( إستشهاد الإمام محمد الجواد ع )

وارث الطف بالجرح
مرمي بحظان السطح
ميت بلا دفن باقي ثلث تيام

ا~~~~~ا ١

شلون اشرح حالته.. طف مصغر قصته
مارد السم چبدته.. صايم وبالسم فطر
منين ابدي بيا ألم.. چبده ذكرني بسهم
الگلب ابو اليمه ثلم .. وطلع من صوب الظهر

تصور وياي الأمر
چثّته بشمس الظهر
الجواد بهذا وضعه عالسطح نام
ميت بلا دفن باقي ثلث تيام

ا~~~~~ا ٢

وبوقت حان الأجل.. بغربه ما يمه أهل
بساعة الموت انشغل.. يبچي عالطف من دمه
عاف موته وغربته.. وعالسبط هل دمعته
بالمصيبه تعنته.. وياه تبچي فاطمه

عالحسين يهل دمع
وهيه تلطم عالظلع
هشم صدر حسين كاسر ظهر الإسلام
ميت بلا دفن باقي ثلث تيام

ا~~~~~ا ٣

للاجل جسمه ارتعش.. مفطر شفافه العطش
چفن ماكو ولا نعش.. محد محظر إله
مات ما يمه محب.. ياهو گطرله العذب
ابو الهادي ينتحب.. مو لروحه لكربله

العاشر گباله نرسم
شلون عبدالله نفطم
الطفل كون تفطمه ورده مو بالسهام
ميت بلا دفن باقي ثلث تيام

ا~~~~~ا ٤

يشبه لجده الحسن.. بالمصايب والمحن
جعده رجعت كل زمن.. سمته ام الفضل
بكل زمان تكررت.. گلوب طه تمرمرت
عاده الهم أصبحت.. الشهاده والقتل

وبالجواد تجمعن
يشبه حسين وحسن
أفطر بكأس المنيه بعد ما صام
ميت بلا دفن باقي ثلث تيام

ا~~~~~ا ٥

لكن يهون الجرح..مات بس ما منذبح
راسه ما شاله الرمح.. ويوگع بظرب الحجر
مات مايمه اخت.. تشوف راسه بالطشت
آه يا زينب صحت.. وشكثر شافت قهر

بنيه ما عنده تون
ودمها يجري من الإذن
حسين كل مدللالته طبن الشام
ميت بلا دفن باقي ثلث تيام

الشاعر #مصطفى_الشافعي

موشح


گـوم شـيـل الـرايـه ياموعـودهـه
وركب اچـفـوف الـگمـر لزنـودهـه
*------------------------*-------------------------*

عـمـك الـعبـاس طـاحـت رايـتـه
يـابو صالـح والعمـد شگ هامتـه
أدري تاذيـك امن أسـولف حالتـه

هـاي تـلگـه اعله الشـريـعه اشهودهه
*---------------------*-------------------------*

هـذا عـمـك هـاذ سبـع الگنطره
مثـل يـومه لا وحـقـك ماجـره
أخـذ ثـاره وبـالنصر سـر ناضره

خلـي حـمـلاتك يسـولف زودهه
*---------------------*---------------'----------*

انـضـر الـحـال الكـفيـل بـکربله
ضـل ثـلـث تـيـام محـد غسله
الحيد ينـتضـرك يراعي لمرجله

ثـور لأجله أعلـه الكـفـر وجنودهه
*-----------------------*--------------------------*

صـول وأخـذ الـثـار يامهدينـه
وأبـو فـاضـل گوم ضمّـد عينه
ننـتضـر يـوم النصـر تـدرينـه

أمـحي كـل اهـل الظـم ووجودهه
*-----------------------*-------------------------*

شـيـل جـود الـكـافـل ورد مـايـه
تـدري راعي الجود منطي احچايه
وفّـي عـنـه الـديـن انـتـه بـهـايـه

والـحرايـر مـاي روي اچـبـودهـه
*-----------------------*--------------------------*

شـلـون صـابر والچفـوف مگطعه
وأنت تـدري الـصـار يـم المشرعه
ما أخـبـرك عـن گـمـرنه ومصـرعه

الـغيبـه طالـت ما كسرت اقيـودهه
*----------------------*------------------------------*

✍بقلم خادم الحسين ع
الشاعر رعد الجريخي

على طريقة التراث الاصيل

حميده بنت مسلم ع

لحن (روحي مشتاگه وبعيد الدرب)


عيني... تنزف دمه وخدي انفطر
عيني... يابويه بغيابك نهر
عيني... سيل العتب بيها انفجر
عيني
*
ظيعتني ابغيبتك يابويه وينك
حن عليه ما تجيني
تاهت افكاري وتاني يمته ترجع
روحي تسعر من ونيني
عودتني من اشوفك كل مسيه
قبلتني بنص جبيني
وغفه يمك وبحنانك فرحه عمري
هسه وحدي او تبچي عيني

