#عيد_الله_الاكبر
غديريات للإمام علي عليه السلام

طه النبي بيوم الغدير أطلق بشاره
دين بارينه اكتمل وحاز اعله الصداره
هذا الأمر رباني وموش من اختياره
اتوج علي اعله الخلگ بتاج الاماره

من الباري حيدر //تنصيبه
🌸🌸🌸🌸🌸🌸🌸🌸🌸🌸🌸🌸🌸

جبريل نادى يا محمد خاتمة الرساله
هذا الأمر مختوم صكه من رب الجلاله
ولاية علي بيها يتم ويكتمل نهج العداله
بهذا اليوم فاز كلمن تبع درب النبي وآله

والناصب //شعلت نيرانه
🌸🌸🌸🌸🌸🌸🌸🌸🌸🌸🌸🌸🌸

من الله امر تنصيب حيدر بالامامه
وعلى هذا الأمر عدنا اكثر من علامه
بمحكم التنزيل آيات تشهد بستلامه
تاج الاماره بيوم الغدير جان الختامه

وتنصيبه// يرجع للدار
(اية الانذار حديث الدار)


تمت بعون الله تعالى
خادمة الزهراء /ليلى زغيب




الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

والَمني ودَادك ياعلي ولام
ومادِيرن فِكر للّي حچه ولام
يالمجمِّع صِفاته امن النِده ولام
جمال الوَجه كلّه امن الثريه

لقمان لعيبي البدران
@lukmanalbadran

#مولد
*يوم الغدير*

الله الله أكبَر ...
الله جبريل كبّر ...

الله..الكون اتعطر...طه بشّر.. حيدر الله أكبر

°°°°°°°°
طه رفع في كفَّه نور الإيمان..
نور الإيمان..

وشفافه تلهج حيدر روح القرآن..
روح القرآن..

من نورك زهّر. .. الله
والباري أخبر ... الله

الله .. الكون اتعطر .. طه بشّر .. حيدر الله أكبر

°°°°°°°°

يوم الولايه اتنصّب مولى الأحرار..
مولى الأحرار..

والمحفل كله ايرَدّد حيدر كرار..
حيدر كرار..

جبريل كبّر ... الله
والنبي بشّر ... الله

الله .. الكون اتعطر .. طه بشّر .. حيدر الله أكبر

°°°°°°°°

كل شيعي قلبه يفرح عمّت الأفراح...
عمّت الأفراح..

ومن نسمع إسمه حيدر همنا ينزاح..
همنا ينزاح..

كل شيعي كبّر ...الله
وبحيدر يفخر ...الله

الله .. الكون اتعطر .. طه بشّر .. حيدر الله أكبر

°°°°°°°°

واللي يحب النبي حيدر مولاه..
حيدر مولاه..

من ايده يشربه الكوثر حيدر مولاه..
حيدر مولاه..


والباري أخبر ... الله
والنبي بشّر .... الله

الله .. الكون اتعطر .. طه بشّر .. حيدر الله أكبر

▪️قصيدة (يا علي)

إسمٌ منَ اللهِ الْعَلِي... قَدْ خُصَّ بالموْلى علي
إسمٌ توافَقَ معْ مُسمَّـــــــــــاهُ عليٌّ في علي
ألعرشُ والكُرسيُّ شعَّا...مِنْ شُعاعِك يا عَلي
هُوَ بابُ جنَّاتِ الهَنَا...يزْدانُ باسمكَ يا علي
ذو حلْقةٍ في قَرْعِها...يَعلُو نِداها يا علي
(رضوانُ) لا يرضى بعبْــدٍ ليسَ يرضَاه علي
إِنْ كانَ (مالكُ) مالكاً...ناراً فمالِكُه علي
(جبريلُ) بينَ جَنَاحه...تزْهو حروفُك يا علي
وجبينُ (إسرافيلَ) فيهِ...بَريقُ نورِك يا علي
(ميكالُ) يقسمُ رزقَهُ...بَعْدَ الصَّلاةِ عَلى علي
____________________________
أُمِِرَ الملائكُ بالسجودِ لنورِ وجهكَ يا علي
أنتَ الذي علَّمْتهُم...تسبيحَ ربِّك يا علي
لا أَعْجبنَّ إذاً إذا...ناجَوْه باسمكَ يا علي
ولَطَالما سمعوا رسولَ اللهِ يدعو يا علي
في السِّلمِ يدْعو في الهَيَاجِ وكلَّ حينٍ يا علي
وعلى حَدَائجهِ ارتقَى...طهَ يُحاذيهِ علي
وبِصَوتِه صَدعَ الهدى...ألدِّينُ يكملُه علي
ويتمُّ نعمةَ ربِّنا...فالنعمةُ الكُبرى علي
أشْهدتُكَ اللَّهم فاشْـهدْ (لا وليْ إلا علي)
قلْ أينَ (غُندرُ)؟أينَ (حبْترُ)؟أينَ (نعثلُ)؟ مِنْ علي
____________________________
(عزريلُ) يفخرُ أنَّه...ظلٌّ لسيفِكَ يا علي
في يَوْمِ (بدرٍ) لاحَ بدْراً في دُجى الهَيْجَا علي
وبِحرْبِ (أُحْدٍ) ما رسا...أَحَدٌ كطودِكَ يا علي
فَعَلاَ النِّدا بينَ السَّما...ترديدَ مدحٍ في علي
(لا سيفَ إلا ذو الفقارِ ولا فتى إلا علي)
وَلَعَمْرُ ربِّكَ إن (عَمْراً) مَاتَ يَرجفُ منْ علي
و(لِمَرحبٍ) يا مَرحباً...ما قالَها إلاَّ علي
وَحَنَت ْ(حُنَينُ) على الوَغَى...ممَّا فَرَى فِيها علي
(صِفِّينُ) في صَفَّيْنِ باتَتْ قَدَّ هامَتَها علي
و(النَّهروانُ) دِماؤُها الأنهارُ فجَّرَها علي
واستُنطِقَتْ (جَمَلُ) الشَّرى...جُمَلاً بحدِّك يا علي
____________________________
ألعِلمُ أنتَ وكيفَ لا؟..وبكَ ابتداهُ يا علي*
و(الياءُ) لمْ يُقلبْ (لميـمٍ) ذاك سرٌّ يا علي
قد ظلَّ** مثلَ سفينةٍ...ينجو بها مولى علي
لكنَّ فيهِ كلَّ علْم كلَّ سرٍّ يا علي
ألنقطةُ الأولى حَوتْ...علمَ الأوائلِ يا علي
والنقطةُ الأخرى حَصَت...علمَ الأواخرِ يا علي
قالوا:الهُدى،قُلْنا عَلِي...سيفُ الرَّدى،قلنا علي
مُرْدي العدى ،قُلنا عَلي...قالوا النَّدى،قُلنا علي
قالوا:الصَّلا،قُلنا علي...عَقدُ الوَلا،قلنا علي
خيرُ المَلا،قلنا علي...قالوا العُلى،قلنا علي
والله قد جمعَ الفضائلَ في أبي حسنٍ علي
خلقَ الكمالَ كذا الجمالَ وقالَ"كونَا في علي"
واللهُ قَدْ فَرشَ الثَرى...منْ أجلِ نعلِك يا علي
نَعلٌ تَعالتْ عالياً...عَلاَّ مَعالِيَها عليْ

