دولة الخدام تظهر بالظهور المهدوي
وشيخ هالدوله العظيمه هاشميٌ علوي

الاسم ارض السواد
كلها خدام العباد


ابد لا مو بعيده   تجي الطلعه الرشيده
ويجي المهدي بضوه وجهه ويقيم الدوله بيده

علم هالدوله رايه  اصلها من السبايه
مهمتها بضعن زينب غِطه ارقيه الشهيده

ومن جربة گمر هاشم ماي اعله الخَدَم ينرش
اليشرب گطره من عدها بعد للموت ما يعطش

على البوابات تنخط هالعباره للولي
لا ولي الا ابو صالح، لا فتى الا علي

بلا جرح كلشي ضماد
كلها خدام العباد
.
.
.
.
ملك هالدوله عادل   فرح بعيونه شايل
يوزع عالخدم بيده بخت، غيره، حَميه

البچه يهديله ورده  واكو بس هيئه وحده
اسم هالهيئة يا مهدي وبسم دمعة رقيه

اتخيل حاضر وتلطم والملا ابو صالح
بطور البدوي يقرالك ويختار الحچي المالح


بمجلسه لا ماكو اناره الاناره بجبهته
منبر اجداده يصعده وراية الله رايته

والسمه تعلن حداد
كلها خدام العباد

.
.
.
.
قبل عشرة محرم   اهل هالدوله تلتم
بدمع تستقبل العشره  بلطم يشفي المناحر

الولي للقامه ينظر  يحدها لليطبر
واكو مجموعة شوريه لطمها اعله النواطر

واطفال البلاد اتهب كلمن بيده زنجيله
والشايب الحب حسين بعده الشايب بحيله

رقم واحد بالخِدامه دوله ما الها نظير
دمعه وحده اليبچي بيها بحر عد الله تصير

ماكو صعبه بهل البلاد
كلها خدام العباد
.
.
.
.
بفخر افراد اهلها   تهب مشايه كلها
وتجي بالاربعينه على هيئة ضَعِينا

وتِرد تنصب جوادر   بلد بس للشعائر
  وعلى كل جادر انخطت (يزاير مر علينا)

ومَلَك من السمه ينزل اوياهم يخدم الزاير
فراغه بالدرب ماكو جادر لازگ بجادر

الزاير العدهم امدلل  افراشه من فضه وذهب
  واليمر لو لحظه وحده بدفتر المهدي نكتب

وتنحل بجاله الشداد
كلها خدام العباد
.
.
.
.
الخدم كلها عوابس  بفخر تحيّ المجالس
بوسط غرقدهم الضاوي بهلا وخمست مناير

وتسوي بكل مسيه  زياره فاطميه
ويروح المهدي وياهم يزور وهو حاضر

باجر تنبني گبه بجف المهدي للزهره
بكبر الكوفه بل اكبر يسوي الجدته الحضره


موبعيده صحن فاطم يوصل لحد كربله
مثل حضن الزهره احسه يلم شملها العايله

هالصحن اسمه الرماد
كلها خدام العباد

#الشاعر #عبدالله #الشويلي





@HxzEU1
https://tttttt.me/hxzeu1
قناه نشر القصائد المنبريه

يهمس بِذاني التابوت
كافي بچي راح تموت
شلون اسكت ومات الخير
گمت ابچي حتى اعالصوت


امناشغ  وآآه  وبچي..... وتابوت متروس جروح
ميت على شفافي الحچي. ..والهوى بريتي مذبوح
بلحظه وعِله صوت البچي....حدما بچه وياي اللوح
همست بذاني فاطمه .....  ياحيدره كافي تنوح

صوت واجه من اُم حسين
گامت تذب دم العين
الدنيا ملح واني جروح
كمت ابجي حتى اعالصوت
.
.
.
.
بعيونها الشالتني امس....بتابوتها متني ايشيل
جناز طالع بالوطن .......  ابسكته وبهدوة ليل
ورجليه مابيهن مشي.... وكلسا بالجنازة تميل
منِ التعب مااحرك رمش.. اعله امتوني شيّعت الحيل

حتى النعش يبچي وياي
اثگل من الگاع اهواي
اجدامي گوه تنشال
كمت ابچي حتى اعالصوت
.
.
.
.
سكته الدَفن سكته العمر...ومن البچي عالي الصوت
تمنيت  مابيّه  نَفَس ..... وياخذني وياها الموت
يونس صرت بس مختنگ.... والدنيا صارتلي الحوت
من گلت اه يم الحسن...... نشغت بنص التابوت

نشغت وطگ راسي الشيب
النشغه سهم هم تصيب
يرجعلي صوتي شما اصيح
كمت ابچي حتى اعالصوت
.
.
.
.
مذبوح خاطر مو كسر....... واداين من الله الشوف
شايل على متوني جبل... وچن جدمي يمشي اعلسيوف
ادموعي حبل تلتف عليّ.... صح امشي لكن مجتوف
المنكر الكاسر ضلع.......... قصده يِّموت المعروف

بعد الرسول المختار
هجموا على الدار بنار
ونار الوصيه بالروح
كمت ابچي حتى اعالصوت
.
.
.
.
بالي اعله زينب منشغل... بحضن امها يوميه اتنام
لو نفترض گالت الي..... وين أمي يا ابو الأيتام
شقنعها وِاصغيرة عمر.... والگلب متروس آلام
بلكت اگلها وتقتنع....... نامي وتجي بالاحلام