وحدي... والذكره تفتحلي جرح
وحدي... اطوي سنيني لو يصح
وحدي... ومنعها لو رادت سهر
عيني
*

الطفله لو هاجر ابوها او ما اجاها
يبدي همها اوماكو فرحه
بس حزن يلتم عليها اوبيها يكبر
وبگلبها يبني صرحه
حته ليلي امن النوايب ياحبيبي
ابهل مناحه صرت اجرحه
أنظر اعيون الكواكب بيها دمعه
مثلي صارت ما تمسحه

ونه...ما تنخمد يلي ارحلت
ونه...ويه الدمع اسمع صرت
ونه... اومن ونتي تنزف حمر
عيني
*

لو صدگ گتلي يبويه ماكو رجعه
عيني اخذها فز حلمها
بويه خليها اعله چفك خلها تشعر
مو وحيده انته يمها
خلها تنظرلك يغالي وبنظرتك
بلكي عيني تنسه همها
اومن تسد چفك يبويه ادري تغفه
ودري يخمد كل المها

خلها.... يابويه بيدك ما تفز
خلها.... وبچفك انحل اللغز
خلها.... رفظت تعيش اويه القهر
عيني
*
كلشي بيدك سلمت عمري اوحياتي
والاماني كلشي بمرك
روحي لو رايد بعد وياك اخذها
لا تردها شنوه عذرك
بيها شديت النفس لمن تقبلك
خلها تشتم بويه عطرك
لو تگلي ياحميده باچر ارجع
حته اتاني يزهي بدرك

بدرك... يمحي اليالي المظلمه
بدرك... يزهي اويشع بين السمه
بدرك... تظحك يبويه اويه السحر
عيني
*
ادري بالكوفه تظل وحدك يغالي
كلها ضدك ماكو ناصر
چني قبل الفاجعه شفتك تنازع
ضامي گلبك ونته حاير
وادم الماعدها رحمه اشترجه منها
من تحيطك هل عساكر
وانا من فوگ القصر شفتك يبويه
انحز وريدك ونته صابر

شفتك... لمن طحت من القصر
شفتك... ما امتلك غير الصبر
شفتك... لحد يلوم ابهل قدر
عيني

**

الشاعر اياد الديراوي

حبيبة الحسين رقيه ع


يـا بـويـة شـفـتك بـالـحلـم انه رقيـه
حنيت ابوسك والطشت جابـوه اليـه

حاچيني شلي بدنيتي راحه اعلة راسك موتتي
---------------------------------------------

حلمـك رسمتـه بناظري وضي النظـر ما عافه
يالوجهك ينگط ضوه ويسحر جمال اوصافـه
خـوفي ابوسه وينلـچـم ثغرك فطر بشفافـــه
راسك يبويه المنگطع يموت بحسرته الشافـه

متخضب بسيل الدمه وتگطر رگبته
ومتـغيـر هـواي الـوجـه گـوه عرفتـه

الـمـن اضـل بـحسـرتـي
-----------------------------------------
ياللونك بـلـون السمه متحيره صرت بلـونك
احـمـر اصـدن للوجـه وهو ابياض سنـــونك
وعـيـونك التسحر گبل ما چنهه ذيج عيونك
يالجنت يوسف ناظري شلي بحياتي بـدونـك

انظر جبهتك يالولي ينـزف جـرحـهـه
منگعه شيبك بالدمه ومحد مسحهــه

شـلـون اوصـف حـالـتي
-------------------------------------------
جيـتك يـبـويه بحسـرتي وجفني التهل دموعه
ولْگيتك بلايه جسـد وعـالـراس اصـد ّابلـوعـه
گالولي جسمه بكربله وصدره انطحن وضلوعه
خليني اموتن بالحزن المن اضـل مـفـجـوعـه

بزهـرة حيـاتي اتيتمت دمـعي تجـاره
جاوبني فـدوه لبسمتك وانطق عباره

غـرگـت جـفوني بـدمـعتي
-------------------------------------------
مـغـمـضـه عينك يالترف ومـا تصد عينك لـيـه
يـشـرحـلـك لْسان الـدمـع انه العـزيـزه ارْقـيـــه
ظالم اجـانـي بطيحتك جـرنـي وسلب ترجيـه
وجـروح الاسـيـاط بحقد تـركـن اثـرهن بـيــــه

حسبالي سالم واگعدت اصرخ اريده
تاليهه راسك بالطشت حزنـي يـزيده

طفـلـه وبـقيت بلـوعـتي
-------------------------------------------
بحضنك اغفــــه مُنيتـــي بعد الحلم حسبالــي
بـيدك تـنـشـف دمـعتــي هـذا الـرسمتــــه ابالـي
باليقضه جـابولي طشت گالولي شـوفـي الغالي
فـوك السيـاط ولـوعـتـــي حـالك جـرح دلالـــي