*العلم يبدأ بالعين واللام
**ظلَّ حرف الياء


https://tttttt.me/AliOsailyAmily

*[ علي علي مولا ]*

أداء: الرادود الحسيني #عمار_الكناني
كلمات: الشاعر الشيخ أحمد الوائلي والشاعر علي_عماد

https://youtu.be/aXxs5UqofkI

مجالس لسنة 1442 - 2021 م
محفل قرآني بالتعاون مع التجمع القرآني في ميسان
حسينية الحاج عبد الزهره الفرطوسي - العراق - ميسان

اخراج: أحمد ناهي
مونتاج: مهدي اللامي
مكساج: باقر حسن
تصوير: شركة SS
النشر الشبكي: علاء بركات العاملي - علي الفاطمي

▪️جديد

يا روحُ طيري…نحوَ الأميرِ
فاليومَ عيدٌ…عيدُ الغديرِ

١/إجتَمِعُوا يا ناسُ لا تشتَّتوا
وانتظروا حتَّى تجيءَ الكعْبَةُ
بصوتِ طـٰهَ سَتُقامُ الحُجَّةُ
فاستمعوا لقولهِ وأنصِتُوا..

أمرٌ تقرَّرْ…في شأنِ حيدَرْ
يتلوهُ طَهَ…باسمِ القديرِ
فاليومَ عيدٌ…عيدُ الغديرِ

٢/سادنُ وحْيِ اللهِ ذو القَدْرِ العَلِيْ
جاءَ إلى خيرِ البرايا مِنْ عَلِ
قالَ لهُ "بلِّغْ" عنِ اللهِ العَلِيْ
"منْ كنتُ مولاهُ فمولاهُ عَلِيْ"

كفُّ الولايهْ…للحقِّ رايهْ
تعلو بكفِّ الـ .. ـهادي البشيرِ
فاليومَ عيدٌ…عيدُ الغديرِ


٣/لاحَ "بياضُ الإبطِ" في جمالِهِ
فجاءَ عرشُ اللهِ في جلالهِ
يُهنِّئُ الإسلامَ باكتمالهِ
"صلُّوا على محمَّدٍ وآلهِ"

هذا عليُّ…فيكُمْ ولِيُّ
صلُّوا عليهِ…طولَ الدهورِ
فاليومَ عيدٌ…عيدُ الغديرِ

٤/إنْ بخبخا للحقِّ أو ما بخبخا
يبقى لطٰهَ وارثاً ، صنواً ، أخا
منْ بعْدِهِ بالغصبِ لوْ "تشيَّخا"
فحيدرُ الأولُ قدْ تأرَّخَ

ألفضْلُ يشهدْ…ثاني محمَّدْ
كمْ قالَ عنهُ…هذا وزيري
فاليومَ عيدٌ…عيدُ الغديرِ

٥/أرواحُنا طارتْ لِخُمٍّ هائمهْ
قالتْ وداعاً لليالي القاتمَهْ
فاليومَ دنيانا جِنانٌ باسمَهْ
من بسمةٍ شعَّتْ بعيني "فاطمهْ"

للعيد ناصِبْ…رغمَ النواصبْ
نُحْيِيهِ حتْماً…يومَ الظهورِ
فاليومَ عيدٌ…عيدُ الغديرِ


تمت بعناية الحجة عجل الله فرجه
٢٠٢١/٠٧/٢٧

https://tttttt.me/AliOsailyAmily

#يـاحسـين
كلشِي أريده
خادم عا بابك
انعي وألطم
وابكي لْمصابك
واتسجّل اسمي
حسين بكتاب
تحرمني حاشى
شمّة ترابك(اللهم ارزقنا زيارة الحسين ع😭 )
خادمة آل محمد✍🏻
قناة الشاعرة الحسينية خادمة آل محمد ص
https://tttttt.me/joinchat/AAAAAD9ng3ujqkUa3rjbSA

▪️جديد

يا روحُ طيري…نحوَ الأميرِ
فاليومَ عيدٌ…عيدُ الغديرِ

١/إجتَمِعُوا يا ناسُ لا تشتَّتوا
وانتظروا حتَّى تجيءَ الكعْبَةُ
بصوتِ طـٰهَ سَتُقامُ الحُجَّةُ
فاستمعوا لقولهِ وأنصِتُوا..

