يجسّام . اتأخَّـرِت
يانَبع روحي
العطِش هاذ . يالولَد
ياكِل بروحي
مو عطَـش للماي بـيَّه
الشُوفِتك گبل المِنـيَّه
آ يجسّام


من مَرار البـيَّه أشكِـيلك يغالي
وماأمِـنِ اعليك بربَـاي ودلالـي
أدري بيك توَافي وتحِن اعلى حالي
لكن المَـانع عَسِر يمـنَع وِصالي
رِدِت طيف . لو حلِم
يكحِّل انظاري
بنِده احساس . وانتِعش
وتبتسم داري
وچنّه مَر طيفك عَليه
مو عطَش للماي بـيَّه

يمّه دخان الخِيم حارِگـها عيني
ومن اغَمّضها ألَم چنـّـك تجيني
تگلي يمّه انطيني چفّچ عَالِجيني
شني صاير يمّه هالخاطِر يجيني
الرعُب صار . يالولد
بغَمضة عيوني
السبب هاذ . مانمِت
وطُبگت اجفوني
وليلي ونهَاري سِويه
مو عطَش للماي بـيَّه

ليلي حَل وهالگمر بعيوني فَاهي
وگبل بوجُودك چبير ونوره زاهي
يمّه والنجمات ادوْرِ اعليها مَاهي
كلشي متغـيِّر أثاري امن الدَواهي
الهوى الجاي . كالسَهم
يمشي بانفاسي
وتَفاصيل . غيبِتك
تجرح احساسي
إرحم أمّك يالشِفيـَّـه
مو عطَش للماي بـيَّه

يمّه جابُولي العَذب بس ماشِربته
انگلب مثل الدم ييُمه وماجِرعته
شِفت بي سيف ونحَر يمكِن عرَفته
وفِزع گلبي ابلا وَعي وگُمت ودِفعته
صُفه الماي . لُوعِتي
ومصدَر آلامي
لأن راح . مُهجتي
بلا شرُب ظامي
وانفِگد بالغاضـريه
مو عطَش للماي بـيَّه
**
طوَّلـت يمّـه وبعِد مامِـن طِويله
بعمري وسنيني البُقت بعدَك قليله
يمّه من لَوَّعني ألله ايهِدله حيله
ومِن شِعَب گلبي ابفگد ربّك جبِيله
ويمُر بي . اشما شِفت
وتلتِهب روحه
بعَذابات . يبتِلي
وحُوبتي اتلُوحه
يعَاني من لُوعاتي مِيّه
مو عطَش للماي بـيَّه

==============
لقمان لعيبي البدران

@lukmanalbadran

#القاسم_ابن_الحسن
جديد محرم ١٤٤٣ هجرية قصيده بعنوان (عريس الطفوف)

طب للحومه متعني شبل المجتبى جاسم
رايد نصرة المظلوم ينادي الموت انا قادم


جاسم نزل للحومه يشبه للحسن جنه
ينادي عمه ويگله اليوم الطف الزمنه
مو وحدك ابد يا عم عزمي اليوم تعرفنه

عودي اليوم بالحومه
الاعادي تدري بعلومه
جيتك لابس اهدومه
ثابت بالحرب يحسين موت احمر على الظالم
▪️▪️▪️▪️▪️▪️▪️▪️▪️▪️▪️▪️
عالحومه يشد جسام نادى بالنسب معروف
شبل الحسن ياهناس وهذا اليوم الي موصوف
اگلبها يمين اشمال عليكم هاي ارض الطفوف

الحسن عودي تعرفونه
من يعتلي ميمونه
ابن حيدر يخيعونه
وانه هاليوم صولاته ارجعها بفعل حاسم
▪️▪️▪️▪️▪️▪️▪️▪️▪️▪️▪️▪️
زلزلها اراضي الطف وعينه عالخيام اتدور
يخاطب امه ويگلهه الهذا اليوم انه منذور
بدمي اليوم افدي حسين وما ريدن دمع منثور