الشيبه مصبوغه بدمه وحمره شـفتـهـه
واحلامي كلـــهه بغيبتك شـو غيّبتـــهـه

شـفـت العـذاب بنـظـرتي
-----------------------------------------
خـلـينـي اموت بفركتك المثلي بعد اشـعـدهـه
يـاهيّـه بسنين الــــورد شـافـت ذبــح والـدهـه
ادموعي وجروح المتن حسبالي بويه اتصدهه
تفتحلي عينك والگلب ما جنت اضـن اتسدهـه

وداعت الله يالنمت نومــــه طويلــــه
ما ارضى تتركني واضل مثل العلـيـله

ويـاك امـوتـن غـايـتي
-------------------------------------------
✍بقلم خادم الحسين ع
الشاعر رعد الجريخي

بِسْمِ اللهِ الرَّحْمَنِ الرَّحِيمِ

[ ما أستاهل ]

وَحَكَ كل سهم يا مولاي بِاسهامَك
ما أستاهل اَخْدِم خَدَم خِدَّامَك

_

شْكبرها بْمجلسك مِن اِنْحِسِب كنّاس
رَافع راسي عالي وْجسمك بْلا راس
حْجارة وْخِدْمِتَك سوّت لكَلبي احساس
يتيمك وانته أدره النّاس بايتَامَك

_

رِدِت نظرة عْيونك ما ردت سُمْعَة
رِدِت تحركَني شمعة بْليلة الجُمْعَة
رِدِت عيني اعله عرش النّوح مِتْرَبْعَة
رِدِت ظهري تِحَزْمَه احزام بِحْزَامَك

_

يروح ام البنين وْمُهجَة الزّهرة
تِرِد روحي اِمْنَ اجيلك وادخِل الحضرة
مُهجتي وْخيمتّك بالنّار مستعرة
الكَلُب محروكَ لجلك يشبه اِخْيامَك

_

الخَدَم كلهم عشيرة وْإنته شيخ العام
المَلِك ويّه العَبِد يِتْمَنَّه الك خَدّام
شهرين العُمُر ما أحسب شْجم عام
مُحَرّم وي صَفَر كل عُمري بالآمَك

_

سبب توفيقي كلّه بْنَظْرِتَك مرهون
بيش تْوافي فضلك كلمة ال[ممنون]
عاقل يعني اذا بيك اصبحِت مجنون
حِلِم عاشت وَجِنْتي بْلَثْمَة اقْدَامَك

_

اِنْسِلَب ثوبك لجِل تسترني يا مولاي
اِنْصهَر جسمك ولكن فوكَي صرت افياي
عِطَش جبدك وْذلّيت بْضماك الماي
يكوثر شنهي قَدْرِ الماي كَِدَّامَك

___

الحجي يطول وْنهايّة كل قصيدة احتار
بْخيامَك عَزَّبِت .. ضيفتنه كَلت النّار
لجل أَحْيَه بْكرامة تْحَمّليت الصّار
مِتِت لكن بُقَه اِيغَذّيني الهَامَك



الحَمدُ لله والشكر والفضل والمنّة
[ هَذَا مِنْ فَضْلِ رَبِّي ]
بركات الكفيل سلام الله عليه
#أبو_فاضل_هوّه_المفتاح
#رزقهم_صلوات_الله_عليهم_أجمعين
حيدر الموسّوي

يَبِت الغالي صُبري وتاني وَفّاي
بعَد ساعه يجِينه وجَايب الماي
أنه ادري احشَاچ
جمُر لهَّاب
وعلى الشِفتين
يِبَس لِتراب
يَبِت الغالي صُبري وتاني وَفّاي


يَبِت الغالي أَنظر وَجهچ الغافي
مثل ورْد وتِفارَگ وي نَبع صافي
ذبلان وتِرَك ذيچ النضَاره البي
اختِلَف لُونه وصَفار الشَاله مو خافي
أصِد اعلِيچ
واعظ اچُفوف
واضُم عَيناي
أخاف اتشُوف
وادُورَن وجهي عن لا يفضَح ابچاي
يَبِت الغالي صُبري وتاني وَفّاي

كَفيلي الماشي رَاشِد بالله تَسديده
اعلى نهْر اليجري لو دَنگ يبُوس ايده
وِعَد بالماي يرجع من أجل عَيناچ
يعمَّه امجرَّب وصِدگَت موَاعيده
يَسِكنه اهنا
الشريعه اگرِيب
يرِد والروح
ابرَجِعته اتطيب
إرُفعي چف اديچ وادعِي ويَّاي
يَبِت الغالي صُبري وتاني وَفّاي

