يـَـايزيد الطـّاغيه إسمَعنـي زيـن
آنه زينــب بت امــير المؤمـنين
* *
آنـــــه زينب بت مُحمـّــد والكِتاب
يــَــايزيد ومنــّـي إسمَع هالخِطاب
إبشِـر ابيوم الحَشــرباسوَء حسَاب
وبـْـعَـذاب النــّــار مِن الخــــالِدين
* *
إسعـَـه سَعيـَك دَام بِيدَك قـِــوّتـَـك
وكِيـــد كِيدك وافتِخـِــر بِبطَــانتك
والله ماتِمحــــي ذِكِرنَه ابـــفِعـلتك
ورَغم أَنـف الحِقد إحنـَـه الفائِزين
* *
يـَـايزيد أيـّــامَك السـُّــوده عـَــدد
وجَمعـَـك الـمَـلعون مـَـيظـل للأَبد
إحنَه مَنصُوريـن مِن واحِـد أحَـد
واليِـمــر بينه عِــبـَــر للــعالَمين
* *
رَغم سَبـــي العايله وسَلـب الأمان
ورَغم كالأسرَى تـِفـرنَه ابكل مكان
لا تظن بينـــه على الخـالق هـَوان
ولا تظـن عندَك كَرامـة صَـالحين
* *
عَجب كلّ العَجب مـِـن هذا الجرَه
إبن خَيـــر الخَلـق دِنيــــه وآخره
أَخـَـس خَلـــق الله يـﮔطَــع مَنحرَه
وايـدَه تـِﮔطـر مِن دِماء المؤمنين
* *
وَكِت خَلـّـه حــرّه مثلـي اتخَاطِبَك
وتِدخل ابمَجلس غـَـدر وتـراقِـبك
تِضرب اثــنَايه الحُـسين ابعُـودِتك
وتِهتف بأشيـَــاخ بـَــدر الكافِرين
………………
لقمان لعيبي البدران

@lukmanalbadran

*[ جروح الصادق ]*

أداء: الملا #مرتضى_الحميداوي
كلمات: الشاعر #السيد_ياسر_الجابري

https://youtu.be/2dDJA7VUzBc

مجالس شهر شوال لسنة 1442 هـ - 2021 م
ليالي إستشهاد الإمام جعفر بن محمد الصادق صلوات الله عليه
عزاء هيئة سيدة الوجود عليها السلام - العراق - بغداد

مونتاج وتنفيذ: سجاد عباس العكيلي
مكساج: أحمد البرمكي
مخطوطة: محمد الصادق
الجود ميديا للانتاج الحسيني
النشر الشبكي: علاء بركات العاملي

⬛️◾️▪️⚫️﷽⚫️▪️◾️⬛️
وزن الدارمي ، *للخروج من مكة*
الطور اختياري ؛ ثگيله او شور او زنجيل او طور (يبن امي عالتربان)
ويقرأ كلحن النعي (المؤيد 20) وغيره

🏴(بدأنا بنشر تجهيزات محرم) والنواعي والقصائد والهوسات المكتوبه لسائر الأحزان والأفراح #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg

و ابمكه سمعوا صوت ، چنها الزچيه
و اتنادي راح احسين ، للغاضريه


لمن طلع مجبـور ، للحج يعوفه
قصَّر من الاحرام ، و الكل يشوفه
و ابحالة التوديع ، لحظة وقوفه
سمعوا ونين و نوح ، هز البريه


صاحت يبعد الروح ، حالك دهاني
ماشي ابطريق الموت ، ابلا تواني
رايد أمـان اليوم ، غـادِر زماني
و ابگلبي لو ترتاح ، من آل أميه


صعبه عليه اتروح ، ويه الحبايب
و انت الك عدوان ، همها الحرايب
جهزولك الاسيوف ، و اشگد مصايب
متــحج بعد اردود ، ويلي عليه


بيت الله بين الناس ، مالك حمايه
و الچتلتك يسعون ، أهل الوِشـايه
غربه و غدر و آلام ، و اشگد رزايه
كلـها وراك اتسير ، و اشهل بليه