لا لتهلي دمع العين
كلشي رخص لجل حسين
ابوصية والدي تدرين
اقدم روحي فدوه له وعمي الي يظل سالم
▪️▪️▪️▪️▪️▪️▪️▪️▪️▪️▪️▪️
دور الرحى بيهم دار وطشرها العده صوبين
گله عمي لا تهتم اعله كيفي اليوم يشيل البين
بسيفي اليوم اراويهم أشكال الحرب يحسين

بسوح الحرب تلگاني
مو بالخيمه امجاني
عاد الحسن من ثاني
محتار العدو ينادي الحسن هذا لو جاسم
▪️▪️▪️▪️▪️▪️▪️▪️▪️▪️▪️▪️
ما گدروا عليه اعداي بضربة غدر طيحوني
مثل عودي الحسن يا عم نفس القوم غدروني
بسيف الغدر آيحسين سال الدم على عيوني

بغدرهم صابوا الهامه
يعمي شيل العمامه
گلبي زادت آلامه
اعوفك ساعة الشده وسط هذا العدو الغاشم


تمت بعون الله تعالى
خادمة الزهراء / ليلى زغيب



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

#الامام_المهدي_والمحرم
جديد محرم ١٤٤٣ هجرية قصيده بعنوان (ايامك حزن عاشور )

گرب عاشور يلمهدي وانه علموعد اتحضر
اواسي دمعك المسجوم وادري بي نزل احمر

يبوصالح شهر عاشور لفانا سيدي من اجديد
گلي بيا ارض انت ساكن اظن بكربله تحديد
جمر گلبك تشب ناره على الراحت حبل بالايد
عمرك كله بس عاشور وگلبك خيمه تتوجر
▪️▪️▪️▪️▪️▪️▪️▪️▪️▪️▪️▪️
اواسي بدمعي يلمهدي جمر نيرانك وانحب
وادري كل دمع لجلك ما يوفي صبر زينب
اعله عمتك بالدهر انت بگلبك خيمه بس تلهب
ما يخمد لهيب النار وگلبك دوم يتحسر
▪️▪️▪️▪️▪️▪️▪️▪️▪️▪️▪️▪️
يلهمدي دمه تبجي على الحسين ومصابه
گبالك بس نحر شايف ونار بخيمه لهابه
وطفله تنحب بياويل ودمعة عين سجابه
گيد وجامعه واعليل وعدو اعله الحره يتبختر
▪️▪️▪️▪️▪️▪️▪️▪️▪️▪️▪️▪️
كل هذا الحصل مولاي ساكن غربتك وياك
دمعك يحفر بخدك ويم شاطي النهر منواك
راية عمك العباس اعله شاطي الهم تترجاك
عليها من اثر الدموم لقدومك هيه تتنطر
▪️▪️▪️▪️▪️▪️▪️▪️▪️▪️▪️▪️
شما مرت عليك اسنين بگلبك عايشه الذكرى
بضلع ملجوم يلمهدي تنوح وتنحب بحسره
تتنفس ألم وهموم ودمعاتك توج جمره
مثل صدر الغريب حسين اظنه صدرك اتكسر

تمت بعون الله تعالى
خادمة الزهراء / ليلى زغيب



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

⬛️◾️▪️⚫️﷽⚫️▪️◾️⬛️
للرضيع ع
نعي طوري (المؤيد 30)

🏴(بدأنا بنشر تجهيزات محرم) والنواعي والقصائد والهوسات المكتوبه لسائر الأحزان والأفراح #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg

كأني بالرباب تروي للعقيلة ع حال الرضيع ع ؛


يزينب شوفي اوليدي * ذبل من الضمه بيدي
حرگ گلبي جمر گلبه و چواني اهواي

تراني جف لبن صدري * على حاله خلص صبري
حرت بأمري شسوي امنين اجيب الماي

رضيعي حالته حاله * و أحسه اينازع آجاله
و أويلي يابسه اشفافه و أخاف اهواي

و لا ساگي الحرم يرجع * بعد وناته ما تطلع
و إطلبي امن السبط بلكي يحاچي اعادي

إذا ايودي الطفل ليهم * و لو يسگونه بيديهم
و اشوفه مرتوي ابني و اليه جاي

بعد ما ظل الي چاره * شسوي والله محتاره
عگب كل هالبچي هم جف دمع عيناي
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــ
.
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
نخوة للرضيع ع
طور (تعبانه عباس من گد المشي)
https://youtu.be/Ez0Rmokhozs

