محـرم 1443 هـ

( وداع القاسم ع )

بالله ودعـتك يجـاسم ياضـوه العـين
روح ونـصر يمـه غربـة عمـك حـسين
يمـه جـاسم يالحبيب
حـاير حسين وغريب .. ياضوه العين

…………………………

گـوم ياشبل الحـسن .. حايـر حسين الوطـن
يعاين عله اصحابه طاحت كلها موته
واگف ومحني الظهر .. گلبه وي ظهره نكسر
مذبحـيـن اعله الـثـره ينـظـر لخـوتـه

حايـر ويصفگ اديـه بالحـسره
لعمـك افـزع يمـه لـبـي النصره
وجهـي بيضه يـم علي والزهره

عمك حسين انتـهى وماعندـه حيله
وصافن عله اخيامه والمدمع يسيله
الحـرگ كلـش قـريب
حـاير حسين وغريب .. ياضوه العين

…………………………

حال عمك مايسر .. واگف وعينه الشمر
وعـينه تحـچي ويالعقـيله بالاشاره
هذا بـيـده انذبح .. وهذا يطعني برمـح
وهذا يرمي جبـهتي بذيچ الحجاره

هـذا يازيـنـب يگـصـه صبـعي
وبالفـرس هـذا يطحنـه ضلعي
واني اعاين واجري الهم دمعي

لـزينب اخـتـه بالذبح يشرحها قصته
واعله متن اخته يصب حرگه دمعته
يگـلها يازينب نصيب
حـاير حسين وغريب .. ياضوه العين

…………………………

الحزن بعيونه انرسم .. من يعاين عالخيم
يتمـتـم وانفـاسه بالگـوه يجـرها
اسمع الزينب حچه .. وعينه لسكينه وبچه
تحترگ خيمتها واتدوس بجمرها


وانكـسر گـلبي ييمه الحاله
دمعـته تجري ويصد لعياله
وزينب اخته بالحزن تبراله

عله عياله ناظره ودمعه يديره
يمـه عمك محنـته كلش چبيره
وبين ابرمشه المشيب
حـايـر حسين وغريـب .. ياضوه العين

…………………………

يمه جاسم يالولد .. حل تره اليوم الوعد
هذا يومك والحسن خـلاك ذخـره
عمـك ابـيـن العـده .. يبني واگـف وحـده
هذا امامك يمه والواجـب تنـصره

روح بين اچفـوفه قـدم الطاعه
مـا تـسـر يـايمـه حـيل اوضاعه
بعد ساعه اتدوس خيل اضلاعه

كالأسيـر المرتـهن واگـف خطيه
بين ناس الغيره ماعدها وحميه
مـا يغـزر بـيـها طيب
حـاير حسين وغريب .. ياضوه العين

…………………………

ياتعب ذاك العمر .. رايده بيك الاجر
ارد اواسي بموتـتك زينب وليله
ضحن لعمك ولد .. تذبحو چنهم ورد
اجره عند الله اليضحيله بخـليله

يمه روح انذبح فـدوه الگـلبك
كـون عند الله بدماك احتسبك
شگـد ييمه يدري گـلبي يحبك

اجري اريده بفرگـتك يمه وعذابي
مثـل بـاب ام البنـين ايصـير بـابي
بالدمـه ردلي خضيب
حـاير حسين وغريب .. ياضوه العين

…………………………

ضحـي لحسين ابـدمه .. حـتى واسـي فاطمه
من زمان ادعي اضل كـون بدربـها
ادعي ربي اشگد چنت .. وهسه يبني اتوفقت
بيك اخدم فاطمه واحضى بقربـها

الله يحـشرنـي دعـيت وياها
بـدمـك المـسـفــوك اتـلگـاهـا
ويم علي والزهره بيك اتباها

ارد اگـلـها ودمعـتي عالخـد جـريـه
قبلي مني يام حسن جاسم ضحيه
وبحـزن هـيه تجـيب
حـاير حسين وغريب .. ياضوه العين

الشاعر عقيل الحسناوي..

عريس الشهاده

تقرأ شوراو نزله
من جلوس
* السيد
هادي الموسوي الناصري

عريس الشهاده إمن السمه إتهنه
جاسم زفـته والـــــدم إلـــه حنّه
*******
يوليدي تقدم رملته إتكلمه
أمه إبرگبته إمن إتبوسه وإتشمّه
صارت زفته الليله إبحرب عمه

حاچي أمك يجاسم كلهه وإتمنه
جاسم زفته والدم إله حنه
*******
چنت افرح وأقيس ابطولك اوليدي
مثل شمس الصباح إومبسمك عيدي
وإكبالي إمن أشوفك هذا هو عيدي

وأعيش إبجال جسام وأشوفنه
جاسم زفته والدم إله حنّه
*******
اخذ لامة أبوه اوسيفه إودرعه
بعيونه غضب عباس شيرجعه
من طبع الهواشم إبني أخذ طبعه

چلبت إبقميصه إوردت أرجعنه
جاسم زفته والدم إله حنّه
*******
جاسم من برز چن شكهن غيومه
بدر أربعطعش مامكتمل يومه
ابهلهوله سيوف الزفه للحومه

چن شقة قمر إبني إلولد چنّه
جاسم زفته والدم إله حنّه
*******
خفت اهواي كلش منهدم حيلي
عمود الخيمه من أوكف يتچيلي
ظل دمعي إعله خدي بس يناغيلي

لزمت الباب واتنطر خبر منه
جاسم زفته والدم إله حنّه
*******
كل عريس عدنه اتزفه بس ربعه
وكت الزفه نشعلّه العمر شمعه
هلاهل أمه تتحول إله دمعه

هلهولة شهاده إتزفه للجنه
جاسم زفته والدم إله حنّه
*******
جابوك ابمحامل يبني ياجاسم
أسويله ابوفاته عرس ابو القاسم
طش دمك زفاف ابين الف صارم

عرس ابني تسولف كربله عنّه
جاسم زفته والدم آله حنّه
*******
الحمدلله رب العالمين
ديوان
دموع الهاشميات
الجزء الرابع

عفته يالعقيله .. لضعونچ كفيله
عالشاطي بوفاضل .. ماينبض دليله
@@@
انا جيت امن الشريعه .. من لعد خويه الگمر
لاتسئليني اعله حاله..وظهري من شفته انكسر
يحمحم المهر اعله جثته .. وهو طايح عالنهر
وجه متغطي ابدمائه .. من جبين الي انطبر
…
عالغبره توزع .. بوفاضل تگطع
ولا اگدر اشيله .. ماينبض دليله
@@@
كافلچ عالگاع جثته .. والجسد من انخذم
ريت منه يختي زينب .. لو عضوا واحد سلم
حالته تصعب علينه .. من وگع منه العلم
عين غطاها بدمائه .. وعين طفاها السهم
…
كل خدرچ دلاله .. من راعي الكفاله
وبفراگه ذليله .. ماينبض دليله
@@@
هناك شفت ايمينه بالدم .. واليسار اعله الارض
والسيوف اشلون صلت .. على جثمانه فرض
ومن تمددت اعله طوله .. راد اخويه ينتهض
لكن ابزحمة جروحه .. شفت زنده ينتفض
…
من بين الأعادي .. ياخويه ينادي
والمدمع يسيله .. ماينبض دليله
@@@
يختي حسيته اعله راسه .. شفت هامه منهشم
طحت عالگاع ابونينه .. وحيلي مني منهدم
گمت لو ألثم جبينه .. ولو اظمه ولو اشم
بس عرف اني الأجيته .. گام ليه يبتسم
…
بهالبسمه الوفيّه .. توديع المنيه
المابارد غليله .. ماينبض دليله
@@@
راح يازينب عضيدي .. الچان وحده عسكري
وللشماته صرت فرجه .. لليبيع او يشتري
انا بعد للمنيه .. شمر يذبح منحري
وانتي يالمفجوعه بعدي .. للظلم تتيسري
…
يابنت الزچيه .. واتصيري سبيه
واليصعد هزيله .. ماينبض دليله
@@@
علي احمد الحمود
١١-٧-٢٠٢١
ليلة سابع
العباس
محرم ١٤٤٣

السلام على الطفلِ الرضيعِ
السلام على الطفلِ الرضيعِ
@@@
من دليلي المنفجع ابعث سلامي
على طفل المنذبح بحضان أمامي
من مثلث مرتكز وگليبه ضامي
ومثل فوران العذب نحره تفجر
@@@
ارد السلم عالطفل ساعة نحيبه
ومنحره يگطر دمه وگت المصيبه
ومن لعد دمه السمه صارت خضيبه
ابچفه بوالأكبر رماه وتالي ماخر
@@@
ستة اشهور التي ابعمر الولاده
بعده لصغيره على اچفان الشهاده
ويلي من صابه السهم صبّغ مهاده

ودمه عالمولى بعد مهده تطشر
@@@
ارد السلم والحسين ابحالة ابنه
إلمن ايودي الطفل محتار اظنه
للرباب ايشيله لو يحفر يدفنه
وچنه طير المنذبح نحره تكسر
@@@
هاللي وجه چالگمر ماكو نظيره
مثلث الصابه على نحره كبيره
لا گدر يشلعها لا يگدر يديره
ومن يحركه منحره اكثر توذر
@@@
للمخيم من رجع ابن الزچيه
استقبلوه ابدخلته سكنه ورقيه
ها بقه من العذب شربه هنيه
مادروا خوهم گضه ونحره تفطر
@@@
علي احمد الحمود
١٢-٧-٢٠٢١
شهادة الرضيع
محرم ١٤٤٣

مو گلبي هذا الممتلي اجروح .. بويه يمسلم
وروحك بعدها مابگت روح .. بويه يمسلم
وين الرعاني .. ياخذني بيده
اشتگت لدلاله .. وانا حميده
@@@
عاده ابكل ابو مايجفي بنته
واحظانه ضمدها
ليش بسفرتك حظني حرمته
ودمعاتي اعله خدها
…
حميده وخواطر فرحتي بعيونك
انا الما تخيل حياتي بدونك
…
انا الاميره و كلي احساس .. بويه يمسلم
تالي يتيمه معصّبه الراس .. بويه يمسلم
يصعب عليه .. وماچنت اريده
افگد جمالك .. وانا حميده
@@@
من جاني الخبر واگليبي مكسور
يا كل امنياتي
خيمتنه انفگد وايامي عاشور
مذبوحه حياتي
…
اونّك ونوحك يغالي عليه
يگولولي جثته الهشيمه رميه
…
بسطح الاماره ونجمك ايلوح .. بويه يمسلم
تالي ابجرمهم جثه مطروح .. بويه يمسلم
وگالوا ابويه .. ضربوا وريده
ريت اذبحوني .. وانا حميده
@@@
للكوفه ابقهر انعي ونادي
مو گالوا يباروك
ليش امن الغدر اعلن حدادي
وحدك همه عافوك
…
غدوره وسافه اليگولوا رجالك
بصلاتك تسبح ولاحد بقالك
…
ليل الغريب اوحدته بآه .. بويه يمسلم
واجرك كبير ايعظمه الله .. بويه يمسلم
طفت ابسككهم .. ناصر تريده
بيك اجرحوني .. وانا حميده
@@@
گالو صطوتك طگت مناحر
في ساعة جهادك
بسيفك شتت جند وعساكر
من خيم سوادك
…
اسد عالوطيه تجيك وتمدهم
اجلهم رهيفك جهنم وعدهم
…
طوعه بهجومك شافت اعجاز .. بويه يمسلم
روس الأعادي تفرز افراز .. بويه يمسلم
محشر عذابك .. چنه الصميده
سالم يفارس .. وانا حميده
@@@
مو مثلك وسف چفه يشدوه
واتصدله الشماته
ومن فوگ السطح دامي يذبوه
واتخلص حياته
…
ابويه بلسواگ تسحله الأعادي
ثلاثه على الگاع بلا ادفان ودادي
…
يالفارگاني واسفح العين .. بويه يمسلم
يمسح عليّه بيتمتي حسين .. بويه يمسلم
يتيمه وعليّه .. خلاها ايده
وگلبي تفطر .. وانا حميده
@@@
علي احمد الحمود
١٤-٧-٢٠٢١
شهادة مسلم
حميدة
محرم ١٤٤٣

خروج الإمام الحسين عليه السلام من مكة المكرمة

بو علي لا وين ساير -- عنّا بتروح
هالگلب مولانا بعدَك -- يبگه مجروح
❊❊❊❊❊❊❊❊❊❊❊❊
سَيّدي يبن الأكارم ليش حَليت الإحرام
لوين ناوي يا ولينا بالحجيج أضحىٰ ملام
و ليش شايل وي حرمكم بالأهل وين المقام
خاف ما ترجع إلينا و الصدر تشعل ضرام
...............
هالدمع ناداك حاير -- و هو مسفوح
هالگلب مولانا بعدَك -- يبگه مجروح
❊❊❊❊❊❊❊❊❊❊❊❊
نقسم إعليك بضلعها فاطمه أم الجَلال
ليش حَجّك فجأه عِفتَه و أعلَنِت مِنّا إرتحال
ليش طالع من أمِنها مكّه تِسأل هالسؤال
و الحطيم أعلن عويله و الركن يهتف تعال
...............
بالمشاعر شوف صاير -- وَنّه وَيْ نوح
هالگلب مولانا بعدك -- يبگه مجروح
❊❊❊❊❊❊❊❊❊❊❊❊
يا شرف مَكّه و مدينه إلوين ناوي يا حُسين
اشلون تگطع بينا بالله و نبگه بالحسره و حنين
و نار فگدك تبگه فينا تشعل الآه و أنين
و منهو بعدَك نلتجيبه و منهو مولانا المُعين
...............
بو علي لو إنته ساير -- تاخذ الروح
هالگلب مولانا بعدَك -- يبگه مجروح
❊❊❊❊❊❊❊❊❊❊❊❊
لوين گِلْنا لأي فَيافي رايح بظعن الصمود
طالع لشِرعَة مُحمّد بالمُهَج تفدي و تذود
يا ولينا كِلنا نرجي بالنصر لينا تعود
و نفرش ادروبك سعاده في رجوعَك وَيْ ورود
...............
كل مُحِب باللَهفه حاير -- بهَمَّه و يبوح
هالگلب مولانا بعدَك -- يبگه مجروح
❊❊❊❊❊❊❊❊❊❊❊❊
سَيّدي گِلْنا اشعَلامَك تمشي بدموع البُعاد
چَنَّك إتگِلْنا الوداعه و اللِگَه بيوم المعاد
چَنَّك ابهالسَفرَه ناوي ما ترد هاي البِلاد
و تُبگه بالغُربَه وسافه و إحنا بعدَك في حِداد
...............
هالدهر بالفُرگه جاير -- و يهدم اصروح
هالگلب مولانا بعدَك -- يبگه مجروح
❊❊❊❊❊❊❊❊❊❊❊❊
نسأل الله بكل دعانه يرعىٰ ظعنَك بالمسير
يامن لدينه تفانه و للهُدىٰ إنته النصير
بطَلعِتَك ندري إمامي طالع اتحَدد مصير
الله ع الباغي ينصرك يا أملنا و المُجير
...............
الكعبه تدعي و المناير -- و الأسىٰ يلوح
هالگلب مولانا بعدَك -- يبگه مجروح
❊❊❊❊❊❊❊❊❊❊❊❊
الشاعر : أبو شهيد الأحسائي
الثلاثاء ١٤٣٧/١٢/٤هـ
════════════
*لا يجوز و محاسب شرعاً حذف او تغيير التوقيع*

*♦️قناة الواتساب♦️*
https://chat.whatsapp.com/INKEg5B0j6q5qkZUiGHZlY
〰️〰️〰️〰️〰️〰️〰️〰️
*🔹قناة التلگرام🔹*
https://tttttt.me/joinchat/AAAAAE_HFNViqL7eHHi48w
════════════