وياك أخذت أطفال ، خوفي عليهم
خوفي إذا ايعطشون ، اسمع بچيهم
ساگي الحرم لو مات ، شيصير بيهم
عبد الله خوفي ايموت ، عگبه رقيه
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ـــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
*لخروج الامام ع من مكة*
طور (يحسين وين اليوجعك-ملا مسلم الوائلي)
https://youtu.be/TwA-t470K0g

🏴(بدأنا بنشر تجهيزات محرم) والنواعي والقصائد والهوسات المكتوبه لسائر الأحزان والأفراح #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg

زينب تعالي خل نودع الكعبه
تدرين رحلتنه طويله وصعبه

گومي نطوف ونسعى آخر مره
عبد الله ويانه نِطَوفه ابحسره

من زمزم ابإيدينه خلي انشربه
🏴🏴
گومي ابعجل جيبي الطفل عبد الله من عد أمه
مشتاگ لوليدي و ردت ابحضني اخلي أشتمه
تــالي أشـيله للحرم و ادعي له ربي ايرحمه
ابهل مـسير و هل سفر لا طاغي يگرب يـمه

لو عيني اتشوف
سهم الردى يگطع نحر عبد الله
لو عيني اتشوف
ضحك الشماته يچوي گلبي غفله

والمحنه اچبيره ويزينب شحچي
عد الله صاير هم دليلي اشچي

چم طاغي اعلينه يجهز حربه
🏴🏴
و انلبسه فوگ اگماطه ثوب احرامه يختي زينب
و انخلي نحــره عالحــجر الاســود و نتقـرب
نطلب من الله يحفظه و دمه ابغدر لا ينصب
ليـجف صــدر أمه و لا يعطش و چبده تلهب

خوفي من الجاي
اگبالي ابني امن الضمه يتلظه
خوفي من الجاي
و الگوم لو تهجم علينه ابغِلظه

صبري يزينب علي يجري اعلينه
هذا أمر ربنا و خبر هادينه

بالسيف و الخنجر يحزوا الرگبه
🏴🏴
خليـنه أنطوَفه سبــع أشــواط و تالي نسعى
يا خيــه ما عـدنه وكت لازم نروح ابسرعه
عدواني ما عدهم رحم كلمن اجه اويه ربعه
جهزوا جيوش و اسلحه و ما نگدر اعله الرجعه

بارماح و اسيوف
ناويين عد بيت الله اعله چتلي
بارماح و اسيوف
و ابكربله تالي يخلصوا أهلي

محد يظل من اخوِتِچ تاليها
و العيله كلها انتِ بس تنعيها

و الگوم منه طالبه يا طلبه
🏴🏴
لو بيدي أسَكنه ابوسط بيت الله وأمشي وحدي
مــن الـذبح يمــكن ســلم لا يذبحونه عندي
لــو وگـفــونــه ابكــربــله ميظل أحد من ولدي
عبـد الله لو ويانه اجه لحده يصير ابلحدي

جثه بلا راس
آنه اويه اوليدي سوه اتشوفينه
جثه بلا راس
و الخيل اتجول ابقساوه اعلينه

و اللي اقتلونه يحرگون اخيامچ
من بعدي سوده اتصير كل أيامچ

تالي يمشوچ ابسبي و ابغربه
🏴🏴
يا خيه نادي بـو الفضل خله يِــشد اظعوني
و ابزوده خل يحمي المحامل من عده اللحگوني
گولي له يتــرس قربِته لوليـدي ماي اعيوني
نطـلع مـن المـكه ابقوافـلـنه و دمع بجفوني

ما نرجع اردود
بيت الله والحج يا وسف حرمونه
ما نرجع اردود
حجتنه بالطف و البشر ايجـونه

گبــه و منـارات و حـرم يبنولي
و الناس مشايه و زحف ايجولي

و اللي يجيني ما يحس ابتعبه
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ـــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب

⬛️◾️▪️⚫️﷽⚫️▪️◾️⬛️
*نزله للخروج من مكة*
طور (مهدينا عجل-سيد فاقد)
https://youtu.be/U6Sp3f6dGco

