*جديد (كتاب دمعة القائم🩸 وسبي الفواطم)*
*انتظروا اصدارنا الجديد لهذا العام 1443 هـ*
*يحتوي على مجالس عاشورائية جديدة ومنسقة ومميزة…. وكما عودناكم خلال فترة وجيزة سيكون بين ايديكم ببركة وعناية صاحب الزمان (عج)*

*اعداد وتأليف الشاعرة الحسينية خادمة آل محمد* ✍🏻
اسنتواصل معكم (من خلال المجموعات او عالخاص ) ريثما نسلتم الطبعة الاولى
📚 ملاحظة( *بالنسبة للسعر والتكلفة* بعد ما خلصنا طبع ليحددوا السعر بخبركن وما تعتلو هم… بخدمتكم)
*يـا زهـراء مـدد*

▪️جديد
بين مولاتنا الزهراء عليها السلام وعزيزتها الحوراء زينب عليها السلام ليلة العاشر :

١/ليلةُ العاشرِ جاءتْ فاستزيدي بالوداعْ
إنَّها ساعاتُ دمعٍ ووصايا واجتماعْ
وغداً يطلعُ صبحٌ بصراخٍ وضياعْ
بعدَهُ يمسي حسينٌ في ثرى الطفِّ قتيلْ

٢/سألتْها زينبٌ هلْ أنتِ أُمِّي يا تُرى ؟!
فأجابتْ : أُنظري ضلعي وخدِّي الأحمرا
إنني الزهرا طويتُ الليلَ في هذي العَرا
جئتُ أوصيكِ غداً أن ترتدي الصبْرَ الجميلْ

٣/إعلمي يا زينبٌ من بعدِ فُقْدانِ الحُماةْ
آيساً يغدو حسينٌ لافظاً طعمَ الحياةْ
أَحْضِري المهرَ إليهِ ، واعضُديهِ بالثباتْ
ثمَّ لا تنْسيْ وصاياً قلتُها قبلَ الرَّحيلْ

٤/قبِّلي منحرَهُ عنِّي وشُمِّي صَدْرَهُ
فبسيفِ الحقدِ شمرٌ سوفَ يفري نحْرَهُ
وترى عيناكِ منْ صدرِ حسينٍ ظهْرَهُ
بعدما لابنِ أبيهِ* خيلُهمْ تشفي الغليلْ

*من رسالة اللعين ابن زياد لعمر بن سعد لعنه الله: فإن قُتِل الحسين فأوطئ الخيل صدره وظهره.

٥/وإذا شاهدتِ في رأْسِ القنا رأسَ الحُسينْ
فتِّشي عن جسمِهِ تحتَ حجارٍ وَرُدينْ
واجمعي خُنصُرَهُ والكَبْدَ أيضاً واليدينْ
فثلاثاً سوفَ يبقى ليواريهِ العليلْ

٦/أَطْرَقَتْ بنتُ عليٍّ والبُكا يُعمي العيونْ
ثمَّ ماذا ؟ ..بعد هذا يا بنةَ الهادي يكونْ
فأجابتْ : سلبُ خدرٍ ، ضربُ خدٍّ ومتونْ
وغداً يحرسكم شمرٌ إذا راحَ الكفيلْ..

https://tttttt.me/AliOsailyAmily

◼🔲◼🔲◼🔲◼🔲
من یجي شهر المحرم ترعد اغیوم الحزن

وبالحسینیات تجلس فاطمه الزهره و تون

ریت تحت انعال زهره و بالحسینیه اندفن

و تسحگني اجدام اللطامه

خادم خدمةالحسین ع
ناصرآلبوعبید

https://tttttt.me/joinchat/AAAAAD13kEr7ZOeaqrWI7w
◼🔲◼🔲◼🔲◼🔲

يحسين أبد ما ننساك * للموت كل احنه اوياك

يبن الزچیه 2

*

یحسین الک عاهدنه
بس انت بس قائدنه

ما عدنه دونک والي 2

يِتْمَنّه كل واحدنه
نفدي عمرنه وِدنه

في خدمتك يالغالي 2

دونك أبد ما عدنه
خدّامك و والدنه

شخصك يشمس العالي 2

و من الزغر عاهدناك * للموت كل احنه اوياك

يبن الزچیه 2

*

وسط الضمایر بیتک
و گلوبنه حسینیتک

و ایدگ نبضنه اباسمک 2

نقره ابعطش تعزیتک
تروي گلبنه ریتک

ذاب الگلب من اَلْمک 2

اقسم علیک ابخَیْتک
بام الخدر نادیتک

خل قلمي دوم ايخدمك 2

خل گلبي ينبض ينعاك * للموت كل احنه اوياك

يبن الزچیه 2

*

لو طگ صدرنه غمّه
جدر النذر نشتمّه

و نذکر عزا عاشورک 2

اشمحلی من ملتمّه
کل شیعتک للخدمه

و اتشبها نار جدورک 2

گبرک. حضن للرحمه
و سعید بخته الضمّه

یتنفسّک و ایزورک 2

و یموت تحت الشباک * للموت كل احنه اوياك

يبن الزچیه 2

*

یالعایش ابوسط الروح
لجلک مدامعنه اتفوح

دخان نار خیامک 2

یالضامي نحرك مذبوح
نذکر مصابک و انّوح

هذا عهد خدّامك 2

عالخد دمعنه ملموح
لجلك عمرنه مجروح

نبچي اعلى جَمْر آلامك 2

و تنعاك كل الأفلاك * للموت كل احنه اوياك

يبن الزچیه 2

*

يبن الزچیه الحرّه
نتوسّلك بالزهره

يوم الحشر اكفلنه 2

بسم الخَدَم من تقره
و الباچي حين اتذكره

يحسن لا تعزلنه 2

بضلوعك المنكسره
نتوسّلك صد نظره

ويّه الخَدَم سجّلنه 2


الزم أيدينه ابيمناك * للموت كل احنه اوياك

يبن الزچیه 2

*

خادم خدمة الحسين عليه السلام
ناصرالبوعبید
https://tttttt.me/joinchat/AAAAAD13kEr7ZOeaqrWI7w