🏴(بدأنا بنشر تجهيزات محرم) والنواعي والقصائد والهوسات المكتوبه لسائر الأحزان والأفراح #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg

حاجاتي ، عبد الله عالبابك أذب ، حاجاتي
دعواتي ، هالليله عندك اطلبت ، دعواتي
شداتي ، بيدينك ارفع بالعجل ، شداتي

و اقسم بالاحسين * تحضرنه هالحين
و ابحگ الادموع * تترسها الايدين

عبد الله ، ادعيلي * عبد الله ، ادعيلي
🏴🏴
شافيهم ، عندي مراضى اشكثر ، شافيهم
عافيهم ، ارجوك بس ابمسحتك ، عافيهم
داويهم ، من كل مرضهم و العلل ، داويهم

تعرفنه نحتاج * و انريد الاعلاج
بالمرضى اتشوف * غرگت بالامواج

عبد الله ، ادعيلي * عبد الله ، ادعيلي
🏴🏴
تدريها ، الحاجه شنهي بالگلب ، تدريها
اقضيها ، كل طلبتي ابهاي المسه ، اقضيها
طفيها ، نيران ابگلبي و جمر ، طفيها

حرگتني الأحزان * من همي تعبان
ريحني أرجوك * بالمات عطشان

عبد الله ، ادعيلي * عبد الله ، ادعيلي
🏴🏴
سهلها ، بيدينك انت طلبتي ، سهلها
عجلها ، عبد الله رايد حاجتي ، عجلها
بس حلها ، كل عقده صعبه لو شفت ، بس حلها

تدريني يا حال * و اهمومي اجبال
و احملها هاليوم * و افتح هالاقفال

عبد الله ، ادعيلي * عبد الله ، ادعيلي
🏴🏴
عالبابك ، خطارك احنه سيدي ، عالبابك
بعتابك ، ننخاك و ننعى بوعلي ، بعتابك
بمصابك ، نحلف عليك ابهل مسه ، بمصابك

بالمات مذبوح * و ابجسمه اجروح
اكتبنه زوار * الكربله انروح

عبد الله ، ادعيلي * عبد الله ، ادعيلي
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ـــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
لعبد الله الرضيع ع
طور (حسين ابكربله سحگته الخياله - ملا عقيل الحريشاوي)
https://youtu.be/rU9AMeHbyUI
(حسين ابكربله سحگته الخياله - ملا مسلم الوائلي)
https://youtu.be/_NK1uZ_N_7s

🏴(بدأنا بنشر تجهيزات محرم) والنواعي والقصائد والهوسات المكتوبه لسائر الأحزان والأفراح #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg

مذبوح الطفل .. لطمن يعماته💔


بس ماي الردت لبني و لا اكثر
خوش اجواب انطوني أهالي الشر
سمعوني عظم نحره من اتكسر
من دمه انصبغ شيبي و بسماته


نبلة حرمله امگطْعه اوداجه
مات ابني بعد ما ينفع اعلاجه
چن هذا الدهر صافعني بمواجه
يوم الفاجعه هاليوم ميقاته


راجع للخيم بس منكسر گلبي
بيديني الطفل و اتعثر ابدربي
و ابذبحه أحس ويا گضى نحبي
مات و ما سمعنه ابيوم چلماته


يُم كلثوم حضري ليه وي زينب
شوفوا اشجِبِت ، و اليا سبب انحب
عبد الله الرضيع ابنحره امصوب
محد ما سمع عد موته وناته


شنجاوب رباب الواگفه اتتاني
ما تدري الطفل بمصابه چواني
ما أگدر أخيط رگبته آني💔
للمحشر تظل تچويني مأساته
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ـــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب

*(دمعة القائم عج)*
*يا صاحب العزاء`~*
*ابا صالح ها هي رايات السواد قد أُسدلت ونُشرت في الأرض والسماء وقد ضُربت أبواق العزاء والحداد فأين نشرت راية عزاءك سيدي ؟ وأين يرف لواءك المكتوب عليه يا لثارات الحسين ع ~؟*
*أتراك نصبت خيمة عزاءك في كربلاء !؟ وعفّرت عمامتك بالتراب؟ ولبست ثوب السواد مرمّلا وقد حملت قميص جدك الحسين ع ~فترى فيه جراحات ودماء ~*
أنا الناعي أنا الرادود وناصب خيمة الأحزان
بضلوعي نار المخيم
وبعيني وحسرة گلبي عالعطشان
واحسينا واحسينا واحسينا آه
❃❃❃❃❃❃❃❃
لو عين الموالي تشوف وعنّه ينكشف الحجاب
اشوف المصرع ٱگبالي
وجسد الحسين فوق تراب
ظامي من العطش چبده
وصدره بكم سهم منصاب
مغسّل من دم جروحه
واويلي على التربان
❃❃❃❃❃❃❃❃
يا يشعيه اگباليِ هالمشهد
مُهر يّمه يحوم
ويمّه من إجت زينب تنظر ويلي للمظلوم
صاحت يا غريب الطف يالجسمك نزف بدموم
أويلي عليك يابن امي
قدّمت الجسم قربان
❃❃❃❃❃❃❃
*ماذا ترى بعين البصيرة يا صاحب الزمان؟*
عباية زينب الحرّه دخان الخيم بيها
تِظَلِّلّه بعبايتها والعبرات تجريها
ولن شمر الخنا بسيفه إجا مسرع لواليها
ضربها في كغب رمحه وبسيفه ذبح الحسين
صح مع امامك واحسيناه واذبيحاه~~~
خادمة آل محمد✍🏻

جديد محرم 1443هجريه
لطميه للعليله

المستهل👇👇

تنوح وتنادي العليله العليله العليله
والدمع عالوجنه تسيله تسيله تسيله
تبچي عله ابوها والگمر
والگلب من همه انفطر

تنوح وتنادي العليله العليله العليله

❃❥❀━((💠))━❀❥❃

چلبت بذيال الركب واتصيح بويه يحسين
لتعوف بتك يالولي والدمعه تهمل بالعين
خل الطفل يمي يظل ارتاح وانسى الونين

يرتاح لوشفته دليلي دليلي دليلي
ينسيني كل همي وعويلي عويلي عويلي

تنتظر من عنده خبر
والگلب من همه انفطر
تنوح وتنادي العليله العليله العليله

❃❥❀━((💠))━❀❥❃

أسمعت الي معلوله وتون يبقى أحد يرعاها
وفاطمه ظلت بالنزل بغربه وتهل عيناها
تون وتنادي عالاهل وزايد يويلي ابچاها

تتذكر حسين وحزينه وحزينه وحزينه
واتصيح ياعزنه وولينه ولينه ولينه

خلصت لياليها سهر
والگلب من همه انفطر
تنوح وتنادي العليله العليله العليله

❃❥❀━((💠))━❀❥❃

شافت اخوتها والابو جهزو ويلي النوگ
صارت تجر گوه النفس والصدر بالهم مخنوگ
جسمها زادت علته وزاد الوله وي الشوگ

مفجوعه بالدار ووحيده ووحيده ووحيده
مشتاگه لحسين وتريده وتريده وتريده

ذبلت من الهم والقهر
والگلب من همه انفطر
تنوح وتنادي العليله العليله العليله

❃❥❀━((💠))━❀❥❃

گلها ادزلج بالعجل الاكبر وعمج عباس
راعي الفخر راعي الكرم مليان طيبه واحساس
بنتي واخاف اعليج إنه من الهوه ومن الناس

اخافن بسرعه تموتين تموتين تموتين
لو شفتي عالغبره مطاعين مطاعين مطاعين

والگمر نايم عالنهر
والگلب من همه انفطر
تنوح وتنادي العليله العليله العليله

❃❥❀━((💠))━❀❥❃

اتصيح على ابوها وتنتحب اخذوني اسرج الخيل
وافرش فرشكم يالولي لو هود وصار الليل
محد سمعها من بچت وصاحت بحسره ياويل