أمرٌ تقرَّرْ…في شأنِ حيدَرْ
يتلوهُ طَهَ…باسمِ القديرِ
فاليومَ عيدٌ…عيدُ الغديرِ

٢/سادنُ وحْيِ اللهِ ذو القَدْرِ العَلِيْ
جاءَ إلى خيرِ البرايا مِنْ عَلِ
قالَ لهُ "بلِّغْ" عنِ اللهِ العَلِيْ
"منْ كنتُ مولاهُ فمولاهُ عَلِيْ"

كفُّ الولايهْ…للحقِّ رايهْ
تعلو بكفِّ الـ .. ـهادي البشيرِ
فاليومَ عيدٌ…عيدُ الغديرِ


٣/لاحَ "بياضُ الإبطِ" في جمالِهِ
فجاءَ عرشُ اللهِ في جلالهِ
يُهنِّئُ الإسلامَ باكتمالهِ
"صلُّوا على محمَّدٍ وآلهِ"

هذا عليُّ…فيكُمْ ولِيُّ
صلُّوا عليهِ…طولَ الدهورِ
فاليومَ عيدٌ…عيدُ الغديرِ

٤/إنْ بخبخا للحقِّ أو ما بخبخا
يبقى لطٰهَ وارثاً ، صنواً ، أخا
منْ بعْدِهِ بالغصبِ لوْ "تشيَّخا"
فحيدرُ الأولُ قدْ تأرَّخَ

ألفضْلُ يشهدْ…ثاني محمَّدْ
كمْ قالَ عنهُ…هذا وزيري
فاليومَ عيدٌ…عيدُ الغديرِ

٥/أرواحُنا طارتْ لِخُمٍّ هائمهْ
قالتْ وداعاً لليالي القاتمَهْ
فاليومَ دنيانا جِنانٌ باسمَهْ
من بسمةٍ شعَّتْ بعيني "فاطمهْ"

للعيد ناصِبْ…رغمَ النواصبْ
نُحْيِيهِ حتْماً…يومَ الظهورِ
فاليومَ عيدٌ…عيدُ الغديرِ


تمت بعناية الحجة عجل الله فرجه
٢٠٢١/٠٧/٢٧

https://tttttt.me/AliOsailyAmily

محررررم 1443 هـ ( عمري لطم )

عمري لطم . وانحب واظم . حزني الحزن مولاي
عايش جرح . طفلة وذبح . بين الخيم والماي
عدنه البچي اشمحلاه .ابعاشورك اي والله
بين الخيم والماي

طعم البچي صح يختلف . بس ابمحرم ينكشف . وانحب مذاقة ونأتلف . كلنه اعله حب إحسين
نتوحد ابحبنه الصدگ . ابلطم الصدر لمن ندگ . يستاهل إحسين العشگ . مره وبعد مرتين

بس العشگ يحلالة . الحبه ابصدگ هنيالة . العايش حزن طف كربلة هيعونة
البالطف تعلقت روحه . المن كربلاء اجروحه
هنيالة كلمن يعمي ليه اعيونة

نستشعره . طفك ترى . ابكل لحظة من عاشور
نرسم خيم . بيهن حرم . شالن صبع مبتور
الخنصر فلا ننساه . ابعاشورك اي والله
بين الخيم والماي
_______________________
لطم الصدر لجلك حله . حبيتك ابگد كربلة . يالصدرك اجروح امتله . عيشني طفك يوم
خليني اخدمك كل وكت . يالدمعتي اعليك اذرفت . من زغري واعليك اللطمت . خليني اخدمك دوم

عيشني يوم العاشر . راويني ذاك الحافر . أرد انحب اعليك او أزيد اجروحي
راويني بالطف خيمة . عيشني جرح ايتيمة . مره ارد اون لجلك واعذب روحي

ابطفك أحس . باچر وامس . ماينسي فد يوم
يحله الحزن . لجلك واون . يالمنذبح مظلوم
جرحك إذا شفناه . ابعاشورك اي والله
بين الخيم والماي
_______________________
يومية جرحك ينولد . بينة او أبد مانبتعد . عنك ولانقبل نسد . باب الحزن مولاي
خالقنة بس لمحرمك . ربنه ونعشگه مأتمك . يذبحنة طاري امخيمك . ويذبحنة طاري الماي

اتعذبنة حيل اطفوفك . لمن شلت يچفوفك . چف الگمر يم النهر هد حيلك
اشگد تبچي ظلت زينب . من شافتك تتعذب . تبچي اعله عباس وبعد تبچيلك

جرحك كبر . يم النهر . من فارگت لعضيد
ونيت اله . ابنص كربله . ادموعك بعد شتفيد
منعوفك انته اوياه . ابعاشورك اي والله
بين الخيم والماي
_______________________
انوزع ثوابك كل وكت . من امي آنه اتعلمت . خادم إلك أفخر صرت . بين الأهل والناس
حظرت الك منبر خشب . الشاعر يبو اليمه كتب . والملا تدري اشما تعب . صوته نشوف احساس

تحله اشكثر لقراية . لو بيها شلنة الراية . وانادي بس يابو الفضل مر بينة
انصبنة العزة وانتاني . يحظرنة واحد ثاني . وية الزچية انريدك اتصد لينة

ها يالبدر . مر يمنه مر . لو حتى ماكو اچفوف
شوف الخدم . شوف العلم . ارفعناه على لچتوف
انحس الگمر شفناه . ابعاشورك اي والله
بين الخيم والماي
________________________
ماينسي ذاكى الضهر . واحترگت الخيمة اشكثر . وزينب بقت بس تنتظر . اتعود الها يم لخيام
ماننسه عالتل اصرخت . جاوبني يحسين وبچت . منك يمولاي ايست . من شاهدت لسهام

شافت چثيرة اسهامك . ولافي الشمر گدامك . شافته گاعد الصدر حز راسك
صاحت يخي حاچيني . ترجف أحس ايديني
بعدك عدل لو خلصت أنفاسك

شفته انگطع . وفوگ انرفع . راسك عله لرماح
مترد الي . ضاعوا هلي . يالغالي كلشي راح
ما ننسه ذيچ الآه . ابعاشورك اي والله
بين الخيم والماي

حيدر الحلفي

محرررم 1443 هـ قصيدة تهيئة المجلس (ليلة العليلة )