ما ادگّن الّا بابک یا حسین الشفیّه
عکره معكوره ابحياتي حلها يبن الزچیه

« نفذ صبري حرت بَأمري يوالينه
حسين يا حسين » 2

*

اهل عمري اويه دمعي
و اذوبن دمعه دمعه

و اذوگن مُر حیاتي
بدونك جرعه جرعه

جمعت ادموعي كلها
و الك اعلگها شمعه

اریدک ترضی عني
ابلطف عبدك تشفعه

ادري اسود وجهي يمك لاكن احسبني چن جون
سیّديْ ، اِرزقني بسمه لا تخلّيني مغبون

لئن تدري حرت بَأمري يوالينه
حسين يا حسين » 2

« نفذ صبري حرت بَأمري يوالينه
حسين يا حسين » 2

*

طفولیتي ارسمتها
ابمضيفك يا أمامي

ربيت آنه ابسفرتك
عِلَه اباسمك مقامي

عشت ما عندي غيرك
فقط انت إعتصامي

صحيفة عمري بيدك
حبيبي اضمن ختامي

سيّدي ابحق شيلة اُمّك لا تصد الذنوبي
ابتسم و انظرلي رحمه و غمّض اعلى عيوبي

اَنَا ابفقري حرت بَأمري يوالينه
حسين يا حسين » 2

« نفذ صبري حرت بَأمري يوالينه
حسين يا حسين » 2

*

يعطشان اليروّي
ضمير الدنيه نورك

یِاذّن بیّه شوگي
گبل موتي ازورك

احط خدّي اعلى عَتبك
و اشم جنّة عطورك

و اظل ابچي الرقيه
و ادگ صدري بحضورك

حتى من اُمّك تجيلك تسمع الزهره ونّي
بلكي من تسمع ونيني فاطمه ترضى عني

اَون قهري حرت بَأمري يوالينه
حسين يا حسين » 2

« نفذ صبري حرت بَأمري يوالينه
حسين يا حسين » 2

*

يَا أجمل صوره بالحب
هواك ابگلبي يوحي

احب يبن الزچیه
مْن أون تسمعلي نوحي

أون لجروحك ادري
تشافيهن جروحي

و احبّن يم ضريحك
الأجل يقبضها روحي

ادري مسودّه الصحيفه لاكن آنه ابمضيفك
واثق ابن الزهره انت و حاشه ما تنطي ضيفك

و اَنا ابقبري حرت بَأمري يوالينه
حسين يا حسين » 2

« نفذ صبري حرت بَأمري يوالينه
حسين يا حسين » 2

*

امد چف عوزي صوبك
انا ابقبري و ظلامي

و اصيح اباحتياجي
دخيلك يا أمامي

صفيت ابلا وسيله
فقط أنت المحامي

اجيتك مملي اذنوب
ضرير و گلبي ضامي

گلبي محجوب بذنوبه و ملتهب نفسي معيوب
سيدي ابجاه العقيله غثني من هاي الذنوب

انكسر ظهري حرت بَأمري يوالينه
حسين يا حسين » 2

« نفذ صبري حرت بَأمري يوالينه
حسين يا حسين » 2

*

خادم خدمة الحسين عليه السلام
ناصرالبوعبید
https://tttttt.me/joinchat/AAAAAD13kEr7ZOeaqrWI7w

الهي بحق أمام الحجه و ادموعه
حل شهر المحرم النه موضوعه

*

الهي بكل دمع من فاطمه مسفوح
لا تحرمنه يا رب هالسنه من النوح
خل ننصب مجالسنه على المذبوح

و انواسي العقيله التنعي مفجوعه
حل شهر المحرم النه موضوعه

*

الهي بحق علم عباس و زنوده
و بحق جربته و دم دمعة اخدوده
لا ترضى الحسينيات مسدوده

اصوات اللطم خليها مسموعه
حل شهر المحرم النه موضوعه

*

الهي بحق رضيع حسين و دم نحره
و بحق دم علي الأكبر على الغبره
ارفع هالوباء من شيعة الزهره

عليك بجاه صدر حسين و ضلوعه
حل شهر المحرم النه موضوعه

*

چنه اشمحلی نلتم نسمع المنبر
ننعي اويه الخطيب انواسي ابوالأكبر
و ابعاشر محرم للصبح نسهر

لئن سهرن بنات حسين باللوعه
حل شهر المحرم النه موضوعه

*

يعني هالسنه معقوله يبقى حسين
غريب ابلا عزا و بلا لطم عالعين
الّا الشيعه يارب هالسنه ميتين

نموت احسن بلا عاشور و تاسوعه
حل شهر المحرم النه موضوعه

*

خادم خدمة الحسين عليه السلام
ناصرالبوعبيد
https://tttttt.me/joinchat/AAAAAD13kEr7ZOeaqrWI7w

