#محرم_١٤٣٩_الناشر_الحاج_فلاح_حسن


#قصيده ..#للدفن

ياعلي طلبه زغيره
لاتشدوها الحصيره
الطفل وسده اعلصدري
يستر اضلوعي الكسيره
+++++++++++
ايعينك الله يالشفت كل المآسي
ياعلي ادري بسوالي هواي قاسي
نيتك اتطم جسمه وحده وينه راسي
انت ماتنسه واگلك خاف ناسي
ياعلي چا راسي وينه
بالطشت لو رافعينه
بعده ينزف دمّه نحري
من يضربون الاميره
++++++++++
لمني قدر المستطاع وهاي امانه
يبني حاول كل عضو اترده المكانه
الراس لف اعمامتي بنحري بمكانه
الزهره من تحضرني خل تعرفني انه
حاول الخنصر تردّه
يبني بگماط ابني شده
ادري يجرح گلبك امري
المنسحگ هاذه مصيره
++++++++++
وابو فاضل عالنهر قصته عجيبه
ادري دمعك عالگمر ياخذ نصيبه
چفّه ليمن عنه مبعد يبني جيبه
فوگه تلگه اثار بوسات الحبيبه
يمّه اثر وگفت خواته
جاياته امحشماته
الكاتبه بدمعتها خدري
اعرفها هاي اخته الاميره
++++++++++
لا تأخر دفني يبني استعجل اكثر
صار ثلث ايام فارگ عيني الاكبر
من غيابه مو عطش گلبي تفطر
هسّه تجمعنه الزچيه ويمنه تحضر
والگمر هسّه يجينه
والزچيه اتداوي عينه
ايصيح يمه قبلي عذري
حيرت الچفين حيره
+++++++++++
اعليك زينب تنشغل هاي المسيه
عنها لا تتاخر او اخذ الوصيه
لاتقرب راسي حاول يم رقيه
ابدمعه زينب يبني لاتنظر عليه
راسي من ايضربه عوده
لا تنوح اختي اعله موده
من يجيها السوط ادري
والنظر ليها اديره
++++++++++

ثائر الربيعي


#الناشر_الحاج_فلاح_حسن

#لايسمح_بتغير_وازاله_اسم_الشاعر

جديد لشهر محرم الحرام ١٤٤١
#للدفن

قصيده بعنوان (دفنته اشلون )

عمه يا علي السجاد دفنته اشلون ابوك حسين
خبرني اشلون لميته يعمه ودم تهل العين


انشدك يا علي السجاد اشلون دفنته للوالي
جسمه امگطع بالسيوف يعمه ومنشده بالي
گلها عمه سمعيني شگلك صعبه احوالي
ابواري الوالي جمعته لا غسل ولا تكفين

🏴🏴🏴🏴🏴🏴🏴🏴🏴🏴🏴

يعمه بالله خبرني هم بليت گلبه بماي
اخويه جبده متفطره ذاب عليه لب حشاي
ظل أعله الترب وينوح تفطر گلبي من اظماي
گلهه عمه رويته للوالي بدموع العين

🏴🏴🏴🏴🏴🏴🏴🏴🏴🏴🏴

وعبدالله الطفل عمه موتني سهم نحره
يعمه انه من شفته تفطر گلبي بالحسره
سمعته عمه ويگلي يريد ابنه على صدره
أعله صدره اني خليته وگمت اسمع حجي النحرين

🏴🏴🏴🏴🏴🏴🏴🏴🏴🏴🏴
يعمه اشلون خبرني الشباب اليوم واريته
جسام وعلي الاكبر يعمه اشلون لميته
بدر ليله يعمه اليوم يم رجل حسين دفنيته
وجسام و بني هاشم دفنت اليوم بالونين

🏴🏴🏴🏴🏴🏴🏴🏴🏴🏴🏴

يعمه بكافلي گلي بگلبي احجايه بس تجرح
يعمه رحمي بحالج تفصيل الحجي يذبح
بدفن الضيغم النبراس صعبه عمه من اشرح
أعله شاطي الآه خليته ويه الرايه والجفين

تمت بعون الله تعالى
خادمة الزهراء / ليلى زغيب


الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

#للدفن

جديد محرم الحرام قصيده بعنوان (يا دفان) طور يا مجهز حسين


يا دفان حسين انشدك جاوب
دفنت الاخو زين ويه الحبايب


اخويه مگطع انه من عفته
في ارض غاضر لمن تركته
بالله يدفان جسمه جمعته
جسم الاخو چا بحر الترايب

▪️〰▪️〰▪️〰▪️〰▪️〰▪️〰
انشدك دفان قلبه رويته
بمدامع العين لو ماي سقيته
وبيا حال احسين من شاهديته
وسهم المثلث في قلبه ناشب

▪️〰▪️〰▪️〰▪️〰▪️〰▪️〰
قلها يا عمه والدي شفته
اعله حر الثرى مگطع نظرته
سهم المثلث بقلبي زرعته
ومقدر افصل شفت العجايب
▪️〰▪️〰▪️〰▪️〰▪️〰▪️〰

لكن يا عمه نحره الدامي
بعيني من شفته هيج الامي
اسودت يا عمه كلها ايامي
من ردت وسد لخده الترايب
▪️〰▪️〰▪️〰▪️〰▪️〰▪️〰

انشدك سجاد بالله جاوبني
عبدالله الطفل نحره شيبني
قلها ياعمه نحره ذبحني
طفل وزغيّر شاف المصايب

▪️〰▪️〰▪️〰▪️〰▪️〰▪️〰
اعله صدر الحسين انه خليته
يم جرح قلبه الطفل دفنيته
وتراب القبر لمن هليته
ظلت روحي هناك ويه الحبايب
▪️〰▪️〰▪️〰▪️〰▪️〰▪️〰

تقله ياسجاد الشاطي وصلته
عالنهر نايم الكافل دفنته
وسهم البعينه بالله شلعته
واشلون دفنته يابن الاطايب
▪️〰▪️〰▪️〰▪️〰▪️〰▪️〰
قلهه ياعمه الشاطي وصلته
وبيدي ياعمه البطل دفنته
ومن دمع عيني ترابه بللته
بس لا تنشدين هالقلب ذايب


تمت بعون الله تعالى
خادمة الزهراء / ليلى زغيب



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin