدَّتْ أَرْكَانَ احْبَابَه
----------------------------------
يَالْهَادِي گُومِ تْعَنَّالَه يَالْهَادِي گُومْ
عَايِنْ بِدْمُوعَكْ أَحْوَالَه يَالْهَادِي گُومْ
هَمْ جِيبِ الْمَظْلُومَه الْبَضْعَه
خَلْ تِذْرِفْ يَمْ رَاسَه الدَّمْعَه
----------------------------------

#واعلياه
#الليالي_العلوية
https://tttttt.me/Hassankhanafer

گَلُبْ   بِتْ   عَلِي   هَالْمِسِيَّه   يِوِجْ   نَارْ
صِدِگْ   مَا   يِرِدْ   حِيدَرِ   بْحِيلَه   لِلدَّارْ
صِدِگْ بِالْغَدُرْ  صَوِّبَوْ  رَاسَ  ابُو  حْسِينْ
شِنُو اصَّارْ يَخُوتِي عْلَه ابُونَه شِنُو اصَّارْ
وِصَلْ لَمَّنْ شَافِتَه...بْدَمِعْ زِينَبْ نَادِتَه
چَنَّكْ مَحْنِي...بُويَه بُويَه
مِنُو خَضَّبْ شِيبِتَكْ...مِنُو يَتَّمْ عِيلِتَكْ
وْذَبَّلْ غُصْنِي...بُويَه بُويَه
عَلِي فُكْ عِينَكْ إِلِي...صَعُبْ فَگْدَكْ يٰا عَلِي
لَا تِفْجَعْنِي...بُويَه بُويَه
يِتِيمَه  بْلَا  أُبُو   وْلَا   أُمْ   تِخَلِّينِي
وْتِظَلْ بَسْ لِلْمَنَاحَه يَا عَلِي سْنِينِي
لِحَدْ  مَا  كَرْبَلَه   عَالنَّاگَه   تِسْبِينِي
---------------‐-‐-------------------
بَعَدْهَه بْدِلِيلِي  وِسَفْ  عَصْرَةِ  الْبَابْ
وْلَطُمْ أُمِّي عَالْخَدْ أَبَدْ لَا  تِظِنْ  طَابْ
عَجَبْ تَالِي أَنْظُرْ أَبُو الْحَمْلَه مَطْرُوحْ
عَفِيرِ وْخُطَفْ لُونَه يَا وَسْفَه الِمْصَابْ
مُطَرْ بِعْيُونِي الدَّمِعْ...جَرِحْ رَاسَكْ وِالضِّلِعْ
هَدَّمْ حِيلِي...بُويَه بُويَه
عَلَى فْرَاگَكْ أَنْجِرِحْ...جَرِحْ يِلْچِمْلِي جَرِحْ
وَاسْهَرْ لِيلِي...بُويَه بُويَه
عَلَى الْوَنَّه وِالْحِزِنْ...يَضَيْ عِينِي وِالْجِفِنْ
لَا تُومِيلِي...بُويَه بُويَه
عَفَه صَبْرِي شْكِثُرْ يِحْمِلْ غُصَصْ وَآلَامْ
أَبَارِي   عِيلِتِي    وْبَاچِرْ    أَلِمَّ     ايْتَامْ
لَوَنْ  تِنْظُرْنِي  مِحْتَارَه  بْطَرِيقِ  الشَّامْ
---------------‐-‐-------------------