کل محرم من یجي
البس اثیاب النعي

علمّتني امّي.
بالمحرم

انعي وابچي ابدمّي
بالمحرم

*

اذکر ابعهد الطفوله بالبدایه
امي اتخیّط لي بیرق بالعبایه
اتگلّي بالک یبني اتعوف الولایه
ما ابریک الذمه یاولیدي بهایه

یمّه یولیدي الحنین
بالک اتعوف الحسین

ناعي تصبح حلمي.
بالمحرم

انعي وابچي ابدمّي
بالمحرم

*

آخذ الرایه و مع الرّایه حصیره
و بالسعف نبني، حُسینیه زغیره
هیه ماهي ازغیره عند الله چبیره
حیث ما یوجد ریاء ابها الشعیره

آنه انعي بس خجول
وابدمعهه امي تگول

عفیه یبني النشمي
بالمحرم

انعي وابچي ابدمي
بالمحرم

*

اذکر امّي اتریدني عالحایط اصعد
حتي احزّن بیتنه من بیرق اسود
چان لو چل الغروب الله الْاَحّد
للحسینیه نجي ، اِلملّه لو عد

چان لو وَنْ سلسبیل
و حمزه لِزغَيِّر ، يسيل

دمعي و الطم جسمي
بالمحرم

انعي وابچي ابدمي
بالمحرم

*

هالسنه وسفه انحرمنه من المنابر
والحسينيه اشكثر مكسوره خاطر
لا عزاء و لا لطم نحيي الشعائر
خوفي بس لا ننحرم من يوم عاشر

سيّدي بجاه الذبيح
و ابدمع امّي اليطيح

ناعي سجّل اسمي
بالمحرم

انعي وابچي ابدمي
بالمحرم

*

خادم خدمة الحسين عليه السلام
ناصرالبوعبيد
https://tttttt.me/joinchat/AAAAAD13kEr7ZOeaqrWI7w

هلِّ هْلاله العاشور
يبن الزهره مأجور

يالمهدي يالممدوح
جانه ، هِلال النوح

جانه محرم 2

*

محرم مصحف الاسلام معناته
مصاب حسین جدک جملة آياته
يمهدي بكل فجر تتلي انت صفحاته
تبچي دموم لحسين و مُعاناته

تله جبريل. الك ترتيل
دموعه تسيل. بتلاواته

و انت بچفک فقّار
یقره الندبه للثار

ينعي نعي المجروح
جانه ، هِلال النوح

جانه محرم 2

*

الک جبریل یتلي دموعه همّاله
شهر عاشور بیّن بالسمه هلاله
اویلي حسين ينظر حسره لعياله
يدري الخيل راح اتسحّگ اطفاله


بَعَد ایّام. یون الاسلام
عله الایتام. و عله احواله

کم یوم و راح الدین
یلبس اسود لحسین

یبدي ابحزن ملموح
جانه ، هِلال النوح

جانه محرم 2

*

يمن فجر و مسه دم دمعك اتسيله
عاشور الحزن طيّر ابابيله
مثل هالليله بانت حيرة العيله
هالليله الحسين الزهره تنعيله

بضلع مدموم تحن و تلوم
هلال الشوم بده الليله

ویّاها ایون لِهلال
کل دمعه ابدم تنسال

دمّ الدمع مسفوح
جانه ، هِلال النوح

جانه محرم 2

*


المحرم جانه و ايذكّرنه بالواقع
گلب زینب بعد ایام یتفاجع
تشاهد من یجیهه حسین یتوادع
رقيه بكل دموعه ابعبره تتلامع

دمع مشتاق. مْنَ ارض العراق
هجر و فراق و لا راجع

و ايضربون ایتامه
و یحرگون اخیامه

ریح الحریق ایفوح
جانه ، هِلال النوح

جانه محرم 2

*

لون جبریل یوصل مصرع العباس
زینب من گبرهه و تنحب اباحساس
تنادي چفوف اخوي البيهه عطر الياس
تِبَتْرن حتى خيط حجابي لا ينجاس

گِطَع لچفوف لواه ملفوف
غده مخسوف. اویلي الراس

و النبله بجفونه
شابح صوبي عيونه

كتر النهر مطروح
جانه ، هِلال النوح

جانه محرم 2

*

الك جبریل یتلي و يقره بالمصحف
كئن رادود ينعيلك مصاب الطف
كل ما يلفظ اسم حسين يتراجف
لئن الزهره يسمعها بحزن تلهف

تون ويلاه. يالحسين آه
بْعطش يماه. وريدك جف

يبني يابوالاكبر
ضامي و دامي المنحر

و من الغفى مذبوح
جانه ، هِلال النوح

جانه محرم 2

*

خادم خدمة الحسين عليه السلام
ناصرآلبوعبید
https://tttttt.me/joinchat/AAAAAD13kEr7ZOeaqrWI7w

حزّنوا الدیره یاشیعه هاللیله هل شهرعاشور2

وَيْ علی جدّدوا البیعه هاللیله هل شهرعاشور2

جددوا البیعه اویه حامی الجار

*
استعدوا یالخدم والحزن خل ینجلی
حزّنوا الهیئات

رفعوا هاللیله العلم بایعوا حیدر علی
بالحسینیات

وینکم یهل القیم صوتکم خل یعتلی
اللیله بالتکیات

صیحوا یاراعی الشیم مانعوفک یالولی
لا والله هیهات

حیدر ابکل حسینیه لن یحضر بایعوا المولی 2
هل هلال الحزن بایعوا حیدر بایعوا المولی 2
هاللیله واسوا النبی المختار
جددوا البیعه اویه حامی الجار
*
بایعوا حامی الحمه بالمئاتم والدمع
واحیوا الشعائر