يوم الأنصار عليهم السلام

بايَعنا بالنَفْسِ -- حَدٌّ علىٰ الرِجْسِ // للمَوتِ تَلقانا
يا قائدَ الفَتحِ -- يا مَطْلَعَ الصُبحِ // نَفديكَ مَولانا
❊❊❊❊❊❊❊❊❊❊❊❊
لك هتفنا - بكل عَزِمنا - حسين الأوّل في هوانا وما نِبَدله
و حد لجنون - هاي لمنون - ما تهمنا و جيش أُميّه إلنا خَلّه
يا ولينا - لك هوينا - و إشترينا بدمنا حُبَّك و إنته اغله
و لك عَهدنا - وي وَعدنا - كل فرد لجلك يضحّي و لك توَلَّه
حُبَّك الغايه و جَنّة المَأوىٰ
يا عِشگ صافي شگد إله نِهوىٰ
و دنيا من دونك والله ما تسوىٰ
...............
بالحُبِّ نَحياكَ -- نَهوىٰ مُحَيّاكَ // يا نورُ يَغشانا
يا نَبضَنا الغالي -- يا صَرحَنا العالي // نَفديكَ مَولانا
❊❊❊❊❊❊❊❊❊❊❊❊
هذا عابس - بيك ينافس - اعلن جنونه و فتونه بإسمك حسين
بلايا دِرعَه - هذا وضعه - بكل يقينه خصمه واجه واجه البين
و هذا نافع - شوف و طالع - بارز الموت بشجاعه في الميادين
بكل وفاءه - ذا عطاءه - شاهد الحُر الرياحي يوفي للدين
كلمن ابدمه عَنّك يفادي
لا ما نهابه موت إلينادي
بيك إعتقدنا و خصمك نعادي
...............
يا لامَةَ العَدلِ -- يا صارِمَ الفَصلِ // يا دِرعَ إيمانا
ما خابَ مَنْ والاك -- حَربٌ لِمَنْ عاداك // نَفديكَ مَولانا
❊❊❊❊❊❊❊❊❊❊❊❊
و جونك إشهد - إسمه قَيَّد - و صفحته بيضه و عطرها مِسك لجنان
ظل يناضل - و عمره باذِل - حسين أميري وما أعوفه ها يا عدوان
و شيخ لأنصار - بحَزمَه و إيثار - دَمّه في سوح الشهاده أضحه عنوان
لك نبايع - و إلنا باوع - لو ألف مَرّه انچتلنا هالچتل هان
لجلك المُهجه نبذل ودَمنا
الغيره مولانه لك تحَشِمنا
شهَمنا هالدنيا لو تخاصمنا
...............
بالحَيفِ إنْ نابا -- لا نَخشىٰ إرهابا // و الخَصمُ يَخشانا
فالمَوْتُ إنْ حانا -- في السوحِ تَلقانا // نَفديكَ مَولانا
❊❊❊❊❊❊❊❊❊❊❊❊
إحنا صَفوَه - و كلنا نَخوَه - الله لجلك مصطفينا يبن الأطياب
و من مثلنا - و ذا أجَلنا - من أجل دين الهدايه كل شخص ذاب
شگد سعدنا - من سمعنا - لسانك الزاكي وصفنا بخيرة اصحاب
هذا لوسام - عِزّنا و احلام - و هالحِلم مِنّك تحقق وكل گلب طاب
الله خالقنا فدوه لعيونك
من أذىٰ الدنيا واجب انصونك
و كل نحر وي دم ما يوَفونَك
...............
يا صَفوَتَ الآلِ -- وِسامَ أفضالِ // للصَدرِ قد زانا
يا صَفقَةَ الفَوزِ -- يا جَوهَرَ العِزِّ // نَفديكَ مَولانا
❊❊❊❊❊❊❊❊❊❊❊❊
يابو سكنه - و بزَمَنّه - شاهد الشيعه بوفاها و حُبها تفديك
رغم الأخطار - و كيد لأشرار - تهتف بإسمك تنادي كلها لَبيك
إسمك أصبح - رايه تصدح - كل معاني الثوره تنهج و إعتلت بيك
بكل لأوطان - إنته عنوان - و شُعله ما يطفي لظاها و من يدانيك
منهجَك اصبح للإبا غايه
بكل زمن بَعدَك إنته لحچايه
يا نبع صافي ننهل بمايه
...............
من عالَمِ الذَرِّ -- يا سَيّدي تَدري // لَبَّيْنا عِرْفانا
عَهدٌ مِنَ اللهِ -- يا نورَهُ الباهي // نَفديكَ مَولانا
❊❊❊❊❊❊❊❊❊❊❊❊
و هالمذابح - خطها واضح - مسلك الطُغمَه أُميّه بيها معلوم
ابهالمآسي - الكل يقاسي - و كربلا نشاهد أثرها بينا كل يوم
چم يتيمه - بكل هضيمه - شاهدت فگد الأحِبَّه و خَيها محروم
و چم ارامل - بلايا كافل - و دمعه للحُجَه تنادي يمتىٰ و تگوم
و هاذي كراده خلها تحچيلك
فجرو بيها و نادت ادخيلك
ينزف عراقك جرحه يشكيلك
...............
أُدعو لمَهدينا -- بالغَوثِ يأتينا // فَالقَلبُ قد عانىٰ
ضَجّت مآسينا -- تَرجو إبن هادينا // نَفديكَ مَولانا
❊❊❊❊❊❊❊❊❊❊❊❊
الشاعر : أبو شهيد الأحسائي
الثلاثاء ١٤٣٧/١١/١٩هـ
════════════
*لا يجوز و محاسب شرعاً حذف او تغيير التوقيع*

*♦️قناة الواتساب♦️*
https://chat.whatsapp.com/INKEg5B0j6q5qkZUiGHZlY
〰️〰️〰️〰️〰️〰️〰️〰️
*🔹قناة التلگرام🔹*
https://tttttt.me/joinchat/AAAAAE_HFNViqL7eHHi48w
════════════

ابو محمد الموالي, [١٣.٠٧.٢١ ١٥:٣١]
( لطم للأنصار ع )


عن ايسار ابو اليمه ويمناه
رِجَالٌ صَدَقُوا مَا عَاهَدُوا اللَّه
متهاب المنيه
رجال الغاضرية
رِجَالٌ صَدَقُوا مَا عَاهَدُوا اللَّه

_______
1

وحق من خلق كل هاي الجبال اوتاد
لو مليون مره كربله تنعاد
(كل ارواحنا فدوه لبو السجاد)

وبيوم الملاحم سووا الما صار
بخنصر إيدهم جيش ال اميه اندار
يتمنى النبي لو عنده هيچ أنصار


بالطف النبي لو بعده ما مات
بنصار ابو اليمه تنزل آيات
الآيه الحيدريه
رجال الغاضرية
رِجَالٌ صَدَقُوا مَا عَاهَدُوا اللَّه

_______
2

شما دارت الدنيا وعدت الأزمان
مثلهم بالخليقه ما حصل إنسان
سكتتهم صلاة ولو حچو قرأن

لولاهم ولا يبقه وجود الدين
مسلم من وگع ناده ابن ظاهر وين
أوصيكَ بهذا إيأشر عله حسين


كل واحد وگع وصه ابوصيتين
إنصروا حسين لو موتو ويه الحسين
دماهم عالوطيه
رجال الغاضرية
رِجَالٌ صَدَقُوا مَا عَاهَدُوا اللَّه

_______
3

حبيب ابن مظاهر يا حبيب الله
هنيالك وزينب نادتك عماه
عشت ويه علي وحسين مت وياه

هنيالك لان ما تترك الطيبين
عمرك صار من حيدر لحد حسين
كهل چنت ابعصابه تفتح العينين


حياتك تختصر كل المسافات
المثلك يبقه عايش حتلو مات
حربهم عالوصيه
رجال الغاضرية
رِجَالٌ صَدَقُوا مَا عَاهَدُوا اللَّه

_______
4

يالحر كل حياتك تختصرها بيوم
من ظالم بلحضه تحولت مظلوم
حصلت الجنان الخالده للدوم

من الأنصار كل البشر يتعلمون
مراتب عاليه رغم العِرق واللون
مولى ابي ذر أسود نعرفه جون


ولمن طاحوا على الغبره مطاعين
دم جون اختلط وي دم الحسين
ريحتهم زكيه
رجال الغاضرية
رِجَالٌ صَدَقُوا مَا عَاهَدُوا اللَّه

_______
5

ذَب عابس هدمومه وبالمحبه جنون
كون اهل العشق من عنده يتعلمون
على حب الحسين الوادم يموتون

ومن ذبحو حسين وعالوجه مگلوب
يعابس وينه ثوبك سيدك مسلوب
حبيب المصطفى متوذر بلا ثوب

عوف الموت وانهض لو بقه حيل
ابو اليمه يعابس سحگته الخيل
تدوس الاعوجيه
رجال الغاضرية
رِجَالٌ صَدَقُوا مَا عَاهَدُوا اللَّه

_______

الشاعر#مصطفى_الشافعي

( لسان حال حميده ع )

امنيتي لو أناظر
بالطف أبويه حاظر

ومابين مسلم والگمر.. قرّة نظر .. حميدة

ا~~~~~ا ١

شمحلاها تصبح كربله
لو مسلم بطف كربله
ويناصر حسينه

خالي مكانه ويه الضعن
والنسه عليه تناشدن
شو ما حظر وينه

عجيبه. غريبه. ما اجه شنهو الجره عليه
اشوفه. بطفوفه. توقعت يحضني بيديه
اضيعه. واتبعه. يم ابو السجاد ادريه

ويا خلّص سنينه

چنت شكثر أشاهد
حسين ويه أبويه گاعد

مو بس ابن عمه النفل.. مسلم مثل.. عضيده

ا~~~~~ا ٢

البنيه لو ما يمها ابو
تفقد البسمه والدفو
من تفقد احضانه

ياناس ورده بلا نده
حال اليفارگ والده
شيعوض مچانه

ضنوني. عيوني. دمع تجري چنها شلال
عذابه. بغيابه. (البويه) إلمن بعده تنگال؟
ابونه. بدونه. اقل شي شاهدته أهوال

وللآن ما جانه

إلما عنده ابو بحياته
لا فرقَ عن مماته

مبلل وميهمه المطر.. بيش الصور.. تفيده

ا~~~~~ا ٣

لو چان حاظر والدي
يحمينا من المعتدي
وانظر إله يقاتل

بيا صوب يصبح موقعه
يمكن رسول المشرعه
مسلم وابو فاضل

قناعه. شجاعه. مسلم وعباس عالماي
بنظاله. وقتاله. حسين يصرخ ليه يوفاي
گربته. بصحبته. هوه والعباس لن جاي

مسلم صبح كافل

گمر وگمر يجينه
ما تنگطع يمينه

تصبح أطفال مدلله.. بكل كربله. سعيده

ا~~~~~ا ٤

ونشوف مسلم والگمر
يجيبون لخيمنا النهر
والنعم وفايه

كل امنياتي تبتدي
بچفوفه مسلم والدي
يرويني من مايه

وصاله. دلاله. ما احس يمه بالاخطار
خصاله. جماله. گمر شع ابين الأقمار
هُويته. ورؤيِته. قرّه للگلب وللانظار

بچف مسلم الرايه

وادريه من يحارب
ما يرحم النواصب

وحسين يدعي لوالدي كل ضربه تسلم ايده

ا~~~~~ا ٥

وحسين عن مسلم كتب
تقرير بحروف الذهب
معروفه تربيته

مو بس ابن عمه صبح
مسلم مكانه وعز ربح
ثقته من اهل بيته

العقيله. تجيله. تگله يا مسلم يمهيوب
امنياتي. بحياتي. ما اشوف الخدر مسلوب
بولائه. دمائه. عالثره يتوذر انوب

بلا دفن تاليته

يضحّي لحبيبه ناصر
وتشّهمه الحوافر

قبل الحسين ومنحره.. يفدي تره.. وريده

ا~~~~~ا

الشاعر #مصطفى_الشافعي

عطشان يوليـدي للماي لــــــو دمك
هزيته كـــاروكك وأتذكـــــرت عمك
تشبه صرت لبو الفضل
جــــان بمهد مثلك طفل
لمن سمع بالطف تشبه صرت عمك
ـــــــــــــــــــــــــــــ
مـــن أگماطه فز لمن سمــــــع يوليدي عباس
بعيونه أشر عــــــالرمـــــح والسيف والطاس
عبدالله وانتــــــه أمنسمعت وبنفس الاحساس
يـــــــا ناس الا مـــــــن ناصراً هزيتلي الراس
جنك ورد ذابـــــــل بس عطرك اشتمه
وعباس ابو الغيرة دمــــــــك مثل دمه
والغيرة تشبه غيرته
لبيك نطقـــــت شفته
وبهاي أشــــــوفنك تشبه صرت عمك
ـــــــــــــــــــــــــــــ
عباس وبدمعة أنكتب يــــــــــــــا خويه مأجور
يا خويه طفك مــــــــو نحر يــــــــرادله نحور
ومن نزل دمعك عالصدر يــــــــــــا بدر البدور
مــــو صدر واحــــد گمت أحس دگيتلي صدور
وهسه أعرفت قصده وحجايه البصدره
واتبينت الفكـــــــــره نحــرك تبع نحره
بالدمـــع دگيت الصدر
وانطيت يوليدي العمر
وحزام ظهري انته تشبه صرت عمك
ــــــــــــــــــــــــــــــــــــ




كــــــظ ايــــــــدي عباس الشهم والهسه الاثار
مــــــو راسه بس بيهه عرفت جفة شكثر حار
وهزيت كـــاروكك لچن مــــــــــو هزت صغار
جنك صعدت اعله الفرس بــــس صعدت أكبار
وشلت الحمل يبني مو طفل لا عالم
واسيتنـــــي بعمك والاكبر وجــاسم
محسوب يبني اعله الزلم
خـــــــــل يفهم الما يفتهم
زلمه ونعـــــم منك تشبه صرت عمك
ـــــــــــــــــــــــــــــــ
بشفاف عمك مـــــــو حجي مــــــرسوم عينين
مـــــــو عين وحدة كلي الك يــــا خويه الاثنين
وتفطرت إشفافـــــك زعـــــــــــل بيهن جملتين
ويـــــــــاك اخذني للحرب : واجــرك عالحسين
وعيونـــــك الحلوة دم ودمــــع تجري
وشجم نحر رسمت بيهن شفت نحري
يوليدي وبتالــــــي العمر
كاعد على صدري الشمر
وبيهه انته مو يمي تشبه صرت عمك
ــــــــــــــــــــــــــــــــ
للماي لا هسه عـــــــــــرفت لدمــــــاك عطشان
ال بعيون اخـــــــــويه ورگبتك مو شغلة انسان
نفس السهم مــــــــــــــو حرمله لا جان شيطان
مـــــــــــن أهك واهه اعرفت نفس السهـم جان
بـــــس الفرق يبني مـــــــن جلمه ميزته
عباس يــــــا خويه ويا بويه صحت انته
بحضانــــــي شلتك چا الگمر
چــــن شلت اخويه من النهر
وجــــــه الگمر جنك تشبه صرت عمك
للخادم .... ابو محمد الموالي

.
صاح عباس. ولحسين. يعمت الساده
النهر والماي. ألج جاي. واجيب ازياده
وروس اميه بين أديه
•••••••

يرجف الكون. لأخو ام عون. اذا اشد صارمي
ويركض الماي. ألچ جاي. قبل جودي وعلي
أنه سيل المايرد. أمرد العايل مرد
وألوي السيوف. بالطفوف يخيتي ادللي
وروس آميه بين أديه

،••••••
أمحي اليسار. وأشب نار وادوس الميمنه
وأخنگ انفاس هلارجاس. وانه الكافل أنه
اليــــوم اذلاً كربله. قســــــــماً بالــــــزلزله
وأعمي العيون والجــــــفون. ابچيهن سنه
وروس آميه بين أديه
••••••

بسيفي الويل. والكحيل يلاويهم لوي
بسرعت الصوت يجي الموت. عليهم من أجي
نبض عرجي الهاشمي. والله لادميهم دمي
واردم الناس. عله الناس. وانه اغلامك علي
وروس أميه. بين اديه
••••••
حاسب احساب. بالتراب. اساويها الزلم
واخسف الكاع. والسباع. اذلنها ابعزم
منهو يتگرب إلي وانه ابن حيدر علي.
وتنهزم وين واليمين تدگ عظم بعظم
وروس أميه. بين اديه
••••••

قاسم اليوم. عله الگوم. أصيرن زلزلة
وروس الكبار. والزغار، أطاشهه ابكربله
جيوش آميه بقبضتي. وراح ألفهه ابصايتي
ونشر الخوف. عالطفوف. يبت عگد الوله
وروس اميه. بين اديه
•••••••
چفي ماطاح. وألج لاح. عله اصدور النهر
وانه عباس. ألي باس. گطع نفس المهر
من حرگتي و غيرتي. اشب نار ابحملتي
وگلب الجيش. على الجيش وگطعهم وذر
وروس اميه
•••••••

خادم الزهراء ع ابو احمد الطائي

حماسيه : محرم 1443ه
أستهلال هلال شهر محرم الحرام
.................
أهلال عاشور الرزيه
جانه بخبار المنيه
طب ربوع الغاضريه
اليوم ضعن الهاشميه
.................
1
أهلال عاشور المصايب
يا خبر هاليله جايب
جثه نامو عالترايب
بني هاشم وأبي طالب

هذا راسه أو هذا أيده
أنكطعن أو هذا وريده
السهم ذابح صعيده
الله يلعن آل أميه
.................
2
فاطمه الطفله العليله
بالمدينه أبلايه حيله
تندب أب ونه ثكليه
المؤمن أكليبه دليله

أخلافهم من ودعوني
أهلي لو عدلين أجوني
والله تنبئني ظنوني
موته عالغبره سويه
.................
3
المجلس الليله تزوره
الزهره وتسجل حضوره
للدمع تتمنه صوره
كلمن أبدافع شعوره

البجى أبهاي المصيبه
أو صاحب الشيبه الخضيبه
من تصيبه أبيوم نيبه
الزهره تصبحله تجيه
...................
4
وم الأقمار النشامه
الوفت أعهود الأمامه
باجر أبيوم القيامه
تشفع الئهل الخدامه

اليخدم أبهاي الليالي
تحضره أم عباس تالي
فاطمه الزهره تعالي
خلي نشفعله سويه
...................
5
اليوم مسلم والسفاره
أبحشمته أو كامل وقاره
من على كصر الأماره
تاجر أويه الله تجاره

والنعم من أبو طاهر
واجه الوحده العساجر
صيته يفياف المنابر
صاحب الطلعه البهيه
...................
6
اليوم أنصار الولايه
لبسو أجفان المنايه
جابلو سيل الرزايه
عالترب صارو ضحايه

دون المخيم عمرهم
ضحو أو شاهد نصرهم
الله بالدنيا جبرهم
موضع أبأأشرف ثنيه
..................
7
اليوم ضهضب عالشريعه
كافل الحره الوديعه
أبعين الحسين الوسيعه
ضاكت الليله يشيعه

عالنهر جسمه رهينه
كطعو أيساره أو يمينه
والسهم طافيله عينه
عم سكينه أو عم رقيه
..................
8
اليوم عريس أبشبابه
أيموت بسيوف العصابه
حنته من دم خضابه
هلو دمعات المصابه

يا شبابات  المئاتم
عزو رمله أبموت جاسم
آآآ يعريس الهواشم
صيحو صيحه حيدريه
....................
9
يا شبيه الهادي جدك
عالترب من شاف خدك
ناده أبوك حسين عدك
العفى عالدنيا بعدك

امك أبشوغه تنادي
يبني يا مهجت فؤادي
جسمك أبسيف الأعادي
وذره وذره أعله الوطيه
.....................
10
حرمله الذاته لئيمه
أقدم أبأبشع جريمه
نبله سدد مستقيمه
أو ضاع عبد الله نسيمه

يوم عاشوره محرم
قلت أنصاره أو تقدم
صدره بالحافر تهشم
شيخ كل الجعفريه
...................
11
آآآ يزينب يا ألمها
النار مشتعله أبخيمها
واليتامه أتلوذ يمها
أيست من كل عشمها

للسبي جابو هزائل
عالرمح راس أبو فاضل
ما ألها بالشام كافل
عنها كالو خارجيه
....................
خادم أهل البيت
الشاعر : أسماعيل الجوراني
الأثنين : 19/7/2021