يعمَّه حسين اجَانه وهلَّت اطيُوفه
واجه العباس ويَّاه ، إمشي خَنشُوفه
دِگومي عمَّـه هذا الّي تِنطرِينه
انشِيل الجُربته عن لا تتعَب اچفوفه
بعَد شِنريد
يبَت حسين
الكفيل وماي
إجَن لِـثنين
الفرج عمّه اعلى چف الجَانه عنَّاي
يَبِت الغالي صُبري وتاني وَفّاي

مِشَن والخطوَه ترسُم عِـفَّه عِلويه
العِبي عِزه وفخَر والهَيبة بُوشيَّه
لِگَن لِحسين مَحني ومِنشِده بَاله
الوَجه يِمطر حزن واللحيَه مَدمِيه
ابوِنين اهناك
عَليهِن صاح
يَعلويـَّـات
الكِفلچَن راح
أجِرچَن عالجَليل بهالشِدد هاي
يَبِت الغالي صُبري وتاني وَفّاي
**
أشَد امصِيبة صارت لحظة المِيعاد
وعلى التِربان طاحَن والمرَار ازدَاد
بنات الزهره مكسور الگلب بيهِن
مثل يوم اُمهِن وكسْر الضلوع انعَاد
برِجيف الصوت
نِطَق الاحساس
يبو السجاد
دِگِـل عباس
العَذِب مَنريده إحنه انريدَه حمّاي
يَبِت الغالي صُبري وتاني وَفّاي

=============

لقمان لعيبي البدران

https://telegram.me/lukmanalbadran

بديَار المُصايب هالمسِـيه
شگِلتيله ابوِنينچ يارُقيه
من اشـبَگتي راسَه
الحافِر صَلف دَاسه
شگِلتيله ابوِنينچ يارُقيه

مدَلّلـه اهواي
حُب ابوچ الأكبر إنتي امدَلّلـه اهواي
برِقـّـة الماي
اچفوفـچ التَرفـه الطَريه برِقـة الماي
ازغِيره حَنينه السنين ابگَد صَلاة الله
خطوَه اويه خطوَه إبوچ ايگلّچ اسمَ الله
وكِل هذا انذِبح بالغاضريه
شگِلتيله ابوِنينچ يارُقيه

بغربَة الشام
بعَـد لـفرَاگ التقَـيتوا بغربَة الشام
برُوحچ آلام
اورِدتي تشكِين الإبوچ برُوحچ آلام
بصَدرچ بعَدها جدِيده الدَخنه مازَالت
عَينچ تحِرگچ ورَماد امن الحَرگ شَالت
ولاثَار الچَوي ابوَجهك بَقيه
شگِلتيله ابوِنينچ يارُقيه

جابَوا الراس
امغَطى والمَنديل أحمَر جابَوا الراس
وهَاج الاحساس
بگلبچ الغَض التِصَدّع هَاج الاحساس
نبضِچ تِسَارَع يطَـيبه اورِجفت اطرَافچ
وصَابه الذهُول القريب الحاضِر وشافچ
وحَط طير السِكون اعله البَريه
شگِلتيله ابوِنينچ يارُقيه

برَجفة اعيُون
شِفتي راس الغالي هذا برَجفة اعيُون
ذابِل اجفون
أثَـر للحافر ابگِـصته وذابِـل اجفون
امتَرّب يوَيلي ذِبيح وتِـنزف اودَاجه
ودمّه ابطَشتهم عَبيط وتِردِم امواجه
اونَگّط دمعچ ابطَشت الرِزيه
شگِلتيله ابوِنينچ يارُقيه
**
بشَهگه ودموع
مرَّت ايدِيچ بلِـحيته بشهگه ودموع
وماهُو مسموع
شگِلتي للراس ابونين الماهُو مسموع
اتحَرّك حَنينه وسِمعتي امن الثغـَر كِلمه
ونِمتي اعله خدَّه اوِّنينچ انجـَز الخَتمه
ويَّاه رِحتي للجَنه الزهيه
شگِلتيله ابوِنينچ يارُقيه

============

لقمان لعيبي البدران
1441

@lukmanalbadran

استقبال محرم

خلوني ابچي.،، ولا تلوموني.
ماشفتو شنهو،، الشافته عيوني
هاي انه زينب. هاي أنه زينب

مطرت الدنيه عطش وچم رمح اصبح نعش
وصدر الحسين نفرش. وگبالي ينداس
شمس مابيها ضوه. والهوه يدور هوه
من شفت ذاك الوه. يبچي اعله عباس
بدنيتي كلشي ذبل. الموت ماخله أهل
أنه لو صبري جبل.يتفطر احساس
طشت السبحه،، طشت ضعوني
خلوني ابچي،، ولا تلوموني

كلشي بعيوني انگلب،،.صارن خيامي حطب
طفل مات وماشرب،،. وتهنه باالماي
أمه مهده تصد اله.،، ترتبه وتعدله
الام گلبها مشكله،، من يحن هواي
وهاالمواقف موجعه؛؛ بيها گلبي اشگد نعه
چم عزيز يودعه،، وتشوفه عيناي
من ودعتهم؛؛ مايسمعوني
خلوني ابچي،، ولاتلوموني