السلامُ عالتون دوم
عالعليلة التبچي كل يوم

السلامُ عالذي خلاها ابوها
عالعليلة الكل اهلها فارگوها
عاللي ما غمضت جفنها وسهروها
اوحيدة ظلت بالغرب كلهم جفوها

عاللي شبعت دمعة واهموم
عالعليلة التبچي كل يوم
_______________________
السلامُ اعله البچت ذيچ الليالي
لا أخو صاحت ولا والد بقالي
بعد ابو اليمة صفه كل بيتي خالي
اتيتمت من زغري ماظل عندي غالي

اتنادي ليش الغالي ميدوم
عالعليلة التبچي كل يوم
________________________
السلامُ عاللي فارگها دواها
إحسين ابوها اتوقعت يمكن نساها
ظلمة دار العز بقت مارد ضواها
لا أبو ولا أخ ولا عمها الإجاها

ياگلبها الباقي مهضوم
عالعليلة التبچي كل يوم
________________________
ميتة صارت روحها وعيشتها صعبة
تذكر الوالد مع الماي التشربة
كل صباح وكل مسه تگعد تندبة
بويه وينك غربة بعدك عمري غربة

اتشم عطرهم بس بالهدوم
عالعليلة التبچي كل يوم

حيدر الحلفي

محرررررم 1443 هـ فاطمة العليلة

لا تردولي .. وغالي منكم راح كلكم عندي غاليين
لا تردولي .. ابلا رقية وما يجي وياكم إحسين
إذا ما رد الي وشفتة . طفل غافي ابحظن إختة
لا تردولي . لا تردولي

لاتردولي يناسي وغالي منكم راح
مالي حيل افگدلي غالي واگضي عمري انياح
ما أريد انحب عليكم گلبي ما مرتاح
لا تلچموني يأهلي وتكسرولي اجناح

غالي .. ماردت من عمري أخسر
غالي .. بعد ابوي ابگلبي لاكبر
غالي .. ابروحي جرح افراگه كبر
غالي

خايفة اهواية .. مانرد نگعد سوية وكت الغروب
خايفة اهواية .. هالضعن مابعد اشوفة ابهاي الدروب
الضعن لو هسه ودعتة . طفل غافي ابحظن إختة
لا تردولي . لا تردولي
______________________
لو مشيتوا عني كلكم كون الي اتردون
كلكم اعزاز اعله گلبي فدوه لتموتون
أنحب اعليكم ليالي أدري ما ترضون
ما أريد افگدلي غالي منكم ازغيرون

بالي .. عالطفل وارقية صاير
بالي .. ينشده لو رحتوا باچر
بالي .. بالرضيع هواية حاير
بالي

ما أريد اسمع .. بالمدينة الناعي ينعة عنكم اهواي
ما أريد اسمع .. ماتوا اخوانچ عطاشة ويمهم الماي
أون عالماي اذا ضگتة . طفل غافي ابحظن إختة
لا تردولي . لا تردولي
______________________
خايفة مابعد ابويه ايدگ علية الباب
ومنه مايرجعلي يمكن بس دمه واثياب
لا ترديلي يعمه ابلا أعز لاحباب
خايفه اتگليلي جسمة ظل عله لتراب

دونة .. والدي لتردي عمه
دونة .. لاترجعي وابقي يمه
دونة .. ابموتي احس لو ما أشمه
دونة

لاتگليلي .. عفت ابوچ اعله الوطية ابلايه أنفاس
لاتگليلي .. بس قميص انطوني ليه اهناكى والراس
صدگ لو راسك احضنتة . طفل غافي ابحظن إختة
لا تردولي . لا تردولي
________________________
لاتردولي ورقية ما ترد اردود
إحسيني لو مارد الية إختي لا متعود
خايفة اتموت اويه ابويه والجروح اتزود
ما أريد أللبس عليها اثيابي هاي السود

چانت .. احنينة حيل اختي الزغيرة
چانت .. يمي تگعد عالحصيرة
چانت .. تغفة بحضاني الضهيرة
چانت

گلبي لاچمني .. لو يموت إحسين باچر إختچ اتموت
گلبي لاچمني .. ايگلي تشبگ راس ابوها چنها بسكوت
إذا والدها شبگتة . طفل غافي ابحظن إختة
لا تردولي . لا تردولي
________________________
إلمن اتردولي يهلي وما يرد عباس
ابلايه عمي ايرد ضعنكم صعبة ياهالناس
اتعودت آنه اعله چفة كل وكت ينباس
ياحلاتة من يسولف عمي كله احساس

خوفي .. ما بعد أنظر چفوفة
خوفي .. عمي بس هالمره اشوفة
خوفي .. زينب اتردلي او تعوفة
خوفي

ابلايه ابو فاضل .. لاتردولي وگمرنة ماهو موجود
ابلايه ابو فاضل .. ما يظل ماي ابخيمكم لايظل جود
يعود اتمنة رايدتة . طفل غافي ابحظن إختة
لا تردولي . لا تردولي
_______________________
لو إلية مارجعتوا يهلي يعني ادريت
افگدتوا چم غالي اعله گلبي ابكربلة حسيت
راح اظل ارسم صوركم إعله باب البيت
اعليهن اكتب فارگوني وبس انه ضليت

راحوا .. أهلي أكتبها اعله داري
راحوا .. الچانوا اضواي ابنهاري
راحوا .. وماتوا ابحر الضهاري
راحوا

أنتظر طيفي .. بلكي اشوفنكم سوية يهلي وارتاح
أنتظر طيفي .. بلكي عبدالله أسمعة اشتاگ الية وصاح
اشبدية ابسرعة فارگته . طفل غافي ابحظن إخته
لا تردولي . لا تردولي

حيدر الحلفي

محررررم 1443 هـ العليلة ع

كلما أحلم ترجعلي . مهرك ما موجود
كلما أحلم ماتعطش . أنظر خالي الجود
وعذبني طيف ارقية . بيه اجروح او ترچية
وما ظن ليه اتعود . ما ظن ليه اتعود