نوح وسهر طول الليالي الليالي الليالي
والدمعه فوگ الخد تلالي تلالي تلالي

ياوسفه عذبها الدهر
والگلب من همه انفطر
تنوح وتنادي العليله العليله العليله

❃❥❀━((💠))━❀❥❃

✍ الخادمه ام زيد الشمري

نسال •اللّـہ‌ القبول
ونسالكم الدعاء بتعجيل فرج مولانا صاحب العصر والزمان عج

#الناشر_الحاج_فلاح_حسن

تنوح العليله
كلمات ام زيد الشمري
بصوت المبدع الملا بنيامين الحربي

خاطبُوه فقالوا :
مو فرات . ضَميرك أسِن
مو فرات . جزَائك دَفن
تمنَع مايك عن طفل
ضامي يمّك ينقتل
فأجابَ مُدافعاً عن نفسه :
.
.
آنه ماي . بجرُوف انحِبس
آنه ماي . لكنـِّي أحِـس
عنَّه ماامنَعْت الشرُب
منعَوا يسگُوه الغرُب
آنه ماي

نهَـر آنه ومَايي مَبذُول ويشِـربه
كل خَلِق بالدنيه يتدَنَّه اويگُـربه
ياخذ اشما يرغَب وما ظِنها صَعبه
شلون امنعَه عن طفل ضامي ويطلبَه
بالحياة . أعطي بلاثمَـن
بالحياة . ماأعرُف وطن
لكن منعُوني غصُب
عنَّه ماامنَعْت الشرُب

جُرفـي هذا المامِنـع واحد يجيلـه
فجأه جيش احتلَّه ماشايف مَثيله
مِنع مايه اعلى اليجي وگَـطَّع سَبيله
وانه محبُوس اصبَحت مابيدي حِيله
ماهو جيش . چَن عَين النَمل
ماهو جيش . واگف مايمِـل
وعِندي مو كلمَن يطُب
عنَّه ماامنَعْت الشرُب

مِن بعيد اتگـرَّب الشَـايِلَّه رايـه
فارس ونور الجمَال بوجهه آيه
جِربه بيده ورايد ايرَوِّي الضمَايه
مَد الي چف العطش واتلَگَّه مايه
ماخِذاه . وانه الأنتِـظر
ماخِذاه . عذّبني الصبر
ذَبـَّه ونيراني التِشِب
عنَّه ماامنَعْت الشرُب

بالخيَام اسمَعت صايح مافِهَـمته
ومِن حَچيهم أدرَكِت كلشي وعرَفته
عَيله لحسين السبط ويَّاهم اخته
قرّروا نار العطـش تحرِگـها سَكته
اتحَيِّريت . واحتار الفِعل
اتحَيِّريت . ماأگدَر أصِـل
وامشي آنه بيَا درب
عنَّه ماامنَعْت الشرُب
**
إبن بت المصطفى الجُرفي إجَاني
وغرَف غَرفه امن العَذب وانه الأتاني
رِيجه يبـتَل منِّـي يامَسـعَد زماني
صاحوا احتِرگت خِيامك رَد رِماني
عنّـي راح . حسِّيت وشِفت
عنّـي راح . مـارَد يلتفِـت
وآنه الماعنـدي ذَنب
عنَّه ماامنَعْت الشرُب

=============
لقمان لعيبي البدران
١٤٤٣
@lukmanalbadran

*[ آخر آمالي ]*

أداء والحان : الملا #علي_الوائلي_الكربلائي
كلمات: الشاعر #السيد_علي_البوحمد_الموسوي

https://youtu.be/TlIsUOkiBVQ

إصدار إستويو لشهر محرم الحرام ١٤٤٣ هجرية - ٢٠٢١ ميلادي

مونتاج: بدر القلاف
الهندسة الصوتية: حسن يونس
التوزيع: محمد عليق
مخطوطة: علي صالح
إنتاج وتنفيذ: اللواء الأعظم للانتاج الحسيني
النشر الشبكي: علاء بركات العاملي