سنه دارت عاالذبح،،وعاالجبين البي جرح
روس مرفوعه برمح،،ويلاه عاالاخوان
گربت ايام الهزل،،والسياط ويه الحبل
ياهلال المن تهل،،وتزيد الأحزان
أنه مهجة فاطمه،،دار اخوتي مظلمه
اجري الله يعظمه،،شهر الحزن حان
ماانسه اخوتي،،لحظه تدروني
خلوني ابچي،،ولاتلوموني

گمت اشم ريحت حرگ،،وگلبي بطل ما يدگ
هاالشهر بيه نفترگ. أنه ويه العزاز
گلبي ياناس انشلع،،ياهو من عدكم سمع
الرمح هوه الطلع،،بخواني جناز!!!!!
الراح مايرجع تره،،ولا ترده المگبره
بعطر أخوتي استشعره،،بس الگبر فاز
اتمنه يمهم.،،لو يدفنوني
خلوني ابچي،،ولاتلوموني

والله لو سهم النحر،،غمض عيوني وعبر
چان عبدالله كبر.،،يمشي على رجليه!!!!!
مهده ضل بكربله،،ياهو يمه يلولي آله
اه ينبلة حرمله،،گلبي كسرتيه
شذكر وشنسه أنه،،مرت عليه سنه
نايم بنوم الهنه،،عبدالله خليه
وامه تنادي،، بطفلي فجعوني
خلوني ابچي،، ولا تلوموني

#سعد العبودي
اهدي ثوابها الى روح والدتي



https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

في ثرى الطفِّ ابتلاءٌ كانا
أم دماءٌ حطمَت طُغيانا
ثورةٌ أم إمتحان ْ
أم كِلا الأمرَين كان
حَكِّم العقلَ ترى التِبيانا

ظمأُ الكبدِ وحرّ ُ النار ِ
إمتحانُ الصبر للأبرار ِ
عَملياً كانَ لا تَنظيرا
بامتيازٍ أحرَزوا التقديرا
فضَّلوا نزفَ الدماءْ
دونَ ذُلِّ الإرتواءْ
وإلى العَليا مَشوا رُكبانا

في ثرى الطفِّ أمورٌ عُظمى
ومَدى الثورةِ كان الأسمى
وحسينٌ بدم ٍ مِدرار ِ
خطَّ دربَ العزِّ للأحرارِ
وعلى أرضِ الطفوف ْ
غلبَ النَزفُ السيوف ْ
رافعَ الرأسِ مضى ما هَانا
**
واحدُ الدهرِ حسينٌ فيهِ
سرُّ قُدس ٍ ربهُ يُخفيهِ
في سبيلِ الله عُمراً أفنى
وغَدا عن كلِّ يوم ٍ قَرنا
وعلى مرِّ العصور ْ
حازَ في الكونِ الحُضورْ
وعلى عرشِ الفِدا سُلطانا

=============
لقمان لعيبي البدران
@lukmanalbadran

*[ غربة المدامع ]*

أداء: الملا #محمد_باقر_الخاقاني
كلمات: الشاعر #السيد_مرتضى_الياسري
الذاكر: كرار الجناحي

https://youtu.be/9pvTMV5lkqw

مجالس شهر شوال لسنة 1442 هـ - 2021 م
ليالي إستشهاد الإمام جعفر بن محمد الصادق صلوات الله عليه
رابطة خدام الإمام الحسن المجتبى عليه السلام - العراق - بغداد

مونتاج وتنفيذ: سجاد عباس العكيلي
مكساج: حسن المنصوري
مخطوطة: محمد الصادق
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَج

‏(مرَجَ) الرحمانُ بعزَّتِهِ
‏للعصمةِ أزْخَرَ (بحرينِ)

‏فالبحرُ الأولُ "حيدرةٌ"
‏والثاني "أمُّ السبطينِ"

‏"ذو الحجةِ" شعَّ إذِ التقيا
‏فَرِحاً بزواجِ النورينِ !

‏⁧ #زواج_النورين⁩
‏⁧ #اللهم_عجل_لوليك_الفرج⁩

شلون أهل المروه تنام والنسوان بالهيمه
.........

لا عدهن خيم لا زلم تحميهن
شردن بالصحاري ونار بعبيهن
لا كفال يمهن ينغر اعليهن

لا خوان عدهن لا بقت خيمه

شلون أهل المروه تنام والنسوان بالهيمه
.....

المحد شافهه ومحد محاجيهه
تركض شارده بالهيمه تاليهه
زينب ياخو زينب كوم حاميهه

ماظلت اخلافك للخدر قيمه

شلون أهل المروه تنام والنسوان بالهيمه
.....