واسوا زهره الفاطمه تبچی مکسورةضلع
تحت المنابر

دم تهل عین السمه منذبح اقدس شمع
بیدالکوافر

بهل مصیبه المولمه طاها گلبه منفجع
و گلب الاکابر

رفعوا یَللّه البیارق يَاَهل الدین شیعةالکرار 2
واسوا ضلع الزچیه ابلفظ یحسین شیعةالکرار 2
هاللیله نادوا یبو الاحرار
جددوا البیعه ویه حامی الجار
*
یبچی گلب ام الخدر من وصل شهر الالم
والدمعه چن دم

ینعی ضلع المنکسر والله وبحیدر قسم
مفجوعه بالهم

جهّزوا جدرالنذر من اجل راعی العلم
خلوا ایتفحّم

ایشافی اصخام الجدر الله شاهد یالخَدَم
سابع محرم

بالتکایا عسل چای ابوالسجاد بیه اشم حسین 2
والمحرم لون هل یون لفّاد بیه اشم حسین 2
اشتم ریاح الخیم والنار
جددوا البیعه اویه حامی الجار
*
من یهل شهر الجنون اعنی عاشور الحسین
ینجن دلیلی

اذرف ادموم الجفون والطم الخد والجبین
واصرخ اویلی

اذکرحسین الحنون ویلی مذبوح الوتین
وابچی بعویلی

وچنهه زینب بالظعون تنحب و تنعی بونین
وینه کفیلی

»زینب ام الخدر تنحب ابلهفه بویه یاحیدر 2«
امشی ویه الغُرُب یاالف وسفه بویه یاحیدر 2
مالی عشیره کئن و انصار
جددوا البیعه ویه حامی الجار
*
من یهل شهر العذاب تبدی ثورات الدموع
و دمعی ایتفجّر

انحب ابافجع مصاب اِنذبح شمع الشموع
بالطف توذّر

عینی تمطر چن سحاب واذکر المهدی بخشوع
وگلبی ایتجمّر

یمته یخلص هالغیاب یمته یا یوم الطلوع
والمهدی یظهر

یمته یظهر ابوصالح المهدی ویعلن الثوره2
ریته یحسبنی ابعسکره جندي ویعلن الثوره2
و جبریل اینادی بطلوع الثار
جددوا البیعه اویه حامی الجار
*
خادم خدمةالحسین ع
ناصرآلبوعبید
https://telegram.me/joinchat/BeLJET13kEqR1qtCqrWI7w

عَـلى الناﮔـه حِلم مَذبـوح
بعَـين ايتِـيمه مَسبيه
ومِزنـَـة دَم جِـرَت مِن ذَان
ﭼَانت بيها تَـرﭼيـّـه
*
عَـلى الناﮔـه تِـوِن طِفلــه خَافِـت حِـس بوَاﭼـيها
النَـسمه الّي تمُـر بيها تبـﭼــي وتنحَـب اعلِـيها
خِـذَت دَرب اليسِـر كلّه وثِـلث ﭼلمَــات تحـﭼـيها
وَينـــك بابا إلحَـﮔـــني والنَـشــغَـه تغِـــص بيهـا
نِحَـب عَـرش اَلله للـﭼلمَـات وانسِــمعَـت بوَاﭼيّه
*
وَرده وﮔيـّدُوها بـﮔيد وﭼَف اَسوَد خِنـگ الألوَان
وبَس لون اَحمَر ايغطّيه الطُول وظَل عَليه نيشَان
وبَـدَل مِن العِـطر والطِـيب صَارت رِيحة الدِخـان
وتَـرَافه البالغِـصن ﭼانت كِـلَتها شُوكة السِعـدَان
تِميل اويَه الهَوى لُوهَب وتِظَل مِن بَعده مَـﭼفـِيّه
*
اِحجَاب اَبيَض عَليها ﭼان اَترَف مِن نِـدَه الوَرده
يَابِـس مِن نَـجِــيع الدَم وكالسِـيف انـﮔلـَـب حَـدَّه
ﮔص مَـنحَر رُقيه وصَار ياكِـل عَضمه وَي جِلده
مثل سِـيف الـﮔِطَع أودَاج ابـُـوها وللـﮔـفه اتعَـدَه
وخِـلصَـت بالدَرب ﭼنهـا مَـاي اِنـﭼِـفـَـه اِبَّــــرِّيه
*
رُقيـه البيها رِقــَّــة كُون زغِـيره ابـﮔِـيد شَـدّوها
كِـل شَهـﮔـة حِـزن مِنها ابشـَـتم وَالدها سَكتـوها
تتـنَـفـس يِـتِــم وبسـُـــوط لـُــو نَــادَت يرِدّوهـــا
كَـبَّـرها السَـبي وﭼنها ابعـمر خَـمسين شَافـُـوها
مَـﭼتـُــوفه وتِـون بسكـُـوت بُـويه مَاتَـت اِيــدَيـَّـه
***
يالـﭼنتي ابحِظِن لِحسين عِـزيزه وﮔَدرِچ اشكبرَه
عَلى اﭼفوف المَـحنه ايبَات خَـدّچ والوَرد عِطره
عَينـچ عالرمح لِـيفـُـوك صُفيتي وبالـﮔلب حَسره
اِوَّي رَاسه ابسِكُوت العَين صُفت تِتبادَل النظـره
تِـخِـبره ابمَـدمَـع الهَـمـَّـــال عَالـﮔـيد ومَـآسِـــيـَّـه
---------------------------------------------
لقمان لعيبي البدران