نزله : محرم 1443ه
لمديح شجاعة سفير الحسين
الأمام مسلم أبن عقيل عليه السلام
...................
أبو طاهر من تنخى أو دارها
صارت أحمي ركبتك ثغبارها
..................
1
صارت أشرد دير بالك لا تظل
شردت أو ترست بساتين النخل
عطوه رادت منه مسلم ما قبل
عطوه ينطيها أبهذاك أنهارها
..................
2
ظل سفير حسين يشلعهم شلع
و السبع بيهم تبين مو سبع
أتريد أكص راسك أطعنك بالضلع
طعنتي بالكيف أنته أختارها
..................
3
من تنخى أو بينهم شاخص وثب
بالتعب تارس ثنياهم تعب
صارو أو مسلم أبن أشرف نسب
كل بني هاشم رفع مكدارها
..................
4
نص كتايب شردت أو نص أنتهت
أومالت الله أحجايه بالحظ والبخت
لا رجع خطوه ولا راسه ألتفت
أو لا رهب كلبه نصل بتارها
..................
5
حاصب أمن الغيظ يعصفهم عصف
أو منجنيق الموت يقصفهم قصف
الكوفه ذاك اليوم مر بيها ظرف
دوم ما شافته من أصيارها
....................
6
أو جدي أبو طالب يأأشباه الزلم
أباطشي هاليوم أختمكم ختم
بيها روس أتلولحت من الجسم
بيها خر مصرانها أمن أكتارها
.................
7
سيفه بيده أو كام يحويهم حوي
أو صارت أعمار العساجر تنطوي
طوعه نادت عفيه يا مسلم جوي
والدمع كحل فيافي أنظارها
..................
8
عفيه مسلم عفيه يا شلوة علي
خلها بالكوفه النوايح تعتلي
صد عليها أو صاح طوعه أدللي
أعمارهم سيفي يظل منشارها
..................
9
من طلع خيط الفجر حد الظهر
ظل يكر أبروسهم كد ما يكر
أتحايلو ضده أو أله حفرو حفر
أو طاح بالحفره الي بجه أمصارها
..................
10
صيته مشعل من مشاعل كربله
أبو طاهر نال أشرف منزله
تربية حيدر علي عقد الوله
حضرته هنياله كلمن زارها
...................
خادم أهل البيت
الشاعر : أسماعيل الجوراني
الأحد : 18/7/2021

نزال

فاطمه  الزهره   كل عزه تحظره
تجري دمع العين  تجري دمع العين
------------------؛؛؛؛؛؛؛؛؛؛؛؛----------------
الزهره للمظلوم تحضر كل عزيه
تبجي لمصيبة ابنهه ابكل مسيه
الـف هنـيالـه الـيـعـزيهه الـزجيه
عالغريب الطاح برض الغاضريه

بالعزه تحظر فاطمه وحيدر
تجري دمع العين تجري دمع العين

""""""*****
فاطمه تحظر ومنهه الظلع مكسور
عدها كل هاي السنين الزهره عاشور
تصيح واويلي على ابني المات منحور
وينه اليواسي بدموعه وكلبه مچمور

باالعزه دايم الفاطمه خادم
تجري دمع العين تجري دمع العين

""""****
واللـه هنياله اليواسيهه ابـدموعه
وينـه اليناَدي يبواليمه ابـخشوعه
بالعـزه مــن الـطـم يـهشم ظلوعه
خلي روحك بالبواچي مثل طوعه

منهـه أتـعلم بالبجي أتألم
تجري دمع العين تجري دمع العين

*""""*****
على مسلم طوعه ماعافت حزنهه
أتـبرت ابـيوم المصيبه مــن ابـنهه
تـذكر حـسين ويهيج ابعالي ونهه
موّتهه من المصايب طوعه ظنهه

ويلي عالغدروا واحده عافوا
تجري دمع العين تجري دمع العين

*"""""*****
باالبـواچـي أتعلم امــن ام البنين
مـن ابـن حذلم اجـه ينعه أبونين
منه سمعت منكطع نحر الحسين
ابهل خـبر لطمت وجهـه باالأدين

سمعت اخباره وظلت ابداره
تجري دمع العين تجري دمع العين


****""""""*******
كلمات سيد حمزه الاعرجي

اهزن بالمهدورویحتی اتگول
دلول الولد بینی دللول
_______________
عبدالله ییمه الگلب ناداك
زغیر انته ابمنایه شعدهه ویاك
ظامی وحرمله بالنبله رواك
عمت عینه وعسنه ایمینه مشلول
__________________
یرف گلبی اعله مهدک رفت الطیر
واناغیک ابدمعتی ومالی تکفیر
جبیر السهم یبنی ونحرک ازغیر
واتمدد اویاک الطول بالطول
__________________
یبوضحکت الحلوا ساکت اشبیک
نایم لوییمه الموت غاطیک
دگلی للتراب اشلون انطیک
حاجینی یابعدامک یمدلول
________________
ذخرتک یاعزیزی التالی السنین
تلمنی الکبرتی وردتک الی اتعین
بیدک من أموت اتغمض العین
وعلی اجتافک یصیر النعش مشیول
__________________
حسابی الی حسبته طلع جذاب
وکلبی یالولد ضماک التراب
بعدک لا مشیت ولاصرت شاب
ست تشهر الک ماکملت حول
_____________
اسمعک تنادی واتبع الصوت
وعلیک أطلع ادور بین البیوت
کل ظنی اجیت وعافک الموت
وگلت هذا مصابک حلم ویزول
__________________
بعدک موهنیه شربت المای
واگعد بالشمس مارید الفیای
من عندک ثیاب ظلن اویای
اشمنهن ودمعی شبه السیول
__________________
اشم الهواه اشلون وانته محروم
واتراب الگبر غیرلک رسوم
حدر ظل بیت مااسکن ولایوم
علیک انعی واظلن ساکنه الجول
____________