غمضت العيون اليوم واطيوفكم مرت حزن
مرات اشوفك يحسين تذكرني واگليبك يحن
مرات اشوفنك جاي بس مهرك ابعيد او يون
بس مره شفتك فرحان گاعد تهز مهد الإبن

كلما گول اتعاودلي . أحلم بيك اتگول
الزينب باچر بالحومة . ايسحگن جسمي اخيول
هذا الحلم يومية . بيه اجروح او ترچية
وما ظن ليه اتعود . ما ظن ليه اتعود
______________________
اصعدت المهر بالآحلام شفتك انه وحيل افرحت
يمكن گلت راح ايعود محبوبي وادموعي امسحت
لن لحظة شفتك مطروح واهنا يالحسين ايست
شفت المهر يمك طاح يابو رقية من طحت

واسمع زينب تندهلك . رد ياخويه إحسين
إرجع حرگوا خيمتنة . طايح تصرخ وين
لخيامي رد اشوية . بيه اجروح او ترچية
وما ظن ليه اتعود . ما ظن ليه اتعود
________________________
شفتك أبد مو عطشان بس جودك ابلا ماي اصد
واتحيرت بويه اهواي بيمن رويت انته الچبد
طفكم أشوفن بي شوك ومرات اشوفن بي ورد
بحلامي نسماتك صيف وساعات نسماتك برد

ابيا طيف اصدگ بويه . اتحير گلبي اهواي
ما أدري عايش ميت . ما أدري لو جاي
گلت المابي كل جيه . بيه اجروح او ترچية
وما ظن ليه اتعود . وما ظن ليه اتعود
______________________
عذبتني بويه الأحلام واقع يصيرن خايفة
مره احلمت بالعباس بالخيمة لن لحظة اختفة
عالشاطي اشوفنة اطريح والجود كدامة انچفه
ويم النهر عمتي اتروح گدام عمي امچتفة

محتارة اصدگ وانحب . خانگني الإحساس
معقولة تنطگ زينب . وما ينهض عباس
والسوط اشعر بيدية . بيه اجروح او ترچية
وما ظن ليه اتعود . ما ظن ليه اتعود
______________________
عذبتني لرقية اطيوف بالحومة بويه اتدورك
شافت صبع فوگ الگاع حسيته يمكن خنصرك
بالصحره تركض واتصيح وينك يبويه اتنطرك
ترچيتي جروا يحسين إرجعلي بويه اشأخرك

كل ساع احلم برقية . اتنام وتصحه اتنوح
اتگل الزينب شاهدتة . بالطيف ابلا روح
شفت الوالد مر بية . بيه اجروح او ترچية
وما ظن ليه اتعود . وما ظن ليه اتعود
_____________________
مرت ليالي يحسين لا طيف منكم لا خبر
وعافني لاحلام السود يابويه واگليبي انتظر
لن وبعد بويه ايام زينب شفتها ابلا گمر
عالناگة وارماح اطوال وياها بدروب السفر

رجعن ناديت ابگلبي . زينب والعمات
لن بالطيف آنه انظرهن . راحن مسبيات
شفت الراحت مسبية . بيه اجروح او ترچية
وما ظن ليه اتعود . ما ظن ليه اتعود

حيدر الحلفي

محرررم 1443 هـ قصيدة تهيئة المجلس ( ام البنين ع )

السلامُ الأم البنين
عاللي باست نحر الحسين

السلامُ اعله النطت أربع ولدها
لاجل الحسين وبقت تبچي ابلدها
منهو ليحبه أبو السجاد گدها
وفتة وامقصرة تشعر بعدها

السلامُ اعله البقت وين
عاللي باست نحر الحسين
______________________
مامشت وياه وافراگه لچمها
ريحتة كل يوم تشتمها ابهدمها
سبحتة خلاها عدها ومن تشمها
اتصيح آ يغيابك الروحي هدمها

افراگه عيش بيها جرحين
عاللي باست نحر الحسين
___________________
وصت العباس لا تترك عضيدك
وكون گبله يولدي اتقدم وريدك
خلي زينب دوم ياضي عيني بيدك
الماي من اتطلبة كون ايصير عيدك

وفه ابنها وضحى چفين
عاللي باست نحر الحسين
___________________
جعفر وياعون صاحت يالحبايب
لاتقصرون اعله اخوكم يالأطايب
يمى عبدالله أريدك بالنوايب
ماتقصر يبني طيح اعله الترايب

أربعتهم وفوا الدين
عاللي باست نحر الحسين

حيدر الحلفي

محرررم 1443 هـ ام البنين ع

بلله اشيرجع الراح الية وبدية ظل عطره اشمه
بخيت الباقي مرتاح وحبيبة ونصيبة يومية يمه
الما يفارگ خله هيعونة . اشگد بخيت الغمض اعيونة
ويومية يمه

هيعونة كلمن يم حبيبة اتظل حياتة
وكل يوم بگليبة تزيد اكثر غلاتة
شيريد من الله اللي ما فارگ حبيبة
محبوبة يمه وهذي أجمل أمنياتة

ظليت اغبطه اليعشگ ومحبوبة يمه
صبح ومسه ايشم ريحته ويگعد يكلمة
بس آنه محبوبي مشه وخلاني وحدي
وآخر كلامة گال الي ما رد ييمى

هو .. مو بس ابن محبوب الي
هو .. كل عمري واغلى كل هلي
هو .. كل همي يمه ينجلي
هو

أم وتولعت بي أحبة أحبة إبني او أحبة
ما گله يمى لا لا حبيبي حبيبي أندهله گربة
مدري هسه الغالي وشلونه . اشگد بخيت الغمض اعيونة
ويومية يمه
____________________
هنيالة هسه اليم ابو اليمة گضاها
وابحضنه خله اعيونة وادموعة بچاها
وايقبلة يومية وايحبحب بدينة
ومن تعطش ارقية جربتة الها نطاها