❉❉❉❉❉❉❉﷽❉❉❉❉❉❉❉
لستة #دُعَـمِ_آلَبّـصِـرةّ
-تصفحوا أحلى القنوات على التيليجرام👇❤️
---------------------
🔊بًرأّءةّ أّلَعٌشُـقُ
📀@all_mahdi313
🔊زهره المهدي٣١٣💚
📀@ayo_313
🔊خـدام الإمـام الحسـين علـيه السـلام
📀@labaykahoussein
🔊سجاد الربيع
📀@sajjadiraniraq
🔊يا علي مدد 💚
📀@y_ali_madad
🔊بسمة الشهداء 2
📀@Hussaiuunn
🔊ترافة بصراوية
📀@Basra_a313
🔊الشاعر ابو عمار الدراجي🇸🇾
📀@adoamar
🔊دموع العقيله ع💔
📀@Kfeilzainp
🔊أبي الفضل العباس
📀@ALKafell
🔊ستوريات حسينية
📀@bnhjjk
🔊✨♥️ لنا في القرآن حياة ♥️✨
📀@AAAEAlyi
🔊ملا ياسين الوائلي
📀@yassen1967
🔊نور الحسين
📀@shaashaa554
🔊همس
📀@Hamms19
🔊ففروا إلى الله
📀@shademal
🔊نسائم قرائنيه🌹🌸
📀@abooudi19998
🔊رحائق ايمانيه
📀@lLoveyoou1
🔊شهداء على خطى الزهراء
📀@hajjjaa
🔊لَأجّلَکْ يَ آبًنِ آلَحًسِنِ 👑❣️
📀@ranosh2000_4
🔊🌹قلوب إجنمعت على حب إمام زماننا
📀@Yaamehdy
🔊🌹علي حبه جنه
📀@rsrsrs88
🔊رمزيات عن الاصدقاء
📀@Frienddssss3
🔊ابو محمد الاسدي
📀@hsaennn
🔊انصار الحجة
📀@zhraa9898a
🔊همسات🦋ايمانية
📀@Inaniahamsat
🔊سفينة🌺🌷النجاة
📀@safinatanaja
🔊شهداء عاشوراء
📀@fat_3l3
🔊ياابا_الفضل_العباس، ♥✨
📀@rjcivh
🔊معلومات عامة ومفيدة ⁉️
📀@usefulinformations5
🔊مُتعلمة على سبيل النجاة
📀@aytamalhuja313
🔊نوافذ. تنموية
📀@bxghkbcccjn
🔊لنرتقي
📀@yazainb50
🔊🌹طريق الحسين نبض الحياه.🌹
📀@sheaAli
🔊🌹❄️مثقفو آخر الزمان لتعجيل الفرج❄️🌹
📀@yaimahde313
🔊🔻آلمہرمہل بہآلدمہآء🔻
📀@moramal_bealdema
🔊استوريات بدون حقوق
📀@ah_ja7
🔊عشاق قاسم سليماني وابو مهدي المهندس
📀@solemanemohands
🔊عشق سماوي❤️☁️
📀@narjsw200531
🔊الحسين انفاسي
📀@almahdialmunther
🔊ختمات مجربه واستخاره مجانيه 🙏🙏
📀@asuqw
🔊سبع الگنطرة،"(💗"ء
📀@NMA2002
🔊منتظرون 313
📀@muntadiroon313
--------------------

───✤ლ⇣❤⇣ლ✤───

*الحذف بعد "3" ساعات من النشر
تحذف قبل الوقت احذف قناتك من اللسته🚫
*بتحذف البوت كلمني لطفا.

───✤ლ⇣❤⇣ლ✤───
#قناة_اللستة : #باسم_الكربلائي_Bk
https://tttttt.me/joinchat/AAAAAFLKOx5nRih2adM0UA

#للاشتراك_بدعم_راسلنا_على_المعرف

👇👇👇
@sayaddd

للمحظورين @Alsayad123_bot

#الزهراء_والمحرم
جديد محرم ١٤٤٣ هجرية قصيده بعنوان (يعاشور انه الزهره) لسان حال السيده الزهراء عليها السلام في استقبال شهر محرم
تقرأ نعي وبعدة اطوار


