سألو علي ///// گالوله ياهي اعظم مصيبه
جاوب علي ///// اليدفن بدي جثة حبيبه

ويرد خالي البيته
وصورته متانيته

يازهراء يازهراء
……

حيدر يسولف تعال اسمع كلامه
ينسأل ويجاوب بدمعة يتامه
يمته حيدر كلت ع الدنيا السلامه
من رجعت البيتي وحدي بلا عمامه

شفت العمر // مايسوه من بعد الزجيه
ابقه انتظر // موتي ونرد نكعد سويه

موتي اتمنيته
وصورته متانيته

يازهراء يازهراء
………

تدري شيگصر العمر من السنين
من تفارگ كعدت ابنادم حنين
تصير روحك بالمناشغ والونين
تحلم بليلك تغمض ساعه عين

حگك علي /// ع الزهره لو عينك بجت دم
جي فارگت /// ام بيتك وبيتك تهدم

ويادمع هليته
وصورته متانيته

يازهراء يازهراء
……….

شلون حالك ياعلي بذاك النهار
من رجعت الوحدك بالانكسار
سولف النه البيت عندك شنهي صار
وراحت التارسته ضحكات وخضار

وشسولفت /// من گلبت بيدك صورهه
من شاهدت /// ذاك المجان البي عطرهه

شگتله وشحاجيته
وصورته متانيته

يا زهراء يازهراء
………………

صعبه عشرت عمر يدفنهه التراب
وصعبه قالع باب ياخذ روحه باب
علي الما مكسور عمره من الصعاب
يمشي جنه اهلال من كثر المصاب

ظهره انكسر // ماجنه حيدر ذاك الهواي
من القهر // ذبلان عوده وفارگ الماي

الهوا مزاعل ريته
وصورته متانيته

يازهراء يازهراء
………..

انه ذاك الحيله ما عافاه دوم
هسه الحسين اليگومني من اگوم
يوم فگد الزهره ابد مو خوش يوم
عيني صارت للبحي ما مرهه نوم

كون الكبر /// يسمعني من اكعد وعاتب
صحت شكثر // ضميت يمك خوش صاحب

يقصد اعله ام بيته
وصورته متانيته

يازهراء يازهراء
……….
#الخادم #موسى #البطلي






@HxzEU1
https://tttttt.me/hxzeu1
قناه نشر القصائد المنبريه

صوتً من العرش ظَهر
في بيتِ حيدر ما الخبر
من احرق البيت اللذي
للوحي فيه مستقر
من قال للزهراء وأن
تبت يداك يا عمر

هو الزلمه كون الحرب ميدانه
مو ع الحرمه بس مسرفن اردانه
الخلص عمره لابد ما مجرد سيف
صاير زلمه هسه وطالع السانه

الزلمه البالحرب يظهر
تاريخ الزلم قرر
مامش زلمه بس حيدر / ولا تحسب بعد

تاريخ الذكر واحد
بس حيدر علي قائد
مو گضه العمر شارد / ويم مرته لبد

لعنة الله على قاتليك فاطمه
……….،

هل تعلمون من أمَر
ع الضلع حتمآ ينكسر
و اسقط من فاطمه
جنينها عند العصر
من يُدعى كانٓ صاحبآ
المتهم ابا بكر

مابيهم شريف وحرمه راعوهه
عصرو فاطمه والدار حرگوهه
بس بيهم بخت متوصي ذو الفقار
جا فنهم اجو للزهره حاجوهه

بختهم حيدر جفوفه
بوصيه بحبل مجتوفه
جاوصلهم الكوفه / بسيفه ومهرته

اليوصل لام حسن فنه
الزلمه البيته يتعنه
خيعونه الشرد منه / اليوكف حصته

لعنة الله على قاتليك فاطمه
………….

اللهُ قد قالَ لمن
احبَ فاطم حبني
وكلُ من يُغضِبُها
فأنه اغضبني
غدآ يقولُ من عَصَر
كنتُ ترابآ ليتني

باجر بالحشر الله اليوگفهم
جدام الخلايق كلهه يفضحهم
توصل للحساب يصيح للعباس
ياعباس بيدك كوم حاسبهم

يكضهم بيده ابو فاضل
والحاجب غضب نازل
يكض الاول القاتل / ويطلع السجل

ليش الباب شبيته
وليش الضلع كسريته
اخوي المحسن اذيته / شنو ذنب الطفل

لعنة الله على قاتليك فاطمه
……………….

ويأتي المُحسن غدآ
للباري يشكي ماحَصَل
مالذنبُ ياربي الذي
فعلتهُ والمفتعل
ما ذنبُ امي تَرني
من بطنها للمغتسل

شنو ذنبي الجنيته وليش جتلوني
وليش انعصرت امي وليس عصروني
انه اول طفل ما كمطو بكماط
اول ماطحت بالجفن لفوني

حسره بكلبي متكسره
اصيحن يمه يازهره
صحت يايمه بس عصره / اذتني وصحت

ما ابريهم الذمه
من هجمو فرد هجمه
وصارت ع العصر زحمه / عصروني وطحت

لعنة الله على قاتليك فاطمه
………….
#الخادم #موسى #البطلي





@HxzEU1
https://tttttt.me/hxzeu1
قناه نشر القصائد المنبريه