ياحيل اليظل لليفكد اخوانه
زينب ع الركض مابيهه تعبانه
للخوان مو للماي عطشانه

عطش خوان بيهه وشحت الغيمه

شلون أهل المروه تنام والنسوان بالهيمه
......

زينب گامت تجر النفس گوه
جا بيهه السبي ياوادم شسوه
تبجي اعله الدلال وطيبة الخوه

راحت ويه اهلهه الخوه والشيمه

شلون أهل المروه تنام والنسوان بالهيمه
..........

كعبة بيت حيدر تصعد الهزله
فشله اعله الهواشم لو درو فشله
گالت كون ميته ولا جنت عدله

اخ من السبي ما ينحمل ضيمه

شلون أهل المروه تنام والنسوان بالهيمه
........

#الخادم موسى البطلي




https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

(ملمع)

صاحَ اللّئيم ُ بصَوت ْ
جهِّـز نبَال َ الموت ْ
دَع عنكَ هذا النومْ
وإقطَع نزاعَ القومُ
ياحرمله

صُوت امنِ الجَمِع سِمعَوا مِله الحُومه
فَحيح الأفعى يشبَه ينفِث اسمومه
عُمَـر هذا الزَنيم الواضحَه اعلومه
الرِمه أوّل سَهم والخِطـّه مرسومه
طمَعاً بمُلك ِ الرَي
قد كانَ هذا الغي
لن يُبقي منهَم حي
بالغدرِ هذا اليوم
إقطَع نزاعَ القوم

من گال الحُسين وطِفله باحظانه
يتلَاوه ابعطـش متغَـيِّره الوَانه
مثلِ الخِشبه صاير يابس السَانه
ومتحَجرَه لهَاته وروحه خَلصانه
يامن مُلِئـتُم غِـل
ما ذنبُ هذا الطفل
يُسقى كؤوسَ القتل
بالغدرِ هذا اليوم
إقطَع نزاعَ القوم

هَرَج بالجيش بان وصارت الحَاله
ناس تگول خلَّه ورحمُـوا باحوَاله
طفل عطشان ذاوِي وكل ذنب مَاله
وناس اتگول خَل نفجَع گلب آلَـه
بانَ اختلافُ الجَمع
صَخبٌ يغطّي السمع
لم ينجَلي بالرَدع
بالغدرِ هذا اليوم
إقطَع نزاعَ القوم

عُمَر نادَه ابن كاهِل بالعَجل گلَّـه
إگطع حَچي الگوم بشَفرة النَبله
استفسَر منَّه رِدْت حسين لو طفله
گله اترِك الابُو وهذا الطفل كِتله
مارِس فنونَ الضَرب
ضَع نبلةً في القلب
واحرِق فؤادَ الأب
بالغدرِ هذا اليوم
إقطَع نزاعَ القوم
**
لِـمْعَت عينه بالشر حرملـه وجَابه
قُوس الموت بيدَه وسدَّد انشَـابه
قِصَد جسم الطفل وَسْط الگلب صَابه
وچن سِمعُوه يصيح حسين يايَابه
قد كنتُ أشكُو الحَر
في القلب ماذا مَر
ماءٌ أتى أم جَمـر
بالغدرِ هذا اليوم
إقطَع نزاعَ القوم
---------------
لقمان لعيبي البدران

@lukmanalbadran

*[ من تموت وجاي عاشور ]*

أداء: الرادود #علاء_الغريباوي
كلمات: الشاعر #ميثاق_الحمداني

https://youtu.be/yEdYCgI0TEk

مجالس شهر ذي القعدة لسنة 1442 هـ - 2021 م
ليالي إستشهاد موﻻنا باب المراد الإمام أبي جعفر محمد بن علي الجواد صلوات الله عليه وآله
عزاء حسينية الشريفة بنت الحسن عليهم السلام - العراق - ذي قار - الشطرة

مونتاج: لؤي رحيم
مكساج: كرار الموالي
مخطوطة: حيدر الزمان
تنفيذ: الحائر للانتاج الحسيني
النشر الشبكي: علاء بركات العاملي

قصائد محرم

ياجرح بجروحك★… ★منة ياخذ روحك
هَـَْـُــذآ عــزرائيل واگــف حــايــر
القبض روحك خوية شو ما گادر
-------------------------------------
الوگع مـــِْن السمة للگاع
                       ما صاير مثل حالك
عزرائيل ظل محتار
                      يرجع مدري يدنالك
وذرة اهناك وذرة اهنا
                     هيج مطشرة اوصالك
خوية الذابحك يحسين
                  ليش مـــِْن الشعر شالك

حين شاهد راسك… مـــِْن جبينك باسك
وذرة وذرة مـــِْن الحوافر صاير
القبض روحك خوية شو ما گادر
-------------------------------------
مـــِْن داست عليك الخيل
                     وعيون النسة تنظرك
لگن حافر فرس مكسور
                     باقي نابت ابصدرك
واكو حافر بعد يحسين
                    مگبل طلع مـــِْن ظهرك
يحسين انتة اصل الخير
                    ليش الوادم اطشرك

