كاني بالسيدة الزهراء ع وهي تنادي وتنعى اباها رسول الله
………………… .

اماني، وي شخصك.. دفنته  اماني
علي صعبه، اعيشن ..بدونك ثواني
…………… ..
اني روحك يابعد روحي ودليلي
من خذو نعشك يبويه انوخذ حيلي
ياضواي ويا هواي ويا خليلي
دموع فگدك يالابو ترسن شليلي

زهرتي ،محمد .. گطعها زماني
علي صعبه ، اعيشن .. بدونك ثواني
…………

بويه گلي يادمع يوفي المصاب
وانته فرحة عمري باگاها التراب
يا دَلالي البل زغر من عندي غاب
ثلج واگبال الشمس دلاّلي ذاب

دليلي ، ينادي .. اعلگبرك خذاني
علي صعبه ، اعيشن .. بدونك ثواني
…………………… ..

بالسان البويه كلمة يا حلاها
وبس المفارگ ابو يعرف غلاها
اليوم روحي اتريد ابوها الدللاها
شلي بويه بدنيتي بعدك ي طه

الاماني ترديلي .. شيحققها .. الاماني
علي صعبه ، اعيشن .. بدونك ثواني
………………………

بويه وي لحظة وداعك والحزن
الطيح اوليدي يناديني ( وأن)
ابتده طف كربله ضليت اون
وتشهد الصار سطرات الجفن

اعل عيني ، سطرني .. وره الباب رماني
علي صعبه ، اعيشن .. بدونك ثواني

………………… ..

بويه وي لحظة وداعك والله يشهد
اني وي كل لحظة انادي يا محمد
النهار ابعيني صاير ليل اسود
وبكثر نجم السمه اجروحي تنعد

الحزن بعدك، يروحي .. اعل فگدك سباني
علي صعبه ، اعيشن .. بدونك ثواني


#ايوب #يوسف #الطوگي





@HxzEU1
https://tttttt.me/hxzeu1
قناه نشر القصائد المنبريه