🏴(بدأنا بنشر تجهيزات محرم) والنواعي والقصائد والهوسات المكتوبه لسائر الأحزان والأفراح #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg

شِد الظعن خويه ... شِد الظعن


گوم يا عبـاس شد اظعـوني
لازم انهــاجـر ينــور اعيـوني
رادوا ابـبيـت الله ايقتــلوني

گوم ابـلا رحــمه
ما يسمعوا الچلمه

شِد الظعن خويه ... شِد الظعن


ماكو وكت الحج وكافي العمره
ما يخافون الله ذوله الزمــره
ما يحبون النــبـي و الــزهـره

نــاصبــيـه ذوله
بيهم العب جوله

شِد الظعن خويه ... شِد الظعن


حجنه بالطف يا كفيل العيله
دمنه ابعاشور خصمي ايسيله
و اللي يلحـگنه ابأذه يا ويله

و الله لا ينطيهم
بالعجل يمحـيهم

شِد الظعن خويه ... شِد الظعن


شد محامل عيلِيتي ابـسرعه
ديـر بـالك عالبنــات البـضعه
لو إجه الظالم ، بيدينك دفعه

لا يضربوا اسكينه
لا يزيدوا المـحـنه

شِد الظعن خويه ... شِد الظعن


أرد أوصيك اعله اختنه زينب
لا تـخـليـها ابسفـرها تتعب
و الشمر عدها لزم لا يگرب

هاي زيـنـب هايه
لا يجوها اعدايه

شِد الظعن خويه ... شِد الظعن
==
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
*(نعي للخروج من المكة المكرمة)*

🏴(بدأنا بنشر تجهيزات محرم) والنواعي والقصائد والهوسات المكتوبه لسائر الأحزان والأفراح #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg

*(بطور العكراوي (الگرناوي).)*


على الكعبه دموع احسين ظلت
و أظن الكعبه هم دمعات هلت
و اجت أملاك و ابحـاله تأملت
نعت اعلــيه و بالانياح طولت


بدى جبريل ينعى اعله لحسين
تعينه أهل السمه باصوات الاونين
يگللهم أبو اليمه حدى الوين
و أخذ وياه ارجاله و نساوين


صرخ يملاك شفته ابعيني حزنان
يعوف الحج مشى و ابگلبه نيران
من الدنيا و أهلها اهواي تعبان
أمان الناس هو و ماله امچان


بدال احرامه عنده ابكربله احرام
من الدم و الرمل و ارماد الاخيام💔
يذبــحونه ظلم ابإسم الاسلام
و خواته تنسبي للكوفه و الشام



و بأطوار أخرى للنعي:
1يگلها سولفي-شيخ الحسناوي
2يا ضي عيني-شيخ الحسناوي
3إجيتك يا بعد روحي-شيخ الحسناوي
4لحن فارسي؛همه بار سفر بستند
5فارسي؛گلی گم کرده ام میجویم او را
6نعي الزريجي ما يسمى (طور المقتل) او طور الشيخ عبدالزهراء الكعبي (جابه ومدده مابين أخوته)
7 صاحت صوت ا يا فقد الاحباب-شيخ جاسم الدمستاني
https://youtu.be/AyWwEUpcY7w
8يبعد اعيون زينب شنهي تردين-الشيخ الحسناوي
9يعيد شلون تجبل دون الاحباب
https://youtu.be/JES6YHS9uRc
10مذابيح - الشيخ علي الجفيري
https://youtu.be/jKA6p7cFi-I
11 بصوت ملا نقيب الكربلائي
https://youtu.be/PdZ0goZVkX8
12هاي آنه رقيه
https://youtu.be/N6bkzJ9wAV8
أو بأكثر من 10 ألحان أخرى للنعي...
==
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
فزاعية عراقية لخروج الامام الحسين ع من مكة
او شور بطور (توجع طگة المسمار)
او طور (محمد ما دريت اشصار)
او طور (يا بو اعمامة الخضره)
او طور (ننخى أهل البقيع)
https://youtu.be/C-BlgUfJsgA
او طور (محد غسله و شاله)

🏴بدأنا بنشر *(تجهيزات محرم وصفر بالترتيب)* من القصائد والنواعي ولسائر الأفراح والأحزان المقبله #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg

يا حجاج ودعوا احسين ...للطف ماشي ابأهله


ندبوا بوعلي المــظلوم ...للطف ماشي ابأهله
وسفه طالع ابهل اليوم ...للطف ماشي ابأهله
و اعليـه الأجل ايحـوم ...للطف ماشي ابأهله
للمــوت انتــقل رحـله


حَجه ما كِمَل يـا حيـف ...للطف ماشي ابأهله
يمشي ويگصِده چم سيف ...للطف ماشي ابأهله
يا ريت الجره بس طيف ...للطف ماشي ابأهله
و أصــوات النعــي تعله


رايــح والــدمع بالعــين ...للطف ماشي ابأهله
و ايدير النظر صوبــين ...للطف ماشي ابأهله
همه يحفظ النه الــدين ...للطف ماشي ابأهله
و أعــدائه نوت قتــله


سعيه يصبح ابعاشـور ...للطف ماشي ابأهله
و ايطوف اعله چم منحور ...للطف ماشي ابأهله
و اخته تنظره مــطبـور ...للطف ماشي ابأهله
صــعبه لا تــظن سهله


تــلبيــته عــلى الارمــاح ...للطف ماشي ابأهله
و احرامه دمه الاجــراح ...للطف ماشي ابأهله
شيســـوي ابهَله الذبــاح ...للطف ماشي ابأهله
هالهـم مو سهل حمله
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

طور فزاعية يا حجاج ودعوا احسين

⬛️◾️▪️⚫️﷽⚫️▪️◾️⬛️
لخروج الامام الحسين ع من مكه
طور النعي(ياللي اعله النهر نايم)
https://youtu.be/R2ItVmb8yJg

🏴 القصائد والنواعي المكتوبه *(لمحرم وصفر)* ولسائر الأفراح والأحزان المقبله #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg

يالماشي ابطريق الموت * نادى الناعي ابهل صوت
جــهــز للســفر تـابوت
[حجك بالطفوف * تنتظرك سيوف]


يالطالــع مـن الاحــرام * انـــتَ كعــبة الاسـلام
تنــوي قتــلك الظِـــلام
[حجك بالطفوف * تنتظرك سيوف]


الله ايساعِدك يحســيـن * طالــع و الدمع بالعــين
همك تحفظ النه الدين
[حجك بالطفوف * تنتظرك سيوف]


بـــالله جهـز الاچــفـان * خـوفي تبــقى عالتربان
امگــطع وصــل عريــان
[حجك بالطفوف * تنتظرك سيوف]


لــو دارت رحـى الأيــام * تتهــشــم الك اعــظام
بعدك بت علي تنضام
[حجك بالطفوف * تنتظرك سيوف]


لتــأمن الى الأرجـاس * تــالي ينـطــبر عبــاس
و اتشوفه گطيع الراس
[حجك بالطفوف * تنتظرك سيوف]


باقي بس شهر و اتطيح * و ابشيبك تطوف الريح
و اختك تنظرك و اتصيح
[حجك بالطفوف * تنتظرك سيوف]
===
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ـــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
فزاعيه لخروج الامام الحسين ع من المكة
طور (وين رايح يا ولينه) 👇
https://youtu.be/odTYGO2ekBY
وتقرأ بأطوار النزلة والشور و... او كنعي ، وغيره

🏴(بدأنا بنشر تجهيزات محرم) والنواعي والقصائد والهوسات المكتوبه لسائر الأحزان والأفراح #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg

شيــلوا رحل الفاطــمــيه ...رايحين الغاضريه


عوفوا مــكــه يا أُخـوتي ...رايحين الغاضريه
بس شهر باقي اعله موتي ...رايحين الغاضريه
و ادعي كل مــره ابقنوتي ...رايحين الغاضريه
لا يــضــربــوهــا رقــيــه


و الزمــن حــاكـم ظروفه ...رايحين الغاضريه
الســعـي و الحــج نعــوفه ...رايحين الغاضريه
بـيــت الله مـــا نطــوفه ...رايحين الغاضريه
كلــنــه نمــشــي للمـنــيه