وشيصبر حسين الروح
والحسن طوله مذبوح
والينظر عيوني ايطيح
كمت ابچي حتى اعالصوت




#الشاعر #عبدالله #الشويلي




@HxzEU1
https://tttttt.me/hxzeu1
قناه نشر القصائد المنبريه

صلى الله عليكِ فاطمه المرضيه

اذا اگلها اني نوحي
تفرفح والله روحي
عوابس كل جروحي
تربات العذاب

سَگم اسگم عيوني
اغيره بنوحي لوني
انه عاشگ جنوني
هايم بالمصاب

الگلب شايل وجع ..... على الضلع انفجع.......فرض عندي الجزع....... عالزهرة الزجيه

صلى الله عليكِ فاطمه المرضيه
.
.
.
. 
أنه ربعي العوابس
بفخر بيتي المجالس
على الخدمة انافس
حياتي بس عزاء

العشگ عندي بواچي
انط اعله التراچي
اذوبن بالمحاچي
التلامس كربلاء

بأمر رب السمه...... وِجَب حُب فاطمه..... وجفوفي محزمه....... تلطم للمنيه

صلى الله عليكِ فاطمه المرضيه
.
.
.
.
انه ذوقي المآتم
بكثر ما بيها هايم
تسميني امي خادم
تلقبني الغيور

تشد احزامي هيه
وتدعي المغربيه
يرب سلمه اليه
وخله بهل الشعور


ولون يطفه الضوه...... نضل نبجي سوه......... ونهيم بنينوى.... ونلطم عالسبيه

صلى الله عليكِ فاطمه المرضيه
.
.
.
.
اللطم واهس دمعتي
الدمع واهس حرگتي
وعد تبقى صرختي
يالزهره البتول

اليركز بيه يلگه
سوالف كلها حرگه
اظن بحساسي سحگه
منِ الخيل التصول

العمر يِخْلص ألم...... على الي ما سلم..... وغصب بيته انهدم..... وضل بالغاضريه

صلى الله عليكِ فاطمه المرضيه
.
.
.
.
على الدنيا السلامه
اذا ما كو خِدامه
ترا الدمعه علامه
ورتبه عله الخدود

المجالس خيمه حلوه
تعبها والله يسوه
أهلها كلها نخوه
وللزهزه جنود

شهم جايب شهم..... زلم والله زلم........ اهل غيره وعزم..... ملح الرافضيه


صلى الله عليكِ فاطمه المرضيه



#الشاعر #عبدالله #الشويلي





@HxzEU1
https://tttttt.me/hxzeu1
قناه نشر القصائد المنبريه

شكرا على هالنعمه
ياربي ديم الخدمه


ما ساوُم بجنوني..... الخدمه صارت لوني...... وصار حسين عيوني.... اوجداني
براسي جنون العابس...... ما ادور عالواهس..... جف عباس الحارس..... يرعاني
الزهره الجابتني ......بهل النعمه خلتني...... وياليسوه مشتني.... وهذا اني
كلمن لونه وطبعه......... ولون الخادم دمعه..... ماعوفن والسبعه........ عطشاني

بنص كلبي كاتب اسمه
ياربي ديم الخدمه
.
.
.
.
تتغازل حسراتي.... بترتيلة دمعاتي..... مملوحه احجاياتي... البالزهره
حروف الطف جروحي........ ناذر عمري وروحي....... لا ما ابطل نروحي...... والحسره
موهبتي اللطميه....... تربيتي حْسينيه...... شكرا يا ابو رقيه..... عله العبره
ماقصرت ويايه....... وراح اطلع مشايه...... وبيدي ارفعلك رأيه....... ياجمره

عبدك وبيدك حزمه
ياربي ديم الخدمه

.
.
.
.

عاشگ ملح المحاچي.......... متعلم عالبواچي...... نقطة ضعفي التراچي....والهزله
ياربي اعليه اشهد....محروگ وما ابرد ..... ذوقي اللون الاسود....... ما ابدله
امي الشدت حيلي......من جنت ابجي بليلي .......تسكتني بزنجيلي...... ويا مَحله
ولو أشِر عالهامه...... يمي تخلي القامه..... وكلبي يعيش آلامه....... وبي عله

لمحبوبي كلبي يّدمه
ياربي ديم الخدمه
.
.
.
.

يحسين وعَزِيتك.... غامرني بحنيتك..... مدليني حسينيتك...... وعيونك
يا ربح الله ومايه....... يحسين انت هوايه..... يارايه يا آيه....... مجنونك
يالتسري وينفاسي....... ياموطن احساسي...... حُبك رافع راسي ..... ممنونك
يابو العِشره الحلوه...... من دونك ما اسوه.....بحروفك اتروه...... وبضعونك

كلبي بمحبتك ألمه
ياربي ديم الخدمه
.
.
.
عله حسينك ضل نادم...... لاتهتم للوادم...... ضل بجروحك هايم...... وِقيودك
هيمه الدنيا بخِلافه....... عشگك فطره وترافه.......حزنك أجمل طيافه....... وبزودك
عيش ايامك لوعه.... عل منطيك اضلوعه...... خل ايدك مطبوعه...... بخدودك
واحجي وياه عالفطره....گله رايد نظره.... حسبني اعليك الزهره......من جنودك

سافر بعقلك يَمه
ياربي ديم الخدمه


#الشاعر #عبدالله #الشويلي





@HxzEU1
https://tttttt.me/hxzeu1
قناه نشر القصائد المنبريه