هيعونة كلمن بالطفوف ايگضي يومه
واينادي كون إحسين ياربي تدومه
كلمن يشوف إحسين يومية أغبطه
وكلمن يباعد عن ابو اليمه أللومه

اوليدي .. ملهوفة حيل الشوفته
اوليدي .. مشتاگة حيل الضحكته
اوليدي .. بس يمي ظلت بوسته
اوليدي

بخيت الگاعد ايبوس چفوفة ويشوفة يومية هو
والما يحب لحسين حسافة وسافة لو غيره يهوى
واليحبه ايموت بجنونة . اشگد بخيت الغمض اعيونة
ويومية يمه
____________________
هنيالة كلمن يمه وايغمضها عينة
يخدم أبو اسكينة او يحط إيده ابإدينة
مو مثلي ظلت ريحته بس ابثيابي
والينظر اعلية يگلي إحسين وينه

ايگلولي چنج فاگده إبنچ نشوفچ
وين اللي چان ابگربچ وميهد چفوفچ
معقولة راح إحسين منچ يالحنينة
وشلون خليتي التحبينة يعوفچ

وينه .. يم الگمر خلچ رحل
وينه .. ذاكى العشگ ذاكى الأمل
وينه .. وشلون عافچ ما سأل
وينه

محبوبي سافر ابعيد واريدة اشيعيدة محبوبي الية
بس هو غيره ماريد ترى آني وشجاني عفته إمن ادية
ما أجر انفاسي من دونة . اشگد بخيت الغمض اعيونة
ويومية يمه
___________________
مبخوت حيل الخيمتة اتجاور خيامة
اشما دار عينة ايشوف ابو اليمة أمامة
هنيال ذيچ الريح لو حركت ثيابة
هنيالها حطت عله اچتافة الحمامة

والعلگمي هيعونة اذا مايه يشربه
يفرح إذا منه ترس محبوبي جربه
شيريد من الله الذي يروي حبيبي
ويروي عيالة ويروي ابو السجاد گلبه

كوني .. بالطف جربتي شايلة
كوني .. وانطي مايي اله
كوني .. بيدية أروي العايلة
كوني

كون انطي ماي العيون هدية الرقية غير ابنة إحسين
بالخيمة اوزع الماي عليهم واديهم تلمسها الايدين
گلبي ذايب ماتصدگونة . اشگد بخيت الغمض اعيونة
ويومية يمه
____________________
شتريد گاع الطف بعد محبوبي اجاها
بجدامة خظرها ابعبيرة وطهراها
بس اسمعت كل ضيف بيها ايسلبونة
والطفلة لو عطشت تظل تبچي ابظماها

ياكربلة ليش اليجيلچ ما يعاود
كل اهلي دخلوچ او أبد ماردلي واحد
محبوبي گالوا من وگع واشتم ترابچ
شافوا على جسمة شمر ياحيف گاعد

گالوا .. كل اليجيلچ مايرد
گالوا .. ايگطعولة لو چف لو زند
گالوا .. بترابچ ايموت الورد
گالوا

گالوا حبيبي دفنوه ابدماءه وردائه سلبوا ردائه
ابضهرية وحده سحگوه ابحوافر وخناجر واخذوا نسائه
كربلة ضيفچ يذبحونة . اشگد بخيت الغمض اعيونة
ويومية يمه

حيدر الحلفي

محررررم 1443 هـ ام البنين ع

گلبي عله اوليدي المشه الماخذلي عافيتي
يمتى يرد حتى يرد شم الهوى ابريتي
يرتاح يمتى اگليبي يرتاح
واليوم مني اشچم إبن راح
گلبي عله اوليدي

لو طول افراگ الولد ما ينحمل
واشيقنع ادموعي بعد ماتنهمل
شيطفي نيران الهجر من تشتعل
شتجاوب الفگدت ولد من تنسأل

عمري عمري .. ضحيتة بربات الولد
عمري عمري .. ابفرگاه چن يخلص بعد
عمري عمري .. ابلايه اولدي ماله ضمد

گلبي عله الراح او ترك أمه تناديلة
إرجعلي يالماخذ ضوه إمن اعيوني كل ليلة
ياصاح شوف اجروحي ياصاح
واليوم مني اشچم إبن راح
گلبي عله اوليدي
_____________
ربيتة بيدية او مشه تعب الربه
عاشرتة عشرة والده من الصبه
أم وچنت بوليدي حيل امچلبه
لكن مشه ودلالي ساعتها انسبه

يمى يمى .. مشتاگه اصيحله اشكثر
يمى يمى .. معقولة لمك ما تمر
يمى يمى .. ماضلي منك بس عطر

دنيا بله إحسين اشبعد تنفع واريدنها
چم مره اموت ابفرگتة كل لحظة اعيشنها
فواح عطره ابروحي فواح
واليوم مني اشچم إبن راح
گلبي عله اوليدي
______________
بعيونة واشچم طف شفت لمن رحل
شفت الذبح شفت العطش ماشفت امل
حبيت ابوسة ابرگبته بس ماقبل
چنه يگلي يمى رايح للأجل

باچر باچر .. ما يبقى اثر من بوستچ
باچر باچر .. ايگطعون بالطف وردتچ
باچر باچر .. أسمعها بالطف ونتچ

بعدك عله الدنيا العفه باچر تصيحيلي
بالطف واصيحن لو طحت يمى تعاليلي
لو طاح إبنچ يمى لو طاح
واليوم مني اشچم إبن راح
گلبي عله اوليدي
_______________
كل خوفي من اوليدي مايبقالي اثر
وايرد الي من كربلة بس النحر
ياخذ عزيز اگليبة كل خوفي النهر
اسم الله عله اوليدي يرد محني الظهر

يارب يارب .. خليهم اولادي سوه
يارب يارب .. ايشمون اود نفس الهوى
يارب يارب .. من ابني كون ابني ارتوه