و الـعــده رادوا اغتيالي ...رايحين الغاضريه
و ابـــغـربتــي مــا تبالي ...رايحين الغاضريه
و أدري تتــيــتــم عــيـالي ...رايحين الغاضريه
هــالــعــده اتحيــط بــيــه


قــولوا يالحره استــعـدي ...رايحين الغاضريه
العــده اتفتت لي چـبـدي ...رايحين الغاضريه
و الذبــح تاليــها وعـدي ...رايحين الغاضريه
تنــظــر الجثــتي رمــيـه


بلِغــوا أخـتي العـقــيــله ...رايحين الغاضريه
هالضــعــن لازم نشــيــله ...رايحين الغاضريه
و الــدمع خــلــها تســيله ...رايحين الغاضريه
من بــعــد عينــي سـبيـه
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
..

⬛️◾️▪️⚫️﷽⚫️▪️◾️⬛️
تجليبه فزاعية او مربعه ، لسان حال العقيلة ع عند خروج الامام الحسين ع من مكه
والاطوار مكتوبه نهاية القصيدة

🏴بدأنا بنشر *(تجهيزات محرم وصفر بالترتيب)* من القصائد والنواعي ولسائر الأفراح والأحزان المقبله #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg
▼
طلع مجبـور من بيـــت الله مـولانه
مسير المـــوت نمـشي اوياه خـلانه


نودع هالحـرم و ابكل گلـب حـسره
نروح اشلون للطـف و العــده كثـره
إذا ذبحوا هلي، شـيصير بـالـزهـــره
وأنه أشعر فاطمه ابهل رحله ويـانه


نـعوف الحج نســـير الكـربله لازم
و أبـو اليمـه على هذا الدرب عـازم
لأن المــوت وي هالـقــافله حـازم
وأخويه احسيـن ماله مـأمن اهـنانه


أمــر الله و وجــب اعلـيــنه انطيعه
صعب حـج هالسنه مكتوب توديعه
نقدم الروح ، بس الدين منبيعه
نـــريد ابــدم هــلي ، انثبــت أركانه


منـــاسكــنه نـــودعها ابـــدمع هالي
سعينــه ابكــربله بين الجثــث تالي
نظل نسوه ونطوف اشلون عالوالي
نشوفه منذبح ، و اتــدوسه عدوانه


مشينه وگلبي ظل يغلي عالاخواني
وأنه أدري ابهل مسير اتزيد أحزاني
و أحس إسم السبيه ايصير عنواني
و أظل ابفگد أخوتي اشلون حيرانه
==
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــ
الطور؛ بجميع أطوار (وزن التجليبة) مثل
1 المربوعه
2 الفزاعيه
3 النزله
4 طور كربلائي(تون ام البنين ابفرقة الوالي)
https://youtu.be/tQd4WuB7cRo
5 جفوف الموت-ملا فلاح الغانم
https://youtu.be/X0bXBn6q_1A
6 عليله وعلتي فرقاك - ملا فلاح الغانم
https://youtu.be/qVfm0d8Qs_w
7 غريب الدار مسلم
https://youtu.be/zVkxPAqjhW0
8 اجه المختار
https://youtu.be/nueDkymuVYo

وتقرأ بألحان (رجاليه ونسائيه)
و باطوار النعي (خليني اسولف خويه خليني)
👇الشيخ الحسناوي
https://youtu.be/i8dTjfZpwpM
👇طور النعي الثاني ملا عبد الستار الطويل
https://youtu.be/huY9GnIXCp8
.
.
.
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب

تلحين قصيدة طلع مجبور
ملا عيسى الخسرجي

⬛️◾️▪️⚫️﷽⚫️▪️◾️⬛️
*لخروج الإمام الحسين ع من مكة*
الاطوار مكتوبه نهاية القصيدة

🏴 القصائد والنواعي المكتوبه *(لمحرم وصفر)* ولسائر الأفراح والأحزان المقبله #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg
▼
لبيكَ يا ربَ الحرم
للطف أروح أسگيها دم