آه يِهلال الشَهَر آه مَوعِد عالنَهر
بالطَف أشوفَك
*************
لَتظِن أعوفَن مَوعِدَك إهـــلآل المُصــــايِب أنساك
المَهدي آنــه وَأَنتِظِر إتسولِف جِروحي بِطروآك
يَــم النَهَـــر وِبكربله مــوعِــدي وَيـــــاك إهناك
للسِمـه أنظُـرلَك تِهِل وتِهمِــل إعيـونـي إلرؤياك
آه شاخِص بالنَظَر آه مَوعِد عالنَهر
بالطَف أشوفَك
*************
إختـــاريت بالطَــف النَهَر موسَبَب ماي إويِجري
مــو مَنظَــــر وموقِع حَلو والحَسره نار بِصَدري
بي موقـف إيفَسر الصَخَر هِلال الشَهر بي يِدري
لَمن وِصل جَدي وَصِرَخ هالنَهَـر كاسِـر ظَهري
آه مِن طاح الكُمر آه مَوعِد عالنَهر
بالطَف أشوفَك
**************
مِن تِطلَع إبوسط السِمه أنــزِل رِكُض لِخيامي
أبحث علـه جود إرتِمه وجفـوف عَمي الدآمي
وَأنظُرمَهَـد مابـي طِفِل مَذبــوح هـو وَضامي
إترَفــق يَلِهـلال إلشَهَر هَيَجِـــت كُـــــل آلآمي
آه بَحزآني إستَمَر آه مَوعِد عالنَهر
بالطَف أشوفَك
*************
كُل الخِيَـــم ظَلمــه شِفِت بَس خيمه وَحده إتلآلي
إتكَـرَبِت يَمهــا وِإسمَعِت غَيــــــــرَت كُل أحوآلي
جســـام رَملــه إتخاطِبه يـا مُنيِتـــــــــــي وَآمالي
الخيمه فَرح حومه دَمِع إشتختـــــار يبني الغالي
آه دَلآلي إنفُطر آه مَوعِد عالنَهر
بالطَف أشوفَك
*************
الخيمه الجِبيره إلمُفرَده تِبجي إسمَعِت كُل الحَرَم
جَـــدي يِـــــوَدِع عيلِته يِحمِـل دليلــه إشكَــد ألَم
كَلهـــــا يَزينب عالنَهر يوكَـع جِفيــل إويه العَلَم
آنـــــه وِإخوتِـج نِنذِبِح عَبدالله إيفطمونـه إبسَهم
آه زينب والسَهَر آه مَوعِد عالنَهر
بالطَف أشوفَك
*************
كُل الصِوَر فـي ناظِري مِن كَبُل نورَك يِزهر
مُعتِم جِنِت وَسَط السِمه زَيَتــــــه أبيض أكثَر
بس آني أدري إلمُحتوه إمنيــن نُور المَصدَر
إنته إسرَقِت مـن كربله نُـور الكُمر وِألأكبر
آه من بَعد النَحَر آه مَوعِد عالنَهر
بالطَف أشوفَك
*********************
خادم الحسين
حاتم ماشاءالله الكاظمي

نزال
بالسِمه إهلال الخِدآمه
هالشهر شَهر الكرآمه ************* ياسامِعي إترَجَل عَن صَهوِتَك إنزل
هـذا الخِطاب إموَجه إلأهل المَوآكب
لاتِنسى مَحبوبَك بي تِنمِحي إذنوبَك
إنوجِــه نَظَرنـه للسِمـــه خَلـي نِرآقِب
لُمن يِهِل شَهرَك عالخِدمه ما أذَكرَك
زي المُوَحَد أسود إنغِيض إلنِوآصِب
إتحَضرو ياأهل الشَهامه
هالشَهــر شَهر الكرآمه *************** ياصاحِب المَوكب الزهره إلك تكتب
أدري تِحِب حسيـن والخِدمـــه حَياتَك
تِخدم أهل بيتي مِني أسمع إوصيتي
إجعَل خِدِمتَك خالِصه تِعكِس صِفاتَك
مِني إلَك بُشره ياخادم الزهره
هاي المَدآمِـــع واللطُــم بيها نَجاتَك
بالحَشِر هـــي السَلامه
هالشَهر شَهر الكرآمه ************* هالخِدمه وآهِسنه بالذَر تِدَرَسنه
نِبجي وَنِدِك فوك الصَدر لُمــــن نِشوفه
إلخِدمه غِيرَتنه هي شَفاعِتنه
نِخدم حُسين و حَق علـي لا مـا نِعوفه
من نِبدي بالخِدمه نِختِمها باللطمه
نِذكُر كفِيل آل النبي إلطاحـن جِفـوفه
والعَطـــش رَوَع يِتامه
هالشهر شَهر الكرآمه ************** لُمُن يِهِل ضَيَك نِحسِب لَيالِيَك
يَعنــــــي وِرود العايِلــــه نِحسِبهـــا ليله
أيامَك إنعِدها الذِكرى نِجَددها
شَهـر المُحَرَم بي وِصَل ضَعـــن العَقِيله
للطَف دَمِع يِنصَب نِصبَو خِيَم زينَب
ياكــــربله المَدمَـــــع دِمــه عالخَد مَسيله
ألكربلـه إلكَلب وَهِيامه
هالشَهر شَهر الكرآمه ************* ثالِث لَيالِيَك لُمَن يِهِل ضَيَك
خَصُوها أَصحاب المَجالِس للعَلِيله
رابِع مِن النِعمه خَصوها للخِدمه
كِلمَن يِقَدِم خِدمِته وروحه إلخَليله
خامِسها تِذكاره مَخصوصه لأنصاره
كِلمن يِضَحي بِروحه بَس يِشعُر قَليله
هالفَجَر حَــــــد القِيامه
هالشهر شَهر الكرآمه ************* سادِس لَيالِيَك لُمن يِهِل ضَيَك
مُسلِم شَهِيد الكوفــه مِـن أجل العَقِيده
سابِعها بالحِيره عَباس ابو الغِيره
زينَبهُم إبحِيره صُفَـت بِنت الصُميده
ثامِنها بالدَمعه طَفوها للشَمعه
جاسِم تِحَنه بِحومِتــه مِن دَم وِرِيده
إلغِيـــره تاركها عَلآمه
هالشهر شَهر الكرآمه
************* تاسِع لَيالِيَك لُمن يِهِل ضَيَك
ليلـــة مُصِيبـــه وَفاجِعــــه ليلة العاشر ياويلي يازينب دَمع الوِدآع إنصَب
إيـــــوَدِع حسيـــن بعِيلِته إلزينب يِناظِر
عَبدالله ناغاله دَمه تِراوآله
(ماي )أو علي الأكبر وِكَع بين العَساكِر
يِنظُـــر حسين إلخِيامه
هالشَهر شَهر الكرآمه
*************
خِلصَن لَيالِيَك مات الضِوه بِضَيَك
عاشِــر مُحَــــرَم يِنحِسِـــب يــوم الفجيعه
أنصاره ذِبحوها عالغَبره وَذروها
مَحـــد سِلَم مَنهُـم وَأهل بيتـــــه وَرِضيعه
مَحد بُقه إينِصره حسين إنكَطَع نَحره
يَوليـــدي صاحَت بالطِفوف أمـه إلوِدِيعه
إتغَيَر الكــون وَنِظامه
هالشهر شَهر الكرآمه
*************
خادم الحُسين
حاتم ماشاءالله الكاظمي