للمَجَالِس رِجلِـي تِمشي
وﭼنها لِطفـُـوفَـك مِشَت
شَايل برُوحي حَنـين
وجَمرَه وَجَّـت مَاطفَـت
*
بالمَجَالِس كِلشي يسكِت
بالحَياة
وتُوﮔف اعيُوني بثَـبات
وبَس اشُوف اِنحُـور تِجري
واَسمَع اونِـين البَـنات
وحرمَه بالدمعه تِوَضّـت
للصَلاة
وطَفله مَـﭼفِيـَّـه ابخَرابه
ابطَشِت بَاگ الأمنيَات
وشَمعة اَحلام اِنطفَـت
للمَجَالِس رِجلِـي تِمشي
وﭼنها لِطفـُـوفَـك مِشَت
*
ياإمَـام الدَمعه رُوحي
بلَا أمَان
قِصدَت الأقـدَس مَكان
بي عَزاءَك يالغَريب
ونَامَت بحِظن الحَنان
وخِجلَت وذَابَت شُموع
اويَه الأذَان
ورَتِّـلَت آية نحُـور
الرَاس مَرفوع بسِنان
وسُوره عالمَذبح قِرَت
للمَجَالِس رِجلِـي تِمشي
وﭼنها لِطفـُـوفَـك مِشَت
*
دَمعِـتي اِبَّـابك تَوسّـل
يالإمَام
سَالَت وفَاضَت هِـيَام
كِـتبَت اعلى اضفَاف رُوحي
حسين مَخلَـص كِل كَلام
حسين يالحبـَّـك فَريضَه
اعلَى الأنَـام
اتشَرِّعَـت ﮔبل الصِيام
وبالصَلاه لو مَاكو دمعَه
تجرِي لَجلَك مُو تمَام
ونِـقصَت اشمَا كَمـِّـلَت
للمَجَالِس رِجلِـي تِمشي
وﭼنها لِطفـُـوفَـك مِشَت
*
النَاعِي مِن يقرَه المُصيبه
اويَه الوِنين
ﭼنّي اَسمّع حِس حَـنين
وظِل سَوادَه امن البعِـيد
شَايله ابـﭼَفها جَـنين
امن الضِلع تنشَـغ نِشيغ
وبالجَـبين
أثَـر لُوعات السِنين
وتصرَخ ابنِص الحضُور
ولِيدي ظَـل ابلا مُعِـين
وبَـﭼَّت الكِل مِن بِـﭼَـت
للمَجَالِس رِجلِـي تِمشي
وﭼنها لِطفـُـوفَـك مِشَت
—-------------------------------
لقمان لعيبي البدران

*[ الرزق خدمة ]*

أداء: الملا #محمد_باقر_الخاقاني
كلمات: الشاعر #السيد_أنور_الموسوي

https://youtu.be/5NLNeAExEBM

مجالس شهر ذو القعدة لسنة 1442 هـ - 2021 م
ليالي إستشهاد موﻻنا باب المراد الإمام محمد بن علي الجواد صلوات الله عليه
عزاء موكب باب الحوائج عليه السلام - العراق - الكاظمية المقدسة

مونتاج واخراج: حارث العكيلي
مكساج: كرار الموالي
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَج

*[ قريبة المصيبة ]*

أداءوالحان : الملا #علي_الوائلي_الكربلائي
كلمات: الشاعر #حيدر_سامي_السعدي

https://youtu.be/a_fpkAsSxuQ

مجالس شهر ذي القعدة لسنة 1442 هـ - 2021 م
ليالي إستشهاد موﻻنا باب المراد الإمام محمد بن علي الجواد عليه السلام
عزاء هيئة أولاد علي عليهم السلام - العراق - واسط

مونتاج: سجاد سلام
مكساج: كرار الموالي
مخطوطات: مؤمل الرميثي
تنفيذ: SS للانتاج الحسيني
النشر الشبكي: علاء بركات العاملي

الـى قمـر الرباب .. وشبيه المحسن بالمصاب
المسمى بأصغر باب للحوائج 
ومـن يأتيك بخير النتــــائج
فأليهِ مني أنا العبد الفقير
لرحمته ورحمة أبيه
اهدي هذا السفر المتواضع
 والديوان المفتقر الى نظرته المباركة
لعلّي أحضى بشفاعة وعناية
محمد وآل محمد في الدنيا والآخرة
وصلى الله عليك ياعبدالله الرضيع
ورحمة الحسين وبركاته
 
أقل الأقلين
واللائذ بشفاعة الحسين (ع)
محمد الجماسي

#الناشر_الحاج_فلاح_حسن

یالناکر الولایه. هاک اسمع الحکایه
حیدر علي امامي وياه الى النهايه

حیدر بعگلي منطبع ، حُبّه یجری بودادي
يا علي حيدر يا علي ، دومه ينبض فؤادي
چف علي چف الله العلي ، وجهه وجه المهيمن
طیني معجون ابچف علي و ، ثابت اباعتقادي