إمن اچفوف ابو فاضل ردت يشرب انه احسيني
هيعوني مثلك عندي اخو ايگله يرويني
سباح گلبي ارويتة سباح
واليوم مني اشچم إبن راح
گلبي عله اوليدي
________________
خوفي اعله ابني ايفارگه ابطف كربلة
وابلا چفوف اعله النهر ينظر إله
والخيمتة احسيني يود بس يحملة
خليني خويه وليش إبني يسألة

صعبة صعبة .. تنظرني إختي ابلا زند
صعبة صعبة .. ابلا چفي وابلا ماي ارد
صعبة صعبة .. طايح يخوي او إلها أصد

گلبي عله اوليدي لون يفگد أبو فاضل
للخيمة يرجع وحَده واچفوف اخو شايل
بنياح يخلص عمره بنياح
واليوم مني اشچم إبن راح
گلبي عله اوليدي
________________
خوفي اعله زينب طلعت ابحر الظهر
اتدور اعله اخوها ونادت اعليه اشكثر
ماشافته وشافت عله اچفوف الشمر
دم الحُسين ومابقى عدها صبر

صاحت صاحت .. إبن امي دمه اشجابه الك
صاحت صاحت .. خليته وين آنه اسألك
صاحت صاحت .. گاطع رگبته اتخيلك

خوفي اعله زينب من تصد إبني وگع دامي
يوگف گلبها لو درت خيها انذبح ضامي
واجراح غطت جسمة واجراح
واليوم مني اشچم إبن راح
گلبي عله اوليدي

حيدر الحلفي

محرررم 1443 هـ قصيدة تهيئة المجلس ( مسلم بن عقيل ع )

السلامُ عالذي اوحيد
مُسلم الما عيد العيد

السلامُ عالذي بالكوفة وحده
لا أخو ولا من عشيرة اللي تسنده
يم ابو اليمة ترك عنده احله وردة
تارك ابنيتة حميدة وماهي عنده

بس لقاها ينحب ايريد
مُسلم الما عيد العيد
______________________
السلامُ عالذي خانوه ربعة
وحده بالكوفة بقى ومحد يتبعة
اينادي وين اهل الرحم محد يسمعة
يبچي مابين الأزقة دمعة دمعة

والدموع اهناكى شتفيد
مُسلم الما عيد العيد
______________________
السلامُ عالذي اتلگته طوعة
بالهلا ومية هلا مسحت دموعة
إدخل البيتي يبو روح الجزوعة
اتگله طحت ابلوعة بس شلون لوعة

الخاطري خل روحك اتهيد
مُسلم الما عيد العيد
________________________
لا تون يامُسلم اتگله وتحشمه
إنته عمك حيدره المحد يلچمه
الدنيا خوانه وجفوك الناس همه
وينه ابو اليمة ويجيك ادخيل إسمه

وحدك انته ورايد اعضيد
مُسلم الما عيد العيد

حيدر الحلفي

محررررم 1443 هـ حميدة والعباس .ع.تشبه والدي

يگول إحسين تشبه والدي اهــواي
رحل من عندي ابوي او ردتك اوياي
رحل مسلم بعيد . وابو تصبحلي اريد
يبو فاضل . يبو فاضل

يعمي راح ابويه و ليّه شيـــــرده
وانه طفله او زغير اگليبي عالشده
ابويه يالگمر ما احتمل بعــــــده
ردت تصبح ابوي او كلشي هالمده

تشبه كلش مسلم . من تحچي إمن اتسلم . حيل اعيونك تلهم . ياعباس
حنيتك حنيته . أشعر بيتك بيته . لو شمك شميته . ياعباس


سمعت إحسين گال او تشهد الناس
ترى مسلم يشبها الغالي عبـــــاس
اليگوله إحسين اكيد . أبو تصبحلي اريد
يبو فاضل . يبو فاضل
___________
تصير انته الأبو ياعمي هنيـــــــالي
إمن اشوفك آنه اشوفن مسلم اگبالي
إمن احضنك يطمأن ياعمي دلالــــي
احس احلالك آنه او انته تحلالــــــي

خيعرفون ابنيتك . بت مسلم رايدتك . خل اصبح سالفتك . ياعباس
گالوا حيل اتدلل . أيتام اتحب تكفل . تمسح دمع اليهمل . ياعباس

اريدن يالحبيب ابخيمتك هـــــاي
تنومني اعله ايدك واشرب الماي
احسنك سعيد . أبو تصبحلي اريد
يبو فاضل . يبو فاضل
____________
يعمي منرزقت انته ادري ببنيــه
ورزق الله اجالك يالگمــر بيـــه
ابصلاة الليل اشكر ربّي يوميه
لأن صرت انته ابوي الكله حنيـه

كل ليلة ادعي القادر . تبقى اليوم او باچر . يمي او لا متسافر . ياعباس
ياهنياله اليغفه . والعباس ابصفه . لازم راسه ابچفه . ياعباس

صحت بارك ألي يا عم يالحسين
صبح والد ألي ابن ام البنيــــن
مشه ابنبض الوريد . أبو تصبحلي اريد
يبو فاضل . يبو فاضل
____________
أخذ مسلم الهي وادري مو سهله
صعب فگده لچن عوضني هالخلّه
بعد چلمة يعم لا والله ما گلـــــه
يبويه يالگمر هسّه اصيحنله

ما گلك ياعمي . لمن تگعد يمي . چلمة بويه ابدمي . ياعباس
چلمة بويه افديها . صدگ من تحچيها . حنيه اشگد بيها . ياعباس

حميدة آنه او ابد ما الگه بالكون
مثل عباس ابو غير اخته ام عون
احس حبك يزيد . أبو تصبحلي اريد
يبو فاضل . يبو فاضل
___________
انه إمن الليلة هذي أغفه عالرايــة
يبو فاضل واسمعك اجمل احچايــة
اصيحنلك يبويه ابهاي الي غايــة
تگللهم حميدة ابنيِّتي هايـه

من هالليلة احسبني . ابنيتك كون اتحبني . مثل ارقية اتضمني . ياعباس
مثل اسكينة او خوله . أحفظ إسمي او شدله . رايات او علگله . ياعباس