يعاشور الحزن والهم انه الزهره
رجعت اردود بالاهات والحسره

تدري يعاشور افتحت اجم جرح
ضلعي لزمته وليلي صار ابلا صبح
روحي بيك تدري شفتها اعله الرمح
يعاشور الحزن والهم انه الزهره

▪️▪️▪️▪️▪️▪️▪️▪️▪️▪️▪️▪️
انه الزهره يا عاشور گلبي كسرته
بشوفة اهلالك بالسِمه خدي لطمته
انعادت اعليه العصره ضلعي لزمته
يعاشور الحزن والهم انه الزهره

▪️▪️▪️▪️▪️▪️▪️▪️▪️▪️▪️▪️
يعاشور الحزن كل حيل ما بيه
بيك صدري جن تدوسه الاعوجيه
بيك انكتب كل حره اتروح مسبيه
يعاشور الحزن والهم انه الزهره

▪️▪️▪️▪️▪️▪️▪️▪️▪️▪️▪️▪️
يعاشور اجم حره التصيح تنوح
اتودع أهلها وتحمل بالگلب الجروح
بيك آه حتى طفل البالمهد مذبوح
يعاشور الحزن والهم انه الزهره

▪️▪️▪️▪️▪️▪️▪️▪️▪️▪️▪️▪️
انه شعدد بيك گلي امن المصايب
حسين وكل عزوته نومه عالترايب
وزينب عگبهم اسيره الگلب ذايب
يعاشور الحزن والهم انه الزهره


تمت بعون الله تعالى
خادمة الزهراء / ليلى زغيب



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

*[ كرب محرم ]*

أداء: الملا #أحمد_الخيكاني والملا حيدر الفريجي والملا علي الذهبي
كلمات: الشاعر #السيد_معتز_الحسيني

https://youtu.be/xmWKIhI5FgI

إحياء ليالي شهر ذو الحجة لسنة 1442 هـ - 2021 م
عزاء موكب عراق الحسين عليه السلام - العراق - بغداد

مونتاج واخراج: مصطفى الحميداوي
مكساج: احمد نادر البرمكي
النشر الشبكي: علاء بركات العاملي

*[ سلامي ]*

أداء: الملا #عمار_الكناني
كلمات: الشاعر #علي_عويز_الشويلي

https://youtu.be/8i2hpq2USfo

مجالس شهر محرم الحرام لسنة 1441 هـ - 2019 م
جامع ذو الفقار - العراق - بغداد

مونتاج وتنفيذ: حارث العكيلي
اخراج: محمد جمال الطائي
مكساج: عباس الحواج
مخطوطة: حسين مقيم
النشر الشبكي: علاء بركات العاملي - علي الفاطمي

⬛️◾️▪️⚫️﷽⚫️▪️◾️⬛️
*لفاجعة مقتل سيد الشهداء ع* 💔😭

🏴 القصائد والنواعي المكتوبه *(لمحرم وصفر)* ولسائر الأفراح والأحزان المقبله #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg
▼
يا شمر هذا ولينه ... لا تذبحه


هذا ريحانة نبينه ... لا تذبحه
شيل سيفك عن وتينه ... لا تذبحه
يكفي متطبر جبينه ... لا تذبحه
گلبه متمرد بعد اشگد تجرحه


ارحم اجروحه الجريه ... لا تذبحه
لا تسَرع له المنيه ... لا تذبحه
بالله لتيتم رقيه ... لا تذبحه
خوفي تنظر راسه يبچي فوگ رمحه


يا شمر اترك اخونه ... لا تذبحه
هذا إمامك لا تخونه ... لا تذبحه
هذا بي ريحة أبونه ... لا تذبحه
غمض اعيونه اويلي و ما يفتحه


ليش گاعد اعله صدره ... لا تذبحه
مرَدت يالطاغي ظهره ... لا تذبحه
بالله لتدوس اعله نحره ... لا تذبحه
و الألم اچبير ما نگدر نشرحه


اسمع اونين البتوله ... لا تذبحه
تنظر ابدمعه هموله ... لا تذبحه
شوفه امدد رجوله ... لا تذبحه
و ابذبحته حيلي اكثر لا تطيحه
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.