قال الامین. لا فتی الّا علي
في العالمین لا فتی الّا علي
في کل حین لا فتی الّا علي

مولا علي ، مولا علي علي 2

*

حیدر کطاها ذاته. ما يوجد ابصفاته
تسوه العرش و الاکوان. کل رکعه من صلاته

افضل من الجن و الإنس ، طبره من ذوالفقاره
حُب علي انفع كل عمل ، والله وانفع تجاره
لو الف عام من العمر ، اسجد الْاَللّه و اركع
والله لو ما حُب مرتضى ، عمري كله خساره

عندي اعتقاد لا ولي الّا علي
لجل العباد. لا ولي الّا علي
نبض الفؤاد لا ولي الّا علي

مولا علي ، مولا علي علي 2

*

حيدر علي صلاتي. يوم الحشر نجاتي
ما عندي غيره انخاه. يحضرلي ابمماتي

كل شبر من عمري علي، كل نفس كل دقيقه
اعشقت نفس المصطفى ، هم وصي هم شقيقه
احنه مذهبنه جعفري و ، مبتني عالدلايل
لكن آنه ابقلبي علي ، ماني رايد وثيقه

اصرخ و اصيح. يا عليُّ و يا علي
كل ما اطيح يا عليُّ.و يا علي
اجمل مديح. يا عليُّ و يا علي

مولا علي مولا علي علي 2

*

خادم خدمة الحسين عليه السلام
ناصرآلبوعبید
https://tttttt.me/joinchat/AAAAAD13kEr7ZOeaqrWI7w

طال انتظاري و العین دم گلبي تسیله 
وینک یا سلطان الروح هاي آنه العلیله 

ما تنطفي ناري.  ملّیت انتظاري 

هاي آنه العلیله 2 

                                                 *****

بویه ملّیت انتظاري یمته یخلص هالسفر 
جمرة دموعي اعلی هجرک جرحت جفون السهر 
من لهیب آهاتي ضاجت و اشتکت حتی السقر 
من کثر ما ون دلیلي انفجر دمع الحجر 

کل دمعه ابخدي لتسیل یتفطّر فؤادي 
یحسین یحسین اتصیح بحروفک تنادي 

عمري ابدمعي جاري   ملّیت انتظاري 

هاي آنه العلیله 2 

                                                 *****

اجلس ابدرب الجوافل و اترس عیوني أمل 
عیني مشبوحه اعلی دربک لمّن ایطمني الأجل 
لو یمر طارش اگلّه. آنه لمضیعه الأهل 
آنه بنت حسین آنه بت علي خیر العمل 

آنه العلیله یالناس.  بت زهره الزچیه 
و عیوني مشبوحه دوم لرض الغاضریه 

عیني اعلی الصحاري   ملّیت انتظاري 

هاي آنه العلیله 2 

                                                 *****

عیني ممدوده الدربکمْ مْنِ المدینه للعراق 
لو ضعن یگرب اگومن و افرش عیوني اشتیاق 
اذرف ادموعي  و اگولن خَلْصن ایام الفراق 
بالوجوه اتصفّح ابقی و بالهوادج عالنیاق 

کل هودج اگصد له ابشوگ و انشد من سَکنهه 
هودج زینب صایر وین مشتاگه الحضنهه 

و دمعاتي تراري.   ملّیت انتظاري 

هاي آنه العلیله 2 

                                                 *****

بویه گلبي نار یلهب  و اذرف ابدمعي النّقي 
ضامیه و لو قبّلتهه چفوفک اروه و انسقي 
ناذره الوجه الله وعداً والله یدري ابموثقي 
راح افرشلک حیاتي بویه لمّن نلتقي 

دوم ابصلاتي باللیل ادعي ابچف قنوتي 
مشتاگه الأبویه حسین و اخواتي و أخوتي 
ملّیت انتظاري 

دوم ادعي من الباري.  ملّیت انتظاري 

هاي آنه العلیله 2 

                                                 *****

یعني هم ترجع و اشمّن عطرک العطر النبي 
حیل اصرخ من اشبگک فدوه لعیونک أبي 
عن علي الأصغر انشدک کبر؟ ظل یحبي حبي 
یگول بابا ؟ یجیب اسمک؟ لو الوجهک یسطبي 

و مشتاقه العمي العباس. یا لحظه الأشوفه 
حین اعطش ینهض للجود یسقیني ابچفوفه 

و ایطفّي شراري.   ملّیت انتظاري 

هاي آنه العلیله 2 

                                                 *****
چنت اظن یومین ترجع بویه شو صارن شهور 
خنجر افراگک یابویه ذابح اوداج الشعور 
یم گبر جدي اهیم اهناک اتشرف و ازور 
من اشم اتراب گبره چن اشم ذبح النحور 

ما ادري عطر اسماعیل عطر الّي اشمّه 
لکن ربي گال افدیه ابذبحٍ اعظم دمّه 

دم نحرک اثاري. ملّیت انتظاري 

هاي آنه العلیله 2 

                                                 *****
خادم خدمة الحسین علیه السلام 
ناصرآلبوعبید 
https://telegram.me/joinchat/BeLJET13kEqR1qtCqrWI7w

#محرم_١٤٤٣_هـ
الليلة الخامسة

لسان حال مسلم رض وهو على قصر الإمارة وفي لحظاته الأخيرة

من مُسلمٍ بدمِ الثنايا أُرسلُ
هذا سلامي يا حُسينُ مُبجَّلُ

من عاشقٍ قد هامَ في معشوقهِ
يطوي القفارَ بخافقيهِ ويعجلُ

إن قيَّدوا جسدي فعشقي مُطلَقٌ
ذا مُسلمٌ بهوى الحُسينِ مُكَبَّلُ

لم يبقَ لي من ناصرٍ إلا الهوى
ومِنَ الهوى يا واحدي ما يَقتلُ

ماذا فقدْتُ وقد وجدْتكَ دائماً
في كلِّ شيءٍ ظاهرٌ لا تأفُلُ

أدري بأنّكَ ناظِرٌ في موقفي
ما هَمَّني من بعدها ما يُفعلُ

خجلي يعاتبني بما أفدي بهِ
ولسانُ حالي يا تُرى تتقَبَّلُ

إن كان رأسي في سواكَ مُعلَّقاً
هَبْني كمالَ الانقطاعِ فيُفصلُ

ودعِ الأزقَّةَ في هواكَ تجُرُّني
علَّ الفؤادَ بعزِّ قُدسكَ يُوغِلُ

وعسى الدماءُ تَخُطُّ في كل المدى
أنّي بعينكَ يا حُسينُ الأجملُ

أنت المرادُ وأنت غايةُ غايتي
من ذاتِ ذاتي قد خَرجْتُ وأُقبلُ

أفنى وتبقى، لا سفيرٌ بعدها
فلأنتَ مِنّي آخري والأوَّلُ

حاشا لموتٍ أن يُفرِّقَ بيننا
سأظلُّ من قصرِ العُلى أَتَبتَّلُ



د. محمد الدغلي
https://tttttt.me/drmohamadeldeghli

حسين تَســبِـيحة حياتي
حسين يحضَـرلي بوَفاتي
عمري كلّه حسين
ودِنيتـي والدِيــن
*

أبـدِي باسـمِ حســين مِن اَبـدي الحَـﭼي
وبـي تسكـّــتني امّــي سَــاعات البَـﭼي
ولو مشـــيت اعليــه أسـَـنّـد وارتـــﭼي
ولو عِثَرت اعلى اسمَه مِن تَعبي انتـِﭼي
واسـتِمر بَعدين
عمري كلّه حسين
*
حســـين دَعـــوَة والــدي البِــيه التِـزَم
حسـين حِـرز ابزَنــدي شَــدّته الخـَــدَم
حســـين علـّـــمني أخطـّــــن بالقـَــــلم
حســــين تَوفِــيقي وسَـــبب كِـل النِعـَـم
لازم اُوفي الدين
عمري كلّه حسين
*
خـَــــادم الخِــدّامه وابهـَــــاي افتِــــخر
أطبـَـــــخ وبـِـيــــدي أوَزّع بالنـِـــــذِر
واحلـَــى لحظــات ابحيـَـــاتي وبالعُــمر
امنَ امسـَـح آنه الوَجه بصخـَـام الجِدِر
وتنـﭼوي الـﭼَفين
عمري كلّه حسين
*
عَلى حبـّــه اربَـيت واطفـــالي الإجَــوا
علــّــمتهم وابنـَــفِـس خطـّــي مِشَـــوا
من عَــذب نهـر العشـﮒ هـذا ارتِــوَوا
ومثلـِــي خـدَام الإبـُـو اليمـّـــه صــفوا
وبيهَه مِفتخرين
عمري كله حسين
*
إبنــي ذاك أيــوَزع المـَــاي اويصـِــيح
يــــالله يـالزَايــر تعـَــــال وإســـــتريح
وبتــّـي تكتِــب لَه شعر شَعبي وفصيح
وتنعـَـــه للأطفــــال عالطفــل الذَبيــح
ومنها تدمَع عين
عمري كلّه حسين
*
منـّــي أســأل ربـّـــي يقبـَــل هـالقلــيل
ويـُــوم المجـَـــالَع يسَـهـّـــلي السَـبيل
ومن يجـــي الدفــّـــان بتــرابي يهِــيل
ابجـَـــاهه ترحَــمني ملائــكةِ الجَـــليل
واربح الدارين
عمري كله حسين
,,,,,,,,,,,,
لقمان لعيبي البدران

@lukmanalbadran

نظلُـمُها عِندما نصَوِّرها ، يائسة ً بائسة
وهيَ مثالُ الصبرِ والجَلادة..
------------------
كالجَـبل بِـت النَـبي
عَـلى التَـل الزَينـبي
جبَـل فوگ التـل ينـَـادي آ يالحسين
وَعـدِي ويَّاك الصَبر ماتِـدمَع العَـين
*
الصَبر رَاد اَلله يخِـلقَـه ابصُورة اِنسَـان
ويرسِم اَوصَافه ويخطـَّـها ابإيـد فنـَّـان
آيـَـه مِـن عِـندَه وسَبيل الرِفعَـة الشَـان
خِـلَـق زينَــب للبَريـَّـــه وكان ماكـــــان
صَبر وبصُورة بشَــر
زينب وكِـل الصُــوَر
تشرَح اشلون الصَلابه ابدِنيـَه وبـدِين
وَعـدِي ويَّاك الصَبر ماتِـدمَع العَـين
*
هَـذا مـُـو تَــل فاجعَــه تَـل مَرجعـيـَّــه
البطَـل سَـوَّا إِلهَـه مِـن رُوس آل اُميـَّـه
فـُـوﮔـه صِـدرَت فَـتـوَه مِن الهاشـــميه
السِـتر وَاجب باصعـَـب اَوقـَـات الرزِيه
والصَبر يُـوم الشِـدَد
مِثل رَاس امِن الجسَـد
والفَـواطِم نـفـِّـــذت كِـــل المَضـَــامين
وَعـدِي ويَّاك الصَبر ماتِـدمَع العَـين
*
أَبَـد ماطَاحَت عَـبَـايه ولا انكِشَف رَاس
واليـﮔول اِخــلَاف هذا مِن اَخَـس نَاس
زينب اِحجَـاب السِمه وللعِــفه مِقيَـاس
وحَاشَه لِحجَاب السَـماء ابرِيبَه ينجَاس
اِلحفَظ بالقدرَه الذِكِـر
حَارِس ابعَـينه الخِدِر
وقـدرَة البَاري نـَـفَــاذ وأمـرَه تَـمكِـين
وَعـدِي ويَّاك الصَبر ماتِـدمَع العَـين
*
الـﮔالَت اَقبَـل بالقضَاء وشِـنهي مَكتوب
ومَارَأيـت إلّه جَميـل ابهَــاي الخطـُـوب
تِلطم اعلَى الرَاس ﮔلّي اِتشِـگ الجيُوب
إِتـَّـقـي البَـاري ابحَديث وكِلّــه مَكـذوب
أبَـد ماخُمشَـت وَجه
الـﮔـال هذا مِـشتِـبه
لو حَـقود اوهِيـَّـه وِحـدَه مِن الاثنـين
وَعـدِي ويَّاك الصَبر ماتِـدمَع العَـين
***
ولُو فرضنا ابيُوم عَاشِر دَمعَت اعيُون
للعَــقيله اِخـت الكَـفيل اوَّالِـدة عُــون
أبَـد ماخَلـَّـت دَمعها ايشُـــوفه مَلعُـون
وللدَمـع ﮔـالته اِبقى اِبجِـفني مَسجون
واَبد ماصَاحَت جَزَع
ورِجفت وشَافت فَزَع
وخَلّـت اجيُوش المَذلـّه ابحِـيرَه باقِـين
وَعـدِي ويَّاك الصَبر ماتِـدمَع العَـين
----------------------------------
لقمان لعيبي البدران
@lukmanalbadran

بصَـفحة اﮔليبي قصـيده    
انكِـتبـَـت ابطور الوفـَـاء
مُـسـتهَـلها انتـه يغــالي   
وانتـه أبيـَـات الدُعــــاء
ياحبيبي ياحسين
*
مِـن هـَــزة مَهـَــد أمـّــي الحَنــينه      
إلِـي باللــيل وَي نجمـَـه الحَزيــنه
اسمَعت صُوت النعي وأذكِر وِنينه
( بـﮔيت امحَيّره وأصفِج بالايدين  
 لا عباس يبــرَالي ولا احسين )
مِلـَـك روحي وصُفت عِـندَه رَهينه       
وزِغيـر اﮔليبي بَس دمّعـَــت عَينه
واعرَفِـت مَعنى البُـكاء
ياحبيبي ياحسين
*
عشِت عِـيشَة بسَـاطة ابـّـيت فقـرَه     
الامَـان ايلـُـوذ ﭼـان ابطـَـرَف كِتره
وعبد الزهره اسمعَه ابطورَه يقرَه
( جَابـَـه ومــدّده مابــين اخــوته  
بـﭼـَه عِدهم يَويــلي واهُم مُوته )
واشـوفـَـن والِدي واعيُـونه حَمـرَه  
يصـﮔـَـع ﮔصّـته اويجـذِب الحسـرَه
ومنـّـه أسمَع هالنِداء
ياحبيبي ياحسين
*
اعرَفِت شنهي الوَفاء وشنهي مَعناه  
من حَـامي الشـريعه الضحّـه يمنَـاه
ابيـُـوم القَـاري صَـاح وصِحنه ويّاه
( شلون اشرَب واخوي حسين عطشان  
وسِكنه والحرَم واطفال رضعَان )
إبو الغِـيره الأصـيل الطِـيب طروَاه  
نِعِـم منـّـه ومنو ايسـوّي الي سـوّاه
يستِحق تاج الوفاء
ياحبيبي ياحسين
*
ابجَـمر النـار روحـِــي ايلـَـوّعُـوها   
واحِـس سَبـي الحرَم منـّـي سـبُوها
امن اسمَع سِـكنه مِن اتـﮔِـل لبـُوها
( يَبويه انــروح كِل احنه فِدايـاك 
دِخذنه للحرب يحسـين ويّـاك )
واحِس باحسَـاس كِل بت يتـّــمُوها   
ومن حِظـن العَطـف غصباً خِـذوها
وشَافت امن الكِل جَفاء
ياحبيبي ياحسين
***
الكـلام المَـايخلـّــي ابعَـينـي دَمعــه    
وايهـَـــيّـج حِزن ﮔلبـي او يطـَــلعه
نعِـي النـَـاعي لوَن ابيـُــوم اسِـمعه
( يَخويه احسـين خلينـي بمِـﭼاني
يـﮔلـّـه ليش يازهـرَة زمَـاني )
مصِيبه اتشِيل كل صَبري اوتِشِلعه      
بـﭼَت ليهه الأرض والسِمه السَبعه
صَارت ابطف كربلاء
ياحبيبي ياحسين              —---------------------—
                                                                            
  لقمان لعيبي البدران
@lukmanalbadran