#عبدالله_الرضيع
جديد محرم ١٤٤٢ هجريه قصيده بعنوان (مهد خالي) زنجيل ثلاثي
ــــــــــــــــــــــــــــــــ
يعبد الله انجرح گلبي وعيني عالدرب اربيه
جرت عيني على فراگك يوليدي انتبه ليه


يعبدالله المهد خالي ومنك خابت امالي
ما اگدر اگولن مات رسمك باقي ابالي
اريدن شوفتك يبني عگبك بالهظم حالي
اذكر من اجه المظلوم صاح وماتت ايديه

▪️▪️▪️▪️▪️▪️▪️▪️▪️▪️▪️▪️
يوليدي يعبدالله حسبت حسابك هوايه
ربيتك واريدنك توگف يبني ويايه
ما ادري الزمن غدار ومدري منين اجت هايه
ما چانت على بالي تروح وما ترد ليه

▪️▪️▪️▪️▪️▪️▪️▪️▪️▪️▪️▪️
زغير وما عشت دنياك صابك حرمله وسفه
من شالك ابوك حسين عبالي تشرب بجفه
ما جانت ابد عالبال بجف النايبه تغفه
وترد مذبوح يوليدي وانوح اعليك ليليه

▪️▪️▪️▪️▪️▪️▪️▪️▪️▪️▪️▪️
يست شهور يايمه وذبلت وردة اسنينك
حسبت حساب يوليدي تضمني باجر ايمينك
حسافه اعله شربة ماي تغفه يالولد عينك
يعبدالله الدهر خوان وجمراته توج بيه

▪️▪️▪️▪️▪️▪️▪️▪️▪️▪️▪️▪️
ييمه ارجع لمهدك يشمعة عمري وسنيني
مصابك مرد الدلال وفگدك جمره تجويني
نجوم البالسمه يمه ونتلك على ونيني
الدللول يايمه نوح وآه والحسرات مخفيه

▪️▪️▪️▪️▪️▪️▪️▪️▪️▪️▪️▪️
يسالوفة حلم وردي واتبده مايه بالطف
فگدك هل شعب گلبي ودمعي اعليك ابد ماجف
اخلي مهدك اگبالي واصفگ يمه بجف بجف
بيتي وانهدم بالطف وتالي امشي مسبيه


تمت بعون الله تعالى
خادمة الزهراء / ليلى زغيب
حسينييون ما حيينا



الشاعره ليلى زغيب
اين الطالب بذحول الانبياء وابناء الانبياء
https://tttttt.me/Doumooalanin

*[ البسمار والحافر ]*

أداء: الملا #مصطفى_السوداني
كلمات: الشاعر #عبدالله_الشويلي

https://youtu.be/kVexqZW40R4

مجالس شهر جمادى اﻷول لسنة 1442 - 2020 م
ليالي إستشهاد موﻻتنا أم اﻷئمة اﻷبرار الصديقة الطاهرة البتول الزهراء فاطمة صلوات الله عليها وآلها
الليالي الفاطمية الثانية
عزاء هيئة قطرات الجود - العراق - واسط

مونتاج: السيد كاظم الموسوي
مكساج: حسن يونس
مخطوطة: مؤمل الرميثي
تنفيذ: وارث للانتاج الحسيني
النشر الشبكي: علاء بركات العاملي