نمشي على اجناح الملك
تبچي دمه اعلينه الفلك
و ابهل درب نتوسلك
إقبل سعينه ابكل قدم


بأمرك أروح الكربله
و آخذ معاي العايله
ما تسلم أدري القافله
يكفيني لو دينك سلم


يا رب أروح أفدي الگلب
و أهلي ضحايه عالتُرب
و أجساد بالدم تختضب
أهدي إلك أهل الشيم


رايح أنه ابدرب الأجل
و احضن سهام أهل الدجل
و الموت ابحلگي عسل
ذبحي إلك ماله ألم


هالسفره منها ما نرد
و اگبالي يذبل كل ورد
بين العده أبگى فرد
و السيف يوصل للعظم


جاسم و الأكبر و الطفل
إگبالي كلهم تنقتل
و الحره حگها تنذهل
شالچاره لو حرگوا الخيم


وسفه على شاطي النهر
يتلطخ ابدمه الگمر
يتركني مكسور الظهر
و انظر يمزقون العلم
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــ
☜الطور ؛
النعي ؛
1(يم الولد راح الولد-للشيخ الحسناوي)
2(لحظه يخويه انتظر-للشيخ الجفيري)
3(يا كربله و طر الفجر-للشيخ الحسناوي)
4 الحدي (من هجمت اخيول العده)
5 (يمدلله راح الدلال-الشيخ علي البيابي)
https://youtu.be/AKPNyYOSEP4
أو كلطمية ؛
1فزاعية
2نزلة
3(أويلاه يكربله-ملا منتظر الساعدي)
4(مولاتي يا أم البنين-للشيخ باقر الصبيحاوي)
5 (زيدي البواجي - ملا نقيب الكربلائي)
https://youtu.be/1Ascc6YoHm8
6 (حسين ذب اعمامته)
https://youtu.be/zH9BEsBHHcs
وغيره الكثير.

تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
*هتافات آخر المجلس لخروج الامام الحسين ع من مكة*
طور (هالله هالله حسين وينه)

🏴 القصائد والنواعي المكتوبه *(لمحرم وصفر)* ولسائر الأفراح والأحزان المقبله #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg
▼
هالله هالله الكعبه صاحت ، سافر الغالي ابظعونه


رايح احسين اويه أهله ، خوفي من دهري يخونه
هالله هالله الكعبه صاحت ، سافر الغالي ابظعونه

خوفي اتحوطه العساكر ، و العده ما يرحمونه
هالله هالله الكعبه صاحت ، سافر الغالي ابظعونه

و الرضيع ازغير بعده ، بالسهم لا يفطمونه
هالله هالله الكعبه صاحت ، سافر الغالي ابظعونه

أدعي للأكبر و أخافن ، عالكماله يحسدونه
هالله هالله الكعبه صاحت ، سافر الغالي ابظعونه

رمله لتجيب الها حنه ، چفها بالدم يخضبونه
هالله هالله الكعبه صاحت ، سافر الغالي ابظعونه

يا عرس وسط المعاره ، بالنبل يستقبلونه
هالله هالله الكعبه صاحت ، سافر الغالي ابظعونه

و الگمر من يخسفونه ، عالفرات ايوذرونه
هالله هالله الكعبه صاحت ، سافر الغالي ابظعونه

اصبر اتأنه اعله مهلك ، خوفي راسك يرفعونه
هالله هالله الكعبه صاحت ، سافر الغالي ابظعونه

من بعد ما يذبحونك ، خنصرك لا يفصلونه
هالله هالله الكعبه صاحت ، سافر الغالي ابظعونه

اختك المهيوبه تالي ، كل خيمها يحرگونه
هالله هالله الكعبه صاحت ، سافر الغالي ابظعونه

عالرمح راس أبوفاضل ، عالإخت تبچي عيونه
هالله هالله الكعبه صاحت ، سافر الغالي ابظعونه
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
لسان حال السيدة رقيه ع مع الإمام الحسين ع حين الخروج من مكة
طور (امن المخيم زينب اتقول اطلعت - ملا محمد بوجباره)
https://youtu.be/6CuosBiflio

🏴(بدأنا بنشر تجهيزات محرم) والنواعي والقصائد والهوسات المكتوبه لسائر الأحزان والأفراح #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg

خوفي من هالطلعه و أشعر بكتِئاب
گلبي گارصني مثل گلب الرباب

آه يا بويه ، آه يا بويه ، آه يا بويه


بويه أنشدك و ابدليلي چم سؤال
ما كِمَل حجك شنو اتشد الرحال
ليش ابگلبي أحس ثگل الجبال
ليش أشعر هالسفر شايل قتال

گلي الأكبر يبگى سالم والشباب؟
گلبي گارصني مثل گلب الرباب

آه يا بويه ، آه يا بويه ، آه يا بويه


عايف الإحرام و تمشي و بيه خوف
بالله ريحني صدگ نرجع نطوف؟
لو طوافك يصبح ابأرض الطفوف
گلي اشتحمل لنا هاي الظروف

چم جروح و چم قتيل و چم مصاب؟
گلبي گارصني مثل گلب الرباب

آه يا بويه ، آه يا بويه ، آه يا بويه


گلي هم نسعى و نلبي اويه الحجيج
هم بعد نعبر مِنى بين الضجيج؟
لو أراضي الدنيا اعلينه تضيج
و الزمن و الناس بالشر لا تهيج

يعني نعطش ما نلاگي الا السراب؟
گلبي گارصني مثل گلب الرباب

آه يا بويه ، آه يا بويه ، آه يا بويه


آنه و أم عبد الله خفنه عالرضيع
و ابمسيرك لا نصد راسه گطيع
جثِته بين الجثث خفنه تضيع
و انت يا بويه على الغبره صريع

يعني راسه ينگطع انطر جواب
گلبي گارصني مثل گلب الرباب

آه يا بويه ، آه يا بويه ، آه يا بويه


بويه طمنه شنو ابهذا المسير
من بعد هالطلعه ننطر يا مصير
يعني أنصارك إذا ماتوا نحير
هم يضربونه و ندور عالنصير

يعني أعدائك يذوگونه العذاب
گلبي گارصني مثل گلب الرباب

آه يا بويه ، آه يا بويه ، آه يا بويه


لو في بيت الله منگدر نستريح
وين نگصد ، كلها دمنه تستبيح
عيني عالچف الگمر خوفي تطيح
يعني هم بعده الشمر بينه يصيح

و الحبل بيدينه يلتف للرقاب
گلبي گارصني مثل گلب الرباب

آه يا بويه ، آه يا بويه ، آه يا بويه
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
*فزاعية لخروج الإمام ع من مكة*

طور(انچان هاي اقبور اهلنه نزلونه) وبأطوار النزلة و الشور و... غيره

🏴(بدأنا بنشر تجهيزات محرم) والنواعي والقصائد والهوسات المكتوبه لسائر الأحزان والأفراح #في_الرابط  👇🏻 تابعونا
https://tttttt.me/joinchat/AAAAAD8_rhRMz0RN2ZsQJg

حــجـِــتك ما كملتها ... يا ولينه


عايف المكه اويه أهلك ... يا ولينه
لحظه اتأنه اعله مهلك ... يا ولينه
وين ناوي ايروح رحلك ... يا ولينه
لا تروح و تغدرك اهل الضغينه


حجتك بالغاضريه ... يا ولينه
روحتك ما الها جيه ... يا ولينه
هبت ارياح المنيه ... يا ولينه
و انحفر گبرك بعد مترد الينه


يا من الدمعه اعله خدك ... يا ولينه
تحزن الكعبه اعله فگدك ... يا ولينه
و الصفا اتنوح بعدك ... يا ولينه
و البچي و الهم تره مجبل علينه


وين اتروح و تسافر ... يا ولينه
خاليه تبگى المشاعر ... يا ولينه
(مشاعر الحج)
تبچي اعليك النواظر ... يا ولينه
و انت كعبتنه الرحت من بين ايدينه


آه يا سبط الرساله ... يا ولينه
خوفي من أهل الجهاله ... يا ولينه
يغدروك ابكل نذاله ... يا ولينه
من بعد ذبحك يسلبون الظعينه
=
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

‏لبيك يا رب الحرم

ملا أمجد