#واعلياه
#الليالي_العلوية
https://tttttt.me/Hassankhanafer

يَا گَبُرْ جِيتَ احَاچِيكْ
أَبْچِي عَالْرَاحْ وَابَچِّيكْ
وِبْعَلِي أَرْدَ اوَصِّيكْ...وِبْعَلِي أَرْدَ اوَصِّيكْ
---------------‐-‐-------------------
يَا گَبُرْ آنَه غَرِيبِ الْغَاضِرِيَّه
آنَه الِحْسِينِ الذَّبِيحِ ابْنِ الزِّچِيَّه
ضِيفَكِ اللِّيلَه عَلِي حَامِي الْحَمِيَّه
خُوفِي لَا تِلْچِمْ جَرِحْ رَاسَه الْوِطِيَّه
بْهِيدَه يَا گَبْرِ الَاحْبَابْ
يَا تُرُبْ هَاذَه ابُو تْرَابْ
عَالْوَجِهْ دَافِي خَلِّيكْ...وِبْعَلِي أَرْدَ اوَصِّيكْ
---------------‐-‐-------------------
يَا گَبُرْ إِرْحَمْ دَمِعْ عِينِ الْيِتَامَه
وِعْلَه كِيفَكْ بِالْوَصِي تَاجِ الْإِمَامَه
وِابْچِي مِنْ تِسْمَعْ أَلَمْ گَلْبَه وْكَلَامَه
بْصَدْرَه شَايِلْ چَمْ حِزِنْ نَغَّصْ مَنَامَه
حِيدَرِ بْگَلْبَه الِصْوَابْ
مَا نِسَه عَصْرَةِ الْبَابْ
بِالْجَرَى عْلِيهَه يِنْبِيكْ...وِبْعَلِي أَرْدَ اوَصِّيكْ
---------------‐-‐-------------------
يَا گَبُرْ لُو بِيدِي مَا عُوفَنْ مُقَامِي
وَانْدِفِنْ وَيَّه الْأُبُو وْيِحْلَه مَنَامِي
لَاچِنَ آنَه مَوْعِدِي بْطِيحَةْ خِيَامِي
وِالْخِيُولِ بْكَرْبَلَه تِسْحَگْ عِظَامِي
هَالزَّمَنْ عَادَى الَاطْيَابْ
وِالدَّمِعْ يُبْگَه سَچَّابْ
عَبْرِتِي خَلْهَه تِرْوِيكْ...وِبْعَلِي أَرْدَ اوَصِّيكْ
---------------‐-‐-------------------

#واعلياه
#الليالي_العلوية
https://tttttt.me/Hassankhanafer

لَحْظَه يَحِيدَرْ دَه انْتِظُرْ
لُو تِمْشِي شِيْفِيدِ الصَّبُرْ
أَيْتَامَكِ احْنَه وِالْهَجُرْ
يِكْسُرْ گَلُبْنَه يَا عَلِي
------------------------
لِيلِيَّه چِنَّه لْشُوفِتَكْ
نْعِدِّ الثَّوَانِي لْجَيِّتَكْ
تِمْسَحْ عَلِينَه بْيَمْتِكْ
هَسَّه شْبِدِينَه يَالْوِلِي
------------------------
طَبْعَكْ حَنُونِ وْمِنْ تِجِي
كِلْنَه عْلَه حُضْنَكْ نِلْتِجِي
وْنَظْرَةْ عُيُونَكْ نِرْتِجِي
تَالِي يَبُونَه نِبْتِلِي
------------------------
إِرْجَعْ وَلَوْ سَاعَةْ عُمُرْ
حَتَّى نِشِمْ أَطْيَبْ عُطُرْ
ظَلْمَه اللَّيَالِي يَا بَدُرْ
لِفْرَاگَكِ الدَّمْعَه تْهَلِي
------------------------
لُو يِبْچِي مِنْ دَمِّ الْجِفِنْ
مَا يُوصَلِ صْوَابِ الْحِزِنْ
رِيتِ وْيَه جِسْمَكْ نِنْدِفِنْ
حَتَّى الْمَوَاجِعْ تِنْجِلِي
------------------------

#واعلياه
#الليالي_العلوية
https://tttttt.me/Hassankhanafer

أَيْتَامْ أَيْتَامْ صِرْنَه اللِّيلَه أَيْتَامْ
رَاحِ الْأُبُو وْخَلَّانَه
نِبْچِي أَلَمْ هِجْرَانَه
أَيْتَامْ أَيْتَامْ صِرْنَه اللِّيلَه أَيْتَامْ
---------------‐-‐-------------------
وِيلَاهْ وِيلَاهْ غَمَّضْ عِينَه وِيلَاهْ
ظَلْمَه غِدَتْ دِنْيَانَه
رِيتَه الْأَجَلْ وَافَانَه
وِيلَاهْ وِيلَاهْ غَمَّضْ عِينَه وِيلَاهْ
---------------‐-‐-------------------
چَا وِينْ چَا وِينْ حَامِي جَارَه چَا وِينْ
مِنْهُو الْيِعَوْضِ مْچَانَه
مَاكُو مِثِلْ تِحْنَانَه
چَا وِينْ چَا وِينْ حَامِي جَارَه چَا وِينْ
---------------‐-‐-------------------
لُو مَاتْ لُو مَاتْ شِنْهِي الدِّنْيَه لُو مَاتْ
حِيدَرْ سَبَبْ مَحْيَانَه
كَلْفَه يِسِدْ بِيبَانَه
لُو مَاتْ لُو مَاتْ شِنْهِي الدِّنْيَه لُو مَاتْ
---------------‐-‐-------------------

#واعلياه
#الليالي_العلوية
https://tttttt.me/Hassankhanafer