شسوة بيك الحافر… ظلوع صدرك كاسر
ولــية  والينك  ومــامش  ناصر
القبض روحك خوية شو ما ڰادر
ــــــــــــ ــــــــــــ  ــــــــــــ
مثل ما تطحن الحبات
                    الرحة هيݘ حالك صار
ما كفة الذبح بالسيف
                     ذبحو گصتك بحجار
بعصي ورماح هدو ليك
                     اجوك منين ما تندار
كل هَـَْـُذآ واجو اردود
                   بحوافر تشبھ المنشار

اݘفوفك امگطعينهة… اثيابك امسلبينهة
ويلي خوية شسوة بيك الحافر
القبض روحك خوية شو ما گادر
ــــــــــــ ــــــــــــ ــــــــــــ
ماصارت ﮔبل يحسين
                  مطرت بالطفوف اسهام
كالقنفذ صرت والناس
                   عليكم  شادين احزام
بجسمك ماكو شي ينشاف
                     حتة ايرسمك الرسام
وادم ساگهة الشيطان
                 عاشت كل عمرهة اوهام

ياعزيز الزهرة… شفتك متفطرة
بصدرك الخيال گــالو عــاثر
القبض روحك خوية شو ماكادر
ــــــــــــ ــــــــــــ ــــــــــــ
البايگ محبسك جاليش
                     گاطع خنصرك وياه
بزواية الطف ادور اعليه
                    وگايدني النزف للأ ﺄه
جسمك فرهدو ونوب
                    كل حر الشمس فوگاه
عليك بجنحة عزرائيل
                     يڤيي والدمع وازاه

واگف أيڤييلك… ظل ينادي أدخيلك
اجروحك انترست رمل بالعاشر
القبض روحك خوية شو ماكادر
ــــــــــــ ــــــــــــ ــــــــــــ
رجع للباري ملك الموت
                 يبجي وحيل يتعذر
منين اقبضهة روح حسين
                 وجسمة عاري وموذر
مابيه كتر سالم ظال
                  لٱ جفين لٱ منحر
والرب قبض روح حسين
                ضامي وشربة الكوثر


قبض روحة الباري… والتراب الذاري
عالمصيبة  كلب اختك صابر
القبض روحك خوية شو ماكادر
ــــــــــــ ــــــــــــ ــــــــــــ
تمت
الْحٍمَدٍ للـّہ
✍كلمات الخادم… #حسين حمدان الدلفي
رزقهم سلام الله عليهم




https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

قصائد محرم
الامام الحسين ع يخاطب اخيه اباالفضل ع

أشرلي بݘفوفك… وعيوني أتشوفك… صدگني ماعوفك… يامهجة الروح

ولو مگطوعة ݘفينك
أشرلي بسهم عينك
بعدك حاير احسينك… أويلاأه
ــــــــــــ ــــــــــــ
جيتك اركض   والمخيم     عفتة خالي
ياابو فاضل   وانتة عندي   هواية غالي

أول مرة اشوفك طايح مخضب
تلوج امن السهم وصوابك مترب
عگبك ياابو فاضل ياعذب نشرب
شيبرد اصوابك انتة بعينك مصوب

حاجيني يالغالي… ماجانت أبالي… ياماي يحلالي…
وأكبالي مطروح

أنتهة المابيني وبينك
أشرلي بسهم عينك
بعدك حاير احسينك… أويلااه
ــــــــــــ ــــــــــــ
عوف كلشي   وخلي نرجع   يم أختنة
تدري  بيهة     عــالمــحنة    عودتنة

مامتعودة زينب وانتة مو يمهة
فكدك خوية تدري هواي يلجمهة
شحالك لْـۆ تشوف النار بخيمهة
بعدك والشمر بالسبي يشتمهة

اختك يضربوهة… ونوب يسبوهة… والغرب شافوهة
ويم راسك تنوح

أختك تسمع أونينك
أشرلي بسهم عينك
بعدك حاير احسينك…. اويلااه
ــــــــــــ ــــــــــــ
الخوة راحت  وانة هسة   بلاية ناصر
كلهة ضدي   وحاوطوني   بــالعساكر

بقيت الوحدي ادير العين وتلفت
اجتني الكوم بيه تريد تتشمت
لحدود المخيم خيلهم وصلت
على جسمي  يخوية فاتت وسحكت

يحتركن خيامي… كلشي يضل ضامي… ياخوية جدامي… يضل دمي مسفوح

راحت ضحكة اسنينك
أشرلي بسهم عينك
بعدك حاير احسينك… أويلااه
ــــــــــــ ــــــــــــ
الحيلة قلت    وانة اعاين    يمنة يسرة
هذا حالي      أستوحدوني  وهمة كثرة