اريدن كل هلي لازم يعرفوك
بسم يابو حميدة خل ينــادوك
صرت حلمي الوحيد . أبو تصبحلي اريد
يبو فاضل . يبو فاضل
___________
مثل مسلم ردت يالغالي كل ليلة
تلبسني ابأديك الحلوه هالشيلــة
ابد ما انسه مسلم دوم انه ابچيلة
للكوفة سلامي يوصل ادعيلة

إنته او مسلم واحد . بس هسه انته الوالد . چيه يم بنته گاعد . ياعباس
اشمحلاتك گدامي . من اتطب اخيامي . واتگلي اهنا نامي . ياعباس

انه ظليت اشمن ريحته بيك
اذا حنيت اله آنه انظر اعليك
الگلب يمك يهيد . أبو تصبحلي اريد
يبو فاضل . يبو فاضل

حيدر الحلفي

محرررررم 1443 هـ حميدة ومسلم ع

طفلة وربيت ابلا أبو . فارگني لبحظنه الدفو
چلمة يبويه منها ما شبعانة
مشتاگة أركضله ويفك ذرعانة
فارگني لبحظنه الدفو

طفلة وربيت ابلا حضن مكسورة
ما غمض ابليل الهجر معذورة
سافر صباح الخير الي واطيورة
مايرجع اردود
زغيرة وكبر بيه الحزن يتموني
طفلة وسواد اعله الأبو لبسوني
الچنت ابتسملة اعليه انه بچوني
ياريته موجود

شنسه إمن ابوي وينسي . گالوا حميدة أيسي
شلون انسه ذكراه البقت ويانة
مشتاگة أركضله ويفك ذرعانة
فارگني لبحظنه الدفو
_______________________
ما گمت احسن بالهوى لبريتي
كل حيلي راح او ودعت عافيتي
كل اليصدلي ايگلي ها ضليتي
ابلا والد اليوم
يامه غفيت ابحظنة مسلم يامه
ليلي ابجفاه أگضي سهر ما نامه
اشمحله ليالي والدي وايامه
بعيوني مرسوم

إلمن يعيش الوالده . عافاه يتيم الوحده
خلصته ليلي ابغيبته سهرانة
مشتاگه أركضله ويفك ذرعانة
فارگني لبحظنه الدفو
____________________
مكتوب الي من زغري اصير ايتيمة
الما عنده ابو ماعنده بيت او خيمة
ضاع العمر ضيعة طفل بالهيمة
بلله اشيلاگيه
محد يسد فرگة يبويه الوالد
اشما ريدن انسه ادموعي هاي اتعاند
يعرف حميدة اتيتمت كل واحد
گلبي اشيواسيه

كل ساعة صوب الباب اصد . ها هسه ها مسلم يرد
آنه او دموعي الجيتك ولهانة
مشتاگه أركضله ويفك ذرعانة
فارگني لبحظنه الدفو
______________________
ازغيرة يبويه وكربلة اتانيني
ويني انه او وين الحرب حاچيني
بعدك يبويه من يكض ايديني
ابگيعان الطفوف
ردتك عله الناگه يبويه اوياية
اتغطيني لو غمضت انه بالراية
لو طحت اگلك بويه آنه احچاية
مد لية الچفوف

كل طفلة لو طاحت ترى . اتصد اعله ابوها او تنظره
اتچلب إذا شافت خطر بردانة
مشتاگه أركضله او يفك ذرعانة
فارگني لبحظنه الدفو
_____________________
كل طفلة اصدن لازمه بيديها
والدها يابويه او يقبل بيها
ظلت حميدة منهو ليباريها
بعدك أون حيل
ابليل الطفوف شلون اغمض عيني
هدني العطش چا ماتجي ترويني
باچر حرب يابويه ما تلفيني
من ينگضي الليل

ما تعرف اشكد خايفة . باچر أروح امچتفة
يا والدي لمن يطيح الوانة
مشتاگة أركضله ويفك ذرعانة
فارگني لبحظنه الدفو
________________________
امخوفتني هاي الخيل اصد عالحافر
تركض وراية بويه احسن باچر
وين اتجه وين انطي بويه الناظر
محد بقى اوياي
عمي يروح او تحترگ خيماتة
واطلع وافرن آنه وابنياته
اشما نبعد انصد حرملة او نبلاتة
اشما نبتعد جاي

آنه او رقية ابكربلة . نتقيد ابفد سنسلة
واتگلي مثلي إنتي هم عطشانة
مشتاگة أركضله ويفك ذرعانة
فارگني لبحظنه الدفو

حيدر الحلفي

محرررم 1443 هـ قصيدة تهيئة المجلس ( العباس ع )

السلامُ الراعي الاحساس
اعيون اخية واختة عباس

السلامُ عالذي فارگ أخية
عالنهر ودع حبيبة ابن الزچية
طاحن اچفوفة مثل جثتة رمية
وصاح ظم عن اختي يابو اليمة ادية

الراية طاحت يمه والطاس
اعيون اخية واختة عباس
_______________________
السلامُ عالذي معمية عينة
عاللي ما مد للأخو من جاه ادينة
طايح ولختة بقى يلهف حنينة
ايگل للحسين اختي بالخيمة حزينة

بعدي تلطم خويه عالراس
اعيون اخية واختة عباس
_______________________
السلامُ عالذي صابوا جربتة
عاللي گدامة سبوا ياوسفة إختة
عاللي حرگوا خيمتة ابلحظة وگعتة
عاللي كسروا ضهر اخوه وهل دمعتة

فگد اخية صعبة ينقاس
اعيون اخية واختة عباس
_______________________
دمعة الفاگد أخو ما منها دمعة
إحسين من بعد الگمر منهو الينفعة
من يطيح المطر للغيمة اشيرجعة
مايرد لحسين عباس ويسمعة

خله بس چف عنده ينباس
اعيون اخية واختة عباس

حيدر الحلفي