أشاڰف والنزف ياخوية ماخذني
ناس بظهري ناس بصدري تطعني
حوافرخيلهم متحضرة تسحكني
عكبك ياابوفاضل ياهو يدركني

يتسلبن هدومي… يتغيرن ارسومي…  توصلك اعلومي… والراس  مذبوح

يالشايل علم دينك
أشرلي بسهم عينك
بعدك حاير احسينك… أويلااه
ــــــــــــ ــــــــــــ
راسي يصعد    وية راسك   برمح عالي
اني اسألك    وانتة جاوب   عن سؤالي

أول تالي زينب تمشي مسبية
يضربهة الشمر وتعاين اعلية
واني اعلة الرمح والشيبة مدمية
أول تالي غربة تشوف علوية

يتفرج الظالم… وتصيح الوادم… جبنة حرم هاشم...
هاي اصعب جروح

أمسح دمعة اجبينك
أشرلي بسهم عينك
بعدك حاير احسينك… أويلااه
ــــــــــــ ،،،،،،،،،،ــــــــــــ ــــــــــــ
تمت
الْحٍمَدٍ للـّہ
✍كلمات الخادم… #حسين حمدان الدلفي
رزق مولاي الحسين ع الغريب



https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

قصائد محرم
قصيدة ( خيمة الحسن) 

خيمة  للحسن بالطف نصبنة
ماموجود بس موجود أبنة
آلّقآسمٌ جُآن مٌوجُود… وهًوهً آلّهًآيِ مٌريِود
مٌآٍمٌوجـِودً بس موجود أبنة
ــــــــــــ ــــــــــــ .....
وصلنة الكربلة وحسين  حدد خيمة انصارة
وخيمة كافلي العباس  نصبهة حسين بكتارة
وبسم الحسن دگ خيمة خلاهة على ايسارة
القاسم مثل ابوه معروف مارد يوم  خطارة

أبنك يالحسن عامر مضيفة
بالطف خدر الكهوة اعلة كيفة
حيد وخلفة حيود… وهوة الهاي مريود
ماموجود بس موجود أبنة
ــــــــــــ ــــــــــــ .....
أول ما نصبنة اخيام شرع خيمتة القاسم
بهاي الخيمة ماحط باب خطار الحسن قادم
صاح الًيَوُمًِ اراوي الكوم اعزوبية بني هاشم
ماعازم ولا خطار على ذبح الزلم عازم

خل كل واحد يسولف تراثة
احنة بالكرم عدنة وراثة
ياهو اليدنة الحدود… وهوة الهاي. مريود
 ماموجود بس موجود أبنة
ــــــــــــ ــــــــــــ .....
لابس درع ابو والسيف لبسة هواي يحلالة
وبشسع النعل رايد يسحك روس خيالة
ريشة براسة فوك الطاس والبيرق على اشمالة
حط موكد ابو بالباب وخدر كهوة بدلالة

شرب فنجانهم ليث الكتيبة
رايد راس ابن جوشن يجيبة
صيدة اكبال صايود… وهوة الهاي مريود
ماموجود بس موجود أبنة
ــــــــــــ ــــــــــــ .....
طلع كبل الشمس للجيش صاحت حيهم السادة
هلة ابن البلحرب معروف لْـۆ طب حصتة القادة
خسف ظهر المهر جسام هوس هوستة ونادة
جدنة الحمزة جان ايصيد أسود وروس تتمادة

كبل لاينسحب سيفة عليهم
شاف اكلوبهم وكعت بديهم
شردت خيل وجنود… وهوة الهاي مريود
ماموجود بس موجود أبنة
ــــــــــــ ــــــــــــ .....
طلع من خيمتة العريس عاف العرس والحنة
كال ال عمة ابوي ايريد عرسي يصير بالجنة
ارخصني يبو السجاد خل الحومتي اتعنة
كض خيمة ابوه وكال فنة اليوصلج فنة

مدام اشتم هوة وسيفي بيميني
جحافل  جيشهم متطب عريني
ما ينجاس عامود… وهوة الهاي مريود
ماموجود بس موجود أبنة
ــــــــــــ ــــــــــــ .....
أنگطع شسع النعل ويريد يربط شسعة ويقاتل
موش بعينة كل الجيش بشسعة بيهم ايعامل
اتحاصر والعطش وازاه  لاكن هوة متفائل
طشرهم رماد بريح لمن صاح ابو فاضل

أنا أبن الحسن معروف عزمي
جدي المرتضى وعباس عمي
أهل الحرب والجود… وهوة الهاي مريود
ماموجود بس موجود أبنة
ــــــــــــ ــــــــــــ…..
تمت
الْحٍمَدٍ للـّہ
✍كَلَّمَـےـاتِـ الخادم… #حسين حمدان الدلفي




https://tttttt.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء